Upload
hazel-cordano
View
35
Download
2
Embed Size (px)
DESCRIPTION
nice
Citation preview
John Harvey F. Cordano
A. Hindiusmo
-Ang Hinduismo ang nananaig na relihiyonng subkontinenteng Indiano. Ang Hinduismo ay
kinabibilangan ng Shaivismo, Vaishnavismoat Śrauta at iba pa. Sa ibang mga pagsasanay at
pilosopiya, ang Hinduismo ay kinabiblangan ng isang malawak na spektrum ng mga batas at
preskripsiyonng mga "pang-araw araw na moralidad" batay sa karma, dharma, at iba pang mga
norm ng lipunan. Ang Hinduismo ay isang konglomerasyon ng natatanging mga pananaw na
intelektuwal o pilosopikal sa halip na isang hindi mababagong karaniwang hanay ng mga
paniniwala.
Ang Hinduismo ay nabuo sa mga iba ibang tradisyon at walang isang tagapagtatag. Kabilang sa
mga direktang ugat nito ang historikal na relihiyong Vediko ng Indiang Panahong Bakal at sa
gayon, ang Hinduismo ay kadalasang tinatawag na "pinakamatandang nabubuhay na
relihiyon"sa mundo.
Aum (Symbol)
B. Buddhismo
-Ang Budismo o Budhismo (Sanskrit: Buddha Dharma, nangangahulugang: "Ang Daan ng
Naliwanagan") ay isang relihiyon o pilosopiyana nakatuon sa mga aral ni Buddha
Śākyamuni (Siddhārtha Gautama), na marahil namuhay noong ika-5 siglo BCE.
Nakatuon ang Budismo sa mga aral ni Siddhartha Gautama o ang "Buda", na isang dakilang
mangangaral na nabuhay noong 563 BCE hanggang 483 BCE sa hilagang bahagi ng Indiya.
Ang Buddha ay nangangahulugang "ang isang naliwanagan" sa Sanskrit at Pāli. Ang Buddha
ay namuhay at nagturo sa silanganing bahagi ng subkontinenteng Indiyano sa pagitan ng ika-6
hanggang ika-4 siglo BCE. Siya ay kinikilala ng mga Budista na isang naliwanagan na
nagbahagi ng kanyang mga kabatiran upang tumulong sa mga may kamalayang nilalang na
wakasan ang pagdurusa (dukkha) sa pamamagitan ng pagtatanggal na kamangmangan
(avidyā) sa pamamamagitan ng pag-unawa at pagkita sa nakasalalay na pinagmulan
(pratītyasamutpāda) at pag-aalis ng pagnanasa (taṇhā), at kaya ay makakamit ang
pinakamataas na kaligayahan na nirvāņa
Dharma wheel (symbol)
C. Jainismo
-Ang Hainismo (mula sa Ingles na Jainism) o Jain Dharma (जै�न धर्म�) ay isa sa mga
matatandang relihiyon sa mundo na nagmula pa sa Antigong India. Ang nagtatag ng Hainismo
ay si Vardhamana na kilala bilang Mahāvirā (599-527 B.C.) na sa edad na 30 ay nagwaksi ng
kanyang pamilya at naging asetiko. Sa loob ng 12 taon, naging aktibo siya sa paghahanap ng
katotohanan at lubos na nakapagtamo ng kamulatan habang nagninilay-nilay. Itinuro niyang
ang lahat ng bagay sa daigdig, materyal man o hindi, ay may kaluluwa. Ang pagdadalisay ng
kaluluwa ang layunin ng eksistensiya, sapagkat ang dalisay na kaluluwa, minsang mapalaya
mula sa katawan, ay makapamumuyhay sa walang-hanggang kaluwalhatian at malaya
magpakailanman. Ang kadalisayan ay matatamo sa pamamagitan ng kaalaman at balanseng
buhay. Itinaguyod din ng relihiyong Jainismo ang sukdol na asetismo, pag-aayuno, yoga at iba
pang awsteridad para sa layuning pagninilay-nilay o meditasyon. May limang panata ang
sinusunod ng mga Hain:
1. Ahimsa (kawalang-karahasan)
2. Satya (katotohanan)
3. Asteya (katapatan)
4. Brahmacharya (kabirhenan)
5. Aparigraha (karalitaan)
Ang panata sa kawalang-karahasan (ahimsa) ay siyang tunay na obsesyon ng mga Hain.
Nagmamaskara sila para takpan ang bibig at ilong upang maiwasan ang di-kinukusang
paglanghap sa maliliit na insekto.
Swastika (symbol)
D. Judaismo
- Ang Hudaismo (Kastila: ju·da·ís·mo; Ebreo: יהדות, yahedut) ang kulturang pampananampalataya ng mga Hudyo. Isa ito sa mga kauna-unang naitalang
pananampalatayang monoteista at isa rin sa mga pinakalumang tradisyong pampananampalatayang sinusundan pa rin hanggang sa ngayon. Ang doktrina at kasaysayan ng Hudaismo ay ang pinakamalaking bahagi ng batayan ng ibang mga
pananampalatayang Abraamiko, kasama na ang Kristyanismo at Islam. Sa gayon, naging isang pangunahing pwersa ang Hudaismo sa pagsasahugis ng daigdig. Ang kanilang naging simbolo ay ang Bituin ni David; sa kasalukuyan ang kanilang simbolo ay ang isang aranyang may pitong
sanga, na tinatawag na menora.
E. Kristyanismo
- Ang Kristiyanismo ay isang relihiyong monoteista (naniniwala sa iisang Diyos lamang) na
nakabatay sa buhay at pinaniniwalaang mga katuruan niHesus na pinaniwalaan ng mga
Kristiyano na isang tagapagligtas at mesiyas ng Hudaismo. Ito ay ang
pinakamalaking relihiyon sa kasalukuyan sa buong daidig na may higit kumulang sa 2.1 bilyong
taong kasapi nito.
Ang Kristiyanismo sa simulang kasaysayan nito noong mga maagang siglo nito ay hindi isang
nagkakaisang kilusan ngunit binubuo ng mga pangkat na may mga magkakatunggaling
pananaw na gumagamit ng mga iba't ibang kasulatan. Ang kanon ng Bagong Tipan (na
tinatanggap ng marami ngunit hindi lahat ng Kristiyano sa ngayon) na nabuo lamang noong ika-
4 siglo CE ang kanon na pinagpasyahan ng isang pangkat ng Kristiyano. Sa karagdagan, ang
mga kasunduan sa teolohiya ay nabuo lamang sa mga Unang Pitong Konsehong
Ekumenikal na nagsimula lamang noong ika-4 siglo CE kung saan ang pangkat na nanalo sa
mga halalang ito ang naging ortodoksiya. Ang mga konsehong ito ay sinimulan ni Emperador
Constantino upang maabot ang isang pagkakaisa ng mga magkakatunggaling sektang
Kristiyano sa kanyang Imperyong Romano. Sa mga konsehong ito na kinondena ng
nanalong ortodoksiya ang kanilang mga katunggaling sektang Kristiyano na natalo sa
mga halalang ito bilang mga eretiko. Ang ortodoksiya ang ginawang opisyal na relihiyon ng
Imperyo Romano ni Emperador Theodosius I at kanyang sinupil angibang mga sektang
Kristiyano gayundin ang mga relihiyong pagano na katunggali ng ortodoksiyang ito. Kalaunan,
ang ortodoksiya ay nagkabaha-bahagi sa iba't ibang mga pangkat dahil sa mga hindi
mapagkasunduang doktrina.
Cross (symbol)
F. Islam
- Islam (Arabiko: اإلسالم; al-islām), "pagsuko (sa kalooban ng Diyos)" ay isang pananampalatayang monoteismo at ang ikalawang pinakamalaking relihiyon sa mundo. Ito ay isang Abrahamikong relihiyon kasama ng Kristiyanismo at Hudaismo kaya't malapit na kamag-anak ng mga pananampalatayang ito. Naniniwala ang mga tagasunod ng Islam na kilala bilang mga Muslim.na ipinahayag ng Diyos (Allah sa Arabo) ang kanyang banal na
salita sa sangkatauhan sa pamamagitan ng maraming mga naunang mga propeta, at ni Muhammad na siyang huling propeta ng Islam.
Crescent (symbol)
G. Shintoismo
Ang Shinto o Shintō (神道) ay ang katutubong relihiyon ng Hapon at dating naging relihiyon ng estado. Ito ay kinapalolooban ng pagsamba sa Kami (神), o mga diyos. Ang ibang Kami ay lokal at maaaring ang mga espiritu o ang henyo ng isang partikular na lugar, ngunit ang iba ay nagpapakita ng mas malaking bagay na natural at proseso: halimbawa, Amaasaterasu-ōmikamiang diyosa ng araw, o ang Bundok Fuji. Ang Shinto ay isang sistemang may paniniwalang Animistiko. Ang salitang Shinto ay nagmula sa salitang Tsinong Shén Dào na ang kahulugan ay daan ng mga diyos: "神" (Shin) na ang kahulugan ay mga diyos at espiritu (kung babasahin ito nang mag-isa, ito ay binibigkas bilang "kami") at "道" (tō), na ang kahulugan ay isang paraang pilosopikal (tulad ng panulat ng mga Intsik na sa salitang Dào). Sa madaling salita, ang Shinto ay kadalasang sinasalalin bilang"Ang Paraan ng mga Diyos."
torii
H. ZoroastianismoAng Zoroastrianismo /ˌzɒroʊˈæstriənɪzəm/ na tinatawag ring Mazdaismo at Magianismo ay
isang relihiyong batay sa mga katuruan ng propetang si Zoroaster na kilala rin bilang Zarathustra sa Avestan. Ito ay dating isa sa pinakamalaking mga relihiyon. Ito ay malamang na itinatag noong mga panahong bago ang ika-6 siglo BCE sa silanganing
bahagi ng Dakilang Iran. Sa Zoroastrianismo, ang manlilikhang si Ahura Mazda ay buong mabuti at walang kasamaan na nagmumula sa kanya. Kaya sa Zoroastrianismo, ang
kabutihan at kasamaan ay may dalawang mga natatanging mga pinagmumulan na ang masama (druj) ay sumusubok na wasakin ang nilikha ni Mazda (asha) at ang mabuti ay
sumusubok na panatilihin ito. Bagaman si Ahura Maza ay hindi imanente sa daigdig, ang kanyang nilikha ay kinakatawan ng mga Amesha Spenta at malaking bilang ng ibang
mga Yazata na sa pamamagitan ng mga ito ay ang mga gawa ng diyos ay ebidente sa sangkatauhan at sa pamamagitan ng mga ito ay ang pagsamba kay Maza ay dinirekta. Ang
pinakamahalagang mga teksto ng relihiyong ito ang Avesta na ang malaking bahagi ay nawala at ang karamihan ay mga liturhiya lamang ang umiiral. Ang mga nawalang bahagi
nito ay tanging malalaman sa mga sanggunian at maikling mga sipi sa mga kalaunang akda mula ikasiyam at ikalabing isang siglo. Sa ilang anyo, ito ay nagsisilbi
bilang relihiyong pambansa o pang-estado ng malaking bahagi ng mga taong Iranian sa loob ng maraming mga siglo. Ang relihiyong ito ay naging kaunti nang angImperyong
Achaemenid ay sinakop ni Alexander the Great at pagkatapos ay gumuho at nagkahati hati. Ito ay kalaunang unti unting itinuring na mababa ng Islam mula ikapitong siglo CE at patuloy sa pagbagsak ng imperyong Sassanid. Ang kapangyarihang pampolitika ng pre-Islamikong
mga dinastiyang Iranian ay nagbigay sa Zoroastrianismo ng malaking prestihiyo sa mga sinaunang panahon at ang ilang mga nangungunang doktrina nito ay tinanggap sa ibang
mga sistemang relihiyoso. Tinatayang may mga 124,000 at 190,000 na mga Zoroastrian sa buong mundo
Faravahar