Click here to load reader
Upload
hahuong
View
369
Download
39
Embed Size (px)
Citation preview
Menaxhimi I rrugëve respiratore te neonati
1
Universiteti “Alkesander Moisiu” Durres
Fakulteti I Studimeve Profesionale
Departamenti Mjëksi
Dega Infermieri e Përgjithshme
Tema : Menaxhimi I rrugëve respiratore te neonati
Punoi:Selvi Mala
Pedagogu kujdestar :Emirjeta Kuniqi
Menaxhimi I rrugëve respiratore te neonati
2
Tema : Menaxhimi I rrugeve te frymarrjes tek neonati
Objektivat :
1.anatomia e rrugeve ajrore pediatrike
2.shenjat e distresit respirator
3.trajtimi I distresit respirator
4.pershkrimi I menaxhimit te rrugeve ajrore
5.avantazhet dhe disavantazhet e intubimeve
Menaxhimi I rrugëve respiratore te neonati
3
Tema pershkruan menaxhimin e rrugeve respiratore tek neonatet.
Ne fillimin pershkruhen rrugët respiratore nga ana anatomike.
Problemet e ndryshme ne rruget respiratore kerkoj nje vemendje dhe nje kujdes te vacant nga
ekipi mjeksor. Duke ditur qe bllokimi I tyre dhe mos funksionimi I aparatit te frymarrjes eshte
jete kercenues mendoj qe ka nevoje per studim te problemeve me frymarrjen.
Kujdesi infermieror eshte primar ne trajtimin e tyre.
Tema pershkruan faktoret qe ndikojn ne probleme me frymarrjen, shkaqet, shenjat
,simptomat,diagnozat infermierore dhe diagnozat diferenciale,ekzaminimet ,analizat
laboratorike,trajtimet.
Jane paraqitur gjithashtu dhe metaodat e trajtimit te aparatit respirator,siç janë: intubimi
orofaringeal, intubimi nazofaringeal,intubimi trakeal,trakeostomit,krikotiroidotomit,etj.
Avantazhet dhe disavantazhet e tyre.
Trajtimi medikamentoz per aparatin respirator.
Foto ,ilustrime per intubimet.
Fjalët kyçe : - Insuficenca respratore
- Oksigjenoterapi
- Aerozoloterapinë
- Ventilim spontan me presione pozitive
- Ventilim artificial
- Maskat për O2
- Kanjulat
- Dhomat hiperbarike
- Përqëndruesit e oksigjenit nga ajri i ambientit
- Balon me ambu
- Balon me oksigjen
- Intubim trakeal
- Intubim orofaringeal
- Intubim nasofaringeal
- Krikotiroidotomi
- trakeostomi
Menaxhimi I rrugëve respiratore te neonati
4
PERMBAJTJA Kapitulli I
Rruget anatomike respiratore 5
Vlerësimi në insuficiencën respiratore 7
Manipulimet që bëhen për insuficiencën respiratore 8
Veçoritë klinike të obstruksionit të rrugëve të sipërme ajrore 9
Shkaqet e obstruksionit të rrugëve të sipërme ajrore 10
Shenjat emergjente 10
Kapitulli 2
Vlerësimi I shenjave emergjente dhe prioritare tek femijet 12
Fëmija që paraqitet me probleme në rrugët e
frymëmarrjes apo frymëmarrje të vështirësuar 14
A B C
Menaxhimi i fëmijëve me asfiksion perinatal 15
Kapitulli 3
Metodat e menaxhimit te frymarrjes 17
Respiracion gojë më gojë 17
Respiracioni goje me hunde 17
Kanjulimi orofaringeal 18
Intubimi trakeal dhe menaxhimi i rrugëve ajrore 21
Cilat janë indikacionet për intubim trakeal 25
Trakeotomia 26
Aspirimi i sekrecioneve bronkiale 29
Referencat 30
Menaxhimi I rrugëve respiratore te neonati
5
Kapitulli 1
Rrugët anatomike respiratore
Për të trajtuar sa më mirë rrugët e frymëmarjes duhet të njihet mirë anatomia e tyre. Nga
brenda, rrugët e frymëmarjes janë të përbëra nga shumë struktura dhe hapësira të
përcaktuara mirë.
Ato e kanë origjinën nga hunda dhe goja.
- Kaviteti nazal shtrihet nga vrimat e hundës deri tek koanet nazale prapa.
- Nazofaringsi shtrihet nga fundi i kavitetit nazal deri në nivelin e palatum mole (qiellzës
së butë)
- Kaviteti oral kufizohet nga përpara nga dhëmbët, sipër nga palatum durum et mole
(qiellza e fortë dhe e butë) dhe nga poshtë gjuha.
- Orofaringsi që komunikon me kavitetin oral dhe nazofaringsin shtrihet nga palatum
durum deri në majën e epiglotit. Orofaringsi vazhdon me laringofaringsin (hipofarings),
që shtrihet nga epiglotisi në buzën e sipërme të kartilagos krikoide (niveli i trupit
vertebral të C6)
- Laringsi shtrihet midis laringofaringsit dhe trakesë.
- Epiglotisi fleksibël, që del nga kocka hioide dhe baza e gjuhës, mbulon glotisin gjatë
gëlltitjes dhe mbron rrugët e frymëmarjes nga aspirimi. Gjatë laringoskopisë, epiglotisi
shërben si një shenjë e rëndësishme për gjetjen e laringsit dhe pozicionin e laringoskopit.
- Valekula është hapësira në bazën e gjuhës e formuar nga pas nga epiglotisi dhe nga
përpara nga muri i përparmë faringeal.
- Hapësira laringeale është hyrja e laringsit e kufizuar nga epiglotisi, palosjet ariepiglotike
dhe kartilagot aritenoide.
- Glotisi është aparati vokal, që ka kordat vokale (të vërteta dhe fallco) dhe hapësirën
glotike.
- Hapësira glotike është hyrja për në trake përmes kordave vokale dhe shtrihet poshtë dhe
pas epiglotisit. Nga jashtë, shenjat e veçanta dalluese janë shumë të rëndësishme për të
vlerësuar dhe trajtuar rrugët e frymëmarjes.
- Mentumi është pjesa e përparme e mandibulës dhe paraqet anën e mjekrës.
- Kockat hioide formojnë bazën e dyshemesë së gojës.
- Kartilagot tiroide formojnë të dalën laringelae (“mollën e Adamit”) dhe nyjen tiroide.
Kartilagoja krikoid shtrihet poshtë kartilagos tiroide dhe formon një unazë të plotë që
siguron mbështetjen strukturore të rrugëve të poshtëme të frymëmarjes.
- Membrana krikotiroide shtrihet midis kartilagove krikoide dhe tiroide dhe është një vend
i rëndësishëm për trajtimin kirurgjikal të rrugëve të frymëmarjes.
Menaxhimi I rrugëve respiratore te neonati
6
Menaxhimi I rrugëve respiratore te neonati
7
Vlerësimi në insuficiencën respiratore
- Vërehen ndryshime që sugjerojnë rritje të punës së frymëmarrjes (takipne, tërheqje e
muskujve interkostalë, lodhje) ose edemë pulmonare.
- Vlerësimi i zhurmave të frymëmarrjes
- Ulja ose mungesa e zhurmave të respiracionit tregojnë paaftësinë për të ventiluar
mushkëritë në mënyrë të mjaftueshme për të parandaluar atelektazën.
- Krepitacionet tregojnë një pastrim jo të efektshëm të rrugëve ajrore, likide në pulmone.
- Fishkëllima tregon për bronkospazëm
- Vlerësimi i nivelit të koshiencës
- Vlerësimi i shenjave të hipoksemisë dhe hiperkapnisë
- Percaktimi i gjëndjes hemodinamike presioni i gjakut, presioni pulmonar debiti kardiak
dhe krahasimi me vlerat e mëparshme
Ndërhyrja që duhet bërë
Përmirësimi i shkëmbimit të gazeve
- Administrimi i antibiotikëve, medikamenteve kardiake dhe diuretikëve në bazë të
çrregullimit bazë.
- Administrimi i oksigjenit (maskë me aerosol)
- Monitorimi i ekuilibrit të likideve nëpërmjet matjes së marrjeve dhe eleminimit, pëshës
specifike të urinës, peshës ditore dhe matja direkt e presionit kapilar pulmonary, për të
dalluar prezencën e hipovolemisë dhe hipervolemisë.
- Sigurimi i masave për të parandaluar atelektazën duke bërë hapjen e thoraxit dhe
pastrimin e sekrecioneve.
- Monitorimi i ventilimit alveolar duke matur frekuencën respiratore dhe gazet në gjak.
- Krahasimi i vlerave të monitoruara me kriteret që indikojnë nevojën për ventilim
mekanik.
Menaxhimi I rrugëve respiratore te neonati
8
Manipulimet që bëhen për insuficiencën respiratore
Teknikat manipuluese shërbejnë për të lëvizur sekrecionet, për të stimuluar qarkullimin, për të
tonifikuar muskujt dhe për të relaksuar të sëmurin.
Claping – realizohet duke goditur pjesën e pasme të hemitoraxit. Niset nga bazat e pulmoneve
duke u ngritur në mënyrë graduale drejt majave. Goditja bëhet gjatë nxjerrjes së frymës. Kjo nuk
bëhet në rastin e embolive dhe edemave pulmonare.
Pozicionet – Pozicionet në të cilat vendoset i sëmuri kanë si qëllim lehtësimin e frymëmarrjes,
p.sh. pozicioni ulur lehtëson diafragmën nga pesha e organeve të barkut. Krahët e hapura pak dhe
që ngrihen lart lehtësojnë hapjen e thoraxit dhe përdorimin e muskujve ndihmës në pozicionin
trendelemburg lehtësohet drenimi i sekrecioneve.
Ushtrimet respiratore – keto jane te veshtira per tu realizuar te neonati.
- Provokimi i kollës është një masë kryesore. Kjo e ndihmon pasi lehteson pulmonet nga
ngarkesa e sekrecioneve dhe ben levizjen e sekrecioneve.
Suportet ventilatore – Janë të gjitha ato mjete shëndetësore mekanike që nevojiten për të
kururar dhe për të rikthyer aktivitetin dhe funksionimin respirator :
- Oksigjenoterapi
- Aerozoloterapinë
- Ventilim spontan me presione pozitive
- Ventilim artificial
Teknikat e oksigjenoterapsë
- Maskat për O2
- Kanjulat
- Dhomat hiperbarike
- Përqëndruesit e oksigjenit nga ajri i ambientit
Oksigjenoterapia siguron korigjimin e një gjëndje hipoksike që karakterizon disa nga insuficenca
respiratore, qëllimi është të rritet presioni parcial i oksigjenit në nivelin alveolar dhe si pasojë në
qarkullim, por duhet theksuar që nuk korrigjon një hiperkapni ekzistuese.
Teknikat e aerozoloterapisë – Kanë si qëllim formimin e pjesëzave me përmasa aq të vogla sa
të mund të mbërrijnë në rrugët ajrore më të vogla, duke perdorur dhe medikamente. Me termin
aerosol nënkuptohet një suspension në gaz i grimcave likide ose të ngurta.
Fizioterapia respiratore – Përdor një gamë të gjërë suportesh, disa të thjeshtë dhe disa
kompleks.
Mes të thjeshtëve përmendim – një tub të fortë konik dhe me gjatësi të ndryshme që përdoret
për të shtuar përpjekjen, përdorimin dhe tonifikimin e muskujve inspiratorë përmes thithjes së
ajrit nga ekstremiteti distal i cilindrit të zgjatur. Tullumbace që ofrojnë një rezistencë të ulur, të
cilat duhen fryrë.
Menaxhimi I rrugëve respiratore te neonati
9
Me suporte komplekse përmendim: Ventilatorët për fizioterapi, përdoren për një periudhë të
shkurtër për të kryer ushtrime fizioterapeutike dhe kufizohen në frymëmarrjen spontane me
presion pozitiv të vazhdueshëm.
Ventilimi mekanik – Pamvarësisht ndërhyrjes së hershme dhe kujdesit respirator agresiv,
pacientët shpesh kërkojnë ventilim mekanik. Ventilimi mekanik zëvendëson ose suplementon
ventilimin normal nga sistemi pulmonar. Gjatë ventilimit me presion pozitiv hapja e mushkërive
arrihet duke aplikuar në mënyrë periodike një presion pozitiv në rrugët e sipërme ajrore
nëpërmjet maskave të puthitura mirë, ose me tubin trakeal ose trakeostomisë. Pacientët me
ventilim mekanik kërkojnë monitorim të vazhdueshëm për efekte anësore hemodinamike dhe
pulmonare të cilat rezultojnë prej presionit pozitiv në rrugët ajrore. Shkëputja e pacientit nga
ventilacioni mekanik bëhet duke vlerësuar nëse janë korrigjuar shkaqet e insuficences.
respiratore, përshtatshmërinë e oksigjenimit, efortin inspirator dhe stabilitetin hemodinamik. Çdo
rrugë artificiale ajrore rrit riskun për aspirim. Komplikacionet potenciale të aspirimit përfshijnë
hipokseminë, pneumoninë, infeksionin pulmonar, obstruksionin mekanik, atelektazën, abscesin,
fibrozën etj.
Mjekimi
Perveç sa u tha më sipër është i nevojshëm mjekimi me:
- Bronkodilatator
- Kortikosteroid
- Antibiotic në rastet kur gjykohet
Veçoritë klinike të obstruksionit të rrugëve të sipërme ajrore.
- Distresi respirator acut (dispnea, takipnea, e folura me fjali të shkurtra, axhitimi).
- Stridor inspirator (përcakton obstruksion në një nivel të laringsit ose më lart)
- Kollë dhe ndjesia e mbytjes
- Retraksioni suprasternal
- Gurgullima për shkak të likidit ose materialit gjysëm solid në rrugët madhore ajrore
- Arresti respirator
Shkaqet e obstruksionit të rrugëve të sipërme ajrore
- Anafilaksia e gjuhës, edema laringeale
- Angioedema e gjuhës
- Trupat e huaj
- Carcinoma e laringut
- Trauma laringeale
- Paraliza e kordave vokale
Menaxhimi I rrugëve respiratore te neonati
10
- Hematoma e qafës (nga kanjulimi i venës centrale)
Mbrojtja dhe trajtimi i rrugëve të frymëmarjes
Trajtimi i rrugëve të frymëmarjes është sigurisht një nga problemet më të rëndësishme dhe më të
vështira dhe që është vërtetë sfidë e mjekëve të urgjencës. Ai paraqet “A”-në e ABC-së
memnonike (Airway, Breathing, Circulation ,“rrugët e frymëmarjes”, “frymëmarja”, “qarkullimi
i gjakut”), që përbëjnë themelet e reanimacionit të sëmurëve rëndë të çfarëdolloji qofshin.
Trajtimi i rrugëve të frymëmarjes përfshijnë vlerësimin, sigurimin dhe mbrojtjen e tërësisë dhe
kalueshmërisë së tyre, e kombinuar kjo me oksigjenimin dhe ventilimin efektiv.
Trajtimi i duhur dhe në kohë i rrugëve të frymëmarjes do të thotë ndryshimi midis jetës dhe
vdekjes dhe ka përparësi mbi të gjitha problemet klinike me të vetmin përjashtim, defibrilimit të
menjëhershëm tek një pacient me arrest kardiak nga një fibrilacion ventrikular.
Triazhimi është proces i kontrollimit të shpejtë të fëmijës së sëmurë, menjëherë pas arritjes në
spital, me qëllim që të identifikohen:
— ata me shenja emergjente, që kërkojnë trajtim emergjent të menjëhershëm;
— ata me shenja prioritare, të cilëve duhet t’u jepet prioritet kur presin në radhë, ne menyre qe të mund
të vlerësohen dhe trajtohen pa u vonuar;
— rastet jo urgjente, që nuk kanë as shenja emergjente, as prioritare.
Shenjat emergjente përfshijnë:
- frymëmarrjen e bllokuar
- distresin e rëndë respirator
- cianozën qendrore
Menaxhimi I rrugëve respiratore te neonati
11
- shenjat e shokut (duart e ftohta, rimbushja kapilarike më e gjatë se 3 sekonda; pulsi i dobët, i
shpejtë)
- Komën
- Konvulsionet
- shenjat e dehidrimit të rëndë në fëmijët me diarre.
Fëmijët me shenja emergjente kërkojnë trajtim të menjëhershëm për të shmangur vdekjen.
Shenjat prioritare përcaktojnë fëmijët që janë në rrezik të madh(vdekja). Këta fëmijë duhen
vlerësuar pa vones.
Përmbledhje e hapave në vlerësimin dhe trajtimin triazhues emergjent (VTTE)
Së pari, kontrolloje për shenjat emergjente.
Kontrolloje për shenjat emergjente në dy faza:
• Faza 1. Nëse ka ndonjë problem me rrugët e frymëmarrjes apo frymëmarrjen, fillo trajtimin e
menjëhershëm për të rikthyer frymëmarrjen.
• Faza 2. Shpejt përcakto nëse fëmija është në shok apo pavetëdije, apo me konvulsione.
Nëse janë gjetur shenja emergjente:
• Thirre një profesionist shëndetësor me përvojë nëse është në dispozicion,
por mos e vono fillimin e trajtimit.
Ruaje qetësinë dhe puno ne grup , të cilët mund të jenë të nevojshëm për të dhënë trajtimin,
sepse fëmija shumë i sëmurë mund të ketë nevojë për disa terapi në të njëjtën kohë. Profesionisti
shëndetësor, me më së shumti përvojë, duhet të vazhdojë vlerësimin e fëmijës , për të përcaktuar
të gjitha problemet themelore dhe për të zhvilluar planin e trajtimit.
• Kryej analiza emergjente (gliceminë, grupin e gjakut ,analizat e gjakut). Dërgoje gjakun për
përcaktim grupi dhe përputhshmërin, nëse fëmija është në shok, apo me anemi të rëndë, apo
hemoragji te dukshme.
• Pas dhënies së trajtimit emergjent, vazhdo menjëherë me vlerësimin, diagnostikimin dhe
trajtimin e problemeve të tjera.
Nëse nuk është gjetur asnjë shenjë emergjente, kontrolloje për shenjat prioritare:
- Foshnje e imtë, e sëmurë, e moshës nën 2 muajsh
- Temperaturë e lartë
- Trauma apo gjendje të tjera kirurgjikale urgjente
- Zbehje (e rëndë)
- Helmim
- Dhimbje (e madhe)
- Distres respirator
- Shqetësim, iritabilitet i vazhdueshëm apo letargji
- Kequshqyeshmëri: humbje e rëndë peshe
- Edem e të dyja këmbëve
- Djegie (të mëdha)
Menaxhimi I rrugëve respiratore te neonati
12
Këta fëmijë kanë nevojë për vlerësim të shpejtë , për të përcaktuar trajtimin e mëtejeshëm të
nevojshëm.
Kateteri nazal
- Përdore tubin me madhësi 8 FG
- Mate distancën prej faqes anësore të hundës deri në buzën e brendshme të vetullës me
kateter
- Fute kateterin deri në këtë thellësi
- Fiksoje me shirit ngjitës
Fillo dhënien e oksigjenit 1–2 litra/minutë
Nëse nuk dyshohet në traumë të qafës:
- Ktheje fëmijën në krah, për të zvogëluar rrezikun prej aspirimit.
- Mbaje qafën lehtë të ekstenduar dhe stabilizoje, duke i vendosur mbështetjen në njërën
dorë
- Përkule njërën këmbë, për të stabilizuar pozicionin e trupit
- Nëse dyshohet në traumë qafe:
- Stabilizoje qafën e fëmijës dhe mbaje fëmijën shtrirë në shpinë:
- Lidhi me shirit ngjitës ballin dhe mjekrën e fëmijës anash dërrasës së fortë.
- Parandalo lëvizjet e qafës përmes mbështetjes së kokës së fëmijës (p.sh. me përdorimin e
qeseve njëlitërshe të lëngut IV në secilën anë)
- Nëse vjell, ktheje në krahë, duke mbajtur kokën në vijë me trupin.
Kapitulli 2
Vlerësimi I shenjave emergjente dhe prioritare tek femijet.
- Vlerëso rrugët e frymëmarrjes dhe frymëmarrjen (A, B)
A duket frymëmarrja e fëmijës e bllokuar? Shiko dhe dëgjo për të përcaktuar nëse ka lëvizje të
pakta ajri gjatë frymëmarrjes.
A ka distres respirator të rëndë? Frymëmarrja është shumë e vështirësuar, fëmija përdorë
muskujt ndihmës për frymëmarrje (bën lëvizje me kokë), merë frymë shumë shpejt dhe fëmija
duket se lodhet lehtë. Fëmija nuk është në gjendje të ushqehet shkaku i distresit respirator.
A ka cianozë qendrore? Ekziston mavijosje e gjuhës dhe mukozave të gojës.
- Vlerëso qarkullimin (për shok) (C)
Kontrollo nëse duart e fëmijës janë të ftohta? Nëse po:
Menaxhimi I rrugëve respiratore te neonati
13
Kontrollo nëse koha e rimbushjes kapilare është më e gjatë se 3 sekonda. Apliko presion për të
zbardhur thoin e gishtit të madh të dorës apo këmbës për 3 sekonda. Përcakto kohën prej
momentit të lirimit deri në rikthimin e plotë të ngjyrës së kuqërremtë.
Nëse rimbushja kapilare zgjatë më shumë se 3 sekonda, kontrollo pulsin. A është i dobët dhe i
shpejtë? Nëse pulsi radial është i fuqishëm dhe jo shumë i shpejtë, fëmija nuk është në shok.
Nëse nuk mund të ndjesh pulsin radial të një foshnje (më pak se 1 vjeç), ndjeje pulsin radial apo,
nëse foshnja rri shtrirë pulsin femoral. Nëse nuk mund të ndjesh pulsin brahial në një fëmijë,
ndjeje karotiden. Nëse dhoma është shumë e ftohtë, mbështetu në puls për të përcaktuar nëse
fëmija mund të jetë në shok.
- Vlerësoje për komë apo konvulsione apo status tjetër mendor jonormal (C)
A është fëmija në komë? Kontrollo nivelin e vetëdijes në shkallën AVPU/VZDhP:
V vigjilent,
Z reagon në zë,
Dh përgjigjet në dhimbje,
P pavetëdije.
Nëse fëmija nuk është i zgjuar dhe vigjilent, përpiqu të zgjosh fëmijën duke i folur apo duke ia
tundur dorën. Nëse fëmija nuk është zgjuar, por përgjigjet në zë, ai është letargjik. Nëse nuk
reagon fare, pyete nënën nëse fëmija ka qenë i përgjumshëm në mënyrë jonormale apo vështirë
për ta zgjuar. Shiko nëse fëmija përgjigjet në dhimbje, apo nëse ai nuk reagon në stimulime me
dhimbje. Nëse ndodh kjo, fëmija është në komë (i pavetëdijshëm) dhe ka nevojë për trajtim
emergjent.
Nëse fëmija ka konvulsione? A ka lëvizje spazmodike të përsëritura në një fëmijë që nuk reagon?
Fëmija që paraqitet me ndonjë problem në rrugët e frymëmarrjes apo frymëmarrje të vështirësuar
Anamneza
• Fillimi i simptomave: të zhvilluara ngadalë apo me fillim të papritur
• Episode paraprake të ngjashme
• Infeksion të traktit të sipërm respirator
• Kollë
— kohëzgjatja në ditë
• Anamneza e asfiksionit
• Prezentë që nga lindja, apo e fituar
• Statusi i imunizimit
— BCG, DTP, MMR
• HIV infeksion i njohur
• Anamneza familjare për astmë
Ekzaminimi
• Kollë
— cilësia e kollës
• Cianozë
Menaxhimi I rrugëve respiratore te neonati
14
• Distres respirator
• Stridor, zhurmë jonormale të frymëmarrjes
• Zgjerim te flegrave të hundës
• Enjtje e qafës
• Krepitacione
• Fishkëllimë
— e gjeneralizuar
— fokale
• Hyrje e zvogëluar e ajrit
Fëmija që paraqitet me probleme në rrugët e frymëmarrjes apo frymëmarrje të
vështirësuar
Diagnoza diferenciale e fëmijës që paraqitet me problem në rrugët e frymëmarrjes apo
frymëmarrje të vështirësuar
Diagnoza apo shkaktari themelor :
Pneumonia
— Kollë me frymëmarrje të shpejtuar dhe temperaturë
— Zhvillim gjatë disa ditëve, përkeqësim
— Krepitacione në auskultim
Astma
— Anamneza për fishkëllima rekurente
— Ekspirim i zgjatur
— Fishkëllimë apo hyrje e zvogëluar e ajrit
— Reagim në bronhodilatator
Aspirim i trupit të huaj
— Anamneza e ngulfatjes së papritur
— Fillim i papritur i stridorit apo distresit respirator
— Hyrje fokale e zvogëluar e ajrit apo fishkëllimë
Absces retrofaringeal
— Zhvillimi i ngadalshëm gjatë disa ditëve, përkeqësim
— Paaftësi për të gëlltitur
— Temperaturë e lartë
Krup
— Kollë në formë të lehese
— Zë i ngjirur
— I shoqëruar me infeksion të traktit të sipërm respirator
Difteri
— Qafa e enjtur, si pasojë e rritjes së nyejve limfatikë
— Grykë e skuqur
— Membrana faringeale ngjyrë hiri
— Pa DTPvaksinim
Menaxhimi I rrugëve respiratore te neonati
15
A B C
A. Rrugët e frymëmarrjes
- Aspiro rrugët e frymëmarrjes
- nëse lëngu amnial është i ndotur me mekonium aspiro gojën, hundën dhe orofaringun;
- Nëse foshnja nuk qan dhe nuk lëviz gjymtyrët atëherë aspiro gojën dhe trakenë.
- Nëse foshnja qan, përkundër pranisë së mekoniumit të dendur,mos aspiro.
B. Frymëmarrja
- Zgjedhja e madhësisë së maskës: Madhësia 1 për foshnjat me peshë normale, madhësia 0 për
foshnjat e vogla (nën 2.5 kg)
- Ventilimi me balon dhe maskë në shpeshtësi 40–60 fr/min
- Sigurohu që kraharori ngrihet në secilen shtypje në qese dhe në foshnjat shumë të vogla,
sigurohu që kraharori nuk lëviz tepër.
C. Qarkullimi
- 90 shtypje të koordinuara me 30 frymëmarrje/min (3 shtypje: 1 frymëmarrje çdo 2 sekonda).
- Vendosi gishtat e mëdhenj, mu nën vijën që lidhë thimthat në sternum (shih më poshtë).
- Shtype 1/3 e diametrit A-P të krahërorit.
Menaxhimi i fëmijëve me asfiksion perinatal
Asfiksioni mund të jetë rezultat i mungesës së furnizimit të organeve me oksigjen para, gjatë apo
menjëherë pas lindjes. Trajtimi fillestar është reanimimi efektiv .
Problemet në ditët e para pas lindjes:
- Konvulsionet: trajtoi me fenobarbiton , kontrollo glukozën.
- Apnea: e shpeshtë pas asfiksionit të rëndë në lindje. Nganjëherë e shoqëruar me konvulsione.
Menaxhoje me oksigjen përmes kateterit nazal dhe reanimoje me balon dhe maskë.
- Paaftësia për të thithur: ushqeje me qumësht përmes tubit nazogastrik. Kujdes prej zbrazjes së
vonuar të stomakut, e cila mund të çojë në regurgitim të ushqimit.
- Tonusi i dobët motorik. Mund të jetë i/e flashkët apo të ketë shtangim gjymtyrësh (spasticitet).
Prognoza: mund të parashikohet përmes kthimit të funksioneve motorike dhe aftësisë për thithje.
Foshnja që është aktive, normalisht zakonisht do të bëjë më mirë. Foshnja që edhe një javë pas
lindjes akoma është e flashkët apo spastike, nuk reagon dhe nuk mund të thithë, ka lëndim të
rëndë të trurit dhe do ketë përmirësime të pakta. Prognoza është më pak e zymtë për foshnjat që
kanë kthyer disa funksione motorike dhe kanë filluar të thithin. Situata duhet diskutuar në
mënyrë të ndjeshme me prindër, gjatë gjithë kohës së qëndrimit të fëmijës në spital
Terapia me oksigjen
a. Jepi trajtim me oksigjen neonatit ne rastet e meposhtme:
- cianoza qendrore
- zhurma ne respiracion
Menaxhimi I rrugëve respiratore te neonati
16
- vështirësi në të ushqyer, si pasojë e distresit respirator
- retraksion i rëndë i pjesës së poshtme të kafazit të krahërorit
- tundje koke (p.sh. lëvizje tundëse të kokës, sinkrone me respiracionet që indikojnë distresin e
rëndë respirator)
Kur pulsoksimetri është në dispozicion, duhet të përdoret për të drejtuar terapinë me oksigjen.
- Oksigjeni duhet dhënë, nëse saturimi me oksigjen është nën 90% dhe rrjedhja e oksigjenit duhet
rregulluar për të pasur saturim ndërmjet 92% dhe 95%.
- Oksigjeni mund të ndërpritet, sapo fëmija mund të mbajë saturimin mbi 90% në ajrin e dhomës.
Dhenia nazale eshte metodë e preferuar për dhënien e oksigjenit në këtë grup-moshë, me
shpejtësi prej 0.5 litër në minutë.
Sekrecionet e trasha prej grykës mund të pastrohen me aspirim të kohëpaskohshëm, nëse ato
janë problematike dhe foshnja është tepër e dobët për t’i pastruar ato.
Oksigjeni duhet ndërprerë kur gjendja e përgjithshme e foshnjës përmirësohet dhe shenjat e
mësipërme më nuk janë të pranishme.
Steroidet
- Nëse fëmija ka atak të rëndë akut të fishkëllimës dhe anamnezë për fishkëllimë rekurrente, jepi
prednisolon oral, 1-2 mg/kg, 3-5 ditë, si një dozë e vetme ditore. Nëse fëmija vazhdon të jetë
shumë i sëmurë, vazhdo trajtimin deri sa të shihet përmirësimi. Steroidet zakonisht nuk
përdoren për episodin e parë të fishkëllimës.
Aminofilina
- Nëse fëmija nuk përmirësohet pas 3 dozave të bronkodilatorit me veprim të shpejtë, të dhëna në
intervale të shkurtra si dhe prednisolon oral, jepi aminofilin IV – doza fillestare prej 5–6 mg/kg
(deri në maksimumin prej 300 mg), të pasuar nga doza mbajtëse prej 5 mg/kg çdo 6 orë.
Peshoje fëmijën me kujdes dhe jepi dozën IV, për së paku 20 minuta dhe e preferueshme për 1
orë.
Aminofilina intravenoze mund të jetë e rrezikshme në një mbidozë, apo kur jepet tepër shpejt.
Tejkaloje dozën fillestare, nëse fëmija tashmë ka marrë ndonjë formë të aminofilinës në 24 orët
paraprake.
- Ndërprite dhënien e saj menjëherë, nëse fëmija fillon të vjell, ka frekuencën e pulsit >180/min,
zhvillon kokëdhimbje apo ka konvulsione.
- Nëse aminofilina IV nuk është në dispozicion, një alternativë e mirë janë supozitorët e
aminofilinës.
Antibiotikët
- Antibiotikët nuk duhet dhënë në mënyrë rutinore për astmë apo fëmijës me astmë që ka
frymëmarrje të shpejtuar pa temperaturë. Trajtimi antimikrobial sidoqoftë është i ndikuar kur
ka temperaturë perzistente dhe shenja të tjera të pneumonisë .
Kujdesi përkrahës
- Sigurohu që fëmija të marrë lëngjet mbajtëse ditore të përshtatshme për moshën e tij.
- Inkurajo të ushqyerit në gji dhe lëngjet orale.
Menaxhimi I rrugëve respiratore te neonati
17
-Inkurajo ushqim plotësues adekuat për fëmijët e vegjël, sa më parë që të mund të merret
ushqimi.
Ndjekja e femijes se hospitalizuar
Fëmija i hospitalizuar duhet vlerësuar nga infermierja çdo 3 orë, apo çdo 6 orë, deri sa fëmija të
tregojë shenja përmirësimi (p.sh. frekuencë të zvogëluar frymëmarrjeje, retraksion të zvogëluar
të pjesës së poshtme të kafazit të krahërorit dhe më pak distres respirator), dhe nga mjeku së
paku një herë në ditë. Regjistroje frekuencën respiratore dhe shikoje sidomos për shenjat e
insuficiencës respiratore – hipoksi e rritur dhe distres respirator, që çon në rraskapitje.
Respiracion I permirsuar pa mjete ndihmese
Kapitulli 3
Metodat e menaxhimit te frymarrjes
Respiracion gojë më gojë.
- Shtrihet pacienti, koka hiperekstendohet, ngrihet nofulla sipër përpara, tërheqja e
mandibulës duke ngritur këndet e saj siguron hapjen e rrugëve të sipërme të ajrit duke
mos lejuar që rrënja e gjuhës të bllokojë hyrjen për në faring.
- Pastrohet goja nga mbeturinat e rastit (të vjella, sekrecione, material te ngurta, etj, me një
fasoletë, ose çfarë të kemi, duke perdorur gishtat deri në rrënjën e gjuhës.
- Operatori bën një inspiracion të thellë duke bllokuar me njërë dorë vrimat e hundës të
pacientit, i vendos buzët mbi gojën e pacientit dhe e fryn me forcë ajrin.
- Operatori i lë të lira gojën dhe vrimat e hundës të pacientit me qëllim që të lejojë
ekspirimin dhe njëkohësisht të mbushë pulmonet e tij me ajër për ta përsëritur manovrën.
- Kontrolli i ekspirimit bëhet duke dëgjuar me vëmendje zhurmën e ajrit që del nga
pulmoni i pacientit.
Respiracion gojë me hundë
- Siguron një prurje më të vogël të volumit hyrës krahasuar me teknikën e mëparshme,
megjithatë, ndonjëherë zgjedhja është e detyruar nga prania e traumave në kavitetin oral.
- Procedura bëhet si më sipër.
- Insulfimi me perdorimin e mjete ndihmese
Menaxhimi I rrugëve respiratore te neonati
18
Kanjulimi orofaringeal
- Për të penguar rënien e gjuhës
- Për të siguruar kalueshmërinë e ajrit në rrugët e ajrit
- Për të siguruar një hyrje të thjeshtë për aspirimin e sekrecioneve.
- Për të mos lejuar mbylljen e gojës gjatë krizave konvulsive.
- N.q.se pacienti nuk e duron ose e nxjerr spontanisht kanjulën, atëhere ai ka reflekse të
mjaftueshme dhe e kjo e bën të panevojshme kanjulën.
Teknika e futjes së kanjulës orofaringeale
- Zgjidhen përmasat e kanjulës në relacion me distancën që ndodhet ndërmjet këndit
mandibular dhe buzëve.
- Vendoset kanjula në kavitetin oral duke e mbajtur me kurbaturën e përmbysur lart afër
palatumit.
- Pasi kalohet harku dentar superior, rrotullohet kanjula dhe futet më thellë derisa
ekstremiteti oral i saj prek buzet.
Kanjulimi rino – faringeal
- Përdoret më pak se kanjulimi orofaringeal dhe përdor kanjula të përshtatshme me formë
cilindrike dhe me gjatësi më të madhe, por me diametër më të vogël.
- Teknika – futet kanjula e zgjedhur në narinat nazale të femijes, duke mbajtur kokën e tij
të flektuar mbrapa dhe duke e shtyrë lehtë me levizje gjysmë orare shkohet drejt hyrjes së
koaneve.
Menaxhimi I rrugëve respiratore te neonati
19
- Futet më thellë kanjula derisa ekstremiteti i jashtëm i saj nuk është në kontakt me flegrat
e hundës, dhe kihet kujdes që të mos traumatizohet më tepër mukoza për të mos
provokuar gjakderdhje.
Maska faciale
- Përdoret për të ventiluar pacientin kur disponohen mjete të tjera ndihmëse si balon, ambu
ose baloni me oksigjen.
- Maskat faciale janë të disponueshme me përmasa të ndryshme, që të mund të adaptohen
në formacionet e ndryshme strukturore të individëve të moshavë të ndryshme.
Janë të pajisuar me një dhomë ajri dhe një kordon me gomë të butë përgjatë buzës që
vihet në kontakt me fytyrën, me qëllim që të mund të sigurojë nëpërmjet një force të
mjaftueshme një mbajtje të ajrit, pra të mos ketë rrjedhje të tij.
Baloni Ambu dhe baloni me oksigjen
- Baloni Ambu ka aftësinë të vetëzgjerohet dhe nëpërmjet një sistemi valvulash një
drejtimshe të rimbushet me ajrin e ambjentit dhe ta kanalizojë insuflimin në drejtim të
maskës , gjithashtu mund të lidhet me një burim të furnizimit me oksigjen.
- Baloni me oksigjen nuk ka aftësi të vetëzgjerohet, ka nevojë për një burim gazi që “të
fryhet”.
Menaxhimi I rrugëve respiratore te neonati
20
- Është i ndërtuar nga një qese e lidhur nga njëra anë me një pjesë metalike ku gjendet
vendi i lidhjes për ushqimin me oksigjen dhe një valvul rregulluese që realizon
eleminimin e dioksidit të karbonit të ekspiruar dhe të gazit të tepërt.
- N. q. se individi ka një aktivitet respirator spontan, baloni me oksigjen ndryshe nga
baloni ambu që është rigid, e asiston aktin respirator spontan, në fakt ndihet me dorë
reduktimi i volumit të balonit i shkaktuar nga inspirimi.
Menaxhimi I rrugëve respiratore te neonati
21
- Gjatë insuflimit me këto mjete ndihmëse një sasi ajri mund të hyjë në stomakun e
pacientit që i nënshtrohet insuflimit, kjo shkakton një distension të pareteve të stomakut
dhe mund të stimulojë të vjellat, gjithashtu pengon dhe lëvizjet e diafragmës së pacientit.
Për të evituar këto ushtrohet herë pas here një presion mbi abdomen, në nivel të
stomakut, për të lehtësuar daljen e ajrit.
Intubimi trakeal dhe menaxhimi i rrugëve ajrore
- Ç’janë rrugët ajrore? - rrugët e ajrit janë tubat përmes të cilave duhet të kalojë ajri dhe
oksigjeni para se të arrijnë në mushkëri.
- Kjo përfshin strukturat anatomike që shtrihen nga hunda dhe goja deri në laring dhe
trake.
- Ç’farë është menaxhimi i rrugëve ajrore? - Menaxhimi i rrugëve ajrore siguron
kalueshmërinë e ajrit ne rruget ajrore.
- Është hapi i parë në reanimimin bazë.
- Pse menaxhimi i rrugëve ajrore paraprin menaxhimin e respiracionit dhe
qarkullimit? – N.q.se rrugët ajrore janë plotësisht të obstruktuara, në mushkëri nuk arrin
fare oksigjen dhe nuk largohet dioksidi i karbonit.
- N.q.se oksigjeni nuk arrin në mushkëri, zemra dhe qarkullimi nuk do të kenë oksigjen për
t’ua shpërndarë organeve vitale të trupit.
Intubimi endotrakeal
Vendosja e një tubi me material fleksibël në brendësi të trakesë së një pacienti me qëllim
të ruajë aktivitetin respirator. Në disa raste qëllimi është të pengojë mbushjen e bronkeve
me materiale që vijnë nga stomaku ose për kryerjen e kërkimeve diagnostike.
Behet ne rast te arrestit respirator
Te obstruksionit te rrugeve ajrore
Glasgow Coma Scale nen 8
Menaxhimi I rrugëve respiratore te neonati
22
Ne rast te demtimeve traumatike te trurit
Demtime intra torakale
Shok dekompesiv
Materialet e nevojshme
- Laringoskop me lamë të ndryshueshme
- Pinca Magill
- Mandrin për tubin trakeal
- Kateter steril për aspirimin e sekrecioneve
- Shiringë për të fryrë manshetën e tubit
- Leucoplast për të fiksuar tubin
- Lubrifikues për tubin
- Stetoskop për të verifikuar pozicionin e tubit në pulmone
- Tuba trakeal
Intubimi oro-trakeal
- Pacienti duhet të jetë në pozicion supin me kokën në hiperekstension mbrapa dhe
lehtësisht të ngritur nga plani i vendosjes së trupit.
- Duke qëndruar pas kokës së pacientit, vendosim lamën e laringoskopit në kavitetin oral
dhe n.q.se është e nevojshme bëhet heqja e sekrecioneve, gjakut, të vjellave ose
substancave të tjera që mund të jenë në rrugët e frymëmarrjes, trupa të huaj.
Menaxhimi I rrugëve respiratore te neonati
23
- Vizualizimi i kordave vokale si më poshtë:
- Komprimohet gjuha me lamën e laringoskopit kundrejt pareteve dhe spostohet në anë,
futet më thellë lama e laringoskopit aq sa mjafton për të parë epiglotisin, shikohen kordat
vokale.
- Rëshkasim tubin e lubrifikuar përgjatë lamës së laringoskopit dhe e vendosim ndërmjet
kordave vokale.
- Heqim sekrecionet e mundshme duke kaluar në brëndësi të tubit me një kateter të ri
aspirimi.
- Lidhim tubin me balonin ambu dhe ventilojmë
- Fryjmë manshetën e tubit aq sa mjafton për të mos lejuar shfryrjen e gazeve të insufluar
nga goja, kontrollohet me stetoskop e ventilohen të dy pulmonet në rast të kundërt
shfryhet mansheta dhe rregullohet pozicioni.
- Fiksohet mirë me leukoplast që të mos lëvizi.
Intubimi rino trakeal – Vendosja e tubit bëhet nëpërmjet narinave të hundës.
- Intubimi i verber. – kjo përdoret në rastet e urgjencës ekstreme, ose kur nuk disponohet
materiali i nevojshëm. Kryhet me rrugë rino-trakeale kur pacienti e ka ende respiracionin.
Duke vendosur veshin pranë tubit dëgjohet kur ekspiron pacienti dhe shtyhet tubi me
shpejtësi, në këtë mënyrë ai duhet të hyjë në trake. Realizimet më të fundit të një tubi
faring- trake, për intubim të verbër në situata të veçanta të urgjencës, lejon të ventilohet i
sëmuri dhe n.q.se pjesa distale e tubit është futur në ezofag.
- Manovra e intubimit përbën një moment delikat, që mund të shkaktojë incidente tek
mushkëritë, mund të stimulojë të vjella, ndërsa ulja e reflekseve të kollës dhe gëlltitjes
mund të lejojnë inhalacionin e të vjellave.
Menaxhimi I rrugëve respiratore te neonati
24
- këtë qëllim është e nevojshme të përdoret manovra Sellick, e cila bëhet duke ushtruar
presion mbi kartilagon krikoide me qëllim që të ulet trakea dhe të mbyllet ezofagu, i cili i
komprimuar nga trakea nga njëra anë dhe nga plani i vertebrave nga ana tjetër, tenton të
kolabohet.
- Me qëllim që të evitohet refleksi i vjelljes, nevojitet të shmanget çdo lloj presioni mbi
bark gjatë intubimit. Një tjetër incident që vihet re gjatë kësaj manovre, është ajo që ka të
bëjë me sistemin kardio-vaskular, kjo për shkak se lama e laringoskopit mund të
stimulojë zonat e inervuara nga nervi vagus, duke shkaktuar në këtë mënyrë aritmi, madje
të rënda deri në një arrest kardiak.
Tubat endotrakealë
- Diferencohen nga forma, materialet dhe karakteristikat e përdorimit.
- Zakonisht ata që përdoren për intubimin oro-trakeal, janë pak të përkulur, me majë të
rrumbullakosur më shumë se ata që përdoren për intubim rino-trakeal.
- Tubat pa manshetë përdoren më tepër për nonatët dhe fëmijët.
- Ndërmjet tubave të veçantë që përdoren në anestezi përmendim:
- Për intubim selektiv të bronkut të majtë, tubi Carlenus dhe tubi Robert Shaw
- Për intubim selektiv të bronkut të djathtë, tubi white dhe tubi Robert Shaew (i djathtë).
Menaxhimi I rrugëve respiratore te neonati
25
Cilat janë indikacionet për intubim trakeal
• Obstruksioni i rrugëve ajrore. Trakea duhet intubuar n.q.se rrugët e ajrit janë
obstruktuar dhe nuk mund të happen me manovrat; hiperekstensioni i kokës, tërheqje e
mandibulës, vendosje e mejove orale, maska faciale etj.
Oksigjenim jo i përshtatshëm. N.q.se saturimi i oksigjenit është më pak se 90%, pavarësisht
përdorimit të oksigjenit me flukse të larta përmes maskës faciale, duhet bërë intubimi. Nga tubi
endotrakeal sigurohet një shpërndarje 100% e oksigjenit. Faktorë të tjerë që duhen marrë në
konsideratë janë: efikasiteti i debitit kardiak, sasia e hemoglobinës, prania e hipoksemisë kronike
dhe shkaqet e hipoksemisë
Ventilimi jo i përshtatshëm. Kur ndodh hipoventilimi, presioni i dioksidit të karbonit në
gjak rritet progresivisht, ai ul gjithashtu Ph e gjakut (acidozë respiratore).
• Me rritjen e niveleve të dioksidit të karbonit, pacienti bëhet jo koshient.
• Ulja e Ph sistemik mund të shoqërohet me irritabilitet jo normal të miokardit.
• N.q.se shfaqen këto, pacienti duhet ti nënshtrohet intubimit trakeal dhe ventilimit
mekanin.
Rritja e punës së frymëmarrjes. Normalisht muskujt respiratorë llogariten se
konsumojnë më pak se 5% të konsumit total trupor të oksigjenit.
• Në pacientë me insuficiencë respiratore, kjo mund të rritet deri në 40%. Është e vështirë
të vlerësohet puna e frymëmarrjes nëpërmjet ekzaminimeve klinike.
• Sidoqoftë pacientët që kanë një respiracion të shpejtë, respiracion paradoksal, ose që
përdorin muskujt ndihmës, kanë një rritje të punës për respiracion.
• Fillimisht gazet e gjakut arterial mund te jenë normal në këta pacientë, më pas
muskulatura e respiracionit lodhet dhe bëhet insuficiente, duke shkaktuar oksigjenim dhe
ventilim të papërshtatshëm. Intubimi trakeal dhe ventilimi mekanik janë të domosdoshëm
për të reduktuar distresin respirator.
Proteksioni i rugëve ajrore. Në pacientët që janë zgjuar, reflekset mbrojtëse të rrugëve
të ajrit normalisht parandalojnë aspirimin pulmonar të përmbajtjes gastrike.
• Pacientët me një status mental të alteruar si pasojë e shkaqeve të ndryshme mund të
humbasin këto reflekse mbrojtëse.
• Humbja e reflekseve të rrugëve të ajrit i ekspozon ata me rriskun e rritur për pneumoni
aspirative, e cila shoqërohet me morbiditet dhe mortalitet të rritur. Intubimi trakeal me
një tub me manshetë mund të ulë riskun për aspirim dhe permirson punën e
frymëmarrjes.
Tubi orotrakeal.
Avantazhet duke e krahasuar me tubin nazotrakeal.
Menaxhimi I rrugëve respiratore te neonati
26
• Një tub me lumen më të madh mund të kalohet më mirë përmes gojës sesa përmes
hundës, duke lehtësuar frymëmarrjen spontane dhe duke ulur punën e frymëmarrjes.
• Vendosja e një tubi orotrakeal është një procedurë teknike më e shpejtë se vendosja e një
tubi nazotrakeal. Kjo është shumë e rëndësishme kur nevojitet një intubim i shpejtë.
• Tubi orotrakeal nuk shkakton traumë lokale dhe predispozitë për sinuzit.
Disavantazhet. Tubi orotrakeal fiksohet më me vështirësi se nazotrakeal.
• Një fashim rreth qafës ( i nevojshëm për fiksimin e tubit orotrakeal) mund të pengojë
drenimin venoz (e rëndësishme n.q.se ekziston një presion intracranial i rritur) dhe
ushtron veprim prerës në cepat e buzëve.
• Për shkak të vështirësisë në fiksimin e tij, tubi orotrakeal lëviz më shumë brënda trakesë.
Është i vështirë kujdesi për gojën në prezencë të tubit orotrakeal. Mund të ketë
disfunksion kronik laringeal dhe stenozë trakeale në vendin e balonit.
• Tubi nazotrakeal. Përdoret më pak. Ata mund të predispozojnë për traumë lokale dhe
sinuzit, dhe duhen vendosur vetëm për indikacione specifike dhe të përkohëshmë.
Komplikacionet e intubimit endotrakeal.
Gjatë intubimit shfaqen:
• Laringospazmë
• Laceracion
• Dëmtim i buzëve ose i gjuhës
• Dëmtim i dhëmbëve nese ka
• Aspirim në rrugët e frymëmarrjes
• Perforacion i orofaringut, trakesë, ezofagut
• Epistaksis
Pas intubimit
• Laringospazëm,
• tharje të fytit,
• edemë glotike
Intubimi për një kohë të gjatë mund të rezultojë me stenozë trakeale, trakeomalaci, ulçerim të
mukozës trakeale
Trakeotomia • Trakeotomia. – është një manovër urgjence, që ka si qëllim të rivendosë një komunikim
me pemën bronkiale duke praktikuar një çarje në trake. Indikacion për trakeotomi të
urgjencës është prezenca e një obstruksioni në rrugët e sipërme ajrore.
• N.q.se individi ka ende aktivitet respirator, dyshohet për obstruksion kur ai ka shfaqe te
cianozes, inspirimi është i zgjatur, shumë i sforcuar dhe i zhurmshëm.
Menaxhimi I rrugëve respiratore te neonati
27
N.q.se nuk e ka humbur ende koshiencën shfaqet shumë i axhituar dhe i çon në mënyrë insistuese
duart në grykë.
• Para se të bëhet trakeotomia duhet përdorur çdo manovër e cila bën të mundur
ekspulsionin spontan të një trupi të huaj të mundshëm në rrugët ajrore.
• Manovra më e përdorur është manovra Heimlich.
• Qëllimi i saj është të shfytëzohet shtytja e sasisë më të madhe të ajrit prezent, që del
jashtë me forcë.
Manovra përsëritet disa herë duke e mbajtur subjektin të përkulur përpara me kokën ulur dhe
duke e kontolluar herë pas here në gojë se mos ka dalë trupi i huaj.
• Për të praktikuar një trakeotomi në urgjencë, vendi i zgjedhur është membrana
krikotiroide.
• Kur disponohet një age e madhe është e mundur të evitohet çarja e kartilagos krikotiroide
duke e perforuar atë pasi është bërë incizioni nën lëkurë ose kur nuk disponohen objekte
prerëse inserohet menjëherë me rrugë perkutane duke patur kujdes për të mos hyrë në
ezofag duke e kaluar trakenë.
• Për trakeotomi përdorim disa kanjula të montuara për trakeotomi.
Menaxhimi I rrugëve respiratore te neonati
28
Trakeostomia • Ashtu si trakeotomia dhe kjo ka si qëllim të mbajë një komunikim me ambjentin e
jashtëm përmes një incizioni trakeal, por nuk është një masë e urgjencës ekstreme.
Kërkon një përgatitje kirurgjikale të një stome me rrethinat e përcaktuara mirë, stroma
trakeale është e fiksuar me lëkurën. Është një intervent që mund të zhvillohet vetëm në
ambient spitalor dhe kërkon respektim maksimal të normave të sterilitetit.
• Indikacionet për këtë janë:
• Pengesë në kalimin e ajrit (stenozë, trauma, malformacione etj.)
• Pengesë apo pamundësi e individit për të nxjerrë jashtë sekrecionet bronkiale.
• Insuficiencë e rëndë respiratore acute ose kronike, trakeostomia redukton rezistencat ndaj
fluksit të ajrit dhe hapësirën e vdekur anatomike.
•
Menaxhimi I rrugëve respiratore te neonati
29
Masazhi i jashtëm kardiak
• Praktikohet kur gjatë palpacionit të arterieve të mëdha (femorale dhe karotide) nuk preket
pulsi, ose kur është shumë i dobët, ai është një element i rëndësishëm i reanimimit
kardio-pulmonar.
• Qëllimi i masazhit të jashtëm kardiak është të rivendoset qarkullimi e për rrjedhojë
transporti i oksigjenit.
N.q.se subjekti nuk ventilohet në mënyrë të mjaftueshme, siç ndodh në përgjithësi, është e
nevojshme të asistohet ky aktivitet siç është përshkruar në teknikat e respiracionit artificial.
Teknika e masazhit kardiak ekstern në neonatët dhe fëmijët
• Në neonatët dhe latantët duhet mbajtur parasysh që apeksi kardiak është më afër paretit
të brendshëm të sternumit, si dhe të merret në konsideratë volumi i reduktuar trupor.
• Kompresionet që kryejmë nuk duhet të shkaktojnë një ulje të sternumit më të madhe se 2-
3cm. Ritmi që duhet mbajtur duhet të jetë 100 kompresione në minutë për neonatin dhe
80 për fëmijët më të rritur.
• Kapet me të dy duart thoraxi i fëmijës në mënyrë që gishtat dhe palmat e duarve të
operatorit të krijojnë një sipërfaqe mbështetjeje për shpinën.
• Gishtat e mëdhenj të të dy duarve vihen njëri mbi tjetrin në sipërfaqen e sternumit 1 cm
poshtë linjës intermamare.
• Ushtrohet me gishtat e mëdhenj kompresione, ritmike dhe uniforme me frekuencë në
përputhje me moshën e të sëmurit.
Aspirimi i sekrecioneve bronkiale
• Qëllimi – Të lëvizen dhe të nxirren sekrecionet nga pema bronkiale e personave që nuk
janë në gjendje të sigurojnë eleminimin e tyre.
• Materialet që nevojiten:
• Kateter për aspirim të madhësive të ndryshme
• Doreza sterile
• Ujë me solucion dizinfektant të ngjyrosur për të mos alternuar pamjen e sekrecioneve.
• Një aspirator.
• Kateteri futet nëpërmjet hundës, gojës, trakeostomisë, një tubi endotrakeal.
• Aspirimi trakeo bronchial i drejtuar.
• Aspirimi përmes një tubi të vendosur në trake.
• Aspirimi përmes kanjulës së tarkeostomisë
• Monitorimi i presionit endokranial
Menaxhimi I rrugëve respiratore te neonati
30
Referencat
Grant # H33 MC06683-02 from the Department of Health and Human Services, Health
Resources and Services Administration, Maternal and Child Health Bureau
“Mjekësia e urgjencës bashkëkohore”
Petrit Bara
Funding from the Washington State Department of Health
Funding from the University of Washington Department of Anesthesiology
The Harborview Anesthesiology Research Center
World Health Organization 2005
2005 American Heart Association Guidelines
for Cardiopulmonary Resuscitation
and Emergency Cardiovascular Care
Hansen AK, Wisborg K, Uldbjerg N, Henriksen
TB: Risk of respiratory morbidity in
term infants delivered by elective caesarean
section.