The White Cloud beyond CloudsPoems about Where We Came from

Paul Tseng Luke Kao 

雲 外 白 雲思念故鄉的台語詩集曾博義 高鷹 

故鄉的那條溪曾博義

故鄉的那條溪 ,流對厝邊頭前過 .暝日不停的水流聲 ,親像對我在講話 . 細漢的時常常皆人去遐 ,瓠魚掠蝦 ,石頭縫裡撓毛蟹 ,抑是潛迷去潭仔底摸苦螺 .

有時 坐在沙洲灌土猴 ,  吃西瓜 ,看水牛在樹腳歇涼 .白翎鷥在田面飛 . 我現在夢中有時抑擱會聽到那條溪 .親像親愛的阿母對我在講話 . 

[ 心魔 ]曾博義

又擱是落雨的夜半 ,仝一耶小巷內的咖啡廳 .一杯苦甲澀的 latte,伴我寂寞的心情 . 這呢齊年阿 ,還拭不掉心中她的形影 ,常常夢見她的笑神 ,無意中叫著她的名 . 當年流行的那條歌 ," 青春嶺 ",我尚愛唱 ,  你嘛愛聽 .如今想欲擱唱 ,煞喉掟唱無聲 . 感情路 ,那會這呢艱苦行 ?你怪咱無緣份 ,我怨我的運命 . 啊 ,  我心中的痛 ,親像覕在遐的一者妖精 .

按 :  #  仝 :  同 ,  讀 gang(5). #  這呢齊年阿 : zia(4) ni(3) ze(3) ni(5) a(2),  這麼多年啦 .#  笑神 :  笑容 . #  心情 :  讀 sim(2) ziann(5). #  喉掟 :  讀 au(5) denn(2),  太緊張或激動 ,  喉嚨發不出聲 .#  痛 :  讀 tiann(3). #  覕在遐 :  讀 bhi(4) di(1) hia(1),  躲在那裡 .

野花開心內高鷹

河洛語情歌海角天邊點點 , 仙島爍爍閃閃芳草野花處處 , 清香飄飄浮浮每蕾含情脈脈 , 毋驚風雨淒淒無情吹淋漓漓 , 不敵阮心綿綿我的情意蜜蜜 , 化作野花熾熾為你盛開遍遍 , 為你津露漣漣

Wild Flowers野態芳姿 Oil Painting by Shee 施哲三

[ 柚仔花開 ]曾博義

彼年春天 ,伊轉十七 ,埕尾耶柚仔花當開 .春風微微 ,吹來一顫顫耶香味 . 後來花謝去 .樹下落甲全是花蕊 .我撿起一片 ,送去對面厝乎伊做生日 . 

離開故鄉彼一日 ,伊陪我行到溪邊 .煩咐我 ,柚仔花擱開耶時 ,會記得轉來看伊 . 柚仔花開了又謝 ,謝了又開 .三年後 ,伊寄來一張伊耶相片 ,半片焦黃耶花蕊 ,三截苦香耶當歸 .

[阮阿玉 ]高鷹 鹿港河洛語詩

汝敢知影阮的心房內底圍一片愛玉仔林林的天頂月映西爿東面乎日頭照軋通明阿玉仔汝歡歡喜喜在阮心林中來來去去

[ 重遊台南市 ] 曾博義 ( 毛蟹 )迄年陪伊 ,初遊台南市 .鳳凰樹 ,花當開 .這遍隨團重遊台南市 .物是人非 ,驚覺已經錯過遐呢齊花期 .

猶原是高高的鳳凰樹 ,猶原是靜靜的運河水 .慢慢浮過 ,一片片深紅的花蕊 .

去 Sakariba吃鱔魚意麵 .安平街頭看檳榔西施 .赤崁樓外買風景明信片 .奈何 ,四十三年失聯 ,我沒伊的地址 .

按 : Sakariba,  源自日語 "盛り場 ". 即康樂市場 .

[ 重遊台南市 ]高鷹四十三年冬埋在赫 -吹落地的鳳凰花底 .遊盛り場的少年家 ,伓知今日欲去那揣 ?- - - - - - - 咦 ??汝汝汝汝伓是毛蟹 ??? 赫 : he 那 ; 揣 : tsue 尋找 ; 咦 : eh? 驚訝詞 ; 毛蟹 : 博義兄戲號為“毛蟹居士”

[ 蛾眉月 ]曾博義 填詞 林子淵曲蛾眉月 , 一更暝 ,低低在天邊 .

 親像當年那個伊 ,含情對我笑微微 . 雲外白雲山外山 ,故鄉遙遠八千里 . 有時猶原會夢見 ,醒來驚覺是過去 .

一陣輕風吹過 , 攪亂水中月 .也害我無眠 , 茫茫到深更 . 蛾眉月 , 何時得團圓 .祈求月娘 , 傳達我的意 .祝伊幸福過日子 .

 按 : 1. 蛾黛 , 又叫螺黛 , 是古人用來畫眉的青黑色顏料 . 故有蛾眉之稱 .2. 陰曆月初 , 黃昏過後 , 蛾眉月出現在西方天邊 . 月末 , 黎明之前 , 蛾眉月出現在東方天邊 .

[ 月娘翹跤 ]高鷹 入乞食調

月娘啊﹐月娘﹗汝在天頂翹跤﹐害我是苦思擱苦想 ,苦思擱苦想﹗苦想著阮阿碧仔幼秀的雙腿﹐會使看 , 勿會 使摸﹔伊是比汝擱較古錐 ﹐

偏偏汝 ,予伊 ,半眠去歸天 ;放我暝暝懞慟 ,孤單暝暝懞慟。

[夏夜沉沉 ]曾博義男 :紅瓦厝邊開水槿 ,六月初夏夜沉沉 .痴情實意想欲講 ,親像一粒天星一粒心 .

女 :蔭瓜搓鹽甕底浸 ,古井出泉水深深 .甜言蜜語什知影 ,敢是六月割菜假有心 .

按 :1.  水槿 ,  讀 chui(1) gim(4),  英文叫 Hibiscus.  又稱 水錦 ,  扶桑 .  初夏開花 ,  有多種顏色 . 極艷麗 .2.  割菜 , 即芥菜 . 屬於冬季蔬菜 .  夏天種的長不好 ,  不結心 .

[ 客家“三句半”情歌 2]高鷹冇天光就來項床 ,唔惊日頭晒背梁 ,同妹嬲是有心郎 ,情久長 ! Note:嬲 : liao: flirt, frolic, court, (Not what you holo guys are thinking)說阿哥辛勤作息﹐日沒出就起來﹐整天在田裡光着背晒着烈日。 (wonder if that's a turn-on for budding young beauty) 。 心裡卻只想跟細妹玩做一堆。 “嬲” 是常用的字﹐“玩兒” 的意思﹐沒有各位河洛小伙子想的那回事兒。

[悲情 ]曾博義日時艱苦做田佃 ,

 暗頭阿罔曳殼仔弦 . 有情不敢對伊講 , 一曲哭調阿怨無緣 .

按 : 1. 田佃 can(2)den(2), 佃農 .2. 暗頭阿 am(4)tau(2)-a(4), 傍晚 .3. 曳殼仔弦e(2)kak(8)a(1)hen(5), 拉椰子殼做的胡琴

[ 阿肥兄 ]高鷹我有 稍寡阿 淡薄阿 肥呣恪 心情呢 真實 看開 你若是歡喜阮著笑微微 你若感覺鬱卒當歸我來去掘 掘了 燉你一對 番公鴨掘軋 阮的肚消 胸崁大

[ 先民史詩 ] 之一曾博義1. 渡海 唐山坐船來打狗 ,  得愛經過烏水溝 .湄州媽祖有保庇 ,  一路順風擱順流 .初八下艙十五夠 , 包袱揹著出港口 .同安的月像柴梳 ,  台灣的月像米斗 . 2. 租地 對人隨意向北行 , 三步當作兩步走 .海邊附近一片地 , 也有茄冬有林投 .聽講遐是平埔界 ,  過去就是番社後 .五人集銀去租地 , 逐耶推我做份頭 .

3.  起厝 煩惱暗時無底睏 , 趕緊來起一間寮 .四圍先砌土角壁 , 頂頭才崁菅尾草 .暫時土腳放碗箸 , 以後壁邊設鼎灶 .稻草鋪地作瞑床 , 屎尿得愛去外口 . 4. 作穡 溪墘引水淹番薯 ,  厝邊開墾種土豆 .赤腳耕作不嫌苦 , 竹笠罔戴遮日頭 .歸身流汗真赤役 , 作穡無通歇中晝 .冷水尚好止嘴焦 ,  檳榔卡哺未當飫 .

[ 初訪番社 ][ 先民史詩 ] 之二 曾博義

為了欲擱租田地 , 專程來去見頭人 . 行路一工才夠位 , 許寬溪頭羊仔港 . 男丁將近三百耶 , 也有平埔也有漢 . 番社叫做大目降 . 四面全是因耶田 .  公廳兩底羌頭椅 , 壁邊一耶米酒甕 . 入門送他一匹布 , 尪姨一對銅手環 . 日時作伙啵薰吹 , 暗頭祁神求平安 . 隨人唱歌摃皮鼓 , 湊陣跳舞雙手牽 .  可憐單身唐山客 , 飲酒添愁心沉重 . 遮耶查某無仝款 , 目睭重紃額頭高 . 麻紗織布家己穿 , 染甲大花擱大紅 . 年歲那夠十五六 , 專心找人欲招尪 . 毋驚生份袂秘思 ,  見面親像捌歸冬 . 代誌辨了欲離開 ,  有人路邊來相送 . 乎我三包鹿肉乾 , 也擱一蕊白玉蘭 . 叫我月圓得擱來 , 麻竹園邊痴心等 .

按 : # 頭人 : 此處指地主番社頭目 . # 一工 : 一天 . # 夠位 : 到達目的地 . # 許寬溪 : 又名許縣溪 , 為台南縣鹽水溪上游 . 古時可通小船 . 河道已變更 . # 羊仔港 : 在台南縣新化鎮 . 很早已有漢人屯墾 . 有大道公廟 . 建于 1616 年 , 比荷蘭據台還早 8 年 . # 大目降 : 讀 dua(3) bhak(7) gang(3), 文獻上稱 tavakangh , 意思是 " 山林之地 ", 屬 平埔族的 Siraya 族 . 原本居住在羊仔港 ( 即今台南縣新化鎮 ). 很早就已 和漢人接觸 . 後來因為土地受到漢人侵佔 , 被迫不斷東遷 . 有的遷到今台南縣 左鎮鄉 , 有的遷到今高雄縣內門鄉 . # 因 : 他們 . # 兩底羌頭椅 : 兩把刻有羌頭的椅子 . 羌是早先台灣極多的類似羊的野生動物 . 羌讀 giunn(1). # 尪姨 : 原住民的女巫 . 尪讀 ang(2). # 作伙 : 在一起 . # 啵薰吹 : 抽煙斗 . 啵讀 bok(7). # 遮耶 : 讀 zia(1) e(2), 這裡的 . # 查某 : 女人 . # 無仝款 : 讀 bhor(2) gang(3) kuan(4). 不一樣 . # 目睭重紃 : 讀 bhak(7) ziu(1) din(3) sun(5). 有雙眼皮 . 紃是線條 .# 毋驚生份袂秘思 : 讀 m(3) giann(2) senn(2) hun(2) bhe(3) bi(4) su(3). 在陌生人前不矜持不害羞 . # 見面親像捌規冬 : 捌讀 bhat(7), 認識 . 初次見面就好像已經認識一年了 .

[先民史詩之三 成家 ]曾博義定情麻竹園邊擱相會 , 阿妹十六一蕊花 .可憐半年空思念 , 夠時欲講煞無話 .送她一對銀耳鉤 , 期待這生湊陣過 .兩人許願做尪某 , 親像天星伴明月 .按 : # 尪某 : 讀 ang(2) bho(4), 夫妻 .

成親紅姨牽阮作伙拜 , 兩人夯香跪神台 .老爸毋甘目眶紅 , 阿母傷心流目屎 .夾來一張地契紙 , 田園近溪擱偎海 .有業不必做田佃 , 閑時為某畫目眉 .按 : # 夯香 : ghia(2) hiunn(1), 持香 . # 老爸 : lau(3) be(2), 父親 . 新娘是大目降社頭目的女兒 . # 夾來一張地契紙 : 帶來一張地契做嫁妝 . 夾讀 gah(7). 清初漢人常與平埔族人通婚 , 以取得土地 .# 有業不必做田佃 : 有了自己的田業 , 不必再當佃戶 .

有身牽手娶來入門喜 , 無歸個月就有身 .三頓偏愛鹹酸甜 , 欲吐抑是頭殼暈 .袂駛隨便做粗動 , 病囝才得知謹慎 .暗時兩人分開睏 , 毋敢濫糝動胎神 .按 : # 牽手 : 妻子 . # 無歸個月 : 不到一個月 . # 有身 : 懷孕 . # 入門喜 : 結了婚馬上 , 懷孕 . # 粗動 : 粗重的工作 . # 病囝 : 讀 benn(3) giann(4), 害喜 , morning sickness. # 濫糝 : 讀 lam(3) sam(4), 胡亂的行為 .# 動胎神 : 動了胎氣引起流產 .

生囝房內喝痛大小聲 , 門外聽得人會驚 .佳哉順利來出世 , 紅嬰嚎得足大聲 . 拭身穿衫縛衣帶 , 阿婆項項攏知影 .感謝母囝全平安 , 保生大帝真正聖 .按 : # 佳哉 : 讀 ka(2) zai(2), 感謝的驚嘆辭 . # 紅嬰 : 讀 ang(2) enn(1), 新生兒 .# 縛衣帶 : 讀 bak(7) ui(2) dua(3), 紮臍帶 . # 阿婆 : 鄉里中有接生經驗的婦女 . # 囝 : giann(4), 子女 . # 聖 : 讀 siann(3), 有靈 .

度晬請吃雞酒過滿月 , 紅嬰爻大得人惜 .阿母飼奶看著笑 , 老爸疼囝抱來搖 .平安順利夠度晬 , 誠心去拜土地廟 .揹巾揹在尻脊骿 , 出去埕尾趕鶆鴞 .按 : # 度晬 : 讀 do(3) ze(3), 小兒滿週歲 .# 爻大 : ghau(2) dua(2), 長得快 . # 揹巾揹在尻脊骿 : 讀音 ainn(2) gin(1) painn(2) dih(8) ka(2) ziah(8) piann(1). 用揹巾纏在背上 . # 出去埕尾趕鶆鴞 : 鶆鴞 lai(3) hio(2), 老鷹 . 古民俗 : 男孩滿週歲 , 揹去院子 , 大聲吆喝趕老鷹 .

[ 牛屎龜 ] ( 囡仔歌 )曾博義 

按 : 1. 牛屎龜 : dung beetle. 蜣螂 .    2.  崁 : 讀 kam(4), 遮住 .    3. 搓 : 讀 so(2).    4. 拺 : 讀 sak(7), 推 .    5. 埋 : 讀 dai(5).

牛屎龜﹐ 真奇怪。穿鐵甲﹐ 崁肚臍。牛放屎﹐ 伊先知。人嫌臭﹐ 伊尚愛。搓做圓仔﹐ 拺入去土底埋。生一粒卵﹐ 放在屎圓仔內。等待春雷﹐ 龜仔囝飛出來。

[ 攏褲尻 : 大人歌 ]高鷹

食 (喫吃呷 ):[jia] eat 食秤頭 : 佔人便宜﹐ 貪污 cheat勿會 ( 袂 , 未 ): [bhe] unable尻 :[ka] 屁股

食柭仔 放槍子食柚仔 放蝦米食龍眼 放木耳食土豆 放臭屁食甘蔗 咬破嘴食秤頭 大漏氣

雙手攏褲尻 走亦走勿會去

[ 菅禾鼠 ](囡仔歌 )曾博義硬爪大耳肥腳腿 .尖嘴圓目長牙齒 .田岸挖空做巢蹛 ,內面一堆焦草枝 .日時出來偷吃粟 ,暗暝趖去吃番薯 .毋通嫌伊遐細者 ,十二生肖排第一 .

蹛 [dua(3)]: dwell, 居住趖 [seo(2)]: drag on, lag, be laggard 慢吞吞 , 拖 菅禾鼠 : 為台灣一種田鼠 . 粟 [ciek(7)]: rice grai, hull稻穀 .焦 [da (1)]: 乾燥 .

[夯白扇仔 ] ( 囡仔歌 )曾博義夯白扇仔 , 夯白扇仔 ,蹛在偎海墘的淡水河岸 .隨時夯一支小白扇 ,創什 ? 創什 ?遮日 , 免流汗 .

夯白扇仔 , 夯白扇仔 ,徛在挖仔尾的紅樹林 .逐日在門腳口烏白歕 ,歕什 ? 歕什 ?歕一大泡鹹嘴灡 .

夯白扇仔 , 夯白扇仔 ,覕在沙空內底真孤單 .退流的時出來一直曳 .曳什 ? 曳什 ?曳一者母的來作伴 .

夯白扇仔 , 夯白扇仔 ,曝甲歸身全是汗 .沙埔頂頭硞硞等 ,等什 ? 等什 ?等日頭趕緊落山 .

按 : # 夯白扇仔 : 讀 ghia(2) be(3) sinn(1) ah(7), 台灣數種招潮蟹 ( Fiddler Crabs ) 之一的土名 . 舉起大螯似乎在拿著一支白扇 .# 蹛在 : 讀 dua(4) di(3), 住在 . # 偎海墘 : 讀 ua(1) hai(1) ginn(1), 靠海邊 .# 夯 : 讀 ghia(2), 拿 , 舉 , 撐 . # 創什 : 讀 cong(4) siannh(7), 做什麼 . # 徛在 : 讀 kia(3) di(3), 家住在 . # 挖仔尾 : o(1) a(1) bhue(4), 近海淡水河左岸地名 , 以紅樹林出名 . # 紅樹林 : 讀 ang(2) ciu(3) na(5), mangrove forest, 又稱水筆仔林 . # 歕 : 讀 pui(3), 吐口水 . # 泡 : 讀 pu(5). # 嘴灡 : 讀 cui(4) nua(2), 口水 . # 覕在 : 讀 bhi(4) di(3), 躲在 . # 退流 : 退潮 . # 曳 : 讀 et(7), 揮手招呼 . # 硞硞等 : 讀 kok(7) kok(7) dan(4), 苦苦地等 .

[ 囝仔歌 :偷泄尿 ]曾博義邱罔招 , 偷泄尿 .毋敢講 , 驚人笑 . 穿新鞋 , 臭腳餿 .跋一倒 , 閃到腰 . 看醫生 , 吃傷藥 .嫌傷苦 , 配芎蕉 . 一根 (硬 )家己吃 ,一根 (硬 )扔 (掞 )給猴三仔抾 .

按 :# 罔招 : 讀 bhong(1) zio(1), 早期台灣鄉下人常為子女取名罔招 , 罔腰 , 罔飼 . 有不加重視 , 讓其自生自滅 , 免招天忌之意 . # 偷泄尿 : 讀 tau(2) cua(3) rio(2), 遺尿 . # 臭腳餿 : 讀 cau(4) ka(2) sio(2), 臭腳丫 . # 跋一倒 : 讀 bua(3) zit(7) dor(4), 跌了一跤 . # 傷藥 : 讀 siong(2) io(2), 治跌打外傷的中藥 . # 傷苦 : 太苦 : 讀 siunn(2) ko(4).# 配芎蕉 pue(4) gin(2) gio(1), 吃一口香蕉來中和藥的苦味 .# 一硬 : 讀 zit(7) ghenn(4), 一根 ( 香蕉 ). # 扔 (掞 )給 : 讀 dan(4) ho(3). # 猴三仔 : 猴子 . # 抾 : 讀 kioh(7), 揀 .

[喝拳酒令 ]曾博義好酒沉甕底 , 老友在身邊 .互相來斟酒 , 大碗擱滿墘 . 喝拳湊鬧熱 , 大聲比中氣 .喝輸飲歸杯 , 喝贏濕一嘴 . 兩人相好 !!!杉仔三枝 !!! 來來來 , 乾乾乾 ,杯底毋通飼金魚 .

按 : # 喝拳 : 讀 hua(4) gun(5), 猜拳鬥酒 .      # 斟 : 讀 tin(5), 倒茶或倒酒 .      # 墘 : 讀 ginn(5), 水邊 , 碗或杯的邊緣 .     # 濕 : 讀 sip(7), 小口飲水或酒 .

[最後的 Ua Lu Zuh] 曾博義 夜半鐘響 , 樂隊奏出 ,最後的 ua lu zuh. 熱情的音調 , 醉人的旋律 , 乎人心酸的歌詞 . 

 攏是仝款無情的環境 , 痴情的男女 , 悲哀無奈的故事 . 啊 , 壁面閃爍的青燈 ,  腳邊浮動的白霧 , 為何也來擾亂阮的心思 .  心愛的人 , 請你乎我靠偎你的身軀 ,含我跳完這曲舞 , 因為這是今夜最後的 ua lu zuh.

[第一擺的 Tango]高鷹

阿 ! tan go, 我的第一擺﹐心跳是咱的節拍。你的手﹐伸出去﹔我的腿﹐勾過來。你的頭﹐直翹翹﹐我的腰﹐軟使使。系慾望﹐抑系愛﹖請你入內﹐入內﹗

[牽豬哥耶 ]曾博義農會掅的老阿伯仔 , 蹛在豬椆隔壁 .七十統歲啊 , 看起來還足勇健 .每日牽豬哥出門 , 攀山又過嶺 .無閑的日子 , 滿足的心情 .那者豬哥 , 是正港耶盤克夏 .全莊腳的豬仔 , 聽講攏是伊的囝 .伊的種是真有名 ,好飼 , 爻大 , 肉擱精 .阿伯無家後 ,佳哉有那者豬通惜痛 .每日三頓先款待伊 , 才攢乎家己呷 .甲伊沖水洗身軀 , 驚伊艱苦赤役 .夯傘為伊遮日 , 唱歌乎伊聽 .豬母扑了後 , 伊在休喘 , 主人也一直說多謝 ." 一定無輸舊年 , 一孵十二者 !""歹勢 , 一點啊意思 , 乎你買糕仔餅 !“轉去 , 六隻酸軟的腳 , 慢慢啊拖著行 .一前一後 , 路面兩耶長長的影 ,老阿伯仔甲豬哥 , 相依為命 .

按 : 1. 牽豬哥耶 這個行業 , 在早期台灣養豬經濟中長期扮演了很重要的角色 . 1960 年代以後 , 因為大型養豬農場的興起及人工受精的使用 , 才開始沒落 .2. 掅 : 讀 ciann(2), 僱用 . 3. 豬潮 : 讀 di(2) diau(5), 豬圈 . 4. 七十統歲 : 七十多歲 . 統 , 讀 tong(1).5. 盤克夏 : 讀 bhak (7) ku(1) siah(7), Berkshire 的日語發音 , 是英國優良豬種 . 日據時代引入台灣 .6. 爻大 : 讀 ghau(2) dua(2), 長得快 . 7. 家後 : 讀 ge(2) au(2), 家室 .8. 佳哉 : 讀 gai(2) zai(2), 幸虧 . 9. 惜痛 : 讀 sio(4) tiann(3). 10. 攢 : 讀 cuan(5), 張羅 , 準備 .11. 赤役 : 讀 cia(4) ia(2), 熱癢難受 .12. 豬母扑了後 : 和母豬交配以後 . 扑讀 pa(4).13. 一孵 : 讀 zit(7) bu(2), 一胎 , one litter. 14. 說多謝 : 道謝 . 說 , 讀 sue(4).

[町仔腳耶老阿伯 ]曾博義町仔腳耶老阿伯啊 ,手拖一台雙輪車 .嘰嘰唊唊 ,人未到 , 先聽到聲 .沿路行 , 沿路喝 :"收酒干 , 歹銅舊錫 , 簿仔紙 ","補壞鞋破鼎雨傘 ".毋驚曝日流汗 , 渥雨受寒 ,歸身風飛沙 .為著生活 , 逐工做甲暗頭才收攤 .

嘰嘰唊唊 : 生鏽車輪發出的噪音 . 渥雨 : 淋雨 . 逐工 : 每日 .

[ 人生半碗糜 ]高鷹

嬰仔郎尻瘡三斗火在室女十八一 蕊 花少年家喫飽四界走老夥仔吞冇半碗糜

[ 無奈 ]曾博義親像青瞑在照鏡 ,毋知有影抑無影 .親像臭耳看電影 ,此時無聲勝有聲 .親像跛腳上舞廳 ,乎人滿場拖著行 .親像啞口壓死囝 ,家己雙手捶心肝

按 :  #  青瞑 :  讀 cenn(2) me(5),  瞎子 .    #  臭耳 :  讀 cau(4) hng(3).  聾子 .         #  跛 :  讀 bainn(1).                            #  著 :  讀 deh(8).         #  啞口壓死囝 : e(1) kau(4) deh(8) si(1) giann(4).  比喻有苦說不出 .

[敢真正 ?]高鷹 青瞑無鏡伊亦知影臭耳免听嘛有歌聲跛腳跳舞偌走偌行啞口疼囝背尻脊骿

 尻脊骿 [ka jia pnia]:背部 , 脊背 , the back偌走偌行 [na zau na gnia]: 邊跑邊走疼 [tnia]: 疼惜

[ 安平黃昏 ]曾博義鯤鯓海面西風急 , 安平街口夕陽斜 . 舊時堡壘熱蘭遮 , 只存半片紅磚壁 .

[大員舊時 ]曾博義

按 : 1. 大員舊時 : 大員 , 讀 tai(2) uan(5), 指荷人佔有時期一 , 二鯤身一帶 .2. 閃閃 : si(4) sih (7).3. 林投 :Pandanus. 露兜樹科灌木 . 葉長披針形 , 厚硬有刺 . 遍布台灣南北海邊 . 初夏結果極似鳳梨 . 荷蘭人回憶錄中曾描寫二鯤身地方的野鳳梨 . 史家判斷為林投 .

沙粒映日金閃閃 ,網寮向海風微微 .林投開花無人看 ,野蜂採蜜趁午時 .

鯤身海邊滿滿是 ,六月果籽熟擱甜 .紅毛番仔毋知寶 ,叫是王梨接樹枝 .

[抽籤卜卦 ](兼懷貓王少年遊安平 )高鷹 入歌仔戲卜掛調手搖籤筒 , 有三枝 .欲卜新娘入門時 ?現在有娠 , 三月日囉 !噯噯噯 , 噯喲 !保領會生 , 免嫌疑 !

手搖籤筒 , 有三枝 .欲卜姑爺 , 做生意 ?收銀三千 , 一月日囉 !噯噯噯 , 噯喲 !開銷萬二 , 無刁持 !

手搖籤筒 , 有三枝 .欲卜安平 , 敢猶在 ?舊壁新樓 , 真標緻囉 !噯噯噯 , 噯喲 !比你長壽 , 萬萬年 !

手搖籤筒 , 無半枝 .欲卜廟堂 , 是旺寺 ?開了網站 , 逐家去囉 !噯噯噯 , 噯喲 !無人來此 , 歹維持 !

手搖籤同 , 有三枝 .欲卜收成 , 敢好年 ?庄頭欲揩 , 九成二囉 !噯噯噯 , 噯喲 !保你添財 , 真滿意 !

手搖籤同 , 有三枝 .欲卜老友 , 身神宜 ?龍王出水 , 是暫時囉 !噯噯噯 , 噯喲 !總會四海 , 泅來去 !

[ 看戲 ]曾博義棚腳椅條坐滿滿台頂鑼鼓聲聲彈臭頭洪武做皇帝歹命寶釧守空房悲歡離合總是戲是非成敗轉頭空人生有酒得愛醉不知享福是戇人

[ 大海 ]曾博義台語歌詞曲 : 陳大力 / 陳秀男 . 國語歌詞 : 陳大力 . 原主唱 : 張雨生 .

按 : 1. 綴遐 , tui hia, 從那 .2. 海墘 , hai kinn, 海邊 .3. 啥物 , siann mi, 什麼 .4. 佇 , ti, 在 .5. 看彼流水落起 , khuann he lao tsui lo khi, 看那潮落潮起 .6. 揣 , tshue, 尋找 .7. 搭位 , ta ui, 那裡 .8. 若準 , na tsun, 如果 .9. 予 , hoo, 讓 , 給 .

若準海會替我 ,揣著以前的愛 ,我也甘願每日等待 .若準過去的情 ,對你並無重要 ,就放予它隨 風飛走 .若準大海會當 ,收去我的憂愁 ,親像收去每條河流 .所有吞的目屎 ,所有積的悲哀 ,我的愛 ,全收入大海 .

遠遠綴遐海墘 ,看你慢慢行開 .本來清楚形影 ,變甲漸漸霧去 .想欲出聲叫你 ,煞毋知欲講啥物 .只好翻頭一人轉去 .一人行佇海邊 ,看彼流水落起 .海湧逐人 , 有時欲閃也閃袂離 .開嘴講我愛你 ,煞予風聲崁掉去 .越頭揣人 ,你佇搭位 ?

[ 相當 , 相送 ]曾博義 彼日相送 ,石頭路邊樹腳 .十月初 ,小雨傘 . 菅芒花當開 ,白茫茫規片山 .望冬丟仔一直哮 ,一聲急過一聲 . 我慢慢行開 ,毋敢越頭看 . 

按 : 1. 相當 , sio tng, 相遇 .2. 風鼓鳥仔 , 即秧雞 . 早期台灣農村常見留鳥 . 於初夏求偶 , 鳴聲高昂悲愴 .3. 望冬丟仔 , bang tang tiu ah, 即褐頭鷦鶯 . 秋天築巢 , 鳴聲急促哀怨 .

彼時相當 ,綠竹園邊稻埕 .六月中 ,棉紗衫 . 月桃花當開 ,粉紅點點滿溪岸 .風鼓鳥仔一直叫 ,一聲緊過一聲 . 伊惦惦坐著 ,越頭佇遐聽 .

[油麻菜花 ]曾博義 天清清 ,風微微 .野蜂無閒好採蜜 . 話甜甜 ,情綿綿 .兩人緣份也結籽 .

油麻菜花 ,正月尾 .油麻菜籽 ,二月天 . 田頭田尾一大片 ,遠遠看去金閃閃 .

[ 過渡 ] 曾博義淡水河邊叫渡船 , 相偎坐去八里分 .觀音山下有倒映 , 才知船過水留痕 .

如夢令台灣河洛語 / 古漢語 詞 高鷹

倆隻三隻鷺鷥﹐好天歹天掠魚。

雲間半嚮雷﹐湖面電光閃熄。甚麼﹐甚麼 !

驚破秀才一堆 !

Let’s Talk曉風宿鷺溆清溪 Oil Painting by Shee 施哲三

[ 風飛沙 ] 曾博義門前兩欉觀音竹 , 厝內一耶羅漢腳 . 因何忽然流目屎 , 講是洇著風飛沙 .

醉花蔭 [ 無痕 ]台灣河洛語 / 古漢語 詞高鷹

Sun Bathing

Oil Painting by Shee 施哲三 香濃風微午日近﹐滿林紅雲陣。新苞挺嫩蕾﹐

暖露溫玉﹐春心醉花蔭。蜂嗡夢中蝴蝶引﹐翩翻翅舞輕。莫道不消魂﹐

漫沿時光﹐飛去一無痕。

波渺渺 柳依依Lyric 高鷹 Music 楊三郎入台灣歌仔 [ 風微微 ] 調即楊三郎作 [ 孤戀花 ]  曲

Whisper in the Wind波渺渺 柳依依Oil Painting by 施哲三 風微微﹐水迷迷﹐

春江漸暖草更青。波渺渺﹐柳依依﹐鴛鴦對伴影相隨。

啊 ----﹐

啊 ----﹐

彼陣溫情這陣悲。思雲起﹐念雨去﹐湖山敢再雲雨時﹖

[華府春晚]入 歌仔[吟詩調]高鷹

櫻花盡謝 葉漸濃春 風 已暖 霧迷惘猶夢舊年 深情夏重逢不知 哪一冬重逢啊 啊 哪一冬

[華府冬深 ]入楊三郎調 孤戀花 後有歌仔戲班取為唱腔者高鷹

風微微 雪綿綿 夜半成冰壓孤枝天蒼蒼 地茫茫 他鄉夢冷四十冬啊 --- 啊 --- 無眠三更醒五時欲相思 無情憶 照阮無日亦無伊