View
3.393
Download
50
Embed Size (px)
Citation preview
Epekto ng Teknolohiya sa mga Mag-aaral
sa Ikatlong Taon: Nakabubuti ba o
Nakasasama?
Sa taong 2010 – 2011
Isang Tisis na ihinarap sa
mga Guro mula sa Departamento ng Sining at Agham
Bilang Pagtugon sa Araling
Filipino 200
Ni
Hiedee C. Talusan
At
Arnel Joseph Roque
Inihanda para kay :
Bb. Lilia Manahan
PAGKILALA
i. Pagpapasalamat
Kami ay lubos na nagpapasalamat ng buong puso at ng may paggalang sa mga
sumusunod :
Una sa lahat sa gabay ng Panginoong Diyos na nagpatuloy na nagbigay ng lakas,
tiwala at talino sa amin upang maisakatuparan ang pagkasulat namin ng naturang
pananaliksik. kami ay nagagalak sapagkat alam naming sa bawat oras, minuto, at araw na
aming ginugol para mabuo ang thesis na ito hindi nawala sa aming tabi ang kanyang
presensya. Na lubos na naghikayat sa amin na magsulat.
Sa aming Guro na si Bb. Lilia Manahan na nagmulat at nagturo sa amin kung
paano makagagawa ng isang maayos at epektibong pananaliksik na tulad nito. Sa walang
sawang pagpapaalala sa mga dapat naming gawin at sa kanyang patnubay at pagbibigay
ng kaalaman upang mabuo ng maayos ang pag-aaral na ito. Kami ay lubos na
nagpapasalamat sa iyo sa lubos na pang-unawa sa amin. Salamat po.
Sa aming mga kaibigan na taos pusong nagbigay ng kanilang suporta at panahon
upang kami ay kanilang matulungan. Sa pagiging mabuti at maaasahang kaibigan. At higit
sa lahat, sa aming pinakamatalik na kaibigan na siyang palagi naming nakasama sa pag-
aayos ng pag-aaral na ito. Maraming maraming salamat sa inyong lahat.
2
At sa aming pamilya na siyang nagsisilbing inspirasyon at nagbibigay ng lakas at
tapang ng loob sa amin, maging ano mang pagsubok ang dumating sa aming buhay.
Nananatili silang nasa aming tabi sa mga panahong kami ay abalang- abala sa pagsasaayos
namin ng pagsasaliksik na aming ginagawa. Kami ay lubos na nagpapasalamat na kami ay
pinagkalooban ng Maykapal ng pamilyang tulad ng mayroon kami ngayon. Sila ang aming
kayamanan na kahit kalian ay hindi makukuha mula sa amin.
3
ii. Paghahandog
Ang munting gawaing ito ay buong pagmamahal naming inaalay sa aming kanya-
kanyang pamilya . Sa aming mga kanya-kanyang mga magulang na lubos na nagmamahal at
naka-uunawa sa amin sa lahat ng aspeto ng aming buhay. Maging sa aming mga kapatid na
parating nakaagapay sa amin sa oras na kailangan naming sila.
Sa aming ulirang Guro na si Bb.. Lilia Manahan, inihahandog din namin ang munting
gawaing ito sa kanya. Dahil kung hindi rin sa kanyang suporta at patnubay ay hindi
namin matatapos ang aming pananaliksik na ito.
Sa aming mga kaibigan na lubos ang pagtitiwala at pagmamahal sa amin, kami ay
natutuwa sapagkat kami ay biniyayaan ng mga kaibigang tulad nila. Isa sila sa aming
pinaghahandugan ng munting gawain na ito.
At higit sa lahat inihahandog namin ang aming munting gawain sa ating Diyos na
dakilang lumalang sa ating lahat.
Sila ang aming inspirasyon sa buhay at sa kanila namin inihahandog ang aming
munting gawain na aming pinaghirapan.
4
iii. Talaan ng Nilalaman
Pagkilala
i. Pasasalamat …………………………………………………. 2
ii. Paghahandog ………………………………………………... 4
iii. Talaan ng Nilalaman ………………………………………. 5
Kabanata 1
Panimula…………………………………………………………………………… 7
Kahalaghan ng Pag-aaral ………………………………………………………… 9
Paglalahad ng Suliranin ………………………………………………………..… 10
Saklaw at Limitasyon……………………………………………………………... 11
Paradaym………………………………………………………………………….. 11
Kabanata 2
Mga Kaugnay na Literatura……………………………………………...........… 13
Kabanata 3
Disenyo at Paraan ng pananaliksik……………………………………………….. 15
Disenyo……………………………………………………………………………… 15
Respondente………………………………………………………………………… 16
Instrumento…………………………………………………………………………. 16
Pagtratrato sa mga datos…………………………………………………………... 17
5
Estatistikong Pagtatrato……………………………………………………………… 17
Kabanata 4
Presentasyon at Interpretasyon ng mga datos………………………………………. 18
Talahanayan 1………………………………………………………… 19
Talahanayan 2 ………………………………………………………... 20
Talahanayan 3 ………………………………………………………... 21
Talahanayan 4 ………………………………………………………... 22
Talahanayan 5 ………………………………………………………... 23
Talahanayan 6………………………………………………………… 24
Talahanayan 7 ………………………………………………………... 25
Talahanayan 8 ………………………………………………………... 26
Talahanayan 9 ………………………………………………………... 27
Talahanayan 10 ………………………………………………………... 28
Kabanata 5
Konklusyon, Lagom at Rekomendasyon
Konklusyon……………………………………………………………………………… 29
Lagom……………………………………………………………………………………. 31
Rekomendasyon…………………………………………………………………………. 32
Personal na Impormasyon ………………………………………………….. 1-2
6
Kabanata 1
Panimula
Sa Paglipas ng mga panahon, Maraming mga bagay ang mabilis na nagbabago. Isa na
dito ang mabilis na pagdami at pagunlad ng mga kagamitan na produkto ng teknolohiya.
Masasabing sa panahon na ating ginagalawan ngayon napakalaki ng ginagampanang tulong ng
mga teknolohiya sa pag-unlad ng isang bansa.
Ang teknolohiya ay mayroong higit sa isang kahulugan. Isa sa mga kahulugan ang
pagsulong at paglapat ng mga kasangkapan, makina, kagamitan at proseso upang tumulong sa
paglunas ng mga suliranin ng tao. Bilang isang gawain ng tao, ang teknolohiya ay nauna pa
kaysa sa agham at inhinyeriya. Kadalasang iniuugnay ang katagang teknolohiya sa mga imbento
at gadget na ginagamit ng mga tao. Isa sa mga pangunahing dahilan kung bakit ang teknolohiya
ay mabilis mapaunlad ay dahil sa layunin nito na matulungang mapadali ang pang-araw araw na
gawain ng tao. 1
Ayon sa Diksyunaryo ng Wikang Filipino (1989), Ang teknolohiya ay nangangahulugang
agham na nauukol sa mga sining na pang-industriya. 2
7
Sa larangan ng negosyo, Teknolohiya ang gumaganap ng isa sa mahalagang papel. Halos
lahat ng mga negosyo at industriya sa buong mundo ay gumagamit ng teknolohiya. Ngayon
ang lahat ng negosyo ay may potensyal na maging internasyonal sa pamamagitan ng paggamit
ng internet. Kung ang iyong negosyo ay may isang website, makatutulong ito sa iyong negosyo
upang maabot ang mga kliyente sa kabila ng libu-libong milya sa pamamagitan lamang ng isang
click sa isang pindutan. Ito ay hindi magiging posible kung walang Internet na bunga ng
makabagong teknolohiya. 3
Napakabilis ng paglaganap ng teknolohiya sa buong mundo. Dahil sa mga ito, mas
napapadali ang ating mga gawain. Maraming uri ang teknolohiya at maraming gamit ang mga
ito. Sa taon na kung saan ang computer ay hindi pa naiimbento, ang mga mag-aaral ay hindi pa
pansin ang paggamit ng teknolohiya sa paggawa ng mga gawain. Ang mga mag-aaral ay umaasa
sa libro at laging bumibisita sa silid aklatan, basahin ang kanilang mga tala at upang suriin ang
kanilang mga aralin sa paaralan. Ngunit sa ating panahon ngayon ay makikitang hindi maiwasan
ng mga mag-aaral ang pagdepende sa mga teknolohiya ngayon.
8
Kahalagahan ng pag-aaral
Sa pagusbong ng mga makabagong teknolohiya, masasabi nating napakarami nitong
naitutulong sa ating pang araw-araw na pamumuhay. Halos lahat ng tao ay nalalaman ang
kahalahagan nito. Bilang isang mag-aaral, masasabi nating napakalaki ng papel ng teknolohiya
sa kanilang pag-aaral ngunit maari rin itong makasama kung hindi gagamitan ng disiplina.
Para sa mga magulang, inaasahang ang pananaliksik na ito ang maging daan
upang sila ay makatulong sa pagbubukas ng kamalayan ng kanilang mga anak, upang
malaman ang mga epekto ng mga makabagong teknolohiya ngayon sa kanilang pag-aaral.
Inaasahan din na sa pamamagitan nito ay malaman ng mga mag-aaral ang wastong paggamit ng
mga teknolohiya.
Para sa mga propesor, ang pag-aaral na ito ay inaasahang maging kanilang
dahilan upang mas lalo pa nilang lawakan ang kanilang kaalaman patungkol sa teknolohiya at
ipagpatuloy ang kanilang pag-gabay sa mga mag-aaral sa paraan ng paggamit ng mga
makabagong teknolohiya.
Para sa mga mananaliksik, inaasahang ang pag-aaral na ito ay mapukaw
ang kanilang pansin at malaki ang maiambag sa kanilang ginagawa at gagawin
pang mga pag-aaral tungkol sa mga epekto ng mga teknolohiya sa buhay ng isang mag-aaral.
Para sa mga mag-aaral, ninanais ng pananaliksik na ito na ipakita sa mga mag-aaral ang
mga natatanging epekto ng mga makabagong teknolohiya sa kanila at kung paano ito
9
nakatutulong maging kung paano ito nakasasama sa kanilang pag-aaral. Inaasahan din na ang
mga mag-aaral ay matututo kung paano gamitin ang mga teknolohiyang ito ng may disiplina.
Paglalahad ng Suliranin
Ang pananaliksik na ito ay sinisikap na sagutin ang mga pagunahing mga katanungan
tungkol sa epekto ng mga makabagong teknolohiya. Alam nating malaki ang ginagampanang
papel ng teknolohiya sa mga mag-aaral ngunit ito din ay nagiging sanhi upang maisantabi nila
ang kanilang pag-aaral. Ang mga mananaliksik ay sinikap sagutin ang mga sumusunod na
katanugan:
1. Bakit maraming mga mag-aaral ang nahuhumaling sa mga makabagong gamit na
produkto ng teknolohiya?
2. Natutulong ba o nakasasama ang teknolohiya sa pag-aaral ng mga kabataan?
3. Anu – ano ang mga dahilan kung bakit nakakasagabal ang mga makabagong gamit sa
pag-aaral ng mga mag-aaral?
4. Anu – ano ang mga mabubuti at masasamang epekto ng teknolohiya sa buhay ng
isang mag-aaral?
10
Saklaw at Limitasyon
Ang pananaliksik na ito ay nakatuon lamang sa mga nakalap na impormasyon sa
iba’t ibang mga kasagutan ng mga mag-aaral na nasa sekondarya. Ang mga nakuhang
impormasyon ay nanggaling sa mga mag-aaral ng Baliuag University. Ang mga mag-aaral na
sakop ng pananaliksik na ito ay mula sa mga 3rd year students.
Paradaym
KABATAAN ----> ORAS NG PAG-AARAL ----> PAGPAPAHINGA
Tunkulin ng mga kabataan ang mag-aral. Kapag ang kabtaan ay napagod na sa kanilang
pag-aaral, sa pagrerebyu halimbawa sa kanilang pagsusulit, dalawa ang maaaring gawin nila.
Una ay ang magpahinga o matulog para may lakas sila upang ipagpatuloy ang kanilang pag-
aaral. Sa kabilang banda, maaari silang maglaro gamit ang PSP, Laptop at Cellphone o di kaya’y
11
TEKNOLOHIYA
MGA MAKABAGONG GAMIT
MASAMA AT MABUTING NAIDUDULOT
makinig ng musika sa iPod. Ang mga makabagong kagamitang ito na hatid ng teknolohiya ay
maaaring magdulot masama at mabuting epekto. Ang laptop at cellphone ay maaaring
magdulot ng mabuting epekto dahil ang laptop at cellphone ay magagamit pandagdag sa
kaalaman ng mga mag-aaral. Maaari namang magdulot ng masamang epekto ang iPod at PSP sa
kadahilanang maaari itong maging sanhi ng pagkatamad ng mga mag-aaral sa kanilang pag-
aaral ang maglaro na lamang sila buong hapon imbis na mag-aral.
Kabanata 212
Mga Kaugnay na Literatura
Maraming tao ang kadalasang nagtatalo kung ang teknolohiya ay
nakakabuti o nakakasama. Marami ang naniniwala naang teknolohiya ay may
epekto sa ating lipunan , pero marami rin ang pabor sa pag-unlad ng teknolohiya
dahil ito ay nagbibigay ng magandang dulot sa pamumuhay ng mga Pilipino . ang
mga pananaw na ito ay tama. Subalit, kailangan nating pag-aralan ng mabuti kung
ang teknolohiya nga ba ay nakakatulong o nagdudulot ng masamang epekto. Ito
ay nakasalalay sa atin mga Pilipino kungt paano natin ito gagamitin.
Ayon kay Kristine Mae Ledda, Isang mag-aaral ng University of the Philippines Baguio, Sa
kasalukuyang panahon, sino pa ba ang hindi nakaka-alam ng isa pa sa mga sikat na imbensyon,
ang Computer. Bagay na nagpadali ng buhay ng mga mag-aral na katulad ko. Ayon nga sa mga
nakatatanda, kung dati raw ay aabutin ka ng mag-hapon sa library ng paaralan upang hanapin
ang kahulugan ng mga leksyon, ngayon ay nariyan sa bawat kanto ng Metro Manila hindi lang
sa lugar ng mga urban maging sa rural ang mga ‘Internet Café’. Sa isang pindot lang, nasa harap
mo na agad ang hinahanap mo. Maliban pa sa sobrang bilis na proseso na paghahanap ng
leksyon, nariyan pa ang printer upang solusyonan ang problema sa matagal na pagsusulat ng
mga takdang aralin. Click lang ng click ay makukuha mo na ang isang mabilis na proseso ng
paggawa. Kung isang matalinong indibidwal nga naman ang gagamit ng teknolohiya, siguradong
malayo ang mararating ng ating bansa. Malaki ang maitutulong nito upang umunlad at patuloy
na mapadali ang proseso ng modernisasyon na siyang magdadala sa bawat tao sa tiyak na
tagumpay. 4
13
Ayon kay DepEd Asst. Secretary Teresita Inciong, kina kailangan na pagsabihan lang ng
mga guro ang kanilang mga estudyante na patayin o itago ang cellphones ng mga ito habang
nasa klase para makaiwas sa anumang reklamo mula sa mga magulang laban sa kanila. Sa
umiiral na DepEd Order number 83-2003; order number 26-2000 at order number 70-1999,
mahigpit na ipinagbabawal ang paggamit ng cellular phones sa mga estudyante habang nasa
loob ng klase. Pinakiusapan din ni Inciong ang mga estudyante na maging responsable sa
paggamit ng cellphone. Hinikayat rin ni Inciong ang mga guro na gabayan ang mga estudyante
sa tamang paraan sa paggamit ng naturang teknolohiya sa impormasyon upang hindi malaglag
ang mga ito sa maling gawain tulad ng pakikipag-text sa mga estranghero na may masasamang
intensyon, bagkus ay gamitin ito lalo na sa paghingi ng saklolo. 5
Kabanata III
14
Disenyo at Pamamaraan ng Pananaliksik
Ang mga maniniliksik ay matiyagang na ngalap ng impormasyon sa pamamagitan ng
matiyagang pamimigay ng mga talatanungan sa mga mag-aaral ng Baliuag University sa Ikatlong
taon sa sekondarya at pangangalap ng mga datos sa aklatan at mga thesis
Sa kabanatang ito ilalahad ang desinyo at pamaraan ng mga mananaliksik, disenyo,
respondent, teknik, instrument, paraan ng pagsasagawa at istratehiyang gagamitin ng mga
mananaliksik sa pagsusuri ng ibinibigay na talatanungan.
Disenyo
Ang pag-aaral na ito gumamit ang mga mananaliksik ng descriptive survey o paglalarawan
panunuri dahil inilalarawan rito ang kinalalabasan ng pag-aaral sa pamamagitan ng
talatanungan.
Upang maisakatuparan ang pananaliksik na ito ang mga mananaliksik ay gumawa muna ng
talatanungan o “questionnaire” na siyang ipinasasagot sa mga mag-aaral ng Baliuag University
sa sekondarya, Ikatlong taon. Na nagiging saklaw ng pag-aaral na ito. Pagkatapos malikom ang
mga talatanungan, ito ay iwinasto at matiyagang sinuri ng mananaliksik sa pamamagitan ng
talahanayan. Upang lalong maging malinaw ang kinalabasan ng pag-aaral ay gumamit ang mga
mananliksik ng pormulang makakatulong sa lubos na ikakaunawa ng bawat talahanayan.
Percentage technique ang ginamit ng mga mananaliksik na pormula.
15
RESPONDENTE
Ang respondent o saklaw ng pag-aaral na ito ay ang mga mag-aaral sa ikatlong taon sa
sekondarya ng Baliuag University. Binubuo ng limampung mag-aaral.
Matiyagang nakikipag-ugnayan ang mga mananaliksik sa Prinsipal at Gurong nangangasiwa
sa respondent na mag-aaral na saklaw ng pag aaral upang maipamahagi ang mga talatanungan
o questionnaire na inihanda ng mga mananaliksik upang matugunan ang hinahanapan ng
kasagutan.
INSTRUMENTO
Ginamit ng mga mananaliksik ang tseklist sa mga mag-aaral upang malaman ang mga salik
na nakakaapekto sa paraan ng pagamit ng teknolohiya ng mga mag-aaral. Gumamit dn ng aklat
ang mga mananaliksik sa pagkalap ng datos.
PAGTATRATO SA MGA DATOS
Sa pamamagitan ng paggawa ng mga teybol matapos mai-tally ang mga kasagutan
sa kwestyuneyr ng mga respondente ay naipakita ang porsyento o bahagdan ayon sa dami
16
ng sinang-ayunang kasagutan ng mga respondente sa tanong na nakapaloob sa
kwestyuneyr o talatanungan.
ESTATISTIKONG PAGTATRATO
Ang mga mananaliksik ay gumamit ng percentage technique upang masuri ang kinalabasan
ng mga kasagutan ng mga mag-aaral
Narito ang pormula na ginamit ng mga mananaliksik upang mailahad ng mabuti ang pag-
aaral.
Bahagdan = (Bilang ng mga tumugon / Kabuuang bilang ng mga sumagot) x 100
Kabanata IV
Presentasyon at Interpretasyon ng mga datos
17
Sa kabanatang ito ilalahad ng mga mananaliksik ang kinalabasan ng pag-aaral sa
pamamagitan ng masusing paglalahad sa mga kasagutan ng respondent sa binigay na
talatanungan sa pamamagitan ng talahanayan.
Ito ay matiyagang pinagtulung-tulungan ng mga mananaliksik upang mailahad ng tama
ang mga kasagutan.
Narito ang talahanayan na ginamitan ng pormulang “Bahagdan = (Bilang ng mga
tumugon / Kabuuang bilang ng mga sumagot) x 100” para makuha ang bahagdan at kabuuan ng
kasagutan.
1. Anu-ano ang mga gamit na mayroon ka na produkto ng teknolohiya?
18
Lumalabas sa pagsusuri na ito na ang mga kabataan ngayon ay gumagamit ng mga
makabagong teknolohiya. Halos lahat ng mga kabataan maging lalaki man o babae ay
gumagamit ng mga ito, nangunguna sa mga teknolohiyang ito na mayroon ang mga kabataan ay
cellphone (babae 100%, lalaki 96%) pangalawa ay ang Computer o laptop (babae 64%, lalaki
76%), pangatlo ay ang Mp3 player (babae 36%, lalaki 36%), pang-apat ay ang Psp (babae 40%,
lalaki 28%), at ang panghuli ay ang mga iba pang mga makabagong teknolohiya tulad ng Ipod,
Ipod touch at Digicam (babae 4%, lalaki 0%).
2. Kung may Computer / Laptop, hanggang ilang oras ang naigugugol mo sa paggamit nito?
19
Lumalabas sa pagsusuri sa pag-aaral na kung ang isang kabataan ay mayroong Computer
o Laptop, ang bahagdan ng mga mag-aaral na 1 oras at pababa ang naigugugol ay (babae 12%,
lalaki 12%), ang 2 oras naman ay (babae 8%, lalaki 16%), ang 3 oras naman ay (babae 8%, lalaki
12%), ang 4 na oras naman ay (babae 4%, lalaki 28%), ang panghuli naman ay 5 oras at pataas
ay (babae 28%, lalaki 24%). Ipinapakita ng graph na ito na base sa mga sagot ng mga mag-aaral
na mayroong Computer o Laptop ay 5 oras pataas ang naigugugol sa paggamit nito.
3. Kung nag-rerent naman ng computer, ilang oras ang naigugugol mo sa paggamit nito?
20
Lumalabas sa pagsusuri na ito na kung ang mga mag-aaral naman ay nagrerenta ng
Kompyuter ang bahagdan ng mga mag-aaral na gumugugol ng 1 oras at pababa ay (babae 20%,
lalaki 28%), ang 2 oras naman ay (babae 48%, lalaki 28%), ang 3 oras naman ay (babae 16%,
lalaki 8%), ang 4 na oras naman ay (babae 0%, lalaki 4%), ang panghuli naman ay 5 oras at
pababa ay (babae 8%, lalaki 16%). Sa kabuuang pagsusuri lumalabas na karamihan sa mga mag-
aaral na nagrerenta ng Kompyuter ay 2 oras ang naigugugol.
4. Kung may Cellphone ka, gaano kalaki ang nagagastos mo sa loob ng isang linggo?
21
Lumalabas sa pagsusuri na lahat halos ng mga mag-aaral ngayon ay gumagamit ng
Cellphone, narito ang mga bahagdan na nagpapakita kung gaano kalaki ang nagagastos ng mga
mag-aaral sa pag-loload sa loob ng isang linggo. Ang bahagdan ng mga mag-aaral na
gumagastos ng 50 pababa ay (babae 68%, lalaki 36%), ang gumagastos naman ng 100 ay (babae
20%, lalaki 40%), ang gumagastos naman ng 150 ay (babae 4%, lalaki 12%), at ang panghuli ay
ang mga mag-aaral na gumagastos ng 200 pataas ay (babae 8%, lalaki 20%). Ang resulta ay
lumalabas na ang karamihan ng mga mag-aaral ay gumagastos ng 50 pababa sa loob ng isang
linggo.
22
5. Ano sa tingin mo ang nakukuha mong benipisyo sa paggamit ng Mp3, PSP, at Digital Camera at ng iba pang makabagong teknolohiya na mayrooon ka?
Isa sa mga katanungan ay kung ano nga ba ang nakukuhang benipisyo ng mga mag-aaral
sa paggamit ng mga makabagong teknolohiya. Narito ang resulta ng pagsusuri, lumalabas na
ang bahagdan ng mga mag-aaral na sinasabing pagiging “in” o sabay sa uso ang kanilang
nakukuha ay (babae 36%, lalaki 32%), ang bahagdan naman ng mga mag-aaral na sinasabing sila
nalilibang ay (babae 80%, lalaki 76%), ang bahagdan naman ng mga mag-aaral na nagsasabing
pagkakaroon ng maraming kaibigan ay (babae 12%, lalaki 28%). Pinapakita na ang halos lahat ng
mga mag-aaral ay libangan ang nakukuhang benipisyo.
23
6. Saang paraan mo madalas gamitin ang mga teknolohiyang ito?
Alam natin na ang mga makabagong teknolohiya sa ngayon ay mayroong napakalaking
pakinabang lalung-lalo na sa mga mag-aaral. Naririto ang result ang isinagawang pananaliksik,
na kung saan madalas gamitin ng mga mag-aaral ang mga naturang mga kagamitan na produkto
ng teknolohiya. Ang bahagdan ng mga mag-aaral na nagsasabing madalas nilang gamitin ang
mga ito bilang libangan ay (babae 84%, lalaki 68%), ang bahagdan naman ng mga mag-aaral na
nagsasabing madalas nila itong gamitin bilang instrumento ng komunikasyon ay (babae 40%,
lalaki 48%), at ang bahagdan ng mga mag-aaral na nagsasabing madalas nila itong gamitin sa
pag-aaral ay (babae 56%, lalaki 36%). Bilang resulta, lumalabas na ang karamihan sa mga mag-
aaral ay madalas gamitin sa larangan ng libangan.
24
7. Anu-ano ang mga positibong epekto ng mga makabagong teknolohiyang ito sa iyong pang araw araw na pamumuhay?
Maraming mga epekto ang mga teknolohiyang ito sa ating pang-araw-araw na buhay,
narito ang result ang isang pagsusuri tungkol sa positibong epekto ng mga ito. Ang bahagdan ng
mga mag-aaral na nagsasabing ang positibong epekto ng makabagong teknolohiyang ito ay
nakapagpapadali ng komunikasyon ay (babae 92%, lalaki 56%), ang bahagdan ng mga mag-aaral
na nagsasabing ang positibong epekto nito ay nakapagpapabilis ng Gawain ay (babae 76%, lalaki
28%), ang bahagdan ng mga mag-aaral na nagsasabing ang postibong epekto nito ay
nakapagpapaunlad ng antas ng libangan ay (babae 40%, lalaki 36%) at ang bahagdan ng mga
mag-aaral na nagsasabing ang positibong epekto nito ay nakatutulong sa pagpapalawak ng
kaalaman ay (babae 60%, lalaki 36%). Lumalabas sa pagsusuring ito na para sa mga mag-aaral,
ang positibong epekto ng mga ito ay napapadali ang komunikasyon sa kanilang pang-araw-araw
na pamumuhay.
25
8. Anu-ano ang mga negatibong epekto ng mga teknolohiyang ito sa iyong pang araw-araw na buhay?
Kung ang mga makabagong teknolohiyang ito ay mayroong positibong epekto, ito ay
mayroon ding negatibong epekto sa pan-araw-araw na buhay ng mga mag-aaral. Ang bahagdan
ng mga mag-aaral na nagsasabing ang negatibong epekto ng mga ito ay nadadagdagan ang
kanilang gastos, dahilan para maubos ang kanilang baon ay (babae 60%, lalaki 60%). Ang
bahagdan ng mga mag-aaral na nagsasabing ang negatibong epekto ng mga ito ay
nakasasagabal sa mga gawain lalung-lalo na sa gawaing bahay ay (babae 60%, lalaki 36%). Ang
bahagdan ng mga mag-aaral na nagsasabing ang negatibong epekto ng mga ito ay ang hindi
pagtulog sa tamang oras ay (babae 68%, lalaki 36%). Ang bahagdan ng mga mag-aaral na
nagsasabing ang negatibong epekto ng mga ito ay natural na pag-depende sa teknolohiya ay
(babae 32%, lalaki28%). Bilang resulta, lumalabas lamang na ang negatibong epekto ng
teknolohiya para sa mga mag-aaral ay nadadagdagan ang kanilang gastos dahilan para maubos
ang kanilang baon.
26
9. Paano ito nakakatulong sa iyong pag-aaral?
Ang mga makabagong teknolohiya ngayon ay nakakatulong sa pag-aaral ng mga mag-
aaral at narito ang resulta ng isang pagsusuri kung paano nakakatulong ang mga kagamitang ito
sa pag-aaral ng mga mag-aaral. Ang bahagdan ng mga mag-aaral na nagsasabing nakatutulong
ito sa pag-aaral sa paraang nakatutulong ito sa pagkalap ng impormasyon ay (babae 84%, lalaki
72%). Ang bahagdan ng mga mag-aaral na nagsasabing nakakatulong ito sa pag-aaral sa parang
napapadali ang mga takdang aralin ay (babae 60%, lalaki 40%). Ang bahagdan ng mag-aaral na
nagsasabing may iba pan paraan kung paano ito nakatutulong ay (babae 0%, lalaki 4%) Ito ay sa
paraang pagiging maagap sa mga pangyayari. Sa kabuuang resulta, lumalabas na ang mga
teknolohiyang ito ay nakatutulong sa pagkalap o paglikom ng mga mahahalagang
impormasyon.
27
10. Anu-ano ang nagiging dulot ng mga teknolohiyang ito sa iyong pag-aaral?
Isa sa mga katanungan ay kung ano ang epekto ng mga makabagong teknolohiyang ito
sa mga mag-aaral lalung-lalo na sa mga mag-aaral ng Baliuag University na nasa sekondarya,
kung ito ba ay nakabubuti o nakasasama. Ang bahagdan ng mga mag-aaral na nagsasabing ang
epekto ng mga makabagong teknolohiyang ito ay nakabubuti ay (babae 60%, lalaki 56%), ang
mga bahagadan ng mga mag-aaral na nagsasabing ang epekto ng teknolohiyang ito ay
nakasasama ay (babae 28%, lalaki 44%), ang mga bahagdan ng mga mag-aaral na nagsasabing
walang naidudulot ang mga ito sa pag-aaral ay (babae 12%, lalaki 0%). Bilang resulta, maraming
mga mag-aaral ang nagsasabing mayroon mabuting epekto ang mga makabagong
teknolohiyang ito.
28
Kabanata 5
Konklusyon, Lagom at Rekomendasyon
Konklusyon
Tungkulin ng isang kabataan ang mag-aral. Kapag ang kabataan ay napagod na sa
kanilang pag-aaral, sa pagrerebyu halimbawa sa kanilang pagsusulit, dalawa ang maaaring
gawin nila. Una ay ang magpahinga o matulog para may lakas sila upang ipagpatuloy ang
kanilang pag-aaral. Sa kabilang banda, maaari silang maglaro gamit ang PSP, Laptop at
Cellphone o di kaya’y makinig ng musika sa iPod. Ang mga makabagong kagamitang ito na
produkto ng teknolohiya ay maaaring magdulot masama at mabuting epekto. Ang laptop at
cellphone ay maaaring magdulot ng mabuting epekto dahil ang laptop at cellphone ay
magagamit pandagdag sa kaalaman ng mga mag-aaral. Maaari namang magdulot ng masamang
epekto ang iPod at PSP sa kadahilanang maaari itong maging sanhi ng pagkatamad ng mga mag-
aaral sa kanilang pag-aaral ang maglaro na lamang sila buong hapon imbis na mag-aral.
Hindi rin naman mawawala na may mga magaganda at masasamang dulot ang mga
gadget na ito. Ang isa sa mga mabuting naidudulot nito ay nagiging responsable at maingat ang
may-ari sa kanyang kagamitan dahil ayaw nitong mawala at alam nitong mahal ang kagamitan
na ito. Natututo rin na magipon at magtipid ang mga mag-aaral para makabili nito. At higit sa
29
lahat ay nakakaiwasang mga kabataan sa impluwensiya ng droga dahil mayroon silang
pinagkakaabalahan.
Kung ang mga teknolohiyang ito ay may magandang naidudulot sa mga mag-aaral,
masasabi nating mayroon din itong naidudulot na nakasasama at nakakasagabal sa pag-aaral ng
isang kabataan. Halimbawa, dahil sa sobrang paggamit ng mga kabataan ay nagiging adik ang
mga ito. Adik sa paraan ng lubos na paggamit ng kagamitan na ito. Nakakasira din ito sa
kalusuagan lalo na sa mata. Alam nating maraming kabataan ang nagaasam at naghahangad na
magkaroon ng mga makabagong gamit, dahilan ito upang magdudulot ng sakit sa ulo sa mga
kabataan sapagkat sa kagustuhan nilang magkaroon nito ay minsan nagiging dahilan upang sila
ay magnakaw. At higit sa lahat, naisasantabi nila ang kanilang pagaaral. Halimbawa nalamang,
mas inuuna nila itong gawin kesa sa paggawa ng kanilang takdang aralin o kaya naman magaral
para sa kanilang mga pagsusulit.
Hindi natin matatanggal sa mga kabataan na kung mayroon kang kagamitan na ganito ay
masasabi nilang sunod ka sa uso kaya marami din ang naghahangad na magkaroon ng mga
gamit na ito na produkto ng teknolohiya. Nakakaalis din ang mga ito ng pagkabagot at
nagsisilbing libangan. Napakadali din nitong dalhin at gamitin. Madalas ay ginagamit ang mga
ito upang magsilbing paraan ng pagpapahinga, pantanggal ng stress at magkaroon ng oras ang
mga kabataan sa kani-kanilang sarili. Ang mga kabataang mayroon mga makabagong gamit ay
maaari ding maaappreciate ang mga iba’t-ibang genre ng musika at sila ay lubusang nahihilig sa
30
musika kaya nakakatulong sa pagangat at pagpapaunlad ng industriya ng musika. Masasabing
isa yan sa mga magandang dulot sa mga kabataan.
Lagom
Narito ang mga dahilan ng mga mag-aaral kung bakit para sa kanila ito ay nakabubuti.
Para sa mga mag-aaral, nakatutulong ito ng malaki sa kanilang buhay eskwelahan, maging sa
larangan man ng akademiko o sa larangan ng libangan. Lumalabas na ito ay nakatutulong sa
paggawa at pagpapadali ng mga takdang aralin ng mga mag-aaral. Nakatutulong din ito sa mga
mag-aaral sa paggawa ng kanilang mga proyekto. Ang resultang ito ay nagpapaliwanag lamang
na ang mga makabagong teknolohiyang ito ay nakabubuti at nakatutulong kung gagamitan ng
tamang disiplina.
Narito ang dahilan ng mga mag-aaral kung bakit para sa kanila ito ay nakasasama. Para
sa mga mag-aaral, ito ay nakasasama sa kadahilanang nakasasagabal ito sa kanilang pag-aaral.
Nagiging dahilan din ito sa hindi wastong pagtulog sa tamang oras. Lumalabas din na ang
sobrang pagamit ng wala sa ayos ay hindi nakadudulot ng mabuti.
Narito ang dahilan ng mga ibang mag-aaral, kung bakit para sa kanila ito ay walang
naidudulot. Para sa mga mag-aaral, wala itong naidudulot sa kanila sapagkat hindi nila
nakasanayan palaging kumonsulta o dumipende sa mga teknolohiyang ito. May ilan ding
31
nagsasabi na wala itong naidudulot dahil mas gusto nila ang makalumang paraan ng pag-aaral,
kung saan sila ay pupunta ng library at magbabasa ng mga libro.
Rekomendasyon
1. Ang mga makabagong teknolohiyang ito ay nakabubuti at nakatutulong kung gagamitan
ng tamang disiplina.
2. Ang paggamit sa teknolohiya ng lubos at wala sa ayos ay hindi nagdudulot ng mabuti.
3. Hindi dapat tayo masanay na dumipende sa teknolohiya.
4. Limitahan ang paggamit sa mga makabagong teknolohiya upang hindi magdulot ng
masamang epekto sa pag-aaral.
5. Nararapat na bigyan ng mga mag-aaral ng pansin higit kaysa sa ibang mga bagay ang
kanilang pag-aaral.
32
Vitae
PANSARILING TALA
Pangalan : Talusan , Hiedee Caluag
Tirahan : 451 Sto. Cristo Pulilan Bulacan
Telepono : 09323976447
Personal na Impormasyon
Araw ng kapanganakan : Abril 03, 1993
Istatus : Dalaga
Kasarian : Babae
Nationalidad : Pilipino
Pangalan ng Ama : Federico D.C. Talusan
Pangalan ng Ina : Elvira C. Talusan
33
Mga Natapos
Elementarya : Sto. Cristo Elementary School ( 2004 – 2005 )
Sekondarya : Liceo De Pulilan Colleges ( 2008 – 2009 )
Kolehiyo : Baliuag University ( Kasalukuyan )
Pangalan : Roque, Arnel Joseph
Tirahan : 36 coral na Bato, San Rafael, Bulacan,
Telepono : 09059778709
Personal na Impormasyon
Araw ng kapanganakan : Nobyembre 10,1992
Istatus : Binata
Kasarian : Lalaki
Nationalidad : Pilipino
Pangalan ng Ama : Pastor Roque
Pangalan ng Ina :Magnolia Roque
Mga Natapos
Elementarya : Coral na Bato Elementary School
34
Sekondarya : Carlos F. Gonzales High School
Kolehiyo : Baliuag University ( Kasalukuyan )
Talasanggunian
1 www.wikipedia.org. March 20, 2011
2 Diksyunaryo ng Wikang Filipino. 1989
3 www. teknolohistangpinoy.com . March 22,2011
4 Ledda, Kristine Mae. Silip Artikulo. March 26, 2010
5 www.philstar.com . March 27, 2010
6 www.gabaysapagpilicourse.blogspot.com. March 26, 2010
35