TSV63-0630M Ekisodo Ya Vhuraru VGRdownload.branham.org/pdf/TSV/TSV63-0630M The Third... · 10 Zwino, Murena a tshi funa, madekwana a ṋamusi, ndi ṱoḓa ... EKISODO YA VHURARU

EKISODO YA VHURARU

Zwithu zwoṱhe zwi a konadzea, tendani fhedzi. Kha ri kotamise zwifhaṱuwo zwashu zwino u itela ipfi ḽa thabelo. Zwifhaṱuwo zwashu zwo kotama, ndi a mangala arali hu na dziṅwe khumbelo dza tshipentshela dzine na ḓo ṱoḓa dzi tshi ḓivhiwa phanḓa ha Mudzimu. Itonu imisa tshanḓa huno, henefho fhasi ha tshanḓa tshaṋu, itonu fara khumbelo yaṋu.2 Khotsi wa Ṱaḓulu, ri a livhuwa izwi, tshiṅwe tshifhinga tsha u ṱangana roṱhe, siani iḽi ḽa Vhutshilo-tshoṱhe. Huno ri khou sedza matsheloni ano uri u bvusuludzwa ha nungo hu ḓe hu tshi bva kha Iwe, u ri ṋea tshivhindi tsha lwendo lu re phanḓa. Ro kuvhangana sa vhana vha Vhahevheru vho ita nga matsheloni a vhilulaho, u wana mana o ḓisedzwaho vhone vhusiku, u vha tikedza ḓuvha ḽi ḓaho. Ri kuvhanganela Mana a tshimuya, matsheloni ano, u ri ṋea nungo dza lwendo.3 Fhasi ha izwo zwanḓa zwo yaho nṱha, Iwe u a ḓivha zwoṱhe zwine vha zwi ṱoḓa, Murena. Huno ndi rabela thabelo yanga, na yavho, phanḓa Hau, uri Iwe u ḓo ḓisedza ṱhoḓea iṅwe na iṅwe ine vha vha na ṱhoḓea yayo. Fhodza vhalwadze na vha ṱhupheaho, Murena. Ri a zwi ḓivha uri Iwe u Mudzimu, huno u kona u ita zwithu zwoṱhe, huno wo fulufhedzisa u zwi ita arali ri tshi nga tou kona u ita vhunga luimbo lwo ri eletshedza, Tendani Fhedzi, huno vhunga ro pfa maipfi a vhugala, Tshimbilani Huno Ni Ambe Na Khosi.4 Zwino, Khotsi, Mudzimu, fhaṱutshedza Ipfi Ḽau musi Ḽi tshi ṱuwa matsheloni ano, huno ngavhe Ḽi tshi wana fhethu ha u awela Haḽo mbiluni dzashu, uri Ḽi kone u bveledza zwithu zwine ra zwi humbela, Khotsi. Nga Dzina ḽa Murena Yesu ri a humbela. Amene. Ni nga dzula. Ndi a ni livhuwa, khaladzi.5 Ndi a tenda uri zwo ambiwa, “Ndo vha ndo takala musi vha tshi ri kha nṋe, ‘Kha ri ye nḓuni ya Murena.’”6 Ndi tshi ṱuwa Hot Springs, mulovha, Mukomana Moore o vha a tshi khou ri, “Mukomana Branham,” ha pfi, “inwi, naa ni nga si reilele fhasi, Texas, huno na nṋe ngei khuvhanganoni ngei fhasi,” ha pfi, “ra awela maḓuvha a si gathi?”7 Nda ri, “Ndi na tshumelo mbili matshelo.” A ri, “Tshumelo mbili?” Nda ri, “Iina.”8 Ha pfi, “Zwi a lemela ni tshi khou rera fhano,” ha pfi, “munna u tea u awela vhege nga murahu ha iṅwe na iṅwe yadzo.” Ha pfi, “Inwi ni dzhia mufunzi, u ṋea mulaedza

2 IPFI ḼO AMBIWAHO

wawe wa nga matsheloni a Swondaha, na zwiṅwe-vho,” ha pfi, “zwenezwo u awela vhege yoṱhe. Huno, zwenezwo, huno khamusi itsho tshi ḓo vha miniti ya furaru, kana tshiṅwe tshithu.” Huno ha pfi, “Inwi no rera lwa awara dzi ṱoḓaho u swika mbili kana awara tharu fhano, nga tshifhinga,” ha pfi, “zwenezwo, ḓuvha na ḓuvha, nahone nga tshiṅwe tshifhinga luvhili nga ḓuvha, huno zwenezwo na ita muduba wa thabelo, zwoṱhe zwe zwa vha zwi vhuṱalukanyi.” Ha pfi, “Zwino inwi ni ri ni khou ya hayani, na vha na tshumelo mbili nga Swondaha?” Nda ri, “Ee, muṋe wanga.” Ha pfi, “Naa ni zwi ita hani?” Nda ri, “Thuso yanga i bva i ha Murena.” Ni a vhona?9 Awara yo no ṱuwesa, sa muṅwe, muṅwe o amba tshikhathinyana tsho fhiraho, thabeloni, vhunga ndo tou dzhena ngomu. Awara yo no lenga, huno ṱhoḓea ndi khulwane, huno ri fhano u lingedza u vhea tshipiḓa tshashu ngomu, u thusa iyi awara khulwane ine ra vha khayo.10 Zwino, Murena a tshi funa, madekwana a ṋamusi, ndi ṱoḓa u amba nga ha ṱhoho, “Naa vhutshilo haṋu vhu a ṱhonifha Mafhungo-maḓifha?” Izwo ndi, ndi ṱoḓa u theipha iyo.11 Huno zwino, a thi ḓivhi uri kana vha khou yo theipha uyu matsheloni ano, kana hai. Ndi vhona vhaṅwe nga hangei lufherani. Hu na—hu na vhaṅwe vha vhathu ngomu henefho; ndi dzhia uri vha hone. Ndo ita…Ndo elekanya uri Mukomana Neville u ḓo ita izwi. Ndo vhudzisa, Swondaha yo fhiraho, u itela ene uri a vhe na yawe…a bvele phanḓa na mulaedza wawe; huno zwenezwo a bvele phanḓa, a ntendele ndi dzhene ngomu na tshiṅwe tshithu murahu hawe. Fhedzi, arali vha tshi ṱoḓa u theipha ngudo ya tshikolo tsha Swondaha, mulandu, zwi ḓo vha zwo luga.12 Huno zwenezwo, Murena a tshi funa, Swondaha i tevhelaho, ndi uri, arali Murena a tshi tenda huno ri fhano, ndi ṱoḓa u amba nga ha ṱhoho ye nda vha ndi tshi khou ṱoḓa lwa tshifhinga tshilapfu, huno ndo fulufhedzisa uri ndi ḓo amba Milaedza nga u ralo thaberenakeḽeni, u thoma, iyo Milaedza yo theiphiwaho. Ndi ṱoḓa u vhona mulandu uyu murafho nga u vhamba Yesu Kristo; Swondaha i tevhelaho nga matsheloni, Murena a tshi funa.13 Huno zwino, madekwana a ṋamusi, nga awara ya vhusumbe, kana hafu u bva kha ya vhusumbe, ndi—ndi Mulaedza wa “Naa vhutshilo haṋu vhu a ṱhonifha?”14 Zwino, tshiṅwe tshifhinga, nga u amba nga ha Milaedza nga u ralo, ndi amba zwithu zwi tsheaho lu konḓaho nga maanḓa. Huno a thi khou amba zwa vhukuma kokotolo kha itshi tshivhidzo fhano, kana tshiṅwe tshithu. Elelwani, musi ndi tshi khou amba, zwi ya u mona na shango. Ni a vhona?

EKISODO YA VHURARU 3

Huno ri na nzudzanyo ya theiphi, u mona na shango, huno vha dzhia iyi Milaedza vha i isa murahu maḓakani na huṅwe na huṅwe. Huno Muya Mukhethwa nga tshiṅwe tshifhinga u a nthanga phanḓa uri ndi ambe tshiṅwe tshithu tshine tshi nga vha tshenetsho tshithu tshine A tshi ṱoḓela muṅwe kule fhasi ngei Australia, huṅwe fhethu, kana tshiṅwe tshithu. Ngauralo, khamusi, dziṅwe nyimele, ni ḓo ri, “Zwo luga, zwino, iyo nyimele a iho fhano. Naa u ri mini a tshi ralo?” Khamusi ndi zwa huṅwe fhethu-vho, inwi ni a vhona. Ngauralo, iina, ndi na ngoho ya uri vhoinwi vhathu ni a pfesesa izwo, zwauri iyi Milaedza a yo ngo livhiswa kha muṅwe. Yo livhiswa kha Tshivhidzo, nga vhuḓalo, huṅwe na huṅwe, huno tshiṅwe na tshiṅwe tshine Murena a ḓo ri ranga phanḓa u tshi amba na u ita.15 Ro vha na tshifhinga tsha vhugala ngei Hot Springs, nahone kha muṱangano wa fesheni ya kale wa Pentekoste. Ndi na ngoho ya uri vhunzhi haṋu no fushea uri ndi vhathu vha Pentekoste ngei fhasi, tshee inwi—inwi na tsela fhasi. Zwo luga, fhedzi, a thi ḓivhi itsho tshigwada. Ndi tou ṋamba nda tsela fhasi lwa vhege, huno ndi ṋea maḓuvha mavhili kana mararu. Fhedzi ndi ṱoḓa u amba tshithu tshithihi. Kha uyo muṱangano, vhone zwa vhukuma vha na lutendo, lwa u tenda. Arali muṅwe wa vhoinwi-vho o vha e henengei…16 Zwine, ndi a ḓivha, uyu mufumakadzi fhano, o dzula khuḓani, a thi ḓivhi uri ndi nnyi. Kana, henefha, ndi a ḓivha uri o vha e henengei. Huno ndi a ḓivha uri vharathu vha si gathi vho vha vhe henengei, Mukomana Jackson, avho, Mukomana Palmer.17 Izwo ndi zwine vhathu vha wana musi vha na lutendo. Ni a vhona? Ni a dzhiela nzhele uyo muduba wa phodzo? Ho vha hu si na muthihi we a dzhena ngomu kana a bvela nnḓa fhedzi we Mudzimu a mu fhodza. Ni a vhona? Ni a vhona? Huno ngauralo, musi ni na lutendo…18 Huno tshiṅwe tshithu, hu nga ḓi vha na vhaṅwe vhaṋu, ni nga ḓi si pfesese uyo munyanyuwo, u tshina, u ṱavha mukosi. Zwo luga, vha tou…A vha khou sedza muṅwe muthu-vho. Vha khou tou ṱavha mukosi, phanḓa ha Mudzimu. Ni a vhona? Izwo zwo luga.19 Fhedzi, ndi ṱoḓa u amba, ndi iṅwe—iṅwe ya sethe i vhonalaho yo ṱanzwea tshoṱhe ya vhasadzi ye nda vhuya nda i vhona, ayo mavhudzi malapfu, na—na vhathu vha bvaho ngei murahu ḓakani, murahu zwiṱakani. Fhedzi a thi tendi uri ndo vhona nnyi na nnyi u mona hoṱhe a re na vhulenda wa u vhonala e wa musalauno nga maanḓa, inwi ni a ḓivha zwine nda zwi amba, nga tshaka dzoṱhe dza u ḓola na zwithu zwo ambarwaho. Zwi a sumbedza. Ndi nga ḓi si tendelane navho kha zwoṱhe zwine vha funza, fhedzi nga ngoho ndi nga tenda henefho. Avho vho vhonala vhunga Vhakriste, kha nṋe.


20 Ngauralo Murena o nthanga phanḓa u amba nga ha ṱhoho, mulovha, kana mbamulovha, nga masiari: Luthihi Fhedzi Hafhu, Murena. Huno kha tshivhidzo, vhaṅwe vhavho henengei a vho ngo ḓivha, ndo ita izwo u itela ndivho, ngauri Murena o nthanga phanḓa u ita izwo. Itsho tshigwada tshiṱuku tsho vha tshi tshi khou redzemutshela ngomu ha tshiṅwe tshithu, huno Murena o thusa uri izwo zwi—zwi zwi ite. Ngauralo, ho vha hu tshi tou mangadza. Zwa vhukuma ndi…21 Inwi ni a ḓivha, zwithu zwi ya phanḓa, arali ni si na iṱo ḽa tshimuya, a ni zwi wani. Ni a vhona? Inwi ni tea u sedza phanḓa kha izwo zwithu.22 Ndi a dzhena ngomu. Huno uyu Mukomana Ungren, izwo ndi zwa tsini na tshifhinga tsha vhuvhili tshe nda vhuya nda pfa munna a tshi imba. Zwenezwo ndi tshi dzhena ngomu lufherani, o vha a tshi khou imba Ndi A Tshimbila Na U Amba Na Khosi. Ndo elekanya, “Naa itsho a tsho ngo naka!” Nḓila ye Khosi ya vhuya…Ni a vhona? U tshimbila na u amba, izwo zwi amba uri ndi vhuṱama vhu sa fhidzi. Hu si kha tshivhidzo, fhedzi, huṅwe na huṅwe, tshimbilani huno ni ambe na Khosi.23 Huno henefho, a sedza nṱha kha luvhondo, huno ho vha hu na garaṱa yo nambatelaho kha tshifanyiso tshiṱuku ngomu henefho, ya lushaka lwa vhupo ha munna a no pfi George Todd a—a mmpendela. A thi ḓivhi uri ndi ngani munna o zwi ita. Ṱhaṅwe, khamusi, ha tou elekanya, huno o tshi pennda huno ndi tshifanyiso tsha thavha, murahu ḓakani, huno—huno mulambo u tshi khou elelela fhasi. Huno kha ḽiṅwe sia ḽa mulambo, ho ima ntsa ya tsadzi na ntsa ya mboho, na nḓevhe dzi nṱha, dzo sedza u buḓekanya mulambo. A thi ḓivhi Vho-Todd vhe fhano. A thi vha ḓivhi. Fhedzi, ndi ṱoḓa u amba izwi, Murena o amba na nṋe musi ndo sedza kha itsho tshifanyiso. Huno khamusi ho ngo ḓivha, musi o vha a tshi khou tshi pennda.24 Elelwani nganea ṱhukhu yanga ya nyala ye muthu a vha a tshi khou yo i thuntsha, na mbidzo yawe? Zwo luga, i henefho na ntsa ya mboho yayo, ngauralo, tsini na maḓi a vhutshilo. Ni a vhona? U hevhedzwa, nga nḓila ye mme nyala na ṅwana wayo dza vha dzi henefho! Huno nda elekanya, “Ee. Huno kha ḽiṅwe sia, hune ha vha na, tsini na miri i dzulaho i midala, ndi na yone—yone mme na ṅwana henefho, na dzone, dzo lindelaho henefho.”25 Ndi a ni livhuwa, mukomana, Mukomana George Todd, arali uyo munna a fhano matsheloni ano.26 Zwino, ndi ḓo vha na ngudo ya tshikolo tsha Swondaha. Nṋe ndi kanzhi ndi nayo tshifhinga tshilapfu.27 Hu na tshiṅwe tshithu tshi dzulaho tshi tshi khou tshimbila mbiluni yanga, a thi ḓivhi, u bva mulovha. Zwino ri…arali Murena…ndi—ndi ṱhoho. Nṋe ndi khou kalaha, huno ndi—a


thi ḓivhi ndi ḓo fhedza tshifhinga tshi ngafhani nṋe ndi fhano. Fhedzi hu na mbudziso khulwane tshivhidzoni, tshine tsha ita uri vhanna vha fhambane, na mihumbulo yo fhambanaho.28 U tou fana na u ḽa “apula.” Huno ndo rera Mulaedza, huno ndi a tenda, ndo khwaṱha, ndi nga zwi sumbedza nga Maṅwalo, uri ho vha hu si maapula. Ni a vhona? Zwo vhanga nḓaḓo nnzhi.29 Ngauralo, khamusi, ri sa athu ṱuwa…Ri tea u humela murahu zwino, nga maḓuvha a no ṱoḓa u swika furaru, inwi ni a ḓivha, murahu Arizona. Huno ngauralo arali, ndi sa athu ṱuwa, Murena a tshi funa, ndi ḓo takalela u dzhia Luṅwalo. Huno ni songo lu theipha. Arali vha tshi ita, ni songo rengisa theiphi. Ni songo i tendela u bva. Ndi ṱoḓa u ṱalutshedza Ngoho ya vhukuma ya mbingano na ṱhalano. Ndi mbudziso. Huno idzi ndi awara dza u fhedzisela, dzine, “Musi zwiphiri zwoṱhe zwa Mudzimu zwi tshi tea u vuledzwa.” Huno mulovha, ndi tshi ḓa nṱha u buḓekanya dzithavha, tsini na tshedza tsha masiari, Muya Mukhethwa wo vhonala u tshi ri kha nṋe, “Theiphani uyo huno ni u vhee kule,” a thi ḓivhi uri ndi ngani, fhedzi, “Ngoho ya vhukuma ya mbingano na ṱhalano.”30 Vhaṅwe vhavho vha ri, “Vhathu vha nga mala, arali vha tshi nga ana uri vho vha vhe vhupombweni.” Huno vhaṅwe vha ri, “Zwo luga, arali vha sa farani zwavhuḓi, huno—huno vha sa koni u tshila vhoṱhe; ndi khwiṋe u tshila, ḽifhasi, nga mulalo, u fhira u tshila heleni kha ḽifhasi.” Na idzo mbudziso dzo fhambanaho dzoṱhe! Huno vhaṅwe vha vha mala nga nḓila iṅwe-vho ya kale. Huno vhaṅwe vha ṱoḓa u shasha maḓi makhethwa khavho, huno vha vha humisela murahu, huno vha ri, “Na khathihi a vho ngo mala.” Huno vha vha fhaṱutshedza, huno vha vha rembulusela tshivhidzoni hafhu. Hu na lushaka luṅwe na luṅwe lwa nḓaḓo. Fhedzi, arali hu na iyo nḓaḓo khulu, hu na Ngoho huṅwe fhethu.31 Ndi a tenda, huno nda amba izwi nga khuliso, ndi a tenda uri Murena o nndzumbululela yone, huno ndi…Ngoho. Huno arali zwi tshi nga dzhena vhukati ha zwivhidzo, zwi ḓo kherukanya tshithu tsha bva zwipiḓa. Zwine, khamusi zwi tea u ralo. Fhedzi ndi…Ndi ḓo ṋamba nda tendela vhafunzi, nda tou tendela vhafunzi vha zwivhidzo, u wana theiphi. Huno nda vha litsha vha i tamba, huno zwenezwo vha nga kona u ranga phanḓa u bva henefho. Fhedzi ndi ḓo takalela u theipha uyo, u sumbedza Ngoho ya vhukuma yawo. Ndi a tenda iyi ndi awara ya musi izwi “zwiphiri zwi tshi ḓo tea u vuledzwa,” u vuledzea. Zwo kwamiwa, vhunga ro amba, fhasi nga kha zwikhathi, zwa dzitheiphi, vhunga ro ḓisa ayo Mapfundo A Sumbe, na Zwikhathi Zwa Sumbe Zwa Tshivhidzo.


32 Huno zwino ro livhana na tshifhinga tsha Phalaphala Dza Sumbe, huno zwenezwo Mabulayo. Huno khamusi ri nga vhea muṱangano wa vhege mbili huno yoṱhe ra i vhea fhethu huthihi. Ndi ḓo takalela i tshi theiphiwa.33 Huno zwenezwo, nga nnḓa ha izwo, nṋe zwino ndi khou lingedza uri i vhalululwe, huno nda ita dzibugu ngayo, dza Zwikhathi Zwa Tshivhidzo; bugu dza sumbe dza tshikhathi tsha tshivhidzo, theiphi dza sumbe, huno nda dzi ita kha tshenetsho. Ri nga kona u ita uri zwi itwe nga nḓila i sa ḓuri ine ri nga kona, uri nnyi na nnyi a kone u zwi wana. Zwenezwo, arali Murena a tshi lenga, huno ndi ḓo tshimbila, inwi ni ḓo vhona uri zwithu zwe nda zwi amba nga Dzina ḽa Murena zwi ḓo khunyelela vhunga Zwo ambiwa. Na khathihi a zwi athu kundelwa, naho zwo ralo, huno zwiṅwe Zwazwo zwi tea u bvelela ngavhuya.34 Huno ndi—ndi a fulufhela uri Murena a ri tendele ri ite izwo nga u ṱavhanya. Ri ḓo ḓivhadza vhathu, tshifhinga, ngauri hu na zwi takalelwaho zwi no ḓo ḓa huno zwa pfa izwo zwithu. Huno nṋe—huno nṋe izwo ndi a zwi takalela.35 Arali hu si na we a Zwi tenda, kana a Zwi thetshelesa, naa zwi ḓo mpfarisani nṋe, ndo ima hafha, nda amba tshiṅwe tshithu nga Hazwo? Ni a vhona? Zwi ḓo nga u posela tshinnkwa kha maḓi. Zwi ḓo nga…Arali hu si na we a vha a tshi khou yo zwi tenda, zwenezwo zwi ḓo nga u posela dziperela phanḓa ha nguluvhe. Fhedzi hu na zwigidi zwi tshi andiswa nga zwigidi zwi no tenda Izwo. Ni a vhona? Huno vha farelela Ipfi ḽiṅwe na ḽiṅwe. Huno ri ḓo takalela u wana vhanzhi ngomu, zwi tshi konadzea, musi ri—musi ri tshi lugela u vha na idzi tshumelo, nahone u itela vhugala ha Murena. Huno ri a fulufhela uri Mudzimu u ḓo ri ṋea dzone.36 Huno a thi ṱoḓi u vha na izwo u swika ndi tshi hevhedzwa nga Mudzimu u zwi ita. Mudzimu u na tshifhinga tsha tshiṅwe na tshiṅwe. Ni a vhona? Inwi ni songo ya nga phanḓa hatsho. Arali ni tshi tumula goroi yaṋu phanḓa…Vha vhea mutshini ngomu henefho i sa athu vhibva, inwi ni xelelwa nga tshipiḓa tshihulwane tsha goroi yaṋu. Ni a vhona? Ngauralo, musi segere yo lugela u dzheniswa ngomu, Mudzimu u ḓo i dzhenisa ngomu, zwenezwo ri ḓo ya kha u kaṋa. Fhedzi ndi tou…37 Musi, ndi pfa ndo patea nga u ralo. Ndo elekanya uri ndi ḓo ḓidzinginyisela nnḓa hazwo, nga tshikhathinyana. Ḓuvha ḽoṱhe mulovha, a tho ngo zwi bvisa ṱhalukanyoni yanga, vhusiku hoṱhe vhusiku ho fhiraho. Ndo ya mmbeteni nga awara ya fumimbili nṱha ha tshithoma. Ndo vha na khofhe dza awara tharu, vhusiku ho fhiraho. Huno madekwe ndo kundelwa u eḓela. Ho vha hu tshi kha ḓi vha na, Tshiṅwe tshithu tshe tsha ri, “U theipheni uyo, Mbingano Na Ṱhalano.” Ni a vhona? Ngauralo nda—nda…Murena a tshi funa, arali


izwo zwi tshi dzula mbiluni yanga huno Murena a ntsumbedza zwiṅwe zwo engedzeaho zwazwo, zwo luga, zwenezwo, ndi ḓo…Ndi—ndi nga u theipha uyo. Ni a vhona?38 Fhedzi, elelwani, u itela vhashumeli fhedzi. Inwi iḓani, fhedzi, huno ni thetshelese. Fhedzi theiphi yone iṋe, i ri ni…Ni a vhona, ngauri i a bva vhukati ha zwivhidzo, huno dziṅwe dzi nga iyi nḓila, huno dziṅwe nga iyo nḓila, huno vha swika kha muhumbulo wavho. Huno ndi ṱoḓa vhakomana vha vhashumeli vha tshi vha na izwi kha ngudo yavho, huno zwenezwo nda vha tendela u ṱuwa henefho, ngauri ndi vhone vha re na vhuḓifhinduleli. Vhone ndi vhone. Vhunga u tsela fhasi huno na zwi tamba kha muhaṱuli, zwiṅwe zwa idzi nzhinga. Iina.39 Ni a vhona zwe Murena a amba nga ha uyu, Mbingano Na Ṱhalano. Wo khethea u fhira zwine vhathu vha elekanya uri u zwone. Huno u ḓo ṱumana ngomu na Mbeu Ya Ṋowa. Zwi tou vha zwenezwo zwithihi, zwi no tou tshimbila zwi tshi ya phanḓa, izwo ndi zwone zwiphiri. Elelwani, “Maḓuvhani a muruṅwa wa vhusumbe, zwiphiri zwoṱhe zwa Mudzimu zwi tea u vuledzwa,” izwo zwithu zwi sa ḓihwi zwauri Murena u ḓo zwi fhedzisa. Zwino, ngauralo kule…40 Zwino elelwani, nga hafu u bva kha ya vhusumbe ndi musi ni tshi thoma muṱangano wa vhoinwi. [Murathu Neville u ri, “Ee.”—Mudz.] Zwino, Murathu Neville, arali ni na mulaedza wa nga madekwana a ṋamusi, u rereni. Ni a vhona? [“Hai, muṋe wanga.”] U nga si nnzhie awara kana miniti ya fuiṋaṱhanu, huno ndi ḓo theipha wo salaho.41 Ndi takalela u thetshelesa Murathu Neville. Ndi a mu funa. Ndi murathu wanga. Huno ndi—ndi elekanya uri ndi ene tshiambi tshi mangadzaho, mushumeli a mangadzaho. Huno ndi…Tshithu tshithihi nga ha Murathu Neville, ndi a takalela, musi a tshi amba tshiṅwe tshithu, u tshila tshine a khou amba nga hatsho. Zwino, itsho ndi—itsho ndi tshone tshithu tshihulwane.42 Inwi ni a ḓivha, inwi ni nga tshilela muthu thero khwine u fhira zwine ni nga kona u mu rerela yone. “Ngauri vhoinwi vhaṋe ni epistola dzo ṅwaliwaho, dzi vhalwaho nga vhanna vhoṱhe.” Zwino, kha ri, ri sa athu…43 Ri nga ḓi kokodzela masiaṱari murahu, fhedzi Mudzimu u tea u vula iyi ngudo ya tshikolo tsha Swondaha, ngauralo kha ri tou Mu humbela uri a ite izwo.44 Khotsi wa Ṱaḓulu, riṋe—riṋe nga lutendo ri sedza kha ḽa matshelo. Ndi khou sedza zwino, nga lutendo, kha u ḓa ha tshiṅwe tshithu, Murena, kha ḽifhasi, tshi no khou yo kokodzela vhathu Vhau fhethu huthihi. Musi ri tshi vhona zwivhidzo zwa dinomineisheni zwi tshi khou godimela fhasi huno zwi tshi vha zwo fhambanaho nga maanḓa, zwa vhukuma


tshi khou sukumedzela vhathu nnḓa; u tou fana na zwe zwa vha zwi zwone ngei Egipita, u takuwa ha farao, we a vha a sa ḓivhi Josefa.45 Sa zwe zwa vha zwi zwone ngei Dzheremane, na—na nṱha ngomu Rashia, na Italy, vhathu vho vusa vho Joseph, Hitler na Stalin, Mussolini, vhe vha vhenga Muyuda. Vho ḓo tea u humela murahu kha haya havho. Mudzimu, U na nḓila dza u ita zwithu, dzine ra sa dzi pfesese. Huno Wo dzi kombetshedza. A hu na haya kha ḽa Dzheremane; tshiṅwe na tshiṅwe tsho dzhiiwa khavho. Nahone, ngei Italy, Rashia, hu si na fhethu hune hu nga iwa. Huno vho rumelwa murahu kha haya havho, u tou khunyeledza Ipfi.46 Oo, tshanḓa tshi funaho tsha Mudzimu! Hani, nga tshiṅwe tshifhinga, zwi vhonala zwi zwa tshiṱuhu, zwa nḓila ine vhathu vha tambula, fhedzi yone, i kha ḓi, ndi tshanḓa tshitete tsha Jehovah, a tshi khou ranga vhana vhaṱuku Vhawe. Ri a U livhuwa, Murena.47 Zwino ndi a rabela, Mudzimu, vhunga ndi tshi vhona ḓuvha ḽine dinomineisheni ya khou kombetshedza vhatendi, i tshi vha khaula, i tshi amba, zwauri, “Dzina ḽavho ḽi fanela u vha kha bugu yavho, kana vho xela. Ni songo vha na tshine na ita na tshiṅwe tshigwada.” Ndi tshanḓa tshitete tsha Jehovah, a tshi vha ranga phanḓa kha Muri wa Vhutshilo. Ndi a rabela, Mudzimu, zwauri, muṅwe na muṅwe. Ndi a ḓivha uri vha ḓo funa. Ngauri, ndi Ipfi Ḽau, huno Ḽi nga si kundelwe. Huno ngavhe ri tshi rangelwa phanḓa kha Muri wa Vhutshilo, uri ri kone u vha mudzhii wa Vhutshilo Vhu Sa Fheli, ra vhona tshanḓa tsha Mudzimu, huno, nga maṱo a lutendo, ra sedza seli ha iyi mirunzi ine ra khou tshimbilela khayo ṋamusi, ra vhona Shango ḽo fulufhedziswaho ḽo navha ngei phanḓa.48 Fhaṱutshedza Ipfi Ḽau, matsheloni ano, Murena, aya Maṅwalo a si gathi na notsi dze nda ṅwala fhasi hafha. Ngavhe Muya Mukhethwa u tshi ḓa zwino, musi ndi tshi ḓikumedza, u ruba ha lulimi na muhumbulo, ṱhalukanyo. Huno tshivhidzo tshi kumedza nḓevhe dzatsho dza pfeseso, mbilu dzatsho, na riṋe roṱhe, ri fhethu huthihi, uri Iwe u ḓo amba na riṋe nga Ipfi Ḽau, ngauri Ipfi Ḽau ndi Ngoho. Nga Dzina ḽa Ipfi, Yesu Kristo, ri a zwi humbela. Amene.49 Zwino, fhenḓani kha Bivhili dzaṋu, kha Bugu ya Ekisodo. Huno zwino ndi ṱoḓa u vhala tshipiḓa tsha Luṅwalo lu bvaho kha Ekisodo, ndima ya vhu3, u bva kha ya 1 u swika kha ya 12. Itonu thetshelesa, zwavhuḓi, musi ri tshi vhala. Ekisodo, ndima ya vhu3, ya 1 u swika kha ya 12.

Zwino Mushe o vha a tshi lisa zwifuwo zwa Yetero makhulu wawe, we a vha e tshifhe wa Midiani: huno o bva na zwifuwo a zwi isa murahu ha phanga, huno a ḓa thavhani ya Mudzimu, u swika Horebe.


Huno muruṅwa wa MURENA a bvelela khae nga khavhu ya mulilo i tshi bva vhukati ha tshiṱaka: huno tshone…ene…huno a sedza, huno, vhonani, tshiṱaka tsha swa nga mulilo, huno tshiṱaka a tsho ngo swa.

Huno Mushe a ri, ndi ḓo rembulutshela thungo zwino, huno nda vhona iyi mbono khulwane, zwine tshiṱaka tsha vha zwone…uri ndi ngani tshiṱaka tshi sa swi.

Huno musi MURENA a tshi vhona uri o rembulutshela thungo u vhona,…

50 Ndi ṱoḓa u ombedzela izwo!Huno musi MURENA a tshi vhona uri o rembulutshela

thungo u vhona, Mudzimu a mu vhidzelela vhukati ha tshiṱaka, huno a ri, Mushe, Mushe. Huno a ri, Nṋe ndi fhano.

Huno a ri, U songo sendela ngeno tsini: fhedzi bvula zwienda zwau milenzheni yau, ngauri fhethu he wa ima hone ndi mavu makhethwa.

Hafhu a ri, Ndi nṋe Mudzimu wa khotsi au, Mudzimu wa Abrahamu, Mudzimu wa Isaka, na Mudzimu wa Yakobo. Huno Mushe a dzumba tshifhaṱuwo tshawe; ngauri o vha a tshi ofha u sedza kha Mudzimu.

Huno MURENA a ri, nga ngoho Ndo vhona u tambudzwa ha vhathu vhanga vha re Egipita,…Ndo pfa tshililo tshavho nga tshiitisi tsha vhaṋei vha mushumo; ngauri Ndi a ḓivha vhuṱungu havho;

Huno Ndi ḓa fhasi u vha rengulula zwanḓani zwa Muegipita, na u vha ḓisa nṱha vha tshi bva kha iḽo shango u ya kha shango ḽavhuḓi…shango ḽihulwane, na shango ḽi no elela mafhi na mutoli; kha fhethu ha Vhakanana,…Vhahiti,…Vhahivi,…Vhajebusi.

Zwino ngauralo-ha, vhonani, tshililo tsha vhana vha Israele tsho ḓa kha nṋe: huno Ndo vhona na mutsiko we Vhaegipita vha vha tsika ngawo.

Iḓani zwino ngauralo-ha, huno Ndi ḓo ni rumela ha Farao,…

51 Inwi ni a dzhiela nzhele? “Ndo tsela fhasi.” Fhedzi, “Nṋe ndi khou ni ruma.” Mudzimu, a tshi khou ya nga tshivhumbeo tsha munna. “Iyani.” I ri ni ndi vhale ndimana ya vhu10 hafhu.

Iḓani zwino ngauralo-ha, huno Ndi ḓo ni rumela kha Farao, uri inwi ni ḓise vhathu vhanga vhana vha Israele vha tshi bva Egipita.

Huno Mushe a amba na Mudzimu, ndi nṋe nnyi, lune nda tea u ya kha Farao, na uri ndi tea u ḓisa vhana vha Israele vha tshi bva Egipita?


Huno a ri, Zwa vhukuma Ndi ḓo vha na inwi; huno itshi tshi ḓo vha luswayo kha inwi, lwa uri Ndo ni ruma: Musi u tshi ḓa henefho…

52 Ndi humbela pfarelo.…Musi wo ḓisa vhathu vha tshi bva Egipita, ni ḓo

shumela Mudzimu kha iyi thavha.53 Zwino ndi tshi dzhiela nzhele, nga phanḓa, fhedzi ndi tshi pfa ndi tshi hevhedzwa nga ngoho nga maanḓa nga Muya nga matsheloni ano, ndo fara izwo nga tshenetsho tshikhathi. Mudzimu, a tshi ruma mulanda Wawe murahu he a gidima a tshi bva hone, O mu ṋea tshiga tsha thavha. Na khathihi ho ngo zwi dzhiela nzhele u swika nga itsho tshifhinga. “Ulu lu ḓo vha luswayo lwa U Ya Nga Hu Sa Fheli kha inwi.” Ni a vhona? 54 Zwino ri khou yo amba, matsheloni ano, nga ha ṱhoho ya ekisodo ya vhuvhili ya vhathu vha Mudzimu, kana u vhidzelwa nnḓa ha vhathu vha Mudzimu. Ekisodo i amba “vho bviswaho nnḓa; vho vhidzelwaho nnḓa; vho bviswaho kha.” Huno ndi ṱoḓa u shumisa iyo sa ṱhoho, ya ekisodo ya vhuvhili ya vhathu vha Mudzimu. [Mukomana Branham u i ṋea dzina, Ekisodo Ya Vhuraru, kha tshumelo ya nga madekwana—Mudz.]55 Zwino, vho vha na ekisodo nnzhi, a hu na zwiṅwe, fhedzi nṋe ndi khou amba nga ha tshifhinga tshe Mudzimu a vhidza ekisodo, phandekanyo ya he vha vha vhe hone, nga tshifhinga tshenetsho. Hafha, Mudzimu u khou lugisela u khunyeledza Ipfi Ḽawe Ḽikhethwa ḽo fulufhedziswaho ḽe A ṋea Abrahamu, na kha Isaka, na kha Yakobo. Miṅwaha, miṅwaha ya maḓana yo no ḓi fhira, fhedzi, naho zwo ralo, Mudzimu na khathihi ho ngo hangwa pfulufhedziso Yawe. Nga khalaṅwaha, tshifhinga tsho teaho, Mudzimu tshifhinga tshoṱhe u ita uri pfulufhedziso Yawe i luge.56 Ngauralo-ha, inwi ni nga vha na vhuṱanzi ha uri zwe Mudzimu a zwi fulufhedzisa kha iyi Bivhili, U khou yo zwi ita. Hu tou vha hu si na ṱhoḓea ya u lingedza u elekanya nga ha tshiṅwe tshithu-vho, huno ha pfi, “Zwo luga, muporofita o vha, khamusi, o khakha,” kana, “izwo a zwo ngo bvelela nga ḽino ḓuvha.” Zwo vhonala zwi sa konadzei tshifhingani itsho, zwi sa konadzei u fhira zwine zwa vha zwone zwino. Fhedzi Mudzimu o zwi ita, naho zwo ralo, ngauri O fulufhedzisa uri U ḓo zwi ita.57 Huno sedzani uri U zwi ita nga nḓila i leluwaho hani. “Ndo tsela fhasi. Ndo pfa tshililo. Ndi elelwa pfulufhedziso Yanga. Huno Ndo tsela fhasi u zwi ita, huno nṋe Ndi khou ni ruma. Inwi ni zwi ite. Ndi ḓo vha na inwi. Zwa vhukuma, Ndi ḓo vha na inwi. Na khathihi-Zwanga, Vhuhone vhu sa kundelwi na khathihi vhu ḓo vha na inwi huṅwe na huṅwe hune na ya. Ni songo ofha.” Ni a vhona? “Nṋe ndi tsela fhasi u rengulula.” Ndi na ngoho ṱhalukanyo ya tshimuya izwo i a zwi fara. Ni a


vhona? Ni a vhona? “Ndi—Nṋe—Nṋe ndi khou yo ni ruma, u ḓisa vhathu Vhanga kha ekisodo. Vha vhidzeleni nnḓa, huno Ndi ḓo vha na inwi.”58 Zwino, ri nga awela hani—hani, nga nḓila ine lutendo lu nga fara uho u farelela henefho. Ni a vhona? Mudzimu u khou yo zwi ita. O zwi fulufhedzisa. A hu londwi uri hani, uri nyimele ndi dzifhio, kana zwine muṅwe muthu-vho a amba, Mudzimu u khou yo zwi ita, naho zwo ralo, ngauri O fulufhedzisa u ita. Huno U zwi ita nga nḓila i leluwaho nga maanḓa, lune, zwi—zwi ya nga nṱha ha pfe—pfeseso ya ṱhalukanyo yo funzeaho ya ane a ḓo lingedza u ṅaṅa nga hazwo, “Naa zwi nga vha hani?”59 A thi khou amba u amba uri munna zwino, a re na ṱhalukanyo yavhuḓi, yo khwaṱhaho, pfunzo yavhuḓi, uri uyo munna ha nga Ḽi pfesesi. Izwo ndi zwone, huno zwi a mangadza, samusi a tshi shumisa itsho uri a sa ṅaṅe, fhedzi, iyo mvelele ine a vha nayo, u tenda Mudzimu. I ri ni i rembuluselwe kha u sa konḓa ha u thetshelesa zwe Mudzimu a amba, huno na Zwi tenda. Mvelele yawe i ḓo mu thusa tshifhingani itsho.60 Dzhielani nzhele. Fhedzi musi munna a tshi lingedza u ṅaṅa, “A zwo ngo kona u itwa,” zwenezwo zwi mu kokodzela kule ha Mudzimu, lu sa fhidzi, tshifhinga tshoṱhe, musi a tshi khou lingedza u—u thetshelesa mini, pfeseso yawe. Ni a vhona? Arali inwi ni sa pfesesi, huno Bivhili i tshi amba tshiṅwe tshithu, inwi itonu ima Nayo, “Amene.” Itonu litsha zwi tshimbile nga u ralo.61 Zwino, vhudzuloni ha u amba nga haya Maṅwalo, inwi ni nga a ṅwala fhasi, kha ngudo iyi ya tshikolo tsha Swondaha. Fhedzi ndi ḓo takalela, khamusi, arali ni tshi ḓo takalela u zwi sedza. Fhedzi, tsha u thoma, ndi na manzhi nga maanḓa hafha. Kha ri…62 Ri sa athu wanulusa zwine iyi ekisodo ya amba, huno nṋe ndi khou yo fanyisa ekisodo zwino…ekisodo tshifhingani itsho, na ekisodo zwino, huno sedzani arali zwo vhambedzana kokotolo. Iṅwe yadzo ndi ya mvelele. Huno zwenezwo zwithu zwithihi zwe A ita kha mvelo, U khou zwi fanyisa hafhu, a sa khou zwi fanyisa nga tshimuya, ekisodo ya tshimuya.63 Zwi a akhamadza, u vhona Ipfi ḽa Mudzimu! Nga nḓila ine muṅwe muthu a nga kona u ri a Ḽo ngo hevhedzwa? Izwi zwo vha zwa miṅwaha i ṱoḓaho u swika ya maḓana a fumbilimalo, ni a ḓivha. Huno nga nḓila ye A fulufhedzisa, na zwe A ita huno a zwi adza henefho nnḓa sa tsumbo, nḓila ye A—A—A ita murunzi wa tshiṅwe tshithu u ṱanziela nga ha pho—phositivi. Ndi vha kha izwo, madekwana a ṋamusi, vhukati ha ṅwedzi na ḓuvha, Murena a tshi funa.64 Fhedzi, tsha u thoma, ri fanela u sedzulusa Genesi u vhona uri ndi ngani vho vha vhe ngei fhasi Egipita. Ndi ngani vhathu


vha Mudzimu vha tshi ḓo bva shangoni iḽo? Iṱali, Mudzimu o fulufhedzisa izwo, henefho he u ranga ha vha hu hone, na Abrahamu, Isaka na Yakobo, ngei Palestina, Mudzimu o vha ṋea iḽo shango, huno a ri, “Iḽi ndi ḽone.” Oo, tshifhingani itsho, ndi ngani vhathu vha sa ḓo vha fhethu he Mudzimu a vha ḓisedza hone?65 Iyo ndi mbudziso ya ṋamusi, nahone. Mudzimu ri ṋee pentekoste. U ri ṋea Bugu ya Mishumo. U ri ṋea Muya Mukhethwa, u ri ranga phanḓa na u ri endedza. U ri ṋea Shango. Huno ndi ngani ro bva Khaḽo? Ndi ngani tshivhidzo tsho bva Khaḽo? Ndi ngani tshivhidzo tsha Vhukriste ṋamusi tshi sa khou tshila hafhu vhunga Bugu ya Mishumo, i tshi bveledza zwenezwo zwithihi? Hu na tshiṅwe tshiitisi tshazwo.66 Roṱhe ri a zwi ḓivha uri ro kwashekana, nahone ri kha nyimele i shushaho. Huno nyimele i shushesaho ye—ye Vhukriste ha vhuya ha tshila khayo, ndi ṋamusi. Huno ri kha…henefho kha lumeme kana lupendelo lwa—lwa khaṱhulo khulwane, i shushaho yo vhetshelwaho tshivhidzo. Huno iyi khaṱhulo i sa athu bvelela, Mudzimu u khou vhidza ekisodo, u tou fana na musi O ita tshifhingani itsho. Zwivhi zwa Vhaamori zwo thuphiwa, ngauralo Ene—Ene u khou vhidza ekisodo ya tshi—tshimuya. Zwino kha ri ye murahu lwa tshikhathinyana, nga tshifanyiso, huno ri wanuluse.67 Vho tsela fhasi Egipita, ngauri zwoṱhe nga vivho ḽa murathu. Itsho ndi tshone tsho itisaho uri Israele i vhe Egipita nga itsho tshifhinga, nnḓa ha shango. Elelwani, pfulufhedziso dza Mudzimu dzo vha dzi dza musi vha tshi dzula kha iḽo shango.68 Zwino ni a kona u vhona zwe ra vha ri tshi khou amba thabeloni, zwikhathinyana zwi si gathi zwo fhiraho? Ndi ngani Mudzimu o ḓo tea u konḓisa mbilu ya Farao? U vhea vhathu murahu kha shango ḽo fulufhedziswaho, A sa athu kona u vha fhaṱutshedza, u ḓisa Mesia khavho.69 Naa ndi nga nḓila-ḓe O ḓo tea u konḓisa mbilu ya Hitler, u lwa na Muyuda, musi o vha e Muyuda wa hafu, ene muṋe? Naa O kona u ita izwo kha Stalin, Mussolini? Ni a vhona? Vhathu vha songo hevhedziwaho, vhunga lushaka, vhone—vhone…Mudzimu u tea u dzhia zwi—zwithu zwine vha khou tshila ngazwo, milayo ya shango, zwifhinga zwinzhi, u ita uri pfulufhedziso Dzawe dzi vhe dza ngoho. Ngauralo, O ḓo tea u konḓisa mbilu dza avho vhavhusawoga, u gidimisela Muyuda murahu ngei shangoni ḽa pfulufhedziso. Zwo ḓo tea u vha nga iyo nḓila.70 Zwino ri a wanulusa, uri, ri tshi tsela fhasi, Yosefa…Ri a ḓivha nganea, musi ri tshi humela murahu ngomu kha Genesi, huno ni nga kona u i vhala. Ngauri, nṋe ndi khou tou vha o lengaho zwiṱuku u thoma nga iyi ngudo ya tshikolo tsha Swondaha, huno ndi ḓo lingedza u ṱavhanya.


71 Dzhielani nzhele zwino. Vhalani nganea musi ni tshi kona, ya Yosefa, o bebwa nga murahu ha vhakomana vhawe, u tevhela wa u fhedza. Ṱhalukanyo ya tshimuya i ḓo fara izwo zwa zwino. O vha a si ṅwana wa u fhedza; Benyamini o vha e ene. Fhedzi, kha u khauliwa, sedzani. Yosefa na Benyamini vho vha vhe vhakomana vha malofha o ḓalaho, nahone vhuvhili havho vhe vha vha vhe vhakomana. Na khathihi Benyamini ho ngo wana ndimuwo u swika a tshi ṱangana na Yosefa. Huno nga nṱha ha vhone vhoṱhe, Benyamini u ṋewa mukovhe wa nga kavhili wa tshiṅwe na tshiṅwe tshine Yosefa a ṋea. Zwo luga. Dzhielani nzhele zwino, ri wana izwo henengei fhasi, vho vha…72 O dzhiiwa kha vhakomana vhawe ngauri o vha e wa tshimuya. O vha e munna muhulwane, nangwe o vha e wa u ḓiṱukufhadzesa kha tshivhalonyana, muṱukusa kha tshivhalonyana. “Huno vho mu vhenga hu si na tshivhangi.” Vho vha vha songo tea u vha vho mu vhenga. Vho vha vho tea vho mu ṱhonifha. Ngauri, ndi ngani vho mu vhenga, ngauri o vha e murathu? Hu si izwo kokotolo. Vho mu vhenga ngauri Mudzimu o shuma nae u fhira zwe A ita na vhaṅwe vhoṱhe. Ni a vhona? U mu ṋea pfeseso ya tshi—tshi—tshi—tshimuya. O vha a tshi kona u ṱalutshedza miloro, lwo fhelelaho. Huno o vha a tshi kona u bvumba zwithu zwine zwa ḓo khunyelela, lwo fhelelaho, zwo tou kokotolo nga nḓila ye zwa vha zwi ngayo. Huno ene—huno ene ho ngo litsha u shumisa nungo dzawe dzoṱhe.73 O vhona mu—muloro wa idzo khuḽane dzi tshi kotama phanḓa ha khuḽane dzawe, huno vhakomana vhawe vha mu sinyutshela. Ha pfi, “Ndi a humbulela, zwenezwo, iwe muvhumbuluwi-mukhethwa muṱuku,” nga maṅwe maipfi, “ri ḓo tea u gwadama phanḓa ha vhoinwi nga ḽiṅwe ḓuvha?” Fhedzi iyo ndi nḓila ye zwa bvelela. Ni a vhona? Naa iyo miswonḓa mihuluhulu yo vha i tshi ḓo vhuya ya gwadama phanḓa ha uyo muthu muṱuku, a si na ndeme o imaho henefho? Fhedzi vho zwi ita, nga ngoho vho ita, huno vha luvhelela khathutshelo. Fhedzi ene ho ngo ḓa nga maanḓa, naho zwo ralo, inwi ni a vhona. Tshifhingani itsho o vha e nga tshivhumbeo tsha ṅwana fhedzi.74 Huno zwenezwo ri a wanulusa, nga u ita izwi, uri Yosefa o dzhiiwa vhukati ha vhakomana vhawe, dzidinomineisheni, huno a ḓidzudzanya ene muṋe. Ni a vhona? Vhakomana vhawe, vhoṱhe shangoni. Huno zwenezwo henefho ha ḓa tshithu tshihulwane tsho raloho. Ro limuwa uri Israele…samusi vho vha vha tshi dzula fhethu havho ha u dzula, huno vha bvela phanḓa. Zwino, itsho ndi tshiṅwe tshithu tshavhuḓi, u dzula fhethu. Nga lwa vhuimo, izwo zwo luga. Fhedzi, vho khaukana na Muya.75 Vha ndeme, ṋamusi, nga lwa vhuimo vha a ḓivha zwine vha vha zwone, nga muhumbulo wa vhuṱali wa Bivhili, fhedzi a hu na Muya. Vho landula Yosefa, vha Mu thudzela kule. Vho vha vha sa ṱoḓi u ita tshithu Ngaḽo. “Ndi tshivhalonyana


tsha vhavhumbuluwi-vhakhethwa. Ndi tshone…A ri ṱoḓi u ita tshithu Ngaḽo.” Vho Mu khaula, vha Mu rengisela nnḓa, kha shango. Vho vha vho bva kha vhuṱama havho.76 Zwino, nga u ita izwo, vho vha vha tshi khou dzhia fhethu, vha dzhia fhasi ngomu Egipita, ngavhuya.77 Zwino, nganea ya avha vhakomana vha vivho zwa vhukuma ndi ya mbambedzo khulwane na sia ḽa tshimuya ḽayo ṋamusi. Riṋe—riṋe ri a zwi ḓivha izwo, iḽo ndi vivho ḽo gumaho, hu si u ṱamba. Ndi ḽa kale, ḽa tshika, vivho ḽo tshikafhalaho. Ni a vhona? A hu na u guma kha vivho. Ni a vhona? A si tshithu nga nnḓa ha vivho ḽo tshikafhalaho. Musi, vha vhona Bivhili yeneyi nthihi, na mvelo ya Mudzimu onoyu muthihi we a ṅwala Bivhili, a tshi khou Ḓikhwaṱhisedza, huno zwenezwo a rembulusela Iyo fhasi hu si na tshiitisi. Yo gumaho…Zwo luga, hu si u ṱamba. Vhunga ndo amba, ndi vivho ḽa tshika. Ri tshi sedza Mudzimu a tshi fhodza vhalwadze, a tshi vusa vhafu, onoyo Mudzimu muthihi we a tshila maḓuvhani a vhaapostola! Mafhungo-maḓifha eneo mathihi e vha a ṅwala, u itela ulu lwendo lwa tshimuya, ndi onoyo Mudzimu a no ita zwenezwo zwithihi. Ngauralo a vha tshithu nga nnḓa ha vivho, vho khauliwa. “Huno ri nga si vhe Naḽo vhukati ha vhathu vhashu.” Ni a vhona? U vha gidimedza!78 Vho elekanya, vhakomana, uri na khathihi a vha nga shumisi munna wa u ralo, ngauralo, “Ndi ngani ni sa mu litshi?”79 Izwo ndi zwine, zwenezwo zwithihi zwo bvelela ṋamusi. Vha a elekanya, uri, “Ngauri zwivhidzo zwashu zwo no vha zwa vhuṱali, uri ri na magogo o ambaraho lwa khwinesa, dzangano ḽihulusa, vhashumeli vho thanyesaho, uri a ri na mushumo wa Muya Mukhethwa nga nḓila ye Wa vha u ngayo ngei murahu.” Zwauri, vhone vho ḓala. Nga maṅwe maipfi, mishumo i amba nga phosho i fhiraho maipfi: Uri seminari dzavho, na avho…vhuluvhi ha vhuṋe havho—havho, na u ḓa havho fhethu huthihi na—na u rera itshi tshithu, vha a kona lwo engedzeaho, nga ṱhalukanyo dzavho dza vhuṱali, u dzudzanya Tshivhidzo nga oda, khwinisa kha zwe Muya Mukhethwa wa vha u tshi nga zwi ita. Ngauralo, a vha tsha Ḽi ṱoḓa. “Ndi Tshithu tshine ra sa tshi ṱoḓe ṋamusi. Ndi, maḓuvha a itsho o no fhira.” Zwino, naa izwo a zwo ngo luga? [Tshivhidzo tshi ri, “Amene.”—Mudz.] “A ri ṱoḓi Muya Mukhethwa u fhodza vhalwadze. Ri na madokotela. A ri ṱoḓi Muya Mukhethwa u amba nga dzindimi. Roṱhe ri vhathu vho thanyaho.” Huno musi ni tshi ita, inwi ni a dzhia, henefho kha fureme yaṋu, mutalo wa Vhutshilo.80 Yesu o amba na Vhayuda, maḓuvhani Awe, “Naa izwo a no ngo zwi vhala, ‘Tombo ḽe ḽa landulwa ndi Tombo ḽa khuḓa ḽihulu ḽine tshifhaṱo tshoṱhe tsha dzula khaḽo’?”


81 Zwino, ni a zwi vhona zwine nda khou amba? Ndi na ngoho ya uri inwi—inwi ni nga zwi fara izwo. Izwo, tshi—tshiitisi tshazwo zwino, ndi ngauri vho elekanya uri na khathihi vha nga si vhe na ṱhoḓea Yaḽo. “A ri ṱoḓi vhaambi nga dzindimi. A ri ṱoḓi vhaṱalutshedzi vha dzindimi. A ri tsha ṱoḓa vhaporofita vha Testamente Ndala u ri dzudza kha oda, nga Muya Mukhethwa. Ri a Ḽi pfesesa.” Ni a vhona? Vho dzhia sisteme yo itwaho nga muthu u dzhia fhethu ha Muya Mukhethwa.82 Ngauralo-ha, hu na vhathu vho khethiwaho, vha re na madzina avho kha Bugu ya Ngwana ya Vhutshilo, vha nga si ime nazwo izwo. Vha na ṱhalukanyo ya tshimuya, huno ngauralo vha nga si kone u ima na hezwo. A vha koni u zwi konḓelela, a hu londwi arali vhokhotsi avho na vhomme vho vha vha tshi khou tshila kha tshivhidzo tshiṅwe na tshiṅwe tsha dzangano.83 Musi tshivhidzo tshi tshi ita, tshi a ita, khamusi tshi nga si ḓo amba izwo tsha phuletshedza. Oo, hai. Zwo vha zwi si nga zwi ambi zwa phuletshedza, fhedzi mishumo yazwo yo vha i tshi ḓo zwi sumbedza. Ngeḽi Ipfi. Huno Muya Mukhethwa u a zwi sumbedza vhukati ha avho, musi U tshi nga kona u vha kuvhanganya fhethu huthihi, uri U kha ḓi fhodza vhalwadze, huno a vusa vhafu, huno a amba nga dzindimi, huno a pandela vhodiabolo. Ngauralo, zwi ya na nga uri…zwi re nga ngomu ha muthu.84 Vho-Mme Arganbright henefho, vho vha vha tshi elekanya uri, ḽiṅwe ḓuvha, vho dzula ngei nnḓa kha mutshimbilo, vha tshi khou tupula maṅwe mahatsi, musi vhone vho vha vha tshi khou tumula hatsi. Nda fhira, henefho nga thungo yavho. A vho ngo nnḓivha, huno ndo tou vha tendela uri vha fhire. Ndo vha ndo sedza. Zwino dzhielani nzhele Muya Mukhethwa kha mushumo Wawo muhulwane.85 Tshivhidzo tshi pfa uri a tshi ṱoḓi Muya Mukhethwa. Zwivhidzo zwi ḓo ni vhudza izwo. Huno vhanna vha nga kona u ima huno vha ni ṋea nyambo ya vhuṱali yo raloho, i nga ṱoḓou ni ita uri ni i tende. Zwino kha ri ime henefho, lwa muniti. Naa Yesu ho ngo ri mivhili i ḓo vha tsini na tsini, “Zwi ḓo fhura vhenevho Vhanangiwa arali zwo vha zwi tshi konadzea”? [Tshivhidzo tshi ri, “Amene.”—Mudz.] Nyambo dza vhuṱali dzo vha dzi tshi ḓo suvhelela nga maanḓa, lune dza ḓo—dza ḓo fhura vhathu. Ndi mafhungo-maḓifha, ndi vhanna vhane vha nga fara iḽo ipfi nga nḓila yo raloho, ine i nga kona u ṱoḓou ita muthu wa vhuṱali, arali ni tshi khou tou fulufhela kha vho ṱalifhaho vhavho, vha—vha haṱula Muya Mukhethwa, huno—huno vha dzhia nḓila ya muthu. Ri a zwi vhona izwo.86 Zwino, izwo ndi zwenezwo zwithihi zwe vha elekanya nga ha Yosefa, na uri vho mu litsha. Huno, oo, fhasi ngei Egipita, oo, nḓila ine ri nga elekanya, nḓila ine ndi nga


shumisa dziawara. Ni nga dzula fhano lwa miṅwaha miraru huno na khathihi na sa ṱutshele iyo ṱhoho, masiari na vhusiku, huno na vha ni tshi kha ḓi wana mbeu khulwane dza Muya Mukhethwa. Ṱhalukanyo ya tshimuya i a kona u sedza fhasi kha ḽa Egipita huno ya vhona uyo mutovholo u tshi takuwa; ya kona u vhona Yosefa a tshi dzhiiwa, u itela uri mutovholo u kone u takuwa. Huno zwenezwo a vhona Mudzimu, e na vhili Ḽawe kha mavhili, tshiṅwe na tshiṅwe tshi tshi tshimbila u mona hoṱhe lwo fhelelaho fhedzi. Vhonani Potifaro a tshi landula Yosefa; vhonani ayo mazwifhi a tshi ambiwa. Huno vhonani Yosefa ngomu dzhele, huno ndebvu dzawe dzo aluwa, o khauliwa kha vhakomana vhawe. Fhedzi zwenezwo, nga u ṱavhanya tshoṱhe, Mudzimu a dzhena ngomu. Ni a vhona?87 Nḓila ine ri nga vhona iḽo vhili ḽi kha mavhili, ḽi tshi tshimbila! Puḽane khulwane ya Mudzimu i tshi tshimbidza tshiṅwe na tshiṅwe kha iyi ekisodo, kha tshino tshifhinga musi O vha a tshi ḓo vhidza vhathu Vhawe murahu shangoni hafhu, murahu kha fhethu, kha tshiimo tshe A vha a tshi nga kona u vha fhaṱutshedza huno a vhea vhukati havho Muṅwe we A fulufhedzisa uri U ḓo mu vhea vhukati havho. Vho ḓo tea u vha shangoni ḽavho. Elelwani, vho ḓo tea u bva shangoni ḽe vha vha vhe khaḽo, huno vha dzhena ngomu ha shango ḽa pfulufhedziso, musi Mesia o fulufhedziswaho a tshi nga vhuya a ḓa.88 Huno Tshivhidzo tshi tea u ita zwenezwo zwithihi; tsha bva kha itsho tshigwada tsha vhalanduli, nga hangei kha pfulufhedziso, Mesia a sa athu vhuya a vhonadzwa phanḓa havho. Inwi ni a zwi vhona? [Tshivhidzo tshi ri, “Amene.”—Mudz.] Vhutshilo ha Mesia, ho vhonadzwa, vhu tshi khou lugisa Tshivhidzo, Muselwa.89 Musadzi u mala munna, huno a sa anḓani nae, i ḓo vha luṅwe lushaka lwa kha—khani, lu sa fhidzi. Fhedzi musi munna na mufumakadzi wawe, khonani ya musidzana yawe, muambiswa wawe, musi vhe kha nyanḓano yo fhelelaho, vhunga muya muthihi na ṱhalukanyo nthihi, ngauri vha khou yo vha ṋama nthihi.90 Zwenezwo, musi Tshivhidzo tshi tshi kona u dzhena kha nyanḓano yo raloho na Mudzimu, u swika u vhonadzwa ha Muhwe hu tshi vhonadzwa kha Muselwa, ngauri vha khou yo vha muthihi! Oo, ndi ngudo khulwane. Zwo luga.91 Zwino, elelwani, ṱhalukanyo ya tshimuya i tshi doba izwi, i kona u vhona tshifanyiso na tshi lwaho na tshifanyiso, huno ya zwi doba. Kha muthihi, fhedzi, ri nga ya lwa dziawara khazwo. Sedzani zwine zwa itea.92 Huno ndi ngani ro lindela iyi miṅwaha yoṱhe, u bva kha uvhu vhupo ho vhibvelelaho ha tshifhinga? Ni a ḓivha, Bivhili i a amba, zwauri, “Tshivhidzo tsho shavhela sogani, he tsha


fushwa lwa tshifhinga na tshifhinga.” Huno ndi ngani izwi zwoṱhe zwo vha hone? Uri riṋe…Ni a vhona? Hu kha ḓi vha mavhili a Mudzimu kha mavhili.93 Ndi ngani Mudzimu a songo ita izwi, tshifhinga tshilapfu tsho fhiraho, musi vhanna vha tshi dzula fhasi na dzipenisela, huno—huno vhasadzi, huno vha lingedza u kokodzela tshifhinga nnḓa fhedzi? Vhunga Judge Rutherford na vhanzhi vhavho, zwauri, “Yesu o ḓa nga ’14.” Huno—huno Mother Shipton o vha nayo nḓila kule murahu ha izwo, na zwiṅwe-vho, zwifhinga izwi zwoṱhe. Huno, ni a vhona, musi ri tshi ya nga izwi, nga zwe vha lingedza u anganya Luṅwalo, ni a vhona, vho zwi tshinyadza. Zwo dzumbama. Zwo dzumbama zwa vhukuma. Huno Luṅwalo lu nga hanedzana Nalwo hani, musi Yesu o ri, “A hu na muthu a ḓivhaho muniti kana awara”? Ni a vhona? Ni a vhona? Vha tou wana tshipiḓa tshithihi tsha Luṅwalo huno vha Lu farelela.94 Ni fanela u dzhia Tshithu tshoṱhe. Zwenezwo, arali Mudzimu e kha hezwo, zwenezwo Mudzimu u ḓo vhonadza izwo u vha Ngoho. Vhunga phodzo ya Muya, arali i si Ngoho, zwenezwo a si Ngoho; Mudzimu a nga si vhe na mushumo nayo. Fhedzi arali Ene a tshi I vhonadza u vha Ngoho, zwenezwo Ndi Ngoho. Vhunga Yesu…95 Mudzimu o amba, “Arali ha vha na muṅwe vhukati haṋu, a re muporofita, kana wa tshimuya, Ndi ḓo amba nae. Huno zwine a amba zwi a khunyelela, zwenezwo zwi pfeni. Izwo ndi zwone. Fhedzi arali vhuporofita ho khakhea, zwenezwo…” Mudzimu a nga si khakhe. Ha na magumo, ha kundelwi, u na maanḓa oṱhe, huno A nga si kone u khakha. Ngauralo, arali munna a tshi khou amba, zwenezwo zwi sumbedza munna. Arali o amba maipfi awe, a ḓo kundelwa. Fhedzi arali a tshi amba Maipfi a Mudzimu, a nga si kundelwe, ngauri ndi Mudzimu a ambaho. Zwenezwo, u hevhedzwa hawe hu bva ha Mudzimu, huno hu ḓo…zwi tea u tou vha zwone. Iyo ndi nḓila ye Mudzimu a amba uri zwi ambiwe. Iyo ndi nḓila ye Bi-…96 Kha Testamente Ndala, O ri, “Arali vha sa amba u ya nga mulayo na vhaporofita, ndi ngauri a vha na Vhutshilo khavho, a hu na Tshedza khavho.” Ndi zwone. Vha tea u amba u ya nga mulayo na vhaporofita. Huno vhuporofita, kana tshiṅwe tshithu-vho, tshi fanela u vha u ya nga Ipfi. Arali tshi songo ralo, tsho khakhea. Ni a vhona?97 Zwino, ri a wanulusa uri izwi zwoṱhe zwo itea, ngauri, zwo lindela. Dzimvuseledzo: Vhameṱhodisi, Muḽuṱere, Vhabaphuthisi, vha Campbell, na—na vhoṱhe vho fhambanaho. Vho vha na dzimvuseledzo khulwane. Munazarini, Pilgrim Holiness, Vhapentekostaḽa, vhoṱhe vho vha na dzimvuseledzo khulwane. Fhedzi ekisodo khulwane a yo ngo ḓa. Ndi ngani? Mudzimu o vhudza Abrahamu uri U ḓo mu vhulunga shangoni


nga itsho tshifhinga, fhedzi vhu—vhutshinyi ha Vhaamori ho vha vhu sa athu ḓala. Huno Mudzimu o lindela, a sa fheli mbilu. Avho vhathu, vha tshi khou lingedza u anganya, vha a kona u vhona Luṅwalo henefho kha tshiṅwe tshithu. Gidimelani ngomu ha tshiṅwe tshithu, vho ri, “Iḽi ndi ḓuvha. Itshi ndi tshifhinga.” Fhedzi ni kundelwa u pfesesa uri vhutshinyi ha Vhaamori a vhu athu khunyelela.98 Lwa miṅwaha ya maḓana maṋa vha ḓo fara lwendo ngei fhasi kha ḽa Egipita, huno vha bviswa. Fhedzi vhone zwa vhukuma vho dzula lwa miṅwaha ya maḓana maṋa na mahumi maṋa, nga nṱhani ha u landulwa ha muporofita. Vho ḓo tea u tambula tshiṅwe, lwa miṅwaha i ṱoḓaho u vha ya mahumi maṋa ngei fhasi sogani, Mudzimu a sa athu vha bvisa. Mushe o vha e nnḓa sogani miṅwaha ya mahumi maṋa a sa athu vhuya a humela murahu u vha rengulula, inwi ni a vhona. Miṅwaha ya mahumi maṋa yo fhira, yo fhela, ngauri vho landula mulaedza.99 Zwino, miṅwaha ya mahumi maṋa nga tshifhinga tsha Mudzimu i ḓo vha ya muniti muthihi na hafu, kha tshifhinga tshashu. Iyo ndi phambano i re hone. “Miṅwaha ya tshigidi ndi ḓuvha ḽithihi fhedzi.” Ni a vhona? I nga si vhuye ya vha muniti, na luthihi. Dzhielani nzhele, kha izwo.100 Zwino ri khou gidima ro lenga. Ndi ngani? Mudzimu o vha a tshi khou konḓelela, o lindela, o sedza. I ri ni ene—ene Muḽuṱere a vuwe nga mvuseledzo, zwenezwo a dzudzanye. I ri ni Vhameṱhodisi vha vuwe nga mvuseledzo; vha dzudzanye. I ri ni John Smith, tshivhidzo tsha Baphuthisi, tshi vuwe nga mvuseledzo khulwane; tshi dzudzanye. I ri ni Vhapentekostaḽa vha vuwe na u vhuyedzedzwa ha zwifhiwa; vha dzudzanye. U swika vhutshinyi vhu tshi ḓala thwii, zwenezwo Mudzimu o neta, zwenezwo hu ḓa ekisodo.101 Huno ri a zwi vhona, uri vhathu vhone vhaṋe vha a kona u vhona murahu fhasi ha ludambwana lwa tshifhinga, uri tshithu tsho seṅwa. Vha dzhia luhura na tshiambaro tshavhuḓi tsha Babele, hafhu. Huno itsho ndi tshithu tshi no sema vhukati ha vhathu, musi vhanna vha tshi lingedza u ṱhavhela mihumbulo yavho nga ha zwithu.102 Ri tea u dzula na iḽo Ipfi. Iyo ndi milayo ya Mudzimu, yo vha i, “Hu si u kwama tshithu kha iyo ḓorobo, tshe tsha sema ḓorobo. Ni songo tshi kwama. Tshi litsheni tshi tshoṱhe.”103 Huno Akani o elekanya uri a nga dzhia ulu luhura lwa musuku huno a tshila nga lwa lukuna nga maanḓa vhunga vhaṅwe vha shango, na tshiambaro tshavhuḓi tsha Babele. Oo, kha Vhaakani dzigammbani! Ni a vhona? Fhedzi tshithu tsho seṅwa, huno lu sa fhidzi tsho seṅwa. Tsho seṅwa u bva kha yeneyo Khoro ya Nicaea, ngei Nicaea, Roma, tsho seṅwa u bva tsheetsho. Fhedzi Mudzimu o tendela vhutshinyi vhu tshi ḓala, u swika tshifhinga tsha Vhaamori tshi tsini na u khunyelela.


104 Huno zwino nnyi na nnyi a re na pfeseso ya tshimuya, elelwani, ndi dzulela u redza, pfeseso ya tshimuya, ni nga kona u vhona uri vhutshinyi ha ulu lushaka ho ḓala. Lwo dzudzanyea na u dzudzanyiwa hafhu, na u dzudzanyea na u dzudzanyea. Huno zwino lwo no vha na mbumbano, nahone lu khou vha muraḓo na tshiṅwe tshithu-vho. Vhutshinyi ho ḓala. Ndi tshifhinga tsha ekisodo, tshifhinga tsha u vhidzela nnḓa, u ya kha Shango ḽo fulufhedziswaho. Hu si pfulufhedziso, hu tou vha ḽiṅwe shango ḽine hu nga iwa khaḽo; fhedzi Haya, Ṅwahagidi, tshifhinga tsha u vhidzela nnḓa. Vhutshinyi ha ulu lushaka (lu rweni hafhu madekwana a ṋamusi, Murena a tshi funa) ho ḓala. Lwo tshikafhala.105 Inwi ni ri, “Mukomana Branham, lushaka lune na tshila khalwo?” Ee, muṋe wanga. Zwa vhukuma. Inwi ni ri, “Vhunga mudzulapo wa United States, a no ngo tea u amba izwo.” Zwenezwo, Eḽiya o vha o tea a songo vhidza samba kha Israele, huno ene e Muisraele tshifhingani itsho. Vhaṅwe vhaporofita vho vha vho tea vha songo sema ulwo lushaka lwe lwa vha lu nga fhasi ha Vhaisraele.106 Fhedzi vho amba fhedzi, hu si mihumbulo yavho, fhedzi Ipfi ḽa Murena. Ni a vhona? Zwi ya na ngauri ni khou kokodza u hevhedzwa haṋu ngafhi. Zwi ya na ngauri zwi khou ḓa hani. Arali zwo fhambana na Ipfi, zwi litsheni zwi zwoṱhe. Ndi humbela nnyi na nnyi u sumbedza uri Izwo zwi fhambana na Ipfi.107 Naa Bivhili a yo ngo amba, kha Nzumbululo 13? Afho ndi hone hune ulu lushaka lwa bvelela. Ulu lushaka ndi nomboro ya vhufumiraru, lushaka lwa musadzi. Ndi musadzi, Bivhilini. Musadzi u kha mangwende ashu. Ndi lushaka lwa musadzi. Ndi hune u sina ha vhasadzi ha ranga, ha thoma, hune ha guma. U sina ho thoma ngei Edeni, nga u sa tenda Ipfi ḽa Mudzimu. Hafha ndi he ha thothonya vhareri vha vhasadzi na tshiṅwe na tshiṅwe-vho. U tshikafhala ha shango hu bva henefho kha Hollywood, lushaka lwo vhifhesaho shangoni; ṱhalano dzo engedzeaho, shango ḽoṱhe ḽo vhewa fhethu huthihi. Ni a vhona? Ndi ngani? Ni ḓo wanulusa nga ḽiṅwe ḽa aya maḓuvha, Murena a tshi funa. Inwi ni ḓo vhona uri ndi ngani, itshi tshithu tsho seṅwaho. Inwi ni kona u vhona vhupofu ha izwi zwithu zwa ṱhalano zwe Saṱhane a zwi kokodzela maṱoni a vhathu. Ri kha awara i shushaho. Vhufhelo hashu ho sendela zwino, ndi a tenda. Vho sina, vho sina u guma nga midzi. 108 Lu bvelela kha Nzumbululo 13, nomboro ya vhufumiraru. Huno elelwani, lwo vuwa sa ngwana, mbofholowo ya vhurereli. Fhedzi zwenezwo lwo ṱanganedza maanḓa a tshi bva kha ḽivhanda; tshifanyiso tshi no nga lwone. Huno o amba nga ndango yoṱhe, huno a ita zwithu zwenezwo zwo sinaho zwithihi zwe ḽivhanda ḽa ita phanḓa hawe. Zwenezwo ni a mmbudza uri a zwo ngo porofitwa zwa ulu lushaka? Nyimele ya Vhaamori i tsini na u vhibva, ngauri vha kou shuma khayo.


109 Huno na mupapa washu muswa, ndivho yawe khulwane ndi u ita uri vhakomana vha vhe vhathihi. Huno, kha iṱo ḽa mvelo, ndi tshone tshithu tshi no tea u itwa. Fhedzi, maṱoni a Mudzimu, zwo fhambana na Muya Mukhethwa. Ri nga si kone u zwi ṱanganya na hezwo. Huno tshivhidzo tshiṅwe na tshiṅwe tshi ḓo vhidzelwa ngomu ha iḽo dzangano. Ibvani kha itsho tshithu, nga u ṱavhanya u ya nga hune na kona. Ni ḓo dzhia luswayo lwa ḽivhanda, ni sa ḓivhi zwine na khou ita. Ibvani khatsho.110 Ndi a fhulufhela ṱhalukanyo ya tshimuya i nga kona u tshi fara. Ndi na ngoho ya uri ni a ita. Fhedzi ndi a mangala, ngeyo nnḓa. Naho zwo ralo, ni nga si dalele lushaka luṅwe na luṅwe. Ni nga rumela dzitheiphi khalwo. Mudzimu u ḓo vha na iṅwe nḓila ya u fara iyo ṱhalukanyo ngeyo nnḓa he iyo mbeu ya zwaliwa. Ndi zwone. Huno nga u ṱavhanya Tshedza tshi tshi zwi funga [Mukomana Branham u vhanda zwanḓa zwawe luthihi—Mudz.], tsho ṱuwa, tshi dzhia Vhutshilo. Vhunga musadzi muṱuku tshisimani, o ri, “Tshi hone henefho.” O Tshi fara.111 Ibvani kha itsho tshithu. Tsho seṅwa. “Tsho seṅwa?” Mmbudzeni he muṅwe a vhuya a wa huno a vuwa hafhu. Mmbudzeni muṅwe we a vhuya a vuwa we a sa we. Ngauralo, ni nga kona u zwi vhona uri tshithu tsho khakhea. Zwo luga.112 Vhutshinyi ho vha vhu sa athu ḓala, ha Vhaamori, ngauralo vhone vho ḓo tea u sa ṱoḓa u ṱuwa na u lindela ekisodo i sa athu swika. Fhedzi musi Vhaamori vho wana vhutshinyi havho ho ḓala, zwenezwo ha ḓa ekisodo ya tshimuya, kana ekisodo ya mvelo, u ranga phanḓa vhathu u ya kha shango ḽa mvelo, he Muamori wa mvelo a vhuya a dzula, a vhidza iḽo shango ḽavho.113 Huno vhutshinyi ha dinomineisheni ya Vhaamori ho ḓivhidza hone huṋe “Tshivhidzo,” lwa tshifhinga tshilapfu nga maanḓa, u swika vhutshinyi havho vhu tsini na u khunyelela.114 Hu na ekisodo i no khou ḓa, hune Mudzimu a ḓo sumbedza uri nnyi ndi nnyi; hune Tshivhidzo Tshone tshiṋe, Muselwa wa Yesu Kristo, a tshi ḓo bviswa kha ekisodo, a dzheniswa kha Shango ḽo fulufhedziswaho. “Nḓuni ya Khotsi Anga hu na madzulo manzhi, afha fhethu.” Inwi a ni tei u ya Henengei huno na lwa vhunga vho ita. Ho no ḓi lugiswa. Arali iyi thaberenakeḽe ya ḽifhasi i tshi nga thuthekanywa, ri na iṅwe yo no ḓi lindelaho, “Uri hune Nda vha hone, henefho ni vhe hone.” Ekisodo khulwane yo sendela!115 Sedzani nḓila ye Mudzimu a ita iyo ekisodo, zwe A…ndugiselo dze A dzi ita, huno ni gude lwa muniti fhedzi, zwenezwo ni sedze ṋamusi. Zwo luga. Dzhielani nzhele, iyi ekisodo i sa athu swika, “Henefho ho vuwa ene—ene farao we a sa ḓivhe Yosefa.” Ni a vhona? Farao a songo ḓivhaho Yosefa. “Ho ngo ḓivha Yosefa.” Naa Yosefa o imelwa nga nnyi? Tshipiḓa tsha tshimuya kha ekisodo iyi ya tshimuya.


116 Henefho hu a vuwa zwino, “Ri mbofholowo.” (“Musadzi o fushwa lwa tshifhinga, tshifhinga, na u khethekanywa ha tshifhinga.”) Fhedzi mafhedziseloni henefho ha vuwa ene—ene Yos-…kana muvhusawoga wa farao we a sa ḓivhe mbofholowo ya vhurereli, a tshi vha ṱanganyisa fhethu huthihi. Ni songo zwi tendela zwi tshi ni fhira. Hu ḓa tshifhinga he ha vha hu na farao, u thoma, a tea u ḓa.117 Huno madzangano o tshila lu ḓifhaho, a tshila sa davhi ḽo ṱumetshedzwaho, ngomu ha davhi ḽa vhukuma ḽa Vhukriste, fhedzi ḽi kha ḓi aṋwa mitshelo yaḽo ya vhubvo: vhasadzi, vho ambara lwa hafu; vhanna, vha vhuṱali, huno vha tshi hana maanḓa a Muya. Fhedzi, ḽo tshila fhasi ha dzina ḽa tshivhidzo tsha Vhukriste. Ndi davhi ḽo ṱumetshedzwaho. Fhedzi Munna wa munḓirivhe u khou ḓa zwino u khwathela iḽo davhi, vhunga O amba uri U ḓo ita. Avho vhoṱhe vha si na mutshelo vha ḓo tumulwa huno vha poselwa ngomu muliloni huno vha ḽiwa.118 Ndi tshithu tshi ofhisaho u amba, fhedzi Ngoho nga tshiṅwe tshifhinga i vhonala i tshi ofhisa, vhunga ndi kha ḓi bva u ni vhudza, nḓila ine Mudzimu a dzhia vhana Vhawe nga kha maḓi o tsaho na muṱavha wa mashika na tshithu. U zwi ita nga iyo nḓila. Elelwani, kha—khali i fanela u kwashiwa i vhe zwipiḓa, dzikhuḽane, zwipiḓa zwiṱuku zwi tea u vhumbiwa hafhu nahone zwa khwiniswa hafhu. Zwi vhonala zwi tshi nga tshithu tshi shushaho tshine tshi nga tshinyadziwa, fhedzi zwi tea u itwa nga u ralo, u itela u swika kha u ita uri khali i itwe hafhu, veisi kana tshiṅwe na tshiṅwe tshine na khou ita.119 “Ho vha hu na farao we a vuwa, we a vha a sa ḓivhi Yosefa.” Huno afho ho vha hu u ranga ha u ranga. Afho ho vha hu u ranga ha ekisodo. Huno musi itsho tshithu tshi tshi thoma u vhumbea, fhasi ha ma—maanḓa a politiki, tshi tshi thoma u vhumbea, Mudzimu u thoma u ḓilugisa. Vhutshinyi ha Vhaamori ho khunyelela. Tshifhinga tshe A fulufhedzisa Abrahamu tsho khunyelela, huno tshifhinga tsha thengululo tsho vha tsho sendela.120 Huno Mudzimu o tendela farao u vuwa, we a sa ḓivhe Yosefa, huno Raamsese a bebwa. Huno henefho nga murahu ha Seti hu ḓa Raamsese. Huno Raamsese o vha e uyo we a vha a sa ḓivhi phaṱhutshedzo ya Yosefa. Huno—huno ho ngo ḓivha zwe sia ḽa tshimuya ḽa vha ḽi zwone. O vha a tshi tou vha muḓivhi wa zwa politiki, lwe a vha a tshi nga dzhia Ethiopia na maṅwe mashango oṱhe, fhasi ha maanḓa a zwa mmbi. Huno izwo ndi zwoṱhe zwe a ḓivha, ho vha hu—hu maanḓa a mmbi.121 Huno ndi a elekanya, arali muṅwe munna o vha e wa tshimuya, a tshi nga kona u vhona tshi no khou itea zwino. Ri khou wana farao a sa ḓivhi mbofholowo ya vhurereli. Musi muphuresidennde washu a tshi dzhia ofisi yawe, ho ngo zwi anela, zwauri u tenda kha mbofholowo ya vhurereli.


122 Mini-ha nga ha ḽiṅwe ḓuvha musi ro vha ri na iyi mbudziso ya khethululo, fhasi ngei Tshipembe? Musi uyu muvhusi wa—wa Alabama…Ndi tama ndi tshi nga amba na uyo mushumeli, uyo Martin Luther King. Naa munna a nga vha hani murangaphanḓa, huno a tshi ranga phanḓa vhathu vhawe ngomu ha tshikwekwe tsha lufu? Arali avho vhathu vho vha vhe dziphuli, ndo vha ndi tshi ḓo vha henengei fhasi, ndo bvula badzhi yanga, ndi tshi khou rwela vhathu vhanga. A vha dziphuli. Ndi vhadzulapo. Ndi vhadzulapo vha lushaka. Mbudziso ya u “ya tshikoloni.”123 Avho vhathu, arali vha na mbilu i konḓaho nahone vha sa ḓivhi izwo zwithu. Ni nga si kone u kombetshedza vhathu, zwithu zwa tshimuya, zwine zwa khou rwiwa ngomu henefho nga maanḓa a politiki. Vha tea u zwi ṱanganedza, u bebwa hafhu, zwenezwo vha ḓo vhona izwi zwithu.124 Fhedzi, uyu munna, arali ndi tshi nga amba nae fhedzi; a tshi ranga phanḓa avho vhathu vha vhuṱhogwa, fhasi ha dzina ḽa vhurereli, ngomu ha tshikwekwe tsha lufu hune a khou yo vhulaha zwigidi zwi tshi andiswa nga zwigidi zwavho! A vha…Vha tou wana si—sia ḽa mvelo.125 Uyu munna, mukomana wa mukhaḽadi, musi uho u takuwa huhulwane hu tshi ḓa ngei Louisiana, ndo vha ndi henengei nga itsho tshifhinga. Musi…Hu na mushumeli wa mukhaḽadi, mukomana wa kale wa vhuṱhogwa, a ima nṱha henefho huno a amba, a vhudzisa vhadziammbi, “Naa ndi nga amba navho? Ndi vhathu vhanga.” Huno uyu mushumeli wa kale a ima, henefho nnḓa, a ri, “Ndi ṱoḓa u amba, matsheloni ano, na khathihi a tho ngo vha na ṱhoni nga muvhala wanga. Muiti wanga o nnyita zwine nda vha zwone.”126 Iyo ndi nḓila ine A ṱoḓa a tshi sala. Iyo ndi nḓila ine A ṱoḓa munna muṅwe na muṅwe a tshi sala. U ita maluvha matshena, maluvha a buḽuu, na mivhala yoṱhe ya maluvha. Ni songo vangana navho. Ni songo vha pfukisekanya. Ni vha a hanedzanaho na mvelo.127 O ri, “Na khathihi a thi na ṱhoni nga muvhala wanga, u swika nga matsheloni ano.” A ri, “Musi ndi tshi vhona vhathu vhanga vha tshi takuwa huno vha ita zwithu zwine vha khou ita zwino,” a ri, “zwi nnyita uri ndi vhe na ṱhoni ngavho.” O Mudzimu, fhaṱutshedza iḽo ipfi. A ri, “Ni khou yo vhanga vhuleme fhedzi.” Ha pfi, “Sedzani zwikola hafha. Arali ro vha ri si na zwikolo,” ha pfi, “zwo vha zwi tshi ḓo fhambana. Fhedzi ndi nnyi a re na zwikolo zwa khwinesa fhano Louisiana?” Ha pfi, “Kha ri dzhie, sa tsumbo, muḓi washu, Shreveport.” Ha pfi, “Hu na tshikolo tshitshena hangei, ndi tshikolo tsha kale. Vho ri fhaṱela tshiṅwe. A vha na tshishumiswa tshithihi, tshithu tsha u tambisa tshithihi tsha vhana. Ri na dzharaṱa yo ḓalaho. Huno nga nnḓa ha hezwo,


vho ri fhaṱela dzivha ḽihulwane, ḽihulu, ḽa mabuḽi ḽa u bambela u itela vhana vhashu. Huno ri na vhadededzi vha khwinesa vhane vha nga wanala.” Ha pfi, “Ndi ngani ni tshi ṱoḓa u ya henengei, musi ri na ha khwine fhano? Naa thaidzo ndi mini nga ha inwi?” a ralo.128 Huno avho vhathu, vhone, “Rah!” Vha vhulaha ipfi. Khezwo, ni a vhona, u hevhedzwa ho khakheaho.129 Avho vhathu vho vha vhe dziphuli. Ndi vhakomana vhanga na dzikhaladzi. Vho vha vhe dziphuli, ndi ḓo ralo, “I ri ni ri vhe miraḓo yavho huno ri ye tshiṱaraṱani huno ri hanedze itsho tshithu.” A vha dziphuli. Ndi vhadzulapo vha re na pfanelo dzine nnyi na nnyi-vho a vha nadzo. Hu tou vha dzanda ḽa u hevhedzwa ḽi bvaho heleni, u vhangela vhavho vha milioni u vhulawa. Vha thoma mvutshelano. Zwa vhukuma, ndi wone. A si zwone.130 Vhanna na vhasadzi vha na pfanelo dzavho. Vhakomana vha makhaḽadi vhashu, na vha Japani vhashu, na vha tshirulwane vhoṱhe, vhatshena, vhatswu, na tshiṅwe na tshiṅwe tshe vha vha vhe tshone, a hu na phambano kha muvhala wavho, nga Mudzimu. Roṱhe ri ḓa ri tshi bva kha munna muthihi, Adamu. Fhedzi arali Mudzimu o ri fhandekanya huno a ri shandukisela mivhala yo fhambanaho, kha ri dzule nga iyo nḓila. Arali ndo vha ndi mu—munna wa tshirulwane, ndo vha ndi ḓo ṱoḓa u sala ndi wa Japani, kana wa Tshaina. Ndo vha ndi mu—mu—munna wa mukhaḽadi, ndo vha ndi tshi ḓo ṱoḓa u dzula ndi nga iyo nḓila. Mudzimu o nnyita nga iyo nḓila.131 Zwi khagala, hu na zwinzhi nga ha lushaka lwa makhaḽadi zwine lushaka lwa vhatshena lwa tea u vha nazwo. A vha na mbilaelo. Ndi vha tshimuya lwo engedzeaho. Hu na zwithu zwa tshigidi nga havho zwine munna mutshena a nga si kone u zwi kwama. Mudzimu o vha ita nga u ralo.132 Naa ndi nnyi we a vha a tshi nga kunda khwairi ya makhaḽadi nga u imba? Naa ndi ngafhi he na vha ni tshi nga wana maipfi? Ndo vha vhona vha tshi ḓa vha tshi bva kha mashango a re murahu henefho, vha sa ḓivhi uri tshifhio, tsha u ḽa na tshanḓa tsha monde. Tshaka dza furaru kana fuiṋa dzo fhambanaho dzavho, huno vha imbela kha fhethu, vhaṋe vha ima henefho, vha ri, “A thi tou kona u zwi kwama.” O pfumbudza khwairi lwa miṅwaha, huno muṅwe u ḓo vha okhutheivi ya nṱha, na ya fhasi, na tshiṅwe na tshiṅwe. Ha pfi, “Thetshelesani izwo, lwo fhelelaho fhedzi, na kha luambo lwo fhambanaho.” Vha na zwifhiwa.133 Fhedzi, inwi ni a vhona, izwi zwithu zwoṱhe zwi tea u bvelela, zwoṱhe ngauri mupolitiki we vhoinwi vhathu na mu khetha nga mitshini yaṋu yo kombamaho.134 Huno nga ḽiṅwe ḓuvha, musi uyo muvhusi o ima henefho, o ana huno a khethelwa ngomu ha iyo ofisi, nga vhathu, huno mbudziso ya khethululo u ya nga ndayotewa ndi, ya uri nzulele


iṅwe na iṅwe—iṅwe na iṅwe i nga dzhia muhumbulo wayo nga ha izwo. Ho ngo londa, fhedzi o vhala ndayotewa, ha pfi, “Zwino, tshikolo tshi imela khethululo.” Vha na tshikolo hangei. Huno ndi vhana vhavhili fhedzi vha makhaḽadi vho tamaho u dzhena itsho tshikolo, musi vho wana kholidzhi yavho. Fhedzi o ima huno a ri, “Mini?” O vhuya a vhala na ndayotewa.135 Zwenezwo musi zwi tshi ḓa murahu kha uyu muthu we ra mu wana hafha nṱha, a sa ḓivhi Yosefa, mbofholowo. A tshi kokodza idzo voto dza makhaḽadi, huno a sa ḓivhi uri yo vha i dzangano ḽa riphabuḽikeni ḽe ḽa vha vhofholola, fhethu ha u thoma. Hu tshi rengiswa pfanelo dzavho dza mabebo, kha tshithu tsho raloho sa itsho, u vha ranga phanḓa ngomu ha tshikwekwe tsha lufu, u sumbedza uri sisteme iṅwe na iṅwe yo itwaho nga muthu i tea u wa. Ndi zwone kokotolo. Huno Vho-Kennedy vho ita uyo mulindi wa lushaka, huno vha rumela avho vhanna henefho murahu ngomu ha tshifhaṱuwo tsha vhokhotsi avho henefho fhasi ha ndayotewa. Izwo zwo vunḓa ndayotewa hafhu.136 Ha pfi, “A ri nga lwi. Hai, muṋe wanga.” Huno ha pfi, “Ndi a fhulufhela lushaka lu nga kona u wanulusa zwauri a ri tsha tshila fhasi ha demokirasi, fhedzi fhasi ha vhuvhusawoga ha mmbi.”137 Inwi ni a ḓivha ḽiambele ḽa kale, “Luthihi mudemokirati wa tshipembe, tshifhinga tshoṱhe.” A thi ḓivhi zwino. Uh-huh. Ngoho munna u ḓo vha na tshipfi tsho eḓanaho u karutshela kha tshiṅwe tshithu. Ni a vhona? Litshani avho vhathu vha vhuṱhogwa vhe vhoṱhe. Ni songo vha vhulaha, henefho fhasi.138 Vhunga uyo munna o thuntsha uyo mukomana muṱanani, vhuṅwe vhusiku, nga itsho tshigidi, na vhana vhawe vhaṱuku na mufumakadzi nḓuni. A thi londi uri ndi nnyi, uyo a re fhasi nahone muṱuku. Ee, muṋe wanga. Ndi takalela u vha muhaṱuli kha uyo mulandu, luthihi. Uh-huh. Uh-huh. Mu thuntsheni uyo munna, a tshi ḓa hayani kha mufumakadzi wawe na vhana. Ndi mudzulapo, u na pfanelo ya u imela zwine a elekanya uri zwo luga, munna wavhuḓi. Tshifanyiso kha magazini wa Life, uyo mutukana muṱuku a tshi khou lilela baba vhawe. Huno ḽiṅwe ḽishandukwa ngei nnḓa, ḽo mu thuntsha muṱanani, o mu lalela.139 Izwo ndi zwine na zwi wana musi ni tshi landula Kristo. Izwo ndi zwone. Afho ndi he lushaka lwoṱhe lwa ya hone, vhoṱhe fhasi ha politiki. Ndi ṱhoni dzo raloho, fhedzi izwo ndi zwe ra ṱoḓa. Ro zwi sumbedza kha iyi khetho.140 Murwa muṱuku wanga o ri kha nṋe, matsheloni ano, “Baba, vhokhotsi vha vhafhiri, musi vha tshi ḓa hangeno, naa vhone vhoṱhe vho vha vhe vha iyi iṅwe dinomineisheni ya tshivhidzo? Naa vhoṱhe vho…” Ha pfi, “Vho vha vho ambara dzibadzhi khulu?”


141 Nda ri, “Hai, mufunwa. Vha ḓa ngeno u itela mbofholowo ya vhurereli. Izwo ndi zwine vha ḓa ngeno, u bva kha zwithu zwo raloho sa izwo.” Inwi ni a vhona he zwa ya hone zwino? Zwi sumbedza uri iyi mivhuso yoṱhe i fanela u wa. Ndi fanela u ṱavhanya.142 Tshithu tshithihi, ndi a rabela uri Mukomana Martin Luther King zwa vhukuma u ḓo vuwa hu si kale. U funa vhathu vhawe; a hu na u timatima. Fhedzi arali a tou vhona fhedzi hune u hevhedzwa hawe. Naa zwi ḓo farisani arali no ya tshikoloni, vha milioni vhaṋu no eḓela hangei, no fa? Zwi ḓo tou ralo, na ya tshikoloni, zwi tshi tou fana? Zwino, u itela—u itela nḓala, arali ho vha hu u itela tshiṅwe tshithu, dziphuli, munna o vha a tshi ḓo vha mufelalutendo u ṋea vhutshilo hawe u itela iḽo buḓo, buḓo ḽo fanelaho, huno iḽo ḽi ḓo vha buḓo ḽo fanelaho. Fhedzi u tou ya tshikoloni, a—a thi zwi vhoni. Ni a vhona? A thi elekanyi uri Muya Mukhethwa u tendelana nae, na luthihi, kha hezwo. Zwo ita uri vhathu vha ṱanganane, kha tshivhalonyana tsha phosho khulu, inwi ni a vhona.143 U tou—u tou fana na Hitler o ita, hangei Dzheremane, o vha ranga phanḓa henefho ngomu ha tshikwekwe tsha lufu, avho Madzheremane a vhuṱhogwa. Huno vho eḓela nga vha dzibilioni, kana dzimilioni, vho ṱhophekana nṱha ha muṅwe na muṅwe.144 Huno izwo ndi zwenezwo zwithihi kokotolo. Huno elelwani, nṋe ndi kha theiphi. Ni ḓo zwi vhona, nga murahu, khamusi nga murahu ha musi ndo no ṱuwa. Izwo ndi zwone zwi no khou yo bvelela kokotolo. Avho vhathu vha vhuṱhogwa vha ḓo fa henefho fhasi, vhunga thunzi. Zwi thoma mvutshelano, mutshena na wa mukhalaḓi vhuvhili havho vha ḓo lwa hafhu, huno vha fa vhunga dzithunzi. Huno zwine na vha nazwo musi zwo no fhela? Tshivhalonyana tsha vhathu vho faho.145 “Fhedzi henefho ho vuwa farao we a sa ḓivhe Yosefa.” Zwenezwo zwithihi ṋamusi, munna o vuwa huno a dzhia muano kha—kha White House, ane a sa ḓo anela muano wawe, a sa ḓo dzhia muano wawe wa uri u tenda kha mbofholowo ya vhurereli.146 Naa uyu mupapa muswa u khou ri mini? Muthihi…U na zwithu zwiṋa. Tshiṅwe tshazwo, ndi u ṱanganya Muporotestanti na Mukaṱoḽika fhethu huthihi. Huno kha muṅwe muthu wa vhuṱali, itsho ndi tshone tshithu tshi teaho u itwa. Fhedzi u ya nga Bivhili, ndi tshithu tsho khakheaho u ita. Huno Bivhili yo amba uri vha ḓo ita izwo.147 Kha ri ye phanḓa zwiṱuku. Nga tshino tshifhinga, Raamsese, ngei Egipita, o vha a tshi khou aluwa. Maanḓa awe a khou aluwa. Munna wa mvelo, Raamsese, o vha a tshi khou aluwa.148 Munna wa mvelo, mulwanakristo, u khou aluwa zwino. Nga kha politiki, o no lugela u ya kha White House. Kha


vhurereli, u na vhathu vhoṱhe vha timatimaho nga maanḓa, u swika zwa vhukuma vha tshi zwi wela. Huno vharangaphanḓa vha dinomineisheni, zwavhuḓivhuḓi tshivhidzo tshiṅwe na tshiṅwe tshi re hone kha lushaka, tsho no ḓi vha kha dzangano ḽa zwivhidzo. Raamsese u khou aluwa. Huno vhoṱhe vha khou ṱangana, huno izwo ndi zwine vha ḓo vha nazwo. Huno zwi itani? Zwi ita maanḓa, ḽivhanda u fana na ḽa u thoma.149 Zwenezwo hu na mutovholo u no khou ḓa kha avho vhoṱhe vhane vha nga si ṱangane naḽo, na u iledzwa. Tshifhinga tshi ḓo vha tsho no ṱuwesa. No no ḓi dzhia luswayo. Ni songo ri, “Ndi ḓo zwi ita tshifhingani tshenetsho.” Ndi khwine ni tshi zwi ita zwino. Raamsese o vha a tshi khou aluwa.150 Fhedzi elelwani, musi Raamsese a tshi khou aluwa kha maanḓa, ngei Egipita, Mudzimu o vha e na Mushe sogani. O vha a tshi khou aluwa, na ene-vho. Raamsese o vha e na sisteme ya politiki. Mudzimu o vha e na sisteme ya tshimuya, fhasi ha muporofita, o lugela u tsa fhasi, u amba na vhathu.151 Vha khou aluwa vhuvhili havho hafhu. I ḓo vha makhaulatshele, nga ḽiṅwe ḽa aya maḓuvha. Tshifhinga a tshiho kule musi hu tshi ḓo ḓa makhaulatshele. Vhunga zwa mvelo…Vhunga Luṅwalo lu tshi ri, “Tsha mvelo tshi fanyisa tsha tshimuya.” Ni nga si tshi ṱutshele kule hatsho. Tshi henefho. Tshi henefho phanḓa ha maṱo aṋu. Ndi Ngoho. Sedzani Tshivhidzo zwino, tshi tshi vhidzela nnḓa, tshi tshi vha na maanḓa. Muya Mukhethwa u tshi tsela fhasi, zwiphiri zwa Mudzimu zwi tshi khou dzumbululwa huno zwa dzudzanywa. Ni a vhona? Huno henefha, o no ḓi vha White House. Huno Tshivhidzo tshi khou Ḓikokodza fhethu huthihi, amene, hu si dinomineisheni; u bva kha vhupuli ha vhutshinyi, kule na Vhaamori, vhathu vho vhofholowaho. Oo!152 Mudzimu o vha e na Mushe, muporofita a no ḓo vha Wawe. Naho o no ḓi porofita, huno zwo sumbedza uri o vha e kha u luga, fhedzi naho zwo ralo o vha e kha tshikolo tsha soga, o dzumbelwa shango ḽoṱhe. Fhedzi o dzheniswa tshikolo, o pfumbudzwa, e nnḓa sogani.153 Maswina a ḓo ambisa, tshifhinga tshoṱhe, sisteme yawe. Huno u sa tenda hu ḓo zwi ṱanganedza, ngauri swina ndi tshiga tsha vhuṱali.154 Zwino, elelwani, hu na vhavhili fhedzi. Ni songo hangwa izwi. Hu na maanḓa mavhili fhedzi. Maṅwe ndi maanḓa a tshimuya, a Muya Mukhethwa. Maṅwe ndi a diabolo, a shumaho nga maanḓa a vhuṱali. Ngauri, afho ndi he a dzhena, ngadeni ya Edeni, nga kha maanḓa a vhuṱali, u ita uri Efa a tende kha muhumbulo wa vhuṱali, wa u hanedzana na Ipfi. Zwi tou vha khagala sa zwine zwi nga vha zwone, vhana vha nga zwi wana izwo. Ni a vhona? Ni a vhona? Huno iyo ndi nḓila ye zwa vha ngayo, nḓilani yoṱhe u tsa fhasi.


155 Zwi hafha, kha ḽa Egipita, matsheloni ano. Hu na maanḓa a vhuṱali a no shuma kha Raamsese, a tshi mu ḓisa kha maanḓa. Huno a mu vusa, uyo a sa ḓivhi mbofholowo ya u litsha zwe Yosefa a ita, zwe tshivhidzo tsha ita u rangani.156 Huno zwino ri vhona zwenezwo zwithihi, maanḓa a vhuṱali a tshi luka vhukati ha zwivhidzo, huno zwo vusa ṱhoho ya vhurereli i sa londi zwe Bivhili ya amba. Vha na sisteme yavho. A si zwe Bivhili ya amba. Ndi zwe tshivhidzo tsha amba. Huno Vhaporotestanti vho luka henefho ngomu ha iyo, u swika zwigwada zwavho zwoṱhe, vhunga itshi, “Zwo luga, ngoho. Zwo luga, ndi a ḓivha uri Ḽi amba Itshi, fhedzi ndi a ni vhudza, ayo maḓuvha o fhira.”157 “Tshifanyiso tsha u ofha Mudzimu, huno hu tshi landulwa maḓi ao.” Luṅwalo luṅwe na luṅwe kha Bivhili lu sumba tswititi khazwo.158 Zwino ni a vhona uri ndi ngani ndi tshi ṱoḓa u theipha izwi huno nda zwi rumela kha vhathu. Awara yo swika. Ngoho i tea u ḓihwa. Ekisodo yo sendela. Ni a vhona?159 Tshi—tshipiḓa tsha vhuṱali tshi vhonala tsho fhelela. Huno tsho fhelela, ndi kokotolo; fhedzi, tsho fhelela, u hevhedzwa nga Saṱhane.160 Huno zwenezwo, tshifhinga tshoṱhe, izwo, uyu Raamsese wa vhuṱali o vha a tshi khou aluwa na u ḓa kha khuluṋoni. Huno elelwani, o aluwa sa mukomana kha Mushe, ni a vhona, mukomana kha Mushe. Muṅwe wavho o ḓo tea u dzhia tshidzulo tsha vhuṱali, u tou fana na Yosefa kha vhakomana vhawe. Huno vho ita mini nga Yosefa muṱuku? Vho mu khaula kha Ipfi. Ipfi ndi Mudzimu. Huno vho khaula Ipfi, huno vha ṱanganedza ndaela. Huno zwino ndaela yo alutshela kha maanḓa.161 O Mudzimu, i ri vhathu vha vhone izwo! Naa ndi nga shumisa hani ipfi ḽo engedzeaho? Naa ndi nga zwi ita hani khagala u fhirisa nga Maṅwalo, fhasi ha u hevhedzwa nga Muya Mukhethwa, uri ri fhano?162 “Oo,” inwi ni ri, “zwo luga, zwino, arali izwo zwi tshi bva kha Mupapa John, kana Mupapa Mukeneṅene, kana Mubishopo Mukeneṅene!” Naa ni a vhona uri Mudzimu o dzhia muṱuku, mudzuli wa phangani a si na ndeme? Ha pfi, “Naa zwoṱhe zwi nga vha hani zwo khakheaho?”163 Mudzimu u shuma na muthu, hu si zwigwada. Na muthu; Mudzimu a tshi khou wana Yawe—Yawe, a tshi khou wana Yawe. Tshithu fhedzi tshine A tea u vha natsho ndi munna muthihi ane A nga kona u shuma ngae. Izwo ndi zwoṱhe zwine A ṱoḓa kha munna muthihi. O lingedza u vha wana, nga kha tshikhathi tshiṅwe na tshiṅwe. Arali A tshi nga wana munna


muthihi! U na munna muthihi maḓuvhani a Noaxe! Munna muthihi maḓuvhani a Eḽiya! Munna muthihi maḓuvhani a Yohane Mulovhedzi. Munna muthihi fhedzi ndi zwoṱhe zwine A ṱoḓa. Maḓuvhani a vhahaṱuli, O lingedza u wana munna muthihi, Simisoni, a mu ṋea maanḓa mahulwane, fhedzi o a rengisela musadzi huno a pofula. Ndi vhahaṱuli; zwo vha zwi songo ralo. Mudzimu ndi Muhaṱuli. Ni a vhona?164 Inwi ni a vhona, ṋamusi, U khou lingedza u wana munna muthihi ane A nga mu wana tshanḓani Tshawe, a no ḓo amba Ngoho, ane a sa ḓo ofha e nazwo, ane a sa ḓo litsha u shumisa nungo dzawe dzoṱhe, ane a sa ḓo vha wa dogima; munna muthihi ane A nga mu fara tshanḓani Tshawe huno a sumbedza uri Ipfi Ḽawe ḽi a tshila, huno a Ḓisumbedza uri u a tshila. Ndi a tenda uri A nga wana muthu o raloho o luga. Ndi a ita. Ndi a zwi tenda. Nṋe ndi tou…tenda Bivhili lwo eḓanaho, u tenda uri A nga kona u zwi wana, izwo ndi zwone, izwo zwi ḓo amba Ngoho.165 Nga murahu ha tshikhathinyana, ri a wanulusa, nga murahu ha u ya nga kha izwi zwikolo zwoṱhe. Zwino sedzani. Swina ḽi ambisa tshiṅwe tshithu, ṱhalukanyo ya vhuṱali, ngauri swina ḽi khou shuma kha vha vhuṱali. Huno ṱhalukanyo i ḓo dzula fhasi huno ya ṅaṅa nazwo, huno ya ri, “Zwino, lindelani lwa muniti fhedzi. A zwo ngo ralo, uri khoro…”166 Ndo amba na munna nga ḽiṅwe ḓuvha, huno a ri, “Sedzani, Billy!” U shumela Public Service Company, munna wavhuḓi. Huno a ri, “Ndi ṱoḓa u ni vhudzisa tshiṅwe tshithu.” Ha pfi, “Ni Muairishi.” Nda ri, “Ee, muṋe wanga.” Ha pfi, “Nṋe ndi nga ndi a zwi shona, fhedzi, naho zwo ralo, ndi nṋe.” 167 Huno a ri, “Zwo luga,” a ri, “naa a ni zwi ḓivhi uri inwi zwa vhukuma, zwa vhukuma ni tea u vha Mukaṱoḽika?”168 Nda ri, “Ndi nṋe, uh-huh, mukaṱoḽika wa vhubvo, uh-huh.” Inwi ni a ḓivha, Tshivhidzo tsha u thoma tsho vha tshi Tshivhidzo tsha kaṱoḽika.169 Inwi ni a vhona he tsha ya hone, ṋamusi? Zwo thoma Pentekoste, fhedzi dzangano ḽo tshi vhea hune tsha vha hone zwino. Sedzani, huno Pentekoste i ḓa henefha murahu huno ya dzudzanya, ya ita tshithu tsha u thoma tsha tshivhidzo tsha Kaṱoḽika. Huno kaṱukuṱuku vha kule ṋamusi sa vhone, sa zwe vha vha vhe zwone kha miṅwaha ya zwigidi zwivhili. Huno miṅwaha ya fuṱhanu yo vha ḓisa kaṱukuṱuku khazwo. Ni a vhona? 170 A ri, “Ni songo zwi tenda izwo musi tshigwada tsha ṱhalukanyo dza u vhuedzanya,” khezwo, “dzo dzula fhethu huthihi huno dza ṅaṅa tshiṅwe tshithu, na tshigwada tshoṱhe tshi nga tenda, a ni elekanyi uri hu ḓo tou vha zwiṱuku fhedzi…Ngauri, ndi ḓa u pfa inwi ni tshi rera,” ha pfi, “fhedzi a thi tendelani na inwi.”


171 Nda ri, “Nḓila i yoṱhe ine i nga sumbedza uri u sa tendelana haṋu hu a pfala, ndi u sumbedza nga Bivhili.” A ri, “Bivhili a i na mushumo nazwo.”172 Nda ri, “Kha inwi, I nga ḓi si ite. Fhedzi, kha nṋe, Ndi zwoṱhe zwa u ita nazwo. Ni a vhona, Ndi Ipfi.”173 Huno a ri, “Naa a ni elekanyi uri tshivhalonyana tsha ṱhalukanyo dza u vhuedzanya dzo dzula fhethu huthihi, dzi nga dzo lugaho lwo engedzeaho, huno hu na ngoho ya u luga, u fhira muthu muṱuku, a songo funzeaho vhunga inwi muṋe?” Nda ri… “Zwo luga,” ha pfi, “ni na mushumo une na ṱoḓa u amba tshiṅwe tshithu tsha u hanedzana na bi-…kana tshi hanedzanaho na tshivhidzo tshashu—tshashu? Musi, ho no vha na, fhasi nga kha tshikhathi, musi vho no vha na khoro ya u thoma ya tshivhidzo, vhunga no zwi amba, henengei vhusiku vhuthihi, ro zwi pfa izwi, zwikhathi zwa tshivhidzo, zwa khuvhangano ya khoro ya u vhuedzanya ngei Nicaea, Roma, huno ya vhumba tshivhidzo tsha Roma Kaṱoḽika.” Ha pfi, “Naa a ni ḓivhi ho vha hu na vhanna vha zwigidi, muya, vhanna vho rumiwaho nga Mudzimu vho dzula kha iyo khoro? Huno ni songo elekanya uri ṱhalukanyo dzavho dzi ḓo ḓiimisela u ḓivha lufuno lwa Mudzimu, u fhira yaṋu hafha fhasi, nga murahu ha musi Mudzimu o no sumbedza nga kha miṅwaha ya zwigidi zwivhili zwe itsho tshivhidzo tsha vha uri tsho luga?”174 Nda ri, “Ha athu zwi sumbedza na khathihi.” Nda ri, “Arali itsho tshivhidzo tshi Tshivhidzo tsha Mudzimu, kha ri vhone tshi tshi bveledza vhunga Tshivhidzo tsha u thoma tsho ita tshifhingani itsho. Kha ri zwi vhone zwi tshi bveledza zwithu zwe vha ita fhethu ha u thoma. Musi, na Bivhili i amba, uri, ‘Na i na nthihi kana kuswayo kuthihi a zwi nga ḓo kundelwa Khaḽo.’ Huno O ri, ‘Ane a ḓo dzhia Ipfi ḽithihi kha Iyi, kana a engedza ipfi ḽithihi Khayo, mukovhe wawe u ḓo bviswa,’ uri kana ndi khoro ya u vhuedzanya kana tshiṅwe na tshiṅwe tshine tsha vha tshone, ‘zwi bvaho kha Bugu ya Vhutshilo.’ O vuledza.” Ha pfi, “Billy, ni tou vha a sa ḓifari.”175 Huno nda ri, “Zwenezwo, ndi a humbulela, nga tshiṅwe tshifhinga kha tshirunzi tshihulwane tsha Israele, musi vho no fhandekana vhunga Muporotestanti na Mukaṱoḽika vho ita ṋamusi, Israele yo ṱoḓa u sala i Israele.” Fhedzi nda ri, “Ri a wanulusa uri vho vha vhe na khosi i vhidzwaho Jehosafati, munna o lugaho we a lingedza u vhulunga mi—mi—milayo ya Mudzimu. Fhedzi vho vha na iṅwe nga hangeno yo rinwaho Ahaba, we a mala musadzi, politiki, a tshi khou lingedza u wana dzikhonani na luṅwe lushaka, huno a mala muṅwe wa vhananyana vhavho, Jesebele, huno a mu dzhenisa ngomu, na ene-vho, vhukati ha vhathu vha Mudzimu.” Zwenezwo zwithihi zwine ra khou ita, na u dzhenisa ngomu. “Huno o vha


muvhusi; a ita uri Ahaba a ambe itshi, huno a ita Ahaba uri a ambe itsho.” Zwenezwo zwithihi vha khou ita zwino. Huno nda ri, “Makhaulatshele o ḓa.”176 Vho vha vha tshi ṱoḓa u ṱanganyisa zwivhidzo fhethu huthihi, vhunga vha tshi khou lingedza u ita zwino. Huno—huno kha Ahaba…Huno na Josafati, munna wa dzangano, a ri, “Ee. Izwo zwi ḓo vha zwavhuḓi. Vhathu vhaṋu ndi vhathu vhanga. Ri Vhakriste roṱhe. Ri vhatendi roṱhe. Kha ri vhe roṱhe.” Fhedzi musi a tshi tsela fhasi kha makhaulatshele, a ri, “Naa a ni elekanyi uri ri tea u ya thabeloni nga ha izwi? Ri tea u kwama Murena.” Huno a ri, “Ee,” a ralo Ahaba. Ngauralo a ri, “Ndi ḓo ni vhudza uri mini. Kha ri wane muporofita wa Murena.”177 Fhedzi, inwi ni a vhona, Ahaba o vha e na sisteme ye a elekanya uri yo vha i ya Murena. A ri, “Ndi na vha maḓana maṋa, vho dzhenaho tshikolo huno vha pfumbudziwa.” Huno vha ri ndi vhone vhaporofita vha Vhahevheru, vhunga zwigwada zwa vhashumeli zwi tshi ita ṋamusi.178 Huno vha vha bvisela nnḓa, huno vha vha vhudzisa mbudziso malugana na tsho—tsho bvelelaho tsha nndwa. Huno muṅwe na muṅwe wavho a vha fhethu huthihi huno o ṱanganywa, u tou fana na khoro ya u vhuedzanya i tshi ita ṋamusi, huno vha ḓa na mbudziso. “Iyani nṱha. Murena u na inwi, ngauri iḽo shango nga ngoho ndi ḽashu. Huno sukumedzelani Vhasiria henefho nnḓa, kana Vhafilista. Vha sukumedzeleni nnḓa, ngauri shango ndi ḽashu.” Izwo zwi pfala zwi tshi pfala. Ni a vhona?179 Fhedzi, naho zwo ralo, fhasi mbiluni ya Jehosafati, ho ngo pfala ho luga. A ri, “Ndi a ḓivha uri ni na vhashumeli vho pfumbudzwaho zwavhuḓi vha u vhuedzanya vha maḓana maṋa henefho. Huno vhoṱhe vha kha ḽithihi, u swika vho no ita phere ya ṋanga dza tsimbi huno vha ri, ‘U RALO MURENA.’ Fhedzi ri nga kona u wana muṅwe?”180 A ri, “Ni songo ri khosi i ambe nga u ralo,” mupolitiki o amba. “Ni songo ri khosi i ambe nga u ralo, ngauri avha vhanna ndi vhanna vho pfumbudzwaho. Ndo vha pfumbudza, nṋe muṋe.” Ndi zwone. Ndi a vhona? Ndi zwone. “Ndo pfumbudza avha vhanna. Fhedzi, hu na muṅwe hafhu, fhedzi ndi a mu vhenga.” Ni a vhona? Ha pfi, “Uyo ndi Mika, murwa wa Yimila, fhedzi,” ha pfi, “ndi a mu vhenga. A si tshithu nga nnḓa ha ḽishandukwa vhukati havho. Ene tshifhinga tshoṱhe u a vha hambekanya. Ene tshifhinga tshoṱhe u mmbudza uri nṋe ndo khakha. Sedzani muvhuso wanga.” Iina, u sedzeni, sedzani uri wo vha u kha phusuphusu nzani.181 Sedzani dinomineisheni yaṋu, ṋamusi, “Hu na tshivhumbeo tsha u ofha Mudzimu huno hu tshi haniwa


maanḓa aho.” Ni a vhona? Oo, inwi ni nga ḓi vha ni vhanzhi nga milioni, huno vhanzhi nga tshigidi, nahone vhanna vho pfumbudzwaho nga nḓila ya khwine, fhedzi ni ngafhi Muyani? Naa nungo dzaṋu dzi ngafhi, dzo vha dzi kha Simisoni, musi o ima henefho, vhunga ndo amba ḽiṅwe ḓuvha? Na yoṱhe fureme khulu henefho, na mupfumu muṅwe na muṅwe ngomu henefho, fhedzi hu si na Vhutshilo khazwo. Muya wo mu ṱutshela. O vha a sa thusei. Ṅwana muṱuku o mu ranga phanḓa u mona hoṱhe; maṱo o pofulaho, nga nṱhani ha muṅwe musadzi. Zwi a fana na tshivhidzo, ṋamusi, vha tshi rangwa phanḓa nga vhorapolitiki, vhabishopo, vhahulwane, na tshaka dzoṱhe dza zwithu. Vhanna vha tshi khou kokodza maṱanga, u wana tshiṅwe tshithu kha muṅadzi wavho, na tshiṅwe na tshiṅwe. Naa ri ngafhi? Ngauralo musi ri tshi ḓa afha fhethu…182 Vho ruma huno vha wana Yimila, kana ene…hu si Yimila; fhedzi Mika, murwa wa Yimila. A ruma huno a mu wana. Huno a porofita huno a vha vhudza uri Ahaba u ḓo vhulawa arali o gonya nṱha henengei.183 Huno uyo atshibishopo a mu bamudza mulomoni. O vha a tshi fhulufhedzea nga hazwo. A ri, “Naa Muya wa Mudzimu wo yafhi musi U tshi nṱutshela?”

Ha pfi, “Ni ḓo vhona.” Uh-huh. Uh-huh.184 Ha pfi, “Mu pangeni dzhele. Mu vheeni kha ṱironngo ya nga ngomu. Mu fusheni nga tshinnkwa tsha vhuṱungu, na maḓi a vhuṱungu. Huno musi ndi tshi humela murahu nga mulalo,” ha pfi, “ndi ḓo shuma na uyu muthu.”185 Huno, Yimila, a tshi ḓivha uri o vha e na Mudzimu! Ndi ngani? Bono ḽawe ḽo vhambedzwa na Ipfi. O vha e muporofita. Huno muya wawe na bono ḽawe zwo vha zwi na muporofita kokotolo, Eḽiya. A ri, “Arali ni tshi vhuya, na luthihi, zwenezwo Mudzimu ho ngo amba na nṋe.”186 Zwino, ndo amba na uyu muthu, “Ndi nnyi we a vha e kha ngoho, khoro ya u vhuedzanya he vhanna vha maḓana maṋa vho khethiwaho vha vha vho dzula fhethu huthihi, vho nangiwa nga vhanna, kana ḽishandukwa ḽithihi ḽe ḽa vha ḽo khethiwa nga Mudzimu?”

“Zwo luga,” a ralo, “zwo luga, naa no vha ni tshi ḓo ḓivha hani phambano?”187 Nda ri, “Murahu kha Puḽane!” Naa ri zwi ḓivha hani u fhaṱa tshifhaṱo nnḓani ha musi ri na puḽane?188 Arali vho vha vho ima lwa muniti, huno vha wanulusa uri uyo muporofita, Eḽiya, o sema Ahaba, huno a ri, “Mmbwa dzi ḓo ṋanzwa malofha awe.” Huno dzo ita. Naa o vha a tshi nga kona hani u fhaṱutshedza zwe Mudzimu a sema?


189 Naa inwi ni nga fhaṱutshedza hani tshiṅwe tshithu tshe Mudzimu a tshi sema? Ibvani kha itsho tshithu. Ṱutshelani kule hatsho. Iḓani ngomu ha Kristo. Amene.190 Zwino dzhielani nzhele. Fhedzi, swina ḽi ḓo ambisa. Swina ḽi ḓo ita uri tshithu tshi vhe na ndivho, ḽa tshi lugisa, huno ṱhalukanyo ya vhuṱali ya ri, “Izwo ndi zwone.”191 Afho ndi he mukomana wawe wa vhuṱhogwa a vha e hone. Uyu munna, a ri, “Zwi vhonala vhunga…Sedzani hafha. Inwi ni a ḓivha, uri, arali roṱhe ro vha ri tshi nga vha fhethu huthihi, sa tshivhidzo tshithihi, naa a ni elekanyi uri ro vha ri tshi ḓo vha vha khwine u fhira u vha vho balanganaho nga nḓila ine ra vha ngayo zwino?”192 Naa izwo a zwi pfali zwi tshi pfala, arali Vhaporotestani na Vhakaṱoḽika vha ḓa fhethu huthihi huno vha ḓa kha mavu a pfano? “Fhedzi vhavhili vha nga tshimbila hani nnḓani ha musi vho anḓana?” Naa inwi ni nga kona hani, musi tshigwada tshithihi hafha tshi sa tendi kha phodzo, tshiṅwe tshi tshi ri vha a tenda, tshiṅwe tshi tshi i vhea kha tshiṅwe tshifhinga murahu? Vhaṅwe a vha vhuyi vha tenda Bivhili. Huno vheani izwo fhethu huthihi, naa ni na mini? Mudzimu a si musimuli wa nḓaḓo.193 Mudzimu a sa athu vhuya a dzudza Tshivhidzo Tshawe kha oda, vho lindela maḓuvha a fumi na masiku, u swika vhoṱhe vha tshi vha “fhethu huthihi, kha ḽithihi.” Huno henefho hu ḓa Muya Mukhethwa u itela vhurangaphanḓa, hu si iṅwe khoro ya u vhuedzanya. Ni a vhona? Ndi a fhulufhela izwi ni a zwi wana. Dzhielani nzhele.194 Uyo ndi a sa tendi, a sa fulufhedzei kha Ipfi ḽa Mudzimu, a sa dzhieli nzhele zwine Ipfi ḽa amba, fhedzi na dzhiela nzhele maṅaṅa aṋu. Izwo ndi zwe Efa a ita, fhethu ha u thoma. O fulufhela u ṅaṅa hawe.195 Saṱhane a ri, “Zwino, sedzani hafha. Naa a zwi pfali? Ndi a ḓivha uri Ipfi ḽi amba Izwo. Fhedzi, lindelani muniti, a zwi pfali uri—uri ni ḓo vha wa khwine arali no ḓivha zwo lugaho na zwo khakheaho?” “Mulandu, ee.” Zwenezwo a u dzhia. Ngoho.196 Iyo ndi nḓila na u ṅaṅa. Zwino, u sa tenda tshifhinga tshoṱhe hu ya kha maṅaṅa, fhedzi lutendo lu nga si a kwame.197 Zwo vha zwi tshi ḓo vha zwi songo pfala kha khotsi ashu; hune ha vha hu uri ndi khotsi a lutendo lwashu, Abrahamu, uri ri vhana vhawe nga u vha “kha Kristo.” Zwo vha zwi tshi ḓo vha zwi songo pfala uri musadzi wa miṅwaha ya furathiṱhanu, nahone o tshila na, zwoṱhe u bva tshee a vha musidzana, a sa vhe na lushie? Huno musi o vha e na miṅwaha ya ḓana, kana ya fuṱahe, huno ene e na ya ḓana, huno hu tshi kha ḓi vha hu si na lushie. Zwi nga si ṅaṅe, tshiṅwe tshiṱafu tshihulwane tsha madokotela na saintsi


tshi ṋea Sarah u ṱhaṱhuvhiwa? Ha pfi, “Mulandu, mbumbelo yawe yo oma. Tsinga dza malofha dzo oma, miṅwaha ya fuiṋa yo fhiraho. Mbilu yawe, kha vhukale uvho, ho ngo dzhena maṱunguni.” Mulandu, ndi maṅaṅa fhedzi.198 Fhedzi Abrahamu o zwi landula. “Ho ngo timatima pfulufhedziso ya Mudzimu, nga kha u sa tenda. Zwi tshi lwa na maṅaṅa, ho ngo timatima pfulufhedziso ya Mudzimu, hu sa londwi zwe zwa vha zwi zwone. Ngauri o—o dzhia Mudzimu e wa u kona u ita tshiṅwe na tshiṅwe tshe A ri U ḓo ita.”199 Zwino, naa vhana vha Abrahamu vha ngafhi matsheloni ano? Vhoinwi vhashumeli ni ofhaho, ni a ofha, tshinnkwa tshaṋu na maḓi, tshiṱaraṱani, arali ni tshi ṱutshela iḽo Babele. Naa lutendo lwaṋu lu ngafhi? Dafita o ri, “Ndo vhuya nda vha muswa, huno zwino nṋe ndo kalaha. Na khathihi a thi athu vhona o lugaho o furalelwa, kana Mbeu Yawe i tshi luvhelela tshinnkwa.” Ni songo ofha. Ivhani vha ngoho kha Kristo.200 Fhedzi u sa tenda hu ḓo fara u ṅaṅa. Izwo ndi zwe zwa ita. Zwino ni a zwi wana? U sa tenda hu ḓitika nga maṅaṅa, zwithu zwa ḓuvha ḽa ṋamusi. Lutendo lu nga si zwi ite.201 Lutendo lu sedza Ipfi. Fhedzi lutendo lu ḓivhea kha Tombo ḽi sa sudzuluwi, Ipfi ḽa Mudzimu ḽa U Ya Nga Hu Sa Fheli. Amene. Lutendo a lu sedzi kha u ṅaṅa. A thi londi uri ni nga sumbedza uri zwi ḓo vha khwine zwingafhani. Arali Ipfi ḽi tshi ri “hai,” lutendo lu awela henefho. Uho ndi vhukhethwa ha fhethu ha u awela ha lutendo.202 Ndi ṱoḓa u vhudzisa inwi Muḽuṱere, matsheloni ano, vhoinwi Vhabaphuthisi, na inwi Mukaṱoḽika, na inwi, tshiṅwe na tshiṅwe tshine na vha tshone, vhoinwi vhathu vha dinomineisheni u mona na shango. Naa ni nga vhea lutendo lwaṋu hani kha dinomineisheni yaṋu, musi i tshi fhambana na Ipfi? Naa ni na lushaka-ḓe lwa lutendo? Inwi ni na maanḓa a u ṅaṅa, huno hu si lutendo. “Ngauri lutendo lu ḓa nga u pfa,” u pfa khoro ya u vhuedzanya? Naa ni nga vhuya…Ha pfi, ni nga ḓi wana izwo kha Old Ladies Birthday Almanac, fhedzi na khathihi a ni zwi wani kha Ipfi ḽa Mudzimu.203 “Lutendo lu ḓa nga u pfa, huno u pfa nga Ipfi ḽa Mudzimu.” Amene. Mmbudzeni uri munna muthihi a nga kona u amba tshiṅwe tshithu tsho fhambanaho Naḽo, huno na ri ndi Ipfi ḽa Mudzimu. Musi, “Maṱaḓulu na ḽifhasi zwi tshi ḓo lovha, fhedzi iḽo Ipfi ḽi nga si ralo.”204 Lutendo lu wana Ipfi ḽi vhukhethwa ha u awela haḽo. Lu ya henefho nṱha ha Tombo ḽa U Ya Nga Hu Sa Fheli, Kristo Yesu, Ipfi, huno lwa eḓela henefho huno lwa awela. I ri ni mimuya i huvhe. I ri ni maḓumbu a dzinginyee. Lwo tsireledzea, lwa misi yoṱhe. Lu awela henefho kha iḽo Ipfi. Afho ndi hune lutendo, lutendo lwa vhukumakuma lwa Vhukriste, lwa awela. Fhethu ha u awela ndi Ipfi, ngauri lu a ḓivha uri Mudzimu


u ḓo Ḓisumbedza uri ndi wa nṱha, kha muṅwe na muṅwe wa maswina Awe. A hu londwi uri hu vhonala ho vhifha hani, na uri swina ḽo dzhena hani ngomu, na uri hu vhonala hu tshi nga no kundiwa, lutendo lu kha ḓi ḓivha.205 Zwino, kha vhoinwi vhathu vha lwalaho, oo, nga nḓila ine nda ṱoḓa u ita uri izwi zwi swike hayani! Musi ni tshi fara ulwo lutendo, lwa uri ni khou yo fhodzwa; nzulele iṅwe na iṅwe—iṅwe na iṅwe, tshiṅwe na tshiṅwe-vho, zwiga zwoṱhe, tsumbadwadze dzoṱhe dzi nga sumba uri ni khou fa, ni nga si sudzuluwe na khathihi! Fhethu halwo ha u awela ndi kha vhukhethwa ha Ipfi ḽa Mudzimu, musi lutendo, lutendo lwa vhukumakuma lu tshi ḓidzudza henefho. A si u ḓiitisa zwino; lutendo. A si fhulufhelo; fhedzi lutendo. Fhulufhelo yo bva hafha, lu tshi fhulufhela uri lwo vha lu ngomu. Lutendo lwo no ḓi vha nga ngomu, lu khou sedza nnḓa, huno lwa ri, “Zwo itwa.” Ni a vhona? Ulwo ndi lutendo. Afho ndi hune lutendo lwa dzhia fhethu halwo ha u awela, ngauri lu a ḓivha uri Mudzimu na khathihi, na khathihi a nga si tendele swina ḽi tshi reila nga nṱha Hawe. Na khathihi Ho ngo ralo. Lutendo lu a zwi ḓivha hezwo, ngauralo, hu sa londwi uri tshithu tsho sedzea hani. Noaxe o ḓivha uri iḽo gungwa ḽi ḓo papamala. Ni a vhona? Zwa vhukuma o ita. Daniele o ḓivha uri Mudzimu a nga vala mulomo wa dzindau. Vhana vha Vhahevheru vha a ḓivha uri Mudzimu a nga kona u imisa mulilo.206 Yesu o ḓivha uri Mudzimu u ḓo Mu vusa hafhu, ngauri Ipfi ḽo ri, “Ndi nga si litshe muya Wawe heleni, nahone Ndi nga si tendele Uyo Mukhethwa Wanga u vhona u sina.” O ḓivha uri u sina hu a dzhena nga awara dza fusumbembili. O ri, “Nga maḓuvha mararu Ndi ḓo vuwa hafhu.” Ni a vhona? Lwo dzhia fhethu ha u awela halwo ha U Ya Nga Hu Sa Fheli kha vhukhethwa ha Ipfi ḽa Mudzimu, huno henefho lwa ima.207 U ṅaṅa hu ḓo lingedza haho ha khwinesa u limuwa, “Zwo luga, iyi sisteme i tea u vha khwine. Iyi ndi Iḽo.” Zwi vhonala zwi khwine ngauri ni khou sedza nga ṱhalukanyo ya vhuṱali. Inwi ni nga kona u sumbedza maṅaṅa.208 Fhedzi ni nga si kone u sumbedza lutendo. Ngauri, arali ni tshi nga lu sumbedza, a lu tsha vha lutendo. Fhedzi lutendo lu ḓivha fhedzi Ipfi na pfulufhedziso, huno lu sedza kha itsho tshithu tshine na sa tshi vhone. “Lutendo ndi tshithu tsha zwithu zwo fulufhelwaho, vhuṱanzi ha zwithu zwi sa vhonwi.” Inwi ni nga si ṅaṅe. Ndi nga si sumbedze uri zwi ḓo itwa hani. A thi ḓivhi uri zwi khou yo itwa hani. A thi zwi ḓivhi, fhedzi ndi a zwi tenda. Ndi a zwi ḓivha uri zwo ralo, ngauri Mudzimu o amba nga u ralo. Iḽo ḽo lala.


209 Itsho ndi tshi no itisa uri ndi ḓivhe uri Iḽi ḽo luga. Ndi a ḓivha uri Ipfi ḽo luga. Ndi a ḓivha uri Mulaedza wo luga, ngauri U kha Ipfi. Huno ndi vhona Mudzimu a tshilaho a tshi tshimbila vhukati Haḽo, u sumbedza. Ri kha ekisodo, zwa vhukuma ngoho.210 Na lufu lwone luṋe lu nga si kone u dzinginyisa lutendo. Vhanna vha tou ima henefho lufuni, kha…henefho kha tshifhaṱuwo tsha lufu, huno vha ṱavha mukosi wa mvuwo. Paulo, “O lufu, naa luvholela lwau lu ngafhi? Tshalo, naa gundo ḽau ḽi ngafhi?” Ni a vhona? “Ngauri, Kristo o vuwa, huno avho vha re kha Kristo vha ḓo ḓa Nae kha U Ḓa Hawe.” Ni a vhona? Ni nga si zwi shandukise. Iina. 211 Lutendo lu ita Ipfi ḽa Mudzimu vhukhethwa halwo ha vhuawelo halwo ha U Ya Nga Hu Sa Fheli. Ḽi vha kha Ipfi ḽa Mudzimu. Dzhielani nzhele, hafhu.212 Zwino, ri na tshifhinga tshilapfu zwiṱuku, tshi ṱoḓaho u swika miniti ya fumbiliṱhanu, arali ni—arali ni si na ndavha. [Tshivhidzo tshi ri, “Amene.”—Mudz.] Ndi—ndi ṱoḓa u isa phanḓa na iyi theiphi, lwa muniti fhedzi.213 Dzhielani nzhele khosi, iyo khosi ntswa yo vuwaho, ye ya sa ḓivhe Yosefa. Naa tshikimu tshawe tsha u thoma tsho vha tshi tshifhio, u tshinyadza maanḓa a Israele? Tsho vha tshi na vhana vhavho. Izwo ndi zwone? [Tshivhidzo tshi ri, “Amene.”—Mudz.] O lingedza u tshinyadza vhana vhavho. Zwino thetshelesani zwavhuḓi. Diabolo onoyo muthihi, nga tshivhumbeo tsho fhambanaho tsha vhuhosi, o lingedza u tshinyadza Murwa wa Mudzimu fhedzi. Ni a vhona? “Tshinyadzani vhana, u thoma, vha sa athu u wana u thoma.” Diabolo ndi tshiṋoni tsha u thanya vhukuma, tsha vhukwila. U ḓivha uri tshithu tshi nga rwiwa hani tshi sa athu thoma. U a zwi ḓivha. Ni a vhona?214 Huno tshithu fhedzi tshine ni nga vhuya na ita, u tshi rwa, ndi u ḓitika nga Kristo, huno na ḓiṱukufhadza huno na Mu tendela u ni ranga phanḓa. Ni a vhona? Inwi ni nga si zwi ite nga iṅwe nḓila-vho. Maanḓa a vhuṱali aṋu a nga si zwi ite na khathihi. Ni tea u zwi tenda. Itonu ḓitika nga Ene. Ndi ene Mulisa. A si mushumo wa nngu uri phele i vhe kule. Ndi mushumo wa mulisa. Fhedzi nngu dzi fanela u dzula na mulisa, u itela uri dzi dzule dzo tsireledzea. Iyo ndi zouni yanga ya tsireledzo, ndi kha Kristo; huno Kristo ndi Ipfi. Iyo ndi zouni ya tsireledzo.215 Dzhielani nzhele. Diabolo, nga tshivhumbeo tsha—tsha Raamsese, khosi, tshithu tsha u thoma tshe a ita ho vha hu u tshinyadza vhana, nga lufu lwa mvelo. Huno zwenezwo Murwa wa Mudzimu o bebwa…O vha o sudzuluwa Egipita, ngauri Mudzimu o tshinyadza Egipita, o ḽi sema. Na khathihi a tshi athu vhuya, u bva tsheetsho. Zwenezwo o vha e ngei Roma;


Saṱhane o sudzulusela tshidzulo tshawe—tshawe u swika Roma. Huno tshithu tsha u thoma tshe Roma ya ita, u zwi tshinyadza zwoṱhe, u wana, u vha na ngoho; diabolo, kha iyo sisteme ya Roma, o lingedza u tshinyadza (mini?) Murwa wa Mudzimu, tsha u thoma. Diabolo onoyo muthihi!216 Huno, ṋamusi, o ita zwenezwo zwithu zwithihi, fhasi ha tshiga tsha muya zwino, tsha vhurereli, Vhukriste ha u ḓiitisa, huno vha tshi dzhia vhasidzana vhashu huno vha vha malisa kha vhatukana vha Kaṱoḽika, huno vha vha ita uri vha ḓise vhana vhavho Kaṱoḽika, u vunḓa maanḓa a ḽiṅwe sia. Ngeḽo dimoni ḽaṋu. Ngoyo diabolo waṋu o dzula kha mivhundu ya sumbe, o ambara khare tharu, u tou vha a konaho na u ṱalifha, o thanya, wa vhuṱali vhunga ṋowa; mbeu ya ṋowa, vhana vhawe, a tshi khou shumisa zwishumiswa zwa vhuṱali zwi fanaho. Sedzani.217 Zwenezwo vha vhulaha vhana, nga zwiṅwe zwifhinga zwivhili. Vha vhulaha vhana nga mini? Zwifhinga zwivhili. Zwino elelwani, sedzani izwo zwivhili, na izwo zwiraru. Ni a vhona? O vhulaha vhana, zwifhinga zwivhili zwa u thoma, nga lufu lwa mvelo. Huno itshi tshifhinga tsha u fhedza, u khou wana vhana huno a vha vhulaha nga lufu lwa tshimuya, a tshi khou mala, nga u mala vha dziṅwe tshaka.218 Naa Daniele ho ngo amba zwenezwo zwithihi, kha uyu muvhuso wa tsimbi na vumba, uri vha ḓo ṱanganyisa idzo mbeu, vha tshi khou lingedza u vunḓa maanḓa a vhaṅwe vhathu? Huno izwo ndi zwine vha khou ita, u swika vha tshi wana tshithu zwino. Vho dzhenisa muphuresidennde ngomu. Zwino, tshithu tshi tevhelaho tshine na tea u ita, ndi u vhea—ndi u vhea mukhadinala ngomu. Vheani khabinethe yoṱhe ngomu, huno zwenezwo ni khou yo itani?219 Tshithu tshi tevhelaho tshine vha ita, vha dzhia tshelede yavho huno—huno vha badela mulandu wa United States, huno vha i hadzima i tshi bva tshivhidzoni, huno zwenezwo no rengiswa. Zwino, ri—ri khou tshila ṋamusi, ri tshi khou badela milandu isili yashu henengei, nga tshelede ya muthelo ine i sa ḓo badelwa ngomu u swika miṅwaha ya fuiṋa yo no fhira. A ri tshe na tshelede. Fhedzi tshivhidzo tshi nayo. Naa Bivhili a i ri, “O vha o ṱaniwa nga musuku”? Huno, yawee, nṋenṋe! Fhedzi inwi…220 Iyo ndi nḓila ine zwa ita, ni a vhona, vha mala vhananyana vhaṋu, vhananyana vha mala vharwa vhaṋu, vha alusa vhana vhaṋu Kaṱoḽika, kokotolo, a vha vhulaha nga lufu lwa tshimuya. Naa Bivhili a yo ngo amba, uri, “U ḓo mu posela mmbeteni wa u funa shango, huno a vhulaha vhana vhawe nga lufu lwa tshimuya”? Nzumbululo 17. Ni a vhona?221 Tshifhinga tshoṱhe ndi Ipfi. A thi londi hune na ya, hu kha ḓi vha Ipfi. Ḽi tea u fanela henefho kha tshifanyiso. Arali ḽi sa iti, a si Ipfi, a si Ipfi. Inwi ni nga si zwi ite uri zwi tshimbile nḓilani yoṱhe nga kha Bivhili, zwenezwo zwo khakhea.


222 Sedzani. Nga tshino tshifhinga, Mudzimu o vha a tshi khou pfumbudza mulanda Wawe u itela mushumo wawe. A tshi khou mu pfumbudza, vha sa mu vhoni, a siho kha puḽane dzavho, zwikimu zwavho. Naa ni khou zwi fara? Vha siho kha sisteme ya dzangano ḽavho, Mudzimu o vha a tshi khou pfumbudza munna u itela ndivho Yawe. U tou zwi litsha zwa bvela phanḓa. I ri ni a male, huno a vhe na mufumakadzi na vhana, ṅwana Gershom. O vha a tshi khou tshila vhutshilo havhuḓi nga maanḓa, a tshi khou mu fhaṱutshedza henefho nnḓa. Fhedzi, tshifhinga tshoṱhe, O vha a tshi khou mu lugisa, u mu pfumbudza.223 Mudzimu na swina Ḽawe vho ita, kha mvelo tshifhingani itsho, u tou fana na Mudzimu na swina Ḽawe vha tshi khou ita kha lwa tshimuya zwino. Vho vha vhulaha nga lufu lwa mvelo; zwino nga lufu lwa tshimuya. Ni a vhona? Mudzimu o vha a tshi khou wana munna wa mvelo o luga, muporofita Wawe, u tsela fhasi ngomu Egipita. Huno Saṱhane o vha a tshi khou ita uri Raamsese a ḓilugise, munna wa mvelo wawe, ni a vhona, a tshi wana muthu wa mvelo o ḓilugisa (mini?) u vhulaha, kana u ṱanganya Vhaegipita vhoṱhe na Vhahevheru fhethu huthihi, a vha ita uri vha vha shumele.224 Izwo ndi ngazwo zwi tshi konḓa nga maanḓa uri ṱhalukanyo i ṅaṅe i tshi hanedzana na sisteme ya pfunzo ine i nga sumbedza mbuno dzayo. Ni a vhona? Izwo ndi zwone. Ṱhalukanyo yayo tshifhinga tshoṱhe i ḓo ya kha pfunzo. Vha vhuṱali na ṱhalukanyo i ṅaṅaho a zwi Ḽi vhoni.225 Naa no vhona Ten Commandments dza Cecil DeMille? Ndi a humbulela vhunzhi ha vhoinwi no ita. A thi tendi kha u ya kha maṱano a zwifanyiso, zwithu izwi zwoṱhe. Fhedzi ndi themendela kha tshivhidzo, uri nnyi na nnyi, arali vha songo vha na tshithu nga nnḓa ha itsho, vhe vha ṱoḓa u tshi vhona, zwi ḓo vha zwo luga arali vha tshi ṱoḓa u tshi vhona. Ngauri, ndi nga si tendele…Tsha u thoma, vhaṅwe vha vhakomana vhanga vho ya. Vha a ḓa, vha tshi mmbudza. Ndo vha ndi siho kha tshiṅwe lwa miṅwaha minzhi. Mafhedziseloni, ndo tsela fhasi hafha, musi hu tshi kha ḓi vha u reilela ngomu. Ndo zwi sedza. Ndo vhona zwe tsha vha tshi zwone. Zwenezwo nda ri kha tshivhidzo, “Arali ni tshi ṱoḓa u ya na vhona itsho, ndi zwo lugaho.” Tsho vha tshi henefho. Tsho vha tshi tshavhuḓi, tsho naka.226 Nga nḓila ine maano a diabolo, nga nḓila ye a vha a tshi fhura ngayo ngomu henefho, nga nḓila ye a—a sudzulutshela ngomu henefho u vhulaha avho vhana. Na nga nḓila ye ṱhalukanyo ya vhuṱali ya zwi doba huno ya zwi tenda, ngauri vho kona u zwi vhona! Zwo vha zwi tshi pfala. Oo, nga nḓila ye Mudzimu a vha e ngayo, tshifhinga tshoṱhe, a tshi khou pfumbudza uyu muporofita! Na nga nḓila ye Egipita ya vha i tshi khou pfumbudza, kha politiki, uyu Raamsese, u dzhia ndango! Huno zwenezwo muṱaṱisano muhulwane wa ḓa, ḽiṅwe ḓuvha, vhukati ha maanḓa a vhuṱali na tshimuya. Huno


Raamsese, na midzimu yawe yoṱhe, o vha o ima henefho nnḓa huno a tshi khou shululela maḓi ngomu, u—u fhaṱutshedza mudzimu wa Naiḽi. Mudzimu o mu rwa, huno malofha a bva a tshi elela khae. O vha e na…Oo, ndo—ndo elekanya uri yo vha i tshi khou kwama, ni a vhona, u vhona zwo iteaho. Oo!227 Zwino sedzani. Wa vhuṱali tshifhinga tshoṱhe u ya kha u ṅaṅa. Huno ha koni u vhona sia ḽa tshimuya, ngauri ndi ḽa vhuṱali. Oo, zwi nga si ralo nga tshiṅwe tshifhinga! A vha koni u zwi vhona zwino.228 A vho ngo kona u zwi vhona nga maḓuvha a Eḽiya. Naa uyu muporofita muthihi wa kale wa tshifhaṱuwo tsho tshinyalaho a nga vha hani… Mudzimu nkhangwele u amba tshithu tsha u ralo. Fhedzi ndi—ndi a balelwa u ita…Huno Mudzimu u a ḓivha uri ndi khou lingedza u zwi ita—ita nga nḓila ine zwa seisa nga hune nda kona, u itela uri ni kone u vhona mu—Muya wa Mudzimu.229 Vhunga Paulo o amba, “Na khathihi a thi ḓi kha vhoinwi, ndi tshi amba maipfi a ungeledzaho na vhuṱali, ngauri ṱhalukanyo dzaṋu dzi ḓo redzemutshela kha vhuṱali. Fhedzi ndi ḓa nga maanḓa a Muya Mukhethwa, uri ḽaṋu—uri ḽaṋu—ḽaṋu—ḽaṋu fhulufhelo na fulufhelo zwi awele, hu si kha vhuṱali ha munna, fhedzi kha maanḓa a mvuwo a Yesu Kristo.”230 Izwo ndi ngazwo ndi tshi ita izwi nga nḓila i seisaho nga maanḓa, nga u vhidza muporofita muhulwane, a ofhaho Mudzimu, “e na tshifhaṱuwo tshi re na mavhadzi.” Ngauri, a nga ḓi vha e tshi—tshithu tshi vhonalaho tshi tshi ofhisaho, u ima, thungo ha tshifhe o ambaraho zwavhuḓi, huno a ḓivhidza munna wa Mudzimu.231 Mu sedzeni. Inwi ni nga kona u vhona vhukhethwa ha uyo tshifhe, kha ṱhalukanyo ya vhuṱali. No vha ni tshi nga kona u vhona dugu kha ṱhoho yawe, na yo rembuluswaho u mona hoṱhe…na efodo yo vha kha marumbi awe hafha. No vha ni tshi nga kona u vhona mapfura a nḓodzo, a mvelo, kha ndebvu dzawe, a tshi gidimela fhasi kha phendelo dza tshikete tshawe. No vha ni tshi nga vhona mililo ya tshiṱhavhelo i tshi duga, na dzoṱhe nyitelatherelo kha oda. Zwino, iyo yo vha i he ṱhalukanyo ya mvelo ya vha i tshi ḓo vha yo ya hone.232 Izwo ndi zwine vha khou lingedza u ita ṋamusi, iṱo, khoro ya u ya kha muya. Fhedzi, inwi ni a vhona, iṱo ḽa tshimuya murahu kha iḽo iṱo!233 Vho sedza kha uyu munna wa kale a vhonalaho o tshinyala tshifhaṱuwo o ima henefho, mavhudzi kha khana yawe; na tshipiḓa tshihulwane, tshihulu tsha mukumba wa nngu wo pombwaho u mona nae, wa mukumba, mugwarelo kha khundu dzawe, na, nga khonadzeo a songo ambara zwienda, zwanḓa


zwiṱuku zwa kale zwisekene, ṋama yo nembelela fhasi nga iyi nḓila; na ndebvu tshena, dzi no elela kha tshifhaṱuwo tshawe tshoṱhe; na lubaḓa lwo kombamaho tshanḓani tshawe, o imaho henefho. Fhedzi iṱo ḽa tshimuya ḽo kona u vhona maanḓa a Mudzimu a tshi sudzulutshela henefho nnḓa, ngauri zwo vha zwi zwithihi na Ipfi. Hu si zwine wa vhuṱali a vhona; zwine wa tshimuya a vhona!234 Huno i—iṱo ḽa mvelo, ṋamusi, ḽi vhona tshivhidzo tshi kungaho, vhuṱama na meyara wa muḓi, kana—kana zwiṅwe zwinzhi, kha dzangano ḽa idzi dinomineisheni. Huno vha kundelwa u vhona maanḓa a Muya Mukhethwa, musi A tshi nga vusa vhafu huno a fhodza vhalwadze. Huno—huno—huno hani…Ni a vhona? Vhone, vha a sedza, nahone vha sedzesa Hollywood, huno vha sedzesa vhathu tshiṱaraṱani.235 Vhasadzi, ṋamusi, vha a elekanya, “Zwo luga, uyu musadzi, Susie, ndi wa tshivhidzo. U na mavhudzi o fhungudzelwaho. U ambara zwiḓolo. Nnyi na nnyi ḓoroboni u a mu funa.”236 Ndi a mangala nga ha Ṱaḓulu? Ni a vhona? Musi zwi tshi fhambana na Ipfi, Mudzimu a nga si zwi themendele. Ene, U ḓo vha a tshi khou themendela a tshi hanedzana na Ene muṋe. U ḓo vha a tshi hana Ipfi Ḽa Ene muṋe. Huno nga zwi ḓivhee, Mudzimu na khathihi a nga si ite izwo, naho maṱaḓulu na ḽifhasi zwa lovha. Musadzi o fhungudzelaho mavhudzi ndi samba, maṱoni a Mudzimu, kana musadzi a no ḓo ambara tshiambaro tsho teaho munna. Ni a vhona? Iṱo ḽa tshimuya ḽi a Ḽi fara; vha tshilela zwa Ngavhuya. Ṱhalukanyo ya mvelo i tshilela zwithu zwa ṋama zwa ḓuvha.237 Dzhielani nzhele zwino, Mudzimu a tshi khou ita izwi, huno naho zwo ralo vhathu a vho ngo zwi ḓivha. Ṱhalukanyo ya ṋama yo vha i tshi khou tshimbila na u ṅaṅa. Mudzimu zwino u khou vhidza ekisodo ya tshimuya. He A vhidza ekisodo ya mvelo u itela vhathu Vhawe, U khou vhidza ekisodo ya tshimuya ṋamusi, kha (mini Yawe?) Vhanangiwa Vhawe, kha Vhanangiwa Vhawe fhedzi.238 Zwino, Egipita a ḽo ngo kona u vhona Israele yo luga, naho malofha a ngwana kha vothi na muhangammbwa, na zwithu zwe zwa vha zwi tshi khou itea.239 Huno Mudzimu ngei fhasi, a tshi khou tshimbila kha muporofita uyu, huno a tshi dzhia ipfi ḽa muthu. I ri ni a ime afho nṱha henefho, huno a dzhie tshi—tshiṱafu tshe a vha o tshi gogoḓela, huno a swikelele u yela vhubvaḓuvha, huno a ri, “I ri ni hu ḓe thunzi, huno dza fhufha kha Vhaegipita.” A tshimbilela ngei murahu.

Huno nnyi na nnyi a ri, “A hu na tsho bvelelaho. A hu na tsho bvelelaho.”


240 Fhedzi nga tshikhathinyana, thunzi dala ya kale i fanela u vha yo thoma u mona hoṱhe. Nga murahu ha tshikhathinyana, nga khonadzeo ho vha hu na phaundu mbilu kha dzharaṱa ya tshikwea, ye munna a amba tsiko uri i vhe hone.241 Ho vha hu na Raamsese wa vhuṱali o imaho henefho, we a vha a tshi hanedzana; munna wa vhurereli nga maanḓa, na a hanedzanaho na Muya wa Mudzimu a tshilaho. Huno ṱhalukanyo ya mvelo yo kona u vhona fhedzi Raamsese. Huno ṱhalukanyo ya tshimuya yo vhona pfulufhedziso, huno ya i vhona i tshi khunyelela.242 Zwo luga, arali Yoshua na Kalebe vho kona u vhidza avho Vhaamaḽeke, na Vhahivi, na Vhajebusi, vhunga vho vha vha siho henefho, naho zwo ralo luvhili, kana luraru kana luṋa u fhira saidzi yavho. Huno ṱhalukanyo ya mvelo, ngei Kadesh-barnea, musi ṱholi dzo fhira, ha pfi, “Ah, ri nga si zwi ite. Ri…Vhone vha—vhone ndi vhanzhisa. Zwo luga, ri nga—ri nga vhuukhula, siani ḽaho.”243 Fhedzi Kalebe na Yoshua vho vhona pfulufhedziso ya Mudzimu, ha pfi, “Ri vhanzhi u fhira zwine ri nga ita.” Ndi ngani? Vha khou sedza, “Mudzimu o amba, ‘Ndi ni ṋea shango.’” Ni a vhona? Ṱhalukanyo ya ṋama a i zwi wani. Ṱhalukanyo ya tshimuya i a zwi doba.244 Huno ndi ngani? Ndi ṱoḓa u ni vhudzisa tshiṅwe tshithu. Ndi ngani Vhaegipita vha songo vhona izwi zwithu? Ngauri vho vha vha songo khethiwa. Mudzimu o vhudza Abrahamu zwi sa athu bvelela. Zwi waneni, inwi tshivhidzo tsho eḓelaho! Mudzimu o vhudza Abrahamu zwi sa athu bvelela, “Mbeu yau i ḓo dziilela ngei—ngei Egipita, lwa miṅwaha ya maḓana maṋa, huno Ndi ḓo vha bvisa.” Itshi ndi tshone tsho itisaho uri vha zwi vhone, ngauri vho khethelwa u zwi vhona. Ndi vhone khetho. Israele yo khethelwa u vhona tshiga tsha Mudzimu, huno vho bva kha ḽa Egipita he vha sa tendi vha lovha.245 Huno, ṋamusi, Mudzimu u khou vhidza Vhanangiwa Vhawe, Mbeu ya tshimuya ya Abrahamu, nga lutendo lwe a vha e nalwo kha Ipfi ḽa Mudzimu. Naa a ni vhoni Mbeu ya tshimuya, ṋamusi? [Tshivhidzo tshi ri, “Amene.”—Mudz.] Iyo a i vhoni tshivhidzo tsha vhuṱali. Tshi vhona Ipfi. Huno Tsho no vhidzwa tshi tshi bva kha idzo dinomineisheni khulu, ngomu Vhuhoneni ha Yesu Kristo. Naa izwo zwo vha khagala? Naa no zwi wana? [“Amene.”] Zwo luga. Ri ḓo ya phanḓa. Vhanangiwa, fhedzi! Dokotela D.L.Ph., na khathihi a vha Ḽi vhoni. Vho vha vha songo khethiwa.246 Huno, elelwani, iyi khetho, i khou ḓa zwino, a i khou tou ya kha luṅwe lushaka, i khou ya Vhugalani, hune madzina avho a ṅwalwa kha Bugu ya Vhutshilo ya Ngwana. Hu si nga fhasi ha mvelo, phuka ṱhukhu ya ngwana ye ya bvisa


Israele, uri vha kone u gunea henefho huno vha humele murahu. Fhedzi, izwi zwi nga si kone. Izwi zwi fhasi ha Malofha a Ngwana ya Mudzimu ye ya vhulawa shango ḽi sa athu tehwa. Huno madzina avho o vhewa Buguni ya Vhutshilo ya Ngwana shango ḽi sa athu tehwa. Huno vha ngomu henefho, vho khethiwa. Huno musi Tshedza tshi tshi taidza khavho, nga u ralo, idzo mbondo dza dinomineisheni dzi a wa khavho, huno hafha dzi a ḓa. “Ibvani khavho,” wo amba Muya Mukhethwa kha aya maḓuvha a u fhedzisela. “Ni songo kwama zwithu zwi songo kunaho. Ndi ḓo vha Mudzimu kha inwi; inwi ni ḓo vha vharwa na vhasidzana kha Nṋe.” Zwino, sedzesani.247 Israele yo vha i tshi khou sedzesa. Vho zwi ḓivha uri Mudzimu o shuma na vhaporofita Vhawe. Vhone…Ipfi ḽi ḓa khavho, huno vhone vha ḓa u Ḽi vhona. Huno vho Ḽi vhona.248 Huno zwino tshiga tsha vhuṱali, ri a tshi vhona zwino, uri vha tenda kha madzangano avho. Vha kha ḓi vha kha ndaela dzavho. Naho zwo ralo vhone…249 U tou fana na zwe Biliamu a vha e zwone, izwo zwi ḓa nṱha ha muvhundu, he Israele ya vha i hone. Ho vha hu na Israele, hu si lushaka, ho vha hu tshi tou vha vhathu vha papamalaho u mona hoṱhe, huno vho vha vhe na mulandu. Huno Moaba, mukomana wawe, wa vhuṱali, munna o dzudzanywaho, a tshi ḓa nṱha ha muvhundu, e na mubishopo kana muporofita vhe nae, huno a vhekanya aḽiṱari, huno a ṋekedza tshiṱhavhelo tshenetsho tshithihi. Fhedzi o kundelwa u vhona Khavhu ya Mulilo na Tombo ḽo rwiwaho vhukati ha Israele.250 Zwo ralo ṋamusi. Ṱhalukanyo ya vhuṱali yo vha i tshi khou sedza a funwaho o imaho henefho. Vha kundelwa u vhona Tombo ḽo rwiwaho. Na mubishopo, ene muṋe, u kundelwa u vhona maanḓa a Muya Mukhethwa, mukosi wa Khosi gammbani. Vha kundelwa u zwi vhona.251 Ngauralo, iyo ndi nḓila i re yone ṋamusi. Mudzimu u khou vhidza vhathu vho nangiwaho Vhawe, huno vho khethiwa zwino. Huno zwino vho khethelwani? U itela mvuwo. Huno ndi tshifanyiso-ḓe tsha tshiga tshine A khou vha sumbedza? Tshiga tsha mvuwo.252 Naa O vha a tshi khou vha sumbedzani tshifhingani itsho? Tshiga tshi no rengulula, u vha rengulula kha vhupuli, tshiga tsha maanḓa tshe tsha vha tshi tshi nga vala maṱaḓulu kana tsha swifhadza lutombo.253 Huno zwino U khou sumbedza maanḓa a mvuwo ya Murwa Wawe a no khou tshila vhukati havho, u vha vusa tshaloni na zwaloni zwine ra vha khazwo, kha Shango ḽe A ri fulufhedzisa. Tshiga tsha mvuwo, a tshi ri vhidzela nnḓa Egipita ḽa tshimuya na Babele ḽa tshimuya, a tshi ḓivha.


254 I ri ni ndi ambe izwi ndo dzika zwino, uri ni ḓo zwi fara. A tshi zwi ita nga sisteme yeneyo nthihi ye A ita u rangani, zwenezwo zwithihi zwine A khou ita. A tshi khou pofudza maṱo a a sa tendi; a tshi vula maṱo a a tendaho. Huno dzhielani nzhele politiki i tshi khou zwi ita siani ḽa vhuṱali, politiki na tshivhidzo, politiki na dzitshaka, tshiṅwe na tshiṅwe; huno ḽiṅwe sia ḽo dzumbamiselwa vhone, buḓo ḽa tshimuya.255 Mudzimu o dzhia munna muthihi sogani, a mu pfumbisa. Huno a mu ḓisa murahu, huno a dzhia ndango ya itsho tshithu, huno a bvisa vhathu. Ni a vhona zwine nda khou amba? A nga si kone u shandukisa mbekanyamushumo Yawe. Ndi Mudzimu. Na khathihi A nga si shume na tshigwada. Na khathihi Ho ngo ita. U shuma na muthu; huno O ita, huno U ḓo funa. Huno O fulufhedzisa, na kha Maleaxi ya 4, U ḓo zwi ita. Izwo ndi zwone. Ngauralo henefho hu na pfulufhedziso Yawe, zwe A vha e zwone; pfulufhedziso ya zwe A amba uri U ḓo ita, huno ri hafha. Ndi vhathu-ḓe, vho takalaho, vhane ra tea u vha vhone; a tshi vha ṋea tshiga, tshiga nga Ipfi ḽo fulufhedziswaho Ḽawe, Ipfi ḽo fulufhedziswaho. O fulufhedzisa uri U ḓo zwi ita. Huno vhone… “U ḓo vhuyedzedza Lutendo lwa vhathu, mbilu dza vhathu, murahu kha Lutendo lwa vhokhotsi vha pentekoste vha vhubvo.” O fulufhedzisa u zwi ita, a tshi khou sumbedza zwiga Zwawe.256 “Huno sa zwe zwa vha zwi zwone maḓuvhani a Sodoma, zwi ḓo ralo kha U Ḓa ha Murwa-muthu.” Naa zwivhidzo zwo vhona lushaka-ḓe lwa tshiga ngei Sodoma? Naa tshivhidzo tsha vhuṱali tsho vhonani? Vhareri vhavhili. Naa Tshivhidzo tsha tshimuya, tsho khethwaho, Abrahamu na tshigwada tshawe? Tsho vhona Mudzimu o vhonadzwa kha muvhili wa ṋama, ṋama ya muthu, we a kona u ṱalukanya muya huno a amba zwe Sarah a vha a tshi khou amba murahu hawe. “Sa zwe zwa vha zwi zwone maḓuvhani a Loto, zwi ḓo ralo kha U Ḓa ha Murwa-muthu.” Ri vhona Muya Mukhethwa vhukati hashu, u tshi khou ita zwenezwo zwithihi, u tshi khou shuma kha ṋama ya muthu. Ndi awara. Ni a vhona? Ri tou vha hafha, dzikhonani. Ndi zwenezwo fhedzi. Ekisodo i kati. 257 Fhedzi zwino dzhielani nzhele, O zwi ita tshifhingani itsho nga mini? Dzhielani nzhele, huno ni ambare kuelekanyele kwaṋu kwa tshimuya. Ngavhe Muya Mukhethwa u tshi tou vhea khephe ya kale ya u sa vha na dzangalelo zwino, huno sedzani zwavhuḓi. Mudzimu a tshi vhuya a dzhia phetho ya u ita tshiṅwe tshithu, ngai iṅwe nḓila, A nga si zwi shandukise na khathihi.258 Ngadeni ya Edeni, musi A tshi ṱoḓa u rengulula munna murahu kha vhuṱama, O dzhia phetho: yo vha i malofha. Vho lingedza pfunzo, vho lingedza dinomineisheni, vho lingedza u ita zwa lushaka, na tshiṅwe na tshiṅwe-vho, huno a zwi shumi na khathihi. Hu na fhethu huthihi hune Mudzimu a ḓo vhuya aṱangana na munna, afho ndi nga fhasi ha malofha o shululwaho, vhunga zwo vha zwo ralo ngei Edeni. A zwi athu shanduka.


Fhethu fhedzi he Mudzimu a ṱangana, maḓuvhani a Yobo, ho vha hu fhasi ha ngwana ya tshiṱhavhelo. Fhethu fhedzi he A ṱangana maḓuvhani a Israele, fhasi ha ngwana ya tshiṱhavhelo; vhunga O ita ngadeni ya Edeni, fhasi ha ngwana ya tshiṱhavhelo.259 Fhethu fhedzi hune A ṱangana ṋamusi, a si kha dzidinomineisheni; vha a ṱaṱa khani na u semana nga tshavho. Hu si kha vhukereki; vha kha ḓi ita zwenezwo zwithihi. Hu si kha vha vhuṱali; vhoṱhe vho ṱanganana. Fhedzi fhasi ha Malofha a Ngwana, mutendi muṅwe na muṅwe a nga ṱangana nga vhuṱama, hune Vhutshilo ha vha hone.260 Mudzimu o nanga, maḓuvhani a ekisodo, O vhidzela nnḓa tshigwada. Huno kha itsho tshigwada, ndi ṱoḓa inwi ni tshi dzhiela nzhele tshiṅwe tshithu, O wana vhavhili fhedzi vhe vha ya kha shango ḽo fulufhedziswaho. Naa O nangani tsha u vha bvisa ngatsho, politiki, dzangano? O nanga muporofita, e na tshiga tsha nṱha ha mupo tsha Khavhu ya Mulilo, uri vhathu vha nga si khakhisee. Zwe muporofita a amba zwo vha zwi Ngoho. Huno Mudzimu a tsela fhasi, Khavhu ya Mulilo, huno a Ḓikhwaṱhisedza, a sumbedza Ipfi Ḽawe. Izwo ndi zwone? [Tshivhidzo tshi ri, “Amene.”—Mudz.] Izwo ndi zwe A ḓisa, ekisodo Yawe ya u thoma. Ekisodo Yawe ya vhuvhili…261 Mudzimu tshifhinga tshoṱhe u tshimbila nga zwiraru. U vha o fhelelaho nga zwiraru. Noṱhe ni a dzhiela nzhele u rera hanga, tshifhinga tshoṱhe hu nga zwiraru na zwa sumbe. Uh-huh. Sumbe ndi “yo vuledzeaho.” Zwiraru ndi “u fhelela” Hawe. Ya u thoma, ya Vhuvhili, na Mururo wa Vhuraru. Huno, oo, zwoṱhe, tshiṅwe na tshiṅwe. Ni a vhona? U itwa vho lugaho, khethefhadzo, ndovhedzo ya Muya Mukhethwa. Khotsi, Murwa, Muya Mukhethwa. Tshiṅwe na tshiṅwe! Ni a vhona? Dzhielani nzhele.262 Naa O itani, kha ekisodo ya u thoma? O ruma muporofita, o ḓoliswaho nga Khavhu ya Mulilo, huno A vhidzela vhathu nnḓa. Iyo yo vha i ekisodo Yawe ya u thoma.263 Huno musi tshifhinga tsha Israele tsho fhela, A rumela hafhu, Mudzimu-Muporofita, e na Khavhu ya Mulilo. Yohane o I vhona i tshi tsela fhasi i tshi bva Ṱaḓulu vhunga ḽiivha. Huno A ri, “Ndi ya ha Mudzimu huno Ndi humela ha Mudzimu.”264 Nga murahu ha lufu Lwawe, u swiṱwa na mvuwo; Saulo wa Tharasisi, nḓilani yawe ya u ya Damaseko, o vhona Khavhu ya Mulilo yeneyo nthihi. Huno ene e Muhevheru, o funzwa zwavhuḓi kha Ipfi, o ri, “Murena, Iwe u Nnyi?” O ḓivha uri ho vha hu Murena, iyo Khavhu ya Mulilo. O vha e Muhevheru. Ha pfi, “Iwe u Nnyi?” Huno A ri, “Ndi nṋe Yesu.”265 Ekisodo ya vhuvhili, A ḓisa Muporofita, o ḓoliswa, we a vha e Murwa Wawe, Mudzimu-Muporofita. Mushe o ri U ḓo


vha Muporofita; huno e na Khavhu ya Mulilo, huno a ita zwiga na zwimangadzo. Huno Muporofita onoyo muthihi a amba, uri “Ane a Ntenda, mishumo ine Nda ita na ene u ḓo ita-vho.”266 Huno hafha O fulufhedzisa zwenezwo zwithihi kha ekisodo maḓuvhani a u fhedzisela, huno A nga si zwi shandukise. Huno nga tsumbo ya saintsi, nga vhuṱanzi ha Muya, nga mishumo ya Muya, ri a zwi vhona ṋamusi, Khavhu ya Mulilo khulwane i tshi khou tshimbila vhukati hashu; huno zwiga na zwimangadzo zwa mvuwo ya Yesu Kristo, a tshi khou vhidza vhathu vha tshi bva kha vhudinomineisheni, ngomu ha Vhuhone ha Yesu Kristo, u tshila, u ya kha Shango. Ho vha hu si na khakho, dzikhonani. A si zwine nda khou amba; nṋe ndi tou vha mukomana waṋu. Fhedzi, ndi zwine Mudzimu a khou ni sumbedza, zwine zwa zwi ita Ngoho. Khavhu ya Mulilo yeneyo nthihi O i shumisela vhaṅwe vhavhili, O I ḓisa vhukati ha vhoinwi ṋamusi, huno a Zwi sumbedza nga saintsi. Vhunga ni tshi ḓivha, magazini wa Life wo I hwala ṅwedzi wo fhiraho, hangei. Hune…267 Naa ndi vhangana vhe vha vha vhe fhano huno vha mpfa ndi tshi amba nga ha izwo, zwe zwa bvelela, zwi sa athu zwi ita? Ndi a elekanya, muṅwe na muṅwe tshivhidzoni.268 Ngetsho. A vha ḓivhi uri ndi tsha mini zwoṱhe; vhorasaintsi vha khou lingedza u ralo. Nnyi na nnyi a re na tshifanyiso Tshayo, a dzhena ngomu, “Gole, maela dza fumbilirathi u ya nṱha, nga tshivhumbeo tsha phiramidi.” Vharuṅwa vha Sumbe vha a imela ngomu henefho, vho vhuiswa huno no ḓisa Ipfi ḽa Mudzimu, fhasi ha u hevhedzwa. Zwi ni vhudza nga ha awara idzi dzine na khou ḓa na u tshila ngomu. Ṱhalukanyo ya tshimuya i ḓo doba izwo zwa zwino, ni a vhona, huno ya zwi wana. Ndi ekisodo. Ri khou yo ṱuwa, nga ḽiṅwe ḽa aya maḓuvha. Ndivhuwo kha Mudzimu. Elelwani. Huno ndi ḓo vala, muniti fhedzi. Ndi na miniti ya fumi.269 Dzhielani nzhele Khavhu ya Mulilo ye ya vha vhidzela nnḓa, ya vha ranga phanḓa u ya kha shango ḽo fulufhedziswaho, fhasi ha nḓodzo ya muporofita. Khavhu ya Mulilo ye vha kona u i sedza, yo vha ranga phanḓa u ya kha shango ḽo fulufhedziswaho, fhasi ha muporofita o ḓoliswaho. Huno vhone lu sa fhidzi vho mu ṱanutshela. Izwo ndi zwone? [Tshivhidzo tshi ri, “Amene.”—Mudz.] Ngoho.270 Zwino, ndi a ḓivha uri ri tea u vha na tshumelo ya ndovhedzo. Ndi na masiaṱari a no ṱoḓa u swika a rathi o engedzeaho hafha, ndi a humbulela. Fhedzi ndi khou yo ima zwino, nga muniti fhedzi.271 Zwi sedzeni. Ri kha u vhidzelwa nnḓa. “‘Ibvani Babele, vhathu Vhanga,’ ḽo amba ipfi ḽa muruṅwa.” Kha mini? Nḓaḓo. Naa Mumeṱhodisi o luga, kana Mubaphuthisi, kana Mukaṱoḽika? “Ibvani khayo?” Mudzimu o luga. Naa ni zwi ḓivha hani? “I ri ni ipfi ḽiṅwe na ḽiṅwe ḽi vha mazwifhi, huno


Ḽanga ḽi vhe Ngoho. Ibvani khayo.” Naa ni ḓivha mini? Khavhu ya Mulilo, wonoyo Muya u ḓolisaho muthihi, u tshi khou ranga u ya kha Shango ḽo fulufhedziswaho.272 Dzhielani nzhele, vho vha ranga phanḓa, vha vha bvisa, vha vha ranga phanḓa u ya kha shango ḽo fulufhedziswaho; Israele, lushaka.273 Huno Mudzimu onoyo muthihi, Khavhu ya Mulilo yeneyo nthihi! Izwo fhedzi… “Vhone vha amba uri…uri iyo khamera…” Musi ni tshi vhala George J. Lacy; hu si nṋe, zwino. Inwi no vhala he George J. Lacy a ṱhaṱhuvha itsho tshifanyiso. Ṱhoho ya F.B.I., u itela khanḓiso ya minwe na maṅwalo, tshitatamennde tshi henefho. “Muṅwe u ri, ‘Ḽensi yo ṱaniwaho luvhili.’” Vhathu vha fumi kha vha tshigidi vho I sedza, nga maṱo avho. Ro ima henefho huno ra I sedza. Inwi no I sedza. [Tshivhidzo tshi ri, “Amene.”—Mudz.] A si yone. “Vha ri, ‘Ho vha hu u poidza ha iṱo.’” Naa Vho-Lacy vho ri mini? “Iṱo ḽa mekhanikhe ḽa iyi khamera ḽi nga si dzhie saikholodzhi.” Uh-huh. Ho vha hu si u poidza ha iṱo. I henefho, Khavhu ya Mulilo yeneyo nthihi. Zwenezwo vha ri, “Oo, zwo luga, ho vha hu u poidza.” Zwino, dzikhamera, dzoṱhe, kha maela dza maḓana dza Tucson!274 Miṅwedzi ya rathi zwi sa athu bvelela, ro ni vhudza, nga Muya Mukhethwa, ndi ḓo vha ndi tshi khou ya henengei u wana mafhungo. Ngauri, Ḽiṅwalo ḽa phiramidi ḽi nga nnḓa, vhunga mukomana o vha na muloro, huno nda ni ṱalutshedza wone. Iyo ndi ṱhalutshedzo yoṱhe. Zwino, zwiphiri zwoṱhe zwa u itwa vho lugaho, khethefhadzo, ndovhedzo ya Muya Mukhethwa, zwo ṱalutshedzwa. Zwino ndi tshi doba zwiṱoki zwo vhofholowaho zwa hezwo, zwe zwa vha zwo dzumbiwa kha Mapfundo A Sumbe, hu si zwivhidzo zwa sumbe. Mapfundo A Sumbe a dzumbulula zwiphiri. Huno zwenezwo A vula itshi tshithu, nga nṱha, huno a wana Tombo ngomu henefho, ḽitshena, fhedzi ḽi sa athu ṅwalwa. Ndi tshiphiri.275 Iyani Tucson; zwi bvumbeni zwi sa athu bvelela. Imani devhula ha Tucson, ṱhanzi dzo ima hafha nayo, musi muthuthubo u tshi ḓa, we wa dzinginyisa dzithavha kha mavu, kaṱukuṱuku. Huno nga tshenetsho tshifhinga tshithihi, tshitendeledzi tsha Tshedza tsho nembelela hangei muyani, musi saintsi i tshi dzhia zwifanyiso zwino. “Maela dza fumbilirathi nṱha,” zwi no ṱoḓa u ita tshikhala luṱanu tsha khuli kana tshiṅwe na tshiṅwe tshine tshi nga vha tshone. Huno a vha koni u wana zwe zwa zwi ita.276 “Hu ḓo vha Tshedza hu tshi ṱoḓa u vha tshifhinga tsha nga madekwana.” Nḓila ya Vhugala nga ngoho ni ḓo i wana, arali no khethwa. Iyo Mbeu i wela kha mavu o omaho, kha matombo, i nga si ite tshithu na khathihi; zwi a konḓa, mbilu


dza matombo dzine dza ṱoḓa u sa vha na dzangalelo. Fhedzi arali I tshi ḓo wela mavuni matete, a si na u kalakata a lutendo, I ḓo bveledza Mukriste, i tshi aṋwa mitshelo ya Muya.277 Dzhielani nzhele nḓila ye Mudzimu a ita hezwo. Zwino U na yeneyo Khavhu ya Mulilo nthihi. Iyo yo khwaṱhisedzwa. Muṅwe muthu o ri, “Ndi ngani ni tshi ya na vhudza avho vhorasaintsi nga ha Iyo?”278 Inwi ni elekanya uri vha ḓo I tenda? “Ni songo posela perela dzaṋu phanḓa ha nguluvhe.” Yesu o ri ri songo ita. A thi na u khadea khazwo, naho zwo ralo ndi tshi dzula henefho muḓini he vha vha vha tshi khou i vhidza. Nda elekanya uri ndi ḓo tsela fhasi. Muya Mukhethwa wo ri, “Ṱutshelani kule. A si yavho. Humela murahu huno u vhudze thaberenakeḽe.” Zwo luga.279 “Huno zwi ḓo ḓa zwa khunyelela. Arali zwine vha amba zwi tshi khunyelela, zwenezwo, elelwani, ndo amba,” Murena u ri, “ni a vhona, zwi sa athu bvelela.” Henefho zwi a bvelela. Thetshelesani Bivhili, Ipfi ḽa Mudzimu ḽi tshi ni vhidza nga ḽino ḓuvha.280 Zwino ndi ṱoḓa ni tshi dzhiela nzhele. Iyi Khavhu ya Mulilo nthihi i khou ranga phanḓa vhathu hafhu kha Shango ḽo fulufhedziswaho, Ṅwahagidi. He, ra wana, fhasi ha u hevhedzwa ha Pfundo ḽa Vhurathi, (na khathihi a zwi athu funzwa), nḓila ine ḽifhasi ḽa tea u ṱanzwiwa u itela Ṅwahagidi. Khavhu ya Mulilo i khou vha ranga phanḓa u ya kha Ṅwahagidi.281 Huno dzhielani nzhele Khavhu ya Mulilo ye ya ranga phanḓa Israele a tshi bva vhupulini, kha iyo ekisodo; Khavhu ya Mulilo, fhasi ha vhurangaphanḓa ha Mudzimu…Mudzimu o vha e Mulilo, huno Khavhu ya Mulilo yo ḓolisa muporofita fhedzi. Khavhu ya Mulilo yo vha i ya u ima sa ṱhanzi ya Ṱaḓulu ye Mushe a vhidzelwa nnḓa.282 Elelwani Dathani, vhone, ha pfi, “Zwo luga, ri tea u thoma dzangano. Mushe, ni dzhiesa zwinzhisa kha inwi muṋe. Inwi ni lingedza u ri ndi inwi fhedzi mukhethwa vhukati hashu. Tshivhidzo tshoṱhe tsha Murena ndi tshikhethwa. Naa ni nga dzhia izwi hani kha inwi muṋe?”283 Huno Mushe a wa nga tshifhaṱuwo tshawe huno a thoma u tswimila. Mudzimu a ri, “Ḓifhandekanyeni nae. Ndi ḓo tou vula ḽifhasi huno nda mu mila.” Tshifanyiso. Zwi nga vha hani…Mushe o vha vhudza uri o vha a tshi khou vhudza zwe Mudzimu a amba, Mudzimu a tshi khou Zwi khwaṱhisa uri ndi Ngoho.284 Na Miriamu, muporofita wa musadzi ene muṋe, na Aroni, o sea Mushe, nga nṱhani ha u mala uḽa musidzana wa Ethiopia, vha tshi khou tamba ngae. Huno Mudzimu a sinyuwa; u amba vha tshi hanedzana na mulanda Wawe. Naa O itani? O vha vhidzela nnḓa muṋangoni wa thaberenakeḽe.


Huno Miriamu, naho zwo ralo, o vha e muporofita wa musadzi. Fhedzi Mushe o vha a tshi fhira muporofita, a tshi fhira muporofita. A ri, “Naa a ni ofhi Mudzimu? Arali hu na muporofita vhukati haṋu, Nṋe Murena ndi ḓo amba nae nga mabono, huno nda Ḓiḓivhadza khae nga miloro, fhedzi,” ha pfi, “hu si Mushe.” Ha pfi, “Naa a ni shavhi Mudzimu?” Huno o—o vha o fa lwa hafu nga mapele, nga uyo muniti. Ni a zwi ḓivha hezwo.285 Naa Ho ngo ri, “Yohane Mulovhedzi. Naa no bva u yo vhona muporofita? Ee, a fhiraho muporofita”? Ndi ngani? Ndi ngani o vha a tshi fhira muporofita? O vha e muḓinḓa wa Mulanga, mbulungelo ye ya ṱuma izwo zwifhinga zwivhili.286 Huno ṋamusi, yone…zwine ra vha nazwo vhukati hashu, uyu Muya Mukhethwa muhulwane, ndi a fhiraho muporofita. Ndi Mudzimu o vhonadzwaho vhukati hashu, e na Ipfi Ḽawe u ḽi sumbedza. U ita u fhira muporofita, katshigidi u fhira vhaporofita vha tshi ita.287 Eḽiya, muṅwe wa vhaporofita vhahulwane vha tshikhathi, o ita fhedzi zwithu zwiṋa fhedzi zwa nṱha ha mupo, vhutshiloni hawe hoṱhe ha miṅwaha ya fumalo na zwiṅwe. Huno Elisha, nga u ingiwa kavhili, o ita zwa malo.288 Huno ri vhona zwigidi zwi tshi andiswa nga zwigidi, nga maṱo ashu, ra sedza kha Muruṅwa wa Murena, kha Khavhu ya Mulilo. Ṱhoḓisiso ya saintsi, i tshi i isa kha shango, vha tshi zwi ḓivha uri vha khou yo haṱulwa Ngayo. Naa Ngwana yo itani, uyo Muruṅwa wa Murena, we a vha e Kristo? Inwi ni a zwi tenda? [Tshivhidzo tshi ri, “Amene.”—Mudz.]289 Yohane Mukhethwa ya 6. Vhoṱhe vho vha vha tshi khou nwa aya maḓi, huno vha na tshifhinga tshihulu nahone vha tshi khou pembela. A ri, “Ndi Tshinnkwa tsha Vhutshilo tshi no bva ha Mudzimu Ṱaḓulu. Ndi Tombo iḽo ḽe ḽa vha ḽi sogani.”290 Vha ri, “Zwino ri a ḓivha uri U a penga. U a—U a penga. Iwe, U na diabolo kha Iwe. U Munna a pengaho, a re na diabolo.” U a ḓivha, vhathu vha wana muya khavho, nga tshiṅwe tshifhinga vha vha na u shumesa, vha vhurereli. Vha ri, “Iwe u—Iwe u diabolo. U na diabolo kha Iwe. U Musamaria, huno U na diabolo kha Iwe.” Ha pfi, “Huno hafha, A u fhiri miṅwaha ya fuṱhanu, huno u ri Wo ‘vhona Abrahamu’?”291 Ndi kona u Mu vhona a tshi humela murahu nga maga o vhalaho. Ha pfi, “NDI HONE A RE HONE. Abrahamu a sa athu vha hone, NDI HONE.” Uyo wo vha u Mulilo u dugaho, iyo Khavhu ya Mulilo tshiṱakani.292 Musi A tshi fa, huno a vuwa nga ḓuvha ḽa vhuraru, huno Saulo o ṱangana Nae nḓilani, O vha o humela murahu kha iyo Khavhu ya Mulilo. Ha pfi, “Ndi bva ndi ha Mudzimu, huno Ndi ya ha Mudzimu.”


293 Musi Petro e dzhele, iyo Khavhu ya Mulilo ya dzhena, ya vula mahothi huno a mu dzhia nnḓa. Izwo ndi zwone. Naa iyo Khavhu ya Mulilo yo vha rangelafhi?294 Zwino, elelwani, Mushe o vha a si Khavhu ya Mulilo. O vha e murangaphanḓa o ḓoliswaho, fhasi ha iyo Khavhu ya Mulilo, huno Khavhu ya Mulilo yo khwaṱhisedza Mulaedza wawe nga zwiga na zwimangadzo.295 Huno iyo Khavhu ya Mulilo yo vha ranga phanḓa u ya kha shango ḽe Mudzimu a vha fulufhedzisa ḽone, he Ene, Ene muṋe, a ḓo itwa ṋama vhukati havho, ḽiṅwe ḓuvha. Izwo ndi zwone? [Tshivhidzo tshi ri, “Amene.”—Mudz.] Naa vho itani? Vho gungula na u tzhema, na tshiṅwe na tshiṅwe-vho, u sumbedza uri yo vha i fhasi ha malofha a ngwana zwayo.296 Fhedzi nga tshino tshifhinga (vhugala kha Mudzimu), Khavhu ine ra i vhona vhukati hashu, Khavhu ya Mulilo i ḓo ri ranga phanḓa u ya kha Ṅwahagidi, hune A ḓo humela murahu kha vhathu Vhawe kha uyo muvhuso wa Ṅwahagidi muhulwane nga murahu ha iyi ekisodo, hune ra ḓo tshila U Ya Nga Hu Sa Fheli Nae. Ene tshifhinga tshoṱhe u na Ipfi ḽa Khotsi, tshifhinga tshoṱhe u sumbedza uri Yo luga.297 Ri kha ekisodo. Huno ri tshi ṱuwa, nahone ri tshi dzima dzitheiphi nga tshikhathinyana. Oo, khonani dzanga, vhakomana vhanga, vha hone vhuvhili havho huno vha ḓo pfa dzitheiphi, i ri ni ndi…vhunga mukomana waṋu na mudzulapo wa Muvhuso wa Mudzimu. Ibvani, kha iyi ekisodo, ngauri zwoṱhe zwo salaho murahu zwi ḓo vha luswayo lwa ḽivhanda. Ibvani kha Babele. Ibvani kha iyi nḓaḓo. Ibvani kha idzi sisteme, huno ni shumele Mudzimu a tshilaho. I ri ni…298 Uyu Muruṅwa muhulwane wa Mulanga! “Yesu Kristo, nga tshivhumbeo tsha Mudzimu, ho ngo elekanya zwi u fhura, fhedzi a vha muthihi na Mudzimu.” Zwino Ndi Khavhu ya Mulilo, nga tshivhumbeo tshenetsho tshithihi tshe A vha e tshone murahu hangei, a tshi ḓisa iyo ekisodo ya u thoma, a tshi ḓisa ekisodo ya vhuvhili, huno hafha U na ekisodo ya vhuraru.299 Ekisodo ya u thoma, naa O itani? O vha bvisa kha shango ḽa mvelo, u ya kha shango ḽa mvelo.300 Ekisodo ya vhuvhili, O vha ḓisa vha tshi bva kha nyimele ya tshimuya, ngomu ha ndovhedzo ya tshimuya ya Muya Mukhethwa.301 Zwino U khou vha ḓisela zwi tshi bva kha ndovhedzo ya tshimuya ya Muya Mukhethwa, henefho murahu ngomu ha Shango ḽa U Ya Nga Hu Sa Fheli ḽa Ṅwahagidi na Ngavhuya huhulwane. Yeneyo Khavhu ya Mulilo nthihi, nga yeneyo sisteme ya nḓodzo nthihi, onoyo Mudzimu a tshi khou ita zwithu zwenezwo! Huno ḽeneḽo Ipfi, ḽo ḓivhadziwaho sa ḽa u


thoma, ḽo ḓivhadziwaho sa ḽa vhuvhili. Ipfi ḽeneḽo ḽithihi, ḽo ḓivhadzwaho sa ḽa vhuvhili, ḽo ḓivhadza ḽa vhuraru, huno hafha ri a Ḽi vhona vhukati hashu.302 Ibvani. Oo! Ibvani kha iyi nḓaḓo. Iḓani kha Mudzimu a tshilaho. Iḓani kha Ipfi. “Huno Ipfi ḽa itwa ṋama huno ḽa dzula vhukati hashu.” Huno zwino Ndi ṋama yashu, a tshi dzula vhukati hashu. Ibvani huno ni shumele Mudzimu a tshilaho.303 Musi ri tshi kotamisa ṱhoho dzashu. [Mukomana u amba nga luṅwe lulimi. Muṅwe mukomana u ṋea ṱhalutshedzo—Mudz.]304 Ṱhoho dzaṋu dzo kotama. U bva nga ngomu-ngomu ha muya waṋu, u bva nga ngomu-ngomu ha zwoṱhe zwi re kha inwi, ni a funa u elelwa u…Inwi no lugela u imisa zwithu zwoṱhe zwa shango, huno na tshilela Mudzimu? Zwino, arali ni sa khou amba izwi, ni songo zwi ita. Fhedzi arali ni tshi khou zwi amba, nga mbilu yaṋu yoṱhe, uri inwi zwino no tenda. Vhunga Yesu o amba, magumoni a mushumo Wawe, “Zwino ni a tenda?” Naa ni a tenda uri izwi zwithu zwo luga, zwo khwaṱhisedzwa nga Mudzimu, na uri ri tshifhingani tsha vhufhelo, huno inwi nga ngoho ni ṱoḓa u ḓa kha Kristo zwino? Iḓani kha iyi ekisodo, ya u vhidzela nnḓa zwi si na dzangalelo, vhudinomineisheni, mihumbulo na zwithu zwa shango. Huno ni ṱoḓa u ṋekedza nga mbilu yoṱhe kha Ene huno na bva na dzhena kha ekisodo, u itela Shango ḽo fhaṱutshedzwaho ḽo fulufhedziswaho, naa ni ḓo imisa zwanḓa zwaṋu musi ri tshi rabela? Naa ni na ngoho zwa vhukuma zwauri ni ṱoḓa u bva, muṅwe na muṅwe?305 Khotsi wa Ṱaḓulu, avho vho imisaho zwanḓa zwavho, i ri ni vha bve zwino, Murena. I ri ni Muya Mukhethwa, kha pfulufhedziso ya Ipfi, i ri Muya Mukhethwa u tshimbile ngomu mbiluni dzavho. U bva kha tshivhidzo, ho vha hu na zwanḓa zwi ṱoḓaho u swika zwa fumbili, ndi dzhia zwo ralo, Khotsi, zwa vho fusheaho huno vha tshi ḓivha uri ndi—uri ndi ngoho, huno vha ṱoḓa u bva. Arali ho vha hu na…306 Maḓuvhani a u ḓa ha Israele, kha vhathu vha milioni mbili na hafu, ndi vhavhili fhedzi vhe vha swika shangoni.307 Maḓuvhani a Yesu Kristo, ho vha hu na vha ḓana na fumbili vho zwi itaho.308 Huno zwino, maḓuvhani a u fhela ha shango, Wo ri, “Khoro ndi tsekene, huno nḓila ndi tsekene, huno fhedzi ndi vha si gathi vha no i wana. Fhedzi nḓila yo aṱama i yaho tshinyaloni, huno vhanzhi vha dzhena ngayo.” Ayo Maipfi a nga si kone u kundelwa. Ndi Au.309 Zwino ndi a vha rabelela, Murena. Ndi a rabela uri U ḓo funa, awara ino, nga Muya Mukhethwa Wau, u rubisa idzo mbilu. Bvisa zwithu zwoṱhe zwa shango. Rubisa nḓevhe dzavho, ngauri vha a kona u pfa zwi khagala Ipfi ḽa Mudzimu, ḽi tshi vhidza, nga kha Ipfi Ḽawe na nga Tshedza tsha ḓuvha.


Huno tendela, Murena, uri maṱo avho a ḓo vulea, uri vha kone u vhona vhugala ha Mudzimu kha iyi awara ya u fhedza ya u vala. Iwe wo ri, “Vhoṱhe vhe Khotsi a Nṋea vha ḓo ḓa, huno Ndi ḓo vha vusa nga ḓuvha ḽa u fhedzisela.”310 Murena, khamusi hu na vhanzhi fhano vhane vha vha uri a vha athu pfesesa. Ndi rabela uri U shumane navho, huno wa vha tendela u vha na tshiṅwe tshifhinga, Murena, uri vha kone u pfesesa, u pfa Iwe u tshi amba nga kha Ipfi Ḽau, u tshi Ḓisumbedza; huno zwenezwo wa amba na riṋe nga ipfi ḽa nṱha ha mupo, huno zwenezwo nga ṱhalutshedzo; u vhona mishumo Yau mihulwane i tshi sumbedza uri ndi Ngoho, u ya nga Bivhili. Ndi a rabela, Mudzimu, uri U ḓo ri hangwela zwivhi zwashu, zwino, nahone musi ndi ḓivhea u buḓekanya iḽi Ipfi.311 Mudzimu, nṋe ndi khou elekanya uri, vhege yo fhiraho fhedzi, ndo—ndo ḓivhea nṋe muṋe u buḓekanya munna o faho kha fuloro hafha. Ndo vhona Muya Mukhethwa muhulwane u tshi mu vhuisa murahu kha vhutshilo. Maṱo awe a humela murahu nga murahu ha ṱhoho yawe, o lala, o fa. Maipfi maṱuku fhedzi, a si gathi a u vhidza Dzina Ḽau, ndo mu vhona a tshi tshila. U hafha ṋamusi, u a tshila, naho zwo ralo. Murena, Iwe u Mudzimu onoyo muthihi, we, musi Paulo a tshi ḓivhea u buḓekanya uyo mutukana, a tshi mu thetshelesa a tshi rera tshifhinga tshilapfu nga maanḓa, uyo munna we a wa a tshi bva fasiṱereni. Iwe u onoyo Mudzimu muthihi ane a nga vhuyedzedza vhutshilo. Ri a U livhuwa, Khotsi. Ngavhe…A sa tendi a nga ḓi si tende. Fhedzi riṋe ri a tenda, Murena. Iwe wo Ḓisumbedza kha riṋe.312 Zwino i ri u elekanya ha mbilu yanga, na mihumbulo ya ṱhalukanyo yanga, nungo dzanga na zwoṱhe, zwi ṋokiswe ngomu ha iḽi Ipfi. Huno i ri Ipfi na nṋe, zwoṱhe, Murena, na vhathu, ri matshele u yela Muvhusoni wa Mudzimu. Zwi tendele, Murena. Ri hangwele zwivhi zwashu. Fhodza vhulwadze hashu, huno uri ite vhaluvhi vha Muvhuso Wau.313 Huno zwino, musi avha vha tshi khou ḓa, Murena, huno dzivha ḽi tshi vuliwa, maḓi o luga, huno ndovhedzo i ḓo vha i tshi khou thoma nga miniti i si gathi, ri a elelwa musi enea Mafhungo-maḓifha mathihi a tshi rerwa, Bivhili yo amba, “Vhanzhi vhe vha tenda vha lovhedzwa.”314 Hafha hu na sagaduku dzi re hafha, Murena, dzine nda dzi fhaṱutshedza nga Dzina ḽa Yesu Kristo, u itela phodzo ya vhulwadze. Zwenezwo musi…315 Tshumelo dzashu dzo lapfa, dzo kokodzelwa nnḓa, ngauri awara dzo no lenga. Ri fanela u dzhenisa Ipfi ngomu musi hu na mavu ane ri nga I dzhenisa ngomu, ngauri vhuriha vhu rotholaho vhu khou ḓa. Ri a vhu vhona. Maṱari a khou wa, huno ri a ḓivha uri vhuriha ho sendela. Ri fanela u veta nyalo huno ra swiṱa Mbeu. Ngauralo, ndi a rabela, Khotsi wa Ṱaḓulu, uri U ḓo amba na mbilu iṅwe na iṅwe.


316 Huno Bivhili yo ri, “Vhanzhi vhe vha tenda vho lovhedzwa.” Huno, Murena, arali zwino hu na vhanzhi vhe vha tenda, huno na khathihi vha songo lovhedzwa nga Dzina ḽa Ṅwana Wau a funwaho, Yesu, ngavhe vha tshi ḓa matsheloni ano, nga u ḓifha na u ḓiṱukufhadza, nahone vha tshi bula tshivhi tshavho, huno vha tshi fa kha zwithu zwa shango; u swiṱwa, u dzhia Dzina ḽa Yesu Kristo; u tshila nga u ofha Mudzimu, ngavhuya, nga thuso ya Muya Mukhethwa. Ri vha kumedzela kha Iwe zwino, Murena, u itela iyi ndivho, nga Dzina ḽa Yesu Kristo. Amene.317 Zwino ri rembulusela tshumelo kha Murathu Neville, huno tshiṅwe na tshiṅwe tshine a tea u amba, musi ri tshi ḓilugisela tshumelo ya ndovhedzo.318 Huno madekwana a ṋamusi, nga hafu u bva kha awara ya vhusumbe, Murena a tshi funa, ndi ṱoḓa u theipha uyu muṅwe Mulaedza. Mudzimu a ni fhaṱutshedze u swika zwenezwo.

EKISODO YA VHURARU TSV63-0630M

(The Third Exodus)

Hoyu Mulaedza nga Mukomana William Marrion Branham, u rangani wo ṋewa nga Tshiisimane nga matsheloni a Swondaha, Fulwi 30, 1963, Thaberenakeḽeni ya Branham kha ḽa Jeffersonville, Indiana, U.S.A., wo dzhiwa kha rekhodo ya theiphi ya maginete huno wa ganḓiswa u songo pfufhifhadzwa nga Tshiisimane. Heyi ṱhalutshedzo ya Tshivenḓa yo ganḓiswa huno ya phaḓaladzwa nga vha Voice Of God Recordings.

TSHIVENDA

©2015 VGR, ALL RIGHTS RESERVED

VOICE OF GOD RECORDINGS, SOUTH AFRICA OFFICE58 DISA ROAD, ADMIRAL’S PARK, GORDON’S BAY 7140 WESTERN CAPE

REPUBLIC OF SOUTH AFRICA

VOICE OF GOD RECORDINGSP.O. BOX 950, JEFFERSONVILLE, INDIANA 47131 U.S.A.

www.branham.org

Nḓivhadzo ya nzivhanyedziso

Pfanelo dzoṱhe dzo londolwa. Heyi bugu i nga ḓi ganḓiswa nga tshiganḓisi tsha hayani u itela u shumiswa nga muthu ene muṋe kana uri i anḓadziwe, hu si na mbadelo, sa tshishumiswa tsha u phaḓaladza Mafhungo-maḓifha a Yesu Kristo. Heyi bugu i nga si kone u rengisiwa, u bveledzwa hafhu nga maanḓesa, ya poselwa kha website, ya vhulungiwa kha sisteme ya u wana mafhungo, ya ṱalutshedzelwa kha dziṅwe nyambo, kana ya shumiswa kha u ṱuṱuwedza u humbela tshelede hu si na thendelo yo ṅwaliwaho zwi khagala nga Voice Of God Recordings®.

U itela u ḓivha zwinzhi kana u itela zwiṅwe zwishumiswa zwi wanalaho, kha vha kwame:

VOICE OF GOD RECORDINGSP.O. BOX 950, JEFFERSONVILLE, INDIANA 47131 U.S.A.

www.branham.org

Documents

TSV63-0630M Ekisodo Ya Vhuraru VGRdownload.branham.org/pdf/TSV/TSV63-0630M The Third... · 10 Zwino, Murena a tshi funa, madekwana a ṋamusi, ndi ṱoḓa ... EKISODO YA VHURARU