Upload
lastura-editiones
View
230
Download
1
Embed Size (px)
DESCRIPTION
Historia iniciática sobre vacas que foron outras criaturas previamente, mais atoparon meigas brincalleiras...
Citation preview
Viqui Veiguela
Vai chover… as meigas
voan baixiño
2
© Texto: Viqui Veiguela, 2011.
© Lastura, 2011. www.lastura.blogspot.com
Creative Commons
Alcálima by Xavier Frias Conde is licensed under a Crea-
tive Commons Reconhecemento-Não comercial-Sem
obras derivadas. 3.0 Espanha License.
All rights reserved worldwide.
VAI CHOVER…
AS MEIGAS VOAN
BAIXIÑO
5
–Vai chover –pensou a vaca–. As meigas
voan baixiño este serán.
E efectivamente, iso fan as bruxas moitas
tardes de verán, cando lles fai falla algún
ingrediente secreto para as súas beberaxes.
E é que as bruxas non só utilizan barbas de
sapo ou pegadas de sombra, non ho, iso non
son máis que faladoiros de vellas como todo
o mundo sabe, ou debería saber, un dos in-
gredientes máis importantes das apócemas
de bruxas son os raios e as puvisas. E xa me
diredes onde raios (con perdón) van atopar
as pobres un bo raio fresco e brillante preci-
samente cando e necesario. E por iso, que
moitas veces se miramos para o ceo a esa
hora entre lusco e fusco, vemos unhas man-
chiñas negras que van dando voltas arredor
das nubes. Eu sei ben que desde lonxe po-
den parecer pegas ou grallas, ou que sei eu,
pero non debemos permitir que os sentidos
nos leven a engano. Ai, ho, iso e o que elas
máis queren e por iso fanse pequeniñas, pe-
6
queniñas, para que a xente que aínda ten
tempo de mirar para o ceo non saiba que
son elas, as meigas. E ese é o motivo por
que toman aparencia de paxaro, para pasar
desapercibidas, unha especie de camuflaxe,
como nas guerrillas, como os maquis ou nas
pelis de Vietnam.
Mais nós, as vacas, ai, onde nos vedes,
tan mansiñas e pintas ou rubias, non somos
tan fatas como puidera parecervos. Non, o
que pasa, e que nós pensamos. Estamos to-
do o día dándolle a moleira. Por iso as mei-
gas non nos conseguiron trabucar.
Elas seranche moi rápidas, eu iso non vo-
lo discuto, pero a cousa e que elas tampouco
se molestaron moito en ocultarse de nós.
Así que sabemos ben que, cando as meigas
voan baixo, é que se achega unha boa, boí-
sima treboada.
E non é que a chamen, mirade vós, é que
non tedes nin idea, e estariades moito me-
llor caladiños, porque se non queredes que
7
volo conte, pois non o fago, e aquí non pasa
nada.
Non, o que fan é moito máis sinxelo. Po-
ñen as súas medias a raias, enchen a pel cu-
nha boa crema hidratante e flops! Na vasoi-
ra...e voan, iso si, moi atentas ás normas de
circulación aérea, porque non sería a pri-
meira vez que unha delas morre atropelada
por una avión.
Cando por fin se achegan dabondo á nube
elixida, comezan a dar voltas ao seu redor, e
a facerlle cóxegas no nariz coas barbas da
vasoira. E así ata que a desventurada nube
empeza a chorar de riso (entón e cando co-
meza a chover) e, por fin, espirra.
Ese e o punto culminante da operación,
porque hai que metelos raios nun bote canto
antes para que non perdan calidade e forza
en contacto co ar. Ese negocio non é tan
fácil como podería parecer porque os raios
teñen ganas de darlle ao rabo por aí e non
de enfurruñarse nunha botella, e a saber ata
8
cando.
Chegados a este punto, cada meiga utili-
za a súa técnica secretísima, que por (case)
nada do mundo rebelaría a (case) ninguén.
Unhas perseguen o raio ata que o pillan pola
cola, pero e este un método perigoso, por-
que non e fácil manter o equilibrio na vasoi-
ra.
A outras, máis ben gústalles enganar as
puvisas ensinándolles un pau seco ou ata un
pararraios, si, home, deses que teñen forma
de galo, coas ás e todo.
Suponse que entón os raios van detrás do
obxecto en cuestión, e cando están a piques
de collelo, zas! Vai a meiga e cázaos co bo-
te.
Non sei, tampouco quero eu quedar aquí
de experta, pero paréceme que o mellor e
botarlle a lingua e facerlle moita burla para
que se pique, veña a por nos e xusto nese
momento, cun xesto elegante metelo no bo-
te. Supoño que a expresión ter a alguén no
9
bote vén de aí, o que pasa e que as meigas
botáronvos teas de araña nos ollos para fa-
cervos crer que e outra cousa.
Como, queredes saber para que concre-
tamente queren as condenadas bruxas os
raios; pois moi fácil, para darlle maior po-
tencia aos seus meigallos... e en tardiñas
coma esta, véspera de San Martiño, quére-
nos claramente para gañar a competición de
feitizos que se celebra todos os anos nestas
datas.
Ai... recordo eu ben a do ano pasado..si,
demasiado ben, porque foi entón cando, eu
– permitide que me presente: D. Gustavo
Brzoza, único herdeiro do reino de máis aló
da mar– tiven a desgraza de me cruzar no
camiño dunha desas malísimas, felonas e
perfidísimas bruxas.
A historia e a que segue, se me permiti-
des narrala, a historia de D. Gustavo, o
príncipe-vaca...
Como volo explicar? Eu, a parte diso de
10
ser príncipe, non tiña nada de especial... non
era nin alto, nin louro, nin tiña os ollos azuis
como os nonmesquezas. Por non ter, non
tiña nin unha boa espada. O problema era
que o
meu rei-
no, quero
dicir, o
reino do
meu pai,
éravos
máis ben
modes-
to... ve-
ña, vale,
modestí-
simo...
nin dra-
góns, nin bandidos, nin xustas nas que de-
mostrar as miñas virtudes virís. No noso
reino non había de nada, porque, xa me di-
redes que vai facer un dragón nun reino on-
11
de non pode roubar tesouros ou fermosas
doncelas para a súa cova, e moito menos ten
que facer un bandido...ai, a verdade e que
no noso reino tiñamos so unha meiga vella e
desmelada e un astrólogo romanés, que co-
mo non tiña nada bo que predicir traballaba
de bufón da corte, pregoeiro e aínda de xar-
dineiro no noso horto.
Eu, que nunca vira outra cousa, pasei alí
os anos da miña infancia, a xogar co astró-
logo e revoándome coas vacas… ata que un
día, hai disto máis de catro anos, comecei a
crecer ata facerme máis alto que meu pai,
saíume barba, a voz non respondía moito
aos meus desexos... e meu pai, ou sexa, o
rei, caeu na conta de que se eu casaba cunha
princesiña rica, o noso reino pasaría a ter
polo menos unha estrela e medía na guía
“Reinos de Ensoñación para a fin de sema-
na”
O problema co que foi dar, así e todo,
non tiña unha solución sinxela. Como xa
12
vos dixen, non me dotara a natura de atrac-
tivos especiais, e como a miña bolsa tiña
máis ben a barriga fraca... en ningunha casa
real de pro quixeron mirar para min seque-
ra. E en máis dunha non me deixaron nin
entrar, en vez diso, déronme esmola e ás
veces tamén o enderezo do psiquiátrico.
Non podían crer que eu fora a súa alteza
real D.Gustavo Brzoza...
Ao cabo do tempo, vendo que non conse-
guía a branca, ou moura, ou amarela (xa
todo daba igual) man de princesa ningunha,
tiven que volver ao pazo do meu pai..
Esperábame alí, co astrólogo e a meiga, e
cunha cara máis longa que o inverno pola-
co.
Eu pensei que, en vista do meu fracaso,
acougaría e resignaríase a súa non tan triste
sorte. Polo menos iso me parecía a min.
Ou que, como moito, me mandaría a lin-
dar as vacas (tres) da corte real.
13
Pois non, como xa comezaba a ser habi-
tual, resultou que me equivocaba.
Caera o bo do meu pai na conta de que
nos libros as princesiñas teñen a incompre-
sible manía de bicar ras, que sempre, sem-
pre se converten en apostos príncipes, e de
que logo os pais das devanditas princesiñas,
teñen a aínda máis incomprensible manía de
casalas con estes ex batracios. Decatouse
tamén, o meu pai, de que xamais e nunca se
mencionan cuestións financeiras relaciona-
das coa ra.
14
E como é de todos coñecido, o que se di
nos libros é verdade, que si non ninguén
non o escribiría… pois, sen comelo nin be-
belo, a bruxa sacou da faldriqueira un raio e
un pouco de canela, e zas! Converteume en
ra.
Croei eu con desesperación, pero non me
valeu de nada porque o meu pai, xa me tiña
metido nun bote de
marmelada, e o bote
no peto. Durante
case tres días non
vin nada, e recibín
de comida dúas
moscas e catro uvas
pasas.
Penso que o rei nun tiña moi claro o que
comen os príncipes encantados. A verdade e
que eu tampouco, porque non acababa de
entender de todo a situación.
Ben, non vos impacientedes, que xa vou
acabando... na mañá do cuarto, ou pode que
15
terceiro día, –non o sei porque en prisión
pérdese a conta das horas–, meu pai, como
quen non quere a cousa, meteuse ás agacha-
das no xardín estilo Versalles do reino veci-
ño, e alí, tamén como quen non quer a cou-
sa, deixoume caer nunha poceira. E mar-
chou.
Alí quedei eu, a esperar a princesa e pre-
guntándome se me querería bicar.
Non sei vós, pero eu sempre tiven moitas
dúbidas sobre a veracidade destas informa-
cións literarias. Polo que eu sabía, as ras
non son precisamente animais populares.
Quero dicir que os pícaros que eu coñecera
ata entón, máis ben as torturaban que outra
cousa... e, eu, avisado destas atrocidades,
temíame xa o peor.
Así pois, sentei a beira da poceira, moi
acougado e poñendo cara de simpático, a
espera de que a princesa caeráselle a coroí-
ña de ouro ou a pelota á auga, e de que, a
cambio do seu rescate, quixese bicarme.
16
E como tiña que ser foi, a princesa, moi
enfurruñada coa súa madrasta porque a
obrigaba a vestirse de princesiña repoluda e
con coroa, botou a correr ata a poceira e alí,
disimuladamente, deixou caer a súa coroí-
ña...
Como podedes ver, meus nenos, era cos-
tume daquela botar o lixo á auga... si, xa sei
que agora tamén, que pasa, non pode unha
vaca ser irónica?
A cousa e que pensei que unha ocasión
coma esa non a volvería ver endexamais. E
sen encomendarme a deus nin ao demo,
hop! Saltei á auga e moi orgulloso saquei a
coroa e púxenme a dar pulos diante da prin-
cesiña, que xusto naquel intre beliscárase xa
o bastante forte como para chorar de modo
máis que convincente. E alí, eu, como un
fato, coa coroa na boca, dando botes diante
da princesa e das súas ás...
A princesiña non sabía moi ben como saír
desta, así que tentou darme un piqueiro toda
17
disimulada por ver se se desfacía de min...
pero non lle saíu ben a xogada, porque o
mesmísimo rei me colleu nas mans, recoro-
ou a princesa e mandoulle bicarme nos fo-
ciños...non sei eu se como recompensa para
min ou como castigo para a parva dela...
A princesa puxo cara de noxo, mais non
lle valeu de nada. A fin de contas, por moito
pai dela que fora, éra-
chelle máis rei que
pai... e bicar, bicoume,
con tan mala sorte que
tamén ela transformou-
se en ra, para conster-
nación e oprobio da corte.
Ai, e que facer agora con dúas ras máis
no reino e ningún herdeiro...
Que facer?
Home, pois chamar pola meiga máis
achegada para que inverta o meigallo...
E así se fixo.
Máis ou menos...
18
A meiga, nun principio, non quería saber
nada do asunto, pero a posibilidade de lucir-
se no aquelarre de S. Martiño bastou para
convencela...
Amodiño, a vella untouse cos seus un-
güentos, montou na vasoira e foi buscar
alustros...o que aquel serán choveu no reino
só se pode comparar co diluvio universal...
raios e máis raios, e a bruxa cos pelos de
punta e os pololos á vista, e veña chover, e
veña chover... e a miña compañeira de in-
fortunios e máis eu, alí, pequeniños e verdes
na poceira... baixo a choiva,esquecidos case
de todos, que corrían a buscar paraugas e
zocas.
E veña chover, e veña chover... e tanto
choveu que desbordou o río, e levou a me-
tade do reino... e veña chover, ata que vol-
veu a bruxa, pingando e rebentada, mais
cunha sacada de raios nos petos.
A princesiña e máis eu mirabamos para o
chan. A verdade e que a min xa todo me
19
daba o mesmo, e ela tampouco parecía moi
preocupada polo seu cambio de forma.
A meiga tamén miraba para nosoutros,
máis non dicía nada. En vez de falar, sacou
do peto un calendario e dixo que precisa-
mente ese era o mellor día para nos desen-
meigar porque estabamos xustamente na
véspera de San Martiño.
Logo preguntounos moi seriamente se de
verdade queriamos cambiar de forma, por-
que para inverter o feitizo doutra meiga te-
ría que usar un meigallo potentísimo e irre-
versible...
-Croac!!! – que máis podiamos dicir, ca-
20
tivos, se nin sequera tiñamos a posibilidade
de falar.
Ouvindo isto, a meiga rañou a barba e,
sen dar tempo a que ninguén reaccionase,
meteunos nun frasco, gabeou na vasoira e
marchou de alí...
Voamos e voamos, ata que, á noitiña, a
bruxa aterrou, sacounos do frasco e, outra
vez preguntou, se de verdade queriamos
cambiar de forma.
– Croac!!!
– Coitadiños, non poden falar... pero eu
heilles dar esa posibilidade... iso si, só pode-
redes dicir tres frases, así que pensade ben
que queredes dicir, porque nesta noite o
Poder da Verba é inmenso.
21
Xa dito, xa feito...segundo ía preparando
o seus arteluxos para o feitizo, foron apare-
cendo outras meigas. Nós entón no o sa-
biamos, máis aquel era o lugar do aquela-
rre...
Cada vez estaba máis escuro. As outras
meigas mira-
ban para nós
cos ollos che-
os de descon-
certo. E así,
ata que unha
delas, preci-
samente a que
traballaba no
reino do meu
pai, botouse a rir e aquel riso si que daba
medo: saíalle da gorxa a cachón e facía que
se lle movera o bandullo como se fose xela-
tina...
Dixo, cos papos revoados de tanto
rir...”vedes, vedes, irmás, son eu este ano a
22
gañadora. Co meu meigallo non so enganei
o rei, tamén fixen malfadado ao seu fillo e
sementei o pranto no reino veciño...” e volta
a rir e a rir.
As outras meigas alí presentes, deron
palmas e dixeron que había moito que non
viran un feitizo tan malvado...
Mais daquela, a bruxa que nos trouxera
alí, fixo estoupar un raio dos que roubara ás
nubes, e, como era de esperar, as outras
meigas calaron..
Teño que dicir que entre as meigas, un bo
raio e un obxecto moi custoso, que ningu-
nha desperdicia así como así.
Entón berrou... ou murmurou, xa non me
acordo... o caso e que naquel momento o
único que existía no ar era a súa voz..
– Eu, valorando as malas artes da nosa
amiga, farei un meigallo aínda peor:
Estas dúas ras teñen o don da fala... e elas
mesmas terán de decidir sobre o seu desti-
no.
23
– Que a verba sexa!!! –dixo, abrindo o
bote dos raios...
A primeira en falar foi a princesiña...
– Ai, ho, non sei se isto é peor que ser
princesiña e levar coroa. Polo menos entón
comíache boas cousas, e agora teño a boca
como unha caixa do correo en que só caen
moscas e moscóns e mosquitos e tabáns
…slurp! ( pasaba por alí unha bolboreta )...
eu o que quero é ser meiga coma vós e facer
o que me pete…
E, así foi... estouparon un par de puvisas
e, no canto da ra, apareceu unha nena de
moi mal xesto, cun gorro de punta e vestida
de mouro.
Eu asistín á transformación moi sorpren-
dido e deume tantísimo medo que o que
acertei a dicir cambiou o meu destino e ata a
posición das estrelas no ceo (supoño que
isto con gran desconcerto do noso astrólo-
go).
– E eu…e eu, eu quero que me deixedes
24
en paz, que o meu pai quede contento comi-
go e non molestar a ninguén...
Non sei moi ben porque, pero o que dixen
causou gran sensación entre as bruxas…
botaron a rir, e a rir, e a bailar arredor de
min.
O
seguin-
te que
recor-
do é a
cara do
meu
pai,
moi,
moi
leda
porque
nos arredores do horto atopara unha vaca
sen dono… e xa tería asegurado o leite do
almorzo.
Agora xa sabedes por que son unha vaca.
25
E por que sei tanto de meigas e meigallos e
porque o meu desacougo non ten nome can-
do as meigas voan baixo.
Que? Ai, ho, o de que por que podo falar
e outra historia…