Embed Size (px)
Citation preview
1
Verkefnastjórar: Gunnhildur Magnúsdóttir og Solveig Kristjánsdóttir
2
Inngangur……………………………………………………………………………………….3-4
Hugmyndabanki, gaman saman í fjörunni…………..……….……………………………5
Bogkrabbar……………………………………………………………………………………………….6
Fiskabúr 1 …………….………………………………………………………………………………….7
Fiskabúr 2…………………………………………………………………………..…………………….8
Fiskarbúr 3 .………………………………………………………………..……………………………9
Fjörutröll……………........................................................................................10
Flyðra……………………………..……………………………………………………………………...11
Marglytta 1…………………………………………………………………………………………….12
Marglytta 2…………………..…………………………………………………………………..……13
Síli………………………………………………………………………………..…………………………14
Veggmynd………………………………………..……………………………..........................15
Geisladiskafiskar………………………………..……………………………………………………16
Fiskar úr álpappír………………………..…………………………………..........................17
Blöðrufiskar……………………………….…………………………………...........................18
Krabbahendur….…………………………………………………………………………………….19
Tína rusl úr fjörunni……………………………………………………………………..…………20
Listaverk í fjörunni………………………………………………………………………………….21
Stór krabbi úr pappamassa..........................................................................22
Skeljamyndir................................................................................................23
Fiskar og krabbar -læsi………………….………………………………………………….…….24
Fjörulallar…………………………………………………………………..…………………………..25
Fjörugóss í klaka……………………………………………………………………………………..26
Listsköpun úr fjörunni…………………………………………………………………………….27
Lokaorð...................................................................................................28
Nokkur lög tengd fjörunni
Ég fór í fjöruferð í gær…………………………………………………………………………….……….30
Litli, sæti krabbinn……………………………………………………………………………………….….31
Fiskurinn hennar Stínu………………………………………………………………………………….…32
Fuglinn í fjörunni…………………………………………………………………………………………..…32
Fiskalagið…………………………………………………………………………………………………………33
Hákarlalagið………………………………………………………………………………………………….…34
Krabbi Kubbur………………………………………………………………………………………………...35
Viðauki...............................................................................................36-40
3
Inngangur:
Við ákváðum að taka Fjöruna vegna þess að hún er í okkar nærumhverfi. Hún er
steinsnar frá útikennslustofunni okkar Ævintýraskóginum sem við erum dugleg að
nota og því kærkomin viðbót við hana. Fjaran
er lifandi, þar er margt til að skoða og
rannsaka, margar uppgötvanir voru gerðar,
mörg ný orð lærð og heilmikið af efnivið s.s.
skeljar, kuðungar, þari, steinar og margt fleira
sem farið var með heim í leikskólann og unnið
með í listastarfi eða leikið með í fjörunni.
Markmið verkefnisins var að auka þekkingu kennara og barna á lífríki fjörunnar og fá
börnin til þess að tjá upplifanir sínar í gegnum listsköpun og nýta sem mest
endurnýtanlegan og verðlausan efnivið.
Í upphafi var ákveðið að börnin leiddu verkefnið áfram. Hlusta eftir hvað fangaði
áhuga þeirra í fjörunni, vinna áfram með það í leikskólanum og afla okkur upplýsinga
um það sem við vissum ekki nóg um. Af nógu var að taka enda er fjaran síbreytileg.
Farnar voru ófáar ferðir í fjöruna, bæði til að leika, skoða og forvitnast um lífríki
fjörunnar. Ragnheiður Sara kennari á skýjahól samdi söngtexta um fjöruna (sjá viðhengi), þar
sem mörg ný orð og hugtök tengd fjörunni komu fyrir, svo sem flæðarmál –
hrúðurkarlar - flóð og fjara og kennarar útskýrðu þau fyrir
börnunum.
Í haust þegar við byrjuðum með fjöruferðirnar vorum við
svo heppin að finna marga lifandi Bogkrabbar í fjörunni
okkar áður en þeir hurfu aftur ofan í sjóinn, þeir fönguðu
athygli barnanna og var mikið unnið með þá.
Við vorum fljót að átta okkur á muninum á
fjöru og flóði, hvernig var staðan þegar við
komum í fjöruna? Var flóð? Eða Fjara?
Sandormahreiðrin sáum við t.d. ekki á flóði
o.s.frv.
4
Við öflun gagna nýttum við okkur það sem við höfðum í okkar nærumhvefi svo sem
bækur, internetið, og Náttúrufræðistofu Kópavogs sem er í göngufæri við leikskólann.
Bæði fórum við sjálf að skoða og einnig fengum við leiðsögn um safnið með áherslu
á lífríki fjörunnar. Sum börnin vorum með
tilbúnar spurningar um fjöruna t.d eins
og af hverju eru krabbar svona feitir og
með skel? Eða af hverju geta fiskar ekki
lifað á landi? Og hvernig ná krabbarnir
fiskunum ef þeir kunna ekki að synda?
Ein deildin valdi að fara á Sjóminjasafn
Reykjavíkur út á Granda, það var
skemmtileg ferð og þar fengu þau góða
leiðsögn um safnið og enduðu úti í
varðskipinu Óðni þar sem borðað var nesti og teiknaðar myndir.
Margar myndir voru teknar, einnig skráðu elstu börnin sjálf í bækur upplifun sína
með teikningum og orðum ( sem kennari skirfaði niður t.d. í ferðabók barnsins og
verkefnabækur) Gerðar voru myndasögur um fjörudýrin með því markmiði að hafa
upphaf og endi, söguþráð og lestrarátt (sjá fjörulallaverkefni)
Verkefnið endaði svo með stóru plaggati (sjá viðhengi) sem hékk upp á Hálsatorgi en
skólinn ákvað einnig að setja upp stóra sýningu í íþróttasal skólans þar sem öll
verkefni barnanna voru sett upp og búin til ævintýra heimur fjörunnar og undirdjúpa
(sjá viðhengi). Sýningin fangaði öll skynfæri mannsins s.s hljóð, sjón, snertingu og
tilfinningalega upplifun.
5
6
Bogkrabbi
Efni og áhöld :
Hvítt blað og svört málning.
Framkvæmd:
Börnin máluðu krabba eftir minni.
Ítarefni/kveikjur:
Eftir fjöruferð þar sem við fundum marga lifandi Bogkrabba voru þessar
myndir málaðar.
7
Fiskabúr 1
Efni og áhöld:
Pappakassi, málning, pappi glimmer og bönd. Sandur, kuðungar ,
þang ,skeljar og steinar úr fjörunni.
Framkvæmd:
Kassinn málaður fiskar og krabbar málaðir og klipptir út, þeir hengdir upp
með bandi og kassinn skreyttur
Ítarefni/kveikjur:
Samvinnuverkefni í Listaseli 5 ára barna.
8
Fiskabúr 2
Efni og áhöld:
Pappakassi, málning, hólkar glimmer,pallíettur, fjaðrir og bönd.
Framkvæmd:
Kassinn og hólkarnir málaðir. Þeir hengdir upp með bandi og kassinn
skreyttur.
Ítarefni/kveikjur:
Samvinnuverkefni í Listaseli 3 ára barna.
9
Fiskabúr 3
Efni og áhöld:
Kassi undan t.d. tertum með glæru plasti, málning og glimmer.
Framkvæmd:
Sjórinn og fiskarnir málaðir innan í kassann og glimmeri stráð yfir.
Ítarefni/kveikjur:
Fengum þennan kassa í hendurnar sem var upplagður í svona verkefni.
10
Fjörutröll
Efni og áhöld:
Steinar úr fjörunni með
áföstu þangi, stakir sokkar
og möl.
Framkvæmd:
Hausarnir komu úr fjörunni,
sokkarnir fylltir af möl
bundið fyrir og hausinn
settur ofaná.
Ítarefni/kveikjur:
Eftir Trölla leik í fjörunni var ákveðið að taka með okkur nokkra hausa
heim. Stakir sokkar höfðu safnast upp og fylltum við þá af möl og
bundum fyrir. Við ætluðum fyrst að nota hrísgrjón en þau hefðum við
þurft að kaupa svo mölin varð fyrir valinu.
11
FLYÐRUR
Efni og áhöld:
Verðlaus efniviður: Marglit lok af skyrdósum,
netaskokkur, band/pakkapönd og perlur, við
áttum tilbúinn augu sem börnin notuðu og eitt
og annað sem þau fundu til að skreyta með,
pallíettur voru vinsælar.
Framkvæmd:
Lokin voru fest saman með bandinu, augun
límd á og flyðran skreytt og klædd í
netasokkinn og bundið fyrir. Bönd bæði til að
hengja upp og líka sem sporður, skreytt t.d
með perlum.
Ítarefni/kveikjur:
Við lestur bókarinnar Ævintýri í Maraþaraborg eru Flyðrufjölskylda
aðalpersónurnar ásamt Krabba Kubb. Þegar við fórum að skoða hvernig
flyðrur líta út komumst við að því að þær eru flatfiskar svo þetta varð
útkoman.
12
Marglytta 1 Efni og áhöld:
Bókaplast, pallíettur og garn.
Framkvæmd:
Hringur mótaður eftir diski á harðan pappa sem notað var sem mót.
Klippt var út bókaplast opnað til helminga, það skreytt með pallíettum og
brotið saman, við settum nafn barsins innaní áður en það var brotið
saman. Að lokum var skreytt með garni.
Ítarefni/kveikjur:
Þessa hugmynd sáum við kennarar í leikskóla i Washington í námsferð
haustið 2014 .
13
Marglitta 2
Efni og áhöld :
Box undan ísblómi, plast eða pappír og málning, bómull fyrir augu eða
tilbúin augu.
Framkvæmd:
Boxið málað og borðarnir límdir innan í og skreytt að vild.
14
Síli
Efni og áhöld:
Box undan LGG , málning augu og band til að hengja upp.
Framkvæmd:
Boxið málað augun límd á og bandi stungið í boxið til að hengj upp.
Ítarefni/kveikjur:
15
Veggmynd
Efni og áhöld:
Stór svartur pappi, netabútur, fiskarnir búnir til úr pappa, álpappír og
spítum, málaðir og skreyttir og límdir á.
Framkvæmd:
Samvinnuverkefni deildarinnar sem þróaðist eftir áhuga barnanna.
Ítarefni/kveikjur:
16
Geisladiskafiskar
Efni og áhöld:
2 ónýtir geisladiskar, lím, pappi, tölur, kreppappír og annar skemmtilegur
efniðviður sem er til.
Framkvæmd:
Börnin velja sér efnivið og púsla fiskinum saman eftir sínu höfði.
Kennarinn aðstoðar svo barnið við að líma hann saman.
Ítarefni/kveikjur:
17
Fiskar úr álpappír
Efni og áhöld:
Þykkur pappír, blár og hvítur pappír, svartur tússpenni,skæri, lím og
álpappír
Framkvæmd:
Börnin teikna fisk á hvítan pappír, klippa hann út og líma á bláan pappír.
Síðan fá þau álpappír sem þau rífa niður og líma á fiskinn sem þau
teiknuðu.
Ítarefni/kveikjur:
18
Blöðrufiskar
Efni og áhöld:
Blaðra, pappír/dagblöð,
veggfóðurslím, málning og
verðlaust efni og jógúrtdós
Framkvæmd:
Blaðran er blásin upp eftir
því hvað börnin vilja hafa
fiskinn stóran. Pappírinn
klipptur/rifin niður í
passlega bita og límdir á
blöðruna þar til að börnin
eru búin að þekja hana vel.
Passa þarf að hafa þykkt lag af pappír svo að hann haldist eftir að
blaðran er tekin út.
Þegar límið er þornað er blaðran sprengt og fjarlægð. Fiskurinn málaður
og skreyttur eftir áhuga hvers og eins. Jógúrtdósin er svo klippt til og límd
undir fiskinn sem „fótur“ svo að fiskurinn geti staðið.
Ítarefni/kveikjur:
19
Krabbahendur
Efni og áhöld:
Fljótandi
lím,pappír,bylgjupappi,
málning,sandur,litlar
skeljar, þurrkaður
þari,plastaugu,
snæri,penslar, heftari
og ljós ull.
Framkvæmd:
Hverju barni var boðið
að koma að gera
krabbamynd. Barnið
fékk túpu með lími sem
það mátti sprauta
varlega úr og dreifa svo
sandi,skeljum eða þara
á límið. Þá fékk barnið að velja sér lit á málningu, kennarinn málaði svo
lófa barnsins með málningunni og aðstoðaði barnið við að þrýsta
lófanum á blaðið. Þetta var gert við báðar hendur þannig að krabbi
myndaðist. Barnið valdi síðan augu á krabbann og límdi þau á krabbann
þar sem það óskaði. Ef barnið óskaði þess að setja ský á myndina, fékk
það límtúbu og setti límdropa þar sem það óskaði sér ský á himininn.
Ullinn var notuð í skýin.
Verkefnið var mjög skemmtilegt og börnin nutu þess að nota þennan
efnivið.
Ítarefni/kveikjur:
Fjaran var okkar hugarefni og notuðum við netsíðuna pinterest.com til að
finna hugmyndir.
20
Tína rusl úr fjörunni
Efni og áhöld:
Ruslapoki sem fannst í
fjörunni og káta krakka
Framkvæmd:
Í einni fjöruferðinni
ákváðu börnin að
fjarlægja allt plast og
annað sem ekki brotnar
niður í náttúrunni, tóku
með heim í leikskólann,
flokkuðu og settu í
réttar flokkunartunnur.
Ítarefni/kveikjur:
Út frá umræðum í umhverfismennt
21
Listaverk í fjörunni
Efni og áhöld:
Það sem fjaran hefur upp á að bjóða
Framkvæmd:
Börnin búa til listaverk úr gersemum fjörunar.
Ítarefni/kveikjur:
22
Stór krabbi úr
pappamassa
Efni og áhöld:
Pappamassi, gifsgrisjur (til að
styrkja) vírnet(hænsnanet)
Framkvæmd:
Krabbi mótaður úr vírnum, pappamassinn settur á og látinn þorna vel,
málaður og lakkaður. Skraut úr fjörunni límt á.
Ítarefni/kveikjur:
Fjöruferðir , krabbarnir á náttúrugripasafninu og bækur.
23
Skeljamyndir
Efni og áhöld:
Þekjulitir(blár/hvítur), lím, pensill,
málningarlímband, pappi úr
mjólkurkassa Fjársjóður úr fjörunni:
skeljar, sjávargróður og sandur
Framkvæmd:
Byrjuðum á því að skera niður
mjólkurkassa, notuðum bara endana.
Límdum mjólkurkassa-pappann með
málningarlímbandi á borðið. Börnin
máluðu pappann með blárri og hvítri
málningu (sjórinn).
Börnin límdu svo skeljar og
sjávargróður á myndina og að lokum
stráðu þau sandi yfir allt saman
Ítarefni/kveikjur:
Kveikjan var fjöruferð sem við fórum í. Börnin voru svo hrifin af öllu sem
þau sáu að þau tíndu þessar gersemar í fötu. Hvað skyldi nú gert við
þennan fjársjóð? Datt okkur þá í hug að mála bláan sjó á pappa og líma
gersemarnar svo á pappann.
24
Fiskar og krabbar - læsi
Verkefni í framhaldi af ferð á Náttúrugripasafn var að gera fiska og krabba. Komu mjög skemmtilegar útgáfur af þessum fjöru-og sjávardýrum. Eins og áður gerðu elstu börnin sögu í verkefnabókina sína. Var gaman að fylgjast með þeirri vinnu þar sem þau voru búin að persónugera fiskana og krabbana, þeir orðnir vinir sem brölluðu ýmislegt saman og leituðu skjóls hvor hjá öðrum.
25
Fjörulallar/læsi
Það eru til margar fjöru-sögur,sögur af sæskrímslum og fjörulöllum, selstúlkum sem eiga sér heimkyni hjá mönnum en þurfa frá að hverfa til að sinna börnum í sjó (sjö börn ég á, sjö á landi og sjö í sjó) var valin sagan af Snotru og endursögð þar sem sagan sem slík
féll vel að heimkynum okkar Kópavogi.En við féllum fyrir sögum af „Fjörulöllum“. Þar sem þær eru frekar „hræðilegar“þá voru þær mildaðar svolítið .Gerðu börnin öll sinn „Fjörulalla“og elstu börnin gerðu sögur um sinn „Fjörulalla“ þar sem þau voru að æfa sig í sögugerð , að hafa söguþráð, upphaf og endi.
Notum gjarnan myndasöguformið þar sem þau númera rammana og teikna atburðarrásina.Þarna eru þau að læra lestrarátt, tölur og talnaskilning og skrifa það sem þau kunna. Sjá söguna sína verða til á ritmáli.
26
Fjörugóss í klaka
Einn frostkaldan dag í vetur sóttum við fötu frá síðustu fjöruferð. Svo skemmtilega vildi til að vatn hafi verið í henni sem fraus um nóttina. Þegar úr fötunni var hvolft kom þetta skemmtilega klaka listaverk í ljós sem vakti mikla lukku.
27
Listsköpun úr fjörunni
Efni og áhöld:
Efni úr fjörunni , blöð ,litir ,lím, þang, steinar,skeljar og fl.
Framkvæmd:
Fórum í fjöruna og tókum með okkur heim allt sem vakti athygli okkar.
Settumst niður teiknuðum t.d. tröll og límdum svo á blað allt sem vakti
athygli okkar.
Ítarefni/kveikjur:
Vefsíðan fjaran og hafið , fjöruferðir, náttúrugripasafnið.
28
Lokaorð
Það gekk mjög vel að vinna þetta verkefni og var gaman að sjá hvað allur skólinn var
jákvæður og hvað samvinnan gekk vel. Fljótlega áttuðum við okkur á því að yngri
deildarnar yrðu ekki eins virkir þáttakendur í verkefninu þar sem aðlögun og aldur
barnanna spilaði þar inn í og erfið skilyrði hvað veður og færð snerti. Þau tóku þó þátt
á sínum forsendum svo sem í fjöruferðum og listastarfi með vorinu og upplifun á
fjörusýningunni í íþróttasal skólans.
Eldri deildarnar voru mun virkari í verkefninu allan veturinn og gaman var að sjá ólíka
nálgun og hugmyndir frá deildunum. Greinilegt var að áhugi barnanna var hafður að
leiðarljósi sem sást í verkefnavali, vettvangsferðum og listsköpun.
Við sjáum fyrir okkur að nýta þetta verkefni sem kveikju fyrir áframhaldandi starf og
leik í fjörunni og tengja saman útinámssvæðið okkar Ævintýraskóginn og fjöruna.
Hugmynd er að taka fyrir Ævintýraskóginn næsta vetur sem samvinnuverkefni allra
deilda og byggja það eins upp og verkefnið sem við erum að ljúka. Skrá niður,
eignast hugmyndabanka og eiga skráningar um uppbyggingu skógarins sem aðrir
gætu nýtt sér t.d. uppskriftir sem hægt er að nota á eldstæðinu, leikir, fræðsla og
reglur.
Þetta var krefjandi verkefni sem kom sem viðbót við það mikla starf sem skólinn innir
af hendi dags daglega. Við reyndum að tengja þetta inn í það starf sem fyrir var svo
sem útinám, vettvangsferðir og umhverfismennt. Þetta tókst okkur og erum við mjög
ánægð með afrakstur verkefnisins.
29
30
Ég fór í fjöruferð í gær Sara Gríms
C F G C : Ég fór í fjöruferð í gær og gettu hvað ég sá : C G Ég sá máva, endur og bát C G Ég tíndi steina, kuðung og skel F C Ég sá krabba sem var að labba Dm G C C7 flugur og marflær og litla orma F Dm G C Am Ég snerti þara, og hrúðurkarlana Dm G C mokaði sandinn og skemmti mér C F G C : Ég fór í fjöruferð í gær og gettu hvað ég sá : C G Það kom flóð og það kom fjara C G er ég óð í flæðarmálinu F C Ég hugsaði mikið um alla fiska Dm G C C7 sem búa´ í sjónum og synda og borða F Dm G C Am : Það var svo gaman að leika sér Dm G C allan daginn í fjöruferð :
31
Litli, sæti krabbinn
Lítill, sætur krabbi
á hafsbotninum bjó
með fullt af öðrum sjávardýrum
langt úti á sjó.
Og litli krabbinn hló
og sagði: “Nú er nóg!
Ef þú kemur nálægt mér
ég klíp með krabbakló!”
En veiðimaður nokkur
í krabbann vildi ná
Og fyrr en varði krabbinn
í netinu lá.
En litli krabbinn hló
og sagði: “Nú er nóg! Ef þú kemur nálægt mér
ég klíp með krabbakló!”
Krabbinn fór í pottinn
og vatnið það var heitt
en litli, sæti krabbinn
hann brosti bara breitt.
Já, litli krabbinn hló
og sagði: “Nú er nóg!
Ef þú kemur nálægt mér
ég klíp með krabbakló!”
Lag: “Krabbesangen”
Þýðing: Birte Harksen, 2015
32
FISKURINN HENNAR STÍNU
Eitt sinn fór hún Stína litla á sjó
með pabba sínum.
Hún veiddi ofur litla bröndukló.
Með öngli fínum.
Dagin eftir Mamma hennar plokkfisk bjó.
Stína vildi ei borð'ann.
Hvað! Viltu ekki fiskinn Stína þó?
Pabbi tók til orða.
Fiskinn minn nammi, nammi, namm.
Fiskinn minn nammi, nammi, namm.
Fiskinn minn nammi, nammi, namm.
Fiskinn minn nammi, nammi, namm.
Ömmu sín Stína fór að sjá
og spurði frétta.
Hvað hún veitt hefði nú sjónum á.
Stína sagði þetta.
Ég plokkfisk veiddi alveg ein
og var að borð'ann.
Fuglinn í fjörunni
Fuglinn í fjörunni hann heitir már,
silkibleik er húfan hans og gult undir hár,
er sá fuglinn ekki smár,
bæði digur og fótahár,
á bakinu svartur og bringunni grár,
bröltir hann oft í snörunni,
fuglinn í fjörunni.
(Þjóðkvæði/Íslenskt þjóðlag)
33
Fiskalagið
Hafið þið heyrt söguna um fiskana tvo
sem ævi sína enduðu í netinu svo?
Þeir syntu og syntu og syntu út um allt
en mamma þeirra sagði: "Vatnið er kalt."
Baba búbú, baba bú.
Baba búbú, baba bú.
Þeir syntu og syntu og syntu út um allt
en mamma þeirra sagði: "Vatnið er kalt."
Annar hét Gunnar og hinn Geir,
þeir voru pínulitlir báðir tveir.
Þeir syntu og syntu og syntu út um allt
en mamma þeirra sagði :"Vatnið er kalt".
Baba búbú, baba bú
Baba búbú, baba bú.
þeir syntu og syntu og syntu út um allt
en mamma þeirra sagði:"Vatnið er kalt".
34
Hákarlinn í hafinu
Hákarlinn í hafinu,
kemur upp úr kafinu,
lítur í átt að landi,
langar að skipin strandi.
Vini á hann voðalega fáa
hákarlinn í hafdjúpinu bláa.
Hákarlinn í hafinu,
kann að vera í kafinu
Leikur hann sér að löngu,
loðnu og síldargöngu.
Hefur skrápinn skelfilega gráa,
hákarlinn í hafdjúpinu bláa.
Hákarlinn í hafinu,
kvikur er í kafinu.
Blikar á beittar tennur,
blóð um kjaftinn rennur.
Gleðst hann yfir grimmilegum dauða,
hákarlinn í hafdjúpinu rauða.
Hákarlinn í hafinu,
kraftmikill í kafinu.
Bærir þar blakkan ugga,
Bráðum siglir dugga.
Ætli hann gleypi stýrimann og stjóra?
Hákarlinn í hafdjúpinu stóra.
Aðalsteinn Ásberg Sigurðsson
35
Krabbi Kubbur (Lag nr. 8)
Ég heiti Krabbi Kubbur,
og kjabba út á hlið
á tvennum fjórum fótum
um flúð og klettarið.
Og bognar klær og beittar
ég ber á hverri tá.
Tvo arma hef ég einnig,
sem allvel klipið fá.
Mig bústað brestur eigi,
ég bý í holum stein.
Og söl er yfirsæng mín,
en svæfill ýsubein.
Og veggi skrýða skeljar
og skrautleg ígulker.
En skel ein, svört af sandi,
er suðupottur hér.
Ég uni mér hér inni,
því yndi hef ég nóg.
Og fer í göngu-ferðir
um fagran þaraskóg.
Og komi ég í kvöldmat
hjá kunningjum, ég set
ó-boðinn mig við borðið
og besta matinn ét.
Ég hetju veit mig vera.
Á veiðar oft ég fer.
Og bakvið brúnan runna
ég bráðar leita mér.
Og gómsæt, grunlaus smádýr,
sem ganga þarna hjá,
þau fá á klóm að kenna
og kjafti,er opna má.
Ævintýri í Maraþaraborg
36
37
Viðauki 1
Hugmyndir fyrir fjörusýningu 2015
Solveig – Guðrún – Gunnhildur – Inga Lind - Heiða
setja sýninguna upp í Íþróttasalnum
MARKMIÐ: Setja upp sýningu á verkum barnanna sem fangar
öll skynfræri s.s. hljóð snertingu sjón og tilfinningalega upplifun.
Ævintýraheimur sem börnin mega leika í og njóta.
Nota seríur og diskókúlu?, silfur og glitrandi efni og net
Myrkva alla glugga – mundverk eftir börnin sett í gluggana
Sjávarhljóð
Net
Nota stóru bláu dýnuna til þess að liggja á og horfa á fiskana sem
hanga í netinu.
Nýta leikefni til að setja sýninguna upp t.d. einingakubba fyrir
fjörutröll og blöðrufiska og fl.
Sullukarið fyllt af skeljum og kuðungum
Flöskurnar með litað vatninu
Vasaljós til að lýsa með
Slideshow af börnunum í fjörunni
Ljósaborð með sandi og skeljum
38
Viðauki 2
39
Viðauki 3
Video upptaka af fjörusýningu Urðarhóls maí 2015
https://www.youtube.com/watch?v=-nbkyBFsW4g
40
Viðauki 4
Lagið um Krabba Kubb úr bókinni Ævintýri í Maraþaraborg
https://www.youtube.com/watch?v=AOBRKsVRwis
