Viveiro Os Trollos

Situación ................................................................................................. 2

Propiedade.............................................................................................. 2

Historia.................................................................................................... 2

Tipo de viveiro......................................................................................... 3

Dimensións ............................................................................................. 3

Catálogo de especies.............................................................................. 3

Esquema de producción por especie ...................................................... 3

Instalacións e automatismos ................................................................... 3

Sistema de rega...................................................................................... 5

Sistema de abonado ............................................................................... 6

Sistema de comercialización................................................................... 6

Distribución e presentación das plantas .................................................. 6

Empregados............................................................................................ 7

Situación

Provincia: Lugo

Concello: Bóveda

Parroquia: San Vicente de Ver

Coordenadas UTM CODIGO SIGPAC

X 624.347 27 : 8 : 0 : 0 : 24 : 294

Y 4.717.892

Altitude (m) 365

Huso → 29

Propiedade

Propiedade da Xunta de Galicia. O organismo responsable da súa xestión é a Dirección

Xeral de Montes da Consellería de Medio Rural.

Historia

O terreo foi cedido no ano 1.917 ó antigo organismo denominado Patrimonio Forestal

polos veciños da parroquia de Ribas Pequenas para a creción dun dos primeiros viveiros

estatais. Cara o ano 1.927, a administración pública deu comezo ás labores para os

inicios da producción, quedando o viveiro definitivamente inaugurado en 1.934. Ó longo

do tempo foi acumulando gran variedade de especies forestais, tanto autóctonas como

foráneas, ata acadar máis de cen especies de árbores e arbustos. Creouse tamén un

semilleiro propio de Pinus pinaster clonal, co obxectivo principal de producir material de

base para as repoboacións levadas a cabo pola administración.

Na actualidade, o viveiro constitúe en si un espazo natural de carácter educativo,

contando con paneis informativos das diversas especies e unha aula forestal adicada á

divulgación da actividade, cunha exposición permanente.

Tipo de viveiro

Trátase dun viveiro de producción de planta a cargo da administración para as

repoboacións de carácter público

Dimensións

Superficie: 30 ha

Perímetro: 3 km

Catálogo de especies

Na actualidade, a producción do viveiro

céntrase en 2 especies para repoboacións ( Pinus pinaster e Quercus rubra ), aínda que

no interior do viveiro hai catalogadas 104 especies de árbores e arbustos, de interese

forestal e ornamental respectivamente. Tanto Pinus pinaster como Quercus rubra

reprodúcense por semente, empregando o invernadoiro na fase de enraizamento das

sementes. Cando as plantas o requiren, son transplantadas a un terreo onde

permanecerán ata ser levadas ó seu destino final.

Instalacións e automatismos

O viveiro está dotado coas seguintes instalacións:

Invernadoiro

Nave de central

Caseta de almacenaxe de ferramentas

Galpón de almacenaxe de materiais

Sistema de rega

Diferencianse dous sistemas de rega:

Invernadoiro: nebulizadores cun programador de rega para a fase de xerminación das

sementes

Resto do viveiro: sistema de rega manual e natural. A

presencia dunha fonte natural na zona máis elevada do

viveiro, practicamente toda a superficie do mesmo ten fácil

acceso á auga. O sistema de rega externo consta de

3 sectores de rega, cada un surtido por un depósito

independente, e outro sector a maiores, unha zona

de encharcamento natural cun dos regatos que parte

da fonte, para producción de Populus sp.

Nos 3 sectores surtidos polos depósitos atopamos:

1º Sector – Franxa Norte. Depósito de 6x6x3 m3

(aproximadamente 108.000 l )

2º Sector – Franxa Sur. Depósito de 6x6x3 m3

(aproximadamente 108.000 l )

3º Sector – Franxa Central. Depósito de

10x10x4 m3 ( 400.000 l )

A auga distribúese por tuberías con válvulas manual

ata unhas bocas de rega, con conexión para

mangueira, situadas cada 50m de distancia.

Boca de rega Detalle da conexión á mangueira

Sistema de abonado

Emprégase un abono composto de formulación 15 - 15 - 15 en forma perlada, que se

engade ó sustrato das plantas nas fases de transplante, e no mometo da plantación

seguindo as esixencias do proxecto de repoboación.

Sistema de comercialización

O viveiro non comercializa planta. O destino da producción son sempre repoboacións

feitas pola Xunta de Galicia ou obras das administracións públicas ( concellos, parroquias,

etc.)

Distribución e presentación das plantas

As plantas prepáranse de acordo ás esixencias do proxecto á que van destinadas. Así

atopamos:

Sementes: Pinus pinaster, con semilleiro clonal propio

Envase: Plántula de Pinus pinaster

Raíz núa: Plántula Pinus pinaster

Maceta: Planta con fin ornamental, en xeral calibres 4-8

Cepellón: Planta con fin ornamental, calibres Superiores a 8

Empregados

Na actualidade conta con 3 empregados con posto fixo, que son os encargados da

producción e preparación da planta para os proxectos, así como do mantemento das

infraestructuras, do material e das plantacións e o espazo natural do viveiro.