ARMAS SA PAKIKIBAKA

(Armasan ang puso ng prinsipyo ng pakikibaka)

John Carlo Cudia Lorenzo | University of the Philippines Manila

Ngayon ay humaharap ang iskolar ng bayan sa rurok ng krisis sa edukasyon. Higit pa rito,

patuloy din ang pagtapak sa karapatan ng mamamayang Pilipino sa batayang serbisyong

panlipunan. Sa pagsuri sa mga daluyong na dumarating, patuloy na pinatutunayan ng

iskolar ng bayan na kinakailangan ng pinakamatalas na linya upang makamit ang

pagkakaisang pinanday ng prinsipyo, katwiran, at katotohanan. Sa pagkakataong haharapin

at kakalabanin ang pinakamataas na yugto ng krisis, dadalhin ng mga iskolar ng bayan at

mamamayan ang prinsipyadong pagkakaisang nabuo patungo sa sama-samang pagkilos,

dahil ito ang kasaysayan ng kilusang patuloy na binabago ang ating lipunan. Ito ang

kasaysayan ng ating pamantasan. Ito ang kasaysayan ng Office of the Student Regent.

Ang mismong Office of the Student Regent (OSR) ay mula sa tagumpay ng laban at

pagkakaisa ng mga iskolar ng bayan at mamamayan. Sa panahong humaharap ang ating

pamantasan sa mabibigat na isyu, nakita na ang tagumpay ng laban ng iskolar ng bayan ay

makakamit lamang sa pagpapaloob ng kanyang laban sa pakikibaka ng kabataan at

mamamayang Pilipino. Ang laban ng iskolar ng bayan ay hindi hiwalay sa laban ng

sambayanan.

Ngayon ay mas hinihimok ang mga iskolar ng bayan ng panahon upang gamitin ang ating

mga armas; paigtingin ang ating prinsipyadong pagkakaisa upang mas lumakas ang

ating sama-samang pakikibaka na magkakamit ng mas malaking tagumpay.

Ang rehente ng mga mag-aaral ang pangunahing magtataguyod ng pagkakaisa ng mga

konseho at lahat ng mag-aaral ng UP. Makakamit lamang ito sa patuloy na diskusyon sa

mga isyu at problemang kinakaharap natin. Kailanman hindi dapat nagpapakupot ang

rehente sa takot na dala ng tunggalian at mga debate, dahil dito naguguhit ang

pinakamatalas na linya na magmumulat sa malaking bilang ng iskolar ng bayan at

magpapanday sa ating pagkakaisa.

Ang rehente ng mga mag-aaral ay hindi nag-iisa. Sa lahat ng pakikibaka sa loob at labas ng

Board of Regents ay kasama niya ang laksa-laksang masa na nagbibitbit ng boses na

makaestudyante at makamamamayan. Mas napapalakas ng ating sama-samang pagkilos

ang pagyanig sa kinauukulan hinggil sa ating panawagang libreng edukasyon para sa lahat.

Ang rehente naman ay hindi dapat tumiklop sa mga daluyong maaaring dumating.

Ang rehente ng mga mag-aaral ay hindi lamang dapat nagpapakulong sa pagmumulat, sya

din ay ang pangunahing nag-oorganisa at nagpapakilos sa mga estudyante at mamamayan.

Patuloy na dapat binabalikan ang kanyang katungkulang tunay na representante ng mga

iskolar ng bayan.

Sa pagpapatuloy ng mga tagumpay ng mga nakaraang rehente ng mga mag-aaral, narito

ang aking mga panukalang plano upang makamit ang mga nabanggit na layunin.

General Plan of Action

Hinggil sa demokratikong pamamahala at tunay na representasyon

Pagpapalakas ng relasyon ng OSR at mga UP yunit sa pamamagitan ng

pagkokonsulta sa mga konseho at pahayagan.

Pag-update sa mga napagkasunduan sa Board of Regents, at mabilisang aksyon sa

mga napagkasunduang hindi pabor sa mga estudyante.

Patuloy na paglulungsad ng mga summit at congress.

Paglulungsad ng mga education discussions at basic masses integration sa mga yunit

upang mas mapalawak ang kaaalaman sa isyu ng lokal at nasyunal.

Pagpapatuloy ng mga kampanya na isinisigaw ang ating karapatan sa edukasyon

Patuloy ang kampanyang mataas na subsidiya para sa ating pamantasan at patuloy

sa panawagang pagbabasura ng Socialized Tuition.

Pag-aaral sa mga polisiya at programang nakatuon sa kaunlaran ng unibersidad.

Pagbubuo ng mga alyansa na mas maghihimok sa iskolar ng bayan na ipagtanggol ang kanilang karapatan sa edukasyon.

Hinggil sa Demokratikong Karapatan

Pagpapatuloy ng UP Agenda and List of General Demands.

Pakikipag-ugnayan sa iba pang rehente ng Board of Regents, mga opisina ng administrayon, unyon at iba pang miyembro ng komunidad ng UP.

Paglulunsad ng kampanya para sa pagkakaroon ng representate ng mga mag-aaral

sa lahat ng pagbubuo ng desisyon sa bawat yunit.

Paghimok sa mga iskolar ng bayan na makialam sa iba pang isyung panlipunan.

Paglulungsad ng voters education para sa nalalapit na pambansang eleksyon.

Karapatan ng mga kababaihan at mga may napiling kasarian.

Ituloy ang adbokasiya hinggil sa pagpapatuloy ng GPH-NDFP peace talks.

ITULOY ANG ADBOKASIYA PARA SA KARAPATAN NG MGA KATUTUBO AT

PAMBANSANG MINORYA.

Ituloy ang adbokasiya na itaas ang sahod ng mga mangagawa ng 16,000/buwanan.

Ituloy ang adbokasiya na tunay na reporma sa lupa para sa mga magsasaka.

Palawakin ang kaalaman hinggil sa ibat-ibang karapatang pantao. Isulong ang karapatan ng lahat sa libre at dekalidad na serbisyong medikal at

makilahok sa pakikibaka upang pigilan ang pagprivatize ng mga pampublikong

ospital.

Ituloy ang adbokasiya sa pag-aaalaga sa ating kalikasan.

Ang rehente ng mga mag-aaral ay hindi lamang basta representante ng mga iskolar ng

bayan, sya rin ay representante ng boses ng milyong-milyong kabataan na wala sa

paaralan, mga manggagagawa na ginagawang alipin sa mga pabrika, mga magsasaka na

patuloy na inaagawan ng lupa, mga kababaihan na patuloy na ginagahasa, mga katutubo

na patuloy na pinapaalis sa kanilang mga lupang ninuno, mga mamamayang Pilipino na

bukang-liwayway palang ay gising na, magbabanat ng buto para sa sahod na sa pamilya ay

hindi mapagkasya. Patuloy na isusulong ang politika ng masa at palaging babalikan ang

kanyang mandato na paglingkuran ang sambayanan.