SE PROPRIO
DE LICASE I
DITI
LE RICETTE
LA CALANDRACA
RICETTA TRADISIONALE CHE SE POL FA ANCHE CON
LA CARNE FRESCA, NON VANSADA
INGREDIENTI: carne lessa vansada del brodo, patate, sivola, oio, conserva, sal, pevere, un rametto de rosmarin.
PREPARASION: in una pignata se meti un po' de oio e se fa rosolà la sivola, dopo un po' se meti le patate taiade a tochettini, se aggiungi sal, pevere, conserva e se cusina, misiando ogni tanto. Se aggiungi brodo o acqua e dado per coversi le patate. Se boi pian pianin e quando che le patate se quasi cotte, se metti la carne e se cusina ancora per circa 5 minuti.
SARDELLE IN SAVOR
INGREDIENTI: 1 kg. de sardelle, 1 sivola grande, rosmarin, aio, oio e farina.
PREPARASION: infarinà i pesi e frisili,
dopo se li meti in una pignata grande e bassa. A
parte se pronta el savor con acqua, una sivola
grande taiada a fetine, aio, rosmarin, (chi che vol,
un cuciar de conserva), una scudela de asedo, un
po’ de sal, oio crudo. Quando che el se pronto se
lo buta sui pesi fritti e se metti sora 2-3 rametti de
rosmarin. Lasar riposà e magnà giasà.
EL BRODETTO
INGREDIENTI:
1 capon, 2 scarpene (rossa o nera), grongo
(la testa e mesa pansa),2 pesi prete
(ciacia), 1 toco de palombo, 3-4 canocie, 2
sepe,1-2 gransipoveri, 1 bicier de oio d’oliva,
3 sivole medie, 3-4 spighi de aio , due foie
de lavarno, 1 bicier de conserva, meso
bicier de asedo, vin bianco secco, sal,
pevere, 1/2 kg de polenta
PREPARASION
Netà el pese, taià le sepe a tocchi grandi,
netà le canocie e i gransipoveri. In una
grande pignata disfritolà sull'oio la sivola e
l'aio taiadi fini. Aggiungi le sepe e fale rosolà
con un po' de vin bianco Nel frattempo, in
un'altra pignata, boir la conserva con acqua e
un po' de asedo, lavarno, sal e pevere.
Quando che le sepe se quasi cotte, se
aggiungi tutti i pesi, i gransipoveri e le
canocie e se coversi tutto con el sugo
prontado prima e se lasa boi, col covercio,
per circa un quarto d'ora. Meo de tutto se
magnarlo con la polenta calda, ma anche
tociando el pan.
LE FRITTOLE
INGREDIENTI: 1 Kg. de farina, 4 ovi, una
bustina de polverina lievitada, latte quanto
basta, la scorsa gratada de un limon e uva
pasa.
PREPARASION: misiar ben ben e dopo far
lievitar u po'. Frisi a cuciarade nell'oio de
boio. Scolarle e buttaghe sora el succhero fin
o grosso, come che se vol. Magnarle calde.
I FIOCHI
RICETTA (1)
INGREDIENTI: 1 ovo, 20 deca de farina, 1 cuciar
succhero, 1 cuciar oio, 1 cuciar de grappa, un
pisigo de sal, oio per frisi
PREPARASION: Sbatti el giallo col suchero come
per el zavaion, aggiungi l'oio, la grappa el sal, la
farina, i bianchi a neve, col paston se liso, lasalo
riposar, tirar la svoia a man o a machina e dopo
frisili, metili a scolar e butarghe sora el succhero
fin
RICETTA (2)
INGREDIENTI:1 ovo, un cuciar de succhero,due cucciari de burro o grasso, anche strutto, due cucciari de grappa, scorsa grattada de limon, succhero vanigliado, 2 cucciari de vin bianco (de quel bon), oio per frisi
PREPARASION:Separar el giallo e el bianco dell'ovo. Misià el giallo con el suchero, la vaniglia, el burro o el strutto, la grappa e el vin bon e in ultima giungi i bianchi sbatudi a neve e farina quanto servi. Impastà e tirar la pasta fina fina a man o con la macchina de la pasta. Dopo taiarla a striche, meterle su una strasa dei piati a riposà e co l'oio se caldo, frisile girandole col piron. Meterli a scolà e coi se freddi sparsige sora el succhero fin con el passatè.
I CASSETTI
INGREDIENTI: 4 ovi, 15 deca de succchero, 30 deca de
mandole, 3 deca de strutto, 1 cuciar de bicarbonato, un
pisigo de sal, farina quanto basta per impastar
PREPARASION: se taia le mandorle a tochettini, se misia
insieme tutto fin che non vien un paston bel solido ma non
duro, dopo se fa dei panetti, se li metti in formo su una
guantiera imburrada e infarinada e se li cusina per circa 30
minuti. I se tira fora e quando che i se giasadi i se taia a
fette più o meno grosse, come che se vol, e dopo se metti
le fette in forno altri 10 minuti. I dura tanto, anche 10-15
giorni.
MINI GLOSSARIETTO
COSA CHE SERVI E
COME CHE SE FA
INGREDIENTI
OIO OLIO
ASEDO ACETO
SUCCHERO ZUCCHERO
SAL SALE
PEVERE PEPE
SELENO SEDANO
PRESEMOLO PREZZEMOLO
OVO UOVO
BIANCO DELL’OVO ALBUME
ROSSO O GIALLO TUORLO
SIVOLA CIPOLA
AIO AGLIO
LAVARNO ALLORO
ASEDO ACETO
COME SE FA (VERBI):
MISIAR MESCOLARE
SBATTI SBATTERE
COVERSI COPRIRE
FRISI FRIGGERE
TAIÀ TAGLIARE
ROMPI ROMPER
IMPASTAR IMPASTARE
BOI BOLLIRE
SCOLAR COLARE
TIRÀ TIRAR
NETÀ PULIRE
METTI METTERE
DISFRITOLÀ SOFFRIGGERE
CONDÌR CONDIRE