Vanesa Codesal García4ºESO.A

Luz Pozo Garza naceu en 1922 en Ribadeo, Lugo, e é alí onde vive ata 1929, cando se traslada coa súa familia a Viveiro, Lugo.

Aos oito anos comenza a aprender piano, violín, e laúde. Estuda na escola Prieto Cussent e máis tarde no Instituto de Lugo. De 1936 a 1938, debido a que o seu pai, que era inspector veterinario, é detido por pertencer a Esquerda Republicana , vive na cidade de Lugo coa súa nai.

No 1938 trasládanse co seu pai a Larache, Marrocos, onde continúa os seus estudos de bacharelato. O seu único irmán varón, Gonzalo, morre en Jaca no 1939. Ao ano seguinte, seu pai volve a exercer de inspector e retornan a Viveiro, onde no 1944, Luz termina o Bacharelato e en maio dese mesmo ano casa cun profesor, Francisco Vázquez Ramudo e finaliza o ciclo elemental de Solfexo e Piano.

Ao ano seguinte nace o seu primeiro fillo, Gonzalo, e no 1946 examínase na Coruña e Lugo para obter o título de Maxisterio.

O seu primeiro libro será publicado no 1949, Ánfora . É nomeada correspondente da Real Academia Galega no 1950. Reside en Viveiro de 1950 ata mediados dos sesenta. Obtén o Ciclo superior de piano na Coruña e licénciase en Filoloxía Románica. No 1959 nace a súa filla Mónica e no 1962, Luz. No ano 1964 aproba a oposición de Adxunto de Bacharelato de Lingua e Literatura e trasládanse á Coruña.

Dirixe xunto a Tomás Barros, a revista bilingüe, Nordés, Revista de Poesía e Crítica , pero por ser muller, ten que figurar como subdirectora. No 1977 trasládase a Vigo, onde traballa como catedrática en Nigrán (Pontevedra). Casa por segunda vez con Eduardo Moreiras e dirixe ela soa a segunda etapa de Nordés. A súa xubilación virá no 1987. Obtén o Premio Tomás Barros de ensaio no 1990. No 1996 é nomeada académica e entra a formar parte do consello directivo da Real Academia Galega

Narrativa:

◦ Ánfora, 1949 ◦ Cita en el viento, 1962 ◦ El vagabundo, 1952

Poesía:

◦ O paxaro na boca, 1952◦ Verbas derradeiras, 1976◦ Concerto de outono, 1981◦ Falando a Rosalía, 1985◦ Códice Calixtino, 1986◦ Prometo a Flor de Loto, 1992◦ Deter o día cunha flor, 2009

Ensaio:

◦ A bordo de "Barco sin luces" (ou o mundo poético de Luís Pimentel). Barcelona, 1990

◦ Álvaro Cunqueiro e "Herba de aquí ou acolá", 1991

◦ Tres poetas medievais da ría de Vigo, 1998◦ Galicia ferida: a visión de Luís Seoane, 1994 ◦ Ondas do mar de Vigo: erotismo e conciencia

mítica nas cantigas de amigo, 1996

Discurso/Conferencia:

◦ Diálogos con Rosalía, 1997.

Espero que o disfrutarades