CARTA DE EDUARDO MADINA Á MILITANCIA DO PSOE. PRESENTACIÓN DA CANDIDATURA Á SECRETARÍA XERAL DO PARTIDO SOCIALISTA

Ola compañeira, ola compañeiro:

Vas decidir dentro dunhas semanas e por primeira vez persoalmente quen será o próximo

Secretario Xeral do noso partido. Queixámonos todos dende hai tempo de que os sistemas de

elección de cargos federais nos estaban a quedar vellos. E que a democracia española e o

propio PSOE estaban maduros para dar un paso adiante na apertura dos sistemas de

participación e decisión. Xa non imos volver encargar nunca a un sistema de delegados este

tipo de decisións. Pero iso significa, a cambio, unha nova responsabilidade persoal, unha

proba do compromiso individual co proxecto socialista. Poñer ese voto e esa responsabilidade

directamente nas mans de cada militante foi un dos retos que me animou a dar este paso da

miña candidatura para a Secretaría Xeral. Crieime no País Vasco, nunha época dura na que non

era doado dar o paso cara á política activa. Moitos amigos do meu barrio non o fixeron. Pero

eu estaba a crecer nunha casa na que o compromiso político era o normal, o meu pai e o meu

avó estaban a ser un exemplo. Nas rúas do Deusto da época da reconversión había

manifestacións, folgas e moita droga. A miña afiliación ás Xuventudes foi algo natural, como o

foi a miña afección ao voleibol, no que cheguei a ser profesional. Algúns encargáronse de que

tivese que deixar o deporte, pero nunca conseguiron arrancarme a paixón pola política e polo

noso partido. Tiven a sorte de contar dende temperán co próximo exemplo de Ramón

Rubial para crecer como socialista e como persoa. E procurei aplicar dende entón as súas

ensinanzas na miña vida como estudante, como profesor, como profesional e como político.

Agora pretendo seguir facéndoo dende a dirección do noso Partido. E para iso non vou renegar

nunca das nosas esencias e as nosas raíces, porque creo que cando nos foi mal foi

precisamente por non buscar ese zume do sólido tronco do PSOE. Orgullosos de ser socialistas

é como nos queren moitos españoles e españolas, non avergonzados ou tímidos. Reclamando

o noso xusto sitio na pelexa pola felicidade de todos eles, os que nos votaron e os que nunca o

fixeron. Sendo conscientes tamén das nosas debilidades e das nosas hipotecas, para

reforzarnos e para recuperar a nosa autonomía de sempre fronte a outros poderes

económicos ou mediáticos. E para iso, creo que necesitamos primeiro unidade e solidez nos

nosos órganos federais; por iso é necesario que teñan a enorme lexitimidade do voto directo;

non só para dar satisfacción ao teu desexo de participar, senón tamén para que sexan máis

autónomos e menos dependentes de escuros remendos de despacho. No novo PSOE, ti es o

protagonista.

Se o facemos ben, o PSOE recuperará a oportunidade de volver gobernar só, que debe ser a

forma natural de estar na política nacional do noso Partido. Para poder facer dende o goberno

as políticas de progreso que os españoles identifican connosco e recuperar tamén ao país dos

estragos de todo tipo do goberno do PP. Porque o PSOE é unha máquina de fabricar igualdade.

Eu non estou nisto para facer competición con compañeiros, eu a quen quero gañar é ao PP.

Todos os meus competidores me parecen excelentes, todos eles son dignos de gañar e con

todos eles o Partido gaña. Pero a min o que me move é a batalla de fóra, contra a dereita e

polos dereitos de tanta xente que tanto perdeu nestes anos negros. Contra o nacionalismo

egoísta e disgregador que sacrifica aos traballadores en sonos desestabilizadores.

Para isto é para o que quero o teu aval e o teu voto. Para isto quero representarte

persoalmente, non á túa agrupación, á túa federación ou a túa sectorial. Porque estou

convencido de que coa túa axuda e coa intelixencia conxunta de todos os militantes e

simpatizantes, somos capaces de endereitar o noso rumbo e o de España.

Unha aperta socialista, compañeiro ou compañeira.

Eduardo Madina Muñoz.