Upload
others
View
11
Download
0
Embed Size (px)
Citation preview
A CALCULADORA EN EDUCACIÓN INFANTIL
1. COÑECEMENTOS PREVIOS
Como paso previo para o uso e manexo da calculadora nos diferentes
niveis da etapa infantil, fixemos una presentación previa en cada aula.
Presentamos a calculadora para averiguar o que sabían sobre ela.
Algunhas das respostas dadas polos cativos foron as seguintes:
• NIVEL DE 3 ANOS: “iso é una calculadora”, “hainas no
supermercado”, “serven para pagar”, “teñen números e letras”,…
Deixamos un momento de libre manipulación da calculadora, e
posteriormente desenvolvemos un pequeno exercicio de
percepción e discriminación numérica: consistía en teclear una serie
de números iguais agás un, e identifica-lo intruso. Exemplo:
77777177 / 99969999
• NIVEL DE 4 ANOS: “é unha calculadora”, “meu primo ten unha para
facer os deberes”, “serve para poner números”… Deixamos un
momento de libre manipulación e de seguido realizamos un xogo
consistente en adiviñar o número que faltaba dentro da serie
numérica que a mestra lle marcaba na pantalla (exemplo: 1-2-3-4-6-
7-8-9).
• NIVEL DE 5 ANOS: “é una calculadora”, “meu pai ten unha,
empregouna un día para escribir cousas no aeroporto”, “serve para
anotar e que non se nos olviden as cousas”, “meu irmá Pablo ten
unha na casa para sumar”,”na miña tenda hai sete e na casa non
teño ningunha”,… Deixamos un momento de libre manipulación, e
fixemos dous xogos: un consistía en sumar as cifras que aparecían
reflectidas na lousa dixital, e outra foi escribir na pantalla números
significativos para eles (ano 2013, o teléfono de seus pais…).
2. ELABORACIÓN DE MATERIAIS
Para levar a cabo as actividades planificadas para o manexo da
calculadora, precisamos elaborar previamente certos materiais cos que
logo traballar, como por exemplo:
• BARALLA DE CARTAS TAMAÑO DIN-A 4: confeccionamos una baralla
de 9 cartas (a serie numérica do 1 ó 9). Nun lado da baralla aparece
un número determinado de gomets. Do outro lado, a
representación gráfica do número de gomets.
• BARALLA DE CARTAS TAMAÑO DIN-A 5: fixemos outra baralla de
menor tamaño coa serie numérica (do 1 ao 9). Nesta baralla
aparecen do mesmo lado una serie de elementos determinados (3
porquiños, 6 globos…) e o número gráfico que representa a
cantidade de elementos (oculto por una lapela que permite ver ou
tapar o número según precisemos).
• PLANILLAS DE NÚMEROS: elaboramos planillas tamaño Din A-4 coas
grafías dos números, tanto grafismo convencional como o grafismo
da numeración da calculadora.
• MATERIAIS COMERCIAIS: para o desenvolvemento das actividades
tamén empregamos outros materiais comerciais xa elaborados,
como por exemplo, barallas de números, tarxetas con números e
debuxos…
3. DESENVOLVEMENTO DAS ACTIVIDADES
• NIVEL DE 3 ANOS: manipulación da calculadora para discriminar as
grafías dos números e comparalos cos números “ordinarios”.
Primeiro presentamos os números 1,2 e 3 nunha folla impresa para que
os alumnos os identifiquen (os números están debuxados seguindo a
forma dos palillos depresores).
O número 1 presentámolo da forma que eles coñecen (1).
Dámoslles palillos depresores para que compoñan os números (cada
palillo foi coloreado por eles coas cores das regretas : 1 sen cor ,2 de
vermello, 3 de verde claro).
Dámoslles logo a calculadora. Ensinámoslles a acendela e apagala.
Observaron que tiña diferentes números algúns xa coñecidos por eles.
Identifican na calculadora o nº que teñen na ficha e comproban que o
número 2 e 3 se parecen moito ao que eles teñen na ficha (e o 3 ademais
se parece a unha E, algún incluso se confunde) pero o número 1 aparece
diferente na calculadora , polo que o volven compoñer cos palillos tal e
como aparece na calculadora.
Para rematar deixámoslles que manipulasen libremente a calculadora.
• NIVEIS DE 4 E 5 ANOS:
No nivel de 5 anos centramos o noso traballo por medio das barallas das
que falabamos no apartado 2.
O obxectivo é que os nenos estimen a cantidade de elementos ou gomets
alí debuxados, que busquen o número que eles cren que corresponde na
calculadora e o tecleen, e posteriormente, nun exercicio de
autocorrección (ben levantando a lapela que agocha o número ou ben
virando a carta), que comproben se o número marcado era o correcto.
Nalgúns casos, o exercicio desenvolveuse a nivel individual.
Noutras ocasións, realizouse a actividade por parellas.
No nivel de 4 anos realizamos a mesma tarefa con materiais comerciais,
tal e como se aprecia nas seguintes imaxes.