Upload
teagan-rich
View
66
Download
0
Embed Size (px)
DESCRIPTION
AZƏRBAYCAN DÖVLƏT AQRAR UNİVERSİTETİ. Aqronomluq ixtisası üzrə Fitopatologiya kursu. II Bölmə: Bitki xəstəlikləri Mövzu 2 . Dənli –paxlalı və yonca bitkilərinin xəstəlikləri, onlarla mübarizənin başlıca prinsipləri. Kənd təsərrüfatı elmləri doktoru, professor əvəzi İbrahim Cəfərov. - PowerPoint PPT Presentation
Citation preview
AZƏRBAYCAN DÖVLƏT
AQRAR UNİVERSİTETİ
Aqronomluq ixtisası üzrə Fitopatologiya kursu
II Bölmə: Bitki xəstəlikləri
Mövzu 2. Dənli –paxlalı və yonca bitkilərinin xəstəlikləri, onlarla mübarizənin başlıca prinsipləri
Kənd təsərrüfatı elmləri doktoru,
professor əvəzi İbrahim Cəfərov
P L A N:
3.1 Dənli-paxlalı bitkilərin göbələk xəstəlikləri və onlarla
mübarizənin əsas şərtləri
3.2 Dənli-paxlalı bitkilərin bakteriya mənşəli xəstəlikləri və
onlarla mübarizə
3.3 Dənli-paxlalı bitkilərin virus mənşəli xəstəlikləri və onlarla
mübarizə
3.4 Yonca bitkisinin əsas xəstəlikləri və onlarla mübarizənin
başlıca prinsipləri
Ədəbiyyat 1.Cəfərov İ.H. Kənd təsərrüfatı fitopatologiyası. Bakı: «Elm»,
2001, 277 s.2.Cəfərov İ.H. Ümumi fitopatologiya. Bakı: «Elm», 2007, 388 s.3.Cəfərov İ.H. Tarla bitkilərinin xəstəlikləri. Bakı: «Elm», 2009,
326 s.4.Rəhimov Ü.A. Kənd təsərrüfatı bitkilərinin xəstəlikləri. Bakı:
«Maarif», 1988, 160 s.5.Пересыпкин В.Ф. Сельскохозяйственная фитопатология.
М.: «Агропромиздат», 1989, 415 с.6.John М. Kraft Compendium of Pea Diseases and Pests. The
American Phytopathological Society, 2001, 66 p.7.Howard F.Schwartz, James R.Steadman Compendium of Bean
Diseases. The American Phytopathological Society, 2005, 108 p.8.Elgin J.H. A Compendium of Alfalfa Diseases. The American
Phytopathological Society, 1979, 65 p.
Təsnifatda yeri:
Fungi və ya Mycota aləmi, Ascomycota
şöbəsi, Euascomycetes sinfi,
Erysiphales sırası, Erysiphaceae
fəsiləsi, Erysiphe cinsi
Bioloji qrupu:
Biotrof
2.1 Dənli-paxlalı bitkilərin göbələk xəstəlikləri və onlarla mübarizənin əsas şərtləri
Dənli-paxlalı bitkilərin unlu şehi – Erysiphe communisf. pisi (H.A.Dietr.) Jacz.
Patogenin morfologiya və biologiyası. Xəstəlik yarpaq və paxlalarda baş verir. Göbələk ağ torlu örtük əmələ gətirir. Müəyyən müddətdən sonra örtük boz rəng alır. Yarpaqlar qıvrılır və ölürlər. Sirayətlənmiş cavan paxlalar toxum vermirlər, gec yoluxmada isə qın meyvələrdə dərin yaralar əmələ gəlir. Vegetasiya dövrü göbələk konidi (anamorf) və kisə (teliomorfa) spor mərhələlərini əmələ gətirir. Konidi mərhələsi birhüceyrəli, rəngsiz, elliptik konidilərlə təmsil olunur. Onların ölçüləri 28-44 x 17-18 mkm-dir. Vegetasiya-nın sonunda kisə mərhələsi baş verir. O, sarıtəhər və ya tünd-qonur kleystotesilərdən ibarətdir. Meyvə bədəni- kleystotesilər şarşəkilli, 160 mkm diametrli, çoxsaylı çıxıntılıdır (10-28 ədəd). Çıxıntılar rəngsiz, radikal yerləşmiş, küt uc budaqlarına malikdir. Kisələr ellepsoidal, 4-6 askosporludur. Askosporlar birhüceyrəlidir, rəng-sizdir, ölçüləri 16-22 x 9-12 mkm-dir.
Xəstəlik törədici noxuddan əlavə vika (Vicia cativa L.) yemli paxlaları (Vicia fabae L.) və lərgəni (Lathyris pratensis L.) də yoluxur.
America
Kanada
Hindistan
Yeni Zelandiya
Yaponiya
MDB
Avropa ölkələri
XƏSTƏLİYİN YAYILMA AREALI
TÖRƏDİCİNİN EKOLOGİYASI
OPTİMAL TEMPERATUR 18-
22°C
NİSBİ NƏMLİK 60-80%
İNKUBASİYA MÜDDƏTİ 4-5
GÜN
XƏSTƏLİYİN ƏMƏLƏ GƏLMƏSİ,
MAY-İYUN
XƏSTƏLİYİ LƏNGİDİR-
GÜCLÜ YAĞIŞLAR
XƏSTƏLİYİ ŞİDDƏTLƏNDİRİR, QURU-İSTİ HAVA
AQROTEXNİKİ
Davamlı sort
Erkən səpin
Növbəli əkin
Bitki qalıqlarının məhv edilməsi
KİMYƏVİ
Tiovit djet 2kq/ha
Panç 0,1 l/ha
Valsaton 0,2 kq/ha
Kumulus 4 kq/ha
MÜBARİZƏ TƏDBİRLƏRİ
Təsnifatda yeri:
Fungi və ya Mycota aləmi,
Anamorfic fungi şöbəsi, Hyphomycetes
sinfi, Hyphomycetales sırası,
Dematiaceae fəsiləsi, Alternaria cinsi
Bioloji qrupu:
Hemibiotrof
Noxudun alternariozu - Alternaria alternata (Fr.) Keissl.
Patogenin morfologiya və biologiyası. Göbələyin parazitlik keyfiyyətləri adətən zəifləmiş və ya zədələnmiş bitkilərdə özünü biruzə verir. Mikroorqanizm məhv olmuş bitki qalıqlarında inkişaf edir, məxməri zeytuni örtük əmələ gətirir. Belə örtük göbələyin mitsel və konidilərindən ibarətdir. Konidilər zeytuni, qara qonur, əkssan-caqşəkilli, 3-6 eninə və 1 uzununa arakəsməlidir. Onlar dağılan zəncirlər əmələ gətirə bilirlər. Vegetasiya dövrü göbələk konidilərlə yayılır.
Yayılması. Kosmopolitdir. Ölkəmizdə də bu xəstəlik qeydə alın-mışdır.
Ekologiyası. Xəstəlik törədici geniş temperatur 18-280C həddində və yüksək rütubətdə inkişaf edir.
Təsərrüfat əhəmiyyəti. Noxud bitkisinə əhəmiyyətli zərər vura bilmir, lakin toxumların cücərmə qabiliyyəti azalır.
Mübarizə tədbirləri. Yüksək aqrotexnika, əkin materialının saxlanma şəraitinə əməl edilməsi, bitki qalıqlarının məhv edilməsi zəruri tədbirlərdəndir.
Göbələyin konididaşıyanları (1) və konidiləri (2)
Təsnifatda yeri:
Chromista aləmi, Oomycota şöbəsi,
Oomycetes sinfi, Peronosporales
sırası, Peronosporaceae fəsiləsi,
Peronospora cinsi
Müasir adı: Peronospora viciae
f.sp. pisi Boerema & Verh.
Bioloji qrupu:
Biotrof
Noxudun yalançı unlu şehi - Peronospora pisi Syd.
Patogenin morfologiya və biologiyası. Xəstəlik 2 formada əmələ gəlir, diffuz və ya ümumi, lokal və ya yerli. Yoluxma nəticəsində yarpaqlarda, yarpaqyanlığı və kasayarpaqlarda sarıtəhər və ya qəhvəyi ləkələr meydana çıxır. Yarpağın alt tərəfində göbələyin konidi spormərhələsindən ibarət olan boztəhər- bənövşəyi örtük inkişaf edir. Paxlalarda sirayətlənmiş toxuma solğunlaşır, sonra tünd qəhvəyi çalara malik olur. Xəstəliyin diffuz formasının xarakterik əlaməti bitkilərin cırtdanlaşması və tədricən rəngini dəyişməsidir.
Konididaşıyanlar qəhvəyi-bənövşəyi, dixotamik budaqlanandır, konidilər sarıtəhər, ellipsoidal, ölçüləri 18-28 x 17-22 mkm-dir. Gö-bələk eyni zamanda cinsi spormərhələsində inkişaf edir və oosporlar verir. Onlar şarşəkilli, sarıtəhər-qəhvəyi, qalın büzməli örtüklü, 30-35 mkm ölçülüdür. İnfeksiyanın ilkin mənbəyi sirayətlənmiş bitki qalıqlarıdır. Patogen məhz oosporlarla bitki qalıqlarında qışlayır və gələn il ilkin infeksiyanı törədir. Bütün vegetasiya müddətində xəstəlik törədici konidilərlə yayılır. Əkin noxudundan (Pisum sativum L.) əlavə Pisum elatius Bieb. də yoluxur.
Göbələyin konididaşıyanları və konidiləri
Yayılması. Peronosporoz və ya yalançı unlu şeh xəstəliyi Avropa, Hindistan, Şimali Amerika, Afrika və Yeni Zellandiyada geniş yayılmışdır. MDB məkanında bitkinin becərildiyi bütün rayonlarda (Orta Asiyanın bəzi ölkələri istisna olmaqla) rast gəlinir. Azərbaycanda noxud əkinlərinə zərər vuran ən geniş yayılmış xəstəliklərdəndir.
Ekologiyası. Peronosporozun inkişafına rütubətli soyuq hava (orta gündəlik temperatur 15-170C) zəmin yaradır. Eyni zamanda soyuq gecələr və şeh də xəstəliyin inkişafına müsbət təsir edən amillərdəndir.
Təsərrüfat əhəmiyyəti. D.S.Makaşova (1973) göstərir ki, xəstəlik güclü inkişaf edən zaman dən məhsulunun itkisi 25-75%, yaşıl kütlə 15-20% və daha çox ola bilir.
Mübarizə tədbirləri. Növbəli əkin dövriyyəsinə əməl edilməli, paxlalı bitkilər əvvəlki əkin yerinə 3-4 ildən qaytarılmalı, erkən müddətli səpinlər, toxumların dərmanlanması önəmlidir. Toxumluq sahədə xəstəliyin ilkin simptomları göründükdə moniko bordo 4,0 kq/ha, kurzat 1,8 kq/ha, iteral 0,2 kq/ha, ridomil qold MS 2,0 kq/ha preparatlarından biri ilə çiləmə aparılır. Sonrakı çiləmələr xəstəliyin inkişafı və meteoroloji şərait nəzərə alınmaqla təkrar edilir.