Dibujos Coras

7/24/2019 Dibujos Coras

1/48

1


2/48

Ttulo: Ne Teukari +xatsikaya

Autor:

Ubaldo Vzquez Vzquez

Diseo e impresin: G-3 Impresiones

Primera edicin 2015 Impreso en Tepic, Nayarit.


3/48

Dedicatorias

Para mi madre Yolanda por su cario ydedicacin y ensearme a ser lo que soy.


4/48


5/48

5

Agradecimientos

A la Comisin Nacional para el Desarrollode los Pueblos Indgenas que depositen m la confianza para desarrollar este

proyecto. En especial al Mdico RafaelMedina por la paciencia que tuvo paraconmigo durante la elaboracin de esta

mi primer obra.

A todos mis amigos y familiares por darme

los nimos para seguir. Y en especial ami abuela Micaela Carrillo, que me ha

demostrado su apoyo incondicional.


6/48


7/48

7

Yeuxu tewiyari

Merik+ts+waniu haitsi nikwaxikait+ni, yeuxu waniu

nikwanekait+ni. Haits+ waniu mananitaxeiya

ipa+tawaniu tineh+aweni.

Kepetiyuriene.

Enai rik+ nepune x+eriene, niwa tepitikwani. Yeuxu tineh+aweni mana haitsitsie uyewierenet+.


8/48

8

Yurik+. Nanutimake waniu.

Kepa+tikwaiwa?

Y+ h+xita hayu keupiwat+. Tine h+aweni y+

h+xita hayu t+minat+.

Haits+ ta waniu pa+tikwa at+ niutayuani, kepaut+kaku

nak+peni waniu, kepaits+ y+ h+xita kaneyu

wiriwakait+ni, yay+anet+ nakaweni.

Mana ta waniu wir+k+ nita xeiya.

Tewari kepane.


9/48

9

Haitsi kwaiyairik+ ne uta inierieka kepauka

nemakawe nekaunieret+. Tineh+aweni.

Ita h+tsiwa, ita h+tsiwa waniu aix+a iyurieku. Ik+ta

ipa+ naineni.

Para nemenukuweiya titayari netiutah+awix+, na

neitiwax+am+k+. Hait+ waniu neyani.

Mana ta waniu nitaxeiya mananikaweni kauka tsar+xiwa huyeta tiniwekai.


10/48

10

Neuxei tuixuri wa keta enai pautayune, enai

kenekaweni ena nani warayeweiyam+k+. Hait+

waniu yeuxu neyani.

M+k+ta waniu yur ti eriet+ mana kawe, mana kawe,

titats+ waniu tina. Mana ta waniu wir+k+ nitaxeiya.

Tewari kepetiyuriene. Tine h+aweni.

Eenai nepu kawe kename waniu tuixurinewahpie, kename waniu hutawareyeweiya hait+

manakanautamieni. Hait+ tiniweni.

M+k+ri yuri peti eririe, yak+ kaniutaineni.

Hik+rix+a nemeitiwax+ani nemeimieni, x+ka hawainenuku axe. Hait+ waniu neyani.

Manata waniu muyea mananikaweni waniu tet

tuikat+.

Kari xeik+a ek+ pepunereitai, ne nere xe.

Haits+ hait+ waniu niyeani.

Neuxei pa+pepukaineni ik+ tet pakainir+me

kenetuikani ikitsarau nepauwitemie. Re h+awet+

tawarita waniu neyani.

Mana ta waniu ituika, ituika, tita waniu yeuxu tina.


11/48

11

Ya xeik+a ta waniu mana nitaxeiya wir+k+.

Tewari kepetiyuriene. Tineh+aweni.

Kename waniu ikitsarau hauwitemie

netiutah+aweka kaneyani ayumieme,

yanatineweni. Naineni waniu xeik+a.

M+k+ri yuri petieririe. Tinitah+awe.

Karixeik+ punetiku itaiya, hik+rix+a

naneimiem+k+. Hait+ta waniu neyani kutsira

hakwet+.

Mana ta waniu mukune kwieta hauka enat+ mana

nikakani.

Ek+ enapait+ yaperekuka. Ne nereuxe tete

tuikariyarik+.

Neuxei pa+pepu kaineni, uwai niurik+ kwieta


12/48

12

xeit+ kwipey+ane kam+ yametenetsuanani, tatei

narame waniu titewat+ kwi kaney+aneni. Pats+

mana neuka ena. Karit+waniu hayuxi wakitsietiwet+ putik+ h+awe.

Haits+ waniu muwa mauka enax+ kwinie waniu

xeik+a hayuxi memuwatinet+k+. Kepauka


13/48

13

waniu matiwe. Wir+k+ ta waniu mana nitaxeiya

manakakurupenekaku.

Keripe ane tewari. Re h+awe waniu.

Kename waniu uwa xeit+ kwi hey+ane

nerah+awar+wat+ muwa nerauka enax+, yamete

anenet+ xeik+a kwiniemetewatinet+k+.

Yak+ kaniutaineni, kametiniku itaiyani xeik+a.Kari ek+ xeik+a kwinie pepurei enie. Re h+awe

waniu.

K+rix+a nanenukuweiyam+k+, naneimiem+k+.

Hait+ta waniu neyani.

Manata waniu mukane hatetsita waniu niukakani.

Uwa pait+ta yaperekuka, titayarita xeik+a

yapenetiyuriene, penetiku itaiya karixeik+a

paunemu it+arienenik+, pepunereta h+awix+.

Tine h+aweni ta waniu.

Neuxei pa+pepukaineni, ppa ne pa+ kexiu

kenewati +i hutie matima.

Hata ta waniu kexiu ratimakai. Kaukats+ waniu metseri

ni h+k+t+kai.

Neuka haki. Re h+awe waniu.

M+k+ta waniu muwaraukamieni, muwaraukamieni


14/48

14

tiy+ane niuxeik+a titats+ waniu reuka axe, anari

waniu kwiy+ane.

Teete waniu nekat+t+ani.

Ik+k+ h+rix+a pepauka ani. Re h+awe waniu.

Mats+ waniuri tium+ ya tiu itaiyarieka. Ya xeik+a

nayani haits+ tukarieya.

Yeupaxeta


15/48

15

Nakawe

Merik+ts+waniu xapa nikwaxikait+ni, t++ri waniu

menikwat+wekait+ni.

He tita h+t+a rakamie. Xewit+ waniu naineni

nunutsi kauka niunierix+.

Mana waniu nakamieni xewit+ kwinie utewit+ kiriwa

hanutiyet+, ya waniu tiuyeikat+ wa het+a niutakeni.


16/48

16

Ma+raixi xapa aku tikwaxi.

H+ p+kwaxi. kaiwat+xeik+a waniu t++ri

meniutamare.

Netamana xenenanaka x+riri.

Mana waniu memekax+ririwa.

Akuxi ne nakata ne h+xita ne tsurita, akuxitanek+tsata naneiyemek+. Arri hik+rix+a.

Waniu tiniwaruta h+awe nakawe. Hik+rix+a xekie

neuxetuamie nekiriwatsie xekeneukayaxi.


17/48

17

T+ritawaniu memamat+ manaxeik+a meniuyeteni.

Mahayu iwawiyat+ x+ka manameukayaxikuni

yawaik+. Ariketa waniu pa+metenayuh+aweni.Manatepeukayaxe tapareku teputatsunax+ani

tepenuyetuna. Mait+kait+ yunait+ meniutatsunax+ani.

Titats+ waniu ranuyetunix+ nakawe.

Hik+rix+a nanixanut+m+k+ xekie. Tiwarah+awet+

waniu neyani.

Warat+t+ waniu neyani wa huyeta kememutanex+a.

Mana waniu wakuhaiyakai manap+ta waniu

meukuyunix+.

Ket+ts+ tareut+xime meta wa tekakunex+a.

T++riniu xeik+a metayuh+awet+ menatiteni.

Nakawe waniu axatiu anekaku niwarut+ximekait+ni,

ait+a niumiekait+ni chiuyaukakaku.

K+yexite waniu manahula muraninierekaitsie mana

waniu maw+w+ret+ hipat+ memanatik+kakai.

Chimemut+t+ niuxeik+ari meyuhayewat+wekai.


18/48

18

Tiet+ xanatik+kani, meta ha exani. Nakawewaniu naineni.

Waik+ na i tepatitei.

Ek+ta mana peratika?

H+ ena nepatika. Menait+kani.

Hipat+ waniuri memanatik+nekainiuri wa kwita xeik+a


19/48

19

wa hetsie mieme mutiniukakai. Anats+ waniu tinait+

memuteuti niukakai.

Mumiekai waniu ai xeik+a e +t+t+ wak+kkai

kaukats+ kiena etewa pit+ ne h+k+t+kai. Mana

waniu memukunex+a wayy+xa+yekaku tek+ata,

yatimiet+ waniu naineni.

Ne ma+rai, ne neutiikapi. Nepurekux+ri.

Titakuta. Reh+awet+ waniu newayeyani,

yukanata haxawat+t+.


20/48

20

Meiku ha waniu kiriwaya titawaniu metatitekai t++ri

xeik+aniuri yuhutat+ mana menatitekait+ni hipat+tari

xeik+a wakwita.

Karits+ xeik+a xeme xeputiyuane. Hait+waniu xeik+a kwita hutaneutax+rieni.


21/48

21

Mananiu xari tiuyekatei kaukawaniuru hipame

niwaeetsakai. Ketate waniu mana natika. Muwa

waniu warutix+rieka pa+tiwarah+awet+ neyani.

Uwai xenayeteni natineuwitemieni, kwit+wa

naninuam+k+. Hait+ waniu neyani.

+yaya taniu xeik+a manatiwaruku ni ipa+ta waniutiniwarah+aweni t++ri.

Yuk+ye hauwitemieka kaputaine, kwetsuka


22/48

22

haut+mieka kanaineni. Xe h+xita, xe nakata,

xe tsurita kanixeuixumax+am+k+. Xeneneuti

wax+a ne +katetsie nemamatetsie, ne h+xie.

Xeneneu h+aka, xenehu.

Tiwarah+awet+ waniu, niwaruta+kit+ani kep+

memutek+nekekai.

Im+ariteya naimime xeteniwayex+riet+k+nihatsi, iku, tinaime, kawayuya ma muyewie

xekeneutixirat+aka, kutana xeneye hat+k+ni,


23/48

23

xarieya xenanakah+wa.

Tiwarutah+aweka waniu utiweiyax+aka tiniuhni,

m+k+ta waniu t++ri yuwarita meukuyaxeka kawayutsie

menek+ne.

M+k+ta waniu nakawe ni nuani.

T++rite kemeteuyunix+?

Titane muwa petiwarat+xime yamenetsiuyurieka

manek+ne. kauyeiwet+niu xeik+a


24/48

24

mananiukani.

A im+arite yamateniuyurieni.

Paara n nemuwaranukuweiya.

A xari yamaniuyurieni. Xari waniuri mana tiuka

uyewakit+, akuxi echiwa haix+ hewatiwiet+.

M+k+tawaniu neyani wa ut+a hakewa memeukuhukai.

T++ri waniu xeik+a im+arieya memux+riximekai, ha

waniu mana memuyete,


25/48

25

xiekari, tetexi waniu, ha ute t+rixi, teurixa. Tinaime

waniu meteuk+ x+r+wat+ meniuhukait+ni. Imat+rieka

waniuri ai kauka meniuk+x+ri, nakawe waniuwa+riyarika mana meutiwierix+.

Nakawe waniu wa+riyarika umiet+ kiekarirtsie

niyani. na yuri waniu ix+araripa kauka nixuawekai,


26/48

26

nawa waniu nixuawekait+ni. Yatiuyeikat+ waniu niuta

iwauni.

T++ri na mateukak+, naniwaruwauximeni

aix+a nekie mapuneteyuriri.

H+ enai mepaukau meripait+. Kiekatari

waniu xeik+a mait+ kait+ meteniuyaxe.

Nawa iyarik+ p+ta xeik+a waniu menita inieni.M+k+ta waniu tita tiyuta ima, nawa niutiiet+yani

kepaukat+kaku waniu tinineineni ix+araripa hix+apa

uyeikat+. Yawaniu y+anet+ waniu nitiweni.

Mexi waniu tiwe itsari niukaetsarieni, hamui

waniu murawewiyane. Hipat+ta waniu menait+kanimexeiyat+.

Par chitemiyurieni mexi taw kwaxuaya

tepuwatituni.


27/48

27

Yunait+ waniu memuinieriekai manamemuiet+wekai

memuyuin+atat+wekai mu uya memanutiyepienik+.

Tsurakai waniu niuta inierieni.

A x+kai hyu h+t+ani. Meteneh+aweni

waniu, kepaits+ waniu kanatakwar+kakait+ni.

Kwaip+ kena yea. M+k+ta waniu an+ari

mutayua heyet+yeikat+, ya iyurienet+ waniu

nenutiyepeni.

Kwaxuaya waniu memuwatitui xukuritsie waniu

memikaye, hamuita waniu memeika n+it+a. Yaniu

mey+akak+ nakawe ney+h+t+ani.

Aix+a nekwareuerie. Nemuu kwinimiemenetiukukuine. Hait+ waniu mananiutiyer+ni.

Wikita waniu wata h+xiena uyeyer+ka ipa+waniu

naineni.

Tapikuwiwi nekutsi yukwaxua pukwaa,

hamuitsie hanukateme.

Ket+pautaine kwaxuats+ nih+k+, hamui wat+

tih+k+. Tik+h+awet+ waniu mana waniu

neitatsetsriwani.

Ya waniu xeik+a kwireih+awim+k+kai.


28/48

28

Axa tiyu eniwa wiki, wa+riyarika nepurayex+,

kam+ xe xak+. Hait+ waniu xak+ niyetuani.

Nepet+ari katsi kuta t++ri nepukawarakuaxe.Hait+ waniu neyani.

Yuki ta waniu muyea.

Ket+ xeik+a ix+ararita nepey+ h+,

nepetiit+arie, nereukuyet+ nepuyeaxe. Hait+

waniu tiniuyer+ni.

T++rit+ nepukawarakuaxix+.


29/48

29

Axa nepureuerie, nemuuta xeik+a kwinie

meputetaine, ma tek+a temuniukayaxe,

echiwa pepunetsi kaxeiya. Y+ +yatinah+aweni.

Mana waniu +yaya ikaxexeiyat+ ipa+ tineh+aweni.

Karits+ yapeanet+ peputaine nai

pananukuixumet+kani. +yaya naineni.

Hariyutsi. Karits+ wiki yuri petainekai kename

nekwaxua nekwaa hamui n+kame nerek+

h+awekai. Hait+ waniu xeik+a tinikani, ha

ixumet+kait+.


30/48

30

+yaya waniu nenutiyepieni muuya yapauka

niuxeik+a m+rakatsixi, tepaxi, werikaxi, hayuxi,

kakaixi. Kememuteupa+me meteha neikakainiuxeik+a.

Kayumait+waniu xeik+a yu maare tek+ata

neukaketsini, manawaniu emanukatewakai

purawatiy+t+niuxek+a. Ayumieme hik+ waniu

m+rakatsixi yeuta kwinie memuteuane, tsierewaniu xaata muxuxuawere tek+ata, m+k+

waniuri yeikame nakawe tumatieya, yerita waniu

kukurieya. Yatewa niuxeik+a nakawe niuani. T++ri

wanawayame.

Yeupa xeta


31/48

31

Tewa ik

Merik+ts+ waniu hakak+ waniu kwimeniy+akait+ni

manayatewa waniu mekutet+. Hipat+ta waniu

waaurie metekutekai kaukats+ waniu tsar+xi

te+teriyari meniy+akai. Yumamawat+ manamekutet+,

taikai waniu meteti xarikekai kaukats+ waniu iku

meniyuriekai. Hik+ts+ari tsar+xi.

Ik+ta waniu yumama ipa+rah+awe:

Ne mma ne nemauhakam+k+, iyarik+ um

taikai memuteutixarike memuteutikwaa, iku

memexeiya. Re h+awe waniu yumma.

chiwa kene iwaumie heiwat+


32/48

32

memetset+kit+ani. Mamya waniu

tineh+aweni. Ya waniu tiutah+awerieka neyani.

Ya tiuyeikat+ waniu niuta iwauni:

Ke aku xetautaikaiyar+wa.

Aix+a yeme. Kiekatari menait+kani waniu.

N nemma netsetan+a hakewa waniu ikuxepeyet+k+, echiwa xenetsi tuirieni, yai

xenetsi ni+t+ani. Tme hakak+ kwitepey+a.

Kiekatari tiniwaraxaxat+wani.

Yapa+meme waniu ni+t+kit+rieni xeixarikiyari,

+t+kit+arieka waniu yukie neyani. ipa+ta waniutini++kit+arieni.

Tanihni x+kapere+x+awim+k+ni, ik+

tsikiere kenetikwaka. Titapemureupim+k+ni

tinaimek+ katinepatsieka xat+pari, +xa,

titak+ pemure+y+weni. Tiutah+awariekaniyukahaarit+ani.

Yatiuxat+arieka yumma waniu m+paitiniuta h+awe,

m+k+ta waniu xat+te tinaime tinika ikat+ani.

Taikai kepauka metukarit+arie mayea memek+

waniu, meuhut+ meniu y+riyarieni, ipa+ta waniumeteneh+aweni:


33/48

33

Enai tekaneukutsikuni akuxi ekanetewani.

Meteh+awekaku waniu temaik+ naukuni.

Karits+waniu xeik+a maukunik+ meputeik+h+awekai,

haukuk waniu karimuxiteya naime menak+mix+ani,

meyuhut+a waniu titats+ waniu te+teri metekatekai,

m+k+xeik+a kaunieret+ mananiyuhayewa.

Hukuhek+areku waniu kukuru tsuarik+ nayani.

Kkuru maxatikutsu, kkuru maxatikutsu.

Tik+h+awet+ xeik+a mananiuyekani.

Ya waniu hainekaku ipa+tineh+aweni. Axat+ pepureyueniwa nets+ nekut+


34/48

34

netinekuka, netikuyet+ natinekni.

tiyuhax+at+wat+ waniu tinikani.

Ya waniu hainekaku kapi eni kukuru, nats+ waniu

tinait+ meteutiniukakai, yahait+ waniu auriena kux

netiy+neni, ipa+ta waniu tineh+aweni.

Ket peane. Hait+waniu.

Nerik+ netainierieka yaxeik+a neanet+nepuhayewarie, kename nereux+awimie

netik+h+awar+wat+ yananamieni.

Tineh+aweni yu kupanieru.


35/48

35

Ik+ yuripeukatiwaeririeka m+k+

metenawat+wet+ maniy+aka, yamanait+kani

m+k+ +xak+ metaiyariet+wet+ ayumiememameniuiniximieni. Ne h+rix+a

nemananuwit+m+k+, nemenitah+tsim+k+.

Ya waniu uit+atieka temaxa uta p+tsiyaka, ay+weka

waniu tiniuku hek+are. Mana waniu mutike, xeik+a

waniu kupanieruya tinit+kit+ani.

Hek+a n naniuwiximem+k+ yatewa

neuyeyeixat+, ek+ xeik+a penetsi xeiyar+met+

ne ut+a paniumiem+k+. Hait+ waniu

hanuyekait+ neyani ya hayeikat+.

Manamemuyuti hapa kuukuri waniu atewa nanuku

wieni yareixeiyakaku an+ta+ye niuyeyeyer+ni

k+yetsie, ik+ta waniu mumiekai manapait+ xeik+a

hautanieret+, heiwa waniu heitserie mutiyeikakai

kepaits+ waniu huye emekutetewakai. Ya

me+y+ximet+ waniuri temaik+ niuxekait+ni,wa+riyarika umiet+, iwaya t+niuxeik+a iyarieya

purayekakai yatewa tiuyeyer+ni kwit+wata umapait+

y+anet+ waniu nanuyekateit+ni. Anata waniu

hautahulakaku ikwewieka ipa+ tineh+aweni:

N xeik+a nameni kutuaneni ri taniuyeax+ani,enai uma manayeteni. Tineh+aweni.


36/48

36

Temaik+ta waniu ketewapait+ mureyuxei kepaits+

waniu m+k+ ik kanik+x+awieneni, m+k+ta waniu

yareh+awar+wa kename muwa mayetei.

Peta ame panetaiwaum+k+ wappats+a.

Hek+a panetaniyariem+k+ x+ka m+pa+

petay+ni. Kkuru ti+kit+aka waniu xeik+a

mananikuhayewa.

Yatiuyeikat+ waniu yeikame ipa+ tinah+awenikiekame:


37/48

37

Nerik+ netinek+x+awiriene, neyeyaka xeik+a

nekanenanaimarieni, ay+weka reuy+wet+

xeime naananukunake, m+k+ enaipait+ kaneniat+ani. Ik waniu xete tua. Tiyukuxatat+

tinikani temaik+.

Yak+ maniutiyuaneni m+k+ xeik+a

metenawat+wet+ manait+kani, +xatsie

metaiyariet+ xat+paritsie, tsikierets+ etsiwatematsi tuirieni. Hait+ waniu kiekame

mana+paritsie nakani.

Ya waniu tiutah+awarieka ukiratsi ipa+ta naineni:

Ukalai, kenati yea yaneputik+h+awar+wa,

keaneme waniu nunutsi peputaunie. Yu


38/48

38

ukalai waniu tinah+aweni.

Hauki m+k+ts+ x+ka meyuwa+riyani

kenuwarutiiwawiya. Hait+ niuxeik+a

wamma tiniuyer+ni.

Ukarawetsixi ta waniu xeik+a uki metexeiyat+wekai

kwinimieme metei atset+ kepaits+ waniu kwinie

rmetset+ kaniy+anekait+ni. M+k+ mexi waniu uki

kwinie tima m+k+ts+ uka kakuwaunekai.

Wapapa kemuwaraupa+me warutixa yuniwema

keyupa+meme warexeiyakai, waku iwawiyat+ kepai

uki mat+a puyemiekai. Yuawime kenayeyea ik+ ut+a

waniu petiyemie, tiwakuh+awet+ waniu yunaime, ik+

meri wakuri yuawime, kwit+wa ta+lawime, chinawime,

y+maxi, wawe. M+k+ waniu y+ma titewakai uka

chiapepet+ kwi anet+, m+k+ waniu niyutawa+riya.

Kam+ts+ paniyemieni. Yuniwe tinah+aweni,

ya hait+ta waniu uki tiniuta +kit+arieni. Ik+ pemewit+ pep+kareiait+aka, amma

xeik+a pa+pemuretah+awe, x+riki

xeta wewieme muwa pemeitiyeni, +ki

pemetawewieni, kaxetuni pemeta wewieni,

muwa xeik+a pemureitimikwani, katira tarxeik+a pemetitaiyani. Ti++kit+arieka xeik+a

temaik+ nakunuani.


39/48

39

Uki yukie nuaka yumma tiutaxat+aka

pa+m+tikamiekai, kaxetuni mutawewi m+k+tsie

waniu mutah+nix+ ik, tinait+ kemure+pa+metiutixuawerix+, mme, ik tinait+ mutixuawe. Mamya

niuxeik+a kemutiyutemawie kepaits+ waniu m+pa+

kwareyeninierekai.

Xeimieme waniu mexi uki hawai heyeika mamya

waniu uka kwinie tiniuti tieni.

Ek+ xeik+a yaperekukait+ kwinie petiukwa

at+, nri naniuxeni amikiyarik+. Naime

waniu nekaxatsirieni.

Uka yatutah+awarieka yutewiyat+ waniu newakayani,

yatiuyeikat+ waniu niyukaxakwitsieni, ya waniu uy+ka

kaniutkwani nait+, nait+ waniu kemureukuxani. Uki

waniu muna yxeik+a waniu uka anet+ niukani.

nawaniu ukaratsi mutitsuat+ya, tiutiniutuya kename

waniu yukie yemiekai, kename tiukaeniwakai. Mexi


40/48

40

waniu yunait+ mekutsu waniu kapet+a uka, ximerita

waniu ukalai manukuke kaxakwitsake titats+ waniu

iku reyetekai.

Yawaniu ti+y+k+ uki xeik+a yumma kemutitiem+k+,m+k+ts+ kwit+wapait+ yu mma tinah+awekait+ni

kename m+pa+ kareh+awenike uka. Kem+neni

waniu kem+titsuam+k+ mamya, wa+riyarika waniu

yuniwe nin+aka kename keiwit+mienike, kename

tawari m+pa+ katita h+awekekai. M+ya waniutikuh+awar+wat+ kayukematsimat+ uki neyani tawari

hakewa pait+ meyewaukai, ts+ri huye memariekai,


41/48

41

heitserie xeik+a neyani.

Uye aka waniu kpapait+ ipa+ tinikutieriwani:

Titayari yapereiyuriene panatsi m+pa+

nematiu +kit+a, amma waniu xeik+a

kwinie reyuhax+at+wa, x+ka tawari

peikuiwaunet+ pey+aneni, Nrihik+ nekamatsi

taunirie, enai maputek+ma+wa. Nrihik+

napitaunie, petaame p+tari panetiwatam+k+,

yapereyurieme paneitataiyam+k+ aix+a

reanekaku tri paneika em+k+. Reh+awet+

waniu xeikari im+ari nit+kit+ani.


42/48

42

Temaik+ tawarita waniu yukie nuaka kemutiu

+kit+ariekai m+pa+ niuxeik+a tinikayani,

anaketawaniu tawari ik mepuxei kiekatari,

anatatsiere naime yutsata niuka eni, kepaits+ im+arinaime kema+pa+me niat+ani.

Ana waniu x+ka uki mamya m+pa+ ka+y+nike hik+

ik mukawiwiyenike, tekaueximenikeri. Ayumieme

hik+ waniu yak+ mukau ik+rieni mukatiu axe,

ayumieme hik+ waniu katira tinaime temute utuaximetawaxata, anapait+ yatiuy+k+.

Yeupaxeta


43/48

43

Nunutsi yeikame

Merik+ts+ waniu manamenikutekait+ni nunutsi me he

xeiyat+ yak+ utewime mexeiyat+. Xeimieme waniu

mamya kanikuwax+ani kauka niyehax+at+akai,

yatari waniu tiwaka mamya niukahuni, kauka waniu

nunutsi muwa hetikaime ni eriekai. Ariketa waniu

hanukukeka nitiwauni yuniwe titats+ waniu retikatei,

kewaniu murauyunekai, naitsarie memiwaut+k+ titawaniu.


44/48

44

Arike waniu memikayeikix+ aki ut+a waniu

mautayunekai ketaya, waikariteya, kaukawaniuniuwaikar+mekai mexi umakir+me, yati weiyar+met+

mamya, hawaipait+ta waniu mukune manatawaniu

xeik+a xiekaripa waikarieya neukuhapaneni titats+

waniu nunutsi.

Yameteiweiyar+met+ xeik+a waikarieyameuxeiyar+met+ ut+mana mamya netikekakait+ni.

X+ka uwit+keximekait+ni ya waik+, m+k+ts+ huyetsie

niyewekait+ni kememutek+k+ka hik+ts+ari aitsarie

memeta axetsie, waniuts+ mamya muwapait+ke

menikaxeiya aitsarie, anake waniu mamya

nitah+awe.


45/48

45

Karipepeyet+a. Yuniwe rah+awet+ xeik+a

kem+neni niukaitsiwiyani.

Kaukats+ ana waniu yeme yumma yuri niukaxei,

karik+ts+ waniu hetsiena niutaniuni.

Nenepukaitaunie hik+, nepa+netikueriyat+

nepukain+, haweri utait+ munua hauweiyat+,

x+kapeiyeh+aka nri hik+ nekapitaunie.

tinah+awar+wani xeik+a warutsieya

yueriekame.

Xeik+ari mamaya ipa+ tini++kit+arieni.

Pehetame xeik+ari x+riki pemeta wewieni,

x+riki pemeta waika katira taikai pemeti taiyani,yaxey+at+ hek+a aix+wime tukari xemaye

at+ani, anakeri aniwe kanenuam+k+.

Xeik+a tini++kit+arieni.


46/48

46

Yawaniu metehu+kit+arieka x+riki menanukuhana

taikai katira mautitaiyat+ menak+ne, a+x+wirieka

meitaiyakaku waniu wiyeri kwinimieme utait+

newamiekait+ni mexiik+ katira metaiya.

Titats+ waniu tewi tina xeik+a waniu meniutimimierieni

katira taiyamete, kauka waniu yuheyeme mamya

niuyehekarie. Karik+ts+ waniu ayumieme hik+ m+k+

niy+aneni nunutsi x+ka wiyeri hayuaneni, m+k+

nunutsi niy+anenit+t+ri. Ayumieme waniu x+ka wiyeri

a hulataneni katira nitaiyar+wani.

Yeupaxeta


47/48

Ne Teukari +xatsikaya

se termin de imprimir enel mes de Diciembre de 2015

en los talleres Grficos de G-3 ImpresionesAv. Insurgentes 366 Ote. Col. Menchaca

Tepic, Nayarit Tel. 01 (311) 214 56 13

el tiro consta de 500 [email protected]


48/48

Documents

Dibujos Coras