Embed Size (px)
Citation preview
Die regering van die Kerk – 1Tim 3:11-13 Paulus se Leer oor die diaken-amp in 1Tim 3:11-13.
November 2014
Ps-vooraf Ps 30: 1, 3
Ontmoetingsdiens.
Votum.
“Ons slaan ons oë op na die berge: waar sal ons hulp vandaan kom? Ons
hulp is van die HERE wat hemel en aarde gemaak het.”
Amen
Seëngroet
Gemeente van ons Here Jesus:
“Genade vir julle en vrede van God, onse Vader,
en die Here Jesus Christus
deur die kragvolle werking van die Heilige Gees”
Amen.
Lofprysing – Ps 138: 1, 2
Verootmoediging en Versoeningsdiens.
Gebed om skuldbelydenis en verligting.
Psalm na gebed – Ps 50: 8, 9, 10, 11
1
Woorddiens.Die Woord van die HERE spreek tot ons uit 1Tim 3:1-13
Psalm as antwoord op die Woord – Ps 25: 6
Ons Fokus op 1Tim 3:11-13
Skrifverklaring
InleidingGeliefdes wanneer ons vanaand stilstaan by 1Tim 3:11-13
dan's ons by die laaste deel
van Paulus se 'leer' oor die diaken-amp.
En dan gaan ons tema vanaand wees:
Paulus se 'leer' oor die diaken-amp in 1Tim 3:11-13
Terugblik
Maar kom ons vat net gou saam
wat ons tot dusver kon leer.
A.1 Vanuit vers 8 en ook Hand 6:1-3 kon ons leer
dat die diaken-amp deur Christus in sy Kerk gegee is.
B.2 Vanuit vers 8 kon ons ook leer
oor die baie belangrike werk van die diakens.
En dis om met werklike selfopofferende diendende liefde
vir ons almal leiding te gee
in ons selfopofferende dien-van-mekaar.
Verduidelik
Want as Jesus byvoorbeeld in Mark 10:45 sê
dat Hy “nie gekom om gedien te word nie,
maar om te dien en sy lewe te gee as ‘n losprys vir baie.”
dan verlos Jesus ons met sy lewe
1 Vgl 1Timoteus 3,8.pdf by http://www.gkdaspoort.co.za/sermons_docs.php 2 Vgl 1Timoteus 3,8.pdf by http://www.gkdaspoort.co.za/sermons_docs.php
2
juis sodat ons soos Hy mekaar kan dien.
Daarom dat Jesus in Joh 13:34 sê:
“‘n Nuwe gebod gee Ek julle, dat julle mekaar moet liefhê;
soos Ek julle liefgehad het, moet julle ook mekaar liefhê.”
En nou'sit die diakens se werk om leiding te gee hierin
• sodat ons dien-in-liefde effektief kan wees
• sodat iemand nie dalk oorgeslaan word nie
• sodat iemand nie dalk verval armoede en eensaamheid nie
• ja sodat ons almal die ware eenheid en liefde
wat daar by dissipels van Jesus
en kinders van God moet wees
prakties kan beleef.
* * * * *
C.3 En dis so belangrik! Maar juis daarom
omdat diakens se werk so belangrik is
moet diakens spesifieke merktekens hê.
So nie sommer net enige iemand kan 'n diaken wees nie.
Nee 'n diaken moet ons kan uit ken
aan spesifieke merktekens.
En daaroor kon ons verlede week meer leer
toe ons by vers 8-10 was.
Dis waar Paulus sê:
“Net so moet die diakens waardig wees,
nie uit twee monde spreek nie, nie verslaaf aan wyn nie,
geen vuilgewinsoekers nie,
manne wat die verborgenheid van die geloof in ‘n rein gewete hou ...”
3 Vgl 1Timoteus 3,8-10.pdf by http://www.gkdaspoort.co.za/sermons_docs.php
3
Opmerking
En ek gaan nie nou weer op hierdie merktekens ingaan nie.
Behalwe om te sê
dat dit alles te doen het met 'n lewe van ware Gees-vervuldheid.
Ja dis hoe diakens moet wees:
manne vol van die Heilige Gees
wat dan ook die merktekens in vers 8-10 kan hê.
En as u in meer detail wil ingaan op hierdie merktekens
gaan kyk op ons webwerf die preke is daar.
Of praat net dan gee ons 'n CD
of ons gee vir u 'n getikte preek.
* * * * *
Terug by vanaand
Maar dit bring ons nou by vers 11-13
waarby ons vanaand gaan stilstaan.
En ons tema hier by vers 11-13 is:
Paulus se 'leer' oor die diaken-amp in 1Tim 3:11-13
En vanuit vers 11-13 gaan ons dan leer dat:
• die diakens uit manne moet bestaan
• met die merktekens van 'n goeie gesinslewe
• waarsonder hulle nie diakens kan wees nie.
En dan gaan ons ook leer:
• dat daar vroue moet wees wat hulle help
• en dat diakens en almal wat dien wonderlike beloftes het.
* * * * *
1. So kom ons begin by die waarheid
dat diakens uit manne moet bestaan.
4
Nou oor hierdie waarheid
dat die diakens uit manne moet wees
begin ons meer leer as Paulus vers 11 begin met:
“Net so ... die vroue ...”
En nou'sie vraag: Wie is hierdie vroue?
Is hulle saam met manne diakens?
Sê vers 11 dat die diaken-amp 'n amp vir manne en vroue is?
Opmerking
Nou hierdie is belangrike vrae.
Want dis wanneer ons ons self konfronteer
met hierdie vrae oor vers 11 se vroue
dat ons ook by die waarheid gaan uitkom
dat die diaken-amp regtig 'n amp is net vir manne.
En nou gaan baie met my verskil.
Ek sê ook nou totaal iets anders
as wat ons Kerke se sinode hieroor besluit het.
Want in die 2009 se Sinode Handelinge op bl 668 staan daar:
“Die Sinode keur in die lig van die Skrif goed
dat vroue wat die nodige gawes het
as diakens in die GKSA verkies en bevestig kan word.”
En nou kom ek en ek sê
dat ons vanuit vers 11 se “Net so ... die vroue ...”
gaan begin leer
dat die diaken-amp net vir manne is.
So hoe nou?
Wel ek is nederig as ek sê
dat die diakens net uit manne moet bestaan.
5
Maar ek kan nie anders as om te sê
dat ek vanuit 1Tim 3 en vanuit die res van die Skrif
gelowig oortuig is dat dit so moet wees.
* * * * *
So ek gaan probeer om dit vir u te wys.
En ek gaan begin hier in 1Tim 3.
En ek dink hier's twee belangrike goed in 1Tim 3
wat vir ons wys dat die diakens uit manne moet bestaan.
A. Die eerste een kry ons in vers 11 as Paulus sê:
“Net so ... die vroue ...”
Verduidelik
Nou hierdie Net so is 'n baie belangrike merker in 1Tim 3.
Hoekom? Wel omdat hierdie Net so vir ons wys
dat ons van een groep mense in die Kerk
oorgaan na 'n volgende groep. 'n Ander groep as die vorige een.4
Bewys
Want kyk wat gebeur in 1Tim 3.
In vers 1-7 gaan dit oor'ie ouderling-amp.
Maar as Paulus dan in vers 8 kom sê hy:
“Net so ... die diakens ...”
En dan leer Paulus in vers 8-10 oor die diaken-amp.
Verder verduidelik
So sien u wat gebeur?
Met die Net so van vers 8 het Paulus oorgegaan
van sy leer oor die ouderling-amp in vers 1-7
na sy leer oor die diaken-amp in vers 8-10.
* * * * *
4 ωσαυτως het die betekenis van 'net so' (Baljon bl 1126; Knight se 1Tim komm bl 168). Net soos in 2:9 en ook in 3:8 is dit ook hier 'n merker wat wys dat Paulus nou na 'n volgende saak oorgaan (vgl Knight se 1Tim komm bl 168; Ridderbos se 1Tim komm bl 97).
6
En ja die Net so wys dat daar ooreenkomste is
tussen die ouderling-amp en die diaken-amp.
Opmerking5
Toe ons by vers 8 was kon ons meer daaroor leer.
Een van die ooreenkomste is byvoorbeeld
dat diakens net so soos die ouderlinge
ook sekere mertekens moet hê.
Maar en dis nou baie belangrik:
Met die Net so van vers 8 het Paulus ook oorgegaan
van sy leer oor die ouderling-amp
na sy leer oor die diaken-amp.
Hy het oor gegaan na 'n ander groep.
Die diakens van vers 8-10
is dus nie meer die ouderlinge van vers 1-7 nie.6
* * * * *
En net so is dit nou ook in vers 11.
As Paulus in vers 11 sê: “Net so ... die vroue ...”
dan gaan Paulus nou oor van die diakens in vers 8-10
na ander nuwe groep. En hulle is die vroue.
Verduidelik7
En hierdie vroue is nie diakens nie.
Want met sy Net so in vers 11 wys Paulus
dat hy oorgegaan het na 'n ander nuwe groep.
5 Vgl 1Timoteus 3,8.pdf by http://www.gkdaspoort.co.za/sermons_docs.php 6 Baie voorstaanders van vroue in die selfde amp as manne, baseer hulle argument op ωσαυτως. Die konteks van vers
1-13 wys egter dat dit nie kan nie. Net soos ωσαυτως van vers 8 nie sê dat diakens in die ouderling-amp dien nie, net so sê ωσαυτως van vers 11 nie dat die vroue in die diaken-amp dien nie. Vgl Tit 2:2-3 waar ωσαυτως in vers 3 nie sê dat die ouer vroue ook ouer manne is nie (Schreiner in Recoverinng Biblical Manhood & Womanhood, bl 220, 505). Nee, ωσαυτως wys dat Paulus hier oorgaan na 'n nuwe en ander groep – die γυναικας.
7 Vgl Knight se 1Tim komm bl 170, 171; Alford se 1Tim komm bl 327; Macarthur se 1Tim komm bl 130; Ryken se 1Tim komm bl 131; NIDNTT vol 3 bl 1065; Ryken se 1Tim komm bl 131; Schwertley, A Historical and Biblical Examination of woman Deacons, bl 110-113
7
Ja net soos Paulus met die Net so van vers 8
van die ouderlinge af oor gegaan het na die diakens
net so gaan Paulus nou met sy Net so van vers 11
oor van die diakens na die vroue.
* * * * *
En wat sê dit vir ons?
Wel dat vers 11 se vroue nie deel is van die diakens nie.
Hulle is 'n nuwe ander groep naas die diakens. Die vroue.
So die diakens bestaan nie ook uit die vroue van vers 11 nie.
* * * * *
B. En dan? Wel dan moet die diakens net uit manne bestaan.
En dit sien ons baie duidelik
as ons nou van vers 11 af aangaan na vers 12 toe.
Opmerking
En ook sommer by die tweede ding in 1Tim 3 kom
wat ons wys dat die diakens uit manne bestaan.
Nou in vers 11 het Paulus gesê:
“Net so ... die vroue ...”
En so het hy oorgegaan van sy leer
oor die diakens na sy leer oor die vroue in vers 11.
Maar dan kom Paulus in vers 12 en dan sê hy:
“Die diakens moet manne van een vrou wees
en hulle kinders en eie huis goed regeer.”
So sien u wat hier gebeur?
Verduidelik8
As Paulus in vers 12 praat
8 Met 'διακονοι εστωσαν ...' - die selfde woord as vers 8 se διακονος – lyk dit vir my asof Paulus terugkeer na 'διακονους ωσαυτως ...' van vers 8-10. Ook εστωσαν wat as imperatief aansluit by die imperatiewe betekenis van δει … ειναι, wat geïmpliseer is in vers 8, dui daarop dat Paulus nou terug keer na vers 8-10 en die diaken-merktekens wat hy daar gegee het (vgl Ridderbos se 1Tim komm bl 99; Knight se 1Tim komm bl 173).
8
van “Die diakens moet manne van een vrou wees ...”
dan's hierdie diakens van vers 12 presies dieselfde diakens
van vers 8-10.
So Paulus kom in vers 12 weer terug
na sy leer oor die diakens.
Opmerking9
So Paulus druk sy leer oor die vroue in vers 11
soos 'n 'patty' binne in die hamburger in van sy leer
oor die diaken-amp in vers 8-10 en vers 12.
En hierdie werklikheid
dat Paulus se leer oor die vroue in vers 11
soos 'n patty binne in die hamburger
van sy leer oor'ie diaken-amp in pas
gaan ons net-nou nog 'n klomp goed leer
oor'ie die werk van vers 11 se vroue.
* * * * *
Maar kom ons fokus nou eers op vers 12.
Want waar vers 11 ons wys
dat vroue nie deel is van die diakens nie
wys vers 12 ons dat diakens net uit manne bestaan.
Want kyk wat staan in vers 12. Paulus sê daar:
“Die diakens moet manne van een vrou wees ...”
Verduidelik10
Hoor u dit? “Die diakens moet manne van een vrou wees ...”
Nou ons gaan net-nou meer ingaan
op die volle betekenis van wat Paulus hier sê.
9 Vgl punt 3 van die preek: 'daar moet vroue wees wat die diakens help'10 Hierdie merkteken is presies die selfde as wat Paulus ook gee vir ouderlinge in vers 2 (vgl Bouma se 1Tim komm bl
71-72). Daar het ek reeds stilgestaan by die betekenis van hierdie merkteken (vgl 1Timoteus 3,2.pdf). Die vraag wat ek egter nou het is of μιας γυναικος ανδρες van vers 12 my iets leer oor die onderskeid tussen διακονοι en γυναικας van vers 11? Die 'hoof-woord' waaroor dit gaan in die frase μιας γυναικος ανδρες is ανδρες. Dus: alhoewel hierdie frase in die eerste plek daaroor gaan dat diakens – en ook ouderlinge (vers 2) – werklik trou aan hulle vroue moet wees (vgl Efes 5:25vv; Mark 10:1-12; Gen 2:18-24), staan hier nie net dat diakens 'trou in hulle huwelike moet wees' nie – iets wat op mans en vroue van toepassing is. Nee, hier staan μιας γυναικος ανδρες, wat daarop dui dat diakens manne is (Knight in Recovering Biblical Manhood & Womanhood bl 353, 530; Knight se 1Tim komm bl 171; Schreiner in Recovering Biblical Manhood & Womanhood, bl 220, 505; Clark se 1Tim komm bl 63).
9
Maar vir nou is'it belangrik om raak te sien
dat vers 12 ons leer dat die diakens uit manne moet bestaan.
Want Paulus sê tog
dat “Die diakens manne van een vrou moet wees ...”
* * * * *
En hierdie waarheid dat diakens manne moet wees
word net nog duideliker as ons verder lees in vers 12.
Want hoor wat staan daar. Paulus sê:
“Die diakens moet manne van een vrou wees
en hulle kinders en eie huis goed regeer.”
En wie doen dit? Wel pa's? En hoekom?
Wel omdat God ons so leer
byvoorbeeld deur Paulus in Efes 5:22-6:4.
Bewys
Dis waar Paulus in Efes 5:22-24 sê:
“Vroue, wees aan julle eie mans onderdanig,
soos aan die Here.
Want die man is die hoof van die vrou,
soos Christus ook Hoof is van die gemeente ...”
En as Paulus dan praat oor'ie rol van manne
in ons huwelike sê hy in Efes 5:25
“Manne, julle moet jul eie vroue liefhê,
soos Christus ook die gemeente liefgehad
en Homself daarvoor oorgegee het ...”
En as Paulus dan in Efes 6:1-4 kom
by ons kinders se opvoeding dan sê hy:
“En vaders (pa's) ... voed (julle kinders) op
in die tug en vermaning van die Here.”
10
Verduidelik11
So sien u? Manne moet hoofde in hulle huwelike wees.
Liefdevolle dienende hoofde soos Christus.
En by die opvoeding van ons kinders
staan die pa's weereens in die hoof posisie.
Nie dat ma's niks met die opvoeding
van ons kinders te doen het nie. Allemins!!
Maar as Paulus in Efes 6:4 die pa's aanspreek en sê:
“En vaders (pa's) ... voed (julle kinders) op
in die tug en vermaning van die Here.” dan beteken dit
dat ons as pa's die verantwoordelike ouens is.
Ons is die hoofde as'it kom by ons kinders se opvoeding.
Dis pa's wat “hulle kinders en eie huis (moet) regeer”
soos Paulus daaroor praat in 1Tim 3:12.
Nie ma's nie. Nie die vroue nie.
En nou sê Paulus in 1Tim 3:12
dat die wat “hulle kinders en eie huis goed regeer”
diakens moet wees.
En wat sê dit dan vir ons oor
uit wie die diakens moet bestaan?
Wel vers 12 is baie duidelik.
Dit sê: “Die diakens moet manne van een vrou wees
en hulle kinders en eie huis goed regeer.”
En dan bevestig Efes 5:22-6:4 dit vir ons.
Die wat “hulle kinders en eie huis goed regeer” is manne.
11 Vgl Poythress in Recovering Biblical manhood & Womanhood, bl 235, 236-239; 508; Knight in Recovering Biblical Manhood & Womanhood, bl 350.
11
So vers 11 sê dat vroue nie deel is van die diakens nie.
En vers 12 sê dat diakens bestaan uit manne.
Oorgang
Maar dan nie sommer net enige man nie.
Nee. In vers 8-9 wys Paulus ons
dat manne wat diakens moet wees spesifieke merktekens moet hê.
Hulle moet “waardig wees, nie uit twee monde spreek nie,
nie verslaaf aan wyn nie, geen vuilgewinsoekers nie,
manne wat die verborgenheid van die geloof in ‘n rein gewete hou.”
Opmerking
En verlede week kon ons meer hieroor leer.
2. Maar dan moet diakens
ook die baie belangrike merkteken van vers 12 hê.
Die merktekens van 'n goeie gesinslewe.
En hierby gaan ons nou in die tweede plek stil staan.
Nou in vers 12 so het ons net-nou al gesien sê Paulus:
“Die diakens moet manne van een vrou wees
en hulle kinders en eie huis goed regeer.”
En dis'ie twee merktekens van 'n goeie gesinslewe.
• “manne van een vrou”.
Dis'ie eerste merkteken van 'n goeie gesinslewe.
• Die tweede een is:
“hulle kinders en eie huis goed regeer.”
* * * * *
En toe ons by Paulus se leer
oor die ouderling-amp in vers 1-7 was
het ons by vers 2 en by vers 4 geleer
12
dat hierdie twee merktekens ook by ouderlinge moet wees.
* * * * *
So ons het nie in vers 12 met iets nuuts te doen nie.
Ons kon al klaar by vers 2 en vers 4
oor hierdie merktekens leer.
Verduidelik12
En ek dink die belangrike wat ons toe kon leer
oor hierdie gesinslewe-merktekens is dat manne
wat ouderlinge en diakens gaan wees as hulle getroud is
waaragtig dit wat Paulus in Efes 5:25-6:4 leer
moet aanneem en moet uitleef.
En wat leer Paulus in Efes 5:25-6:4
oor hierdie gesinslewe-merktekens
van 1Tim 3:2 en vers 4 en vers 12?
A. Wel toe ons by vers 2 was kon ons leer
dat 'n man die man van een vrou is
as hy in sy lewe Efes 5:25 aangeneem het en uitleef.
Dis daar waar Christus deur Paulus sê:
“Manne, julle moet jul eie vroue liefhê,
soos Christus ook die gemeente liefgehad
en Homself daarvoor oorgegee het.”
Verduidelik13
En dit wat Paulus leer sê vir ons
dat 'n man die man van een vrou is
eers wanneer ons al meer besef
dat my liefde vir my vrou
daardie selfopofferende dienende liefde moet wees
12 Vgl 1Timoteus 3,2.pdf en 1Timoteus 3,4-5.pdf by http://www.gkdaspoort.co.za/sermons_docs.php13 Vgl 1Timoteus 3,2.pdf by http://www.gkdaspoort.co.za/sermons_docs.php
13
wat Christus vir ons het.
Daardie liefde wat gemaak het
dat Christus in Mark 10:45 gesê het:
Ek “het ... nie gekom om gedien te word nie,
maar om te dien en sy lewe te gee as ‘n losprys vir baie.”
Ja dis wat dit beteken om die man van een vrou te wees.
B. En as 'n man die gesinslewe-merkteken dra
van een wat sy “kinders en eie huis goed regeer”
dan is hy 'n man
wat die leer van Christus deur Paulus in Efes 6:4
waaragtig aangeneem het en uitleef.
Dis daar waar Paulus sê:
“vaders ... voed (julle kinders) op
in die tug en vermaning van die Here.”
Verduidelik14
En wat Paulus hier leer
is dat 'n man eers sy kinders en sy eie huis goed regeer
as sy opvoeding van sy kinders regtig opvoeding in die Here is.
As hy regtig besef en dit begin leef
dat opvoeding in die Here opvoeding
vanuit die Woord van die Here is
om so my kinders te bring by bekering en geloof in die Here
en 'n lewe totaal oorgegee aan die Here.
* * * * *
Oorgang
Ja dis'ie merktekens van 'n goeie gesinslewe
14 Vgl 1Timoteus 3,4-5.pdf by http://www.gkdaspoort.co.za/sermons_docs.php
14
wat die manne waaruit die diakens bestaan moet hê.
Hulle moet “manne van een vrou wees
en hulle kinders en eie huis goed regeer.”
En dan moet ons dit wat Paulus hier in vers 12 sê
verstaan in die lig
van wat hy tevore in Efes 5:25 en Efes 6:4 geleer het.
3. En dis so ontsettend belangrik.
En nou's ons by ons derde punt.
Ja vers 12 se merktekens van 'n goeie gesinslewe
is baie belangrik.
Want daar sonder kan manne nie diakens wees nie.
Waarom nie?
Verduidelik15
Wel omdat ons by vers 8 geleer het
dat diakens met dienende selfopofferende liefde leiding moet gee
in ons as kinders van God of as gesin van God se dien-van-mekaar.
Want dis mos waarvoor Christus ons kom verlos het
uit die mag van Satan en sonde
waar ons in self-gesentreerdheid gehaat het.
Ja Christus het ons kom verlos
en van ons sy dissipels en kinders van God gemaak
sodat ons mekaar met selfopofferende liefde kan dien
soos Christus ons ook lief gehad het
en gedien het tot aan die kruis op Golgota.
* * * * *
15 Vgl 1Timoteus 3,8.pdf by http://www.gkdaspoort.co.za/sermons_docs.php
15
En nou moet die diakens bestaan uit manne
wat vir ons as kinders van God of vir ons as gesin van God
leiding moet gee in ons dien-van-mekaar
sodat alles effektief en goed verloop.
Toepassing16
Maar hoe ja hoe gaan manne
aan die gesin van God leiding geen in ons dien-van-mekaar
as hulle nie soos Paulus in vers 12 sê
“manne van een vrou (is nie)
en (nie) hulle kinders en eie huis goed regeer (nie)”.
Ja sonder selfopofferenede dienende liefde regeer nie.
Daardie selfopofferende dienende liefde
waaroor Paulus in Efes 5:25 en Efes 6:4 praat.
Dit kan moes nie.
Ja 'n man moet 'n man van een vrou wees
en haar daarom met selfopofferende liefde dien en lei
en 'n man moet sy kinders en eie huis goed regeer
en daarom sy kinders met selfopofferende liefde dien en lei
anders sal hy dit nooit ooit in die gesin van God kan doen nie.
En dan kan hy ook nie 'n diaken wees nie.
* * * * *
En daarom is dit so belangrik
dat die manne wat ons kies om diakens te wees
waaragtig kinders van God is.
En daarom manne wat vol van die Gees sal wees
en bid dat hulle altyd vervul sal wees met die Heilige Gees.
16 Vgl Poytherss in Recovering Biblical manhod & Womanhood, bl 237; Ridderbos se 1Timkomm bl 99.
16
Verduidelik17
Want vanuit Efes 5:18-22 kon ons al leer
dat selfopofferende dien-van-mekaar
in ons huwelike en huisgesinne net moontlik is
wanneer Christus in ons
verlossend en bekerend en heiligmakend heers
deur die Heilige Gees.
Ja dan alleen kan ons diakens uit manne bestaan
wat “manne van een vrou (is)
en hulle kinders en eie huis goed regeer.”
En ook in die gemeente as gesin van God
leiding kan gee in ons dien-van-mekaar.
* * * * *
Selfondersoek
I So broeders diakens hoe staan dit met ons huwelike?
En ons kinders? Hoe voed ons hulle op?
Is ons waarlik “manne van een vrou”?
En is ons waarlik besig
om ons “kinders en eie huis goed (te) regeer”?
Heers Christus in ons lewens deur sy Gees
sodat ons hierdie merktekens kan hê?
Bid ons daarvoor?
* * * * *
II En ons ander? Onthou: 'n Gees vervulde kerk
het ook 'n diakonie wat uit Gees vervulde manne bestaan.
'n Diakonie wat bestaan uit “manne van een vrou
(wat) hulle kinders en eie huis goed regeer.”
Soos ons hoor in vers 12.
17 Vgl Efes 5,18.pdf by http://www.gkdaspoort.co.za/sermons_docs.php
17
Oorgang
En daarom leiding kan gee in ons dien-van-mekaar
terwyl daar ook vers 11 se vroue moet wees
wat hulle bystaan en help.
4. En nou's ons by ons vierde punt
wat daaroor gaan dat terwyl die diakens bestaan net uit manne
soos vers 12 leer daar ook vroue moet wees wat hulle help.
En oor hierdie waarheid leer ons
wanneer ons vanaf vers 12
eers net weer teruggaan na vers 11 toe
waar Paulus sê:
“Net so moet die vroue waardig wees,
geen kwaadspreeksters nie, nugter, betroubaar in alles.”
Opmerking
Maar nou'sie vraag:
Hoe wys vers 11 ons dat hierdie vroue van vers 11
die diakens moet bystaan en help.
Wel kom ons kyk.
En dan's daar drie dinge in vers 11
wat ons moet raaksien.
A. Die eerste is dit waaroor ons net-nou al gepraat het.
Onthou u: Ek het net-nou gesê
dat Paulus se leer oor'ie vroue in vers 11
soos 'n patty inpas in die hamburger
van Paulus se 'leer' oor'ie diaken-amp in vers 8-10 en vers 12.
En nou wys vers 11
wat soos 'n patty in Paulus se leer
18
oor'ie diaken-amp in pas
iets baie belangrik oor'ie vroue van vers 11.
En wat is dit?
Verduidelik18
Wel dis dat vers 11 se vroue 'n groep op hulle eie is
nie deel van die diakens nie.
Maar as Paulus vers 11 so indruk tussen in die 'leer'
oor die diakens in vers 8-10 en vers 12
dan wys hy ons
dat hierdie vroue tog ook nie los van die diakens is nie.
En wat sê dit?
Wel dat vers 11 se vroue
op 'n manier betrokke moet wees
by die werk van die diakens.
* * * * *
B. Maar hoe? En nou's ons by die tweede ding
wat ons moet raaksien oor vers 11 se vroue.
Ja op watter manier is die vroue van vers 11
betrokke by die diakens se werk?
Verduidelik19
Nou dit kom ons agter
as ons ons gedagtes laat terug gaan
na wat ons by 1Tim 3:4-5 geleer het.
18 NIDNTT vol 3 bl 1065 wys my daarop dat vers 12 waar Paulus weer terug keer na διακονοι ons daarop moet wys, dat hy steeds besig is met die groot tema van 'die diaken-amp' waarmee hy begin het in vers 8 (vgl Knight se 1Tim komm bl 170). Dit sê dan ook dat die γυναικας, na wie Paulus oor gegaan het in vers 11, maar wat hier in 'n gedeelte in pas waar dit in hoofsaak gaan om 'die diaken-amp', op een of ander manier pas en saamgaan met die διακονοι, en dat die γυναικας een of ander 'diakonale' werk het (vgl NIDNTT vol 3 bl 1065-1066; Knight se 1Tim komm bl 171; Knight in Recovering Biblical Manhood & Woman hood, b; 354; Ridderbos se 1Tim komm bl 98,99). Dat vroue besig was in dienswerk om so armes en weduwees by te staan sodat hulle nie meer die gebrek en hartseer van hierdie ou sondige wêreld hoef te beleef nie – een van die arias waarin diakens leiding gee (vgl 1Timoteus 3,8.pdf) – sien ek bv in Hand 9:36-39; Rom 16:1-2, 12 (TDNT vol 1 bl 788; NIDNTT vol 3 bl 1065-1066; Ryken se 1Tim komm bl 131).
19 Vgl 1Timoteus 3,4-5.pdf by http://www.gkdaspoort.co.za/sermons_docs.php
19
Daar't ons geleer dat daar 'n ooreenkoms is
tussen die regering en leiding
wat 'n gelowige-pa in sy huisgesin gee
en die regering en leiding
wat 'n ouderling in die Kerk moet gee.
En hoekom? Wel toe ons by vers 4-5 was
kon ons leer dat die Kerk God se gesin is
wat bestaan uit God se verloste kinders.
En daarom is daar 'n ooreenkoms
tussen 'n verloste huisgesin en die Kerk as God se gesin.
* * * * *
En met dit gesê moet ons nou begin agterkom
hoe die vroue van vers 11 betrokke moet wees by die diakens.
Verduidelik20
Want geliefdes gelowige vroue
sal raaksien in 1Tim 3:4-5
dat die Kerk die gesin van God is.
En dat dit in die Kerk as gesin van God moet gaan
soos dit in 'n verloste huisgesin moet gaan.
* * * * *
En hoe gaan dit in 'n verloste huisgesin?
Wel vanuit Efes 5:22-6:4
en ook vanuit Efes 2:10 en Efes 2:15 leer ons
20 Vgl Poythres in Recovering Biblical Manhood & Womanhood bl 239; Knight se 1Tim komm bl 171; Bouma se 1Tim komm 71. Prof Jorrie skryf in sy getuie voor die 2009 sinode soos volg: “Wat die vrou in die diakendiens betref, moet elke teks verstaan word binne die openbaringshistoriese lyne vanaf Skepping tot Voleinding, en binne die groot raamwerk van die Koninkryk van God, waardeur Hy in Christus deur sy Gees oor sy kerk regeer, met gebruikmaking van menslike dienaars wat Hý daartoe aanstel. Hierdie breë openbaringslyne is reeds in die 1988-rapport uitgelig en word weer in die 2009-rapport aangeraak. Laat ek dit in ‘n paar sinne saamvat: Ons begin by die skepping: In Gen 2 lees ons dat God aan die begin die man as hoof gestel het en die vrou as hulp wat by hom pas. Sondeval: Met die sondeval (Gen 3) word hierdie mooi verhouding versteur. In plaas daarvan orn liefdevolle hoof van die vrou te wees, sal die man in sonde oor die vrou heers. En die vrou sal nie tevrede wees om dieman se hulp te wees nie maar sy sal begeer om haar man se plek in te neem. Albei hierdie gevolge van die sonde moet bestry word. Herstel: Wanneer die herstel in die NT deur Christus in sy kerk aangebring word, ontvang vroue ‘n regmatige, belangrike plek in die kerk, maar LET WEL, sonder om die plek van die man in te neem (laasgenoemde sou immers ‘n kontinuering van die sonde-gevolge wees). In Ef 5 hoor ons: Soos die hoofskap van die man en die hulpskap van die vrou in die huwelik gegee is, so moet ook in die kerk Christus se hoofskap deur manne se optrede en die kerk se diensbaarheid deur vroue se optrede uitgebeeld word. In die lig hiervan maak ook die sg. swyggebod van 1 Kor 14 en 1 Tim 2 sin. Hierdie tekste raak natuurlik die diens van ouderling en Woordbedienaar direk. Maar gesien binne die breë openbaringslyne van die Skrif is daar geen rede om die dieris van diaken hiervan uit te sluit nie. Ook in die diakonale dienswerk behoort Christus as hoof en die kerk as dienares na vore te kom in die optrede van manlike en vroulike lidmate.”
20
dat God in Christus weer sy goeie skeppingsorde herstel.
Ook daardie orde waarvan God praat in Gen 2:18
waar God sê: “Dit is nie goed dat die (man) alleen is nie.
Ek sal vir hom ‘n hulp maak (die vrou) wat by hom pas.”
* * * * *
En dan? Wel dan verstaan die vroue van vers 11
dat diakens wat bestaan uit manne in die Kerk
as die gesin van God leiding gee in ons dien-van-mekaar.
En die vroue van vers 11 dan
wat so betrokke is by die diakens?
Wel hulle help dan.
Want hulle weet gelowig
dat dit is waarvoor God hulle geskep het
en in Christus weer kom herskep het.
Dis om hulp te wees in hulle eie huisgesinne
maar ook in die Kerk as gesin van God.
Daarom help vers 11 se vroue die diakens.
* * * * *
So dis hoe die vroue van vers 11 betrokke is by die diakens.
Hulle help die diakens.
Hulle is vroulike-helpers van die diakens.
C. Maar wie presies is hierdie vroulike-helpers?
Opmerking
En dis'ie derde ding
wat ons moet raaksien van die vroue van vers 11.
Ja wie presies is hierdie vroulike-helpers van die diakens?
21
I.21 Nou geliefdes in my oplees werk
het ek agter gekom dat kinders van die HERE verskil
oor wie hierdie vroulike helpers van die diakens is.
Party sê dat hierdie vroue die diakens se vroue is.
II.22 Ander sê weer: Dis'ie weduwees
van wie ons lees in 1Tim 5:9-10
wat een of ander diens-werk in die Kerk verrig het.23
* * * * *
En wat moet ek nou vir u sê?
Wel as ek hieroor praat moet ek sekerlik nederig wees.
En in nederigheid vra ek dan:
Moet ons nie maar net bly by die teks van vers 11 nie.
Verduidelik24
En wat ons vanuit vers 11 sien
is dat die vroue van vers 11 nie deel is van die diakens nie.
En tog is hulle as helpsters betrokke by die diakens.
I. En dan kan hierdie vroue sekerlik die diakens se vroue wees.
Want die Griekse woord vir vroue sê vir ons
dat ons vroue hier as die diakens se vroue kan verstaan.
II. Maar vers 11 se vroue
kan ook die weduwees van 1Tim 5:9-10 wees.
Want die Griekse woord vir die vroue van vers 11
sluit ook weduwees in.
21 Het ek dalk hier te doen met die γυναικας van die diakens? Daar is argumente vir en teen die γυναικας as die γυναικας van die diakens. Dat die γυναικας hier kan verwys na die vroue van die diakens volg uit die konteks van vers 12 wat volg op vers 11. Daar het γυνη die betekenis van 'die vrou van ...' Dit maak dan net sin dat γυναικας van vers 11 ook die betekenis het van 'vroue van ...' (Schreiner in Recovering Biblical Manhood & Womanhood bl 220, 505; Ryken se 1Tim komm bl 131). Hierteen kan ingebring word dat as hier sprake was van die vroue van die diakens mens tog iets soos γυναικας αυτων kon verwag (vgl Ridderbos se 1Tim komm bl 99; Schwertley, A Historical and Biblical Examination of Woman Deacons, bl 108).
22 Vgl Schwertley, A Historical and Biblical Examination of Woman Deacons, bl 117-13223 Vgl Knight se 1Tim komm bl 225-227; NIDNTT vol 3 bl 1065; Ryken se 1Tim komm bl 208-20924 Vgl NIDNTT vol 3 bl 1055, 1058
22
III. Maar vers 11 se vroue kan ook meer wees
as net die diakens se vroue en die weduwees van 1Tim 5:9-10.
Want die Griekse woord vir vroue in vers 11
gaan oor meer as net getroude vroue en weduwees.
* * * * *
Die belangrike is dat ons mooi moet kyk na vers 11.
Na die konteks van vers 11.
En na wat daar in die teks van vers 11 staan.
En dan sê vers 11 self vir ons wie die vroue is
as Paulus daar sê:
“Net so moet die vroue waardig
(of vanuit 'n Godvresende lewe agting waardig25) wees,
geen kwaadspreeksters (of vroue wat skinder26) nie,
nugter, betroubaar in alles (wat hulle moet doen27).”
Verduidelik28
So sien u? Die vroue helpsters van vers 11
moet vroue wees wat spesifieke merktekens het.
Merktekens wat hulle net kan hê
as Christus werklik verlossend en bekerend en heiligmakend
in hierdie vroue woon en werk.
Ja sulke vroue moet in die Kerk helpsters
vir die diakens wees.
* * * * *
25 Vir betekenis van σεμνος sien eksegese by vers 8. Dit gaan hier om 'n lewe wat agting waardig is omdat dit 'n lewe in ware Godsvrees is.
26 μη διαβολους = μη + adjek akk mv van διαβολος, met die betekenis van 'nie lasteraars nie'/ 'nie die wat skinder nie'/ 'nie die wat sleg praat oor ander nie' (Baljon bl 213; TDNT vol 2 bl 81). Die adjek διαβολος het net een vorm vir ml/vl (Paradigma-boekie, bl 8) – in hierdie geval sal dit vl wees omdat μη διαβολους vir γυναικας verder beskryf. Hierdie tweede merkteken van die γυναικας het te doen met ''n praat-sonde'. So is dit ook by die διακονους. Die tweede merkteken van μη διλογους (vers 8), gaan oor 'n ''n praat-sonde' (vgl Knight se 1Tim komm bl 172; Ridderbos se 1Tim komm bl 99; Macarthur se 1Tim komm bl 130).
27 πιστας = adjek vl akk mv van πιστος. εν πασι wys my op die sfeer/terrein waarin γυναικας πιστας is (vgl Greek grammer beyond basics bl 372). πιστας εν πασι het dan, so meen ek die betekenis van 'betroubaar in alles wat γυναικας moet doen' (Baljon bl 784; Knight se 1Tim komm bl 173; Macarthur se 1Tim komm bl 130).
28 Gal 5:19-23; Efes 5:9,18
23
Toepassing
En nou'sie vraag:
Is ons as die Gereformeerde Kerk Daspoort gehoorsaam
aan wat Paulus in vers 11 leer?
Het ons sulke vroue wat helpsters is vir ons diakonie?
Nee! Nie op die oomblik nie.
So wat nou? Gaan ons wat ons in vers 11
by die apostel van ons Here gehoor het
maar net laat verby gaan?
Of gaan ons ons Bybels optel en weer lees
en verder leer en gehoorsaam word. Hê geliefdes?
* * * * * Oorgang
So geliefdes dit is wat ons nou kon leer
oor die diaken-amp vanuit vers 11-12.
A. Vers 12 maak dit vir ons baie duidelik.
Die diakens uit bestaan uit manne.
Manne wat behalwe vir die merktekens van vers 8-9
ook die merktekens het van 'n goeie gesinslewe.
Soos vers 12 leer.
B. Vanuit vers 11 kon ons leer
dat daar ook vroue moet wees.
Hierdie vroue is nie deel van die diakens nie.
Want die Net so van vers 11 wys ons
dat hulle 'n ander nuwe groep is naas die diakens.
Maar dan baie belangrik:
Hierdie vroue van vers 11 is tog ook betrokke by die diakens.
24
En ons kon ook leer
dat hierdie vroue helpsters vir die diakens moet wees.
* * * * *
So ja dis wat ons in vers 11-12 kon leer
oor die diaken-amp.
5. Maar dit bring ons nou by vers 13
en twee wonderlike beloftes vir diakens.29
Nou in vers 13 sê Paulus:
“die wat goed gedien het,
verkry vir hulle ‘n eervolle plek
en veel vrymoedigheid in die geloof in Christus Jesus.”
En dan's hierdie beloftes in die eerste plek vir die diakens.
Hoekom?
Verduidelik30
Wel omdat daardie 'dien' as Paulus sê:
“die wat goed gedien het ...” in hierdie konteks
waar dit gaan oor die diaken-amp
in die eerste plek die betekenis het
van “die wat goed gedien het as diakens ...”
* * * * *
Daarom dat ons in vers 13 in die eerste plek hoor
van wonderlike beloftes vir diakens .
En is dit nie wonderlik nie!!
29 Met γαρ sluit Paulus die perikoop oor die diaken-amp gevolgtrekkend af. Die wat die merktekens het om in die diaken-amp te staan en diaken-werk te doen en hierdie werk goed gedoen het βαθμον εαυτοις καλον περιποιουνται και πολλην παρρησιαν εν πιστει τη εν χριστω ιησου (vgl Greek grammer beyond basics bl 673; Ridderbos se 1Tim komm bl 99; Lange se 1Tim komm bl 42). Ek sou dan οι γαρ καλως διακονησαντες as volg parafraseer: 'uiteindelik dan, die wonderlike uitkoms vir hulle wat as diakens goed gedien het, is dat hulle ...'
30 διακονησαντες = aor part akt ml mv van διακονεω. οι … διακονησαντες wys terug na διακονοι van vers 12 (vgl Knight se 1Tim komm bl 173). οι … διακονησαντες is dan hier die subj van περιποιουνται en het die betekenis van 'hulle wat gedien het' (Knight se 1Tim komm bl 173). In hierdie sin kan οι … διακονησαντες dan ook sien op die ouderlinge van vers 1-7. Wanneer διακονεω so absoluut staan soos hier en in vers 10 gaan dit egter spesifiek oor 'dien as diaken'. Die nabye konteks van vers 12 dui ook in hierdie rigting. Dus: ek kan οι … διακονησαντες ook parafraseer met: 'hulle wat as diakens gedien het' (Baljon bl 216; Knight se 1Tim komm bl 173; Bouma se 1Tim komm bl 72; Clark se 1Tim komm bl 63).
25
A. Want diakens wat goed dien soos God dit wil31
met ware selfopofferende liefde
“verkry vir hulle ‘n eervolle plek ...”
So leer Paulus in vers 13.
En hoekom is dit so?
Verduidelik32
Wel omdat Christus mos gesê het in Mark 10:44
“elkeen wat onder julle die eerste wil word (in 'n eervolle plek),
moet almal se dienskneg wees.”
Daarom dat 'n diaken wat waarlik 'n diaken is
en almal se dienskneg word
uiteindelik 'n eervolle plek sal ontvang.
B. Maar ook “veel vrymoedigheid
in die geloof in Christus Jesus”
leer Paulus net verder aan in 1Tim 3:13.
Verduidelik33
En hierdie vrymoedigheid
is om groot sekerheid te hê oor jou saligheid.
En diakens wat goed dien
met ware selfopofferende liefde soos Christus
kan al hoe meer sekerheid hê oor hulle saligheid.
31 καλως = bw van wyse en verwant aan die adjek καλος (Baljon bl 485). By 'n ww wat gaan oor plig/taak, soos hier, het καλως die betekenis van 'eerlik'/ 'opreg'/ 'goed'/ 'prysenswaardig'/ 'op die regte manier' (Baljon bl 485; TDNT vol 3 bl 549; Knight se 1Tim komm bl 173). οι ... καλως διακονησαντες hou in dat 'n diaken so sy diaken diens gedoen het dat dit in ooreenstemming is met die wil van God vir die diaken-amp – vgl Miga 6:8; Heb 13:20-21; Sondag 33 v/a 91 (NIDNTT vol 2 bl 103-104).
32 βαθμον word verder beskryf deur καλον (vgl Knight se 1Tim komm bl 174), wat hier die betekenis het van ''n goeie/ voortreflike stand/ posisie' (TDNT vol 3 bl 550; Knight se 1Tim komm bl 174). Verklaring: Ek verstaan βαθμον ... καλον deur na die volgende tekste te kyk. Mark 10:43 - “elkeen wat onder julle groot wil word, moet julle dienaar wees.” - vgl ook vers 44; Mark 9:35. Wat ek hier leer is dat elke diaken wat goed dien – dus soos God wil hê, en daarom in navolging van Christus se selfopofferende dien in liefde (Mark 10:45) – sal ook 'n goeie staan plek in die Kerk hê – hy sal groot wees. Juis omdat hy in nederigheid dien (vgl Ryken se 1Tim komm bl 135).
33 Vgl NIDNTT vol 2 bl 734; Baljon bl 747; Knight se 1Tim komm bl 174
26
Bewys34
“want dit is God wat in (sy kinders) werk
om te wil sowel as om te werk na sy welbehae.”
So leer Paulus in Fil 2:13.
So as 'n Diaken goed dien kan hy weet:
Dis nie ek nie. Dis God wat in my werk.
En in Fil 1:6 sê Paulus dan dat God
“wat ‘n goeie werk in julle begin het,
dit sal voleindig tot op die dag van Jesus Christus.”
Sodat diakens “veel vrymoedigheid
in die geloof in Christus Jesus” kan hê.
Ja groot sekerheid oor hulle saligheid
deur die geloof in Jesus Christus.
* * * * *
Slot
En vir ons geliefdes?
Is hier nie vir ons en die vroue van vers 11
wat die diakens gehelp het ook 'n belofte nie?!
Ja daar is!
Wanneer ons onder die leiding van die diakens dien
met selfopofferende liefde
dan kry ook ons veel vrymoedigheid
in die geloof in Christus Jesus.”
34 Die betekenis van και πολλην παρρησιαν εν πιστει τη εν χριστω ιησου word vir my ook duideliker deur te kyk na die volgende teks: Mat 25:21 - “En sy heer sê vir hom: Mooi so, goeie en getroue dienskneg, oor weinig was jy getrou, oor veel sal ek jou aanstel. Gaan in in die vreugde van jou heer.” Wat hierdie teks vir my sê is dat 'n diaken se goeie diens-werk as diaken vir hom πολλην παρρησιαν gee, in die sin dat hy nou groter sekerheid verkry dat hy sekerlik sal in gaan in die ewige KK van God. Hierdie πολλην παρρησιαν kom altyd deur die geloof in Jesus Christus – εν πιστει τη εν χριστω ιησου (Efes 3:11-12; Greek grammer beyond basics bl 372). Maar nou word dit meer. Juis omdat my geloof ook bestaan uit die geloofskennis dat ek sekerheid kry van my saligheid deur my nuwe lewe van dien. My lewe van dien sê vir my dat ek deur God gered is en vernuwe word tot diens, sodat God ook eenmaal vir my die woorde van Mat 25:21 sal sê – vgl ook 1Joh 2:3-6; 3:14; Sondag 32 v/a 86; DL 5:10 (vgl Knight se 1Tim komm bl 174; Ryken se 1Tim komm bl 135).
27
Verduidelik
Want in 1Joh 3:14 leer die apostel dat:
“Ons weet dat ons oorgegaan het uit die dood in die lewe,
omdat ons die broeders liefhet.” En dan ook dien.
* * * * *
Geliefdes kom ons bid
dat Paulus se leer oor die diaken-amp ons sal aangryp.
Kom ons bid
dat ons Here verlossend en heiligend
in ons sal heers deur sy Gees
sodat ons al meer in selfopofferende liefde mekaar kan dien.
En Diakens kan hê wat ons leiding hierin gee
en vroue wat hulle kan help.
Antwoorddiens
Amen
Psalm as antwoord op die Woord – Ps 25: 6
Gebed
28
Barmhartigheidsdiens
Psalm tydens kollekte : Ps 65: 4, 6, 7
Slotpsalm : Ps 138: 3, 4
Wegstuurseën.
Ontvang nou die seën van die HERE en gaan in vrede.
“Die genade van die Here Jesus Christus
en die liefde van God
en die gemeenskap van die Heilige Gees
sy met julle almal!
Amen.
29
