EKALESIA FAAPOTOPOTOGA KERISIANO AMERIKA SAMOA · ME - IUNI ANOTUSI FA’AU’UGA ... Tamā 3 Mafaufauga Faaleagaga 4 Faamaoni i le Atua 5 Faasoa mai Faiaoga o le Kolisi Faa-faifeau

LAMEPA EKALESIA FAAPOTOPOTOGA KERISIANO AMERIKA SAMOA

LOMIGA

ME - IUNI

FA’AU’UGA LONA 33 SEMINARE FAAFAIFEAU KANANA FOU ANOTUSI

Tala Fa’au’uga 1

Faa-feagaiga Amaua 1

Faatonu 2

Failautusi 2

Lauga 3

Manuia le Aso Sa o Tamā

3

Mafaufauga Faaleagaga 4

Faamaoni i le Atua 5

Faasoa mai Faiaoga o le Kolisi Faa-faifeau

7

Filifiliga 9

Tatalaina le Maota o le ‘Au-uso

11

Tala mai le Kolisi Faafaifeau Kanana Fou

12

Tala mai le A’oga Maualuga Kanana Fou

13

Mo tupulaga talavou 14

Osifeagaiga le Susuga i le A’oa’o ia Aneli ma le faletua ia Vaeotemako Fakaofo ma le

Ekalesia EFKAS i Amaua

Susuga i le A’oa’o ia Aneli

ma le faletua ia Vaeotemako

Fakaofo

Afutoto Seanoa, ina ua mae’a le taumafai-

ga mo tausaga e fa (4) i le kolisi faa-faifeau

i Kanana Fou, ma toe fa’aauauina ai le

taumafai mo le faailoga o le Bachelor of

Divinity mo nai isi tausaga mulimuli ane.

Na toe taliu atu le susuga i le aoao i Tuvalu

ma toe foi mai ai i Tutuila nei ma nonofo

mau au ma faaauau ai le auaunaga, ma va-

laauina ai e le Ekalesia i Amaua e fai ma o

latou tofi faifeau. O le susuga i le aoao ma

le faletua e toalua o la alo.

Avea foi lenei itula e momoli atu

ai alofaaga o le Lamepa, ia manuia tele le

galuega fou ua valaauina ai oulua e le

Atua. Soifua.

O mo’omo’oga o matua ma aiga, o le ola o

le fanau ia faaogaina mo le Atua ma lona finagalo.

Pei ona iai le faamoemoe o le faauuga o le Kolisi

Faafaifeau a le Ekalesia i le aso 8 o Iuni 2019, i le

lona Tolusefulu Tolu lea o faauuga talu ona faa-

vaeina. O le Susuga i le Taitaifono o le Komiti o

le Au-Toeaina, Fiti Aofia F.T., sa avea ma ta’ita’i.

O le tatalo sa feagai lea ma le susuga i le toeina ia

Ioane Evagelia F.T., ae o le faitauina o le Tusi

Paia, sa fofogaina lea e le susuga i le faifeau ia

Sanerivi Mulitalo F.S. O le lauga autu o le aso, sa

gafa ma le Susuga i le toeina ia Kereti Faiai F.T., I

lea aso sa faatumulia i le aufaigaluega totofi a le

Atua mai fata faitaulaga e fia e le gata o Tutuila

ma Manu’a, a o atunuu mamao, o

aiga, uo ma e masani o i latou uma sa

a’otauina i le Seminare faa-faifeau

mo lenei foi tausaga. O le lagona

me’eme’e, ao le loimata foi o le fiafia sa

vaaia i lea aso, e le gata i Susuga i A’oa’o ma

faletua sa tausiniō mo le fa tausaga, ao le ‘au

faigaluega totofi a le Atua, ma aiga i le faiva

o tapuai. O le susuga i le alii Pule, le Foma’i

ia Moreli Niuatoa, sa faia le ripoti tusitusia

mo lenei foi tausaga faalea’oa’oga 2018-

2019.

Sa faalauiloaina ai Susuga nei i A’oa’o

e toa sefulu ma le tasi, ua faamanuiaina mo le

faailoga o le Bachelor of Divinity, ma faletua

e toa ono mo le faailoga o le Certificate in

Theological Study.

SUSUGA I A’OA’O MA FALETUA TAUSAGA IU

2016 - 2019

Fa’aauau itulau 12

“Auā ua logo atu i tagata

uma lava lo outou usiusitai;

o lea ou te olioli ai ona o

outou. Ou te manao foi ia

outou popoto i mea lelei, a ia

valelea i mea leaga.”

Roma 16:19

I le aso Aso Toonai 04 o Iuni 2019, sa

osia ai le feagaiga a le susuga i le A’oa’o ia

Aneli ma le faletua ia Vaeotemako Fakaofo ma

le Ekalesia i Amaua. Na amata lava i le feiloaiga

a aiga ma le Ekalesia, ona sosoo ai lea ma le

osia o le feagaiga i le malumalu o le ekalesia i

Amaua lava. Ma sa taitaiina lava e le Susuga i le

Toeina o le Pulega a Sua ma le Vaifanua, ia

Kereti Fai’ai F.T., ma nisi o le ‘au faigaluega

totofi a lea lava pulega.

O le susuga i le A’oa’o ia Aneli ma le

faletua o Vaetemako Fakaofo, e mai le Ekalesia

Tuvalu. Ma e valaau le ekalesia i Amaua o

galulue i le ekalesia i Petesa-Uta i le taitaiga a le

Susuga i le Toeina ia Tusi ma le faletua ia

2

EKALESIA FAAPOTOPOTOGA KERISIANO AMERIKA SAMOA

Upu a le Fa’atonu O le vi’iga ma le loto fa’afetai i le Atua, ina ua aulia mai

la tatou sāvaliga i nei masina fou, o Me ma Iuni i lona alofa ma

le agalelei. Talofa, talofa lava.

O pese ma musika o lo’o ta’oto ai tala o lo tatou tuana’i

faapea tala o le fa’aauau. O tala i tū ma aga, o manatu ma lago-

na, o le loto ma le agaga. O pese ua pepese ai fa’atasi o tagata i

le ala na sāvalia, o ala fiafia ma le faigatā, o ala o le pogisā ma

ala o le malamalama, o le tausinioga ma le fa’ateleina.

O nei masina, o le tagata ua i lona loto le vi’iga ma le

pese e usuina, o le Atua o le amataga o mea uma, ma le Alii ua

manava mai le ola ma avea le tagata ma paleali’i o ana galuega.

O le tausimea mo lana foafoaga, i le vāteatea, i le sami, i le

‘ele’ele, i vai ma vaipuna, o manu felelei ma manu fetolofi, o

manu vaefā ma ‘ia o le sami, ma la’au o le vao ma le atulaulau,

lea ua vala’auina e le fai Salamo, o tagata uma ma le lalolagi

atoa, ina ia o maia, ina ia tatou pepese atu i le Alii le pese fou.

Ia tala’i atu le fa’aolataga ma ana vavega e silisili ‘ese o Ia i

atua uma, o le Atua na faia mea uma ma le matagofie, o le Alii

o lo’o afio i lona Malumalu ma le malosi uma lava. Ina ua avea

i tatou ma kerisiano moni, o lenei ua tatou pepese fa’atasi i le

pese fou ua Toetū le Alii, e ui ina ua lē avea i tatou ma tausi

mea lelei mo le Atua ma lana foafoaga peita’i, o le Atua lava

na te fa’aauau lana foafoaga, atoa ma lana tagata ua fanau foui-

na mai le agasala, e ala i le togiola ia Keriso Iesu. O le tōfa

mamao ma le ūtaga loloto, e agatonu ai o fa’atinoga, o le

mātaisau ma le poto silisili o le Atua ua aumaia i lana fanau,

ina ia avea ma tausi mea lelei mo lana foafoaga. O le pese fo’i

lea a le tagata lotu i nei masina o le tausaga, o le vi’iga ma le

fa’ane’etaga ona o le Alii Toetū ua ia aumaia le loto fou e avea

ai i taua ma tausimea lelei, atoa ai ma le fa’atuatua ma le loto

fa’atalitali i le Alii, ina ia manuia ai o feau ma galuega ua

galulue ai. O nei fo’i masina, ua fa’ailoa taiala ma fa’atinoga a

Ofisa ma Matagaluega a le mālō, fa’apea le fa’aiuina o a’oga a

le mālō ma ekalesia, o le talotalo i auala ina ua fa’agae’etia

tagata ma fa’ailoa taunu’uga manuia, ua potopoto foi

aufaigaluega i le Malumalu, ma ave le vi’iga fa’afetai, ona o le

Alofa o le Atua, tatou te manatua ai lo tatou tu’anai ma le

fa’aauau. E manatua fo’i le pese a Hana. O le tinā ma lona

tuana’i, ua fa’afofogaina e le Alii lana tatalo, ma foa’i mai e le

Alii le tama o Samuelu, ma ua ō atu ma Elekana, ma ave le

tama ia Eli le ositaulaga, e faia ai o ana feau. O le pese fiafia

fo’i lea ai tatou uma, ma avatu le vi’iga ma taulaga i le Alii i

lenei masina o Me, mo le Alii ma lana galuega. Ia manuia tele

la ta foa’i, mo le Atua ma ana feau..

O le Lauga fa’apea ma fa’asilasilaga, o tusitusiga ma le

anofale o fa’atinoga, o le a fa’ailoa atu e le susuga i le Failau-

tusi Aoao a le Ekalesia, fa’apea susuga i A’oa’o ma le Faletua,

fa’apea ma le Ofisa o le Lamepa.

Ia manuia lau tapuaiga

MAI LE FAILAUTUSI

Aso:

Oketopa 15-18, 2019 i Kanana Fou.

* O le Komiti o le Iloiloga:

1. Laulaufono a le Fonotele (4)

2. Sui mai i Komiti Tumau: (44)

a. Komiti a le 'Au Toeaina - Totino uma (34).

e. Komiti Fa'amisionare, Komiti o Tupe,

Komiti o Feau Eseese, Komiti o Aoga,

Komiti o Atinae. Na'o le ta'ita'i-Komiti ma

le sui e to'atasi (10)

3. Sui mai i Mafutaga Tumaoti: (5)

a. Mafutaga Aoao a Tina, Mafutaga Aoao

a Tiakono, Mafutaga 'Au Taumafai,

Mafutaga 'Au Leoleo, Mafutaga Aoao a

Tupulaga -

E to'atasi le sui mai le Mafutaga (5)

4. Sui mai i Matagaluega: (58)

a. Failautusi o Matagaluega (10)

e. To'alua (2) sui mai i Pulega (48)

5. Loia Fautua a le Ekalesia (1)

6. Peresitene, Seminare (1)

7. Faatonu, Ofisa o Aoaoga Kerisiano (2)

8. Sui Ofisa Tutotonu (2)

* O le aofaiga o sui o le a feagai ma le iloiloga

lona VII o le Faavae a le EFKAS, e to'a 117.

* E fa'amanatu atu i nofo-a-Matagaluega, aemaise o

failautusi o Matagaluega ta'itasi o le EFKAS, e tatau

ona oo atu i le masina o Iuni ua fa'aoo mai le Ofisa o

le Failautusi Aoao, o mataupu uma o loo fuafua mo le

iloiloga o le Fa'avae ia Oketopa. E lelei le faavave o'o

mai o mataupu i le taimi e mae'a ai fonotaga a Mata-

galuega, ina ia lava se taimi e tapena ai le Ofisa mo le

tu'u-faatasiga o mataupu mo le iloiloga.

3


Saunia : Rev. Leitualasa Malieitulua

E.F.K.A.S. Nuuuli

Matua: Esoto 1: 17

A ua matata’u i le Atua e na fa’atosaga i fanauga, e lei faia

foi le mea na fai atu ai le tupu o Aikupito ia te i la’ua, a ua la

faaola lava i tama tane.

Manatu Autu: Vala’au le Fa’atosaga

E lē fa’aitiitia le agaga o le fa’afetai i le Atua ona ua

tatou aulia mai ai i lenei foi aso matagōfie e fa’asino i Tamā

uma lava o si o tatou atunuu.

A o mafaufau i lenei aso i le galuega fa’a-Tamā o lo’o

faia pea e Tamā uma, e lagona lava le agaga o le faafetai i

Tamā uma, ona e lē faigofie tiute ma faiva fa’a-Tamā e pei ona

tau’aveina e Tamā i aso uma. Auā e talitonu ai tagata Samoa o

le Tamā lava ia, o le ulu lea o le āiga. O lo’o ia te ia le malosi.

O lo’o ia te ia foi le tofā mamao ma le tofā manino. A e le

gata i lea, a ‘o le fa’autaga foi e ta’ita’iina ai ana fa’ai’uga lelei

auā le tausiga o aiga ma le manuia o tagata uma.

O le Tamā lelei e mamao lana silasila, e loloto foi ona

manatunatuga, e malosi foi lona soifua gālue auā e tu’u atoa

lona malosi, ma lona agaga i mea uma e na te faia auā le tausi-

ga o lona aiga, fa’apea foi le atina’eina o lona nu’u ma lana

ekalesia. O lona uiga, o le Tamā lelei o se tagata e fa’alagolago

i ai lona aiga. E latou te fa’alagolago lava i lona malosi ma

lona atamai, o lana tofa ma le faautaga, ina ia ola le aiga i le

manuia ma le filēmu. O lona uiga, e mafai ona faapea, o le ola,

po’o le oti foi o se aiga, o lo’o i lima o le Tamā.

E fa’apenā uma lava, le galuega lea a le Fa’atosaga e

pei ona ta’ua e le tala na o tatou faitauina mai le Esoto. Auā e

fa’alagolago le Tinā o le ‘ā fanau mai, i le fa’atosaga e fanau

ai. Afai la e vala’au le fa’atosaga, e pei ona tau fai mai ai le

manatu ‘autu o lenei aso, o le vala’au lava e faia, ona o le ola, o

le ola o le tinā ma le pepe fou e fia puipuia, e fia fa’asaoina foi.

O lona uiga, e fa’amoemoe le Tinā ma le pepe fou i le

fa’atosaga. E fa’amoemoe i lona poto ma lona atamai e fai ai

lana galuega. E fa’amoemoe foi i lana silasila fa’apea foi lona

malosi auā o lo’o i ai i ona lima le ola o le pepe fou lea o le ā

fanau mai.

Peitai, e ‘ese lava le vala’au lea na vala’au atu ai le

tupu o Aikupito i ē na fa’atosaga i le fa’a-fanāuina o fafine

Eperu. E le o se vala’au mo le puipuiga o se ola, a o le vala’au

ina ia fasiotia tama Eperu o le a fananau mai e taofiofi ai le

fa’atuputeleina o tagata Isaraelu i totonu o Aikupito. O le

fa’atonuga ina ia fasiotia tama tane Eperu uma o le ā fananau

mai. Peitai ua le mafai ona fai e la’ua lenā mea. Aisea?

Auā e pei ona ta’ua i le fuaiupu ua avea ma matua o le

lauga, ua matata’u i la’ua i le Atua soifua.

A o le mea lava lea e iloa ai le moni ma le fa’amaoni

o le tagata e mata’u i le Atua. E fa’amuamua lava le faia o

lona finagalo. E po’o le ā le faigata, a o ā foi fitā o lo’o feagai

ai, e lē māluelue le fa’atuatua o le tagata e mata’u i le Atua. E

faia lava e ia le amiotonu. E faia foi e ia le mea e sa’o, e tusa

ma le finagalo o le Atua. O le mafu’aga lenā, na agalelei ai le

Atua i ē na fa’atosaga i le fa’afanauina o tinā, e ala i le fai ai o

aiga mo i la’ua. Sa i o la’ua lima, le ola o Isaraelu, a e na faia

lava e la’ua le finagalo o le Atua e toatasi.

Le Paia e o le ekalesia, aemaise foi Tamā uma o lo’o

fa’asino ai le fa’amoemoe o le aso faailogaina o Tamā mo

lenei foi tausaga, ao i latou uma o le au-faitau lamepa i lenei

foi masina, mālō fa’afetai le fa’amālolosi. A o le fa’amanatu

lava lea mo i tatou, ae maise foi Tamā uma. O le a? O lo’o i

ō ‘outou a’ao le ola o lou aiga ma lau ekalesia. O lo’o i ō

outou a’ao foi le ola o nai o a tatou fanau. O le ā la le mea e

ao ona fai? Fai le finagalo o le Atua, faia ma le fa’amaoni,

faia foi ma le amiotonu, a e afīfī mea uma i le alofa auā o le

finagalo o le Atua lenā mo i tatou uma. Soifua ma ola i le alo-

fa, ola i le loto maualalo, ola i le amiotonu o le Atua, auā o

lo’o ia te oe, o lo’o ia te a’u, o lo’o ia i tatou Tamā uma o si o

tatou ekalesia, le manuia ma le filēmū o ō tatou aiga, o le

nu’u, le atunuu, aemaise foi lana ekalesia.

Le ‘au uso e, ‘aua ne’i māmulu ese mai i ō tatou lima

le manuia ma le filēmū o ō tatou aiga, fa’apea foi le ekalesia.

Fai le finagalo o le Atua, ma ia u’umau i o outou a’ao ma o

tatou lima le manuia ma le filēmu sasa’a mai o le Atua i o

tatou luga.

Amene.

~~~~~~~~~~~~~~~~~~~~~~~~~

IA MANUIA TELE LE ASO O TAMÃ

Autu: “Ia manuia le aso tamã” [Happy Fahter’s Day].

Matua: Esoto 20:5 - "... auā o a’u lou Alii lou Atua, o le

Atua fuã, o lē taui i fanau le amioletonu a o latou mãtua ...

" [for I, the Lord your God, am a jealous God. I punish the

children for the sins of the fathers to the third and fourth gen-

erations of those who hate me. NEB].

“O LE TINO o le faailoga vaaia o le soifuaga ola o

le tagata o lo’o i ai le agaga.” [The human body is an instru-

ment for the production of art in the life of the human

soul. ANW].

Na faia i le university of Harvard se su’esu’ega ina ia

sailia ai poo le a se fesootaiga o tamaiti o loo a’afia i soliga

tulafono ma o latou matua---o e ua malosi le inu ava; e le gata

i le tamã a e faapea foi i le tinã. O le i’uga na maua e fa’apea:

(1) E to’a 6 mai le 10 tamaiti e a’afia i soliga tulafono, e

malosi le inu ‘ava-malosi o matua; (2) E to’a 3 mai le 4

tamaiti e a’afia i soliga tulafono, e lē a’oa’oina lelei e matua a

latou amio; (3) e to’a 4 mai le 5 tamaiti e a’afia i soliga

tulafono, e leai ni a latou masaniga faauō, ma foliga e lē

fiafia.

LAUGA

Fa’aauau itulau 10

4


Mafaufauga Faaleagaga

Matāupu: I. Fa’aolataga (Salvation) ma le

II. Togiolaina (Redemption)

Fa’aauauina mai le Lamepa Mati-Aperila

Tusia: Rev. Dr. Ekitoa M. Sopoaga

Matā’upu II – Togiolaina (Redemption)

Ia silafia, o le galuega e faia e Keriso, o le galuega foi

lena a le Atua le Tamā, ma le Agaga Paia. O le galuega a le

Tolu Tasi Paia atoa. O le upu Samoa o le togiolaina, o lona a’a

o le ‘upu, ola. O le ‘upu atoa lava ia I le fa’a-Samoa, o le

“totogi o le ola.” A fa’apu’upu’u, o le “togiola.” O lona uiga,

o se ola po’o se mea totino ua uma totogiina lona tau (price),

ina ia fa’asa’olotoina mai ai i ni noataga po’o ni isi mea o

saisaitia ai. I le fa’aaogāina o le upu togiaolaina i le Tusi Paia,

o lona uiga lautele, o le toe fa’atūmauina (restore) lea o le ta-

gata, po’o ni mea totino foi, I le tulaga tagata na faia ai e le

Atua ina ua fa’ato’ā foafoaina, mai noataga o le agasala, i le

sa’olotoga o le fanau a le Atua, e ala i le galuega togiola ma

mea lelei uma na faia e Iesu Keriso. O le mafua’aga lea o le

fa’atāuaina o le uiga o le upu Latina o le redemptio mai le

fa’aliuliuga a le Latin Vulgate o le upu Eperu, kopher , ma le

upu Eleni, lytron. Auā a tu’u ane la i le fa’aaogāina i le

Feagaiga Tuai, o le uiga lautele – o le totogiina o se tau

(ransom-price) e se tagata o se aiga o lē o lo’o ua noatia pe

saisaitia foi, ina ia toe fa’amatu’u pe fa’asa’oloto mai o

ia, atoa ai foi ma ni ana mea totino na taofia pe

‘ave’esea (Levitiko 25:25-27). A o lona fa’aaogaina i le

Feagaiga Fou, o le totogiina o le tau e tele = great price (I

Korinito 6:20), e lo tatou Alii Fa’aola o Iesu Keriso ina ia o

tatou sa’oloto. I le Feagaiga Tuai, o le totogiina o le tau, o le

mautinoa lea o le tatalaina mai o so’o se mea (tagata po’o

mea totino) mai le ‘avefuaina e lē o lo’o ona taofia

(fa’ata’ita’iga, Esoto 21:30…”Ae ‘a fai e tu’uina ia te ia e au-

mai se togiola, ona avatu lea e ia se togiola, e tusa ma mea

atoa uma e tu’uina atu ai ia te ia.”). I le fa’aaogaina la o le

totogiina o le tau i totonu o talitonuga fa’ale-lotu/tapuaiga foi,

o le galuega ofoofogia ma le mata’utia lea a le Atua na faia

fa’apei lava ona ia fa’asaolotoina lona nu’u sa nofo pologa i

Aikupito, aemaise foi taimi na ‘avea ai fa’atagataotaua i

atunu’u ese e pei o Asuria, Papelonia, Metai ma Peresia (Esoto

6:6-7; Isaia 48:20), ma, e o’o lava foi i a latou agasala (Salamo

130:8). O foliga o mea o lo’o ua mafai ona totogiina ai le tau

aga’i i le Atua fa’apei ona tā’ua i le Feagaiga Tuai, ua aofia ai

le osiga o taulaga mū ma foa’i, ina ia fa’asa’olotoina mai ai

tagata ma mea totino semanū a ‘avefuaina, e i latou na nofo

sala pe nofo pologa ai foi (fa’ataitaiga, Esoto 13:13).

I le Feagaiga Fou, o le amataga o le fa’aaogāina o le

fa’aupuga, totogiina o le tau, e maua i fetalaiga a Iesu. O lo’o

fa’amamafa e ia fetalaiga le matuā lē mafai lava e so’o.

O le Latin Vulgate, o le isi lea uluai fa’aliliuga o le Tusi Paia i

aso ua tuana’i i le gagana Latina. Na masani tele ona

fa’aaogāina e le lotu Katoliko Roma le fa’aliliuga lea mo ana

tapuaiga aemaise foi le fausiaina o ona talitonuga i le Atua

Tasi Tolu Paia, Agaga Paia, Foafoaga, Iesu Keriso, Ekalesia,

Galuega Tala’i/Misiona, atoa ai ma ni isi o ona taofiga

fa’apei lava ona o’o mai i nei ona po. O le isi fa’aliliuga sa

va’ava’alua ma lea fa’aliliuga, o le fa’aliliuga fa’a-Eleni, le

Septuagint = LXX, po o le fa’aliliuga a le to’afitugafulu. Mo

se malamalamaga loloto e uiga i ia fa’aliliuga, silasila ane i le

Sinclair B. Ferguson & David F. Wright, eds., The New Dic-

tionary of Theology (Downers Grove, Ill., Leicester, England:

InterVarsity Press, 1988).

Silasila atili ane pea i tusi nei: D. Hill, Greek Words

and Hebrew Meanings (London: SCM Press, 1967), ch. 3;

G. Kittel, ed., trans., G. W. Bromiley, Theological Dictionary

of the New Testament (Grand Rapids: Wm. B. Eerdmans,

1967) 328-56; hereafter, TDNT. Silasila ane pea i tusi o loo

tā’ua i le footnote 5, aemaise lava le tusi TDNT, 328-56. se

tagata ona ia totogiina se tau mo lona lava ola (Mareko 8:37,

silasila foi i le Salamo 49:7-9), “Auā foi o le Atali’i o le taga-

ta na lē sau o ia ina ia ‘au’auna tagata ia te ia, ‘ae peita’i ia

auauna o ia, ma foa’iina atu lona ola o le togiola mo tagata e

toatele (o lona uiga, o tagata uma; Mareko 10:45, lea foi o

lo’o tā’ua e le tusitala o le I Timoteo 2:6, silasila foi i le Tito

2:14). Ua na o Iesu lava na te mafaia ona fai le galuega e fitoi

tonu I le Atua (Salamo 49:15), e ala i lona ofoina mai o lona

lava ola, ‘a ‘o le fa’aaogāina la o lenauna lytron i le gagana

Eleni, ua matuā manino ai le ofoina mai e Iesu o lona ola e fai

ma sui o ē ua ‘avefuaina o latou ola, ina ia fa’asa’olotoina.

O le maliu o Iesu, o le togiola sili lava lea (Galuega

20:28; Roma 3:24; I Peteru 1:18) ua tu’usa’olotoina ai i tatou

mai a tatou agasala uma lava ma o latou i’uga ua ta’usalaina

ai i tatou. I se isi fa’a’upuga faigofie, o le galuega a Keriso,

ua o tatou maua fua ai le fa’amagaloina o a tatou agasala

(Kolose 1;14; Efeso 1:7). A o le togiolaina la, o le galuega na

amataina lava e le Atua ia Iesu Keriso i lona afio mai,

a’oa’oina ona so’o atoa ai ma e na talia lana galuega fa’aola,

o ona puapuaga ma lona maliu, se’ia o’o lava ina toe fa’atūina

mai i le oti ma le tu’ugamau. ‘Ae fa’ato’ā papa’i mai la ia i

tatou le moni o le togiaolaina o i tatou e le Atua, ina ua tupu

a’e (galuega a le Agaga Paia) i o tatou loto, agaga ma

mafaufau, le fa’atuatua iā Keriso (Roma 3:24-25).

O le mea lea ua lē tatau ai ona toe tausia le tulafono

fa’apei o se ala i le togiolaina ma le faaolaina, e pei ona man-

atu ai Iutaia ina ia mautinoa ai le fa’aolataga (Kalatia 3:13;

4:5). Auā ua ola so’o se tagata fa’atuatua i le alofa tunoa o le

Atua, e pei ona fa’aalia manino mai ia Iesu Keriso (Roma

1:17…”Aua ua faaalia mai ai le amiotonu a le Atua i le fa’at-

uatua, ina ia fa’atuatua ai, pei ona tusia, E ola le tagata amiot-

onu i le fa’atuatua”).

5


ia fai i latou ma tagata soifua, e fai foi i latou ma nu’u ma

aiga o le Atua. Ua uma ona totogiina e le Atua le tau mo i

latou uma ia (I Korinito 6:20; 7:23). Ia mautinoa ma manatua

lelei, ua mafai foi e lenei lava upu, togiolaina, ona tau’aveina

le uiga ma le ‘a’ano moni o le upu fa’aolataga, ma le upu

lavea’iina (fa’ata’ita’iga, Luka 24:21…”Sa matou fa’amoe-

moe foi, o ia lava o le a togiolaina Isaraelu; ‘ae lē gata i ia

mea uma, o lona tolu o aso lenei talu ona faia o na mea”). O

mea tāua lava nei ia silafia lelei e so’o se tagata lotu o le

EFKAS:

(1) O le togiolaina o so’o se tagata, o le galuega na amataina e

le Atua lava ia i lona sa’olotoga o lo’o ta’ele i lona alofa tunoa

fa’avaau, fa’apei ona manino ma malamalama lelei i le soifua,

maliu, ma le toe tū o Keriso; (2) O le togiolaina o so’o se ta-

gata, fa’ato’ā lagona e le tagata i lona loto, agaga, mafaufau

ma le tino atoa, ina ua ia taliaina i le fa’atuatua ma le tali-

tonuina atoatoa, o le amiotonu ma le alofa tunoa o le Atua e

fa’avavau. Le Ekalesia paia e, ina pepese ia, fiafia ia ma oli-

oli, “auā ua fa’apea lava ona alofa mai o le Atua i le lalolagi,

ua ia ‘auina mai ai lona Atali’i e to’atasi, ina ia le fano se tasi

e fa’atuatua ia te ia, a ia maua le ola fa’avavau.” (Ioane 3:16)

Ia manuia…

*******************

“Faamaoni i le Atua”

‘Lē fa’amālieina le loto fēsu’ea’i’

O le Tusi Paia ua fa’ailoa mai le Atua ‘e afio i lugā’.

E le fa’a-fesiligia le tafatolu o le faa-ta’atiaga o le lalolagi,’o

le lagi i lugā’.’o le laueleele i lalo nei’, ‘ma le vai i le foga-

tai’. E le fa’afitia tusitusiga a le ‘au popoto i ia vaitaimi,

peā saili iai i le moni o ia tusitusiga, ma ua fa’ailoa mai o le

gagana fa’a-fa’atusa, na fa’aaogāina e aumai ai le agaga, o

mea fa’aleagaga.

E fa’apea tala a le ‘au popoto e pei o Luka, ua tautala i

le upu, ‘aveina ae’- ‘o le Alii o lo’o soifua pea, ua si’itia i le

lagi, o lo’o nofo o ia i le itu-taumatau o le Atua silisiliese’.

E fa’apea foi tusitusiga mai ia Ioane ma Paulo, ua

fa’ailoa mai le mataupu o le ‘aveina ae’, ’going up’, fa’apea

le ‘toe afio mai’, ‘coming down’, i le Ioane 3:13: Ioane 6:61f:

Efeso 4: 9, f 17, Na latou fa’aaogāina le gagana ma le manatu

talafeagai, ma lē fesiligia e tagata i ia vaitaimi peita’i, sa tatau

ona fa’ailoa e Luka ana tusitusiga, i le gagana talafeagai, sa

tatau ona fa’aliliu le gagana ina ia iloa e le tagata le mafuta

mai o le Alii ma ona tagata, o le Atua e ta’ele i o tatou loto, o

se fatu ua paū mai, ma ua tupu ma ola i o tatou loto peita’i, o

lea ua fesiligia Paulo ma le gagana fa’atusa i le ‘lagi tua tolu’,

e pei ona ia fa’ailoa mai peita’i, o lea ua fa’ailoa atu e le alii o

Schleiermacher – ‘o le aganu’u po’o le gagana ua amusia

ma ua fēsiligia e tagata’’cultured despisers’.

O le lu’i ua tula’i mai, e tatau ona toe demythologize

tusitusiga, toe liliu fa’aupuga e tusa ma le talafeagai o le

agaga, ua faigatā ai i tagata ona taliaina o nei fa’aupuga, ina ia

talia ma pa’i mai i o latou loto.

O le gagana tusitusi a le Feagaiga fou, i le Atua ua ‘afio

i lugā’ sa le fesiligia e tagata i ia aso peita’i, o lenei

vaitaimi, o nei fa’aupuga ua avea ma fa’afitauli. E foliga o le

Atua ua maualuga lona afioaga, ma ua lē papa’i mai i le

‘ele’ele ma fa’atasia ma lana fanau fa’atuatua. O tusitusiga ua

leva ona tatau ona ta’u i fanau, o le lagi ua lē o i lugā, po’o le

Atua o lo’o afio i le lagi i lugā peita’i, o lo’o iai pea le

mafaufauga o tagata i le Atua o lo’o afio i le lagi i lugā.

O le fa’aliliuga o le Tusi Paia ma lana gagana, e lē tatau

ona fa’aauau fa’apea, a’e tatau lava ona fa’aliliu ina ia tal-

afeagai le tala, ma avea ma pa’aga faamaoni, ina ia tonu ai o

tatou manatu, ma avatu le tapuaiga i le Alii lo tatou Atua.

I lenei vaitau,ua tatou feagai ma su’esu’ega fa’a-saianisi. Ua

tatou feagai ma su’esu’ega a tagata latou te le talitonu i le

Atua. O tala a Sigmund Freud, ‘o lo tatou Atua o se mataupu

faale aganu’u ua avea ma Mataupu Silisili, ua na o se

va’aiga e va’ava’ai atu i le lumana’i peita’i, o lenei va’aiga,

e le tupu ma faatinoa i lenei olaga (its a projection). E pei o

se lu’i ua fa’asesēina ai i tatou e le Tala Lelei, e pei ona

fa’ailoa mai e le alii o S.Freud.

O le a se tali i nei fesili tāua? A’o fesili fo’i e lu’iina

ai o tatou loto ma le feagai ma le Atua ma lona fa’ailoa mai.

O le tala tāua ia a faifeau su’esu’e i le Tusi Paia, e lē fa’ama-

lieina O le tala tāua ia a faifeau su’esu’e i le Tusi Paia, e lē

fa’amalieina le fia iloa o le Alii fetalai mai i o tatou vaitaimi,

o le ‘mataupu tāua’ i aso ua mavae e lu’iina pea le loto o taga-

ta ua galala i le fa’amaoni i le Atua i o tatou vaitaimi, fa’apea

ma le tapuaiga i le Atua e pei ua mou atu, ua le papa’i mai i o

tatou loto. O lea na tusia ai e le alii o John A T Robinson se

tusi ua fa’aigoaina ‘Honest to God’, ma ua o’u fa’aigoaina,

‘Faamaoni i le Atua’. E ‘ese foi le fiafia e faitau i mafaufauga

o lenei tagata, ma lona taumafai e fa’ailoa mai le ‘Faamaoni i

le Atua’ ma le Atua ma lona fa’aali mai i tagata.

O le tusitusiga muamua e fia fa’ailoa e JAT Robinson,

o le Lauga a Paul Tillich– The Depth of Existence’ ‘loloto o

le Atua mafuta mai’, o lauga ua tu’ufa’atasia i lana tusi

“The shaking of the Foundation”, fa’asalalauina i Egelani i le

1949. Ua fa’asalalauina,ua fa’apea mai Tillich, ‘e le o se

va’aiga o lo’o tatou va’ava’ai i le Atua o lo’o afio i le mea

maualuga, o le Atua o lo’o afio ma nofo i ao o le lagi, a o le

Atua ua lotolotoi, ma mau fa’atasi ma tagata’ ‘the Ground

of our very being’

O le lauga a Paul Tillich

The name of this infinite and inexhaustible depth

and ground of all being is God. That depth is what the word

God means. And if that word has not meaning for you,

translate it, and speak of the depth of your life, of the source

of your being, of your ultimate concern, of what you take

seriously without any reservation Perhaps, in order to do so,

you must forget everything traditional that you have learned

about God, even that word Fa’aauau itulau 6

6


itself. For if you know that God means depth, you know

much about him. You cannot think or say; Life has no

depth! Life is shallow. Being itself is surface only, If you

could say this in complete seriousness, you would be an

atheist; but otherwise you are not. He who knows about

depth knows about God’. O le lauga tāua na fa’agae’etia ai

AT Robinson, na fa’apea foi ona a’oa’oina ai faifeau na ia

faia’oga ai. Ua fa’ailoa mai lenei lauga tāua, ona o le Atua ua

fetalai mai ma talafeagai le gagana, i le Atua ua o’o i loto ma

manatu, o le Atua loloto, pe afai e te le o maua le loloto o le

pa’i mai a le Atua, e lelei ona e fa’aliliu uiga o nei upu, o le

Atua ua fetalai ma papa’i mai, o Ia na mafua mai ai le ola, o le

‘auga o le fa’amoemoe o le tagata. .O le mea lea ina ia tu-

u’esea tala fa’ale atunu’u e pei o le ‘Atua e afio i lugā’, ‘o le

Atua e silisiliese’, a ia liliu i le Atua loloto ua mafuta fa’atasi

ma tagata ma lona fa’aali mai. O le ‘Atua e papa’u’ e pei ona

fa’ailoa e humanist’s, a e o le ‘Atua loloto’ ua fa’aali tino mai

ia Keriso Iesu i ona puapuaga i le satauro ma fa’aolaina ai le

lalolagi. O tusitusiga ia ua luluina ai le foga’ele’ele, ona o le

mau ua fa’agae’etia ai loto i le Atua e tatau ona fa’amaoni ai

le talitonu i le Alii.

O le tala lona lua, ua fa’amauina o tusitusiga matautia

e uiga i le ‘Christianity without religion’ na tusia e Dietrich

Bonhoeffer’s ‘Letters and Papers from Prison’ Na maua e

A.T.Robinson o ia upu i le The Ecumenical Review Ianuari

1952. O mafaufauga o le alii a’o sauni ma fa’atalitali, i le o’o

mai o le fa’asalaga o le oti ia te ia e le S.S, o mafaufauga e le’i

o’o iai mafaufauga o le ekalesia; e tele tala a Bonhoeffer, a’o

mafaufauga o le auauna, ‘O le Atua ua vala’auina i tatou i le

lua sefulu seneturi (20 century) i foliga o le Kerisiano moni,

e lē tatau ona fa’amoemoe i fa’avae o le tapuaiga, a’e tatau

ona fa’amaoni e pei ona vala’auina ai le ‘aufaigaluega e

Paulo, i le seneturi muamua,(first century) e lē fa’amoemoe

i fa’avae o le tapuaiga, e pei o le peritomeina’. E loloto ia

upu, na tau fa’avasega e Robinson le uiga o ia upu peita’i, o

upu e tatau ona a’oa’oina ai i tatou e mafaufau pea i ai, ma

avea ma mafaufauga e teu pea i o tatou loto (assimilate), o le

fa’avae (system) ua leva ona ave’esea peita’i, o lo’o iai pea

fa’atasi ma tatou.

O le tala lona tolu, o le tala tusia ua vevesi ai tagata i

le 1941, na fa’aliliuina i le gagana Peretania i le 1953, o fa’a-

ta’atiaga o fuafuaga (manifesto), e le alii o Rudolf Bultmann

ua fa’aigoaina, ‘New Testamant and Mythology’ E tele tala a

Bultmann peita’i, o ni mafaufauga o le auauna, i le

fa’aaogāina o le ‘mythological language’ i le Feagaiga Fou, na

fa’apea foi ona ia sailiili i le tala fa’asolopito o le Tala Lelei, o

le tala mai i le amataga e o’o mai i le asō o lo’o tatou fa’alogo

pea i ai. O nisi o fa’amatalaga, e le o o’o i loto o tagata i nei

ona po. Ina ia o’o le tala i le toe fa’amatalaina o le soifuaga o

Iesu, i le ‘mythological language’, e uiga i le pre-existence,

incarnation, ascent and decent, miraculous intervention, cos-

mic incarnation, faapea na nisi, o mafaufauga o Bultmann

ina ia o’o le feau taua a Iesu i nei ona po i le ‘demythological

language’. O ni faamatalaga ua liua ai loto o tagata

su’esu’e i le silisili ‘ese o le mataisau o galuega na faia e le

Atua mo le tagata, o fa’amatalaga ua papa’i mai ma fa’amalie

ai le loto. O fa’amatalaga a Bultmann, ua talafeagai lana falili-

uga o le demythological language e tusa ma le mataupu i le

‘out there’ ma ua tatou talitonu i ai.

O le Mataupu silisili ma le Lalolagi

O nei tusitusiga e tolu e pei ona fa’ailoa atu, ua avea ma

Mataupu silisili tāua, ua lē manatua e le toatele o tagata peit-

a’i, o le mea tāua ua maua A.T.Robinson, ua fa’ateia lona

tagata, e pei ua sipaka le pa’i mai o nei fa’aaliga i lona loto. O

nei fa’afitauli ua fa’ailoa mai, e le gata i le tofa manino, ma le

fa’autaga loloto, ua pa’i mai i le faifeau ua lē atoa le iloa o le

‘mataupu silisili’, e fa’apea fo’i le tagata lotu, fa’apea tagata

uma i nu’u ma tagata faigaluega, i nei ona po.

O le Tillich, o se tasi o faifeau o le ‘Mataupu silisili’, na

avea ma faifeau i le ‘theological circle’. O Bonhoeffer ma ona

manatu na te’ena peita’i, ua fa’ailoa ma le fiafia o le Bishop

of Middleton E.R. Wickham, ‘Church and People in an Indus-

trial City(1957)’ fa’apea Dr George Macleod, ‘Only One

Way Left’(1956) o se va’aiga tāua i o tatou ‘augatupulaga, i

le va’aiga ‘faa-mataupu silisili’ i le feagai o le Mataupu silisili

ma o tatou vaitaimi.

O Bultmann ma ona manatu, ua avea ma va’aiga fou i

faifeau ma a’oa’oina ai. O ana tusitusiga i le Sheffield Indus-

trial Mission, ua ia fa’ailoa ai le Tala Lelei i ai latou o lo’o

galulue e pei o steel-workers, i le fa’aliliuina o le Tusi Paia i

le ‘demythologized form’, o le Tala Lelei talafeagai lelei ma

le Atua feso’otai ma tagata galulue. E pei ona fa’ailoa atu, o

nei mafaufauga na te’ena peita’i, ua avea ma mafaufauga ua

talia e tagata na lē lolotu. O tusitusiga ua fa’aosofia ai le taga-

ta e ioe atu i ai, o le Atua ua lotoloto’i fa’atasi ma le tagata, o

le ta’ele i o tatou loto, o le Alii ua papa’i mai, o ia o lo tatou

Atua, o le Alii ua mau fa’atasi ma le tagata e ala ia Keriso

Iesu, e ala i ana a’oa’oga, o ana fa’ataoto, o ana vavega, o le

fa’atuina o Lasalo mai le oti, o le taulaga togiola i lona tino

ma lona toto, ua toetu o Ia, ua afio atu i le lagi, ua foaina mai

o lona agaga e fa’atautaia ai le galuega molimau, o lo’o nofo o

ia i le itu taumatau o le Atua le Tamā e fautua mo le manuia o

tagata. O le fa’ailoa mai lea a le Alii mafuta fa’atasi ma tagata

uma, i so’o se falefaigaluega, i luga o malae, i le toafa o mea

faigatā, i luga o le ‘ea po’o i luga o le sami, o le Atua mafuta

fa’atasi ma i tatou e aga’i ai pea i luma le auaunaga ma le

fa’amaoni ( the ground of our Being ).

O lea fo’i ua fa’ailoa mai e faia’oga mai le Kolisi

Siminare i Kanana Fou, o nisi o taiala e fa’aliliuina ai le

‘mataupu silisili’ i o tatou vaitaimi, ina ia talafeagai le gagana

e feso’otai ai le Atua, ma le tagata, ma lana foafoaga. E le

uma pea le loto fēsailia’i.

Mai le Lamepa.

7


O NISI O TUSITUSIGA

O se va’aiga ‘faa-mataupu silisili’ e pei ona fa’amaite mai e

Foma’i Faia’oga i le Kolisi i Kanana Fou Seminare i

Amerika Samoa, Aperila 22,23, 2019.

O le mafutaga e fiafia e mafuta ma fa’asoa ma tal-

atalanoa, ae maise le fa’asoa mai a Foma’i Faia’oga faifeau i

le Kolisi i Kanana Fou, nisi o manatu taua, e fa’amaite mai, e

toe silasila i le ‘mataupu silisili’e pei ona tatou galulue ai.

E fa’apea foi le fa’asoa atu a faifeau ma le tamāoa’iga o

le Atua na ta’ita’ia i tatou. O leā se va’aiga tāua na e maua i

lenei mafutaga fa’afouina i lenei tausaga 2019?

O nai manatu na o’u maua i lenei mafutaga:-

1. Ia so’ofau le Mataupu Silisili ma le Galuega fa’a-faifeau.

Ua fa’amaite mai i le Tusi a Iakopo.

2. Le Atua Ta’ita’i: E laulau sasa’a lona faiva. E lē

fa’atoetoe muliola.O nai manatu faata’ita’i i le galuega

fa’a-faifeau.

3. O Faiaiga o Ituaiga Tutusa

Na saunoa le Foma’i, faapea le ‘Matua i faiva’, o faifeau

sogasoga e le uma le loto fēsuea’i i le ‘mataupu silisili’ mai le

amataga, i le feso’otaiga a le Atua, ma le Lalolagi, ma le taga-

ta.

O le tala a faifeau:

1. O le tala faa-Eperu, O le Atua na faia le lalolagi ma le

tagata e avea ma palealii i lana foafoaga – o le so’otaga e

feso’otai ai le Atua, ma tagata, ma lana foafoaga, i tofiga

ma fa’atinoga.

2. I le Feagaiga fou – o lo’o atagia le isi so’otaga. O le Atua,

o lona alo, o Iesu. O Iesu i lona tino ma lona toto ua avea

ma faleapitaga o le Atua i loto ma manatu o tagata.. O iina

ua avea ai le Agaga Paia e feso’otai atu ai le Atua i tagata

e pei ona i ai i le Penetekoso, ua ulufia e le Agaga o le Alii

‘ma nofo mau ai i le loto o le tagata’ e ala i le fa’atuatua ia

Keriso Iesu.

3. O le feso’otaiga i le Kenese, fa’apea le Feagaiga Fou, e

foliga e ‘ese’ese peita’i, ua fa’a-feso’otai e le Eperu i le

upu, ‘ua nofo mau i le loto o le tagata,’ ua molimau i ai

Ieremia faapea Esekielu,’ou te avatu ia te outou loto

fou…’’ ou te avatu ia te outou la’u tulafono fou, ma tusi ai

i o outou loto’.

4. O le feso’otaiga o le ‘mataupu silisili’ faa – Iutaia ma le

feagaiga fou, o lo’o taumafai faifeau e fa’amatala le Tusi a

Iakopo – ‘ma le upu ua totoina’ ua fa’aaogā le upu

Eleni,’implanted reason’.

5. O mafaufauga fa’afilosofia fa’a-Eleni stoicism, o tulafono

e afua mai i le ‘natural law’, o tulafono e ta’ua o le ‘right

reason,’ e ō fa’atasi ma le ‘divine mind’ o atua, e fu-

afuaina meatonu ma mea e sa’o.

6. O le fa’amoemoe o le stoic, ia o gatusa le olaga ma le mea

e finagalo ai o latou atua, e tusa ai ma le natura o le tagata

ma mea na foafoaina.

7. O lenei ua fa’atusa e Iakopo le ‘loto mai le amataga’, o

le ‘natural reason’, e iloa ai ona fai le meatonu o le

‘divine mind’ o le Atua soifua.

8. O le lu’i mo le tagata atamai i lenei vaitaimi, pe tatau ona

toe faia se tapuaiga ia Iesu, poo le ola i le olaga i le

natural law?

9. O le fa’amaite a faifeau, e le o talanoa i amioga tatau,

amioga lelei, auā o le olaga e pei ona tatou faia e pei ona

fa’ailoa mai e Iakopo. ‘A ia toe fo’i i tua i tulafono na

afua mai le natura o le tagata ma mea o le natura’.

10. O le manulauti a faifeau, ina ia le uma le fēsailia’i i le

‘mataupu silisili’ i o tatou vaitaimi, ina ia so’ofau le

‘mataupu silisili’ ma le galuega fa’a-faifeau. E fa’apea

fo’i se manatu e pei ona fa’ailoa mai e P,Tillich Bon-

hoffer, fa’apea Bultmann, ina ia ‘demythologise’ le gaga-

na ina ia talafeagai le gagana e pei ona fa’ailoa mai e le

Atua le so’otaga ma le tagata.

‘O le so’ofau o le ‘mataupu silisili’ ma le galuega

faafaifeau’, o lea ua talanoa ai le Foma’i ma le ‘Matua o

faiva’ i le fa’aaogāina o le upu Samoa o le ‘fanua’ – e feso’o-

tai ai le Atua, ma le tagata, ma le foafoaga.

O le ‘fanua’, ua faamatalaina ai le fanua o laueleele, o

lo’o ta’oto ai tala o le vavau i le feso’otaiga a le Atua, le

lalolagi faofoa, fa’apea ma le tagata.

E tala lasi tala a le Atunu’u peita’i, na saunoa le TuiA-

tua Tamasese e pei o lana pepa, e fa’apea fo’i le mau ua

fa’amaumau e Poueli, ‘na fanaua e Tagaloa o papa ma eleele,

ona usu lea o papa ia eleele ona maua lea o le Tagata’. E

iai foi nisi o faamatalaga mai sisifo ma fa’apea mai, ‘na

fausia e Tagaloa o mea e tolu, o papa, eleele, ma tagata.’

Ua tuli matagau e le faipepa le so’otaga o le usuga a

papa ma eleele na maua mai ai le tagata. O le usuga o loo i ai

le ata o le ‘fanua’, o le toala fanau na fanaua mai ai le ta-

gata, ua ta’u o le fanua. O le upu papalagi o le ‘placenta’

o le upu fa’atusa, ua fa’amatalaina ai ‘papa o le tamā, o le

eleele o le tinā, ma le tagata o le alualutoto o lo’o i totonu o le

manava o le tinā’. O le feso’otaiga lea a Tagaloa, le tagata.

ma le galuega foafoa. O le alualutoto, ua fafagaina le tino, le

mafaufau, le pupula ma le faalogo, o le feso’otaiga mai le

manava o le tinā, le ‘placenta’, o le fanua ua feso’otai ai le

Tagaloa ma le tagata.

E fa’apea foi le ‘fanua’, o le so’otaga o Tagaloa na faia

o mea uma. Pe a tanu le pute o le tagata i le eleele, o lo’o

fa’amatalaina ai le fafagaina o le placeta o le tagata i ona

vaega uma.

O tala ia e pei ona fa’ailoa atu, o tala i le tupu mai o le

tagata, e pei ona fa’ailoa mai e faia’oga. Pe a oo mai i le

fa’atinoga a le tagata i lona ‘āiga ma lona nu’u, ona fa’atino

lea e le tagata o lona siosiomaga, i le tino le mafaufau ma le

agaga e tusa ma aga i le fanua. O tū ma aga ua ta’ua o agaifa-

nua. E fa’apea foi tapuafanua, o tapu e mulimulita’i i ai ina ia

lelei le so’otaga ma le fanua. FA’AAUAU ITULAU 8

8


Ua ta’ua fa’ata’ita’iga, e pei :

1. O le ava a Tagaloa ma Pava, na mafua ona taia e Tagaloa

le atalii o Pava ona ua sopoia le vā tapuia o tamali’i e

tamaiti, o le aga e le tusa ma aga o le fanua.

2. O le ‘sua le ava ae toe totō le ata’, o le natura e tatau ona

fa’aauau.

3. O le tulafale pea ta le fue, ma sunu’i le to’oto’o i le

‘ele’ele, ina ia maua ai o manatu.

Ua fa’amaite mai e faia’oga, o tapuafanua ma agaifa-

nua, o lo’o ta’oto ai le tofa manino e uiga i le upu lava lenei o

le fanua. O ni tulaga e ao ona fa’atino, ma amana’ia, le

so’otaga o le fanua ma le tagata. A alia’e ni amioga le migao,

ona ta’ua lea o lenā tū ma aga, o amioga tu’ufanua poo amio-

ga tufanua.

O le so’ofau lea o le ‘mataupu silisili ma le galuega fa’a

-faifeau’, e pei ona faailoa mai e Iakopo i ‘mea na toto i toto-

nu o le Iutaia’.e pei ona faailoa maia e Isaia ma Esekielu. O

mea o lo’o atagia ai le so’otaga o le tagata, le lalolagi foafoa,

ma le Atua. O le natura o loo i totonu o le tagata e faatonu-

tonu ai le sa’o ma le sesē, i agaifanua ma amioga tufanua.

A mafaufau i le galuega fa’a-faifeau, po’o fea lava ua

soifua ai, o lea ua fa’amatala atu le uiga o le fanua, o mea ia

ua ‘totō i le loto o le tagata’ e pei ona ta’ua e Iakopo, aua o le

fafagaina lea o le lalolagi foafoa le tino,mafaufau,ma le agaga

o le tagata. O lona uiga, o le tagata ua ia iloa lana aganu’u ma

le fa’atinoga, o ia o le Samoa.

Peā tu’u atu la i ai ma le Tala lelei i nisi fo’i o agaifa-

nua ma tapuafanua, ona maua ai fo’i lea o nisi o amioga tatau.

E le gata o ia o le Samoa, a o ia fo’i o le Kerisiano.

O leā se lu’i ua aumai?

1. E tāua tele le amana’ia o le ‘natural law’, po’o le ‘right

reason’, e ta’iala ai lou olaga i le meatonu ma le mea e

sa’o. 2.

2. O le culture a Iesu, ua sopoloa i tulafono uma,ina ia

fa’atino le meatonu ma le mea sa’o.

3. O le toetū i le oti, ua na ose projection e pei ona fa’ailoa e

S Freud etc (humanist)

4. O le so’otaga a le Atua ma le tagata i le ala i Tamaseko,

na fa’ailoa mai ai le Divine Law, o le olaga tonu ma le

sa’o.e tatau ona faia.

Malo uso le fa’amaite – ma le faaso’a mai i le Mataupu

Silisili.

‘O le Atua Tautai e laulau sasa’a lona faiva, e lē fa’atoetoe

muliola’

Lea ua saunoa i ai ‘Matua i faiva’ ia Fepuari K.

Logoleo F.S fa’apea le susuga ia Simi Mauga F.S. o le

fa’amaite i le ‘Mataupu silisili ma le soifuaga tatau e tatau

ona ola ai’. Ua fa’ailoa e faia’oga, le ‘coconut theology’ e

pei ona tusia e Sione Havea, o a tatou measina, aganu’u ma

agaifanua, e tatau ona fa’amatala ai le Mataupu silisili i o

tatou laufanua.

E fa’apea foi mafaufaga o faia’oga, o le filosofia faa-Samoa, i

alagaupu faapea le vao o gagana, oni mea tāua ia e fa’amatala

ai le Atua ma lona feso’otai mai iai tatou.

O le fa’afitauli:

Ua amata ona lofia o tatou tagata i suiga mai fafo, ua o’o mai o

le tekenolosi ma ua fa’atuatuana’i i le aganu’u ma le agaifa-

nua. E lua ni ata ua fa’ailoa mai:

1. 1. O le individualism, - O le olaga tūtoatasi i galuega ma

fa’atinoga. O le tagata ua saili lava lona manuia i lona

malosi ma le atamai, o lona lotoifale e sili ona taua.

2. Pea fa’atusatusa i le Mataupu silisili e agatonu ai la tatou

auaunaga i le Atua ma lana galuega- O le Atua ua avea ma

ogatotonu i le olaga o le tagata.

3. I aso nei, ua lē fa’apena, ua tula’i mai le olaga, ua fa’ataua

lava e le tagata lona lava ‘āiga – ona fa’atoa manatua lea i

sa’o o le ‘āiga, ae maise le faifeau. Ona faapea lea, ‘ua

faatotoemuliola aua ‘āiga’.

2. 2. O le Secularism – O le tagata na te te’ena pe le talia le

tapuaiga po’o le fa’atuatuaga ( religious faith and worship ). O

le moral philosophy, o le tagata e lē o le Atua le mafua’aga o

lona olaga manuia, a’o lona lava malosi ma le atamai

O le va’aiga lea a faia’oga i le tautua ma le auaunaga, e pei ua

mou atu, ma ave le fa’amuamua i isi mea, a’e le o le Atua ma

lona finagalo.

O lea ua faailoa mai e faia’oga le mafaufauga o le faifeau :

1. O le alii R Bultmann: O le mea taua o le

‘demythologize’ tala i le Atua silisili ese, e le o se Atua e

mamao ese, po’o se Atua o lo’o nofo i le nofoalii maualu-

ga, a’o le Atua ua mafuta fa’atasi ma tagata (personal rela-

tionship), o le feso’otaiga a le tagata ma le Atua i taimi

uma. O mafaufauga e ave’esea ai o mafafauga faa human-

ist Sigmund Freud, ua na o ni manatu fa’atuatua e le

mafai ona tupu. (it’s a projection)

2. O le Tina Naomi Klein ma ona manatu, e tatau ona toe

fafau se mataupu silisili mai tagata ua omia i suiga ma

fa’afitauli, a’e maise le tāua o a latou tala ma lo latou

feso’otaiga ma lo latou Atua.

O mafaufauga o faia’oga – “Ia laulau sasa’a le faiva a le

Tautai. Aua nei fa’atotoe se muliola.”

O le upu – ‘laulau sasa’a’ aua nei fa’atoetoe se muliola’

o upu mai le gataifale, o upu mai i le alofaga. O le faiva e

fa’aaogā ai va’aalo po’o paopao. O le faiva e tapuaia e taliuta,

ma le talitonu i le Atua foafoa. O le tautai e tatau ona maua le

atu mua, a palasi ona sa’i lea o tautai fa’apea le foemua. E tele

muagagana ma alagaupu mai le gataifale e pei ona saunoa iai

le Susuga i le faifeau ia Aisoli, faapea le to’oto’o ia Fofo Sunia

faapea, le Susuga ia Afamasaga Ofisa peitai, o le manulauti ‘ia

aua ona fa’atoetoe se muliola’ o le Mataupu Silisili lea i le

feagai o le Atua ma le lalolagi foafoa ma le tagata.

9


E faapea le tala, pe a o’o ina ua tuta le va’a o tautai, ona faia

lea o le aleaga, o le taimi fo’i lea e laulausasa’a ai le faiva o le

tautai, ma fa’asoa atu i le va’a na le maua se ‘ia. A o’o la i uta,

ona laulausasa’a lea o le faiva i le tapuaiga a ‘āiga, nu’u ae

maise le galuega a le Atua. O le fa’asoa a le tautai, na te lē

faatoetoe muliola aua sasaa uma. O le ata o le tautai sili o

Iesu Keriso ma fa’asoa mai o lona tino ma lona toto e fa’ao-

laina ai le lalolagi.

O nisi nei o ata e pei ona faailoa mai e Pule Aoga i le

PTC, o le lotu e ō faatasi ma le aganu’u. O lea fo’i ua lago-

lagoina e faia’oga o lenei manatu o le relationality, o le tagata

ma lana aganu’u ma le lotu e ō fa’atasi. O le talitonuga “I be-

long, therefore I am” O lona uiga, ua faitauina ai o lo’u

so’otaga ma ni isi vaega ‘ese’ese o le soifuaga. O i tonu, e

tāua ai le vātapuia, o le ‘inward dimension’ fa’apea le

‘outward dimention’ i le tagata. O totonu ma fafo o le tagata, e

aofia ai lona si’osi’omaga, lona agaga, ma le itu i fafo o lona

si’osi’omaga, ma le foafoaga. O le vaega lea ua ta’ua o le

‘inclusive conscience’ o mafaufauga uma ua tu’u fa’atasia.

O lea fo’i ua fa’amatala mai e faia’oga le manatu o

Robert Schreiter, o le ‘re-constructing local theology,’ o le

mataupu silisili e afua mai i le malamalama o le tagata i

lana aganu’u ma le agaifanua, o iina foi e malamalama ai le

tagata i le so’otaga ma le Atua.

A fa’atusatusa ‘i upu o le faiva i le tai’ ‘faa-mataupu

silisili’, e faigofie le feso’otaiga o le Atua foafoa, ma mea

uma na ia faia, ma le tautai matapalapala ma lana fa’asoa e lē

fa’atoetoe muliola, o le ata o Keriso Iesu ua lē faatoetoe

muliola, a ua sasa’a atoa mai o lona faiva i lona tino ma lona

toto, e magalo ai le tagata agasala.

Malo uso le fa’amaite.

O le upu taua na fa’aiu ai le pepa,

O nai manatu fa’ata’ita’i i le galuega fa’a-faifeau, lea ua

fa’amatalaina i le ‘Asiasiga’ .

E fa’amalo atu i lau susuga le faipepa, o mea uma na e

fa’ailoa mai o’u te ioeina le tonu ma sa’o o au tala. O le

asiasiga, e faia i aso to’onai e fa’aiu ai le masina, e le fai-

gofie, auā e te savali i le lā ma le timu, i le savili ma le lou-

louā, i le a’ega ma le tafatō, ma le peleue ma le fusiua vevela

peita’i, o i tonu e feso’otai ai le faifeau ma tagata. E te iloa ai

le tagata fiafia e talitali mai, ma le tagata e le fiafia, o le tagata

maumea ma le tagata mativa, o le fale manaia ma le fale e leai

ni lau, o le fanua e mamā ma le fanua vaoa, o tagata atia’e ma

le tagata maumausolo, o le tagata gugutu ae talapelo, o tamaiti

e tumamā ma tamaiti lē lavalavā, o ulugali’i fiafia ma

ulugali’i malepelepe, o i foi e te iloa ai le ‘mativa a le tama-

li’i’, ua ia sasa’a uma le muliola. O va’aiga i le feso’otai a le

auauna a le Atua ma ona tagata. O le asiasiga e o’o atu ai se

upu fiafia, se upu fa’amafanafana, o se upu e tatau ona ta’u i

le tagata le olaga tatau e tatau ona fa’atinoina. O taimi fo’i ia e

fa’ailoa ai e tagata i le faifeau o ona sesē. E le faigofie fo’i,

aua ua iai nisi e manatu, ai fo’i ua asiasi atu le faifeau i se fia

maua o se tupe ! O nisi ia o tala a tagata mafatia, ona o le alu

atu so’o o le asiasiga, ua aga’i ina a faiaina le loto peita’i, ono-

sa’i e mafuta fa’atasi ma tagata.

O le masani a le asiasiga lea ua fa’ailoa mai e le faia’o-

ga, o le talanoa ma tamaiti i le umu, ma fa’apusa fa’atasi, o le

olaga e lē talia e nu’u peita’i, ua maua uma e le faifeau tamaiti,

ma taulelea, ma teine, ma ua tumutumu ai i le falesā.

Sole, o le a’uga lea o le ‘mataupu silisili’ ua oulua

fa’ailoa mai, ’ia lē fa’atoetoe muliola’..Fa’afetai tele i le

fa’amaite mai, e mafaufau pea i ai.

Ia manuia le mafutaga a faifeau, fa’apea le susuga i le Pere-

setene ma Faia’oga i lenei tausaga 2019.

Mai le Lamepa.

*************************************************

‘O le filifiliga’

(O nai motuga’afa mai le Lamepa )

Na tula’i le isi tiakono ma fa’ailoa atu i le faifeau, ina

ia fa’amanuia mai i ai laua ma le la galuega o lo’o faia. ‘Ia, o

leā le galuega o lo’o faia?’ ‘O lo’o ma faia le fa’amalōlōga ua

fa’aaogā ai le Tusi paia, e fa’amalōlōina ai ma’i’. O le Tusi

paia, ua fa’ati’eti’e i luga o le ipu vai malamalama, ona

fa’ata’amilo lea o le ipu ma faia le tatalo. E le’i va’ai i ai le

faifeau, a e fa’apea nisi tala, o le taimi lava e fa’ata’amilo ai le

Tusi ma masu’e ai le lau tusi, o upu muamua lava e tau i ai le

lima o le tiakono, o le tali mai lea a le Tusi paia, i le mafua’aga

o le ma’i. Ona faia lea o le lauga ma le tatalo, ma fa’apulou atu

lea o le Tusi paia i mea o lo’o i ai le ma’i.

Ona fa’ailoa lea i ai e le faifeau, ‘e fa’amalūlū atu ona

o le fa’amalōlōga lea ua oulua faia, o le fa’amalōlōga lea ua

ta’ua o le Tusivili. O lea ua outou faitau i iugafono a le ‘Au

Toeaina, e fa’asā le inu ava, le faita’aga, o pōula, o le tāina o le

tatau, fa’apea le fa’aaogāina o le Tusivili, ia ma isi. O le mea

lea e fa’amanatu atu ai i mea e pei ona tusia, ‘aua e te faia mo

o’e se tupua ua ta’.

Na tula’i le tiakono ma fa’ailoa le tala ia Mose, na

vala’auina e le Atua na te aumaia le nu’u sa nofo pologa i Ai-

kupito. E fa’apea fo’i le vala’au ua vala’auina i ai i laua la te

faia o lenei faamalōlōga, ‘aumaia sau fa’amanuia.. Ua to’atele

tagata e o’o i faifeau, fa’apea ma faifeau toeiina, ua o’o mai ma

faia ai le fa’amalōlōga’. Ia, na fa’apea le faamalūlū atu a le

faifeau, ‘ia mālilie ia, ona o fa’atonuga ua fa’ailoa mai’.

Na osofa’i le fa’amatalaga a le tiakono, ‘afai e te le

talia le ma sāvali, e lelei ona e saunoa mai iai maua, ia fa’apaū

o ma tofi tiakono’. Na tali le faifeau ‘e fa’amalūlū atu, na te

le’i sau e fa’apaū ni tofi tiakono, a o le fa’ailoa atu i le tiakono

ma lona faiva e fa’ataunu’uina, o le mea lea fa’amolemole atu

na te le faapaūina tofi tiakono e pei ona fa’ailoa mai’. Ona o’o

lea o le ta’utinoga a le tiakono na fa’apea atu, ‘o leā ma le toe

fo’i mai, e fa’amalūlū atu ona o i maua, ua vala’auina e le Atua

mo lenei faamalōlōga e faaolaina ai o tagata’.

FA’AAUAU ITULAU 10

10


IA MANUIA TELE

LE ASO O TAMÃ

O le to’atele o tamaiti e aafia i soliga tulafono e

tutupu mai i aiga ua tete’a o latou matua, o nisi foi ua matuā

leai lava se a’oa’oga i le olaga ia iloa ma malamalama i le

Atua. E tele fesootaiga vaaia i matua ma a latou fanau. O gafa

tu’ufa’asolo, o foliga ia o matua e faaauau pea i fanau mai i lea

tupulaga ma lea tupulaga. O tulaga masani ia i le olaga o le

tagata e pei ona tusia i le Esoto 20:5. A faaletonu matua, e

a’afia ai le fanau, a lē suia uiga o fanau, e a’afia ai foi fanau a

latou fanau e o’o lava i auga tupulaga e 3 i le 4. A e mafai ona

taofia ma faagata lea faasologa, e faapei o lenei: Afai e iloa e

fanau se leaga o loo faia e matua ma ‘alo ‘ese ai, o se faatinoga

lelei lea e taofia ai se faaletonu. E alofa le Atua i le tagata na

te taofia le amioletonu, a e fai le amiotonu. Tusa pe agasala

matua, e mafai lava ona faalelei e fanau. E pei ona faaauau e

fanau foliga vaaia o matua, e faapea foi ona tatau i le tagata

ona faaauau pea foliga matagofie o le Atua, lea na ia faia ai le

tagata: Ia amio lelei, ma ia ‘alo ‘ese i le agasala. Upu a le Fai-

feau: 2 Tupu 10:9a...."Ua o’o i le taeao, ona alu atu ai lea o ia,

ua tu atu, ma fai atu i le nuu uma. Ua amiotonu outou. ..."

“Ua amiotonu outou...” Na ou tau ane i le faaliliuga a

se tasi alii su’esu’e o le Tusi Paia, “Do whatever you think is

right.” O le 2 Tupu 10:9a, o lona uiga, “Fai mea uma ua tonu i

lou manatu.” O le faaliliuga lea na apoapoa’i ai le Faifeau o le

Lotu Kerisiano.

O le Tala: Sa malaga faatasi le Faifeau ma se fafine e

fou i lana vaai i luga o le nofoa-afi (train). E nofo le Faifeau i

le nofoa e faafesaga’i ma le fafine. Ona fesil lea o le fafine,

“Alii e, o ‘oe ‘ea o se faia’oga?” Na tali atu le Faifeau, “E leai,

o a’u o le faifeau.” Ona amata loa lea ona talanoa mai le fafine

e uiga i le mata’upu o le “lotu”. Fai mai lana tala, e taua tele i

lona manatu lotu uma lava. E tutusa uma lotu ia te ia, so’o se

loto lava, e talitonu lava ia i ai. Ona fai atu lea o le Faifeau, “E

lelei pe a e filifili i se lotu e tasi, ma ia e mulimuli ai i mea ua

a’oa’o mai e tatau ona e faia. Ma, ou te fautua atu ia te ‘oe le

Lotu Kerisiano.” A e foliga mai, ua le fiafia le tama’ita’i i le

fautuaga a le Faifeau. A o talatalanoa pea i laua, ua amata ona

iloa e le Faifeau, e leai se lotu e lotu ai lenei tama’ita’i. Fai mai

lana upu, “Ou te talitonu lava a’u ia te a’u.” O lona uiga, o le

lotu o lo’o lotu ai lenei tinā, o le “Lotu Tuto’atasi” (fai mea

uma ou te loto i ai). Ua ia faalau mea e mulimuli ai lana “Lotu

Tuto’atasi”, e aofia ai ma ona tiute tatau mo tagata nofo-tua’oi

ma ia. Ona fesili lea o le Faifeau: “E faapefea ona tausi lou va

feagai ma ou matua?” Na tali le fafine, “E leai sa’u fe’au i le

na tulaga.” E foliga, ua le fiafia le tama’ita’i, aua e leai se

a’oa’oga i lana “lotu tuto’atasi” e faatatau i le “ola faamagalo

o agasala”, pei ona a’oa’o mai IESU.

Ua o’o i le nuu e nofo ai le fafine, a e le’i lava se tai-

mi e saga a’oa’o atu ai le Faifeau i le uiga o le “alofa tunoa” o

le Atua, ma le mata’upu e uiga i le “Faaolataga na saunia e

IESU mo le lalolagi agasala.”

Na tūtū le faifeau ma le loto mafatia, o le tiakono sa

avea ma pulea’oga, o se faia’oga e mata’utia ona taimi i le

a’oa’oina o tamaiti, e mata’utia le a’oa’oina i le igilisi, le nu-

mera, tala o le lalolagi, tusitusiga, o le aganu’u, o le tamaitiiti

sa a’oga ai i lenei faia’oga, e mātua fa’amaini i le mautofu, peā

le lelei le fa’atinoga o mea’aoga. O le fiafia o le faifeau, ona ua

avea ma faifeau i le nu’u o le faia’oga sa a’oa’oina o ia. O lea

ua tūtū le faifeau ma le loto fa’anoanoa. Na fa’apea atu le fai-

feau i le afioga a le tiakono, ‘alii, o a’oa’oga nei sa e a’oa’oina

ai le faifeau, na e sasa fo’i le faifeau i le lē fa’atinoa lelei o

galuega’, na pei a tagi le faifeau, a’e na le fo’i lava o upu a le

tiakono. Na tula’i tiakono o le a ō, ae na faapea atu le faifeau,

‘sole, nonofo i lalo, o fea o lea oulua ō i ai?’ ‘O lea o le a ma ō,

o leā tu’uina atu o ma tofi tiakono, ae o le a ma ō e faia le

galuega faamalōlō’.

Ia ona faapea atu lea a le faifeau, ‘afai o ō oulua loto

lea, ia fa’amasino mai le Atua i ai tatou. Afai e sa’o oulua ia

vi’ia le Atua, a’e afai e sesē le faifeau, ia faia pea e le Atua

lona finagalo’. Ia, o upu ia o le filifiliga. O leā sau mātau i upu

o lenei filifiliga?. E manatua e le faifeau le upu a lona to’alua,

“Sole, ia e mafaufau muamua i upu e te tautala i ai”

I le amataga o lenā vaiaso, na lavea ai le vae o le fai-

a’oga i le fugafugā mutia, ma ua māsae atoa le pau o lona vae,

o le ma’i a foma’i i le falema’i, i latou ua a’oa’oina ua iloa ai le

gasegase e aumai ai ni fuala’au e togafitia ai le ma’i peita’i, e

maua atu e le faifeau, o le ma’i tigaina o lo’o fa’apulou i le

Tusi paia. Na taumafai atu le faifeau e si’i le faia’oga mai lona

moega la te ō i le falema’i peita’i, na le’i talia le taumafai atu a

le faifeau. Na nofo i luga le faia’oga ma lana pulato’a mai i le

faifeau, ‘sole, o fea o le a e ave i ai a’u, a’o le foma’i sili o fo-

ma’i lenei e fa’amalōlōina ai au?’ tali a le faifeau, ’o foma’i ua

a’oa’oina, ma o le mana lea o Iesu, ua ia fa’aaupegaina o tagata

e fa’atinoina lana galuega’’Leai, ta’oto ia o lo’u ma’i, o le Tusi

paia lava o’u te malōlō ai’. Na fo’i le faifeau ma le tagi o le

loto, e le’i o’o i lona fale aua lagona e le faifeau, le lauē a fa-

nau ma le ‘āiga, ona ua maliu le faia’oga. Maumau aupega o le

taua, o le faia’oga e pele i le loto o le faifeau, aua ave e le Tu-

sivili.

E tele lauga taua, e ona maua mai i lenei tala i le fili-

filiga. ‘O le faia’oga atamai ma le fa’amaoni.’ ‘O se ta’ita’i ‘au

e lelei le fa’atinoga.’ ‘O se matai e iloa le fa’asinomaga o le

tagata.’ ‘O se tiakono e finau i lona talitonuga.’ ‘O faifeau ma

toei’ina e le fa’amaoni i fa’avae o le Ekalesia.’’O le Upu a le

Alii e fa’asesēina ai le tagata ma lona fa’aliliuina.’’Talofa ua

maumau aupega o le taua.’’Toe mafaufau muamua i upu e te

tautala i ai.’

I nei masina o Me ma Iuni, e toe mafaufau ai i le to-

giola na faia e Keriso Iesu mo i tatou, ina ia pa’i mai o lona

agaga fa’aola ma ulufia o tatou loto e faatino ai o a tatou feau,

ina ia le maumau aupega mo le taua, atoa ai ma le loto

fa’amaulalo i le Atua ma lona fetalai mai.

Mai le Lamepa.

Fa’aauau mai le itulau 3

11


O le fuai’upu lea ua faauigaina, “fai mea uma ua tonu

i lou manatu”, o loo faamatalaina ai i ona lalo ifo, le fasiotia o

tagata e toa 70 e leai nia latou agasala. Atonu, o se tulaga foi

lea e oo i ai le tagata e lotu i le “lotu tuto’atsi”; pe afai ua man-

atu e “fai mea uma ua tonu i lou manatu.” O Lotu uma, e tofu

ma ona vaivaiga ma faaletonu. Peitai, e leai se

Lotu e sili ona tumu i vaivaiga ma faaletonu e tusa ma le “Lotu

Tuto’atasi.” Tamā, Tinā, ma le Fanau---taumafai e lolotu faa-

tasi, amata atu i le Aso o Tamā.

Soifua

*************************************************

I le taeao o le aso Faraile 31 o Iuni 2019, sa tatalaina

ai le fale o Tina o le Au-Uso, i totonu lava o le aai o le ekalesia

Aoao i Kanana Fou. I lea faamoemoe, na valaaulia ai le

laulaufono o le fono tele, o le laulaufono o le Komiti o Tamā o

le Ekalesia, o nisi o Afioga foi i Tiakono Toeiina, ma nisi o

faafeagaiga sa auai, ia ma le sui o le Laulaufono o le Mafuta-

ga Aoao a Tina. I lea aso, sa mua’i o’otiina le ripine e le Su-

suga i le Taitaifono o le Ekalesia Aoao ia Faaeteete Saifoloi

F.T., ma faaulufaleina ai le mamalu o le aofia, ma amatalia ai

le faamoemoe i le faigalotu sa saunia e le Taitaifono o le

Komiti o le ‘Au Toeiina ia Fiti Aofia F.T., o le Sui Taitaifono

o le Ekalesia Aoao sa fofogaina talosaga. Na maea ona saunoa

lea o le Peresetene o le Au-uso le faletua ia Alofa Aofia F.F.T.,

ma ia faafetaia ai e le gata o i latou sa auai e molimauina le

tatala aloaiaina ai o le galuega, ae o tina o e sa o latou asaina le

gasū o le taeao i nai tina o loo soifua mai pea, ao tina ua lalago

mai tia. Sa ia saunoa foi ma le agaga o le faafetai ona o le

avanoa lea ua maua e le ‘Au-uso, e ui ina to’agaogao ma au-

sage, ae peitai o le faatasi mai le Agaga o le Atua, lea ua tino

ai le faamoemoe. Sa maua foi le avanoa e saunoa ai le

Agaiotupu o le Aiga Salemalama e tusa ai ma le galuega sa

gapatia ma olooloia ai mo le 9 masina o le galuega. Sa ia

fofogaina ai le faafetai maualuga i tina o le Au-uso ona o le

talitonuina foi o lona tagata faatauva’a, ao le galuega tele sa

feagai ai. O le susuga i le failautusi /teutupe le faletua Pe-

nisione Malolō ia Meafou Faataitai, sa faia le tala o le galuega:

E 4.37eka le fanua na fa’atau e le ‘Au-uso mai iā Fui-

maono Tuinanau i le tau e $5000-Tala Amerika. O le igoa o le

fanua o “OGEVAI”, a’o Peresetene Laitū Nemaia, Alofia Sala

o le Failautusi, ma Savali Fiti Sunia o le Teutupe.

Sa fausia loa e le ‘Au-uso le Maota tele fogafalelua,

ae fausia fale o pulega i ona autafa.

O Iulai 26, 1976 na resitala ai le fanua i le Igoa, ‘Au-

uso E.F.K.S. Matagaluega Tutuila ma Manu’a, aua sa tasi le

Ekalesia i lea vaitau. I le 1980, ua foi mai Tutuila ma Manu’a

ma atia’e lana Ekalesia, E.F.K.A.S., ma faaogaina loa fale o le

‘Au-uso. Ua fa’atuina le ma’a fa’amanatu e manatua ai Tinā,

ma a latou galuega. Ua mautu le Ekalesia ma ua le toe

faaogaina le fale o le ‘Au-uso. Ua finagalo le mafutaga Tinā o

le’a faafou le maota e pei ona i ai nei.

I le tausaga 2015, ua manatu le Peresetene o Foua

Fanolua, e resitala le ‘Au-uso e tusa ma sosaiete Aloaia e le

Malō. O le susuga i le loia o Muagututia Fiti Sunia, sa feagai

ma lea galuega. Ia Mati 20, 2015, na tau’a’aoina ai pepa

faamaonia, “SOSAIETE ‘AU-USO E.F.K.A.S.”

I le tausaga 2018, Ua a’e ai se tofā a o se finagalo i le

Peresetene ia Alofa Aofia ma le ‘Au-uso, e fausia se fale e tua

iai le Ekalesia ma le ‘Au-uso. Aukuso 14, 2018 na tuuina atu le

$30,000 i le Tofā ia Atuatasi Seigafo e amata ai le galuega. O

le tau atoa o le galuega e $115,000.00. E 9 masina o le galuega,

sa tele le agalelei o le Tofā ia Atuatasi ma le Tausi. E 20 totino

o le ‘Au-Uso na faatupeina le galuega, e mae’a le galuega , ua

atoa foi le tau o le fale.

E viia le Atua i lona alofa ma lona agalelei, ae maise o

lona tamaoaiga ua fai ma taulaga mo lona finagalo. Faafetai foi

i Tamā o le Ekalesia i le lagolagoina o le galuega. Faafetai foi i

uō ma e masani i le foa’i. Faafetai i o matou aiga ma fanau i le

onosai e faatino le faamoemoe.

O suafa nei o i latou na feagai ma le Galuega:

Alofa Aofia F.F.T Peresetene

Anne Hollister F.F.T. Sui Peresetene

Foua Fanolua F.F.T

Vagai Faalevao F.F.T

Mina Saifoloi F.F.T

Saifagaloa Paau F.F

Situfu Tanielu F.F

Jeannette Thompson F.F

Mafoe R. Faavae F.F

Rosapa’epa’e Manase F.F

Eseta Utai F.F

Galoane Elia Taase F.F. Penisione

Faimalie Tufue T.TK

Elisapeta Sunia F.TK

Faaofia Pulu F.TK

Fiapaipai Sunia F.TK

Fele A’asa T.TK

Shanna Fitiao F.TK

Eseta Sataua F.TK (Ta’ita’i Galuega)

Meafou Faavae F.F.Penisione (Failautusi /Tuetupe)

Malo lava galulue mo le Atua ma lona finagalo i lea foi vaega

o le galuega.

Soifua

Tatalaina le Maota o le Au-uso i Kanana Fou

12


TALA MAI LE KOLISI FAA-FAIFEAU I KANANA FOU

O i latou nei :

BACHELOR OF DIVINITY

Fetuao Mua

Geoffrey Tagaloa

Savali Talalemotu

Yonah Muasau

Ieremia Tyrell

Ierome Taii

Veteran Brown

Satalaka Faiva

Isamaeli Mataafa

Mathew Green

Siausage Liaina

CERTIFICATE IN THEOLOGICAL STUDY

Sunema Mua

Sinafea Dorothy Tagaloa

Sulu Talalemotu

Pola Muasau

Ruta Tyrell

Senira Taii

Na ta’ua i le ripoti a le susuga i le alii Pule, i lenei

tausaga i’u 2019, e toalua i laua ua taliaina mo avanoa

faasikolasipi, o le Susuga i le a’oa’o ia Fetuao Mua ma le Su-

suga i le a’oa’o ia Yonah Muasau, pe ‘afai e iai le finagalo o

nei alo o le Ekalesia e fia fa’aauau pea le ola a’oa’oina, ona

tuuina atu lea i ai le avanoa e ala i sikolasipi.

O le faafetai na molimauina e le susuga i le alii pule,

ona o nisi o le aufaigaluega e le gata i Toeiina ma le

aufaigaluega totofi ma ekalesia na afea i le galuega fa’amasani

a le Laumua mo lenei foi tausaga, ae maise i latou uma na

agalelei mo le Kolisi i so’o se foa’i, tautua ma le ‘aao mafola:

ae sili lava le nofo tatalo ma le talosia ai o le Laumua a le

Ekalesia ma lana Kolisi Faafaifeau.

O le Lauga ‘Autu o le aso sa fofogaina e le Tamā

Toeina ia Kereti Fai’ai F.T. Sa faamamafaina ai e le fai lauga,

upu mai le Tusi a le Aposetolo o Paulo i le Ekalesia o i Roma

16: 19 “Auā ua logo atu i tagata uma lava lo outou usiusit-

ai; o lea ou te olioli ai ona o outou. Ou te manao foi ia outou

popoto I mea lelei, a ia valelea i mea leaga.” Sa saunoa le

failauga, ua tele le poto ma le iloa ua maua i le fa tausaga sa

aotauina ai totonu o le laumua, e ala i le tufa atu a

le susuga i le alii Pule ma le aiga faiaoga, ao le galuega faa-

masani pei ona mafuta atu ai i Susuga i Toeaiina ma le ‘Au-

faigaluega ma aulotu taitasi, e taosoina ai le galuega talai pei

ona feagai ma i latou mo le lumana’i. TU’U ATU E O E FAI

LE FINAGALO O LE ATUA. E le o so tatou loto, a’o le fina-

galo o le Atua, aua ua tele lava e ua faamatu’u atu mo le galue-

ga, ae paga lea ua faia lava le mea ua loto iai, ma toe foi i le

lalolagi ma amioga sa masani ai pei o le au-soo. Aua nei galo

le valaauina, aua nei tago i le suotosina ma toe tepa i tua, ae

aga’i pea i luma.

E le faigofie le avea ai ma so’o faamaoni, ma o le a

tele lu’i o le’a tofotofoina ai le moni ma le lē moni, a’o le

silafaga a le Atua e manino mea uma, ma e mai le Atua lo

tatou fesoasoani, na te tautoaluaina i tatou i lana galuega. O le

soo faamaoni lava, o ā faigata ma lu’itau, o le a foi le

ta’usalaina ma inosia, ae faamalosi pea e faia le mea moni ma

mea lelei, e ala i le musumusuga a le Agaga.

Sa faaopoopo foi le Susuga i le Ta’ita’i, le Tamā

Toeina ia Fiti Aofia F.T., ma toe faamalosi pea mo le vasega

faau’u, ina ia faamalolosi pei o le aposetolo o Paulo i lona ata-

lii faaleagaga o Timoteo (2 Timoteo 4:5) “A o oe, ia faautauta

i mea uma lava, ia e onosai i mea e tiga ai, ia e fai le galuega

a lē folafola le tala lelei, ia e matuā faaiuina lau faiva.” O le

‘au’au lea o le faaopoopo a le ta’ita’i i lea aso, e timā’ina ai i

latou ua nofo sauni mo se galuega, ina ia faautauta, ia onosai,

auā a le tigaina e le maua le faaeaina. Toatele foi i latou e iloa

amata, ae ua faavaivai i lona faaiuga, ae ao lava ona

faamalolosi ma onosai i mea e tigā ai. E le afāina le matitiva

ona o le galuega, ae ao ona galulue pea. Finagalo le Alii e va-

laauina outou mo le galuega, ia faamalolosi, onosai, faautauta

ina ia faaiuina lou faiva. Ia manuia tele lo outou aga atu mo le

galuega a le Atua, ma ia outou manuia.

O le Susuga i le Failautusi Aoao na saunoa e faafetaia

le faamoemoe, e le gata o le Ta’ita’i ma lona ‘auva’a, ae o le

Peresetene ma le aiga faiaoga atoa ma toe upu mo le ‘au

fa’au’u. Na maea ma le manuia le faamoemoe o tama fanau a

le Ekalesia, o i latou ua “TU’U ATU E O E FAI LE FINA-

GALO O LE ATUA” ma le manuia.

Soifua

Fa’aauau mai itulau 1

Nofoa ma Laulau e fia RENT.

Fa’afesootai Komiti Atinae…

Ph: 7332338 / 2568485.

Taugofie tele..

$1.00 i le nofoa e tasi (i le aso)

$5.00 i le laulau( i le aso)

13


TALA MAI LAU A’OGA MAUALUGA

(KANANA FOU HIGH SCHOOL)

I lenei lava vaitau o le seleselega a fanau, o lo’o mo-

limauina ai e le gata o totonu o le lotoifale o le Ekalesia, ia a

o le malō foi. Lea na feagai ai le Kolisi Maualuga i Kanana

Fou ma lana faamanuia, ia Iuni 06, 2019. Sa tala faitotoa o le

Malumalu ua Taunu’u i lea taeao ma amatalia ai le faamoe-

moe o le fanau i le itula e 9.30, i le tapuaiga sa Ta’ita’iina e

le Susuga i le Toeaina ia Ioane Evagelia F.T., ma o le

to’oto’o lauga, aua se upu tomatau mo fanau sa fa’au’uina i

lea aso.

O le Fofoga o le aso, Maliolio Ailima sa ia faafeiloai

le mamalu i le ‘aufaigaluega totofi a le Atua, o malō

fa’aaloalogia, a o le paia lasilasi o matua sa faatasi ai e moli-

mauina lea faamoemoe taua. O le Susuga i le tamaitai Pule ia

Sinaitaaga Tufele, sa feagai ma le tala otooto o le a’oga. Sa

vaaia le tutulu o le tamaitai pule, ona o fanau ia ua faau’uina i

lenei tausaga mai tausaga e 4 sa a’oa’oina ai, lea ua sauni e

tu’ua le laumua ma le mafutaga pele ma faiaoga, ae agai atu e

le gata o nisi o le a fa’aauauina le ola aotauina i totonu o

Amerika Samoa nei, o atunuu mamao, ao nisi foi o le’a

faigaluega. Sa taua e le tamaitai pule, o nei fanau sa tele

tauvaga a aoga a le malō ma aoga tutoatasi sa auai atu i ai,

ma faamanuiaina ai. Na fa’amaea upu a le tamaita’i pule i

lona faalauiloaina o i laua ua tulagā mo lenei foi tausaga aoga

2019, ua iai le tamaitai o Alycia Tausaga mo le Valedictori-

an, ma le tamaitai ia Agnes Medonna Tavila Muese, mo le

Salutatorian. O le susuga i le Taitaifono o le Komiti o Aoga

ia Eleasaro Faataa, sa tuuina aloaia atu fanau nei e toa 27, ua

ausia togi ma agavaa mo le taliaina e le sui o le DOE. Sa sau-

noa foi le Afioga i le Loia Sili ia Eleasaro ‘Ale e fai ma sui o

le Malō, na ia faafetaia ai lava le Ekalesia Aoao, ma le komiti

o aoga ona o le atina’eina o le aoga maualuga a le Ekalesia, a

e le faagaloina foi matua ma le fai mea sili mo fanau. Na ia

faamalosi foi i lea aso, o le poto moni lava ia na’o le Atua e

maua ai. Na ia saunoa foi ina ia le na o se to’ulu’ulu o se ti-

mu, a ia tō fa’aua mai lagi manū i ala o le fanau faau’u. Na

maea ona taliaina e le sui o le DOE tama ma teine e toa 27,

ona tufatufaina atu loa lea o latou Tusi Pasi.

O le susuga i le Ta’ita’i o ia foi sa feagai ma le lauga

faapitoa, sa ia faaogaina ai lava le Autu sa filifilia e le fanau,

“IA TO MAI LAGI MANŪ” “MAY THE BLESSINGS OF

HEAVEN BESTOW UPON YOU”, a e o upu mai le Afioga

Paia a le Atua o loo Tusia i le Kolose 3:17 ua fai ma matua.

“O mea uma foi tou te faia, i le tautalatala po o le amio, ia

faia uma lava ia mea i le suafa o le Alii o Iesu, ma le faafetai

i le Atua le Tamā e ala ia te ia.”

“And whatever you do, whether in word or deed, do it all in

the name of the Lord Jesus, giving thanks to God the Father

through him.” (Colossians 3:17)

It was a day of celebration and honoring of students hard

work. Tears and warmth of joy filled the air. But special

remarks by Reverend Elder Ioane Evagelia brought focus and

encouragement to fellow graduates. Rev. Elder spoke of five

principles of receiving blessings. He was focusing on princi-

ple number four. “Always be thankful.” Everything we have

graduates are from God. Moses and the Israelite have bad

attitude. Forty years in the wilderness but appreciation, no

hearts of thanks. Their hearts were harden. Complaints and

murmuring. But today, I say onto you be thankful and grateful

for what your teaches, parents and above all what God had

done for you. We compare ourselves to our neighbor or other

students looking at the latest technology ignoring sacrifices of

parents teachers and family. Although we are living in a com-

petitive world never forget Saint Paul word in Colossians. Al-

ways be thankful for what you have. Live a thankful and sim-

ple life without complaints and carrying a heavy burden. Do

all these things and blessing will continue to pour down from

heaven.

Na maea le upu autu o le aso, ona tolaulau lea o fanau

ua faaiuina le taumafai ua mauaina o latou tusi faau’u, e

faufautua o le vasega faaiuaso.

Graduating Class of 2019

1.Alycia Tausaga ++***

2. Agnes Medonna Muese +***

3. Adam Polu *

4.Chiara Mamea ***

5. Christopher Taofi

6. Clint Ilaoa

7. Devon Lacambra ***

8. Fa’auma Ropati ***

9. Fa’avaefou Pase ***

10.Feula Peneli

11.Gracelene Laie ***

12.Jadallah Levaula *

13.Jerry Malaga *

14. Keneti Tu’ifua Asiata

15.Kereveta Arona *

16.Lawrence Laulu

17.Natalie Tenise *

18.Nickson Sefo

19.Pearly I’atala *

20.Princess Ta’afua *

21.Princess Toluselau Tufele **

22.Sharon Mata’utia ***

23.Sonny Lam ***

24.Talaia Papali’i *

25.Theresa Lemalu ***

26. Upumoni Logologo ***

27. Wesslyo Luaao *

14


Na faafetaia foi e le fofoga o le aso, ma le Tamaitai Pule i

latou uma sa alolofa ma saunia fa’ailoga mo le ’au fa’au’u

mo lenei foi tausaga aoga.

Pei ona iai i latou nei:

Valedictorian Award

Rev. Elder Fa’aeteete Saifoloi ,CCAS Chairman

Salutatorian Award

Rev. Elder Leatulagi Fa’alevao, Vice-Chairman

Presidential Award

Rev. Eleasaro Fa’ataa, Chairman Educational Committee

Leadership Award

Rev. Nafatali Falealii, CCCAS General Secretary

Cultural Award

Mrs.Fiasili Puni Haleck, CCCAS Treasurer

Scholastic Award

PC Tufele Li’amatua

Highest ACT Award

Hon. Gaoteote Palaie Tofau, President of the Senate

Citizenship Award

Hon. Savali Talavou Ale, Speaker of the House

Male/Female Athletic Awards

Rev. Semo Tapaleao, Secretary Education Committee

Most Improved Award

Rev. Iasepi Ulu, CCCAS Fagatogo

Ituau Malosi Award

Hon. Manumaua W. Wilson

Tuālauta Award

Hon. Samuel I. Meleiseā

National Honor Awards

Hon. Aumua Amata Coleman

Rotary Awards

KFHS PTA Award

Teacher of the Year

Na maea le sauniga, ona faia lea o le fa’a’ulaga mo le fanau

faau’u ma ta’ape ai le aofia ma le agaga o le FAAFETAI.

Soifua ma ia Manuia lau Tapuaiga.

Mo Tupulaga Talavaou

E le o mamao ese lava le fatuaiga tausi a matua, ma le

alafua o lo’o tautala i ai le Tusi Paia…. ‘Ao’ao le tama e tusa

ma ona ala, aua a matua e le toe te’a ese ai lava. O le upu tau-

lagi lea e fa’alogoina pea i aso uma, ma taimi uma o le

soifuaga. Ua pei o se tauloto e fua pau mai le manatua pea, e

tausili ai manatu o matua i le va ma fanau. O le anofale lea o le

matuaofaiva a matua, i le faufauina o le olaga o fanau, ina ia

savali tonu i le ala na tauasa mai e tuaa ua taooto mai i tiasa,

seia o’o mai foi i o tatou augatupulaga.

Peitai ua le o gatasi le futia ma le umele, ina ua taga

eseese suiga ma le fa’ataotoga o alafua o lo’o savavali ai fanau

i lenei talutalu fou. Ua avea suiga o aga ma faiga ua motusia ai

le gafa i le so’otaga tagata, ma le so’otaga alofa i le va o le

tāma ma le atalii, le tinā ma le tama teine. Ma ua pei ai o se

taetafe i le auau, le fesouaina solo o manatu ma lagona o fa-

nau, po’o fea le olaga sa’o e tatau ona savavali, a’o fea le olaga

sese e tatau ona mataalia i ai, ma alo ese mai ai. E le tu’uaina

se itu se tasi, ae o le itu taua e ao ona tatou va’ava’ai totoa i ai,

ma tatou fesili ane ai. O a mai a tatou tupulaga talavou? O a

mai tupulaga talavou a lau aulotu? O a mai tupulaga talavou a

le Ekalesia? O a mai oe le tama ma le teine i totonu o aiga,

totonu o lau ekalesia, ma mea fai o le lotu?. O tatou vaaia ea ni

suiga ua tulai mai ia tatou talavou? Ua e maitauina ea e oe le

tāma ma le tinā, ni suiga i lou atalii ma lou afafine.

Afai la ua e tilofia nei suiga, ua tulai mai ia tatou tupu-

laga. O le a sou manatu? E tu’u ai pea, pe fai i ai se tala. Afai

e tu’u ai pea, o a ni foliga vaaia e te maitauina ia tatou tupu-

laga. Afai foi e le o lea, A tu’u ai pea, e fa’apefea le lumanai.

O ai e tautala mai aso i le moni ma le fa’amaoni. A tu’u ai pea,

o ai e muamua fa’asino i ai le lima o le fa’amasinoga.

Talofa e, pe a fa’apefea ona agai i luma le ekalesia pe

afai E tuu ai pea. Pe fai i ai se tala, ona a lea? O a ni vaaiga e

ese mai i tupulaga talavou, pe a fai i ai se tala. Pe fai i ai se

tala, o le a le fa’amasinoina le lumanai e taoto mai i se atoa e

naunauta’i i ai lagona ma fa’afualeva le olaga tuputupu ae. Pe

fai i ai se tala, ua e fa’asino le ala o le manuia ia tatou tupu-

laga, ina ia fua mai le manuia i ona lava tau, e le toulu ese

manuia o le Atua, aua ua uma ona e fa’asino, ma e ‘ao’ao, ma

e lulu le fua lelei, aua tupulaga mo a taeao.

A’oa’o le tama e tusa ma ona ala, aua a matua e le toe tea

ese ai lava. O le matua tauave lena e ao ai i tagata matutua ma

tagata lolotu, ona mataitu a tatou tupulaga. Aua a lelei ona

fa’afailele tupulaga, ua manuia le lotu ma le agai i le lumanai.

Manatua fai mai Iosua ia Isaraelu, A fesili mai a outou fanau i

le lumanai, po’o le a le uiga o nei maa, ia outou fai atu i ai, o le

fa’ailoga o le alofa o le Atua. Matua ma le Ekalesia, ina nei

fesiligia i tatou pe sa fai sau galuega ia tatou tupulaga, ona e

natia lea o le upu alofa sa tatau ona tau atu. E fai la i ai se tala,

pe tuu ai pea…..faaauau pea.

Iese Faavaoga(AKF)

Sui Lamepa

15


TATALAINA LE MAOTA O LE AU-USO

MAFUTAGA FA’AOLAOLA TOEIINA MA FAIFEAU TUTUILA MA MANU’A IA APERILA 22,23 - 2019

16


FA’AU’UGA A LE KOLSI FA’AFA-IFEAU I KANANA FOU

FA’AU’UGA A LE KANANA FOU HIGH SCHOOL

17

Documents

EKALESIA FAAPOTOPOTOGA KERISIANO AMERIKA SAMOA · ME - IUNI ANOTUSI FA’AU’UGA ... Tamā 3 Mafaufauga Faaleagaga 4 Faamaoni i le Atua 5 Faasoa mai Faiaoga o le Kolisi Faa-faifeau