Upload
others
View
70
Download
0
Embed Size (px)
Citation preview
EKALESIA FAAPOTOPOTOGA KERISIANO SAMOA
TUSI AOGA AOGA SA: VASEGA MATUTUA 2011
UPU TOMUA. I le suafa mamalu o Iesu Keriso le Ao o le Ekalesia, e faatalofa faafeiloa’i atu ai i le paia o le Ekalesia i le nofo a Matagaluega, Susuga Toeaina ma Faletua, Susuga Faafeagaiga ma Faletua, A’oa’o ma Tiakono faapea le lautele o le Ekalesia ma tagata lotu i ona tulaga faalupeina. E faafeiloa’i faapitoa i le mamalu o Faiaoga Aoga Aso Sa i vasega taitasi; malo le molimau ma le soifua faatuatua, malo le galulue punoua’i mo le Atua ma le Tala Lelei ia Iesu Keriso, e ala i lenei galuega o le Faiaoga Aoga Aso Sa. E maualuga le manatu ua maua se faasiliga malosi e ala i faiga tuuaga. O lea ua toe amata galuega mo lenei tausaga 2011; ia manuia tele lo outou alo faiva i le a’oa’oina o alo o le Ekalesia, ma ia i’u atu la outou galuega e fai ma viiga o le Atua silisili ese. O Tusi mo Faiaoga o Aoga Aso Sa mo le 2011 ua saunia mo le tausaga atoa. Ia silafia: 1. Ua maua nei Tusi Aoga 2011 i le Upega Tafailagi (website) a le EFKS: www.cccs.org.ws. 2. E leai se suiga i Auala ma Metotia e a’oa’oina ai mataupu mai tausaga talu ai. E tāua ai le teu faalelei pea o Tusi Aoga 2009 & 2010 e silasila i ai pe a mana’omia. E maualuga le manatu o le Matagaluega i le tofa saili ma le tofa taulagalaga ma faama’ite o susuga i Faiaoga Aoga Aso Sa, e fa’aaogā ai taleni ma agavaa o meaalofa a le Atua ua ia i latou, i le faatinoga o le faiva faa-faiaoga.
3. O le Tusi Aoga mo le Vasega Matutua ua faavae i mataupu o le Tusi Faitau Aso 2011. 4. O vaega masani o le Faatinoga o Mataupu e pei o Tatalo Amata, Faafeiloa’i le Vasega, Faamanatu Mataupu talu ai, Tatalo faapa’ia le foa’i, Tatalo Faai’u ma isi, ua lē o tusia i le faasologa o mataupu i Aso Sa taitasi, mo le faasaoina o mea lomia. Peitai o vaega masani nei o le faatinoga o mataupu e tatau lava ona faatino i Mataupu ma Aso Sa taitasi. 5. Afai e fia maua se fesoasoani i fati o Pese, faamolemole faafeso’ota’i mai lo tatou Ofisa i Mulinuu, telefoni 24340 & 25690, poo le e-meli: [email protected]
6. Afai ua lape le faatinoga o lenei galuega, e matua atu i la outou tofa faaleAtua e magalo ai le aufaigaluega vaivai. Pe afai foi e i ai ni fautuaga mo le faaleleia atili o lenei galuega, faamolemole faafesoota’i mai lo tatou Ofisa i tuatusi o i luga, pe lafo mai i le Pusa Meli 163, Apia. 7. O lenei Tusi Aoga na saunia e Susuga Faifeau ma A’oa’o I’u Malua o galulue i le M.A.K. Ia faamanuia le Atua i le alo atu i galuega o lenei tausaga, auā le a’oa’oina o alo ma fanau i Aoga Aso Sa ina ia TUPU A’E IA KERISO. Soifua ma ia manuia. Faatonu Aoaoga Kerisiano.
FAASOLOGA MATAUPU VASEGA MATUTUA 2011
FEPUARI: (ASO SA 13, 20, 27).
Matua: (Ekalesia Maloloina/Folafolaina o le Malo/Olaina o le
Malo).
13 (Aso Sa Tupulaga): O faailoga e lima o se Ekalesia
maloloina (Efeso 5: 21-33).
20 Folafola atu i le amio le Talalelei (Mataio 5: 43- 48).
27 Olaga i le malo o le Atua (Mataio 6: 25- 34).
MATI : (ASO SA 6, 13, 20, 27).
Matua: (O faamalologa/E finagalo le Atua e ō mai ia te ia ē
agasala/O le malosi na te suia).
06 Faamalologa e faavae i le alofa (Mataio 9: 27- 38).
13 O ai se na te fa‟ate‟aeseina mai i tatou i le Alofa o le
Atua (Roma 8: 28- 39).
20 O le faamagaloga a le Atua (1Timoteo 1:12-20).
27 Fai e le Atua suiga o le ola (Ruta 1: 6 – 22).
APERILA: (ASO SA 3, 10, 17, 24).
Matua: (Olaga ua suia/O Keriso o ia te outou, o le faamoemoe
lea i le manuia/I le suafa o Iesu Keriso/O lo o soifua
pea le Alii).
03 E fai e le Atua suiga tetele (Salamo 126: 1- 3).
10 Talia Iesu ma maua‟a ai ia te Ia (Kolose 2: 1-7).
17 (Aso Sa Laupama) Ia faia mea uma lava i le suafa o le
Alii o Iesu (Kolose 3: 5- 17).
24 (Aso Sa Toetu ) Ua toe tu mai Keriso (Ioane 20: 1-
10).
ME: (ASO SA 1, 8, 29).
Matua: (O Keriso ma ona tagata/O fesili a Iesu/O le Silisili
„Ese, ma le tagata).
01 Auai faatasi Keriso ma ona tagata (Mataio 28: 16- 20).
08 (Aso Sa Tina) Se a le mea tou te fefefe ai faapea?
(Mareko 4: 33-41).
15 MALOLOGA FONO TELE
22 MALOLOGA FONO TELE
29 Va‟aiga fa‟a-le-Atua ma le tagata (Roma 12:1- 8).
IUNI: (ASO SA 5, 12, 19, 26),
Matua: (I mata o le fatu/Vaai mai i se isi itu/Faataoto o le
malo/O Iesu le Ao o le Malo).
05 O foliga o le loto (Mataio 13:1-17).
12 (Aso Sa Penetekoso) Ese‟esega o manatu (Mareko 10:
10-31).
19 O mea lilo o le Malo o le Atua (Mataio 13: 24- 35).
26 O fa‟ailoga o le Malo o le Atua (Mataio 14: 22- 36).
IULAI: (ASO SA 3, 10, 17, 24, 31).
Matua: (O aga o le Malo/O faaipoipoga lelei pe
leaga/Faaipoipoga o se faatusa/Solomona ma le
malumalu/O le faamutaina o tupu).
03 O aoaoga o le Malo (Mataio19:16-30).
10 O faamanuiaga i faaipoipoga (Faataoto 31:10-30).
17 Faatusa o le Ekalesia (Faaaliga 21:9-14).
24 Solomona ma le malumalu; mo le viiga o le Atua
(1Tupu 8:1-9).
31 O le faamutaina e le Atua (1Tupu 9:1-9).
AOKUSO: (ASO SA 7, 14, 21, 28).
Matua: (Galuega a Elia/Feiloaiga ma faamanuiaga/O a‟e i
Ierusalema).
07 E faalotolotolua se ia afea? (1Tupu 18:21-30).
14 (Aso Sa Tamā) Alofaaga o le Tama mo lana fanau
(1Korinito 16:1-14).
21 Ia faateleina le Alofa ma le Manuia (Iuta 1:1-25).
28 Alu a‟e e fai le finagalo o le Tama (Mataio 20:17-19).
SETEMA: (ASO SA 4, 11, 18, 25).
Matua: (Feteenaiga/Failoga o aso e gata ai/O Agelu i le
Feagaiga Tuai/O Agelu i le Feagaiga Fou).
04 (Aso Sa Talalelei) Feteenaiga (Mataio 22:8-9).
11 Faailoga mulimuli (Mataio 24:36-51).
18 Agelu i le Feagaiga Tuai (Salamo 91:11-16).
25 Agelu i le Feagaiga Fou (Luka 22:39-46).
OKETOPA: (ASO SA 23, 30).
Matua: (Taua o fefaatauaiga/Ia ola faafetai)
(2,9, 16) (Tapenaga Lotu Tamaiti/ Lotu Tamaiti/Malologa).
23 Ia mauoloa i le Atua (1Timoteo 6:11-21).
30 E faapefea ona avatu le faafetai? (1Nofoaiga Tupu
29:10-19).
NOVEMA: (ASO SA 6, 13, 20, 27).
Matua: (Mafuaaga e faafetai ai/Pu‟eina o Iesu/Suesueina o
Iesu/O le faaolataga e mai le Atua).
06 Faafetai ina ua faamamaina (Luka 17:11-19).
13 Faalataina i le kisi (Mataio 26:47-50).
20 O le Pule Faatupu a Iesu (Mataio 28:16-20).
27 O le Atua lava o Ia, na te saunia le faaolataga (Salamo
24:1-10).
TESEMA: (ASO SA 4, 11).
(Aso Sa 18, 25: MALOLOGA KERISIMASI).
Matua: (Vaaiga eseese i le Faaolataga/Faaolataga e lagiina
pea).
04 O‟oo‟oga o le faaolataga mo le tagata (Ieremia 30:10-
17).
11 Pese ona o le faaolataga (Galuega 13:26-41).
ASO SA: 13 FEPUARI, 2011
(Aso Sa Tupulaga).
MATAUPU: O FAAILOGA E LIMA O SE
EKALESIA MALOLOINA
SINI: Ia aoaoina le vasega, o faailoga e lima o
se Ekalesia maloloina e iloa i mea nei:-
(i). Ia usiusitai ia Keriso o le Ulu ma le Faaola o le
tino le Ekalesia
(ii). Ia faatino e le Ekalesia le Alofa Faaola o Keriso
auā o le Ekalesia o le Sui o Keriso
(iii). Ia paia ma lē pona e tusa ma le faataeleina ma
le faamamaina o le Ekalesia e Keriso e ala i le
Upu o le Talalelei, ma le Papatisoga i lona
maliu
(iv). E ogatotonu Keriso i le Ekalesia ae le o se poto
faanositika
(v). Ia faavae i le na o le Alofa Tunoa o le Atua le
aoaoga o le faaolaina o so o se tagata, ae le o ni
galuega lelei ma se poto tulaga ese.
TUSI FAITAU: Efeso 5:21-33
FESOASOANI MO FAIAOGA
1. Tala
O le tala i le Tusi Faitau o lo o apoapoa‟i atu ai Paulo i le
Ekalesia i Efeso i amio e tatau ma tagata o le Ekalesia. Ua
ta‟ua e Paulo i ff1-2 le tāua o le savavali i le alofa faapei o
Keriso; o le ff1-14, o nisi o amioga a le tino e pei o le faitaaga,
amioleaga, manumanu, anovale, fai upu faatauvaa, faaulaula.
Mo Paulo o le ifo i tupua lava lea, ma e le maua e i latou se
tofi i le malo o Keriso ma le Atua. Ua apoapoa‟i atu Paulo ia
Efeso ina ia „aua nei faaseseina, ma faatasi atu i latou i tagata
faapea e tusa ma le suiga fou o ō latou olaga ia Keriso. Ia
savavali pea e pei o ē ua i le malamalama. Auā o le fua o le
malamalama o le agalelei uma lava ma le amiotonu, ma le
faamaoni.
Ona apoapoa‟i ai lea o le aposetolo ia Efeso i le sootaga
faaulugalii o le tane ma le āva ina ia faavae ia Keriso, e ala i le
usiusitai o le tasi i le tasi; o le tane o le ulu o le aiga, ma ia
usiusitai i ai fafine faapei o Keriso o le ulu o le ekalesia, ma le
faaola o le tino le ekalesia. E faapea foi i tane ina ia alolofa ia
latou āva faapei o Keriso ona alofa mai le ekalesia, ma foai
mai ia lava e fai mona sui.
2. O le faatusa o le tane ma le fafine i le Tusi Faitau
Ua faamanino atu e Paulo ia Efeso le paia o le sootaga
faaulugalii e ala i lona fa‟aaogaina o le faatusa o le tane ma le
fafine. O Keriso o le faatusa o le tane a o le Ekalesia o le avā.
O Keriso o le Ulu ia o le ekalesia, ma o ia foi o le Faaola o le
tino le Ekalesia. E faapei ona usitai o le tino le Ekalesia i le
Ulu o Keriso, ia faapea foi fafine ona usitai ia latou tane o le
ulu o le aiga. O tane foi o le ulu o le aiga ia alolofa i āva faapei
o Keriso ona alofa i le ekalesia lona tino ma ia foaiina mai o ia
e fai mona sui. Mo Paulo e le ita se tasi i lona tino, faapei o
Keriso foi i le ekalesia. Ia faapea le tane ona alofa i lana āva
faapei ona ia alofa o ia ia te ia lava. Na te fafaga ma tausi i le
āva āua o lona lava tino faapei o Keriso ona tausi i le ekalesia.
3. O nisi o faamamafa a le Tusitala o le Tusi o Efeso ona
o aoaoga faa-Nositika ua aafia ai le ekalesia i Efeso
(a). Ia faamamafa le taimi nei (put emphasis on the reality
of heaven „here and now‟) ae le o le lumanai e ala i le
meaalofa o le Agaga Paia na te aumai le moni ma le
mautinoa o le ola fou i le lumanai
(e). E ogatotonu Keriso i le Ekalesia (Christ is central in the
church) ae le o se poto ma se iloa. Faamamafa ai le mea
na faia, ma mafai ona faia, ma toe faia i le lumanai e
Keriso mo ona tagata kerisiano.
(i). O le Ekalesia ma lona tulaga (role) i fuafuaga a le
Atua mo le lalolagi e fa‟aauau pea i le lumanai.I totonu
o lenei Ekalesia e aofia ai kerisiano Iutaia, ma kerisiano o
nuu „ese (2:13-18; 3:6).
(o). Faamanatu e le tusitala i le Ekalesia i Efeso le tāua o le
amataga o lo latou avea ma kerisiano e ala i Aposetolo o
Iutaia ma uluai kerisiano o Iutaia foi na amataina le
uluai Ekalesia. (2:20; 3:5).
(u). O le Ekalesia o le meafaigaluega a le Atua mo le
faataunuuina o fuafuaga paia a le Atua mo le lalolagi i
le lumanai (2:21; 3:10; 4:13, 16; 5:27).
(f). O le Ekalesia o le tino tumau ma fa‟aauau o lo o
galue ai i totonu Keriso i le lalolagi, ma e i ai lona
talaaga (plain historical fact) faapea ma lona lumanai
faale-agaga (metaphysical reality).
(g). Ia faatāua le amataga o le ekalesia faapea ma le tāua o
uiga lelei faale-agaga i le olaga o se kerisiano. O le
iloa o Keriso ma le suia ai o le amio, o le meaalofa a le
Atua mo i tatou. Ia tatou talia ma le faamaulalo; ma e le i
maua mai i se maualuga o se tatou iloa faale-agaga po o
se poto ua tulaga ese e pei o aoaoga faa-nositika.
(m). O le faaolaina o le tagata e le faalagolago i ni galuega
lelei (A new moralism due to Gnostic teachings which
stresses good works to be saved). Mo le tusitala, ua na
o le Alofa Tunoa o le Atua ia Keriso e faaolaina ai le
tagata. O le soifua o Keriso le meaalofa a le Atua e mafai
ai ona suia le lagona i totonu ma suia ai le amio i
fafo.
4. Uiga o upu ma fuaiupu
(a). Ekalesia (f25):
O le upu Eleni o lona uiga, o le faapotopotoga. E lua uiga o le
ekalesia, (i). O le igoa tele o le „au faatuatua uma lava; o e ua
sao atu i le lagi, ma i latou o e tumau i lalo nei. (ii). E faasino
foi i le „au faatuatua o e mau i le aai e tasi.
O nisi igoa o le ekalesia, o le aai a le Atua, o le aai a le Tupu
silisili; o le aai paia; o le aai e uia; o le aai e faamaoni; o le aai
e le lafoaiina; o le aiga o le Atua ma Keriso; o le afioaga o le
Atua; o le ekalesia a le au ulumatua; o Ierusalema faalelagi; o
Ierusalema fou; o ē ua faatauina e le Alii; o le faapotoptoga o
tagata amio Atua; o le faatoaga a le Atua; o le faatoa nofo tane;
o le fale o fai o le Atua; o le fale faale-agaga; o le lafu mamoe
a le Atua; o le mauga o le Atua; o le mauga o lou tofi; o le
poutu ma le lagolago o le upu moni; o tuugaafi auro e fitu.
FAATINOGA O LE MATAUPU
1. Faailoa le mataupu
2. Faitau le Tusi Faitau
3. Faamatala le mataupu
4. Faia le galuega faatino
5. Aoaoga ma le pese
GALUEGA FAATINO: Filifili se faatinoga e faatino
1. Fesili ma Tali e fetufaai ai ma le vasega
(a). Aisea e tatau ai ona usitai le tasi i le tasi ma le
mata‟u ia Keriso (tane ma le fafine)?
Tali: Auā o le tane ma le fafine ua tino e tasi ia Keriso,
auā o i la‟ua uma o itutino o Keriso e ala i lana ekalesia.
Ua fai Keriso ma sui o i la‟ua, i lona soifua sasaa mai ina
ia faapaiaina ai.
(e). Aisea e tatau ai ona ava ma usitai le fafine i lana tane?
Tali: Auā o le tane o le ulu o le aiga, ma ia alofa i lana tane
faapei ona alofa i lona lava tino auā ua tino e tasi i
la‟ua ia Keriso. Ua le toe faalua i la‟ua „a ua faatasi ia
Keriso
(i). O le a le faatusa o le tane ma le fafine i le Tala?
Tali: O le faatusa o le tane o Keriso, a o le faatusa o le
fafine o le Ekalesia.
(o). O le ā le tulaga (role) o le Ekalesia ia faia ma faatino?
Tali: Ia usiusitai ia Keriso, ma ia fanauina ni kerisiano fou e
ala i le papatisoina o tagata i le vai (papatisoga), ma le
faamamaina i le upu o le Talalelei
(u). E faaolaina nisi i se poto tulaga ese ma ni galuega
lelei ua faia?
Tali: E leai, ua na o le Alofa Tunoa o le Atua ia Keriso e
faaolaina ai le tagata agasala. O galuega lelei o fua
vaaia ia o le salami ma le faatuatua o meaalofa o le
Alofa Tunoa
2. Fa‟aaliga o manatu i le mataupu: O LE
SAUĀINA O TINA
(a). Fetufaai ma le vasega po o ā mafuaaga e mafua ai
(e). O le a se vaifofo o lea faafitauli e tusa ma le Tusi
Faitau?
(i). O le a se fautuaga a Paulo mo lou tama e te faamanatu
i ai pe a e vaaia lea faafitauli?
A‟OA‟OGA
1. O Keriso o le Faavae Moni o le Ekalesia
2. Ia tatou faafetai i le Atua ona o lona Nuu e ala ia Iesu
ma ana Aposetolo ma uluai kerisiano Iutaia na
faavaeina le uluai Ekalesia
3. Ia tatou faafetai i le Atua ona o lona Agaga Paia na
faapaiaina le amataga o le Ekalesia
4. Ia usiusitai le Ekalesia ia Keriso le Ulu o le Ekalesia
4. E le faaolaina se tasi i se poto tulaga ese po o ni galuega
lelei, ae ua na o le Alofa Tunoa o le Atua ia Keriso le
Ulu o le Ekalesia
5. O lo o tausi mai i le alofa o Keriso lana Ekalesia
6. Ia fua mea uma e faatino e le Ekalesia i le soifua ma le
upu a Keriso
7. O le Ekalesia o le poutu ma le lagolago o le upu
moni a Keriso le Ulu o le Ekalesia
PESE: Tasi le Faavae o le Ekalesia (Tusi o Pese
ma Viiga--- EFKS)??.
……………………………………..
ASO SA: 20 FEPUARI, 2011
MATAUPU: FOLAFOLA ATU I LE AMIO LE
TALALELEI
SINI: Ia aoaoina le vasega ina ia malamalama
o atalii po o fanau a le Atua e fa‟aalia ia
latou amio le finagalo paia o le Atua ua
fa‟aalia i le Talalelei
TUSI FAITAU: Mataio 5:43-48
FESOASOANI MO FAIAOGA
1. Tala
O le tala o se tasi o vaega mulimuli e ono (6) (ff21-48) o le
Lauga a Iesu i le Mauga e ta‟ua e le au suesue o le Tusi Paia, o
faavae fou (antitheses) o le malo o le Atua. Ua a‟oa‟o ai Iesu i
le uiga moni o aoaoga o le Tusi Paia (Scripture) ma le au
perofeta e uiga i le ita (anger) ff21-26; mulilua (adultery) ff27-
30; faate‟a o le āva (divorce) ff31-32; tautoga (swearing) ff33-
37; taui ma sui (retaliation) ff38-42; ma le alofa i ē ita mai
(loving enemies) ff43-48.
O le Tusi faitau la (ff43-48), e faavae i le Levitiko 19:18. O le
faamoemoe o lenei aoaoga a Iesu i le alofa – Ia fa‟aalia i olaga
o ona soo le alofa faatino o le agalelei tausi mai o le Atua mo
tagata uma. A faapea ona faia e soo o Iesu, e avea ai i latou ma
atalii o le Atua. Mo Iesu „a alofa faapei ona ia aoao mai, e
maua le taui, ae „a alofa faapei o tagata faapaupau ma ao
lafoga, o le „a leai se taui auā ua faataualofa. Ua paleni itu e
lua auā ua alofa atu ma alofa mai, ma ua leai ai se avanoa mo
le taui mai le Atua. O le alofa e faatuaoi ma faapito. Mo Iesu,
ia fa‟aalia le Talalelei i le amio sa‟o ua ia aoao mai. Ia le na o
laugutu ma upu, ae o lo o tamau pea i le amio tuai. Ia faatino
ma faailoa mai i le ola ma le amio ua suia moni ma faamaoni
le olaina o le uiga moni o faavae fou o le Malo o le lagi ua ia
fa‟aalia.
2. Uiga o upu ma fuaiupu
(a). alofa i ē ita mai (f44):
Ia le na ona lagona i le loto „a ia faatino mo le lelei o le
isi uso i le Ekalesia faapea ma lē o lo o ita ma faasauā
mai (an all inclusive love of brethren and those outside).
(e). “..ina ia faia outou ma atalii..” (f45)
O le faailoga o atalii o le Atua (Ekalesia) o le faatino o
le alofa ua aoao mai e Iesu e pei foi ona faia e le Atua. O
le alofa e le fuaina i se mea lelei ua fai mai, ae ofo fua
atu ma agalelei atu mo le uso, ma lē ita mai
(i). taui (reward/pay) f46
O le taui ua iloa ai o le alofa foai fua (grace) e
avea ai i latou e faatinoina ma atalii o le Atua
(o). uso (brethren) f47
E faasino i tagata o le Ekalesia
(u). Ia atoatoa ona lelei o la outou amio (f48).
E faavae le fuaitau lea i le Teuteronome 8:13 (Ia sao lau
amio i luma o le Alii lou Atua), ma le Levitiko 19:2i (“..
Ia paia outou; auā o a‟u …e paia lava a‟u‟). O le
faaiuga foi lea o aoaoga e ono a Iesu (ff21-48). O le
faamamafa a Mataio, ia tuuina atu le ola atoa o le soo e
olaina ai ala o le Atua. I le faatinoina o le alofa,
faaleleiga, ma le amiotonu, ia faapupula atu ai e soo o
Iesu le Atua i tagata i lona atoatoa mo le lelei o
tagata uma
3. Evagelia a Mataio (a). E ta‟ua e nisi o tagata suesue o le Tusi Paia le Evagelia
a Mataio o Tusi e lima o le Tulafono. E faatatau lea i
upu a Iesu (“Ua faaiu e Iesu o ia upu..”, 7:28; 11:1;
13:53; 19:1; 26:1) o lo o faai‟u ai vaega iloga e lima o
le Tusi. Atonu o se manatu o Mataio o lana Evagelia o
le Tulafono Fou (New Law) mo le Ekalesia, le Isaraelu
Fou.
(e). O le Evagelia a Mataio ua faamauina ai le aoaoga e
faatatau i le Ekalesia. Ua iloa lea tulaga i le fa‟aaogaina
e Mataio o le upu Eleni ua faaliliuina ekalesia (ekklēsia).
(i). E tamaoaiga le Tusi o Mataio i tu ma aganuu faa-Iutaia e
pei o le Tulafono faapea ma valoaga faa-perofeta o le
Feagaiga Tuai. Atonu o le faamamafa a Mataio o le
Tulafono ma le au perofeta ua faataunuuina uma i le
tagata ma le galuega faaola a Iesu.
(o). O le Tusitala (Mataio) e tusa ma manatu o le au suesue o
le Tusi Paia o se Kerisiano Iutaia ona o le fa‟aaogaina o
perofetaga o le Feagaiga Tuai, faapea ma le tāua
(validity) o le Tulafono i le Evagelia. Ua faamauina e le
Tusitala le galuega faaola a Iesu i ona tagata o Iutaia, ma
ia toe faatulaga ai le Iesu lea o le Alii soifua pea o le
Ekalesia. Ma i totonu o lenei Ekalesia (tagata o le Atua),
e aofia faatasi ai Iutaia ma tagata o nuu „ese.
O le faamoemoe o le Tusitala, ia maua e le Ekalesia
Aoao se Evagelia Kerisiano Iutaia e aoao ai ma lauga atu
Iesu – o le Mesia, o le Atalii o le Tagata, o le Alii (Lord)
o le Ekalesia Aoao ua ia faataunuuina le Tulafono ma
perofetaga a le nuu o le Atua. Ia faavae ai le vaai a soo
se kerisiano i le Tulafono, le mea sa‟o ma le mea sese
(ethics), lona valaauina, ma lona ola auauna i le Atua. E
mataala ai foi i manatu faa-Faresaio o lo o teena pea mea
o lo o folafola atu e le Ekalesia. O le Evagelia la a
Mataio ma lona faamoemoe, ia faa-talitonu, ia a‟oa‟o ma
faatonu, ma aoa‟i tagata uma o le Iutaia atoa ma tagata
o nuu ese (gentiles).
FAATINOGA O LE MATAUPU
1. Faailoa le mataupu
2. Faitau le Tusi Faitau
3. Faamatala le mataupu
4. Faia le galuega faatino
5. Aoaoga ma le pese
GALUEGA FAATINO: Fesili ma Tali e fetufaai ai
ma le vasega
1. O le a le uiga sa‟o o le alofa i le Tusi Faitau?
Tali: Ia alofa atu i lē o lo o ita mai, ma tatalo mo ē faasaua
mai ia i tatou ina ia fai ai i tatou ma atalii o le Atua.
2. O ai sa‟o lou tuaoi e te alofa i ai?
Tali: O tagata puapuagatia, ma tagata o lo o feita ma
faasaua mai
3. Aisea e le tatau ai ona faatau alofa, po o le alofa na o ē
alolofa mai ia i tatou?
Tali: E leai ai se taui mai le Atua lo tatou Tama oi le
lagi i lana fanau o ē usiusitai ma savavali i ona
ala.
4. E le paleni le olaga pe a alofa atu i ē agaleaga mai. O le
a tonu le sa‟o o le aoaoga a Iesu?
Tali: E faapaleni mai e le Atua auā o le Atua o lē taui ma sui i
amio a tagata uma. E taui mai i lana fanau o lo o faia le
amiotonu ma tagata e le o faia le amiotonu
5. Aisea e faia ai e tagata ao lafoga ma faapaupau le
alofa ua vaoia e Iesu?
Tali: Auā e faatuaoi ma fuapau ma faapito lo latou alofa.
Se i vagana ua alofa mai, ona faato‟a alofa atu lea. Ma
ua leai ai se avanoa o le taui mai le Atua
AOAOGA:
1. Ia fa‟aalia i le amio le Talalelei
2. O le tatalo mo ē ua ita ma faasaua mai o le faailoga
vaaia o le alofa ua aoao mai e Iesu
3. O atalii o le Atua i latou e le faatuaoia lo latou alofa
4. E le se alofa faa-Iesu le faataualofa, a o le alofa faa-nuu
ese ma faa-ao lafoga
5. O le alofa faa-Iesu e le fua i so tatou lelei, po o so tatou
leaga, e le seiloga foi e maua ai se mea mama ona
faato‟a alofa lea
PESE: Alofa o le Atua e ofoofogia (God‟s Love Is so
wonderful).
……………………………………………….
ASO SA: 27 FEPUARI, 2011
MATAUPU: OLAGA I LE MALO O LE ATUA
SINI: Ia aoaoina le vasega ina ia malamalama,
o le olaga i le malo o le Atua – e le alu
fa‟aafaafa i ai se tasi (single-minded
devotion), a o le tagata atoa e tuuina atu
le ola atoa e faia ai le finagalo paia o le
Atua
\TUSI FAITAU: Mataio 6: 25-34
FESOASOANI MO FAIAOGA
1. Tala
O le tala o nisi o vaega tāua o le Lauga faa-Amuia a Iesu i le
Mauga ua faamauina e Mataio. Ua faapitoa i lenei vaega le
faamuamua e tatau mo ē ua ta‟ua o atalii po o auauna a le
Atua. Ia mua‟i saili muamua lava le malo o le Atua ma lana
amiotonu, a o isi mea faapei o ofu ma meaai ma vaiinu, e
faaopoopo ma foa‟i mai lava e le Atua. Mo Iesu, e le mafai ona
auauna i le Atua atoa ma le oa, auā e faapipii atu i le tasi ae
faaleaoga i le tasi (f24).
O le isi faafitauli o le aulotu a Mataio, o le popole o loto o
tagata i ō latou ola ma pa‟u atu ai i le faaosoosoga o le saili na
o le oa ae ua galo ai le Atua. Ua fa‟aaogaina ai e Iesu
manufelelei e le lulu pe selesele pe faaputu foi, ae fagaina i
latou e le Atua. Mo Iesu, e sili atu le lelei o le tagata i lo latou.
E mafai ona faapea auā na faia o ia i le faatusa o le Atua ia
foliga ia te ia. Na le ofu foi Solomona i lona matagofie na ia
saili ma faaputu, e le faapei o lautalotalo o le vao e le galulue
pe milo foi ae tutupu fua. Mo Iesu, e sili atu ona faaofuina e le
Atua le ua faatuatua itiiti auā o ia o le tagata, nai lo le vao
mu‟a na ia faaofuina ma ola mai i le asō ae lafoaiina a taeao i
le ogaumu. O ofu ma vai ma meaai o le faatusa o le oa, o mea
ia ua sailia e nuu ese. „Aua tatou te popole i le oa ma pa‟u atu
ai i tu faanuuese ua na o le saili oa ma fai ai ma auauna a le oa,
ae galo ai le Atua.
2. Malo o le Atua
Mo Mataio, o le malo o le Atua o le faamoemoe (quest) lea o
soo o Iesu. Peitai e le faatuina e tagata a o le Atua lava ia. O le
amiotonu o lea malo ua fa‟aalia i le galuega lavea‟i a le Atua e
faaolaina ai ē ua saili atu ia te ia. Mo Mataio, o le malo o le
Atua o se mea moni i le taimi nei (present reality) e ala ia Iesu
faapei foi ona faailoa mai i lona suafa „Emanuelu‟ o lona uiga
ua ia i tatou le Atua. O le amiotonu la o lea malo, o le
amiotonu ia fa‟aalia i le amio ma le olaga o soo o Iesu e tusa
ma le finagalo o le Atua e ala i le usiusitai ma le talitonu
faamaoni i le Atua. Ua na o le faatuatua i le Atua ma saili
muamua lona malo e mafai ai ona laveaiina tagata mai le
popole i le aso a taeao ma ona faafitauli. O le manatu o
Mataio, „aua le vaai itu tasi i le Atua (single-minded devotion
to God). O lona uiga „aua le vaeluaina le loto talitonu i le Atua
ona o le popole i le oa.
3. Olaga i le malo o le Atua
O le autu mo soo o Iesu o le olaga i le malo o le Atua, o le
faatuatua ma faalagolago tasi i le Atua. Ia „aua nei vaeluaina le
loto talitonu i le Atua i nisi mea. Pe a tau itiiti le faatuatua ona
o mea o le olaga nei, ia faaopoopo le onosa‟i o le ola
faalagolago i le Atua ma galue ma le faamaoni. O le isi mea
taua - o le ola o le tagata e le na o le tino ae ogatotonu i le
agaga. O le ola atoa foi o le tagata o lo o i aao o le Atua.
4. Uiga o upu ma fuaiupu
(a). popole(worry/anxious) – lagona atuatuvale ma lē
mautonu
(e). “..aua ne i outou popole..” (do not be anxious) – e
mafai ona toe faaupu i upu ia, „aua le mafaufau fua i ai
(simply „take no thought‟).
(i). aga e tasi (one cubit=18 inches) - e tutusa ma le 18
inisi (18‟‟).
(o). ola (psychē) – o le agaga (spirit/soul); e faauiga foi o
le tino
(u). outou o ē faatuatua itiiti – o tagata e le o mautonu ma
faalagolago i le tausiga ma le agalelei mai o le Atua
FAATINOGA O LE MATAUPU
1. Faailoa le mataupu
2. Faitau le Tusi Faitau
3. Faamatala le mataupu
4. Faia le galuega faatino
5. Aoaoga ma le Pese o le mataupu
GALUEGA FAATINO: Fesili ma Tali
1. Aisea e le tatau ai ona auauna i le Atua atoa ma le
oa?
Tali: E vaeluaina ai le ola mulimuli i le Atua, ma pa‟u atu ai
i le agasala o le fai o le oa ma atua ia te ia
2. Aisea e sili ai le ola ma le tino i meaai ma ofu?
Tali: Aua o le ola ma le tino e paia auā o mea na faia ma
aumai e le Atua, o le faatusa o le pule tumau a le Atua i
le tagata
3. Aisea e sili ai le lelei o le tagata nai lo manu?
Tali: Auā o le tagata na faia i le faatusa paia o le Atua?
4: Aisea e leaga ai le popole i le tagata ola?
Tali: E maua ai le tino i ma‟i ma faaitiitia ai le aogā ma le
faamoemoe o le ola na aumai e le Atua
5. O le a se mea e iloa ai le taua o le tagata i le Atua?
Tali: Pe itiiti lona faatuatua, ae mafai ona toe fauina ia fou
lona ola e ala i le salamo ma le faatuatua, o meaalofa o
le Alofa Tunoa o le Atua
6. O le a le mea sili i le finagalo o Iesu mo ona soo?
Tali: Ia atiae le ola na aumai e le Atua i le muai saili
muamua o lona malo ma lana amiotonu; ona
faaopoopoina mai lea o mea e pei ona popole ai tagata
o nuu ese
AOAOGA
1. „Aua le vaeluaina le ola faatuatua i le Atua ona o le
manao tele i le oa
2. O le ola popole i mea e ola ai e maua ai i le ma‟i o le
toto maualuga
3. Ia faataua le ola mai le Atua ma ia atiae e tusa ma le
finagalo o le Atua
4. E silafia e le Atua mea e tatau mo le ola fiafia ma
manuia o le tagata tau lava ina tatou faalagolago ma
faatuatua tasi ia te ia
PESE: Ia fai ma sulu e mumu (Pese ma Viiga ---
EFKS).
…………………………………………………….
ASO SA: 6 MATI 2011
MATAUPU: FAAMALOLOGA E FAAVAE I LE
ALOFA
SINI: Ia a‟oa‟o tamaiti ina ia latou iloa lelei le
Alofa o le Atua. So‟o se mea lava e faia
e le Atua, e mafua ona o Lona finagalo
alofa i tagata ina ia i‟u lelei ma manuia.
TUSI FAITAU: Mataio 9: 27 – 38
FESOASOANI MO FAIAOGA:
1. O Tauaso ma le Gūgū:
O gasegase ia, (ma‟i) e le o ta‟ua i le vaega o le Tusi
Faitau o la tatou mataupu, ae o se vaega lava o
faamalologa alofa a le Alii o Iesu i tagata (f 27-34), e pei
ona auga i ai le Mataupu o lenei Aso Sa. Pau le itu ia
iloa, o le faapupulaina o tauaso, ma le faamatalaina o le
gutu o le gūgū, le sa ulufia e le temoni, ae ua tautala nei,
e lē o se fia faalialia po o se fia tautaua o Iesu, ae o Lona
alofa ina tele i tagata.
2. Faamalologa i aai ma faoa aai:
O le maea o galuega lavea‟i, po o faamalologa alofa a
Iesu i e mama‟i e pei ona ta‟ua i luga; sa soso‟o ai loa ma
lona agai atu i aai ma faoa aai, po‟o taulaga ma nuu
masani lava. E tele ma‟i (gasegase) eseese sa
faamaloloina e Iesu, i lana taamilosaga lea i aai ma faoa-
aai, e le gata o ma‟i faa-le-mafaufau, a‟e o ma‟i tiga foi
faa-le-tino. O le isi galuega tele sa feagai ma le Alii o
Iesu, o le a‟oa‟o atu lea i totonu o Sunako taitasi, ma
tala‟i atu le tala i le Malo o le Atua.
3. O le Motu o Tagata:
O le motu o tagata, o lo‟o faatatau i le anoano o tagata o
fetuleni (omai) ma‟i, ma mulimuli mai ia te ia. E le gata
ina fia malolo mai ma‟i faigata o le tino nei ua aafia ai,
ae o lo latou fia faalogologo foi i lana Mataupu o tala‟i
ma lauga atu, e uiga i le Malo o le Atua.
4. O le Galuega tele e fia fai:
O le tele naua o le galuega sa feagai ma le Alii e pei ona
ta‟ua i luga, ma lana silasila atu i le le gaogao o le motu
o tagata, o iina na ia silafia lelei ai, le tele o le galuega o
fia faia ae to‟a gaogao le au faigaluega.
Aua, e fai o le faamaloloina i le itu faa-le-agaga, e ala i
le tala‟i atu ma tau faaofi atu, le Talalelei o le Malo o le
Atua i tagata pogisa; A‟o le tau faamaloloina foi o ma‟i
faa-le-tino, atoa ma gasegase faa-le-mafaufau. O le ala
lea sa ia fetalai ai i lona au-soo. Ina ia latou tatalo ma
aioi i le Atua e ou le galuega, ina ia totofi mai nisi e fai
le seleselega (faatalaleleiina) ona e tele le galuega e fai.
O lenei manaoga o le Alii mo le faamaloloina o tagata i
le tino, agaga ma le mafaufau, e faavae lava i lona alofa
5. Uiga o Upu ma Fuaiupu:
aai (f 35) - faasino i taulaga, poo nuu tetele
ma le mataina.
Faoa aai (f 35) - faasino i nuu masani lava i le
tulaga lautele.
Sunako (f 35) - O fale tapuai lava o le Feagaiga
Tuai (Falelotu po o Falesa)
(Peitai, e iai le talitonuga, o
sunako i aso la, e fai ai lotu i aso
sapati, ae fai ai aoga i aso o le
vaiaso)
mutimuti vale ( 36) - O le alofa, o lo‟o faasino iai le
mutimuti vale/ o lona uiga o le
alofa, e le gata ina lagona, ae ua
tupu foi.
Lailoa ( 36) - tigaina, le lavāvā.
FAATINOGA O LE MATAUPU.
1. Faailoa le Mataupu i le vasega
2. Faitau le Tusi Paia.
3. Faamalamalama ni upu e le o malamalama ai le vasega
4. Faamatala le mataupu. „Aua le umi ma le fenumia‟i, [le
malamalama] o tamaiti, a‟e ia pu‟upu‟u, manino, ma
malamalama.
5. Fai ni fesili e fetufaa‟i ai ma tamaiti, e iloa ai ua tele so
latou iloa i le mataupu.
GALUEGA FAATINO:
1. Faatino le tala (Faataamilosaga a Iesu i aai, e tala‟i le
Tala Lelei, ma faamalolo ma‟i, ae mulimuli ai lava le
motu o tagata – Faatonuga o le au-soo, e uiga i le
seleselega tele e fia fai)
2. Toe faitau lelei le Tusi Paia (Tusi Faitau) ma tali mai i
fesili o tu‟uina atu i lalo, e iloa ai o lo‟o e malamalama
lelei i le tala.
(i) O le Upu, “Ia”, e faatatau ia Iesu i isi taimi, pe a
e faitau le Tusi Faitau. E fia “Ia”, o faasino ia
Iesu o lo‟o iai i le Tusi Faitau, f 35 – 38 ?
Tali: E tolu: (f 35 – ua ia faamalolo foi ….)
(f 36 – Ua silafia e ia le motu …)
f 37 – Ona fetalai atu ai lea o ia ….)
(ii) O le f 36: “… mutimutivale ai lea “o lona” alofa …”
f 37: “…. Fetalai atu ai lea o ia “i ona” soo,
….”
(a) E sa‟o e tasi le tagata e faasino ia i upu ia e vase lalo pe sese? (e) A fai e sa‟o, o ai la le tagata? Afai foi e sese, o
ai la tagata e faasino ia i?
Tali: (a) Sa‟o (tasi a le tagata e faasino iai)
O Iesu.
(iii) Aisea na mulimuli vale ai le alofa o Iesu i
tagata?
Tali: Ona o le toatele o nei tagata, e fia faalogo i le
Talalelei, atoa ma le toatele e mama‟i, e fia
faamaloloina; ua pei i latou o se lafu ua leai so
latou taitai, le ala lena o le mutimutivale iai o le
alofa o Iesu.
(iv) O ai e faatatau i ai le saito tele e fia seleseleina e
pei ona fetalai Iesu i ona soo i le f.37?
Tali: Motu o tagata e toatele; tagata fia malolo faa-le-
agaga, (e le‟i faatalaleleiina), tagata fia malolo
faa-le-tino, (tagata mama‟i) tagata fia
faamaloloina faa-le-mafaufau. (ulufia e temoni)
(v) O le upu “Alii”, o lo‟o iai i le f 38, e faasino ia
ai; Iesu, Au-soo, Atua, Mose poo Elia?
Tali: Atua
PESE: Pese ma Viiga (Ua tele le alofa, o le na afio
mai)
A‟OA‟OGA:
1. Fesili i le Atua e maua mai ai lou fesoasoani.
2. Ia avea ma tagata galue faamaoni a le Alii.
3. O tatou foi isi saito e fia seleseleina (Uiga – Isi tagata e
fia faatalaleleiina)
4. E sili lava le alofa o le Atua.
………………………….
ASO SA: 13 MATI 2010
MATAUPU: “O AI SE NA TE FAATEAESEINA
MAI I TATOU I LE ALOFA O LE
ATUA?”
SINI: Ia a‟oa‟o tamaiti ia latou iloa, e leai se
mea e tasi i le ola, ma le lalolagi lenei;
na te mafai ona taofia le alofa o le Atua
mai ia tatou.
TUSI FAITAU: Roma 8: 28 – 39
FESOASOANI MO FAIAOGA:
1. E galue le Atua i mea uma mo lo tatou lelei:
So‟o se mea lava, e le faapea na o ni mea matuia tulaga ese e
tutupu, ona faatoa galue lea o le Atua, leai o mea uma lava. E
le o le uiga foi la o lenei mea, faapea na o mea lelei lava e
tutupu ia i tatou; Leai, o lo‟o iai pea le leaga i lo tatou lalolagi
toilalo ma le agasala, ae mafai e le Atua ona faaliliu, ma
fesuia‟i mea, ina ia maua e i tatou le lelei. Manatua, e le o
galue le Atua ina ia faafiafia tatou, ae ina ia taunuu
faamoemoega uma o finagalo i ai mo lo tatou lelei. Ia silafia
foi, o lenei folafolaga e mo tagata uma. Peitai e le maua e
tagata uma, ae ua na o i latou ua alolofa atu i le Atua, ma ua
valaauina i latou mo le faamoemoe o le Atua. O i latou ua
valaauina, o i latou ia ua latou talia moni le Agaga o le Atua,
ma ua mafai ona latou maua Keriso.
2. O le Alofa o le Atua e ala ia Iesu Keriso:
O le Alofa o le Atua, e le o se mataupu laitiiti, ma e le o se
mea foi e auiliili ma faamatalagofie. Auā, “o le Alofa Tunoa.”
O le uiga o lea mea – O le alofa o le Atua e le‟o faavaeina i se
mea; e le‟i mafua ona o se mea lelei ma tonu sa tatou fai. E
le‟i mafua lava ona o se tasi mea, a‟e o le Alofa na faapogai
mai lava i le Atua ia. Ua silasila mai le Atua ma le alofa i le
tulaga faaletonu ua iai tagata o le lalolagi ona o le agasala, o
lea na Ia finagalo ai, o le a auina mai lona lava Alo Pele o Iesu,
e osi le Taulaga, mo le lavea‟iina ma le faaolaina o tagata mai
le agasala. Le Taulaga lea na maliu ai Iesu Keriso, ae na toe
soifua mai manumalo, mai le oti ma le tu‟ugamau. O le Alofa
lena o le Atua e ala ia Iesu Keriso.
3. Aisea e le mafai ai ona taofia lenei alofa mai ai
tatou? So‟o se mea e te faia ma e pule ai, o ia te oe foi le faitalia; e
faaleaogaina ai, pe faatumauina ai pea. Ona e le o tatou la
po‟o se isi lava malosi e ona le Alofa; o le mea totino lava a le
Atua; o le ala lena e le mafai ai lava i sa tatou pule, po o le
malosi o se tasi, ona ia taofi le alofa lea mai ā i tatou. Sei
vagana lava o le Atua e ou Lona Alo o Iesu na osi ai le
Taulaga: Petiai, o le Taulaga o le Alofa faavavau, ua uma ona
tauto ai le Atua mo tatou. O le alofa e faavavau, e le toe
liliuese ai le Atua.
4. Uiga o Upu ma Fuaiupu:
f (29) - avea o ia ma ulumatua o le au uso e
toatele, ulumatua o lo‟o faasino ia Iesu;
au uso e toatele, o loo faatatau i tagata uma e talitonu ma faatuatua ia Iesu, ma
latou talia o Ia.
f (38) - O mea atali – mea i le lumanai (po‟o aso
a sau)
FAATINOGA O LE MATAUPU
1. Faailoa i tamaiti le Mataupu o lenei Aso Sa.
2. Faitau le Tusi Paia.
3. Faamalamalama ni upu o iai i le Tusi Faitau e le o
malamalama ai tamaiti
4. Faamatala loa le Tala (Mataupu) o lenei Aso Sa.
(Taumafai lava e faapupuu faamatalaga, ona nei
fenumia‟i tamaiti, auā e fai si faigata o le mataupu. O le
itu lava ia manino e pei ona taumafai atu fesoasoani)
(i) O le Alofa , o le Alofa o le Atua e pule ai le Atua.
(ii) O le Alofa foi e le‟i mafua ona o se isi mea, ae o
le finagalo lava o le Atua.
(iii) O le ala le mafai lena e se isi lava malosi, ona
aveese tatou mai le Alofa lea o le Atua.
(iv) O Iesu Keriso, o le Alofa o le Atua.
5. Fai ni fesili e fetufaa‟i ai ma tamaiti, e iloa ai le tulaga
ua iai lo latou malamalama i le tala.
GALUEGA FAATINO:
1. Taliga Fesili (Mafaufau lelei i le Mataupu, ma le Tusi
Faitau; ona e tali mai ai lea i fesili o i lalo)
(a) O i latou o e ua alolofa atu i le Atua, ua valaauina i
lona finagalo, o lo‟o taua i le f 28, o ai i latou na?
(i) O Faifeau ma le au fai-lotu
(ii) O le Ao o le Malo, Palemia ma Minisita
(iii) O tagata tausi tulafono e pei o leoleo ma isi
*(iv) O tagata e alolofa faamaoni i le Atua, ma latou
usiusitai e fai lona finagalo.
Tali: (iv)
(e) O le f 29 o lo‟o ta‟ua ai “le ulumatua” o le au uso e
toatele. O ai le ulumatua lea?
Tali: O Iesu.
O le f 31 o loo faapea mai – “Afai ua au ma i tatou
le Atua, o ai se faasagatau mai ia i tatou?” O le
uiga tonu lava o le faamatalaga o vase lalo o le;
(i) E leai se isi e mafai ona faasagatau mai ia
tatou
(ii) E le tau se isi ma le Atua.
(iii) E fia tau mai tagata ma tete‟e mai, ae fefefe i
le Atua.
*(iv) E faasagatau mai tagata ia tatou, ae le mafai
ona manumalo ia tatou, ona o le Atua o lo‟o
tatou faamaoni i ai.
Tali: (iv)
(o) O le f 35 – 39, o lo‟o matua manino mai ai lava, le
leai o se mea e tasi na te mafai ona faatea ese mai
tatou mai le alofa o le Atua.” Afai e sao le mau
lea, aisea la e oti ai le tagata pe afai e alofa i ai le
Atua? Faamatala mai le feso‟otaiga o le Alofa le
mavae lea o le Atua, i le oti o le tagata faatuatua.
Tali: Ua uma ona maliu (oti) Iesu ma toe soifua mai
manumalo. O tagata faatuatua uma, na ona oti lava
i le tino, ae soifua pea e faavavau faatasi ma le Alii
o Iesu Toetu. E le mafai ona aveesea i latou mai
lona Alofa, tusa lava po o le oti.
PESE: (Pese ma Viiga) 73 – E le alofa o Iesu
A‟OA‟OGA:
1. E le mavae le Alofa o le Atua ma i tatou.
2. Tatou talia faamaoni le Alii o Iesu.
3. E le fefe le tagata faatuatua i le Atua
………………………..
ASO SA: 20 MATI 2011
MATAUPU: O LE FAAMAGALOGA A LE
ATUA
SINI: Ia a‟oa‟o tamaiti ia latou iloa ma
talitonu faamaoni, o le faamagaloga a le
Atua; e iai pea i taimi uma mo tagata
uma lava. Peitai, ia iloa e tamaiti, o le a
aoga lea faamagaloga, mō na o i latou e
salamō faamaoni ma lafoa‟i le leaga, ae
faatuatua loa ia Iesu ma fai le lelei.
TUSI FAITAU: 1 Timoteo 1: 12 – 20
FESOASOANI MO FAIAOGA:
1. Ua faamagaloina Paulo:
O le vaega o le Tusi sa faitau nei, o lo‟o tautino ai lava e
Paulo, o ia lava le tagata agasala. O le matuia ia ma le
leaga o mea sa ia faia i le Alii o Iesu, e ala i lona
taufaifai i le Talalelei e uiga ia Iesu; ma le tele o mea sa
fa‟aalia ai lona faatautala, ma lona taufaaleaga ia Iesu ma
lona Malo.
Peitai, ina ua fa‟aali Iesu Toetu ia Paulo, (Saulo) e pei
ona tusia i le Galuega 9: 1 (ff), o iina sa talitonu ai Paulo
i le Alii o Iesu Toetu, ma ia talia loa o Ia ma faatuatua
loa ia te Ia. O le fetaiaiga lea; o le avanoa lava lena, po o
le faitotoa matala pea o le Faamagaloga a le Alii, mo so
o se tasi e talia ma faatuatua ia te Ia. Lea la ua ulufale
mai iai Paulo, e ala i lona taliaina o Iesu Toetu, ma ua
matua salamo faamaoni i ona leaga sa ia faia i le Alii, e
pei ona taua i luga. O lenei talitonu faamaoni o Paulo,
ua ia faailoa mai ai foi e ala i lana tusi lenei; “Le matua
tatau ona talia e tagata Iesu Toetu, ma viia o Ia, auā o le
Tupu, o le Atua e faavavau.
2. O le Faamagaloga o le Faaolataga Ofoina mai:
O Iesu o lo tatou Faaola; o Ia lava, na ia Osia le Taulaga
o le Faaolataga mo tagata uma lava. O le ina ua paū o le
tagata, ua agasala ma ua alu ese mai ma le Alii, e le‟o
lafoa‟iina ai lava o ia e le Alii. Ae o lo‟o saili mai pea,
ma ofo mai le avanoa e ala i lana Faamagaloga, ina ia
tatou lelei ma ola. Po‟o ai lava la le tagata agasala, e leai
a se tagata agasala e ola i fafo atu o le Faaolataga a le
Alii, aua o lea ua ia saunia le faamagaloga mo tagata
uma; vagana lava la o le tagata ia ma lona manao. E le‟i
afio mai Iesu, tau ina faailoa mai le ala i le manuia; pe
tau ina lu‟i tatou ia avea ma tagata manuia ma lelei; ae
na afio mai e ofo mai le Faaolataga e tau i le ola
faavavau.
3. E sili musa Paulo i tagata agasala:- (Paul, the worst of
sinners)
O lo‟o taua lava e Paulo ia lava o le tagata e sili musa i le
faia o le agasala. Tatou te faalagi Paulo; “O le tagata
matautia ma le sili i le faatuatua”. “O le Aposetolo o
Aposetolo”. A‟e le vaai ifo Paulo faapea ia te ia lava,
ona o lo‟o ia manatua lona olaga sa iai muamua, a‟o le‟i
fetaiai ma Iesu Toetu. O le tele o le malamalama ma le
talitonu o Paulo i le Alofa Tunoa o le Atua, o le tele foi
lena o lona talitonu i lona ola agasala sa iai. O le
faamaulalo ma alofa e tatau ona avea ma faailoga o le
ola o soo se kerisiano. „Aua nei galo ia i tatou, o tatou foi
isi tagata e sili musa i le agasala.
4. Uiga o Upu ma Fuaiupu:
mua‟i (f 13) - taimi muamua/amataga
taufaifai (f 13) - taufaaleaga/fai o tala taufaasese
faatautala ( f 13)- le popole/soona fai
sili musa au nei (f 15)- aupito sili lava Paulo
amuli (f 16) - taimi mulimuli mai
vavau (f 17) - faavavau/e le uma
faavaatuia (f 19)- faaletonu/alu ma nofo
Umenio& Alesana(f 20)- O igoa o tagata
(i) Alesana, e le‟o maua se
faamatalaga e uiga ia te ia,
ae masalo o se paaga lava a
Umenio.
(ii) Umenio, o lo‟o taua i le 2
Timoteo 2: 17-18, o tagata
aoao i le mea sese.
FAATINOGA O LE MATAUPU
1. Faailoa le Mataupu o lenei Aso Sa i tamaiti
2. Faitau le Tusi Paia.
3. Faamalamalama lelei lava i tamaiti upu o tuuina atu i
fesoasoani, ma nisi upu mai le tusi faitau, latou te le
malamalama ai.
4. Faamatala loa le tala.
5. Fai ni a outou fesili felafolafoa‟i, e saili ai lo latou
malamalama i le tala.
GALUEGA FAATINO
1. Fai sina faatinoga o le sauaina e Paulo o le Au Kerisiano,
ma le fetaiaiga ma Iesu Toetu i le ala o le sa‟o, lea na
liliu ai ma tautino lona faatuatua ia Iesu. (E ui e le o le
Tusi Faitau lena, ae mafai ona faamatala, le taimi o le
liliuina o Paulo ma lona faamagaloga.
2. Taliga Fesili faalaua‟itele (Mafaufau lelei)
(a) “Ua sili musa a‟u nei ia i latou (f 15) – O ai i latou ia o
lo‟o faasino iai le upu a Paulo?
Tali: tagata agasala uma lava.
(e) Fai mai Paulo i le f 16, “… ina ia avea ia ma
faataitai o e a faatuatua amuli, e maua ai le ola
faavavau” Fai ma faataitai o le a?
Tali: Fai ma faataitai o le tagata talitonu ma faatuatua
faamaoni ia Iesu Toetu.
(i) O le tu‟ua e Paulo o ona uiga agasala, e pei ona
ta‟ua, ina ua la fetaiai ma Iesu, o le faailoga lea o
le tagata ua a?
Tali: Faailoga o le tagata ua salamo moni.
(o) O le faamagaloga a Iesu, o se vaega lava o lona
alofa lavea‟i mo le tagata. E sa‟o pe sese?
Tali: E sa‟o
PESE: Pese & Viiga 35 – Le toto paia o lo tatou
Alii
A‟OA‟OGA:
1. Ia e iloa moni lou tagata agasala.
2. Ia faamaoni ona salamo
3. Ia maua le loto faamagalo
4. E alofa faamagalo le Atua.
………………………
ASO SA: 27 MATI 2011
MATAUPU: FAI E LE ATUA SUIGA O LE
OLA
SINI: Ia a‟oa‟o tamaiti ia latou iloa, o lo‟o i le
Atua le malosi lilo, na te mafai ona faia
so o se suiga lava i le ola lenei, pe a tusa
i lona finagalo.
TUSI FAITAU: Ruta 1: 6 – 22
FESOASOANI MO FAIAOGA:
1. O le Tala:
O le tala i le ulugalii, o Elimeleka le tamā mai le nuu o
Moapi, ma Naomi le tinā mai le nuu o Peteleema. O la
laua fanau tama e toalua, o Maalona ma Kiliona. O le
tetele o le oge i Peteleema i Iuta, na mafua ai ona ō le
ulugalii ma la la‟ua fanau i Moapi e nonofo ai i le aiga o
le toeaina; ma o iina, sa fai avā uma ai tama e toalua i
Fafine Moapi, e igoa ia Ruta ma Orepa.
Ua alu ai, alu ai le mafutaga, ua maliu Elimeleka le
tamā, ua feoti uma foi tama a Naomi, o Maalona ma
Kiliona. O le taimi foi lea ua aumai ai le tala i le tinā o
Naomi, ua toe faamanuia le Atua i lona nuu, ua tetele le
mau. Ma ua manatu loa o le a toe foi. O lea, sa fai loa i
taitoalua o lana fanau, e ō loa i o la aiga, auā ua feoti a la
tane, a‟o ia foi, o le a toe alu i lona nuu o Peteleema i
Iuta. Peitai, e le‟i faigofie lea manao o le tinā. O le ala
lea, sa fai ai loa la latou felafolafoaiga ma fafine ma sa
oo lava i itu uma e tatau, e tusa o latou manatu. Na iu
ina faamavae Orepa ma alu loa, a‟o Ruta; e le‟i
faigofie ia te ia ona alu. Sa lagona e Ruta, o le mafutaga
sa latou i ai, ao soifua le tamā ma o la taitoalua, o le
mafutaga lava lea na o le oti na te tatalaina. O lea sa ia
finau ai pea foi, o le mea aupito sili lea ma tatau, o le alu
pea i le mea e alu i ai Naomi le tinā o lana tane, sei tau
lava i le oti o ia tausi pea i ai. Fai mai a Ruta ia Naomi,“
„Aua e te finau ia te a‟u ina ia ou tu‟ulafoa‟i ia te oe, ia le
mulimuli atu ia te oe; auā o le mea e te alu i ai, ou te alu
ai foi, o le mea e te nofo ai, ou te nofo ai, e fai lou nuu
mo‟u nuu, e fai lou Atua mo‟u Atua”.
2. Mara:
O le uiga o le upu Mara iinei, “o le Oona”. O le taunuu
o Naomi ma Ruta i Peteleema i Iuta, sa pisapisao ai le
aai ina ua toe vaai ia Naomi, ua leva tausaga talu ona alu,
ao lea ua toe sau. O le ta‟ua la e tagata o le igoa Naomi,
sa ia faapea atu ai i tagata o lona nuu, “ „aua le taua a‟u o
Naomi, ae valaau i le igoa “Mara”. O le mafuaaga o le
manatu o Naomi e faaigoa ia ia Mara, ona e oona mea ua
faia e lona Atua (Le e ona le malosi uma lava) ia te ia. E
le gata ina oti Elimeleka lana tane a‟o lea foi ua oti ma si
ana fanau tama o Maalona ma Kiliona. O le uiga lea o
ana upu – “Sa ou alu atu ma le tamaoaiga, a ua faafoi
mai a‟u e le Alii ma le mativa”. Ta‟u a‟u o Mara, auā ua
oona mea ua faia e le Le ona le malosi uma lava iā te
a‟u.
3. Ua suia le olaga o Ruta:
O le a le taea le felefele o le tala ma le taunuuga na oo i
ai le olaga o Ruta. Ae e fia faailoa faapitoa le suiga ua
iloa ia Ruta, e pei ona ta‟ua i le vaega o le tusi sa
faitauina. Manatua, o Ruta o le teine Moapi, o le nuu
latou te le iloa le Atua. Ae o lona nofo ai i le tama a
Naomi le fafine o sa Iuta, ai lava o lona sootaga lea i le
Alii, e ala i le mafutaga faa-le-aiga. E le gata ina mafuta
ai i le tino i tagata o le Alii, ae ua faalogo ai foi ona
taliga i tala e uiga i le Alii, ma na olaina ma lagonaina,
lagona ma le ola o tagata o le Alii. Lea la ua oo i le
taimi o le a tatala le mafutaga ona o le oti, ae ua sui ona
lagona ma lona talitonuga, e le o le oti le mutaaga o le
mafutaga. Ua la o pea ma Naomi, seia oo ina fai le Atua
o Naomi ma ona Atua, fai foi le nuu o Naomi ma ona
nuu.
4. Uiga o Upu ma Fuaiupu:
avā ( f 6) - toalua (fafine)
mapusaga (f 9) - filemu/to‟amalie
sogi (f.9) - kisi
tane (f 11) - toalua (tamaloa)
Mara (f 20) - oona
Le e ona malosi uma lava (f 20) - Atua
Seleselega karite (f 23) – taimi e selesele ai, pe o le
taimi ua matua ma tau loa e fa‟aaoga
(karite, o le saito lava lea)
FAATINOGA O LE MATAUPU 1. Ta‟u i tamaiti le Mataupu o le Aso Sa lenei.
2. Faitau le Tusi Paia.
3. Faamalamalama Upu mai le Tusi Faitau e le
malamalama ai tamaiti.
4. Faamatala loa le tala.
5. Fai ni a outou fesili ma tali, e saili ai se malamalama ua iai
tamaiti.
GALUEGA FAATINO:
1. Fai se faatinoga o le tala. (Ia pu‟upu‟u ma ia ola le
faatinoga: Amata mai i le taumavaega a Naomi ma avā a
lana fanau).
2. Tusi sau solo, (3 fuaiupu, ae 4 laina i le fuaiupu e tasi)
e faatatau ia Ruta)
[Faataitaiga: “O le solo lea ia Naomi”]
(i) O Naomi le Peteleema i Iutaia,
Ae sa aumau i Moapi le nuu o le toeaina
Talu ai le vevela tele o le oge
Lea sa ia faatupu le mativa ma le popole
(ii) Talofa ua sola Elimeleka le tamā
Oti atu ma tama, oka se mea ina a tiga
Naomi ua toe foi, ae tauvalaau iai tagata
Ae fai mai „aua; faaigoa a‟u ia Mara
(iii) Sa ou alu atu ma le tamaoaiga, a‟o lea ua sau
ma le mativa.
Ua oona mea ua faia e le Atua ia ita
Ae soia ia, ua lava Ruta e fai ma vaaiga
O Maalona ma Kiliona ma si toeaina.
PESE: 228 (Pese ma Viiga)
A‟OA‟OGA:
1. O loo i le Atua le pule ma le mafai uma lava.
2. E suia e le Atua o tatou olaga ia lelei.
3. Ia tatou pei o Ruta le moni o lona Alofa.
4. „Aua le sa‟i i le Atua, ona o mea e tutupu.
……………………
ASO SA: 03 APERILA 2011
MATAUPU: E FAI E LE ATUA SUIGA
TETELE
SINI:
Ia malamalama le vasega, e ui ina
mafatia ma puapuagatia le tagata, e
saunia lava e le Atua mea lelei e suia ai
ona tiga, e ala i lona alofa.
TUSI FAITAU: Salamo 126: 1 – 3
FESOASOANI MO FAIAOGA:
O le Salamo e 126, o lona fitu ai lea o Salamo ua taua “o pese
a e o a‟e”, (120 – 134). O se tasi o pese sa pepese ma vivii
faafetai ai Isaraelu i lo latou Atua, ao agai ae i Ierusalema i
taimi o a latou sauniga faapitoa, e pei o le faamanatuina o le
paseka, aemaise o le toe foi i le tafeaga a le nuu. O le faafetai i
le alofa laveai i le Atua mo i latou, sa na taitaia ai lo latou ola
faatafea, ma ua ia toe faafoisia atu ai foi i latou i lo latou aai e
pele ia i latou (Ierusalema). O suiga tetele mo fanau a le Atua,
ua na o le Atua na te mafaia, aua e le oo i ai le iloa o le tagata.
O le malosi o le Atua e toe faafoisia ai, ma suia lagona mafatia
o faanoanoaga i le tagata, i lagona o le olioli ma le ola
faafouina, e le mafai ona taea e le tagata. E mafai ona toe
totoina e le tagata se fanua sa faaumatia e se afi, pe faaleleia
foi se fale ma se fanua ua masofa ma vetea e se mafuie po o se
sunami. Peitai, o le uio ma lagona mafatia i le loto, ua le mafai
lea e le tagata ona suia. Na o le Atua na te mafai ona suia i
lona mana. O le malosi mai le Atua, na te faia ai suiga e le
mafai e le tagata. E mafai e le atua ona totoina le fiafia ma
avatu le olioli i le tagata, mai ona loimata maligi o
faanoanoaga. O le ola agasala o Iuta na oo ai i nuu ese i le
tafeaga, peitai ua toe aumai e le Atua le lelei mai totonu o le
ola agasala. O le latou onosai ma faamoemoe pea i lo latou
Atua ao i nuu ese, o lea lava ua tali mai i ai le Atua fesoasoani.
O o latou faanoanoaga sa i ai ua oo i le taimi e
faamafanafanaina ai e le Atua. O le uiga foi lea o le a‟oa‟oga a
Iesu i lana lauga i le motu o tagata, “Amuia e faanoanoa, aua e
faamafanafanaina i latou” (Mataio 5: 4).
Ua faia e le Atua mea tetele:
O le faafoisia mai e le Atua o le tafeaga o lona nuu o sa Iuta,
mai Papelonia i Siona, e le na o le pau lea o se mea tele po o se
mea fou ua faia e le Atua i ona tagata. E anoano mea tetele na
Ia faia i lona nuu ao i ai Isaraelu i le taimi o le Esoto. O lo
latou nonofo ai foi i Kanana lo latou tofi valaauina e le Atua, e
maeu foi le tele o mea fou na faailoa atu e le Atua ia i latou. O
le mavae atu la o lea tupulaga ma ola mai isi tupulaga, e foliga
ai ia i latou, e fou ma ofoofogia mea ua faia e le Atua mo i
latou, i lo latou foi taimi. Peitai, o le Atua o le alofa lava ia i
ona tagata, i e alolofa ia te Ia. O le fo‟i la o le tafeaga i
Ierusalema, o le tino lea o le alofa tele o le Atua, aua o ia lava
na lafoaiina i latou, o le Atua foi ua na toe avatu le fiafia i ona
tagata. (Isaia 40 – 55). O le mea fou e le mafai ona oo i ai le
iloa o le tagata. Ma ua avea ai lo latou toe foi, e faapei o se
miti ua moni lona taunuuga. Ua faamanatu ai foi ia i latou, e
tatau lava ona latou ola ma soifua i le faamoemoe o le Atua, e
ala i lana fesoasoani i le soifuaga tatau mo tagata uma.
O le faaolaina la o i latou e le Atua mai ia taimi faigata o le
ola, o la latou tauloto faia pea lea, latou te fiafia e pepese ai ao
latou faalatalata atu i le fale o le Atua, i taimi o sauniga
faaptioa, e faafetaia ai o Ia i lona alofa laveai. O le leo fiafia o
pesega ma o latou lagona ootia loloto i le alofa o lo latou Atua,
o le tali atu lea i mea tetele ma ofoofogia sa ia faia mo i latou.
O mea tetele ua faia e le Atua mo ona tagata, sa le gata ina
tumu ai o latou gutu i le ata fiafia (featani), ae sa molimauina
foi e le loto faamalieina, e pei ona tautatala i ai o latou
laulaufaiva. E lei uma ai iina le fia molimau atu o tagata i mea
tetele sa faia e lo latou Atua. Sa latou fiafia foi e faailoa atu i
nuu ese ma fa‟aali atu i tuluiga o le lalolagi (Isaia 48: 20) ina
ia fai i latou ma malamalama i nuu uma (Isaia 42: 6), e ta‟uta‟u
atu le faamoemoe o le Atua i tagata uma ina ia soifua i lana
amiotonu, ona ia faia lea o suiga tetele mo i latou.
O Iesu i le Feagaiga Fou
O le Salamo foi e 126, ua mafai foi ona fesootai atu i le vaitau
o le Leni (Lent) i le Feagaiga Fou, aua e ao i tagata ua
faatuatua i mea moni na faia e le Atua, ona latou ola i le
manatua pea o mea tetele, na faia e le Atua, ae maise lona
faamoemoe moni i ona tagata. O le vaitau paia tatou te
manatua ai ma le loto faafetai le tulaga maulalo na i ai Iesu
Keriso, i lona soifua mai ma lona maliu. Ua faamanatuina e le
au Kerisiano, aua o le faamoemoe fiafia lea o tagata uma na ia
fa‟aatoatoaina i lona Toetu. O le faamoemoe na ia folafola ai
le faafouina o mea uma. Sa folafola e le Atua lea faamoemoe i
le Feagaiga Tuai, ma o lea ua taunuu lava ina ua maliu ma
Toetu mai lona Alo o Iesu Keriso. O le faamoemoe i le ola fou
e faavavau, ua tapena i ai le Atua mo tagata uma, pe afai e
lafoai le agasala (salamo) ae soifua i lana amiotonu.
Mo i tatou le fanau.
Ua aoao mai lenei mataupu ia i tatou, ina ia tatou iloa ai:-
(a) E faia lava e le Atua mea tetele mo i tatou, pe afai tatou
te „alo‟alo ese ma le leaga ae fai lana amiotonu.
(e) E finagalo le Atua ia tatou tumau ia te Ia i taimi uma.
(i) E i ai lo tatou faamoemoe pe a mavae lenei ola.
(o) Na o le Atua e mafai ona suia lo latou leaga i le lelei e
ala i lona Agaga Paia.
FAATINOGA O LE MATAUPU:
1. E mafai ona faatomua e lau susuga le mataupu i se
faamatalaga o le mafuie ma le sunami na aafia ai lo
tatou atunuu i le 2009. O le olaga mafatia ma
puapuagatia na oo i ai tagata Aleipata, ua mafai nei ona
suia e le Atua o latou faanoanoaga. E ui ina aveesea
tama, tina, uso, ma tuafafine e le galulolo, ae o le alofa
o le Atua ua na faia ai suiga tetele mo i latou. E le gata
o mea ua nonofo ai, ae faapea foi i o latou lagona ootia
sa i ai, ua suia i le fiafia ma le ola mautinoa i le
faamoemoe o i le Alii.
2. Faailoa le Mataupu – “E FAI E LE ATUA SUIGA
TETELE”
3. Faitau faatasi tamaiti i le Tusi Faitau.
4. Faamatala le tala.
GALUEGA FAATINO
Faamatala mai i au lava upu sau tali e faatatau i fesili nei (tali
na o le fesili e tasi)
1) O le a se suiga na faia e le Atua i lou olaga tuai?
2) O le a se suiga na faia e le Atua, i se tasi o lou aiga po
o se tasi foi o lou nuu, sa leaga le olaga?
A‟OA‟OGA:
1. Fesiligia tamaiti, po o a ni a‟oa‟oga ua latou maua mai i
lenei mataupu.
2. A‟oa‟oga – O suiga tetele o lo latou olaga tuai, ua na o
le Atua na te mafai ona faia.
PESE: 125 (Pese ma Viiga)
…………………
ASO SA: 10 APERILA 2011
MATAUPU: TALIA IESU MA MAUA’A AI IA
TE IA.
SINI: Ia malamalama tamaiti, o le Kerisiano
ua na talia Iesu i lona olaga, e ao ina
tumau ai aua na te maua mai ai
faamanuiaga mai le Alii.
TUSI FAITAU: Kolose 2: 1 – 7
FESOASOANI MO FAIAOGA:
Ua faatauaina i le mataupu o lenei Aso Sa, le manatu fa‟aalia o
le aposetolo o Paulo i ona uso a Kerisiano o i le Ekalesia o
Kolose. O le tuualalo a le aposetolo i tagata ina ia talia le Tala
Lelei o le faaolataga ia Iesu Keriso, ma ia tumau ai. O le Tala
Lelei ia Iesu Keriso ua latou mauaina, o le faamoemoe moni
lava lea i le manuia mo soo se kerisiano faatuatua. O lona
uiga, ia ola ai ma ia le maluelue le talitonuga, ona o nisi
a‟oa‟oga sese e tau faasalaveia le Tala Lelei. O le agaga o le
faamalosi ma le taunapa o le aposetolo i tagata o le Alii ua i le
Ekalesia, ina ia le gata o le iloa o le Tala Lelei, ae ia mautinoa
foi o le atoaga o le ola, ua ia Keriso lea pe a tumau i ai.
O le Tusi ia Kolose
O le Tusi i le Ekalesia i Kolose, sa tusia lava e le aposetolo o
Paulo i le tausaga e 60 T.A (Tausaga Atua). O le taimi tonu
lea ao faa-falepuipuiina o ia i Roma. O le aai o Kolose, e i
Saute-Sasae o le aai o Laotikaia i Asia itiiti. Ma e mafai ona
faapea o le tusi a le aposetolo i uso ma tuafafine Kerisiano o i
le ekalesia i Kolose, o le tusi foi lea mo Laotikaia ma so o se
tagata kerisiano i lea vaega o Asia. O le ekalesia kerisiano i
Kolose e lei faatuina e Paulo. O le au kerisiano na mafuta ma
faalogologo i a‟oa‟oga a le aposetolo, ao i ai o ia i Efeso, sa
latou foi atu ma faatu lenei ekalesia, aemaise foi le aulotu i
Laotikaia (Galuega 19: 10) O le tusi la i Kolose, sa naunau foi
le aposetolo ia pasi atu i le ekalesia i Laotikaia (4: 16). O lo o
fa‟a-autu le tusi i le faamanatu atu a le aposetolo i le au
kerisiano, ina ia matua tetee atu i a‟oa‟oga sese ua lualuagia ai
manatu o tagata, ae ia ola ma le iloa e kerisiano uma, ua i le
Tala Lelei a Keriso manaoga o tagata uma. Ma afai e talia ma
mauaa ai, ona maua lea o faamanuiaga uma i le Tala Lelei.
E le o le talitonuga i le poto faa-le-mafaufau, ae o Keriso
(Not Philosophy but Christ)
Talu ai ona ua tauau ina faaseseina nisi o le au kerisiano i upu
tauoleole mai nei talitonuga sese, o le pogai lea o le faamalosi
atu o le aposetolo i lona loto faafetai, aua, o loo mausali pea le
faatuatua o tagata ia Iesu Keriso. O le faafitauli faatupulaia lea
sa siomia ai le tele o ekalesia fou i Asia, pei foi o Kolose i le
taimi o Paulo. O le faigata ua aliali mai ona o le talitonuga
faa-filosofia ua ta‟ua o le Nositika (Gnosticism). O se
a‟oa‟oga ua tatau mai i le poto faa-le-mafaufau o tagata, latou
te faauigaina ai le pogai o mea uma o le natura. O se a‟oa‟oga
taufaasese ua matua eseese mamao ma feteenai ma a‟oa‟oga a
le Tusi Paia. E mafai foi ona faapea, o se a‟oa‟oga o le a tauau
ina faaleagaina ai le talitonuga faa-kerisiano, ona o o latou
talitonuga e pei:-
i). O le faatumauina pea lea o lo latou talitonuga e faapea, o le
poto i mea lilo o le olaga, e taua tele lea i tagata. Ma o loo
natia lea poto e le faa-kerisiano mai ona tagata talitonu. Peitai,
sa faailoa lava e Iesu mea lilo uma o le malo o le lagi i ona soo
ma e ua talitonu ia te Ia ( Mt 13: 11 – 15). O ona uiga o e ua
faatuatua ma tumau i le Alii, latou te iloa lava mea moni mai ia
te Ia. A o e tete‟e ma lē fia faalogo i mataupu o le malo i le
lagi, e ta‟ua lava i latou o temoni, aua ua i latou le agaga leaga
ma le agasala e tetee atu ai i le Tala Lelei.
So o se mea faitino i le lalolagi, e oo foi i o tatou tino, o mea
leaga uma na te agasala. E manatu ia ituaiga talitonuga ua na
o le agaga e sa‟o atoatoa ma manuia ai le tagata; ae le o le tino.
O le pogai lea latou te talitonu ai, poo a faiga e oo i le tino o le
tagata, e pei o le faamanu‟aina, sasa, po o le faa-oge foi e le ai,
e le afaina lea auā e le taua le tino ae o le agaga. Peitai e finau
pea Paulo - O le Atua na soifua lava i le tino, e pei ona
fa‟aalia tino i le soifuaga o Iesu i le lalolagi. O Iesu lava na
fetalai – “O au nei ma le Tama, e tasi lava i maua (Ioane 10:
30)
E tele a‟oa‟oga a nei talitonuga sese se faatosinaina ai tagata,
ma ua matua feteenai lava ma a‟oa‟oga faa-kerisiano.
O Faailoga vaaia mo se Ekalesia Faatuatua
O le tatalo lea a le aposetolo mo le ekalesia, ina ia iloa ma le
mautinoa e tagata uma ua talia Iesu i o latou olaga, faailoga
faakerisiano o lo latou ola faatuatua i le Alii ma le Tala Lelei.
O molimau ola e iloa ai le mauaa i le Tala Lelei o le
faaolataga. O lona uiga, o le Ekalesia moni a Keriso e tatau
ona –
(i) faamafanafanaina o latou loto
E tatau ona faamalosi o latou loto e mafai ai ona faafetaui atu i
so o se mea faigata o faalavelaveina lo latou ola faatuatua.
(ii) faasaoina i le alofa
A aunoa le alofa, o le a le moni o se mafutaga faa-Kerisiano, o
auala ma faiga e taitaia ai le ekalesia, ia faia lava i ala alofa. E
iloa mafutaga faa-Kerisiano moni pe afai e alolofa i le Atua
aemaise o le fealofaniga i le au uso. A oti le alofa, o le
faailoga foi lena o se ekalesia oti, aua ua maua atoatoa
tamaoaiga o le ola faa-kerisiano.
(iii) i ai le poto ma le malamalama
O le manatu lea o le aposetolo mo le Ekalesia, e tatau ona
fa‟aaupegaina i latou i so o se poto, ina ia mafai ona
malamalama ai i le poto lelei o moomia mo le ekalesia a
Keriso, aemaise ia iloa ona tetee atu i isi poto ese, ua faavaea
ai talitonuga o isi lotu le kerisiano. O le poto ma le
malamalama e eseese. O le malamalama o se malosi i le
mafaufau e faavasegaina ai le faasologa masani omea o le
olaga, e ui ina leai so latou faamaoniaga. O le vaai ma le
faalogo e iloa ai le sao o lea mea ma lea faiga poto o le malosi
i le mafaufau e faamautuina ai le sailiga o le moni i sailiga sa
faia. O le malamalama o le taofiofi maumaututu lea o se mea
moni ua talitonu i ai le tagata, ae o le poto o se mea e ao ina i
ai sona mafuaaga po o se faapogai, e avea ma faamoemoe ua i
totonu o le tagata saili. E tatau foi ona faasoa atu lea poto i isi
tagata e ola ai, ae le o le natia ma taofiofi. Le poto lea ia maua
e tagata uma o le ekalesia, e suesue ai ma saili mea lilo i le
malo o le Atua, ma e tatalaina mai lava e Keriso i so o se
tagata ma so o se mea. O lona uiga, o le faamaoni oi le Tala
Lelei a Keriso, e le o se mea lilo e natia pea peitai e ui ina
tatou le iloa ae fa‟aalia mai pea e Ia i e saili i ai.
(iv) le faaseseina i upu tauoleole
A maua e tagata uma le poto o i le Tala Lelei a Keriso, o le a le
mafai foi e le malamalama o upu tauoleole mai isi a‟oa‟oga
sese, ona aveesea le faamoemoe o so o se kerisiano ua ia Iesu
Keriso.
(v) mausali le faatuatua ia Keriso
E ui lava ina siomia le ekalesia i Kolose e faatosina ma le
malosi o a‟oa‟oga sese, ae o le agaga faafetai lea o Paulo ua
faailoa atu i tagata. O le faafetai ona o lo latou le gaoia pe
vevesivale i nei talitonuga ese. O le faailoga o le mausali o lo
latou faatuatua i le Tala Lelei o le Faaolataga. O le Agaga o le
Atua e galue ma fiafia e mau pea i tagata faatuatua.
Ia Maua’a ia Keriso
Sa faafetaia e le aposetolo le mausali o le ekalesia i le Tala
Lelei, e pei ona latou talia ai le Alii o Iesu Keriso, ma savavali
ai. O lona uiga o o latou ola atoatoa e tatau ona soifua ma le
mautinoa, o loo auai mai pea le Alii ia i latou. O iina foi e
saga tupu ai pea le faatuatua ma mamau ai e le maluelueina aa
o le ola talitonu i le Alii. O le mauaa i le Tala Lelei a Keriso, o
se ata oi le olaga o se laau. O le loloto o le sosolo o aa o se
laau, o le tamaoaiga foi lena mo le ola i le laau i minerale
eseese. E le gata i lea, aeo le malosi foi lea o lana tu, e faigata
ai i matagi ona faaumatia. O se ata ua fesootai atu foi i se fale
ua atinae i luga o se faavae malosi. E faigata i afa ona
faatamaia. O le mauaa lea e manao ai Paulo mo Kolose. E ui
o loo tupu ae le talitonu o tagata i le Tala Lelei, ae moomia
lava le matua tumau i ai i lo latou olaga faatuatua. O le mauaa
ia Iesu le Alii o le ola, e maua ai e le Kerisiano faamanuiaga o
le natura ma lona alofa tunoa. O iina foi e tuputupu ai le loto
faafetai o le kerisiano ona o le Alii alofa mai e faamanuiaga
eseese ua maua.
MO LE FANAU
O a ni a‟oa‟oga ia tulimataia mai lenei Mataupu.
(a) Aua nei faaseseina i tatou i a‟oa‟oga ese
(e) Ia tatou potopoto i a‟oa‟oga a le Tusi Paia.
(i) Ua na o Iesu e maua ai le oloa uma o le poto.
FAATINOGA O LE MATAUPU
1. Faailoa le Mataupu – “TALIA IESU MA MAUAA AI
IA TE IA” Ia faamalamalama le mataupu.
2. Faitauina o le Tusi Faitau.
E i lau susuga lava le faatinoga o lea vaega pe fiatau
faatasi pe feauaua‟i.
3. Faamatala le tala.
Faatomua le faamatalaga – i le faamatalaina o le
mafuaaga e ala ai ona mafulifuli isi laau i taimi o afa, ae
o lo o tutu pea isi laau.
Faafesootai le faatomuaga i le uiga o le mataupu ma
faamatala loa le mataupu pei ona i ai i le fesoasoani.
GALUEGA FAATINO:
Faapea o oe o se kerisiano e te nofo i se nuu mamao. Ua e
maua le tala mai lou aiga i ou matua, uso ma tuafafine, e
faapea ua iai isi o lou aiga ua talia talaiga a le au mamona i
totonu o le aiga. Tusi sau tusi i ou matua o Kasila ma Mera,
faailoa i ai lou manatu, ina ia „aua nei faaseseina i latou i na
a‟oa‟oga sese, ae ia tumua pea i le Tala Lelei ia Iesu Keriso.
Ia saunia vaega moomia uma i le faiga o se tusi.
E fautuaina le faiaoga, ia silasila ma siaki galuega uma, a le
vasega, ina ia iloa ai ua a‟oa‟oina lelei tamaiti i lenei mataupu,
e ala i o latou manatu fa‟aalia i tusi.
A‟OA‟OGA
1. E lelei foi pe a fesili i tamaiti mo ni a‟oa‟oga ua latou
maua.
2. Ia tumau ma mauaa i le Tala Lelei o le Faaolataga.
PESE: A tumau ia Iesu When we walk with the Lord
Tatou te filemu In the light of His Word
Aua o Ia le ala moni What a glory He sheds on our way
O Lona finagalo What we do is good will
Ia tatou salamo He abides with a still
Usitai ma faalogo And with all who will turst
and obey
Tali: Talitonu ma usitai Trust and obey
Na o Iesu Keriso There is no other way
E leai se tasi. To be happy in Jesus
But to trust and obey.
…………………………..
ASO SA: 17 APERILA 2011 (LAUPAMA).
MATAUPU: IA FAIA MEA UMA LAVA I LE
SUAFA O LE ALII O IESU
SINI: Ia malamalama tamaiti so o se mea tatou
te faia i le alofa, agalelei, onosai,
lotomaulalo, loto faamagalo ma le usitai
lelei, (mf) o faailoga ia ua tatou ola i le
Suafa o Iesu Keriso.
TUSI FAITAU: Kolose 3: 5 – 17
FESOASOANI MO FAIAOGA:
O le faia o mea uma i le Saufa o le Alii o Iesu Keriso, o le
a‟oa‟oga lea ua faailoa atu e Paulo mo tagata uma ua i le
ekalesia i Kolose. O lona uiga, ia lafoai e tagata uma ua maua
Keriso, uiga tuai o le olaga na ola ai, a o lei oomai le Tala
Lelei o le faaolataga mo tagata uma, e ala ia Iesu toetu. O lo
latou tuuese o ia uiga tuai, ae o la i le alofa, agalelei, onosai,
loto faamagalo, loto maulalo ma tausisi i le filemu o le Alii, o
le molimau lea ia i latou, ua latou ola i le amiotonu a le Atua
ma iloa lona suafa paia. E ui ina le atoatoa le tagata i taimi
uma, ae i ai lava le taimi e atoatoa ai le ola ia Keriso pe afai e
tumau i le faatuatua i lona suafa. O le alofa i le Atua ma faia
Lona finagalo, o le iloa lava lea o lona suafa, aua ua faafouina
le ola e auauna ai i amioga lele faa-keriso.
O mea e tatau ona tuu ese e le tagata ua talia Iesu.
O amioga le tatau ua ta‟u atu e Paulo i Kerisiano o Kolose, o
mea lava ia e ao ina latou tuu ese pe afai ua faafouina le ola ia
Iesu Keriso. So o se kerisiano ua talia le Tala Lelei, e ao ina
tetee atu i amioga a le tino. Ia fasiotia tuinanauga o le olaga
tuai, aua o mea ua le tusa ma le finagalo le Atua. O lo o
fa‟aaogaina foi e le aposetolo lea mafaufauga faa-le-agaga i
lana tusi i Roma. (Roma 8: 13). E fesootai foi lenei manatu o
Paulo i le fetalaiga a Iesu i lana lauga i le motu o tagata, ina ia
sali ese le mata pe ave ese foi le lima o loo tausuai ai, pe afai o
vaega ia o le tino o le tagata o loo tataiina le tagata e fai le
agasala. (Mataio 5: 29, 30). O le faitaaga; amioleaga;
faamaaitu; tuinanauga leaga, matapeapea poo le ifo i tupua, o
mea ia na talia e tagata ona latou faia, ao lei oo atu le Tala
Lelei. Sa faamalieina manaoga o le tino, ae sa aunoa ma se
iloa i le tauamiotonuina o le agaga. O mea sa tupuai pea lo
latou manao i lea taimi ma lea taimi, ae ua le iloa le poloaga
aio le loto ma faaina ai ma le agaga. Amioga ia o le tino e
tupu ai le toasa o le Atua i le tagata, pe afai e tauave faatasi ma
lana Tala Lelei ua aoaoina ai o ia. O le manatu o Paulo, o
taimi nei ua latou maua le malamalama o le Tala Lelei, ua
tatau lava ona tuu ese ia mea ia ilatou, aia ola ma faia mea uma
i le Suafa mamalu o le Alii o Iesu Keriso.
Ua le gata la o mea ma amioga le mama o le tino pei ona taua i
luga, ao isi foi mea e ao i tagata Kolose ona lafoai ee ma latou.
O ona po nei ua suluia ai latou e le malamalama o le Tala
Lelei, e tatau lava ona matua tuu ese meas uma, e pei foi o le
ita, loto; loto leaga; upu leaga; fetaupelopeloai o latou gutu.
Afai ua maua Keriso e so o se tagata, o lona uiga ua lafoai ese
le olaga tuai ma ana amio, ae ua faaofuina i le tagata fou, ma
foliga ai i le Alii. O le ata lea o le papatisoga mo so o se
kerisiano sa faamamaina i le uluai ekalesia. O le faamamaina i
le vai, o le faailoga ua tuu ese mea ma amioga tuai, ae
faaofuina i le ofu fou o le ola fou ia Keriso. E faapea foi i le
ita ma le lotoa. O le ita o le ituaiga lagona leaga e tupu ae i le
tagata pei o se sasao ae o se afi i se vao magumagu e vave lona
sasao atu, ae vave foi ona toe mate. O le lotoa – o le ituaiga ita
lea e faaumiumi ona tumau i le loto, ma e na te teena
fesoasoani e avatu mo le toe faamafanafanaina. Mo le
Kerisiano moni ua na talia le suafa o Iesu, e le faatagaina nei
ituaiga ita mo le olaga fou ua ola ai ia Keriso. E oo foi i le loto
leaga, o le taitaiina lea o le loto o le tiapolo i le va fesootai ma
isi tagata, aemaise o meatotino i le olaga. E matua le moomia
lava i le tagata ua faafouina ia Keriso. O le upu leaga o le
fetaupelopeloa‟i ma le upu mataga, ua le taliaina foi i le olaga
faa-kerisiano, aua e le gata i amioga leaga ia tuu ese e le tagata
fou, ae oo foi i lana gagana. E tatau ona paia ma talafeagai le
gagana e fesootai ai le tasi i le tasi. O lona uiga, o le gagana a
le Kerisiano e tatau ona
(i) agalelei - Ia atagia i le gagana upu lelei ma le
moni e aunoa ma se upu faa-lotoleaga, e
aafia ai isi uso e Kerisiano. „Aua nei
gagana i upu tau faaleaga ma pepelo, aua
e tusa lea ma le laulaufaiva ua na faaoo-
ina se mea moni.
(ii) mama - Ia le tautala i upu leaga ma upu le mama.
O upu le mama ma palapala. O le
gagana lea ua fai ma masani ai latou ua
le o atoatoa ona paia le Alii ma lona
suafa i o latou olaga faa-kerisiano. O le
mama o upu e tautala atu ai, ona o le
loto e mama.
(iii) moni - A le moni upu e gagana ai, e le taliaina
gofie foi e isi Kerisiano upu ua tautala
atu ai. O le moni foi ma le faamaoni ole
gagana e o faatasi foi ma le moni o le
olaga o ola ai, po o ola o le tagata
faafouina moni, po o se Kerisiano foi ua
na o le iloa i lona ta‟u.
O le gagana a le Kerisiano e tatau ona
agalelei, mama ma moni i tagata uma
nofoaga uma e auai ai.
O le atoatoaga o le olaga faa-Kerisiano
O le atoatoa o le olaga faa-kerisiano i le kerisiano, pe afai ua
suia atoa lona tagata i lana amio ma lana gagana, aua ua
faatuatua i le Tala Lelei. Ua tuu ese lona ola tuai ase suia i le
ola fou, ma e fa‟aauau pea ona ola ai, e uina le atoatoa i taimi
uma, ae pipii pea i le alofa ma le poto se ia avea lava ma tagata
atoa ua i ai le ata o le Atua. O le olaga foi e faaleagaina ai
tuaoi ma isi. E le toe faapea o le Eleni lea ao le Iutaia lea, o le
peritome lea ao le le peritomeina lea; o le nuu ese lea ao le
sekutia lea (pologa). Ia Keriso o nei tuaoi uma ua soloia i lalo,
a ua ia suia i le alofa mutimutivale, o le agalelei, loto maulalo,
agamalu, onosai, fefaapalepaleai, fefaamagaloai. O iina foi o
loo i ai le sololelei ma le faigofie o le olaga faa-Kerisiano pe
afai e soifua faatasi ai tagata uma (Mataio 11: 30)
O le fusi e atoatoa ai
O le fusi e atoatoa ai le olaga faa-kerisiano o le alofa lea. O le
malosi lea na te tapeleniina ma fusi mau le kerisiano atoa. Pe
a feeseesea‟i lagona i tagata, o le alofa lava na te taofia faatsi
mafutaga ua malepelepe. O lona uiga ia amio i le alofa, ia
tautala ma pese foi i le alofa aua ua faatuatua i le Suafa o le
Alii (Salamo 101: 1). O le ola i le alofa e taitaiina ai Kerisiano
taitoatasi i le filemu i se mafutaga e tasi a le au faatuatua. O le
filemu o Keriso o le faatonu lea i loto o tagata uma, tatou te
manatua i le amio tatau e ao ina fai. O lona uiga so o se
feteenaiga i manatu, ia aumai i totonu le filemu o Keriso na te
faalauleleiina filifiliga sese. Ma so o se mea e faia pe tautala
foi iai le Kerisiano, ia faia lava i le suafa o Iesu Keriso. A
tatou fesiligia pe tatou te mafaia se mea, valaau le suafa o Iesu
Keriso. A tatou fesiligia pe tatou te mafaia se mea, valaau le
suafa o Iesu mo fesoasoani, aua e faafofoga mai lava o Ia ia i
tatou. A tatou faia mea uma i le suafa o le Alii o Iesu, e
faamanuia mai foi Ia ia i tatou.
FAATINOGA O LE MATAUPU
1. Faailoa le Mataupu (faamalamalama i le vasega)
2. Faitau le Tusi FAitau
3. Faamatala le Mataupu:
(i). Saunia e lau susuga ni fesili e faatomua ai.
(ii). Silasila ma faitau lelei le fesoasoani ua avatu
(iii). Ia le umi se taimi o faamatala se vaega se tasi,
ae ia oo i vaega uma o le Tusi Faitau.
4. Fai ni fesili e tuliloa ai le Mataupu
GALUEGA FAATINO
Tusi mai sau parakalafa (afa itulau) e te faailoa mai ai, nisi o
amioga o faia i totonu o lou nuu, ua le atagia mai ai le faia o
faaiuga “i le Suafa o le Alii”.
(e lelei foi pe a tolaulau e tamaiti taitoatasi a latou galuega)
A‟OA‟OGA
1. Ia tatou fa‟aaloalo i le suafa o Iesu Keriso.
2. Tuu ese amioga ua le tusa ma le suafa o le Alii
3. Ia alofa atu ma ia maua le filemu o le Alii o Iesu.
4. Valaau i le suafa o le Alii o Iesu, pe a tatou vaivai i
feau ma le aoga.
PESE 63: (Pese ma Viiga)
……………………..
ASO SA: 24 APERILA 2011 (TOETU).
MATAUPU: UA TOE TU MAI KERISO
SINI: Ia malamalama tamaiti, e moni lava na
toe soifua mai Iesu Keriso i le maliu ma
le oti.
TUSI FAITAU: Ioane 20: 1 – 10
FESOASOANI MO FAIAOGA:
O tala uma o lo o faamatalaina ai le taeao o le Eseta, e
ta‟uta‟ua lava le molimau a Ioane. O ia lava o le soo o le Alii,
o le na alofaina o Ia, na taoto ane foi i le fatafata o Iesu.
(Ioane 13: 23 – 25; 19: 26). O lona uiga sa vaaitino i le mea na
tupu, ma ia molimau ai i lona faatuatua. O le toetu mai o
Keriso i le oti, o se fa‟aaliga pito sili lea ona taua i le Feagaiga
Fou, e le gata i lo tatou malamalama i le soifuaga faamaoni o
Iesu i ana fetalaiga, a‟oa‟oga ma lona itu Atua sa faatino ai
lana galuega faaola, ae o se faasinoala foi lea mo le olaga o e
sa mulimuli ma ua talitonu ia te Ia. E mafai foi ona tatou
faapea, o le maliu ma le Toetu o Keriso, o le faavae mausali
lea ua mafai ona faavae ai le faatuatuaga faa-Kerisiano. O lo o
molimau i ai evagelia uma e fa, e pei foi o Ioane, i le faamaoni
o Iesu i ana folafolaga i lona toetu mai. O le molimau a Ioane
i lenei faailoga ofoofogia ia toetu o Keriso, sa tusia i le va o le
70 – 100 T.A (Tausaga Atua), o le vaitau o soifua pea i latou
na latou iloa moni Iesu i le lalolagi, o ona soo. O i latou lava
ia na faamaoni le molimau i mea na faia e Iesu i lona soifuaga.
O nisi foi na molimau, o e na faamaloloina e Ia, ma talitonu i
lona toetu. O lona uiga a o tatou a‟oa‟oina ma faasalalauina le
toetu o Keriso, ia tatou talitonu ma le faatuatua, e moni lava o
Ia o le Alii toetu.
O le Alofa le masalomia (bewildered love) O le taimi o le galuega a Iesu i le lalolagi, sa maualuga ai lava
le alofa o le tina o Maria le Makatala. O lona olaga agasala sa
iaiona o agaga leaga, lea na faamaloloina e Iesu. O se laasaga
fou lea ia te ia e le mafai ona galo ina ua tuliesea e Iesu agaga
leaga e fitu sa ia te ia (Luka 8: 2). O Iesu na faamagalo ma
faamama ia te ia. O iina lava na tupu ai lona alofa atoatoa ia
Iesu, aua ua ia faatuatua ia te Ia. O le lē masalomia o lona
alofa i le Alii, sa le gata ina fai ma soo o Iesu, ae sa auai foi i
le faasatauroina o Iesu, ae o ia foi na mua‟i usu lava i le taeao
o le uluai aso o le vaisapati e asi le tuugamau o Iesu. Sa
faateia Maria ina ua ia vaaia le maa ua aveesea mai le gutu o le
tuugamau. O le fa‟aaliga ia te ia ua aumai ai ni lagona ese i
lona mafaufau. (i) atonu ua manatu o ia, ua aveesea le tino o
Iesu e ni tagata Iutaia ua le malilie i le fasiotia o Iesu i luga o
le satauro, ma ua latou ave lona tino ina ia tuu lelei i se
nofoaga mautu ma saogalemu. (ii) atonu foi e manatu Maria,
na talepe e ni au faomea le tuugamau ma latou aveese lona
tino. O le vaaiga fou na ia iloa ma lagona ese na oo ia te ia, na
ia momoe ai e saili ia Peteru ma Ioane. O gaioiga a le tagata
alofa moni, e le masalosalo ae talitonu lava i lona matai o Iesu,
e ui ina le malamalama i le mea ua tupu i le tuugamau. O le
uiga lea o le alofa le masalomia. O le alofa e saili ma saili pea
ma le le fiu, aua ua talitonu le loto atoa e maua lava se
taunuuga ma se Tala Lelei i le sailiga.
O Peteru le taitai o le au aposetolo
O se tasi lea o mea malamalama ma le matagofie ua aliali mai i
le tala o le Toetu o Keriso, o le moni lea o le avea o Peteru ma
taitai o le au aposetolo e fa‟aauau le galuega a Keriso i le
lalolagi. O ia lava na saili ma fia ta‟u i ai e Maria le tala i le
mea na tupu. Ua tatou faitau i vaivaiga o Peteru i le mafutaga
ma Iesu, aemaise lava i lona faafitia o Iesu i le taimi o ona
puapuaga. Peitai, e le tatau ona faapogisaina le tatou vaai i ia
vaivaiga o Peteru, ae ia tatou iloa lelei, o ia lava o le tatai na
folafola i ai e Iesu le tofiga ao lei maliu, ma sa Ia toe faamalosi
foi i ai ina ua toetu le Alii(Luka 22: 31 – 32; Mataio 16: 18,
Ioane 21: 15 – 17)
O Peteru ma Ioane i le Tuugamau
Sa taufetuli Peteru ma Ioane i le tuugamau ina ua mau tala i le
molimau a Maria. E ui lava sa folafola e Iesu ia i latou ma
avatu i ana saunoaga faa-faatusa lona toetu mai i le oti
(faataitaiga: Ioane 2: 19) ae sa faigata lava ona latou talitonu i
ai. Na muai taunuu Ioane ina ia iloa atu i e na tanuma‟i ai le
Alii ona toe alu ese lea. Na muliai taunuu Simona Peteru, ua
ia vaai ona ulu atu lea i le tuugamau. Sa na ona ofo o Peteru i
le vaaiga ua iloa ma le tuugamau ua avanoa, a‟o Ioane ua
amata ona tupu ae lagona fou i lona mafaufau. (i) Afai ua
aveesea e ni tagata gaoi le tino o Iesu, aisea na latou tuua ai ie
na tanumai ai ma le solosolo na i lona ao? Aisea foi ua taataai
ai ie tanumai ma tuu eseese foi ma le solosolo sa i lona ao? (ii)
Atonu ua manatu Ioane i le manatu faa-Eleni faapea – “o laei
ma teuga faale-tino, e tumau ma uma lona oaga i le tino nei,”
faapei ona tuua ai o ie ma le solosolo. O le toetu o Iesu i le ola
fou, ae tuua ia mea faa-le-tino, o le faailoga, e gata lava mea a
le tino i lalo nei ae o le mafutaga a le tagata faaolaina ma lona
Atua, o le tino faa-le-agaga ua faia e le Atua. Sa vaai Ioane
ma talitonu. E lei faitau i se tusi ae o le vaai ua tgupu ai lona
faatuatua i le faailoga ua tupu. O lona uiga, o Ioane lava le soo
o Iesu na muai talitonu i le toetu o le Alii. Afai o ia o le soo na
alofaina e le Alii, ma sa ia alofa foi ia Iesu, o lona alofa lava
lea na taitai ona mata ia molimau i le moni o faailoga na faia e
Iesu, aemaise o lona toetu.
O se a‟oa‟oga foi lea mo i tatou le fanau ie tala o le toetu. E ui
ina tatou te lei i ai i lea taeao fou o le manumalo o Keriso, ae a
tatou ola ma le faatuatua i le moni o le faauigaga ua aumai e
Ioane e uiga i le toetu, ona tutusa lea o i tatou ma Ioane, o e ua
faatuatua i le toetu o le Alii. E taua foi i tatou o e ua alolofa ia
Iesu. O le alofa na te u‟umauina le mea moni i o tatou loto,
aua ua tatou talitonu ma alolofa i le Alii. E faamanatu foi ia te
outou le fanau, e le mafai ona tumau lo tatou malamalama pe
mafai foi ona tatou aoao atu ma fesoasoani i isi ia iloa Iesu, sei
vagana ua tatou alolofa moni ma tuuina atoa atu o tatou loto i
le Alii faatasi ma o tatou mafaufau.
Fautuaga Taua:
E talosagaina lau susuga ina ia suesue i Tusi faitau fesoasoani
o loo puipui i totonu o le fesoasoani, mo lou silafia atili i le
Mataupu.
FAATINOGA O LE MATAUPU
1. Faailoa le Mataupu
2. Faitau faatasi tamaiti i le Tusi Faitau.
3. Faamatala le Tala o le Toetu. (Taumafai e „aua le
aumaia fua molimau a isi Evagelia i le Tala o le Toetu
e faamatala ai le mataupu – Tausisi pea le molimau a
Ioane)
GALUEGA FAATINO
Tali mai i fesili nei
1. O ai na saitia e Maria le Makatala, e ta‟u i ai le tala i le
maa ua aveesea ma le gutu o le Tuugamau?
Tali: O Simona Peteru ma le soo alofaina (Ioane)
2. O le a se eseesega o le ulu atu i le tuugamau a Peteru ma
le ulu atu a Ioane?
Tali: O Peteru na ulu atu ma iloa ie ma solosolo ua tuu ae lei
talitonu. Ao Ioane na ulu ma vaai ona talitonu ai lea.
3. O le a se isi faamatalaga e te iloa ia Maria le Makatala?
Tali: - O le soo o Iesu
- Sa auai i le faasatauroina o Iesu
- Sa aveesea e Iesu agaga leaga e 7 sa i totonu ia
te ia.
4. Sa malamalama le au soo o Iesu, e moni lava o le a
toetu Iesu?
Tali: Leai
(Saunia e le faiaoga nisi fesili e faaopoopo i le galuega)
A‟OA‟OGA:
Ua aoao mai lenei mataupu:-
a) E moni lava le Tala o le Toetu
e) O le Toetu o Keriso, ua mausali ai le faavae mo lana
Ekalesia i le lalolagi.
i) O Iesu o Ia lava o le Toetu.
PESE: Tusi Pese „Pese ma Viiga‟ – 48
Ina tatou faafetai, Aleluia!
Ia Iesu ua toe tu mai, Aleluia!
…………………..
ASO SA: 01 ME 2011
MATAUPU: AUAI FAATASI KERISO MA
ONA TAGATA
SINI: Ia malamalama le vasega i le feau
taua o le Eseta; o lo‟o soifua ma
auai faatasi le Keriso manumalo ma
le Kerisiano faamaoni.
TUSI FAITAU: Mataio 28:16 – 20
“O lenei, ia outou o atu e fai nuu uma lava ma so‟o ….
Faauta foi, ou te ia te outou i aso uma lava, e oo lava i le
gataaga o le lalolagi.”
FESOASOANI MO FAIAOGA:
O le tatou tusi faitau i lenei Aso Sa, e masani ona faaulutalaina
i le gagana faa-Peretania, o le “Great Commission” po o le
“Auina atu sili,: e le Keriso Toetu, o lona „au so‟o.
O le „Great Commission‟, e mafai ona faauigaina e faapea: o le
pule ua tuuina atu i le Kerisiano faamaoni, mo le faatinoina o
le galuega folafola a Iesu. O le tatou tala i lenei taeao, o le
feiloaiga a le Keriso toetu, ma ona so‟o e to‟a sefulu ma le tasi
i le mauga i Kalialia, e pei ona poloai atu ai Iesu e ala i le
agelu sa i le tuugamau – “faauta foi, e muamua atu ia ia te
outou i Kalilaia, tou te iloa ai o ia i lea mea.” E le taumate, o
le feiloaiga o le loimata maligi, ma le loimata fiafia, auā ua
molimauina e le a‟u so‟o, le mana faaola o le Atua, ina ua toe
soifua mai Iesu nai le oti ma le tuugamau. Peitai, o le feiloaiga
foi ua le asa ma le masalosalo ma le lē talitonu, auā sa i ai lava
nisi o le au so‟o, sa masalosalo pea i latou. Ona maliu ane ai
lea o Iesu, ma ua Ia fetalai atu ia te i latou, e tusa ma le Tusi
Faitau o le tatou mataupu.
O le „Great Commission‟ po o le “Auina atu sili”, ua mafai ona
vaevaeina faapea:-
(i) ….ia outou o atu…” (Therefore, go, ….)
O le tagata Kerisiano, o le tagata galue, o le tagata gaioi; o le
tagata ua valaauina e malaga, e le gata i totonu lava o lona
siosiomaga, ae faapea foi i fafo atu. (The Christian is always
on the „move‟, and is called to engage in God‟s mission both
inside and outside the Church)
(ii) “…. e fai nuu uma lava ma so‟o…” (make disciples of
all the nations
O le valaauina o le Kerisiano, ina ia avea lona olaga e fai ma
molimau, ina ia mafai ona avea ai nisi tagata, ma nisi atunuu, e
fai ma soo faamaoni o le Keriso manumalo. (A Christian‟s
calling is to discipleship in Christ and to lead others, to
become disciples of Christ)
(iii) “…. ma papatiso atu ia te i latou i le suafa o le Tama,
le Atalii, ma le Agaga Paia…” (baptizing them in the name of
the Father, Son and the Holy Spirit)
O le papatisoga i le suafa o le Tamā le Atalii ma le Agaga
Paia, o le faailoga manino ma le mausali lea o le avea o le
Kerisiano e fai ma suli moni i le auaiga o le Atua (Baptism is
integral and symbolic of a Christian becoming a true member
into the family and household of God)
(iv) “… ia a‟oa‟o atu ia te i latou ia tausi i mea uma ua ou
fai atu ai ia te outou …” (Teach these new disciples to obey
all the commands I have given you.)
O le faiva alofi lima o le Kerisiano, o le a‟oa‟o atu i tagata mea
uma lava e uiga i le Keriso, ina ia latou ola ma tausi faamaoni i
ai, e ala i lo latou usiusitai ma le faamaoni i le finagalo o le
Keriso manumalo. (The Christian mandate is to teach others
to keep and obey all the commands of the risen Christ)
(v) “Faauta foi, ou te ia te outou i aso uma lava, e oo lava
i le gataaga le lalolagi.” (Behold, Iam with you always, even
to the end of the age)
O le fetalaiga lenei a le Keriso manumalo, o lo‟o fai ma auga
ma ogatotonugalemu o le tatou mataupu mo lenei Aso Sa. O
le fetalaiga o lo‟o aumai ai le faamoemoe ola (promise) o le
Kerisiano faatuatua, “e auai faatasi Keriso ma ona tagata”.
O le Keriso e ona le „Great Commission‟ po o le „Auina atu
sili‟, o lo‟o auai faatasi o ia ma e ua na ia auina atu, faatasi ai
ma Kerisiano uma.
I le soifua ma le ola o le tagata i totonu o lenei lalolagi o
faafitauli, ua fetalai ma faamafanafana mai le Keriso toetu, o
lo‟o ia auai faatasi ma i tatou.
O Iesu Keriso lava lea, ua na fa‟aalia mai ia i tatou e ala i lona
soifua atoatoa, le „natura‟ ma le auai po o le „reality‟ o le Atua,
i le tagata soifua, ma mea uma lava o lana foafoaga paia. Po o
a lava ni mea e tutupu i le olaga nei, pe fetaiai ma tigā ma
faigatā o le olaga; pe faaosoosoina foi e le tele o mailei a le fili
o loo taumafai e faatoilaloina ai i tatou, e mafai lava ona tatou
manumalo ai, pe afai ua tatou talitonu ma le faatuatua
faamaoni, o lo‟o auai faatasi le Keriso manumalo ma i tatou.
FAATINOGA O LE MATAUPU:
1. Faailoa le Ulutala o le Mataupu ma faamalamalama.
2. Faitau le Tusi Faitau filifilia.
3. Faamatala le tala e pei ona tuuina atu i le Fesoasoani i
se auala ua filifilia.
4. Tuliloa le mataupu i fesili nei:-
a) O fea na feiloai ai le Keriso toetu ma lona au soo?
Tali: I Kalilaia
e) O a vaega e lima o le „Auina atu Sili‟ po o le Great
Commission‟ sa faamatalaina i le latou mataupu?
Tali: (i) ina o atu
(ii) fai nuu uma ma so‟o
(iii) ma papatiso atu ia te i latou i le suafa o le
Tamā, le Atalii, ma le Agaga Paia
(iv) A‟oa‟o atu ina ia latou tausi i mea uma.
(v) Faauta foi, ou te ia te outou i aso uma lava, e oo
lava i le gataaga o le lalolagi.
i) “E auai faatasi Keriso ma ona tagata” O ai tagata o
Iesu Keriso?
Tali: O Kerisiano manumalo uma o i le lalolagi atoa ma le
lagi, o e o lo‟o faia le finagalo o le Atua.
GALUEGA FAATINO:
Faamatala mai i se afa itulau, ni a‟oa‟oga taua na e maua mai i
le tatou mataupu: E AUAI FAATASI KERISO MA ONA
TAGATA (Christ is with his people)
PESE: Lord, we have come, to this place
Where we long to hear your praises
We, lift our hearts, and our minds
To the king of all the ages
Hear us Lord we pray
Come Jesus come,
Come fill this place.
Ch Meet us here (meet us here)
Meet us here, Lord
We are young but we are strong
When you surround us,
Meet ur here (meet us here)
As we gather in your name, meet us here.
A‟OA‟OGA:
1. O lo‟o soifua ma auai faatasi le Keriso manumalo ma
Kerisiano faamaoni.
2. E le tuulafoa‟iina i tatou e le Keriso manumalo.
…………………….
ASO SA: 08 ME 2011 (ASO SA TINĀ).
MATAUPU: SE A LE MEA TOU TE FEFEFE AI
FAAPEA?
SINI: Ia a‟oa‟oina le vasega, ina ia latou iloa,
o Iesu o lo tatou maluapapa i taimi
faigatā o le olaga.
TUSI FAITAU: Mareko 4:33 – 41
“Ona fetalai atu lea o ia ia te i latou, „Se a le mea tou te fefefe
ai faapea? Se a le mea tou te le faatuatua mai ai?
FESOASOANI MO FAIAOGA:
Sa aoao atu Iesu i le motu o tagata mai i luga o le vaa. Ua oo i
le afiafi, ua fetalai atu oia i ona so‟o latou te o atu i le isi itu o
le vai. A o latou iai i luga o le vai, sa faafuasei ona agi mai le
afa malosi, ma fesouaina ai le faigamalaga. Ua fafati mai peau
i totonu o le vaa, ma faatumuina ai. Na lagonaina e le au soo
le popole ma le atuatuvale, a o Iesu sa tofā o ia i le taumuli o le
va‟a. Ua faateteleina le popole ma le fefefe o le „au so‟o, ina
ua latou vaai atu i le agi malosi mai o le matagi, ma le siisii
maualuga mai o peau o le sami.
Ona latou fafagu lea o le Alii, sei manatu ane ia i latou o le a
faaumatia e le afa malosi. Ua ala mai Iesu, ma ua na vavao atu
i le matagi, ma ua ia fetalai atu foi i le vai – Faalologo ia, ina
malu ia.” Ona matua malu lea o le vai, ua mate foi le matagi.
Ua fetalai atu Iesu i lona „au so‟o – “Se a le mea tou te fefefe
ai faapea? Se a le mea tou te le faatuatua mai ai?” A ua
matata‟u uma le „au so‟o, ina ua usiusitai le matagi ma le vai i
le fetalaiga a le Alii. Sa latou tuufesili foi, “Po o ai lava lenei,
ina ua usiusitai lava le matagi ma le vai ia te ia?”
O le a‟oa‟oga taua lava mai i lenei tala, tatou te iloa lelei ai le
pule aoao a le Atua i mea uma o le foafoaga. Po o le a lava le
malolosi o mea o le natura, e silisili lava le malosi o le Atua,
auā o mea uma na faia e le Atua, e faalogo ma usitai i lona
siufofoga. A o le faamamafa o le tatou mataupu i lenei taeao,
o le tagata mafatia, ua sulufai ia Iesu.
Ioe, o le popole, ma le fefe, ma le lē mautonu sa maua ai le au
soo i totonu o le vaa a o alu le latou faigamalaga, na ala ai ona
latou sulufai e fafagu ia Iesu na te lavea‟iina i latou.
E ao ona tatou manatua pea, o le toatele o le au soo o tagata
faifaiva (fishermen) o lona uiga, o tagata ua masani i le
gataifale ma lea ogasami, ma o tagata ua iloa faitau le tala i le
tau ma matagi eseese. Peitai, i le tatou tala i lenei taeao, ua
manino mai ai, ua lē mafai i le poto ma le atamai o le tagata,
ona lavea‟iina i latou i taimi o faigata ma puapuaga, ae ua na o
le mana lavea‟i o le Atua e ala iā Iesu, e mafai ona lavea‟iina
le tagata mai fita ma faigata o le olaga.
O le uiga lea o le fesili a Iesu, e pei ona molimauina e Mareko
– “Se ā le mea tou te fefefe ai faapea? O tagata ua leva ona
mafuta ma militino faatasi ma Iesu; sa latou feoai faatasi, ma
faatino le galuega faaola a Iesu i le lalolagi; peitai, ina ua
fesouaina i luga o le vai e le afā malosi, ua vave mou atu lava
lo latou faatuatua, ma ua fai i latou ma ni tagata ua popole ma
atuatuvale i le fia ola. E toatele i tatou, e maua i le vaivaiga
lea na oo i ai le „au so‟o, e vave lava ona oo mai le popole ma
le fefe, ma le lē mautonu, pe a agi mai fitā ma faigatā ogaoga o
le olaga.
A o le a‟oa‟o mai o le tala i lenei taeao, o Iesu o lo tatou olo
ma le maluapapa i taimi faigata ogaoga o le olaga. O le tatou
faigamalaga faatasi ma ia, tatou te lagonaina ai le toafilemu ma
le saolotoga moni, pe a lutia i tatou e matagi malolosi, ma le
siisii mai o peau vale o lenei olaga.
O le agaga maualuga o lenei mataupu, ina ia „aua nei o tatou
loto vaivai, pe atuatuvale i taimi o faigatā, a ia tatou talitonu
ma faatuatua i le Atua, e ala ia Iesu Keriso, na te foai mai lona
mana mo i tatou e mafai ai ona tatou onosai ma lavātia
faafitauli e feagai ma i tatou.
Uiga o Upu
to - agi mai
afa - matagi/savili malosi
peau - galu, suasami, suavai
taumuli - pito i tua o le vaa
vavao - taofi
FAATINOGA O LE MATAUPU:
1. Faailoa le ulutala o le mataupu ma faamalamalama.
2. Faitau le Tusi Paia i le Tusi filifilia.
3. Faamatala le tala e pei ona tuuina atu i le fesoasoani i se
auala filifilia.
4. Tuliloa le mataupu i fesili nei:
a) Aisea na fefefe ai le au soo?
Tali: Ua agi malosi le matagi ma le sou o le vai, toe a goto ai
le vaa.
e) O fea sa iai Iesu a o atuatuvale loto o le „au so‟o?
Tali: Sa tofā o ia i le taumuli o le vaa.
i) O a ni matagi malolosi o lo‟o fefefe ai i tatou i aso
uma?
Tali: O faaosoosoga a le tiapolo ma ana „au.
o) O le a le mea e tatau ona tatou faia pe a lutia i tatou i
tiga ma faigata o lenei olaga?
Tali: Sulufai ia Iesu ma o tatou loto talitonu ma le faatuatua
faamaoni.
GALUEGA FAATINO:
Ia faatino le tala e fa‟aali mai ai le gaioiga uma a le „au soo ma
lo latou popole, ma le toafilemu sa latou maua ia Iesu.
PESE: With Christ in my vessel I can smile at the
storm
Smile at the storm x 2
With Christ in my vessel I can smile at the
storm
Until he takes me home
Sailing, sailing home x 2
With Christ in my vessel I can smile at the
storm
Until he takes me home
A‟OA‟OGA:
1. O Iesu lava tatou te malu ai i taimi o tiga ma faigata.
2. O le mafuta ia Iesu e tupu ai le faamoemoe.
…………………………..
ASO SA: 29 ME 2011
MATAUPU: VAAIGA FAALE-ATUA MA LE
TAGATA
(Imaging the Divine and the Human)
SINI: Ia a‟oa‟oina le vasega ina ia latou iloa o
le ofoina atu o le tagata atoa e fai ma
„taulaga ola‟ mo le Atua soifua, e atagia
mai ai le silisili ese o le Atua i ō tatou
olaga.
TUSI FAITAU: Roma 12: 1 – 8
“Aua foi tou te amio faatasi ma lenei
lalolagi, ae peitai ia liliuina i le toe
fuataiina o outou loto …”
FESOASOANI MO FAIAOGA:
O le tusi faitau mo le tatou mataupu i lenei Aso Sa, o lo‟o aioi
mai ai le Aposetolo o Paulo, ina ia ofoina atu atoatoa le tagata,
e fai ma “taulaga ola” mo le Atua. O le fatu ma le ogatotonu
lemu o le talaiga a le Aposetolo o Paulo i nuu ese – o le
“taulaga sili” na saunia e le Atua e ala i lona Alo pele e toatasi
o Iesu Keriso, o le fa‟aaliga manino lava lea o le Silisili ese o
le Atua, ma lona alofa tunoa, i le tagata agasala ua salamo ma
le faatuatua.
O le “taulaga sili” na faia e Iesu Keriso, ua mafai ai ona
tauamiotonuina le tagata i luma o le Atua, ma ua avea ai le
tagata, e fai ma “tagata fou ia Keriso” (a new creation in
Christ)
O le upu a Paulo i le Ekalesia i Roma – “ia outou tuuina atu o
outou tino i le Atua, o le “taulaga ola” – o le tino, loto, ma le
mafaufau, ia ofoina atu ma le atoatoa i le Atua. I le manatu o
Apsetolo, o le tali atu lea a le tagata faatauvaa, ua faaolaina e
le Atua e ala ia Iesu Keriso, ina ia fai le tagata agasala ua
salamo ma le faatuatua faamaoni, o se “taulaga ola,” e paia ma
malie i le Atua.
O lea ua apoapoa‟i Paulo i le Ekalesia i Roma, ia „aua foi tou
te amio faatasi ma lenei lalolagi, ae peitai ia liliuina i le toe
fuataiina o outou loto …” (Do not comform, but be
transformed)
O le loto ua liliu mai le leaga i le lelei, mai le pogisa i le
malamalama, mai i le oti i le ola, o le loto lena ua toe
fuata‟iina; ma ua toe maua le ola fou ma le faamoemoe fou, e
mafai ai ona faia galuega lelei e viia ai le Atua, e ala i le
“taulaga ola” ua paia ma malie i le Atua. E oo lava i tofiga ma
meaalofa eseese o le faatuatua, ua taitasi ma foa‟iina mai e le
Atua.
O la Paulo, e ui lava ina eseese faiva ma tofiga, a ia
fa‟aaogaina e tusa ona foai mai.
O le galulue faatasi, ma le fa‟aaogaina o meaalofa mai le Atua
ua tofusia uma ai le „au faatuatua, aua le atia‟eina o le malo o
le Atua, o le foliga vaaia lava lea, o le fai ma taulaga ola mo le
Atua.
O le faamamafa lea a le tatou mataupu i lenei Aso Sa – o le
vaaiga faale-Atua ma le tagata. E mafai foi ona toe faaupuina
faapea – “O atagia mai ea foliga faale-Atua i lou tagata?” O le
agaga maualuga o Paulo o lo‟o fa‟aalia mai i le tatou Tusi
Faitau, o le fa‟aaogaina o a tatou meaalofa, o taleni ma agavaa
eseese mai le Atua, ma lo tatou galulue faatasi, e atagia
manino mai ai lava le Keriso, aua o ia lava ua tasi ai i tatou.
FAATINOGA O LE MATAUPU
1. Faailoa le ulutala o le mataupu ma faamalamalama.
2. Faitau le Tusi Paia i le tusi faitau o le mataupu.
3. Faamatala le mataupu e pei ona tuuina atu i le fesoaosani
ua saunia, i se auala ua filifilia.
4. Tuliloa le Mataupu i fesili nei:
(a) O le a le mea o lo‟o aioi mai ai Paulo i le tagata
faatuatua e ofoina atu mo le Atua?
Tali: O le tino, po o le tagata atoa, ina ia fai ma „taulaga
ola‟ mo le Atua, ia paia, ma malie ma atoatoa.
e) O le a sou manatu i le aoaoga taua lenei a Paulo:
O le taulaga sili na faia e Iesu Keriso, ua
tauamiotonuina ai le tagata faatauvaa i luma o le
Atua Silisili Ese?
Tali: (E lelei pe a fetufaai ma fefaasoaai lau susuga ma
le vasega, ina ia faataua ai tele le tali)
(i) O le a sou manatu i upu nei a le Aposetolo o Paulo
“Aua foi tou te amio faatasi ma lenei lalolagi, ae
peitai ia liliuina i le toe fuata‟iina o outou loto… (Do not
conform, but be transformed)
Tali: (Fetufaai ma fefaasoaa‟i lau susuga ma le vasega)
o) E faapefea ona atagia mai „foliga‟ o le Atua Silisili Ese
i le tagata faatauvaa?
Tali: (Tuu le avanoa i le vasega e fa‟aali mai ai o latou
manatu)
GALUEGA FAATINO:
1. Tusiga Solo
Tusi mai sau Solo, e lua (2) fuaiupu, ae tai fa (4) laina
o le fuaiupu e tasi, i le ulutala lea – “AVE LOU
TAGATA ATOA, E FAI MA TAULAGA OLA”
PESE: 157 “Ave lou ola ia aoga”
A‟OA‟OGA:
1. Fai i tatou ma taulaga ola mo le Atua, e paia, ma malie,
ma atoatoa.
2. Ia atagia mai i o tatou olaga, le paia ma le Silisili Ese o
le Atua.
3. Ia fa‟aaogaina meaalofa mai le Atua, e atia‟e ai lona
malo i le lalolagi nei.
……………………
MANATU AUTU O LE MASINA: IUNI 2011
O MAFAUFAUGA FAATUPU MANATU
O le manatu taiala o lenei masina ua faataua ai ni mafaufauga
faatupu manatu, aemaise o mafaufauga ma vaaiga eseese agai i
le faatuatuaga ma le talitonuga o le tagata o le Atua. E ui e le
mafai e o tatou mata ma taliga ona vaai ma faalogo atu i le
Alii, ae pe a tatou vaai faaleagaga i ai tatou te mafaia lava ona
iloa loloto le oo mai o lo Atua.
ASO SA: 05 IUNI 2011
MATAUPU: O FOLIGA O LE LOTO
SINI: Ia malamalama le vasega e taua lona
iloaina o le Atua mai totonu o le loto. O
foliga o le loto ua afio ai le Atua na te
iloa atu le alofa tunoa o le Atua.
TUSI FAITAU: Mataio 13:1 –17
FESOASOANI MO LE FAIAOGA:
O faataoto a le Alii
Sa fesiligia Iesu e lona ausoo i lona faaaogaina o faataoto e
aoao atu ai ia te i latou i le tele o taimi, ao lana tali i le latou
fesili atu, ina ia avea ma auala latou te manino ai ma
malamalama i mea lilo o le malo o lona Tamā. O le Malo o le
Atua, e lē mafai ona iloa e mata, e faalogo ai foi taliga o tagata
ae latou te lē lagona. E faapena se uiga o lea malo, o le malo e
tatau ona iloa i le loto ma le fatu o le tagata faatuatua, seia oo
ina manino ma iloa loloto i lagona ma manatu o le tagata
faatuatua le uiga moni o lea malo mamalu ma le silisiliese.
O lena le uiga loloto o i tua atu o saunoaga a le Alii, o le Malo
o le Atua e faapea, o le Malo o le Atua e foliga faapea, aua o
le Malo e le faigofie ona iloa e mata, e le faigofie ona lagona i
le faalogo o taliga. E taua le iloa loloto i le loto ma taofi mau i
totonu o le mafaufau ma le loto o le tagata faatuatua. E taua le
iloa ina o le Atua ma lona malo i le loto ma atagia ai i foliga
vaaia o le tagata i lea aso ma lea aso, o se foliga vaaia o le loto
o le tagata ua talia le Atua, pe tusa lava pe le i vaaia e mata ma
lagona i le faalogo ae afai ua talia I totonu o le loto ma le fatu
ua lava lena tatou te iloa ai le Atua, aua o le Atua e le mafai e
mata o le tagata ona vaai i ai ma ola pea
O foliga o le loto
E leai se tagata e mafai ona vaai i totonu o lona loto ma iloa
ona foliga pe aulelei pe auleaga foi, peitai ua lava uiga faalia
ma ana faatinoga na te faamatala mai foliga ma le mea lilo i
lona loto. O mea lilo ia e le mafaia ona faamatalaina e se
tagata soifua, ae ua faamatalaina e le au suesue o le mafaufau i
se auala faapena le uiga taua o lenei faaupuga.
E faapena foi le auala o loo taumafai lo tatou Alii o Iesu e aoao
atu ai i lona ausoo ma le motu o tagata, ona o mea lilo o le
malo o le Atua e faigata ona iloa i mata o tagata ma talia,
seiloga lava ua iloa i mata o le loto i se ala faale-faatuatua ona
faatoa faigofie lea ona malamalama i ai ma talia. Aua faimai le
f15 “Aua ua mafiafia loto o lenei nuu, ua faalogogata o latou
taliga i faalogo ma lagona o latou loto ma liliuina i latou”
O le Malo o le Atua
O le malo o le Atua e tatau ona taofi mau i le loto faatuatua o
le tagata, o iina e iloa ai le amiotonu ma le tagata ua moni lona
mulimuli i le Alii, e atagia mai i lona olaga foliga alofa o le
Atua. Aua a faalogo ae le lagona ona alu ane lea o le tagata
leaga ua fao le mea sa ia luluina, ona le inu lea i lana mea sa
lulu. Ae afai sa faalogo ma talia le upu i lona loto ona selesele
ai lea o ia i ona fua, e taiselau i nisi, e taionogafulu i nisi, e
taitolugafulu foi i nisi. E faapena foliga o le loto faatuatua ma
talia le upu a le Atua e fua mai e ia i ona lava fua e tusa ma
lona tau.
O lē ua i ai mea e foaiina atu ia te ia.
“O le ua i ai mea e foaiina atu ia te ia mea e tele e atili tele ai
ana mea , a o se ua leai ni ana mea e aveeseina mea mai ia te
ia”. O le uiga o le tagata ua ia te ia mea e tele, o le faailoga lea
o le tagata ua faalogo ma talia le upu moni, ua malamalama ma
talitonu i le talalelei o le faaolataga ma mulimuli, o le tagata
lea ua fai taliga ma faalogo lelei ma talia le upu moni. Peitai o
le tagata ua faalogo ma le lagona, o se faailoga lea o le tagata
ua tauaso faaleagaga, aua ua na ona fai o ona mata e vaai ai
aeua le iloa le upu moni a le Atua, ua fai foi taliga e faalogo ai
ae ua le lagona lona fetalai mai i le upu moni o le ola. Faapei o
la Isaia: E faalogo lava outou a e le lagona, e matua vaavaai foi
outou ae tout e le iloa le mea moni o le malo o le Atua ua oo
mai i lenei lalolagi
FAATINOGA O LE MATAUPU:
1. Faailoa le ulutala ma faamalamalama le mataupu.
2. Fesili faatomua (saunia e le faiaoga ni fesili lelei)
3. Faitau le Tusi Paia (ia faitau atoa le vasega i le tala, ina
ia latou malamalama lelei i ai)
GALUEGA FAATINO: - Fesili ma Tali
1) Aisea sa aoao atu ai Iesu i le motu o tagata i faataoto e
uiga i le malo o le lagi?
Tali: E le mafai ona talitonu ma iloa e tagata le mea moni, sei
vagana ua iloa i le loto ma le faatuatua, aua ua feū
taliga o tagata latou te lē malamalama ma talia uiga
moni o aoaoga a Iesu
2) O a mea lilo o le malo o le lagi?
Tali: O le Malo o le Atua, e mamalu ma Paia e le mafai e
mata ona iloa, sei vagana o le loto o le tagata faatuatua
ua talia ma iloa le Atua, ona faaalia lea ia te ia mea lilo
o le malo o le lagi
3) Aua o le ua i ai mea e foaiina atu i ai, e atili tele ai ana
mea. O le a lona uiga?
Tali: O le tagata ua talia ma talitonu i mea o le malo o le
lagi, e faateleina lona malamalama ma ona
faamanuiaga mai le Atua e ala i lona faatuatua ma
talitonu i le talalelei o le faaolataga a le Atua e ala ia
Iesu Keriso
4) O le a le uiga o le valoaga a Isaia o loo taua i le fuaiupu
e 14 ma le 15?
Tali: O lona uiga o tagata o le lalolagi lē talitonu ma lē talia
Iesu, na ona latou faalogo lava ae le lagona se mea,
latou te vaai foi ae le malamalama i le uiga o aoaoga a
Iesu, o tagata latou te vaai faalelalolagi, sei vagana ua
pupula mata o latou agaga ona talitonu lea ma
malamalama ia Iesu le Alo o le Atua.
5) O le a le uiga o le upu Faataoto
Tali: E taua faataoto i aoaoga a le Alii, aua o se auala o
faamatalaga ma faatatauga e manino ai se feau
taumolimoli. O le auala o aoaoga a le Alii sa faia ao i ai
o Ia i le lalolagi
PESE: Jesus is the answer (O Iesu o le tali)
A‟OA‟OGA:
1. O le finagalo o lo tatou Alii e tatau ona atagia i foliga o
le tagata ma lona olaga atoa
2. Ia iloa e le vasega o le loto o le tagata le mea taua, aua
e silasila le Atua i le loto ae vaai le tagata i le tino.
3. E silafia e le Atua mea uma o i totonu o le loto o le
tagata soifua, aua o le loto mama e afio i ai le Atua ae o
le loto leaga e inoino i ai o Ia
4. O foliga o le loto ua faatuatua ma le mama ua faatusa i
ai e le Alii le malo o le lagi
5. O se mea taua lo tatou manatunatu lelei i o tatou loto ma
iloa ai le Atua, aua o totonu o le loto o le tagata e
afio ai le Atua.
6, E tatau ona faamama o tatou loto i taimi uma ina ia
mafai ona tatou iloa atu ai lona malo i le lagi. “Amuia e
loto mama aua latou te iloa atu le Atua” (Mataio 5:8)
……………………..
ASO SA: 12 IUNI 2011 (PENETEKOSO).
MATAUPU: ESEESEGA O MANATU
SINI: Ia malamalama le vasega i le eseesega o
manatu o tagata e uiga i le malo le Atua.
Aua e ui i le tele o manatu eseese, ae
manino lava le ala moni, e tau atu i le
malo o le Atua.
TUSI FAITAU: Mareko 10:10 – 31
FESOASOANI MO LE FAIAOGA:
O Iesu ma tamaiti
Na avane e tagata tamaiti ia Iesu ae peitai na vavao atu lona
ausoo aua nei faalavelave se tasi i lo latou matai. O le tasi lea
vaaiga na iloa ai le eseesega o manatu o le ausoo ma lo latou
matai, aua ua taumafai le ausoo e puipui mai lo latou matai i le
soona lolofi atu i ai o tamaiti ma faalavelave ia te Ia ao fai lana
galuega, ao le Alii ua ese lona finagalo faapei na ia fetalai atu i
le ausoo: “Ina tuu mai ia o tamaiti e ō mai ia te A‟u; aua le
vavao ia tei latou; auā e faapei o i latou nei o e o i le malo o le
Atua. Ai se le talia le malo o le Atua faapei o se tamaitiiti, e le
sao lava ia i ai”(Mareko 10:14)
Ua silafia e le Alii tagata ma o latou manatu eseese, aua ua le
manatu faale Atua a e manatu faale lalolagi. Ao tamaiti e
mama o latou manatu ma o latou loto; o tamaiti latou te
faalagolago i o latou matua ma le loto atoaatoa i le tausiga ma
le vaaia lelei o fanau seia oo ina matutua i latou. E faapena le
uiga o le aoao atu a Iesu i lona ausoo, ina ia latou faalagolago
atu ia te Ia ma o latou loto atoaatoa ma le talitonuga e maua ai
lo latou faaolataga, faapei o le tamaititi ona faalagolago i lona
tina mo lona olataga. A faapena le faalagolago tasi o le tagata i
le Atua ma lona le masalosalo, e sao atu lava lea tagata i le
malo o le lagi
O Iesu ma le taulealea mauoa
Ao maliu ane le Alii i le ala i le tasi aso, ae momoe ane ia te Ia
le tasi taulealea mauoa. O le tagata ua fia maua le ola e
faavavau sa ia vaai ia Iesu o se tagata lelei ma latalata i le
Atua. Ua ia taua Iesu o se tagata lelei, ua faaaloalo i ai ma lona
manatu e maua mai i le Alii se tali lelei mo lona manao. „Le
aoao lelei e, o lana fesili lea,‟ na faateia le taulealea i le fesili
atu i ai o Iesu. „Aisea e te taua mai ai au ou te lelei?‟ E tasi le
ua lelei ua na o le Atua le Tama o i le lagi.
Na suesue e le Alii le taulealea mauoa pe na te tausia tulafono
e sefulu, faapei o le mulilua, o le gaoi, ma le ava i matua. Sa
pei o le ā le poo mai o le gutu o le taulealea ia Iesu ma faapea
mai; Sa ia tausia mai lava na tulafono talu lona tamaitiiti. Ia ua
manatu lava le taulealea mauoa ua lava lea ma lelei mo ia na te
maua ai le ola e faavavau, peitai na faateia o ia i le faapea atu o
Iesu, “Toe tasi le mea e le o ia te oe, ia alu ma faatau atu au
mea uma ona e sau lea ma muliuli mai ia te au ona e maua lea
o le ola e faavavau. Na tiga tele le loto o le taulealea mauoa i
lea saunoaga a Iesu ona alu ese ai lea ma lona ita tele. O le
eseesega lena o manatu o loo nofo ma le mauoa, sa ia manatu
ua lava lona tausiga o tulafono e sefulu na te maua ai le ola
favavau, peitai ua faateia o ia I le fetalai atu o Iesu e alu e
faatau ana oa ma tufatufa atu mo e matitiva ona sau ai lea e
mulimuli mai ia te ia.
O Iesu ma lona „Au soo
Na alu ese atu le taulealea mauoa ma lona loto ua tiga tele aua
ua tele lona oa. Ona faapea mai lea o le fetalaiga a le Alii: „E
matua faigata ona sao atu o e mauoa i le malo o le Atua. E
faigofie i le kamela ona ui atu i le pu o le au, ae faigata i le
mauoa ona sao atu i le malo o le Atua. Ona latou taufaiofo ai
lea o le ausoo ua latou felafolafoai foi ma ua faapea ifo i o
latou loto: „Afai o lea o lona uiga e leai se tagata e sao atu i le
malo o le Atua‟. Sa lagona atu e Iesu le tomumu a le ausoo,
ona faapea lea o lana fetalaiga: “E mafaia mea uma e le Atua.
E le mafaia e le tagata pe afai e mafaufau na o ia, ae afai e
tuu atu i le Atua ona faamoemoega uma. Aua ua na o le Atua e
mafaia ai o mea uma e manatu i ai le tagata soifua”.
FAATINOGA O LE MATAUPU:
1. Faailoa le ulutala ma faamalamalama le mataupu.
2. Fesili faatomua (saunia e le faiaoga ni fesili lelei)
3. Faitau le Tusi Paia (ia faitau atoa le vasega i le tala, ina
ia latou malamalama lelei i ai)
GALUEGA FAATINO: - Fesili ma Tali
1) Aisea ua eseese ai manatu o tagata i le malo o le Atua?
Tali: Ona o le vaivai o le faatuatua o tagata, ua latou le
manino ai i le ala tonu e sao atu ai tagata i le malo o le
Atua.
2) O ai le ituaiga tagata ua faatusa i ai e Iesu i latou o e
sao atu i le malo o le Atua?
Tali: Ua faatusa e Iesu i latou i tamaiti. Faapei ona talia e
tamaiti o latou matua, e faapena foi lagona e tatau ona
tatou talia ai le malo o le Atua
3) Faapei i le auala e tatau ona tatou talia ai le malo o le
Atua, ina ia tatou sao atu i ai?
Tali: A tatou le talia le malo o le Atua faapei o se tamaititi,
tatou te le sao atu lava i lona malo e faavavau
4) Aisea na aluese ai le taulealea mauoa ma lona tiga?
Tali: Ona ua fetalai i ai Iesu e alu e faatau atu ana mea uma
ma tufatufa atu i e matitiva ona sau lea ma mulimuli
mai ia te Iesu, ona maua lea e ia o le ola e faavavau
5) Aisea ua faigata ai i le tagata mauoa ona sao atu i le
malo o le Atua?
Tali: Ua faigata ona sao atu le mauoa i le malo o le Atua ona
ua vaeluaina lona alofa i le va o lona oa ma lona Atua.
6) E faigofie i le kamela ona sao atu i le pu o le āu, ae
faigata i le mauoa ona sao atu i le malo o le Atua. O le
a lona uiga?
Tali: O le kamela o le manu lapoa toe tele, a fia maua le
mafanafana e tuutuu mai lona ulu i totonu o le faleie o
lona matai, o le uiga lena o le manu, e taumafai lava
seia oo ina uma atoa mai i totonu lona tino, ae ua nofo i
fafo lona matai. E faapena le uiga o le kamela poo le a le
lapoa toe tele ae a faaofiofi e iu lava ina ofi i totonu. O
se tala faatusa, pe a fua i le tagata mauoa, e ui na laititi
ae le mafai lava ona sao atu i le malo o le Atua. E leai
lava se tagata mauoa e sao atu i le malo o le Atua, pe afai
na te faamuamua lona oa na i lo le Atua soifua.
7) O ai tatou te mafaia ai mea uma?
Tali: Ua na o le Atua tatou te mafaia ai mea uma. Aua e leai
se mea e mafaia e le tagata, se i vagana ua faalagolago
ma tuu atu i le Atua lona faamoemoe atoa.
PESE: 12 “Saili muamua le malo o le Atua”
“Seek ye first the kingdom of God”
(Tusi pese Aoga Aso Sa ma Autalavou)
A‟OA‟OGA:
1. E taua ona tatou iloa manino le malo o le Atua ma i
latou uma e tatau ona sao atu i ai
2. E taua ona tatou iloa lelei le ala i le malo o le lagi ina ia
aua nei eseese o tatou manatu uiga i le Atua
3. E le mafaia e le tagata se mea sei vagana ua au faatasi
ma le Atua
4. E le faigofie ona sao atu le tagata mauoa i le malo o le
Atua
5. E fiaifa le Atua i le tagata e faamuamua le Atua i lona
loto, ae faanoanoa pe afai e faamulimuli e le tagata le
Atua i lona loto.
6. E le o le tausiga o tulafono tatou te maua ai le ola e
faavavau, ao le alofa i le Atua ma le loto atoa.
7. E tele tala eseese uiga i le malo o le Atua ae tasi lava le
Atua mai le vavau e oo i le faavavau.
………………………
ASO SA: 19 IUNI 2011
MATAUPU: O MEA LILO O LE MALO O LE
ATUA
SINI: Ia malamalama le vasega i le taua o le
iloa manino o mea lilo o le malo o le
Atua. Ia manino le vaai ma le mafaufau i
uiga lilo o faataoto a le Alii faatau i le
malo o le lagi
TUSI FAITAU: Mataio 13:24 – 35
FESOASOANI MO LE FAIAOGA:
O le faataoto i le saito ma le titania
O le faataoto lenei a le Alii i le tagata na lulu le saito lelei i
lona fanua, ona alu ane ai lea o le tagata leaga i le po ua lulu i
ai le titania i totonu o le saito. Ua totogo ae le saito ma iloa ai
le titania ua tupulua faatasi mai ma le saito, ona sauni ai lea o
le teu fanua o le a liaina le titania ae faapea mai le matai e aua,
tuu ai pea ia sei tupu lua, seia oo i le aso o le seleselega ona
tuu eseese lea o le saito ma le titania. Ona faatonu lea e le
matai le teu fanua e faapotopoto le titania ma fusifusi e susunu
ai, ao le saito ia teuina lelei i lona maota.
O le uiga o lenei faataoto na taua ai e Iesu: O le lulu saito o le
Atalii o le tagata, ao le lulu titania o Satani, poo le ua ita mai,
o le uiga lena o lona igoa. O le fanua o le lalolagi, o le saito
lelei o tagata o le malo, o le titania o le fanau a Satani, o e
selesele o agelu a le Alii. O e amiotonu o le a pupula i latou
faapei o le la, ao e amioleaga o le a fusifusia i latou ma lafo i
totonu o le ogaumu aasa. O le uiga lilo lea o le malo o le Atua
ua finagalo Iesu ia malamalama vave i ai lona ausoo faapea le
motu o taga. O le faamalosi a Iesu le Atalii o le tagata: Le
fanau e o e ua i ai taliga, uai mai ia outou taliga ma
faalogologo mai I lau aoao atu, ina faalogo mai ia ma lagona
lenei feau.
O le faataoto i le fua o le sinapi
O le faataoto i le fua o le sinapi ua faatusa i ai lenei malo, sa
faamatalaina ai e Iesu le fua o le sinapi, o se fatu itiiti ma le
faatauvaa ae ina ua totoina ma tupu ae ua avea ma se laau tele
ua ola mafala ona lau, ua sili lana tupu i laau uma, ua avea foi
ma laau tele ua omai foi manu felelei ma momoe ai i ona la. O
le fua o le sinapi e itiiti ma foliga faatauvaa, o le oa tele lea ua
natia i le manava o le eleele ae ua tupu ma avea ma oa tele ua
omai le lalolagi mai nofoaga eseese ma malutia ai i lona paolo.
O le malo lena o le Atua e malutia ai le tagata mafatia o fia
maua sona fesoasoani. O le malo o le Atua e amata i nai tagata
toaitiiti ae mafai ona avea ma malo tele e faavavau, e ui na
faatauvaa ae tupu tele ma aofia ai le lalolagi atoa.
O le faataoto i le mea faafefete
O le faataoto lenei ua faatusaina i ai e le Alii le malo o le lagi i
se mea faafefete. O le mea faafefete e faaaoga e gaosia ai le
falaoa, pe a tuu i totonu o le paluga o falaoa ona fefete ai lea
ma maua ai ni falaoa se tele, e amata mai i se tamai paluga ae
fefete ma avea ma falaoa lapoa. Ua foliga faapena foi le
amataina ona faatupuina le malo o le Atua mai se tamai mea ae
iu ina tupu tele ma tupu pea. O le malo o le Atua e tupu lava e
ui ina taumafai mai le tiapolo e faatoilalo ae tupu lava le malo
ona o le galue mai o le agaga Paia o le Atua le Tama.
O le auala a le Alii ua aoao atu ai i lona ausoo ma le motu o
tagata ua faataunuuina ai le valoaga a le au perofeta ia te Ia:
“Ou te tautala atu i faataoto, ou te tau atu mea na lilo talu
ona faavaeina le lalolagi” (Mataio 13:34).
Uiga o Upu ma Fuaiupu
Saito – O le mea e ai e taatele i nuu Sasae tutotonu i vaitaimi o
Iesu. Sa tetele saito i Kanana faapea Aikupito i ona au saito
tetele
Titania – O le igoa o le vao leaga e foliga faatasi ma le saito, o
le ala lea o le vavao le Alii i ana auauna sa latou fia veleeseina
le titania i le to saito. Sa faatus i ai e le alii tagata leaga
Seleselega – O le aso o le seleselega o le gataaga lea o le
lalolagi, o e selesele o agelu ia, latou te faaputuina i tagata
leaga susunu i le afi
Sinapi – O le igoa o le laau e afu, e laititi ona fua ae pei se laau
tele lona tauluulu, sa faatusa i ai e Iesu le malo o le lagi i lana
tupu
Mea faafefete – O le paluga e laititi ae a tuu i totonu o le
paluga o falaoa mata ona faapena lea ona sosolo ai I le paluga
seia oo ina faafefeteina le paluga i le mea faafefete. Ua
faatusaina i ai le Alii a le afioga a le Atua e sosolo seia maua
tagata uma.
FAATINOGA O LE MATAUPU:
1. Faailoa le ulutala ma faamalamalama le mataupu.
2. Fesili faatomua (saunia e le faiaoga ni fesili lelei)
3. Faitau le Tusi Paia (ia faitau atoa le vasega i le tala, ina
ia latou malamalama lelei i ai)
GALUEGA FAATINO: Fesili ma Tali
1. Aisea ua faamatala ai e Iesu le malo o le Atua i
faataoto?
Tali: O se auala e manatunatu loloto ai le tagata ia manino ai
i mea lilo o le malo o le Atua
2. O a mealilo o le malo o le Atua faapei ona taua?
Tali: O le ala i le ola e faavavau ma le auala tatou te sao atu
ai i le malo o le Atua. O le mea lilo lea e le mafai ona
iloa e le tagata, ao le auala ua saunia e le Alii ole auala
e tau atu i le ola e faavavau
3. O le a le mea na faia e le matai ina ua iloa le titania ua
tupu lua ma le saito i totonu o le faatoaga?
Tali: Tuu ai pea e tupulua le titania ma le saito, ae a oo mai
le aso o le seleselega ona faapotopoto ma fusifusi lea o
le titania sauna e ave susunu I le afi.
4. O ai ua faatusa i ai le titania i le faataoto a le Alii?
Tali: O le titania ua faatusa i ai le fanau a le tiapolo
5. O ai ua faatusa i ai le saito i le faataoto a le Alii?
Tali O le saito ua faatusa i ai tagata o le malo le Atua
6. O ai le lulu saito?
Tali: O le Atalii o le tagata poo Iesu
7. O ai le lulu titania?
Tali: O le tiapolo poo Satani
8. O le a le Sinapi?
Tali: O le fatu laau e laititi ae a tupu e maua ai se laau tele. O
lea ua faatusa i ai le tupu a le Ekalesia pe tumau tagata
uma i le faatuatua I aoaoga a le Alii
9. O le a le mea ua faatusa i ai le mea faafefete?
Tali: Ua faatusa i ai e le Alii le tuputup ae o le malo le Atua,
o se talalelei e ui ina faatauvaa ae avea ma malo tele i le
lagi ma le lalolagi.
PESE: 363 Ia susulu atu o i tatou
1. Ia susulu atu o i tatou 2.Ia taitai tonu e ua le iloa
Faapei o le moli i le pogisa I le ala moni e tau i luga
La tatou amio ia lelei Ia susulu atu mo Iesu
O oe i lou nuu o au foi i lou O oe i lou nuu o au foi i lou
3. E toatele e ua pelogia 4. Ia faamalolosi manu o ao
I le mata poto o ia Satani E maua ai tagata mo le Alii
Fai atu i ai le Talalelei Fai taitoatasi lenei feau
O oe i lou nuu o au foi i lou O oe i lou nuu o au foi i lou
A‟OA‟OGA
1. E taua le malmalama lelei o tagata i le uiga loloto o
faataoto a le Alii o Iesu
2. O le fanua i le faataoto i le saito ma le titania ua faatusa
i ai le lalolagi pe a oo mai le aso o le seleselega
3. O le aso o le seleselega e iloa ai le iuga o tagata uma
4. O i latou e faia le seleselega ua faatusaina i le au agelu
o le lagi
5. O le a faasalaina le tagata pe afai na te le mataala ma
suesue i uiga lilo o faataoto a le Alii i le malo le Atua
6. O le malo o le Atua e amata i le laititi ae avea ma malo
tele i le lalolagi e ala i le galuega mana a le Agaga Paia
o le Atua
………………….
ASO SA: 26 IUNI 2011
MATAUPU: O FAAILOGA O LE MALO O LE
ATUA (The signs of the kingdom)
SINI: Ia malamalama le vasega o vavega ma
faamalologa ua faia e Iesu o faailoga ia o
le oo mai o le malo le Atua i le lalolagi.
Soo se mea lelei e te faia, o faailoga ia o
le Atua ua i ai tatou
TUSI FAITAU: Mataio 14:22 – 36
FESOASOANI MO LE FAIAOGA:
Ua savali Iesu i luga o le vai
Sa maliu Iesu e tatalo i le mauga, ae ua muamua atu lona
ausoo i luga o le vaa e agai atu i le tasi itu o le motu. Ao
faimalaga le ausoo na faafuaseia le agi malosi mai o se matagi
ma felafoaina ai lo latou vaa i luga o le vasa. Na maea ona
tatalo Iesu i lea afiafi ona maliu atu lea i ai latou, ua savali i
luga o le vai agai i le mea o i ai le vaa o lona ausoo, na iloa
mamao mai Iesu e lona ausoo ona uio ai lea ma alalaga i le
fefefe faapea i latou o se aitu lenei tagata e savali atu i luga o
le sami. „Auoi o le aitu‟ o le alaga a le tagata ua atuatuvale;
Ona fetalai atu lea o Iesu ia tei latou: “Ia outou loto tetele; o
A‟u lava, aua tou te matatau”.
O se tasi lenei o faailoga ofoofogia na taua e Mataio, sa faia e
le Alii ao faatasi o Ia ma lona ausoo. E moni lava ua faatasi le
Alii ma ona tagata i le lalolagi ae sa lei malamalama ma
pupula mata o le lalolagi. O lea faailoga na avea ma ala o le
tautinoga a le ausoo faapei ona taua e Mataio i le fuaiupu e 33;
“E moni, o oe lava o le Alo o le Atua.” Ioe seiloga lava o se
faailoga vaaia na tupu lea o le faatuatua, seiloga lava o se
vavega ofoofogia na tupu lea o le faatuatua. E tatau lava i ai
tatou ona faatupuina lo tatou faatuatua i taimi uma tatou te
faalogo ai i le upu a le Alii ma talia loa o Ia i o tatou loto ma
agaga.
Ua savali Peteru i luga o le vai
Sa fia iloa manino pea e Peteru poo le Alii moni lava lenei ua
savali atu i luga o le sami ona tauvalaau atu lea ia Iesu. „Le Alii
e, afai o oe fetalai mai ia te au ou te alu atu ia te oe i luga o le
sami‟ Ona fetalai atu ai lea o Ia, “Ina sau ia.”
Ua tulai Peteru osovale ma savali atu i a Iesu i luga o le sami,
peitai e le i umi ae agi mai le matagi ma ua sousou ai le sami
ona fefe ai lea o Peteru ma ua goto ifo i le moana loloto, ua
alaga atu ia Iesu, „le Alii e ta fiaola.‟ Sa aapa atu le aao o le
Alii ma faasao ia Peteru ma fetalai atu i ai: “O oe na lē
faatuatua itiiti se a le mea ua e masalosalo vale ai?” I lena
lava itu aso na malu ai le matagi ina ua oso Iesu i luga o le vaa
faatasi ma Peteru le sa faatuatua itiiti. Sa taufaiofo le ausoo ma
i latou uma sa i le vaa i lena itu aso ua latou omai ai lea ma ifo
i le Alii o Iesu, ua faapea le latou upu: “E moni o oe lava o le
Alo o le Atua.”
O le faailoga o le oo mai o le Atua
O le faailoga na faia e Iesu i luga o le sami o se mea na matuai
maofa ai le ausoo, sa latou tautino manino ai lava faapea o Iesu
o le Alo o le Atua, o Iesu o le Atua lava lea ua afio mai i le
lalolagi ma ua auai faatasi ma i tatou. O faailoga manino lenei
o le malo o le Atua ua oo mai i le lalolagi, peitai sa le manino
pea i ai le lalolagi. Faapei o Peteru le soo faatuatua itiiti, ina ua
vaai atu i le sousou o le sami ona tupu ai lea o lona fefe ma le
matau, ua galo ia te ia o loo faatasi i laua ma le Alii. Sa tatau
pea ia te ia ona tumau i le faatuatua ma le matau i le Atua, o le
Alii o Iesu o le Atua o le matagi ma le sami, a tatou savavali
ma le faatuatua e le mafai ona tatou magoto atu i le tetele o le
agasala aua ua faatasi i tatou ma Ia i aso uma, e aapa mai lona
aao ma toso ae i tatou mai le loloto o le agasala.
Pe a tatou faia pea galuega lelei ma faaali atu le agaga alofa i
soo se tagata i lenei olaga, o se faailoga lava lea ua tatou
faailoa atu Keriso i le lalolagi, o loo auai Keriso i totonu i ai
tatou ma nofo Keriso faatasi ma i tatou i aso uma o tatou
olaga. O le faailoga manino o le faatuatua ma le tumau i le Alii
e faavavau
FAATINOGA O LE MATAUPU:
1. Faailoa le ulutala ma faamalamalama le mataupu.
2. Fesili faatomua (saunia e le faiaoga ni fesili lelei)
3. Faitau le Tusi Paia (ia faitau atoa le vasega i le tala, ina
ia latou malamalama lelei i ai)
GALUEGA FAATINO: Fesili ma Tali
1. Aisea na maliu ae ai Iesu i le mauga?
Tali: Na maliu ae e tatalo
2. Aisea na felafoaina ai le vaa I luga o le vasa?
Tali: Ona ua agi mai i ai le matagi
3. Aisea na fefefe ai le ausoo ina ua vaai atu o savali mai
Iesu i luga o le vai?
Tali: Ona latou te le i vaai muamua i se tagata ua savali i
luga o le vai
4. O ai na faatusa i ai e le ausoo se tagata ua savali i luga
o le vai?
Tali: Na faapea le ausoo o se aitu ua latou vaai i ai
5. O le a le tala a le ausoo ina ua latou iloaina mulimuli le
tagata o loo savali mai luga o le vai?
Tali: Faimai le tala a le ausoo: “E moni lava o le Alo o le
Atua lenei tagata”
6. O le a le faailoga o vavega ua faia e le Alii ao i ai o ia i
le lalolagi?
Tali: O se faailoga lea ua i ai tatou le malo o le Atua.
7. O le a le valaau a Peteru ia Iesu ina ua iloa atu le Alii?
Tali: „Le Alii e, afai o oe, fetalai mai ia te au ou te alu atu ia
te oe i luga o le sami
8. Ao le a foi le tali atu a Iesu ia Peteru?
Tali: „Ina sau ia.‟
9. Aisea na magoto ai Peteru?
Tali: Ua faatuatua itiiti atoa ma le loto masalosalo
10. Aisea na maofa ai le ausoo ma le motu o tagata?
Tali: Aua ua latou vaaia ni vavega ofoofogia ua faia e le Alii
PESE: 133 Pe mata e talia le Alii
`Pe mata e talia le Alii
Le sa manua ona o i tatou
Pe a vaai i lona puapuaga
Ao fetalai…. Ua fai lenei mo oe?
Tali: Pe le talia…. ma fiafia oe
I le alofa mai?
Iesu ua ou sau ua ou faanaunau
Ua fia avea ma oe
Pe talitonu oe pe a vaai
I ona lima na tutui I fao
Ma manatua le mea na mafua ai
Aua o lea, Ua fai lenei mo oe
A‟OA‟OGA:
1. E taua le faatuatua i le suafa o Iesu e manuia ai lou
olaga
2. O le agalelei ma le ola talitonu ia Iesu o faailoga ia o le
tagata ua ola ai Keriso I lona olaga
3. O faailoga o le oo mai o le malo o le Atua i le lalolagi,
e tatau ona atagia i le olaga o le tagata kerisiano
4. E ala ona magoto tagata i le loloto o le agasala ona ua
itiiti lo latou faatuatua I le Alii
5. A sousou le vasa ma agi mai le matagi e tatau ona tatou
faalagolago ia Iesu e malutia ai i tatou i matagi vale o
le olaga nei
6. A valaauina loa i tatou e Iesu tatou te o atu ia te Ia, e
tatau ona leai se mea tatou te fefefe ai
7. O le talia o Iesu ma ana aoaoga i le lalolagi o se
faailoga lava lea o le oo mai o le malo le Atua i ai tatou
8. Ua na o Iesu lava e mafai ona savali i luga o le sami ma
le vai, e le mafaia e se tagata e oo lava i lona ausoo.
9. E nao Iesu lava le Alo o le Atua na te mafaia ona vavao
le matagi ma le savili ona malu ai lea o le sami ma le vai
10. Soo se mea lelei lava e te faia i le olaga nei o se
faailoga lena ua oo mai ia te oe le talalelei o le
faaolataga mai le Atua
………………………….
ASO SA: 3 IULAI 2011
MATAUPU: O A’OA’OGA O LE MALO
SINI: Ia a‟oa‟oina le Vasega ina ia
malamalama i a‟oa‟oga o le Malō o le
Atua ma le Ola e Faavavau
TUSI FAITAU: Mataio 19: 16- 30
FESOASOANI:
Ina ua a‟oa‟o so‟o le Alii o Iesu i le mataupu e faatatau i
le ola e faavavau. Na alu ane i ai le tasi tagata, o le alii talavou
mauoa ma fesili pe faapefea ona maua. O le tusi la na tatou
faitauina mai le Tusi Paia, o le faamatalaina e Mataio o le
felafolafoaiga a Iesu ma le taule‟ale‟a i mea e tatau ona faia e
le tagata o le Malō o le Atua ma maua ai le ola e faavavau.
O le Malō o le Atua, o le malō o tagata ua talitonu ma
mulimuli i le faaolataga a Iesu Keriso. O tagata uma ua latou
talia le Keriso, o i latou foi ia o tagatanu‟u o le Malō o le Atua.
Ua iai la tatou talitonu, ua ma‟ea ona saunia e Iesu Toetu le ola
e faavavau mo i tatou uma, ae pau lona, e iai galuega e tatau
ona fai ina ia tatou maua ai le ola e faavavau, ma ia tumau le
Malo o le Atua i le lalolagi. O a ia galuega?
O le felafolafoaiga a Iesu ma le taulealea, o loo aumaia
ai nisi o galuega e tatau ona fai, ina ia maua le ola e faavavau.
1. IA TAUSI I POLOAIGA/TULAFONO
Ina ua amata le nu‟u o le Atua i le Esoto, na aumai e le Atua
Tulafono ia Mose, e ola ma sasavali ai le nu‟u. Ia manatua foi
e sefulu tulafono na tuuina mai, a‟o le fetalaiga a Iesu I le f.18,
o loo iloa ai o loo ua na ona faaaoga o tulafono e lima
mulimuli lea e faasino i le va ma le isi tagata. O lona uiga o le
finagalo o le Atua mo tagatanuu o lona Malō, ia lelei lona va
ma le isi uso a tagata, poo lou tuaoi. Lea e iai lona faataitaiga,
o le tagata mauoa ma le tagata mativa
2. O LE MAUOA MA LE MATIVA
I taimi o Iesu, o loo iloga lava e tusa ma molimau le vaevaeina
o le sosaiete o tagata Isaraelu, e fua i le tulaga o tamaoaiga.
Ua iloa nei sa matua tele ma maualuga le tamaoaiga na maua e
i latou ua ta‟ua o mauaoa (e iai ma le taule‟ale‟a o loo talanoa
ma Iesu), ae sa iloga foi le pologa o ē matitiva ma lē tagolima.
Ua iloa nei foi, o le faatamiloga o fefaatauaiga o le tamaoaiga,
ftg. Fua o faatoaga.. na lima taitaina ai le ola o tagata i onapo o
Iesu. O lona uiga o le tamaoaiga poo le oa, sa pulea le sosaiete.
O le mafuaga lea o le alu ese ma le tigā o le taule‟ale‟a mai ia
Iesu. Aua ua lē mafai ona toe tuueseina le malosi o le alofa i le
oa, aua ua aumaia ai le mamalu ma le felanuai o mea i le tino.
A‟o le Malō o le Atua ma le Ola e faavavau e maua ina ua lē
gata ina tuueseina le oa, ae ia ave ma tagata matitiva. Ona
faatoa mafai lea ona ofi i le “pu o le au” (f.24).
3. O LE TAGATA MA LONA TUAOI
E fai si mamafa o aoaoga a Iesu i le vaega lenei o le tusi a
Mataio i le leleiga o le tagata ma lona tuaoi. Ae lelei pe afai e
mautinoa ua iloa le tali o le fesili, o ai lou tuaoi? O lou tuaoi, o
le isi tagata, aemaise o le isi tagata ua moomia lau fesosasoani.
O le va la o le tuaoi lenā ma oe, lea e mamafa i ai upu o le
aoaoga lenei a lo tatou Alii., leitioa foi a fetalai “ia outou
fealofani.” Ua silafia e le Alii, o le Malō e lē mafai ona faia e
se tagata se toatasi, se‟i iloga o oe ma lou tuaoi. O lona uiga o
le a‟oa‟oga o le Malō o le Atua, e tatau ona maua le leleiga i le
va o ona tagatanuu ona tumau lea o lona Malō e faavavau.
Ia e ola i se olaga mamā, ma ia taumafai e aua le faia ni ou fili,
poo le ita fua i le tasi. Ae ia taumafai pea e fai le leleiga i le va
ma isi aua o le mea lea o loo aoao mai ai e tatau ona tatou faia
mo lo tatou Alii ma lona Malō.
FAATINOGA O LE MATAUPU
1. Ia faailoa le Mataupu
2. Ia faitau le Tusi Paia
3. Ia faamatala le Mataupu
GALUEGA FAATINO
Ia fefaasoaai ma le Vasega i ni aiga o le nu‟u poo le ekalesia e
ono mafai lisi i lalo o ni tagata matitiva. Ia fefaasoaai ini
faafitauli ua mafua ai, ona tusi lea i lalo o ni fōfō poo ni
fesoasoani e mafai ona faia. Ftg.
FAAFITAULI: Ua tipi le paipa.
FESOASOANI: Ia fai ni feutanaiga ma le Pulega o le
Suavai mo ni peimeni (payment) ae
faaola le paipa.
FAAFITAULI: E lē o avea tamaiti i le aoga.
FESOASOANI: Ia fai se tulafono a le nu‟u e faapei ona
faamalosia e le malō le ave o fanau i
aoga.
A‟OA‟OGA:
1. Ia ola fiafia ma le loto mamā e mafuta i le isi uso
2. O le Malō o le Atua, e faatuina ma mausali i tagata
alolofa
3. Ia faia le finagalo o le Atua e ala i mea lelei mo isi uso
………………………………
ASO SA: 10 IULAI 2011
MATAUPU: O FAAMANUIAGA I
FAAIPOIPOGA
SINI: Ia aoaoina le Vasega ina ia malamalama
i faamanuiaga e maua pe afai e
faamaoni i le mafutaga faaleaiga
TUSI FAITAU: Faataoto 31: 10- 30
FESOASOANI
O loo faaulutalaina fuaiupu o le Mataupu 31 o upu a
Lemueli. O ia o le tagata poto i upu ma Faataoto. O upu la sa
tatou faitauina o upu a le poto e faamatalaina ai le uiga o le
avā/ tina lelei. O lona uiga o le avā ua lelei lana amio, o se
faamanuiaga lenā mo se faaipoipoga, o le tuufaatasia o ni
tagata se toalua.
O le f.10, o loo iai le fesili, “O le avā amio lelei, o ai ea
se ua maua?” O lona uiga, o upu i le f.11- 30, o le
faamatalaina “o le avā ua amio lelei.”
O loo faaaogaina e le fai faataoto se tulaga faafetauaiga e fai
ma fua faatatau o avā ae amio lelei. Lea e faapea mai ai “e
silisili lona tau i penina.” O lona uiga, afai o fefaatauaiga o
oloa ma maa taua o loo lima taitaiina ai le soifua ma le ola o
tagata o ia onapo, o lea ua fai mai le faataoto, e sili atu le tau o
le avā ua lelei o lana amio
I le fuaiupu 11, o loo faaaoga ai e le faataoto le mafutaga
i le va o le tane ma le fafine, poo le aiga foi. Ua faatuatua i a te
ia le loto o lana tane. O lona uiga, o le “avā lelei” o le tagata ua
talitonuina e lona aiga, aemaise o le li‟o o matua ma fanau. O
faamanuiaga na te maua e lē mativa o ia i oloa o le tino ma le
mafaufau. O loo iloa nei i upu o le faataoto, e lē mafai ona
maua se lelei mo le aiga, pe afai e fai toatasi e le tamā, ae sei
iloga ua iai ma le sao o avā i le aiga. O le faamaoni ma le
alofa o se tinā i lona aiga o loo tautala ai le faataoto, o le alafua
lea o manuia mo lona aiga. O lona uiga, o le manatu o le fai
faataoto, e mafai e le amio lelei ma le alofa i le aiga o se tinā,
ona faamanuiaina nisi.
Peita‟i e iai foi le malie ma le lu‟itau tele o loo aumaia
e le faataoto, aemaise o le itupa o tane poo alii. O fuaiupu e13-
30, o loo faamatalaina ai galuega e faia e tinā mo lona aiga, a‟o
le faafitauli, o loo iloa ai, e peisea‟ī ua faia uma e le avā o
galuega ma mea uma, ma ua oo lava foi tiute e faasino i alii pe
a fua i le olaga faasosaiete o tagata, o loo ua ta‟ua nei e le
faataoto o galuega ia a le avā e amio lelei. Ftg.
“na te sailia fulufulu mamoe ma lino” (f.13)
“E tusa o ia ma vaa o le faatauoloa, e mamao le mea e aumai
ai lana mea e ai.” (f.14)
O le faaaogaina e le fataoto o galuega nei e lua, ua iloa
ai, o mea nei e fai e tamaloloa mo lona aiga, a‟o lea ua fai mai
le faataoto o galuega a le avā amio lelei. O le seleina o
fulufulu, o galuega ia a alii pe afai ua oo i taimi e fafasi ai lana
lafu manu, latou sele o fulufulu o manu ma ave i le fale e fai ai
galuega a tinā. O le tiute foi o le tamaloa, o le sailia mai lea o
mea e aai ai lona aiga, poo ni fanua ua latalata ane, pe mamao
foi.
O le fesili tele ua tulai mai i le suesueina o lenei faataoto,
pe aisea ua faaaogaina ai e le fai faataoto le gagana e tatau ona
ave i tofi ma tiute o le tagata ua tofia ai, a ua faamatalaina ai le
tinā amio lelei?
O se lu‟itau lelei foi lenei i le fanau. O le tagata amio
lelei, o se faamanuiaga i totonu o se mafutaga, aemaise o le
aiga, nuu, ekalesia ma le atunuu. Afai ae amio lelei, o le a
maua lava le saolotoga o le gagana e faamatala ai e faauiga i
mea e lelei ua ia faia. Aua ai se lelei ae avea tama ma teine
aoga Aso Sa, o ni tagata lelei o le sosaiete, ina ia fai ai i tatou
ma faamanuiaga, mo le taimi nei, ma taimi e fai ai ni a tatou
faaipoipoga i le lumanai.
Uiga o Upu ma Fuaiupu
a. “penina”: O maa taua e maua mai le sami
e. “lino” (flax): O le laau ua aoga lona pa‟u mo ie
i. “kisuro” (distaff): O le fasi laau e taofi ai o le vavae pe a
oo ina faamama ona fatu
o. “peleke” (spindle): O le fasi laau sa faaaoga e fai ma nila
mo suisuiga
FAATINOGA O LE MATAUPU
1. Ia faailoa le Mataupu
2. Ia faitau le Tusi Paia
3. Ia faamatala le Mataupu
GALUEGA FAATINO
Tusi sau solo, pe fatu se pese, pe tusi foi sau parakalafa e
faatatau i le ulutala
“O le avā amio lelei”
A‟OA‟OGA
1. O le faamanuiaga i totonu o se aiga se tama poo se teine
amio lelei
2. O le amio lelei, o le ola i ala o le Alii
3. A lelei le amio, o le a fai oe ma lamepa e susulu atu i nisi
………………………..
ASO SA: 17 IULAI 2011
MATAUPU: FAATUSA O LE EKALESIA
SINI: Ia aoaoina le Vasega ina ia malamalama
i le faatusa o le Ekalesia o loo ta‟ua i le
Faaaliga ia Ioane
TUSI FAITAU: Fa‟aaliga 2: 9-14
FESOASOANI:
O le vaega o le Mataupu e 21 na tatou faitauina, o loo
faamatalaina ai e Ioane o mea na ia vaaia i le lagi ma le
lalolagi fou ina ua uma ona fatamaiaina i mala le lalolagi tuai
ma le agasala. Ia manatua o Faaaliga ia na iloa e Ioane i le
motu o Patamo (1:9). O loo ta‟ua e Ioane, o le agelu na ia te ia
o le mala e 7, ua tautala ma faaali atu ia te ia o le faailoga o le
Ekalesia o le a faamatalaina i le vaega i lalo.
Sa iloga ona sauaina le ulua‟i Ekalesia i ona taimi tau
amata. O tagata na mulimuli ma talitonu i le talalelei ia Iesu
Keriso na matua feagai ma sauaga aemaise o le fasiotia ona ua
latou talitonu i le faaolataga na faia e Iesu. Ina o feagai i latou
ma sauaga, sa tele ona tusi faamalosi atu o ona taitai ina ia
tumau i le faatuatua. O nei tusitusiga, sa faaaogaina ai e i latou
o le gagana faalilolilo e faailoa atu ai o le feau e faamalosia ai
loto ma manatu o nai tagata Kerisiano i ia onapo. Lea foi la e
iai ma upu o le tusi na tatou faitauina, o loo ta‟ua ai le gagana
ma upu o loo sui tulaga i le upu Ekalesia, ina ia aua nei lamatia
ai le soifua ma le ola o nai tagata o le ulua‟i Ekalesia.
1. O LE FAATOANOFOTANE (F.9)
O loo taua i le Mataupu 19:7, o le faatoanofotane o le faletua
ia o le Tama‟i Mamoe, ua saunia mo ia e ia. O le
faatoanofotane, o le upu sa faaaogaina e fai ma gagana
faalilolilo mo le Ekalesia i ona ulua‟i taimi, poo le ulua‟i
Senituri. Ona o tu ma aga faa- Isaraelu, o avā o i latou ia e tua i
ai manaoga o tamā mo le lelei o le fanau aemaise o le aiga. Mo
le Ekalesia, o le faapotopotoga na faatuina e le Alii Faaola e
fai ma ona faamoemoega i le laolagi aua se lelei ma le ola
manuia o tagata. Ona o le Ekalesia, o le tolitonuga ua faatuatua
ia Iesu Keriso ma o le tapuaiga fou ma lelei, ua ta‟ua ai o le
faanofotane, aua o le faapotopotoga o i latou ua mulimuli atu i
le talaiga mamā (purity) ma lelei a le Au Aposetolo e uiga i le
Keriso Toetu.
2. O LE IERUSALEMA FOU
Ina ua faatafunaina Ierusalema e atunuu ma malō tetele ma
malolosi, sa iloga lava ona faatamaiaina ona pa ma lona
malumalu. Sa matua faataapeapeina foi ona tagata ina ua avea
o nisi e fai ma tagata o taua, ma ua le mafai ai lava ona toe foi
ane i Ierusalema o le aai paia i le Atua aua o le mea na afio ai,
talu le Feagaiga Tuai. Peita‟i, a fua i Faaaliga na iloa e Ioane,
ina ua uma ona faatafunaina le laolagi tuai ma le agasala, na
faailoa ane ai e le Agelu ia te ia o le Ierusalema Fou.
Ua manatu nisi, o le Ierusalema lenei o i le lagi faatoa mafai
ona maua pe afai ua aveina a‟e i tatou i le lagi, i le taimi o le
toe afio mai o Iesu. Peita‟i, e tusa ma le faaaogaina o le gagana
faalilolio o loo iloa ai, o le Ierusalema Fou, o le faailoga o le
Ekalesia o le a tula‟i mai pe a uma atu o le malosi o malō o loo
latou sauaina o tagata o le ulua‟i Ekalesia. Lea lava ua fai ma
molimau, ina ua uma atu o sauaga e tele na feagai ma ulua‟i
Kerisiano, na tula‟i mai ai o le Ekalesia Kerisiano, ma o loo
faaauau pea i nei aso le Ekalesia o le tino o Keriso. O lona
uiga, o le Ekalesia, o le Ierusalema fou lava ia.
3. O LE EKALESIA I ONAPO NEI
O loo iloa lava i nei onapo, o loo tumau pea le Ekalesia na
faatuina e lo tatou Alii o Iesu Keriso. O le molimau ola lava
lea i le faaolataga na faia e le Atua mo le faaolaina o le tagata
agasala. E ui o lea ua tatou iloa ma molimauina le eseesega o
tino o le Ekalesia, a‟o le mea ua sili, o loo mulimuli lava ma
latou laugaina le alofa o Iesu Keriso na afio mai ai i le lalolagi.
O le Ierusalema fou lava ia, a‟o loo faaauau pea lona tiute o le
faia o le finagalo o le Alii, ina ia manuia tagata o le lalolagi,
ma ia maua e tatou le ola ma maua atili ai lava.
O lona uiga e tatau lava ona avea i tatou ma itutino o le
Ekalesia e ala i le faa Ekalesiaina o i tatou le fanau. O lea e
taua ai le ola mamā ma le ola finafinau pea mo le finagalo o lo
tatou Alii o Iesu Keriso, ina ia tumau pea lana Ekalesia i le
lalolagi nei.
Uiga o Upu ma Fuaiupu
a. “Tama‟i Mamoe”:
O loo faatatau ia Iesu, o le tamai mamoe na osia ai le
taulaga o le faaolataga.
e. “maa iasepi”:
O le igoa o le maa taua sa i le ufifatafata o le ositaulaga
sili
FAATINOGA O LE MATAUPU
1. Ia faailoa le Mataupu
2. Ia faitau le Tusi Paia
3. Ia faamatala le Mataupu
GALUEGA FAATINO
Tuu le 5 minute i le Vasega e tusi ai i lalo le
Tautinoga Faa Aposetolo
PESE: Ua tasi le faavae o le Ekalesia
AOAOGA:
1. O le Ekalesia, o le faapotopotoga o e ua mulimuli ia Iesu
Keriso
2. Ia iloa, o Iesu Keriso o le Alii lava ia o le lagi ma le
lalolagi
3. Ia faia mea uma e tusa ma le finagalo o lo tatou Alii
……………………..
ASO SA: 24 IULAI 2011
MATAUPU: SOLOMONA MA LE MALUMALU,
MO LE VIIGA O LE ATUA
SINI: Ia a‟oa‟o tamaiti ia latou iloa lelei, o lea
lava le faamoemoe autū, sa fausia ai e
Solomona ma Isaraelu le Malumalu, ia
fai ma Maota e viia ai le Atua.
TUSI FAITAU: 1 Tupu 8: 1 – 9
FESOASOANI MO FAIAOGA:
1. O Solomona le Tupu:
O Solomona, o le atalii o Tavita, le tupu lona lua, o le malo o
Isaraelu, a‟o Patisepa lona tinā. Ina ua mavae Tavita, ona se‟ei
ane lea o Solomona e fai ma tupu e sui i lona tamā, o le tupu
lona tolu lea o le malo o Isaraelu. Sa iloga lenei tupu o
Solomona i ona taimi, ona e le gata i lona poto, o lona
tamaoaiga, o lona iloa, a‟o lona tulai mai foi, na fausia ai loa le
malumalu tele lea i Ierusalema, mo le faamoemoe, ia viia ai le
Atua e le aunoa. E 40 tausaga sa avea ai Solomona ma tupu.
O le igoa o Solomona e iai lona feso‟otaiga ma le upu Eperu o
le “Shalom”, o lona uiga o le filemu. O lo‟o faaigoaina foi
Solomona ia “Ietitaia” (2 Samuelu 12: 25) o lona uiga – “o le
tagata alofagia e le Atua.” Ai lava o le pogai lea sa mafai ai
ona fausia lea malumalu tele i lona tula‟i mai, ona o Solomona
e le gata o i ai le filemu o le Atua, ae alofagia foi o ia e le
Atua.
2. O le Malumalu
O le malumalu po o le Maota Tapuai, sa fausia lava e
Solomona le tupu, faatasi ma le fesoasoani a lona tinā, le
perofeta o Natano, atoa foi ma tagata o lona malo. O lea ua
ofoina atu le malumalu mo le Atua (Faaulufalega) o le ala lea
o le valaau o tagata e potopoto mai i lea aso, e le gata e ofo le
malumalu mo le Atua, ae o le toe ofoina atu foi o tagata uma e
ala i le loto talitonu ma usiusitai, mo le auaunaga i le Atua. O
le aso foi lea na tuuina ai i le malumalu le atolaau o le feagaiga
ma le fale-fetafai, e tuu ai i le vaega e sili ona paia o le
malumalu, ae faamalumalu ifo e apaau o kerupi. O le
malumalu tumau lenei mo Isaraelu ina ua nonofo mau i lo
latou tofi, ua suia mai le fale-fetafai, sa latou fa‟aaogaina e
feavea‟i ai le atolaau o le Feagaiga, ao latou femalagaa‟i solo i
le vao. O le tu‟uina foi o le atolaau i totonu o le malumalu, o
le faailoga o lo‟o afio ai le Atua i le malumalu, e agai iai tagata
e tapuai ma vivii ai i le Atua.
3. O le Fale-fetafa’i
O le fale-fetafa‟i, o lo‟o fa‟aigoaina e nisi o le faleie, (tent). O
le fale e tatala ma faatu, i so o se nofoaga e manatu Isaraelu e
faatu ai, a‟o femalagaa‟i i le vao. A oo foi ina suia le vaega
eleele o le a malaga iai ma nonofo ai, mai lea taimi i lea taimi,
ona toe tatala foi lea i lalo (faamoe) ma ave toe faatu i le mea o
agai i ai. O le faamoemoe taua o lenei fale-fetafai, o le
faamalumalu ai lea o le atolaau o le Feagaiga, “o le faailoga o
le Atua” o lo‟o faatasi pea ma le nu‟u i so‟o se mea o malaga i
ai. O le fale-fetafai la o iai le Atua, o iinā foi le Maota e osi ai
Tapuaiga i le Atua, a‟o le‟i faia le malumalu tumau.
4. O le Atolaau
E tele igoa ua faaigoaina ai le atolaau. O le atolaau o le
feagaiga. O le atolaau a Ieova. O le atolaau o le tulafono, ma
isi igoa e tele o taua ai i le Tusi Paia. Ua lalagaina le ato i le
laau o le setima, ma ua faapitoa mo le tuuina ai i totonu o papa
ma‟a o lo‟o tusia ai tulafono a le Atua. E sausau i le auro le
atolaau. E iai ona amo i pito e lua, e feamoai i ai le atolaau,
a‟o femalagaa‟i solo Isaraelu i le vao. O le atolaau o le
faailoga o iai faatasi le Atua ma ona tagata i so o se mea e o i
ai.
Uiga o Upu ma Fuaiupu
“atolaau o le feagaiga a le Alii” - O le ato sa lalaga
faapitoa i le laau o le setima, e sausau auro atoa, sa iai totonu
papa maa. E paia le atolaau, aua o le faailoga o afio ai Ieova i
le mea o iai le atolaau.
Etanima - O le igoa o le masina lona fitu i le
faitauga o masina faa-Isaraelu i aso
anamua, po‟o Iulai le masina lea i le
faitaufa faa-nei-onapō.
Fale fetafa‟i - fale-ie (E tatala ma faatu, e faamoe foi
ma toe sii i se isi nofoaga e loto e toe
faatū ai)
Kerupi - O leoleo fai, a‟o faatusa. E tau loa le
mea e e afio ai le Atua, e taua ai foi ma
kerupi. O lo‟o faamatala e Esekielu
(Esekielu 1: 10 ff) le ugia o tino o
kerupi. E tino i tagata, e mata i tagata, e
fa apaau, e fa foi mata, o mata o le
tagata ua faatusaina i ai mafaufau. O
mata o le leona ua faatusaina i ai le loto
tele. O mata o le povi ua faatusaina i ai
le malosi. O mata o le aeto ua
faatusaina i ai le tele vave. O mea ia ua
lagolago ai le pule a le Atua.
FAATINOGA O LE MATAUPU
1.1. 1. Faailoa le Mataupu o le Aso Sa lenei i tamaiti.
2. Faitau le Tusi Paia o tu‟uina atu.
3. Faamalamalama ni upu o iai i le mataupu po o le Tusi
sa faitauina, ae le o malamalama ai tamaiti.
4. Faamatala loa le tala.
5. Fai se fetufaaiga pu‟upu‟u e ala i fesili ma tali, ina ia
atagia ai se tulaga ua iai lo latou malamalama i le tala
(Mataupu)
GALUEGA FAATINO
1. Tusi faalava mai le solo ua amata atu i lalo, e iloa ai, o le
malumalu e mo le viiga o le Atua. (Tuu i ai ni au
fuaiupu se tolu (3), ae 4 laina i le fuaiupu e tasi)
(i) O le malumalu, o le Maota ua fausia faapitoa
mo le Atua.
O le fale lava mo e faatuatua, ae le mo le au
faalotolotolua.
E viia ea le Atua i se loto masalosalo?
Leai! O le ala ulufale lena i le malumalu, na o ē
faia lona finagalo.
(ii) ………………….
(iii) ………………….
(iv) ………………….
PESE: 235 (Pese ma Viiga)
A‟OA‟OGA:
1. Fai lou tino ma malumalu e viia ai le Atua.
2. Ia avea lou loto ma nofoaga aupito sili ona paia, e
afio ai le Atua..
3. Fiafia e vivii i le Atua.
………………….
ASO SA: 31 IULAI 2011
MATAUPU: O LE FAAMUTAINA E LE ATUA
SINI: Ia a‟oa‟o tamaiti ia latou iloa ma
malamalama lelei, o i le Atua lava le
pule ma le malosi, na te faamutaina ai
so‟o se mea ua Ia finagalo e tu‟u.
TUSI FAITAU: 1 Tupu 9: 1- 9
FESOASOANI MO FAIAOGA:
1. Ua fa’aali faalua le Atua ia Solomona
O le tusi o 1 Tupu 3: 5 (ff), o lo‟o ta‟ua ai le taimi muamua sa
fa‟aali ai le Atua ia Solomona, e ala i le miti, i le nuu o
Kipeona. O iina sa silafia ai e le Atua le loto maulalo ma le
faamoemoe o lenei tagata ia te Ia. Sa lelei i le Alii le laogna
na faatoga atu ai Solomona ia te Ia, ma o lea na Ia foai loa i ia
le poto, ma faamanuia iai i lona tulai mai e avea ma tupu.
O le fa‟aali faalua mai la lea o le Atua ia Solomona, e pei ona
iai la tatou Tusi faitau o le aso. Ma o le agaga o lea fa‟aaliga o
le Atua, o le lapataiga i le tupu, ina nei liliuese mai le Atua ma loto atu i mea e fiafia iai lona loto; ona faamutaina ai lea e le
Atua i lana pule tutasi ma lona mafai, o le avea o ia ma Tupu.
O le faamoemoe maualuga, mo le faatumauina pea o le va
nonofo lelei o le Atua ma ona tagata, o lo‟o i ai lea i le taitaiina
a le tupu. E taua ai e le tupu tagata i luma o le Atua, aua o le
faailoga lena o lo latou usitaia pea o poloaiga a le Atua. Sa
faapena Tavita i le tama o Solomona, ma e taua foi le solisoli
tulaga aao ai o Solomona i ala lelei o lona tama. Aua a gau
pule ma le tausi i poloaiga a le Atua, o le a vave ona
faamutaina lana taitaiga e le Atua.
2. A’afiaga o le faamutaina:
O lo‟o iloa i le Tusi faitau, le tele o aafiaga, e le gata i tagata
a‟o le malumalu foi, pe afai ae le savavali le tupu o Solomona
ma ona tagata i le finagalo o le Atua, ae mulimuli atu i atua
ese. O le a faaumatia Isaraelu ai lo latou fogaeleele sa foaiina
iai e le Atua. O le malumalu foi ua faapaiaina mo le Atua; o le
a lafoa‟iina e Ia.
O le a fai le nuu o Isaraelu ma nuu e tauemua e tagata o nuu
uma lava.
O le malumalu foi e maualuga ma silisili lona mamalu, o le a o
ane tagata ma isā le fale, ma latou faapea ane; “Se a le mea ua
faapea ai ona fai e le Alii i lenei fale?” E le lilo foi i tagata le
mafuaaga o le nei malaia mai le Atua; “ona ua latou tu‟ua le
Atua, Le na ia aumaia latou mai Aikupito, ae auauna i atua
faapaupau”. O le faamutaina e le Atua, o le malaia lava lea o
le tupu ma tagata, atoa foi ma le laueleele ma mea uma o i ai.
3. O le mea tatau:
Ua tautino le iuga-leaga, po‟o aafiaga ogaoga e o‟o iai tagata
ma lo latou siomiaga, pe afai e fai le mea e le tusa i luma o le
Atua. E tatau la i le tupu o Solomona, ona galue o se sui vaaia
o le Atua; asvali i ala o le Atua ma taitai ona tagata i le
faatuatua, auā o le a fua mai i le lelei. E tatau ona iloa e le
tupu, o le fua aupito maualuga lea e faamasinoina ai ia, “Po‟o
savali i ala o le Alii?” O le mea aupito tatau lea, o le faamaoni
e tausi poloaiga a le Atua. O le faamaoni, o Tavita le tama o
Solomona i le Atua, o le mea tatau lea ua fai ma fua, e fua iai
le savali faa-taitai lelei.
Uiga o Upu ma Fuaiupu
(f .7) Tauemuga - ula; taufaifai, taufaalili
(f.8.) uisā - ula; upu faifai
FAATINOGA O LE MATAUPU
1. Faailoa le Mataupu i le Vasega
2. Faitau le Tusi Paia
3. Faamalamalama ni upu mai le Tusi Faitau e le‟o
malamalama ai tamaiti.
4. Faamatala loa le tala (Pu‟upu‟u ma manino)
5. Fai ni fesili e fetufaa‟i ai ma le vasega, e iloa ai le
tulaga ua iai lo latou malamalama i le mataupu.
GALUEGA FAATINO
1. Fai se faatinoga o le tala. (E lelei pe a faitau ia
malamalama lelei ma manino i le Tusi Paia, ona fai
lava lea o upu a le tagata ia, e tusa o le agaga o le
mataupu – tagata autu, o Solomona le tupu, ma le
Atua)
2. Tusi mai sau solo, i se tasi o ulusolo o lo‟o ta‟ua i lalo.
(3 fuaiupu, ae fa laina i le fuaiupu)
- O SOLOMONA LE TUPU POTO
- O LE MALUMALU O LE ATUA
- O LE ATUA PULE AOAO
PESE: When we walk with the Lord
A‟OA‟OGA:
1. Tausi i poloaiga a le Atua
2. E poto le tagata e faamaoni i le ATua
3. „Aua le maua ula futifuti
4. O le faatuatua i le Atua, o le mea tatau lea
……………………………
ASO SA: 7 AOKUSO 2011
MATAUPU: E FA’ALOTOLOTOLUA SE’IA
AFEA?
SINI: Ia a‟oa‟oina le Vasega ina ia
malamalama i le filifiliga e tatau ona
faia nei; o le Atua
TUSI FAITAU: 1 Tupu 18: 21- 30
FESOASOANI MO FAIAOGA
O loo faamatalaina i le Tusi Faitau le vaaaiga na tupu i
le Mauga o Karamelu. O Elia o le Perofeta a le Atua, sa na
aami o Perofeta a Paala ina sei latou osi o taulaga e fai ma
molimau poo ai o le Atua o Isaraelu ma Paala e moni ma
faamaoni.
O taimi o fai Aapo ma tupu o le malō o Isaraelu, sa
finau atu ai o Elia i le tupu ma Isaraelu ina ua avaga o latou
loto ia Paala e fai ma atua o le nuu, ae lafoa‟i le Atua o
Aperaamo, Isaako ma Isaraelu. Ona ua le mafai lava le tupu
ma le nu‟u, na aau ane o Elia e tapena ma osi ni taulaga poo ai
le atua na te faamumu i se afi.
1. O le Tupu ma le Nuu Faalotolotolua
O le vaaiga i le mauga o Karamelu, ua iloa ai o mea uma lava
o le ola o le tupu, ma tagata o le malō o Isaraelu ua tosina atu o
latou loto i aoaoga a atua ese. Ma ua tapuai ai i ni atua se lua.
O lona uiga o le faalotolotolua, o le talitonu i lona Atua, a ua
talitonu fo‟i i atua o tagata ese.
E ui ina ua tuueseeseina le malō o Isaraelu ma Iuta, ae na iai
lava le Atua i ona tagata. Lea e iai Perofeta latou te ta‟uina mai
e pei o Elia. Ae e ui i le taumafai mai o le Atua ma ana
Perofeta, ae ua lē mafai lava
Mo Elia lava ia, e tatau ona saili poo fea le moni, osi le taulaga
ma fai le Tupu ma lana Masiofo ma Isaraelu ma molimau poo
ai le atua moni.
2. O le osiga taulaga
E tele lava molimau a le Feagaiga Tuai ftg. Levítiko, e
faamatalaina ai lea foi tapuaiga a Isaraelu i lo latou Atua. E osi
taulaga. E osi i fua o fanau ua filifilia, o manu vaefa ua filifilia,
o manufelelei ma mea ua faatonuina mai ai.
A‟o loo iai foi ma molimau o loo ta‟ua ai igoa o Paala ftg.
Faamasino 2:11, e osi taulaga ai foi tagata e mulimuli ma
talitonu i ai. O osigā taulaga la, o se tu e taatele i Isaraelu ma
Palesitina, ma e matua talitonu atoatoa iai tagata, aua o la latou
fesootaiga lea ma o latou atua. O le faaaogaina la o taulaga e
Elia, o le matua sa‟euina lea o loto ma fatu tapuai o tagata, ae
lelei, se‟i saili ai le moni ma le faamaoni o atua.
3. O le Atua Moni
Mo Isaraelu, e lē o le taimi muamua lenei ua faaali tino i ai le
mana o lona Atua i mea e ola ai. A‟o le talafaasolopito o le
nu‟u ua iloa ai, o se n‟‟u e faigatā o latou loto. Ona ua
vavaeeseina lava Isaraelu mai Ierusalema o le mea o iai le
Malumalu o le nuu, ua faigatā ai lava ona tumau le loto o
tagata e mulimuli i lo latou Atua a ua avaga atu lava i le atua
ese o Paala ma isi atua o atunuu malolosi ua latou fai paaga.
A‟o le uiga tonu lava lea o le mea ua faia Elia, e faamanatu i a
Isaraelu le Atua o ona tamā. O le Atua na ta‟u ane lona suafa ia
Mose “O A‟U O LĒ, O LOO OLA LAVA” (Ken.3:14). O ia o
Lē o soifua ma na te faafofoga leo o ona tagata. Lea lava ua
faaalitino mai i luma o le tupu ma Isaraelu le pepelo o le atua o
Paala, aua ua lē tali ane i se afi mo le taulaga a ona tagata.
Aisea lava la e faalotolotolua ai ma fesiligia ai le moni o le
Atua o Isaraelu? A‟o lea ua iloa nei, e le iai se isi lava atua e
soifua, a ua na o le Atua lava o Isaraelu, lea foi ua tapua‟i i ai o
tagata Samoa.
4. O LE ATUA O SAMOA
Ina ua taunuu mai le Talalelei i Samoa, sa lei faigatā ona
taliaina ma fai ma Atua o Samoa le Atua o papalagi na latou
aumaia le tala. Ui i lea, e le o se tala i se Atua palagi, a‟o le
Atua o Isaraelu na afio mai le lalolagi e ala ia Iesu Keriso, lea
ua tatou tapua‟i i ai.
A‟o lea ua toe faamanatu mai le tala i le taulaga a tagata
o Paala i ai tatou ma Samoa, ina ne‟i fesiligia le faamaoni o lo
tatou Atua.
E moni, ua lagona le i‟u leo e fesiligia ai le moni o lo
tatou Atua, aemaise i taumafaiga i le su‟esu‟eina o le lalolagi
ma tagata. A‟o lea ua tali manino le tala sa tatou faitauina, e
leai lava se isi atua, ua na o lo tatou Atua na talia e ō tatou
tamā i aso anamua, Na te faamalie o tatou loto i mea e lelei ai.
Ia aua nei tapua‟i ma le masalosalo, aua nei e mafuta i
mafutaga a le Ekalesia ma le lē mautonu, ina nei pei i ta‟ua o
le tupu ma tagata o Isaraelu, le faaali soo iai o le Atua, ae
avaga lava i atua sese ma le lē sa‟o.
Uiga o Upu ma Fuaiupu
a. Paala: O se atua o le nu‟u o Kanana, na tapua‟i
ai lava o tagata a‟o le‟i taunuu atu
Isaraelu e fai Kanana ma o latou tofi
FAATINOGA O LE MATAUPU
1. Ia faailoa le Mataupu
2. Faitau le Tusi Paia
3. Ia faamatala le Mataupu
GALUEGA FAATINO FAAUMA I NI AU LAVA UPU FUAIUPU O LE TATALO O LOO I LALO LE ATUA E, FAAMAGALO MAI A’U…………. A‟OA‟OGA
1. Ia salamō i ni mea sese ua tatou faia
2. Ia tatalo i le Atua e faamagalo mai lo tatou vaivai
3. O le Atua o Samoa o le Atua moni lava ia
PESE: Ua ou filifili e mulimuli ia Iesu
………………..
ASO SA: 14 AOKUSO 2010 (Aso Sa o Tamā)
MATAUPU: ALOFAAGA O LE TAMA MO
LANA FANAU
SINI: Ia a‟oa‟oina le Vasega ina ia
malamalama i le alofa fa‟atamā o loo
ta‟uina atu e Paulo i le Ekalesia i
Korinito.
TUSI FAITAU: 1 Korinito 16: 1- 14
FESOASOANI
O fuaiupu o le Tusi Paia na tatou faitauina, o se vaega o
le tusi a Paulo i le Ekalesia i Korinito. I le vaega lenei o le tusi,
o loo augani ai Paulo i le alofa e tatau ona fai e le Ekalesia i a
Timoteo, o le uso i le talalelei o Apolo, ma le alofa e tatau ona
faia i le Atua e ana le galuega. O loo faailoaina i upu o le tusi,
le alofa na a‟oa‟o mai ai lo tatou Alii o Iesu e tatau ona fai o
tamā i fanau, o taitai i ona tagata ma le tasi i le isi.
I onapo o le tau amataina o le Ekalesia ma le molimau i
le Keriso toetu, o loo iloa ai le tele o femalagaiga a i latou na
fai ma uluai tala‟i o le tala ia Iesu. O le galuega na matua
moomia ai le alofa e tausi ma lavātia ai le galuega tau amata. E
faapei ona faia e Paulo ma nisi e iai Timoteo ma Apolo.
O Timoteo, o le Lukaonia i Lusa. O lona tamā o le
Elena, a‟o Eunike le igoa o lona tinā. O le alii na iloa e Paulo e
ao ina avea ma auauna o le talalelei. Lea ua ta‟u ane e Paulo
lona taunuu ane i Korinito. O loo augani ane Paulo i le alofa e
tatau ona fai, e faapei ona finagalo ai lo tatou tamā. O le alofa
e lē “ta‟ufaatauvaaina” ai le uso, ma ia maua ai le
“saogalemu.”
O Apolo, o le alii na feiloai ma Paulo ma Timoteo i
Efeso i le malaga faatolu a le Aposetolo. O le tagata mau upu
ma le poto, ma ua aoaoina ia i ala o le Alii. Ai sa ta‟ua sa na
malaga i Korinito, peita‟i i upu i le f.12 o loo iloa ai, ona ua lē
fetaui le taimi ua le talafeagai ai lea malaga. “a e le loto lava ia
ina alu atu i ona po nei ae alu atu pe a oo mai ona po e tatau
ai.” (f.12) O lona uiga o le apoapoaiga a Paulo i le Ekalesia o
le onosai e iai lava le taimi e taunuu ai lea malaga.
Ona ua alofa tele mai lo tatou Alii o Iesu Keriso i le faia
o le faaolataga, o le faailoga manino lava lea o le alofa mai o
lo tatou Atua o le Tamā i le tagata o lana fanau ua agasala. O
le alofa lena lea na tusi ane ai Paulo i le Ekalesia i Korinito ina
ia latou faia. O le alofa faa tamā o le Atua ua alofa mai ai i le
tagata agasala, ia faapea foi ona tatou fai i isi. Aua a iai lea i
totonu o o tatou loto, ona tupu lea o lo tatou mataala, le onosai,
o le faamalolosi ma finafinau i le feau a le Atua.
O LE ASO SA O TAMĀ
O le Aso Sa lenei o loo faataua ai e le Kalena a le au
Kerisiano tamā i totonu o aiga, nu‟u, malō ma le tele o
faalapotopotoga. Afai o lea ua faamanatu mai le Aposetolo i le
faataitaiga o le Alofa o le tamā i lana fanau, o le alofa foi lea e
tatau ona iai le fanau mo nai o latou tamā. O le alofa tatou te le
taufaatauvaaina ai lo latou sao i mea uma, o loo maua ai le
saogalemu, aemaise i le li‟o i totonu o aiga. O lona uiga ia
faafetai i le Atua i lona alofa mai faatamā i ai tatou le fanau.
Ae ia faafetai foi mo le galuega faatamā o loo faia e nai o tatou
tamā.
FAATINOGA O LE MATAUPU
1. Ia faailoa le Mataupu
2. Ia faitau le Tusi Paia
3. Ia faamatala le Mataupu
GALUEGA FAATINO TUAI SAU TUSI E MOMOLI AI OU ALOFAAGA I LOU
TAMA.
Ftg.
PESE: PESE MA VIIGA 138
A‟OA‟OGA
1. Ia manatua le alofa o nai o tatou tamā
2. O le Atua lava na muai alofa mai e faapei o le Tamā i
lana fanau
3. Ia manatua, o le alofa atu i isi, o le faia lava lea o le
finagalo o le Tamā
……………………….
ASO SA: 21 AOKUSO 2011
MATAUPU: IA FAATELEINA LE ALOFA MA
LE MANUIA
SINI: Ia a‟oa‟oina le Vasega ina ia
malamalama i le ofo alofa atu a le
Kerisiano i onapo o le uluai Ekalesia.
TUSI FAITAU Iuta1:1- 25
FESOASOANI
O le Tusi Paia na faitauina, o le tusi a le Aposetolo o
Iuta, o lē na taitai i le Ekalesia i Ierusalema. O le tusi e foliga o
loo tusia mo tagata ua talitonu ia Iesu, poo fea lava la e iai le
Kerisiano, poo Ierusalema poo Samoa, o loo aoao mai ma le
tatau lenei tusi mo le tama ma le tiene aoga.
I le tusi i lona aoao tetele, o le faamalosi au a lē ana le
tusi i tagata ua talitonu ia Iesu o loo ua matua luitauina lo latou
faatuatua i a‟oa‟oga a talitonuga eseese.
1. O le f.1-3:
O fuaiupu nei o loo iloa ai o le tusi na tusia mo nisi. “Ia
faateleina ia te outou le alofa mutimutivale ma le manuia, ma
Mo lo’u tama peleina,
le alofa” (f.2) O upu nei o loo iloa ai le tatalo a ulua‟i tamā o
le Talalelei i e ua latou talia Iesu, ma ua fai foi ma tino o le
Ekalesia. O loo manatu Iuta, a tupu tele le alofa, o le tupu tele
foi lenā o le manuia e foa‟i mai e le Atua.
2. O le f.3-4
O fuaiupu nei, o loo ta‟ua ai le auga o le tusi atu o Iuta i
tagata o le Ekalesia. O loo ta‟ua ai le feeseeseaiga o talaiga o
talitonuga o tagata, ina nei tosina ai o latou loto. O loo
faaaogaina e Iuta le upu “finau (contend) mo le faatuatua.” O
le upu o le gagana Eleni mo tagata taaalo. O lona uiga, o loo
faatusaina le finauga o talitonuga o se taaloga o loo finau ai o i
latou ua mulimuli i le tala ia Iesu. O lona uiga e tatau ona tatou
taaalo ma le finafinau ina ia maua le manuia o le manumalo.
A‟o lea e a‟oa‟o mai le Mataupu a alofa ona manuia lea ma
maua le manumalo.
O loo faaaogaina e le Tusitala mau mai le Feagaiga
Tuai e fai ma faamaoniga o le alofa mai o le Atua i le nuu o
Isaraelu.
a. f.5- 10 : O faamaoniga mai le Feagaiga Tuai
e. f.11- 13: O le faamaoniga mai upu a Perofeta
i. f.14- 16: O le faamaoniga mai ia Enoka
O lona uiga, e foliga mai, o le tusi lenei, o le faamalosi
au atu a Iuta i tagata o le Ekalesia i totonu lava o Isaraelu. O le
Isaraelu Kerisiano la, e tatau ona manatua le auai mai o le Atua
i ona tamā ma lona nuu ma ia malamalama, o le Atua lena, lea
na liu tino i lona Alo, na maliu ma toetu manumalo ua maua ai
e le lalolagi le faaolataga. E faatoa maua la le manuia, ina ua
tupu le alofa i a Iesu Keriso ma tutumau ai, aua o Ia e
faamanuia mai.
I le fuaiupu f.20- 24, o loo ta‟ua ai aupega e faaaoga e le
Ekalesia i lana finauga ma talitonu sese.
i. ia outou ati ae ia te outou i lo outou faatuatua
ii. ia outou faatumau ia te outou le alofa
iii. faatalitali atu i le alo mutimutivale o Iesu Keriso
iv. Ia alolofa atu i nisi
O mea nei e tatau ona faia e le tagata finau i le suafa o
Iesu Keriso. Afai ae tumau i le Ekalesia nei, ona maua lea o le
manuia e oo i le faavavau.
Uiga o Upu ma Fuaiupu
a. “o le uso foi o Iakopo”(f.1):
Pau le auuso o loo taua i le Feagaiga Fou e Igoa ia Iuta
ma Iakopo, ua na o soo o Iesu. Afai o lea, o Iuta o le
uso o Iakopo a‟o le so‟o o Iesu
e. “vagavagai” (f.7): o aai tuaoi
FAATINOGA O LE MATAUPU
1. Ia faailoa le Mataupu
2. Ia faitua le Tusi Paia
3. Ia faamatala le Mataupu
GALUEGAFAATINO TUSI SAU FAAMALOSI AU I LE MANU SAMOA I LUGA O LE BLOG PAGE
PESE: Im in the Lord‟s Army
A‟OA‟OGA:
1. Ia alofa atu i le isi uso a tagata.
2. Ia galulue ma fefaamafafanai i taimi e faigata ai le olaga
3. Ia aua nei galo, ua na o le Atua lava lo tatou maluapapa
mai taitaiga sese ma filifiliga soona fai
………..…………
ASO SA: 28 AOKUSO 2011
MATAUPU: ALU A’E E FAI LE FINAGALO O
LE TAMA
SINI: Ia aoaoina le Vasega ina ia malamalama
i le faataunuuina e Iesu o le fingalo o
Lona Tamā
TUSI FAITAU: Mataio 20: 17- 19
FESOASOANI
O le molimau a Mataio, o lea ua aga atu Iesu i ona
puapuaga. O le taimi e faataunuuina ai le finagalo o lona Tamā
ina ia fasiotia ma faasatauroina, maliu ma tanumia ma toetu
mai ina ia magalo ai le tagata agasala.
Ina ua aga atu Iesu i Ierusalema, sa na ave faatasi ma ia o
ona Soo. A o i le ala na fetalai ai le Alii o Iesu e faailoa ma
valoia ane i le au Soo mea o le a tutupu i Ierusalema. I
fetalaiga a Iesu, o loo faailoa mai ai, lona silafia lelei ole a
“alu a‟e e fai le finagalo o lona Tamā.”
1. O LE FINAGALO O LE TAMA
Ina ua osi feagaiga le Atua ma Isaraelu, sa le mafai lava e le
Atua ona tuuina atu Isaraelu e leiloa i taitaiga sese ma le
faapaupau. I le Feagaiga Tuai, ua na o le faamatalaina lava o le
alofa tulituliloa o le Atua ia Isaraelu. Na amata mai lava ia
Mose, o Iosua, o Faamasino, o Ositaulaga ma Perofeta o i
latou ia na faaaogaina e fai ma auala mai o le finagalo alofa o
le Atua. Peita‟i, o Isaraelu lava ia, ua le mafai lava ona usitai i
le Atua, aemaise lava o ona tupu ma taitai.
O lo tatou talitonuga, o le Atua lava lenā na afio mai i le
lalolagi ma mafuta ma tagata e ala ia Iesu Keriso ina ia
faataunuuina o lona finagalo; o le faaolataga o tagata uma
mai le Agasala. O lona uiga, o le finagalo o le Tamā lea ua
valoia e Iesu lona faataunuuina. O Ia e tatau ona tuuina atu i
Ositaulaga ma Tusiupu e faasala i le oti, e tuuina atu foi i
tagata o le malo Roma latou te faatauemu, sasa ma faasatauro
ia te ia.
2. O LE FINAGAO IA FAIA
I le Mataio e 26: 39, o loo faamatala ai le tatalo a Iesu i luga o
le mauga o Ketesemane. Lea e faapea ai upu a le au Kerisiano,
o taimi o le tiga/fefe o Iesu ina ua lalata mai ona puapuaga.
“Lou Tamā e, afai e mafai, ia aveese lenei ipu ia te a‟u, ae aua
le faia lo‟u loto a‟o lou finagalo”
O fetalaiga a Iesu na tatou faitauina i le Tusi Paia, o loo
iloa ai, o Iesu na afio mai lava na te faataunuuina fuafuaga paia
a le Atua (missión). O lana tatalo i Ketesemane ua ta‟ua ai o
puapuaga o le Alii o Iesu, o le finagalo ia o le Atua e tatau ona
faia lava.
3. O LE TAMA MA LE ATALII
O le afio mai o Iesu i le lalolagi, o ia lava o le Alo/Atalii o le
Atua (Mareko 1:11) , a‟o Ia foi o le Atalii o le tagata /Son of
Man (f.18;Mareko 14:21, 41, 62). O Iesu lava la ia, o le Alo o
le Atua ma tagata. O le Afio mai la o Iesu i le lalolagi, o ia o le
Atalii e auauna ma faataunu‟u le finagalo o lona Tamā. O le
faailoga manino o le Atalii ua manatu e faamalie le Finagalo
alofa o le Atua i tagata. Ae e le‟i mafai ona faia lenei
faaolataga pe ana le faia o ia ma atalii o le tagata.
4. O LE FANAU MA MATUA
O se faamanatu lelei lenei e aoaoina ai le fanau i le va o atalii
ma tamā, o afafine ma tinā, aemaise o le ola i totonu o le li‟o o
le aiga. Oka se manaia o le faataitaiga ua faia e Iesu pe afai e
iloa e le tama ma le tiene ona faia ma faataunuu le manao o
matua. E ui lava o Iesu, o ia o le tino o le Atua i le lalolagi, a‟o
loo mafai lava ona faaa‟oa‟o mai i mea e tatau ona faia i le
olaga nei.
Soo se matua lava, e iai lava o latou manao, aemaise o a
latou miti mo fanau ma lo latou manuia. Ia iloa malamalama
lelei i ai, afai e faataunuuina, o le a fai lava lea ma
faamanuiaga i o tatou olaga. Lea lava na faaalia mai le
manumalo o Iesu Keriso ina ua toetu manumalo mai le maliu
ma le tuugamau, ma ua fai ai o ia ma Tupu o le lagi ma le
lalolagi, o lona manumalo a‟ia‟i lava lea i le lalolagi. O lona
uiga, afai e te faataunuuina ni manao o ou matua, o le a le pine
lava lou faaeaina.
Uiga o Upu ma Fuaiupu
a. “atalii o le tagata” (f.18):
O loo faaaogaina uma i le Feagaiga Tuai ma le
Feagaiga Fou le upu lenei e faasino ia Iesu, o ia o le
taunuuga o valoaga o le Mesia. O Ia o le Atua, ae na
afio mai i le lalolagi ina ua fai ma atalii o le tagata o
Iosefa ma Maria.
e. “tusiupu” (f.18)
O tagata latou te faamaumauina a‟oa‟oga, tulafono ma
tusitusiga a le Lotu Iutaia
FAATINOGA O LE MATAUPU
1. Ia faailoa le Mataupu
2. Ia faitau le Tusi Paia
3. Ia faamatala le Mataupu
GALUEGA FAATINO
O upu e masani ona lagona i totonu o le lotoifale o le aiga o le
faapea mai o tamā “FAI LE MEA LEA E FAI ATU E FAI,
AE AUA LE FAIA LE MEA LEA OU TE FAIA”
Faaali sou manatu i ia upu.
PESE Pese ma Viiga 177
A‟OA‟OGA:
1. O Iesu o le Atalii na afio mai e faataunuu le finagalo
alofa o lona Tamā
2. Ia iloa ma malamalama lelei i mea e manao iai o tatou
matua mo so tatou lumanai lelei
3. O le tama ma le tiene lelei, na te faataunuuina le manao
o nai ona matua
………………………..
ASO SA: 04 SETEMA 2011 (TALALELEI).
MATAUPU: FETEENAIGA
SINI: Ia malamalama lelei le vasega i le uiga o
le feteenaiga o lo‟o aumai i totonu o
faataoto nei a Iesu.
TUSI FAITAU: Mataio 22: 1 – 10 (Faiaoga)
22: 8 – 9 (Tamaiti)
FESOASOANI:
1. Feteenaiga:
O le tauiviga, o ni malosi se lua, pe tele atu foi, o lo o finau ma
fetaua‟i, ina ia faaumatia e le isi malosi le isi malosi ina ia
manumalo ai, ia „aua nei toe faalavelaveina lona saolotoga. O
lona uiga o le mea leaga na te le taliaina mea lelei. O le mea
lelei foi na te le manaomia le leaga. O le faatinoga la a leaga,
ia fai lelei ma leaga, po o le faatinoga a lelei ia fai leaga ma
lelei, e fanau mai ai le feteenaiga.
2. Faataoto o le Malo o le Atua:
O le ata ua faailoa mai e le faataoto, o lo o aumai atoa lava i le
tu ma le aganuu masani a Iutaia. A „ave tusi valaaulia o se aiga
tele, e le taua i ai le taimi o le aiga. Ua na ona faailoa i ai e ala
i tusi valaaulia, o le aiga o le a faia. Peitai e maea lona ona
tapenaina, ma saunia mea uma, ona aauina atu loa lea o auauna
o le pule o le tausamaaga i le au valaaulia uma, e tala aao mai
loa, o lea ua saunia lelei mea uma o le taumafataga.
I le faataoto lava lenei, ua faailoa mai ai, o le tupu o le alii foi
o le tausamaaga, ua au tausaga lava i aso anamua, na tuuina
mai ai lana valaaulia mo lana tausamaaga peitai ina ua maea
tapena ma saunia mea uma, o le a na ia auina mai loa lana
valaaulia mulimuli. O le mea sili ona faanoanoa tiga ai lona
finagalo, ona e sau le logo mulimuli ia tala aao atu ia i le
taumafataga, ua maea tapena mea uma, ae ua teena e tagata
uma le valaau fa‟aaloalo.
3. Uiga:
i) O malo fa‟aaloalogia ua valaauina, ina ia auai atu i le
tausamiga, o tagata Iutaia ia. Na valaauina lava e le
Atua anamua lava, ma osi feagaiga ma Ia, ia fai Iutaia
ma ona nuu, a‟o Ia ia fai mo latou Atua. O lea ua afio
mai le Alo Pele o le Atua, o le sui vaaia moni, ma o le
malo lava lea o le Atua, a o lea ua latou matua teena
lava, ma le talia. O le iuga o lo latou teena o le valaau
alofa a le Atua, ua liliu ese ai o ia, ma faasaga atu i
tagata uma o nuu „ese, o e ua ta‟ua e mama‟i, vaivai,
matitiva, atoa ma e ua malolosi. Ua ia avatu ma ofo
alofa atu i ai le valaau, ina ia o mai uma i le taumafataga
ua uma ona ia saunia. Ua lolofi mai ma le olioli ma ua
tau le ofi ai le fale atoa, aua ua ia taliaina uma lava ma le
fiafia. O i latou na leai se faamoemoe mo le Malo o le
Atua, o lenei ua avanoa uma e ulufale i ai i totonu.
E ui ina sala „ese le fuaiupu e fitu, ina ua faatonuina e
le tupu ana fitafita e faaumatia ia tagata tete‟e ma
faamuina lo latou aai. A ua aumaia lava e le tusitala o
Mataio i lona lagona, o le faaumatia o Ierusalema ma
faatafunaina, o le iuga lea o tagata na teena le valaau
alofa a le Atua. O le taunuuga foi lea o valoaga a Iesu
i le faatafunaina o Ierusalema e pei ona tupu i le
tausaga 70 AD.
ii) O lona lua o uiga o lenei faataoto, o lo‟o aumai ai se
faamanatu, ua valaauina tagata uma e le Atua i lana
tausamaaga, o lo‟o i ai le olioli moni. E tusa ma le aiga
o le faaipoipoga, e fiafia ma olioli tagata uma, ua aai
faatasi ma le Atua i lana laoai, e pei o se faatoafaiava ma
se faatoanofotane.
Ua faamanatu mai foi o tagata uma ua latou lafoai le ola
agasala ma le ola pologa i tuinanauga uma, ua latou
taliaina le valaau alofa a le Atua, ua fai ma Kerisiano.
Ua mavae atu le ao pogisa o le lalolagi pouliuli sa i ai, a
ua aumaia e le Atua i lona malamalama o lona poto uma
lava tatou te tumau ai i le faia o mea lelei uma. Ua
inoino i mea leaga.
iii) Ua saga faailoa atili mai foi e lenei faataoto, o mea ua
fai ma mea e tutuli ai taliga ma le lagona ai lo tatou
valaauina, o le tele o fuafuaga ma polokalame a tagata
lava ia. O mea ua faia mo lona lava manuia, aemaise ai
lava le solo lelei ma le alualu i luma o atinae, ma pisinisi
a le tagata lava ia. Ae peitai, o mea ua tosina atu i ai
lona mafaufau ina ua vaaia lona tino mai i tulaga lelei,
ma galo ai lava, ma le maua ai lava ni avanoa mo le Atua
ma lana valaau alofa mo tagata uma.
O le mea sili ona faanoanoa ai, ona o mea ia ua fai ma
mea silisili ona taua i le tagata, o mea ua tino mai lona
matagofie. Ua le manatua le mea sili ona taua, o le Atua
lea a ua fai ma mea e faamulimuli i mea e manatu i ai. Ia
manatua o le tusi valaau o i tatou mai le Atua, o le
valaauina o tagata uma i lona alofa tunoa.
4. Fesootaiga:
O le faatinoga la o le feteenaiga i totonu o le faataoto, o i latou
ia na valaauina, ia o mai i le tausamaaga a le tupu o lana aiga
fiafia, ae ua leai ma se isi na taliaina.
O i latou foi ia, na faaumatia e fitafita a le tupu ma faamuina lo
latou aai, ona ua feteena‟i le finagalo o le tupu, ma mea ua
latou naunau e auai atu i ai. O le mea lelei tele le tuuina atu o
taimi uma, e galueaina ma atinae mea lelei uma mo le manuia
lelei i le tino. Peitai, e tatau lava ona o faatasi ma le ola saili
manuia i le Atua. Afai e o faatasi ia mea e lua, e leai lava se
masalosalo i le tulai mai o taumafaiga uma i lona tulaga
manuia.
5. Tala Lelei
O le taunuu mai o le Tala Lelei i laufanua o Samoa, o le tusi
valaaulia alofa foi lea mo tagata Samoa uma, i le tausamaaga a
le Atua. Ia talia e tagata uma ma i ai i totonu o lana Ekalesia,
o le aiga o le Atua, ia sauniuni ai mo le ulufale i lona malo e
faavavau.
Ia ofoina atu mea sili mo le Atua, e ala i le ola mamā, alofa ma
avea ma itutino o le Ekalesia i le Tausamiga Paia a Keriso. Ia
faailoa le ola ositaulaga i le Atua, e ala i le faigataulaga o le
Tala Lelei, o lou sao taua lea, e fai ai oe ma tagata e
faalauiloaina atu le tausamaaga a le Atua. O le tuuina atu o
lou ola atina‟e ai le „oa ma mea e pala o le lalolagi nei, ae leai
sou taimi mo le Atua, o le feteenaiga lava lea ua e faatupuina i
lou va ma ia. O lona uiga ua e teena foi lana valaau alofa i
lana tausamaaga o le olioli ma le fiafia moni.
Uiga o Upu ma Fuaiupu
1. faataoto (f 1) - ata faatusa, tala faatusa
2. tausamaaga (f 2)- aiga tele fiafia
3. faatala ese (f 5) - tete‟e, le talia
4. i e na tatalaina (f 4) - au valaaulia
FAATINOGA O LE MATAUPU
1. Faailoa le Mataupu
2. Faitau le Tusi Paia
3. Toe faamatala le tala i ni au lava upu faigofie.
GALUEGA FAATINO:
1. Tusi mai sau tala e faamatala mai ai se aiga o se
faaipoipoga, aso fanau na valaaulia ai oe.
2. Tali mai Fesili nei:
a) O ai tagata na mua‟i talaina i ai le tausamaaga?
Tali: O tagata Iutaia ma Isaraelu.
e) O le a le mea na oo i ai nei tagata ua latou le
talia le talaina?
Tali: Ua faaumatia i latou ma susunuina lo latou aai.
i) O ai tagata ua toe talaina i ai le tausamaaga?
Tali: O e leaga ma e lelei, o tagata nuu ese lava ia.
o) O le a le tali atu a ia tagata?
Tali: Ua talia ma le fiafia. Ua o atu ua tumu ai le
fale.
u) O le a le mea e faatatau i ai le e ona le valaau,
ma e ua valaauina?
Tali: O lē ē ona le valaau, o le Atua lava lea. Ua
valaauina tagata uma i lona malo. O le Malo o
le Atua, o loo i ai le olioli ma le fiafia moni.
A‟OA‟OGA:
1. Ia talia le valau alofa a le Atua mo i tatou i lona Malo.
2. Ua valaauina i tatou uma, ina ia fai i tatou ma Kerisiano.
3. Ua valaauina oe ma au ina ia ta auai i le Ekalesia, o le
aiga o le Atua.
4. Ia fai ta‟ua ma itutino o le Ekalesia, e ala i le tatou auai
i lana Talisuaga Paia.
PESE: 123 Pese ma Viiga
…………………..
ASO SA: 11 SETEMA 2011
MATAUPU: FAAILOGA MULIMULI
SINI: Ia malamalama le vasega i le faailoga
mulimuli moni, e faatatau i le toe afio
faalua mai o Iesu Keriso.
TUSI FAITAU: Mataio 24: 36 – 51 (Faiaoga)
24: 42 – 51 (Vasega)
FESOASOANI
1. Faailoga:
O pine, faailoilo, po‟o ni ata faaemo ma fa‟aaliga e faailoa mai
ai se mea po‟o ni mea o le a tutupu mai i le lumana‟i, po o le
soso‟o mai ai lava ina ua uma ona faailoa mai le faailo. A oo i
na vaaia se faailo i se mea o le a tupu mai, ona maitauina lea o
le vevesi o tagata e su‟e se auala e faasaoina mai ai, mai se
mala matuia ua oo mai. Pe fai foi ni faatinoga, e tali atu ai e
tusa ma le oo mai o mea ua tutupu mai. E atuatuvale ma
popole vale, aua e faafuasei le oo mai, aemaise ai lava le tupu
mai, ae le i ai se sauniuniga ma ni tapenaga na faia.
2. Afio faalua mai o Iesu Keriso: Palusia (Parousia)
O le vaega o le Mataupu e 24: 36 – 51 o lo‟o suesueina e le
vasega i lenei Aso Sa, o loo taumafai ai Iesu, e tali atu i lona
auso‟o e tusa ma le fesili, o le latou fia iloa po o a faailoga o
lona toe afio mai ma le faaumatia o mea uma. I le Feagaiga
Fou, o lo‟o fa‟aaogaina ai le upu Eleni o le Palusia (Parousia) i
le toe afio faalua mai o Iesu, ae e le o le faaupuga, “O le afio
faalua mai o Iesu Keriso”.
O le uiga Palusia (Parousia) i le gagana Eleni, e faamatalaina
ai le taunuu atu o le Kovana, po‟o o le tupu i lona afioaga po‟o
lona malo i lona mamalu. Ua faamatalaina ai le taunuu atu o
le tupu, e o atu faatasi lava ma le pule, malosi ma le mamalu
uma lava.
Ua ave la e le au Kerisiano o e ua faatuatua ma talitonu i
fuafuaga paia a le Atua, le faalagiga lea i le toe afio mai faalua
o Keriso, o le Palusia (Parousia). E afio mai ai Iesu i lona
mamalu silisili ese, ma le mana ma le pule uma lava, ma ia faia
le faaiuga mo mea uma, atoa ai ma tagata uma.
O le fesili a le auso‟o ia Iesu, pe se a foi le faailoga o lou maliu
mai, ma le gataaga o le lalolagi?
O le tali la a Iesu i le ausoo e uiga i le fesili lea, o lo‟o
faamatalaina e le vaega o le tusi, ua avea ma mataupu o lenei
Aso Sa. O le toe afio mai o Iesu, ma le gataaga o le lalolagi.
Ua fetalai atu Iesu i ona so‟o, “A o lea aso, ma lea itu aso e le
iloa e se tasi, e le iloa lava e agelu i le lagi, e le iloa e le Atalii,
ua na o le Tamā lava.
Ua na ona faatepa e Iesu lona auso‟o i taimi ma ona po o Noa.
Na oo mai ai le fa‟aaliga ma le faatonuga a le Atua ia Noa, ia
fau se vaa e fai ma faaolataga mo ia ma lona aiga, ma i latou e
faalogo ma agai mai ia Noa i le faia o le finagalo o le Atua, ina
ia faasaoina mai ai.
O le oo mai foi o lea aso ma lea itu aso e leiloa lava e se tasi, e
faafuasei tele lona oo mai. O lona faafuasei tele o lo o
faamatalaina mai e fafine e toalua o lo‟o faatasi i le mea e olo
ai saito, e faafuasei ona segia le tasi, ae tuua le tasi.
Ioe, e leai se tasi o iai sona iloa, i le taimi o le toe afio mai o
Iesu ma le gataaga o mea uma. Ua na o le Atua lava ua i ai
lona silafia uma i ana fuafuaga poto ua uma ona faataoto.
4. Faailoga Mulimuli
Ua leai lava ma se faailoga o tautino mai e Iesu, ua ia faapea
mai ai, o le taimi lea ma le aso lea e taunuu ia mea. Peitai, ua
faamanatu mai e Iesu taimi o Noa ma le lolo, na faaumatia ai
mea uma i le fogaeleele, ona o le leai o ni taimi o tagata mo le
Atua.
O le faailoga mulimul ma le manino, ua tautino mai e Iesu, ia
mataala tagata uma i taimi uma. Ia nofo sauni, ma nofo tapena
tagata uma i taimi uma, a o ola ma i ai i le lalolagi. A tapena,
mataala, ma nofo sauni tagata uma, e leai ma se mea e fefefe
ma atuatuvale ai. Aua e afio mai Iesu le Tupu, ua saunia
tagata uma e faatali lona afio mai.
Fai mai le tasi tala fatu na o mai agelu e toatolu a le o leaga, e
faaumatia tagata uma i le lalolagi. Na feiloai ma Satani lo
latou sifi, ona fesili atu lea o ia i le agelu muamua. O le a lau
mea e fai i tagata e faaleaga ai. ua fai mai le agelu muamua,
ou te fai i tagata e leai se Atua.
Fai mai Satani i le agelu muamua, “E maumau lou taimi. Ua
iloa e tagata uma e iai le Atua. E te fiu e faasese tagata ua
talitonu tagata e iai le Atua.
Fai mai le agelu lona lua ia Satani, ou te alu e fai i tagata e leai
se mea e ta‟u o Seoli. Fai mai Satani, e maumau foi lou taimi.
Ua iloa uma e tagata e i ai le nofoaga e igoa o Seoli mo tagata
agasala uma.
Fai mai loa le agelu lona tolu ia Satani, O a‟u ou te alu atu i
tagata uma ma fai atu i ai, “Ia faifai malie pea e le‟i taitai se
taimi e gata ai mea uma. Ia fai le mea e loto i ai le tagata ia,
aua o lo‟o tele lava le taimi. Fai mai loa Satani i le agelu lona
tolu, alu loa e faaumatia tagata uma i lau talaiga lena.
5. Mataupu ma lona fesootaiga i olaga o tagata:
O le mea pito sili lea ona matautia i le faaleagaina o le tagata.
O le manatu o le tagata o lo‟o lava ma tele lona taimi e fai
muamua ai isi mea ae tapena mulimuli ai mo le Atua. Ua ia
faapea ifo ai, se‟i faifaimalie pea ou manaoga o le lalolagi nei.
Sei atiae pisinisi ma mea aoga o le olaga nei, ia tele ai tupe ma
le mamalu ma amanaia ai e tagata ae galo ai ua uma ai ma le
taimi, ae ua leai ai se taimi e tapena ma saunia ai lona tagata
mo le Atua.
O le faailoga mulimuli lava ua faamautinoa mai e Iesu, o le
mataala, ola tapenapena ma sauniuni i taimi uma. Aua ua
leiloa e le tagata le taimi ma le itu aso e sau ai le Atalii ma le
iuga o le lalolagi. O lo‟o faamanino atili mai lava e Iesu lenei
faailoga mulimuli i taimi o le lalolagi o Noa ma le lolo. O
looo aumai manino foi i le tala faatusa i le auauna lelei ma le
mataala, ma le auauna leaga ua fa‟aaoga sese le taimi. O le
iuga, o le auauna lelei ua ulufale ma pule i mea tele, a o le
auauna leaga, ua teena ma tuli i fafo i le mea o i ai le
taufaitagiaue ma le lilivau o nifo.
Uiga o Upu ma Fuaiupu
fa‟aavaga (f 38) - mulilua
vao o tagata (f39) - tagata e toatele
olo (f 40) - oomi ma tulai, poo le fetūleia‟i
manatunatu (f 44) - mafafuau
lilivau o nifo (f 51) - u nifo i le le fiafia
FAATINOGA O LE MATAUPU
1. Faailoa le Mataupu o le Aso Sa.
2. Faitau le Tusi Paia.
3. Faamalamalama ni upu e le o malamalama ai tamaiti
mai le Tusi Paia.
4. Toe faamatala le tala i ni au lava upu faigofie.
5. Fai ni fesili e fetufaai ai ma tamaiti.
GALUEGA FAATINO:
1. Tusi mai sau tala, e faamatala mai sou lagona, ma lau
vaai i le fetamoea‟i ai o tagata ina ua logo mai o le galu
lolo o le a sau.
2. Faamatala mai i au lava upu le mea na tupu i le tami o
Noa.
A‟OA‟OGA:
1. Ia ola sauniuni i taimi uma.
2. Ia „aua le maumaua lou taimi i mea le aoga o le olaga.
Ia Ola ia Keriso, o lau sauniuniga lava lena mo lou
lumanai manuia.
3. Ia fa‟aaoga tatau lou ola, ina ia fua mai i galuega lelei.
E iloa ai foi, o lo‟o e iloa lelei le faailoga mulimuli e pei
ona fetalai mai ai Iesu, “Ia mataala”.
PESE: 122 Pese ma Viiga.
…………………………
ASO SA: 18 SETEMA 2011
MATAUPU: AGELU I LE FEAGAIGA TUAI
SINI: Ia malamalama lelei le vasega, i le uiga
ma le tulaga o agelu i le Feagaiga Tuai.
TUSI FAITAU: Salamo 91: 11 – 16
FESOASOANI:
1 Agelu ma lona Uiga:
O le vaega o le foafoaga aoao a le Atua. Ua faia mo le
faamoemoe ia fai ma „ave feau ma auauna a le Atua. Ona o lo
latou nofoaga o le afioaga o le Atua, o le mea lea e tulaga „ese
mai ai lo latou tino mai, e ese mai le tagata. E paia, mamalu,
ma e pupula mai lo latou tino mai le malamalama o le Atua.
Agelu i le gagana Eperu o le “malak”, a o le gagana Eleni o le
“angelos”, ma e tutusa lelei o la uiga. O agelu e galulue ma
faia a latou faatinoga, faatatau tonu lava i le faataunuuina o le
finagalo o le Atua mo le lalolagi.
A o ia faalagiga e lua i le Eperu ma le Eleni e mafai foi ona
faalagi ai tagata ua valaauina, ma filifilia e le Atua mo le
faataunuuina o lona finagalo paia mo le lalolagi (1 Tupu 19: 2;
Luka 7: 24).
2. Agelu i le Feagaiga Tuai
E amata mai lava i le amataga o mea uma, o agelu o le vaega o
le afioga paia o le Atua. Na faia e le Atua i le amataga o le
foafoaga ma o i latou o molimau ola ma le mautinoa, a o
feagai le mataisau o le Atua ma le foafoaina o mea uma
(Salamo 148: 2, 5 – 6; Iopu 38: 7). O agelu o agaga lava i
latou i lo latou natura, peitai, e iai foi taimi e tino mai ai i
tagata. E ui ina paia i latou, ae e iai taimi e amio ulavavale ai,
ma ua le tala feagai ai ona fai ma agelu, ma tutu i luma o le
Atua, ma fai ma ana auauna. Ai lava o amio faapea na tuliesea
ai satani ma le afioaga o le Atua, e ui ina leai se molimau a le
Tusi Paia e uiga i lea mea. O agelu e vaaia lo latou tino mai, o
ni tama, po o tamaloloa, a e leai lava se agelu e iloa lona tino
mai o ni tamaitai.
O lea lava le ituaiga foliga mai o agelu, peitai, o le faamoemoe
lautele lava o agelu, o le faailoa ma faamapuepue le finagalo
paia ma le galuega a le Atua mo le lalolagi.
3. Salamo 81: 11 - 16
O le talitonuga foi lea o le fai-Salamo e pei ona ia faailoa mai i
le vaega o le Salamo ua avea ma mataupu o lenei Aso Sa. O
tagata paia, ua faatuatua mauaa, ma faalagolago i le Atua, e
malu lava i latou i lalo o paolo o aao mafala o le alofa o le
Atua. O a mea mata‟utia e lamatia ai le ola faatino o le tagata
ua mausali le faatuatua, e poloai le Atua i ana agelu latou te sii
ma tausi faapelepele ia te ia. E leai lava se mea leaga e satia ai
le ola. E oo lava i manu feai, o leona, asipi, leona taanoa ma le
taanimo o agelu lava i o latou tino le vaaia, e ulufia ai le tagata
faatuatua e mafai ai ona soli i ona vae ia meaola mata‟utia.
O le oo mai foi o le valaau alofa a le Atua i tagata faatuatua, o
agelu lava e fai ma fofoga momoli mai o le Atua. Aemaise ai
lava le iai o le tagata faatuatua i le ogatotonu o puapuaga i le
ola ua tauemua, ma ua le amanaiaina. O le galuega lava a
agelu ia faaolaina ma faamamaluina, o le taui mai le Atua ina
ua iloa ma malamalama i le Atua.
O le agelu foi e tali mai e fai ma fofoga o le Atua i taimi o
puapuaga. E faaoo mai le aao lavea‟i, ma faailoa i luga o le
tagata faatuatua le mamalu o le Atua.
O faamanuiaga uma mai le Atua mo le tagata faatuatua, e
momoli ma faataunuuina e agelu, e aofia ai le ola faafualoa
latou te faailoa mai. A oo ina taunuu e malie ai le loto. E latou
te faailoa mai foi le faaolataga a le Atua.
O mea uma ia ua tolaulau mai e le fai-Salamo e faaoo mai ia te
ia i lona ola faatino i lenei lalolagi, o agelu lava latou te
faaooina mai, ma manuia ai le tagata faatuatua.
4. Agelu faatatau i taimi nei
Ua tatou le toe molimauina i nei taimi, ni agelu e auina tuusao
mai le Atua. Aua foi, o lea ua tatou mafuta faatasi ma le Atua
i aso uma, e ala i le galuega lilo auai mai o le Agaga o le Atua.
Le Agaga o le Atua na liligi ifo i luga o ona faatuatua i le aso
Penetekoso, ma faavaeina ai le ulua‟i Ekalesia.
O le Agaga lea o le Atua, e galueaina le tagata ma feliuaina e
fai ma agelu, e avea ai ma ave feau o le Tala Lelei mo tagata
uma. O lona uiga o i latou uma ua valaauina, ma filifilia e le
Atua, e folafola lana Tala Lelei i nuu uma, o i latou foi na o
agelu. So o se tagata e faia se galuega alofa mo le lelei o isi
tagata, o i latou foi o agelu.
Uiga o Upu ma Fuaiupu
i) asipi (f 3) - gata
ii) leona taanoa (f 13) - leona
iii) taanino (f 13) - talako po‟o le manu feai mai le sami
iv) faafualoa (f 16) - faaumiumi
FAATINOGA O LE MATAUPU
1. Faailoa le mataupu.
2. Faitau le Tusi Paia
3. Toe faamatala le tala, i ni au upu faigofie.
GALUEGA FAATINO
1. Tusi mai se ata o le agelu e ta‟u mai ai lou iloa o foliga
o agelu.
2. Faamatala mai galuega a le agelu e auauna ai i le Atua.
A‟OA‟OGA
1. Ia fiafia e fai ma agelu
2. Ia e naunau e fai galuega lelei mo isi tagata, e taua ai oe
o le agelu.
3. Ia e ava i agelu ma usitai iai e pei o faifeau.
4. Ia e malamalama o le agelu o le ave feau a le Atua.
PESE: I have a dream
……………………………
ASO SA: 25 SETEMA 2011
MATAUPU: AGELU I LE FEAGAIGA FOU
SINI: Ia malamalama lelei le vasega i le uiga o
agelu i le Feagaiga Fou, ma a latou
faatinoga.
TUSI FAITAU: Luka 22: 39 – 46 (Faiaoga)
22: 43 – 46 (Tamaiti)
FESOASOANI:
1. Agelu i le Feagaiga Fou
E leai se feteenaiga ma se fe‟eseeseaiga i a‟oa‟oga a le
Feagaiga Tuai ma le Feagaiga Fou, e faatatau i le ola faatino o
agelu, e pei ona taua soo i le mataupu o le Aso Sa talu ai, o
agelu na mua‟i i ai lava i le amataga o le foafoaga. O agelu
lava foi na latou muai faailoa mai le tafa mai o ata o le aso fou,
o le Alofa Tunoa o le Atua mo le lalolagi i le fanau mai o le
Faaola o Iesu Keriso.
I le amataga lava o le Feagaiga Fou, o agelu lava na muai
faailoa mai le faaolataga a le Atua mo le lalolagi uma. Ua
fa‟aali ia Sakaria le fanau mai ia te ia, o le tama na te teuteu
ma faalaulelei le ala mo tagata uma, aua le afio mai o le Pepe o
le Faaolataga. O agelu lava na latou tautino atu ia Iosefa ma
Maria, ua filifilia i laua e le Atua e auala mai ai i le lalolagi
lana faaolataga, e ala i le fanau mai o lona Alo Pele o Iesu. O
le agelu na ia faailoa i le au leoleo mamoe i le pupula
faataliolio mai o le pupula o le Alii, ma fai mai, „Aua tou te
matatau, aua faauta, ou te au mai ia te outou le tala lelei o le
olioli tele e oo mai i nuu uma. Ona sosoo mai ai lea ma le oo
mai o le au agelu o „au mai le lagi, ua vivii i le Atua, aua ua
taunuu lona faamoemoe alofa mo le lalolagi.
O agelu na auina mai e auauna ia te oe faafouina le malosi o
Iesu ina ua mae‟a le taua ma le tiapolo, auā e le‟i faalagolago
Iesu i agelu, a o lona faatuatua ma talitonu i lona Tamā, o le
Malosi Sili. E felanulanua‟i tiute tauave o le agelu, o amapasa
o le Malo o le Atua, e aumaia ma faailoa mai le Tala Lelei, e
momoli mai le olioli ma le fiafia o le Atua i ona tagata
faatuatua. E auina mai foi e aumai le malosi fou i taimi e oo
mai le vaivai i ona tagata. E leoleo, tausi, puipui ma lavea‟i
mai tagata o le Atua, ne‟i faaumatia lo latou ola. E matuā
malu puipuia lava tagata o le Atua, i le galuega faaleoleo a
agelu.
2. Agelu i Taimi Puapuaga o Iesu:
Ua tatou malamalama nei e matuā malu puipuia lava, le tagata
faatuatua i le galuega puipui a agelu. Peitai, i le vaega o le
Tusi Faitau o le tatou mataupu, ua tatou iloa ai, e le i mafai e
agelu, ona faaoo atu le latou galuega leoleo, tausi, ma puipui
mai Iesu i le oo atu i ona puapuaga.
Ua agai atu Iesu e fetaia‟i ma puapuaga ogaoga ua aga‟i mai.
Ua silasila mamao atu faalemafaufau i tiga mata‟utia o le a ia
tauaveina, ona atu ai lea o lona finagalo. O so‟o se tagata ola
lava e oo iai ia faigata, e le maua sona filemu. A o ai lava, e i
ai se loto tele na te mafaia ona onosaia tigā o puapuaga, e pei o
mea matautia ma le matuia na oo ia Iesu. Fai mai ina ua oo i le
mauga o Olive, ona toatuli ai lea o Ia ua tatalo. Lo‟u Tamā e,
ae finagalo i ai, ia e ave ese lenei ipu ia te a‟u; ae „aua le faia
lo‟u loto, a o Lou finagalo.
O Iesu ua leva ona mafatia Lona finagalo, le mafaufau, loto ma
le agaga i Lana galuega faaola, ae tali mai tagata i le taufaifai
ma le lē talitonu. E faailoa atu le alofa, ae faafetaui mai ile fia
fasioti. Ua tauau ina masofa le tagata i totonu o Iesu, a o lea
foi o le a agai atu, i le faamo‟amo‟aina o Lona tino i mea
matautia le tigā o faatalitali.
Talofa e, ua na o le agelu ua fa‟aali mai le lagi, ua faamalosi ia
te Ia. Ua na ona aumai o le malosi e le agelu mai lona Tamā, e
mafai ai ona tauaveina tigā, ae ua le mafai e le agelu ona
leoleo, ma tausi ma malu puipuia ma lavea‟iina mai Iesu, i nei
puapuaga mata‟utia ua agai mai. Fai mai, ua atili lana tatalo,
auā ua mafatia lava Lona loto. O le faailoga o le loto ua matuā
puapuagaina, ma nutimomoina, ua afua ai lona afu e pei o
alualu toto.
Ua ataata mai ia Iesu lava ia, e le faamoemoe ma faalagolago i
agelu. E atoa le faatuatua o Iesu i lona Tamā ma Lona
finagalo. O le fa‟aali mai o le agelu e aumai le malosi mo ia
mai i Lona Tamā, o le tali lea o lana tatalo. Ua mautinoa e
Iesu ua finagalo Lona Tamā ia faaolaina tagata uma e ala i
Lona ola ositaulaga. O isi mea mulimuli mai, ua tu‟u i le
faatuatua i lona Tamā. O le a‟oa‟o mai foi lea a Iesu mo i
tatou, ia tatou faatuatua maua‟a i le Atua, o Ia lava e aumai
sa‟o le malosi ma lo tatou faasinomaga i ana feau ua Ia
valaauina i ai i tatou. Tatou te fetaia‟i ma mea fitā „ese‟ese o
lenei olaga, e i ai taimi e le ma‟alofia, ma oo mai lava. Peitai
lo tatou malosi ma le filemu, i le faatuatua ua faavae papa i le
Atua, a e lē o agelu, auā e pule Iesu i agelu.
Uiga o Upu ma Fuaiupu: (i) togi o le maa ona mamao (f 41) - uu ma togi le
maa i le masau e gata ai. A e alu su‟e ma maua
o le mamao lena o loo faamatala i le Tusi Faitau
(ii) ipu (f 42) - o puapuaga na tauave e Iesu.
(iii) afu foi e pei o alualu toto - ua le suavaia le afu,
a ua afu mai o le toto ua pa‟u potopotoi mai.
FAATINOGA O LE MATAUPU
1. Faailoa le Mataupu.
2. Faitau le Tusi Paia.
3. Toe faamatala le tala i ni au upu faigofie.
GALUEGA FAATINO
Faatino le Tala
A‟OA‟OGA:
1. Ia faamaoni i lo outou a‟oa‟oina, e fai ai outou ma agelu.
2. Ia ava ma alolofa i isi tagata, auā tatou te leiloa po o ni
agelu.
3. Ia faatuatua i le Atua, ae lē o agelu.
PESE: E paia (Tiamaa)
……………………….
ASO SA: 23 OKETOPA 2011
MATAUPU: IA MAUOLOA I LE ATUA
SINI: Ia iloa e fanau, o le mauoloa i le Atua, o
le ogatotonu o le faatuatuaga o le tagata i
le Atua, ae le o le oa o le lalolagi.
TUSI FAITAU: 1 Timoteo 6: 11-21
FESOASOANI:
O Timoteo ua tofia o ia e taitai le Ekalesia i Efeso. O le vaitau
tonu lea o le maualuga o le tamaoaiga o le tele o aai o Asia
ititi, lea e i ai ma le aai lenei o Efeso, i na ona po. Ma o le
Ekalesia i Efeso, o loo i ai le tele o tagata mauoa ma tamaoaiga
o le lea aai(ftt fuaiupu 17). O Timoteo o se faifeau laititi pe
talavou lona matua i le tino, i tala i le au aposetolo faauuina o
le uluai Ekalesia. E ta‟ua o ia o le atalii faaleagaga o le
aposetolo o Paulo. I le tulai mai o Timoteo i le faiva o le
aposetolo, e le‟i mapu ai Paulo i lona faamanatu pea ia te ia, o
le olaga ma le amio, e ao ona ia ola ma savali ai, e tusa ma
lona valaauina.
O le mataupu lenei e ono(6), o le vaega mulimuli lenei o le
uluai tusi a le aposetolo i lona atalii faaleagaga o Timoteo. O
loo faai‟u ai apoapoaiga a Paulo e uiga i le oa o le lalolagi nei
ma ona aafiaga leaga ma mataga, pe afai ae avea ma mea e
faasili ma faamuamua i le loto ma le olaga o le tagata.
Aemaise ai o le tofiga ua tofia i ai Timoteo, o le avea ma taitai
po‟o le faifeau i le Ekalesia.
1Timoteo 6 : 11-16.
Ina ua uma ona tolaulauina e Paulo aafiaga leaga e taunuu i ai
le tagata e naunau i le oa ma le manao tele i le tupe, pei ona
ta‟ua i le fuaiupu e 9 ma le 10. Ona apoapoai tuusao loa lea o
le aposetolo ia Timoteo, ina ia sola ese o ia ma le ola manao i
le oa. A ia tausisi pea ma tumau i le amiotonu, le amio Atua, o
le faatuatua, o le alofa, o le onosai ma le agamalu. O le
faanaunauga o le aposetolo, o le feagai o Timoteo ma le
tausiga o le Ekalesia, ia aua lava ne‟i fia mauoa i le oa pe
manao foi i le tele o tupe na te maua mai i le galuega. A ia
mauoloa pea i ala o le Atua, e mafai ai ona ia tau le taua lelei i
la le faatuatua, aua e taunuu i le manumalo i le ola faavavau.
Ia tumau pea lona faatuatua i le Atua o le faaola i mea uma (f-
13e), ma ia taofi mau i lana tautinoga lelei, faapei o Iesu i lana
tautinoga i luma o Ponotio Pilato( Mataio 27:11-26; Maeko
15:1-15; Luka 23:1-15; Ioane 18:28-19:16). O le manatu o
Paulo, afai ua tautino e faaaoga lona ola i le feau ma le galuega
a le Atua, ia taofi mau ina ia aua lava ne‟i ta‟uleagaina, seia oo
i le toe faaali mai o Iesu Keriso. Ua laulau e le aposetolo
vaaiga ofoofogia ma le matautia o le Atua, e faailoa ai ia
Timoteo, e leai lava se mea e faigata i le Atua, e oo lava i le oa
ma le tamaoaiga faalelalolagi, o mea uma ia mai le Atua(f-
15&16).
1Timoteo 6 : 17-19. O le a‟oa‟oga lea e manao Paulo e a‟oa‟o atu e Timoteo i
tagata. Ia aua le faamaualuluga e mauoa i lenei olaga, ma aua
foi le famoemoe i le oloa aua e le tumau, a o le Atua soifua.
Aua o mea uma o loo ola ai le tagata, o mea e foai mai e le
Atua. E lelei le oa, ae leaga ona tu‟inanau i ai le ola o le
tagata, ne‟i faamoemoe ma faatuatua i ai. A ia aoga le oa, e
alofa ma agalelei atu ai, fai ai galuega lelei, ia mataalofa ai ma
ola faasoa atu ai, ina ia maua e tagata uma le ola moni.
Ua faai‟u upu a le aposetolo i lana augani faatama i lona atalii
faaleagaga, ina ia „alo‟alo ese i upu leaga ma le le aoga, ne‟i
sese ai lona faatuatua faapei ona sese ai le faatuatua o nisi.
O le mauoloa i le Atua, tatou te le tu‟inanau ai i le oa, tatou te
le pa‟u‟u atu ai i le malaia.
Uiga o Upu:
1. “…le tagata o le Atua e,…”- e faasino ia Timoteo.
2. Ponotio Pilato - o le igoa o le kovana Roma na
vaaia tofia e le emeperoa(emperor) e galue i Ierusalema.
3. “…..le pona…”- e le ta‟uleagaina; pe ta‟uvalea.
4. “….mata‟uleagaina..”- ia le ta‟uvalea pe faalumaina
“….igoa pepelo ai le iloa..”- e ta‟upepeloina le tofi Aposetolo
ma a‟oa‟oga faakerisiano, pe a tautala i upu leaga ma le le
aoga.
FAATINOGA O LE MATAUPU:
1. Faailoa le Autu o le Mataupu.
2. Faitau le Tusi Paia.
3. Faamatala le Mataupu.
GALUEGA FAATINO:
Tali mai Fesili.
E lelei pe leaga le oa?
(e) Tusi mai mea e lelei ai pe afai o lau tali e lelei. Tusi mai
foi mea e leaga ai pe afai o lau tali e leai.
Tali: 1. E lelei.
(e) E lelei aua o meaalofa a le Atua e aoga mo le tagata.
Aemaise ai pe a agalelei ma alofa atu ai i le tagata o
loo fia maua le fesoasoani. Ia aua foi nei faamoemoe
ma faatuatua i ai le tagata, a‟o le Atua, aua o ia na te
foai mai mea uma.
O le a le olaga e mana‟o Paulo ia mauoloa ai Timoteo?
Tali: Ia tausisi i le amiotonu, ma le amio Atua, o le
faatuatua, o le alofa, o le onosai ma le agamalu.
O le a le manao o Paulo ia Timoteo mo tagata?
Tali: Ia fai atu i tagata mauoa i lenei olaga, e aua le
faamaualuluga ma faamoemoe i le oa e le tumau, a ia
faamoemoe i le Atua. Ia avea le oa ua latou maua, latou te
agalelei ma alofa atu ai, ia latou fai ai galuega lelei, ia
mataalofa ma faasoa atu i nisi.
PESE:
Love is something that you give it away x3.
Alofa o se mea e te faasoa atu x3.
A‟OA‟OGA:
1. E lelei le oa, ae leaga pe a mana‟o tele i ai.
2. Aua le faatuatua i le oa, ae faatuatua ma faamoemoe i
le Atua.
………………………
ASO SA: 30 OKETOPA 2011.
MATAUPU: E FAAPEFEA ONA AVATU LE
FAAFETAI.
SINI: Ia malamalama le vasega, o meaalofa
uma e foaiina mai le Atua, e ao ai i le
tagata ona fa‟afetai i le Atua, i ana
galuega e ofoina mo le
Atua, ma mealofa ua ia maua.
TUSI PAIA: 1 Nofoaiga Tupu 29: 10-19.
FESOASOANI:
Ua uma ona faailoa e le tupu o Tavita i lona nuu atoa, o lona
atalii o Solomona ua tofia e le Atua e faia le Malumalu mo Ia.
Ua ia faailoa foi ia Isaraelu ana oloa uma e ofoina atu mo lea
galuega, o auro ma ario eseese e tele ma le matagofie. Ua foai
atu foi e alii sili ma tagata mautofi o le nuu uma o Isaraelu a
latou auro ma ario, o tareki ma apamemea, o taleni ma uamea
atoa ma maa taua, aua le galuega o le Malumalu.
Ona fai lea o le faafetai a le tupu o Tavita i le Atua i luma o le
faapotopotoga o Isaraelu. O le faafetai i le Atua ina ua mafai
ona maua le loto atu o Isaraelu e faitaulaga ai, aemaise ai, o le
faafetai i le Atua, aua o mea ua latou ofoina atu mo le galuega,
o mea mai ia te Ia(12-15).
O loo faailoa i le faafetai a Tavita, lona loto faamaulalo, aua e
ui o oloa taugata ma matagofie, ae ua ia tautino lava, o mea ia
a le Atua. Ua ta‟utino i le Atua le faamaoni o le loto o Tavita,
ua ia foaiina ai nei oloa uma ma lona loto fiafia, ua ia vaai foi
ma le fiafia i lona nuu, ina ua nonofo atu e faitaulaga ia te ia
ma le loto. Ua faaiu le agaga faamanu ma faafetai o le tupu, i
lana olega i le Atua, ina ia faatumauina le loto atu o ona tagata
i o latou manatu ma mafaufau ia te Ia, e ala i le galuega a faia.
Ua le gata o lona nuu, a ua valaau foi i le Atua, ina ia avatua i
lona atalii o Solomona le loto atoa, e tausi ai ana poloaiga, o
tulafono ma ona sauniga, ma ia faia le Malumalu ua ia amata
tapenaina.
O le faafetai a le tupu o Tavita, e faia ma le loto faamaoni ma
le loto fiafia i le Atua. E faia ma le loto maulalo, aua e le ona
o mea ua latou ofoina atu, a‟o le Atua na ia foaiina mai. O le
faafetai e faia ma le loto faatuatua, ina ia faatumauina pea le
loto faafetai o ona tagata ia te Ia, ina ne‟i vave ona mavae ma
aveesea.
E tele itu taua ua tatou maua i le faafetai lenei a Tavita. O le
faafetai e faia ma le loto atu atoa, o le oto faamaoni, o le loto
fiafia ma le agaga faamoemoe ma faalagolago pea i le Atua. O
mea lelei uma e loto le tagata e ofoina atu mo le Atua, o le
faailoga lea o lona loto faafetai i le Atua ma lona alofa
faamaoni, pei ona faailoa e le tupu o Tavita i lana faafetai.
Uiga o Upu ma Fuaiupu:
(1). Faamanu - o le vivii ma faafetai
(2). “Aua o tagata ese i matou i ou luma, ma e aumau….O
matou nei aso i le lalolagi e pei o se ata, e leai foi se
faatuatuaga…”
- o upu ia a Tavita e iloa ai lona faamaulalo ma le
faatauvaa o le tagata. Ae o loo faailoa ai le faatuatua ma
le faalagolago o Tavita i le Atua, aua e leai se mafai o le
tagata pe a aunoa ma Ia.
FAATINOGA O LE MATAUPU:
1. Faailoa le Autu o le Mataupu.
2. Faitau e Tusi Paia.
3. Faamatala le Mataupu.
GALUEGA FAATINO:
E manaia pe a faatino e le vasega le tala o loo i le Tusi Faitau.
- Ia filifili se tama e fai ma tupu o Tvita.
- Ia faaaoga uma le vasega e faatino le itu a le nuu.
- Ia faia i le agaga o loo aumaia i le Tusi Faitau, a ia
faafaigofie le gagana e tautatala ai.
PESE: Where the Spirit of the Lord is, there is Love.
O fea lava e i ai le Agaga, e i ai le alofa.
A‟OA‟OGA:
1. O le loto faafetai, e faailoa i lou faasoa atu o meaalofa
ua ia te oe mo le isi ou uso a tagata.
2. Ia faafetai ma le loto faamaoni ma le fiafia i le Atua.
………………………
ASO SA: 06 NOVEMA 2010
MATAUPU: FAAFETAI INA UA FAAMAMAINA
SINI: Ia aoaoina le vasega ina ia iloa e ao
ona faafetai i soo se mea e faia e le
Atua, ma soo se tagata mo i tatou.
TUSI FAITAU: Luka 17: 11-19
FESOASOANI MO FAIAOGA:
1. Tala:
O le tala lenei i lepela e to‟asefulu na o ane ia Iesu mo se
laveai. Ua agai atu Iesu i Ierusalema, e ui atu i Samaria ma
Kalilaia. O le va o nei aai na latou fetaiai ai ma lepela e
to‟asefulu, o loo latou tutu mamao mai ma tauvalaau mai ia
Iesu mo se fesoasoani. Ona fetalai atu lea o ia ia tei latou, ina
ia latou o ma faaali atu i latou i ositaulaga.
O le molimau a Luka, fai mai ua latou o, ona faamamaina lea
o i latou. Peitai o le tasi tagata o le toaiva na faamaloloina, ua
ia toe foi mai, ma alaga ma le leo tele, ua vivii i le Atua. O ia
foi ole Samaria, o tagata ua faaigoaina e le „au Iutaia o “tagata
o nuu ese”. Ua ia faapa‟u fao i aao o Iesu ma faafetai ia te
ia.(Luka 17:16) Silafia lelei e Iesu, o ia o le Samaria, o lea na
ia fetalai atu iai, “E le‟i faamamaina ea le toatinogafulu? A‟o
ifea le to‟aiva? Ua le iloa ea ni e toe foi mai e vivii i le Atua,
na‟o lenei tagata ese?(Luka 17:17,18) O lea na fetalai atu ai lea
o Iesu ia te ia, “Ina tulai ia, ina alu; o lou faatuatua ua e malolo
ai”.(Luka 17:19)
2. Faamaloloina o lepela.
E tulaga ese le faamaloloina o lepela nei e to‟asefulu, mai isi
galuega faaola a Iesu. Aua e le‟i fetalai ai Iesu e malolo, a ua
ia fetalai atu iai ina ia o ma faaali atu i latou i ositaulaga. O le
faailoga o le Silisili ese o le mana o le Atua. E le gata ua latou
malolo ai, a ua faatonu e Iesu ia o ma faailoa i latou i
ositaulaga. Aua o i latou ia o loo sili ona tetee i le galuega
faaola a Iesu. O taitai o le lotu Iutaia, latou te le talia o Iesu o
le faaola o le lalolagi, o le Mesia na valoia. O le uiga lea o le
fetalaiga a Iesu, ina ia faailoa i ositaulaga le Silisili ese ole
mana faamalolo o le Atua ua tauala atu ia te ia. O le
faamaoniga lea o le avea ai o ia ma Faaola mo tagata uma.
3. Lepela e to’atasi
E le o ta‟ua mai e le molimau a Luka le nuu e omai ai lepela e
to‟aiva, peitai ua na o le lepela na toe foi ane ia Iesu. O ia o le
Samaria, o le tagata ese, a ua ia te ia le agaga o le faafetai, e ao
ona toe faafoi I le na maua mai ai lona fesoasoani ma lona
laveaiina. O le faailoa o le tagata ua tuu atoa isi mea o loo
manatu ai, ae faamuamua le faafetai, e ao ona ave i le Atua. Ua
tiai le fia oo ile aiga, ma le toe fia foi e faailoa o ia I ana uo ma
tagata o lona nuu, a ua faamuamua le viiga ma le faafetai ia
faaoo ia Iesu, aua ua maua ai lona mapusaga mai lea ma‟i
faigata.
4. “o lou faatuatua ua e malolo ai”(Luka 17:19)
O le fetalaiga a lea a Iesu ua faamaonia ai le faamaloloina o
lenei lepela Samaria. Ua le gata ua faaailoa ai le silafia e Iesu o
le faatuatua o lenei tagata, a ua faaopoopo atu ai ma le isi
faamanuiaga a Iesu. E foliga ua faamaloloina faalua lenei
lepela. Peitai, o loo afifi atu I le fetalaiga a Iesu, ua le gata ina
faamamaina le lepela o lenei tagata, a ua faamamaina foi lona
loto, ma lona agaga. O lona uiga, ua faamaloloina lenei lepela,
e le gata o le tino, ae faapea foi le loto, mafaufau ma le agaga.
O le faailoga o le tagata ua iai le naunau e ofo atoa le ola mo le
Atua. O le ata manino foi o le Atua, e o‟oo‟o lana faamalologa
mo le tagata. E manaomia ai le tagata atoa, ma le tagata ua ia
faagaogoa ia te ia lava, ae ua mausali le faatuatua, ma talitonu
ma le mautinoa e maua ia Iesu lona faamaloloina.
5. Faafetai.
O le upu ua tatou masani ai i la tatou aganuu. E faaaoga e
faaali ai le agaga fiafia, ma le loto ua faamalieina i se mea
lelei, ma se mea matagofie ua faia e se isi tagata mo i tatou.
Ole agaga foi lea na faia ai e le lepela lea gaioiga, aua ua mu le
loto, ua faatumulia le tagata atoa i le fiafia, aua ua tali Iesu i
ona puapuaga. Ua soloia e Iesu le pa puipui o ia ma le lautele o
le sosaiete, aua ua faamamaina. Molimau a Luka, fai mai, ua
faapa‟u fao i ona vae. O le faailoga o le tagata ua faaitiiti ifo ia
ia te ia, a ua tuu atu lona ola mo Iesu e pule ai.
E faapena foi tatou le fanau, aua nei galo, ona ave le faafetai, i
le Atua i mea ua ia faia mo oe. Ia manatua ona ave le faafetai i
soo se tagata e agalelei, ma faia se galuega alofa mo oe, poo au
uo, poo lou aiga foi. O le upu e malie ai le loto o soo se tagata
e na te faia mea lelei mo lo tatou ola. O le upu foi e tali atu ai i
le alofa tunoa ma le agalelei faifai pea o le Atua mo tatou I aso
uma.
FAATINOGA O LE MATAUPU
1. Faailoa le mataupu i le fanau.
2. Faitau le Tusi Paia, ma faamalamalama ni upu e le iloa e
le fanau o latou uiga.
3. Faamatala le tala i le fanau, e pei ona tuuina atu i
fesoasoani.
GALUEGA FAATINO
1. Ia tusi se solo, i le ulutala, “FAAFETAI LE ATUA”
2. Ia fuafua e le faiaoga le aofai o parakarafa o le solo.
PESE: Pese 92 (Pese ma Viiga)
E toasefulu lepela na o.
A‟OA‟OGA
1. Ia manatua lau faafetai e ave i soo se tagata e faia se
galuega lelei, pe agalelei foi ia te oe.
2. O Iesu, tatou te maua ai le mapusaga i o tatou ma‟i, ma
tiga uma.
3. Mafuta i le Atua i le tatalo i aso uma, ma faaali ai lou
agaga faafetai i mea uma ua ia faia mo oe i aso taitasi.
…………………………..
ASO SA: 13 NOVEMA 2010
MATAUPU: FAALATAINA I LE KISI
SINI: Ia aoaoina le vasega ina ia iloa, e le
fiafia Iesu I le tagata e ola tau faalata.
TUSI FAITAU: Mataio 26:47-50
FESOASOANI:
O le tala masani lenei tala i le faalataina o Iesu e Iuta, e pei ona
molimau ai Mataio. Ua foi ane Iesu sa tatalo, ae maua atu lona
„au soo o loo momoe. Ua ia fetalai atu ia te i latou ina ia latou
tutu ia i luga, aua ua latalata mai le na te faalataina o ia.
A‟o fetalai atu o ia ia te i latou, na faafuasei ona lolofi ane
tagata e toatele, o ositaulaga sili ma toeaiina o le lotu Iutaia. E
oo ane nei tagata ia Iesu ma lona au soo, ua leva ona silafia e
Iesu le mea o le a tupu. O mea uma nei sa folafola e Iesu mo
lona au soo ina ia mataala ma sauniuni ai.
Ua tuuina atu e Iuta le faailoga i le au ositaulaga ma toeaiina e
ala i le kisi, poo le sogi, i le tagata latou te pueina. O upu
taufaalata a Iuta ia Iesu, na iloa ai le lototele ma le to‟a o lenei
soo e faia lenei gaioiga ia Iesu. “Rapi e, si o‟u alofa” (Mataio
26:49). O upu a le tagata ua masani i le faalata, ma le tau
faa‟ole‟ole, pepelo, ma le tau faavalea.
Ua faaaogaina e Iuta le faailoga, e masani ona faaaoga e
tagata, e feiloai fiafia ai ma ofo alofa ai le tasi i le isi. O se
gaioiga foi e iloa ai le alofa ua mafanafana, ma alofa ua o‟oo‟o
i le va o se faigauo. A‟o lea ua matuia le faia e Iuta e le gata ua
faalata ai le Alii Faaola, a ua iloa ai foi e tagata nei le tagata e
ao ona latou pu‟e. O le sogi a le tagata le alofa, le tagata ua
naunau i le oa. Ua galo nimo ia Iuta aoaoga a Iesu na tuuina
atu mo i latou. O loo manino ma foi i nei gaioiga, e le‟i liliuina
lava le loto o Iuta e avea ai o ia ma soo o Iesu, a ua na o se
tagata sa faafoliga lona iai i totonu o le au soo filifilia a le Alii.
O le tagata na ulutinoina e Satani e pei ona molimau ai
Ioane.(Ioane 13:27) Aua ua fetalai atu iai Iesu, “O le ou te
avatu iai sina mea e ai, pe a uma on aou fuia, o ia lea”. (Ioane
13:26)
E le‟i iu lelei Iuta ma lona faalataina e Iesu, aua na toe salamo
ane, ae ua tuai. O lea na ia tautau ai ia te ia ma oti ai.(Mataio
27:5)
E faapena foi le iuga o i tatou le fanau pe afai tatou te ola i se
olaga tau faalata. Tatou te fetaiai lava ma puapuaga, ona o ni
mea leaga ua tatou faia. Peitai, a tatou ola i se olaga alofa, ma
loto fesoasoani, ona tele lava lea o faamanuiaga a le Atua mo i
tatou. Manatua, e le o se mea lelei le ola tau faalata, tau
faasese, faa‟ole‟ole, pepelo ma isi uiga faapena. Aua afaia
tatou te faia ia uiga, ua tatou faalata lava ia Iesu la tatou uo. O
uiga uma foi ia, e oo mai ai faigata ma mala ia i tatou.
Ola i se olaga mama, faamaoni, loto maulalo, ae ia sili ai o le
alofa, i soo se tagata, aua e fiafia mai ai Iesu iai tatou.
FAATINOGA O LE MATAUPU
1. Faailoa le mataupu i le fanau.
2. Faitau le Tusi Paia, ma faamalamalama ni upu e le iloa
e le fanau o latou uiga.
3. Faamatala le tala, e pei ona tuuina atu i le fesoasoani.
4. Toe fesili i le fanau e uiga ile tala, ma ni mea e le o
malamalama ai.
GALUEGA FAATINO
1. Ia taumafai le vasega e faatino le tala, o le Faalataina
o Iesu, e pei ona molimau ai Mataio.
2. Filifili ni tagata autu o le tala.
(Iesu, Iuta, soo, ositaulaga, toeaiina)
PESE
Le Alofa o le Atua e ofofogia.
A‟OA‟OGA
1. Ia usiusitai i matua e manuia ai.
2. O le alofa o Iesu, e tumau mo tagata uma.
3. E leaga le ola taufaalata, e oo atu ai mala ma puapuaga.
4. Alofa i le lua te tuaoi, aua o lou alofa lava lena ile
Atua.
…………………………..
ASO SA: 20 NOVEMA 2011
MATAUPU: O LE PULE FAATUPU A IESU
SINI: Ia malamalama le vasega, ua tuuina atu
e le Atua, le pule faatupu ia Iesu, ina ia
pulea ai mea uma o i le lagi ma le
lalolagi.”
TUSI FAITAU: Mataio 28: 16 – 20
Ona maliu ane ai lea o Iesu, ua fetalai
atu ia te i latou, “Ua tuuina mai ia te a‟u
le pule uma lava i le lagi ma le
lalolagi.”
FESOASOANI MO FAIAOGA:
O le faamamafa o le tatou mataupu i lenei Aso Sa, o le „pule‟
(authority) ua tuuina atu i le Keriso manumalo, na te pulea ai
mea uma lava i le lagi ma le lalolagi. I le gagana faa-Samoa, e
uiga lasi le upu lenei o le „pule‟
O le „pule‟ e mafai ona faauigaina, o se “meatotino” a se
tagata, po o se aiga, po o se nu‟u, e mafai foi ona faauigaina, o
le faatonuga po o le aiā a se tagata. I le gagana faa-Samoa, o
le „pule‟ faa-matai, e pulea ai tagata aiga ma nuu, o le pule e
faatatau i le lotoifale o le aiga ma le nuu, ae faapea foi le
atunuu. O le ala foi lea e i ai le taofi e faapea: “Ua tofia e le
Atua matai e pulea Samoa”. Peitai, o le tatou Mataupu i lenei
Aso Sa – O LE PULE FAATUPU A IESU.
O Iesu na faasatauroina i luga o le satauro mataga ma le inosia,
ua faapaleina nei i ona mamalu faatupu. O Iesu na maliu ma
sa tanumia i le tuugamau, o lea ua toetu mai, o le Keriso
manumalo. O le feiloaiga la a le Keriso manumalo ma lona
„ausoo, i luga o le mauga i Kalilaia, o lea ua ia fetalai atu ai ia
te i latou, - “Ua tuuina mai ia te a‟u le pule uma lava i le lagi
ma le lalolagi”.
O lona uiga, ua tuuina atu e le Atua le mana ma le pule uma
lava ia Iesu, e pulea ai mea uma o le foafoaga atoa, e le gata i
le lalolagi ae faapea foi le lagi. O le pule faatupu lea a Iesu, i
mea uma na faia e le Atua.
O le pule faatupu e iai le alofa ma le agalelei, o le pule faatupu
e iai le amiotonu faamaoni; o le pule faatupu e iai le filemu ma
le saolotoga. O le tatou Tusi Faitau i lenei Aso Sa, e masani
ona faaulutalaina ile gagana faa-Peretania, o le “Great
Commission” – o le Aauina atu sili”. E mafai foi ona tatou
faauigaina e faapea: O le pule ua tuuina atu i le Kerisiano
faamaoni mo le faatinoina, ma le fa‟aauauina o le galuega
faaola a Iesu i le lalolagi.
O le pule faatupu a Iesu i le lagi ma le lalolagi, e amata mea
lava i le loto o le tagata agasala, ua salamo ma le faatuatua
faamaoni. O le luitau lea mo le tatou vasega i lenei taeao, o le
Keriso manumalo, ua tuuina atu e le Atua ia te ia le pule uma
lava i le lagi ma le lalolagi. O lo‟o tu‟itu‟i mai i o tatou loto
ma agaga, ina ia o tatou tatalaina atu, ma ia fa‟aavanoaina mo
ia e ulufale mai ai, e fai ma tupu i lo outou soifua ma lo matou
ola, na te pulea ai o tatou olaga.
FAATINOGA O LE MATAUPU
1. Faailoa le Ulutala o le Mataupu ma faamalamalama.
2. Faitau le Tusi Paia i le Tusi Faitau filifilia.
3. Faamatala le tala e pei ona tuuina atu i le fesoasoani, i se
auala ua filifilia.
4. Tuliloa le Mataupu i fesili nei:
(a) O fea na feiloai ai le Keriso toetu ma lona au soo?
Tali: I le mauga i Kalilaia
(e) O le a le uiga o le “pule faatupu”?
Tali: O le pule (authority) ua tuuina atu i se ua fai ma tupu o
se nuu, atunuu, po o se malo.
(i) I le gagana Samoa, e uiga lasi lenei upu o le „pule‟.
Faamatala mai ni uiga o le „pule‟ o lo‟o e iloa?
Tali: (Tuu e lau susuga i le faiaoga le avanoa i le vasega e
fa‟aali mai ai o latou manatu)
(o) O le a le uiga o le pule faatupu a Iesu i lou lava olaga?
Tali: (Tuu e lau susuga i le faiaoga le avanoa e tali mai ai le
vasega i o latou manatu)
GALUEGA FAATINO:
Faamatala mai i se afa itulau ni a‟oa‟oga taua ua e maua mai i
le tatou mataupu – “O LE PULE FAATUPU A IESU”
PESE: 82 (Avatu i le tupu, viiga e tatau)
A‟OA‟OGA:
1. O Iesu o le tupu, o mea uma i le lagi ma le lalolagi.
2. Ia tatou taliaina Iesu i o tatou loto, na te pulea ai o tatou
olaga.
3. Ia tatou usiusitai ma le faamaoni i le pule faatupu a Iesu.
…………………..
ASO SA: 27 NOVEMA 2011
MATAUPU: O LE ATUA LAVA O IA, O LE
TUPU NA TE SAUNIA LE
FAAOLATAGA
SINI: Ia malamalama le vasega, na o le Atua
lava na te faia le faaolataga mo e o fia
maua le fesoasoani mai ia te Ia.
TUSI FAITAU: Salamo 24: 1 – 10
FESOASOANI MO FAIAOGA:
O le Salamo e 24, sa tusia lava e Tavita. O le salamo o loo
pese ai Tavita i le saga faatumauina o le malosi ma le
silisiliese o le Atua i loto o soo se tagata ola. O lo o molimau
ai le fai-Salamo, o le afuaga o le ola o le tagata e amata mai
lava i le Atua, ma o le fesootaiga foi a le Atua ma le tagata, e
fesoasoani lava ma faaola mai le Atua. O le salamo foi sa
taulotoina e tagata Isaraelu, i taimi o sauniga faapitoa, faapei o
le faamanatuina o le aai paia o Siona ma le afio mai o le Atua i
lona nofoalii mamalu i le potu e sili ona paia i le malumalu.
Ma e faatasi i le tausaga ona faia e Isaraelu lea sauniga, e
faamanatu ai le faaolataga ma le puipuiga a le Atua i lona nuu.
Ua faatulagaina lenei salamo i ona vaega e tolu, e fua i le
faagasologa o le sauniga a le nuu.
O loo aofai ai le tautinoga amata o le faatuatua ai latou o le a
agai atu i le tapuaiga.
O lo o aofia ai le ofoina atu o feofoofoaiga i le va o tagata
tapuai ma ositaulaga, ao sauni e ulufale atu i le malumalu.
O loo faasino i le molimau ai latou o le a agai atu i le solo i tua
mai o le atolaau, ao ulufale atu i le faitotoa o le malumalu.
24: 1 – 2 O le tautinoga lea o le faatuatua ai latou, o e ua
sauni atu mo le tapuaiga e momoli le atolaau, aua o le
tautinoga ua i ai lo latou talitonuga atoatoa – “o mea uma ua i
le lalolagi, ua tumu ai le lalolagi, o mea uma na faia e le Atua e
aofia ai ma tagata. O i tatou e vaaia ma tausia mea na foafoa e
le Atua, ma tatou fa‟aaogaina ma le tatau e tusa ma lona
finagalo.
(3 – 6) O feofoofoaiga i le va o e o le a auai i le tapuaiga ma o
latou ositaulaga, o le faailoga o le saunia o loto ma agaga i le
loto mama e ulufale atu ai le malumalu o i le mauga o Siona, o
le afioaga faa-le-lalolagi o le Atua (Isaia 2: 3). O le afioaga o
le Atua e paia (Salamo 2: 6, 3: 4) ma e tatau foi ia i latou e
ulufale atu i aai ona paia. “O le ua iai lima mama, ma loto
mama”, o le faasinoga lea mo tagata e iloa ai le ola tapena o le
tagata tapuai i le mafutaga ma lona Atua. O lona uiga, o le ola
tapena ma le muai faalelei ma tausi e iloa ai le faamamaina o
le tagata i luma o le Atua. O iina foi o lo o i ai le faaolataga a
le Atua i le tagata agasala, aua ua lagona le salamo e foi ai ma
le loto maulalo i lona Atua. O le ala lava lea mo le tagata ua ia
saili i le Atua, ia suesue i le Alii ma le loto mama ma ua
faamamaina foi ma faapaiaina le olaga i le tino, ina ua tausisi i
tulafono a le Alii. E le faaolaina le tagata i lona ta‟uta‟u fua o
le suafa o le Atua, aua o le Atua e faamasino i o tatou loto. O i
latou ua tuuina atu lo latou ola i le Atua, latou te maua
faamanuiaga. E le gata o manuia o aso taitasi, ae soifua foi ma
le fiafia i le amiotonu a le Atua, e afua ai ona maua le
faaolataga mai ia te Ia.
(7 – 10) O le tauloto fetalia‟i, po o le pese fetalia‟i a i
latou o mulimuli atu i le atolaau, o la latou molimau lea i le
loto e tasi e auai fiafia atu i le tapuaiga. O le valaau ina sei
tatala ia faitotoa o le malumalu ua afio mai le Atua i lona
afioaga paia. Se ia afio atu lona mamalu e faatumuina loto o
tagata ua ulufale fiafia i le malumalu. O le pese fetalia‟i e
valaau ai ositaulaga – “O ai ea lenei tupu mamalu?” Ae faapea
foi ona tali mai le faapotopotoga i fafo – “O le Alii, le Malosi,
ma le fitafita, o le Alii le fitafita i le taua”. O le valaau e faia
pea, se ia tatalaina faitotoa o le malumalu. O le faailoga ua
naunau le loto, ia auai le Atuai lona mamalu ma ona tagata. O
le tupu mamalu o le Alii lava lea o a‟u. O Ia o le taitaiau sili i
le lagi i le mamalu e faavavau. O Ia, o le taitai-au mo le
puipuiga o Siona mai ona fili. O lona uiga, ua le gata i le
lalolagi le pule a le Atua ae ua faapea foi i le lagi. O le upu
“au” o lo o faatatau foi i fanau a le Alii i le lagi, o loo siomia
ma ifo ma viia le paia ma le matagofie o le Atua”. (Salamo
29: 1 – 2)
Ua fesootai foi lenei Salamo i le lauga a Iesu i le mauga pei
ona faamauina i le Mataio 5: 1 – 12. O lo o taua ai e Iesu le
upu “Amuia”. O lo o faasinoina ai e le Alii le taunuuga
manuia po o faamanuiaina e oo ile Kerisiano e tauivi ma
faigata faa-le-lalolagi ma manumalo i ai. Latou te maua le
malo i le lagi ma fai mo latou tofi. E maoona ma
faamafanafanaina e le alofa o le Atua, aua ua alofaina e le
Atua. E mafuta ma le Atua i taimi uma, aua o atalii ma fanau
lava i latou a le Atua. Le mafutaga lena i le Ierusalema fou ua
afio atu i ai lo tatou Alii o Iesu Keriso. O le ia lava na ia
saunia le togiola mo tagata uma e ala i lona maliu ma lona
toetu manumalo. O lona uiga ua maea ona faataoto e le Atua
le faaolataga mo lana fanau filifiliga.
FAATINOGA O LE MATAUPU
1. Faailoa le Mataupu.
2. Faitau le Tusi Faitau ma faamalamalama ni upu faigata.
3. Faamatala le Mataupu.
GALUEGA FAATINO
Tali mai i fesili nei
1. Tau mai ni mea se 5 o i le atulaulau (lalolagi) e lei faia
e le Atua?
Tali: E leai se mea
2. O ai tonu tagata e mafai ona ulu atu i le afioaga o le
Alii i le lagi?
Tali: - o e loto mama ma ua faaolaina e le Atua.
- o e ua salamo moni ia latou agasala.
3. O a faamanuiaga e maua e le tagata e tumau i le Atua?
Tali: - manuia i meaalofa o Aso taitasi
- e fiafia e ola i le amiotonu a le Atua
- e faaolaina e le Alii
4. O a nisi suafa o le Atua o lo o taua i lenei Salamo?
Tali: - amiotonu
- tupu mamalu
- o le malosi
- Alii e fitafita
- Alii o a‟u
5. E mafai e le tagata ona faia se faaolataga mo ia lava i
lona olaga?
Tali: Leai
6. Afai o lea, o ai la na te saunia le faaolataga mo tagata
uma?
Tali: O le Atua
7. E te manatu e faaolaina oe e le Atua i le tulaga o i ai nei
lou olaga?
(Tuu i tamaiti mo a latou tali)
A‟OA‟OGA:
1. E tatala mai e le Alii le faitotoa o lona malo ia i tatou,
pe a tatou ola mama ma faapaiaina.
2. O mea uma o i lenei lalolagi, na faia uma e le Atua.
3. E faaolaina i tatou e le Atua, pe afai tatou te salamo ia
tatou agasala ma mafuta faatasi ma Ia i taimi uma.
PESE:
…………………………..
ASO SA: 04 TESEMA 2011.
MATAUPU: O’O’OGA O LE FAAOLATAGA
MO LE TAGATA.
SINI: Ia malamalama le vasega o le o‟o‟oga o
le faaolataga mo le tagata, e faia e le
Atua mo le tagata e salamo faamaoni
mai ona sese ma leaga
TUSI FAITAU: Ieremia 30: 10-17.
FESOASOANI:
O le perofeta o Ieremia na valaauina e galue faaperofeta mo
tagata Iuta, o le itu lea i sauté o Isaraelu. O le galuega faigata
tele na feagai ma Ieremia, ona o le tasi lea vaitau leaga ma
faigata o amio a tagata o le nuu o le Atua. O le tupu tele o le
ola agasala o le nuu mai lava i ona ta‟ita‟i, e aofia ai ma tagata
lautele, o le tupu foi lena o le to‟asa o le Atua, ma ia faasala
lona nuu ina ia a‟oa‟ina o latou loto. Peitai, o le Atua o le
Atua alofa ma alofa mutimutivale i lona nuu ma lana fanau.
O nisi nei o upu faamafanafana a le Alii ua momoli atu e le
perofeta mo lona nuu faatafea(Ieremia mataupu e 30&31). O
loo taua i le vaega muamua o le mataupu lenei e 30, le o‟o mai
o le afioga a le Alii ia Ieremia e tusi le tusi e ave i le tafeaga.
O loo faailoa mai foi le silafia lelei e le Atua o le fememea‟i
tele o lona nuu o loo i le tafeaga. Ae mulimuli i le faailoa mai,
o le faaolataga e faia e le Atua, i le taimi e finagalo ai le Atua.
O le fuaiupu e 10-17, o loo faaauauina ai le mautinoa o le oo
mai o le faaolataga mo Isaraelu, aemaise aiaiga o le finagalo o
le Atua. E faia e le Atua le faaolataga, na te faato‟ilaloina uma
nuu o loo faasala ai i latou, ae le tuua ai ma le a‟oa‟iga mo
lona nuu pe a le uisusitai i le finagalo o le Atua. O le
faaolataga e maua pe a mae‟a ona fofo le manu‟a o Isaraelu. O
le manu‟a o Isaraelu, e le o se manu‟a mai se taua, a‟o lana
agasala, a‟o le manua foi e leai se tasi na te mafai ona fofoina
ma fusifusia, e na o le Atua lava( ftt. 12&13).
E le maua fua e Isaraelu le faaolataga a le Atua, aua e le
tuufauina e le Atua le ola agasala o tagata, ma le le amiotonu o
taitai o le nuu. A‟o le alofa faamaoni o le Atua, na te aoai
faatatau ai ae le matua faasaoina, e faaola ae le matua
faaumatia(f.11). O lona uiga, o le alofa faaola o le Atua, e
faapalepale ma sapasapai pea Isaraelu i ona aao, seia o‟o ina
malosi atoatoa lona ola faatuatua i le Atua, ile ola usiusitai, ma
faia le amoitonu a le Atua. O le o‟oo‟oga lea o le faaolataga a
le Atua mo le tagata e le tu‟ufauina Isaraelu e oti ma fano i
lana agasala, ae a‟oa‟o ma faatonutonu pea ina ia ola, aua e
finagalo lava le Atua e faaola lona nuu, ae le o le oti.
Ua tatou tu lalata nei i le aso e faamanatauina ai le liutino
tagata o le Atua i le lalolagi, e ala ia Iesu Keriso. Aua o lona
afio mai, o le oo mai lea o le faaolataga i le lalolagi.
Uiga o Upu:
1. “O oe foi, Iakopo e,…” - e faasino ia Isaraelu.
2. toto‟a - e leai se popole pe atuatuvale.
3. manua - o se lavea e afaina ai le tino.
4. vete(a) - o le fasi ma faaumatiaina.
5. tafeaga - o le aveesea faamalosi.
FAATINOGA O LE MATAUPU:
1. Faailoa le Autu o le Mataupu.
2. Faitau le Tusi Paia.
3. Faamatala le Mataupu.
GALUEGA FAATINO:
Tusi sau tusi faamafanafana i sau uo po‟o sou uso o loo
mafatia i ni sauaga a nisi tagata( so‟o se ituaiga mafatiaga).
Ia manino le agaga o lau faamafanafanaga. E 5 minute e fai ai
le Galuega Faatino.
PESE: Le Alofa o le Atua pei o se li‟o tele.
God Love is like a Circle can be round.
A‟OA‟OGA:
1. E finagalo le Atua ia ola le tagata, ae aua ne‟i fano.
2. E tele pea le Alofa o le Atua mo i tatou.
3. O le ola Usitai o le faitotoa e ulufale ai le tagata i le
manuia o le Atua.
……………………………………
ASO SA: 11 TESEMA 2011.
MATAUPU: PESE ONA O LE FAAOLATAGA.
SINI: Ia malamalama le vasega, a lagonaina
mai le Talalelei, e tupu pea le fia
faalogo ai.
TUSI FAITAU: Galuega 13: 26-41.
FESOASOANI MO FAIAOGA:
Ua tuua e Paulo ma Panapa ma Ioane Mareko le aai o Pafo ma
ua taunuu atu i le aai o Pereka i Pafulia, ona tuua le e Ioane
Mareko Paulo ma Panapa ma toe fo‟i atu i Ierusalema, a ua
faaauau pea le galuega folafola atu e i laua ma le faamalosi. O
le galuega faigata, ona o le tete‟e mai o tagata Iutaia, o loo
nonofo ma aumau i ia aai. O loo tete‟e pea tagata Iutaia, ae
le‟i mapu ai le aposetolo, i le talai atu o le Talalelei, ina ia
lagona e tagata uma ma talia mai.
O le lauga lenei a Paulo i le sunako o Anetioka i Pisitia, ina ua
fesiligia e tagata o loo vaaia lea aai, po‟o o‟o atu ma se upu
faamafanafana mo le nuu. O loo ta‟ua ai e Paulo le upu; “…o
fanau a sa Aperaamo…” o loo faatatau lea i Iutaia o loo
tapua‟i i sunako i ia nuu. Ua ta‟utino atu i ai e le au talai loto
tetele, le faaolataga ua molia atu mo i latou. Na faamatala
auiliili lelei e aposetolo o Paulo ma Panapa, le osiga feagaiga a
auga tama(tuaa) o Isaraelu ma le Atua seia oo mai lava i a Iesu
Keriso.
Ua faailoa atu i ia Iutaia le leaga o le olaga o loo ola ai tagata o
loo Ierusalema, na o le mapo tulafono ma sailiili i nofoa sili i
saofaiga, ae ola le faamaoni. Ua toe faamanatu foi e Paulo, o
le pine o le ola faigata o Isaraelu, o lo latou faasatauroina lea o
Iesu i le satauro. Na pogisa la latou vaai na latou le iloa ai o
Ia, ma latou le malamalama foi i upu a le auperofeta, e
faitauiina i tapuaiga uma e uiga i le oo mai o le faaolataga(f.
27,28&29). Sa latou lamalama se ala e molia ai Iesu ina ia
fasiotia, peitai e leai lava se leaga na ia faia, ae ua mana‟o pea
le nuu e fasiotia o Ia. Na faasatauroina i le laau ma tanumia i le
tuugamau, ae na toe faatuina o Ia e le Atua mai e ua oti. E
toatele e na molimau i lona toetu mai, ma iloa o Ia e nisi o
tatagata na o a‟e ma ia mai Kalilaia i Ierusalema.
O le faiga o tapuaiga a Iutaia, e lagi faapese upu e faia e le
ositaulaga ma le faapotopotoga. O le pese lea o loo lagiina e le
auaposetolo, o le tala i le faaolataga na faia e Iesu mo tagata
uma, o le taulaga e faamagaloina ai loto faigata ona o le ola
agasala. Ua faalogo tagata uma i le Talalelei ua folafolaina,
ona latou toe manana‟o lea ia saga a‟oa‟o pea lea Talalelei i
Sapati uma o lumanai. Ua latou fia faalogolgo pea i le pese
malie o le Faaolataga, ma ua lagona ai le fia pese ai. Ua
faamafanafana pea i laua, ina ia tumau tagata uma i le Alofa
Tunoa o le Atua.
Uiga o Upu:
1. Sema e,…. - e tutusa ma le upu le au uso e.
2. fanau a sa Aperaamo - tupu mai le gafa o Aperaamo.
FAATINOGA O LE MATAUPU:
1. Faailoa le Mataupu.
2. Faitau le Tusi Paia.
3. Faamatala le Mataupu.
GALUEGA FAATINO:
Su‟esuega Faigofie:
a) Ia toe tuu le 5 minute e toe faitau ai i le vaai le Tusi
Faitau o le Mataupu.
e) Aveese lea ae toe tusi mai faapu‟upu‟u le talafaasolopito
o le Faaolataga mo Tagata, o loo taua e le Aposetolo.
i) Ia amata mai le su‟esu‟e i le fuaiupu e 17 e oo 42.
o) 6 minute le taimi e fai galuega le galuega faatino.
PESE: I taimi faapenei.
In moments like this.
A‟OA‟OGA:
1. Ia fiafia e faalogo i le Talalelei o le Faaolataga.
2. O le Pese malie, le Alofa o le Atua.
3. Ave le ola ia aoga mo le Atua.
……………………..