Upload
vothien
View
223
Download
0
Embed Size (px)
Citation preview
2016 Vorönn Bjarni Guðmundsson Leiðbeinandi: Kt. 301292-2019 Kristján Vigfússon Björn Berg Bryde
Kt. 080792-3019
Hver er staða Íslands á gagnaversmarkaði samanborið við önnur lönd?
Bjarni Guðmundsson
Björn Berg Bryde
B.Sc. í viðskiptafræði
i
Yfirlýsing um heilindi í rannsóknarvinnu
Verkefni þetta hefur hingað til ekki verið lagt inn til samþykkis til prófgráðu, hvorki hérlendis
né erlendis. Verkefnið er afrakstur rannsókna undirritaðs/undirritaðra, nema þar sem annað
kemur fram og þar vísað til skv. heimildaskráningarstaðli með stöðluðum tilvísunum og
heimildaskrá.
Með undirskrift okkar staðfestum við og samþykkjum að við höfum lesið siðareglur og reglur
Háskólans í Reykjavík um verkefnavinnu og skiljum þær afleiðingar sem brot þessara reglna
hafa í för með sér hvað varðar verkefni þetta.
Dagsetning Kennitala Undirskrift
•
Dagsetning Kennitala Undirskrift
ii
Útdráttur
Gagnaversiðnaðurinn hefur verið í mikilli sókn undanfarinn áratug og ekki síst vegna þess að
fyrirtæki eru farin að úthýsa gagnastarfsemi sinni. Vinsælt hefur orðið að staðsetja gagnaver á
Norðurlöndunum vegna staðbundinna orkugjafa til kælingar og hlutfalls endurnýtanlegra
orkugjafa. Ísland er af mörgum sérfræðingum talið hafa mjög álitlega staðsetningu fyrir
gagnaversiðnað og á síðastliðnum áratug hafa risið hér tvö alþjóðleg gagnaver sem jafnframt
eru þau tvö stærstu á Íslandi. Markmið rannsóknarinnar var að greina þá kosti og galla sem
Ísland býr yfir á þessu sviði, þ.e.a.s. hvað geri Ísland að aðlaðandi stað fyrir gagnaver og hvaða
hindranir séu til staðar Ennfremur var markmið rannsóknarinnar að greina stöðu Íslands á
gagnaversmarkaði samanborið við önnur lönd. Helstu niðurstöður voru þær að Ísland virðist
vera dragast enn lengra aftur úr Svíþjóð í samkeppninni um bestu staðsetningu Norðurlandanna
fyrir gagnaver. Höfundar draga þær ályktanir að helstu ástæður fyrir þessu bakslagi Íslands séu
skortur á skattaívilnunum og slæm og kostnaðarsöm afkastageta bandvíddar. Áhugaleysi
íslenskra stjórnvalda gagnvart skattaívilnunum í gagnaversiðnaðinum hefur skaðað
samkeppnishæfni Íslands töluvert og orðið þess valdandi að nágrannalönd sem búa við mun
betra skattaumhverfi hafa fjarlægst Ísland enn meira. Auk þess hefur skortur á fjármagni til
þess að tengja Ísland við Emerald sæstrenginn, sem myndi bæta afkastagetu bandvíddar, orðið
til þess að 30% af gagnaversmarkaðinum gæti aldrei hafið starfsemi hérlendis. Ljóst er að ef
Ísland ætlar að auka samkeppnisforskot sitt á gagnaversmarkaði eru úrbætur á áðurnefndum
þáttum nauðsynlegar.
iii
Formáli Ritgerð þessi er 12 eininga (ECTS) lokaverkefni til B.Sc í viðskiptafræði við Háskólann í
Reykjavík sem unnið var á vorönn 2016. Kristján Vigfússon, aðjúnkt við viðskiptadeild
Háskólans í Reykjavík, var leiðbeinandi þessa verkefnis og viljum við þakka honum kærlega
fyrir samstarfið. Einnig viljum við þakka viðmælendum okkar, Benedikt Gröndal rekstrarstjóra
Thor Data Center og Helga Helgasyni rekstrarstjóra Verne Global, fyrir ómetanlega aðstoð í
rannsókn okkar. Jóhanni G. Frímann viljum við þakka fyrir yfirlestur á meginmáli
ritgerðarinnar.
iv
Efnisyfirlit 1. Inngangur ............................................................................................................................................ 1
2. Aðferðafræði ....................................................................................................................................... 3
2.1 Aðferð ........................................................................................................................................... 3
2.2 Gagnaöflun .................................................................................................................................... 3
2.3 Kostir og takmarkanir gagnaöflunar ............................................................................................. 4
3. Gagnaver ............................................................................................................................................. 6
3.1 Almennt um gagnaver ................................................................................................................... 6
3.2 Gagnaver á Íslandi ........................................................................................................................ 9
3.3 Thor Data .................................................................................................................................... 10
3.4 Verne Global ............................................................................................................................... 11
4. Samanburður við nágrannalönd beggja megin við Atlantshafið ....................................................... 14
4.1 Svíþjóð ........................................................................................................................................ 14
4.2 Bandaríkin ................................................................................................................................... 16
4.3 Ísland ........................................................................................................................................... 17
5. Þættir sem hafa áhrif á staðsetningarval ........................................................................................... 19
6. Demantslíkan Porter .......................................................................................................................... 22
6.1 Eftirspurnarskilyrði ..................................................................................................................... 23
6.2 Framleiðsluskilyrði ..................................................................................................................... 24
6.3 Skyld starfsemi og stuðningsgreinar ........................................................................................... 26
6.4 Stefna, uppbygging og samkeppni fyrirtækja. ............................................................................ 28
6.5 Stjórnvöld .................................................................................................................................... 30
6.6 Tækifæri ...................................................................................................................................... 31
7. Samanburðarlíkan á gagnaversmarkaði ............................................................................................ 33
7.1 Fyrsti flokkur .............................................................................................................................. 34
7.2 Annar flokkur .............................................................................................................................. 36
7.3 Þriðji Flokkur .............................................................................................................................. 39
8. Niðurstöður ....................................................................................................................................... 41
8.1 Svíþjóð í samanburðarlíkaninu ................................................................................................... 41
8.2 Bandaríkin í samanburðarlíkaninu .............................................................................................. 45
8.3 Ísland í samanburðarlíkaninu ...................................................................................................... 49
9. Umræða ............................................................................................................................................. 54
v
Heimildaskrá ......................................................................................................................................... 56
Viðauki .................................................................................................................................................. 68
Viðauki A: Thor Data viðtalsrammi ................................................................................................. 68
Viðauki B: Verne Global viðtalsrammi ............................................................................................ 70
Viðauki C: Viðtal við Benedikt Gröndal rekstrarstjóra Thor Data Center ....................................... 72
Viðauki D: Viðtal við Helga Helgason rekstarstjóra Verne Global .................................................. 80
vi
Myndayfirlit
Mynd 1. Helstu kostnaðarvaldar gagnavera ............................................................................................ 6
Mynd 2. Hita og kulda gangauppstilling. ................................................................................................ 8
Mynd 3. Áhættugreining Svíþjóðar ...................................................................................................... 15
Mynd 4. Áhættugreining Bandaríkjanna ............................................................................................... 16
Mynd 5. Áhættugreining Íslands ........................................................................................................... 17
Mynd 6. Demantslíkan Porter á samkeppnishæfni Íslands á gagnaversmarkaði (útbúið af höfundum) .............................................................................................................................................................. 22
Mynd 7. Kostir og ókostir eftirspurnarskilyrða .................................................................................... 23
Mynd 8. Kostir og ókostir framleiðsluskilyrða ..................................................................................... 25
Mynd 9. Kostir og ókostir skyldrar starfsemi og stuðningsgreina ........................................................ 26
Mynd 10. Kostir og ókostir stefnu, uppbyggingar og samkeppni fyrirtækja ........................................ 28
Mynd 11. Kostir og ókostir stjórnvalda ................................................................................................ 30
Mynd 12. Kostir og ókostir tækifæra .................................................................................................... 32
Mynd 13. Grunnlíkan höfunda á gagnaversmarkaði ............................................................................. 33
Mynd 14. Samanburðarlíkan höfunda fyrir vigtun. .............................................................................. 34
Mynd 15. Skilgreining orkuöryggis ...................................................................................................... 35
Mynd 16. Samanburðarlíkan höfunda á gagnaversmarkaði .................................................................. 41
1
1. Inngangur Hugtakið gagnaver er töluvert eldra en halda mætti. Það hefur í raun fylgt tölvuiðnaðinum frá
upphafi, þó ekki hafi verið geymd gögn í stórum vöruhúsum alla tíð (SiliconANGLE & news,
e.d.). Með tilkomu einkatölva og örtölva í kringum 1980 varð gríðarleg aukning á gagnamagni
í heiminum (SiliconANGLE & news, e.d.). Rúmum áratug síðar voru örtölvurnar farnar að
fylla tölvuherbergi fyrirtækja sem vefþjónar og þessi herbergi urðu síðar þekkt undir nafninu
gagnaver (SiliconANGLE & news, e.d.).
Gagnaversiðnaðurinn hefur síðan haldið áfram að vaxa og þróast eftir því sem tækninni hefur
fleygt fram í áranna rás og er nú orðinn arðbær geiri sem mörg fyrirtæki hafa tileinkað sér.
Bandaríkin hafa verið sú þjóð sem hefur verið áhrifamest í þessum iðnaði hvað varðar
nýsköpun og fjölda gagnavera. Bandaríkin eru heimili nánast helmings allra gagnavera í
heiminum eða 44% og standa þar umtalsvert framar Kína þar sem næstflest gagnaver eru eða
10% (Sullivan, 2015).
Undanfarna áratugi hafa fyrirtæki þó í auknum mæli séð sér hag í því að úthýsa gagnaverum
sínum. Ástæðan fyrir því að fyrirtæki fóru að úthýsa gagnaversstarfsemi sinni er sú að þeim
varð ljóst að það myndi bæði spara þeim peninga og tíma, þar sem gagnaver krefjast sífellt
umfangsmeiri aðstöðu (Michael, 2002). Viðhald og endurfjárfesting gagnavera er einnig afar
kostnaðarsöm. Þar má t.a.m. nefna kostnað við tölvubúnað, þróun á tækninýjungum og
orkukostnað (Michael, 2002). Þar sem engin stór fyrirtæki hafa byggt sín eigin gagnaver á
Íslandi er úthýsing fyrirtækja á gögnum það sem hefur einkennt gagnaversmarkaðinn á Íslandi.
Gagnaversiðnaðurinn náði þó ekki góðri fótfestu á Íslandi fyrr en árið 2007 þegar Verne Global
var stofnað (Helgi Helgason, 2016). Ekki leið á löngu þar til fleiri gagnaver bættust í hópinn
og árið 2009 var Thor Data Center stofnað (Benedikt Gröndal, 2016). Íslensk gagnaver hafa
notið góðs af úthýsingu gagna en t.a.m. eru 95% af viðskiptavinum Thor Data Center erlendir
aðilar (Benedikt Gröndal, 2016). Engin ný gagnaver hafa verið sett upp hérlendis eftir þetta
sem virðist ef til vill einkennilegt, þar sem Ísland var talið á meðal fimm öruggust landa heims
fyrir gagnaver árið 2012 í áhættugreiningu Cusman og Wakefield og hurleypalmerflatt
(Cushman & Wakefield & hurleypalmerflatt, 2012).
Í þeirri skýrslu eru rannsakaðir helstu áhættuþættir sem gagnaver standa frammi fyrir og hverju
landi fyrir sig eru gerð skil. Áhættuþættirnir sem skýrslan tekur til athugunar eru margvíslegir
2
og taka á beinum þáttum gagnaversrekstrar eins og t.d. orkukostnaði sem og óbeinum þáttum
eins og t.d. vergri landsframleiðslu (Cushman & Wakefield & hurleypalmerflatt, 2012).
Skýrslan greinir meðal annars frá því að Ísland hafi fjórðu öruggustu staðsetningu heims fyrir
gagnaver og jafnframt þá öruggustu á Norðurlöndunum út frá þeim áhættuþáttum sem skýrslan
tekur til greina (Cushman & Wakefield & hurleypalmerflatt, 2012).
Ljóst er að Ísland hefur margt til brunns að bera í gagnaversiðnaðinum. Ísland býr yfir þeim
einstaka eiginleika að nota einungis endurnýtanlega orku. Það er eiginleiki sem fyrirtæki
sækjast sífellt meira eftir. Einnig eru langtímasamningar við orkuveitur engin fyrirstaða
(Reykjavik pure energy, e.d.). Þá nota gagnaver á Íslandi einungis staðbundna orkugjafa til
kælingar (Benedikt Gröndal, 2016). Í stað háþróaðs kælikerfis nota gagnaver á Íslandi kalda
loftið til þess að kæla niður vefþjóna sína sem getur dregið töluvert úr útgjöldum fyrirtækja
(Benedikt Gröndal, 2016) Þrátt fyrir þessa einstöku eiginleika sem Ísland býr yfir og lof
gagnaverssérfræðinga, þá bólar ekkert á stórum tækniviðskiptavinum hérlendis. Þess vegna er
gagnlegt og fróðlegt að kanna hvers vegna gagnaversiðnaður á Íslandi hefur ekki náð sömu
hæðum og víða annars staðar, t.d. á Norðurlöndum.
Í þessari rannsókn var sett fram eftirfarandi rannsóknarspurning:
Hver er alþjóðleg samkeppnisstaða Íslands á gagnaversmarkaði í samanburði við Svíþjóð og
Bandaríkin?
Markmið rannsóknarinnar var að greina þá kosti og galla sem Ísland býr yfir, þ.e.a.s. hvað geri
Ísland að aðlaðandi stað fyrir gagnaver og hvaða hindranir séu þar til staðar. Ennfremur var
markmið rannsóknarinnar að greina stöðu Íslands á gagnaversmarkaði samanborið við önnur
lönd. Áhugavert var að framkvæma samanburð á annars vegar landi sem hefur haft tögl og
hagldir á gagnaversmarkaðinum áratugum saman og hins vegar á landi sem Ísland er hvað helst
í samkeppni við. Til þess að samanburðurinn gæfi sem réttasta mynd af stöðu landanna á
gagnaversmarkaði, þurftu rannsakendur að velta áhrifaþáttum gaumgæflega fyrir sér, m.a. frá
rekstrarlegu sjónarmiði. Rannsóknin kann að nýtast stjórnvöldum til þess að koma auga á þá
þætti sem betur mættu fara á gagnaversmarkaði hérlendis sem og þau tækifæri sem gætu aukið
samkeppnishæfni Íslands.
3
2. Aðferðafræði 2.1 Aðferð
Við gerð þessarar rannsóknar var stuðst við eigindlegt rannsóknarsnið. Ástæðan fyrir því er sú
að skilningur höfunda á viðfangsefninu í upphafi rannsóknar var takmarkaður og eigindlegar
aðferðir hafa þann eiginleika að veita innsýn og skilning á vandamálum með orðum og
lýsingum í stað talna (Haukur Freyr Gylfason, 2013). Gagnaversmarkaðurinn á Íslandi er afar
lítill samanborið við önnur lönd og því hentaði eigindlegt rannsóknarsnið betur en megindlegt
rannsóknarsnið að því leyti að eigindleg aðferð byggir á litlum úrtökum (Haukur Freyr
Gylfason, 2013).
Til að knna helstu kosti og takmarkanir Íslands á gagnaversmarkaði var notast við demantslíkan
Porter sem greinir samkeppnishæfni þjóða. Við framkvæmd á samanburði landa á
gagnaversmarkaði var notað sérútbúið líkan þar sem helstu áhrifaþættir gagnavera voru
greindir í hverju landi fyrir sig og þeim gefin einkunn. Áhrifaþáttunum var síðan skipt upp í
flokka og þeir vigtaðir eftir mikilvægi.
2.2 Gagnaöflun
Rannsókn þessi byggist upp annars vegar á fyrirliggjandi gögnum og hins vegar viðtölum.
Þegar viðfangsefni rannsóknarinnar var ákveðið var strax lagt af stað í heimildarleit á alls kyns
fyrirliggjandi gögnum. Skoðaðar voru tímaritsgreinar, skýrslur, rannsóknir, bækur og fréttir af
veraldarvefnum við upplýsingaöflun til þess að dýpka skilninginn á viðfangsefninu. Þar sem
höfundar höfðu takmarkaðan skilning á starfsemi gagnavera var bróðurpartinum af
upplýsingaleitinni varið í það að átta sig á hvernig gagnaver virka í raun og veru og hvað Ísland
hefur fram á að færa í þessum iðnaði. Gögnunum var safnað saman á þriggja mánaða tímabili
og þ.a.l. lítil hætta á því að aðstæður hafi breyst á meðan á gagnaöflun stóð. Veraldarvefurinn
reyndist óþrjótandi uppspretta hagnýtra upplýsinga um starfsemi gagnavera en upplýsingar þar
eru þó misgóðar. Eftir því sem skilningur höfunda jókst var hafist handa við að finna eldri
rannsóknir sem höfðu verið framkvæmdar á viðfangsefninu. Skýrsla Cushman og Wakefield,
hurleypalmerflatt og source8 um áhættugreiningu landa í gagnaversiðnaði reyndist höfundum
gulls ígildi og mikið var stuðst við þessa skýrslu í rannsókninni. Ávallt var reynt að gæta
hlutleysis í nálgun á fyrirliggjandi gögnum með því t.d. að nýta staðla sem engum eru háðir og
kanna viðhorf frá bæði innlendum og erlendum aðilum.
4
Ákveðið var strax í upphafi rannsóknarinnar að viðtöl við gagnaverssérfræðinga yrðu
grundvöllur fyrir því að sem réttust mynd af gagnaversiðnaði á Íslandi fengist. Tekin voru
viðtöl við Helga Helgason, rekstrarstjóra Verne Global, og Benedikt Gröndal, rekstrarstjóra
Thor Data Center. Ástæðan fyrir því að þeir voru valdir er sú að báðir eru þeir sérfræðingar á
sviði gagnavera og hafa starfað hjá sínum gagnaverum frá stofnum þeirra.
Framkvæmd voru djúpviðtöl með opnum spurningum við framkvæmd beggja viðtalanna.
Djúpviðtöl er óformleg aðferð til þess að komast að hvötum, skoðunum, viðhorfum og
tilfinningum um viðfangsefni, þar sem spyrill eða spyrlar spyrja einn viðmælanda (Haukur
Freyr Gylfason, 2013). Notast var við spurningalista til þess að leiða viðtalið en viðmælendur
voru ekki stoppaðir af þó þeir færu út fyrir efnið. Einungis var notast við opnar spurningar í
viðtalsrammanum sem byrjaði almennt og svo var kafað dýpra í viðfangsefnið. Dæmi um
almenna spurningu er t.d.: Hverjir eru eigendur gagnaversins í dag? Dæmi um erfiðari
spurningu er t.d.: Hefur þú einhverjar hugmyndir fyrir íslenska ríkið til að stuðla að
uppbyggingu gagnavera hér á landi? Hvort viðtal stóð yfir í rúman hálftíma og voru viðtölin
hljóðrituð með samþykki viðmælenda. Séð var til þess að viðmælendum liði vel á meðan á
viðtölunum stóð. Bæði viðtölin voru haldin í fundarherbergi til þess að forðast utanaðkomandi
truflanir. Þar sem viðmælendur voru ekki stoppaðir af þó þeir færu út fyrir viðtalsrammann,
komu fram margar áhugaverðar upplýsingar sem höfundar höfðu ekki haft vitneskju um.
Viðtalsramma má sjá í heild sinni undir viðauka A og B.
2.3 Kostir og takmarkanir gagnaöflunar
Stærsti kostur rannsóknarinnar að mati höfunda eru viðtölin sem fengin voru. Rætt var við
rekstrarstjóra stærstu gagnavera á Íslandi, þar sem þeir greindu stöðu Íslands á
gagnaversmarkaðnum. Slík þekking reyndist ómetanleg fyrir þessa rannsókn, þar sem
viðmælendur vörpuðu hvor um sig ljósi á málefni sem reyndust höfundum mikilvæg. Einnig
er það kostur að framboð á fyrirliggjandi gögnum um gagnaver er bæði nægilegt og
aðgengilegt.
Það sem höfundar sjá hvað mest eftir er að ekkert viðtal náðist við atvinnuvega- og
nýsköpunarráðuneytið. Meðal annars var reynt að hafa samband við iðnaðar- og
viðskiptaráðherra til þess að fá hans sjónarmið á viðfangsefninu en án árangurs. Af þessum
ástæðum er hætt við að niðurstöðurnar litist nokkuð af þeirri óánægju sem virðist vera hjá
íslenskum gagnaversstjórnendum gagnvart stjórnvöldum. Annar þáttur sem getur talist til
5
takmarkana í þessari rannsókn er reynsluleysi höfunda af því að taka djúpviðtöl en best er að
slík viðtöl séu tekin af spyrli sem hefur verulega þekkingu og reynslu af slíku (Haukur Freyr
Gylfason, 2013). Þar sem ekki fengust viðtöl við erlenda rekstrarstjóra gagnavera eru
niðurstöður um önnur lönd en Ísland ef til vill ekki eins ítarlegar og nákvæmar, en reynt var
eftir föngum að velja sem traustastar heimildir um þau.
6
3. Gagnaver 3.1 Almennt um gagnaver
Það er langt frá því að vera sjálfgefið að allir skilji hvað átt er þegar talað er um gagnaver. Það
er ekki svo ýkja langt síðan fyrirtæki voru með heilu skjalageymslurnar undir skýrslur og
bókhald, upplýsingum var komið á framfæri með bréfaskrifum og farsímar voru til þess eins
að hringja úr. En í áranna rás hefur tækninni stöðugt fleygt fram og allir þessir einföldu hlutir
sem við þekktum svo vel eru annaðhvort orðnir óþarfir eða einfaldlega ekki lengur til. Með
tilkomu Internetsins, tölvupósta, snjallsíma og aukinnar afkastagetu bandvíddar, svo eitthvað
sé nefnt, hefur tölvugögnum fjölgað umtalsvert. En hvað verður um öll þessi gögn sem við
geymum nú til dags, einhvers staðar hljóta þau að vera? Öll þessi gögn eru hýst í fyrirbærum
víðs vegar um heim sem kallast gagnaver.
Meginstarfsemi gagnavera er að hýsa tölvuvélbúnað fyrirtækja í þeim tilgangi að gögnin séu
örugg og skili sér til bæði fyrirtækja og neytenda á áhrifaríkan hátt (Gigerich, 2012). Gagnaver
kunna að geyma alls kyns tól og tæki og má þá t.d. nefna gagnageymslur, vefþjóna og hugbúnað
(Gigerich, 2012). Gagnaver geta ýmist verið innan höfuðstöðva fyrirtækja, í næsta nágrenni
eða hvar sem er. Mörg fyrirtæki hafa tekið upp á því að úthýsa þessari starfsemi og á
undanförnum árum hefur myndast arðbær geiri í kringum þessa starfsemi.
Gagnaver er gríðarlega kostnaðarsamt fyrirbæri sem ekki er fyrir hvern sem er að eiga og reka
(SAP, e.d.). Stór fyrirtæki sem og opinberar stofnanir eru líklegust til að halda uppi slíkri
starfssemi (SAP, e.d.). Einnig hafa fyrirtæki sem sjá um svokallaða skýjaþjónustu verið að
ryðja sér til rúms undanfarinn áratug og boðið þjónustu sína til fyrirtækja, einstaklinga og
jafnvel ríkisstofnana (SAP, e.d.).
Mynd 1. Helstu kostnaðarvaldar gagnavera
(Greenberg, Hamilton, Maltz, & Patel, 2008, tafla 1)
7
Þar sem gagnaver eru byggð í kringum fjöldann allan af vefþjónum, kemur það ekki á óvart að
það sé stærsti kostnaðarvaldurinn og má reikna með að u.þ.b. 45% af kostnaði gagnavera falli
undir vefþjóna (Greenberg o.fl., 2008). Íhlutir sem tilheyra vefþjónum eru t.d. tölvukerfi, minni
og geymslukerfi (Greenberg o.fl., 2008). Næststærsti kostnaðarvaldur gagnavera er
svokallaður innviðakostnaður en hann er talinn vera um fjórðungur að heildarkostnaði
gagnavera (Greenberg o.fl., 2008). Það sem fellur undir þennan flokk er sá kostnaður sem
gagnaver borga fyrir orkudreifingu og kælingu á vefþjónum (Greenberg o.fl., 2008). Bent skal
á að þessi kostnaðarvaldur er töluvert minni í gagnaverum sem staðsett eru í köldu loftslagi,
því þau geta nýtt kalda loftið til þess að kæla niður vefþjónana. Þriðji stærsti kostnaðarvaldur
gagnavera er orkunotkun og netkerfi sem hvort um sig er með u.þ.b. 15% af heildarkostnaði
gagnavera (Greenberg o.fl., 2008). Orkunotkun er einfaldlega kostnaðurinn af rafmagnsnotkun
gagnavera en sá kostnaður er háður stærð og afkastagetu gagnavera (Greenberg o.fl., 2008).
Það sem fellur undir netkerfisflokkinn eru þau tól og tæki sem sjá um flutning og tengingu
gagna (Greenberg o.fl., 2008).
Í grunninn virka öll gagnaver eins, óháð stærð, staðsetningu eða gagnamagni. Öll gagnaver
þurfa rafmagn til að keyra tölvubúnaðinn áfram, kælikerfi til að koma í veg fyrir að þjónarnir
ofhitni og öryggi, hvort sem það er innan frá eða utan frá. Hér að neðan eru taldir upp lykilþættir
sem varða uppbyggingu gagnavera.
Netþjónar og hillur
Megintilgangur gagnavera er að hýsa gögn og eru þessi gögn oft notuð til að styðja við þjónustu
viðskiptavinarins, eins og til dæmis að hýsa vefsíður og forrit (Moody, 2015). Netþjónunum er
raðað í ákveðnar hillur sem er síðan raðað upp á ákveðinn hátt í gagnaverinu til að hámarka
kælingu (Moody, 2015).
Tenging við netið
Búnaðurinn er tengdur við Internettengingar gagnaversins svo að viðskiptavinurinn geti nálgast
ský-umhverfi sitt og annan vettvang á netinu (Moody, 2015).
Orka
Nánast allur búnaður í gagnaverum þarf á orku að halda og hafa gagnaver yfirleitt yfir orku að
ráða sem er umfram þá orku sem það þarf alla jafna (Moody, 2015). Gagnaver eru oftast með
vararafala sem geta framleitt orku ef eitthvað fer úrskeiðis (Moody, 2015).
8
Kæling
Kælikerfi skipta miklu máli í gagnaverum (Moody, 2015). Þetta er vegna þess að tölvubúnaður
býr til umtalsverðan hita og til að koma í veg fyrir ofhitnun þarf góð kælikerfi (Moody, 2015).
Kælikerfið getur nýtt kalda loftið, glýkol eða aðra miðla við kælingu (Moody, 2015). Mörg
gagnaver nú til dags nýta sér hita og kulda uppstillingu á gögnunum sem lýsir sér þannig að
hillunum er raðað þannig að fremri hlutar netþjónanna snúa hver að öðrum og síðan flæðir kalt
loft í gegnum hillurnar og kælir þannig niður búnaðinn (sjá mynd 2) (Moody, 2015).
Mynd 2. Hita og kulda gangauppstilling.
(Data Center Energy Management, e.d.)
Eftirlit
Fjöldinn allur að mismunandi eftirlitskerfum hjálpa gagnaversrekstraraðilum og starfsfólki að
stjórna og viðhalda rekstrarumhverfinu (Moody, 2015). Þessi kerfi hafa eftirlit með hitastigi,
rakastigi, orkunotkun og öðrum umhverfisþáttum í gagnaverinu (Moody, 2015).
Öryggi
Gagnaver hafa yfir að ráða miklu úrvali af öryggisráðstöfunum til að takmarka aðgang
óviðkomandi aðila bæði að gagnaversaðstöðunni og einnig að sýndarumhverfinu (Moody,
2015). Byggingarnar eru oft hannaðar til að verjast náttúruhamförum og eru einnig með
eldvarnarkerfi til að koma í veg fyrir eldsvoða (Moody, 2015).
Stefnur og verklagsreglur
Rekstraraðilar gagnavera hafa einnig lista af stefnum og verkalagsreglum sem þeir verða að
fylgja til að tryggja skilvirka stjórnun (Moody, 2015). Þessir listar innihalda verkþætti
starfsmanna svo sem um kerfisaðgang, notkun, uppsetningu og viðhald á búnaði (Moody,
2015).
9
Tilraunaraðstaða
Einnig hafa mörg gagnaver aðstöðu fyrir starfsmenn til að prufa og stilla ný kerfi áður en þau
koma til með að verða nýtt í gagnaversumhverfinu (Moody, 2015).
3.2 Gagnaver á Íslandi
Töluverður þrýstingur er á fyrirtæki nú til dags að minnka kolefnislosun sína. Ein af ástæðunum
fyrir því er mikil umfjöllun og vitundarvakning um gróðurhúsaáhrifin. Fyrirtæki eins og
Facebook og Google hafa úthýst starfsemi sinni til Norðurlandana til að nota meira af
endurvinnanlegum orkugjöfum og þannig minnka kolefnislosun (Facebook, 2013)
(Radhakrishnan, 2014). Ísland hefur einnig notið góðs að þessari vitundavakningu og eru
gagnaver á Íslandi nú orðin fimm talsins (Data Center Map, e.d.-a). Þessi gagnaver eru hér á
landi aðallega vegna þess að Ísland býður upp á 100% endurvinnanlega orku og einnig er
loftslagið mjög hentugt til kælingar á vélbúnaði.
Árið 2015 var mikilvægt ár fyrir íslenskan tækni- og nýsköpunariðnað. Gífurleg aukning varð
í framtaksfjárfestingum og nýfjármögnun á Íslandi til fyrirtækja í þessum iðnaði nam 25,2
milljörðum króna og var hún sú næstmesta á Norðurlöndunum á eftir Finnandi (The nordic
web, 2016). Stærsta fjárfestingin var í gagnaverinu Verne Global og var það næststærsta
fjárfesting á Norðurlöndunum þetta árið í tækni- og nýsköpunariðnaðinum (The nordic web,
2016). Ef bornar eru saman heildarupphæðirnar sem fóru í fjárfestingar í þessum iðnaði árin
2014 og 2015, kemur í ljós að það varð 1568% aukning árið 2015 (The nordic web, 2016).
Mikill uppgangur er í gagnaversstarfsemi hér á landi og í fyrra hafði raforkusala til gagnavera
tvöfaldast og var hún komin upp í 30 megawattsstundir, en til samanburðar notar fyrirhugað
kísilver United Silicon á Bakka 35 megawattstundir (Orkustofnun, 2015b). Aukning í raforku
frá árinu 2009 til ársins 2014 var einnig um 140 GWh og er um 60% aukningarinnar rakin til
gagnaversnotkunar (Orkustofnun, 2015b).
Stærstu gagnaverin á Íslandi eru Thor Data Center og Verne Global. Gagnaver á Íslandi eru þó
töluvert minni en þau stærstu í heiminum. Ef við lítum á orkunotkun í Digital Realty
gagnaverinu í Chicago þá notar það 120 megawött á meðan Thor Data Center á Íslandi er
einungis að nota 14 megavött í bæði sín gagnaver (Berry, e.d.).
10
3.3 Thor Data
Thor Data Center var fyrsta gagnaver sinnar tegundar á Íslandi (Viðskiptablaðið, 2010). Það
voru fjórir frumkvöðlar í íslenska tölvugeiranum sem stofnuðu fyrirtækið árið 2009 og var
gagnaverið síðan tekið í notkun 21. maí 2010 (Viðskiptablaðið, 2010). Fyrirtækið Advania
keypti síðan gagnaverið og starfsemina um áramótin 2010-2011 (Benedikt Gröndal, 2016).
Thor Data Center hefur alltaf verið í sama húsnæðinu við Steinhellu 10 í Hafnarfirði
(„Gagnavinnsla Opera til Íslands“, 2010). Húsnæði þeirra í Hafnarfirði var upprunalega
prentsmiðja, er byggt upp í einingum og er búið að fylla upp í allar einingar sem lausar eru í
húsnæðinu. Thor Data Center rekur einnig annað gagnaver í Reykjanesbæ (Benedikt Gröndal,
2016). Það gagnaver heitir Mjölnir og var það sérhannað og reist fyrir alþjóðlega fyrirtækið
BitFury vorið 2014 (Benedikt Gröndal, 2016). Bitfury er eitt afkastamesta Bitcoin
vinnslufyrirtæki í heiminum (Jón Bjarki Magnússon, 2015). Bitcoin er einhvers konar
sýndargjaldmiðill sem hefur aðallega verið hugsaður fyrir nafnlausar greiðslur (Segendorf,
2014). Þessi gjaldmiðill er í raun og veru aðeins gögn sem þarf að geyma og er gagnaverið
Mjölnir í Reykjanesbæ fyrst og fremst hugsað fyrir það.
Thor Data Center kaupir orku sína frá HS orku og er þar með fimm ára samning (Benedikt
Gröndal, 2016). Gagnaverið í Reykjanesbæ er að nota nánast sex sinnum meiri rafmagn en
gagnaverið í Hafnarfirði (Benedikt Gröndal, 2016). Mjölnir er að nota 12 megavött á meðan
Thor er aðeins að nota 2 megavött (Benedikt Gröndal, 2016). Gagnaverin eru eingöngu að nota
endurvinnanlega orku að undanskildum díselvélunum sem eru vararafstöðvar ef rafmagnið fer
af.
Thor Data Center í Hafnarfirði er eingöngu með fimm fasta starfsmenn (Benedikt Gröndal,
2016). Öll önnur starfssemi er síðan aðkeypt frá Advania (Benedikt Gröndal, 2016). Þessi
starfsemi felur meðal annars í sér bókhald og svokallaðar 24 tíma vaktir (Benedikt Gröndal,
2016). Þessar 24 tíma vaktir eru nauðsynlegar vegna þess að niðurtími í gagnaverinu má helst
ekki vera neinn (Benedikt Gröndal, 2016). Þetta er vegna þess að hver mínúta í niðurtíma getur
valdið umtalsverðu fjárhagstapi fyrir fyrirtækið auk þess sem að skyndilegt rafmagnsleysi getur
skaðað tölvubúnaðinn (Landsvirkjun, 2015a). Mannaflaþörfin getur samt sem áður verið mjög
breytileg eftir því hvað er í gangi hverju sinni og eru að meðaltali 20 manns sem koma að
rekstrinum daglega (Benedikt Gröndal, 2016). Gagnaverið Mjölnir er hins vegar ekki með
neina fasta starfsmenn (Jón Bjarki Magnússon, 2015).
11
Thor Data Center er með í kringum 50-60 viðskiptavini og eru 95% þeirra erlendir (Benedikt
Gröndal, 2016). Þetta eru fyrst og fremst viðskiptavinir sem vilja hýsingu sem er varin
(Benedikt Gröndal, 2016). Sú hýsing lýsir sér þannig að niðurtími má helst ekki vera neinn.
Thor er með vararafstöð sem tekur við ef rafmagnið dettur út (Benedikt Gröndal, 2016). Stærsti
viðskiptavinur þeirra er norska hugbúnaðarfyrirtækið Opera Software (Benedikt Gröndal,
2016). Opera Software er fyrirtæki sem hannar og þróar Internetvafra (Reuters, e.d.).
Internetvafrinn þeirra heitir Opera Browser og er hann í fimmta sæti yfir þá mest notuðu í
heiminum í dag (w3schools, e.d.). Ein að aðalástæðunum fyrir því að Opera Software valdi
Thor til að hýsa gögnin sín var að gagnaverið gat boðið upp á 100% endurnýjanlega orku
(„Gagnavinnsla Opera til Íslands“, 2010).
Gagnaverið Mjölnir, sem er hitt gagnaverið sem Thor Data Center rekur, er með um 15
viðskiptavini (Benedikt Gröndal, 2016). Viðskipavinir þess hugsa ekki jafn mikið um
niðurtímann, heldur einblína þeir frekar á ódýra orku (Benedikt Gröndal, 2016). BitFury er
langstærsti viðskiptavinurinn og notar um 70-80% af allri orku Mjölnis (Benedikt Gröndal,
2016). Ætla má að vinnslan á Íslandi skili BitFury yfir þremur milljörðum króna í árstekjur
(Jón Bjarki Magnússon, 2015).
Thor Data voru frumkvöðlar í því að nota staðbundna orkugjafa til kælingar (Benedikt Gröndal,
2016). Þessi staðbundni orkugjafi þeirra var einfaldlega kalda loftið (Benedikt Gröndal, 2016).
Thor Data Center er með tvenns konar kælikerfi (Benedikt Gröndal, 2016). Annars vegar er
það kælikerfið í Reykjanesbæ þar sem gluggi er einfaldlega opnaður og hins vegar er það
kælikerfið í Hafnarfirði. Kælikerfið í Thor virkar þannig að í efri einingunni er kælibúnaðurinn
og í neðri er allur tölvubúnaðurinn (Benedikt Gröndal, 2016). Síðan er kalda íslenska loftið
sogað inn í kæligáminn sem kælir loftið í lokaðri hringrás (Benedikt Gröndal, 2016). Thor Data
Center var fyrsta gagnaverið í heiminum að nýta þessa kælingartækni og þessi aðferð er að
verða mjög vinsæl í Norður-Evrópu (Benedikt Gröndal, 2016).
3.4 Verne Global
Verne Global var stofnað hér á landi 2007 og hóf rekstur árið 2012 (Helgi Helgason, 2016)
(Viðskiptablaðið, 2016) Fyrirtækið var stofnað í þeim tilgangi að byggja gagnaver á Íslandi og
er hvergi annars staðar með rekstur né starfsemi (Helgi Helgason, 2016). Verne Global er búið
að vera í byggingaframkvæmdum frá árinu 2011 og hefur verið að byggja gagnaverið jafnt og
þétt í nánast fimm ár (Helgi Helgason, 2016). Gagnaverið er nú orðið nálægt 14.000 m² (Helgi
12
Helgason, 2016). Í dag eru Verne Global að nota í kringum 20-30% af 18 hektara landi sínu
(Helgi Helgason, 2016). Gagnaverið er í dag stærsta gagnaver á landinu (Helgi Helgason,
2016).
Eigendur Verne eru General Catalyst, sem er bandarískt fjárfestingarfyrirtæki, og einnig
Novator, sem er félag að hluta í eigu Björgólfs Thors Björgólfssonar (Helgi Helgason, 2016).
Að General Catalyst standa meðal annars sömu fjárfestingaaðilar og fjárfestu í CCP á sínum
tíma (Helgi Helgason, 2016). Verne Global lauk hlutafjáraukningu upp á 98 milljónir
Bandaríkjadala í byrjun árs 2015 (Þórður Snær Júlíusson, 2016). Þar komu SÍA II,
framtakssjóður í rekstri hjá Stefni, dótturfélag Arion banka, ásamt hópi íslenskra lífeyrissjóða
nýir inn í hluthafahóp félagsins (Þórður Snær Júlíusson, 2016). Með þessari hlutafjáraukningu
tók Verne Global til sín tæpan helming allrar fjárfestingar í tækni- og nýsköpun og voru með
næstmestu hlutafjáraukningu í þessum iðnaði í Norðurlöndunum það árið (The nordic web,
2016).
Verne Global er það sem er kallað „infrastructure provider“. Fyrirtækið útvegar sem sagt
einungis aðstöðu fyrir fyrirtæki til að hýsa búnað sinn (Helgi Helgason, 2016). Starfsemi Verne
Global er því aðeins sú að reka húsnæðið, rafkerfið og öryggiskerfið (Helgi Helgason, 2016).
Viðskiptavinir þeirra koma með sinn eigin búnað og reka hann (Helgi Helgason, 2016). Þeir
eru ekki háðir neinum og viðskiptavinir þeirra ráða alveg af hverjum þeir kaupa tölvuþjónustu
(Helgi Helgason, 2016). Flest stóru tölvufyrirtækin á Íslandi eru að þjónusta viðskiptavini
þeirra. Þar á meðal Advania, þeirra helsti samkeppnisaðili á Íslandi (Helgi Helgason, 2016).
Verne Global er með langtímasamning við Landsvirkjun og árið 2014 var raforkunotkunin 36
GWH og um 6 MW(Helgi Helgason, 2016) (Orkuspárnefnd, 2015).
Fastir starfsmenn Verne Global eru 20 talsins (Helgi Helgason, 2016). Verne Global er einnig
með um 30 manns í sölu- og markaðsstarfi erlendis (Helgi Helgason, 2016). Þessar
söluskrifstofur eru staðsettar í Bandaríkjunum, Bretlandi og Þýskalandi (Helgi Helgason,
2016).
Verne Global leggur mestu áherslu á erlendan markað (Helgi Helgason, 2016). Þess vegna eru
flestir viðskiptavinir fyrirtækisins erlendir (Helgi Helgason, 2016). Fyrirtækið er þó með
íslenska viðskiptavini eins og Nýherja og Opin kerfi (Helgi Helgason, 2016). Stærstu
viðskiptavinir Verne Global eru BMW, RMS, Datapipe, CCP og Colt (Stefán Árni Pálsson,
2015). Talið er að BMW hafi lækkað kostnað sinn með því að færa þessa starfsemi sína til
13
Verne Global, rekstrarkostnað HPC („high performance computing“) um 82% og sparað
kolefnislosun sína um 3750 tonn á ári (Landsvirkjun, 2015a). Verne Global markaðssetur sig
undir tveimur mismunandi hugtökum (Helgi Helgason, 2016). Annars vegar er það Power
Direct og hins vegar Power Advanced (Helgi Helgason, 2016). Power Direct er það sem
fyrirtækið kallar lágmarks rekstraröryggi, þannig að ef það slær út þá fer aðeins rafmagnið af
(Helgi Helgason, 2016). Power Advanced er efsta stig í rekstraröryggi (Helgi Helgason, 2016).
Uppbygging fyrirtækisins í Power Advanced samsvarar Tier 3 og jafnvel umfram það (Helgi
Helgason, 2016).Tier 3 gagnaver eru með 99,982% uppitíma, ekki meira en 1,6 klukkutímar af
niðurtíma á ári og hægt er að reka gagnaverið með vararafstöðum í að minnsta kosti 72
klukkutíma (Colocation American, e.d.). Verne Global notar eingöngu fría kælingu sem er í
boði hér á landi, þökk sé kalda loftslaginu (Helgi Helgason, 2016). Kælingin felst í því að
hreyfa loft eða að hreyfa vökva (Helgi Helgason, 2016). Gagnaverið er með lokuð
varmaskiptkerfi þar sem hitinn er varmaleiddur í burtu með vökva (Helgi Helgason, 2016).
14
4. Samanburður við nágrannalönd beggja megin við Atlantshafið
Mikill uppgangur hefur verið alls staðar í heiminum í byggingu gagnavera og til að komast að
því hvar Ísland stendur er áhugavert að athuga stöðu annarra landa. Löndin sem tekin voru til
athugunar voru annars vegar Bandaríkin, því þau hafa ráðið lögum og lofum í
gagnaversiðnaðinum í áranna rás, og hins vegar Svíþjóð, því það er landið sem Ísland er hvað
helst í samkeppni við. Þessi samanburður byggist að mestu leyti á skýrslu sem gefin hefur verið
út undanfarin ár af Cushman og Wakefield, hurleypalmerflatt og source8. Skýrsla þessi tekur
á helstu áhættuþáttum sem gagnaver standa frammi fyrir og meta hvar hvert land stendur í
hverjum flokki (hurleypalmerflatt, Cushman & Wakefield, & source8, 2013). Flokkunum er
skipt niður í þrjú lög og fær hver flokkur sérstakt vægi innan hvers lags (hurleypalmerflatt o.fl.,
2013). Fyrsta lagið, sem jafnframt er veigamesta lagið, samanstendur af orkukostnaði,
afkastagetu bandvíddar Internets og viðskiptaþægindum (hurleypalmerflatt o.fl., 2013). Annað
lagið inniheldur tekjuskatt fyrirtækja, launakostnað, pólitískan stöðugleika, sjálfbærni (þ.e.a.s.
sjálfbærni í orku), náttúruhamfarir, menntunarstig og orkuöryggi (hurleypalmerflatt o.fl.,
2013). Þriðja og síðasta lagið samanstendur af vergri landsframleiðslu, verðbólgu og
vatnsaðgengi (hurleypalmerflatt o.fl., 2013). Saman mynda þessi lög mælikvarða sem ákvarðar
öruggustu staðsetningar gagnavera í heiminum hverju sinni (hurleypalmerflatt o.fl., 2013).
4.1 Svíþjóð
Í Svíþjóð eru 47 gagnaver á 13 svæðum og flest þeirra í Stokkhólmi eða 28 talsins. Aðrar helstu
staðsetningar eru Gautaborg þar sem gagnaver eru fjögur talsins, Malmö þar sem þau eru einnig
fjögur og Linköping sem hýsir tvö gagnaver (Data Center Map, e.d.-c). Fjarskiptaþjónusta í
Svíþjóð er talin vera á meðal þeirra bestu í heimi. Svíþjóð deilir jarðstöðvum með öðrum
Norðurlöndum eins og Íslandi, Noregi, Danmörku og Finnlandi (Data Center Map, e.d.-c).
Sænski fjarskiptarþjónusturisinn Ericsson hefur nú þegar sett á laggirnar 5 milljarða sænskra
króna verkefni með uppbyggingu á tveimur gagnaverum í Svíþjóð (Radhakrishnan, 2014).
Norðurlöndin hafa nú nýlega verið að bjóða fyrirtækjum aðstoð sérfræðingarteyma á sviði
gagnavera og við val á staðsetningum til að auðvelda fyrirtækjum vinnuna (Radhakrishnan,
2014).
Fyrsta gagnaver Facebook sem staðsett er fyrir utan Bandaríkin er staðsett í Luleå í Svíþjóð
(Facebook, 2013). Það sem er einstakt við þetta gagnaver er staðsetningin. Það er nægilega kalt
á þessum stað að þeir geta nýtt kalda loftið til að kæla niður tækjabúnað í gagnaverinu
15
(Facebook, 2013). Þeir þurfa í raun og veru ekki að nota neinn kælibúnað annan en kalda loftið
10 mánuði af árinu (Anonymous, 2012). Gagnaverið nýtir einungis vatnsorku sem er það
áreiðanleg að Facebook hefur getað fækkað vararaföflum um 70% (Anonymous, 2012).
Mynd 3. Áhættugreining Svíþjóðar
(hurleypalmerflatt, Cushman & Wakefield, & source8, 2013).
Í nýjustu skýrslu frá Cushman og Wakefield, hurleypalmerflatt og Source8 (2013), Data centre
risk index frá 2013 er Svíþjóð talin vera með þriðju bestu staðsetningu í heiminum fyrir
gagnaver hvað varðar áhættu og hefur hækkað um fimm sæti síðan síðasta skýrsla var gefin út
árið 2012. Það er mesta hækkunin ásamt Póllandi sem situr í 17. sæti listans. Svíþjóð skorar
hvað best í flokkunum bandvídd Internets, viðskiptaþægindi, pólitískur stöðugleiki, sjálfbærni,
náttúruhamfarir, menntun, verg landframleiðsla miðað við höfðatölu, verðbólga og
vatnsaðgengi en í þessum flokkum er Svíþjóð talið á meðal 10 bestu þjóða í heiminum
(hurleypalmerflatt o.fl., 2013). Svíþjóð er nokkuð stöðugt í öllum flokkum að undanskildum
launakostnaði, þar sem Svíþjóð er í 26. sæti (hurleypalmerflatt o.fl., 2013). Þeir þrír flokkar
sem Svíþjóð skarar fram úr í er sjálfbærni þar sem öll orka sem nýtt er í gagnaver er
endurnýjanleg, pólitískur stöðugleiki og náttúruhamfarir í þeim skilningi að þær eiga sér nánast
aldrei stað (hurleypalmerflatt o.fl., 2013).
16
4.2 Bandaríkin
Í Bandaríkjunum eru starfrækt 1541 gagnaver og flest þeirra eru staðsett í Kaliforníufylki eða
197 talsins (Data Center Map, e.d.-b).
Gagnaverum hefur fjölgað gríðarlega. Um aldamótin voru starfrækt 320 gagnaver í
Bandaríkjunum og því hafa verið reist 1218 ný gagnaver á undanförnum 15 árum (Mitchell-
Jackson, Koomey, Blazek, & Nordman, 2002).
Í Bandaríkjunum er að finna fimm stærstu gagnaverseigendur heims (Lima, 2015). Stærstu
eigendur gagnavera eru Switch en þeirra gagnaver eru rúmlega 325.000 m² að stærð (Lima,
2015). Það mun þó ekki vara lengi því Kína mun opna nýtt gríðarstórt gagnaver á árinu og það
gagnaver verður í heildina tæpir 600.000 m² að stærð (Lima, 2015).
Mynd 4. Áhættugreining Bandaríkjanna
(hurleypalmerflatt, Cushman & Wakefield, & source8, 2013).
Í skýrslu Cushman og Wakefield, hurleypalmerflatt og Source8 (2013) eru Bandaríkin talin
hafa bestu staðsetningu í heiminum fyrir gagnaver þegar litið er til áhættu. Bandaríkin halda
toppsæti listans frá fyrri skýrslu sem gefin var út árið 2012 og eru töluvert á undan Bretlandi
sem vermir annað sæti listans (hurleypalmerflatt, Cushman & Wakefield, & source8, 2013).
Flokkarnir sem Bandaríkin skora best í eru orkukostnaður, bandvídd Internets,
viðskiptaþægindi og menntun, en Bandaríkin eru talin á meðal þriggja efstu þjóða heimsins í
þessum flokkum (hurleypalmerflatt o.fl., 2013). Bandaríkin eru ekki eins stöðug og Svíþjóð í
17
flokkunum og eru t.a.m. talin fremsta þjóð heimsins í bandvídd Internets og menntun en sú
versta í tekjuskatti fyrirtækja og næstversta hvað varðar hættu á náttúruhamförum
(hurleypalmerflatt o.fl., 2013). Þriðja árið í röð halda Bandaríkin toppsæti listans og það má
þakka því að orkukostnaður þar hefur meira og minna staðið í stað á meðan orkuverð hefur
hækkað í öðrum löndum og þá er bandvídd Internetsins þar talin sú áhættuminnsta í heiminum
(hurleypalmerflatt o.fl., 2013). Helsta áhyggjuefnið vegna gagnavera í Bandaríkjunum er enn
og aftur náttúruhamfarir og þá helst hvirfilbylir. Bandaríkin gætu bætt sig í öllum flokkum
listans að undanskildu vatnsaðgengi og náttúruhamförunum sem ekki er hægt að ráða við.
4.3 Ísland
Á Íslandi eru fimm gagnaver, fjögur þeirra eru staðsett í Reykjavík og eitt í Keflavík (Data
Center Map, e.d.-a). Skýrsla Cushman og Wakefield, hurleypalmerflatt og source8 (2013)
álítur Ísland hafa sjöundu öruggustu staðsetningu í heiminum fyrir gagnaver. Ísland hefur fallið
um þrjú sæti síðan síðasta skýrsla var gefin út árið 2012 og hefur ekki lengur öruggustu
staðsetningu fyrir gagnaver á Norðurlöndum heldur Svíþjóð (hurleypalmerflatt o.fl., 2013).
Mynd 5. Áhættugreining Íslands
(hurleypalmerflatt, Cushman & Wakefield, & source8, 2013).
Ástæðan fyrir falli Íslands á þessum lista er að mörgu leyti hægt að rekja til þess að afkastageta
bandvíddar Internets hefur ekkert batnað þar frá því að síðasta skýrsla var gefin út og einnig
hefur hár launakostnaður haft neikvæð áhrif (hurleypalmerflatt o.fl., 2013). Þeir flokkar sem
18
Ísland er að skara fram úr í eru vatnsaðgengi og sjálfbærni en í þeim flokkum er Ísland talið
vera fremsta þjóð í heiminum (hurleypalmerflatt o.fl., 2013). Aðrir flokkar sem Ísland skorar
hátt í eru orkukostnaður, orkuöryggi, menntun og tekjuskattur fyrirtækja en í þeim flokkum er
Ísland á meðal 10 öruggustu þjóða heims (hurleypalmerflatt o.fl., 2013). Flokkarnir sem Ísland
kemur hvað verst út úr eru bandvídd Internets, launakostnaður og verðbólga (hurleypalmerflatt
o.fl., 2013). Góðu fréttirnar fyrir Ísland eru þær að afkastageta bandvíddar Internets kemur til
með að batna til muna ef Ísland tengist Emerald sæstrengnum, en það myndi beintengja Ísland
við Ameríku og Evrópu í gegnum einn sæstreng í stað tveggja (hurleypalmerflatt o.fl., 2013).
Ennfremur er verðbólga á Íslandi tæplega helmingi lægri en hún var árið 2013 þegar þessi
skýrsla er gefin út, þ.a.l. mun Ísland standa betur að vígi í þeim flokki þegar næsta skýrsla
verður gefin út (Seðlabankinn, e.d.).
19
5. Þættir sem hafa áhrif á staðsetningarval
Orka
Þegar kemur að því að velja staðsetningu eru alls kyns þættir sem hafa áhrif á ákvarðanatöku
fyrirtækja. Orkukostnaður er sennilega einn stærsti kostnaðarliður gagnavera, því hann er
krónískur og ekki er hægt að reka gagnaver án orku. Þegar fyrirtæki meta orkubreytuna vilja
þau umfram allt að orkan sé fáanleg, ódýr, sjálfbær og endurvinnanleg ef völ er á
(Landsvirkjun, 2015b). Fyrirtæki vilja geta gert langtímasamninga við orkuveitur og sjá fyrir
framtíðarverð á orku (Landsvirkjun, 2015b). Ástæðan fyrir því er sú að þó orka ákveðins lands
sé ódýr í dag, gæti hún orðið töluvert dýrari í framtíðinni. Ef ekki er hægt að koma á
langtímasamningum við orkuveitu landsins þá gæti það komið fram í kolröngu verðmati þegar
litið er til lengri tíma (Landsvirkjun, 2015b). Stærri gagnaver leggja mikla áherslu á það að
vera tengd tveimur rafmagnsundirstöðvum til að baktryggja sig, þ.e.a.s. ef önnur slær út getur
hin tekið við og þar með komið í veg fyrir niðritíma (Landsvirkjun, 2015b). Mikilvægi
endurvinnanlegrar orku hefur aukist umtalsvert á síðustu árum og þá allra helst fyrir stærri
fyrirtæki sem leitast eftir að bæta ímynd sína (Landsvirkjun, 2015b). Nálægð við
háspennumastur er einnig gríðarlegur kostur sem fyrirtæki leitast eftir við val á staðsetningu
(Gigerich, 2012).
Fjarskiptaþjónusta
Til að tryggja gæði gagna sækjast fyrirtæki eftir fáanlegri, ódýrri og sjálfbærri
fjarskiptaþjónustu (Landsvirkjun, 2015b). Til þess þarf skilvirka kapla sem bæði eru vel varðir
og tengjast áreiðanlegu bandvíddarkerfi (Landsvirkjun, 2015b). Boðleiðir þurfa að vera
aðgengilegar og öruggar og þ.a.l. er nálægð við fjarskiptabúnað mikilvæg sem og kostnaður
(Gigerich, 2012).
Skattar
Fyrirtæki á þessu sviði reiða sig mikið á skattaívilnanir. Fyrirtækin vilja komast hjá eignarskatti
á tölvu- og gagnaversbúnað. Lönd sem bjóða ekki slíkar ívilnanir eru sniðgengin
(Landsvirkjun, 2015b). Einnig taka gagnaverin skattahlutfall fasteignar með í reikninginn, því
uppbygging gagnavera krefst mikils fjármagns (Gigerich, 2012).
Menntun
Til að reka gagnaver þarf vel menntaða og hæfileikaríka tæknimenn á þessu sviði
(Landsvirkjun, 2015b). Til að setja þetta í samhengi, þá koma aðeins í kringum 20 starfsmenn
20
að rekstri Thor Data Center og því gefur auga leið að ekkert svigrúm er fyrir veikan hlekk
(Benedikt Gröndal, 2016). Því horfa fyrirtæki til þess hvort framboð sé af vel menntuðu
tæknifólki í viðkomandi landi, t.d. frá háskólum landsins, því ekki er hægt að gera ráð fyrir því
að starfsmenn fyrirtækisins í heimalandinu geti flutt ef þörf er á auknu vinnuafli (Landsvirkjun,
2015b).
Rekstur
Gagnaver eru oftar en ekki stór og mikil smíði og byggingarkostnaður því mikill (Gigerich,
2012). Þess vegna þarf getan til að hanna, smíða og halda utan um gagnaver hratt og skilvirkt
með hæfilegum kostnaði að vera til staðar í viðkomandi landi (Landsvirkjun, 2015b). Þættir
sem hafa áhrif á gagnaver í því samhengi eru t.a.m. leyfisveitingaferli, áætlanagerð og
staðbundið skipulag (Landsvirkjun, 2015b). Taka þarf inn í reikninginn hversu lengi þurfi að
bíða eftir að leyfi gangi í gegn, hversu langan tíma skipulagsbreytingar taka ef fyrirtæki
ákveður að stækka við sig og hvaða hindrunum má búast við.
Náttúruhamfarir
Náttúruhamfarir er annar lykilþáttur sem hefur áhrif á staðsetningarval fyrirtækja fyrir
gagnaver. Ástæðan fyrir því að hættan á náttúruhamförum skiptir gagnaversfyrirtæki meira
máli en önnur er sú að þegar fyrirtæki horfa til staðsetningarmöguleika gagnavera eru þau ekki
að horfa til næstu 5-10 ára, heldur næstu 100 ára (Gigerich, 2012). Þess vegna er staðsetning á
t.d. jarðskjálfta-, hvirfilbylja-, flóða- eða eldfjallasvæðum töluvert minna aðlaðandi (Gigerich,
2012).
Nálægðin við stóra markaði og birgja
Nálægð við stóra markaði og viðskiptavini verður aðeins vandamál ef sæstrengur viðkomandi
lands er afkastalítill eða fjarskiptaþjónusta slök (Gigerich, 2012). Nálægð við birgja getur skipt
máli ef bilun verður á tölvubúnaði og þörf er á nýjum hratt og örugglega (Gigerich, 2012).
Pólitískur og efnahagslegur stöðugleiki
Pólitískur og efnahagslegur stöðugleiki er þáttur sem vert er að huga að en sá þáttur er yfirleitt
ekki skoðaður fyrr en búið er að þrengja staðsetningarmöguleika umtalsvert (Gigerich, 2012).
21
Lífsgæði
Þó lífsgæði gæti talist óvenjulegur þáttur, þá skal því haldið til haga að starfsmenn gagnavers
eru vel menntaðir og hálaunaðir og góð lífsgæði verða að vera til staðar til þess að laða að og
viðhalda skilvirku vinnuafli (Gigerich, 2012).
Aðrir þættir
Það er ekki nóg fyrir fyrirtæki að íhuga aðeins kosti og galla hvers lands fyrir sig þegar tekin
er ákvörðun um staðsetningu gagnavera, heldur þurfa þau einnig að kanna
staðsetningarmöguleika innan hvers lands. Gagnaver mega t.d. ekki vera í flugleið, reynt er að
forðast að staðsetja gagnaver í miðri borg, aðgengi þarf að vera öruggt og eldvarnir þurfa að
vera fyrsta flokks (Landsvirkjun, 2015b). Gagnlegt getur verið að hafa gagnaver staðsett á
afskekktum stað en þó með því skilyrði að það tengist þjóðvegi og sé í hæfilegri fjarlægð frá
flugvelli (Gigerich, 2012). Einnig þarf að velta fyrir sér byggingarmöguleikum og bera saman
við mismunandi landsvæði (Gigerich, 2012).
Þó þetta sé alls ekki tæmandi listi yfir alla þá þætti sem hafa áhrif á val fyrirtækja við
staðsetningu gagnavera, þá eru þetta almennir þættir sem langflest fyrirtæki verða að taka til
íhugunar við val sitt.
22
6. Demantslíkan Porter
Mynd 6. Demantslíkan Porter á samkeppnishæfni Íslands á gagnaversmarkaði (útbúið af höfundum)
Demantslíkan Porter samanstendur af fjórum lykilþáttum en þessir lykilþættir eru: Starfsemi
og stuðningsgreinar, eftirspurnarskilyrði, framleiðsluskilyrði og stefna, uppbygging og
samkeppni fyrirtækja. Aðrir þættir sem ekki eru í demantinum, en hafa bein áhrif á hann, eru
tækifæri og stjórnvöld. Þar sem tilgangur demantslíkans Porters er að greina samkeppnisforskot
þjóða, töldu höfundar gagnlegt að smíða greiningu á kostum og ókostum Íslands á
gagnaversmarkaði út frá þessu tiltekna líkani. Þættir sem hafa áhrif á gagnaversiðnað á Íslandi
voru flokkaðir í áðurgreinda lykilþætti, þar sem þeir birtast annaðhvort sem kostir eða ókostir.
Tilgangurinn með þessari greiningu er annars vegar að varpa ljósi á þá þætti sem styrkja
samkeppnisforskot Íslands á gagnaversmarkaði og hins vegar að koma auga á þá þætti sem
þarfnast úrbóta. Hér að neðan er greint frá kostum og ókostum Íslands í hverjum flokki
demantslíkansins fyrir sig.
23
6.1 Eftirspurnarskilyrði
Í skilgreiningu Porters á eftirspurnarskilyrði er átt við um þá eftirspurn um vöru eða þjónustu
sem framleidd er í tilteknu landi. Samkvæmt demantslíkani Porter er það svo að ef staðbundin
eftirspurn eftir vöru eða þjónustu er stærri en erlendir markaðir, þá leggja fyrirtæki meiri
áherslu á að þróa ákveðna vöru eða þjónustu en erlend fyrirtæki sem skapar samkeppnisforskot
fyrir markaðinn í landinu (Ozgen, 2011). Þar sem staðbundin eftirspurn á Íslandi eftir
gagnaverum verður sennilega aldrei stærri en erlendir markaðir, þá er hægt að horfa á
eftirspurnarskilyrði í öðru samhengi. Hlúa ætti að þeim þáttum sem gera Ísland að eftirsóttum
stað fyrir úthýsingu gagnavera og þar með styrkja samkeppnisforskot, því Ísland hefur margt
til brunns að bera. Hér að neðan verða taldir upp kostir og ókostir við eftirspurnarskilyrði á
Íslandi.
Mynd 7. Kostir og ókostir eftirspurnarskilyrða
Endurvinnanleg orka
Endurvinnanleg orka er líklega sá eiginleiki sem einkennir Ísland í gagnaversiðnaðinum en
hérlendis er einungis notuð 100% endurvinnanleg orka (Helgi Helgason, 2016) (Benedikt
Gröndal, 2016). Vaxandi áhugi fyrirtækja á því að bæta samfélagsábyrgð sína með notkun
endurnýjanlegrar orku, hefur gefið gagnaversiðnaðinum hérlendis byr undir báða vængi á
undanförnum árum (Data Center Knowledge, e.d.-b). Þar sem ekkert annað er í boði fyrir
fyrirtæki á Íslandi en að nota endurnýjanlega orku, hefur Ísland ákveðið samkeppnisforskot á
önnur lönd sem kemur einungis til með að vaxa á komandi árum (Helgi Helgason, 2016).
Langtímasamningar við orkuveitur
Það sem Ísland hefur einnig fram yfir önnur lönd eru langtímasamningar við orkuveitur.
Gagnaverum á Íslandi stendur til boða að gera eins langa samninga um kaup á raforku og þeir
geta samið um, sem telst gríðarlegur kostur á gagnaversmarkaði (Benedikt Gröndal, 2016).
24
Ókeypis kæling
Samhliða endurnýtanlegri orku er kæling vefþjóna eiginleiki sem gefur Íslandi mikið
samkeppnisforskot á gagnaversmarkaði. Kæling vefþjóna getur verið afar kostnaðarsöm og í
skýrslu sem gefin var út árið 2007 er greint frá því að kæling vefþjóna sé allt að 35% af
rekstrarkostnaði gagnavera (Koomey, 2007). Það sem gerir Ísland að eftirsóttum stað fyrir
gagnaver er sá möguleiki að þau geta nýtt íslenska loftið til þess að kæla vefþjóna sína, þeim
að kostnaðarlausu (Helgi Helgason, 2016).
Slæm afkastageta bandvíddar
Afkastageta bandvíddar á Íslandi er töluvert verri en í nágrannalöndunum, sem verður þess
valdandi að hraði á gögnunum er ekki eins mikill. Afleiðingar slakrar afkastagetu bandvíddar
er sú að Ísland getur ekki þjónustað 30% af gagnaversmarkaðinum með núverandi
flutningshraða (Helgi Helgason, 2016). Tenging Íslands við Emerald sæstrenginn, sem tengir
saman Evrópu og Norður-Ameríku, myndi auka afkastagetu bandvíddar margfalt, en ekki hefur
tekist að fjármagna þá framkvæmd og þ.a.l. tengist hann ekki Íslandi a.m.k. á næstunni
(Telecom review, e.d.) (Benedikt Gröndal, 2016). Það sem nágrannalönd eins og Svíþjóð,
Danmörk og Finnland hafa fram yfir Ísland er að þau hafa þegar fengið til sín stóra
viðskiptavini á borð við Google, Facebook og Microsoft (Mortleman, e.d.).
Skortur á stórum viðskiptavinum
Hægt er að færa rök fyrir því að fylgni sé á milli þess að stórir viðskiptavinir komi og aukningar
í eftirspurn. Þar má nefna dæmi um komu Facebook til Svíþjóðar árið 2013 (Protalinski, 2013).
Sama ár tilkynnti tæknirisinn Sony Ericsson fimm ára áætlun um milljarða dollara fjárfestingu
í þremur gagnaverum og verða tvö þeirra staðsett í Svíþjóð (Rath, 2013).
Lítill markaður heima fyrir
Þessi skortur á stórum viðskiptavinum hefur orðið til þess að markaðurinn hér heima fyrir er
tiltölulega lítill og hætt er við því að stór fyrirtæki feti frekar í fótspor jafnoka sinna í stað þess
að leita nýrra valkosta.
6.2 Framleiðsluskilyrði
Framleiðsluskilyrði eru framleiðsluþættir í umræddu landi. Þessir framleiðsluþættir eru
eftirfarandi: Vinnuafl sem er hæft starfsfólk, efnisframboð sem er framboð hráefnis,
auðlindaþekking sem er menntun og gæði rannsókna, fjármagnsauðlindir sem er hversu mikið
er til af eignum og félagsauð og innviðir sem er bæði lagalega umhverfið og grunnaðstaða og
25
þjónusta sem þarf fyrir starfsemi samfélagsins (Ozgen, 2011). Ef einhver af þessum þáttum er
ákjósanlegur, þá mun landið þróa samkeppnishæfni fyrir iðnað út frá honum (Porter, 1990).
Hér á eftir verða síðan nefndir kostir og gallar við framleiðsluskilyrði á Íslandi
Mynd 8. Kostir og ókostir framleiðsluskilyrða
Orkuverð hagstætt og þekkt langt fram í tímann
Orkuverð á Íslandi er afar hagstætt. Raforkuverð á Íslandi stendur nú í 5,5 sentum per kWh
sem er t.d. töluvert ódýrara en í Svíþjóð þar sem verðið er 8,33 sent per kWh og ennþá ódýrara
miðað við Bandaríkin, þar sem raforkuverð er 8-17 sent per kWh (Wikipedia, 2016). Lágt
raforkuverð er eiginleiki sem gagnaverseigendur leitast eftir í sínu gagnaversumhverfi, því
raforka er eitthvað sem gagnaver geta ekki verið án.
Stuttur tími fyrir fyrirtæki að hefja rekstur
Ísland hefur m.a. þann kost að sá tími sem það tekur gagnaversfyrirtæki að hefja rekstur er
stuttur samanborið við önnur lönd (The World Bank Group, e.d.-c). Að ganga frá öllum leyfum
og reglugerðum sem krafist er á Íslandi tekur einungis fjóra daga (The World Bank Group,
e.d.-c). Þessi kostur er ef til vill ekki sá veigamesti en getur þó komið sér vel fyrir fyrirtæki
sem eru að reyna að koma sér sem fyrst inn á markað.
Gott framboð af hæfileikaríku upplýsingatæknifólki
Í viðtölum höfunda við rekstrarstjóra Verne Global og Thor Data kom í ljós að báðir aðilar
voru ánægðir með framboðið af hæfileikaríku tæknifólki á sviði upplýsingatækni á Íslandi
(Benedikt Gröndal, 2016) (Helgi Helgason, 2016). Dæmi um góða menntun á Íslandi er að á
The Times Higher Education listanum yfir bestu háskóla árið 2015 til 2016 kemur í ljós að
Háskóli Íslands er í 201 sæti (Times Higher Education, 2015).
Óhagstæður orkumarkaður
Orkumaðurinn í Evrópu er almennt mun sveigjanlegri og betur þróaður en hér á landi (Benedikt
Gröndal, 2016). Á Íslandi geta kaupendur orku staðið frammi fyrir því vandamáli að sitja uppi
með orku sem þeir geta ekki nýtt (Benedikt Gröndal, 2016). Ef aðili ætlar að kaupa 10 megavött
26
af rafmagni þá er sá aðili bundinn við að nota þessi 10 megavött alltaf (Benedikt Gröndal,
2016). Þetta veitir fyrirtækjum sem eru orkufrek lítið svigrúm fyrir sveiflur í orkunotkun
(Benedikt Gröndal, 2016). Orkumarkaðurinn í Evrópu er mun þægilegri, því þar geta
kaupendur ákveðið hvaða magn af orku þeir kaupa frá degi til dags (Benedikt Gröndal, 2016).
Skortur á reynslu og þekkingu í gagnaversiðnaði
Reynsla af gagnaversiðnaði er eitthvað sem Ísland hefur ekki. Gagnaversiðnaðurinn hér á landi
er nokkuð ungur og fyrsta alvöru gagnaverið á Íslandi var tekið í notkun árið 2010
(Viðskiptablaðið, 2010). Ennþá er mikil þekkingaruppbygging í gangi hér á landi og til dæmis
eru verkfræðistofur og slík sambærileg starfsemi að þreytta frumraun sína í þessum iðnaði
(Helgi Helgason, 2016). Að mati Helga Helgasonar (2016) rekstrarstjóra Verne Global er
mannauðurinn á Íslandi góður en skortur er á þekkingu og reynslu.
Skortur á iðnaðarmönnum í uppbyggingu gagnavera
Í viðtali við Helga Helgason (2016), rekstrarstjóra Verne Global, kom í ljós að það væri
töluverður skortur á góðum iðnaðarmönnum hér á landi. Þó að nóg sé að hæfileikaríku
tæknifólki hér á landi er lítið framboð af iðnaðarmönnum eins og rafvirkjum og vélvirkjum
(Helgi Helgason, 2016).
6.3 Skyld starfsemi og stuðningsgreinar
Skyld starfsemi og stuðningsgreinar á við um aðgengi að samkeppnishæfum framboðs- og
stuðningsgreinum (Ozgen, 2011). Til að atvinnugreinar geti öðlast samkeppnisforskot
samræma þau starfsemi sína og mynda klasa af stuðningsgreinum (Porter 1990). Styrkur og
samkeppnishæfni skyldrar starfsemi ýta einnig undir það að frumkvöðlar komi auga á tækifæri
(Ozgen, 2011).
Mynd 9. Kostir og ókostir skyldrar starfsemi og stuðningsgreina
27
Góð afhending rafmagns
Ísland hefur þann mikla kost að raforkudreifing og aðgengi að raforku hér á landi er mjög góð
(Helgi Helgason, 2016). Ríkisrekna fyrirtækið Landsnet sér um dreifinguna. Raforkudreifing
innanlands er mjög skilvirk og einnig er dreifingarnetið tiltölulega nýtt (Helgi Helgason, 2016).
Helsta ástæðan fyrir góðri raforkudreifingu hér á landi er sú að álverin þurfa á mjög öruggri
afhendingu orku að halda og sú er raunin (Helgi Helgason, 2016).
Hátt verð gagnaflutninga
Farice er fyrirtæki sem á tvo sæstrengi sem tengja Ísland við Evrópu (Benedikt Gröndal, 2016).
Í dag er Farice í eigu ríkisins (Benedikt Gröndal, 2016). Árið 2007 varð Farice gjaldþrota eins
og mörg önnur fyrirtæki um þetta leyti. Ríkisábyrgð var á skuldum fyrirtækisins og í stað þess
að fara í gjaldþrotameðferð og í afskriftarferli þá varð ríkið eigandi þess (Benedikt Gröndal,
2016). Farice fyrirtækið er í dag skuldum vafið og nýtingin á strengjunum þess mjög lítil
(Benedikt Gröndal, 2016). Af þessum sökum er verðið á gagnasambandinu mjög hátt. Annað
sem hefur áhrif á verðið er að það er engin samkeppni á þessum markaði. Markaðurinn
samanstendur af þremur strengjum, Danice, Farice og Greenland Connect. Tveir af þessum
strengjum eru í eigu sama aðilans og hinn strengurinn er með óhagstæða verðlagningu og
óheppilega uppsettur (Helgi Helgason, 2016). Allt spilar þetta saman og útkoman er sú að það
er afar óhagstæð verðlagning á gagnasambandi á Ísland og er dæmi um að þessi kostnaður sé
fjórum til fimm sinnum dýrari en í Svíþjóð (Benedikt Gröndal, 2016).
Flutningskostnaður til Íslands
Fjarlægð Íslands frá meginlandi Evrópu eða Bandaríkjunum er töluverð. Hár
flutningskostnaður vegna fjarlægðar frá öðrum markaðssvæðum veldur því að fjárfesting sem
byggir á að flytja inn svokallaðar hálfkláraðar vörur er ekki samkeppnishæf (Þórður H.
Hilmarsson, 2011).
Skortur á gagnaverum á Íslandi
Gagnaversiðnaðurinn er nýr hérna og að sögn Benedikts Gröndal (2016), rekstrarstjóra Thor
Data, myndi iðnaðurinn njóta góðs af fleiri gagnaverum hér á landi. Ef fleiri gagnaver myndu
staðsetja sig á Íslandi væri líklegra að fleiri myndu fylgja (Benedikt Gröndal, 2016). Þá væri í
raun óþarfi að vera að selja landið sem góða staðsetningu fyrir gagnaver, heldur myndu
viðskiptavinirnir einfaldlega vita að það væri hagkvæmt og gott að vera á Íslandi út frá reynslu
annarra gagnavera (Benedikt Gröndal, 2016)
28
Nálægð við stóra birgja
Eins og áður hefur komið fram, er fjarlægð Íslands frá meginlandi Evrópu og Bandaríkjunum
töluverð. Einnig er veruleg fjarlægð frá stórum tölvubúnaðarbirgjum. Thor Data og Verne
Global nýta sér íslenskar tölvubúnaðarheildsölur eins og Nýherja og Advania (Helgi Helgason,
2016) (Benedikt Gröndal, 2016) (viðtal við Helga og Benna). Advania kaupir til dæmis allan
sinn tölvubúnað erlendis frá (Ómar Bendtsen, starfsmaður Advania, munnleg heimild, 4. apríl
2016). Ef nálægð á Íslandi væri meiri við stóra tölvubúnaðarbirgja væri óþarfi fyrir til dæmis
gagnaversiðnaðinn að kaupa tölvubúnað sinn í gegnum þriðja aðila.
6.4 Stefna, uppbygging og samkeppni fyrirtækja.
Samkeppnishæfni í ýmsum löndum er beintengd því hvernig skipulag og stjórnkerfi fyrirtækja
í landinu er (Porter, 1990). Fyrirtæki byggja hæfni sína og getu á atvinnugreinum sem þau eru
samkeppnishæf í (Ozgen, 2011). Til dæmis hafa fyrirtæki í Þýskalandi yfirleitt mjög
kerfisbundið, tæknilegt, framleiðslumiðað og þrepaskipt skipulag og því byggja þau upp styrk
sinn í verkfræði eða skyldum greinum (Ozgen, 2011). Samkeppni fyrirtækja er einnig mjög
mikilvæg og eykur eftirspurn (Ozgen, 2011). Eftir því sem samkeppni er harðari þá verður
þjónustan og vörurnar betri (Ozgen, 2011).
Mynd 10. Kostir og ókostir stefnu, uppbyggingar og samkeppni fyrirtækja
Uppbygging í upplýsingatækniiðnaði
Ísland býr yfir nokkrum frambærilegum kostum sem varða stefnu, uppbyggingu og samkeppni
fyrirtækja. Uppbygging í upplýsingatækniiðnaði á Íslandi hefur verið í sókn síðustu ár og hefur
töluverð aukning orðið í framtaksfjárfestingu í tækni- og nýsköpunargeiranum. Til að setja
þetta í samhengi jókst fjárfestingin í þessum flokki úr 1,5 milljörðum króna árið 2014 í 25,2
milljarða króna árið 2015 (Þórður Snær Júlíusson, 2016). Stærstu fjárfestinguna árið 2015 átti
Verne Global en sú fjárfesting nam 13 milljörðum króna eða meira en helmingi af
heildarfjárfestingum það árið (Þórður Snær Júlíusson, 2016). Þessi gríðarlega aukning í
29
fjárfestingum í tækni- og nýsköpunargeiranum undirstrikar það að Ísland sé farið að sjá hag í
þessum arðsama geira sem ekki hefur verið í miklum metum undanfarna áratugi. Framfarirnar
í þessum geira hafa ekki aðeins skilað auknum tekjum. Fjöldinn allur af störfum hefur skapast
en starfsmönnum nýsköpunarfyrirtækja fjölgaði um 400 á árunum 2012-2014 (Þórður Snær
Júlíusson, 2016).
Góð lífsgæði
Lífsgæði á Íslandi eru mjög góð samkvæmt OECD lífskjaravísitölunni en samkvæmt henni eru
Íslendingar almennt ánægðari með líf sitt en flest aðrar þjóðir (OECD, e.d.-b). Það sem
Íslendingar geta sérstaklega státað sig af er lágt atvinnuleysi. Um 82% af íbúum á Íslandi á
aldrinum 15-64 hafa launað starf sem er hæsta hlutfall sem mælt var af OECD (OECD, e.d.-b).
Fjölmargir aðrir þættir einkenna góð lífsgæði á Íslandi og má þá helst nefna háan lífaldur, litla
mengun, gott vatnsaðgengi og hátt öryggi en Ísland stendur framar flestum öðrum þjóðum í
þessum þáttum (OECD, e.d.-b). Nátengt lífsgæðum er menntakerfið á Íslandi. Hátt
menntunarstig gefur löndum samkeppnisforskot með því að skapa meiri þekkingu á
vinnumarkaði. Rekstrarstjórar gagnavera á Íslandi eru ánægðir með það framboð af vinnuafli
sem stendur þeim til boða (Helgi Helgason, 2016) (Benedikt Gröndal, 2016). Þrátt fyrir að
aðeins 71% af Íslendingum á aldrinum 25-64 hafi lokið menntaskóla, sem er lægra en meðaltal
OECD, er menntakerfið á Íslandi mun stöðugra en annars staðar í heiminum sem leiðir í ljós
að gott aðgengi er að góðri menntun (OECD, e.d.-b).
Stöðug verðbólga
Verðbólgan á Íslandi hefur jafnt og þétt verið að hjaðna síðan bankahrunið átti sér stað árið
2008 (A.M. Best Company, 2015a). Verðbólgan hér er einnig orðin töluvert stöðugri núna sem
hefur valdið því að atvinnuástand hefur batnað til muna sem og fjárfestingum fjölgað (A.M.
Best Company, 2015a).
Óhagstætt skattaumhverfi
Ísland hefur sína galla líka þegar um er að ræða stefnu, uppbyggingu og samkeppni fyrirtækja.
Óhagstætt skattaumhverfi er einn þeirra en það hefur bein áhrif á gagnaver á Íslandi. Óhagstætt
skattaumhverfi skaðar samkeppnishæfni Íslendinga á gagnaversmarkaði að mati Helga
Helgasonar (2016), rekstrarstjóra Verne Global gagnaversins. Ennfremur er ákvæði í
virðisaukaskattslöggjöfinni sem þvingar fyrirtæki til að setja upp kennitölu á Íslandi sem er
afar óhagstætt fyrir gagnaversiðnaðinn, þar sem langflestir viðskiptavinur gagnavera hérlendis
eru erlendir (Helgi Helgason, 2016).
30
Slæmt lánshæfistraust
Annar ókostur sem Ísland þarf að búa við er slæmt lánshæfistraust. Eins og áður hefur komið
fram varð íslenski efnahagurinn fyrir höggi árið 2008 þegar bankahrunið átti sér stað en hefur
verið á uppleið. Þó verðbólga hafi lækkað og lífsskilyrði batnað, erum við töluvert langt frá
þeim nágrannalöndum sem teljast til samkeppnisaðila okkar um gagnaver. Ef við lítum á það
lánatraustsgildi sem Íslandi er veitt í samantekt þriggja stærstu lánshæfismatsfyrirtækja
heimsins, þá er það einungis 55.45 sem er rétt yfir meðaltali (Trading Economics, 2016). Á
meðan eru Noregur, Svíþjóð og Danmörk öll á meðal 10 traustustu landa heims í sömu
lánshæfismatsgreiningu (Trading Economics, 2016). Slæmt lánshæfismat getur t.d. orðið þess
valdandi að Ísland geti ekki lagt til það fjármagn sem til þarf til þess að tenging Íslands við
Emerald sæstrenginn verði að veruleika.
6.5 Stjórnvöld
Stjórnvöld er annar þeirra utanaðkomandi þátta sem hafa áhrif á samkeppnishæfni landa í
demantslíkani Porters.
Mynd 11. Kostir og ókostir stjórnvalda
Aðild að lagningu Danice sæstrengsins
Stjórnvöld hafa ekki verið áberandi í málefnum gagnavera á Íslandi sem er miður, því ef Ísland
ætlar að ná almennilegu samkeppnisforskoti í gagnaversiðnaðinum er þátttaka stjórnvalda
mikilvæg. Stjórnvöld hafa þó ekki setið algjörlega aðgerðalaus, því þau fjármögnuðu að hluta
til lagningu DANICE sæstrengsins (Helgi Helgason, 2016). Lagning DANICE sæstrengsins
var algjör grundvöllur þess að gagnaversiðnaðurinn næði fótfestu á Íslandi, því áður en hann
kom til sögunnar var FARICE strengurinn sá eini (Helgi Helgason, 2016).
Skattaívilnanir
Þrátt fyrir að stjórnvöld hafi hjálpað til við lagningu Danice strengsins, hefur verið skortur á
þeirri eftirfylgni sem gagnaversiðnaðurinn krefst af stjórnvöldum. Þar efst á blaði eru
31
skattaívilnanir. Raforkumálin hafa verið þrálátt vandamál fyrir gagnaversiðnaðinn á Íslandi,
því gagnaverin eru að borga jafn mikið fyrir dreifingu rafmagns og hver annar heimilisnotandi
(Benedikt Gröndal, 2016). Það veldur gagnaverum gríðarlegu tekjutapi að þurfa að borga
jöfnunargjald sem nemur 20 aurum per kílóvattstund, en slíkt tekjutap getur skipt tugum
milljónum króna á ári (Benedikt Gröndal, 2016). Það sem stjórnvöld gætu gert til þess koma
Íslandi á par við önnur lönd væri að veita gagnaverum svokallaðan stóriðjutaxta á raforkuverði,
t.d. með því að bjóða þeim raforkuverð á sama verði og álver borga fyrir sitt rafmagn (Benedikt
Gröndal, 2016).
Ferli á endurgreiðslu virðisaukaskatts á tölvubúnaði
Annar ókostur Íslands að hálfu stjórnvalda er ferli á endurgreiðslu virðisaukaskatts á
tölvubúnaði. Almennt hefur tíðkast að erlend fyrirtæki komi með sinn eigin tölvubúnað til
hýsingar á Íslandi og eru þeir skyldugir til þess að borga virðisaukaskatt af honum (Benedikt
Gröndal, 2016). Fyrirtæki fá þó virðisaukaskattinn endurgreiddan en það ferli getur tekið allt
að sex mánuði (Benedikt Gröndal, 2016). Virðisaukaskattur vegna tölvubúnaðar getur skipt
hundruðum milljóna króna og vextir af slíkum upphæðum í allt að sex mánuði geta valdið
fyrirtækjunum miklum kostnaði (Benedikt Gröndal, 2016). Þetta ferli hefur haft fælandi áhrif
á erlenda viðskiptavini sem hafa lítinn áhuga á því að borga þennan óþarfa kostnað (Benedikt
Gröndal, 2016).
Áhugaleysi stjórnvalda á gagnaversiðnaðinum
Áhugaleysi stjórnvalda á gagnaversiðnaðinum veldur gagnaversstjórnendum á Íslandi mikilli
óánægju er. Rekstrarstjórar Thor Data og Verne Global greindu báðir frá því að lítil sem engin
hjálp hafi fengist frá stjórnvöldum þrátt fyrir ítrekaðar tilraunir (Benedikt Gröndal, 2016)
(Helgi Helgason, 2016). Stjórnvöld nágrannalandanna virðist vera langt á undan Íslandi í
þessum málum og t.a.m. breyttu Danir ýmsum reglugerðum í skattalöggjöf sinni til þess að fá
tæknirisann Apple til þess að reisa gagnaver þar í landi (Helgi Helgason, 2016).
6.6 Tækifæri Tækifæri er hinn utanaðkomandi þátturinn sem hefur áhrif á samkeppnishæfni landa í
demantslíkani.
32
Mynd 12. Kostir og ókostir tækifæra
Lagning Emerald sæstrengsins
Bandvíddarkostnaður er ákveðinn dragbítur fyrir gagnaversiðnað á Íslandi (Helgi Helgason,
2016) (Benedikt Gröndal, 2016). Þó eru tækifæri til að gera bragarbót á með tilkomu tengingar
við Emerald sæstrenginn. Emerald sæstrengurinn liggur frá Evrópu til Bandaríkjanna og á
miðri leið átti að koma tenging frá honum til Íslands. Enn hefur þó ekki tekist að fjármagna
þann hluta (Benedikt Gröndal, 2016). Ef fjármögnum fyrir þennan streng fengist á næstu árum
er líklegt að við munum sjá breytingu á iðnaðinum á Íslandi. Með tilkomu tengingarinnar yrði
meiri samkeppni á sæstrengsmarkaðinum á Íslandi og með aukinni samkeppni myndi verð á
bandvídd lækka. Annað sem tenging við Emerald sæstrenginn myndi koma til með að bæta í
þessum iðnaði, væri tenging til Bandaríkjanna (Helgi Helgason, 2016). Í dag fara allar
tengingar í gegnum London eða Amsterdam og biðtíminn er langur (Benedikt Gröndal, 2016).
Tenging við Emerald sæstrenginn myndi veita beina tengingu við Bandaríkin og það myndi
stytta biðtímann.
Hræðsla við náttúrhamfarir
Lítill þekking og hræðsla við náttúruhamfarir getur mögulega skaðað gagnaversiðnaðinn hér á
landi. Verne Global fékk t.d. margar spurningar um mögulegar náttúruhamfarir á Íslandi í
kjölfar gossins í Eyjafjallajökli árið 2010 (Helgi Helgason, 2016). Smámsaman hefur þó dregið
úr þeim fyrirspurnum (Helgi Helgason, 2016). Verne Global hefur látið gera áhættumat fyrir
Ísland og í ljós kom að gagnaversstarfsemi í New York er í meiri hættu vegna náttúruhamfara
en sú íslenska (Helgi Helgason, 2016). Að sögn Benedikts Gröndal (2016), rekstrarstjóra Thor
Data, þurfa þeir af og til þurft að ræða við mögulega viðskiptavini sína um líkurnar á
náttúruhamförum á Íslandi sem gætu haft áhrif á gagnaversstarfsemina. Benedikt (2016) taldi
einnig að líklegt væri að sumir mögulegir viðskiptavinir leituðu svara við þessum spurningum
á annan hátt en að ræða við þá.
33
7. Samanburðarlíkan á gagnaversmarkaði
Mynd 13. Grunnlíkan höfunda á gagnaversmarkaði
Á mynd 13 má sjá líkan höfunda sem útbúið var sérstaklega til samanburðar á Íslandi,
Bandaríkjunum og Svíþjóð út frá þeim lykilþáttum sem hafa áhrif á staðsetningarval fyrirtækja.
Líkanið er að mörgu leyti gert til að sýna betri heildarmynd af skýrslunni sem tekin var fyrir í
fyrri kafla, en sú skýrsla var gefin út árið 2013. Skýrslan sýndi helstu áhættuþætti sem eigendur
gagnavera standa frammi fyrir, en líkanið hér að ofan tekur á rekstrarlegu sjónarmiði fyrirtækja.
Ótalmargir þættir koma við sögu í staðsetningarvali og verða fyrirtæki að velta þeim
gaumgæflega fyrir sér. Í líkaninu hér að ofan er einblínt á þá 16 lykilþætti sem að höfundar
telja skipta mestu máli. Þættirnir í líkaninu hafa marga snertifleti tengda rekstri gagnavera sem
eiga að gefa ágæta heildarmynd af samanburðinum. Líkanið sýnir stöðu samanburðarlandanna
út frá þeim mælikvörðum sem notaðir eru í hverjum flokki fyrir sig, en tekið skal fram að hæsta
talan táknar ekki alltaf bestu stöðuna.
34
Mynd 14. Samanburðarlíkan höfunda fyrir vigtun.
Á mynd 14 er um sama líkan að ræða nema nú hefur lykilþáttunum verið skipt upp í þrjá flokka
og þeim gefin einkunnin 1, 2 eða 3. Það land sem stóð best að vígi fékk einkunnina 3, landið
sem kom þar á eftir fékk einkunnina 2 og það land sem kom verst út fékk einkunnina 1. Þetta
á við um alla flokka að undanskildum flokknum aðgengi að orku þar sem öll lönd höfðu 100%
aðgengi að orku og fengu þ.a.l. öll einkunnina 2.
Þeir þættir sem skilgreindir eru í fyrsta flokk eru orkukostnaður, orkuöryggi, aðgengi að orku,
afkastageta bandvíddar og kostnaður bandvíddar. Í öðrum flokk eru þættirnir endurvinnanleg
orka, tekjuskattur fyrirtækja, menntun, pólitískur stöðugleiki, efnahagslegur stöðugleiki,
náttúruhamfarir og nálægð við stóra markaði og viðskiptavini. Þriðji og seinasti flokkurinn
inniheldur þættina verðbólga, lífsgæði, fasteignaskatt og tíma sem það tekur fyrirtæki að koma
sér af stað. Hér að neðan verður síðan kafað dýpra í hvern flokk fyrir sig og útskýrt hvers vegna
flokkarnir hafa áhrif á staðsetningu gagnavera.
7.1 Fyrsti flokkur
Fyrsti flokkurinn og jafnframt sá veigamesti snýr að beinum rekstri gagnavera. Þar eru teknir
fyrir þeir grunnþættir sem gagnaverseigendur þurfa að hafa í lagi til þess að geta rekið
gagnaver. Orka og bandvídd fer fyrir flokknum sem kemur lítið á óvart, því án þessara tveggja
35
þátta væri ekki hægt að reka gagnaver. Allir undirþættir flokksins voru taldir álíka mikilvægir
og fengu því allir sama vægi innan flokksins.
Orkukostnaður
Orkukostnaður skipar stóran sess í kostnaði gagnavera og má reikna með að 15% af öllum
kostnaði fari í orku. Það sem felst almennt í orkukostnaði er stöðugt streymi frá orkuveitum,
stórir rafalar og straumbreytar. Það sem keyrir upp orkuverð fyrir gagnaver er þetta stöðuga
streymi sem þarf að vera viðvarandi 24 tíma dags 365 daga ársins (Greenberg o.fl., 2008). Það
sem gefur landi samkeppnisforskot á gagnaversmarkaði er eiginleikinn til að geta séð fyrir
orkuverð langt fram í tímann. Þar með eru gagnaversfyrirtæki mun líklegri til þess að færa
starfsemina sína þangað, því óvissa um orkuverð getur komið sér illa fyrir fyrirtæki á
gagnaversmarkaði og jafnvel orsakað stórtap.
Orkuöryggi
Orkuöryggi getur reynst nokkuð illskiljanlegt hugtak en í sinni einföldustu merkingu þýðir
orkuöryggi samfleytt aðgengi að traustum orkuveitum á viðráðanlegu verði (International
Energy Agency, e.d.-b).
Mynd 15. Skilgreining orkuöryggis
(International Energy Agency, e.d.-b)
36
Dæmi um land sem býr við gott orkuöryggi er það þegar þeir sem bjóða orkuna geta brugðist
fljótt við breytingum á eftirspurn (International Energy Agency, e.d.-b). Ósamkeppnishæft og
sveiflukennt orkuverð er því dæmi um slæmt orkuöryggi og þar sem orkukostnaður er
gagnaverum mjög mikilvægur er óhagstætt að staðsetja gagnaver í slæmu
orkuöryggisumhverfi.
Aðgengi að orku
Öll þróuð hagkerfi í heiminum í dag krefjast öruggs aðgengis að nútímalegum orkugjöfum til
að byggja undir þróun og vaxandi velferð (International Energy Agency, e.d.-a).
Grunvallaratriði til að auka tekjumöguleika og hagvöxt er orka. Öruggt aðgengi fyrir gagnaver
þýðir í raun að hafa beinan aðgang að raforku allan ársins hring. Lélegt aðgengi að orku
takmarkar verulega tekjumöguleika fyrirtækja (Shell Foundation, e.d.).
Afkastageta bandvíddar
Bandvídd er notað sem samheiti fyrir gagnaflutningshlutfall (Rouse, 2014). Það er sem sagt
magn gagna sem hægt er að færa frá einum stað til annars á tilteknu tímabili (Rouse, 2014).
Bandvídd er yfirleitt útskýrð í bitum á sekúndu (bps), megabætum á sekúndu (Mbs), gígabætum
á sekúndu (Gps) eða terrabætum á sekúndu (Tbs) (Rouse, 2014). Afkastageta bandvíddar er
mjög mikilvægur þáttur í starfsemi gagnavera. Skortur á afkastagetu bandvíddar á milli
netþjóna getur komið í veg fyrir samskipti á milli netþjóna og þá lengist tíminn til að fá
nauðsynlegar upplýsingar (Khan & Zomaya, 2015). Erfitt er að segja til um það hversu mikla
bandvídd hvert gagnaver þarf, en í meðalstóru gagnaveri þarf bandvídd upp á 1 terrabæt
(Pepelnjak, 2013).
Kostnaður bandvíddar
Eftirspurn og framboð, fjöldi og styrkleiki samkeppnisaðila og afköst bandvíddarinnar eru allt
þættir sem hafa áhrif á verð bandvíddarinnar (Geng, 2015).
7.2 Annar flokkur
Annar flokkurinn hefur minna vægi af þeim sökum að hann snýr ekki að dags daglegum rekstri
gagnavera. Þessi flokkur einkennist að þeim utanaðkomandi þáttum sem hafa áhrif á gagnaver
að undanskilinni endurvinnanlegri orku sem er beintengd rekstri gagnavera en þó ekki nógu
mikilvæg til þess að vera í fyrsta flokki. Undirþætti þessa flokks mætti greina sem hluti sem
væri gott að hafa en þó ekki nauðsynlegir til þess að geta rekið gagnaver. Allir undirþættir
flokksins voru taldir álíka mikilvægir og fengu því allir sama vægi innan flokksins.
37
Endurvinnanleg orka
Endurvinnanleg orka er sá þáttur sem fengið hefur byr undir báða vængi á undanförnum árum
og hafa gagnaversfyrirtæki kappkostað að fjárfesta í slíkri orku (Data Center Knowledge, e.d.-
b). Þessi skyndilegi áhugi hefur mikið að gera með það að fyrirtæki vilja vera samfélagslega
ábyrg og leggja mikið á sig við að bæta ímynd sína. Endurvinnaleg orka er orðið nokkurs konar
markaðstól í höndum viðskiptavina gagnaveranna (Helgi Helgason, 2016).
Tekjuskattur fyrirtækja
Tekjuskattur er skattur sem er lagður á hagnað fyrirtækja (Hannes G. Sigurðsson, 2012). Þegar
um er að ræða nýsköpun og þróun er lágt hlutfall tekjuskatts á fyrirtæki mikilvægt (Hannes G.
Sigurðsson, 2012). Lágur tekjuskattur hvetur til fjárfestinga og atvinnusköpunar. Lækkun á
tekjuskattshlutfalli fyrirtækja ætti þó ekki að lækka tekjur ríkisins. Skýringin er sú að þessi
lækkun stuðlar einfaldlega að stækkun annarra skattstofna (Hannes G. Sigurðsson, 2012).
Lágur tekjuskattur á fyrirtæki getur einnig verið mikill hvati fyrir bæði erlenda og innlenda
fjárfestingu. Það eru dæmi um tengingu á milli þess að lækka tekjuskatt á fyrirtæki og
aukningar í erlendri fjárfestingu en slíkt gerðist í Írlandi á síðustu öld (Sweeney, 2010).
Tekjuskattshlutfall er gagnaverseigendum mikilvægt, líkt og öðrum eigendum fyrirtækja. Því
lægra sem tekjuskattshlutfallið er, því meira verður samkeppnisforskot landsins.
Menntun
Menntun skiptir miklu máli þegar þjóðir keppa á alþjóðlegum markaði, hvort sem það er á
gagnaversmarkaði eða einhverjum öðrum. Mikilvægi menntunar í vexti efnahagskerfis er
óumdeilanlegt og því er ljóst að ef þjóð ætlar að stuðla að sjálfbærni efnahags er umfangsmikil
fjárfesting í menntakerfinu nauðsynleg (Salgür, 2013). Gagnaver eru tæknilega flókin fyrirbæri
og því þurfa þeir starfsmenn sem sjá um viðhald þess og þróun að vera vel menntað og
hæfileikaríkt á þessu sviði.
Pólitískur stöðugleiki
Einkennandi fyrir pólitískan stöðugleika eru litlar líkur á framsali á valdheimildum
ríkisstjórarinnar sem samrýmist ekki grunnreglum réttarríkisins, vopnuðum átökum, félagslegri
ólgu, alþjóðlegri spennu, hryðjuverkum auk þjóðernis, trúarbragða og svæðisbundinna átaka
(The Global Economy, e.d.). Þótt að fyrirtæki sé staðsett í landi sem er með mikinn pólitískan
stöðugleika, geta orðið breytingar sem hafa mikil áhrif á starfsemi þess (Triple A Learning,
e.d.). Þessar breytingar geta verið í lagalegu umhverfi landsins eða verið breytingar sem beinast
beint að fyrirtækjarekstri (Triple A Learning, e.d.). Þessar breytingar geta leitt til þess að landið
38
sé ekki jafn fyrirtækjamiðað og mögulega óhagstætt fyrir fyrirtæki að staðsetja sig þar (Triple
A Learning, e.d.). Pólitískur stöðugleiki er mikilvægur fyrir gagnaversfyrirtæki, eins og önnur
fyrirtæki, því breytingar í lagaumhverfi hafa áhrif á rekstur þeirra.
Efnahagslegur stöðugleiki
Efnahagslegur stöðugleiki er það þegar hagkerfi landsins er stöðugt, áreiðanlegt og staðfast
(Margeirsson, 2013). Ef hagkerfið færist úr jafnvægi skal það leita sjálfkrafa aftur til baka á þá
braut sem það var á (Margeirsson, 2013). Neytendur, fyrirtæki og ríkisstjórnir njóta mikils
ábata að efnahagslegum stöðugleika og lítil verðbólga á vel stjórnuðu svæði gerir lántökur
ódýrari (European Commission, 2014). Þetta þýðir að vextir innlendra skulda verða minni og
við það losnar mikið magn af skattpeningum skattgreiðanda sem áður var notað í að
endurgreiða vexti og má nota það til dæmis til að lækka skatta, byggja nýja opinbera innviði
eða styrkja velferðarkerfið (European Commission, 2014). Einnig leyfir efnahagslegur
stöðugleiki ríkisstjórnum að áætla fjármál landsins, útgjöld og tekjur með meiri vissu
(European Commission, 2014). Starfsmenn sem eru í óstöðugu efnahagslegu umhverfi eru
líklegri til að þjást af streitu en þeir starfsmenn sem eru í stöðugu efnahagslegu umhverfi
(Godin & Kittel, 2004). Ódýrar lánstökur og viðskiptaþægindi eru mikill kostur í rekstri
gagnavera og þ.a.l. leitast gagnaverseigendur eftir efnahagslegum stöðugleika þegar þeir huga
að staðsetningu gagnavera.
Náttúruhamfarir
Röskun á fyrirtækjamarkaði er eitt stærsta vandamál svæða sem verða fyrir áhrifum af
náttúruhamförum og eru skemmdir vega, fjarskiptakerfa og bygginga algeng sjón eftir slíkar
hamfarir (Elmerraji, 2011). Þar sem uppitími gagnavera er gífurlega mikilvægur, vilja eigendur
gagnavera helst forðast að staðsetja þau þar sem líkur eru á röskun af þessum sökum. Ástæðan
fyrir þessari hræðslu er að niðritími gagnavera, þ.e.a.s. þegar vefþjónar eru óvirkir, getur
mögulega kostað milljónir dollara í glataðar tekjur (hurleypalmerflatt o.fl., 2013).
Nálægð við stóra viðskiptavini
Nálægð við viðskiptavini getur verið mjög mikilvæg fyrir fyrirtæki og er mögulega ennþá
mikilvægari fyrir gagnaver. Í gagnaversiðnaðinum finnst tæknimönnum stórfyrirtækja oft
skipta verulegu máli að hafa búnaðinn sem næst sér. Það getur orðið þess valdandi að afskekkt
lönd teljast minna aðlaðandi staðsetningarkostur fyrir úthýsingu gagnavera (Helgi Helgason,
2016). Þessir aðilar eru oft kallaðir ,,server huggers“ og er þetta oft ákveðinn þröskuldur fyrir
þessa aðila að yfirstíga (Helgi Helgason, 2016). Við mat á þessum flokki var mest notast við
39
Forbes 2000 listann. Forbes 2000 er alhliða listi yfir heimsins stærstu og öflugustu fyrirtæki og
er það metið eftir tekjum, hagnaði, eignum og markaðsvirði (Forbes, e.d.).
7.3 Þriðji Flokkur
Þriðji flokkurinn er sá flokkur sem hefur minnsta vægið. Þættir í þessum flokki tengjast meira
almennum fyrirtækjarekstri en gagnaversrekstri. Þó að þessir þættir séu ekki beint mikilvægir
í gagnaversrekstri eru þeir þó að mati höfunda þættir sem geta mögulega bætt
gagnaversstarfsemina. Allir undirþættir flokksins voru taldir álíka mikilvægir og fengu því allir
sama vægi innan flokksins.
Verðbólga
„Verðbólga er skilgreind sem viðvarandi hækkun almenns verðlags og er oftast mæld sem tólf
mánaða breyting vísitölu neysluverðs en sú vísitala mælir meðalverð vöru og þjónustu á
markaði“ (Seðlabankinn, e.d.). „Verðbólga felur í sér að verðgildi peninga minnkar, þ.e.a.s.
minna magn vöru og þjónustu fæst fyrir hverja krónu“ (Seðlabankinn, e.d.). „Hagstofa Íslands
mælir vísitölu neysluverðs og byggir það á reglubundnum könnunum á útgjöldum heimilanna
í landinu“ (Seðlabankinn, e.d.). Þó verðbólga sé ekki vigtuð hátt í greiningunni er það eitthvað
sem öll fyrirtæki verða að vera meðvituð um, hvort sem það er í gagnaversgeiranum eða
einhverjum öðrum. Gagnaver verða að vera meðvituð um stöðu verðbólgu þegar
fjárhagsáætlun er gerð varðandi framkvæmdir þeirra til að fá raunverulega mynd af verðmæti
þeirra og til að reyna spá fyrir um breytingar þeirra (Geng, 2015).
Lífsgæði
Lífsgæði í þessu samhengi á í raun og veru við um lífsgæði starfsmanna. Fyrir mörg fyrirtæki
eru lífsgæði eitthvað sem myndi ekki skipta verulegu máli þegar staðsetningarmöguleikar eru
metnir. Þar sem starfsmenn gagnavera eru oftast fáir og gjarnan beðnir um að flytja úr landi er
þetta þó þáttur sem vert er að huga að ef fyrirtækin vilja halda í gott starfsfólk (Geng, 2015).
Það sem hefur áhrif á lífsgæði starfsmanna er t.d. lágir skattar, lágur orkukostnaður, hagstætt
loftslag, starfs- og menntunarmöguleikar fyrir fjölskyldumeðlimi, menningarlegt aðdráttarafl
og ferðaþægindi (Geng, 2015).
Fasteignaskattur
Gagnaver eru oftar en ekki stórar og plássfrekar byggingar sem líta út eins og stórar
verksmiðjur að utanverðu (Geng, 2015). Stórum og miklum byggingum fylgir oft hár
fasteignaskattur og ekki er ólíklegt að fasteignaskattur sé stærsti staki liðurinn í skattgreiðslum
40
gagnavera (Geng, 2015). Samkeppnisforskot getur myndast á gagnaversmarkaði og ef
stjórnvöld eru tilbúin að veita skattaívilnanir á fasteignaskatt og virðisaukaskatt á tækjabúnaði
getur sparnaður fyrirtækja af skattaívilnunum skipt milljónum dollar (Geng, 2015).
Tími sem tekur fyrirtæki að koma sér af stað
Þegar fyrirtæki hafa lokið allri undirbúningsvinnu vilja þau ekki þurfa að bíða aðgerðarlaus
eftir því að geta opnað. Þessi þáttur á við um þá dagafjölda sem það tekur að ganga frá öllum
verkþáttum til þess að geta hafið löglegan rekstur á fyrirtæki innan lands. Gagnaver þurfa eins
og önnur fyrirtæki að ganga í gegnum ýmis leyfisveitingaferli og getur hver dagur í bið verið
kostnaðarsamur. Til að setja þetta í samhengi eru þau lönd sem standa best að vígi í þessum
flokki Nýja Sjáland og Makedónía en þar tekur aðeins einn dag að fá öll leyfi til þess að koma
fyrirtæki í rekstur, á meðan það tekur 144 daga í Venesúela sem kemur verst út (The World
Bank Group, e.d.-c).
41
8. Niðurstöður
Mynd 16. Samanburðarlíkan höfunda á gagnaversmarkaði
Mynd 16 sýnir sama samanburðarlíkan og tekið var fyrir í fyrri kafla, nema nú hafa einkunnir
verið vigtaðar upp eftir mikilvægi. Ákveðið var að nota sömu vigt og í áhættugreiningu
Cushman og Wakefield, hurleypalmerflatt og source8, þar sem undirþættir fyrsta flokks voru
vigtaðir upp um 60%, undirþættir annars flokks voru vigtaðir upp um 35% og undirþættir þriðja
flokks voru vigtaðir upp um 5%. Að lokum voru stig hvers land lögð saman og birt sem
heildarstig í líkaninu. Hér að neðan verður síðan fjallað um hvert land fyrir sig út frá
niðurstöðum samanburðarlíkansins hér að ofan.
8.1 Svíþjóð í samanburðarlíkaninu
Svíþjóð er það land sem kemur best út úr greiningu höfunda. Svíþjóð hlaut 45,7 stig af 64,95
mögulegum, sem gerir Svíþjóð að mjög arðbærum stað fyrir gagnaver. Svíþjóð vinnur nauman
sigur á Bandaríkjunum sem hafa haft tögl og hagldir á gagnaversiðnaðinum undanfarin ár.
Fyrirtæki hafa smátt og smátt verið að átta sig á kostum þess að úthýsa gagnaversstarfsemi
sinni í kaldara loftslag. Svo virðist vera að Svíþjóð sé að njóta góðs af því og þá sérstaklega
Norður-Svíþjóð. Eins og áður hefur komið fram hafa stór fyrirtæki á borð við Facebook séð
sér hag í því að úthýsa starfsemi sinni til Svíþjóðar og áætlað er að fleiri fyrirtæki séu á leiðinni.
42
Vefhýsingarfyrirtækið Hydro66 hefur t.a.m. opnað 8.000 m² gagnaver í Boden sem er í næsta
nágrenni við Facebook gagnaverið. Það sem gerir Svíþjóð að ákjósanlegum stað er lágt
orkuverð. Árið 2015 stóð raforkuverð í Svíþjóð í 8,33 sentum per kWh sem er það næstódýrasta
í greiningunni (Wikipedia, 2016). Það sem keyrir orkuverð niður í Svíþjóð er samkeppnin sem
ríkir á orkumarkaðinum. Í Svíþjóð er hægt að kaupa orku frá um 200 fyrirtækjum sem öll
keppast við að vera með lægsta verðið („Energy use in Sweden“, 2015).
Ásamt því að bjóða raforku á tiltölulega ódýru verði er allt landið einnig með aðgang að raforku
og hefur verið það undanfarna áratugi (The World Bank Group, e.d.-a). Kosturinn við það er
sá að hægt væri að koma fyrir gagnaveri hvar sem er í landinu og þ.a.l. væri hægt að staðsetja
gagnaver þar sem orkan væri ódýrust í landinu án nokkurra örðuleika. Svíþjóð er með næstbesta
orkuöryggi á Norðurlöndunum samkvæmt tölum frá 2015 og situr í 16. sæti á heimsvísu (World
Energy Council, e.d.). Ástæðan fyrir því að Svíþjóð er ekki ofar á þessum lista er sú að
orkuöryggi landsins er samþætt raforkumarkaði Norður-Evrópu og ef brestur eða skortur er á
raforkuframboði utan landamæra Svíþjóðar getur það haft áhrif þar (International Energy
Agency, 2013). Áform liggja fyrir í Svíþjóð um að auka öryggi í framboði á orku með því að
halda áfram að þróa endurnýtanlega orkugjafa, s.s. jarðvarma- eða vindorku (International
Energy Agency, 2013).
Svíþjóð siglir nokkuð lygnan sjó þegar um bandvídd er að ræða. Kostnaður og aðgengi þeirra
af bandvídd er hvorki slæmur né framúrskarandi. Bandvíddarkostnaður í Norður-Svíþjóð, þar
sem stærstu gagnaverin eru staðsett, er þó talinn nokkuð óhagstæður á heimsvísu (Benedikt
Gröndal, 2016). Fyrirtæki sem ætla að opna gagnaver í norðurhluta Svíþjóðar verða því að bera
saman annars vegar háan kostnað bandvíddar og hins vegar lágan kostnað raforku og meta hvor
kostnaðurinn er veigameiri miðað við stærð og afkastagetu gagnaversins.
Árið 2012 tókst Svíþjóð að ná markmiðum sínum um að öll orka í landinu væri að minnsta
kosti 50% endurvinnanleg. Þeim tókst þetta átta árum á undan settri áætlun („Energy use in
Sweden“, 2015). Í dag er Svíþjóð með 59% endurvinnanlega orku og er landið í þriðja sæti yfir
þau lönd í Evrópusambandinu sem eru með mestu endurvinnanlegu orkuna á eftir Austurríki
sem er í fyrsta sæti og Lettlandi sem er í öðru sæti (The World Bank Group, e.d.-b). Í
samanburði við 100% endurvinnanlega orku á Íslandi, þá á Svíþjóð þó nokkuð í land. Svíþjóð
er ennþá með þrjú kjarnorkuver með 10 kjarnorkukljúfum í notkun, sem gerir landið eina landið
í heiminum sem hefur fleiri en einn kjarnorkukljúf á hverja milljón íbúa („Energy use in
Sweden“, 2015).
43
Fyrir fyrirtæki í Svíþjóð er skattaumhverfið mjög gott borið saman við aðrar OECD þjóðir (The
Swedish trade & invest council, e.d.). OECD löndin eru 34 og eru þau í Norður- og Suður-
Ameríku, Evrópu og Asíu (OECD, e.d.-a). Í OECD eru mörg háþróuðustu lönd heims og einnig
upprennandi lönd eins og Mexíkó, Síle og Tyrkland (OECD, e.d.-a). Miðað við alþjóðlega
staðla er skatthlutfall fyrirtækja í Svíþjóð lágt og er einnig byggt eingöngu á hagnaði félagsins
(The Swedish trade & invest council, e.d.). Þau fyrirtæki eða útibú sem stunda viðskipti í
Svíþjóð eru skyldug til að borga skatta þar (The Swedish trade & invest council, e.d.). Almennt
er skattlagt á tekjur fyrirtækis á heimsvísu (The Swedish trade & invest council, e.d.). Ef tap er
hjá fyrirtækjum geta þau haldið áfram um óákveðinn tíma og tapið vegur á móti skattskyldum
hagnaði (The Swedish trade & invest council, e.d.). Þó eru takmarkanir á notkun á tapi ef
eigendaskipti verða (The Swedish trade & invest council, e.d.).
Þrátt fyrir að Svíþjóð hafi lent í neðsta sæti í greiningunni í menntunarflokknum, þá landið
engu að síður á meðal 15 bestu landa í heiminum (UNDP, e.d.). Mikil gróska hefur orðið í
upplýsingatæknimenntun í Svíþjóð og tveir háskólar sem eru í grennd við Facebook gagnaverið
sérhæfa sig í tæknigreinum (Luleå University of Technology, e.d.). Hvergi í Svíþjóð hefur
orðið eins mikil aukning í skólaumsóknum eins og í Luleå University of Technology og geta
þeir þakkað Facebook fyrir það, en skólinn er einmitt staðsettur í sama bæjarfélagi og gagnaver
þeirra (Luleå University of Technology, e.d.).
Pólitískur stöðugleiki í Svíþjóð er mjög mikill. Á alþjóðlegum mælikvarða er Svíþjóð með
nokkuð stöðugt skor í lýðræði, tjáningarfrelsi og frelsi fjölmiðla (The Global Economy, e.d.).
Núverandi ríkisstjórn er minnihlutastjórn sem kjörin var árið 2014. Ríkisstjórnarmeirihlutinn
samanstendur af 348 þingmönnum frá átta flokkum og er núverandi minnihlutastjórn undir
forystu forsætisráðherrans Stefan Löfven (GOVUK, e.d.-b). Það sem veldur ef til vill
lítilsháttar óróleika í pólitíska stöðugleikanum í Svíþjóð er almenn ógn vegna mögulegra
hryðjuverka („Sweden travel advice - GOVUK“, e.d.). Árásir þar eru taldar vera
ófyrirsjáanlegar og dæmi um það eru sprengingar í miðbæ Stokkhólm þann 11. desember 2010,
þar sem tvær sprengjur sprungu með þeim afleiðingum að einn aðili dó og tveir slösuðust
(„Sweden travel advice - GOVUK“, e.d.).
Litlu munar á hagkerfum Svíþjóðar og Bandaríkjanna en hagkerfi Svíþjóðar er ívið betra.
Hagkerfi Svíþjóðar er mjög samkeppnishæft, fjölbreytt og árangursríkt (Sutherland, 2013).
Svíþjóð er einnig með eitt lægsta hlutfall af innlendum skuldum miðað við önnur lönd í
Evrópusambandinu, litla og stöðuga verðbólgu og heilbrigt bankakerfi (Sutherland, 2013). Í
44
dag er Svíþjóð í sjötta sæti yfir þau lönd sem er auðveldast að stunda viðskipti við (Sutherland,
2013). Upplýsingatækni hefur verið í mikilli sókn og er Internetsímtalsþjónustan Skype og
tónlistarstreymisþjónustan Spotify gott dæmi um það (Sutherland, 2013). Nú starfa yfir 4% af
öllu vinnuafli í Svíþjóð í upplýsingartæknigeiranum og hefur sá geiri stækkað um 16% frá árinu
2008 (Sutherland, 2013).
Gagnaverseigendur þurfa ekki að hafa miklar áhyggju af náttúruhamförum ef þeir staðsetja
gagnaver sín í Svíþjóð. Svíþjóð skorar best af þeim löndum sem tekin voru fyrir í greiningunni
sem byggir á skýrslu sem gefin var út árið 2015 sem tekur meðal annars fyrir hversu mikið
fjárhagstap hefur orðið á árunum 1994-2013 í hverju landi fyrir sig (Kreft, Junghans, Eckstein,
& Hagen, 2014). Þó er Svíþjóð ekki laust við allar náttúruhamfarir. Flóð herja á Svíþjóð nánast
árlega, aurskriður, skógareldar og stormar gera einnig vart við sig víðs vegar en það er almennt
talið hættulítið í flestum tilfellum (Swedish civil contingencies, e.d.).
Neytendamarkaðurinn í Svíþjóð er vaxandi sem og hagkerfið og eru fjárfestingar í
upplýsingatækni vaxandi í öllum sænskum atvinnugreinum (Johnsson, e.d.). Svíþjóð er með
flest stórfyrirtæki í Norðurlöndunum á Forbes 2000 listanum eða í heildina 24 fyrirtæki
(Forbes, e.d.). Þó er fjöldi sænskra fyrirtækja á Forbes 2000 listanum miklu minni en fjöldi
bandarískra fyrirtækja, en þau eru nú 579 talsins og á engin önnur þjóð svo mörg fyrirtæki á
listanum (Forbes, e.d.).
Svíþjóð er með þriðju minnstu verðbólguna í Norðurlöndunum á eftir Finnlandi og Danmörku
sem búa ekki við neina verðbólgu (Trading Economics, e.d.). Svíþjóð er nú með 0,8%
verðbólgu sem er minni verðbólga en í Bandaríkjunum og á Íslandi. Svíþjóð var eitt að fyrstu
stóru hagkerfum í heiminum til að lækka vexti neðar en núll þegar þeir breyttu stýrivöxtum
sínum í -0,1% í febrúar á síðasta ári (Martin, 2016). Eftir þessa lækkun héldu þeir áfram að
lækka stýrivextina jafnt og þétt og fóru þeir lægst í -0,5% (Martin, 2016). Þetta var gert til að
reyna að auka stöðugleika vegna lítillar verðbólgu (Martin, 2016). Núna ári síðar eru þeir að
sjá dæmi um að þetta sé að virka og verðbólgan jókst loksins (Martin, 2016).
Eigandi eignar í Svíþjóð er skyldugur til að borga fasteignaskatt og fer upphæð skattsins eftir
því hvers konar starfsemi er í gangi (The Swedish trade & invest council, e.d.).
Iðnaðarstarfsemi borgar 0,5% fasteignaskatt og verslunariðnaður borgar 1% fasteignaskatt og
er þessi skattur reiknaður út frá fasteignamati eignarinar (The Swedish trade & invest council,
45
e.d.). Þetta skattahlutfall er mun hagstæðara en bæði í Bandaríkjunum og á Íslandi (Pomerleau
& Lundeen, 2014).
Þó það taki fyrirtæki aðeins sjö daga að meðaltali að stofna og koma fyrirtæki í rekstur í Svíþjóð
stendur það verst að vígi miðað við hin samanburðarlöndin (The World Bank Group, e.d.-c).
Litlu munar þó á samanburðarlöndunum í þessum flokki sem er ekki talinn veigamikill og þ.a.l.
ekkert reiðarslag fyrir Svíþjóð að koma verst út úr þessum flokki í greiningunni
Lífsgæðin eru til fyrirmyndar í Svíþjóð eins og við mátti búast og eru þeir einungis hársbreidd
frá Bandaríkjunum í lífsgæðavísitölunni en Bandaríkjamenn búa við bestu lífsgæðin samkvæmt
greiningu höfunda. Þeir þættir þar sem Svíþjóð skorar best í lífsgæðavísitölunni eru kaupmáttur
neytenda, heilbrigðiskerfi, loftslagi, umferðartími og mengunarlosun (Numbeo, e.d.-b).
8.2 Bandaríkin í samanburðarlíkaninu
Það kom þó nokkuð á óvart að Bandaríkin skyldu lenda í öðru sæti í greiningunni, sérstaklega
í ljósi þess að Bandaríkin eru talin öruggasta land heimsins fyrir gagnaver í skýrslu Cusman &
Wakefield, hurleypalmerflatt og source8 frá 2013.
Mjótt var á mununum og fengu Bandaríkin 43,8 stig af 64,95 mögulegu eða 1,9 stigi minna en
Svíþjóð sem hefur vaxið gríðarlega á undanförnum árum. Ein af ástæðunum fyrir því að
amerísku tæknirisarnir eru farnir að úthýsa gagnaversstarfsemi sinni, er vaxandi eftirspurn á
endurnýtanlegri orku, en endurnýtanlegar orkuauðlindir Bandaríkjanna eru af skornum
skammti (The World Bank Group, e.d.-b). Ásamt Facebook hefur Apple einnig úthýst starfsemi
sinni til Evrópu og stefnir á að opna tvö gagnaver í Írlandi og Danmörku árið 2017 sem hvort
um sig verður 166.000 m² að stærð og keyrir á 100% endurnýtanlegri orku (Apple, 2015).
Árið 2015 var raforkuverð í Bandaríkjunum 8-17 sent per kWh sem telst ekki dýrt á heimsvísu
en er þó það dýrasta í greiningunni (Wikipedia, 2016). Líkt og í Svíþjóð ríkir samkeppni á
orkumarkaði sem er tilkomin með breytingum í reglugerðum á áttunda áratug 20. aldar sem
varð til þess að raforkuverð lækkaði en olli miklum verðsveiflum á markaðinum (Dias &
Ramos, 2014). Verðsveiflurnar geta orðið til þess að miklu munar á raforkuverði eftir
landsvæðum á gefnum tíma sem er óhagstætt fyrir gagnaverseigendur, því þeir geta ekki flutt
gagnaverin sín að vild og leita því frekar að stöðugra verðumhverfi.
46
Eins og við mátti búast hafa Bandaríkin 100% aðgang að raforku sem er mjög hagstætt fyrir
gagnaver (The World Bank Group, e.d.-a). Bandaríkjamenn hafa fullnýtt sér þessi fríðindi og
nú eru gagnaver í 49 fylkjum víðs vegar um Bandaríkin (Data Center Map, e.d.-d).
Orkuöryggi í Bandaríkjunum er fyrsta flokks og ásamt því að koma best út úr greiningu
höfunda búa þeir yfir þriðja besta orkuöryggi heimsins (World Energy Council, e.d.). Eins og
áður hefur komið fram er hægt að skilgreina orkuöryggi á marga vegu. Ein af þeim
skilgreiningum sem Bandaríkjamenn styðja sig við er hversu vel heimili og fyrirtæki geta
brugðist við röskun í framboði á orku (Stocking, Kile, & Moore, 2012). Bandaríkin virðast geta
svarað þeirri gríðarlegu eftirspurn sem ríkir í landinu mjög vel. Þau eru stærstu framleiðslu- og
framboðsaðilar orku í heiminum, sem skýrir hvers vegna orkuöryggi þeirra er talið það þriðja
besta í heiminum (Select USA, e.d.). Það er mikill kostur fyrir gagnaver að vera staðsett í
umhverfi sem býður upp á mikið orkuöryggi, því gagnaverseigendur krefjast stöðugs framboðs
af orku allan ársins hring.
Einn af þeim kostum sem gerir Bandaríkin að eftirsóttum stað fyrir gagnaver er lágur kostnaður
og mikil afkastageta bandvíddar. Bandaríkin hreppa fyrsta sæti í greiningunni í báðum þessum
flokkum sem eru gagnaversfyrirtækjum svo mikilvægir til að tryggja örugga og ódýra
afhendingu gagna. Í skýrslu Cushman og Wakefield, hurleypalmerflatt og source8 frá árinu
2013 er greint frá því að Bandaríkin hafi bestu afkastagetu bandvíddar í heiminum og geta
Ísland og Svíþjóð í rauninni ekki keppt við Bandaríkin á því sviði.
Kostnaður bandvíddar er einnig eins og best verður á kosið í Bandaríkjunum. Ástæðan fyrir
því er sú að Bandaríkin eru töluvert nær Internet „perring“ stöðunum en t.d. Ísland og Svíþjóð,
en nálægðin við þessa staði er gjarnan notuð sem mælikvarði um kostnað bandvíddar (Benedikt
Gröndal, 2016).
Samkvæmt tölum höfunda eru endurvinnanlegir orkugjafar í Bandaríkjunum einungis 12,01%
af öllum orkugjöfum landsins (The World Bank Group, e.d.-b). Í samanburði við Ísland og
Svíþjóð eru Bandaríkin langt á eftir. Bandaríkin eru þó á réttri leið og nánast hvert ár eykst
notkun endurvinnanlegra orkugjafa. Til marks um það var framleitt meira af endurvinnanlegum
orkugjöfum en kjarnorku árið 2011 og var það í fyrsta sinn frá árinu 1997 (U.S Energy
Information Administration, e.d.). Bandaríkin eru með háleit markmið þegar kemur að
endurvinnanlegum orkugjöfum og áætla þeir að fyrir árið 2050 verði mögulega 80% af öllum
orkugjöfum þeirra endurvinnanlegir (Union of concerned scientists, e.d.)
47
Tekjuskattur á fyrirtæki í Bandaríkjunum er 40% og er hann sá hæsti í OECD ríkjunum
(KPMG, 2015). Ef tekjuskattur í Bandaríkjunum er borinn saman við tekjuskattinn á Íslandi
kemur í ljós að hann er tvöfalt hærri. Þessi hái tekjuskattur hefur þær að afleiðingar að fyrirtæki
flytja sig frá Bandaríkjunum til erlendra ríkja með hagstæðari skattalög (Fontinelle, 2014).
Þegar þessi fyrirtæki flytja úr landi flyst vinnan sem þau skapa sömuleiðis með þeim og einnig
hagnaðurinn sem þau skapa (Fontinelle, 2014). Fyrirtæki leita eftir því að lækka kostnað og
þegar fyrirtæki geta valið hvar þau stunda viðskipti er auðveld leið að flytja úr landi (Fontinelle,
2014). Þessi hái tekjuskattur í Bandaríkjunum er einnig mjög fráhrindandi fyrir þá sem eru að
huga að staðsetningu fyrir gagnaver. Þó eru dæmi um að fylki bjóði gagnaverum skattaívilnanir
að ýmsum toga í von um að laða þau til sín. Til dæmis býður Vestur-Virginíufylki gagnaverum
skattaívilnanir á bæði tekju- og fasteignsköttum (Chernicoff, 2016).
Menntakerfið í Bandaríkjunum er eitt það virtasta og besta í heiminum (IDP Education, e.d.).
Í Bandaríkjunum eru staðsettir 76 af 100 fremstu háskólum heims og á topp 10 listanum eru 6
af þeim einnig staðsettir í Bandaríkjunum (Times Higher Education, 2015).
Bandaríkin hafa ekki eins mikinn pólitískan stöðugleika og Ísland og Svíþjóð. Samkvæmt
heimslista Global Economy sitja Bandaríkin í 60. sæti listans en Ísland og Svíþjóð eru á meðal
25 efstu landa þar (The Global Economy, e.d.). Bandaríkin hafa þó stöðugt lýðræðislegt
stjórnkerfi og eru einnig með sterkt réttarkerfi (A.M. Best Company, 2015b). Pólitískar
innbyrðis deilur og aðgerðaleysi hafa leitt til verulegra vandamála í ríksstjórninni undanfarin
ár (A.M. Best Company, 2015b). Það sem hefur þó helst áhrif á pólitískan stöðugleika í
Bandaríkjunum er það sama og í Svíþjóð sem er ógn af mögulegum hryðjuverkaárásum.
Samkvæmt könnunum er hryðjuverkaógnin helsta vandamálið í Bandaríkjunum að mati
almennings þar í landi (Gallup Inc, e.d.). Þessi hræðsla skapar óróleika í samfélaginu og hefur
slæm áhrif á pólitískan stöðugleika.
Ekki er mikil munur á efnahagslegum stöðugleika í Bandaríkjunum og Svíþjóð. Stöðugleikinn
í Svíþjóð er samt aðeins meiri en í Bandaríkjunum (Trading Economics, e.d.). Þrátt fyrir það
er bandaríska hagkerfið það stærsta og þróaðasta í heiminum í dag (A.M. Best Company,
2015b). Verg landframleiðsla Bandaríkjanna árið 2014 var upp á meira en 17,4 trilljónir dollara
(A.M. Best Company, 2015b). Gert er ráð fyrir meðalvexti í hagkerfinu til skamms tíma sem
drifinn er áfram af trausti fyrirtækja og neytenda, lágu atvinnuleysi, stöðugleika í verðbólgu og
veiku hráefnaverði (A.M. Best Company, 2015b).
48
Einn helsti ókostur Bandaríkjanna hvað varðar staðsetningu gagnavera er hættan á
náttúruhamförum. Í skýrslu sem birt var árið 2015 er greint frá því að Bandaríkin séu í 26. sæti
yfir þau lönd í heimi sem eru berskjölduðust gagnvart náttúruhamförum á meðan Ísland og
Svíþjóð eru ekki á meðal þeirra 100 efstu (Kreft o.fl., 2014).
Þar sem niðritíma-kostnaður gagnavera fer sífellt hækkandi er því mikilvægara en nokkur sinni
fyrr að staðsetja gagnaver í Bandaríkjunum langt frá hamfarasvæðum. Í nýlegri rannsókn sem
gerð var á 63 gagnaverum í Bandaríkjunum kemur fram að niðritími vegna veðurofsa hefur
minnkað um 2% frá árinu 2013 en kostnaður á niðritíma vegna veðurofsa á sama tímabili hefur
hækkað um 19.000 dollara (Ponemon Institute, 2016).
Yfirburðir Bandaríkjanna í þættinum nálægð við stóra viðskiptavini eru miklir. Á Forbes 2000
listanum yfir 2000 stærstu fyrirtæki í heiminum í dag, eru flest fyrirtæki staðsett í
Bandaríkjunum og er fjöldi þeirra 579 (Forbes, e.d.). Á eftir þeim kemur síðan Japan með 218
fyrirtæki og í þriðja sæti er Kína með 180 fyrirtæki (Forbes, e.d.). Stærsta bandaríska fyrirtækið
á listanum er Berkshire Hathaway (Forbes, e.d.). Á þessum lista eru einnig risastór bandarísk
tæknifyrirtæki eins og Microsoft, sem nýverið byggði gagnaver í Chigaco sem kostaði 500
milljónir dollara og er það eitt stærsta gagnaver í heiminum sem hefur verið byggt (Data Center
Knowledge, e.d.-a).
Af þessum þremur löndum sem voru borin saman í greiningunni hafa Bandaríkin hvorki hæstu
né lægstu verðbólguna (Trading Economics, e.d.). Árið 2015 var verðbólgan í Bandaríkjunum
um 0,9% og í janúar 2016 var verðbólgan sú hæsta síðan í október 2014 en þá stóð hún í 1.7%
(US Inflation calculator, 2016). Í dag stendur verðbólgan í 0,9% (Trading Economics, e.d.).
Í flestum ríkjum eða bæjarfélögum í Bandaríkjunum borga fyrirtæki eða einstaklingar
fasteignaskatt sem er byggður á virði fasteignar (Pomerleau & Lundeen, 2014).
Fasteignaskattshlutfallið fyrir fyrirtæki í Bandaríkjunum er að meðaltali í kringum 2% en er þó
breytilegt eftir virði eignarinnar (Lincoln Institute of Land Policy & Minnesota Center for
Fiscal Excellence, 2015). Ef virði eignarinnar er 100 þúsund dollarar er fasteignaskattshlutfall
2,0999% að meðaltali, ef virði eignarinnar er ein milljón dollarar þá er hlutfallið 2,157% að
meðaltali og að lokum ef virði eignarinnar er 25 milljón dollarar þá er hlutfallið 2,188% að
meðaltali (Lincoln Institute of Land Policy & Minnesota Center for Fiscal Excellence, 2015).
Ef þetta hlutfall er borðið saman við fasteignaskattshlutföll Íslands og Svíþjóðar kemur í ljós
að Bandaríkin eru með hæsta fyrirtækjafasteignaskattshlutfallið.
49
Í Bandaríkjunum tekur það sex daga að fá öll leyfi og geta þá löglega hafið rekstur á fyrirtæki.
Bandaríkin koma næstbest út úr greiningunni í þessum flokki en þó einungis degi betur en
Svíþjóð (The World Bank Group, e.d.-c). Þar sem mjótt er á mununum á
samanburðarlöndunum í þessum flokki, verður að teljast ólíklegt að hann hafi úrslitaáhrif en
þó vert að hafa hann í huga við val á staðsetningu.
Bandaríkjamenn búa við bestu lífsgæðin af þeim löndum sem tekin voru til athugunar í
greiningunni. Bandaríkin skora mjög hátt í langflestum þeirra þátta sem mynda
lífsgæðavísitöluna. Þeir þættir sem Bandaríkin skora afburðarvel í eru kaupmáttur neytenda og
fasteignaverð (Numbeo, e.d.-c). Þeir þættir sem eru lakastir í lífsgæðavísitölu Bandaríkjanna
eru öryggi og framfærslukostnaður en þeir þættir eru taldir í meðallagi (Numbeo, e.d.-c).
8.3 Ísland í samanburðarlíkaninu
Ljóst er að Ísland á þó nokkuð langt í land til að geta keppt við Bandaríkin og Svíþjóð á
gagnaversmarkaði. Samkvæmt greiningu okkur fékk Ísland 40,4 stig af 64,95 mögulegum sem
er 5,3 stigum minna en Svíþjóð og 3,4 stigum minna en Bandaríkin. Ísland er þó ennþá nokkuð
nýtt á gagnaversmarkaðinum og því má ekki draga of miklar ályktanir. Thor Data Center hóf
t.d. ekki rekstur fyrr en í maí 2010 og Verne Global ekki fyrr en árið 2012 (Viðskiptablaðið,
2010) (Viðskiptablaðið, 2016). Þrátt fyrir að Ísland búi yfir sömu aðstæðum til kælingar og
Norður-Svíþjóð, sem er gríðarlegur sparnaður fyrir fyrirtæki, hefur landinu mistekist að laða
til sín stóru tæknifyrirtækin líkt og Svíþjóð, Danmörk og Finnland hafa gert (Benedikt Gröndal,
2016). Erfitt er að meta hverju er helst um að kenna, slæmri markaðssetningu, slökum
skattaívilnunum fyrir erlenda viðskiptavini eða áhugaleysi stjórnvalda á gagnaversiðnaði. Það
er alla vega ljóst að Ísland hefur ágætt svigrúm til þess að vaxa sem ákjósanlegt land fyrir
staðsetningu gagnavera (Benedikt Gröndal, 2016)
Raforkuverð á Íslandi er það ódýrasta í greiningunni en kWh kostar einungis 5,54 sent sem er
eitthvað sem Ísland getur státað sig af (Wikipedia, 2016). Einnig er það kostur við Ísland að
fyrirtæki sem gera langtímasamninga hérlendis vita hvert raforkuverðið verður langt fram í
tímann. Orkuveitur hérlendis eru mjög gjarnar á að bjóða gagnaverum langtímasamninga á
orku og hafa bæði Verne Global og Thor Data Center nýtt sér það (Benedikt Gröndal, 2016)
(Helgi Helgason, 2016). Líkt og í Svíþjóð og Bandaríkjunum hefur Ísland 100% aðgang að
raforku (The World Bank Group, e.d.-a).
50
Rekstrarstjórar gagnavera á Íslandi eru mjög ánægðir með aðgengi að orku á Íslandi en
raforkudreifingin á Íslandi er í umsjá Landsnets sem er ríkisrekið fyrirtæki (Benedikt Gröndal,
2016) (Helgi Helgason, 2016). Vert er að minnast á það að ríkisrekin raforkudreifing er mjög
sjaldgæf, en í litlu landi eins og Íslandi virðist það ekki vera nein hindrun. Netið sem raforkan
streymir í gegnum er tiltölulega nýtt sem er virkilega hagstætt fyrir gagnaver sem þurfa á
öruggri afhendingu rafmagns að halda (Helgi Helgason, 2016).
Ísland er töluvert langt á eftir Svíþjóð og Bandaríkjunum í orkuöryggi. Á meðan Bandaríkin
og Svíþjóð eru á meðal 20 bestu þjóða í heiminum í orkuöryggi situr Ísland í 93. sæti listans
(World Energy Council, e.d.). Að vísu er samanburðurinn nokkuð óhagstæður fyrir Ísland að
því leyti að framboðið á orkumarkaði á Íslandi er töluvert minna en í samanburðarlöndunum.
Kostnaður og afkastageta bandvíddar á Íslandi er ekki góð, en samkvæmt greiningu höfunda
eru Bandaríkin og Svíþjóð komin töluvert lengra en Ísland í þeim efnum. Ennfremur telur Helgi
Helgason (2016), rekstrarstjóri Verne Global, kostnað bandvíddar vera helsta dragbít Íslands
gagnvart erlendri samkeppni. Fjarlægð Íslands frá stóru Internet „perring“ stöðum heimsins er
þess valdandi að kostnaður bandvíddar er afar mikill (Benedikt Gröndal, 2016). Afkastageta
bandvíddar á Íslandi er í rauninni hvorki hindrun né nægilega mikil. Afkastagetan er það lág
að 30% af gagnaversmarkaðinum gæti ekki rekið gagnaver á Íslandi vegna biðtíma sem er
ástæða þess að Ísland er svo lágt metið í þessum flokki (Benedikt Gröndal, 2016). Aftur á móti
telja íslensk gagnaver að 70% af gagnaversmarkaðinum sé nægilega stór markaðshlutdeild fyrir
Ísland og hafa því ekki áhyggjur af þeim afkastaskorti sem Ísland býr við (Helgi Helgason,
2016).
Rafmagnsneytendur á Íslandi hafa þann heppilega valkost að geta nánast einungis notað
endurvinnanlega orku (The World Bank Group, e.d.-b). Ef litið er á uppruna þessara orkugjafa
og hlutfall þeirra af heildarorkuframleiðslu landsins, þá kemur í ljós að vatnsaflsorka er
71,034% af heildarorkuframleiðslu (Orkustofnun, 2015a). Þar á eftir kemur jarðvarmaorka
með 28,906% og loks eru vindorka og jarðefnaeldsneyti bæði með undir 0,1% af
heildarorkuframleiðslu landsins (Orkustofnun, 2015a). Eldsneyti hefur þó nánast eingöngu
verið notað í orkuframleiðslu í vararafstöðvum (Árni Ragnarsson, Þorkell Helgason, & Helga
Barðadóttir, 2003). Ef endurvinnanlegir orkugjafar eru bornir saman í þessum þremur löndum
í greiningunni hefur Ísland mikla yfirburði. Orkuveitur á Íslandi nota 99,8% af
endurvinnanlegri orku í dreifingu sinni á rafmagni á meðan Svíþjóð notar tæplega 60% og
Bandaríkin ekki nema rétt rúm 12% (The World Bank Group, e.d.-b).
51
Tekjuskattshlutfall hér á Íslandi er nokkuð sanngjarnt. Tekjuskattshlutfall hlutafélaga,
einkahlutafélaga, samlagshlutafélaga og samvinnufélaga er 20% hér á landi (Ernst & Young,
2015). Þetta hlutfall miðast við hreinar tekjur fyrirtækjanna. Einnig er möguleiki á að fá
virðisaukaskattinn á tölvubúnaði endurgreiddan en það ferli er þó fremur óhagstætt fyrir
viðskiptavini (Benedikt Gröndal, 2016). Ástæðan fyrir því er aðallega sú að það ferli tekur þrjá
til sex mánuði (Benedikt Gröndal, 2016). Erlend fyrirtæki skilja einfaldlega ekki af hverju þau
þurfa að leggja út fjármagn fyrir einhverju sem þau munu síðan fá endurgreitt (Benedikt
Gröndal, 2016). Tölvubúnaður fyrir stórt verkefni eins og uppbyggingu gagnavers getur oft
farið upp í milljarða króna og erlenda fyrirtækið þarf að leggja út virðisaukaskatt í samræmi
við það (Benedikt Gröndal, 2016). Ef biðin er sex mánuðir geta vaxtatekjur af milljónum króna
oft verið miklar og þetta vandamál er eitthvað sem fyrirtæki hafa ekki tíma eða fjármuni í
(Benedikt Gröndal, 2016). Ísland þó með lægsta tekjuskattshlutfall á fyrirtæki af þessum
þremur samanburðarlöndum.
Litlu munur á menntunarstigi þeirra þriggja landa sem tekin voru til athugunar í greiningunni
en Ísland lendir í öðru sæti þar, hársbreidd á undan Svíþjóð (UNDP, e.d.). Að mati
rekstrarstjóra Verne Global og Thor Data Center skortir ekki hæfileikaríkt starfsfólk með
tæknimenntun á þessu sviði hérlendis en skortur er á þekkingu og reynslu (Benedikt Gröndal,
2016) (Helgi Helgason, 2016). Hæft tæknifólk á þessu sviði er í raun ekki áhyggjuefni fyrir
gagnaver á Íslandi heldur skortur á góðu iðnaðarfólki eins og rafvirkjum og vélvirkjum (Helgi
Helgason, 2016).
Pólitískur stöðugleiki hér á landi er nokkuð mikill (The Global Economy, e.d.). Þessi
stöðugleiki er sá 10 besti í heimum. Ísland er 13 sætum ofar en Svíþjóð og 50 sætum fyrir ofan
Bandaríkin (The Global Economy, e.d.). Þó að Ísland sé ekki aðili að Evrópusambandinu nýtur
landið þó tengdra fríðinda þar, eins og frjálsra viðskipta innan ESB (A.M. Best Company,
2015a). Í maí 2013 náði Framsóknarflokkurinn að vinna sér sæti forsætisráðherra þegar
flokkurinn myndaði samsteypustjórn með Sjálfstæðisflokknum (A.M. Best Company, 2015a).
Nú mynda þeir stjórn með 38 af 63 sætum á Alþingi (A.M. Best Company, 2015a). Þrýstingur
hefur verið á ríkisstjórninni vegna ágreinings um aðild Íslands að Evrópusambandinu (A.M.
Best Company, 2015a). Önnur mikilvæg málefni núverandi ríkisstjórnar eru endurskipulagning
húsnæðislána og sú framkvæmd að slaka á gjaldeyrishöftunum (A.M. Best Company, 2015a).
Annað sem styður pólitískan stöðugleika á Íslandi eru litlar líkur á hryðjuverkaárasum
(GOVUK, e.d.-a).
52
Efnahagslegur stöðugleiki er nokkuð góður á Íslandi en þó lakari en í Svíþjóð og
Bandaríkjunum (Trading Economics, e.d.). Sjávarútvegsiðnaður, framleiðsluiðnaður og
ferðaþjónusta eru aðaldrifkraftar íslenska efnahagskerfisins (A.M. Best Company, 2015a).
Rúmlega helmingur af öllum útflutningstekjum landsins kemur frá sjávarútveginum (A.M.
Best Company, 2015a). Ísland er ennþá að jafna sig af bankakreppunni 2008 er og er að gera
það með batnandi vinnuskilyrðum, endurbótum á húsnæðismarkaðinum og meiri
fjárfestingum. Seinustu ár hefur Ísland verið að endurheimta stöðugleika í verðbólgu, en árið
2008 og 2009 var verðbólgan komin yfir 12% (A.M. Best Company, 2015a).
Nálægð við stóra viðskiptavini er ekki mikil á Íslandi. Ísland á til dæmis ekkert fyrirtæki á
Forbes 2000 listanum (Forbes, e.d.). Borið saman við 579 fyrirtæki sem eru staðsett í
Bandaríkjunum og 24 sem eru staðsett í Svíþjóð lendir Ísland í seinasta sæti í greiningunni hér.
Þrjú tekjuhæstu fyrirtæki á Íslandi eru Icelandair, Marel og Alcoa Fjarðarál (Keldan, e.d.). Árið
2015 voru þessi fyrirtæki með samanlagðar tekjur upp á 358.297 milljarða (Keldan, e.d.). Ef
þessar tekjur eru bornar saman við sölutekjur Berkshire Hathaway, sem er stærsta fyrirtæki í
Bandaríkjunum og er með tekjur upp á 197,7 billjónir, kemur í ljós að þær eru 1,47% af
heildarsölutekjum Berskhire Hathaway á genginu 125,17 króna hver dollari (Forbes, e.d.).
Verðbólga á Íslandi er 1,5% og er hún stöðugari núna en hún hefur verið seinustu ár.
Verðbólgan var komin yfir 12% árið 2008 og 2009 en hefur lækkað og endurheimt stöðugleika
sinn undanfarin seinustu ár (A.M. Best Company, 2015a). Þrátt fyrir þessi batamerki og aukinn
stöðugleika er Ísland þó með hærri verðbólgu en Svíþjóð og Bandaríkin (Trading Economics,
e.d.).
Fasteignaskattur á fyrirtæki á Ísland er um 1,6% í flestum bæjarfélögum. Í Reykjavík,
Hafnarfirði og Reykjanesbæ er hann 1,65% en 1,62% í Kópavogi (Fasteignagjöld, 2016)
(Álagning fasteignaskatts og lóðarleigu fyrir árið 2016, 2016) (Gjaldskrá Reykjanesbæjar,
2016) (Fasteignagjöld í Kópavogi 2016, 2016). Þessi álagning byggir á fasteignamati húsa og
lóða. Ef þessi álagning er borin saman við Svíþjóð og Bandaríkin, kemur í ljós að Ísland er
með hagstæðari álagningu en Bandaríkin en óhagstæðari en Svíþjóð.
Náttúruhamfarir eru ekki tíðar á Íslandi og er Íslandi ekki á meðal þeirra 100 landa sem talin
eru berskjölduðust fyrir náttúruhamförum (Kreft o.fl., 2014). Ísland er álíka öruggt og Svíþjóð
sem kemur best út úr greiningunni en töluvert langt á undan Bandaríkjunum (Kreft o.fl., 2014).
Algengustu náttúruhamfarir sem herjað hafa á Ísland í áranna rás eru jarðskjálftar, eldgos,
53
jökulhlaup, flóð í ám, snjóflóð, óveður, sjávarflóð og hafís (Tómas Jóhannesson & Veðurstofa
Íslands, 2001). Þrátt fyrir lága tíðni náttúruhamfara á Íslandi verða gagnaversfyrirtæki á Íslandi
vör við það að viðskiptavinir eru smeykir við að færa starfsemi sína hingað vegna hræðslu við
náttúruhamfarir (Benedikt Gröndal, 2016). Eldgosið í Eyjafjallajökli skapaði neikvæða
umræðu fyrir Ísland á sínum tíma en áhættumat hefur verið gert á svæðinu eftir það, sem hefur
sýnt fram á að Ísland er mjög öruggt gagnvart náttúruhamförum (Helgi Helgason, 2016). Hér
er þá sennilega um þekkingarskort fjárfestingaraðila að ræða og mögulega slæma
markaðsetning á ímynd Íslands að hálfu Íslandsstofu.
Þegar kemur að því að stofna löglegt fyrirtæki sem allra fyrst er Ísland það land sem kemur
best út úr greiningunni. Það tekur einungis fjóra daga að ganga frá öllum leyfum og
reglugerðum sem krafist er á Íslandi, sem er ágætis kostur fyrir fyrirtæki en sennilega sá þáttur
sem fellur aftarlega í mati fyrirtækja á bestu staðsetningu (The World Bank Group, e.d.-c).
Lítið skilur þau lönd að sem tekin voru til athugunar í greiningu höfunda hvað varðar lífsgæði.
Öll löndin búa við mjög há lífsgæði samkvæmt staðlinum sem notaður var í greiningunni, en
þó eru lífsgæði Bandaríkjanna og Svíþjóðar ívið betri en á Íslandi. Kostir Íslands í
lífsgæðavísitölunni eru hátt öryggis- og heilbrigðiskerfi, lágt fasteignaverð, mjög lítil umferð
og mengun (Numbeo, e.d.-a). Gallar Íslands í lífsgæðavísitölunni eru hins vegar hár
framfærslukostnaður (Numbeo, e.d.-a).
54
9. Umræða
Hugmyndin að þessari rannsókn kviknaði út frá því að höfundar fóru að velta fyrir sér af hverju
erlend fyrirtæki væru farin að geyma gögn sín í gagnaverum á Íslandi. Höfundar komust fljótt
að því að gagnaver væru farin að nýta staðbundna orkugjafa til kælingar á vefþjónum og
endurvinnanleg orka væri stöðugt að verða vinsælli í þessum geira. Höfundar veltu þá fyrir sér
hver staða Íslands væri í þessum geira, þar sem loftið á Íslandi er nægileg kalt til þess að kæla
niður vefþjóna gagnavera og einungis endurvinnanleg orka er fáanleg á Íslandi. Rannsókn þessi
fólst í því að kanna hver staða Íslands væri á gagnaversmarkaðinum og hvers vegna stór
fyrirtæki á borð við Opera Software og BMW væru skyndilega farin að geyma gögn sín á
Íslandi frekar en í heimalandi sínu.
Til þess að fá sem besta mynd af stöðu Íslands á þessum markaði var framkvæmdur ítarlegur
samanburður við annars vegar Bandaríkin og hins vegar Svíþjóð. Ástæðan fyrir því að þessi
tvö lönd voru valin til samanburðar er sú að Bandaríkin hafa ráðið lögum og lofum á þessum
markaði í áranna rás og Svíþjóð er einn helsti samkeppnisaðili Íslands. Önnur lönd sem komu
til greina í samanburðinum voru t.d. Danmörk og Finnland en þau lönd hafa verið að fá til sín
stóra viðskiptavini á borð við Google og Apple á undanförnum árum.
Niðurstöðurnar komu nokkuð á óvart að því leyti að fyrri rannsóknir bentu til þess að
Bandaríkin hefðu arðbærustu staðsetninguna fyrir gagnaver en niðurstöður höfunda leiddu í
ljós að Svíþjóð hefði þá staðsetningu sem væri álitslegust fyrir gagnaver. Rétt er að taka fram
að sú rannsókn sem helst var tekin til athugunar er frá árinu 2013. Niðurstöður rannsóknarinnar
leiddu í ljós að Ísland er að dragast enn lengra aftur úr Svíþjóð í samkeppnishæfni á
alþjóðlegum gagnaversmarkaði.
Höfundar álykta sem svo að ástæðan fyrir því að Ísland heldur áfram að fjarlægjast Svíþjóð sé
sú að stjórnvöld hafa ekki enn boðið gagnaverum neinar skattaívilnanir til þess að koma Íslandi
á par við önnur lönd. Skattaívilnanir á borð við afnám á virðisaukaskatti tölvubúnaðar eða
breytingar á raforkulöggjöf sem gerði gagnaverum kleift að borga sama verð og t.d. álver á
dreifingu rafmagns, myndi hjálpa gagnaversiðnaði á Íslandi mikið. Möguleg ástæða fyrir því
að stjórnvöld hafa ekki sýnt gagnaversiðnaði á Íslandi meira áhuga gæti verið sú að gagnaver
skapa ekki mörg störf en t.a.m. eru einungis í kringum 20 manns sem koma að rekstri Thor
Data Center. Annar ókostur sem Ísland þarf að búa við er dýrt gagnasamband, en kostnaður
bandvíddar er ca. 5-6 sinnum dýrari heldur en í Svíþjóð. Tenging við Emerald sæstrenginn
55
myndi koma til með að lækka kostnað og bæta afkastagetu bandvíddar, en enn hefur ekki tekist
að fjármagna þá framkvæmd. Ljóst er að ef Ísland ætlar að taka þátt í samkeppni við
Norðurlöndin með því að laða til sín stærri viðskiptavini, er tenging við Emerald sæstrenginn
algjör grundvöllur þess. Óvíst er hvort stærri fyrirtæki myndu sætta sig við núverandi afköst
bandvíddar. Það gæti verið ástæðan fyrir því að fyrirtæki eins og Facebook, Apple og Google
völdu frekar önnur Norðurlönd til þess að hýsa sín gagnaver, þrátt fyrir að Ísland sé nær
Bandaríkjunum en þau.
Forvitnilegt væri að framkvæma umfangsmeiri rannsókn á þessu viðfangsefni, þar sem fleiri
lönd væru tekin til athugunar til að kanna hvar Ísland stæði á heimsvísu. Til að ná sem mestum
áreiðanleika úr rannsókninni væri upplagt að tala við rekstrarstjóra gagnavera víðs vegar um
heiminn, en það reyndist höfundum vel að tala við rekstrarstjóra íslenskra gagnavera í sinni
rannsókn. Einnig væri áhugavert að ræða við stjórnvöld til þess að komast að því af hverju
gagnaversiðnaðurinn hefur ekki fengið meiri meðbyr hérlendis. Þrátt fyrir ítrekaðar fyrirspurnir
fengust engin svör frá stjórnvöldum í þessari rannsókn.
Það má þó ekki gleyma því að gagnaversiðnaðurinn er ennþá ungur iðnaður á Íslandi og að
Íslendingar eru ennþá að læra. Ásamt endurvinnanlegri orku og staðbundnum orkugjöfum til
kælingar er aðgengi að orku fyrsta flokks sem og er tekjuskattur fyrirtækja mjög hagstæður á
Íslandi. Það er því óhætt að segja að Ísland hafi alla burði til þess að verða á meðal fremstu
þjóða heims í staðsetningarvali fyrirtækja gagnavera, en um leið er augljóst að umbætur verða
að eiga sér stað til þess.
56
Heimildaskrá A.M. Best Company. (2015a). AMB Country Risk Report Iceland. Sótt af
http://www3.ambest.com/ratings/cr/reports/Iceland.pdf
A.M. Best Company. (2015b). AMB Country risk report United States. Sótt af
http://www3.ambest.com/ratings/cr/reports/unitedstates.pdf
Anonymous. (2012). Cool Data Center. ASHRAE Journal, 54(11), 8.
Apple. (2015, 23. febrúar). Apple - Press Info - Apple to Invest €1.7 Billion in New European
Data Centres. Sótt 27. apríl 2016, af
https://www.apple.com/pr/library/2015/02/23Apple-to-Invest-1-7-Billion-in-New-
European-Data-Centres.html
Álagning fasteignaskatts og lóðarleigu fyrir árið 2016 (2016). Sótt af
http://www.hafnarfjordur.is/media/gjaldskrar-2016/Alagning-fasteignaskatts-og-
lodarleigu-fyrir-arid-2016.pdf
Benedikt Gröndal. (2016, 1. apríl). Viðtal við Benedikt Gröndal.
Berry, A. (e.d.). Digital Realty- Lakeside : World’s Top Data Centers. Sótt af
http://www.worldstopdatacenters.com/digital-realty-lakeside/
Chernicoff, D. (2016, 6. janúar). US tax breaks, state by state. Sótt 11. maí 2016, af
http://www.datacenterdynamics.com/design-build/us-tax-breaks-state-by-
state/95428.fullarticle
Colocation American. (e.d.). Data Center Tier Rating Breakdown - Tier 1, 2, 3, 4 - CLA. Sótt
26. apríl 2016, af http://www.colocationamerica.com/data-center/tier-standards-
overview.htm
Cushman & Wakefield, & hurleypalmerflatt. (2012). Data Center Risk Index 2012. Sótt af
http://www.cushmanwakefield.com/~/media/global-
reports/Data%20Center%20Risk%20Index_2012.pdf
57
Data Center Energy Management. (e.d.). Hot Aisle / Cold Aisle Design : Data Center Energy
Management. Sótt 10. maí 2016, af
http://energy.lbl.gov/ea/mills/HT/dctraining/graphics/hot-cold-aisle.html
Data Center Knowledge. (e.d.-a). Inside Microsoft’s Chicago Data Center. Sótt af
http://www.datacenterknowledge.com/inside-microsofts-chicago-data-center/
Data Center Knowledge. (e.d.-b). Special Report: Data Centers & Renewable Energy. Sótt af
http://www.datacenterknowledge.com/special-report-data-centers-renewable-energy/
Data Center Map. (e.d.-a). Colocation Iceland - Data Centers. Sótt 26. apríl 2016, af
http://www.datacentermap.com/iceland/
Data Center Map. (e.d.-b). Colocation North America - Data Centers. Sótt 26. apríl 2016, af
http://www.datacentermap.com/north-america/
Data Center Map. (e.d.-c). Colocation Sweden - Data Centers. Sótt 26. apríl 2016, af
http://www.datacentermap.com/sweden/
Data Center Map. (e.d.-d). Colocation USA - Data Centers. Sótt 27. apríl 2016, af
http://www.datacentermap.com/usa/
Dias, J. G., & Ramos, S. B. (2014). Heterogeneous price dynamics in U.S. regional electricity
markets. Energy Economics, 46, 453–463. http://doi.org/10.1016/j.eneco.2014.05.012
Energy use in Sweden. (2015, 23. desember). Sótt 26. apríl 2016, af
https://sweden.se/society/energy-use-in-sweden/
Ernst & Young. (2015). Skattar Upplýsingar um skattamál rekstraraðila og einstaklinga
2015-2016. Höfundur. Sótt af http://www.ey.com/Publication/vwLUAssets/EY-
Iceland-Skattabaeklingur-2016/$FILE/Skattab%C3%A6klingur%20EY%202016.pdf
European Commission. (2014, 27. mars). Economic stability and growth. Sótt 26. apríl 2016,
af http://ec.europa.eu/economy_finance/euro/why/stability_growth/index_en.htm
Facebook. (2013). Facebook Turns On Arctic Data Center. ASHRAE Journal, 55(7), 10.
58
Fasteignagjöld (2016). Sótt af http://reykjavik.is/thjonusta/fasteignagjold
Fasteignagjöld í Kópavogi 2016 (2016). Sótt af
http://www.kopavogur.is/media/pdf/fasteignagjold12.pdf
Fontinelle, A. (2014, 16. maí). Do U.S. High Corporate Tax Rates Hurt Americans? Sótt 28.
apríl 2016, af http://www.investopedia.com/articles/investing/051614/do-us-high-
corporate-tax-rates-hurt-americans.asp
Forbes. (e.d.). The Worlds biggest public companies. Sótt 27. apríl 2016, af
http://www.forbes.com/global2000/
Gagnavinnsla Opera til Íslands. (2010, 21. maí). Sótt 26. apríl 2016, af
http://www.mbl.is/vidskipti/frettir/2010/05/21/gagnavinnsla_opera_til_islands/
Gallup Inc. (e.d.). Americans Name Terrorism as No. 1 U.S. Problem. Sótt 27. apríl 2016, af
http://www.gallup.com/poll/187655/americans-name-terrorism-no-problem.aspx
Geng, H. (Ritstj.). (2015). Data center handbook. Hoboken, New Jersey: John Wiley & Sons
Inc.
Gigerich, L. (2012). Making the Data Center Location Decision. Area Development Site and
Facility Planning, 47(2), 57–59.
Gjaldskrá Reykjanesbæjar (2016). Sótt af http://www.reykjanesbaer.is/stjornkerfi/fjarmal-og-
rekstur/gjaldskra/
Godin, I., & Kittel, F. (2004). Differential economic stability and psychosocial stress at work:
associations with psychosomatic complaints and absenteeism. Social Science &
Medicine, 58(8), 1543–1553. http://doi.org/10.1016/S0277-9536(03)00345-9
GOVUK. (e.d.-a). Iceland travel advice - GOVUK. Sótt 27. apríl 2016, af
https://www.gov.uk/foreign-travel-advice/iceland
59
GOVUK. (e.d.-b). Overseas Business Risk - Sweden. Sótt 27. apríl 2016, af
https://www.gov.uk/government/publications/overseas-business-risk-
sweden/overseas-business-risk-sweden
Greenberg, A., Hamilton, J., Maltz, D. A., & Patel, P. (2008). The cost of a cloud: research
problems in data center networks. ACM SIGCOMM computer communication review,
39(1), 68–73.
Hannes G. Sigurðsson. (2012, 29. nóvember). Tekjuskattur á hagnað fyrirtækja lækki á ný -
Samtök atvinnulífsins. Sótt 26. apríl 2016, af http://www.sa.is/frettatengt/eldri-
frettir/tekjuskattur-a-hagnad-fyrirtaekja-laekki-a-ny/
Haukur Feyr Gylfason. (2013, 20. nóvember). Eigindlegar aðferðir [PowerPoint glærur]. Sótt
26. apríl 2016, af https://myschool.ru.is/myschool/
Helgi Helgason. (2016, 15. apríl). Viðtal við Helga Helgason.
hurleypalmerflatt, Cushman & Wakefield, & source8. (2013). data-centre-risk-index-
2013.pdf. Sótt 26. apríl 2016, af https://verneglobal.com/media/data-centre-risk-
index-2013.pdf
IDP Education. (e.d.). Why study in the USA. Sótt 27. apríl 2016, af
https://www.idp.com/global/studyabroad/destinations/usa/whystudyinusa
International Energy Agency. (2013, janúar). Energy Policies of IEA Countries - Sweden
2013 Review. Sótt 10. maí 2016, af
http://www.iea.org/publications/freepublications/publication/Sweden2013_free.pdf
International Energy Agency. (e.d.-a). Modern energy for all: why it matters. Sótt 26. apríl
2016, af
http://www.worldenergyoutlook.org/resources/energydevelopment/modernenergyfora
llwhyitmatters/
60
International Energy Agency. (e.d.-b). What is energy security? Sótt 7. maí 2016, af
http://www.iea.org/topics/energysecurity/subtopics/whatisenergysecurity/
Johnsson, N. (e.d.). ICT. Sótt 27. apríl 2016, af http://www.business-sweden.se/ict
Jón Bjarki Magnússon. (2015, 6. september). Vafasamar tengingar stærsta gagnavers
landsins. Sótt 26. apríl 2016, af http://stundin.is/frett/vafasamar-tengingar-staersta-
gagnavers-landsins/
Keldan. (e.d.). Listi Keldunnar yfir stærstu fyrirtæki landsins. Sótt 27. apríl 2016, af
http://www.keldan.is/market/keldan300
Khan, S. U., & Zomaya, A. Y. (Ritstj.). (2015). Handbook on Data Centers. New York, NY:
Springer.
Koomey, J. (2007). A Simple Model for Determining True Total Cost of Ownership for Data
Centers. Sótt af http://www.premiersolutionsco.com/wp-
content/uploads/2010/12/Total-Cost-Of-Ownership-For-Data-Centers.pdf
KPMG. (2015, 3. júní). Corporate tax rates table | KPMG | GLOBAL. Sótt 27. apríl 2016, af
https://home.kpmg.com/xx/en/home/services/tax/tax-tools-and-resources/tax-rates-
online/corporate-tax-rates-table.html
Kreft, S., Junghans, L., Eckstein, D., & Hagen, U. (2014). Global Climate Risk Index 2015
Who Suffers Most From Extreme Weather Events? Weather-related Loss Events in
2013 an 1994 to 2013. Bonn: Germanwatch Nord-Süd Initiative e.V.
Landsvirkjun. (2015a). Power Security. Höfundur. Sótt af
http://www.landsvirkjun.com/Media/lvwhitepaperpowersecurity.pdf
Landsvirkjun. (2015b, 5. júní). Gagnaver í leit að staðsetningu: Hvað stýrir staðarvali í
gagnvaversiðnaðinum? [myndskeið]. Sótt 26. apríl 2016, af
https://www.youtube.com/watch?v=Qzd5kbbyl1I&feature=youtu.be
61
Lima, J. (2015, 2. apríl). Top 10 biggest data centres from around the world. Sótt 26. apríl
2016, af http://www.cbronline.com/news/data-centre/infrastructure/top-10-biggest-
data-centres-from-around-the-world-4545356
Lincoln Institute of Land Policy, & Minnesota Center for Fiscal Excellence. (2015). 50-state
property tax comparison study.
Luleå University of Technology. (e.d.). DataCentersinNorthSweden. Sótt af
http://thenodepole.com/downloads/DataCentersinNorthSweden.pdf
Margeirsson, Ó. (2013, 31. maí). Ríkir efnahagslegur stöðugleiki í Evrópusambandinu? Sótt
26. apríl 2016, af http://www.evropuvefur.is/svar.php?id=64630
Martin, W. (2016, 18 febrúar). Swedish inflation rate grows for the first time in more than a
year - Business Insider. Sótt 27. apríl 2016, af http://uk.businessinsider.com/swedish-
inflation-rate-grows-for-the-first-time-in-more-than-a-year-2016-2
Michael, G. D. (2002). Data center outsourcing and the bottom line. Cost Engineering, 44(1),
14.
Mitchell-Jackson, J., Koomey, J. G., Blazek, M., & Nordman, B. (2002). National and
regional implications of internet data center growth in the US. Resources,
Conservation and Recycling, 36(3), 175–185. http://doi.org/10.1016/S0921-
3449(02)00080-0
Moody, J. (2015, 14. október). How does a data center work? Sótt af
http://www.fortrustdatacenter.com/blog/data-center-management/how-does-a-data-
center-work/
Mortleman, J. (e.d.). Nordics push to become European datacentre hub. Sótt 28. apríl 2016, af
http://www.computerweekly.com/news/2240209368/Nordics-push-to-become-
European-datacentre-hub
62
Numbeo. (e.d.-a). Quality of Life in Iceland. Sótt 27. apríl 2016, af
http://www.numbeo.com/quality-of-life/country_result.jsp?country=Iceland
Numbeo. (e.d.-b). Quality of Life in Sweden. Sótt 27. apríl 2016, af
http://www.numbeo.com/quality-of-life/country_result.jsp?country=Sweden
Numbeo. (e.d.-c). Quality of Life in United States. Sótt 27. apríl 2016, af
http://www.numbeo.com/quality-of-life/country_result.jsp?country=United+States
OECD. (e.d.-a). Members and partners. Sótt 27. apríl 2016, af
http://www.oecd.org/about/membersandpartners/
OECD. (e.d.-b). OECD Better Life Index - Iceland. Sótt 26. apríl 2016, af
http://www.oecdbetterlifeindex.org/countries/iceland/
Orkuspárnefnd. (2015). Raforkuspá 2015 –2050 (bls. 104). Höfundur. Sótt af
http://os.is/gogn/Skyrslur/OS-2015/OS-2015-05.pdf
Orkustofnun. (2015a, 2. janúar). Raforkuvinnsla eftir uppruna. Sótt af
http://www.orkustofnun.is/media/raforkutolfraedi-2014/RT-2015-02-01-
Raforkuvinnsla-eftir-uppruna.xlsx
Orkustofnun. (2015b, desember). YFIRLIT - OS-2015-05.pdf. Sótt 26. apríl 2016, af
http://os.is/gogn/Skyrslur/OS-2015/OS-2015-05.pdf
Ozgen, E. (2011). Porter’s Diamond Model and Opportunity Recognition: A Cognitive
Perspective. Academy of Entrepreneurship Journal, 17(2), 61–76.
Pepelnjak, I. (2013, 11. september). How Much Data Center Bandwidth Do You Really
Need? « ipSpace.net by @ioshints. Sótt af http://blog.ipspace.net/2013/09/how-much-
data-center-bandwidth-do-you.html
Pomerleau, K., & Lundeen, A. (2014). International Tax Competitiveness Index. Washington,
DC: The Tax Foundation. Sótt af http://www.liftamericacoalition.com/wp-
content/uploads/2014/09/TaxFoundation_ITCI_2014_0.pdf
63
Ponemon Institute. (2016). Cost of Data Center Outages. Sótt af
http://www.emersonnetworkpower.com/en-US/Resources/Market/Data-Center/Latest-
Thinking/Ponemon/Documents/2016-Cost-of-Data-Center-Outages-FINAL-2.pdf
Porter, M. E. (1990). The competitive advantage of nations: with a new introduction. New
York: Free Press.
Protalinski, E. (2013, 12. júní). Facebook Opens Its First Non-US Data Center in Luleå,
Sweden. Sótt 26. apríl 2016, af
http://thenextweb.com/facebook/2013/06/12/facebook-opens-its-first-data-center-
outside-the-us-near-the-arctic-circle-in-lulea-sweden/
Radhakrishnan, R. (2014, júlí). Nordic Data Center Projects Heat Up. PM Network, 28(7), 6–
8.
Rath, J. (2013, 4. september). Ericsson Plans For 3 Global High Tech Centers. Sótt af
http://www.datacenterknowledge.com/archives/2013/09/04/ericsson-plans-for-3-
global-high-tech-centers/
Reuters. (e.d.). Opera Software ASA. Sótt 26. apríl 2016, af
http://www.reuters.com/finance/stocks/overview
Reykjavik pure energy. (e.d.). Data Centers. Sótt 28. apríl 2016, af
http://investinreykjavik.is/energy/data-centers
Rouse, M. (2014, ágúst). bandwidth. Sótt 26. apríl 2016, af
http://searchenterprisewan.techtarget.com/definition/bandwidth
Salgür, S. A. (2013). The Importance of Education in Economic Growth. Euromentor
Journal, 4(4), 50–57.
SAP. (e.d.). How a Data Center Works. Sótt 28. apríl 2016, af
http://www.sapdatacenter.com/article/data_center_functionality/
64
Seðlabankinn. (e.d.). Verðlagsþróun, 12 mánaða verðbólga. Sótt 26. apríl 2016, af
http://sedlabanki.datamarket.com/data/set/21tv/verdlagsthroun-12-manada-
verdbolga#!display=line
Segendorf, B. (2014, febrúar). What is Bitcoin? Sótt 26. apríl 2016, af
http://www.riksbank.se/Documents/Rapporter/POV/2014/2014_2/rap_pov_artikel_4_
1400918_eng.pdf
Select USA. (e.d.). The Energy Industry in the United States. Sótt 27. apríl 2016, af
http://selectusa.commerce.gov/industry-snapshots/energy-industry-united-states
Shell Foundation. (e.d.-a). Access To Energy. Sótt 11. maí 2016, af
http://www.shellfoundation.org/Our-Focus/Access-To-Energy
SiliconANGLE, J. W. W. is a regular contributor to, & news, covering the cloud market P.
send. (e.d.). The evolution of the data center : Timeline from the Mainframe to the
Cloud. Sótt af http://siliconangle.com/blog/2014/03/05/the-evolution-of-the-data-
center-timeline-from-the-mainframe-to-the-cloud-tc0114/
Stefán Árni Pálsson. (2015, 12. janúar). Íslenskir fagfjárfestar bætast í hóp hluthafa Verne
Global. Sótt 27. apríl 2016, af http://www.visir.is/islenskir-fagfjarfestar-baetast-i-hop-
hluthafa-verne-global/article/2015150119830
Stocking, A., Kile, J., & Moore, D. (2012). Energy Security in the United States. Sótt af
http://trid.trb.org/view.aspx?id=1146614
Sullivan, B. (2015, 1. október). China Is Home To The Second Largest Amount Of Data
Centres In The World. Sótt 28. apríl 2016, af
http://www.techweekeurope.co.uk/cloud/china-home-second-largest-amount-data-
centres-world-178059
Sutherland, S. (2013, 12. nóvember). How Sweden created a model economy. Sótt 27. apríl
2016, af https://sweden.se/business/how-sweden-created-a-model-economy/
65
Sweden travel advice - GOVUK. (e.d.). Sótt 27. apríl 2016, af zotero://attachment/181/
Swedish civil contingencies. (e.d.). Natural hazards and disaster risk reduction in Swede.
Höfundur.
Sweeney, P. (2010). Ireland’s low corporation tax: the case for tax coordination in the Union.
Transfer: European Review of Labour and Research, 16(1), 55–69.
http://doi.org/10.1177/1024258909357875
Telecom review. (e.d.). Emerald Networks Crosses the Atlantic Ocean with the Emerald
Express Fiber System. Sótt 26. apríl 2016, af
http://www.telecomreviewna.com/index.php?option=com_content&view=article&id=
149:emerald-networks-crosses-the-atlantic-ocean-with-the-emerald-express-fiber-
system&catid=40:march-april-2012&Itemid=80
The Global Economy. (e.d.). Political stability by country, around the world. Sótt 26. apríl
2016, af http://www.theglobaleconomy.com/rankings/wb_political_stability/
The nordic web. (2016, 14. janúar). The 2015 Icelandic Funding Analysis. Sótt 26. apríl
2016, af http://www.thenordicweb.com/blog/the-2015-icelandic-funding-analysis
The Swedish trade & invest council. (e.d.). Corporate taxes in sweden. Sótt af
http://www.business-
sweden.se/contentassets/ed79d90e6aa84f0cbd4ac281ac5aa460/7.-corporate-taxes-in-
sweden.pdf
The World Bank Group. (e.d.-a). Access to electricity (% of population). Sótt 26. apríl 2016,
af http://data.worldbank.org/indicator/EG.ELC.ACCS.ZS/countries?page=5
The World Bank Group. (e.d.-b). Renewable electricity output (% of total electricity output).
Sótt 27. apríl 2016, af
http://data.worldbank.org/indicator/EG.ELC.RNEW.ZS/countries
66
The World Bank Group. (e.d.-c). Time required to start a business (days). Sótt 26. apríl 2016,
af http://data.worldbank.org/indicator/IC.REG.DURS
Times Higher Education. (2015, 30. september). World University Rankings. Sótt 26. apríl
2016, af https://www.timeshighereducation.com/world-university-
rankings/2016/world-ranking
Tómas Jóhannesson, & Veðurstofa Íslands. (2001). Náttúruhamfarir á Íslandi. Orkumenning
á Íslandi-Grunnur til stefnumótunar, 238–246.
Trading Economics. (2016, 27. apríl). Credit Rating - Countries. Sótt 26. apríl 2016, af
http://www.tradingeconomics.com/country-list/rating
Trading Economics. (e.d.). Inflation Rate - Countries. Sótt 27. apríl 2016, af
http://www.tradingeconomics.com/country-list/inflation-rate
Triple A Learning. (e.d.). Political stability and instability. Sótt 10. maí 2016, af
http://www.pamojaeducation.com/course-companion/business-management-
eText/Triple%20A/Business%20Organisation%20Student/page_62.htm
UNDP. (e.d.). Education index | Human Development Reports. Sótt 27. apríl 2016, af
http://hdr.undp.org/en/content/education-index
Union of concerned scientists. (e.d.). Renewable Energy Can Provide 80 Percent of U.S.
Electricity by 2050. Sótt 27. apríl 2016, af
http://www.ucsusa.org/clean_energy/smart-energy-solutions/increase-
renewables/renewable-energy-80-percent-us-electricity.html
U.S Energy Information Administration. (e.d.). Anual Energy Review. Sótt 27. apríl 2016, af
http://www.eia.gov/totalenergy/data/annual/showtext.cfm?t=ptb0102
US Inflation calculator. (2016, 14. apríl). US Inflation Climbs in March, Annual Inflation
Rate Eases Again. Sótt 27. apríl 2016, af
67
http://www.usinflationcalculator.com/inflation/us-inflation-climbs-in-march-annual-
inflation-rate-eases-again/10001967/
Viðskiptablaðið. (2010, 19 maí). Gagnaverið Thor Data Center tekið í notkun á föstudag. Sótt
27. apríl 2016, af http://www.vb.is/frettir/gagnaveri-thor-data-center-teki-i-notkun-a-
fostuda/1246/
Viðskiptablaðið. (2016, 10. janúar). Orkunotkun stóriðju eykst um 70%. Sótt 26. apríl 2016,
af http://www.vb.is/frettir/orkunotkun-storidju-eykst-um-70/123968/
w3schools. (e.d.). Browser Statistics. Sótt 26. apríl 2016, af
http://www.w3schools.com/browsers/browsers_stats.asp
Wikipedia. (2016, 13. apríl). Electricity pricing. Í Wikipedia, the free encyclopedia. Sótt af
https://en.wikipedia.org/w/index.php?title=Electricity_pricing&oldid=715080995
World Energy Council. (e.d.). Energy Trilemma Index. Sótt 27. apríl 2016, af
https://www.worldenergy.org/data/trilemma-index/
Þórður H. Hilmarsson. (2011). Tillaga til þingsályktunar um stefnu um beina erlenda
fjárfestingu. (bls. 13). Reykjavík. Sótt af
http://www.althingi.is/altext/pdf/140/s/0498.pdf
Þórður Snær Júlíusson. (2016, 19. janúar). Fjárfesting í „einhverju öðru“ 17faldaðist í fyrra.
Sótt 26. apríl 2016, af http://kjarninn.is/skyring/2016-01-19-fjarfesting-i-einhverju-
odru-17faldadist-i-fyrra/
68
Viðauki
Viðauki A: Thor Data viðtalsrammi
Thor Data viðtalsrammi
Almennt 1. Hvenær var Thor Data stofnað?
2. Hverjir eru eigendur í dag?
3. Hafið þið haft sömu eigendur allan tíman?
4. Hvað eru margir sem starfa í fyrirtækinu í dag?
a. Að þínu mati finnst þér næginlegt magn af hæfileikaríku upplýsingatæknifólki
á Íslandi í dag?
Gagnavers Staðsetninga lykilþættir 1. Nú eru þið einungis að nota græna endurvinnanlega orku er það ekki rétt?
2. Skrifuðu þið undir einhversskonar langtímasamnig um orkuverð?
3. Eru þið með tvöfalda skömtun frá tveimur mismunandi rafmagns undirstöðvum?
Segjum svo að rafmag myndi slá út
4. Að þínu mati myndiru segja að þið væruð að fá marga viðskiptavini einnungis útfrá
því að þið eruð með “græna orku”?
5. Hver er staðan á fjarskiptakerfi ykkar í dag? Er hraði á gögnum frá landinu vandamál?
6. Vitið þið hver staðan á emerald sæstrengnum er og mun hann koma til með að bæta
afkasta getu ykkar?
7. Hversu mikilvægur er biðtími fyrir ykkar viðskiptavini?
8. Hefur þú vitneskju um að rekstarkostnaður á Íslandi sé minni hér en í öðrum löndum?
a. Fjarskipta/breiðbandskostnaður?
b. Rafmagnskostnaður?
c. Fasteignakostnaður?
d. Skattar og gjöld?
9. Ert þú með upplýsingar um hversu mikill niðurtími hefur verið hjá gagnaverinu frá
stofnun?
a. Eru nátturuhamfarir valdur af einhverjum að þessum niðurtíma? T.d
Eyjafjallajökull
10. Er Íslenska ríkið með einhversskonar stefnu sem hvetur gagnaver til að staðsetja sig
hér á landi?
69
a. Þá einhversskonar skattaívilnanir?
11. Hvernig eru skattar og skattaívilnanir þegar kemur að gagnaverum á Íslandi?
a. Er skatturinn á tölvubúnað lágur hér?
12. Myndir þú segja að skattar væru sanngjarnir eða myndir þú vilja sjá breytingu sem
myndi mögulega stuðla að auðveldara aðgengi fyrir gagnavers uppbyggingu?
13. Veist þú hvað tók langan tíma að byggja þetta gagnaver?
a. Var eitthvað sem þú telur að hafa mætti fara betur í uppbyggingunni? T.d
vesen með leyfi, skipulag eða byggingaverktaka?
b.
14. Hafið þið möguleika á að stækka þetta gagnaver?
15. Hverjir myndir þú segja að væru helstu samkeppnisaðilar Ísland þegar kemur að
staðsetningu?
16. Hverjir eru kostir við að staðsetja gagnaver á íslandi?
a. En gallar?
Starfsemi 1. Hversu stórt í fermetrum er gagnaverið?
2. Notið þið íslenska kalda loftið til að kæla niður gagnaverið?
a. Hver er sá stærsti?
3. Hverjir eru helstu samkeppnisaðilar ykkar?
4. Hverjir eru ykkar helstu birgjar þegar kemur að tölvubúnaði?
5. Að þínu mati hver er helsti dragbítur ykkar gegn erlendri samkeppni?
6. Að lokum hefur þú einhverjar hugmyndir fyrir Íslenska ríkið til að stuðla að
uppbyggingu gagnavera hér á landi?
70
Viðauki B: Verne Global viðtalsrammi
Verne Global viðtalsrammi
Alemnnt 1. Hvenær var Verne Global stofnað?
2. Hverjir eru eigendur í dag?
3. Hafið þið haft sömu eigendur allan tíman?
4. Hvað eru margir sem starfa í fyrirtækinu í dag?
a. Að þínu mati finnst þér næginlegt magn af hæfileikaríku upplýsingatæknifólki
á Íslandi í dag?
Gagnavers Staðsetninga lykilþættir 1. Nú eru þið einungis að nota græna endurvinnanlega orku í gagnaverið er það ekki
rétt?
2. Skrifuðu þið undir einhversskonar langtímasamnig um orkuverð?
3. Eru þið með tvöfalda skömtun frá tveimur mismunandi rafmagns undir stöðvum?
Segjum svo að rafmagn myndi slá út?
4. Að þínu mati myndiru segja að þið væruð að fá marga viðskiptavini einnungis útfrá
því að þið eruð með “græna orku”?
5. Hver er staðan á fjarskiptakerfi ykkar í dag?
a. Er hraði á gögnum frá landinu vandamál?
6. Vitið þið hver staðan á emerald sæstrengnum er og mun hann koma til með að bæta
afkasta getu ykkar?
7. Hversu mikilvægur er biðtími ykkar viðskiptavinum?
8. Hefur þú vitneskju um að rekstarkostnaður á Íslandi sé minni hér en í öðrum löndum?
a. Rafmagnskostnaður?
b. Fjarskipta/breiðbandskostnaður?
c. Fasteignakostnaður?
d. Skattar og gjöld?
9. Á sínum tími við val á staðsetningu hér á landi var gerð einhver áhættugreining ?
10. Ert þú með upplýsingar um hversu mikill niðurtími hefur verið hjá gagnaverinu frá
stofnun?
a. Eru nátturuhamfarir valdur af einhverjum að þessum niðurtíma? T.d
Eyjafjallajökull
71
11. Er Íslenska ríkið með einhversskonar stefnu sem hvetur gagnaver til að staðsetja sig
hér á landi?
a. Þá eins og einhversskonar skattaívilnanir
12. Hvernig eru skattar og skattaívilnanir þegar kemur að gagnaverum á Íslandi?
a. Er skatturinn á tölvubúnað lágur hér?
b. Myndir þú segja að skattar væru sanngjarnir eða myndir þú vilja sjá breytingu
sem myndi mögulega stuðla að auðveldara aðgengi fyrir gagnavers
uppbyggingu?
13. Veist þú hvað tók langan tíma að byggja þetta gagnaver?
a. Var eitthvað sem þú telur að hafa mætti fara betur í uppbyggingunni? T.d
erfiði með leyfi, skipulag eða byggingavertaka?
14. Hafið þið möguleika á að stækka þetta gagnaver?
15. Hverjar voru aðal ástæðurnar fyrir valinu á Íslandi?
16. Þegar kom að staðsetningarvali Verne komu einhverjar aðrar staðsetningar til greina?
a. Ef já, hverjar voru það?
17. Hverjir eru kostir við að staðsetja gagnaver á íslandi?
a. En gallar?
18. Var auðvelt/erfitt fyrir ykkur að koma inná íslenskan markað
a. Hvað var það sem olli helstu vandræðunum?
19. Hverjir myndir þú segja að væru helstu samkeppnisaðilar Ísland þegar kemur að
staðsetningu?
Starfsemi 1. Hversu stórt í fermetrum er gagnaverið?
2. Notið þið íslenska kalda loftið til að kæla niður gagnaverið?
3. Hverjir eru ykkar helstu birgjar þegar kemur að tölvubúnaði?
4. Hversu marga viðskiptavini eru þið með?
a. Hver er sá stærsti?
5. Hverjir eru helstu samkeppnisaðilar ykkar?
6. Að þínu mati hver er helsti dragbítur ykkar gegn erlendri samkeppni?
7. Að lokum hefur þú einhverjar hugmyndir fyrir Íslenska ríkið til að stuðla að
uppbyggingu gagnavera hér á landi?
72
Viðauki C: Viðtal við Benedikt Gröndal rekstrarstjóra Thor Data Center
Viðtal við Benedikt Gröndal rekstrarstjóra Thor Data Center þann 1. apríl 2016
Spyrjendur: Bjarni Guðmundsson og Björn Berg Bryde
Spyrjendur: Hvenær var Thor Data stofnað?
Benedikt: Fyrirtækið Thor Data center var stofnað 2009.
Spyrjendur: Hverjir eru eigendur í dag?
Benedikt: Það voru 4 frumkvöðlar sem stofnuðu Thor Data og Advania keypti þetta síðan
áramótin 2011.
Spyrjendur: Og hafði Thor Data center þá stækkað eitthvað?
Benedikt: Þetta hefur alltaf verið í sama húsnæðinu en þetta er byggt upp í einingum og það
er búið að fylla uppí húsnæðið í Hafnarfirði í dag. Síðan erum við búnir að reisa annað
gagnaver suður að Fitjum rétt hjá Keflavík.
Spyrjendur: Og er það gagnaver í svipaðri stærðargráðu?
Benedikt: Í fermetrum er það aðeins stærra en í orku er það miklu stærra. Það gagnaver er
fyrst og fremst fyrir Bitcoin. Þetta gagnaver var byggt vorið 2014 og eru við í dag að nota
cirka 12 megavött. En í Hafnarfirði erum við bara að nota 2 megavött.
Spyrjendur: Hvað starfa margir hjá fyrirtækinu?
Benedikt: Það er mjög erfitt að segja um það. En í dag er fyrirtækið undir sér kennitölu og
heitir Advania Data Center það er meira bókhaldslegt en eitthvað annað. Það er allt öðruvísi
efnahagsreikningur í gagnaveri en í hefðbundnu hugbúnaðarfyrirtæki. Það eru mjög miklar
fjárfestingar og lítill rekstrarkostnaður sem slíkur og lítið mannafl. Fastir starfsmenn eru bara
5 sem vinna beint þar. Þeir eru í daglegum rekstri í gagnaverinu. Síðan er öll önnur starfsemi
aðkeypt frá Advania t.d bókhald, sala og 24 tíma vaktir. Mannaflaþörfin getur verið mjög
breytileg eftir því hvað er í gangi hverju sinni. Þetta eru örugglega svona 20 manns sem koma
að þessu í heildina.
Spyrjendur: Að þínu mati finnst þér næginlegt magn af hæfileikaríku
upplýsingatæknifólki á Íslandi í dag?
Benedikt: Já og við notum eingöngu íslenskt starfsfólk. En grunngagnaversreksturinn hann
kallar ekkert svo mikið á það. Þú í dag ert að vinna í einhverskonar cloudi með dropbox eða
eitthvað slíkt þannig kerfisstjórarnir geta sitið útum allan heim. Hinsvegar það sem Advania
hefur gert öðruvísi en aðrir sem eru á þessum markaði er að þeir leggja meiri áherslu á
virðisauka fyrir ofan bara gagnaverið. Því gagnaverið sjálft er bara svipað og álver en í
73
þessum geira er miklu ódýrara að búa til virðisauka ofan á. Þú þarft ekki að reisa aðra
verksmiðju hliðin á. Bara smá hugvit og gera hlutina á smartan hátt. Þannig höfum við
svolítið verið að draga inn viðskiptavini þar sem við getum sinnt þeim meira en að bara hýsa
búnaðinn þeirra eins og t.d. tekið þátt í kerfisrekstrinum og annað því um líkt. Það er sá
virðisauki sem við sjáum vera þann mikilvægasta.
Spyrjendur: Hvernig hefur það gengið? Þið eruð væntanlega með flest alla erlenda
viðskiptavini
Benedikt: Í gagnaverinu hjá okkur eru 95% erlendir viðskiptavinir. Það er ekki hátt hlutfall
af þeim sem við erum að sinna alveg fullum kerfisrekstri en þó eru þeir alveg til þeir
viðskiptavinir sem við sjáum bara um reksturinn á tölvukerfinu þeirra frá A-Ö. Yfirleitt þegar
þú ferð út í svoleiðis vinnu þarftu að vera á staðnum. Erfitt að vera að selja svoleiðis þegar þú
ert með sölumann á Íslandi og ert að reyna að selja eitthvað á Bretlandi.
Spyrjendur: Nú eru þið einungis að nota endurvinnanlega orku er það ekki rétt?
Benedikt: Jú það er rétt. Það er ekki hægt að segja fullkomlega 100% því við erum með
dísilvélar sem vararafstöðvar.
Spyrjendur: Hafið þið notað þessar vararafstöðvar mikið?
Benedikt: Við förum í starfsemi 2010 og það eru nokkur skipti sem við höfum þurft að nota
vararafstöðvarnar. Lengsta stoppið var eitthvað um einn og hálfan tíma þegar rafmagnið fór
af Hafnarfirði 2014. Þá sprakk spennustöð sem tók út rafmagnið í Hafnarfirð. Svo var 20 mín
stopp í síðasta mánuði en lengsta stoppið frá upphafið er eitthvað um einn og hálfur.
Spyrjendur: Hvað ráða þessar vararafstöðvar við langan niðurtíma?
Benedikt: Við erum með eldsneyti fyrir 24 tíma. En svo erum við á forgangslista
almannavarna uppá olíu. Vegna þess að við erum að geyma mjög mikið af ríkisgögnum og
eitthvað fyrir bankastofnanirnar og eitthvað svona dotterí. Þannig við ættum að geta fengið
olíu ef við þurfum að vera lengur.
Spyrjendur: Skrifuðuð þið undir einhversskonar langtímasamning um orkuverð?
Benedikt: Við erum að kaupa orkuna okkar frá HS orku og þar erum við með 5 ára samning.
Orkuverð á Íslandi er mun stabílla en þú sérð annarsstaðar. Ef þú skoðar orku í Evrópu í dag
þá er hún á markaði. Þannig þú getur fengið langtímasamning á orku í Evrópu en þá þarftu
oftast að borga einhverskonar uplift frá markaðsvirði til að tryggja þig. Það getur verið
mismunandi eftir lengd og eftir því hvernig markaðurinn er að þróast síðustu mánuðina og
hvernig útlið er. Hérna er þetta mun stöðugra. Þannig það hefur verið ákveðinn kostur hvað
varðar orkuverðið sjálft.
Spyrjendur: Þið teljið að þið þurfið ekkert að gera lengri samning?
74
Benedikt: Gallinn við íslenska orkukerfið er fyrst og fremst sá að það er ekki markaður
hérna. Ef ég ætla að fara út og kaupa 10 megavött. Þá er ég bundinn við það að ég þurfi að
ábyrgjast því að ég ætla að nota þessi 10 megavött alltaf. Það er svo erfitt fyrir mig að
sveiflast í orku. Það er miklu auðveldara í Evrópu. Þú getur bara verið á svokölluðum spot
markaði í Evrópu frá dags til dags og þú kaupir bara eitthvað ákveðið mikið og það getur
verið langtíma samningur um svona bulkið af því. Þannig að við höfum ekki viljað fá lengri
samning þrátt fyrir að við getum það. Við viljum ekki tryggja okkur því að yfirleitt í
gagnaverum eru samningar okkar við viðskiptavina þriggja til fimm ára. Þannig ef við ætlum
að fara að binda okkur eitthvað mikið lengur erum við farin að taka ákveðna áhættu. Lengstu
samningar okkar eru yfirleitt í kringum fimm ár. Í augnablikinu er rafmagn samt ekki ódýrt á
Ísland og er mögulega að verða svolítið dýrt. Ef við horfum á það sem er að gerast víða í
Evrópu og það sem þeir kalla stóriðju, sem eru aðilar sem nota 500 megawött eða meira, sem
er sko það sem við köllum smáiðju hér á landi, er að þeir eru á ákveðnum svæðum í Evrópu
þar sem allir tollar eru felldir af rafmagni. Þannig að rafmagnskostnaður í t.d norður Svíþjóð
frá og með næstu árum verður mun minni en á Íslandi.
Spyrjendur: Hver er staðan á fjarskiptakerfi ykkar í dag? Er hraði á gögnum frá
landinu vandamál?
Benedikt: Nei ekki hjá okkur. Sá hluti markaðsins sem treystir á hraða gagna frá gagnaverum
er mjög lítil. Sú markaðshlutdeild er aðallega trading og því um líkt. Við höfum ekki farið
inná þann markað. Fyrir okkur skiptir hraðinn ekki öllu máli.
Spyrjendur: Veist þú hver staðan er á Emerald sæstrengnum?
Benedikt: Ég held það sé bara ekkert að gerast. Það er verið leggja strenginn en hann verður
ekki lagður til Íslands núna þar sem náðist ekki að fjármagna þann hlut. Það sem er vandamál
með sæstrengi á Íslandi í dag er fyrst og fremst verðlagning. Kostnaðurinn við það er
gjörsamlega út úr korti miðað við það sem gengur og gerist. Ef þú horfir á einingu í
sæstrengnum t.d. megabæt þá getur þú reiknað með því að það sé 15x dýrara á Íslandi en í
Evrópu.
Spyrjendur: Afhverju er það svona mikið dýrara?
Benedikt: Farice á báða þessa strengi og eru í dag skuldum vafnir og nýtingin á strengjunum
er mjög lítil. Við erum t.d. lang stærsti notandi þeirra myndi ég álykta. Við erum með kúnna
hjá okkur sem eru mjög stórir. Eins og til dæmis Opera Software sem er að nota örugglega
svipað mikið þennan streng og restin af Íslandi. Verðlagningin er þannig, að fyrir aðila eins
og þá er þetta bara að verða óhagkvæmt að vera á Ísland bara útaf kostnaði við bandvídd.
Spyrjendur: Þannig að Ísland hefur þannig séð ekkert að gera við fleiri strengi er það?
75
Benedikt: Afkastalega séð höfum við ekkert að gera við fleiri strengi. Það má færa rök fyrir
því rekstrarlega séð. Við erum bara með tvo strengi og það er kannski tiltölulega lítið fyrir
þjóð sem ætlar að byggja afkomu sína á þekkingariðnaði. Síðan ef Emerald hefði komið hefði
hann bætt tengingarnar við Bandaríkin. Allar tengingar við Bandaríkin fara í gegnum London
eða Amsterdam í dag og fer Danice til Danmerkur og Farice fer til Skotlands.
Spyrjendur: Nú lásum við áhættugreiningu um gagnaver þar sem Svíþjóð er að fara
upp um jafn mörg sæti og Ísland er að falla á þessum lista hefur þú einhverja skoðun á
því afhverju það gæti verið?
Benedikt: Norður Evrópa er að sækja mikið í sig, Írland er þar inni líka. Það er mjög mikil
rafmagnsframleiðsla í norður Svíþjóð og það er gífurlega dýrt fyrir þá að flytja rafmagnið á
milli, þannig þeir vilja selja rafmagnið á svæðum í kringum sig. Þess vegna er rafmagn dýrt í
Stokkhólmi. Málið er það að það hefur verið mikil námuvinnsla og pappírsvinnsla en
pappírvinnsla í heiminum er að minnka þannig rafmagnsnotkun þeirra minnkar. Finnland,
Svíþjóð og Noregur er að aðeins að byrja að vakna í því að taka rafmagnsverðið niður fyrir
iðnað sem er að nota rafmagn frá hálfu megavatti og uppí svona tíu og eru þeir að lækka
verðið til þessa aðila til að draga þetta til sín aftur.
Spyrjendur: Hefur það einhvern tímann komið til á Íslandi að lækka rafmagnsverðið?
Benedikt: Íslensk stjórnvöld tala bara vel um svona smáiðnað gagnavera á forsíðu Moggans.
Eina sem þeir gera þar á milli er að þvælast fyrir.
Spyrjendur: Býður ríkið uppá einhverskonar skattaívilanir?
Benedikt Nei við erum meira að segja í vandræðum með að taka inn viðskiptavini frá Evrópu
vegna þess að skatturinn er að heimta að þeir borgi virðisaukaskatt að öllum búnaðinum sem
þeir koma með til landsins. Við erum í endalausum slag við þá útaf því. Við erum þvílíkt
aftur í fornöld hvað þetta varðar. Við byrjuðum 2010 og erum búnir að vera að ræða við
yfirvöld og ráðherra, bjóða þeim öllum í heimsókn til okkar en það gerist ekki neitt.
Spyrjendur: Borgið þið venjulegan skatt á tölvubúnaði?
Benedikt: Tölvubúnaður er ekki skattlagður á Íslandi. En þú þarf að borga virðisaukaskatt
náttúrulega. En þú getur auðvitað fengið hann endurgreiddann sem fyrirtæki. En sá process
tekur þrjá til sex mánuði og erlend fyrirtæki skilja ekki afhverju þau þurfa að leggja út fyrir
því. Því tölvubúnaður fyrir stórt verkefni getur alveg farið uppi í milljarð króna. Þú ert að
leggja út virðisaukaskatt fyrir milljarð sem eru þá 250.000 milljónir og vextir af því í sex
mánuði þannig það telur hratt. Það er bara vesen sem viðskiptavinurinn nennir ekki að standa
í.
76
Spyrjendur: Er fasteignaverð og byggingakostnaður sanngjarn hér á landi samaborið
við önnur lönd?
Benedikt: Það er svipað. Það er samt alls ekkert ódýrt hér á Íslandi
Spyrjendur: Hvaða breytingar myndir þú vilja sjá á sköttum og reglugerðum hér á
landi?
Benedikt: Breyta raforkulöggjöfinni s.s dreifingu á rafmangi. Þetta skiptir miklu máli, skiptir
tugum milljóna á ári, við þurfum að kaupa dreifinguna eins og hver annar heimilisnotandi og
borga jöfnunargjald af rafmagnsdreifingu. Þó við séum að taka 12 megavött inná einn lítinn
stað, þá þurfum við að borga jöfnunargjald uppá 20 aura per kílovatt stund eins og heimili á
Ísafirði. Mér finnst það ekki gera okkur auðvelt fyrir í samkeppni og að eiga við allt batterý í
kringum það er bara mjög erfitt. Við erum búnir að vera í barráttu við þá í tvö ár en það er
vonandi að ganga núna. Þetta er bara óásættanlegt fyrir menn sem eru að reyna að byggja upp
nýjan iðnað. Við viljum fá meiri sveigjanleika fyrir smáiðnað að geta komist inná svona
stóriðjutaxta. Koma á samhæfðum reglum við Evrópusambandið í sambandi við
virðisaukaskatt og endurgreiðslu virðisaukaskatts fyrir fyrirtæki sem eru að senda sinn búnað
til hýsingar. Þetta er að valda okkur svona óþarfa veseni og menn nenna bara ekki að standa í
þessu. Fá stjórnvöld til að skilja það að það er hægt að gera ýmislegt tiltölulega einfalt til að
einfalda rekstrarumhverfi smáiðnaðar á Íslandi. Þetta á ekki bara við um gagnaver heldur
örugglega margt annað. Menn eru alltof mikið að focusa á að fá stóriðju, hvernig stjórnvöld
geta búið til ívilanir fyrir þá. Fá fleiri egg í körfuna í raun og veru. Við erum að borga mun
hærra rafmagnsverð en álver. Þeir eru örugglega að borga ætli það sé ekki helmingurinn að
því sem við erum að borga og helsta útspil yfirvalda er að setja sæstreng til Bretlands, sem
sagt að selja rafmagnið ennþá ódýra útur úr landinu. Með orkuframleiðsluna þá segja t.d
Landsvirkjun að þeir séu að selja á mjög góðu verði þó við séum ósammála þeim að mörgu
leyti. Þar held ég að vanti bara þessi markaðslögmál meira. Þú nærð ekkert að byggja þau upp
í svona lokuðu kerfi eins og Ísland er. Það er einfaldlega of lítið til að geta byggt upp
almennilegt markaðssvæði í raforku.
Spyrjendur: Er ekki almennileg samkeppni í raforkuiðnaðinum á Íslandi þá?
Benedikt: Það vantar bæði örugga samkeppni að einhverju leyti en það vantar bara
markaðinn, að ég geti notað orkuna núna næstu þrjá mánuði svo vil ég hætta þá tekur einhver
annar við. Ef ég hætti með 5 megavött í þrjá mánuði þá situr bara orkuframleiðandinn með
orkuna uppi, hann getur ekkert selt hana. Samkeppnin er semsagt ekki bara hjá seljendum
heldur líka hjá kaupendum. Hreinlega er markaðssvæðið bara of lítið. Þetta er svipað og að
fara að reka Bónus á Kópaskeri, þú ert bara fastur með vöruna þína þarna. Ég vill ekki fara að
77
dæma Landsvirkjun eða HS orku að þeir séu ekki í samkeppni, markaðurinn er einfaldalega
bara of lítill.
Spyrjendur: Er Verne Global í beinni samkeppni við ykkur?
Benedikt: Við horfum á samkeppnina miklu stærra en bara annað gagnaver á Íslandi. Frekar
kalla eftir því að það yrðu fleiri aðilar hérna, t.d. ef þú ferð í Kringluna að kaupa föt og það
eru margar fataverslanir og ef það væru fleiri gagnaver á Íslandi þá væru menn frekar að
koma hingað. Ísland er í raun ennþá að selja Ísland sem staðsetningu fyrir gagnaver en ef það
væru mörg gagnaver hér á landi þá þyrfti ekki að selja viðskiptavinum Ísland því þeir vita að
það er fínt og gott að vera á Íslandi.
Spyrjendur: Hvað er Thor Data með marga viðskiptavini?
Benedikt:Ef við horfum beint á þá sem bara kaupa hýsingu á búnaði þá eru þetta í kringum
svona 50 - 60 og af þeim eru ákveðnir Bitcoin aðilar stærstir. En þegar það kemur að svona
varni hýsingu með vararafstöðum er Opera stærsti viðskiptavinurinn.
Spyrjendur: Þegar kemur að birgjum fyrir tölvubúnað, hvaðan fáið þið tölvubúnaðinn
ykkar?
Benedikt: Ef við þurfum að skaffa sjálfir búnaðinn þá notum við Advania. Lang stærsti hluti
viðskiptavina okkar kaupir búnaðinn og við hýsum hann. Stundum kaupa þeir hann í gegnum
okkur og þá birgja sem við getum útvegað.
Spyrjendur: Að þínu mati hver er ykkar helsti dragbítur að erlendri samkeppni?
Benedikt: Stærsti dragbíturinn er örugglega verðið á gagnasambandinu. Jafnvel þótt þú farir
til norður Svíþjóðar, nyrst til Svíþjóðar og kaupir samband þar niður til Stokkhólms eða
eitthvað svipað þá er það svona 4 - 5 sinnum ódýrara. Ríkið á Farice strenginn og Farice lenti
í því sem mörg fyrirtæki lentu í hérna 2007 að það varð gjaldþrota. Í staðinn fyrir að setja það
í gjaldþrotameðferð og afskrifa dótið þá er ríkisábyrgð á skuldunum þeirra þannig það er
verið að reyna að halda þeim gangandi. Annað gæti verið löggjöf um virðissaukaskattinn og
raforkudreifinguna og kostnaðinn í kringum það.
Spyrjendur: Hvernig nýtið þið íslenska loftið til kælingar? Er það jafn auðvelt og að
opna bara glugga?
Benedikt: Við vorum hérna 2010 svolitlir frumkvöðlar við að nota staðbundna orkugjafa til
kælingar. Hjá okkur er það kalda loftið og erum við eingöngu að nota kalt loft til að kæla. Við
erum ekki með svona ísskápapressu eða annað þvílíkt. Þannig að orkunýtni í gagnaverinu
okkar þótti alveg ótrulega góð þegar við förum af stað miðað við það að við erum svona
general purpose gagnaver s.s við tökum hvað sem er, þá vorum við að ná sama árangri og hjá
Google eða Facebook en þeir hanna serverina alveg frá server og uppúr hvernig þeir ætla fá
78
sem bestu orkunýtingu. Það byggist aðallega á því að við erum að nota kalda loftið. Við erum
með tvenns konar kælikerfi sem við erum að nota, annarsvegar það sem við erum að nota í
Bitcoin. Þar opnum við bara gluggan út það og er í raun sama concept og Facebook er að nota
í dag upp í Lulea. Það sem við erum fyrst og fremst að gera í Thor er að þar erum við með
loftkæla. Við erum með kæla sem eru yfirleitt plötukælar síðan erum við með tölvubúnaðinn í
efri einingunni og kælibúnaðinn í neðri og síðan notum við bara kalda loftið úti til að kæla
það niður svo við notum ekki vatn eða eitthvað annað til að kæla það niður. Við vorum fyrstir
í heiminum til að byrja með þá tækni en hún hefur verið að ryðja sig mjög mikið til rúms
núna í Norður Evrópu s.s að nýta kalda loftið sem kælingu.
Spyrjendur: Var húsið á völlunum í Hafnarfirði ekki upphaflega prentsmiðja?
Benedikt: Jú húsið var prentsmiðja. Við vorum í raun og veru bara að leita að skel. Það sem
við gerum er að við byggjum í raun og veru bara tölvusali inní húsinu, við byggjum hús inní
húsinu. Við þurfum bara góða skel sem er tiltölulega örugg og með mikla burðargetu í
gólfinu
Spyrjendur: Heillar það eitthvað viðskiptavinina hvað það er lítil glæpatíðni á Íslandi
þegar kemur að því að brjótast inn í gagnaver ?
Benedikt: Nei, þú getur flokkað netglæpi í nokkra hópa. Þessir industry spies sem eru að
brjótast inn og stela gögnunum, það eru sennilega sjaldgæfasti hópurinn. Það er yfirleitt bara
targetað á gögnin alveg óháð því hvar í heiminum gagnaverið er. Algengustu eru DoS
árásirnar, við verðum var við svoleiðis daglega hjá okkur en við erum bara með mjög öflugar
varnir við því. En varnarkerfin okkar tilkynna daglega að það sé verið að gera eitthvað sem er
óeðlilegt misstórt og mismikið.
Spyrjendur: Hafið þið lent í því að viðskiptavinur ykkar sé smeykur við
náttúruhamfarir á Íslandi og þ.a.l. niðurtíma?
Benedikt: Allt sem menn þekkja ekki eru þeir hræddir við. Við þurfum oft að taka upp
umræðuna um eldgos og jarðskjálfta og annað þvílíkt og benda á að eldgos eða jarðskjálftar
sem hafa haft áhrif á Ísland samanborið við heimstyrjöldina í Evrópu. Frá því það var
jarðskjálfti eða eldgos á þessu svæði sem hefur haft áhrif á okkur, hafa verið tvær
heimstyrjaldir í Evrópu síðan. Við verðum þó vissulega mikið var við að menn koma
smeykir. Við erum vissir um það að margir koma samt ekkert og spyrja okkur heldur leita
bara einhvert annað. Ísland er með Íslandsstofu sem sér um að markaðssetja landið og við
höfum oft kitlað í puttana við að komast í þann penning til að mögulega bæta ímynd landsins.
Spyrjendur: Á ári, hvað heldur þú að það sé að meðaltali mikill niðurtími hjá
gagnaverinu?
79
Benedikt: Við skiptum þjónustunni okkar uppí tvennt. Fyrsta lagi þar sem allt er varið með
dísel vélum, það er kallað tier 3 setup í gagnavers heiminum og hins vegar erum við með
þetta eins og er í Fitjum. Þannig ef rafmagnið fer af fer það bara af. Hönnunarforsendur á tier
3 gagnverum er svona 99.98% uppitími. Við skiptum okkar gagnveri í einhverja 5
mismunandi sali og í þessum sölum sem við erum með tier 3 á seinasta ári var uppitími
100%. Það var eitthvað um 99,8 % uppitími í Fitjum.
Spyrjendur: Hver er kostnaðurinn við að virkja og reka vararafstöðina ef til þess þarf?
Benedikt: Bara olíukostnaður á dísel vélum. Þær eyða eitthvað í kringum 200 lítrum á
klukkutímanum. Það er fyrst og fremst fjárfestingin sem er dýr s.s að koma þessari hönnun
fyrir. Við erum bæði með dísel vélar og rafby sem eru með batteríum sem brúa bilið frá því
að rafmagnið dettur út og það kemur aftur inn. Þetta er brota brot af rekstrarkostnaði en
umstalsverður hluti af fjárfestingunni. Tölvan þolir að vera rafmagnslaus í cirka
millisekúndu, þá hefur maður ekki tíma til að hlaupa og kvekja á díselvélnum þess vegna
þurfa þessi batterí að vera til staðar.
Spyrjendur: Veist þú muninn á kostnaðinum á sæstrengum hérna á Íslandi borið
saman við Svíþjóð og Bandaríkin? Veist þú hverjir eru ódýrastir og hverjir eru
dýrastir?
Benedikt: Bandvíddarlega er best að vera þar sem stóru Internet perring staðirnir eru t.d.
New York, Amsterdam og London. og eru menn að bera saman kostnað við að tengjast
þangað. Kostnaður frá Íslandi er t.d. cirka 5-6 sinnum hærri en norður Svíþjóð sem þykir
frekar dýr staður enda svipað langt frá stóru Internet perring stöðunum í Evrópu.
80
Viðauki D: Viðtal við Helga Helgason rekstarstjóra Verne Global
Viðtal við Helga Helgason rekstrarstjóra Verne Global þann 15. apríl 2016
Spyrjandi: Bjarni Guðmundsson
Spyrjandi: Hvenær var Verne Global stofnað?
Helgi: Verne Global er stofnað hérna á landi 2007
Spyrjandi: Hverjir eru eigendur Verne?
Helgi: Það er tvö fyrirtæki sem stofna fyrirtækið. Það er annars vegar bandarískt
fjárfestingafélag sem heitir General Catalyst og síðan Novator sem er rekið af Björgólfi Thor.
Það eru þessi tveir aðilar sem stofna þetta og aðkoma að þessu er eiginleg sú að General
Catalyst er semsagt áhættufjárfestar sem fjármögnuðu CCP á sínum tíma.
Spyrjandi: Hvað eru margir sem starfa hjá fyrirtækinu?
Helgi: Það er annars vegar á Íslandi og síðan erlendis. Við erum í dag 20 fastir starfsmenn
suður í Reykjanesbæ og þá er ekki talið með öryggisverði og slíkt. Svo eru svona mundi ég
giska á 30 manns í sölu og markaðsstarfi úti erlendis. Með söluskrifstofur í Bandaríkjunum,
Bretlandi og Þýsklandi. Við erum það sem er kallað infrastructure provider. Þar að segja að
við erum bara að skaffa infrastructur-inn. Við erum ekki að sjá um að reka nein tölvukerfi eða
í uppsetningu á tölvukerfum eða einhverju slíku við erum bara að reka semsagt húsnæðið,
rafkerfið og öryggiskerfið. Þannig þetta er bara starfslið sem þarf til þess
Spyrjandi: Koma þá viðskiptavinir ykkar með sinn eigin búnað?
Helgi: Viðskiptavinir koma með sinn eigin búnað. Þeir eiga og reka sinn búnað. Þannig við
erum ekki háðir neinum og okkar viðskiptavinir ráða alveg hverja þeir versla við um
þjónustu. Staðan er reyndar sú að það eru flest öll tölvufyrirtæki, þessi stóru á Íslandi, eru að
þjónusta okkar viðskiptavini þar á meðal Advania sem er nú kannski okkar helsti
samkeppnisaðili. Þannig að við getum kallað tölvusérfræðinga í vinnu þarna á hverjum degi
sem er reyndar ekki okkar starfsfólk. Raunin hefur verið sú að flestir þessir erlendu
viðskiptavinir kaupa þjónustu hjá einhverjum aðilum hérna innanlands. Þeir gera
þjónustusamninga við einhver af þessum stóru tölvufyrirtækjum hér á landi. Oft koma þeir í
byrjun á upphaflegum uppsetningar. Þá kemur kannski eitthvað teymi að utan og setur upp
kerfin en þjónustan eftir það er síðan í höndum þessara innlendu þjónustuaðila.
Spyrjandi: Eru flestir viðskiptavinir ykkar erlendir aðilar ?
Helgi: Já, okkar focus er erlendur markaður. Við erum þó með Íslenska viðskiptavini eins og
Nýherja og Opin kerfi. Þeir eru í raun og veru að selja inná þennan innlenda markað. Þegar
81
innlendir viðskiptavinir nálgast okkur þá vísum við á þessi fyrirtæki sem þjónusta þá. Við
erum ekki að keppa við þá um innanlandsmarkaðinn.
Spyrjandi: Notist þið einungis við græna endurvinnanlega orku?
Helgi: Við erum með samninga við Landsvirkjun og Landsvirkjun framleiðir mest vatnsafl
en er með smávegis jarðvarma orku líka. Þanning að þannig séð er þetta græn orka.
Spyrjandi: Skrifið þið undir einhverja langtímasamninga um orkuverð?
Helgi: Við erum með langtímasamning við Landsvirkjun
Spyrjandi: Segjum að það myndi slá út hjá ykkur eru þið með vararafstöðvar sem taka
við?
Helgi: Við erum með tvennskonar þjónustustig. Við markaðssetjum þetta undir tveimur
mismunandi conceptum. Annars vegar það sem við köllum power direct og hins vegar það
sem við köllum power advanced. Power direct er það sem við köllum lágmarks rekstaröryggi.
Þá er í raun og veru bara búnaður viðskiptavina beint á veitu. Ef það slær út þá slær það bara
út. Svo erum við það sem heitir Power advanced það er efsta stig að rekstaröryggi. Okkar
infrastructure í power advanced samsvarar Tier 3 og jafnvel umfram það. Þá er hámarks
rekstraröryggi. Þá erum við að tala allt þetta hefðbundna, tvöföld kerfi eða m+1,
díselrafstöðvar sem varaafl, double conversion upsa sem taka við áður en díselvélarnar fara
að framleiða rafmagn.
Spyrjandi: Myndir þú segja að þið væruð að fá marga viðskiptavini útfrá þessari grænu
endurvinnanlegu orku?
Helgi: Nei við skulum ekki segja að það sé aðalatriðið. Áður fyrr var þetta nice to have útaf
því að þú fékkst græna orku að án þess að borga nokkuð aukalega fyrir hana, því það er ekki
hægt að fá neina aðra orku hérna. Það er svona hægt að bítandi að breytast og þetta er að
verða meira markaðstól í höndum okkar viðskiptavina að þeir séu að kaupa af okkur græna
orku. Menn eru samt ekkert sérstaklega tilbúnir að borga aukalega fyrir þetta.
Spyrjandi: Er hraði á gögnum frá landinu vandamál hjá ykkur?
Helgi: Það má segja það að það var einhvern tímann gerð greining hjá okkur og ef ég man
rétt þá var skiptingin svoleiðis að við sögðum að 30% að þeim kerfum sem eru í rekstri í
gagnaverum út í heimi þau gætu aldrei komið til Íslands útaf latency. Fyrir 70% kerfanna
skiptir þetta engu máli og 70% af markaðinum er bara alveg nógu stór biti. Það sem er að ske
í dag er að fyrirtæki eru að skipta kerfinum upp hjá sér . Þannig að þeir geta skipt
kerfinum upp í bæði þau sem þurfa hámarks rekstraröryggi og þeir sem þurfa lágmarks
rekstrarröryggi og líka þau sem þurfa ekki þennan samskiptahraða eða lága latency vs þau
sem þola mikið latency. Þannig við lítum ekki á þetta sem vandamál. Það er bara ákveðin
82
hluti kerfa sem munu aldrei koma til Íslands útaf þessu. Það skiptir í raun engum máli í stóru
myndinni.
Spyrjandi: Við val á staðsetningu á Íslandi var væntanlega gerð einhversskonar
áhættugreining komu einhver lönd til greina?
Helgi: Verne er stofnað upphaflega til að byggja gagnaver á Íslandi. Það var ekkert annað
sem kom til greina. Við erum ekki með starfsemi né rekstur annars staðar. Það var semsagt
aldrei spurning.
Spyrjandi: Er íslenska ríkið með einhversskonar stefnu sem hvetur gagnaver til að
staðsetja sig hér á landi ? einhversskonar skattaívilanir ?
Helgi: Nei við höfum ekki upplifið það sérstakleg sko. Eiginlega þvert á móti. Við vitum að
við erum að keppa við lönd hérna í kringum okkur, Bretland og Írland og fleiri lönd þar sem
skattaumhverfis er mun hagstæðara en hérna heima. Þeir gera ekkert í að hjálpa okkur og við
verðum ekkert sérstakleg varir við neinn sérstakan áhuga frá íslenskum stjórnvöldum á
þessum iðnaði. Þetta var umtalað á sínum tíma en hefur ekki verið nein eftirfylgni. Það hefur
ekki verið neitt sérstaklega ýtt undir þennan iðnað að okkar áliti. Jújú klárlega íslensk
stjórnvöld koma að sínum tíma að því að lagningu á Danice strengnum sem var í sjálfum sér
algjör grundvöllur fyrir það að þessi iðnaður myndi ná einhverju fótfestu ef að það hefði
verið bara eini Farice strengurinn þá hefði þessi iðnaður aldrei átt minnsta möguleika. Danice
strengurinn dugði til þess og það voru íslensk stjörnvöld sem og ríkisfyrirtæki í raun og veru
á bakvið það. Ég held að eigendur séu annaðhvort ríkið eða fyrirtæki í eigu ríkisins.
Spyrjandi: Verður þá verðið á Farice strengnum óhagstætt úfrá því?
Helgi: Já þetta eru ekki ódýrustu flutningsleiðirnar
Spyrjandi: Veist þú stöðuna á Emerald strengnum þurfum við hann í raun og veru
ekki?
Helgi: Jújú við mundum segja að því fleiri því betri. Meiri samkeppni, meiri möguleikar og
þar að leiðandi lægra verð. Það sem má kannski segja að það sem myndi hjálpa okkur mest
væri að fá beinni tengingar við Bandaríkin. Þá erum við að tala um þetta latency. Ég myndi
ekki segja að þetta væri showstopper gagnvert Bandaríkjamarkaði. En það myndi klárlega
hjálpa okkur að vera með betri tengingu við Bandaríkin.
Spyrjandi: Fer tengingin ekki í gegnum London?
Helgi: Jú styðsta leiðin er í gegnum London og svo yfir hafið. Reyndar ertu með Greenland
Connect strengin en verðlagningin á honum og hvernig hann er uppsettur þá er hann ekki
sérstaklega hentugur kostur. En þetta hefur ekkert með bandbreiddarþörf eða bandbreiddina
83
sem slíka að gera því flutningsgeta Danice og Farice er langt umfram það sem notkunin er í
dag. Það er ekki verið að nýta nema brotabrot að þessu.
Spyrjandi: Ert þú með upplýsingar um hversu mikill niðurtími er hjá power advanced
þjónustunni?
Helgi: Það er enginn niðurtími. Það hefur ekki verið niðurtími. Til þess er það sett upp. Þetta
er concurrently maintainable sem þýðir að þú getur tekið kerfi úr rekstri vegna viðhalds án
þess að það hafi áhrif á uppitíma eða rekstraröryggi viðskiptavina. Jafnvel þó við tökum
annað kerfið úr rekstri vegna viðhalds þá getum við þolað að missa veituspennuna og það ætti
samt ekki að hafa áhrif á viðskiptavinina.
Spyrjandi: Hvað tók langan tíma að byggja Verne Global?
Helgi: Við erum búnir að vera í byggingaframkvæmdum núna síðan 2011, við byrjuðum
2009 og svo kom smá stopp og við erum búnir að vera að byggja núna nánast í 5 ár. Þannig
að við erum búnir að vera að stækka jafnt og þétt. Gagnaver er ekki eitthvað sem þú byggir
bara einu sinni og hættir bara.
Spyrjandi: Hafið þið ennþá möguleika á að stækka enn meira?
Helgi: Jájá við erum með 18 hektara undirland og við erum kannski búnir að nýta svona 20%
- 30% af því. Við erum samt komnir með um 15.000 fermetra í rekstur.
Spyrjandi: Var eitthvað sem þú telur að hafa mátt fara betur þegar kom að
uppbyggingunni? Hugsað útfrá stjórnvöldum?
Helgi: Við erum búnir að ræða aðeins aðkomu íslenskra stjórnvalda að þessu sem okkur
finnst ekki hafa verið mikil né merkileg. Þeir hafa ekkert sérstaklega hjálpað okkur. Jújú en í
uppbyggingunni sjálfri ef þú ert að tala um tækniumhverfið og tæknina og það þá erum við
stanslaust að læra og erum búnir að vera að gera það allan tímann. Þetta er nýr iðnaður hérna
og þessi stærðargráða sem við erum að gera þetta á sem er talsvert stærra en t.d. Advania. Það
er enginn reynsla fyrir einhverju sambærilegu hérna. Öll aðkoma eins og verkfræðistofa og
slíkt þá er þekkingaruppbygging í gangi hjá þeim
Spyrjandi: Myndir þú segja að mannauðurinn á Íslandi væri næginlega góður?
Helgi: Já mannauðurinn er alveg næginlega góður. Það vantar bara reynslu og þekkingu. Það
má segja að mestar líkur á því að það sem okkur skortir í nánustu framtíð er góðir
iðnaðarmenn. Bara eins og rafvirkjar og vélvirkjar, það er mannaflið sem er ekki á lausu. Það
er samt fullt að mjög hæfileikaríku tæknifólki hérna á landi.
Spyrjandi: Hverjir myndir þú segja að væru helstu kostir við að staðsetja gagnaver á
Íslandi?
Helgi: Það er í fyrsta lagi raforkan. Orkuverðið og aðgengi að raforku.
84
Spyrjandi: Er það hagstætt hér á landi?
Helgi: Það er tiltölulega hagstætt. Þú getur alveg fundið staði sérstaklega í Norður Ameríku
sem bjóða uppá sambærilegt verð. Samanborið við Vestur Evrópu þá stöndum við mjög vel.
En svo ef við förum til Noregs þá erum við aftur komin í sambærilegt verð. Þannig að það er
tiltölulega hagstætt hérna en ekki það hagstæðasta. Það er líka græna orkan. Það er klárlega
plús sem að nýtist okkur. Það sem er ennþá fremur er að við þekkjum og vitum raforkuverð
okkar til langtíma með samingum. Við þekkjum verðin langt fram í tímann. Í viðbót við þetta
höfum við Íslendingar eitthvað sem er ekki alltof algengt, það er að við erum með nánast
ríkisrekið dreifikerfi hérna sem fyrirtækið Landsnet sem sér um dreifingu hérna. Það gerir
það að verkum að raforkudreifing hér á landi er mjög góð þetta er tiltölulega nýtt net. Einnig
er það, sérstaklega hérna á suðvesturhorninu að þetta netdreifikerfi er byggt fyrir álverin og
álverin þurfa á mjög öruggri afhendingu að halda og er það raunin, afhending rafmagns er
mjög góð hérna.
Spyrjendur: En gallarnir?
Helgi: Gallarnir eru þetta skattaumhverfi hérna.
Spyrjandi: Er það einhver galli hversu afskekkt Ísland er ?
Helgi: Við lítum ekki á þetta sem afskekkt. Við horfum ekki á þetta svoleiðis og við getum
með góðum rökum sagt að við getum verið með gagnaver fyrir utan London og það tekur þig
hæglega þrjá til fjóra klukkutíma að komast í það gagnaver. Þú getur farið í næstu lest út á
Heathrow og flogið til Íslands á þremur klukkutímum og við erum rétt fyrir utan
Keflavíkurflugvöll. Þannig að þú getur lagt af stað og verið kominn fjórum tímum seinna í
gagnaverið. Og það sama á við um austurströnd Bandaríkjana þú ert að tala um fjögra tíma
flug hingað.
Spyrjandi: Hverjir myndir þú segja að væru helstu samkeppnisaðilar Íslands þegar
kemur að staðsetningu gagnavera?
Helgi: Það eru nátturulega þessar miðjur í Evrópu eins og London, Amsterdam, Frankfurt og
Kaupmannahöfn en allir þessir staðir eru því marki brenndir að þar er aðgengi að rafmagni og
landi mun erfiðara en hérna og raforkuverð ekki þekkt stærð, jú það er þekkt í dag en þú getur
ekki fengið langtímasamninga um raforku þar. Þannig að við njótum þess. Það má segja að
okkar helstu samkeppnisaðilar Evrópumegin er Skandinavía, Noregur, Svíþjóð og Finnland.
Danir fengu Apple til sín en það sem mér skilst var að þeir hefðu nánast endursniðið sín
skattalög til að fá þá. Stóru fyrirtækin hefðu samt aldrei verið í þjónustu við okkar, þau hefðu
byggt sín eigin gagnaver. Við lítum á það sem sjálfsagðan hlut og eðlilegan hlut að það komi
fleiri gagnaver hingað. Það myndi segja okkur að þetta hafði heppnast hjá okkur.
85
Spyrjandi: Hversu stórt í fermetrum er gagnaverið?
Helgi: Við erum að taka fjóra nýja áfanga í rekstur núna og þegar það er komið þá er ef við
tökum þetta gólfpláss, bæði stoðrými og skrifstofur þá erum við nálægt 14.000 fermetrum.
Það er að vísu ekki allt gagnaverspláss. Það eru öll stoðkerfi og allt. Við getum gróflega sagt
að hlutfallið sé 60/40. Þannig 40% af þessu eru virk gagnaver meðan 60% er stoðkerfi.
Spyrjandi: Nýtið þið íslenska loftið til að kæla niður gagnaverið?
Helgi: Það má segja að við nýtum eingöngu fría kælingu. Við erum annaðhvort að hreyfa loft
eða hreyfa vökva. Við erum með lokuð varmaskiptakerfi þar sem við varmaleiðum hitann í
burtu með vökva. En það er ekki nein aktív kæling heldur erum við alltaf að kæla með
loftinu.
Spyrjandi: Hversu marga viðskiptavini eru Verne Global með?
Helgi: Það er tala sem við gefum eiginlega ekki upp. En þeir skipta nokkrum tugum ekki
mörgum en nokkrum.
Spyrjandi: Þú vilt þá ekki gefa upp hver er sá stærsti er það nokkuð?
Helgi: Nei
Hverjr eru samkeppnisaðilar ykkar á Íslandi?
Helgi: Thor Data Center er klár samkeppnisaðili. En það er svona eina sem mér finnst skipta
eitthvað máli. Það eru jú einhverjir minni aðilar með svona Bitcoin gagnaver. Mér skilst að
það sé verið að fara með annað gagnaver í nágrenni við okkur sem er svona alvöru gagnaver.
Þetta er ekki staðfest en mér skilst að það sé einhver Ástralskur aðili.
Spyrjandi: Finnið þið fyrir því að það sé mikill áhugi á Íslandi frá utanaðkomandi
aðilum?
Helgi: Við heyrum mikið en sjáum minna. Við fáum upplýsingar frá aðilum eins og
Íslandsstofu að það séu hinir og þessir að skoða. Kateco sem er fyriræki sem eru að selja eða
leigja þessar ríkiseignir á Ásbrúarsvæðinu og í kring séu að fá fyrirspurnir frá einhverjum
aðilum. Það er ekkert concrete nema þetta eina dæmi sem ég var að nefna.
Spyrjandi: Hafið þið lent í því að mögulegir viðskiptavinir sem koma til ykkar séu
smeykir útaf nátturuhamförum á Íslandi?
Helgi: Nei, en það kom upp sérstaklega í kringum Eyjafjallajökulsgosið þá komu þessar
spurningar. Það er eiginlega búið að fjara undan því alveg. Við erum búnir að láta gera
áhættumat fyrir svæðið og reyndar okkar viðskiptavinir líka og það hefur sýnt sig að þetta er
ekki vandamál. Við getum farið til New York og þá ertu í meiri áhættu vegna náttúruhamfara.
Spyrjandi: Að þínu mati hver er helsti dragbítur ykkar gegn erlendri samkeppni?
86
Helgi: Það er náttúrulega bandvíddarkostnaðurinn hérna. Hann hefur klárlega áhrif. Svo er
það algengt hvert sem þú ferð í heiminum að það sem er oft kallað server huggers, bara þetta
kúltur atriði að tæknimenn erlendra stórfyrirtækja vilja gjarnan hafa græjurnar sínar sem næst
sér. Það er svona ákveðinn þröskuldur fyrir menn að yfirstíga. Það verður að segjast eins og
er að enn í dag þykir Ísland svolítið exótíkst. Við erum samt með viðskiptavini eins og BMW
sem er búið að stíga þessi skref. Við höfum alveg fyrirmynd um fyrirtæki sem er bara búin að
taka upplýsta ákvörðun og standa við hana.
Spyrjandi: Að lokum hefur þú einhverjar hugmyndir fyrir Íslenska ríkið til að stuðla að
uppbyggingu gagnavera hérna á landi?
Helgi: Það er bara þetta að bæta skattaumhverfið og koma okkur á par við önnur lönd í
kringum okkur sem við erum í samkeppni við á þessum markaði. Það er til dæmis ákvæði í
vasklöggjöfinni sem heitir permanent establishment að erlend fyrirtæki þurfa að setja upp
kennitölu hérna. Það er ákveðinn þröskuldur fyrir fyrirtæki.