Upload
others
View
6
Download
0
Embed Size (px)
Citation preview
1
Skóla- og frístundasvið Reykjavíkurborgar
Leikskólinn Holt
2014 – 2015
Leiðarljós skóla og frístundasviðs:
Að börnum og ungmennum í borginni líði vel, fari stöðugt fram og þau öðlist uppeldi og menntun fyrir líf og starf.
2
Efnisyfirlit
Leiðarljós leikskólans : Virðing – Umhyggja – Samvinna ......................................................................... 4
1. Stutt greinargerð leikskólastjóra um starfið á síðasta leikskólaári. ..................................................... 4
2. Mat á leikskólastarfi og umbótaáætlun .............................................................................................. 5
2.1 Innra mat leikskólans ..................................................................................................................... 5
2.2 Ytra mat ......................................................................................................................................... 6
2.3 Matsáætlun ................................................................................................................................... 6
3. Áherslur í starfi leikskólans .................................................................................................................. 6
3.1 Áherslur leikskólans næsta starfsár (aðrar en þær sem koma fram í umbótaáætlun) ................ 6
3.2 Áherslur leikskólans vegna starfsáætlunar skóla- og frístundasviðs ............................................ 8
4. Starfsmannamál .................................................................................................................................. 8
4.1. Starfsmannahópurinn 1. Júní 2014 .............................................................................................. 8
4.2 Starfsþróunarsamtöl ...................................................................................................................... 9
4.3 Símenntun frá síðasta ári (námskeið, hvaða hópar sóttu námskeið og fl.) ................................... 9
4.4 Áætlun um símenntun í leikskólanum ......................................................................................... 10
5. Aðrar upplýsingar .............................................................................................................................. 10
5.1 Barnahópurinn 1.júní 2014 .......................................................................................................... 10
5.2 Foreldrasamvinna ........................................................................................................................ 10
5.3 Samstarf leik- og grunnskóla ....................................................................................................... 11
5.4 Almennar upplýsingar ........................................................................................................... 11
6. Fylgiskjöl ............................................................................................................................................ 12
6.1 Starfsmannakönnun SFS .............................................................................................................. 12
6.2 Læsisáætlun Holts ....................................................................................................................... 12
6.3 Virkir foreldrar ............................................................................................................................. 12
6.4 Samstarfsáætlun Fellaskóla, Holts og Aspar 2014-2015 ............................................................. 12
6.5 Leikskóladagatal 2014-2015 ........................................................................................................ 12
3
Um starfsáætlanir leikskóla
Samkvæmt lögum um leikskóla nr. 90/2008 vinna leikskólar eftir aðalnámskrá fyrir leikskóla.
Samkvæmt henni vinnur hver og einn leikskóli upp sína skólanámskrá þar sem fram kemur á hvern
hátt leikskólinn uppfyllir þau viðmið sem þar eru sett fram.
Leikskólar gera starfsáætlun þar sem fjallað er um árlega starfsemi leikskólans, birt skóladagatal og
ýmsar aðrar hagnýtar upplýsingar um skólahald hvers leikskóla. Áætlunin þarf að fá umsögn
foreldraráðs áður en skóla- og frístundaráð tekur hana til afgreiðslu samkvæmt lögum um
leikskóla.
Tilgangur starfsáætlunar er að gera skólaþróun leikskólans markvissa með árangursmiðuðum
markmiðum og umbótamiðuðu innra mati. Hún á að sýna starfsfólki, foreldrum og rekstraraðilum
hvernig starf leikskólans gekk á síðasta leikskólaári og hvernig unnið verði að umbótum og nýjum
verkefnum á því næsta.
Í starfsáætlun leikskólans skulu koma fram:
Matsaðferðir leikskólans og umbótamiðuð áætlun sem unnin er út frá niðurstöðum innra og
ytra mats.
Áherslur í leikskólastarfinu sem ætlunin er að vinna að, markmið, leiðir að markmiðunum
áætlun um hvernig þau verða metin.
Áherslur í starfsáætlun Leikskólasviðs sem leikskólinn vinnur að.
Starfþróunaráætlun leikskólans og upplýsingar um starfsmannamál.
Fjöldi barna, kynjahlutfall, dvalarstundir, fjöldi barna sem njóta sérkennslu og fjöldi barna af
erlendum uppruna.
Upplýsingar um foreldraráð, foreldrafundi og foreldraviðtöl.
Umsögn foreldraráðs.
Skóladagatal fyrir árið.
Starfsáætlun leikskólans tekur gildi 1. september ár hvert og skal skilað rafrænt til skóla- og frístundasviðs fyrir 1. júlí. Starfsáætlanir eru lagðar fyrir skóla og frístundaráðs til samþykktar.
4
Leiðarljós leikskólans : Virðing – Umhyggja – Samvinna
1. Stutt greinargerð leikskólastjóra um starfið á síðasta leikskólaári.
(s.s. hvað einkenndi árið, starfsmannahald, helstu verkefni, viðburði o.þ.h.)
-Þegar litið er yfir síðastliðinn vetur er margt sem stendur upp úr, bæði gott og ekki svo gott. Við
héldum áfram að koma á breyttum kennsluháttum, að losa dagskipulagið og koma á flæði. Það
hefur gengið misvel, en er á mjög góðri leið núna fyrir veturinn 2014-2015.
-Við fengum Hvatningarverðlaunin og Orðsporið fyrir þróunarverkefnið Okkar mál, sem var mjög
mikill heiður. Við höldum áfram að vinna að þessu frábæra verkefni og erum byrjuð að sjá
árangurinn.
-Foreldrasamstarfið er ávallt í þróun og þátttökuaðlögunin gengur mjög vel. Búið er að bæta hana
enn frekar og almenn ánægja er með þessa aðferð. Foreldravikan/opin vika er að ganga vel og alltaf
er að aukast þátttaka foreldra þar og nýjar hugmyndir að spretta hjá starfsfólki með að bæta þessa
viku.
-Mikil ánægja var hjá stjórnendum með leiðtogaskólann, mjög jákvætt viðhorf og verður vonandi
endurtekið. Ígrundunarhópur leikskólastjóra hélt áfram að hittast eftir stjórnendafræðslu
leikskólastjóra og er það mikill stuðningur.
-Samtökin Móðurmál voru með aðstöðu í Stóra-Holti fyrir spænskan og portúgalskan hóp barna (og
foreldra) í móðurmálskennslu. Við sóttum um styrk saman og fengum smá upphæð í námskeiðshald
fyrir kennara og starfsfólk. Sameiginlegur starfsdagur var ákveðinn nú sl. sumar/haust og verða
haldin 2-3 fræðslukvöld fyrir foreldra nú í vetur. Áætlað er að halda áfram samstarfi.
-Læsisáætlun Holts er tilbúin, frábær vinna sem Sigurlaug Vigdís, verkefnastjóri, stýrði. Allt
starfsfólkið vann með námssviðin á starfsdegi í vor, og það er að skila sér inn í þessa frábæru áætlun.
-Leikskólaráðgjafar komu inn í vinnu með stjórnendateyminu, sem stofnað var sl. vetur og var
ákveðið að endurskoða það aftur að vori eða hausti. Það var góður stuðningur fyrir
stjórnendateymið að fá þennan stuðning frá SFS.
-En veturinn 2013-2014 var einnig þungur. Miklar breytingar voru í starfsmannahópnum,
deildarstjóra vantaði á tvær deildar þrátt fyrir miklar auglýsingar og ekki mikið um fagmenntaða
leikskólakennara í húsi. Á endanum var ófaglært starfsfólk ráðið til starfa. Mikil veikindi settu strik í
reikninginn, álag var á öllum og erfiðleikar í starfsmannahópnum tóku sig upp aftur. Leikskólastjóri
óskaði eftir aðstoð frá mannauðsdeildinni sem kom strax til aðstoðar. Sú vinna er í gangi og verður
eitthvað áfram.
-En þó svo að mikil vinna sé framundan í starfsmannamálum, þá er einnig mikil vinna nú þegar
komin í gang og jákvæðni komin aftur í hópinn. Gildi leikskólans eru komin … Virðing-Umhyggja-
Samvinna. Starfsmannahandbókin er langt komin, námskrá leikskólans er komin í gang og
fyrirhuguð er námsferð starfsmanna til Bretlands í apríl nk. Mikil tilhlökkun er komin í fólk og
skráning rauk úr 11 í 26 eftir sumarfríið.
Nú er bara að ráðast í verkefnin sem fyrir eru, taka einn dag í einu og halda áfram.
5
2. Mat á leikskólastarfi og umbótaáætlun
2.1 Innra mat leikskólans
Í matsáætlun frá skólaárinu 2013-2014 eru fjórir þættir sem átti að meta sérstaklega með formlegu þætti en þeir voru: Bókaverkefnið, dagskipulag, foreldravika og stjórnendateymið.
Starfsfólk leikskólans mat skólastafið skólaárið 2013-2014 í rýnihópum á starfsdegi í maí. Í starfsáætlun kom fram að matið yrði formlegt og við völdum að hafa það í formi rýnihópa og hafa umræðupunktana mjög opna.
Starfsfólk ræddi um það sem hefði gengið vel, það sem hefði ekki gengið vel og umræður um hvar áherslurnar ættu að vera á næsta skólaári.
Í rýnihópunum, fundargerðum og í umræðum kom fram að það þurfi enn frekar að útfæra
bókaverkefnið, t.d. kennsluskrá og hugmyndabanka í hvern kassa. Verkefnið er mjög opið og
leiðbeiningar bjóða upp á frjálsa útfærslu sem gengur misvel á deildum. Dagskipulagið er að
opnast og það hefur dregið úr að klukkan stjórni starfinu en það er hægt að gera enn betur.
Útfærsla á hópastarfinu þarfnast endurskoðunar og hefur hópastarfið gengið misvel eftir
deildum. Á Stóra-Holti var byrjað af krafti með því að aldurskipta hópnum þvert á deildar en
það var of mikil breyting fyrir starfið og því var ákveðið að skipta aftur í hefðbundið
hópastarf eftir áramót.
Foreldarvikan hefur gengið vel og eru alltaf að aukast hlutfall þeirra sem koma og gefa sér
tíma til að vera í leikskólastarfinu með börnunum sínum. Við höfum komist að því að best er
að hafa auglýsta dagskrá fyrir vikuna og einlægur vilji er hjá starfsfólki sem og stjórnendum
til að halda áfram með þetta verkefni.
Stjórnendateymið er ennþá að móta sitt starf og aðkomu að verkefnum. Við höldum áfram
með að æfa okkur í að skipta með okkur verkum og styðja við hvort annað.
Umbótaáætlun matsþátta.
1. Bókaverkefni
o Leiðir : Kassarnir yfirfarnir, flokkað og greint. Kennsluáætlun og hugmyndir
að verkefnum komið í hvern kassa.
o Ábyrgð : Stjórnendateymi
2. Dagskipulag
o Leiðir : Byrjað að fara yfir dagskipulag deilda og það endurmetið útfrá
áherslum vetrarins.
o Ábyrgð : Stjórnendateymi
6
2.2 Ytra mat
Starfsmannakönnun var gerð á vegum SFS og niðurstöður kynntar í skýrslu. Skrifstofustjóri,
starfsmannastjóri og mannauðsráðgjafar SFS komu og kynntu niðurstöðurnar fyrir starfsfólki
Holts. Niðurstöðurnar voru mjög jákvæðar og átti leikskólinn hástökk sviðsins á milli
kannana.
Starfsmannakönnun SFS. (Fylgiskjal 6.1)
2.3 Matsáætlun
Allt starf leikskólans verður metið, jafn óðum, í stjórnendateymi, á starfsmannafundum og
deildarfundum. Þeir þættir leikskólastarfsins sem við áætlum að meta sérstaklega, með
formlegri hætti er foreldrasamvinna. En hún verður metin með rafrænni könnun í vor.
3. Áherslur í starfi leikskólans
3.1 Áherslur leikskólans næsta starfsár (aðrar en þær sem koma fram í umbótaáætlun)
1. Verkefni : Bókaverkefni - þemakassar
Markmið verkefnisins : Að flétta málörvun inn í alla þætti starfsins.
Leiðir að markmiði : Hver deild velur sér kassa og vinnur með hann þann tíma sem áhugi
barnanna varir á efninu.
Hver er ábyrgur : Stjórnendur og starfsfólk.
Hvernig og hvenær verður markmið metið : Hver deild metur vinnuna eftir önnina.
2. Verkefni : Okkar mál, þróunarverkefni
Markmið : Aukið samstarf um menningu, mál og læsi í Fellahverfi.
Hver er ábyrgur : Stjórnendur á hverjum starfsstað.
Hvernig og hvenær verður markmið metið : Stýrihópur og starfsmenn á viðkomandi
starfstöðum meta vinnuna. Matið fer fram í umræðum og könnunum.
3. Verkefni : Foreldravika – opin vika
Markmið : Að opna skólann enn frekar fyrir foreldrum og gera starfið sýnilegra.
Leiðir að markmiði : Opin vika verður einu sinni á önn í leikskólanum.
Hver er ábyrgur : Stjórnendur og starfsfólk.
Hvernig og hvenær verður markmið metið : Hver deild metur skriflega hvernig gekk og síðan
verður það tekið saman í vor á starfsdegi. Rafræn könnun verður send út til foreldra.
4. Verkefni : Blíð byrjun, ný nálgun í foreldrasamstarfi
Markmið : Nánara foreldrasamstarf og aukið þverfaglegt samstarf stofnanna í Breiðholti,
varðandi börn og foreldra.
Leiðir að markmiði : Sækja aftur um styrk í þróunarsjóð SFS, endurvekja tilraunarverkefnið
með fasta viðveru félagsráðgjafa í leikskólanum, samstarf við ÞMB, viðræður um samstarf
7
við heilsugæsluna eru í gangi og halda áfram.
Hver er ábyrgur : Stjórnendur
Hvernig og hvenær verður markmið metið : Stöðumat tekið á fundum í vetur.
5. Verkefni : Starfsmannahópurinn – gildi leikskólans
Markmið : Vinna með og virkja gildi leikskólans, sem eru : Virðing-Umhyggja-Samvinna
Leiðir að markmiði : Umræður um gildin og þýðingu þeirra fyrir okkur.
Hver er ábyrgur : Stjórnendur og starfsfólk.
Hvernig og hvenær verður markmið metið : Í umræðuhópum á starfsdögum.
6. Verkefni : Addi bangsi tæknivæðist
Markmið : Fá innsýn í heimamenningu barna og foreldra. Aukin samvinna heimili og
leikskóla.
Leiðir að markmiði : Að spjaldtölva fylgi ferðabangsanum Adda heim með börnunum, til
skiptis.
Hver er ábyrgur : Stjórnendur og starfsfólk.
Hvernig og hvenær verður markmið metið : Rafræn könnun til foreldra í vor og í
umræðuhópum á starfsdögum.
7. Verkefni : Bókin mín.
Markmið : Aukin foreldrasamvinna. Fá innsýn í heimamenningu barna og foreldra. Aukin
samvinna heimilis og leikskóla. Auka málörvun barnanna og samskipti við foreldra.
Leiðir : Bókin mín er búin til í leikskólanum, í þátttökuaðlögun. Foreldrar koma með myndir
að heiman (eða senda í tölvupósti, komameð á usb lykli og við prentum út) og vinna bókina
á aðlögunartímabilinu.
Hver er ábyrgur : Stjórnendur og starfsfólk.
Hvernig og hvenær verður markmið metið : Rafræn könnun til foreldra í vor og
umræðuhópum á starfsdögum.
8. Verkefni : Virkir foreldrar
Markmið : Aukin foreldrasamvinna.
Leiðir : Tilraunaverkefni um sjálfboðaliðastarf foreldra í samstarfi við verkefnið Blíð byrjun.
Hver er ábyrgur : Stjórnendur.
Hvernig og hvenær verður markmið metið : Rafræn könnun til foreldra í vor og
umræðuhópum á starfsdögum.
9. Verkefni : Námskrá leikskólans
Markmið : Gera skólanámskrá fyrir leikskólann Holt.
Leiðir : Starfsmenn frá SFS koma inn með fræðslu og verkefni í tenglum við námssvið
aðalnámskrá leikskóla. Umræður í stjórnendateymi og starfsmannahópnum.
Hver er ábyrgur : Leikskólastjóri.
Hvernig og hvenær verður markmið metið : Jafnóðum á fundum. Langtímaverkefni.
10. Verkefni : Starfsmannahandbók
Markmið : Starfsskylda, ábyrgð og verklagsreglur gerð sýnileg með skriflegum hætti.
Leiðir : Gera starfsmannahandbók skriflega.
Hver er ábyrgur : Leikskólastjóri.
Hvernig og hvenær verður markmið metið : Unnið verður í bókinni í vetur. Metið jafnóðum.
Afraksturinn gefinn út í maí.
8
3.2 Áherslur leikskólans vegna starfsáætlunar skóla- og frístundasviðs
Hvað verður innleitt eða lögð áhersla á samkvæmt starfsáætlun skóla- og frístundasviðs. Horft á
framtíðarsýnina, starfsáætlun sviðsins og skorkort.
1. Markmið : Læsi í víðum skilningi, gagnrýnin hugsun og samræða.
Leiðir að markmiði : Allir starfsmenn kynni sér læsisáætlun leikskólans Holts. (Fylgiskjal 6.2)
Kynning á áætluninni fyrir starfsfólk og svigrúm veitt til frekari dýpkunar á efninu.
Hver er ábyrgur : Stjórnendateymi.
Hvernig og hvenær verður markmið metið : Hver deild metur áætlunina og skilar skriflegri
greinagerð.
2. Markmið : Foreldrar séu virkir þátttakendur , ábyrgir og upplýstir samstarfsaðilar.
Leiðir að markmiði : Stofna facebook-síðu fyrir foreldra til upplýsingagjafar og skemmtunar.
Hver er ábyrgur : Stjórnendur.
Hvernig og hvenær verður markmið metið : Rafræn könnun til foreldra í vor og í
umræðuhópum á starfsdögum.
3. Markmið : Aukin umhverfisvitund og menntun til sjálfbærni.
Leiðir að markmiði : Innleiða „Græn skref“ Reykjavíkurborgar.
Hver er ábyrgur : Stjórnendateymi.
Hvernig og hvenær verður markmið metið : Með umræðum á starfsdegi í vor.
4. Starfsmannamál
4.1. Starfsmannahópurinn 1. Júní 2014
Starfsheiti Fjöldi Starfshlutfall Menntun
Leikskólastjóri 1 100% Leikskólakennari
Aðstoðarleikskólastjóri 1 80% Leikskólakennari +Dipl.M.ed
Sérkennslustjóri 1 50% Grunn-og framh.skólakennari
Verkefnastjóri 1 75% Leikskólakennari +Dipl.M.ed
Deildarstjóri C 2 100% Leikskólaliði
Deildarstjóri 2 100% Leikskólakennari
Deildarstjóri 1 80% Leikskólakennari
Sérkennari A 1 75% Grunnskólakennari
Leiðbein.2 með stuðning 1 75% Leikskólaliði
Leikskólaliði 1 6% Leikskólaliði
Leiðbeinandi 2 1 100% Stúdentspróf
Aðstoðarmaður eldhús 1 69% Grunnskólapróf
Leiðbein.1 með stuðning 1 31% Grunnskólapróf
Leiðbeinandi 2 1 63% Grunnskólapróf
Leiðbein.2 með stuðning 1 25% Grunnskólapróf
Leikskólaliði 2 100% Grunnskólapróf
Starfsmaður 2 1 100% Grunnskólapróf
9
Leiðbeinandi 2 1 87,5% Grunnskólapróf
Leikskólaleiðbeinandi B 1 100% Uppeldism. m. háskólapróf
Starfsmaður 2 1 80% Grunnskólapróf
Leikskólaleiðbeinandi B 1 75% Uppeldism. m. háskólapróf
Yfirmaður eldhús 1 100% Stúdentspróf
Starfsmaður 2 1 100% Grunnskólapróf
Leiðbeinandi 2 1 75% Grunnskólapróf
Starfsmaður 2 1 100% Grunnskólapróf
Aðstoðarmaður eldhús 1 75% Grunnskólapróf
Starfsmaður 2 1 25% Grunnskólapróf
Leikskólaleiðbeinandi B 1 75% Uppeldism. m. háskólapróf
Starfsmaður 2 1 100% Grunnskólapróf
Leikskólaleiðbeinandi A 1 100% Grunnskólakennari
Leikskólaleiðbeinandi A 1 100% Uppeldism.m.háskólapróf
Leikskólaleiðbeinandi A 1 87,5% Grunnskólakennari
4.2 Starfsþróunarsamtöl
Leikskólastjóri og aðstoðarleikskólastjóri skiptu á milli sín starfsfólkinu.
Samtölin fóru fram á tímabilinu maí-júní 2014.
Formið á samtölunum byggðum við á gömlu formi frá SFS, en endurbættum það og löguðum
að okkar þörfum.
4.3 Símenntun frá síðasta ári (námskeið, hvaða hópar sóttu námskeið og fl.)
„Að blómstra í starfi“, fyrirlestur frá mannauðsskrifstofu SFS
Hópefli og okkar styrkleikar, fyrirlestur frá mannauðsskrifstofu SFS
Leiðtogaskólinn, áframhald-stjórnendur
MasterMind handleiðsluhópur – leikskólastjóri
Starfsdagur eldhússtarfsmanna – starfsmenn í eldhúsi
Vettvangsnám nema frá KÍ - leikskólakennarar
Skyndihjálparnámskeið á vegum Rauða Krossins - allir
Breiðholtsbylgjan, sameiginlegur starfsdagur 4.október, allra stofnanna Reykjavíkurborgar í
Breiðholti – allir
Ráðstefna FSL og SÍ – leikskólastjóri og aðstoðarleikskólastjóri
FAFU PLAY – umræður um leik barna - deildarstjóri
Dagur leikskólans - stjórnendur
Stóri leikskóladagurinn - allir
Námskrárvinna með starfsfólki SFS – allir
VIRK, líkamsbeiting – allir
Ráðstefna talmeinafræðinga – verkefnastjóri
Vorráðstefna miðstöðvar um skólaþróun á Akureyri – kynning á Okkar mál verkefninu –
Leikskólastjóri, aðstoðarleikskólastjóri, verkefnastjóri
Forvarnarstefna og jafnréttisáætlun – leikskólastjóri
10
Námskeiðsdagur leikskólastjóra - leikskólastjóri
4.4 Áætlun um símenntun í leikskólanum
Ákveðin voru gildi leikskólans. Virðing-Umhyggja-Samvinna – áframhaldandi vinna - allir
Vinna í starfsmannahandbók leikskólans - allir
Sameiginlegur starfsdagur með samtökunum Móðurmál og Pólska skólanum – allir
Foreldrahandbók og samvinna. Fræðsla frá SFS - allir
Breiðholtsbylgjan 2014 – allir
Sameiginlegur starfsdagur vegna þróunarverkefnisins „Okkar mál“ – allir
Áframhald á vinna við námskrá leikskólans. SFS með fræðslu - allir
Námsferð til Birmingham og Corby, Bretlandi, 23.-27.apríl 2015. Námskeiðsdagur í Pen
Green. Vísindasafnið í Birmingham skoðað. – flestir, 26 af 30. Þeir sem heima verð fara í
heimsóknir í aðra leikskóla og fá fræðslu.
5. Aðrar upplýsingar
5.1 Barnahópurinn 1.júní 2014
Fjöldi barna : 96 börn (aðlögun ekki lokið)
Kynjahlutfall barnanna : 54% drengir og 46% stúlkur
Dvalarstundir : 768,5
Fjöldi barna sem nutu stuðnings : 8 börn með 30,5 stundir daglega
Fjöldi barna með annað móðurmál en íslensku : 65%
Fjöldi tungumála : 16 tungumál, meðtalið íslenska og táknmál.
5.2 Foreldrasamvinna
Foreldraráð : Áætlað er að 3 foreldrar sitji í foreldraráði. Kosið er í ráðið á foreldrafundum
að hausti, sem eru 9. og 10.október n.k. Þeir foreldrar sem voru í ráðinu eru flestir hættir
með börnin sín hér í Holti. Ekki er búið að kjósa í nýtt foreldraráð og því mun ekki fylgja með
umsögn þeirra um starfsáætlunina. Umsögn þeirra verður send eins fljótt og auðið er.
Foreldrafundir : Árlegur foreldrafundur er að hausti. Verður í tvennu lagi, skipt upp eftir
húsum. Stóra-Holt 9.október og Litla-Holt 10.október. Fundirnir eru fyrir hádegi og fara
fram í salnum í Stóra-Holti. Boðið er upp á túlka fyrir þá sem þurfa.
Foreldraviðtöl : Fyrsta viðtal, þegar barnið byrjar í leikskólanum, er við leikskólastjóra eða
aðstoðarleikskólastjóra og svo viðkomandi deildarstjóra. Árleg viðtöl eru í febrúar-mars ár
hvert við viðkomandi deildarstjóra. Kveðjuviðtal er svo þegar börnin hætta og fara í
grunnskólann við viðkomandi deildarstjóra. Einnig geta foreldrar ávallt óskað eftir viðtali
11
eftir þörfum, sem og leikskólinn við foreldrana.
Aukin foreldrasamvinna er eitthvað sem við erum að þróa. Í opinni viku bauð leikskólinn
foreldra sérstaklega velkomna til að koma og taka þátt í starfinu. Þessi vika er enn í þróun
og nýjar hugmyndir í vinnslu. Ætlum að fá TOR til að aðstoða okkur við að gera könnun
meðal foreldra vegna þessarar viku.
Þátttökuaðlögun byggir á nánu foreldrasamstarfi og veturinn í ár var fimmta skiptið okkar
með þeirri aðferð. Öryggi og ánægja starfsmanna og foreldra eykst með hverju ári. Þetta er
aðferð sem er komin til að vera. Við endurmetum aðferðina í starfsmannahópnum á hverju
hausti og bætum það sem betur má fara. Bókin mín er dæmi um góða viðbót á þessari
samvinnu.
Virkir foreldrar er tilraunaverkefni í samstarfi við verkefnið Blíð byrjun. Tilraun um að nota
sjálfboðastarf til að fá foreldra meira inn í leikskólann og að auka samskiptin. (Fylgiskjal 6.3)
5.3 Samstarf leik- og grunnskóla
Sjá samstarfsáætlun Fellaskóla, Aspar og Holts. (Fylgiskjal 6.4)
5.4 Almennar upplýsingar
Starfsdagar veturinn 2014-2015 : 12.september > Sameiginlegur starfsdagur með
samtökunum Móðurmál og Pólska skólanum. 3.október > Breiðholtsbylgjan. Sameiginlegur
starfsdagur allra leik- og grunnskóla í Breiðholti, ásamt fleiri starfsstöðum Reykjavíkurborgar.
5.janúar > Okkar mál. Sameiginlegur starfsdagur með Fellaskóla og leikskólanum Ösp.
6.mars > Vinna í námskrá Holts. 24.apríl og 26.apríl > Námsferð starfsmanna Holts til
Bretlands.
Leikskóladgatal 2014-2015 (Fylgiskjal 6.5)
12
6. Fylgiskjöl
6.1 Starfsmannakönnun SFS
6.2 Læsisáætlun Holts
6.3 Virkir foreldrar
6.4 Samstarfsáætlun Fellaskóla, Holts og Aspar 2014-2015
6.5 Leikskóladagatal 2014-2015
F. h. leikskólans Holts
_______________________________________________
Leikskólastjóri Dagsetning