Upload
others
View
8
Download
0
Embed Size (px)
Citation preview
Sa subong nga Isyu Editoryal: Mga pamatan-on, Mag-entra sa NPA . . . .p. 1 Ang KM kag pagbinhi sang rebolusyon sa Panay . . .p. 3 Mga kadalag-an sa Rebolusyong Agraryo Pangapinan,
NPA pabaskugon. . . . . . . . .. . . . . . . . . . . . . . . . .p. 5 Mga Paglapas sang Miliar sa GRP ceasefire kag
CARHRIHL sa Panay.. . . . . . . . . . . . . . . . . . . . . . . .p. 8 Nagadalom, Kapaslawan sang mga biktima
sang Yolanda . . . . . . . . . . . . . . . . . . . . . . . . . . . . . .p.10 Kabataang Makabayan naglunsar sang lightning
rally sa Iloilo City . . . . . . . . . . . . . . . . . . . . . . . . . . . p.11 Ginlunsar, Kapayapaan Peace Advocay Network
sa Panay . . . . . . . . . . . . . . . . . . . . . . . . . . . . . . .. . p.12 Protesta: MARCOS INDI BAGANIHAN. . . . . . . . . . p.13 CNL-Panay naghiwat sang ika-5 nga Asembleya . . .p.14 Alipalok . . . . . . . . . . . . . . . . . . . . . . . . . . . . . . . . . . . p.14 Binalaybay . . . . . . . . . . . . . . . . . . . . . . . . . . . . . . . . .p.15 Komiks: CADUY . . . . . . . . . . . . . . . . . . . . . . . . . . . . p.16
Tuig 39, Numero 11 Hiligaynon nga Edisyon Nobyembre 2016
Editoryal
Mga Pamatan-on, Mag-entra sa NPA!
ng Nobyembre 30, 2016 amo ang ika-153
nga kaadlawan sang baganihan nga si
Andres Bonifacio. Siya ang nagpamuno
sang Rebolusyon 1896. Okasyon man ini sang ika-
52 nga anibersaryo sang Kabataang Makabayan
(KM) nga isa ka rebolusyonaryo nga organisasyon
sang mga pamatan-on.
Sa pagsaulog sang anibersaryo sang KM,
hangkat sa mga pamatan-on ang liwat nga pagba-
likid sa kasaysayan. Isa ka importante nga katung-
danan nila ang pagsugpon agud padayunon ang
wala nakumpleto nga Rebolusyon 1896. Ini ba-
ngud sang pagtraidor sang pamunuan ni Agui-
naldo kag agresyon sang imperyalismong US sa
Inaway Pilipino-Amerikano sadtong 1899-1902.
Gin-agaw sang imperyalismong US ang
kadalag-an sang mga pumuluyo sa pagbagsak sang
paghari sang Espanya sa Rebolusyon 1896 kag
gin-imponer ang kaugalingon nga kolonyal nga
paghari gilayon pagkatapos ang Inaway Pilipino-
Amerikano. Gintukod ang papet nga republika
sang Pilipinas pagkatapos sang Ika-2 nga Inaway
Kalibutanon paagi sa paghatag ang paltik nga
kahilwayan sadtong 1946.
Apang sa tunga sini tanan, wala nag-untat
sa pagbato ang pumuluyong Pilipino sa paggahum
sang mga dumuluong kag mga papet sini. Nabun-
ag ang KM sa tunga sang daba-daba sang pag-
himakas sang mga mamumugon, mangunguma,
kag mga kabataan-istudyante upod ang iban nga
demokratiko kag patriotiko nga grupo batuk sa
imperyalismong US kag diktador Ferdinand Mar-
cos. Ginsulong sang KM ang pungsodnon-demo-
kratikong linya sang bag-ong demokratikong
rebolusyon.
Nagbaskog ang hublag sang mga pamatan-
on-istudyante nga nangin taludlod sini ang KM,
A
2 Daba-Daba, Nobyembre 2016
upod sa mga mamumugon kag imol nga sektor sa
kasyudaran sa bug-os nga pungsod. Sa putuk-putukan
sini, nagluntad ang ginatawag nga First Quarter Storm
(FQS) sang 1970. Kaangay sang mabaskog nga
bagyo, ginbunalan ang rehimeng Marcos kag imper-
yalismong US sang mabaskog nga mga protesta. Asta
nga gindeklarar ni Marcos ang Martial Law sang
1972. Madamo ang mga ginpangdakup nga mga
demokratiko kag patriotiko nga pwersa, amo man ang
mga kontra-Marcos nga oposisyon. Gindeklarar nga
iligal ang KM. Madamo ang nadakpan, ginpriso,
ginpangsalbeyds nga mga kabataan-istudyante. Ang
iban, nagpabukid agud isulong ang pungsodnon-
demokratikong rebolusyon paagi sa malawigan nga
inaway banwa sa kaumhan.
Ang mga katapu sang KM nga nagpadayon
sang paghimakas sa kaumhan amo ang una nga mga
Pulang hangaway sang NPA upod sa mga nakamuklat
nga mga pamatan-on nga mga mangunguma. Isa ini sa
mga dungganon nga marka sang KM sa kasaysayan.
Nagapadayon pa ang armadong paghimakas
sa kaumhan nga ginasulong sang NPA sa pagpamuno
sang Partido Komunista sang Pilipinas. Wala pa
nahilway sa paghari sang imperyalismong US ang
pungsod. Bisan pa nagapostura nga progresibo ang
Presidente Duterte, nagapabilin nga malakolonyal ang
estado sang Pilipinas. Ginagamhan gihapon ini sang
imperyalismong US kag sang mga reaksyunaryo nga
kahimbon sini sa kubay sang militar kag iban nga
sanga sang gubyerno sa sibilyan nga burukrasya.
Bisan pa may nagaluntad nga temporaryo nga
ceasefire kag peacetalks sa tunga sang NDFP kag
GRP, padayon ginapatuman sang mga reaksyunaryo
kag AFP ang ginpapintas pa nga Oplan Bayanihan.
Maathag nga ginabayolar sini ang unilateral ceasefire
nga gindeklarar sang GRP. Paglapas man ini sa
Comprehensive Agreement on Respect for Human
Rights and International Humanitarian Law
(CARHRIHL).
Sa ini nga dalagan sang sitwasyon, wala sang
kapat-uran ang masanag nga padulungan sang peace-
talks kag ceasefire. Ang kondisyon para sa pag-
padayon sang armadong paghimakas nagapabilin. Ang
kakinahanglanon sang labi nga pagpadaku sang rebo-
lusyonaryong pwersa kag pagpabaskog sang Pulang
Gahum sa kaumhan nagapabilin man. Dapat maga-
padayon ang pagpabaskog sang NPA bilang armadong
nga kusog sa pagwasak sang mapiguson nga estado
sang reaksyonaryo kag madepensahan ang mga
kadalag-an kag napundar nga gahum pangpulitika nga
nagahalin man sa baba sang pusil.
Pangunahon nga pagahatagan sang pagtamud
kag pagpaninguha ang pagpadaku sang NPA. Ilunsar
ang malaparan kag madamuan nga pagpasampa sa
hukbo sa kaumhan man ukon kasyudaran. Ang
kabaskog sang rebolusyon nakabase sa armadong
kusog. Ang paghimakas sa kasyudaran dapat hugot
nagaserbi sa armadong paghimakas sa kaumhan kag
dapat tayuyon ini nga nagapatuhaw kag nagapadamo
sang pwersa kag mga resorsa nga ginapadala sa
kaumhan.
Sa kaumhan kag kasyudaran, kinahanglan
ikampanya ang dugang nga pagpadaku sang suporta
sa kaumhan kag sa armado nga paghimakas. Naga-
lakip ini sa pagbuyok sa mga pamatan-on nga mag-
entra sa NPA sa pag-alagad sa interes sang mga
pumuluyo. Ang KM mismo bilang abanse kag
pangunahon nga organisasyon sang mga pamatan-on
may katungdanan nga magmapisan sa pagpaathag
sang rebolusyonaryong kawsa agud makamuklat ang
mga pamatan-on kag mangin modelo sa aktwal nga
buhat.
Ang KM dapat magbulig nga mapakita ang
aktwal nga kahimtangan sang mga pamatan-on nga
madulom ang ila palaabuton sa subong nga sistema
sang sosyedad. Ginabulag sila sang nagadominar nga
sistema sang edukasyon nga kolonyal kag
komersyalisado kag ginabanga sa pagkonsumo sang
mga hi-tech nga kagamitan sa internet kag ginapa-
palayo sila sa husto nga paghangup sa reyalidad.
Buyukon ang mga pamatan-on sa pagkadto sa
mga komunidad sa syudad man ukon kaumhan kag
magtuon sa aktwal nga pagpangabuhi sang masa.
Buyukon sila nga mag-eksposyur kapin sa kaumhan
3 Daba-Daba, Nobyembre 2016
upod sa rebolusyonaryong organisasyong masa kag
mga pormasyon sang NPA agud makita nila ang ang
tunay nga kahimtangan kag makadisisyon sa pag-
alagad sa pumuluyo bilang mga maayo nga inanak
sang banwa.
Hangkat subong sa mga pamatan-on ang
mangin bag-ong Andres Bonifacio, mga bag-ong
Teresa Magbanua. Hangkat subong sa KM kag iban
pa nga pamatan-on nga isuklob nila ang isganan nga
diwa sang mga aktibista kag mga kadre nga
nagpabukid pagkatapos sang First Quarter Storm agud
mag-upod sa una nga mga pormasyon sang NPA nga
nagbukas sang una nga mga sonang gerilya sa
kaumhan kag nagpundar sang gahum pangpulitika.
Hangkat sa mga pamatan-on: Mag-entra sa
New People’s Army. #
Pagbalikid sa kasaysayan:
Ang KM kag pagbinhi sang rebolusyon sa Panay
ng Kabataang Makabayan (KM) gintukod
sadtong 1964 bilang ligal nga organisasyon
sang mga pamatan-on-istudyante, paagi kay
Jose Ma. Sison. Kabahin sa mga nagtukod
amo ang mga katapu nga naghalin sa Student
Cultural Association of the University of the
Philippines (SCAUP), Lapiang Manggagawa, mga
lider-istudyante sa Lyceum kag Philippine College of
Commerce kag iban nga progresibo halin sa Sentral
Luzon, Naaminhan nga Luzon, Nakatundan nga
Luzon, Bisayas kag Mindanao.
Natukod ang mga tsapter sini sa mga iskwe-
lahan, palamugnan kag mga komunidad. Madasig nga
naglapnag ini sa Manila-Rizal. Sa kumperensya sini
sadtong Disyembte 12-13, 1970, nag-abot na sa
60,000 ang katapuan sang KM sa bug-os nga pungsod.
May natukod man nga orga-
nisasyon nga Samahan ng
mga Demokratikong Kabata-
an (SDK) sa amo nga sektor,
apang nagtingob sila sa KM
sang 1971. Daku ang nangin
papel sang KM sa pagsulong
sang kahublagan propaganda
para sa pungsodnon nga
demokrasya kag pagsulong
sang armadong paghimakas
sa kaumhan.
Indi madyik ang pag-
tuhaw sang KM. Nabun-ag
ini sa indakal sang pagpagsik
sang kahublagang masa. Ma-
dumduman nga sadtong ulihi
nga bahin sang dekada 1950
kag temprano nga bahin sang
dekada 1960, nangin aktibo ang mga pungsudnon nga
burges sa pagpamuno ni Claro M. Recto. Nagpro-
paganda sila kontra sa pagkontrol sang imper-
yalismong US sa Pilipinas.
Sadtong 1961, nagsugod ang liwat nga pag-
baskog sang rebolusyonaryo nga kahublagan pang-
masa. Ginmarka ini sang demonstrasyon sang mga
pamatan-on kontra sa Komite sa mga Aktibidad nga
Anti-Filipino (CAFA) sang papet nga Kongreso. Nag-
tinguha ang CAFA nga gamiton ang Layi nga Anti-
Subersyon agud dumilian ang mga istudyante, manu-
nudlo kag pumuluyo sa pagpahayag sang mga kawsa
nila nga makibanwahanon kag demokratiko.
Nagpadayon ang pagsulong sang rebolusyo-
naryong kahublagang masa sa kasyudaran. Naglapnag
ang propaganda nga makibanwahanon kag nagdaku
ang mga demonstrasyon nga
ginabuylugan sang mga
mamumugon, mangunguma,
istudyante kag iban pa nga
nagapalangga sa kahilwayan
sang pungsod. Asta nga
natukod ang KM sang 1964.
Nagbaskog ang pag-
sulong sang paghimakas
sang mga mamumugon, ka-
bataan-istudyante sa kasyu-
daran sa nagkalain-lain nga
lugar sang pungsod kapin sa
Manila-Rizal. Nagluntad ang
bantog nga First Quarter
Storm sang 70 nga ginakilala
man nga isa ka hublag pro-
paganda para sa bag-o nga
pungsodnon-demokratikong
A
4 Daba-Daba, Nobyembre 2016
kawsa—ang paghimakas para sa tunay nga kahilwa-
yan kag demokrasya.
Sunod-sunod ang mga demonstrasyon nga ginapasakupan sang mga mamumugon, mangunguma
kag istudyante. Ginbuyagyag kag ginpamatukan nila
ang pag-entra sang Pilipinas sa pagpanalakay sang US
sa Indotsina; pagkontrol sang mga monopolyong US
sa ekonomya sang pungsod; pagpabilin sang mga base
militar sang US kag mga pagpamintas nga nagaluntad
sa mga ini; pagpahugot sang kontrol sang imperya-
lismong US sa sistema sang edukasyon sa Pilipinas
kag iban pa nga isyu.
Ang pagdeklarar sang rehimen sang Layi
Militar sang Septyembre 21, 1972 nagpadasig lang
sang pagpalapad sang armadong paghimakas sa nag-
kalain-lain nga rehiyon sang pungsod. Panugod nga
naglapad ang mga lugar nga ginahulagan sang NPA
upod sa pagsulong sang hublag mangunguma sa
kaumhan. Sa nagsunod nga mga tinuig, nagbaskog
kag naglapad ang rebolusyonaryong kahublagang
masa sa bug-os nga kapuluan. Natukod ang nagkalain-
lain nga organisasyong masa sang mga mamumugon,
pamatan-on, manunudlo, kag mga nahanunga nga
pwersa.
Antes pa man sini, sa kubay sang mga naga-
sakdag sa Marxismo-Leninismo, nagsugod na ang
pagtuon sa kasaysayan sang Partido Komunista kag
ang pagsaway sa mga kasaypanan sang mga Lava kag
Taruc. Liwat nga gintukod sang Partido Komunista
sang Pilipinas sadtong Disyembre 26, 1968 sa
teoritikong pundasyon sang Maxismo-Leninismo-
Maoismo. Gin-athag ang linya nga nagaubay sa pag-
sulong sang demokratikong rebolusyon sang banwa.
Natukod man ang New People’s Army (NPA) Marso
29, 1969.
Ang Kabataang Makabayan sa Panay
Natukod ang KM sa Nakatundan nga Kabisay-
an sang 1967. Nakakontribwer ang mga kabataan-
istudyante nga naorganisa sa mga unibersidad sa KM,
SDK kag iban nga kultural nga organisasyon, sa
pagpalapta sang kalayo sang paghimakas sadtong
panahon FQS sang 1970. Ang mga pwersa diri
naghalin sa Cultural Association of the University of
San Agustin, sa University of Iloilo, Central Philip-
pine University, kag iban nga kolehiyo sa Iloilo kag
Bacolod.
Nakaamot man ang KM sa pagbandera sang
pangkabilugan nga linya sang pagrebolusyon kag
partikular nga mga isyu sa kinamatarung, hustisya
sosyal kag iban nga demanda sa pag-updanay sa iban
pa nga sektor kag organisasyon. Ini pareho sang
Makabayang Kilusan nga Bagong Kababaihan
(Makibaka), ang organisasyon sang Kababainhan,
organisasyon sa mga imol nga komunidad, mga
propesyunal, pareho sang Makabayang Samahan ng
Masang Propresyunal (Masang Prop) kag iban nga
demokratiko kag progresibo nga personahe sa mga
iskwelahan kag institusyon sang mga Kasimbahanan.
Naabtan pa sining mga bag-ong henerasyon
sang mga rebolusyonaryo ang Panay-Negros Labor
Farmers Union (PANELFU), ang solo nga nabilin nga
organisasyon sang nalusaw na nga daan nga Partido sa
Panay sadto. Nagamartsa ini nga nagapuganggang sa
mga banderang pula nga ginabitbit sang libo nga mga
mamumugon sa uma/asyenda kag mangunguma sang
Iloilo-Capiz kon Mayo 1 asta sa syudad sang Iloilo.
Upod sa iban nga mga kadre kag aktibista
halin sa Metro-Manila nga gindeploy sa Rehiyon 6,
ang mga kadre kag aktibista halin sa lokal mga tsapter
sang KM amo ang nagtawo sa una nga mga Social
Investigation (SI) Teams sang Partido kag una nga
mga team kag iskwad iskwad sang NPA sa Panay
(kag Negros) agud maumpisahan ang liwat nga pag-
ugat sa masang mangunguma.
5 Daba-Daba, Nobyembre 2016
Sang pormal nga gintukod ang Rehiyunal
nga organisasyon sang Partido Komunista sang
Pilipinas sa Nakatundan nga Kabisay-an sadtong
Hulyo 1971, ang mga KM nga narekrut sa Partido
amo ang una nga mga kadre nga nangin katapu
diri. Sila ang mga kadre nga ginbun-ag kag gin-
debelopar sang FQS sang 1970 sa Metro-Manila
kag sa lokal nga mga tsapter sang KM kag
Makibaka (rebolusyonaryong organisasyon sang
kababaihan) sa Bacolod, Iloilo kag iban nga
kapitolyo sang Panay.
Sang pagdeklarar sang layi militar, nangin
iligal ang KM. Apang ang mga komitido nga mga
kadre kag aktibista nagpadayon sa tago nga paghulag.
Ang kadam-an sa ila nagpabukid sa pagsulong sang
armado nga pungsodnon demokratiko nga rebolusyon
lakip diri sa Panay. Nagapadayon ang rebolusyon asta
subong sa malapit na 50 ka tuig. Madamo na sang
mga kadalag-an ang mga pumuluyo nga dapat panga-
pinan kag isulong pa sa mas mataas nga halintang.
Gani, kinahanglan nga padayunon ang mas
madasig nga pagpadaku sang rebolusyonaryong
pwersa sa kaumhan. Ini lakip na ang kusog sang
hangaway sang banwa nga dapat magpadamo sang
mga iskwad kag mga platun. Ang hangkat sa mga KM
kag iban pa nga mga pamatan-on sa subong nga
henerasyon amo ang pagsuklob sang diwa sang FQS
sang dekada 70, ang mapangahas nga panindugan sa
pagsulong sang rebolusyonaryong kawsa sa kaumhan
paagi sa malawigan nga inaway banwa.#
Mga kadalag-an sa Rebolusyong Agraryo Pangapinan, NPA pabaskugon
on ako ang pamangkuton,”ano gid ang
naganar ko sa rebolusyonaryong hublag, ngaa
magpadayon pa ako sa pagsuporta diri?”
“Ngaa sugot ako nga ang akon mga anak kag
kaapuhan mag-entra sa NPA?”
May akon gid isabat sa nagapamangkot: arma-
dong rebolusyon ang naghatag sa amon sang duta nga
matalauma. Ang pagsulong namon sang armadong
paghimakas paagi sa NPA ang rason kon ngaa naka-
uma kami subong sa kabukiran. Kon wala ang NPA,
wala kami sang istable nga baryo nga mateniran. Ha-
lin sang una, kon wala ang NPA, mga sindikato sang
mga kawatan ang nagasalakay sa amon.
Ini ang aktwal nga mga natabo sa Sentral
Panay, partikular sa mga malapad nga kabukiran sang
magkatalambi nga kabanwahanan sang Calinog
(Iloilo)-Tapaz-Jamindan (Capiz).
Sadtong dekada 70, sang mag-abot ang NPA,
ila ginbungkag kag ginsilutan ang mga sindikato kag
mga tulisan. Ila ginapalayas ang mga montero nga
manug-agaw mismo sang duta nga kakunsabo sa mga
agalon nga mayduta kag kapulisan. Bunga sini, mada-
mo sang mga organisasyong masa ang natukod agud
padayon nga ilunsar sang nagkalain-lain nga kampan-
yang masa.
Inagihan sa kabukiran sang Calinog
Nangisog ang mga Tumanduk sa pagtalauma
liwat sa ila kaugalingon nga ridor, pareho sa kaso sang
kabukiran sang Calinog. Ang ridor amo ang sistema
sang pagpanag-iya sang kadutaan sang mga Tuman-
duk. Wala ginakilala sang reaksyunaryong gubyerno
ining sistemang sang mga Tumanduk sang pagpanag-
iya kag gindeklarar sa Forestry Act sang 1950 kag
Revised Forestry Code sang 1975 nga dutang publiko
ang bilog nga kabukiran. Ini bisan pa nga ginapuy-an
ini sang mga tumanduk nga mga mangunguma kag ila
ini ansestral nga duta.
Mas o menos 27,446 ektarya ang kalaparon
sang duta sang Calinog kag mga 14,954.25 ektaryas
ang deklarado nga timberland kag ginakontrol sadto
sang Bureau of Forest Development (BFD). Ang BFD
ang nagakontrol sa duta kag ang mga masa nga ma-
dakpan nga nagauma ginapriso. Indi ini pwede mapa-
K
6 Daba-Daba, Nobyembre 2016
tituluhan sa pribado nga mga indibidwal, apang gina-
pasugtan sang gubyerno ang pamilya Celo-Carreon,
ang mag-uyat sang pinakadaku nga konsesyon sa
pastuhan sa bukid sa dulunan sang Calinog kag Tapaz.
Ginatus-gatus ka baka ang ginbuhian sang
pamilya Celo-Carreon sa kabukiran na nagdalasa sang
mga pananom sang mga Tumanduk. Ginapalayas sila
sa ila ridor kag nag-umpisa na ang ila dugang nga
kalbaryo bangud ginaagawan sila sang kadutaan.
Isa ka daku nga agalon nga mayduta kag
mayor sadtong sang Calinog si Jose Celo. Magbayaw
sila ni Severino Carreon, isa ka mataas nga upisyal
militar nga mabaskog ang impluwensya sa burukras-
ya, kapulisan kag militar. Nagagamit sila sang gin-
himo nga layi nga nagapanglanggab sang kadutaan.
Apang sang mag-abot ang NPA, nagbulig sila
sa pag-organisa ang mga Tumanduk kag ginpabaskog
ang koorperasyon lakip ang mga kababaihan kag
pamatan-on kag ginduso nila ang pagtalauma.
Ginkumbinar diri ang pagpaintyende sa tagbantay
sang pastuhan ni Meyor Celo kag pagpangumpiska
sang NPA kag lokal nga milisya sang mga baka kapin
pa nga wala ini ginakudalan. Ini para indi maharab
ang mga pananom sang mga mangunguma kag
pabatyagon ang mga agalon may duta sa poder sang
rebolusyon.
Nagpadayon ang mga mangunguma sa pagta-
lauma sa tunga sang atake ni anhing PC Sgt. Porping
Cataluna kag mga CHDF sadto. Nagbato ang mga
mangunguma, nag-armas man kag nag-entra sa NPA
agud pangapinan ang ginatalauma nga kadutaan.
Halin sa pagsalig gid lang sa kaingin kag pag-uma sa
mga bantod, upod sa mga kadre kag hangaway,
gintudluan sila sa pagpundar sang mga talamnan asta
ang pagpananom sang malawigan nga tanom—pareho
sang lubi, kape, langka, kag iban nga ulutanon.
Halin diri, napundar kag relatibo may istabili-
dad nga pagpanguma sang mga pumuluyo sa mga
barangay subong sang Masaroy, Buri, Tacayan, kag
iban pa nga mga sityo sa lindero sang Tapaz kag
Calinog. Kon wala ang rebolusyonaryong kahublagan,
wala ang mga mangunguma sang matalauma nga
kadutaan diri kag wala man nga istabilidad ang baryo.
Inagihan sa Tapaz-Jamindan
Nagaabot sa 33,310 ektaryas nga kadutaan sa
kabukiran sang Tapaz kag Jamindan ang deklarado
nga “army reservation”. Nagasakop ini sang indi
magnubo sa 26 ka malagpad nga area sang mga
barangay sang duha ka nasambit nga munisipalidad.
Gindeklarar ini bilang “army reservation”
paagi sa Presidential Proclamation #67 sadto sang
presidente Diosdado Macapagal sadtong 1962. Ang
amo nga deklarasyon wala nagakilala sang sistema
sang pagpanag-iya sang mga Tumanduk sang ila mga
ridor sa sulod sang ila ansestral nga kadutaan.
Ang militar ang nangin agalon nga mayduta
bangud sila ang nagapanukot sang tumado sa mga
Tumanduk bilang arkila sa duta sa nasakpan nga mga
kabaryuhanan bilang “army reservation”. Kon isa ka
sako ang binhi, isa man ka sako ang bayad nga
tumado, sang ulihi nahulog ini sa sagahay kon sa diin,
ang isa ka sako, bayran sang isa ka saku kag tunga.
Pag-abot sang NPA, nagbulig sila sa pag-
organisa ang mga Tumanduk kag nagkampanya nga
untatan na ang pagbayad sang tumado sa militar sa
ano man nga pamaagi. Ini asta sa ang pagkomprontar
sa militar mismo nga nga pangkolekta nga indi sila
magbayad. May panahon man nga gin-am-busan sang
NPA ang mga armi nga nagahakot sang tumado sa
Tomloy, Tapaz sadtong 1978 kag nakum-piska sang
NPA ang isa ka M79. Asta sang ulihi, indi na
makaobligar ang militar ang mga Tumanduk sa
pagbayad. Kadalag-an ini sang mga Tumanduk sa ila
paghimakas sa problema sa lupa.
Lakip man nga nakaganar ang mga mangu-
nguma sa mga katambi nga kabaryuhanan sang Jamin-
dan nga indi sakup sang “army reservation”. Ang
mga mangunguma nag-upod man sa kampanya kag
wala na nagbayad sang medisyon bilang arkila sa duta
sa mga nagaako-ako nga agalon nga mayduta nga sila
7 Daba-Daba, Nobyembre 2016
ang tag-iya sang duta nga ginatalauma sang mga
mangunguma sa bukid.
Asta sa subong, ang mga Tumanduk padayon
nga nagahimakas nga mapangapinan ang ila kadutaan
sa pagpang-agaw sang gubyerno kag militar. (Sa an-
sestral nga kadutaan nakatungtong ang hedkwarters
sang 3rdID/PA sa Brgy. Jaena Norte, Jamindan). Amo
man, batuk sa mga proyekto sang gubyerno nga
nagapanglaksam sang kadutaan, pareho sa National
Greening Program, kag proyektong megadam sa Suba
sang Jalaur.
Sa kabaryuhanan sang Tapaz nga wala nasa-
kup sang ”army reservation,” bangud sa presensya
sang NPA bilang tagpangapin sang pumuluyo, maisog
nga ginpamatukan sang mga mangunguma kag
Tumanduk ang pagpang-agaw sang iban pa nga mga
agalon nga mayduta.
Ginatus-gatus ka ektaryas ang kalaparon sang
kalupaan nga kumpiskado sang rebolusyonaryong
hublag. Ini halin sa mga absentee landlords na wala
na nagaobligar sa pagpanukot sa mga mangunguma
sang arkila. Ginbatuan man sang mga mangunguma
ang pagpang-agaw sang Central Philippine University
(CPU) sang mga 90 ektaryas nga ulumhan sa may
Hope Vale (Sitio Laugan, Aginab, Tapaz).
Pagdebelopar sang palangumhan
Sa malapad nga lugar sa atrasado nga kabu-
kiran sang Sentral Panay, nagapadayon asta subong
ang pagpauswag sang palangumhan kag produksyon.
Halin sa pagsalig gid lang sa paray sa pagkaingin
ukon pagtanom sa mga bantod/bat-ol, pagpangayam
kag pagpangisda sa kasapaan kag kasubaan, nga amo
ang naabtan sangmga NPA, malayo na ang naabtan
sang mga mangunguma kag Tumanduk sa subong.
Nagbulig ang NPA kag gintudluan ang mga
mangunguma kag ginsampulan sang mga kadre kag
hangaway ang pagpauswag sang produksyon. Ini
paagi sa pagtanom sang mga prutas, kape, lubi,
langka, kag iban nga pangmalawigan nga pananom.
Ginakumbinar man ang pagsagud sang
kasapatan kag pagpananom sang mga ulutanon pareho
sang kadyos, balatong, mani, patane, kag ginpadamo
pa gid ang pagpananom sang saging, udag,
kamote/balingka, gabi, palawan kag iban pa.
Kadungan sini, nagtuon man ang mga hangaway sa
mga mangunguma sang iban pa nga sarang makaon
para sa inaway gerilya kag surbaybal.
Nagkampanya ang mga hangaway sa mga
kabaryuhanan sa pagtipon sang binhi, nag-upod sa
masa sa pagpas-an sang mga gutok sang kape, saha
sang saging, talamnunon nga lubi halin sa iban nga
lugar kag gintanom sa kilid sang ila sityo ukon baryo.
Sa mga uluhan sang kasapaan kag luyan nga
mga lugar, gintudluan ang mga mangunguma sa
paghimo sang mga uyapad para sa paray kag iban nga
pananom kag naghimo sang mga pasakaan bilang
natural nga irigasyon.
Kadungan sini, ginpalibugan man ang
paglubad sang problema sa kagamitan kag umpisa nga
istablisar ang mga pandayan sang binangon, lipya
sang arado kag mga pakaras, asta ang pag-alila sang
mga karabaw, baka, kabayo nga kabulig sa
produksyon.
Naabot man sang mga mangunguma sa sentral
Panay kapin sa intermidya kag patag nga lugar, ang
pagsulong sang demanda antipyudal pareho sa pag-
pataas suhol sa mga mamumugon sa uma; pagpanubo
sa interes sa pautang; pagpanubo sang arkila sa duta;
kag kampanya sa pagpataas sa presyo sang ila bisaya
nga paray.
Sa tunga sini tanan, sa tagsa ka kalamidad nga
nagatupa, ang mga hangaway, kadre, kag mga akti-
bista ang walay pagpang-alang-alang sa pagbulig agud
makabangon ang palangabuhian sang mga apektado
nga pumuluyo sa sakup nga area.
Ining mga ganar sang mga mangunguma kag
Tumanduk sa pagsulong sang rebolusyong agraryo
ang padayon nga depensahan kag dugang nga iabante
pa. Kinahanglan dugang nga padakuon ang pwersa
sang NPA para sa pangapin sini. Ini sa tunga sang wa-
la untat nga atake sang 3rd ID nga makita sa ila
padayon nga pagpaniktik, civil-miliary operations kag
mga pagpatrolya maskin pa may ila deklarasyon sang
ceasefire. #
8 Daba-Daba, Nobyembre 2016
Mga paglapas sang militar sa GRP ceasefire kag CARHRIHL sa Panay
ndi tampad ang AFP sa pagpatuman sang
unilateral ceasefire nga gindeklarar sang
Gubyerno sang Pilipinas (GRP). Padayon sini nga
ginapaigting ang pagpatuman sang Oplan Bayanihan.
Gani nagalubha man ang paglapas sang AFP sa
ceasefire nga gindeklarar sang gubyerno paagi kay
Pres. Duterte, kag pagbayolar man sang CARHRIHL.
Halin pa sadtong una nga deklarasyon ni
Duterte sa unilateral ceasefire sa okasyon sang iya
State of the Nation Address (SONA) sadtong Hulyo,
ang AFP wala nagbalik sa ila mga mayor nga kampo
kag mga baraks.
Mismo ang pamunuan sang reaksyunaryong
AFP, pareho kay Hen.Visaya (bata-bata sang berdugo
nga si Jovito Palparan) ang nagpaggwa insigida sang
direktiba sa AFP nga wala sa ila sang may magbalik
sa mga kampo kag mga baraks sa panahon sang
ceasefire. Magapabilin sila sa mga lugar sa kaumhan
sa pagpatuman sang civil-military operations (CMO)
kag operasyon sa pagpaniktik/
Sa Panay, padayon ang 3rd
ID sa pagpaigting
sang pagpatuman sang Oplan Bayanihan. Partikular sa
Nabagatnang Panay, daw mga ido-buang nga nag-
pangturag sa kabaryuhanan ang 82nd
kag 61stIB upod
ang 31st Division Reconnaissance Company (DRC) sa
pagpamuno sang 301st Brigade. Kasunod sini ginpu-
sisyon nila ang mga Peace and Development Team
(PDT ukon pangsaywar nga mga yunit) sa mga
punsok sang mga barangay sa kabanwahanan sang
Tubungan, Leon, Miag-ao, Maasin kag Janiuay.
Antes pa gindeklarar ni Duterte ang ceasefire sa
iya state of the nation address (SONA) sang Hulyo
nag-abanse nga ang amy sa nainteryor nga kabaryuha-
nan. Sang liwat nagdeklarar ang GRP sang ceasefire
sadtong Agosto 21 sang nagbukas ang peace
negotiations sang NDFP kag GRP nagpabilin ang
pagpusisyon sini sa kadam-an nga baryo kag may
dugang pa sa Sibalom kag San Remegio,
Antique.
Nagdutdot man ang mga ditatsment
sang 82nd
IB sa ginapaggwa nga rason nga
pagbantay sang Century Peak sa Igbaras.
Ginakaugtan sang pumuluyo ining kumpanya
sang Centruy Peak bangud sila ang nagahatag
pondo sa AFP sa pagmilitarisa sang Igbaras
kag Tubungan.
Sa Nasidlangan nga Panay naman,
sadtong una nga semana sang Oktubre 2016,
nagsulod kag nagtenir ang mga40 ka tropa
sang Phil. Army sa idalum sang 3rd
ID sa Brgy.
Bungsuan, Dumarao, Capiz. Ang ila rason amo
nga ginpadala sila para magpusisyon kag mag-
ayuda sa PSMC (Public Safety Management
Company) sang PNP-Capiz nga daan na nga
naka-ditatsment sa amo nga barangay kag
padayunon ang gyera kontra-druga.
Apang ang kamatuoran sa likod sini
amo ang padayon nga pag-agaw nila sang 120
ektaryas nga palangumhan sang mga pumuluyo sa
stockfarm nga malawig na nga ginhimakasan kag
ginatalauma sang mga mangunguma.Masami ining
pwersa sang AFP kag PSMC nagapangbalay-balay sa
Bungsuan kag palibot nga baryo kag nagapang-
imbestigar sa pumuluyo sa mga personahe nga ila
ginadudahan nga may angut sa rebolusyonaryong
kahublagan. Nagalunsar sang tsek-poynt kag
nagapatrolya.
Luwas sini pa sini nga pwersa militar kag
PSMC, nagapabilin gihapon ang mga ditatsment sang
12th
IB/PA sa Manayupit, Maayon, Capiz kag
I
9 Daba-Daba, Nobyembre 2016
Agpipili, Lemery, Iloilo. Amo man ang iya sang
PSMC sa Tuburan, Maayon, Capiz.
Talalupangdon man sa areya sang rebolus-
yonaryong pwersa sa nasidlangan nga Panay ang
pagsulod sang mga ahente sa pagpaniktik sang militar.
Amo man ang pagpasingki sang operasyon saywar
paagi sa paggamit sang masmidya, kag pahumot-
humot kag pangsaywar nga mga aktibidad, Ini pareho
sang mga medical mission kaangay sa natabo sa Brgy.
Tagubong sa lindero sang Passi kag Dumarao.
Ginatipon man nila ang mga pumuluyo para sa ila
pulong-pulong sa pagsabwag sang mga intriga sa mga
ginapatihan mga lider-aktibistang masa, kag pag-
pakalain sa rebolusyonaryong kahublagan.
Sa Sentral Panay, mentinado ang patrol base
sang 61st IBsa Brgy. Katipunan kag Acuna halin pa
sang gindeklarar ang unilateral ceasefire sang GRP
asta sa subong. May mga pwersa pa sang AFP-CAA
sa nainterior nga lugar sang Brgy. Daan Sur, Brgy.
Roxas (Otso), Brgy. Cahigon, kag sa intermidya nga
barangay sang Abangay, tanan sa Tapaz.
Halin sang una nga simana sang Septyembe
asta sa una nga simana sang Nobyembre may 10 ka
mga operasyon militar (combat kag pagpatrolya,
CMO kag pagpaniktik) ang 61st IB na narekord ang
NPA-Sentral Panay halin sa kabanwahanan sang
Tapaz (Capiz), Calinog, kag Lambunao (Iloilo).
Komon sa mga operasyon sang tropa sang
AFP sa Panay ang pag-agaw-agaw nila sang mga
serbisyo nga katungdanan sang sibilyan nga ahensya
sang gubyerno. Ini para mahapinan ang katuyuan nila
sa pagpadayon sang mga sangkap sang Oplan
Bayanihan nga amo ang operasyon sa pagpaniktik kag
saywar ukon Civil-Military Operations (CMO).
May mga yunit militar sang AFP ang
gindeploy sining ulihi lang, sa tatlo ka barangay sang
Roxas City. Partikular sa Brgy. Diginan, indi na gani
makagamit bisan ang mga benepisyaryo sang 4Ps kay
inagamit sang AFP ang barangay hall. Ginapaggwa
sang mga tropa militar ang kuno state of lawlessness
kon ngaa ara sila sa amo nga mga barangay.
Mga babayolasyon sang militar sa GRP Ceasefire
kag CARHRIHL
Ang pagbase mismo sang mga yunit sang AFP
sa sentro sang mga sibilyan nga komunidad isa na ka
paglapak sa peacetalks kag ceasefire. May mga lugar
nga gintalana sang AFP bilang ditatsment nila sa
kabaryuhanan, ukon mga lugar nga ginpaidalom sa
yunit nga pangsaywar nga ginatawag Peace and
Development Teams (PDT). Ini nga mga yunit ang
nagapatrolya sa palibot sang mga baryo kag mga
sityo. Ginalimitahan nila ang paghulag
sang populasyon paagi sa pagtalana sang
kurpyu ukon paglisensya sa militar kon sila
magkadto sa ila mga uma, magpanulo sa
mga sapa kon gab-i ukon iban nga
aktibidad.
Militar ang ang nadala sang garuk
nga kultura sa baryo—ang pagpasugal,
pagduso kag paggamit sang makaaladik
nga druga, pagpalapnag sang porno-
grapiya kag iban nga binastos kag pag-
amulit sa mga kababaihan sa baryo kag
iban nga pagpangganyat sa mga pamatan-
on kag pagbanga sa ila sa cellphone kag
internet. Apang sa proseso sini,
nagapaniktik ang yunit sang PDT kag
nagatakud sang mga asset nila kapin sa
mga durugista. Kabahin ini sa paglabag sa
CARHRIHL kag sa ceasefire.
Nagapadayon ang AFP sa pagpaniktik kag
saywar ang ginahimo sang militar nga makita sa
pagpamalay-balay, pagmiting sa mga barangay kag
pag-impluwensya sa disisyon sang mga miting sang
sibilyan nga barangay konseho, kag iban nga
aktibidad nga ginapatawag sang AFP.
Ang ila pagpaniktik kag pangsaywar, may
tuyo nga tumuron, pahugon ang mga aktibista kag
mga pamilya ukon himata sang mga Pulang
10 Daba-Daba, Nobyembre 2016
hangaway, mga lider-masa kag mga katapu sang
Partido sa lokalidad kag Lokal nga Milisya sa handum
nga waskon ang organisasyong masa, ukon ang Sanga
sang Partido sa baryo.
Ang presensya sang armado nga tropa kaba-
hin sang maduguon nga Oplan Bayanihan. Baliskad
ini sa ginpahayag nga patakaran ni Duterte nga
"mangin mainabyanon" sa mga rebolusyonaryong
pwersa. Ginahambal sang mga tropa sa mga sibilyan
nga residente nga "NPA lang ang may cease-
fire"ukon"indi kami mapasunod ni Duterte"kag iban
pa nga mga binutig agud rasunan ang ila presensya sa
lugar.
Nagahimo sang propaganda ang AFP kadu-
ngan sang armadonga pagpamahug para pakama-
lainon ang NPA kag ang bug-os nga rebolus-
yonaryonga kahublagan. Ginagamit nga panabon ang
"gyera kontra-druga" para ilunsar ang propaganda
batuk sa NPA, sa mga aktibisa kag sa rebolusyo-
naryong kahublagan sang pumuluyo.
Ginapresyur sang militar ang mga pamilya nga
ginasuspetsahan nila may mga paryente nga Pulang
hangaway, ukon mga aktibista nga pasurenderon
gamit ang Oplan Tok-hang.
Ang presensya sang mga armadonga tropa sa mga
komunidad kag paggamit ng mga sibilyan nga
pasilidad ukon istruktura pareho sang barangay hall,
iskwelahan, day care center, mini-market lunsay mga
bayolasyon sa CARHRIHL kag sa mga layi sang
inaway. Ini ang direkta nga paggamit nila sang mga
sibilyan bilang taming. Nagatublag ang mga tropa
sang AFP sa kalinungan kag kabuhian sang masa,
amo man sa kabilugan nga normal nga dalagan sang
kabuhi sa mga komunidad. Nagadulot ini sang
kahadlok kag truma sa mga residente, ilabi na sa mga
kabataan. Nagatublag man ini sa pagpanguma sang
mga pumuluyo sa lugar.
Ang mga pagdakup kag pagpamatay, padayon
nga pagpaniniktik kag iban pangapormasang
pagpamigos sa mga aktibista kag pumuluyo, tanda
man sang pagpadayon sang Oplan Bayanihan kag
sang pangkabilugan nga antagonismo sang AFP kag
mga pwersapangsiguridad sang estado batuk sa mga
progresibo kag patriyotikong grupo.
Padayon subong nga ginabuyagyag sang mga
pumuluyo sa kaumhan ang mga bayolasyon sang mga
tropa sang AFP. Ginalunsar nila ini bilang kabahin
sang ila kahublagan sa pagkampanya sa propaganda.#
Sa ikatatlo nga tuig sang superbagyong Yolanda
Nagadalom, Kapaslawan sang mga biktima
ga 12,000 ka biktima sang bagyong Yolan-
da sa isla sang Panay, ang nagdagsa sa mga
dalanon sa mga mayor nga sentro kag
syudad sang probinsya sadtong Nobyembre 8.
Ginpangunahan sang Kusog sang Pumuluyo,
isa ka isla-kalapad nga alyansa sang mga biktima kag
ila mga tagasuporta ang mga aksyon-protesta sa rehi-
yon, amo man ang pagplastar sang mga lamesa kon sa
diin pwede nga makapalista ang mga wala nakabaton
sang “ayuda” kag ang may mga reklamo kaangut sa
Emergency Shelter Assistance (ESA).
Sa Roxas City, ginpangunahan sang Buylog sa
Pagbangon Capiznon kag Bagong Alyansang Maka-
bayan (Bayan) ang hublag-protesta nga naglibot sa
mga mayor nga dalanon sang syudad. Ginsunog man
nila ang isa ka “effigy” nga nagasimbolo sang pagpa-
antus sa mga biktima sang Yolanda.
M
11 Daba-Daba, Nobyembre 2016
Padayon nga nagaantus sang kapurauton
bangud sang tuman ka hinay nga rehabilitasyon sang
ila nga mga pangabuhian para sa madasig nga
pagbangon kag paghatag sang nagakaigo nga serbisyo
pangkatilingban. Ang malala pa madamu sa mga
biktima ang ginpahalin sa ila nga mga lugar bangud
sang “no dwell zone” kag proyekto pangturismo
pareho sang mga Ayala sa isla sang Sicogon kag
“Save Panay River Program” sa Capiz.
Sa Aklan, nagalab-ot sa 2,000 ang natambong
sa isa ka misa sang pagdumdum sa mga nagtaliwan,
nadula kag nahalitan ang ginhiwat sa Pastrana Park
antes magmartsa-protesta padulong sa probinsyal nga
kapitolyo para sa isa ka programa. Nag-organisa man
sila sang pagtilipon-talakayan kag dayalogo upod sa
kay Asec. Hope Hervilla sang DSWD.
Makaligad ang tatlo ka tuig nga pagpangdalasa
sang bagyong Yolanda, wala pa gihapon natapos ang
pagpanagtag sang ESA nga magarot, puno sang
korapsyon kag patronahe sa pulitika. Indi na ini pang-
emerhensya nga ayuda kundi utang nga danyos na sa
kriminal nga pagpapabaya sang gubyerno.
Nagalab-ot naman sa 25,000 ka pamilya sa
Aklan ang wala pa nakabaton sang ayuda halin sa
gubyerno. Kadam-an sini ang ginpangkakas sa lista-
han sa ila nga master lists bangud sang patronahe sang
mga pulitiko kag maanomalya nga implementasyon
sang ESA. Masobra 19,000 ang tubtub subong wala
nakabaton sang ESA. Samtang dugang nga mga
16,000 ka pamilya ang nalista sang Rise Up Aklan
ang nagakinahanglan sang ayuda.
Ang proposal nga ginpasaka sang DSWD sa
Department of Budget and Management (DBM) nga
P1.17B para sa mga benepisyaryo sang ESA sa
rehiyon 6 ang wala gin-aprubahan.
Sa Estancia sa Iloilo, masobra 500 ka mga
biktima ang nagmartsa padulong sa munisipyo agud
idemanda ang pagpadasig sang mga proyekto nga
pabalay para sa mga pamilya nga kinahanglanon nga
irelokar.
Gindemanda man sang mga protester ang
resolusyon sang P225 milyon nga class suit batuk sa
mga ahensya sang gubyerno kag pribado nga kon-
traktor kaangut sa oil spill nga nag-igo sa mga bay-
bayon sang Estancia sadtong panahon sang Yolanda.
Gintuga ini sang pagkaula sang 900,000 litro sang
langis sang Power Barge 103 sang NAPOCOR/
PSALM bangud sang dalagku nga mga balod. Resulta
sini ang pagkamatay sang lima ka tawo, dislokasyon
kag pagkasamad sang palangabuhian sang libo-libo ka
pamilya nga nagasalig sa pangisda.#
KABATAANG MAKABAYAN naglunsar sang lightning rally sa Iloilo
sa ka lightning rally ang ginlunsar sang Kabataang
Makabayan (KM) sa ika-52 nga anibersaryo sini
sadtong Nobyembre 30, 2016 sa syudad sang
Iloilo. Bitbit ang mga plakard kag strimer, gin-
panawagan nila ang paghugpong sang mga pamatan-
on upod sa malapad nga pumuluyo kag ang pagpatapu
sa New People’s Army (NPA).
Ginapanawagan nila sa tanan nga mga demok-
ratiko kag rebolusyunaryo nga pamatan-on nga
pabaskugon pa ang kahublagan paagi sa pag-organisa
sang malapad nga pamatan-on sa mga eskwelahan,
ulubrahan, komunindad, kag sa kaumhan.
Suportado man nila ang ginahiwat subong nga
sugilanon pangkalinungan sa tunga sang gubyerno
sang Pilipinas kag National Democratic Front of the
Philippines (NDFP) kon sa diin katapu ang KM. Suno
sa ila nga pahayag, determinado ang bilog nga
kahublagan sang pamatan-on nga mag-amot para sa
kalinungan nga nakabase sa pangkatilingban nga
hustisya. I
12 Daba-Daba, Nobyembre 2016
Gani, hugot nila nga ginakundenar ang
padayon nga pagbayolar sang Armed Forces of the
Philippines (AFP) sa ila kaugalingon nga ceasefire
paagi sa pagdeploy sang mga Peace and Development
Teams (PDT), mga ahente paniktik kag mga tropa
sang AFP para sa pagpaniplang sang mga pumuluyo
sa kaumhan sang Panay. Amo man ang padayon nga
pagpatuman kag pagpasingki sang Oplan Bayanihan.
Dugang pa nila nga samtang wala masolbar
ang mga basehan nga problema sang pumuluyo
kaangay sang kawawad-on sang duta, ang monopolyo
sa ekonomya sang mga dumuluong, kag ang malapad
nga pagpangawat sang mga burukrata sa kaban sang
gobyerno, magapadayon ang armado nga kahublagan
sa kaumhan.
Suno sa ila maathag nga dapat usuyon sang
pamatan-on ang rebolusyunaryo nga banas sa
kaumhan. Wala sila sang ilusyon nga pagbag-o kon
indi mapukan ang imperyalismo, pyudalismo, kag
burukrata-kapitalismo sa pungsod.#
Ginlunsar, KAPAYAPAAN PeaceAdvocacy Network
adtong Nobyembre 23, nagtilipon ang mga
organisasyon kag indibidwal nga tagatib-ong
sang kalinungan sa Iloilo para tukuron ang
Kapayapaan Network, isa ka alyansa nga nagasuporta
sa ginahiwat nga sugilanon pangkalinungan sa tunga
sang GRP kag NDFP kag ang pagbulig monitor sang
pagsunod sa mga pagahisugtan sang duha ka bahin.
Sa ini nga pagtilipon-talakayan, ginganyat ni
Concha Araneta nga kinahanglan nga padayon nga
iduso sa duha ka magtimbang nga bahin ang pag-
sugilanon sa baylo nga padayunon ang armado nga
banggianay.
Suno pa sa konsultant nga bisan pa may mga
progresibo nga deklarasyon si President Duterte, may
mga ginahimo ini nga tikang nga nagabutang sa sugi-
lanon pangkalinungan sa katalagman. Pila sa mga ini
ang padayon nga pagpamatay sang mga suspetsado sa
iligal nga baligyaanay sang druga, ang mga bayolas-
yon sa ceasefire sang AFP kag kapulisan, kag ang
pagpalubong sa anay diktador Ferdinand Marcos sa
Libingan ng mga Bayani nga nagpaindakal sang kaa-
kig sang mga pumuluyo.
Dugang pa ni Araneta nga mangin mabudlay
ang paalabuton nga ikatatlo nga bahin sang sugilanon
nga pagahiwaton sa ikatatlo nga semana sang Enero sa
pagtalakay sang adyenda para sa Socio-economic
Reforms.
Ang NDFP nagpasa na sang mga proposal
kaangut sa pagtapos sang armado nga banggianay, nga
amo ang pag-ugat sang mga kabangdanan sini, paagi
sa pungsudnon nga industriyalisasyon, repormang
agraryo, kag anti-imperyalista kag independyente nga
polisiya pangluwas, nga amo ang mayor nga kaundan
sang Socio-economic Reforms. Sa ini pa lamang nga
mga isyu, pat-ud nga magapamatuk ang iban nga
bahin sang nagaharing sahi, ang pila ka dalagku nga
kumprador kag agalon nga maylupa nga yara sa likod
ni Duterte.
Sa pihak sini tanan, nagalaum si Araneta nga
ang mga proposal sang NDFP ang pwede gihapon nga
matigayon, kon ang mga pumuluyo maghugpong sa
pagpursiger nga iduso sa duha ka bahin ang paghisu-
got sa pang-ekonomya kag pangkatilingban nga mga
demanda pabor para sa pumuluyo.
Nagtambong man sa paglunsar sang Kapa-
yapaan Network si anay Cong. Siegfred Deduro, bise
presidente sang Makabayan para sa Visayas bilang isa
sa mga ispiker amo man ang mga organisasyon kag
indibidwal nga yara sa akademya, pamatan-on-istud-
yante kag mga propesyunal, mga tawong simbahan
kag negosyante kag tagpangapin sang tawhanon nga
kinamatarung.
Nagpahayag sila sang pagsuporta sa sugilanon
pangkalinungan kag komitment nga padayon nga
iduso ang ini nga kawsa para mabutang ini nga pung-
sudnon nga prayoridad ni President Duterte, paagi sa
pagbulig hiwat sang mga pagtilipon-talakayan kag
pagpalapta sang importante nga mga pagtulun-an
kaangut sa sugilanon pangkalinungan.#
S
13 Daba-Daba, Nobyembre 2016
Protesta: MARCOS INDI BAGANIHAN
agaabot sa 1,500 ka mga pumuluyo, kadam-
an mga pamatan-on-istudyante upod ang mga
lideres sang progresibo nga mga organi-
sasyon ang nagsulay sa ulan sadtong Nobyembre 25
sa Iloilo City sa pag-protesta sang lipot kag tuso nga
pag-lubong kay diktador Marcos sa Libingan ng mga
Bayani. Gintawag nga #Black Friday Protest, may
kasubong man nga protesta nga ginhiwat sa Aklan
kag Capiz.
Ining aksyon-protesta amo ang tubong sang
mga Panayanon sa pungsodnon nga protesta sa amo
man nga adlaw nga ginbansagan bilang “Adlaw sang
Paghiliusa kag Kaakig batuk sa paglubong kay
Marcos bilang Baganihan.”
Sa Iloilo City, sa pihak sang maulanon nga
adlaw dala sang Bagyong Marce, nagmartsa ang mga
protester sa halin sa UP Visayas-Iloilo Campus pa-
kadto sa Provincial Capitol grounds kon sa diin sila
naghiwat sang isa ka malip-ot nga programa. Ginpa-
ngunahan sang Campaign Against the Return of the
Marcoses to Malacañang (CARMMA), upod sa
Karapatan kag Bagong Alyansang Makabayan
(Bayan).
Suno sa pahayag sang Bayan-Panay, ang lipot
nga pagpalubong kay Marcos sadtong Nobyembre
18, ang nagpaakig sa mga pumuluyong Pilipino. Ang
tuyo sang pamilya Marcos amo ang pagbaliswa sang
imahen sang patay na nga si Marcos halin sa
pinakamalain nga diktador kag manugdambong kag
paggwaon pa nga baganihan. Apang gin-ukay lang
sini ang mga pilas nga gin-antus indi lang sang mga
direkta nga mga biktima sang Martial Law kundi
sang nasyon Pilipinas sa kabilugan. Ginsinggit nila
ang islogan nga si Marcos indi Baganihan!
Ginbuyok man sang Makabayan-Panay (bloke
nga alyansa sang mga progresibo nga mga Partylist)
ang mga pamatan-on nga padayon ang pagpamatuk
sa pagrebisa sang kasaysayan nga paggwaon si
Marcos nga diktador bilang baganihan kag pabalikon
ang mga Marcos sa mataas nga pusisyon sang
gubyerno. Ginbagsak na sang pumuluyong Pilipino
ang diktadurang Marcos kag gintabog na ang pamilya
sini sa Malacañang sang 1986. Madumduman nga
ang CARMMA kag Makabayan-Panay ang naglunsar
man sang protesta sandtong Abril 2016 sa Iloilo sang
magkampanya diri si Bongbong Marcos.
Ginpahayag man sang Bayan-Panay nga indi
sila magtugot nga hatagan sang administrasyon Duterte
sang baganihan nga pagkilala kay Marcos paagi sa
pagpalubong sa Libingan ng mga Bayani.
Ginsundan pa gid ini nga aksyon protesta
sadtong Nobyembre 30 sa okasyon sang ika 153 nga
kaadlawan ni Andres Bonifacio nga gin-updan man
sang ginatos ka mga pumuluyo. Ginpangunahan ini
sang Bayan-Panay upod ang Carmma , Marcos No
Hero Movement-Panay, NUPL (National Union of
People’s Lawyer), Selda (Samahan ng mga Ex-
detainees Laban sa Detention at Amnestiya) kag iban
pa nga mga organisasyon kag patriotiko nga mga
indibidwal halin sa UPV, University of San Agustin,
kag iban nga mga empleyrado sang gubyerno.#
N
https://www.facebook.com/carmmapanay/https://www.facebook.com/MarcosHindiBayani/https://www.facebook.com/MarcosHindiBayani/
14 Daba-Daba, Nobyembre 2016
CNL, Naghiwat sang ika-5 nga Asembleya
ng Christians for National Liberation (CNL)
isa ka rebolusyonaryo nga pungsodnon-
demokratiko nga organisasyon sa kubay sang
mga pastor, pari, madre, seminarista, layko kag mga
iban pa nga tumuluo halin sa mga relihiyuso nga
sektor. Ang CNL kaalyado nga katapu sang National
Democratic Front (NDF).
Sa Panay kag Guimaras, ang CNL madinalag-
on sa paglunsar sang ika-5 nga asembleya sadtong
Nobyembre 21-22 nga gintambungan sang mga
katapuan sini nga epektibo nga makaapirmar sang ila
rebolusyonaryong pusisyon, makahimo sang pagtasa
sang nangin hilikuton sini, makaplano naman nga
ipatuman sa masunod nga panahon kag makapili sang
panibag-o nga mga upisyales sa organisasyon.
Suno sa CNL, sila ang nagapati kag naga-
pasakup sa armadong paghimakas nga ginalunsar
sang CPP-NPA kag NDF. Ang armado nga pag-
himakas ang solo nga solusyon agud maagum ang
handum nga punsodnon-demokratiko sang mga
tumuluo nga mga pumuluyo.
Ginasakdag sang CNL ang matarung nga
armadong paghimakas nga ang tuyo amo ang pagdula
sang ugat sang mapintas, malaut kag indi matarung
nga inaway nga ginalunsar sang estado batuk sa mga
pumuluyo nga nagahimakas para sa tunay nga
kahilwayan kag demokrasya.
Ginapanawagan namon sa tanan nga mga
tumuluo nga kinahanglan naton aktibo nga pasakupan
ang pungsodnon-demokratiko nga rebolusyon nga
ginasulong sang CPP-NPA-NDF. Indi naton pagtugtan
nga ang kasimbahanan gamiton sang estado sang mga
sahing kapitalista, agalon nga mayduta kag agalon nila
nga imperyalista agud padayon nga patalangon kag
gamhan ang mga tumuluo paagi sa pagbantala sang
kamatuoran kag makatarungan nga rebolusyon.”
Ini ang pahayag ni Fr. Ireland, ang bag-ong
napilian nga chairperson sang CNL sa Panay kag
Guimaras.#
Alipalok
ng ALIPALOK, ang liwat magapayuhom,
magapakunot sang inyo agtang, magapataas
kag magapasampok sang inyo kilay. Sundan
sa kolum nga ini ang alipalok halin sa naga-DABA-
DABA sa isyu kag mga hitabu sa kabukiran,
kapatagan kag kon diin man nga hilit sang kalibutan.
* * *
Panginbulahan sa madinalag-on ang lightning
rally sang Kabataang Makabayan-Panay!
Daw kilat gid nga nagtuhaw kag nagdaguob
ang panawagan sang “Pag-entra sa NPA”.
Mabuhay ang “mabubuting mga anak ng
bayan! Bugrason ang kadena sang kolonyal nga
kultura. Sa malapad nga kaumhan, ipatuhoy ang
abilidad kag ikasarang. Magtubong sa pagpadaku kag
pagpabaskog sang Hukbong Bayan.
* * *
Maga-apat ka bulan na ang unilateral
ceasefire nga gindeklarar sang CPP-NDFP kag amo
man sang GRP. Temporaryo nga nag-untat matuod
ang linukpanay. Kay man ginapalampas man lang
sang NPA ang panggarit-garit nga hulag sang armi.
Sipata bala ang inyo mata kag angtinga ang mga
dulunggan. Ginahimo na sang PDT nga ditatsment,
kampo, sugalan, ilimnan kag “drug den” ang mga
kabaryuhanan.
* * *
PDT... pormula sang AFP agud ilikaw ang
pamatan-on nga mag-entra sa NPA. Gina-organisa sa
A
A
15 Daba-Daba, Nobyembre 2016
Youth for Peace and Development (YPD) kuno.
Samtang sa sulod sang YPD, ginatiplang para
maabusuhan ang kadalagahan kag mangin impormer,
ginapagamit druga para madula sa matarung nga
pamensaron, ginaterorisa para indi magbatu sa
kapigusan. Ang kahulugan angay nga pagkahulugan.
Paniplang, Druga, Terorismo.
* * *
Segi ang balik-balik sang mga tropa sang AFP
sa kabaryuhanan para sa ila civil-military operations
kag pagpaniktik. Ginatabunan lang nila ini sang mga
pahumot-humot nga aktibidad sa kuno mga medical
mission…
“Hump! “ Hambal sang masa sa Tapaz.
“pakitang-tao lang ina! Aber, testingi abi, kon
managtag sila lupa! Ina ang kinahanglan sang mga
mangunguma! Sila man gani ang nagapang-agaw
duta bilang armi reservation!”
* * *
Binalaylay
Nakita ko ang pag-antus sang masang pigos Sa subong nga sistema nga mapanghimulos Sa katilingban wala na sang puturo Sa pagpatrabaho sa ila nga wala sang kabaylo. Sa lideratu sang sahing reaksyonaryo Kita tanan sa kaimulon nagaagunto Wala nila mahatagi palangabuhian ang pumuluyo Gani resulta, ang iban anti-sosyal ang nahimo Gani mga kaupdanan Ang masa aton kadtuan Kag kitang hukbo sila ang ubayan Para ang ila problema masolusyunan Sa kahublagan masa dapat kita mag-isa Agud aton tawhanon nga kinamatarung i-demanda Dapat naton dumdumon sa paglab-ot sa ina nga handum Armadong paghimakas gid amo ang pangunahon.
-- Golden Road
16 Daba-Daba, Nobyembre 2016
Ang hukbo nagikan sa imol kag pobre nga nagbatu Sa subong nga garuk nga sistema kag gubyernong pasista Sa ila mga kamot masa nagaagwanta Ila gid ginhimuslan kusog pangabudlay sang mangunguma
Gani sa aton nga mga hukbo ang interes sang masa padayon nga ipakigbatu Sa sakripisyo kag kabudlayan, krisis sa panindugan Pirme naton dumdumon milyon ka pumuluyong pigos Ang nagahulat sa aton
Sa mga pamatan-on, inyo gid huna-hunaon Sa sistema inyo kinamatarung ginadingot nila Gani magkadto sa kaumhan, dululungan kita magmartsa. Gikan sa kasyudaran pakadto sa kaumhan.
Bitbit ang handum nga waskon kadena sang kaimulon Lakip na ang gubyerno nga mapiguson Sa ubay sang Partido nga sa inagihan manggranon Handum nga kahilwayan maabot naton.
--Bambie Habagat