Labi nga palaparon kag pabaskugon ang kontra-Duterte nga ......21, mga 1:40 sang hapon. Antes sini, sadtong Hulyo 17, alas 4:30 sang kaagahon, gin-haras sang NPA ang ditatsment sang

TUIG 41, NUMERO 9 HILIGAYNON EDISYON HULYO 2018

Labi nga palaparon kag pabaskugon ang kontra-Duterte nga pagbato sang pumuluyo!

atapos ang duha ka tuig sa poder, maathag ang pagkahamulag kag pagkangil-ad sang mga pumuluyo sa rehimeng US-Duterte.

Tinalikdan niya ang promisa nga kaayuhan sang pu-muluyo, gin-usoy ang papet-pasista nga banas, kag nagahanda agud makumpleto ang pagtukod sang isa ka diktadura sa tabon sang pederal nga gubyerno. Ginakangil-aran sang pumuluyo si Duterte kay wala untat nga ginadislokar sa pangabuhian ang mga pumuluyo sa pagpanglanggab sa kadutaan,

demolisyon pabor sa mga real estate, kag iban nga proyekto sa ganansya sang dumuluong kag dalagku nga lokal nga kapitalista.

Padayon ang kontraktwalisasyon, pagpahalin sang mga mamumgon sa ila mga trabaho, kaiwaton sang palamugnan kag manubo nga sweldo. Ginaipit ni Duterte ang mga drayber-operator sa padihut nga pagdula sang dyipney pabor sa dalagku nga mono-polyo sa transportasyon.

Ginalubong ni Duterte ang pumuluyo sa ma-lubha nga kaimulon sa pagpuga sang buhis sa

MGA TAKTIKAL NGA OPENSIBASANG NPA KAG FAKE NEWS

NI COL. MAGBALUT p. 4

GINSIKWAY SANG NDF-PANAY ANG

LOKAL NGA PEACE TALK

NI DUTERTE p. 5

4,000 KA MGA PANAYANON NAGPROTESTA BATUK

KAY DUTERTE p. 6

NGAA NAHAMULAG KAG GINAKAUGTAN SANG

PUMULUYO SA PANAY SI DUTERTE p. 7

Editoryal

M

Concha Araneta Spokesperson, NDFP-Panay

DABA-DABA, HULYO 2018 "2

TRAIN, pagtinaas sa presyo sang tanan nga balak-lon kag sa pagnubo sang balor sang piso -- nga ta-nan nagresulta sang pagkupos sang kapasidad sa pagpamakal sang pumuluyo halin sa manubo ang gina-inkam.

Ginmarder ni Duterte ang masobra 23,000 ka ginaalegar konektado sa druga. Apang si Duterte ang supremo kag protektor subong sang mga drug-lord upod ang anak nga si Paolo kag si Peter Lim bilang mga ahente.

Ang mga imol ang gin-igo kag ginakugmat sa mga pagpamatay, pagpang-aresto, pasurender sa kampanyang “tokhang” kag “double barrel,” ”oplan kontra-tambay” “oplan tok-gang” (kontra sa mga gang kuno) nga ginpatuman ni Duterte. Samtang ang dalagku nga mga druglord, sindikato sa pasu-galan, ismagler, kag manugdambong ang gina-abswelto ni Duterte.

Ang pagdata sang kriminalidad nagapa-nguna nga kahimuan mismo sang kapulisan kag militar ni Duterte agud maabot nila ang kota sa pagpamatay kag makuha ang promosyon kag padya nga cash halin kay Digong. Wala sila mahadlok mag-komiter sang krimen kay ginpasalig nga wala sila salabton sa ila kriminalidad.

Indi man maharaw ang korapsyon sa mga departamento sang gubyerno sa lain-lain nga lebel. Pareho sa ismagling, pagpalusot sang druga, pagpa-habok sa gastos sa mga byahe, overpriced nga mga transaksyon, hamham sa mga proyekto, kag iban pa nga natukiban sang Commission on Audit (CoA) nga mga anomalya ang ginatabunan lang.

Ginpadismis niya ang kaso ni Gloria Arroyo (GMA) nga pagpangdambong (plunder). Subong, isa sila ka alyansa, kag si Pantaleon Alvarez ginbus-lan ni GMA bilang ispeker sa Kamara de Represen-tante. Ginsuportahan ini sang mga Marcos.

Nagaupdanay ang Duterte-Arroyo-Marcos nga dalagku nga mga manugkurakot sa dugang pa gid nga pangurakot. Si Duterte ang may kontrol sang P2.5 bilyunes sang 2017 bilang intelligence fund pero ginagamit agud ihamham sa iya tinawo, pareho kay Justice secretary Vitaliano Aguirre agud lang mahilway si Peter Lim sa kaso.

Ginakangil-aran sang pumuluyo si Duterte bangud sang pagpatuman man niya sang makahalalit nga todo-gyera kag gin-utas ang peace talks sang GRP kag NDFP. Pagsunod ini ni Dutete bilang papet sa kagustuhan sang imperyalismong US dungan sa pag-traidor kag pagbaligya niya sa China sang patrimonya sang pungsod sa dunang manggad sa West Philippine Sea.

Ginapatuman niya ang layi militar sa Minda-nao kag ginpaigting ang todo-gyera nga malaparan nagalapak sa tawhanon nga kinamatarung sang pumuluyo. Indi hamak nga kahalitan nga ginbatas sang pumuluyo sa ila kabuhian kag mga pagpamatay nga nagbiktima man asta man sa kaparian. Gin-atake niya ang Simbahan rason nga madamo ang nagbuylog nga pumuluyo sa pagpakamalaut.

Sa ikatlo nga State of the Nation Address, gindeklarar ni Duterte ang mas malubha kag maka-halalit nga mga tikang. Pila lang diri nga ginaduso niya sa kongreso amo ang pagpasar ang National Land Use Act (NLUA), paghuman sang ikaduha nga pakete sang pagpamuhis ukon ang TRAIN-2, kag pagratsada sang pederal nga konstitusyon. Tanan ini pagpalubha sang paghimulos kag pagpigos sa pumuluyo.

Ang NLUA magapalala sang pagpanglang-gab sang kadutaan sang mga mangunguma bangud bag-uhon sini ang gamit sang kadutaan pabor sa dumuluong kag mga agalon nga mayduta. Sa TRAIN-2, buhinan ang buhis sang dalagku nga korporasyon samtang dugangan naman ang palas-


anon nga buhis sang pumuluyo. Kag ang cha-cha, maniobra ni Duterte sa pagtukod sang pasistang diktadura.

Sa masunod nga mga binulan, magaigting ang paghimakas sang kontra-Duterte nga pwersa sang mga pumuluyo sa pagkomprontar kay Duterte. Ang pat-ud nga paglala sang krisis sa ekonomya ang magagatong sa labi nga pagkalayo sang pagpamatuk sang pumuluyo. Magabunga ini sang paglubha man sang banggianay sang nagkalain-lain nga mga paks-yon sang mga pulitiko, militar kag PNP. Ini asta nga mag-abot ang panahon nga may pwersa sa kubay sang miliar kag PNP nga magabiya sang suporta kay Duterte nga bisan ang imperyalista nga agalon niya indi na makadepensa sa iya tuman nga pagkabaho nga papet kag sipaon na lang kaangay sang mabaho kag bitikon nga idu.

Ang pagpasulabi ni Duterte kay GMA upod sa mga Marcos, magatuga sang inagaway prebili-hiyo kag poder, kag paglubha sang banggianay sang mga paksyon sang mga reaksyunaryo sa sulod kag gwa sang rehimen. Ang pagpunpon sang Duterte-GMA-Marcos nga bunghay sang pinaka-reaksyu-naryo sa pungsod labi lang nga magpaakig sa mala-pad nga pumuluyo.

Ang kurakot ni diktador Marcos nga inuta-ngan sa luwas padayon pa nga ginabayran subong sang pumuluyo kag wala pa hustisya sa madamo nga biktima sang iya layi militar. Si GMA may sa-labton sa masobra 1,600 ka biktima sang ekstra-hu-disyal nga pagpamatay kag masobra 200 ang gin-dukot kag wala pa nakita asta subong, lakip sanday Luisa-Posa Dominado kag Nilo Arado diri sa Panay.

Wala kakapoy nga padayunon sang mga pwersa nga rebolusyonaryo, mga progresibo demok-ratiko nga pumuluyo ang pagbuyagyag kag pagpas-law sa mga padihut sang rehimen. Magaamot ang Panay sa labi nga pagpalapad kag pagpabaskog sang pagbato sang kontra-Duterte nga mga pwersa kag susteniron ang paghimakas diri.

Padayon nga isulong sang nagkalain-lain nga sektor diri sa Panay ang ila mga isyu sa lupa; pala-mugnan kag pagbato sa kontraktwalisasyon, pagpa-taas sang sweldo; pagpamatuk sa TRAIN; kag mga demanda sa serbisyo sosyal. Pamatukan man nila ang pagpa-igting sang militarisasyon sa pagtukod sang ditatsment, pag-aktibar sang CAFGU kag CAA, kag depensahan ang ila mga kinamatarung batuk sa nagkalain-lain nga pamasista sang “Oplan Kapayapaan”. Mabaskog nga pamatukan sang pu-muluyo ang pagtukod sang pasistang diktadura sang paksyon ni Duterte paagi sa cha-cha sa pederal nga konstitusyon.

Dungan sa pagpaniplang sa lokal peace talks, mga pasurender kag iban pa nga saywar, paigtingon sang rehimen ang armado nga pag-atake sa rebolusyonaryong pwersa kag pumuluyo nga nagabato sa iya. Gamiton ni Duterte ang militar kag PNP bilang kriminal nga kasangkapan sa pagpama-tay, pagpamahug kag iban nga kalakasan para sa iya interes kag handum nga makumpleto ang pagtukod sang iya diktadura. Gamiton sini ang “kontra-tero-rismo” nga bansag sa Partido kag NPA sa pagpana-lakay sa mga sona kag baseng gerilya sa kaumhan.

Gani, labi nga pabaskugon ang armado nga kusog sang pumuluyo -- ang NPA -- kag maglunsar sang taktikal nga mga opensiba batuk sa mga masu-pog nga pwersa militar kag PNP nga nagapanghalit sa pumuluyo. Ang lupok sa pusil sang NPA ang magabali-bali sa mga padihut ni Duterte kag maga-kontribwer sa pagpaluya sa iya.

Dungan sini, labi man nga pabaskugon ang tanan nga mga rebolusyonaryong pwersa sa kaum-han kag puti nga lugar. Konsolidahon ang mga komite kag lokal nga makinarya kag mga likum nga organisasyong masa nga amo ang magsustenir sang mga paghulag sa inaway kontra-Duterte subong nga panahon asta nga mapabagsak ini.#


Mga Taktikal nga Opensiba sang NPA kag fake news ni Col. Magbalut

Sa Sentral Panay, duha ang patay kag duha ang napilasan sa naga-operasyon nga tropa sang Alpha Coy sang 61st IB/PA kag mga CAFGU sang ginbanatan sila sang NPA sa Bulod, Brgy. Roose-velt, Tapaz, Capiz sadtong Hulyo 21, mga 1:40 sang hapon. Antes sini, sadtong Hulyo 17, alas 4:30 sang kaagahon, gin-haras sang NPA ang ditatsment sang PA-CAFGU sa Brgy. Daan Sur, sa amo man nga banwa. Na-puhag liwat ang ditatsment sang ginpalukpan naman sila sang mga alas 9:40 sang aga. Si Pato Diaz, CAFGU nga taga-Taganghen, Ta-paz, ang pilason kag naguba ang iya M14 sa igo sang bala sang NPA.

Sa wala pa nakaatras ang yunit sang NPA, nagbilin ukon nangwas-ag sila sang bukas-nga-sulat sa mga dalanon nga naga-panawagan sang paghalin sa CAFGU sa ila serbisyo. Kabahin ini sang hilikuton sang NPA sa pagnyutralisa sa ila. SAMTANG sa nabagat-nang Panay naman, sadtong Hul-yo 29, ginharas sang isa ka yunit sang NPA ang ditatsment sang 12thIB kag CAFGU sa Brgy. Pod-pod, Miag-ao, Iloilo.

Nagreakto ang kaaway kag nag-operasyon masunod nga adlaw, petsa 30. Sang mga alas 3 sina nga hapon, ginbira naman sang yunit sang NPA ang kaaway kag isa ka CAFGU nga taga-Daliji, Miag-ao ang napatay. Nagdugang ang pwersa nga nagaoperasyon nga kaaway halin sa 61stIB pasulod mga baryo malapit sa naengkwengtruhan nga lugar. Agosto 1, alas 9 sang aga, ginharas naman sila sang NPA sa may Bato-Labog, sakup sang Brgy. Tigmahan, Miag-ao. Duha ka tropa ang pilason. Sadtong ikatlo nga simana sang Hunyo, ginsunog man sang NPA ang ditatsment sang 61st IB sa Sityo Butuan, Igcabugao, Igba-ras samtang temporaryo nila ini ginbayaan. Isa ini sa ila ginapa-hamtangan sa pagbantay sang kumpanyang Century Peak. Sadtong katapusan nga simana sang Hunyo, ginbanatan man sang NPA ang nagapatrolya nga tropa sang 61stIB bisan gab-i, sa Lomboy, sa may bukid sang Tuy-as, malapit sa Igcabugao, Igbaras. MADUMDUMAN nga halin sang Pebrero asta Hunyo sining tuig, may anom ka mga

harasment nga ginlunsar ang mga yunit sang NPA sa Panay. Anum ang pilason sa kaaway sa ini nga mga aksyon sang mga yunit sang NPA. Ang mga aksyon sang NPA nga pat-ud nakasamad sa mga kaaway ang nagluntad sa Caratagan, Calinog, Iloilo sadtong Mayo 5, kag tatlo ka tropa sang 61stIB ang pilason. Sadtong Abril 19, duha man ka tropa sang 61stIB ang pilason sa harasment sang NPA sa ila ditatsment sa Brgy. Igcabugao, Igbaras, Iloilo nga nagabantay sang kumpanyang Century Peak sadtong Mayo 7. Isa ang pilason sa CAFGU sa Osorio-I, San Remigio, Antique sang ginharas sila sang mga Pulang hangaway sadtong Abril 22. Nagluntad man ang pag-pangharas sang mga NPA sa 61stIB Bravo Coy command post sa Lanag Norte, Tubungan, Iloilo sadtong Abril 17, kag sa CAA ditatsment sa Jayubo, Lambunao,

atlo ang patay kag lima ang pilason sa mga taktikal nga opensiba sang mga yunit sang NPA sa idalom sang Napoleon Tumagtang Command sa nabagatnang Panay kag Jose Percival

Estocada Jr., Command sa sentral Panay sining ulihi nga bahin sang Hulyo asta Agosto 1.

T


Iloilo sadtong Abril 8. Ang CAA ditatsment sa Osorio-I ang ginpu-hag man sang NPA sadtong Peb-rero 26. Sa ini nga mga aksyon militar, wala sang ano man nga kaswalidad sa bahin sang mga yunit sang NPA.

SA PIHAK NGA BAHIN, indi hamak ang pagtago sang militar sang ila mga kaswalidad kag ginasabwag ang mga fake news sa masmidya.

Sa hitabo sa Roose-velt, sa pagtinguha nga tabunan ang 61stIB ang kapyerdihan, ginhulat pa nila nga maggab-i kag pasudlon ang sugat nga salakyan para indi makit-an ang ila kaswalidad. Inoras pa nga nag-agwanta ang mga pilason nga tropa. Samtang nasaksihan naman sang mga pumuluyo ang kamatuoran sang hitabo. Ang ila man mismo tropa ang nakatabinas sa paghambal sa

pila ka pumuluyo sang ila kaswa-lidad.

Sang gin-interbyu sa istas-yon sang radyo, nagapamiriphe gid si Col. Magbalut kag nagpa-hayag nga wala sila kaswalidad, gani wala sang dapat alarmahan.

Ginapasagaid pa gani niya ang istorya nga NPA pa ang may mga kaswalidad.

Sa kaswalidad naman sang kaaway sa Bato-Labog, nakita sang pumuluyo ang duha ka pila-son nga ginaagubay sang mag-agi ang mga tropa sa Brgy. La Consolacion, Miag-ao. Pero pag-

balita sa masmidya sandig man sa impormasyon halin sa militar, nasulpo lang kuno ang armi kag indi pilason sa inaway.

Ginpaggwa naman ni Magbalut nga “may kaswalidad sa NPA bangud sang mga tinulo sang

dugo” sa kon diin man nga lugar sang engkwentro. Ha-yag man si Magbalut nga nagpamahug paagi sa mas-midya nga paigtingon sini ang operasyon militar. Ini makaligad ang pila ka simana nga ginmanipular sang militar kag PNP ang mga pasurender sa Iloilo kag Capiz agud paggwaon nga nagaluya na

ang NPA. Samtang, nagabulsa man sila sang kurakot halin sa mga “benepisyo” nga ginahatag sa mga nagsurender.

Kopya man ni Magbalut ang iya agalon nga si Duterte sa pagpaggwa sang fake news, ka-butigan kag hayag nga pagpa-mahug. #

_______________________________________________________________________________________

Ginsikway sang NDF-Panay ang lokal nga peace talk ni Duterte

Pabalik-balik nga ining mapangtunga nga padihut ang ginsikway sang NDFP kag tanan nga mga pwersa kag istruktura sang NDFP sa mga rehiyon kag mga probinsya sang Pilipinas. Wala bisan isa ka rehiyon ang naengganyo kag natiplang

sang padihut sang reaksyunaryong rehimen nga atu-bangon ang GRP sa rehiyunal, probinsyal, syudad ukon munisipal nga lebel nga makignegosyar sang isa ka kumprehensibo nga solusyon sa armadong kumplikto.

ng proposal ni Duterte nga maghiwat sang lokal nga peace talk sa baylo tani nga padayunon ang negosasyon pangkalinungan nga may mga ginakilala kag nagatindog na nga upisyal nga mga negosyador

sang NDFP isa ka daan kag gasgas na nga taktika kag wala sang bag-o diri. Halos tanan nga nagligad nga mga rehimen nag-gamit man sini nga padihut kon ang mga negosasyon napauntat ukon nasuspende ukon

AConcha Araneta


Ang NDFP-Panay kag tanan nga rebolusyu-naryong pwersa sa rehiyon lubos nagasikway sang ano man nga panawagan sa local peace talk sa mga lokal nga burukrasya ukon anuman nga mga entidad nga gin-bendisyunan sang kontra-kalinungan nga butigon kag pinuno sang pasista nga representante sang nagahari nga sahi sa pungsod.

Nagapabilin nga tampad sa iya agalon nga imperyalistang US, si Duterte wala tuyo nga kon ano man sa paglubad sang ugat nga kabangdanan sang basehan nga problema sang pungsod. Gusto

niya ipabilin ang Pilipinas nga malakolonyal kag malapyudal agud panginpuslan niya, sang iya im-peryalista nga mga agalon kag sumulunod nga naga-hari nga sahi.

Ang halambalanon sang local peace talk sa kamatuoran wala unod nga estoryahanay, nga napa-matud-an sa iya nagabukal, nagapamuyayaw nga baba kag pagkatikalon niya.

Concha Araneta Spokesperson, NDFP- Panay Hulyo 7, 2018

_______________________________________________________________________________________

4,000 ka mga Panayanon nagprotesta batuk kay Duterte

a okasyon sang ikatlo nga SONA sang Hulyo 23, ginsugata si Duterte sang masangkad nga pagpamatuk sang mga pumuluyo halin sa nag-

kalain-lain nga sektor sa isla sang Panay. Tuhay sangsa nagligad nga aksyon protesta

nga masami nagaupdanay kag nagapasakup amo ang magkaalyado nga organisasyon sang mga demokra-tiko kag progresibo nga sektor sa idalom sang Bagong Alyansang Makabayan (Bayan).

Subong, ang aksyon pro-testa nagpakita sang masangkad nga pag-updanay sang anti-Duterte nga pwersa halin sa mga independyente nga mga organi-sasyon sibiko kag relihiyuso, ha-lin sa akademya kag iban pa nga indbidwal. Gani ginhingadlan ni-la nga “United People’s SONA” ang ila pagtingub sa pagprotesta.

Bisan pa sang mabag-yuhon nga panahon, nagaabot sa mga 4,000 ka pumuluyo ang nagbuylog sa mobilisasyon sa idalom sang bandera sang United People’s SONA sa Iloilo City, Roxas City, Capiz kag Kalibo, Aklan. Suno Kay Elmer Forro

sang Bayan-Panay, makasaysa-yan ang pagtipon nga ini sang nagkalain-lain nga grupo para sa pagsikway sang cha-cha ni Du-terte kag batuan ang iya dikta-dura.

Nagtipon sa atubangan sang probinsyal nga kapitolyo sa Iloilo City ang mga 3,000 ka pumuluyo halin sa nagkalain-lain nga sektor. Sa sektor sang sim-bahan, ara ang mga Katoliko: Jaro Archdiocesan Social Action Center; Jaro Archdiocesan Pas-toral Secretariat; Espousal of Lai-ty Parish sang Mandurriao lay workers, Miraculous Medal Pa-rish sang Calumpang; mga semi-

narista sang St. Joseph Regional Seminary upod ang ila Rector; Mill Hill Missionaries sa Mandu-riao; San Jose Placer Parish; Ob-lates of San Agustin kag mga lay workers, Sagrado Corazon de Jesus College; Fr. Robert Ama-lay; Mensa Domini; Daughters of Charity; Carmelite sisters; Domi-nican sisters; Religious of the Assumption Sisters; kag ang Diyos Gugma.

Ara man ang delegasyon sang Iglesia Filipina Indepen-diente (IFI) sa Diosesis sang Iloilo, kag halin sa mga parokya sang Culasi, Ajuy kag Barrio Obrero sa Iloilo City; mga semi-

S


narista sang IFI sa St. Paul’s Theological Seminary sa Guima-ras, kag IFI National Priests Organization. May delegasyon man sang United Church of Christ in the Philippines (UCCP) kag Convention of Philippine Baptist Churches sang mga Christian Baptists.

Nagpasakup man ang mga pamatan-on istudyante halin sa West Visayas State University, ISAT University, Central Philip-pine University (CPU) Youth Act Now, mga propesor kag istud-yante sang University of the Philippines-Visayas, Professors for Peace sang UI Phinma.

Nag-upod man ang Act Teachers Region 6 sang mga tit-ser; ang Alliance of Public Sector Employees bilang organisasyon sang mga empleyado; ang dele-gasyon sang Partido Liberal-Pa-nay; Friends of Boracay; Pintig-Pilipinas; Akbayan; Silent Majo-rity; kag iban pa nga mga propes-yunal.

Ara man ang mga tigla-was sang mga organisasyon sang basehan nga sektor-- KMU sa mga mamumugon, Piston-Panay kag ICADA sa mga drayber, KADAMAY sa mga imol sa syudad, Pamanggas kag Tuman-duk sa sektor sang mga mangu-nguma, kag ang Gabriela sa sektor sang mga kababainhan.

Ara man ang presensya sang pamilya ni Genesis “Tisoy” Argoncillo, tumanduk sang isla sang Bagungon, Concepcion, Iloilo. Si Tisoy napatay sa ka-mot sang kapulisan sa Quezon City. Siya ang ikapito sa 10 nga kota

sang kapulisan sadtong Hunyo 16, nga mangdakop, matapos gindeklarar ni Duterte sadtong Hunyo 13 ang pag-aresto sang mga tambay.

Ginsaysay sang humalam-bal sang lain-lain nga sektor ang walay katumanan nga promisa ni Duterte nga pagbag-o para sa ordinaryo nga pumuluyo; ang labi nga pag-antus bangud sang pag-patuman sang TRAIN; ang bakho sang mga biktima sang pagpa-matay sa mga operasyon kontra-druga, kontra-tambay; kag sing-gitan sa hustisya para sa ila sa paglapas sang ila mga kinama-tarung sa syudad kag ilabi na sa kaumhan. Ginsinggit sang mga pro-tester ang “Kahilwayan, Kata-rungan, Demokrasya!” sa pagpa-matuk nila sa tiranya. Ginapa-matukan man nila ang padihut ni Duterte nga bag-uhon ang konsti-tusyon para sa pederal nga gub-yerno. Ang matuod, kabahin sang iya maniobra nga makumpleto ang pagtukod sang diktadura.

May kultural man nga pasundayag ang amo nga pag-tipon sang pumuluyo. Isa ka effigy ukon paglarawan sang “DuterTRAINmonyo” nga naga-pakita sang pagdalasa ni Duterte sa mga imol bangud sang TRAIN law sini ang ginparada sa syudad sang Iloilo.

Sa Aklan, nangin talalu-pangdon ang pagkundenar sang pumuluyo sa awtokratiko nga pagpasira ni Duterte sa isla sang Boracay. Sa pahayag sang Bayan- Aklan, labi nga nagalala ang gutom kag kawawad-on sang palamugnan sa isla, pagpang-ipit sa mga residente kag mamumu-gon nga nagasinggitan sang hustisya kag nagapangayo sang ayuda.

Sa Capiz, ginpungkoy sang bugok nga itlog ang mana-nanggal nga paglaragway kay Duterte nga nagasuyop sang dugo sang pumuluyo. Ini ang kaangay sa pagpamatay sa mga biktima sa iya mga gyera “kontra-druga”, sundan sa pahina 8…

Effigy nga “DuterTRAINmonyo”


_______________________________________________________________________________________

Ngaa nahamulag kag ginakaugtan sang pumuluyo sa Panay si Duterte

Ang pagtipon naman sang nagka-lain-lain nga pwersa kontra-Duterte sa Pa-nay sa pagkundenar sang kalautan sang re-himeng Duterte sang United People’s SONA satong Hulyo 23 nagpakita sang naga-baskog nga kaakig sang mga pumuluyo sa Panay kay Duterte. Sin-o ang indi maglupok sa kaakig? Ang masunod amo ang pila lang sa kahimuan ni Duterte kon ngaa nagakahamulag kag ginakaugtan siya sang pumuluyo sa isla:

1) pagpatay sang indi magnubo sa 36,000 ka mga trabaho resulta sang pagpasirado sang Boracay. Kwarenta seis porsyento na ini sang kabilugan nga 78,000 ka trabaho nga napatuhaw sa

bilog nga pungsod sang 2017 nga tuman pa gani ka layo sa ginpromisa nga 2 asta 3 ka milyon ka tra-baho kada tuig.

Sa subong nagalubha ang gutom nga kahim-tangan sang mga apektado sang pagpasira. Gin-buyagyag mismo sang lokal nga gubyerno sang Malay, Aklan ang pagwaslik poder sang nas-yunal nga gubyerno, wala nagatupa nga rehabilitasyon sa apektado kag ginaigo sang implasyon sa ila lugar nga nagaabot sa 6.2 porsyento. Wala ginpasulod sang mga otoridad ang Humanitarian Mission para

“oplan kontra-tambay” kag “op-lan kapayapaan”. Suno kay Vicente Jocsing, chairperson sang Pamalakaya-Pa-nay, ginaamat-amat man sila pa-tay subong bangud plano sila pa-halinon sa kilid sang baybay kag suba sang Pan-ay para hatagan ligwa ang ekoturismo nga prog-rama sang probinsya. Masobra 600 ka mga kabala-yan ang plano idemolis sang probinsya.

Nagalapad subong ang anti-Duterte nga pwersa nga naga-hiliugyon pagpamatuk sa rehimeng Duterte kag mga polisiya sini. Sa pa-mulong-pulong sang mga lideres halin sa lain-lain nga grupo, gina-pahayag nila nga indi matuod kag wala nagasalaming sang tunay nga kahimtangan sang nasyon ang mga pahayag ni Duterte. Kundi ara sa ginademanda sang mga pumuluyo nga nagbuylog. #

a bug-os nga pungsod, nahamulag kag ginakangil-aran na sang pumuluyo si Duterte. Ang pagtingub sang mga

50,000 ka pumuluyo sa Manila sang Mayo 1 kag 40,000 subong nga Hulyo, kag linibo-libo pa sa iban nga mga mayor nga kasyudaran sang pungsod nagapakita sang nagalapad kag nagabaskog nga pagpa-matuk sa rehimen.

S

Martsa sa Manila sa okasyon sang SONA


sa mga biktima sa pagpatigayon sang We Are Boracay kag mga alyado sini nga organisasyon sang tinalikdan nga Hunyo 29-30.

Wala pa mag-anu-ano ang dalit sang pag-pasira sang Boracay, ginrekomendar naman sang Department of Tourism Region 6, sadtong Hulyo 10, ang pagpasira man sang mga isla de Gigantes sa sulod sang mga apat ka bulan sa indi maathag nga rason. Kon matabo ini, apektado ang masobra 12,000 ka residente kag iban nga establisyemento nga nagaserbi sa turismo.

2. Padayon ang kontraktwalisasyon nga nagpalubha sang pangabuhian sang mamumu-gon. Gani wala man untat ang pagpahalin sang mga mamumugon sa PLDT, sa Coca-cola, sa sentral sang kalamay sa Passi, kag sa mga SM Mall nga pada-yon man ginaprotestahan sang mga mamumugon sa Iloilo City.

Sa mga may trabaho pa, padayon nga gina-lansang sa manubo nga suhol kag limos lang ang kuno pagpataas sang ahaw P43 pisos sa matag-adlaw nga suhol. Manubo man ang sweldo sang mga empleyado kag mga titser.

3) Ang mga mangunguma nawad-an sang ulumhan bangud sang land use conversion (LUC) sang mga primera klase kag irigado nga mga kadutaan bisan pa may mga CLOA na. Nagakatabo ini sa mga kabanwahanan palibot sang syudad sang Iloilo. Gani nagdugang pa ang mga wala sang tra-baho.

Subong man sini ang nagakalatabo sa pro-binsya sang Capiz bangud sang “no dwell zone” kag

“pagpanglimpyo” sang Pan-ay River. Amo man sa Aklan sa pagpabor sa turismo. Madamo man sang mga mangingisda ang nadulaan sang puluy-an kag palangabuhian.

Nagahana pa ang mga dislokasyon sa mga mangunguma kag tumanduk bangud sang duha ka mega-dam nga tukuron sa sentral Panay. Sining ulihi lang, ginpamatukan na sang mga Tumanduk ang DENR kag lokal nga gubyerno nga pagpugong sa ila sa pagtala-uma sa binukid sang Calinog para mapreserbar ang watershed para kuno sa megadam nga plano tukuron sa Suba sang Jalaur. Wala man alternatibo ang gubyerno kon diin sila magpanguma.

4) Wala nasolbar ang problema sa druga, pagdata sang kiminalidad, korapsyon. Naglala ang problema sa druga sa pihak sang mga pag-pamatay kag pagpriso sang mga konektado sa druga nga kadam-an mga imol.

Nagdata man ang kriminalidad kag pang-kugmat nga nagaigo sang mga imol sa sosyedad sa mga operasyon pareho sang tokhang, tok-gang kag kontra-istambay. Si Genesis “Tisoy”Argoncillo nga taga-Concepcion, Iloilo ang napatay sa brutalidad sang kapulisan sang siya gindakup nga “nagatam-bay” didto sa Quezon City.

Ang dalagku nga mga kriminalidad diri kahi-muan mismo sang Duterte Death Squad (DDS) upod ang mersenaryo nga kapulisan nga nagalaway-laway sa mga padya kag promosyon nga wala sang salab-ton sa layi sa ila mga krimen bangud sang pasalig ni Duterte nga wala sang mapriso nga pulis o pwersa sang gubyerno nga nagatuman sang iya mandu.


Sa Panay, sa halos isa ka bulan halin sang magpungko ang bag-o nga rehiyunal nga direktor sang kapulisan nga si John Bulalacao, masobra 10 na ang nagkalamatay, kag mga 57 na sa Iloilo humalin sang magpungko sa poder si Duterte.

Napamatud-an ang presensya sang DDS sang nagrebenta ang tuyo pagpatay kay PO1 Dorben Acap sang grupo ni PO2 Melvin Mocorro. Nag-sunod lang ini sa hitabo nga pag-asasinar kay Bgy. Kapitan Remia Prevendido Gregori sang Bakhaw, Manduriao kag pagreyd man kay Noel Odicta. Ini sila ginapasuni nga imbolbado sa druga kag gina-angut kay Melvin Odicta kag Richard Prevendido.

Samtang ang iban nga nagluhod ukon nagsaylo na kay Duterte ukon sa Davao Connection ni Paulo Duterte kag Manases Carpio, pareho sang kumpare niya nga si Peter Lim wala na ginatandog. Ini bisan ginhambal ni Duterte sang una nga patyon niya si Peter Lim, oras nga maghugpa ini sa Pilipinas.

Madamo sang wala ginatandog pareho sa mga “negosyante” sa Miag-ao, Iloilo; sa Sibalom, Antique; sa Roxas City, Capiz kag madamo pa nga wala ginhingadlan ni Duterte apang balahuba nga mga drug lord sa Panay. May paglantaw nga nag-saylo na ang mga ini sa Davao Connection nga amo ang nakapa-sulod sang P6.8 bilyunes sang druga nga nag-agi sa Bureau of Customs sa ikatlo na ka hugnat sang pagpasulod sini. Ginabulubanta nga ang una nga nakasulod nga duha ka byahe nagalab-ot sa P24.6 bilyunes.

Maluwas sa druga, halos nahuray-huray naman sang dalagku nga gambling lords ang Panay agud kontrolon ang panahor diri. Nabalahuba na nga ang pagpasirado sang Boracay, tikang sa paghawan agud makasulod ang Galaxy Casino sang bilyonaryo nga taga-Macau, China. Ang pagpatay sa gambling lord nga si Sam Aguilar naangut sa agaway sang poder para makontrolar ang panahor ilabi na ang STL kag iban pa nga numbers game.

Kon kay sin-o ihalad ang “prangkisa” o mas paboran ina bangud kay nagahatag sila sang daku nga remitans. Ginpatay si Sam Aguilar pila lang ka adlaw matapos nga ginbuyagyag ni Sandra Cam, upisyal sang gubyernong Duterte nga ara sa

PAGCOR kag PCSO bilang konektado kuno sa druga ilabi na nga nangin kakumbuya man sadto ni Aguilar si Odicta nga nagtilaw man nga magkontrol sang STL sa probinsya sang Iloilo.

Ginmaninoyan ni Atty. Manases Carpio, uma-gad mismo ni Duterte kag nagtindog nga abugado sang kumpanya ni Aguillar nga Eagle Crest agud magdaug kag mauyatan ang kontrata sang STL sa probinsya sang Iloilo. Nagagwa nga ginlaglag diri si Aguillar pabor sa nagauyat sang teritoryo para sa pasugalan.

Kinaandan na nga areglo sa sindikato sang iligal nga pasugalan nga galatasan o kakumbuya sang mga koronel kag heneral sa probinsyal kag rehiyunal nga kapulisan amo man sang ila kapartner nga mga gobernador kag konggresman samtang ang sa mga kabanwahanan ginahalad sa mga meyor kag sa hepe sang kapulisan.

Nagasugpon man diri ang malubha nga ko-rapsyon sa sulod sang burukrasya kag militar. Gina-kurap ni Duterte ang iya militar paagi sa mga pasa-burno kag mga padya sa mga makapatay sang NPA sadtong pagkadto niya sa hedkwarter sang 301st Brigade sa Dingle sadtong Marso sining tuig. Gina-padihut man sang 3rdID/PA kag PNP ang paltik nga pasurender agud mahugakum nila ang mga kwarta nga kuno batunon sang mga nagsurender.

5) Dugang pa gid nga kahalitan nga gin-dala ni Duterte amo ang pag-implementar sang una hugnat sang TRAIN (Tax Reform Accele-ration and Inclusion) Law umpisa sang Enero 2018. Isa ini sa mga rason sang pagpasaka sa indi mag-nubo sa 20 porsyento sang mga sandigan nga balak-lunon kag balayran sa serbisyo kag nagpataas ang galastuhan sa pagpangabuhi--pagkaon, bulong, ba-


lay, kuryente, tubig, plete, galastuhan sa iskwelahan, kag madamo pa nga balayran.

Ang pletehan nangin P9 halin sa P6.50 ukon 38 porsyento nga pagsaka. Grabe ang pagtimbuok sang presyo sang bugas nga halin sa P27 kada kilo nagtaas sa P40 kada kilo kag kalamay nga halin sa P42 kada kilo nagtaas sa P56 kada kilo. Ang inkam sang mga pumuluyo bisan ang ara sa nahanunga nga sahi ang indi na gid makalagas sa nagatimbuok nga mga galastuhan.

Naghabok naman ang inkam sang rehimen paagi sa TRAIN nga nag-abot sa P33 bilyunes sa una nga kwarto sang 2018. Wala man nagabalik sang husto sa publiko paagi sa subsidyo sa edu-kasyon, ikaayong lawas, kapital sa panguma, kag iban pa. Kundi sa kurakot, galastuhan militar, kag iban pa nga luho sang mga pulitiko.

Nagahana naman ang pagpatuman sang ikaduha nga hugnat sang pagpamuhis nga amo ang TRAIN-2. Sa ini nga padihut, panubuan pa gid sang rehimen ang buhis nga ginakuha sini sa mga korporasyon nga amo tani ang kuhaan bangud dalagku ang ila ganansya. Padayon gihapon ang pagbug-at sang palas-anon sang mga pumuluyo sa pagpamuhis.

6) Nahamulag kag akig ang mga pumu-luyo sa isla kay Duterte bangud sang pagpatu-man sang todo-gyera sa Oplan Kapayapaan kag gin-utas ang peacetalk sang GRP kag NDFP. Indi gusto si Duterte nga maistoryahan ang adyenda sa reporma sa duta, pungsodnon nga industri-yalisasyon kag iban pa nga sosyo-ekononiko ng mga reporma para sa pumuluyo kag ang ugat sang armado nga kumplikto sa pungsod.

Sa Panay, sang pag-deklarar sang rehimen sang todo-gyera sadto Enero 2017, ara ang presensya sang militar kag PNP sa indi magkubos sa 50 ka kabar-yuhanan sa padayon nga operasyon militar sang 301st Brigade sa kumpas sang 3rdID. May pinatay ang 61st IB nga duha ka mangunguma sa

Jebaca, Maayon. Segi ang ila pamahug sa kabaryuhanan, pagpaebakwet kag pagpatuman kurpyu pareho sa Cabatangan, Lambunao.

Asta sining ulihi, padayon ang pangabuso sang militar sa Cuartero. Sige ang ila pagtukod sang ditats-ment sa sulod sang baryo ukon malapit sa matawo nga lugar pareho sang iskwelahan nga ginareklamo sang pumuluyo pareho sa Katipunan, Tapaz. Ang PNP naman ang nagapangreyd kag nagapang-aresto sa mga mangunguma kapin sa lugar nga nagahimakas ang mga mangunguma sa pagtalauma sang kadutaan pareho sa Dumarao, Capiz kag Sara, Iloilo.

7) Nahamulag kag akig man ang mga Panayanon sa pagkatuta ni Duterte sa dumu-luong nga interes. Gintraidoran sini ang pumuluyo sa iya pagpabaya kag pagtugyan sa China sang soberanya sang pungsod sa mga teritoryo sa West Philippine Sea kag padayon nga pagsunod sa kagustuhan kag interes sang US.

Sining ulihi lang, naugot man ang mga pumuluyo diri bangud sang pag-atake ni Duterte sa Simbahan, sa mga lideres sini, asta ang ila ginapa-tihan nga Diyos bilang istupido. Rason man ini ngaa nagdamo pa gid ang nagtalikod kay Duterte.

Sa Panay, sa nagligad nga United People’s SONA, upod sa iban pa nga sektor, nangin mas aktibo ang pagpasakup sang mga relihiyuso sa pag-protesta— ang kaparian, nga madre, seminarista, lider-simbahan sa mga parokya halin sa kubay sang Katoliko, Kristyano, Aglipayano, kag iban nga denominasyon.

Nagasangkad ang kontra-Duterte nga pwersa halin sa halos tanan nga sektor -- ang mamumugon,

drayber, mangunguma, tuman-duk, magagmay nga negosyante, mga propesyunal (abogado, tit-ser, iban pa halin sa kubay sang academe) pamatan-on istud-y a n t e , m g a k u l t u r a l n g a aktibista, lakip ang kababainhan n g a g i n a - p a k a n u b o k a g ginabuyayaw man sang macho-pasista nga Duterte.#


Tumanduk, Nagpiket-protesta kontra sa pagtukod ditatsment sang 61stIB

Masobra 65 ka mga gini-kanan sang mga istudyante sa elementarya kag high school ang nag-upod sa ini nga piket-pro-testa. Sa panahon nga ginalunsar ang protesta, nagpakuribong lang sa ila mga payag sa ditatsment ang mga armi kag CAFGU. Wala sila nagsabat, ukon nag-atubang bisan pa ginabalbal na sila sang mensahe sang mga lider masa.

Mga 20 metros lang ang distansya sang amo nga ditats-ment sa Katipunan Elementary School kag malapit man ang high school, suno sa mga residente. Nagakabalaka gid ang mga pumu-luyo kag ginikanan sa seguridad sang ila mga kabataan. Ini ilabi na sa mga nagaeskwela sa elemen-tarya kag hayskul nga malapit sa ginatukod nga ditatsment sang militar.

Luwas pa sini, 200 metros lang ang distansya sang ditats-ment sa dormitoryo sang mga istudyante. May eksperyensya ang mga kabataan sining karon lang nga may nagatiid-tiid sa ila kon gab-i. Suno kay Roy Giganto, ang nagaakto nga Tsirman sang organisasyon nga Tumanduk nga Nagapangapin sang Duta kag Kabuhi (TUMANDUK), wala sang kaayuhan nga dalhon ang

pagtukod sang ditatsment sa su-lod sang komu-nidad. “Dapat gid nga respetuhon sang mga militar ang tawhanon nga kinamatarung ilabi na gid sang mga kabataan.” Dugang niya nga pahayag.

Para sa mga Tumanduk, ang deployment sang militar sa mga barangay sang Tapaz, kaba-hin sang plano nga punggan ang pagpamatuk sang pumuluyo ba-tuk sa pagpatukod sang megadam sa Suba sang Pan-ay, kag paghi-makas sang mga Tumanduk sa pagpangapin sang ila kadutaan. Nagpanawagan ang Tumanduk nga pahalinon ang mga militar sa ila mga komunidad.

Ginbuyagyag man sang mga Tumanduk nga madamo pa ang wala naresolbar nga mga kaso sang paglapak sang taw-hanon nga kinamatarung ang gin-dulot sang presensya sang militar sa kaumhan. Wala pa nasabat sang militar ang pagkapatay ni Rodelyn Aguirre sadtong 2012 kon sa diin nalukpan siya sang M203 sang militar nga malapit lang nga nakadi-tasment sa ila lugar sa Brgy. Tacayan, Tapaz. Samtang napatay si Pastor Mira-sol sadtong 2015 sang ginstraping

sang militar ang isa ka balay sa Brgy. Nayawan sa amo man nga banwa. Indi na gusto sang mga Tumanduk nga madugangan ang mabiktima sang mga kahalitan militar.

Ang piket-protesta sang mga Tumanduk gin-updan sang Panay Alliance-Karapatan kag may serye naman nga diyalogo sa mga ahensya sang gubyerno, par-tikular sa Department of Social Welfare and Development (DS-WD) kag sa Department of Edu-cation and Culture and Sports (DepEd).

Sa paghinun-anon sang delegasyon sang mga Tumanduk sa DSWD Region 6, ginhambal sini nga dapat masobra sa 500 metros ang distansya sang mga ditatsment ukon kampo sa mga pangpubliko nga pasilidad ka-angay sang eskwelahan.

Suno naman kay Assistant Regional Director Victor de Gra-cia Jr. sang DepEd Region 6, “bisan ano pa ka layo ang ditats-ment kon makatalagam, indi ini maayo kag dapat sayluhon.” Ini ang pahayag ni De Gracia pagkat-apos nagpakig-dayalogo ang mga

ala kahadlok kag pursigido nga ginlunsar sang grupo sang mga

Tumanduk ang pagpiket-protesta sadtong Hulyo 16 batuk sa pagpatindog sang ditatsment sang 61st IB PA malapit sa duha ka pangpubliko nga eskwelahan sa Brgy. Katipunan, Tapaz, Capiz.

W


Tumanduk sa iya upisina sadtong Hulyo 25. Ginpahayag man niya nga talakayon nila upod sa DSWD ang ini nga kaso sa Regional Development Council sa masunod nga bulan.

Suno naman kay Reylan Vergara sang Karapatan, “imbis sa sulod sang komunidad dapat sa gwa sang komunidad ang militar nga kuntani amo ang mag-protehir sa pumuluyo. Sa kahim-tangan nga sa sulod sila daw ginataming lang sang militar ang mga pumuluyo.” Gindugang pa niya, “ang mga eskwelahan gina-

kabig nga sona sang kalinungan. Dapat ipa-hilayo ini sa presensya sang bisan ano man nga armado nga grupo. Kinahanglan pamatu-kan ang pagtukod sang ditatsment sang armi malapit sa eskwela-han.”

Ginsaysay man ni Vergara ang epekto sang madata nga mili-tarisasyon sa Mindanao, rason kon ngaa nagabakwet ang linibo ka mga Lumad kag ginaguba ang ila mga iskwelahan. “Indi na

dapat paghulaton nga may naga-katabo nga kaangay sini bag-o maghulag,” paathag niya.

Gindemanda sang grupo ang gilayon nga pagpahalin sa militar sa ila mga komunidad.#

_______________________________________________________________________________________

ang nagligad lang nga bulan nagpahayag ang Department of Agriculture (DA) Sec. Manny

Piῆol nga bastante ang buffer stock sang bugas diri sa Pilipinas sa sulod sang anum ka bulan.

Buot hambalon, paagi sa NFA may stock nga bugas. Sang nagligad lang nga kaagahon suno sa isa ka istasyunan sang radio, sa paglibot nila sa mayor nga tyenda sang Iloilo, halos wala sila sang nakita nga may ginabaligya nga NFA nga bugas. Kundi lunsay lang mga komersyal nga bugas sang mga rice traders, kon sa diin mataas ang presyo sini ikumparar sa iya tani sang NFA.

Sang ginpamangkot ang isa ka manugba-ligya, nakatabinas siya sa pagsabat nga ina tungod ginakumpra man gali sang mga dalagku nga rice trader ang NFA nga bugas kag ibaligya bilang komersyal nga bugas sa mas mataas nga presyo.

Tsk! Tsk! Tsk! Indi gid makatabang ang NFA!

* * * Ginalimitahan gani sang NFA ang pagdala-

wat nila palay sang mangunguma sa mas mataas nga

presyo. Kundi makapagusto pa gid ang mga monopolyo sa bugas ukon rice cartel pataas sa presyo kapin subong nga tigkiriwi.

Samtang, papel tani sangNFA subong ang pagpadagsa sang barato nga bugas para may dalaga-nan man ang imol nga bulubahado nga bugas. Uga-ling kay kunsabo man ang NFA sa importasyon sang bugas sa luwas sang rice cartel nga amo man ang nagatago sang bugas para mamanipular ang presyo.

Dayon man drama ni Digong, kuno may gin-tawgan dayon siya nga cartel sang bugas kag gin-warningan, nga indi magtago sang bugas.

Abaaa! Hmp! Indi ka hero, Digong. Buking ka na, segi man gani ang polisiya mo

nga importasyon kag ismagling sa bugas para sa ila dalagku nga ganansya.

* * * May bag-o naman nga padihut ang PNP-

Region 6 kaangut sa kampanya kontra-kriminali-dad— ang “Oplan Clean Riders.” Hatagan kuno sang istiker sang PNP ang mga motorsiklo nga nausisa na ang kredensyal sang mga ini kag lehitimo ang tag-iya kag papeles. Para kuno nga kon maglabay sa tsekpoynt, kon makita lang ang istiker, wala na sang damo nga kuskos-balungos… lusot ka dayon sa tsekpoynt!

A L I P A L O K

S


Aba! ti, kon mga katapu abi sang DDS ukon Duterte Death Squad, ang nagasakay sa panapot nga simple lang nga sibilyan, kay may istiker ang iya motorsiklo, madasig sila makapalagyo sa krimen, eh! Ti, ano, kontra-kriminalidad kag paglagas gid man sang “riding on tandem” ang “oplan Clean Riders”? Hambal ni Tay Osting: “para sa mga kri-minal nga tinawo ni Digong nga makalusot dayon, para indi na mabalahuba nga pulis man gali ang kriminal!” Angay bala kay Mocorro nga pulis nga nagtira man sa pulis nga si Acap.

* * * Padayon nga nagainit ang pamulitika sa

Iloilo. Ang makaluluoy lang galing ang mga job-hire kag mga kaswal sa city hall tungod nabiktima sila sang maniobrahanay sa tunga nanday Mayor J. Es-pinosa kag Cong. J. Trenas nga puro may ambisyon.

Tubtub subong padayon ang pagpang-ilis ni Mayor J. Espinosa sa malapit na isa ka gatos nga job hire kag kaswal nga tumod nga mga tinawo ni Cong. J. Trenas.

Sige man ang higtanay sa mga kapitanes ilabi na sa nagapadalagan sa liga sang mga barangay. Binalita sa radyo ang kinamog sang tawo ni Espinosa batuk sa tawo man ni Trenas sa miting sang mga liga sang mga barangay.

Kon ngaa maisog si Espinosa magsungay kay Trenas, ina kay sa likud niya ang mga Villar nga nagadumot man kay Trenas kay gin-pangkwartahan lang niya ang mga Villar sadtong nagliligad nga eleksyon.

Pat-ud nga magalala pa ini sa nagahilapit na nga piniliay kay nagagilinutok ang mga pulitiko sa baroto ni Digong kag madugangan pa gid ang ipanikwang sini sa tubig kon taga-Iloilo nga linyada ang pagahambalan.

Ay, may mamangkot kon ano ang “burukrata kapitalismo?” Amo ina, ang paggamit sang poder para magpadugang sang manggad, korapsyon, dinastiya nga indi maghalin sa poder, pagtindog nga

patron sa “pagbulig” sa pumuluyo kag paggwaon nga may kabalaslan pa ang tawo sa iya…

‘Nannn, amo ran! Simple pa lang ini nga dag-way ang maniobrahanay sa Iloilo City.

Pensara bala kon sa bilog na nga Pilipinas! Amo na kon ngaa si Digong gusto magsolo sang po-der bilang diktador para magmanggad pa gid ang iya pamilya kag paksyon.

* * *

Siling ni Duterte kag pikoy nga tagpamaba, si Roque, 3,700 na lang ang NPA. Siling ni Lorenzana, may nagsurender nga 4,000! Tapos, gulpe lang may report, may sobra 7,000 naman ang nagsurender!

Resto pa ang NPA sang masobra 3,300. Pinalagpat lang sila!

Gamay na lang man gali ang NPA, pero ginapaggwa ni Duterte nga ibagsak siya sang CPP-NPA sa Oktubre 2018! Ina kay gusto lang ni Digong himuon tapalan ang CPP-NPA sa pagdeklarar sang layi militar sa bug-os nga pungsod para sa “kontra-terorismo.” Otro naman nga kabutigan!

* * * Ang tuod, ginhuman na ang pederal nga

konstitusyon ukon cha-cha kag iduso gid ni Digong. Suno sa tunay nga mga demokratiko nga abogado, ang unod sining pederal nga konstitusyon naga-pasugot nga makagamit si Digong sang diktatoryal nga poder!

Amo na kon ngaa ginabatuan ini sang malapad nga pumuluyo.

Kaangut sini, ginakasa ni Digong nga i-martial law ang bug-os nga pungsod agud lupigon ang pagba-to sang malapad nga masa sa pasista nga paghari niya. Diri, himuon niya nga tapalan ang CPP-NPA sa iya pag-martial law bangud sa pamahug sang “terorismo kag distabilisasyon.” Wala gid kinalis sa iya idolo nga si Marcos!

Tuso! Pero sa tutuo lang, si Digong mismo amo

ang nagadistabilisa sang iya kaugalingon nga rehimen.


Diin makadto ang pagpaantus kag paglupig niya sa mga pumuluyo?

S’yempre, mabato ang pumuluyo, kag ina ang makita naton sa matag-adlaw nga hitabo.

Indi mahimo sang CPP-NPA nga silahanon lang ang magbagsak kay Duterte. Kundi ang kasaysayan nagpakita nga mag-upod ini sa tingub nga kusog sang pumuluyo, kag ang pagdula sang suporta sang mga upisyal sang AFP kag PNP kay Digong ang makapa-bagsak sa iya.

Natabo na ini kanday Marcos kag Estrada.

* * * Ginapanan-aw naman ina ni Digong. Gani

gusto niya nga pabaskugon ang iya alyansa sa iban nga reaksyunaryo.

Pinakaulihi, ang pagpasulabi niya kay Gloria nga mangin ispeker sa Kamara de Representante kag ginkudeta si Pantaleon Alvarez. Isa sa mga lantaw ni

Digong, mas makontrol niya ang Korte Suprema kay duro pa dira gin-appoint si Gloria.

Kon ano man nga kabuangan niya ang paapru-bahan sa Korte Suprema, pareho sang paglawig sang layi militar, kag iban pa, tandu-tando na lang ini kay maimpluwensyahan man ni Gloria kag ginpahalin na si CJ Sereno.

Pero mas damo si Digong sang ginaguba, sangsa ginabalay nga alyansa para sa kaugalingon. Nagatukod man sang mga paksyon-paksyon sa sulod sang kongreso, pati PDP-Laban may nagasi-pak na.

Isa pa, akig ang pumuluyo kay Gloria duro siya pinamatay kag mga gindukot nga wala pa nakita sa subong.

Nagdamo sang isyu ang pumuluyo nga ipus-dak kay Digong. Pati higko kag damulit ni Gloria kag sang mga Marcos, saluron naman niya! #

agamit man ang kahoy nga Bita bilang herbal nga bulong sa hilanat. Lagaon lang ang mala nga dahon sa isa

ka baso nga tubig. Dugangan sang tubig para ma;-ngin isa ka baso liwat. Ipainom ang duha ka kutsara tatlo ka beses kada adlaw.

Pwede man nga pulbuson ang panit sang kahoy kag pabukalan ang duha ka kutsara sang napulbos nga panit sa duha ka baso nga tubig. Butangan liwat sang tubig para mangin duha ka baso. Ipainom ang duha ka kutsara tatlo ka beses sa isa ka adlaw.

Magamit man ang Bita nga bulong sa bali kag mga lagob. Magkuha sang preska nga dahon, dukdukon kag ibutang sa matinlo nga tela. Ihampol sa apek-tado nga bahin.

Kon may paso ukon pugsa, magkuha sang duga ukon tagok kag ipahid sa apektado nga bahin.#

M E D I K A L

KAHOY NGA BITA

M


DIGONG BUANG ni Ka Bai

(kanta sa tuno nga “May Pulis sa Idalom sang Tulay”)

May buang, may buang nga nagapungko sa Malakanyang May buang, may buang nga nagapungko sa Malakanyang May buang, may buang, may buang, may buang Nga nagapungko sa Malakanyang

Si Digong ang ngalan sang buang nga nagapungko sa Malakanyang, si Digong ang ngalan sang buang nga nagapungko sa Malakanyang si Digong, si Digong, si Digong, si Digong sng ngalan sang Buang nga nagapungko sa Malakanyang

Nagbuhi sang Tokhang si Digong nga buang nga nagapungko sa Malakanyang, nagbuhi sang Tokhang si Digong nga Buang nga nagapungko sa Malakanyang Nagbuhi sang Tokhang, nagbuhi sang Tokhang Nagbuhi sang Tokhang si Digong nga Buang Nga nagapungko sa Malakanyang

Nagbalik kay Digong nga Buang ang Tokhang nga iya ginbuy-an, nagbalik kay Digong nga Buang ang Tokhang nga iya ginbuy-an, nagbalik, nagbalik, nagbalik, nagbalik Nagbalik kay Digong nga Buang ang Tokhang sa Malakanyang

Nagmakot ang akig kay Digong nga Buang sang mga katawhan, nagmakot ang akig kay Digong nga Buang sang mga katawhan Nagmakot, nagmakot, nagmakot, nagmakot Nagmakot ang akig kay Digong nga Buang sang mga katawhan

Ang mga katawhan nag-alsa kontra kay Digong nga buang, ang mga katawhan nag-alsa kontra kay Digong nga Buang, ang mga katawhan, ang mga katawhan Ang mga katawhan nag-alsa kontra kay Digong nga Buang

Ginhaboy sa dagat si Digong nga Buang gikan sa Malakanyang, ginhaboy sa dagat si Digong nga Buang gikan sa Malakanyang sang mga katawhan Ginhaboy, ginhaboy, ginhaboy, ginhaboy Ginhaboy sa dagat si Digong nga Buang gikan sa Malakanyang sang mga katawhan

Kultural

Documents

Labi nga palaparon kag pabaskugon ang kontra-Duterte nga ......21, mga 1:40 sang hapon. Antes sini, sadtong Hulyo 17, alas 4:30 sang kaagahon, gin-haras sang NPA ang ditatsment sang