Upload
others
View
3
Download
0
Embed Size (px)
Citation preview
MS ritgerð Stjórnun og stefnumótun
Notarlegt spjall eða raunverulegur ávinningur?
Íris Ösp Bergþórsdóttir
Gylfi Dalmann Aðalsteinsson
Viðskiptafræðideild
Maí 2013
Notarlegt spjall eða raunverulegur ávinningur?
Íris Ösp Bergþórsdóttir
Lokaverkefni til MS-‐gráðu í viðskiptafræði
Leiðbeinandi: Gylfi Dalmann Aðalsteinsson
Viðskiptafræðideild
Félagsvísindasvið Háskóla Íslands
Maí 2013
3
Notarlegt spjall eða raunverulegur ávinningur?
Ritgerð þessi er 30 eininga lokaverkefni til MS prófs við
Viðskiptafræðideild, Félagsvísindasvið Háskóla Íslands.
© 2013 Íris Ösp Bergþórsdóttir
Ritgerðina má ekki afrita nema með leyfi höfundar.
Prentun: Háskólaprentun
Reykjavík, 2013
4
Formáli
Ritgerð þessi er lokaverkefni mitt í meistaranámi í stjórnun og stefnumótun við
Viðskiptafræðideild Háskóla Íslands. Ritgerðin er metin til 30 ECTS eininga.
Leiðbeinanda mínum, Gylfa Dalmann Aðalsteinssyni, dósent við Háskóla Íslands, vil ég
þakka aðstoðina og þolinmæðina við gerða ritgerðarinnar. Óhætt er að segja að
verkefnið hafi staðið lengi yfir en fyrstu drög hófust árið 2006. Ekki svo að skilja að
ritgerðarskrif hafi staðið yfir í öll þessi ár en ritgerðin hefur vissulega verið ofarlega í
huga mínum þennan tíma, og þá sérílagi sú staðreynd að henni þyrfti að ljúka. Nú er
þeim áfanga loks náð.
Þátttakendur í rýnihópunum fá kærar þakkir fyrir góðar umræður og gagnlegar
athugasemdir um málefnið, einnig vil ég þakka starfsmönnum á mannauðssviði
fyrirtækisins fyrir aðstoðina. Öðrum viðmælendum vil ég þakka góðar móttökur og
gagnlegar ábendingar. Jafnframt vil ég þakka Sverri Friðþjófssyni fyrir yfirlesturinn. Að
lokum er það von mín að rannsóknin leggi eitthvað að mörkum við að auka skilning
okkar á því áhugaverða en oft erfiða verkefni að hvetja starfsmenn í störfum sínum.
Reykjavík, 3. maí 2013
Íris Ösp Bergþórsdóttir
5
Útdráttur
Í þessari rannsókn eru tekin fyrir frammistöðusamtöl. Farið er yfir framvindu samtalanna
í einu af stærri fjármálafyrirtækjum Íslands í dag. Með rannsókninni er gerð tilraun til að
varpa ljósi á ferli frammistöðusamtala innan fyrirtækisins auk þess sem rætt er við bæði
stjórnendur og starfsmenn til að öðlast sýn á skoðunum og viðhorfi þeirra til
frammistöðusamtalanna.
Í rannsókninni er leitast við að fá svör við helstu kostum og göllum
frammistöðusamtala, hvort rétt sé að notast við stöðluð form og hvert viðhorf
starfsmanna er til þess að niðurstöðurnar séu geymdar miðlægt hjá mannauðsdeild
fyrirtækisins. Skoðað er hvort mannlegi þáttur samtalanna sé að hverfa og hvort gæta
þurfi að því að láta það ekki gerast.
Notast var við eigindlegar rannsóknaraðferðir. Talað var við viðmælendur sem gátu
skýrt frá sögulegri framvindu mála innan fyrirtækisins og notaðir voru rýnihópar til að fá
innsýn í skoðanir fólks á frammistöðusamtölum, hvernig væri að nota þau og hvernig
væri að fara í slík samtöl. Einnig voru samtölin skoðuð út frá bæði stjórnendum en eins
út frá sjónarmiði starfsmanna og var þetta gert með því að búa til tvo rýnihópa.
Farið er ýtarlega yfir frammistöðusamtalsferlið hjá fyrirtækinu sem rannsakað var og
er greint frá eyðublöðum sem þar eru notuð ásamt ýmsum öðrum gögnum sem
fyrirtækið notar í sambandi við frammistöðusamtöl hjá sér.
Niðurstöðurnar benda til þess að samtölin eigi rétt á sér og ætti að halda þeim áfram,
flestir hvort sem þeir voru í stjórnendahópnum eða starfsmannahópnum höfðu jákvæða
reynslu af frammistöðusamtölum. Aðaláherslu þarf að leggja á að kynna fyrir bæði
stjórnendum og starfsmönnum hver tilgangurinn með frammistöðusamtölunum er.
Niðurstöðurnar sýndu einnig að ef safna á niðurstöðum saman miðlægt þarf að kynna
mjög vel hver ávinningurinn sé af því.
6
Efnisyfirlit
Formáli ........................................................................................................................... 4 Útdráttur ........................................................................................................................ 5 Efnisyfirlit ....................................................................................................................... 6 Myndaskrá ...................................................................................................................... 8 Töfluskrá ......................................................................................................................... 9 Inngangur ..................................................................................................................... 10 1 Fræðileg umfjöllun ................................................................................................. 13
1.1 Söguleg framvinda ...................................................................................... 13
1.2 Mannauðsstjórnun ...................................................................................... 15
1.3 Stjórnendur – millistjórnendur ................................................................... 18 1.3.1 Hin ýmsu hlutverk stjórnenda .............................................................. 18
1.3.2 Stjórnandinn sjálfur .............................................................................. 20
2 Hvatning ................................................................................................................. 22
2.1 Ytri hvatning ................................................................................................ 23
2.2 Innri hvatning .............................................................................................. 24 3 Árangur ................................................................................................................... 26 4 Frammistöðustjórnun ............................................................................................. 27
4.1 Frammistöðumat -‐ frammistöðusamtal ...................................................... 27
4.2 Undirbúningur stjórnenda fyrir samtalið .................................................... 28
4.3 Samtalið ...................................................................................................... 29 4.3.1 Villur í einkunnargjöf ............................................................................ 30
4.3.1.1 Nýleiki (recency effect) ................................................................... 30
4.3.1.2 Geislabaugsáhrif (halo effect) ......................................................... 31
4.3.1.3 Miðsækni (central tendency error) ................................................. 31
4.3.1.4 Eignunarvillur (casual attribution error) ......................................... 31
4.3.1.5 Of strangur eða of eftirgefanlegur ( severity and leniency error) ... 32
4.4 Endurgjöf ..................................................................................................... 32
4.5 Gagnrýni á frammistöðusamtöl .................................................................. 33 5 Fyrirtækið ............................................................................................................... 35
5.1 Starfsmannastefna ...................................................................................... 35
5.2 Saga fyrirtækisins ........................................................................................ 36
7
5.3 Söguleg framvinda frammistöðusamtala hjá fyrirtækinu ........................... 36 6 Frammistöðusamtöl innan fyrirtækisins ................................................................ 38
6.1 Frammistöðusamtöl – ferlið ........................................................................ 38
6.2 Hæfnisþættir ............................................................................................... 42
6.3 Einkunnargjöf .............................................................................................. 44
6.4 Þjálfun ......................................................................................................... 46 7 Aðferðafræði rannsóknar ....................................................................................... 48
7.1 Markmið og aðferðir ................................................................................... 48
7.2 Rannsóknarspurningar ................................................................................ 48
7.3 Eigindlegar rannsóknaraðferðir .................................................................. 49 7.3.1 Rýnihópar ............................................................................................. 49
7.3.2 Gögnin .................................................................................................. 50
8 Niðurstöður ............................................................................................................ 51
8.1 Samtölin ...................................................................................................... 51
8.2 Stöðluð eyðublöð – kostir og gallar ............................................................ 56
8.3 Aðkoma mannauðsdeildar .......................................................................... 61 9 Umræða ................................................................................................................. 64
9.1 Viðhorf starfsmanna og stjórnenda til frammistöðusamtala ...................... 64
9.2 Tilgangur og markmið ................................................................................. 66
9.3 Stöðluð frammistöðusamtöl og miðlægt utanumhald ................................ 67 10 Lokaorð ................................................................................................................... 69 Heimildaskrá ................................................................................................................. 71 11 Viðauki .................................................................................................................... 77
11.1 Frammistöðumat – stjórnendur .................................................................. 78
11.2 Frammistöðumat – starfsmenn .................................................................. 80
11.3 Forsíðan ...................................................................................................... 82
11.4 Styrkleikaeyðublaðið ................................................................................... 83
11.5 Markmiðasetning og starfsþróunaráætlun – eyðublað .............................. 84
11.6 Aukaspurningar til stjórnenda .................................................................... 85
11.7 Heildarniðurstöðuskjal mannauðsdeildar ................................................... 86
11.8 Dæmi um dagbók stjórnenda ..................................................................... 88
8
Myndaskrá
Mynd 1: Líkan Michiganhópsins ....................................................................................... 15
Mynd 2: Harvard líkanið ................................................................................................... 16
Mynd 3: Hugmyndafræði og aðferðir mannauðsstjórnunar ........................................... 17
Mynd 4: Hlutverk stjórnandans ....................................................................................... 19
Mynd 5: Þarfapýramídi Maslows ..................................................................................... 25
Mynd 6: Ferli mannauðsdeildar ...................................................................................... 38
Mynd 7: Dæmi um hæfnisþætti sem hægt er að velja burt ............................................ 39
Mynd 8: Ferli stjórnenda ................................................................................................. 39
Mynd 9: Ferli starfsmanns ............................................................................................... 39
Mynd 10: Ferli stjórnenda ............................................................................................... 40
Mynd 11: Ferli skjala yfir í heildarniðurstöðuskjal ........................................................... 42
Mynd 12: Hæfnisþættir stjórnenda hjá fyrirtækinu ......................................................... 43
Mynd 13: Hæfnisþættir starfsmanna hjá fyrirtækinu ...................................................... 44
9
Töfluskrá
Tafla 1: Eiginleikar stjórnenda sem áhrif hafa á árangur þeirra í starfi .......................... 21
Tafla 2: Matskvarði: skilgreiningar .................................................................................. 45
10
Inngangur
Við verjum flest stórum hluta ævi okkar í vinnu. Störfin eru margvísleg og misjafnt hvort
þau reyni á okkur líkamlega eða andlega. Öll eru þessi störf hinsvegar mikilvægir hlekkir
í þjóðfélagi okkar og saman gera þau okkur að þeirri þjóð sem við erum. Þrátt fyrir það
hversu margvísleg störf okkar eru og hversu ólík við erum sem vinnum þessi störf eigum
við ýmislegt sameiginlegt. Við viljum til að mynda flest fá viðurkenningu fyrir störf
okkar með einhverju móti. Rannsóknir hafa sýnt að það eru ekki launin sem lenda í
fyrsta sæti þegar metnir eru þeir þættir sem okkur þykja mikilvægastir heldur er þetta
sambland af innri þörfum og ytri hvötum.
Fyrirtæki eru flest á samkeppnismarkaði og þurfa að skapa sér forskot með
einhverjum hætti. Mikilvægt er að þekkja mannauð fyrirtækisins til að geta hagað
hvatningu til starfsmanna í takt við þarfir og væntingar þeirra. Fyrirtækin eru
starfsfólkið og ræðst því árangur þess af því starfsfólki sem hjá fyrirtækinu starfar.
Mikill hraði og örar breytingar sem einkenna viðskiptaumhverfið gerir það að verkum
að miklar kröfur eru gerðar til starfsmanna. Stjórnendur eru undir miklu álagi að skila
verkum vel unnum og á tilsettnum tíma en auk þessa bera þeir einnig ábyrgð á þáttum
sem snúa að starfsmönnum þeirra. Það er því margt sem mæðir á stjórnendum. Á
undanförnum áratugum hefur mikil viðhorfsbreyting orðið á því hvernig litið er á hina
vinnandi stétt. Hér áður fyrr var einungis litið á starfsmenn sem vinnuafl og í mörgum
tilvikum var þetta ódýrt vinnuafl, ekki þurfti að sinna starfsmönnum neitt sérstaklega
eða taka eitthvað tillit til væntinga þeirra. Í dag er þetta hugarfar breytt í hinum
vestræna heimi. Nú er litið á starfsmenn sem mannauð og er horft í þau verðmæti sem
felast í þekkingu og reynslu starfsmanna.
Í dag eru sífellt fleiri fyrirtæki sem gera sér grein fyrir því að laun eru ekki eini
áhrifavaldurinn í vali starfsmanna á því hvort þeir vinni hjá fyrirtækinu, nú er áhersla
lögð á að starfsmenn séu ánægðir í störfum sínum og stjórnendum gert að beita
hvatningu til að halda hæfum og góðum starfsmönnum. Ef starfsmenn eru ánægðir í
störfum sínum og upplifa að á þá sé hlustað, þeir njóti virðingar og hafi tækifæri til að
þróast og takast á við spennandi og krefjanadi verkefni eru auknar líkur á að fyrirtækið
nái árangri á sínu sviði. Fyrirtæki sem hefur ánægt starfsfólk er líklegara til að halda
11
starfsmönnum sínum lengur og skapa með því góðan starfsanda sem stuðlar að því að
hæfara starfsfólk sækir um.
Ánægja stafsmanna ræðst ekki af einhverjum einum einföldum þætti heldur er um
flókið samspil ýmissa þátta að ræða. Einn sá þáttur sem hinsvegar hefur mikið vægi er
samspil starfsmanns og stjórnenda hans. Það hvort þetta samspil er gott eða slæmt
ræður stærstum þætti í ákvörðun starfsmanns um að halda tryggð við fyrirækið eða
ekki. Því er mikilvægt að þjálfa upp hæfa og rétt hugsandi stjórnendur. Hér spila
frammistöðusamtöl stóran þátt en samtölin eru í mörgum fyrirtækjum fastur þáttur þar
sem hlutverk stjórnenda er að efla starfsmenn sína og vinna með þeim að því að bæta
frammistöðu þeirra. Mikilvægt er að geta nýtt þennan vettvang til að ræða mikilvæg
mál við starfsmanninn og gera það sem hægt er til að hvetja hann í þeim verkefnum sem
að honum snúa.
Rannsókn þessi er gerð til að varpa ljósi á viðhorf bæði starfsmanna og stjórnenda til
þessara samtala. Rannsakandinn hefur nú til margra ára starfað að mannauðsmálum
þar sem samskipti stjórnenda og starfsmanna eru dagleg viðfangsefni. Rannsakandi
hefur í störfum sínum séð með eigin augum hversu mikilvægt er að ná og viðhalda góðu
sambandi milli stjórnanda og starfsmanna. Allir þeir þættir sem áhrif hafa á hegðun eru
rannsakanda sérlega hugleikin og hvernig hægt er að laða fram það besta í fólki með
réttri hvatningu og innsýn inn í væntingar starfsmanna. Í fræðilegum aðstæðum er
samband hegðunar og afleiðinga mjög skýrt en málin flækjast mjög þegar út í
raunveruleikan er komið. Stjórnendur hafa í frammistöðusamtölum gríðargott tækifæri
á því að öðlast þá þekkingu sem þarf til að geta beitt réttum hvötum á hvern og einn
starfsmann. Því er mikilvægt að stjórnendur átti sig á hversu mikilvægt tól
frammistöðusamtöl eru og nýti sér þau sem allra best. Rannsóknin sem hér verður
greint frá fjallar um feril frammistöðumats hjá fyrirtækinu og hvert viðhorf bæði
starfsmanna og stjórnenda til samtalanna er. Leitað verður svara við eftirfarandi
rannsóknarspurningum:
• Er munur á viðhorfi starfsmanna og stjórnenda til frammistöðusamtala?
• Er skýrt innan fyrirtækisins hver tilgangur og markmið með
frammistöðusamtölum er?
12
• Hvaða skoðanir hafa starfsmenn og stjórnendur á stöðluðum
frammistöðusamtölum og miðlægu utanumhaldi mannauðsdeildarinnar um
gögnin?
Ritgerðin skiptist í níu kafla auk inngangs. Í fyrsta kafla er fræðileg umfjöllun um
sögulega framvindu mannauðsstjórnunar og ýmsar kenningar um stjórnendur skoðaðar.
Í öðrum kafla eru skoðaðar kenningar um hvatninu og tekin er fyrir bæði innri hvatning
og ytri hvatning. Í þriðja kafla er fjallað um árangur og eru kenningar Aubrey Daniels
skoðaðar þar ásamt fleiri kenningum. Í fjórða kafla er frammistöðustjórnun gerð ítarleg
skil og farið er yfir helstu þætti sem snúa að samtölunum. Undirbúningur stjórnenda er
skoðaður ásamt samtalinu sjálfu og öllum þeim villum sem hægt er að gera við
einkunnargjöf. Hér er auk þess skoðuð gagnrýni á frammistöðusamöl. Í fimmta kafla er
greint frá fyrirtækinu sem rannsóknin fór fram í og í sjötta kafla er greint ítarlega frá ferli
frammistöðusamtala hjá fyrirtækinu. Í sjöunda kafla er aðferðafræði rannsóknarinnar
kynnt og í áttunda kafla eru niðurstöður rannsóknarinnar. Níundi kafli heldur utan um
umræðu rannsakanda um niðurstöður rannsóknarinnar.
13
1 Fræðileg umfjöllun
1.1 Söguleg framvinda Til að átta sig á sögulegri framvindu þess að í dag sé það eðlilegur og oft órjúfanlegur
þáttur í vinnuumhverfi að starfsmenn fari í árlegt frammistöðusamtal þarf að skoða
þróunina á vinnumarkaðnum. Fræðimönnum deilir á um hvort einhver munur sé á því
sem í dag er kallað mannauðsstjórnun og því sem áður var talað um sem
starfsmannastjórnun, en víða er þessum titlum enn ruglað saman og þeir notaðir á víxl
(Beardwell og Claydon, 2007).
Upp úr 1930 urðu breytingar í bandarískum iðnfyrirtækjum sökum aukinnar
samkeppni en í kjölfarið komu fram á sjónarsviðið ýmsar kenningar um stjórnun. Auka
þurfti afköst starfsmanna til að fyrirtækin gætu verið samkeppnishæf.
Kenning Henry Fayols í kringum 1916 sem kölluð er hin klassíska stjórnunarkenning
(The universal process approach), byggir á tveimur megin kenningum, önnur er sú að
þrátt fyrir ólíkan tilgang fyrirtækja þurfa öll fyrirtæki sama stjórnendalega grunninn hin
snýr að því að Fayol taldi að hægt væri að skipta störfum stjórnenda í nokkra þætti:
áætlanir, skipulagningu, fyrirmæli, samræmingu og að lokum eftirlit (Furnham, 2005;
Morgan, 1997). Hér er kominn fyrsti vísirinn af því að skilgreina störf stjórnenda og er
enn í dag stuðst við þessa þáttaskiptingu Fayols. Hinsvegar er hér einnig talið að
grunnur að valdskipulagi og miðstýringu sé kominn (Boddy, 2002; Morgan, 1997).
Fredrick W. Taylor kom fram árið 1911 með bókina Principles of Sientific
Management og lagði í henni grunnin að hugmyndum sínum um stjórnun og vinnuafl. Í
kenningu hans var litið á starfsmenn sem kostnaðarþátt í rekstrinum og vann hann að
því að lágmarka kostnað og hámarka skilvirkni, þetta gerði hann með nákvæmum
mælingum á störfum starfsmanna. Skipulagning og ábyrgð var í höndum stjórnenda en
starfsmenn áttu að vinna vinnuna (Furnham, 2005; Morgan, 1997). Nálgun Taylors var
mjög vélræn og var fylgst náið með starfsmönnum, þetta gerði það að verkum að hann
fékk á sig stimpilinn að vera óvinur starfsmanna (Morgan, 1997). Segja má að hér sé
grunnurinn að árangursmælingum fundinn en ekki var mikið tillit tekið til
starfsmannanna sjálfra eða starfsánægju þeirra.
Í kjölfar kreppunnar og lögbindingar á stéttarfélögum kom fram kenning sem tók
meira á þörfum starfsmanna. Í upphafi var það ráð fyrirtækja að gera sitt til að hafa
14
starfsmenn sátta til að lágmarka líkurnar á að þeir færu til stéttarfélaganna. Á þessum
sama tíma voru sálfræðilegar rannsóknir að ryðja sér til rúms og má þar nefna
Hawthorne rannsóknina sem sýndi fram á að umhverfið hefur minni áhrif á framleiðni
starfsmanna heldur en mannlegar og félagslegar þarfir starfsfólksins (Furnham, 2005;
Morgan, 1997). Framleiðni eykst með ánægðari starfsmönnum. Jákvæð framkoma og
aukin athygli sem starfsmenn fengu skiluðu auknum afköstum og framleiðni. Höfðu
þessar niðurstöður mikil áhrif á það hvernig litið var á stjórnun í framhaldinu (Furnham,
2005; Morgan, 1997). Þessar rannsóknir urðu kveikjan að enn frekari rannsóknum á
árangurshvatningu starfsmanna (Morgan, 1997).
Þarfapýramídi Maslows kom fram árið 1943 og byggir á kenningu hans um að fyrst
þurfi að uppfylla grunnþarfir mannsins sem liggja neðst í pýramídanum áður en hægt er
að fara í þarfir sem liggja ofar (Milkovich og Newman, 2002). Hvatakenningar þróuðust í
kjölfar hugmynda Maslow en í grunnin taka þær á því að menn þurfi hvata til að sækjast
eftir ákveðnum árangri. Þetta þarf fyrirtækið að vera meðvitað um og helst að þekkja
hverjir hvatar starfsmanna eru (Morgan, 1997).
Breytingin hefur því í grófum dráttum verið sú að hér áður var litið á starfsmenn sem
kostnað og komið fram við þá í samræmi við það hugarfar. Hlutverk stjórnenda var að
leita leiða til að hafa framleiðni í hámarki en kostnaðinn í lágmarki. Þegar þróunin
færðist yfir í það sem við í dag köllum mannauðsstjórnun var litið á starfsmenn sem auð
og er því í dag talað um mannauð fyrirtækja. Þetta viðhorf mótar svo stefnu fyrirtækja
og unnið er útfrá þeim skilningi að verið sé að fjárfesta í þekkingu og reynslu
starfsmanna og afköst aukist með aukinni ánægju starfsmanna (Beardwell og Claydon,
2007).
Í hinum harða heimi þar sem samkeppni er mikil er mikilvægt fyrir fyrirtæki að átta
sig á því hvert þeirra samkeppnisforskot sé. Það er samkeppnisforskot sem gerir
fyrirtækjum kleift að vaxa og komast af. Penrose (1995) hélt því fram að hver
starfsmaður væri einstakur, að hans hæfni og þekking væri ólík því sem allir aðrir búa að
og því væri það þessi þekking sem skapar fyrirtækinu sérstöðu. Þessu sé ekki hægt að
líkja eftir með neinu móti. Auðurinn felst í þeirri þekkingu og kunnáttu sem hver og einn
starfsmaður býr yfir og nýtir fyrirtækinu til góðs. Þessar hugmyndir eru undanfari
kenninga um þekkingarfyrirtæki.
15
1.2 Mannauðsstjórnun Hugmyndafræðin að baki mannauðsstjórnunnar er sú að unnið er útfrá því viðhorfi að
starfsmenn séu auður fyrirtækisins og er því áhersla lögð á góða fyrirtækjamenningu þar
sem tilgangurinn er að tryggja hámarksnýtingu mannauðssins (Hendry og Pettigrew,
1990). Mannauðsstjórnun þarf að samræmast heildarstefnu fyrirtækisins svo heildræn
mynd skapist af því sem fyrirtækið er annarsvegar að vinna að og því sem
mannauðurinn er hinsvegar að stefna að. Stefnumiðuð mannauðsstjórnun gengur út á
að hámarka nýtingu mannauðsins (Wright o.fl., 2001). Mannauðsstjórnun er ekki
eitthvað sem hægt er að hafa einangrað í einni deild innan fyrirtækisins heldur þurfa
allir stjórnendur að tileinka sér lykilþætti mannauðsstjórnunnar og beita henni í stjórnun
á sínu fólki (Beardwell og Claydon, 2007)
Tveir hópar fræðimanna komu fram með kenningar um að starfsmenn væru
lykilauðlind í baráttunni um samkeppnisstöðu. Þó báðir hóparnir litu á starfsmenn sem
mannauð voru ólíkar áherslur í kenningum þeirra (Torrington og Hall, 1998). Samkvæmt
líkani sem kennt er við Michigan háskólann er litið svo á að mannauðsstefna og
viðskiptastefna fyrirtækja falli saman og starfsmenn séu lykilframleiðsluþáttur. Mynd 1
sýnir líkan Michiganhópsins af mannausstjórnunarferlinu. Hér er áhersla lögð á notkun
stefnumótandi áætlunargerðar.
Heimild: Hendry & Pettigrew, 1990
Mynd 1: Líkan Michiganhópsins
16
Líkanið snýst um aðgerðaferli þar sem val á rétta starfsmanninum, mat á frammistöðu
hans, þjálfun, þróun og umbun stuðli allt að því að árangur og frammistaða
starfsmannsins verði sem bestur. Niðurstaðan verði svo bætt samkeppnisstaða
fyrirækisins (Storey, 2001).
Samkvæmt því líkani sem kennt er við Harvard er fyrirtækið bandalag þeirra
hagsmunaaðila sem að því koma. Samkvæmt þessu líkani þarf mannauðsstjórnun að
leggja áherslu á jákvæða þætti í fari starfsmanna, s.s. sköpunarkraft þeirra, þekkinguna
og tryggð þeirra við fyrirtækið. Hér er unnið að því að skapa hollustu starfsmanna við
fyrirtækið þó einnig sé litið til þess að halda hagkvæmni í rekstri (Beardwell og Clayton,
2007). Mynd 2 sýnir líkan Harvardshópsins. Hér má sjá að það er talið hlutverk
stjórnenda að velja stefnu og það vinnulag sem best hæfir hverju sinni. Það er í höndum
stjórnenda að sjá um hvatningu og umbun til starfsmanna. Líkanið sýnir einnig að tekið
er mið af fyrirtækjamenningu, innra skipulagi og ólíkum hagsmunum þessara þriggja
hópa, eigenda, starfsmanna og viðskiptavina (Beardwell og Clayton, 2007; Morgan,
1997).
(Beardwell og Claydon, 2007)
Mynd 2: Harvard líkanið
Miklar breytingar hafa orðið frá því að litið var einungis til þess að hámarka afköst
starfsmanna en með tilkomu hugtaka á borð við þekkingarstarfsmenn hefur áhersla á
skilvirkni aukist. Tækninni fleytir áfram og í dag er það þekking starfsmanna sem
17
fyrirtæki sækjast eftir (Morgan, 1997). Samkvæmt Drucker (1982) felst stjórnun fyrst og
fremst í því að eiga samskipti við fólk. Stjórnun beri að líta á sem eina heild sem er
félagslegt fyrirbæri þar sem gildi, hefðir og samfélagið sem unnið er í hafa áhrif. Til þess
að starfsmenn vinni í takt við ríkjandi gildi og stefni að markmiðum fyrirtækisins þarf
tryggð við stjórnendur og hollusta að vera til staðar (Kotter, 1990).
Í upphafi voru starfsmenn í mannauðsmálum aðallega notaðir til að styðja við
aðgerðir í bakvinnslu, sinna lagalegum hliðum starfsmannamála, launagreiðslum og sjá
um viðveru skráningu starfsmanna (Gueutal og Stone, 2005).
Í mannauðsstjórnun er litið svo á að það er fólkið, hæfni þess og þekking sem skapi
virði fyrirtækja. Með mannauðsstjórnun er unnið útfrá þeim forsendum að fólkið sé í
fyrirrúmi og skapa þurfi stefnu innan fyrirtækisins sem hlúi að fólkinu. Samkvæmt
Storey (2001) er hægt að setja hugmyndafræði og aðferðir mannauðsstjórnunnar niður í
4 flokka eins og sjá má á mynd 3.
(Storey, 2001)
Mynd 3: Hugmyndafræði og aðferðir mannauðsstjórnunar
Ráða þarf hæfasta fólkið til starfa og gæta þess að það fái þjálfun, umbun og endurgjöf
við hæfi. Til þess að það sé hægt verður að þjálfa stjórnendur til að vera þátttakendur í
aðgerðum mannauðsstefnunnar. Sífelld endurskoðun á ferlum og störfum gerir
starfsmenn ábyrga og veitir þeim aðhald (Storey, 2001).
Hugmyndafræði og viðhorf
Að það sé mannauðurinn sem
skapi samkeppnisforskot
Leggja áherslu á hollustu starfsmanna en
ekki reglugerðir
Val á réttum starfsmönnum og þróun
þeirra mikilvæg
Gæði stefnumótunar
Mannauðsstjórnun sé hluti af
stefnumótunarferli
Þátttaka æðstu stjórnenda nauðsynleg
Mannauðsstefna og viðskiptastefna vinni
saman
Hlutverk stjórnenda mikilvægt
Þátttaka stjórnenda í ferlinu mikilvæg
Huga vel að því hvernig stjórnendum er
stjórnað
Lykilaðferðir
Stjórnun mannauðs er mikilvægari en að stjórna ferlum og
kerfum
Samþættar aðgerðir við val á starfsfólki, þjálfun,
umbun og þróun
Stöðug endurskoðun á störfum og ferlum ýtir
undir ábyrgð og athafnavald starfsmanna
18
1.3 Stjórnendur – millistjórnendur Stjórnendur gegna lykilhlutverki í að koma mannauðsstefnu á framfæri innan fyrirtækis.
Án þeirra stuðnings og skilnings á málum tengdum mannauð verður lítið úr því að
stefnunni sé framfylgt. Millistjórnendur búa yfir mikilli þekkingu og reynslu af
fyrirtækinu og þekkja vel til, bæði innan fyrirtækisins og meðal starfsmanna (Mair,
2005). Þeir eru bæði í samskiptum við starfsmenn og yfirmenn, það kemur þeim í
lykilstöðu að framfylgja markmiðum og vera í tengslum við daglegan rekstur.
Góð mannauðsstefna verður aldrei nema orð á blaði nema með tilkomu
millistjórnenda. Það hvernig millistjórnendur innleiða stefnuna og framfylgja henni
gagnvart starfsmönnum er lykilatriði í því hvort innleiðing stefnunnar verði árangursrík
(Armstrong, 2009).
Mikla áherslu þarf því að leggja á stjórnendaþjálfun og leiðtogaþjálfun innan
fyrirtækja. Þessi áhersla er sökum þess að uppbygging fyrirtækja byggist á því að
stjórnendur þurfi að sýna fordæmi og vera þeir sem sýni “réttu” starfshættina. Þeim er
borgað fyrir að vera stjórnendur og þeir bera ábyrgð sem stjórnendur. Því er mikilvægt
að þjáfla þá í þeim vinnubrögðum sem ætlast er til að þeir sýni. Geta millistjórnenda til
að framfylgja verkefnum skiptir sköpum (Armstrong, 2009).
1.3.1 Hin ýmsu hlutverk stjórnenda Hlutverk stjórnenda hafa breyst mikið í takt við breytingar á viðhorfum til starfsmanna
og vinnumarkaðarins. Áður má segja að millistjórnendur hefðu það hlutverk helst að
vera boðberar upplýsinga frá æðstu stjórnendum til starfsfólks án þess að hafa mikil
áhrif á hugmyndirnar (Drucker, 1978).
Starf millistjórnenda í dag er kröfuhart starf, hlutverkin eru mörg og ólík og valda í
sumum tilvikum hlutverkatogstreitu. Millistjórnendur þurfa að gegna bæði stöðu
yfirmanns og hlutverki undirmanns, þeir taka þátt í að móta stefnu en eru einnig í
lykilhlutverki við að innleiða stefnur fyrirtækisins (Simons, 1991). Mikil ábyrgð fylgir
starfinu og þegar telja á upp öll verkefni stjórnenda verður listinn æði langur. Ýmsir
fræðimenn hafa greint störf stjórnenda niður og koma þá nokkrir sammerkir þættir í
19
(Mintzberg, 1994)
ljós. Samkvæmt Mintzberg (1994) er hægt að lýsa hlutverkum stjórnenda í stórum
dráttum sem samskiptum. Sjá mynd 4.
Mynd 4: Hlutverk stjórnandans
Margar rannsóknir hafa verið gerðar í þeim tilgangi að kanna mun á stjórnendum og
leiðtogum. Hinn hefðbundni stjórnandi er talinn gera hlutina rétt á meðan leiðtoganum
er ætlað að gera réttu hlutina (Hughes, o.fl. 2006). Mörg verkefni lenda á borði
stjórnenda og þurfa þeir því að kunna að dreifa verkefnum til undirmanna sinna.
Áskorun stjórnenda í framtíðinni er talin vera sú að læra að leiða starfsmenn í stað þess
að stýra þeim. Þetta er hinsvegar erfitt því enn er gerð mikil krafa á stjórnendur að hafa
á takteinum ýmis gögn sem einungis fást með beinni stýringu.
Farsæld stjórnenda ræðst mikið til af því hversu auðvelt þeir eiga með að setja fram
hvaða væntingar þeir hafa til starfsmanna, hvernig þeim tekst til að efla og hvetja þá og
hvernig þeir takast á við að taka erfiðar ákvarðanir ( Kaplan, 2005). Stjórnendur þurfa
að vita hvar styrkleikar þeirra liggja jafnt sem veikleikar. Góð frammistaða byggist á
styrkleikum og þarf því stjórnandi að þekkja helstu styrkleika og veikleika hjá sínum
starfsmönnum.
Stjórnandi sem nær góðum tengslum við starfsmenn sína er líklegri að skapa hollustu
meðal starsmanna. Gagnkvæmt traust og virðing eru lykilþættir í að starfsmenn telja sig
Hlutverk stjórnandans
Samskipti YJirmaður Leiðtogi Tengill
Upplýsingar Tekur við upplýsingum Miðlar upplýsingum
Talsmaður
Ákvarðanir Frumkvöðull Leysa ágreining Samningamaður Dreifa auðlindum
20
metna að verðleikum og er lykilþáttur í því hvort þeir sýni fyrirtækinu hollustu (Bass,
2008). Oft er hollustu beint að einstaklingum en ekki endilega fyrirtækinu.
1.3.2 Stjórnandinn sjálfur Hver það er sem velst í hlutverk stjórnanda er ekki tilviljun. Ýmsir undirliggjandi þættir í
fari stjórnandans eru taldir gera það að verkum að stjórnandi verði árangursríkur í starfi
sínu. Þeir persónuleikaeiginleikar sem stuðla að árangri eru til að mynda sjálfstraust,
sjálfsstjórn og tilfiningarlegur þroski ásamt því að hafa starfsþrek og vera frekar í átt að
úthverfu en innhverfu (Yukl, 2002). Þetta eru þættir sem áhrif hafa á það hvernig
viðkomandi tekur á vandamálum og daglegum samskiptum og móta viðhorf hans.
Mat stjórnenda á því hvaða þættir stuðli að árangri þeirra er hversu mikilli starfsorku
eða eldmóði þeir búi yfir (Collins, 2001). Annar þáttur sem talinn er mikilvægur er sá
hversu mikla trú þeir hafa á hæfileikum, getu og þroska starfsmanna sinna. Þriðji
þátturinn sem talin er upp er það hversu gott þessir stjórnendur eiga með að vera
skapandi, hvetja aðra og veita þeim svigrúm til að vera skapandi í hugsun. Stjórnandinn
metur samvinnu mikils en það er fjórði þátturinn og sá fimmti er heiðarleiki á meðan
sjötti þátturinn sem var fundinn fól í sér jafnvægi milli vinnu og einkalífs. Síðasti
þátturinn náði svo til lærdóms og sjálfsvitundar, hér er gert ráð fyrir að stjórnandinn
noti meðvitað styrkleika sína og læri af reynslunni (Wood og Vilkinas, 2005) . Í töflu 1
má sjá samantekt þessara þátta sem eiga það sammerkt að stjórnendur mátu þá sem
lykilþætti í árangri sínum í starfi.
21
Tafla 1: Eiginleikar stjórnenda sem áhrif hafa á árangur þeirra í starfi
(Wood og Vilkinas, 2005)
Rannsóknir á eiginleikum stjórnenda ber flestum saman um að það séu nokkrir þættir
sem stjórnendur virðast hafa í auknum mæli en helst ber þeim saman um að
megindrifkrafturinn sé mikil áhersla stjórnanda að ná árangri (Wood og Vilkinas, 2005).
Aðrir þættir sem áhrif hafa eru valdsækni sem lýsir sér í löngun til að hafa áhrif. En
einnig er þörfin fyrir viðurkeningu fyrir störf sín og felur hún í sér ákveðna lífsfyllingu
sem hægt er að setja í samhengi við efsta stigið í þarfapýramída Maslow (Morgan,
1997).
Ekki eru allir fræðimenn sammála um að hægt sé að alhæfa um samsvarandi þætti í
stjórnendum en Drucker (2004) taldi stjórnendur ekki nauðsynlega hafa
leiðtogahæfileika, persónutöfra eða vera sérstakir hugsjónarmenn til þess að ná árangri.
Það sem þeir eiga sameiginlegt er að þeir leituðu svara við mikilvægum spurningum um
hvað þurfi að gera og hvað sé rétt gagnvart fyrirtækinu. Þeir unnu útfrá aðgerðaplani og
tóku ábyrgð bæði á ákvörðunum sínum og samskiptum. Í þessu ferli horfðu þeir frekar
til tækifæra en vandamála og stýrðu hópi sínum vel og sköpuðu liðsheild (Drucker,
2004).
22
2 Hvatning
Öll fyrirtæki stefna að því að ná sem mestum árangri á sínum starfsvettvangi.
Mikilvægur þáttur sem stuðlar að velgengi fyrirtækja er að ráða til sín hæft starfsfólk og
halda því. Stjórnendur þurfa því að vera vel meðvitaðir um þarfir og væntingar
starfsmanna sinna og haga hvatningu í takt við þær. Hvatning er því sérlega mikilvægur
þáttur þegar kemur að stjórnun. Í henni felst tæki til að efla starfsmenn með jákvæðri
styrkingu, þegar best lætur getur þetta hjálpað fólki út fyrir þægindaramma þess og gert
því kleift að vinna að málum og lausnum sem þau áður töldu ógerlegt. Í
markmiðasetningu er lögð áhersla á að ná ákveðnum markmiðum. Markmiðin þurfa að
vera skýr, mælanleg og raunhæf. Gæta þarf að því að hafa markmiðin ögrandi en þó
raunhæf því ef of auðvelt er að ná markmiðunum virkar það letjandi (Dubrin, 2007).
Að hvetja aðra og veita þeim viðurkenningu og hrós, telst til jákvæðrar styrkingar
(Dubrin, 2007). Mikið í okkar vinnuumhverfi snýst um þætti sem hægt er að mæla.
Þessir þættir hafa ýmsar birtingamyndir, allt frá stimpilklukku til þess að fá hrós frá
yfirmanni.
Þær kenningar sem stjórnendur nota helst til að ákvarða viðmið um hvernig best sé
að hvetja starfsmenn og þróa eru væntingakenningin (expectancy theory) og
markmiðakenningin (Goal setting theory) (Dubrin, 2007). Hvatning leiðir til aukinna
afkasta starfsmanna. Með aukinni hvatningu innan fyrirtækis eykur stjórnandi ánægju
starfsmanna. Ánægðari starfsmenn eru líklegri til að sýna fyrirtækinu tryggð og eru
lengur í starfi sínu, þeir eru líka líklegri til að taka þátt í verkefnum innan fyrirtækisins
sem styðja við aðra starfsmenn (Yukl, 2002).
Hlutverk stjórnenda og mannauðsdeilda snýst ekki einungis um að ná inn hæfu
starfsfólki heldur er stór hluti vinnu þeirra að halda í þetta hæfa starfsfólk. Til þess að
það gangi eftir þurfa stjórnendur að skilja mikilvægi þess að starfsmenn sjái tilgang með
starfi sínu.
23
2.1 Ytri hvatning Ytri hvatningu er að finna víða í starfsumhverfinu og í starfinu sjálfu. Í kenningum um
ytri hvatningu er gert ráð fyrir að áhugi starfsmanns á að standa sig vel ráðist af því
hvort honum sé umbunað fyrir æskilega hegðun eða refsað fyrir óæskilega hegðun
(Daniels, 2006).
Hegðunarkenningar byggja á rannsóknum Skinners en þær byggja á því að hægt sé að
móta hegðun starfsmanna með umbun og refsingu (Muchinsky, 2003). Launahækkun
eða bónusgreiðslur væru klassískt dæmi um umbun fyrir vel unnin störf. Áþreifanleg
umbun er ekki endilega að auka starfsánægju og hollustu þegar til lengri tíma er litið. Ef
það eru einungis greidd laun sem halda okkur hjá fyrirtækinu er ekkert því til fyrirstöðu
að við förum annað ef okkur bjóðast þar hærri laun (Deci, 1973).
Styrking getur þó einnig verið óhlutbundin, hrós, endurgjöf og athygli fyrir vel unnin
störf eru þættir sem styrkja mjög jákvæða hegðun starfsmanna. Allir þessir hvatar hafa
það sameiginlegt að til þess að þeir virki sem umbun á starfsmenn þurfa þeir að vera í
augum starfsmannanna eftirsóknarverðir. Stjórnendur þurfa því að vera vel meðvitaðir
um væntingar starfsmanna sinna (Daniels, 2006).
Hegðunarkenningin sem snýr að markmiðasetningu gengur út á að fundin eru sértæk
og krefjandi makmið til að viðhalda starfshvata starfsmanna. Starfsmenn þurfa að helga
sig þessum markmiðum og geri sér grein fyrir hvernig þeir geti náð markmiðunum
(Hughes, o.fl., 2005).
Innan skynsemiskenninganna er sanngirniskenning sem gengur út á að starfsmenn
vinni betur og séu reiðubúnir að leggja mikið á sig fyrir fyrirtækið ef þeir finna að komið
sé fram við þá af sanngirni, ef hinsvegar þeir finna fyrir ósanngirni af hálfu stjórnenda
eða fyrirtækisins leggja þeir minna á sig (Muchinsky, 2003). Starfsmenn bera sig saman
innbyrðis og ef upplifun þeirra er sú að annar starfsmaður sé að fá meira greitt fyrir
sömu störf kemur upp misræmi í samanburðinum. Starfsmaðurinn sem finnur fyrir
misræminu minnkar þá vinnuframlag sitt til að jafna misræmið. Þessi áhrif koma einnig
fram ef starfsmaður upplifir að hann fái meiri umbun en aðrir, hann fer þá að vinna
meira til þess aftur að jafna misræmið (Muchinsky, 2003).
24
Væntingarkenningar Vroom byggja á því að starfsmenn viti hvað þeir vilji og geri sér
grein fyrir því að frammistaða þeirra hafi bein áhrif á umbunina sem fæst (Muchinsky,
2003).
2.2 Innri hvatning Kenningarnar byggja á því að einstaklingar hafi innri þörf fyrir að leggja sig fram og
takast á við áskoranir. Samkvæmt þessum kenningum eru þarfir manna ólíkar og
breytilegar milli manna (Steers og Porter, (1987). Þessar kenningar ganga út á það að
við fáum einhverskonar innri umbun við það að fá tækifæri til að nýta hæfni okkar og
þekkingu, takast á við erfið verkefni og leysa þau ásamt því að axla ábyrgð og fá
viðurkenningu fyrir störf okkar. Engin auðveld leið er til að auka hvatningu starfsmanna
þar sem hvatningin verður að byggja á einstaklingsmiðuðum hvötum (Armstrong, 2009).
Það eru væntingar starfsmanna sem ráða því hvort hvatningin sem þeir fá hittir í
mark eða ekki. Væntingarnar ráðast af persónulegri reynslu og viðhorfum svo þær eru
breytilegar milli manna. Umbun er alltaf háð því umhverfi sem hún er veitt í og getur
menning fyrirtækis og samspil starfsmanna haft mikið að segja í því hvernig umbun er
tekið (Daniels, 2006)
Þarfapýramídi Maslow er kenning sem reynir að gera því skil hvað það er sem hvetur
fólk til vinnu og að ná árangri. Eins og sést á mynd 5 er pýramídanum stillt þannig upp
að neðst eru grunnþarfir manna, og hugsunin er sú að til að komast á næsta þrep verði
þörfum þrepsins á undan að vera fullnægt. Maslow gengur út frá því að þarfir okkar séu
meðfæddar og komi fram strax við fæðingu. Hugmyndafræðin er sú að við leitumst ekki
við að þroska okkur ef okkur skortir fæðu, þá er fæðuöflun okkur efst í huga (Steers og
Porter, 1987). Fyrstu tvö stigin koma að grunnþörfum mannsins en það er þörf fyrir
fæðu, súrefni og öryggi, stöðuleika og vernd. Næstu tvö stig snúa að þörf manna á
viðurkenningu, ást og félagslegu neti. Efsta stig pýramídans er það stig sem Maslow
taldi vera æðsta markmið í lífi fólks en það er sjálfsbirtingarþörf okkar (Milkovich og
Newman, 2002).
25
Mynd 5: Þarfapýramídi Maslows
Mikið hefur verið deilt um kenningu Maslow og erfitt er að gera sér grein fyrir því á
hvaða stigi maður er nákvæmlega því hægt er að vera staddur á fleiri en einu stigi í einu.
Einnig hafa fræðimenn bent á að fólk hefur mismunandi forgangsröðun og ólíka hvata
(Steers og Porter, 1987).
Sjálfsbirting
Viðurkenningarþörf
Félagsþörf
Öryggisþörf
Líkamlegar grunnþarJir
(Steers og Porter, 1987)
26
3 Árangur
Það er í sjálfu sér ekki það sem þú gerir sem veitir ánægju heldur það sem gerist í
kjölfarið eða við það að þú gerir hlutinn sem veitir ánægju (Daniels, 2006). Íþróttir eiga
það sameiginlegt að snúast um árangur. Ef íþróttir eru skilgreindar má segja að þær eigi
ýmsa þætti sameiginlega. Leikmenn vita til hvers er ætlast af þeim, þeirra hlutverk í
íþróttinni er skýrt skilgreint hvort sem um einstaklingsíþrótt er að ræða eða hópíþrótt.
Hægt er að mæla árangurinn og það er í öllum tilvikum gert. Áhersla er lögð á hegðun
leikmanna, hrósað er fyrir góða sveiflu eða sendingu. Ef um hópíþrótt er að ræða er
hlutverk allra leikmanna skýrt. Markmið í íþróttum er að vinna eða ná betri árangri en
áður, þessi markmið eru oft mjög erfið og krefjast mikillar vinnu en allir hafa trú á að
hægt sé að ná þessum markmiðum. Leikmenn vita nákvæmlega hvernig leikurinn
stendur, þeir fá stöðuga endurgjöf. Mikið er um jákvæða styrkingu frá öðrum í liðinu,
aðdáendum og þjálfurum (Daniels, 2006).
Árangur að velgengni í rekstri fyrirtækja er að ná að stjórna starfsmönnum á
árangursríkan hátt. Lykillinn af því að vera árangursríkur stjórnandi er að geta skilgreint
hvaða árangri þú vilt ná fram og geta greint frá því hvaða hegðun muni skila þeim
árangri. En þá þarf að vera hægt að skilgreina bæði æskilegan árangur og vera með það
á hreinu hvaða hegðun leiðir til þessa árangurs (Daniels, 2006). Stjórnendur vita flestir
að taka þarf tillit til þarfa og væntinga starfsmanna til að eiga möguleika á því að
hámarka árangur fyrirtækisins. Þrátt fyrir þessa vitneskju eru margir sem ekki ná að
skapa slíkt vinnuumhverfi. Stærsta hlutverk stjórnenda er í raun að skapa menningu og
gildi sem styðja við þroska starfsmanna og ýta undir ánægju starfsmanna (Hesselbein og
Cohen, 1998).
Stjórnendur hafa mikil áhrif á árangur fyrirtækis og hvert það stefnir því með
forystuhæfni getur stjórnandi haft afgerandi áhrif á hegðun starfsmanna og skapað
umhverfi þar sem starfsmenn nýta hæfileika sína til fullnustu og hámarka þannig
árangur fyrirtækisins (Waldman og Yammarino, 1999).
27
4 Frammistöðustjórnun
Mikil áhersla er lögð á að fyrirtæki geti náð markmiðum sínum. Mörg fyrirtæki hafa á
undanförnum árum færst yfir í það sem kallað er frammistöðustjórnum (performance
management) en í því felst að notaðar eru formlegar aðgerðir til að skilgreina þá
starfstengdu frammistöðu sem starfsmaðurinn á að sýna, metin er hans raunverulega
frammistaða og með endurgjöf er frammistöðunni annarsvegar umbunað eða reynt er
að skýra hvernig bæta þarf hana ef hún nær ekki settum markmiðum (Bourne, M. og
Wikes, J. 2003). Mikilvægt er að frammistöðustjórnunin nái til allra innan fyrirtækisins
til að tilskilin árangur eigi að nást (Perkins, 1997). Þessari staðhæfingu tekur Dessler
(2003) undir og bætir við að hægt sé að skipta henni í þrjú viðfangsefni. Samkvæmt
honum tekur frammistöðusamtal á þrennu: að gera kröfur um hvernig starfið sé unnið,
skilgreina í samvinnu við starfsmanninn hver frammistaða hans eigi að vera miðað við
áðurnefndar kröfur og að lokum að meta raunframmistöðuna og veita starfsmanninum
endurgjöf.
4.1 Frammistöðumat -‐ frammistöðusamtal Frammistöðusamtöl eru tímafrek og kostnaðarsöm. Þá er miðað við að hvert samtal
tekur u.þ.b. klukkutíma og allir starfsmenn fyrirtækisins fara í samtal. Hver stjórnandi
fer í jafnmörg samtöl og starfsmenn hans eru margir, auk sitt eigið samtal. Svo bætist
við vinna bæði stjórnanda og starfsmanna við hvert samtal. Bæði stjórnendum og
starfsmönnum er hjá sumum fyrirtækjum boðið uppá námskeið í að taka og fara í
frammistöðusamtal og tekur það tíma. Allt er þetta gert til þess að efla samtölin. En til
að svona borgi sig verður að vera skýrt hver ávinningurinn eigi að vera, í hvað eigi að
nota gögnin og helst hvernig hægt sé að tengja árangurinn við tekjur fyrirtækisins.
Störf mannauðsdeilda ganga útfrá þeim forsendum að með því að styðja við
stjórnendateymi fyrirtækisins skapast umgjörð fyrir góðan starfsanda, starfsmenn
upplifa að á þá sé hlustað, þeir fái verkefni við sitt hæfi og geta öðlast rétta starfsþróun.
Allt þetta vinnur svo að því að fyrirtækið verði eftirsótt á vinnumarkaði sem leiðir það af
28
sér að fyrirtækið getur valið úr umsækjendum. Eins stuðlar þetta að minni
starfsmannaveltu.
Flest fyrirtæki þar sem starfsmannafjöldi er orðin meiri en 30 manns notast við
einhverskonar starfsmannasamtöl. Þessi samtöl eru í ýmsum myndum, misformföst og
mismikill metnaður lagður í þau.
Þróunin hefur verið mikil á stuttum tíma og hefur viðhorf bæði stjórnenda og
starfsmanna breyst. Samtölin hafa farið frá því að vera notuð sem tæki til áminingar þar
sem stjórnandinn einn hefur eitthvað um málin að segja yfir í að vera gagnvirkt tæki þar
sem stjórnendur og starfsmenn hafa jafnan tjáningarrétt. Frammistöðumat kortleggur á
staðlaðan hátt frammistöðu starfsmanna. Með frammistöðumatinu er verið að ræða við
starfsmenn um starfstengda hegðun þeirra og setja með þeim raunhæf markmið.
Mikilvægur þáttur í frammistöðumatinu snýr að stjórnanda og endurgjöf hans til
starfsmanns (Fletcher, 2001). Tilgangur frammistöðumatsins er ekki að hanka
starfsmanninn á einhverjum markmiðum sem hann hefur ekki náð heldur er
hugmyndafræðin að bæta starfstengda hegðun og umbuna með það að marki að
hámarka árangur fyrirtækisins (Boswell og Boudreau, 2002).
Til að matið verði sem best er mikilvægt að þeir sem meta séu vel til þess fallnir, þar
kemur inn mikilvægi þess að þjálfa stjórnendur til að skilja feril og tilgang
frammistöðumatsins (Dessler, 2003).
Frammistöðumat er eitt af tólum mannauðsstjórnunar til að styðja við stjórnendur í
störfum sínum, ef matið er of flókið eða fræðilegt eru góðar líkur á að það geri ekki sitt
gegn og líklegt er að það verði jafnvel ekki notað. Mestu skiptir þó að
frammistöðumatið sé gert af fagmennsku og heiðarleika við starfsmanninn (Dessler,
2003).
4.2 Undirbúningur stjórnenda fyrir samtalið Mikilvægt er að bæði starfsmaður og stjórnandi komi vel undirbúin í samtalið.
Megintilgangur samtalsins fyrir stjórnanda er að fá yfirsýn yfir frammistöðu starfsmanns
og átta sig á væntingum starfsmanns til komandi missera. Tilgangurinn þarf að vera ljós
en hann er í grófum dráttum að auka árangur fyrirtækisins með því að ýta undir rétta
hegðunarþætti starfsmanna.
29
Stjórnandi þarf að hafa góða yfirsýn yfir frammistöðu starfsmannsins yfir lengri tíma
og er því skynsamlegt ef stjórnendur geti haldið einhverskonar bókhald svo þeir þurfi
ekki að reiða sig á minni þegar kemur að frammistöðusamtölum. Nauðsynlegt er því að
safna gögnum um frammistöðu (DeNisi, 2005).
Huga þarf að því hvaða markmiði starfsmanninum er ætlað að ná á næstunni, hver
möguleg starfsþróun hans sé og hvort einhverjar breytingar séu að verða á högum hans.
Í undirbúningi þarf einnig að hafa í huga hvert sambandið við starfsmanninn er, er þetta
erfiður starfsmaður eða eru tengslin góð. Hvaða aðferðum þarf að beita til að fá
starfsmanninn til að tjá sínar skoðanir. Er starfsmaðurinn óöruggur eða hefur hann
mikið sjálfstraust. Allt eru þetta atriði sem skipta máli varðandi það hvernig koma þarf
að samtalinu svo árangurinn af því verði sem mestur. Samtölin verða því alltaf að taka
mið af hverjum og einum starfsmanni og verða þ.a.l. jafnólík og þau eru mörg.
Starfsmaðurinn þarf líka að undirbúa sig og hafa mikið af þessum sömu þáttum í
huga. Hvernig er samband hans við stjórnandann, er auðvelt fyrir hann að tjá sig um
erfið mál og hvað getur hann gert til að auka sjálfstraust sitt þegar í viðtalið kemur ef
þess er þörf.
4.3 Samtalið Í samtalinu er mikilvægt að velja aðstæður sem eru viðeigandi. Ef halda skal samtalið á
öðrum stað en innan fyrirtækisins, á veitingastað eða kaffihúsi, er ekkert því til
fyrirstöðu og einungis gerð sú krafa að stjórnandinn láti það sama ganga yfir alla. Það
þarf þó að hafa í huga að á slíkum stöðum er nálægð við aðra gesti oft mikil og í sumum
tilvikum er talað um mjög persónulega hluti í frammistöðusamtalinu sem gæti valdið
óþægindum í aðstæðunum. Ef stjórnandinn er með skrifstofu er engu að síður bent á að
velja fundarherbergi sem er hlutlaus staður því skrifstofa stjórnandans er yfirráðasvæði
stjórnandans.
Gæta þarf að því að hafa nægan tíma í samtalinu en þó ekki þannig að því ljúki aldrei.
Algengt er að miðað sé við klukkutíma en vera ekki með annað bókað næstu 30
mínúturnar á eftir ef umræðan skyldi dragast á langinn.
Stjórnandinn leiðir oft samtalið þó reynt sé að gera það að verkum að hér sé um
samtal að ræða sem báðir aðilar taki jafnan þátt í. Stjórnandinn ber þó ábyrgð á
samtalinu og að leiða það í jákvæðan og uppbyggilegan farveg.
30
Ef um einkunargjöf er að ræða í frammistöðusamtalinu þarf stjórnandinn að geta
rökstutt hverja einustu einkunn með raunverulegum dæmum. Þetta á við hvort sem um
lága eða háa einkunn er að ræða. Starfsmenn bregðast misjafnlega við og þarf
stjórnandi því að hafa það á hreinu fyrir hvað hann er að gefa einkun.
Frammistöðusamtalið er ekki vettvangur til að draga fram neikvæða löngu liðna atburði,
þá þarf að ræða um leið og málin koma upp en hægt er að ræða það í samtalinu ef
málin drógust á langinn varðandi úrlausn eftir að stjórnandi reyndi að taka á þeim.
Í flestum tilvikum er það næsti yfirmaður sem tekur frammistöðusamtalið við
starfsmenn en til eru tilvik þar sem starfsmenn óska eftir því að annar en sá stjórnandi
geri það. Næsti yfirmaður þekkir best til starfa starfsmanna og því auðveldast fyrir þann
aðila að meta en í tilvikum þar sem slíkt gengur ekki er staðgengill fengin, sá aðili er þá
oft næsti yfirmaður fyrir ofan eða aðili úr mannauðsteymi (Dessler, 2003).
Í samtalinu þarf stjórnandinn að gæta sanngirnis og koma jafnt fram við alla
starfsmenn. Það er þó ljóst að fólki líkar misvel við hvort annað og á það einnig við í
sambandi stjórnenda og starfsmanna. Eftirfarandi eru dæmi um villur sem stjórnandi
getur gert.
4.3.1 Villur í einkunnargjöf Við einkunargjöf þarf stjórnandi að vera meðvitaður um ýmsar villur sem hægt er að
gera. Með undirbúningi er hægt að lágmarka hættuna á þessum villum. Á námskeiði
um frammistöðusamtöl, sem haldið er innan fyrirtækisins, er mælt með því við
stjórnendur að þeir skrái niður punkta um starfsmenn yfir árið. Þetta gerir stjórnendur
betur í stakk búna að meta starfsmenn með réttmætum hætti þegar kemur að
frammistöðusamtölum. Dæmi um slíkt form má sjá í viðauka 8.
4.3.1.1 Nýleiki (recency effect) Einföld villa en því miður mjög algeng. Þetta er þegar nýlegur atburður, jákvæður eða
neikvæður hefur áhrif og stýrir í hvaða átt frammistöðusamtalið fer. Dæmi um slíkt er
þegar starfsmaður sem að öllu jöfnu stendur sig vel og sýnir góða frammistöðu en
verður svo á einhver mistök sem skaða frammistöðu hans. Mistökin verða svo
aðalumræða frammistöðumatsins og starfsmaðurinn fær ekki sanngjarnt mat. Þessi
villa hefur líka áhrif þegar um jákvæða hluti er að ræða. Þá fær starfsmaðurinn hærri
31
einkunn en hann hefði að öllu jöfnu fengið sökum jákvæðrar uppákomu stuttu frá
matinu.
Til að koma í veg fyrir þessa villu þurfa stjórnendur að halda einhverja skrá yfir
frammistöðu starfsmanna sinna, ekki er hægt að treysta á minnið.
4.3.1.2 Geislabaugsáhrif (halo effect) Þetta hugtak á við um þá tilhneigingu að meta manneskju jákvætt útfrá einhverjum
einum jákvæðum eiginleika sem hún býr yfir. Dæmi um slíkt er þegar fallegur
einstaklingur er ósjálfrátt metin skemmtilegur líka. Tengist þetta tilhneigingu okkar til
að muna fyrstu atriði betur en þau atriði sem koma síðar, við sjáum það jákvæða og
munum það og alhæfum um manneskjuna útfrá þeirri skynjun (Nisbett og Wilson, 1977)
(Jennings, o.fl., 2009).
Í samhengi við frammistöðusamtöl hefur þetta áhrif þegar starfsmanni eru eignaðir
mun fleiri jákvæðir eiginleikar en hann býr yfir sökum þess að hann er góður á
einhverjum þáttum. Stjórnandi lítur þá framhjá þeim atriðum sem þarf að taka á því
hann sér ekki neikvæðu atriðin.
4.3.1.3 Miðsækni (central tendency error) Þegar stjórnendum finnst erfitt að meta starfsmenn eru líkur á að einkunir verði allar
nálægt miðjunni. Allir fá þá svipaðar einkunir og stjórnandanum líður eins og hann sé
ekki að gera upp á milli neins. Þegar þetta er gert skekkir það niðurstöðurnar og gerir
frammistöðumatið í raun ómarktækt.
4.3.1.4 Eignunarvillur (casual attribution error) Fólk hefur tilhneigingu til að ofmeta áhrif persónueiginleika þegar það talar um
frammistöðu annara en á móti kemur þá höfum við tilhneigingu til að alhæfa um áhrif
umhverfis þegar við metum eigin frammistöðu.
Dæmi um slíkt er þegar stjórnandi lítur til persónuþátta þegar hann upplifir að
starfsmaður skilar illa unninni skýrslu. Þá telur hann skýringar fyrir skýrslunni geta legið
í slæmri dómgreind starfsmannsins, leti hans, vankunnáttu eða slíkum eiginleikum.
Hann horfir síður á umhverfisþætti þegar hann skýrir frammistöðuna (DeNisi, 2005).
32
4.3.1.5 Of strangur eða of eftirgefanlegur ( severity and leniency error) Stjórnendur geta verið of strangir og að sama skapi of linir í einkunargjöf sinni á
frammistöðumati. Hvorutveggja er slæmt, sérstaklega þegar gögnum úr
frammistöðusamtali er safnað saman miðlægt og þau notuð til að flokka starfsmenn
eftir einkunum. Þá er mögulegt að sambærilegir starfsmenn með ólíka yfirmenn lendi í
sitthvorum hópnum eftir því hvort stjórnandinn var óþarflega strangur í samtalinu eða
allt of linur í samtalinu.
4.4 Endurgjöf Endurgjafir eru upplýsingar um frammistöðu sem gerir starfsmanni kleift að breyta
hegðun sinni (Daniels, 2006). Endurgjöf er mjög samofin í tilveru okkar, stundum svo
mjög að við förum að taka henni sem sjálfsögðum hlut. Ekkert nám verður ef engin er
endurgjöfin (Daniels, 2006). Stjórnendur hafa tilhneigingu til að líta framhjá þeirri
staðreynd að slök frammistaða er oft sökum lélegrar endurgjafar.
Endurgjöf hefur margar birtingarmyndir. Skynfæri okkar gefa okkur stöðuga
endurgjöf frá umhverfi okkar. Það að fá endurgjöf er hinsvegar ekki endilega
nægjanlegt til að hafa áhrif á frammistöðu okkar. Við gætum verið að keyra bíl og séð
að það er komið rautt ljós, hér er rautt ljós endurgjöfin, en kosið að keyra yfir
gatnamótin þrátt fyrir það. Það er ekki fyrr en hegðun okkar hefur afleiðingar að við
breytum henni.
Til þess að endurgjöf sé skilvirk þarf hún að vera skýr svo starfsmanni sé ljóst hvaða
hegðun þurfi að bæta og hvernig hann geti farið að því. Hún þarf að beinast að
frammistöðu sem starfsmaðurinn getur haft áhrif á. Í sumum tilvikum er verið að meta
starfsmenn á fjárhagslegum þáttum sem þeir hafa ekki fulla stjórn á, eins þarf að gæta
þess að starfsmaðurinn hafi tilhlíðilega þekkingu til að hafa áhrif á frammistöðuna. Eftir
því sem endurgjöfin er nær hegðuninni, því betra, þó sumar rannsóknir hafi sýnt framá
að vikuleg endurgjöf sé jafn árangursrík og dagleg (Balcazar, 1986). Betra er að hafa
endurgjöfina einstaklingsmiðaða. Oft “týnist” endurgjöfin þegar hún er gefin yfir
hópinn. Endurgjöfin er með hámaksskilvirkni ef starfsmenn geta sjálfir séð um að
skráninguna því með skráningunni kemur endurgjöfin sjálfkrafa strax. Ef ekki er um slíkt
að ræða er mikilvægt að sá sem sér um endurgjöfina sé stjórnandi (Daniels, 2006).
33
Með endurgjöfinni þarf að leggja áherslu á það sem er uppbyggilegt en það er
algengara að verið sé að mæla það sem gert er rangt, líkt og villur, fjarvistir, slys o.þ.h.
Hér er verið að tala um að gefa jákvæða endurgjöf á þá hegðun sem óskað er eftir að
sýnd sé. Annað atriði sem mikivægt er að hafa í huga varðandi það að gera endurgjöf
skilvirka er að endurgjöfin þarf að skiljast. Ef notuð eru gröf sem eru starfsmanninum
illskiljanleg skilar það engum árangri. Áhersla er lögð á að endurgjöfin sé höfð sýnileg,
þá er hægt að fylgja þróuninni eftir með auðveldum hætti. Að lokum er tekið fram að
endurgjöfin þurfi að vera undanfari umbunar. Það þýðir að tengja ætti endurgjöfina
saman við umbun (Daniels, 2006).
4.5 Gagnrýni á frammistöðusamtöl Frammistöðusamtöl hafa einnig fengið á sig gagnrýni. Margir telja að ekkert markvert
komi út úr frammistöðusamtölum og þau séu gölluð. McGregor (1957) ræðir um að í
frammistöðusamtali sé stjórnandinn ekki í hlutverki dómara, hann sé ekki að gagnrýna
eða ákveða fyrir starfsmanninn heldur sé þetta samspil milli starfsmanns og stjórnanda
þar sem stjórnandi leiðbeinir og hvetur starfsmanninn. Telja aðrir þessa lýsingu mjög
ólíklega þar sem erfitt er fyrir starfsmann að opna sig og tjá sig um þætti starfsins sem
þeir eigi erfitt með, vitandi að niðurstöðurnar úr samtalinu geti leitt til breytinga á starfi
viðkomandi (stöðuhækkun, tilfærslur í starfi eða jafnvel uppsögn) (Storey, 2001).
Aðrir fræðimenn