O Tietie Solofanua e Fa o le Faaaliga Suesuega 7 ... filefaalua mai o Iesu, pe a aulia le tami, e toe faasaosaoina aim ea uma. O Manatu Maualuluga ma Fautuaga mo le Aoaoina o lenei

Revelation Seminar - Presentation Notes Page 1 of 17

O Tietie Solofanua e Fa o le Faaaliga

Suesuega 7 Faamaumauga mo le Taitai

O le Vaaiga Lautele o le Suesuega

O le Vaaiga Faataulai o le Suesuega Focus:

1. Ia faamalamalamaina o faamanuiaga ma tiute ina ua avea ma soo o Iesu.

2. Ia ia faamautuina i mafaufauga o le vasega e maua e soo o Iesu faamanuiaga pe o mala foi o le feagaiga lava lea na faia e Le Atua ma Isaraelu. O le tulaga lenei e matua taua ai lava le auala tatou te suesueina ai le Faaaliga i le aso.

3. Ia faaosofia ai le malamalaaga e ui lava ina puapuagatia tagata ona ua latou filifili e mulimuli ia Keriso, o loo agai atu le talaaga i le afio faalua mai o Iesu, pe a aulia le tami, e toe faasa’osa’oina aim ea uma.

O Manatu Maualuluga ma Fautuaga mo le Aoaoina o lenei Suesuega:

O le suesuega leneie e faamaninoina ai le taua o le taulimaina o le talitonuga ua fai nei ma tofi o soo o Iesu folafolaga o le feagaiga atoa foi ma ona tiute.

O le faataunuuina o lenei faaaliga e molimauina i le talaaga o augatupulaga Kerisiano talu mai lona amataina, i soo se mea lava e talaiina ai le tala lelei ma taliaina e tagata. O le a faateia ai i latou e manatu e faatoa faataunuuina lenei faaaliga pe a mavae le siitiaga lilo. E manatu i latou ia e na o tagata Iutaia talitonu e faatatau iai. E tatau ona e faamamafaina o le molimau mai le mau lava ia, e manino ai le faataunuuina mai le afio a’e o Iesu i le Faaaliga 5 seiafaaiuina i Lona toe afio ma ii le tatalaina o le faamaufaailoga lona 6. O le vaaiga o Lona afio faalua mai, e talafeagai lelei ma le vaaiga o loo faamalamalamaina mai i Lana lauga i le Mataio 24:26-31.

A manaomia, faaaoga Mataupu mo Manaoga Faapitoa (Suesuega Muamua) e faatusatusa ai le Faaaliga i le lauga a Iesu e faatatau i le iuga o le lalolagi e fai ma mataupu lagolago.

Mo se fesoasoani mo faamaufaailoga, o loo iai le aofaiga faapitoa o Mataupu mo Manaoga Faapitoa.

Manatua: I Faamaufaatasi ai ma le ata . O le vaega e fautuaina le taitai e faia

o loo i le lanu mumu [faatatafa] faatasi ai ma le faa u . O faatomuaga i luga o fautuaga mo le taitai o loo faaaogaina ai foi le lanu mumu. O faamaumauga mai Faamaumauga mo le Vasega o loo i le lanu moana.

O le Lisi mo Faamaumauga e siaki muamua mo le suesuega lenei:

Seuesuega 7 “O Tietie Solofanua e Fa o le Faaaliga”

Suesuega 7 Faamaumauga mo Le Taitai

Suesuega 7 Fautuaga mo Suesuega a le Taitai [e tatau ona fautuaina e le vasega e taulimaina mai a latou Fautuaga mo Suesuega o le Suesuega 7 ua faatumuina a latou tali i fesili, na tufaina i le iuga o le suesuega talu ai]

Ata o PowerPoint presentation Suesuega 7.

Session 7 - The Four Horsemen of the Apocalypse


O pepa e tufaina mo le vasega

Suesuega 7 Manatu Faasoa mo le suesuega lenei (tufa kopi i le vasega)

Fautuaga mo le Suesuega 8 (tufaina kopi i le vasega i le iuga o le suesuega lenei

Suesueg 7 Mataupu mo Manaoga Faapitoa (kopi mo le vasega)

“O le Sailia i Iesu i Valoaga o le Feagaiga Tuai e pei ona Faaalia mai e le Faaaliga”

“O le Faamalamalamaina o Faamaufaailoga 7” [E faatepa foi e le suesuega lenei le vasega i le “O le Lauga a Iesu i le Mauga o Olive e pei ona Faaataina ma ii le Faaaliga” Suesuega 1]

Pepa Faasalalau:

“E Faapefea Ona Faitauina le Tusi Paia”



Faatomuaina o le Suesuega

Amata le suesuega if eau masani nei:

Talofa

E faafeiloai atu, o lo’u igoa o _________________.

E faafeiloai atu i la tatou suesuega lona 7: O Tietie Solofanua e Fa o le Faaaliga.

O le suesuega lenei tatou te aooga faatasi ai i __________________________ ma lona uiga mo i tatou i nei ona po.

Tusi Paia

Ia manatua ia aumaia a outou Tusi Paia ia tatou suesuega uma.

Faamaumauga mo le Suesuega

Ua tufaina atu ia te outou Faamaumauga mo lenei suesuega. Faamolemole ia mulimuli i vaega tonu o le suesuega ma faailoa mai o otou lagona a o tatou suesue faatasi.

Manatu Faasoa

Ua faatutumuina a outou Manatu Faasoa o le suesuega talu ai? E ta’u ma ii Manatu Faasoa o outou lagona i le iuga o le suesuega.

Fautuaga mo Suesuega

E iai le talitonuga ua faia a outou suesuega mo la tatou suesuega lenei ma fia faalogo ai ia outou suesuega.

Ua saunia foi Fautuaga mo Suesuega o le suesuega o lumanai e te alu ma oe i lou aiga e fesoasoani ia te oe e te tumau ai i luma o suesuega. Faamolemole e manatua mai a outou galuega ua maea ona fai i la tatou suesuega o sosoo mai.

[Sii i luga le Fautuaga mo le Suesuega lona 8]

Mafutaga

Afai ua misi ia te oe se suesuega, ia faailoa mai e mafai ai ona faatutumu at uni vaega o misi ia te oe.

E faamoemoe tatou te talatalanoa foi i se ipu ti mama i le iuga o la tatou suesuega.

Tatalo Amata

A o lei amataina la tatou suesuega, se’i muamua ona tatou fesili i Le Atua e fesoasoani ma ii la tatou suesuega.

[Tatalo]



Faamaumauga amata o le suesuega

To comment on the session notes, follow the prompts shown in the yellow text boxes.

O le Vaaiga Lautele

[talanoa i manatu maualuluga mai le suesuega talu ai ma faailoa le vaaiga lautele o le suesuega lenei]

[FAAMAUMAUGA MO LE VASEGA, ITUALU . . .]

O le ata faatusa o le Feagaiga Tuai i le Faaaliga

E faaaogaina e le tusi o Faaaliga ata faatusa mai le nuu o Isaraelu o le Feagaiga Tuai e faalauteleina ai le malamalama i mea e tutupu i le ekalesia pe o soo moni foi o Keriso.

A tatou vaavaai atu i le ekalesia i Tuatira i le Suesuega 4 (Faaaliga 2:18-29), tatou te vaavaai foi i le mafutaga a Le Atua ma Ona tagata e ala i le feagaiga.

O le manatu faavae o se feagaiga e faia i le va o Le Atua ma Ona tagata o se aoaoga taua tele lea mo le malamalama i le

tusi o Faaaliga.

Ina valaauina e le Atua Isaraelu e o ese mai Aikupito, na Ia faamaopoopoina le nuu i le Mauga o Sinai e faia ai Lana feagaiga ma i latou Esoto 19:5, 6). Na fetai atu ai Le Atua ia i latou a latou usitai ia te Ia, ona Ia faia ai lea o i latou o le malo o faitaulaga ma le nuu paia.

O le mea e faanoanoa ai, na le faamaoni Isaraelu i Le Atua, ma latou solia ai pea lava pea le feagaiga ma Le Atua.

Na avea Iesu lava Ia ma paaga faamaoni a le feagaiga na le ausia e Isaraelu o le Feagaiga Tuai. O le faamalamalamaga manino o Isaraelu na faalauteleina ina ia aofia uma a ii latou e mulimuli atu ia Iesu.

[FAAMAUMAUGA MO LE VASEGA, ITULAU . . .]

Ua aofia uma nei i le feagaiga i latou uma o e faatuatua ia Iesu.

Ua tatou molimauina nei tagata tonu o Le Atua o i latou ia e faatuatua ia Iesu (Kalatia 3:26-29). Ua aofia nei i le feagaiga tagata mai ituaiga eseese o soo moni o Iesu.

E aoaoina e le Feagaiga Fou o i latou uma e faatuatua ia Iesu e ta’ua i latou ia o Iutaia faaleagaga (Roma 2:28, 29). E aofia uma Iutaia ma Tagata o nuuese o e omai ia Keriso ma taliaina lo latou tofi e ala atu ia te Ia o fanau uma i latou a Le Atua.

O taimi o le Feagaiga Tuai In, na faataunuuina valoaga i le nuu o Palesetina. O nuu na siosiomia Palesetina na ta’ua ona o mean a latou faia na aafia ai foi ma tagata faapitoa o Le Atua.

E afua mai i le amataga o le ekalesia Kerisiano, ua

faataunuuina nei valoaga i le lalolagi atoa ona o tagata o Le Atua o loo salalau i le lalolagi atoa.

FAAMAUMAUGA A LE VASEGA, ITULAU . . .]



O Valoaga e Taofia ai i Tatou e Latalata ia Keriso

Ua tatou vaaia foi le uiga o le amio e sa’o ma le sese i valoaga. Na tuuina mai valoaga e fesoasoani a ii tagata e tumau lo latou taofia o Keriso. O loo manino lenei faamalamalamaga i upu tomua o le Faaaliga 1:1.

I le Faaaliga 16:16, i le talanoaga e faatatau i le taua o le taimi o le iuga e ta’ua o le Amaketo, tatou te maua ai lava le tala lelei i le fatu o lenei taua tele. O loo iai le lapataiga mo Kerisiano ia mataala ina ia faatumauina ai le mafutaga tonu ma Iesu. O le lelavalava, o le auala lea e faaataina mai ai le mou ese o le mafutaga ma Iesu.

Afai e agai tonu lo tatou malamalamaaga i le manaomia o valoaga, o le a tatou vaaia le faatinoga o uiga lelei ma le tala lelei i le totonugalemu.

E manino lenei faamalamalamaga i upu tomua o le Faaaliga 1:1, o loo iai la tatou pou faailo muamua. E faaali mai ai iinei o lenei tusi e faasino uma lava i le faaalia mai o Keriso ia i tatou.

O le a tatou vaavaai atu nei i le isi o pou faailo i le Faaaliga 3:21. E faailoa ma ii le mau lenei o le malamalamaaga tonu o faamaufaailoga e faaali mai ai ia i tatou e mafai e soo moni o Iesu manumalo ma nonofo a ii le nofoalii i le lagi faatasi ma Ia.

O faamaufaailoga 7 e manino ai e mafai e tagata o Le Atua ona manumalo ma ausia ai le nofoalii o Iesu.

O le manatu o valoaga e na o se faamatalaga i malo ma

taua i le Faaaliga o lo tatou misia atoa lea o le agaga o le Faaaliga mai le lagi.

[Faatalanoaina le manatu lenei. O se manatu taua tele e malamalama aim ea uma e mulimuli mai i le Faaaliga]

Ia le faaauauina le suesuega sei vagana ua taliina fesili uma a le vasega.

[Tufa Mataupu mo Manaoga Faapitoa o le suesuega lenei ia i latou e manaomia se kopi ma faatalanoaina faatasi i le vasega]

O le mataupu lenei e faatatau ia Iesu o le taunuuga o folafolaga o le feagaiga ia Isaraelu. O loo taofimauina pea lenei manatu e le tele o Kerisiano o isi ekalesia o loo manatu pea e na o Isaraelu le nuu filifilia o Le Atua. Nai lo le faiatu ia i latou ia ua avea nei le ekalesia Kerisiano ma sui o Isaraelu, e lelei le le faapea atu o folafolaga na muai faia ia Isaraelu, ua faalauteleina nei e tusitala o le Feagaiga Fou ia aofia ai i latou uma e talitonu ia Iesu, pe o le a lava le ituaiga e o mai ai.

E taua ntele le manatu lenei i le malamalamaaga tonu o le Faaaliga. O le gagana a le Faaaliga e foliga mai ai o loo tumau pea le avea o Isaraelu o le nuu o Le Atua o loo ola i totonu o laufanua o Palesetina. Peitai, o loo tautala le mau e faatatau i le ekalesia Kerisiano.

O uiga ma tulaga na oo iai Isaraelu, e tusa ai ma le molimau a le

Feagaiga Tuai a o iai i Palesetina, o loo faaaogaina lea e faamalamalamaina aim ea o tutupu ma o le a tutupu i le ekalesia

Kerisiano.

O le fesootaiga ma Faamaufaailoga e Fitu

A o tatou faasolo atu i le tatalaina o faamaufaailoga e fitu, o le a tatou vaaia ai le manino mai o nei mea uma.



O loo tatou vaaia tietie solofanua e toafa o latou faailoa mai le matautia o taua, o oge ma faamai. E foliga mai e foi lenei vaaiga i le Levitiko 26 ma le Teuterenome 32. O tusi nei o le Feagaiga Tuai o loo faamaumauina ai tulaga lava e tasi o mala nei e tolu o le taui lea o le solia o le feagaiga na faia e Le Atua ma Mose.

I le Faaaliga 6, na tatou vaaia ai o taua, o oge ma faamai o le taui o le teena o Iesu ma le faaolataga na Ia aumaia.


O Faamanuiaga ma Mala o le Feagaiga

Ina ua faatoa taunuu Isaraelu i le Nuu o le Folafolaga, na faia i latou e Le Atua ia tutu i luga o mauga e lua. E ono ituaiga na tutu i luga o le Mauga o Keresema e alagaina faamanuiaga; a o isi ituaiga e ono na tutu i,luga o le Mauga o Evalu e alagaina mala. O loo faamaumauina lenei faiaga i le Teuterenome 27:12-13.

E tele ina ta’ua o perofeta o le Feagaiga Tuai o leoleo ia o le feagaiga. A oo ina solomuli Isaraelu ma latou ifo atu i isi atua, ona valaauina lea e perofeta o tagata ina ia fo’i mai, e ala i le toe faamanatu atu iai o mala o le feagaiga pe le usitai.

O le faiga lea e masani ona latou aofaia ai o mala. O loo tautala le Esekielu 14:21 i le faamasinoga matautia:

Taua pe o le pelu

oge

faamai pe o mala faatasi ai ma

manu feai

O le uluai tupu o le tulaga o loo faaataina mai e Esekielu e maua lea i le Levitiko 26:21-26, na folafolaina ai mala lava nei e tasi:

Auiliilia le Fesili 1 i le Fautuaga o Suesuega.

[O le mau i le Levitiko 26 o loo i le PowerPoint, e felanulanu ai upu. E tatau ona faaali ata ia i le ie a o lulu’i i le vasega e silia le Faaaliga 6:1-8, ia maua le sootaga o upu mo i latou lava]

[Fesili loa i le vasega:]

Ua outou malamalama I le Fesili 1 mai le Fautuaga mo Suesuega?

Sa outou vaaia le sootaga i le va o faamanuiaga ma mala o le feagaiga, ma tietie solofanua e fa? O a nisi o upu e faaaoga soo i lenei faitauga?

[Liliu i le Fesili ma Tal ii le Fautuaga mo Suesuega a le Taitai]

[Faaavanoaina le taimi e fefaasoaai ai a latou tali]

“Afai foi tou te tetee mai ia te A’u, ma outou le faalogo mai lava ia te a’u, ona Ou faaopoopo faafitu ai lea o mala ia te outou e tusa ma a outou agasala. Ou te aauina atu foi o manu feai ia te outou, e aufanaua ai outou, ma faaumatia a outou manu, ma faatoaititi ia te outou; e gaogao foi o outou ala.

“Afai foi e le mafai oona aoaiina outou e A’u ii a mea, a e tetee mai outou ia te A’u, ona Ou tetee atu ai lea ia te outou, ma Ou aoai faafituina ia te outou ona o a outou agasala.

“Ou te faaoo foi le pelu ia te outou e taui atu ai lo outou tuumavaega i le feagaiga. A faapotopotoina outou ia outou aai, Ou



te au atu ai le faamai ia te outou e tuuina atu foi outou i lima o e fai outou ma o latou fili. A uma ona Ou gauina le totoo o a outou mea e ai, ona tao ai lea e fafine e toasefulu mea e a ii le ogaumu e tasi, latou te toe avatu foi a outou mea e ai ua uma ona fuatia, tou te aai foi, a e le maoona ai.”

[FAAMAUMAUGA MO LE VASEGA . . .]

Ua Tatalaina e le Tamai Mamoe Faamaufaailoga

A tatou vaavaai i le Faaaliga 6:1-8 o loo tatalaina ai e le Tamai Mamoe le feagaiga, ona tatou vaaia ai lea le ta’ua o tulaga o faamasinoga lava nei e tasi.

O le faamatalaga i taua:

Fuaiupu 2manumalo; filemu (4); fefasiai ai (4); pelu tele (4).

Verse 8pelu.

O le faamatalaga i oge:

Fuaiupu 6 & 8o le oge i le fuaiupu 6 e ala ma ii le fuatia o le saito ma le karite, e pei lava foi o le Levitiko 26:26.

O le faamatalaga i mala:

Fuaiupu 8.

O le Faamatalaga i Manu Feai

Fuaiupu 8.

E tele ina tatou molimauina i le Feagaiga Tuai le aoaiina e Le Atua o Isaraelu i le auala lenei:

E osofaia e vaegaau ma faatafunaina o latou aai;

E faatamaia e manu feai;

E pauu mai iai faamai;

Mulimuli lava, a faaauau pea le tetee o Isaraelu, ona avea loa lea faatagataotaua.

O faamasinoga uma ia e faaaogaina ai e Le Atua malo e iai Papelonia ma Asuria e taumafai e toe faafoi mai ai Isareelu i le usitai ia te Ia.

Ao malo foi ia e tele ina soona fai Iasaraelu, e ui lava e faatoa mafai ona latou faia ia faiga ina ua aveesea e Le Atua Lona aao puipui mai Ona tagata. Ona liliu mai ai foi lea o Le Atua taui atu i malo ia e tusa ai ma lo latou sauaina o Isaraelu e sili atu nai lo le mea e tatau ona iai.

Ona liliu lea e Le Atua le faamasinoga mai Lona nuu i malo

faapaupau nei.


O Faamaufaailoga e Fitu ma le Feagaiga a Le Atua

O le a tatou molimauina i faamaufaailoga muamua e fa le auala na aoaiina ai tagata o Le Atua. O tietie solofanua muamua e fa, o uluai faamasinoga ia i le ekalesia—e pei lava ona faia ia Isaraelu—e toe taitaiina atu ai i latou ia te Ia i le salamo moni.

O faamaufaailoga mulimuli e tolu o le faamasinoga lea ua toe liliu mai ia i latou o sauaina ma faatiga i tagata o Le Atua. Tatou te vaaia lea i le Faaaliga 6:9-17.

O le Faamaufaailoga lona Lima—ona faalogoina ai lea o le aue mai e na fasiotia faa maturo mo se faamasinoga tonu i e o nonofo i le lalolagi.

Faamaufaailoga lona Ono—ua sosola nei o fili o le ekalesia i le afio mai o Iesu.



O le Faamaufaailoga lona Fitu—e agai atu i le iliina o le pu lona fitu ma ona mala i e nonofo i le lalolagi e tali ai le tatalao aue a tagata o Le Atua i le faamaufaailoga lona lima (Faaa. 8:13).

O le feagaiga lenei na ofoina atu e Le Atua ia Isaraelu i le

Mauga o Sinai, ua aofia uma ai nei ma i latou uma o e talitonu faamaoni ia Iesu, o Iutaia ma Tagataonuuese.

Tatou te molimauina foi le vavalalata tele o le lauga a Iesu i luga o le Mauga o Olive e faatatau i le taimi o le iuga o le lalolagi ma faamaufaailoga e fitu.

Auiliili le Fesili 2 i le Fautuaga mo Suesuega.

[Liliu i le Fesili ma Tali i le Fautuaga mo Suesuega a le Taitai]

O e maitauina le sootaga i le Mataupu 6, a o tatalaina e le Tamai Mamoe le faamaufaailoga?

[Faaavanoaina le taimi e faatalanoaina ai e le au vasega a latou tali]

Sei tatou toe silasila i Mataupu mo Manaoga Faapitoa 2, i le Suesuega 1.

[Faatonu le vasega e silasila i le Mataupu mo Manaoga faapitoa, “O le Lauga a Iesu i le Mauga o Olive a Pei Ona faaataina mai i le Faaaliga” o se tasi o faamaumauga na tufaina]

I le Suesuega 1, na tufaina ai Mataupu mo Manaoga Faapitoa, Mataupu 2, e faailoa ai le sootaga o le Faaaliga 6 ma le lauga a Iesu i le Mauga o Oliva, i tulaga uma o le a oo

mai i le iuga o le lalolagi i Lona afio mai. Avane loa le suesuega lena e toe suesueina.

[Ua tatau ona taulimaina nei e le au vasega le mataupu o loo manaomia]

Manatu i le Faaaliga 5, na tatou molimauina ai le faapaleina

o Keriso ina ua afio ae i le lagie faaata mai i le faaeaina ae o le tupu Isaraelu i le nofoalii. O le mea muamua lava e faia e le tupu fou o le tauia lea ona soo faamaoni ma faamasinoina ma le tonu i latou na teena lana pule.

O e amanaia le ataata mai o lenei tu i le Faaaliga 6 a o tatalaina e le Tamai Mamoe faamaufaailoga?

O le tali, o loo tagi atu tagata o Le Atua mo se taui faamaoni i le faamaufaailoga lona lima, ona lalaa mai ai loa lea o Le Atua e tauia o latou, ma Ona fili ina ua tatalaina le faamaufaailoga lona ono. O mataupu uma o totoe o le Faaaliga o loo faatumulia i auala eseese e tauia ai e Le Atua Ona tagata, ae faasalaina i latou e teena Lana pule. E mafua i le tatalaina e le Tupu fou o faamaufaailoga, ua tutupu ai tulaga uma e faatatau i le tauia o e faamaoni, ma le faamasinoina tonu foi o i latou o e teena pea Lana pule.

O loo tatou vaavaai i mea o le a tutupu i le va o le toe tu mai o Keriso ma Lona toe afio ma ii le lalolagi. E malolosi molimau e faamaonia ai o le valoaga lenei e faamaonia i le taimi o le talaaga atoa o le ekalesia Kerisiano.

[FAAMAUMAUGA MO LE VASEGA, . . .]

Afai e tumuli Kerisiano ma Le Atua e pei ona faia e Isaraelu i taimi o le Feagaiga Tuai, ona latou fesagai foi lea ma mala o le solia o le



feagaiga. Ona auina mai foi lea e Le Atua Lana faamasinoga e fafagu ai ia i latou.

O taua, oge ma faamai la na faaaogaina e fafagau mai ai i luga. O le

mafuaaga lea ua faaaogaina tietie solofanua e fa e faaalaina ai Isaraelu seia toe afio mai Iesu.

O taimi faigata e mataala ma faamaoni ai le ekalesia. E aoga foi taimi faigata nei e faamanatu ai i le ekalesia e le so latou aiga le lalolagi nei.

I le talaaga o le ekalesia Kerisiano, o tulaga faigata uma nei e faamalosia ai e talitonu. O le malamalama i le lalolagi e pei lava ona fetalai mai ai Iesu, o le faamaoniga foi lea e mafai ona latou faatuatuaina o Ia. O poutu taiala nei, a e le o ni poutu faailoga.

O faamaufaaioga e fitu o mea faigaluega ia a e Atua Na Te

faaaogaina e taofia ai Lana ekalesia i le ala tonu ma faatuputeleina ai Lona malo.

A o tatalaina e Iesu faamaufaailoga muamua e fa, na vaaia e Ioane solofanua e fa ma e tietie ai o lalaa ma ii lenei vaaiga.

O tietie soofanua nei e fa e faatatau i Kerisiano ma lo latou tali atu i le tala lelei. Ao luluiina e le tala lelei, e mafai ona teteeina e tagata. Afai o lea, ona iai lea o mala ma faigata e faaaogaina e e Atua e toe faafoi mai ai Ona tagata ia te Ia.

A o tatalaina faamaufaailoga taitasi ona vaaia ai lea o tietie solofanua taitasi, e faatele ona faaaogaina le upu “sau.” O le

upu o le “sau” i le gagana Eleni, e na o le faa tolu ona toe faaaaogaina i le Faaaliga: E faalua ona faaaogaina i le Faaaliga 22:17, i le tulaga o le valaauina o i tatou e omai ia Iesu, a e faaaogaina e le Faaaliga 22:20, e faatatau i le folafolaga a Iesu e toe afio mai e ave i tatou ia tatou faatasi ma Ia i lo tatou aiga.

E le ta’u mai e le tatalaina o faamaufaailoga mea o tusia i le tusitaai; a e tatou te vaaia aim ea e tutupu i le lalolagi a o tatalaina e Iesu faamaufaailoga i le lagi.

Faatoa faailoa lava mea o tusia i le tusitaai ina ua uma ona tatalaina o faamaufaailoga uma e fitu (e amata i le Faaaliga 10).

E taua tele le faafesootaia o le mataupu lenei ma le malamalamaaga o le mataupu ua tuanai atu ina nei leiloa lona uiga atoatoa. E faatatau uma lava i mea e tutupu a o amata ona taulimaina e le Tamai Mamoe le tofi na Ia faatauina i Lona lava soifua.


O le Faamaufaailoga Muamua

Faitau le Faaaliga 6:1, 2

Ia malamalama o le ata faatusa lenei ona e leai se mea tele e mafaia i le lalolagi e le tietie e tasi, o le solofanua ma le au e tasi.

O le lanu pa’epa’e e masani lava ona faaaogaina e faatusa iai le mama. Fai ma faataitaiga, e oofu tagata o Le Atua i ofu sinasina (Faaa. 6:11 & 7:9). I le Faaaliga 19:11-16, o loo faaataina mai ai Keriso o tietie mai i le solofanua sinasina (pa’epa’e) a o Ia taitaiina Ana au tau i le taua o le taua o le iuga. E tietie le taitai Roma i le solofanua paepae e faailoa ai se manumalo tele.



O loo agai atu le tietie solofanua ma lana u o lana aupega lea o le taua. I le Feagaiga Tuai, e iai taimi e faaataina mai ai Le Atua o tietie mai i le soofanua ma le u i Ona aao: o agai atu, e faatoilaloina Ona fili ma aumaia ai le faaolataga o Ona tagata (Sapakuka 3:8-13 ma e Salamo 45:4, 5).

O le upu Eleni o loo faaaogaina iinei mo le “pale,” (stephanos) o le upu lava lea e tasi e faaaogaina pe a manumalo se tasi i se taaloga o le Olimipeki pe se taua faatatau—Stephanos—peitai o le manumalo faaleagaga lenei. O le manumalo ma le faatoilaloina o le fili e na o Keriso e mafai ai. E pei ona tatou vaaia—ma o le a faaauau lava lo tatou vaaia pea—o Lona manumalo ma Lana faatoilaloina e ala i Kalevario o se tai lea o manatu autu o le tusi o Faaaliga.

A o foliga mai e le logo malie le gagana o le faatoilaloina, o lona faavae i le tusi o Faaaliga e faaleaagaga. O le upu “manumalo” e faatatau lea i le manumalo i tulaga faaleagaga (Faaa. 5:5 & 12:11).

O le mea lea, o le tietie i le solofanua sinasina, o le ata lea o le tala lelei ia Iesu Keriso, e amata i Lona faapaleina i le lagi beginning (Faaa. 5) ma faaauau ai lava seia oo i le iuga. O le faasoaina o le tala lelei—le tala lelei—o le galuega tele lea a tagata o Le Atua.

O le Faaaliga o se tusi e faaeteete tele ma atamai lona tuufaatasiga, e ui lava e tele ona tulaga e faigata tele ona malamalama iai le au faitau o le senituri 21st. O le afa muamua o le tusi e faataulai lea i tulaga eseese o mea e tutupu i le talaaga o le ekalesia Kerisiano. E tele molimau i le satauro, o le talaiina o le tala lelei, ma isi mea uma e tutupu mai le taimi o Iesu seia oo i le iuga o le lalolagi. O le afa lona lua o le tusi o Faaaliga, e tele lava ina faataulai i mea mulimuli e tutupu i le taimi o le iuga o le talaaga o le lalolagi (e tele lava ina tatou

molimauina le mulimuli o le tusi o Faaaliga i le lauga a Iesu i luga o le Mauga o Olive e faatatau i uiga o le iuga, i mea e tutupu seia oo ina toe afio mai e faaiuina le talaga o le olaga e pei ona iai nei. A o faatatau le vaega muamua o le lauga i uiga o le talaaga atoa, o le vaega muimuli o le lauga e faatatau lea i le salalau o le tala lelei i le lalolagi, ma uiga o lona teena).

A o tatou vaaia le felatai o le vaega muamua ma le afa mulimuli o le tusi, o le a vaaia ai foi e tele ona faatatau i mea eseese uma e tutupu i le talaaga atoa, o le afa mulimuli e toe tepa lea i le talaaga o le augatupulaga Kerisiano mai le vaaiga o le taimi o le iuga.

Fai ma faataitaiga, o le vaega muamua o le tusi o loo viia ai Le Atua ona o Lana Foafoaga (Faaa. 4:11) atoa foi ma le togiola (Faaa. 5:9-10, 12-13)—o mea ua tuanai I le taimi o le tusia o le tusi o Faaaliga.

O le afa lona lua o le tusi, o le Faaaliga 19:1-6 o loo faateleina ai le gagana lava e tasi o le viiga o le laveaiga o tagata o Le Atua i le iuga o le talaaga o le olagalalolagi.

E faapena foi le na o le faa lua ona vaaia o le solofanua sinasina i le tusi o Faaaliga. O le solofanua sinasina o le Faaaliga 6 e felatai tele lava lea ma le solofanua o le Faaalig 19. E tofu le tietie ma pale, a o loo faaaogaina e Ioane upu Eleni eseese e lua e faatatau i pale ia e lua. O le tietie o la tatou suesuega nei o loo paleina le pale (Stephanos), o le pale o le manumalo. Sa faaaogaina e tagata anamua le upu lenei (Stephanos) mo le manumalo i le pine auro i le Olimipeka.

E ese mai ai le Faaaliga 19 o loo paleina ai e le tietie solofanua le pale (diadem), o le pale o le pule tau tupu. O le afa muamua o le Faaaliga e tele lava ona faatatau i le manumalo o Iesu ma Ona,



o e latou te maua le pale o le manumalo. I le Faaaliga 19, o loo faaumatia ai e Iesu fouvalega uma i le lalolagi, ma ua talafeagai ai Lona paleina o le pale o le manumalo o le pale tau tupu o Lana pulega.

E faaauauina pea le faatulagaina o mau ne ii le gagana Eleni: Na te faauauina lenei manumalo seia oo lava ina leai se tasi e toe faatoilaloina. O le solofanua lenei, o le faatusa lea o le talaiina o le tala lelei i le talaaga atoa o le ekalesia Kerisiano, e amata mai lava i le taimi o Ioane ma faaauau ai lava seia aulia le toe afio mai o Iesu.

Na faavaeina le ekalesia Kerisiano i se amataga malosi tele i le Aso Penetekoso in ua liua le 3000 o tagata i le aso e tasi; e faaiuina foi i le malosi e sili atu o le faaaliga o le mana o le Agaga o Le Atua ina ua salalau atu le tala lelei i le lalolagi uma e fai ma molimau, e sosoo lava ma le afio mai o Iesu.

E faaauauina e Keriso le manumalo aiai ma le

faatuputeleina o Lona malo seia maea mea uma ona faia.


O le Faamaufaailoga Lona Lua


E mumu ulaula pei se afi le solofanua lenei ma e aafia ai le lalolagi atoa i lona aveesea o le filemu mai tagata o le lalolagi. Na faataatiaina e le tietie solofanua muamua le faavae mo le oo mai o le tietie solofanua lona lua atoa foi ma tietie solofanua uma o mulimuli mai. A taliaina le tala lelei ona maua lea o le filemu; e teena ona leai foi lea o se filemu. E na o le pau le tasi vaega o

loo ta’ua ai le “filemu” i le tusi o le Faaaliga 1:4, ma e faatatau i le filemu faaleagaga.

E fevaevaeai tagata pe a talaiina le tala lelei. I le Mataio 10:34-39, o loo fetalai mai ai Iesu e le’i afio mai e aumai le filemu a o le pelu, ma o le a feainai tagata. O le a iai levevesi ma le fememeai ia i latou o e teena le tala lelei. Soo se mea lava e talaiina ai le tala lelei ma taliaina, e mulimuli mai ai lava ma sauaga.

Na fetalai Iesu i Lana lauga i luga o le mauga i le Mataio 24:9, 10: “Ona tuuina atu lea o outou i sauaga e oo ai le oti, e inosia foi outou e tagata ona o A’u. O le toatele e o le a liliuese mai le faatuatua ma latou faalata ai le tasi i le tasi.”

O le aa o sauaga uma ona ua leai se filemu. Soo se mea lava e teena ai le tala lelei, e mou ai foi ma le filemu. O le a fevaevae alii ma tamaitai mai o latou aiga, matua, fanau ma uo (Mataio 10:32-36). O le a saili lava le tagata ia i lona lava filemu tusa pe o le a le tulaga e oo iai isi. Ona oo ai lea o le fememeai e fefasiai ai.

A o le isi itu, o le iai o le tala lelei i le soifuaga o le tagata e maua ai foi ma le filemu moni. Ou te le tau faamalosia atu lo’u manatu pe pe tau faatonuina foi ia maua la’u aia ona ua ia te a’u mea uma out e manaomia mai ia Iesu Keriso. A le o lea, e oo lava i mea aupito sili ona ititi, e tutupu ai lava fefasiaiga.

O faamaufaailoga uma o, o fua aliali mai ia o le manumalo e maua i le Tamai Mamoe i le Faaaliga 5. Ia manatua pea le

Faaaliga 3:21o loo tatou vaavaai i le auala e manumalo ai tagata o Le Atua, e pei lava ona manumalo Iesu.

O e manumalo o le a tutu faatasi ma le Tamai Mamoe i le Faaaliga 7, e faa leai ni o latou foliga manumalo i le taimi nei. O i latou o loo faa tutu atu iai sauaga, tauemuga ma le amusia. O le a tatou vaaia i



le faamaufaailoga lona lima, le tagi a toto maligi o le au mature ma se faamasinoga tonu.

E le teena lava e Ioane o taua, oge ma isi faigata uma i le lauga a Iesu, o mea moni lava ia e tutupu, a e mafai foi ona avea ma toatuga faaleagaga pe a teena e tagata le Perenise o le Filemu.


O le Faamaufaailoga Lona Tolu


O le lanu uliuli o le tuufaafeagai lea o le sinasina. O lona uiga ua leai se tala lelei—o le oge faaleagaga. E filifili lava e le fanau a tagata le pogisa nai lo le malamalama, o le molimau lena a Ioane i lana evagelia.

Sa iai le oge tele. O faamsinoga o le feagaiga ia Isaraelu, o le ‘ai o le areto fuaina, o le faatusa le ititi tele o taumafa (Levitiko 26:26). O le koini o le saito mo le tenari e tasi: o le tupe Roma o le totogi o le aso e tasi mo le tagata faigaluega. Sa taugofie ai le karate e maua koini e tolu i le tenari e tasi, atonu e lava mo le aiga e toatolu. E na o le tagata e toatasi e lava lana mea ‘ai i le totogi o le aso e tasi. I le taimi o Ioane, saa mafai ona faa 12 i le 15 mea ‘ai e maua i le totogi o le aso e tasi, a o lea ua matua mamafa lava le oge.

O le a le mafuaaga e ta’ua ai le suauu ma le uaina, o ni taumafa e le tutusa lo latou taua ma le saito mo le ola? I le siosiomaga o ia augatupulaga, sa sili atu le manaomia o le saito ma le karite mo taumafa nai lo le uaina ma le suauu, o taumafa ia e faaaogaina i le taimi o le mau. I Asia Ititi i le TA muamua, o le mau lenei e le taumate le lagaina ai lagona vevela o tagata o na ona po. Sa sili atu tupe e maua mai le fefaatauaiga o le uaina, na mafua ai foi ona tele fanua na toto

ai e le au faifaatoaga vine ma olive i Asia Ititi (e aofia ai ma ekalesia e fitu), mo suauu ma le uaina mo fefaatauaiga a e oge ai le au matitiva. O le taimi lava foi lea, sa aumai ai mai Aikupito e ui ma ii le Sami Uliuli le saito mo aai o Asia. A o mauoa ai le au fai faatoaga ma e ana vaa, a e sa matua taugata ai le tau na totogiina e tagata lautele o Asia Ititi mo mea ai o aso taitasi.

Sa matua ogoogo lava lenei faafitauli na mafua ai ona taumafai le taitai Roma o Domitian e unaia le au faatoaga ia faaititia le gaosia o le uaina i Asia Ititi. Sa matua le’i fiafia lava faifaatoaga i lenei taumafaiga a le taitai. Anafai e taunuu le manaoga o le taitai, semanu e mayua afaina ai lava le tamaoaiga o le aai o Filatelefaia, a e maise lava i latou na mauoa a ii nei fefaatauaiga. E pei lava ona masani ai, o le tuinanau o le au mauoa e matua afaina tele ai le au matitiva.

A e tatou te faitauina foi o le faapelepeleina o le suauu ma le uaina o le faatusa lea o le agalelei o Le Atua i le taimi o le faamasinoga. O taua i le Metitarane ii a augatupulaga sa masani ona aofia ai ma le faataumaoiina o ma mea toto i le fanua, a e le tagofia o vine ma le olive (ona e tai 15 tausaga faatoa fua ma ii se tulaga e mafai ona seleseleina tele ai). A afaina le saito ma le karate, e na o se tausaga a e toe seleseleina foi. A e o le faatamaoiina o le olive ma le vine, o lona uiga o se mala faaumiumi tele lea. [Based on C S Keener,

Revelation, The NIV Application Commentary, pages 204, 205]

Sa faatonuina le tietie i le solofanua uliuli ia le tagofia le suauu ma le uaina. I Palesetina, o saito, o le vine ma le olive, o laau taumafa faapitoa lava ia e tolu. E ta’ua soo lava laau toto ne ii le Feagaiga Tuai o le ata faatusa o mea ai e manaomia tele mo le ola (Teuterenome 7:13 ma le 11:14).



I le itu faaleagaga, o le uaina o le ata faatusa lea o le faaolataga ia Iesu, a o le suauu o le faatusa o le galuega a le Agaga Paia.

O loo molimauina le oge i le fia faalogo i le afioga a Le Atua, e pei lava ona faaataina mai e Amosa 8:11, 12, le tulaga o Isaraelu o le Feagaiga Tuai.

Peitai, e lei faaumatiaina e le oge. E ui lava o loo natia le tala lelei mai le toatele o tagata, o loo galue pea le Agaga Paia i le lalolagi, ma maua ai le faaolataga e tagata.

[Manatu mo talanoaga:]

E le mafai ona tatou faapea ane o loo tetele le oge mo le Afioga a Le Atua i le tele o aiga? E toatele tagata e iai Tusi Paia a e le faitauina. Aisea latou te le faaaluina ai le taimi e faitau ai le Tusi Paia?

[Faamamafa le taua o le faitauina soo e Kerisiano o le Tusi Paia i se auala fuafuaina lelei]

[Faasoa i le vasega le pepa faasalalau “O le Auala e Faitauina ai le Tusi Paia”]

Soo se taimi lava e tupu ai le oge faaleagaga mo le Afioga a Le Atua, e agai atu ai lava i le solofanua e soo ai.


O le Faamaufaailoga Lona Fa


O le upu Eleni e faamalamalamaina ai le solofanua samasama o le chloros. O le upu lava foi lea e tasi e faamalamalamaina ai pe a

sesega laau. O le ata lenei e faatatau i le sesega ua mate. e le taumate o le sesega e vaaia i le tagata ua oti ua amata ona pala, ona ua ta’ua le tietie o le oti ma Seoli. Ua tatou molimauina iinei le matua leai o se ola.

O le Faamaufaailoga lona fa e o mai faatasi ma mala

Matautia lava.

e ui o le gagana e faatatau ia mea moni While—a ta’ua taua, o oge, ma faamai—e ata mai I le faamalamalamaaga le mate o le tulaga faaleagaga ia I latou e teena le tala lelei. O le teena o le tala lelei, e pei lea o le tapunia o ave o le la ma le sau mai le siosiomaga o se laau. E leai se mea e ola pe a leai se malamalama ma le suavai.

E na o se vaega o le lalolagi e faatagaina iai le Oti ma Seoli. O loo pule pea Le Atua, a e ua matua Matautia lava le tulaga ua iai, e aofia ai le pelu, le oge, o mala ma manu feai. O nisi nei o faamasinoga matautia o le feagaiga (Levitiko 26:21-26; Esekielu 14:21).

E matua taua lava le lapataiga ia salamo. O tulaga nei e mulimuli mai i taualumaga a tietie solofanua muamua e tolu. O le matautia o mala faaleagag o le teena o le tala lelei o loo vaaia i nei vaaiga matautia.

[Tuufaatasiga:]

O tietie solofanua e fa o le ata faatusa lea o le manumalo o le salalau o le tala lelei ma le tulaga e oo iai pe a teena. Ua ausia e le Tamai Mamoe se manumalo maoa’e i ina ua fasia o Ia. Na avea Kalevario ma uila, a o le talaaga atoa o totoe nei o le faititili lea. O nei mea uma lava ua mafua ona o Kalevario, ona ua tatalaina nei e le Tamai Mamoe le tusitaai.



O le tietie i le solofanua sinasina o le alu atu lea o le tala lelei e manumaloina mai loto ma mafaufau o alii ma tamaitai.

O le tietie i le solofanua mumu o le faatusa lea o le teena o le tala lelei.

O le tietie i le solofanua uliuli o le faatusa lea o le oge faaleagaga.

O le tietie i le solofanua samasama o le faailoga lea o faamai ma le oti e mulimuli atu i le oge.

Pe faafia lava ona auina atu e Le Atua le solafanua sinasina o le tala lelei, e teena lava. O ata nei e aumaia i le Feagaiga Tuai e faailoa ai le tulaga e oo iai pe a teena pea le tala lelei, a e filifili e ola i le agasala.

I le Feagaiga Tuai, o faamasinoga nei o feau fafagu ia mai Le Atua mo Ona tagata e agai ina faateteleina. E faapena foi la tietie solofanua o le Faaaliga.

O le mea e tatau ona mautinoa lelei, o loo tutupu nei mea uma i taimi uma lava e fesagai ai tagata ma le tala lelei ma filifili ai i le auala e tali ai i le tala lelei.

E pei lava foi o ekalesia e fitu, e mafai foi ona vaaia nei uiga uma i le lalolagi o Kerisiano i augatupulaga o senituri e tele.


O le uluai augatupulaga o tagata faamaoni i le tala lelei, e ta’ua lea o le taimi faa Aposetolo, na salalau faa afi le tala lelei i le vao mago. Ona amata loa lea ona oo mai o sauaga ma aoaoga sese ua filogia ai le tala lelei, ma agai atu ai loa i le vaitaimi e ta’ua o le Augatupulaga Pogisa. O le oge lea mo le Tusi Paia ona sa faasaina mai tagata

lautele. Sa sailia e tagata le faaolataga i galuega e iai malaga i nofoaga paia, anapogi ma le totogiina o tupe mo faamanuiaga ma le faamagaloina o agasala.

Peitai, sa iai lava lava le agaga ola faaleagaga na tumau pea i le lotolotoi o le pogisa; sa i Le Atua lava Ona tagata ma na Ia tausia i latou mai le pogisa.

O le a tatou toe vaaia foi uiga o solofanua uma nei e fa i se tulaga maoae i le talaiina mulimuli o le tala lelei i le taimi o le iuga.

E iai i latou e taliaina le solofanua sinasina; a e le taliaina e isi ma

amata ai le agaga teteele solofanua mumu. A faaauaina lea tulaga, ona oo ai lea i le solofanua uliuli o le oge faaleagaga. Afai e liliu lava, ona oo ai loa lea i le tulaga o le solofanua sesega, o le faatusa lea o le oti faaleagaga.

O solofanua nei e 4 o se lapataiga malosi lea i le lalolagi

ia le manatu mama i le tala lelei.

E matua matautia lava tulaga e oo iai pe a teena le tala lelei, o le a manino atili i le afa mulimuli o le tusi o Faaaliga. E le faavavau ona tu Iesu i le faitotoa ma tuitui. O le lapataiga lenei, e le gata mo tagata taitoatasi a e mo le lalolagi atoa foi.

O le Tatalaina o Faamaufaailoga e Tolu

A le faamaoni loa Isaraelu o anamua, ona aveesea ai lea e Le Atua Lana puipuiga mai ia i latou. Ona fai ai lea o malo fili e iai Asuria ma Papelonia ma mea faigaluega a Le Atua ma faamasinoga o Ona lava tagata (Isaia 10:5, 6). Peitai, e tele ina soona saua foi malo nei i tagata o Le Atua, ona liliu mai ai lea o le faamasinoga i malo nei a e



toe laveaiina Ona tagata (Teuterenoma 32:41-43). O le vaaiga lenei o loo tatou molimauina nei a o latou tali atu soo o Iesu i le feagaiga.

E amata le tatalaina o faamaufaailoga mulimuli e tolu i le Faaaliga 6:9. O le mea muamua lava e vave ona tatou molimauina, o le ese o faamaufaailoga nei e tolu. E leai se faamatalaga maim ea ola e fa, leai ni solofanua ma ni e tietie ai. A o le tulaga tatou te maua, o le pauu ifo o faamasinoga i luga o i latou e sauaina tagata o Le Atua.


O le Faamaufaailoga Lona Lima

O le Faaaliga 6:9-11 o le poutu taiala lea mo le Faaaliga 8:2-6 na le 13, e faasalaina ai e Le Atua i latou uma e sauaina Ona tagata.

Faitau le Faaaliga 6:9-11

O le fata faitaulaga o taulaga mu sa i le lotoa o le malumalu, na sasaaina ai toto o manu i lalo o le fata. I le Faaaliga, o le lotoa o le faatusa lea o le lalolagi. O le ata faatusa lenei o le fasiotia o tagata o Le Atua ona o le tala lelei. O le faatusa foi lenei o le ofoina atu o latou ola ma toto pei se taulaga.

[Faaali le ata o le fata faitaulaga i le lotoa o le malumalu, ma le ata o loo i le Mataupu i le Malumalu mo Manaoga Faapitoa, Suesuega 2]

O loo tagi mai agaga o nei tagata mo se faamasinoga tonu a Le Atua ia i latou o sauaina i latou.

O le gagana a le Tusi Paia, o le agaga o le tagata lava lea. O le upu Eperu o le Feagaiga Tuai mo le agaga nephesh, e mafai foi ona faaliliuina “agaga” po o le “tagata” pe o le “ola” foi. O le upu Eleni psuche, e mafai foi ona faaliliuina lava foi faapea.

A tatou fesagai ma upu faapenei, o le auala e sili atu ona saogalemu o le faatagaina lea o le Tusi Paia e faaliliuina ia lava, ina malamalama ai le auala e faaaogaina ai e le au Tusitala lea upu.

O le Kenese 2:7 o loo iai le faamalamalamaga sili o le upu “agaga.” E manino mai le mau, o le “agaga” e aofia ai le tino ma le manava, o le manava lea e maua ai lea o le ola pe o le tagata. O i tatou uma la o tagata. O le upu agaga e faaaogaina lea e faatatau i tagata ola moni lava. E leai se mea e fefe ai i se agaga.

I le talaaga o le olaga, e toatele tagata ua fasiotia, o tagi atu i Le Atua e aapa mai ma faasa’osa’o mea pi’opi’o i le lalolagi.

Ua iai se taimi ua e lagona ai lenei tagitagi atu i Le Atua ona o mea e tatau ona faasa’osa’oina? O lenei faafitauli e aofia ai le lalolagi atoa.

O i latou o loo faatupuina nei sauaga e ta’ua o “e nonofo i le lalolagi.” O le faaupuga lenei e faatatau ia i latou e teena Le Atua ma Ona tagata.

E le pine a e tatou vaaia loa le tali a Le Atua i lenei tagi o le tele o augatupulaga. A ilia loa pu—o mala o faamasinoga a Le Atua—o le a liligiina ifo ia i “e o nonofo i le lalolagi” (Faaaliga 8:13).

O le faamaufaailoga lona lima o le taimi faapitoa lea i mea uma lava e mulimuli mai, e tusa ai ma le lalaa mai o Le Atua i totonu o mea o loo tutupu i le lalolagi ma Lana faamasinoga i luga o i latou o teena ma sauaina Ona tagata.



O le taimi lenei ua tuuina atu ai ofu sisina i tagata o Le Atua, o le auala lea e ta’u atu ai ua mautinoa o latou faavavau ia Iesu.

E faafofogaina lava e Le Atua talosaga a Ona tagata. E tele taimi e foliga mai ai e le o iai Le Atua i le lalolagi, a o loo faafofogaina

pea e Ia a latou tatalo.


O le Faamaufaailoga Lona Ono

Faitau le Faaaliga 6:12-17

A tatalaina loa le faamaufaailoga lona ono, ona tatou omai loa lea i le toe afio mai o Iesu ma le agai atu i le tulaga lenei. E leai se molimau i le mau lenei e manatu ai o se ata, pe o se gagana faatusa lenei. Ua faapouliuligia le la pei se ie uliuli, mumu ulaula le masina pei o le toto, pauu fetu o le lagi, e pei o fua o le mati, ma ua matala le lagi e pei se tusitaai.

E taua tele lava le faaaogaina o faaupuga “pei se ie talatala” ma “pei o le fua o le mati,” e mafai ai ona tatou manatunatu i nei tulaga o ni mea moni lava e tutupu. I le gagana Eleni, o le upu “pei”—hos—e faatomuaina mai ai le tala i se mea moni lava. E fesoasoani tele lava lea e faamalamalama ai i tagata se mea, e ala i mea latou te iloa.

O le faamasinoga o le faamaufaailoga lona ono e vavalalata tele ma le fetalaiga a Iesu i le Mauga o Olive sermon (Mataio 24:29-31). Na faailoa mai e Iesu a o lalata atu i Lona toe afio mai, o le a iai le taimi e puapuagatia ai le ekalesia, a e o le a faaiuina loa e faailoga o mea e tutupu i le lag ii Lona toe afio mai. I le fuaiupu 30, “o lea taimi,” o le

taula lea e fesootai ai tulaga ia e lua o le puapuaga ma le toe afio mai o Iesu. Ona taufai tagitui ai loa lea o malo uma ina ua latou vaaia le afio mai o Iesu (f31).

O loo faaataina mai e le Faaaliga 6:12-17 vaaiga uma ia ma faaiuina a ii le tagitui a i latou o e ua teena le tala lelei. Ona latou alalaga ai lea i mauga ma papa e pauu mai e faaumatia ai i latou e tanumia a ii latou mai le silafaga a Le tietie i luga o le Nofoalii, ma le toasa o le Tamai Mamoe.

O le fesili o le a faalogoina: “O ai ea se mafai ona tu atu?”

O le Faaaliga 7 o loo taliina ai le fesili lenei. A o lei tatalaina le faamaufaailoga lona fitu i le Faaaliga e 8, a e vaaia le ata o le ekalesia o e faamaoni i Le Atua.

[I le faaiuga o le suesuega lenei, folafola i le vasega Mataupu mo Manaoga Faapitoa 2 “Faamalamalamaina o Faamaufaailoga e Fitu” mo i latou e manaomia. Faamalamalama iai o le faapuupuuga lenei o faamaufaailoga]

[Faaiuga o faamaumauga … faaauau i Manatu Faasoa]

[Tufa Manatu Faasoa o le Suesuega i le vasega ma tuu iai le avanoa e faitau ai ma taliina fesili e tusa ai ma o latou manatu]



[Faaaogaina uma tali i le ava pe o le a lava le talitonuga]

[Tufa Fautuaga mo Suesuega ma ofoina atu i le vasega togi pe a taliina fesili i le mea sili e mafaia]

Faafetai ma le auai i le suesuega.

Translated from Session Seven of Hope Meaning Purpose Revelation Seminar,

www.revelationhope.com

© All rights reserved Seventh-day Adventist Church South Pacific Division. Not for profit publication. Faatagaina le faaliliuina

e Etuati E. Erika [email protected] http://carrumdowns.adventistconnect.org

http://www.revelationhope.com/

mailto:[email protected]

http://carrumdowns.adventistconnect.org/

Documents

O Tietie Solofanua e Fa o le Faaaliga Suesuega 7 ... filefaalua mai o Iesu, pe a aulia le tami, e toe faasaosaoina aim ea uma. O Manatu Maualuluga ma Fautuaga mo le Aoaoina o lenei