Amaketo...sauniuniga ia mo le taua i Amaketo, le autu o le Faaaliga 16:12-16. O nei mau ua pei ua toe tepa i tua se tifaga: le fefoifoiai i luma ma tua o nei vaaiga, e fesoasoani lea

Revelation Seminar - Presentation Notes Page 1 of 14

“Amaketo” Suesuega 19

Faamaumauga mo le Vasega

Vaaiga Faatomua o le Suesuega

Sini:

1. Ia malamalama ai o le tauamoni lava e tauina i le taimi o le iuga e le tauina i ni tanetau ma ni fana, ae o le tauaina i se auala e ogatotonu ai le tala lelei.

2. O le a vaaia ai i latou i le itu a Le Atua o fitafia a Le Atua o loo auai i le taua.

O Nai Manatu ma Fautuaga e Aoaoina ai lenei Suesuega:

Afai ua iai le malamalamaaga o le vasega i auala ma ata eseese o faaaogaina e le Faaaliga, o na faigofie ai foi lea ona latou malamalama i le uiga moni o le Amaketo, o le vaega taua tele lenei o le taua tele i le va o Keriso ma Satani.

Taofiofi mamau i le mea moni o le Faaaliga, o le faaalia mai lea o Iesu, ae ogatotoonu ai i auala tatou te faatuatua ai i ate Ia.

Manatua: I Faamaumauga nei mo le Suesuega, o vaega e mafia ona filifili le taitai e faaaogaina o loo i le pusa samasama ma le ata . O vaega e fautuaina

le taitai e faaaogaina e lanu mumu (faatatafa) faatasi ai ma le u . O faatomuaga i luga a’e o faatonuga mo le taitai e lanu mumu. O faitauga mai Faamaumauga mo le Vasega e lanu moana.

O le Liisi o Vaega e Tatau ona Saunia Lelei mo le Aoaoina o le Suesuega:

Suesuega 19, “Amaketo” [printed Participant Notes published by Signs]

Suesuega 19, Faamaumauga mo le Suesuega [provided in this document]

Suesuega 19, Futuaga mo le Suesuega a le Taitai [e fautuaina le vasega ina ia faafoi mai Fautuaga mo le Suesuega 19 ua faatutumuina, na tufaina i le suesuega talu ai]

Suesuega 19, Ata PowerPoint presentation [provided on the DVD]

Faamaumauga e Tufaina i le Vasega:

Suesuega 19, Manatu Faasoa mo le suesuega lenei (kopi mo le vasega) [provided on the DVD]

Session 19 - Armageddon


Suesuega 20, Fautuaga mo le Suesuega (kopi mo le vasega), tufaina I le iuga o le suesuega lenei [provided on the DVD]



Faatomuaga o le Suesuega

Amata le suesuega i feau masani nei:

Faafeiloaiga

Talofa, o lo’u igoa o _________________.

E faafeiloai atu i la tatou Suesuega 19: Amaketo.

i le suesuega lenei, o le a tatou aoaoina faatasi ai ___________________________ ma uiga mo I tatou i le nei ona po.

O Tusi Paia

Faamolemole manatua e aumaia a outou Tusi Paia ia tatou suesuega taitasi.

Faamaumauga mo le Vasega

Ua saunia foi Faamaumauga mo lenei Suesuega. Faamolemole ia mulimuli tonu ai ma faasoa mai o outou manatu a o tatou suesue faatasi.

Manatu Faasoa

Ua faatutumuina a outou Manatu Faasoa o lee suesuega talu ai? E ta’u mai ai tulaga ua oo iai lou silafia i le iuga o a tatou suesuega taitasi.

Fautuaga mo le Suesuega

E talitonu sa faai foi a outou suesuega mo la tatou suesuega lenei ma naunau ai e fia faalogo ia outou suesuega ma manatu.

Ua maea foi ona saunia Fautuaga mo le Suesuega e te alu ma oe i le fale e faatuputeleina ai lou silafia. Faamolemole ia manatua e aumaia a outou Fautuaga ua maea ona taliina I la tatou suesuega o sosoo mai.

[Sii i luga le Fautuaga mo le Suesuega 20]

Suesuega

Afai na misi i ate oe se suesuega, faailoa mai ae saunia le Faamaumauga mo le Suesuega lea na e misia mo oe.

E faamoemoe foi o le a tatou talatalanoa i le ipu ti mama ua saunia e le au faigaluega pe a maea la tatou suesuega.

Opening prayer

Tatou tatalo i le taitaiga a Le Atua i la tatou suesuega.

[Tatalo]



Amataga o Faamaumauga mo le Suesuega

Mo le faaaogaina o Faamaumauga mo le Suesuega, mulimuli i faasinomaga i le pusa samasama.

O le Ata Tele

[Faamanatu manatu taua o le suesuega talu ai ona faatomuai ai foi lea o le suesuega lenei i manatu mai Faamaumauga mo le Suesuega ma Manatu Faaopoopo]

[FAAMAUMAUGA MO LE VASEGA, ITULAU 1.]

O le Vaaiga Aofai o le Taua o Amaketo

Faitau le Faaaliga 16:12-16

O le vaaiaga o loo gata ai la tatou molimau e faatatau i mala, o sauniuniga ia mo le taua i Amaketo, le autu o le Faaaliga 16:12-16. O nei mau ua pei ua toe tepa i tua se tifaga: O le fefo’ifo’ia’i i luma ma tua o nei va’aiga, e fesoasoani lea tatou te malamalama atili ai i le ata tele ma mea uma e tutupu i lea taimi ma lea taimi. O le fuaiupu 12, o loo faaataina mai ai e Ioane e ala mai i le mate o le Vaitafe o Euffirate, le i’uga o le taua i Amaketo e saunia ai le ala mo tupu mai sasa’e. A o fuaiupu 13-14, ua toe foi ai Ioane i tua e ta’ita’iina mai i tatou aga’i mai i luma. O mau nei e saunia ai i tatou mo le taua i Amaketo. O le a iai le faalapotopotoga a au a le tarako, le manu fe’ai, ma perofeta pepelo, e una’ia mai e agaga leaga o temoni.

Suesue le Fesili 1 i Le Fautuaga mo le Suesuega.

[Liliu i le vaega o fesili ma tali i le Fautuaga mo le Suesuega a le Taitai]

O le a lou manatu o le a le sootaga a le fuaiupu 15 ma le taua i Amaketo?

[Faaavanoa le taimi e talanoaina ai ma faasoa tali a le vasega]

O le lapata’iga i le fuaiupu 15, ia taofiofi mamau ia Iesu ona o faaaliga ma vavega ofoofogia e ono faaseseina ai. E matua taua tele le taofia lelei o lenei mau. O le ki lenei tatou te maua ai le malamalamaaga i mea e ao ina tatou amana’ia i le taua o Amaketo. Tatou te le o talanoaina au tau i le tino o faafesaga’i i se taua. O le taua o Amaketo e faia lea i loto ma mafaufau o alii ma tama’ita’i. O lona ogatotonu o le tala lelei. O le “tausia o ou ofu,” o se tasi lea ata o le mafutaga mafana vavalalata a le tagata e faatuatua ia Iesu. O le a faia e le tarako le manu fe’ai ma lona faatagata o vavega e taumafai e faaseseina ai. E faaseseina e oo lava i soo o Iesu pe afai e mafia ai, e pei ona lapata’i mai ai Iesu (Mataio 24:24). O le fuaiupu 16, ua toe aumaia ai foi i tatou i faalapotopotoga o au tau o le taua i Amaketo.

[FAAMAUMAUGA MO LE VASEGA, ITULAU 2]

O Ata mai le Feagaiga Tuai e Faaataina mai ai le Taua i Amaketo O le Eufirate i le Feagaiga Tuai, sa tua’oi ai Isaraelu ma ona fili o Asuria ma Papelonia. E sopo’ia e autau a nei malo le Eufirate pe a latou taumafai e osofa’ia Isaraelu. O le Vaitafe o Eufirate, e vaeluaina lelei ai le aai o Papelonia. E taua tele ia Papelonia lenei vaitafe e faasusuina ai ona faato’aga ma



feinu ai tagata. E le mafai e Papelonia ona ola e aunoa ma le Vaitafe o Eufirate.

I le Faaaliga e faaaogaina ai le igoa “Papelonia” e

faaataina mai ai pulega faa le lotu tuufaatasi e tetee ai Le Atua ma Ona tagata.

O loo molimau le Feagaiga Tuai i le ave faatagataotauaina e Papelonia o tagata o Le Atua ma saisaitia ai i latou i totonu o pa o lona aai. O le osofa’iga a Kuresa, le ta’ita’i ‘au o Peresia mai sasa’e na faasa’olotina ai le nuu o Le Atua. Sa manatu tagata Papelonia e le mafaia e Kuresa ona faato’ilaloina Papelonia ona o le mautu o le suavai ma le maualuluga ma lautetele o ona pa malolosi. I se tasi po a o faia faafiafiaga a ta’ita’i o Papelonial i le maota o le tupu o Pelesara, a o le taimi lava lea na sui ai e Kuresa le tafe a le Eufirate agai atu i le aai o Papelonia. Ona matutu ai lea o le alititai, ma mafai ai e au a Kuresa ona savavali ai i totonu ma faato’ilaloina le malo o Papelonia. Ina ua pa’u Papelonia, ona faatonuaina ai loa lea e Kuresa tagata o Le Atua e fo’i atu i Ierusalema. O le toe po o le malo o Papelonia, o le ata lea e faatusa iai le pa’u o Papelonia faaleagaga ma le i’uga o le lalolagi. O le ata a le Faaaliga, o loo saisaitia tagata o Le Atua i totonu o Papelonia. Peitai, e pei o Papelonia tuai, e faapena foi le alaga ua, “Ua pa’u, ua pa’u Papelonia,” ma le valaau i tagata o Le Atua ia o ese mai ia te ia (Faaal. 18:1-8). E ala i le tala lelei, ua sa’oloto ai nei tagata o Le Atua e foi atu i le Ierusalema Fou (Faaal. 20 & 21). O le Faaaliga 16:12, o loo tatou faitauina ai le pa’u o Papelonia faaleagaga, o le gagana e maua mai i le pa’u o Papelonia o le Feagaiga Tuai. O le Faaaliga 17, tatou te maitauina ai le malosi, le faamaualuga, le amioleaga o Papelonia faaleagaga. O loo faaataina mai e Ioane

Papelonia o se fafine o ofu i le ‘ie paauli mumu o ti’eti’e i le manu fe’ai mumu tele (fuaiupu 1-5). O lona igoa o Papelonia (f5), o ti’eti’e fo’i i vai e tele (f1), o le faatusa lea o, “tagata, ole motu o tagata, o nuu, ma gagana eseese” (f15). O loo faamalamalamaina e le Faaaliga 18 tulaga uma o le pa’u o Papelonia, atoa ai ma le alaga a i latou na auai faatasi i ana amio leaga. Ua pa’u Papelonia ona ua faia o ia ma nofoaga o pulega faatemoni, ma faitaaga ai ma tupu o le lalolagi (Faaal. 18:1-3).

E taofia faatasie Papeloni le tuufaatasiga o lotu, e ui

e iai le taimi e toe faasagatau ai ia latou o lagolagoina Papelonia i ate ia lava.

O le a latou iloa ua faaseseina i latou ma o loo latou faasagatau atu i Le Atua Foafoa e le manumalo iai. A afio mai Iesu ma autau a le lagi, ona latou liliu atu ai lea ma le ita tele, ma faatama’ia e na faaseseina i latou (Faaal. 17:16-17). O le matutu lena o le alititai o le Eufirate i le Faaaliga 16:12. E ui lava e le o ta’ua le igoa Papelonia i le fuaiupu 12, a ua tatou mautinoa ona o le ta’ua o le Vaitafe o le Eufirate. O le Eufirate, o le faatusa lea o pulega faa-le-malo a tagata o le lalolagi, ma isi lava ituaiga pulega eseese, ua tuufaatasia e auauna ia Papelonia. O le ata i le fuaiupu 12 e taunu pe a toe solomuli le lagolago a nei pulega ia Papelonia.


O loo faaaogaina e le Faaaliga le pa’u o Papelonia tuai e fai ma faatusa o le i’uga o lalolagi (Faaal. 17:15-17). Na pa’u Papelonia o le Feagaiga Tuai ona:



1. O le sauaina e Papeelonia ma le faatagatatauaina e Papelonia o Isaraelu.

2. O a latou tapuaiga i tupua.

3. Na valoia o le taitai au Peresia o Kuresa (Isaia 41:2; 44; 45; 46:11), e agai mai sasa’e e faasa’olotoina tagata o Le Atua ina ia toe foi e toe fausia Ierusalema ma le malumalu.

O le Faaaliga 16:12, o le faamatalaga lea i le saunia o le ala e omai ai tupu mai sasa’e—mai le nuu e oso a’e ai le la. E tele ona faaaogaina e le Tusi Paia sasa’e, o le faatusa o le sa’olotoga. E afio mai Le Atalii o le Tagata mai sasa’e (Mataio 24:27; Faaal. 7:2).


Aisea e Tele ai Tupu?

E ta’ua e le Faaaliga tagata o Le Atua, “o tupu ma faitaulaga” (Faaal. 1:6, 5:10). O se faamalamalamaga taua lenei, e ui a afio mai Iesu, e faafeao mai o Ia e agelu o le lagi, e pei ona ia fetalai mai ai (Mataio 24:30-31). E le o faafitia e Ioane le tulaga lena, ae o loo ia faaaogaina faafaatusa e faaataina mai ai a tauina e Iesu le taua mulimuli o Amaketo, Na te tauina o le vaega o le taua tele i le va o Le Atua ma Satani. O lenei taua e faatatau, pe o ai e tatau ona tapua’i iai. E faapefea foi ona faia lea tapua’iga.

O le Faaliga 17:14, e ta’u mai ai e faatasi soo o Iesu ma Le Tamai Mamoe i le tauina o lea taua. O le a ta’ita’iina mai e Iesu ‘au uma a le lagi i Lona toe afio mai (Faaal. 19:1-15), o loo faaataina mai e oofu i “‘ie vavae mama ma le pupula” (Faaal. 19:7-8). O le ofu foi lea o loo ofu ai le ava a le Tamai Mamoe, o le ata o galuega lelei a soo moni o Iesu.

O a latou galuega e aga’i atu e tau ai le taua. Manatua foi le Faaaliga 12:11, na faatoilaloina ai e tagata o Le Atua le tarako i auala taua lava e lua:

1. O le Toto o le Tamai Mamoe. ina ua maliu Iesu i Kalevario, na Ia faatoilaloina le molita’ia le au uso. Na Ia faaalia ai e le gata ina faamaoni Le Atua, ae mafia foi ona Ia taliaina i latou e tatau ona faasalaina i le oti (Roma 3:21-26).

[FAAMAUMAUGA MO LE VASEGA, ITULAU 4 ]

2. O le upu a la latou molimau: Tatou te vaaia foi Satani o ia tuua’ia Iopu. Na ia finau e ala ona faamaoni Iopu i Le Atua, ona e tele mea ua foa’iina iai e Le Atua. A e tali atu Le Atua ia Satani, e tusa lava pe aveesea mea uma mai ia Iopu, e talitonu lava Iopu i Le Atua. Na leiloa e Iopu le mafuaaga o ona mafatiaga. Peitai, na faapea ane, e talitonu pea i Le Atua tusa pe uma ai lona ola.

O le olaga o Iopu o le tulaga lea e oo iai i latou e faamaoni i Le Atua. E iai faigata e tutupu i o latou olaga, a e maise lava i taimi o le i’uga, a e tumau lava lo latou faamaoni i Le Atua. Ua sauni i latou nei e oti, nai lo le lafoa’ia o lo latou faatuatua ma le usaita’i i le feagaiga ma Ia.

O tagata o Le Atua o le iuga, latou te taliaina puapuaga ma le manumalo o le Tamai Mamoe, nai lo le faaaogaina o aupega e tau ai. Na faaalia manino e Keriso Lona mana e ala i Ona manu’anu’a nai lo le malosi ma le talenia. O le loto maualalo o Saint Francis na mafua ai ona tupu tele lona malo nai lo pulega a pope na latou lagolagoina osofaiga a le au Kerisianao o le au mosalemu e ta’ua Crusades. O se faatuatuaga faa Kerisiano e tu atu mo e vaivai ma tuulafoaina, e sili atu lona aoga nai lo le faatuatuaga e faalala mai lona oa ma lona malosi faa polokiki.



E ese le malo o Le Atua mai malo o le lalolagi. O se malo e matua ese lava ana faamasinoga faamaoni e ese mai pulega ua tatou masani ai, ae o se malo foi e matala atu i soo se tasi e lototele e talitonu iai ma talitonu e ese ana auala e foia ai faafitauli o le olaga.1

Suesue le Fesili 2, i le Fautuaga mo le Suesuega.

[Refer to Presenter’s Research Guide for questions and answers]

What did you learn from these texts?

[Allow participants to share their answers and discuss]

Due to their faithfulness, God’s people are pictured as going into the final battle alongside the Lamb (see Revelation 17:14, 19:14) as His army of 144,000 warriors (see Revelation 7:1-8, 14:1-5) are lined up in battle formation, just prior to the final battle. Ona o lo latou faamaoni, o loo faaataina mai ai tagata o Le Atua o auai faatasi ma le Tamai Mamoe i le taua (Faaal. 17:14; 19:14), o Lana ‘autau o le 144,000 (Faaal. 7:1-8; 14:1-5), o latou tutu atu faatasi ma Ia i le taua mulimuli.

O tagata o Le Atua o le iuga e tele ata e faaataina mai ai e Ioane:

E ta’ua o e totoe o le fanau a le fafine (Faaal. 12:17).

Latou te tausia poloaiga a Le Atua (Faaal. 12:17, 14:12).

E ia i latou le mea alofa o valoaga (Faaal. 19:10).

E ta’ua foi o le 144,000 (Faaal. 7:1-8).

1Based on C S Keener, Revelation, The NIV Application Commentary, pages 248, 249.

O loo faaataina mai foi i latou o le motu o tagata e toatele (Faaal. 7:9-17).

Latou te Talaiina feau a agelu e toatolu (Faaal. 14:6-11).

Ua faamaufaailogaina i latou i o latou muaulu (Faaal. 7:1-3). O le Faamaufaailoga a Le Atua e tuufaafeagai lea ma le faailoga a

le manu feai. O le tulafono lona fa manatua ia tausia le aso fitu le Sapati—o le faamaufaailoga foi lea o le feagaiga o le tulafono.

O Molimau foi e Toalua na fasiotia.

O tupu mai Sasa’e e omai e tau faatasi ma le Tamai Mamoe le taua mulimuli o Amaketo.

O le Amaketo, le taua mulimuli i le iuga, e le tauaina i ni

tanetau ma ni fana; o le taua lenei o talitonuga ina ia pulea mafaufau o tagata ae totonugalemu ai le tala lelei. E faatatau uma lava i le auala e mafai ona uumauina ai, pe

lafoaia foi lo tatou ufitia i le amiotonu a Keriso. E faatatau

uma i le fesili, o ai e tapuai iaie faapefea ma afea foi e tapuai ai.

E iloa ai foi i lenei taua, le taua tele o ituaiga olaga tatou te ola ai i aso taitasi. O taimi uma tatou te lafoa’ia ai o tatou lava manaoga, ae faatuatua ia Keriso, e tusitusia uma e Le Atua ia galuega lelei, ma Na faaaogaina e faato’ilaloina ai le fili. E pei ona faia e Iopu, latou te faapea ane e tumau lava lo latou faatuatua i Le Atua, tusa pe Na te fa’tagaina ia latou oti ai—e faaaogaina e Le Atua nei galuega lelei i le taua. O tatou olaga i aso ta’itasi, tatou te faailoa atu ai i le lalolagi, tatou te talitonu i le fea ma le faamaoni o Le Atua. O lo tatou ‘auai lea ma Le Atua ma tatou molimauina ai le pepelo o le ti’apolo. O le molimau a Paulo:



“Aua e ui lava ina matou savavali i le tino, matou te le tau faaletino. Aua o ‘aupega a la matou nei taua e le faaletino ia, a e faamalolosia e Le Atua e lepetia ai ‘olo. O loo lepeti i lalo o masalosaloga, ma mea maualuluga uma ua faasiasia i le mataupu a Le Atua, o loo faato’ilaloina manatu uma ia anaana ia Keriso.” (2Korinito 10:3-5).

Manatu mo Talanoaga:

Ina ua e malamalama i lenei, e te manatu e tatau ona iai o se eseesega i o tatou olaga i le aso? E te manatu ua fesoasoani lea e malamalama ai i mafuaaga o tofotofoga ma tiga o tatou fetaiai i aso taitasi?

[E tatau ona e atinaeina le manatu e faailoa mai e Le Atua i le Tusi Paia le taua tele i ate Ia o le tapuai ma le auala e tapuai ai]


O le Mala Lona Ono

O le mala lona 6, Faaaliga 16:2, e faatatau i le lafoaia e pulega na lagolagoina Papelonia. Sa lagolagoina uma e malo o le lalolagi Papelonia (Faaal. 17:15; 18:3). Na ia faaseseina i latou uma ma latou lagolagoina ai o ia i le taua faasaga i Le Atua ma Ona tagata. Na manatu e fasiotia uma i latou e faamaoni pea i Le Atua (Faaal. 12:17; 13:11-17), a e ona o mala, ua latou iloa ai e le mafai ona latou faato’ilaloina Le Atua ma Ona tagata. Ua latou fetaia’i ma ituaiga o faigata eseese faanatura. Ona latou liliu atu ai lea ia i e na faaseseina i latou. Ua latou vaai atu i le afio mai o Iesu Keriso mai sasa’e. Ua iloa e pulega uma faa le lalolagi sa lagolagoina o ia, ua latou faasagatau atu i Le Atua Foafoa, ona ua faaseseina i latou e Papelonia i ana vavega pepelo. Ona fai mai ai lea o le Faaaliga 17:15, ona latou liliu atu ai lea ia te ia ma faaumatiaina o ia.


E pei lava o le masani o tusitusiga a Ioane e fefoifoia’i i luma ma tua, e atina’eina ai foi lenei ata, ua toe ta’ua ai foi le ‘au nofo-tolu-pepelo. E iai foi le tasi igoa o le manu fe’ai mai le fanua—o le perofeta pepelo. E faamaonia e le Faaaliga 19:20 na faapea mai ai e faia e le perofeta pepelo vavega, o ia o le sui o le manu fe’ai mai le sami. O loo tatou talanoaina se pulega e foliga mai e Kerisiano a e faia vavega pepelo faa penetekoso. Na te aumaia le afi mai le lagi i le lalolagi i luma o tagata e to’atele (Faaal. 13:13).

O mau e iai le Mataio 24, 2 Tesalonia 2, ma le Faaaliga 13 e manino a latou molimau i le faasesega tele i le taimi o le iuga. E tusa ai ma le Faaaliga 16:16, o le nofoaga e tau ai lenei taua e ta’ua o Har-Magedon. O le uluai “amaketo” na tauina i le Mauga o Karamelu, na fesagai ai le perofeta o Elia ma perofeta a Paala. O le fefinauaiga lenei i le va o itutaua e lua pe o ai Le Atua—Paala pe o Ieova. Ina ua alu le taimi e le mafaia e perofeta e Paala ona faamuina le taulaga, faatasi ai ma le aamu mai ia Elia, ona tali mai ai loa lea o Ieova i se tatalo faigofie lava ma Na Ia auina mai ai le afi mai le lagi e faatumauina ai ua na o Ia lava Le Atua moni.

A e tasi le faafitauli o le Karamelu o le iuga: o le pa’u o le afi mai le lagi i le fata sese! E le o le faamaonia o Le Atua moni, o le molimau a lagona e faasino lea e moni le nofo-tolu-pepelo. O le a avea lea ma tulaga e matua matautia i le fanau a tagata.

E faamanatu mai e lane e tolu ia i tatou faataulaitu o Iani ma Iameri na faia foi nisi o vavega a Mose ma Arona. Ao mala lane, o le mala mulimuli lena a Mose na la mafai ona toe faia (Esoto 8:1-15).



O temoni e toatolu e foliga main i rane e 3, o le mala lona 6, o le taumafaiga mulimuli lava lea a Satani e faafoligaina le galuega a Le Atua o le Faaaliga 14:6-11. O ‘au tetele nei, ma fe’au tetele nei e lua ua tuuina atu i le lalolagi i le taimi lava e tasi—e matua taua tele filifiliga ona e tetele taui o itu uma e lua. Fai mai le molimau e eleelea temoni-foliga-rane ona o fesoota’iga ma Papelonia, e fai ma nofoaga e matua faatumulia i agaga leaga (Faaal. 18:2). O tupu o le lalolagi, e tutusa lelei ma le ata o le Vaitafe o Eufirate (Faaal. 17:15). Ua auina mai e le nofo-tolu-pepelo—o le tarako, le manu fe’ai mai le sami, ma le manu fe’ai mai le fanua—o agelu leaga pe o temoni e toatolu e taumafai e faatosina pulega faa-le-lalolagi e auauna ia i latou a e teena Le Atua moni. O le auala e faatosina ai ia pulega, o le faasese. O le manuia o lea faasesega, o le aofa’i lea o ia pulega o le a ‘au’aumea faatasi ma le nofo-tolu-pepelo e tau ai le taua tele. A manuia le nofo-tolu-pepelo e faamaopoopoina pulega a malo o le lalolagi i la latou ta’ita’iga, ona tonu loa lea o le valo’aga i le taua tele i le aso o Le Atua Silisiliese. O le tuuina atu e pulega a le lalolagi, ma pulega a tapua’iga a latou pulega i le nofo-tolu-pepelo, ona atoatoa loa lea o ‘au tau e lua mo le taua tele. O le a tuufaatasia e rane e tolu pulega faatevolo pito tetele e lua:

(1) O Papelonia faa le lotu (2) Pulega faa le malo o le tuu faatasiga o malo eseese.

E tatau ona tuufaatasia nei faapotopotoga ma pulega eseese.

O le Gaoi i le Po

[O le Faaaliga 16:15 o le putu taiala foi lea e fesoasoani e taofia ai soo o Iesu i la tatou savaliga ia faatumauina lo tatou mataala faaleaagaga.]

Ona faafuasei lea ona sui o le tulaga o le faaaliga, i le lotolotoi o faiga a pulega amioleaga i le Faaaliga 16:15. O lea suiga, ua fusia faatasi ai e Ioane feau uma a le Feagaiga Fou e faatatau I le taimi o le iuga:

“Faauta, Ou te alu atu e pei se gaoi! Amuia le mataala, ma tausi i ona ofu, ina nei savali o ia e le lavalava, nei iloa atu foi lona ma” (Faaal. 16:15).

O se vaaiaga ititi lenei o le vaega a le au amio tonu i le taimi o le taua tele mulimuli. E pei lava o le valaau a Iesu i Lana luga mulimuli i luga o le mauga, o loo iai le valaau ia mataala (Mataio 24; Mareko 13; Luka 21). Na faaaogaina foi e Paulo lea lava gagana e tasi i le 1Tesalonia 5:1-11. E iai fo’i le sootaga o le feau ia Laotikaia ma le lauga lenei a Iesu (Faaal. 3:15-18) A o lalata mai le iuga, o loo alaga mai ai le valaau i tagata o Le Atua ia faaaogaina feau tetele mai le Feagaiga Fou:

O le evagelia a Mataio, Mareko ma Luka;

O tusitusiga a Paulo;

O feau e fitu i ekalesia i le Faaaliga.

O feau nei, o le valaau mulimuli lea a Le Atua i Lana “autau”

tuufaatasi o e mulimuli ia Iesu i le taimi o le iuga.

In the midst of the preparation for the final battle, John pauses to insert the message found in Revelation 16:15. It alludes to temple guards keeping watch. If they were found asleep, the captain would take their clothes. To be a temple guard and be found naked was a disgrace. This was also done to soldiers captured in war.



I le ogatotonu o lenei sauniuniga mo le taua tele mulimuli o le tala faasolopito o le lalolagi, a e faaofi mai ai e Ioane le fe’au o le faamoemoe i le Faaaliga 16:15. E maua mai lenei ata i leoleo o le malumalu i le Feagaiga Tuai. A maua i latou o momoe, ona aveesea lea e le ta’ita’i o latou ofu. O se leoleo malumalu, a e maua ua le lavalava, o se faalumaina lea e leai so na tusa. E faapea fo’i le faiga i fitafita e ave faatagataotauaina i se taua.


O Lapataiga i le Taimi e Tuaoi ma le Afio mai o Iesu

Mataio 24:42-44, na lapataia ai e Iesu Ona soo ia sauni. Afai e le mataala, ona pei lea o i latou o le tagata le mataala, na te le iloa fuafuaga a le tagata gaoi i le taimi e sau ai. O le uiga o le fetalaiga a Iesu e faatatau i Lona afio mai pei se gaoi, o le le iloaina lea e le tagata e ana oloa le taimi e sau ai le gaoi.

[O le lapataiga lenei i le afio mai o Keriso ua faatusa ai i le gaoi e matua taua lava, o le toatele la o Kerisiano o i le vasega, e manatu o le afio mai o Keriso e faalilolilo, ma leai se gase—pei se gaoi. Ia sauniuni la e faaaluina le taimi i le vaega lenei ia mautinoa ai latou te vaaia le taua tele o uiga o nei mau]

Na faaaogaina fo’i e Paulo le faatusa o le gaoi i le 1Tesalonia 5:2-3, o ia faailoa mai ai e manatu o le a fifilemu mea uma, “O le aso o Le Ali’i, e pei o le gaoi i le po,” e le iloa e se tasi le aso ma le taimi. Peitai, o le faafaanoga o le lalolagi o le a vaaia e mata ma faalogoina fo’i e taliga uma. E leai se mea e faalilolilo i le afio faalua mai o Iesu ona o le a faatafunaina mea uma. Na faaaogaina fo’i e Peteru le ata o le gaoi e faamalamalamaina ai le afio faalua mai o Iesu. Peita’i, a afio mai Iesu, “. . . e mavaeese ai le lagi ma le gogolo tele, e te’a eseese ai fo’i o mea na fai a’i

ina ua mu. O le lalolagi fo’i ma galuega o iai, e susunuina uma lava.” (2Peteru 3:10-13). O le lapata’iga i le Faaaliga 16:15, o le lapata’iga lea i Kerisiano ia tumau i le ola ma le mataala faaleagaga, ina ia le faaseseina i latou i vavega faafoliga a le nofo-tolu-pepelo. A faaseseina i latou, e ono soloiesea pe aveesea ai ofu o a latou galuega lelei, o ofu ia pe o galuega lelei ia e mana’omia e ufiufi ai i le taua faatasi ma Keriso i le taua tele (Faaal. 19:7-9). O nei ofu e aofia ai ma le amiotonu a Keriso na folafolaina mai i le Faaaliga 3:18, o se mea tatou te mana’omia mai ia Keriso. Ua lapata’iina i tatou, a leai le amiotonu a Keriso, ona maua mai lea o i tatou o le lavalava. O i latou uma lava e au ia Papelonia, e tuulafoa’iina ma le lavalava i latou (Faaal. 17:16).


Amaketo

Faitau le Faaaliga 16:16

O le upu—e faaleoina “H’armageddon”—o le upu Eleni lea na faaliliuina mai le upu Eperu, e na o le faatasi lava ona ta’ua i tusitusiga faa Eleni uma. O le upu Har i le gagana Eperu e fa’aaogaina i mauga. E le o matua manino le uiga tonu o le upu Mageddon. E ui e iai le sootaga ma le upu Megiddo, ae leai se mauga e igoa ia Megiddo—ua na o se mauti’eti’e (tel) o iai toega o le aai e ta’ua o Megiddo.

[Atonu e te filifili e faamalamalama ai le vasega o le upu “tel,” o se mautietie lea e mafua mai ona o le fausia o se aai i luga o se tulaga sa iai se aai ua soloia i augatupulaga e tele ua mavae. Fai ma faataitaiga se keke faa nuanua, e eseese lanu ona o le faasologa o augatupulaga o le talaaga o le lalolagi]



O le ata faatusa o Amaketo iinei, o le aai e tuufaafeagai ma Siona. O le aai o Siona e faamaopoopo iai tagata o Le Atua faatasi ma le Tamai Mamoe. O le faamaopoopoina o nei autau e lua, o se ata faatusa e faatatau i mea o le a tutupu i tala atu o le vaai. E tietie Mekito (Megiddo), i luga o fanua laugatasi o Esdraleon (i lalo ifo o le Sami Kalilaia). O le nofoaga e tele ni taua sa tauina i le Feagaiga Tuai. Ona o se laufanua ua masani i le toto masaa i taua, e mafai ai ona avea lenei laufanua ma faatusa o le taua mulimuli, pe o le faamasinoga a Le Atua i le lalolagi. E le mafai ona tauina se taua mulimuli o le lalolagi i lea nofoaga pumoomoo. O taua i aso nei, o taua tetele e faaaogaina ai mea tau faatonutonu alu mamao, e fanaina aga’i atu i ni nofoaga e faitau afe maila le mamao. Afai tatou te tutu i laugatasi o Esdraelon ma vaai agai atu i le sami, ona tatou vaaia ai lea o le Mauga o Karamelu. O le faaaogaina o le igoa Amaketo, e mafai ona fesoota’i ai ma le tala ia Elia, ma le fefinaua’iga pe o ai Le Atua moni: O Le Atua o Elia, pe o Paala. O le tali mai i le afi, o Le Atua moni lena.

Peitai i le taimi o le iuga, o le a alu ifo ai le afi mai le lagi i luga o le fata sese. O le manu feai mai le fanua, o ia lea e

faatonuina le afi lea ina ia faaseseina ai le lalolagi.


Afai e faalagolago tagata na o latou mata, taliga, ma lagona, ona lamatia ai lea o i latou mo le faasesega tele o le taimi o le iuga.

This end-time deception will demonstrate conclusively to the senses that the counterfeit trinity is the true God. It comes after the great end-time proclamation of the gospel (see Revelation 14:6, 7). To endure such a strong deception, you must be grounded in the scriptures.

O le a matua malosi lava lenei faafesega i le taimi o le i’uga ia faamaonia ai, ia i latou e faalagolago i mata, taliga ma, o le atua moni le nofo-tolu-pepelo lea. E oo mai lenei faasesega ina ua mae’a le tala’iina o le tala lelei (Faaal. 14:6-7). Ina ia le aafia I lenei faasesega malosi, ia e matua mauaa i le Tusi Paia.

E le faaletino autau, e faaleagaga lenei taua, ma o le a faalagolago tasi tagata o Le Atua e na o le faatuatua e faamaonia e le Tusi Paia,

ae maise lava o valoaga. O le ata tele o le taua lea i le va o malolosi o nofo-tolu e lua. O le

taua lea e tali ai le fesili:

“O ai le pule moni o le univesa?”

E faavae se faafoliga i se mea e faamaoni. O le tala’iga-tele o le tala lelei i le i’uga, o le a mulimuli mai ai le faasesega-tele pei lava ona faia i luga o le Mauga o Karamelu. E foliga mai lava e manumalo le mea pepelo ma le faafoliga.

I le taimi o le ipu-mala lona ono, o le a faamalamalamaina ai le itu faaleagaga o le taua o Amaketo, a o le taua lava ia o le a tauina i le liligiina ifo o le ipu-mala lona fitu (Faaal. 16:17-21).

[FAAMAUMAUGA MO LE VASEGA, ITULAU . . .]

O le Mala Lona Fitu

Faitau le Faaaliga 16:17-21

Suesue le Fesili 3 i le Fautuaga mo le Suesuega.

[Liliu i le vaega o fesili ma tali le Fautuaga o le Suesuega a le Taitai]



E te vaaia se sootaga i le va o le nofo-tolu-pepelo ma le malepelepe?

[Faaavanoa le taimi e faasoa ma talanoaina ai tali a le vasega]

E alu ifo lenei mala mata’utia mai le malumalu i le lagi. A toe tepa i le Faaaliga 15:8, e vaaia ai le mamalu tele o Le Atua, e le toe mafai ona ulu atu iai se tasi se’ia mae’a mala e 7. O le galuega mulimuli a Le Atua o le soloia lea o mea na faaleagaina e le nofo-tolu-pepelo faa-temoni. I le taua faa-Karamelu i le i’uga, e ui e foliga mai e manumalo le nofo-tolu-temoni, ae utiuti lava lea taimi. O le mala lona 7, o le tali lea a Le Atua e tineia ai se manatu manumalo ia Satani. E tele ina faaaogaina e le tusi o Faaaliga le feemo o uila, gogolo, faititli, ma le mafui’e tele, o le gagana e fesoota’i ma le nofoali’i o Le Atua (Faaali. 4:5; 8:5; 11:9).

The last great battle is accompanied by earth’s final earthquake, an earthquake like no other. The unity of the counterfeit entities is now shattered and split into three parts: the dragon, the beast, and the false

prophet. The cities of the nations also collapse, meaning the civil and

secular powers have also fallen.


E manatua e Le Atua Papelonia ona ua, “pa’i atu ana agasala i le lagi, ua manatua fo’i e Le Atua ana amioleaga” (Faaal. 18:5). Ona sasaa mai ai lea ia te ia, “o le ipu uaina o Lona to’asa

mamafa” (Faaal. 16:19). O le a sasaaina ifo ia i latou uma e mulimuli atu i le manu fe’ai (Faaal. 14:10), a e maise lava le fafine talitane: “Ia outou taui atu ia te ia pei ona taui mai e ia ia te outou. Ia outou taui atu ia te ia e tusa ma ana galuega. O le ipu fo’i na liligi mai ai e ia, ia outou liligi fa’aluaina atu ai ia te ia” (Faaal. 18:6).

O le faataunuuina o le faamasinoga mulimuli a Le

Atua e i luga lea o Papelonia, ma i latou uma e filifili e au faatasi ma ia.

O le liligiina mai o le mala lona ono e mou ai motu ma mauga (Faaal. 6:14). O vaaiga nei e aofia uma i le siosiomaga o le Afio Faalua mai o Keriso. E muamua foi le mafui’e tele, ona oo mai ai lea o mea mulimuli. Afai o ni mea totino uato’a, o se mala e matua malepelepe ai mea uma ona e ta’i 45 kilokalama le mamafa (100 pauna), o le faaliliuina o le ‘taleni’ e tasi. Sa faaaogaina faa auupega e tagata Isaraelu uato’a e tau ai ma Kanana (Iosua 10:11), ma faato’ilaloina ai Koku ma Makoku (Esekielu 38:18-22). A e afai ua na o ni ata faatusa uato’a, o lona uiga o loo faatatau i le faamasinoga mamafa ma le matautia a Le Atua i Ona fili—o le atoatoa lea o Lana faamasinoga. O le a faateleina le uio pe a liligiina mai o mala (Faaal. 16), ona o taimi uma lava e faamasinoina ai e Le Atua nisi, latou te fetuu ai i Le Atua ona e le o toe salamo pe toe fo’i ia te Ia. A tapunia loa le faitotoa o avanoa, ua faamaufaailogaina ma puipuia e Le Atua i latou uma e faatuatua ia Iesu. Ona tuueseina



lea ma faasalaina e Ia i latou e tetee ia Ana tulafono. E faamaonia i mala, i latou uma i le itu a Le Atua.

O lenei lapataiga manino ia i latou e manatu latou te mafai

ona foui mai ia Keriso i soo se taimi lava e malie i ai.


O le Faataunuuina o Mea Mulimuli

O le a le tulaga vaaia o nei taimi?

Na fetalai Iesu, e tala’iina le tala lelei i le lalolagi uma ona oo mai ai lea o le i’uga. Na ia lapata’i mai fo’i o le a iai e teena le tala lelei a o Ia lapataiina Ona soo ia mataala i le, “mea inosia e fa’atafunaina’i” e pei ona valo’ia mai e Tanielu. Na Ia fetalai manino mai, a vaaia loa lenei pule ua tula’i mai e faia lana galuega, o le taimi lea e sosola ai. Ina ua li’o e au a Roma Ierusalema ma toe solomuli, na manatua e Ona soo Lana lapata’iga ma latou sosola ai. E iai fo’i le taunu’iga o nei upu i le taimi o le i’uga, e pei lava ona taunuu valo’aga na faatatau ia Ierusalema. A o le taimi o le i’uga, o le mea inosia o le faamalosia lea o le lalolagi ia tapua’i ma ifo i tupua. O le tupua lea, o le faatagata o le manu fe’ai. Ae o le ifo pe tapua’i i le manu fe’ai, o le tapua’i lava lea pe ifo i le tarako. O le nofo-tolu-pepelo lava lea ua taumafai e faafoliga mai i Le Atua.

O le a faaseseina nisi i vavega e faia e le nofo-tolu-pepelo, e faamamanaina e agaga leaga. O le a tofotofoina tagata o Le Atua i le tulaga, O ai e tapua’i iai? E faapefea ona tapua’i? O le taimi tonu foi e tapua’i ai? A tausia e le tagata le Sapati i le taimi lea, na te faailoa atu ai lona faamaoni i Le Atua Foafoa na faia, “le lagi, ma le lalolagi, le sami atoa ma puna o vai” (Faaali. 14:6-7).

E lapata’iina fo’i tagata o Le Atua e faatatau i le malosi faatosina ma faasesega a Papelonia. Ia latou ta’u atu ua avea Papelonia ma nofoaga o temoni e faaseseina ai le lalolagi i le uaina o lona valea (Faaal. 14:8; 18:1-8). O le fe’au lea o le a matua ita tele ai Papelonia i tagata o Le Atua. E lapata’i fo’i e tagata o Le Atua i latou o i totonu o Papelonia e o ese mai i fafo (Faaal. 14:9-11).

O le talaiina o feau a agelu e toatolu e faaosofia ai le

tetee o pulega a Papelonia e faasaga tau i Le Atua ma Ona tagata. Ona tosina ai lea o tagata e filifili

mo Le Atua, pe teena foi o Ia.

O le to’atele o e nonofo i le lalolagi o le a filifili e ifo i le manu fe’ai ma lona faatagata. O le a matua lilivau fo’i le manu fe’ai ma lona faatagata ia i latou o e tala’iina fe’au a agelu e to’atolu. Ona fuafua ai lea o ia e fasiotia uma e le ifo i le manu fe’ai ma lona faatagata ma le taliaina le faailoga o le manu fe’ai. E toatele foi tagata o Le Atua o le a lafoina i falepuipui. O i latou ia ua iloa e oti i latou ona ua latou filifili e mulimuli i tulaga aao o Iesu. “A ua latou manumalo ia te ia ona o le toto o le Tama’i Mamoe, ma le upu a la latou mau, ua latou le faapelepeleina fo’i lo latou ola ua oo i le oti.” (Faaal. 12:11). O le a tutu faatasi pulega faa le lotu ma pulega faa-le-malo, e tetee atu ia i latou. I totonu o falepuipui, latou te faalogo i tala o mala ma mea mata’utia o tutupu i le lalolagi: o faama’i, o taua, o oge, o le mamago o mea uma ona ua leai ni timuga. Ua latou iloa, ua auina mai e Le Atua Lana faamasinoga i luga o au a Papelonia. Ua tuuina atu i tagata o Le Atua se taimi e sui ai a latou filifiliga; ona faatonuina ai lea ia fasiotia i latou.



A o lalata mai lea taimi, ae faate’ia loa fuafuaga a le nofo-tolu-epelo ina ua vaaia se malamalama ititi i le lagi. Ua faasolosolo ina tupu tele ma pupula tele le malamalama—ua afio mai le Atalii o le Tagata!


O le taimi lea ua matua faatuputeleina ai le fememea’i o tagata, ma le fenumia’i o mea uma faa natura. Ona faalogoina loa lea o le leo tele o alaga mai le lagi e pei o se faititili o faapea mai: “Ua uma!” Ua oono le lalolagi natura: ua mou motu i le sami—ua to’ulu ifo uato’a tetele ma olopalaina ai mea uma—ua faatafunaina aai ma soo se mea i luga o le fogaeleele.

O le a liliu atu i le lilivau o e ua faaseseina i e na faaseseina i latou. Ua pa’u ma malepe Papelonia

tele. Ua mamago nei vain a lagolagoina o Papelonia.

Ua malepe pa o falepuipui, ua sa’oloto tagata o Le Atua. Ua matalatala tuugamau ma toe tutu mai i latou na oti ia Iesu Keriso. Ona aveina’e lea o soo moni uma o Iesu ia fetaia’i ma Le Alii i le vanimonimo. Ua oo mai le taimi o le faatasiga o le olioli tele! O le taimi lenei sa faatalitali uma iai tagata o Le Atua mo le afe o tausaga. Ua oo mai le taimi. Ua uma le taimi. Ua amata le Faavavau. Amene!

Suesue le Manatunatu Iai i le Fautuaga mo le Suesuega.

[Liliu I le vaega o fesili ma tali I le Fautuaga mo le Suesuega a le Taitai]

O a ou manatunatuga?

[Faaavanoa le taimi e faasoa ma faatalanoaina ai tali ma manatu o le vasega]

[Faaiuga o Faamaumauga mo le Suesuega … faaauau i Manatu Faasoa]

[Tufa Manatu Faasoa mo le Suesuega i le vasega ma faaavanoa le taimi e faitau ai ma faatutumuina tali i fesili]

[Faatauaina manatu ma tali uma e faasoaina]

[Tufa Fautuaga mo le Suesuega ma faailoa i le vasega togi mo i latou e taumafai e tali fesili i le mea sili e mafia ai]

E faafetai atu i lo outou auai i la tatou suesuega.

© All rights reserved Seventh-day Adventist Church South Pacific Division. Not for profit publication. Faatagaina le faaliliuina e Etuati E. Erika [email protected]

http://carrumdowns.adventistconnect.org www.revelationhope.com

mailto:[email protected]

http://carrumdowns.adventistconnect.org/

http://www.revelationhope.com/

Documents

Amaketo...sauniuniga ia mo le taua i Amaketo, le autu o le Faaaliga 16:12-16. O nei mau ua pei ua toe tepa i tua se tifaga: le fefoifoiai i luma ma tua o nei vaaiga, e fesoasoani lea