REPUBLIKA E SHQIPËRISË KUVENDI - parlament.al · sporadik dhe i izoluar. Tashmë Ministria e Brendshme, e përfshirë në trafikun e drogës, është kthyer në sistem: ikën një

1

REPUBLIKA E SHQIPËRISË

KUVENDI

Komisioni për Ekonominë dhe Financat

PROCESVERBAL

Tiranë, më 15.05.2018, ora 10:00

Drejton mbledhjen:

Erion Braçe – kryetar i Komisionit

Rendi i ditës:

1. Miratimi i procesverbalit.

2. Raporti vjetor i Autoritetit të Mbikëqyrjes Financiare për vitin 2017 – kthimi i

përgjigjeve të pyetjeve dhe diskutime.

Marrin pjesë:

Erion Braçe, Jorida Tabaku, Blerina Gjylameti, Ervin Bushati, Evis Kushi, Ilir

Xhakolli, Roland Xhelilaj, Arben Pëllumbi, Edmond Spaho, Fatbardha Kadiu, Agron Shehaj,

Nadire Meçorapaj dhe Edmond Haxhinasto dhe pothuajse të gjithë deputetët e tjerë të Grupit

Parlamentar të Partisë Demokratike.

Mungojnë:

Anastas Angjeli, Antoneta Dhima, Xhevit Bushaj, Dashamir Shehi, Reme Lala dhe

Përparim Spahiu.

Të ftuar:

Ervin Koçi – Drejtor i Përgjithshëm Ekzekutiv i Autoritetit të Mbikëqyrjes Financiare

Pajtim Melani – Kryetar i Bordit Drejtues të Autoritetit të Mbikëqyrjes Financiare

Lyela Rama – Drejtor i Departamentit të Mbikëqyrjes së Tregut të Sigurimeve pranë

Autoritetit të Mbikëqyrjes Financiare

Violanda Theodhori – Drejtoreshë e Departamenti Juridik të Autoritetit të

Mbikëqyrjes Financiare

Niko Kotonika – Drejtor i Departamentit të Mbikëqyrjes së Tregut të Kapitaleve dhe

Fondeve të Autoritetit të Mbikëqyrjes Financiare

2

Fatbardha Hebovija – Drejtoreshë e Drejtorisë së Zbatueshmërisë në Departamentin

Juridik të Autoritetit të Mbikëqyrjes Financiare

3

HAPET MBLEDHJA

Erion Braçe – Mirëmëngjesi të gjithëve!

Fillojmë mbledhjen e Komisionit Parlamentar për Ekonominë dhe Financat.

Sot në rendin e ditës së punës të këtij komisioni, sipas kalendarit të miratuar në një

seancë të mëparshme, kemi raportimin vjetor të Autoritetit të Mbikëqyrjes Financiare për

vitin 2017. Kjo është mbledhja e dytë që zhvillojmë për këtë raportim, ndërkohë që në

mbledhjen e parë kryetari i bordit dhe drejtori ekzekutiv i këtij Autoriteti kanë bërë të njohur

veprimtarinë e tyre përgjatë vitit 2017.

Siç jeni njoftuar, të nderuar kolegë deputetë, anëtarë të këtij komisioni, kjo seancë do

t’u dedikohet përgjigjeve të pyetjeve, të cilat janë depozituar në kohë, një javë më parë.

Autoriteti ka pasur të gjithë kohën e mjaftueshme për t’u përgatitur, në përgjigje të pyetjeve

që, për fat, janë të shumta, prekin të gjithë gamën e gjerë të veprimtarisë së Autoritetit të

Mbikëqyrjes Financiare, si dhe njëkohësisht prekin, në mënyrë të qartë, edhe interesat e

qytetarëve, që lidhen drejtpërdrejt me veprimtarinë e këtij Autoriteti.

Për këtë arsye sot në Komisionin e Ekonomisë dhe Financave ndodhen: kryetari i

bordit të Autoritetit të Mbikëqyrjes Financiare, zoti Pajtim Melani, dhe zoti Ervin Koçi,

Drejtori i Përgjithshëm Ekzekutiv. Gjithashtu, siç ju kemi informuar, relator i komisionit për

këtë çështje është zonja Evis Kushi.

Zoti Drejtues i Autoritetit të Mbikëqyrjes Financiare, pyetjet i keni marrë, kështu që,

ju lutem, filloni me përgjigjet!

(Ndërhyrje pa mikrofon)

Më falni, një sekondë!

Urdhëroni, zonjë!

Jorida Tabaku – Zoti Kryetar, për procedurë, ky komision dhe asnjë komision tjetër

i parlamentit të Shqipërisë nuk mund të vazhdojë të operojë normalisht pas fakteve që Partia

Demokratike ka paraqitur javën e fundit.

Prej dhjetë ditësh në medie qarkullojnë informacione në lidhje me veprimet dhe

mosveprimet e ministrit të Brendshëm, që ka ndihmuar, në mënyrë të drejtpërdrejtë, vëllanë e

tij, zotin Agron Xhafaj, i përfshirë në trafik ndërkombëtar droge.

Një vendim i formës së prerë i Gjykatës së Apelit të Italisë e detyron zotin Agron

Xhafaj që të jetë në burg sot. Por, si rezultat edhe i mbështetjes që i ka dhënë kjo maxhorancë

ministrit të Brendshëm, me manipulimin e ligjeve të reformës në drejtësi, sot ai është i lirë

4

dhe drejton trafikun e drogës në Shqipëri dhe ka zëvendësuar ish-bandën e ministrit tjetër të

Brendshëm në Vlorë. Kështu, Vlora nuk është më qyteti i turizmit, Vlora është kthyer në

qytetin e drogës.

Unë besoj se është në detyrën e parë të këtij komisioni, që ne të fillojmë dhe të

diskutojmë, ashtu si në çdo komision tjetër parlamentar, për atë që Partia Demokratike ka

raportuar javën e fundit, për atë që opinioni publik diskuton javën e fundit dhe për faktin se

parlamenti i Shqipërisë nuk mund të ketë axhendë tjetër, përveç dorëheqjes së Fatmir Xhafajt.

Ne nuk mund të sillemi sikur nuk ka ndodhur asgjë, sepse ky nuk është një rast

sporadik dhe i izoluar. Tashmë Ministria e Brendshme, e përfshirë në trafikun e drogës, është

kthyer në sistem: ikën një ministër i Brendshëm, me një kupolë të tërë policie, të përfshirë

drejtpërdrejt në trafik droge (kjo jo e thënë nga Partia Demokratike, por e thënë dhe e

mbështetur nga partnerët ndërkombëtarë), vjen një ministër tjetër “droge”, i cili drejton sot

Ministrinë e Brendshme dhe që ka të njëjtën strukturë kriminale që kishte në katër vjetët dhe

pesë vjetët e fundit.

Ne, si Komision Ekonomie, na takon të diskutojmë sot për këtë çështje, madje edhe

për ligjin e lojërave të fatit, zoti Braçe, që u shty nga qeveria për dy vjet, siç duket, për të

mbrojtur interesat kriminale, që sot drejtojnë Ministrinë e Brendshme. Këtu anëtarë të këtij

komisioni kanë ndihmuar drejtpërdrejt zotin Agron Xhafaj për të përfituar nga trafiku i

lojërave të fatit. Komisioni i Ekonomisë duhet ta kishte sot këtë çështje si pikë të parë të

rendit të ditës.

Sot Komisioni i Ekonomisë, si dhe çdo komision tjetër, duhet të kishte në rend dite se

si mundet që të heqim njëherë e mirë krimin, trafikun nga Ministria e Brendshme. Sot çdo

komision dhe çdo axhendë parlamentare duhet të fillonte me pyetjet: si mundet që, deri në

qershor, ne të ndihmojmë që Shqipëria të hapë negociatat? Si mundet që deri në qershor ne të

përmirësojmë çdo kriter, duke nisur që nga lufta ndaj krimit dhe drogës, që fillon me heqjen e

ministrit të Brendshëm dhe me dorëheqjen e ministrit që, ashtu siç e faktuam dje në Partinë

Demokratike, ka qenë gjatë gjithë vitit të fundit i përfshirë jo vetëm në mbrojtjen ligjore, me

manipulim ligjesh, të vëllait të tij, por njëkohësisht edhe në organizimin e trafikut të drogës?

Kanë kaluar njëzetekatër orë nga faktet e publikuara dje në Partinë Demokratike. Nuk

kemi asnjë reagim. Në një vend normal të NATO-s; në një vend që ka marrë statusin e vendit

kandidat; në një vend që pret t’i hapen negociatat, sot ne nuk duhet të kishim ardhur në

parlament për t’u kthyer në normalitet. Sot ne duhet të kishim diskutuar se si mund të fillojmë

5

të plotësojmë kriteret për hapjen e negociatave, duke e nisur me dorëheqjen e ministrit të

Brendshëm.

Partia Demokratike ka pesë vjet që tregon me fakte, me prova se çfarë i ka ndodhur

Shqipërisë, ashtu siç treguam për dekriminalizimin dhe ata persona sot nuk janë në

parlament, por drejtojnë strukturat lokale të Partisë Socialiste; ashtu siç treguam dhe faktuam

me fakte përfshirjen në trafik droge të ministrit dhe strukturave të policisë; ashtu siç treguam

dhe faktuam përfshirjen e ministrit aktual të Brendshëm. Kjo tashmë po kthehet në një

normalitet dhe ne nuk do të lejojmë që kjo të kthehet në një normalitet. Ne nuk mund të

lejojmë që në Shqipërinë e vitit 2018 ministri i Brendshëm të mbrojë vendime gjykatash të

formës së prerë, të manipulojë ligjet dhe personi, për të cilin ka një vendim të formës së

prerë, të hyjë e të dalë nga dera e Prokurorisë së Përgjithshme sikur nuk ka ndodhur asgjë.

Kështu që, zoti Braçe, unë kërkoj të flasin edhe kolegët e mi, madje edhe kolegët tuaj

le të flasin për këtë çështje. Unë besoj se ka shumë kolegë të ndershëm nga Partia Socialiste

që duan të ngrenë po këto shqetësime; ka shumë kolegë të ndershëm nga Partia Socialiste që

nuk janë dakord me atë që po ndodh. Le të fillojmë ta diskutojmë sot dhe le të fillojmë t’i

kërkojmë dorëheqjen ministrit të Brendshëm jo vetëm ne, por edhe ju.

Erion Braçe – Faleminderit!

Tani, dy sqarime të vogla.

Zonjë, e para, që të jemi të qartë, ky komision është Komisioni Parlamentar për

Ekonominë dhe Financat, nuk është as gjykatë popullore, as gjykatë politike; as prokurori

popullore dhe as prokurori politike.

Në qoftë se ju doni një gjyq publik, popullor apo politik, më lejoni t’ju them se

Kushtetuta e Republikës së Shqipërisë, që nga viti 1992, si dokument themeltar i shtetit,

atëherë “Dispozitat kushtetuese”, dhe deri sot, e ndalon këtë gjë.

E dyta, ky komision ka një rend dite pune, i cili u është bërë me dije jo vetëm

deputetëve të kësaj ane, por edhe juve, si dhe vepron në bazë të një kalendari të miratuar nga

Kuvendi i Republikës së Shqipërisë, që është institucioni më i lartë vendimmarrës për këtë

rast. Në rendin e ditës së punës së këtij komisioni është veprimtaria e Autoritetit të

Mbikëqyrjes Financiare.

Ju është njoftuar në kohë juve dhe cilitdo deputeti tjetër, anëtar i këtij komisioni:

axhenda e punës së komisionit, dita e raportimit, koha e raportimit, përfshirë mundësia për të

bërë pyetje dhe për të marrë përgjigje jo në një seancë, por në disa seanca. Kjo është vetëm e

para, që fillon me përgjigjet e një serie të gjatë pyetjesh, që kanë të bëjnë drejtpërdrejt me

6

veprimtarinë e institucionit, më të rëndësishëm për mua, pas Bankës së Shqipërisë, që është

Autoriteti i Mbikëqyrjes Financiare. Pra, kjo seancë është e urdhëruar sot nga kalendari i

punës së Kuvendit, nga kalendari i punës së komisionit dhe është një seancë krejtësisht

normale dhe legjitime për t’u zhvilluar, në përmbushje të detyrimeve që kanë deputetët e këtij

komisioni, por edhe të detyrimeve që ka secili nga deputetët në raport me Autoritetin e

Mbikëqyrjes Financiare dhe interesin publik të qytetarëve të Republikës së Shqipërisë,

veprimtaria e të cilëve është e lidhur drejtpërdrejt me punën e ushtruar nga Autoriteti i

Mbikëqyrjes Financiare.

Kështu që do të doja t’ju kërkoja, me shumë qetësi, ta lejoni kryetarin e bordit apo

drejtorin ekzekutiv të Autoritetit të Mbikëqyrjes Financiare t’u përgjigjet pyetjeve të

adresuara nga deputetët e këtij komisioni.

Nga ana tjetër, pa asnjëlloj diskutimi, unë jam i gatshëm të bëj çfarëdolloj diskutimi

në këtë sallë që lidhet me ekonominë, me financat dhe me fushën e përgjegjësisë së këtij

komisioni, përfshirë edhe “lojërat e fatit”, me emra, me mbiemra, me pronësi, me aksione, me

roje, me lojtarë dhe me çfarë ju të dëshironi. Unë jam gati ta bëj tani këtë debat, edhe me

lojtarë po të doni. I doni lojëra fati elektronike, i doni lojëra fati manuale, i doni baste,

sportive dhe jo të tilla, po të doni edhe për ngjarje politike, unë jam gati t’jua u bëj këtë

diskutim, duke filluar nga lojtarët, tek ata që i manipulojnë dhe deri te pronarët. Nuk e kam

fare problem këtë.

Kur të dëshironi, bëjeni kërkesën tuaj me shkrim, e bëjmë këtë gjë këtu në komision

nga fillimi deri në fund. Por do t’ju kërkoja shumë që ju të mos i jepni vetes atributet e

prokurorit, të mos i jepni vetes atributet e gjyqtarit. Në këtë vend atributet e prokurorit i ka ai,

të cilit Kushtetuta ia ka ngarkuar këtë detyrim, dhe atributet e gjyqtarit i ka ai, të cilit

Kushtetuta ia ka atribuuar...


...këtë përgjegjësi.

Unë mendoj se është e tepërt që gjithsecili nga ne këtu të bëjë edhe prokurorin, edhe

gjyqtarin kur nuk e ka këtë tagër...

Edmond Spaho – Për procedurë.

Erion Braçe – ...as kushtetutshmërisht dhe as ligjërisht.


7

Në rast se dikush do ta bëjë prokurorin dhe gjyqtarin, është i lirë ta bëjë, pa asnjëlloj

problemi, unë nuk kam asnjë lloj mundësie ta ndaloj. Por, nga ana tjetër, pa asnjë lloj

diskutimi...

(Deputeti Spaho kërkon fjalën për procedurë.)

...Kushtetuta i ka ndarë këto role.

Në këtë vend, që nga viti 1990, pushtetet janë të ndara...


...në mënyrë të qartë, në pushtet legjislativ, ekzekutiv, gjyqësor, të medies e të tjerë

me radhë dhe gjithsecili bën punën e tij. Unë nuk mendoj se ka në këtë vend një individ, që

nuk është as gjyqtar, as prokuror, të mund ta bëjë këtë gjë.

Ka plot që e bëjnë, pa asnjë lloj diskutimi, por e bëjnë për propagandë.

Ligjërisht...

Edmond Spaho – Për procedurë, zoti kryetar.

Erion Braçe – A ka mundësi të mbaroj unë, zotëri?

Edmond Spaho – Po përsërisni disa herë të njëjtën gjë.

(Debat në sallë)

Erion Braçe – Tani, unë mund të flas...


Edmond Spaho – Na e the...


Erion Braçe – Zoti Spaho...

Edmond Spaho – Dakord.

Erion Braçe – E dëgjova kolegen tuaj dhe nuk e ndërpreu askush.

Foli sa dëshiroi dhe foli për ato që dëshiroi.

Dhurata Çupi Tyli – Për aktualitetin.

Erion Braçe – As i tha kush: mos fol për këtë; as i tha kush: bëj lapsuse; as i tha

kush: korrigjoji. Fare, zero! Kolegia juaj foli për ato që donte.

Tani, të lutem shumë, se këtë mbledhje e drejtoj unë!

Edmond Spaho – Dakord, por na e thatë disa herë çështjen e prokurorit.

Erion Braçe – Meqenëse m’u drejtuat mua disa herë, më lejoni që edhe unë të jap

opinionin tim lidhur për çfarë kërkoni. Për pjesën tjetër, mbledhja është legjitime dhe këtu

janë njerëzit që merren me këtë punë, të cilët janë thirrur në funksion të mbledhjes.


8

Edmond Spaho – Dakord.

Erion Braçe – Kalamani im nuk pi drogë, vëlla!


Të lutem!

Edmond Spaho – Bardhi!


Erion Braçe – Të lutem!

Edmond Spaho – Le të mbarojë zoti Braçe dhe...

Erion Braçe – Të tutë edhe mund të pinë, Albana, nuk është ndonjë shqetësim!

(Deputetja Vokshi flet pa mikrofon.)

Patjetër, Albana, patjetër!


Pra, po thosha...


Edmond Spaho – Të mbarojë zoti Braçe dhe e dëshiroj fjalën për procedurë.

Erion Braçe – Zoti Spahia, ju nuk jeni anëtar i këtij komisioni!

Jorida Tabaku – Ka të drejtë të flasë...

(Deputeti Spahia flet pa mikrofon.)

Erion Braçe – Kur ta jap unë fjalën.


Zoti Spahia, edhe një herë tjetër, ka një Rregullore se si funksionon Kuvendi.

Ju nuk jeni anëtar i këtij komisioni...

Bardh Spahia – Jam deputet dhe kam të drejtën e fjalës!

Erion Braçe – Patjetër, në komisionin tënd pa asnjëlloj problemi!


Në komisionin tënd, po, ndërsa këtu kur e jap unë fjalën!

Zoti Spahia, këtu kur e jap unë fjalën!

(Deputeti Spahia flet pa mikrofon.)

Në komisionin ku bën ti pjesë, ta japin fjalën kështu, pa asnjëlloj problemi! Unë nuk

kam shkelur ndonjëherë në komisionin tënd për të dhënë mendime atje! Ju lutem shumë!

Edhe një herë, zoti Spahia, unë jam i paaftë të flas për këtë që më kërkon ti. Unë kam

një seancë të thirrur për një çështje të caktuar, për të cilën, ashtu si gjithë kolegët e mi, në

9

përmbushje të detyrave të mia edhe unë kam përgatitur pyetje. Kam ftuar zotërinë për t’iu

përgjigjur pyetjeve, kështu që, ju lutem shumë, mos ndërhyni!

Për sa i përket rastit që ju flisni, në rast se doni të bëni prokurorin dhe gjyqtarin, është

shumë e thjeshtë ku mund ta bëni. Drejtojuni Prokurorisë së Republikës, Prokurorisë për

Krimet e Rënda, gjykatës së Republikës, përfshirë edhe Gjykatën për Krimet e Rënda, sepse

ato janë institucione legale të këtij shteti.

Meqë iu referuat NATO-s, jam shumë i qartë që në çdo vend anëtar të NATO-s do të

funksiononin institucionet legale të shtetit. Nuk i jep një parti politike apo një individ,

pavarësisht statusit që ka, deputet ose jo, vendimet për një individ apo për një tjetër. Kështu

funksionon shteti dhe ky sistem në të cilin jemi pjesë nga viti ‘90 e këtej. Në sistemin e

kaluar, pa asnjë lloj diskutimi që vendoste deputeti të pushkatonte, pastaj deputeti pushkatoj

vet e kështu me radhë.


Ju lutem!

Nuk je te ky...


Zoti Pëllumbi, ka mundësi të mbaroj unë?


Faleminderit!

Pra, pa asnjë diskutim, në një sistem demokratik duhet të veprojnë të gjitha

institucionet. Dje ka pasur një reagim, jo siç u tha këtu, që kanë kaluar 23 orë e pak dhe nuk

ka asnjë reagim, të qartë, publik, politik po të doni, sepse politik ishte, që u bën thirrje

institucioneve të shtetit të hetojnë menjëherë ngjarjen në të gjithë kompleksitetin e saj, duke

filluar nga ajo që është bërë publike deri tek i fundit i përfshirë në këtë histori. Ashtu siç ka

pasur ...


Historia?


Do të dish historinë?

Doni t’jua them?


Ajo që është me zë nuk ...


10

Zonja ish-deputete e këtij komisioni, ajo që është me zë nuk quhet video, por audio.


Videon, nëse e keni parë ju.


I thoni zonjës që keni në krah të mos më ndërpres.

Edmond Spaho – Përfundojeni fjalën në mënyrë që të flasim edhe ne.

Erion Braçe – Dje ka pasur një reagim shumë të qartë publik, në përputhje të qartë

me Kushtetutën e Republikës së Shqipërisë dhe me parimet e këtij sistemi në të cilin

ndodhemi, që i bën thirrje Prokurorisë së Republikës të hetojë menjëherë ngjarjen në të gjithë

kompleksitetin e saj, nga ajo që u shfaq në audio deri tek ajo që qenka video apo deri tek ajo

që mund të dalë nesër një hiç. Pra, të hetohet nga fillimi deri në fund me të gjithë përgjegjësit

brenda, në përputhje me Kushtetutën, ligjet dhe me parimin e famshëm, që na e sollët ju, siç

po thoni këtu, të prezumimit të pafajësisë. Nga ana tjetër, pashë në media që është bërë një

kallëzim penal, që i jep mundësinë Prokurorisë së Republikës të arrestojë cilindo që e

meriton.


Me qetësi.


Zonja Tabaku...


Edmond Spaho – Zoti Braçe, do të na e jepni fjalën?

Erion Braçe - ... pa asnjë lloj problemi mund t’jua porosisim, por këtu më ftove ti të

flas për këtë gjë. Unë mbledhjen e kam hapur dhe po pres ta vijoj për të diskutuar me

përfaqësuesit e Autoritetit të Mbikëqyrjes Financiare. Meqë më ftove të flas për këtë gjë, ki

mirësinë të dëgjosh për atë që më ftove të flas.


Pa asnjë lloj problemi ti dhe ndërgjegjja jeni simbole.

Edmond Spaho - A mund të ma japësh fjalën për procedurë?

Erion Braçe – Dua t’ju bëj të qartë që mbledhja është për Autoritetin e Mbikëqyrjes

Financiare. Në rast se doni të flisni për këtë çështje, jeni të mirëpritur. Para se zotëria t’u

përgjigjet pyetjeve deri në një, në rast se keni pyetje të tjera, pa asnjë lloj diskutimi mund t’i

depozitoni, me qëllim që t’i jepet koha zotërisë të përgatitet, por nëse doni të flisni për gjëra

të tjera, kjo mbledhje ndërpritet këtu.

11

Edmond Spaho – Për procedurë, zoti Braçe.

Erion Braçe - Po, zoti Spaho.

Edmond Spaho – U kërkoj ndjesë përfaqësuesve të Autoritetit të Mbikëqyrjes

Financiare, kam respektin më të madh për ta, janë kolegë të nderuar, profesionistë, me disa

prej tyre kemi punuar, por qëndrimi ynë këtu nuk ka të bëjë fare me punën e institucionit tuaj.

Kemi respekt për atë që bëni dhe do të vazhdojmë të bashkëpunojmë në të ardhmen, por

vendi ndodhet në një gjendje që ne nuk mund të rrimë indiferentë dhe të hiqemi sikur

Kuvendi i Shqipërisë ndodhet në situatë normale, sepse nuk ndodhet në situatë normale. Prej

disa ditësh ne kemi denoncuar përfshirjen e ministrit të Brendshëm në trafikun e drogës.

Sapo u shkarkua dhe gjoja është vënë në arrest shtëpie ish-ministri i Brendshëm, hapet

një histori me ministrin tjetër të Brendshëm. Unë nuk di ndonjë vend tjetër në botë, që të ketë

kaluar nëpër faza të tilla, ku ministrat e Brendshëm të përfshihen në mënyrë seriale në

krijimin e organizatave kriminale dhe trafikun e drogës. Ne nuk po kërkojmë dhe nuk

insistojmë të marrim atributet e prokurorisë dhe të gjykatës, as bëhet fjalë për të tilla gjëra,

por po flasim për fakte të qarta. Zotëria është dënuar nga gjykata dhe prokurorët e vendit

fqinj, Italisë. Gjykata e Kasacionit e ka dënuar vëllain e ministrit me 7 vjet e 2 muaj burg. Pse

ky zotëri nuk ka bërë asnjë ditë burg? Pse shteti shqiptar i jep mbrojtje politike? Pse është

vëllai i ministrit? Pse ka ardhur në Shqipëri dhe nuk arrestohet? Pse zotëria vazhdon të merret

me aktivitet kriminal? Ngaqë ka mbrojtjen e ministrit? Ka mbrojtjen e qeverisë? Ka

mbrojtjen e Kryeministrit? Pse nuk vepron ligji antimafia? Ligji e ka përcaktuar fare qartë:

“Njerëzve, të cilët janë dënuar për krijimin e organizatave kriminale dhe që janë marrë me

trafik droge, duhet t’u sekuestrohet pasuria”. Pse nuk i sekuestrohet pasuria Agron Xhafës?

Së dyti, ligji antimafia e përcakton qartë që të gjithë familjarëve, përfshirë vëllain e

tij, që është ministri aktual i Brendshëm, t’u verifikohet pasuria. Pse nuk i verifikohet

pasuria? Si mund t’i verifikohet pasuria kur i vëllai është ministër i Brendshëm? Si mund të

veprojë prokuroria kur vëllai ka një pozicion kaq të rëndësishëm? Këtë po kërkojmë ne. Po

bëjmë thirrje që ministri i Brendshëm të japë dorëheqjen, në mënyrë që t’i hapë rrugë

drejtësisë. Nuk po kërkojmë të dënohet ministri i Brendshëm, me atë le të merret prokuroria

dhe gjykata, por që të ndërpresim mbrojtjen politike që i jepet vëllait të ministrit të

Brendshëm. Nëse Kryeministri ka frikë, sepse pas kësaj historie do të hapen histori të tjera,

ku mund të jetë i përfshirë vetë ai apo familjarë të tij, ky nuk është faji ynë.

Opozita po bën të gjitha përpjekjet që vendi të pastrohet dhe që të hapen negociatat

për integrimin në Bashkimin Europian, por nuk hapen negociatat për anëtarësim me ministër

12

të Brendshëm të përfshirë në trafikun e drogës, vëllai i të cilit është dënuar në Itali për këtë

çështje, apo me ish-ministrin e Brendshëm, i cili me kushërinjtë e tij ka krijuar organizatë

kriminale. Kështu do të shkojmë në Europë? Cili vend i Bashkimit Europian ka një strukturë

të tillë qeverisëse? Ka ndonjë vend në Europë, ku ne duam të shkojmë, që ministri i

Brendshëm të mos japë dorëheqjen në raste të tilla? Automatikisht dje duhej të kishte dhënë

dorëheqjen, automatikisht prokuroria duhet ta arrestonte dje. Çfarë është ky turp që na thoni?

Vëllai i ministrit denoncoi përfaqësuesit e Partisë Demokratike për fajet dhe skandalet që ka

bërë ai. Pse nuk e arrestoi, sepse ai është i dënuar me 7 vjet e 2 muaj burg? E para gjë që

duhet të bënte prokuroria dhe policia dje ishte ta arrestonte. Ju na thoni paska denoncim. A

jeni në vete? Thirrini ndërgjegjes suaj, pavarësisht se jeni deputetë të Partisë Socialiste.

Vendi ndodhet në një pikë shumë kritike dhe ne duhet të bashkojmë zërin për të kërkuar

dorëheqjen e ministrit. Nuk ka mundësi Partia Socialiste të ndërtojë një qeveri të pa lidhur me

krimin, por duhet që gjithë kriminelët t’i përfshijë në qeveri dhe që ministrin e Brendshëm, i

cili duhet të jetë koka e luftës ndaj krimit, ta ketë të lidhur me bandat? Tani na ka ngelur të

marrim një mafioz dhe ta bëjmë ministër të Brendshëm.

Të nderuar kolegë, ne nuk po kërkojmë as atribute prokurorie dhe as atribute gjykate,

por të futemi në normalitet, si gjithë vendet e tjera, duke u ndarë njëherë e mirë nga krimi. Po

nuk bëmë këtë, do ta çojmë vendin në greminë.

Erion Braçe – Faleminderit, zoti Spaho!


Avash, se e drejtoj unë mbledhjen.


Me radhë.

E çmoj shumë sensibilitetin e zotit Spaho lidhur me këtë çështje. Ai bëri disa pyetje,

që nuk kanë lidhje me seancën për të cilën ne jemi mbledhur apo që nuk presin përgjigje nga

drejtuesi i Autoritetit të Mbikëqyrjes Financiare. Pa asnjë lloj diskutimi që zoti Spaho ka një

shqetësim shumë të drejtë.

Zotëria është dënuar në muajin mars të vitit 2012 me vendim të formës së prerë të

gjykatës dhe me sa di unë, qeveria e partisë së cilës i përket zoti Spaho apo drejton zoti Spaho

është larguar nga pushteti në shtator të vitit 2013. Pa asnjë diskutim që unë do të doja t’i

përgjigjesha secilës prej pyetjeve të zotit Spaho, por më shkon të them që keni pasur të gjitha

mundësitë t’u jepnit përgjigje pyetjeve tuaja ditën që zotëria është dënuar dhe një vit e

gjysmë pasi zotëria ka marrë dënimin e formës së prerë dhe nuk ka ndodhur asgjë me të.

13

Do të doja shumë që kjo seancë të kthehet në binarët e saj, por me sa duket qenka e

pamundur edhe për një arsye themelore: Ju nuk mbani përgjegjësi për qeverisjen tuaj,

ndërkohë që, pa më voglin dyshim, këtë përgjegjësi, që mund ta kishte konsumuar fare mirë

qeveria juaj, tani ia kërkoni institucioneve të tjera ligjzbatuese siç është prokuroria dhe

gjykata. Më vjen mirë që kthehemi në shinat e ligjshmërisë në këtë aspekt, pra i bëjmë thirrje

prokurorisë dhe gjykatës të merret me këtë gjë.

Tani po lexoj nga lajmet që prokuroria po bën detyrën e saj dhe po merret me audion,

që është në thelb të denoncimit tuaj. Ndodhet në selinë e PD-së për të marrë dhe për të pasur

në dispozicion audion për të cilën bëhet fjalë. Shumë mirë që funksionon shteti ligjor në këtë

aspekt. Do të ishte mirë që secili prej jush të ishte në selinë e PD-së për të bërë dëshmitarin

për secilën nga akuzat që ngrini. Është gjëja më normale në botë, që për atë që akuzoni, të

jepni dëshminë tuaj pranë prokurorisë dhe gjykatës.

Zoti Spaho, është e tepërt që ju të vini deputetët e këtij komisioni nën përgjegjësinë,

që praktikisht mund ta konsumoni fare mirë pranë organeve ligjzbatuese të shtetit shqiptar.

Kaq e thjeshtë është. Nëse doni që kjo çështje të zbardhet, mund ta bëni që tani në selinë e

PD-së me prokurorët që po hetojnë këtë ngjarje nga dje dhe në vijim.

Meqë nuk u bë nga muaji mars i vitit 2012 deri në shtator të vitit 2013, mund ta bëni

fare kollaj tani, sepse në selinë e PD-së ndodhen prokurorët. Është e thjeshtë.


Në 5 vjet qeverisje të kemi dëgjuar ty.

Fjalën e ka zoti Noka.

Flamur Noka – Faleminderit!

Zoti kryetar, ju jeni deputet i vjetër dhe nuk ju falet të gaboni, me apo pa dashje. Më e

rëndë është që ju të sajoni dhe trilloni për gjëra që nuk i dini mirë ose për gjëra që bëni sikur

nuk i dini mirë.

Erion Braçe – Flas për ato që kam dëgjuar nga ju.

Flamur Noka – Vendimi i Gjykatës së Kasacionit i përket datës 20. 09. 2012, kurse

zbardhja është bërë në dhjetor të vitit 2012. Me ligjet e shtetit italian, por sigurisht edhe shteti

ynë, ka një periudhë në të cilën shteti, pasi e shpall fajtor një shtetas të tij apo një shtetas të

huaj, e kërkon në territorin e tij dhe ky afat është minimumi 1 vit, që ta mësosh ti. Pas një viti,

kur rezulton që ky person nuk është në territorin e shtetit të tij, e fut në sistemin

ndërkombëtar, ia përcjell Interpolit.

Ta mbaroj, të lutem!

14

Zotëria gjatë kohës që ka qenë PD-ja në pushtet, thjesht ka qenë i shpallur në kërkim

në Itali, që ta mësosh, sepse ligjet italiane përcaktojnë që në këtë afat bëhet kërkimi në

territorin e tyre.

Më pas, kur keni ardhur ju në pushtet, ka rezultuar që zotëria nuk ka qenë në territorin

italian. Sigurisht, qeveria jote e ka mohuar ekzistencën e Agron Xhafajt në Shqipëri, nuk

ekzistonte si emër, sepse zotëria kishte ndryshuar emrin dhe ekzistonte me emrin Geron

Xhafaj. Ky është implikimi i parë i qeverisë suaj.

E dyta, ju sot vërtet mund të keni prioritet raportin, e AMF-së, zotëri, por shqiptarët

kanë një axhendë tjetër, kanë një prioritet tjetër. Ne, si opozitë jemi në përputhje të plotë me

axhendën e këtij vendi dhe të shoqërisë shqiptare. Ne po përcjellim shqetësimin që kanë

shqiptarët, pasi sot ky vend po vazhdon të drejtohet nga krimi i organizuar dhe nga trafikantët

e drogës, megjithëse jemi në fazën dhe në përpjekjet për hapjen e negociatave.

Shqiptarët janë të shqetësuar sot, sepse kaluam nga faza e kanabisit te faza e kokainës.

Shqiptarët janë të shqetësuar sot, sepse Vlora është shndërruar në kryeqytetin e

kokainës, me bekimin politik të qeveritarëve.

Shqiptarët janë të shqetësuar sot, sepse kaluan nga qeverisja e bandës së Saimir

Tahirit në bandën e Fatmirit. Ky është një shqetësim shumë i madh i tyre.

Shqiptarët janë të shqetësuar sot, sepse nga viti 2013 e deri dje, i drejtonin Habilajt

dhe Balilajt, ndërsa sot po i drejton Agron Xhafaj me të tjerët.

Shqiptarët po vuajnë sot, sepse nga një qeveri trafiku, kaluan në një tjetër qeveri

trafiku, nga një ministër i Brendshëm, i implikuar në trafik, doli që edhe ministri tjetër i

Brendshëm është totalisht i implikuar në trafik.

Sot shqiptarët e kanë problem dhe kanë një axhendë dhe një prioritet të ndryshëm nga

juaji, sepse në çdo qytet të Shqipërisë ka banda që komandojnë dhe që kanë emëruar drejtorë

dhe titullarë të shtetit tuaj.

Shqiptarët janë të shqetësuar sot, sepse të gjitha drejtoritë kryesore, ku menaxhohet

pushteti dhe paraja në vend, janë emërtesa direkte të bandave kryesore të këtij vendi në

Shqipëri dhe të gjitha këto, kanë lidhje me Ministrinë e Brendshme. Ky është problemi.

Shqipëria është nën pushtetin e krimit dhe të drogës. Ky është shqetësimi i

shqiptarëve. DASH-i është shprehur qartë, por ju nuk e dëgjoni dhe nuk e ndjeni: “Në

Shqipëri ka një shtet të kapur.” Ky është shqetësimi i opozitës dhe i shqiptarëve. A mund të

thuhet më shumë se kaq?

15

Çdo të thotë “shtet i kapur”? Kjo do të thotë qeveritarë të kapur. A ka rast më flagrant

sesa ky? Vijmë nga një ministër i kapur, te një ministër tjetër i kapur! Ajo video që ju nuk e

shikoni, ajo audio që ju nuk e dëgjoni, flet qartë: në Vlorë vëllai i ministrit tuaj të Brendshëm

operon qartësisht dhe drejton qartësisht trafikun e drogës, por vetëm me një ndryshim: u thotë

të transferohen te shoku i tij, se ai nuk është më, ai thjesht koordinon. Ky është ndryshimi.

A mund të pranojmë ne, a mund të pranojnë qytetarët e këtij vendi sot, që një ministër

i Brendshëm të ketë një vëlla që drejton trafikun e drogës, që është kryetar i një organizate

kriminale, i dënuar dhe i kapur nga DEA amerikane dhe është dënuar nga policia italiane?

A mund ta pranoni ju? Ju e keni pranuar, por si mund të pranohet që qytetarët të futen

në burg për 2 tulla dhe për 3 mijë lekë të vjetra energji elektrike, ndërsa kuksianët, të cilët

protestuan për të drejtën e tyre të rrinë në burg, ndërsa vëllai i ministrit tuaj të Brendshëm,

që ka një dënim të formës së prerë me 7 vjet e 2 muaj burg, jo vetëm që nuk i hyn gjemb në

këmbë, por ndryshohet ligji për ekstradimin e tij nga vetë vëllai i tij? Ju e keni gëlltitur këtë,

sepse ju jeni mësuar në këto vite ta gëlltisni turpin me bukë, të gëlltisni drogën, të gëlltisni

krimin, mjafton t’ju mbushen xhepat.

Mos harroni se ne jemi këtu jo për të bashkëpunuar me ju, as për t’u marrë me

shqetësimet dhe me axhendën tuaj, por për t’u marrë me axhendën e qytetarëve shqiptarë dhe

me shqetësimet e tyre.

Bëjani pyetjen vetes: A mund të ndodhë në një vend normal që një njeri, i cili duhej të

ishte prapa hekurave, të shkojë në prokurori dhe të denoncojë? A ka ndonjë vend të botës, ku

një njeri që ka një dënim të formës së prerë, të ketë guximin të shkojë në polici apo në

prokurori? Automatikisht, puna e parë, nëse do të kishte një prokurori të lirë dhe të pavarur

dhe prokurori, nuk do ta kishte mbiemrin as Xhafaj, as Rama, zotëria do ta kishte të

pamundur për të dalë nga ato dyer dhe do të bëhej arrestimi i tij dhe ekstradimi në Itali ose

konvertimi i burgut të tij në Shqipëri.

Pse ndodh kjo?

Kjo ndodh, sepse shteti është i kapur. Kemi një ministër të Brendshëm të kapur në

flagrancë. A është normale kjo? Ju duket normale juve që ne të shkojmë nga një ministër i

Brendshëm trafikant, në një ministër tjetër të Brendshëm trafikant, nga një ministër i

Brendshëm, i kapur nga droga dhe nga krimi, në një ministër tjetër të Brendshëm, të kapur

nga droga dhe nga krimi? Ju duket normale juve kjo? A ju shqetëson juve kjo? Nuk ju

shqetëson.

16

Neve na shqetëson, ndaj kjo është axhenda jonë kryesore dhe ky parlament nuk do të

mund të ketë axhendë tjetër përveç kësaj, deri në largimin e ministrit të Brendshëm.


Zonjë, vërtetimin e bën prokuroria dhe gjykata. Askush prej nesh nuk ka marrë

përsipër të bëjë rolin e prokurorit dhe të gjyqtarit. Opozita bën denoncimin. Ajo paraqet faktet

dhe i publikon ato. Opozita paraqet shqetësimin e qytetarëve të këtij vendi. A e përjetoni ju

situatën në të cilën është zhytur ky vend? A e mendoni ju si mund të takojë Kryeministri juaj

shtetarët e vendeve të NATO-s, kur ka një ministër me arrest shtëpie dhe kur ka në krye të

Ministrisë së Brendshme një tjetër ministër që ka një vëlla trafikant, që mbron krimin dhe

drogën e vëllait të tij?

Si e mendoni ju? Ju duket normale kjo?

Çfarë axhende mund të ketë ky vend, po nuk u çlirua nga kthetrat e krimit dhe nga

pushteti i drogës?

Po nuk u çlirua vendi nga pushteti i mafies, nuk ka të ardhme. Ky është shqetësimi

që kanë shqiptarët dhe që ka opozita. Kjo është beteja që ne së bashku me qytetarët e këtij

vendi, e kemi nisur dhe po e mbajmë dhe do ta vazhdojmë deri në triumf, sepse neve na

dhimbset ky vend, nuk na dhimbsen karriget. Neve na dhimbset e ardhmja e shqiptarëve dhe

e fëmijëve tanë dhe jo xhepat tona, si ju. Ky është ndryshimi i madh mes nesh.

Shëndet!


Erion Braçe – Mbaruat, zoti Noka?

Më falni një sekondë zoti Bushati, se u ngritën shumë akuza!

I nderuar koleg,

Pas këtij diskutimi unë do t’ia kursej vetes të flas në emër të shqiptarëve. Natyrisht,

nuk mund t’ua rekomandoj të gjithëve këtë gjë. Ka njerëz, të cilët flasin në emër të kujtdo,

edhe në emër të shqiptarëve, edhe në emër të ...

Flamur Noka – Ju kërkoj ndjesë!

Ju keni folur vazhdimisht si maxhorancë në emër të bandave, të krimit, të trafikut dhe

të trafikantëve.

Erion Braçe – Më lër të mbaroj të lutem!

Flamur Noka – Dikush duhet të flasë në emër të shqiptarëve. Flasim ne, që jemi të

paimplikuar, të papërzier, të pakorruptuar, në emër të Shqipërisë dhe të shqiptarëve dhe në

emër të atyre që aspirojnë dhe shpresojnë për një vend ndryshe.

17


Erion Braçe – Më falni!

Një sekondë, zonjë!


Me mikrofon, ju lutem!


Patjetër.

I nderuar koleg,

Po e përsëris edhe një herë: unë nuk flas dot në emër të shqiptarëve. Besoj se këtu

secili ka ardhur në emrin e vet personal dhe përfaqëson një kontribut votash të qytetarëve të

Republikës së Shqipërisë (dikush në shumicë dhe dikush në pakicë). Dikush flet në emër të

shumicës dhe dikush flet në emër të pakicës, por mbi të gjitha, gjithkush duhet të flasë në

emër të ligjit, sepse jemi në Kuvendin e Republikës së Shqipërisë.

Pa asnjë lloj diskutimi unë ta pranoj, si opozitar që je, edhe fjalorin për banda, edhe

për kriminelë, edhe për horra, edhe për fajtorë...


A ka mundësi të mbaroj?

A ka mundësi të flas unë?


Unë mund t’ju them si politikan...


Po thosha që unë, si politikan, mund ta pranoj të përdorni secilin prej këtyre epiteteve

në të gjitha ligjërimet tuaja publike, politike e të tjera me radhë, por duhet t’ju them se asaj,

së cilës i referoheni, si Europa, si Amerika e të tjera me radhë, nga fillimi deri në fund, kanë

vetëm një element: çështjen e prezumimit të pafajësisë.


Do t’ju lutesha shumë të kuptoni që edhe zotëria që flet, ka qenë me arrest me burg

disa ditë për fshirjen e videove të ngjarjes kriminale të 21 janarit dhe më pas u shpall i

pafajshëm. Kini mirësinë të prezumoni një herë pafajësinë për secilin nga ata që përmendni

dhe që ...


Atë që jep gjykata.


18

Po, pra këtë po mundohem t’ju shpjegoj, zoti Spahia.


Po, këtë po mundohem t’ju shpjegoj.

Unë e kuptoj që ju, që na sollët parimin e prezumimit të pafajësisë, nuk e pranoni

këtë parim për asnjë tjetër...


Po çfarë rëndësie ka?


I nderuar deputet,

Pa asnjë diskutim, e vërteta është shumë e gjithëpranuar në cilindo ambient, edhe kur

më adresoheni mua, edhe kur i adresoheni të gjithëve, edhe kur përmendni kuksianët, edhe

kur përmendni...


A ka mundësi të flas, zoti Spaho? Ju folët dhe unë nuk ju ndërpreva.


Zoti Spaho,

Sipas parimit tuaj të normalitetit, kjo mbledhje po shkon normalisht. Nuk po e kuptoj

pse doni ta prishni. Ju po thoni ato që mendoni, pavarësisht rendit të ditës së kësaj mbledhjeje

dhe nuk po ju ndërpret njeri.


Patjetër, ma ka dhënë Rregullorja të drejtën të flas.


Edhe një herë, ma ka dhënë Rregullorja të drejtën të flas. Këtë ia ka dhënë edhe secilit

nga ju, që më referohet.

Edhe një herë, doja t’ju thosha se pa asnjë diskutim ligjërimi juaj edhe për kuksianët,

edhe për ata që dënohen për tulla, edhe për ata që dënohen për llaç, edhe për ata, që ju

mendoni se dënohen për energjinë elektrike (në fakt janë për vjedhje) e të tjerët me radhë,

është i mirëpritur, por duhet të mbajmë një qëndrim dhe të jemi koherentë.

Unë për shembull, kam një qëndrim për kuksianët dhe jam koherent. Edhe për rrugën,

edhe për hidrocentralet. Unë nuk shkoj të pres shiritin për 6 hidrocentrale dhe më pas të

protestoj për 6 të tjerë. Unë jam korrekt dhe jam kundër 6 të parëve (pavarësisht prerjes së

shiritit), ashtu siç jam kundër 6 të dytëve.


19

Në rregull. Ja, kjo është diferenca në këtë rast.

Unë thashë se do të jem konsekuent, ndërsa ju jo dhe ky është një problem shumë i

madh.

A e dini pse është problem shumë i madh, zoti ish-ministër i Brendshëm? Ju e dini

fare mirë që për të ekstraduar dikë, duhet një kërkesë e dikujt. Në rast se ju jeni i gatshëm të

më tregoni një kërkesë të një autoriteti çfarëdo, për të ekstraduar dikë, unë pa asnjë diskutim

e pranoj si faj ...


Ta mbaroj!


Edhe një herë, zoti Spaho...

(Diskutime pa mikrofon)

Erion Braçe – Zoti Spaho! Zoti Spaho! Unë ia kam lënë prokurorisë këtë gjë, që nga

dita e parë e deri te dita e fundit. Ia kam lënë këtë gjë gjykatës, nga dita e parë deri te dita e

fundit. Ju jo. Unë po ju them: jemi mbledhur në një seancë për të dëgjuar Autoritetin e

Mbikëqyrjes Financiare, ju doni këtë çështjen tuaj. Tani, si mund të flas për këtë çështjen

tuaj? Ti thua: mos fol më për procedurë e të tjera me radhë. Tani çfarë ke, se nuk po të

kuptoj!?

Edmond Spaho – Është më mirë për ty të mos flasësh. Mos u konsumo për drogën.

Mos u konsumo për drogën! Edhe për bandat kriminale.

Erion Braçe – Zoti Spaho...

Edmond Spaho – Ruaje atë profil që ke pasur deri më tani! Mos u përziej me krimin

e organizuar!

Erion Braçe – Zoti Spaho, edhe një herë: krijojuni të gjithë deputetëve në këtë sallë

mundësinë për të qenë të lirë në ato që thonë, përfshirë edhe mua. Mos u merakosni hiç fare

për mua!


Zoti Spaho, i dal vetë për zot vetes sime.


Pra, zoti Spaho, po thosha që, në rast se institucionet e këtij vendi kanë pasur një

kërkesë për ekstradimin e zotërisë, atëherë pa asnjë lloj diskutimi kanë kryer krim nëse nuk e

kanë zbatuar atë kërkesë. Kanë kryer krim nëse nuk e kanë zbatuar atë vendim. Por, nga ana

20

tjetër, në rast se ju pretendoni se kanë ndryshuar ligjet e Kuvendit për të garantuar

mosekstradimin, atëherë do t’ju lutesha që vetëm t’i thërrisni logjikës, asgjëje tjetër.

Në rast se në konventë, siç ju thoni, parashikohen në mënyrë të qartë edhe masat e

ekstradimit, edhe garancitë që duhet të japin shtetasit në lidhje me personat e pagjykuar ose të

gjykuar në mungesë; dhe ky nuk është rasti, sepse siç thotë ish-ministri juaj i Drejtësisë...


Më fal, më fal!

Rasti është...


Jo, jo, po nxjerr gënjeshtrën tuaj.


Rasti është, që zotëria...


Zoti Spaho, më lërë të mbaroj! Të ndërhyra unë?


Qëndro konsekuent, mos e ndërro qëndrimin!


Zoti Spaho...


Zoti Spaho, tani mirë është të marrësh edhe përgjigjen.


(Deputetët e opozitës largohen nga salla).

Më në fund dolëm në normalitet. Natyrisht, drejtori ekzekutiv i AMF-së ka pritur të

shpëtojë nga kjo seancë, por nuk shpëton. Kështu, për ta mbyllur pjesën e parë të mbledhjes,

do të doja t’ju thosha edhe një herë, se qëndrimi i Partisë Socialiste të Shqipërisë, e besoj

edhe i kolegëve deputetë që janë në këtë sallë, është shumë i qartë: Prokuroria e Republikës

të hetojë deri në një çdo gjë që është denoncuar dje politikisht nga Partia Demokratike e

Shqipërisë. Çdo gjë tjetër i referohet thjesht e vetëm parimit të prezumimit të pafajësisë. Ajo

që mua më bën përshtypje dhe që është vërtet e rëndë, që është vërtet kriminale, ka lidhje me

faktin se asnjëri prej këtyre: ata që flasin në selinë e PD-së dhe ata që morën fjalën këtu, në

sallën e këtij komisioni, nuk kanë as edhe akuzën më të vogël në lidhje me ministrin e

Brendshëm Fatmir Xhafaj për përfshirjen e tij në veprimtari kriminale apo të paligjshme.

Asnjë. Zero. Ky është problemi në këtë vend: këta që pretendojnë, një pjesë e tyre, se nja dy

21

ishin enveristë e shkuar enveristit këtu, në këtë anën këndej, me trung e me farë e me të

gjitha. Por në qoftë se ky vend, prej këtyre, është shkëputur nga diktatura dhe nga enverizmi,

që në vitin 1990, këta janë simboli më i qartë se ky vend duhet të dekomunistizohet në

mënyrë të qartë, me qëllim që t’i hapë vend shtetit ligjor, parimeve të shtetit ligjor, ku

prezumimi i pafajësisë është elementi themelor që rregullon shtetin.

Së dyti, do të doja t’ju thosha se Fatmir Xhafaj është një nga ministrat e Brendshëm

më të mirë që ka pasur Shqipëria, jo vetëm në aspektin personal të raportit të tij me ligjin dhe

në tagrin e ministrit, por edhe në aspektin tjetër: atë të goditjes së krimit të organizuar në këtë

vend, të goditjes së trafikut të drogës në këtë vend, të goditjes së bandave kriminale në këtë

vend, duke përfshirë që nga bandat e hashashit e deri te bandat e kokainës.

Në qoftë se keni një qëndrim përkundrejt këtij aktiviteti kriminal, do të duhej që, në

radhë të parë, secili prej jush duhej të kishte duartrokitur Fatmir Xhafajn dhe Policinë e

Shtetit për dhjetëra operacione, përmes të cilave është goditur në mënyrë thelbësore trafiku i

drogës.

Në krahun tjetër, Fatmir Xhafaj ka meritën e madhe që ka udhëhequr në këtë vend

reformën në drejtësi, që po i jep fund segmentit të fundit kriminal të bandave në këtë vend,

segmentit që ka vepruar në Prokurorinë e Përgjithshme dhe segmentit që ka vepruar në

sistemin e Drejtësisë, konkretisht nëpër gjykata. Natyrisht, kjo e vërtetë dhemb shumë.

Njerëzit që kanë luftuar për këtë të vërtetë, veçanërisht në këtë krah, janë që të gjithë

shënjestra, shënjestra të një politike bajate, propagande, e cila synon thjesht e vetëm të

rrëzojë atë që është themelore për këtë vend: reformën në drejtësi.

Kjo histori do të vazhdojë. Unë jam i bindur që, sapo të dalin nga kjo sallë, do të

vijojnë me akuza për secilin që është në këtë anë, është i pranishëm këtu sot apo jo. Por, nga

ana tjetër, jam i bindur se edhe ne nuk bëjmë asnjë centimetër prapa, por do ta çojmë deri në

fund reformën në drejtësi. Kjo është themelore. Këtë duhet ta kuptojë cilido prokuror i

përfshirë në inskenime, cilido prokuror që ka mbyllur dosjet e krimit të organizuar, që ka

mbyllur dosje të tmerrshme trafiku, jo me 613 kilogram kokainë, por ka mbyllur dosjet e një

linje të tërë, që për vite të tëra me radhë, me këta në pushtet, e kanë mbytur Europën me

kokainë.

Ky është problemi! Prandaj këtu duan vetëm të flasin e të mos ballafaqohen qoftë dhe

me të vërtetën më minimale në këtë vend. Pjesa tjetër është e prokurorisë. Siç ju thashë edhe

më përpara, lexova se prokuroria po kryen veprimet e para hetimore në selinë e Partisë

Demokratike, nga kanë dalë edhe faktet e rëndësishme, për të cilat zotërinjtë flasin. Jam

22

shpresëplotë se prokuroria do të bëjë detyrën e saj, për t’i dhënë gjithkujt atë që i takon, nga i

pari deri te i fundit, pavarësisht emrave që kanë dhe pushtetit që kanë.

Kaq kisha për pjesën e parë.

Fillojmë me pjesën e dytë.

Nuk e di kush do t’u përgjigjet pyetjeve, kryetari i bordit apo drejtori ekzekutiv. Të

fillojmë menjëherë me përgjigjet e pyetjeve, sepse unë besoj se ka një interes të shtuar publik,

nga ana e qytetarëve, që përballen drejtpërdrejt me veprimtarinë në tre tregjet tuaja, e që

natyrisht janë të interesuar për mënyrën se si ju monitoroni tre tregjet në funksion të

mbrojtjes së interesit publik apo të interesit të qytetarëve.

Urdhëroni, fjala për ju!

Ervin Koçi – Faleminderit Kryetar!

Janë bërë rreth dyzet pyetje nga deputetët. Po e nisim me pyetjet e bëra nga kryetari i

komisionit, nga ju!


Pyetja e parë: neni 45, pika 2 përcakton se shoqëritë e sigurimit...


Tuajat, e thashë.

që ushtrojnë veprimtarinë në territorin e Republikës së Shqipërisë në sigurimin e

detyrueshëm motorik, janë të detyruara të kontribuojnë financiarisht çdo vit në fondin e

kompensimit, në përpjesëtim të drejtë me primet bruto të shkruara në këto lloj sigurimesh në

vitin paraardhës.

Pra, për të financuar fondin e kompensimit të vitit aktual, merret si referencë për

kontribut të çdo shoqërie sigurimi përqindja që ajo ka në vitin paraardhës.

Erion Braçe – Afrojeni pak mikrofonin! Po, vazhdo!

Ervin Koçi – Si është zbatuar kjo në praktikë dhe qëndrimi i Autoritetit për këtë

proces të rregulluar nga ligji? Si ka qenë financimi i Fondit te Kompensimit nga shoqëritë e

sigurimit dhe a i kane përmbushur secila prej tyre detyrimet? Për shoqëritë e sigurimit qe nuk

kane përmbushur detyrimet a janë marrë masa administrative nga AMF?

Kontributi që duhet të paguajë një shoqëri për fondin e kompensimit ka qenë pjesë e

një debati disavjeçar midis shoqërive, byrosë dhe autoritetit, që kanë përfunduar në procese

gjyqësore.

23

Gjithë debati ka qenë nëse një shoqëri në tregun e sigurimeve duhet të marrë përsipër

detyrime të prapambetura, të mbartura të fondit të kompensimit nga vitet kur ajo nuk ka

ekzistuar si shoqëri, nuk ka qenë e themeluar.

Vlerësimi i fondit të kompensimit për vitin financiar, bëhet mbi baza aktuariale dhe

përbëhet nga provigjoni për dëmet e ndodhura në vitet e mëparshme, provigjoni për dëmet e

ndodhura të paraportuara, si dhe vlerësimi për detyrimet e pritshme, që mund të lindin gjatë

vitit korrent nga mjetet e pasiguruara ose të paidentifikuara.

Vendimi për ndarjen e fondit të kompensimit merret nga Asambleja e Përgjithshme e

aksionarëve të byrosë, e cila përbëhet nga drejtorët e përgjithshëm të shoqërive të sigurimit.

Byroja ka miratuar ndarjen e shumës së fondit të kompensimit sipas detyrimit të

secilës shoqëri, bazuar në përqindjen e tregut të vitit paraardhës për gjithë shumën e fondit të

kompensimit, duke ngarkuar dhe kompani të reja me detyrime të prapambetura përtej vitit që

ajo ka filluar aktivitetin.

Dy shoqëri e kanë kundërshtuar dhe e kanë paraqitur ankim në gjykatë në lidhje me

vendimet për vitet 2015, 2016 dhe 2017, me objekt gjykimi që kanë të bëjnë me mënyrën e

financimit të fondit të kompensimit për ngjarjet deri para datës 31. 12. 2013.

Vendimet e gjykatave, nga të cilat dy janë vendime të formës së prerë, e kanë

shfuqizuar pjesërisht vendimin e Asamblesë së Përgjithshme të byrosë, duke zbritur

detyrimin për fond kompensimi për shoqëritë që ka bërë padi në gjykatë.

Veç vendimeve të gjykatave, kemi opinionin e Bankës Botërore të viteve 2014 –

2016, sipas këndvështrimit të së cilëve kjo ndarje është e padrejtë dhe mund të krijojë kosto

të fshehura për investitorët e ardhshëm në tregun e sigurimeve.

Qëndrimi i autoritetit është zbatimi i vendimeve të gjykatave, që janë të formës së

prerë, dhe i kemi kërkuar Byrosë që në vendimet e tyre të marrin parasysh këto vendime e të

vlerësojë rekomandimin që ka dhënë Banka Botërore.

Për të mbyllur këtë debat njëherë e mire, që kjo mosdakordësi midis shoqërive, që

pengon hyrjen e shoqërive të reja në treg të mos vazhdojë, në ligjin e ri kemi vendosur që një

shoqëri e re merr përsipër detyrimin që nga fillimi i ushtrimit të veprimtarisë. Faktikisht, disa

vende e kanë ligj. Mali i Zi e ka në ligj, Kosova e ka në Rregullore. Disa vende nuk e kanë,

për shkak se nuk e mendojnë të ketë detyrime të prapambetura e të pashlyera për fondin e

kompensimit.

Kjo ishte për pyetjen e parë.

Erion Braçe – Më falni, zoti drejtues! Pyetja është: si ka qenë financimi...

24

Ervin Koçi – Unë po vazhdoj...

Erion Braçe – Ta mbaroj unë pyetjen? Si ka qenë financimi i fondit të kompensimit

nga shoqëritë e sigurimit, dhe a e ka përmbushur detyrimin secila prej tyre? Pra, sa kompani

operojnë në treg sot që flasim? Përgjigjuni kësaj pyetje!

Ervin Koçi – Po pra!

Erion Braçe – Është shumë e qartë pyetja.

Ervin Koçi – Po. Për vitin 2017, bordi ka marrë tre vendime për masën e fondit të

kompensimit për vitin 2017 për detyrimet e prapambetura që janë në vlerën prej 796 milionë

lekë të reja...

Erion Braçe – Avash! 7 qind...

Ervin Koçi – 796 milionë lekë të reja.

Erion Braçe – Po.

Ervin Koçi – Që janë marrë vendimet e muajve shkurt, mars dhe nëntor 2017.

Byroja, edhe për fondin e vitit 2017, ndarjen e fondit të kompensimit e ka bërë pa

marrë parasysh vendimet e gjykatave; më datë 31.12.2017 rezulton se vendimi i gjykatave në

favor të kompanive, në vlerën prej rreth 115. 8 milionë lekë të reja.

Duke marrë parasysh këto vendime të gjykatave, nga 796 milionë ngelet për t’u shlyer

pjesa prej 680 milionë lekësh. Nga këto janë shlyer 538 milionë lekë, ndërsa 148 milionë lekë

i kanë marrë përsipër shoqëritë, duke filluar shlyerjen me këste nga muaji nëntor i vitit të

kaluar, pra duke e mbyllur gjithë pjesën e pashlyer të këtij detyrimi.

Erion Braçe – A mund të më sqaroni edhe një herë: nga dhjetë kompani që operojnë

në treg, nëntë kompani, tetë, shtatë...

Ervin Koçi – Tetë.

Erion Braçe – Tetë. Sa e kanë përmbushur detyrimin sipas vendimeve që keni marrë

ju, sipas vendimeve të gjykatës?

Ervin Koçi – E kanë përmbushur pesë kompani, ndërsa tri kompani kanë mbetur për

519 mijë lekë të reja.

Erion Braçe – Po. Tani cilat janë masat që janë ndërmarrë ndaj këtyre tri kompanive,

që nuk kanë përmbushur detyrimin?

Ervin Koçi – Kjo është nënpyetja e tretë e pyetjes së parë. për sa u përket masave,

faktikisht, në qoftë se nuk shlyhet, është byroja ajo që duhet të njoftojë menjëherë autoritetin

për marrjen e masave përkatëse...

Erion Braçe – Po a e ka bërë byroja këtë gjë?

25

Ervin Koçi – Byroja nuk e ka bërë.

Erion Braçe – Po ju, çfarë mase keni marrë mbi byronë?

Ervin Koçi – Problemi është se ligji, i cili është miratuar në vitin 2009, kur

normalisht në duhej të kishim të drejtë të merrnim masa ndaj shoqërive, me pezullim apo

revokim licence, gabimisht apo nuk e di, e ka lidhur këtë nen me nene të gabuara, që kanë të

bëjnë me avionët, duke ia hequr të drejtën Autoritetit që të marrë masa për revokim apo

pezullim licence.

Kjo ka qenë për sa i përket këtij problemi. Byroja, e cila përbëhet nga drejtorët e

përgjithshëm të shoqërive... Ne, praktikisht, në mbledhjen e fundit të bordit, kemi marrë masë

ndaj drejtorit të byrosë, kemi paralajmëruar asamblenë, e njëkohësisht i kemi bërë letër

këshillave mbikëqyrës të të gjitha shoqërive që të marrin masa, sepse e vetmja masë që mund

të marrim është masa administrative për shkarkimin e drejtorëve të përgjithshëm të shoqërive.

Erion Braçe – Pse nuk bëhet kjo?

Ervin Koçi – Jemi në proces, kryetar.

Erion Braçe – Jeni në proces për t’i dhënë fund kësaj historie?

Ervin Koçi – Po, po, në proces...

Erion Braçe – Duke marrë masa përkundrejt drejtorëve të tyre të përgjithshëm?

Ervin Koçi – Po. Tërheqjen e vëmendjes ia kemi çuar me shkrim, që ata të njihen me

masat...

Erion Braçe – I keni tërhequr vëmendjen?

Shiko, drejtor, edhe kur ju keni qenë në këtë sallë, shqetësimi më i madh ka qenë

pikërisht ky. Edhe për vitin 2016, edhe për vitin 2015, edhe për vitin 2014 e të tjera me

radhë, që ka krijuar një borxh të konsiderueshëm përkundrejt qytetarëve të Republikës së

Shqipërisë është në pyetjet vijuese dhe ne do të përballemi edhe me këtë fenomen, sa është

shlyer nga ai borxh? Por si ka mundësi që ju vazhdoni ende me vërejtje, me “tërheqje

vëmendje”- thoni ju, ndërkohë që nuk merrni masa për të gjithë këta që vit për vit nuk

përmbushin detyrimet në raport edhe me byronë, edhe me vendimet që ju vetë keni marrë,

edhe me ato të gjykatave po të doni, por në raport edhe me qytetarët e Republikës së

Shqipërisë? Pra, ky është shqetësimi: a do të vazhdoni ende me “tërheqje vëmendje” apo do

të vendosni rregull në këtë pikë që ka të bëjë drejtpërdrejtë me qytetarët e Republikës së

Shqipërisë?

Ervin Koçi- Zoti kryetar, është shumë e drejtë dhe ndaj të njëjtin shqetësim me ju.

Ne jemi në një proces që ligji na e ka kufizuar. Ligjin e ri e kemi rregulluar tërësisht dhe

26

revokojmë, heqim licencat. Kemi filluar, sepse edhe procedura ka “tërheqje vëmendje”,

pas “tërheqjes së vëmendjes” që e kemi marrë me vendimin e bordit, kemi mbledhjen pas

dy javës, kush i ka plotësuar këto: “paralajmërim për shkarkim” dhe njëkohësisht për

“shkarkim nga detyra”, unë jam tejet i vendosur. Besoj se edhe pyetjet që janë në vazhdim

për Fondin e Kompensimit, ka qenë prioritet i vazhdueshëm i punës sonë për ta zgjidhur

këtë çështje.

Erion Braçe – Unë e shikoj që ju e keni prioritet këtë punë dhe që personalisht jeni

shumë i vendosur për këtë gjë, po ja ku jemi dhe viti 2017 ka krijuar borxh përsëri apo jo?

Ervin Koçi- Për vitin 2017 borxhi është ulur, sepse janë paguar...

Erion Braçe - Mirë, dakord, është ulur, por ka krijuar përsëri borxh, apo jo?

Ervin Koçi – Kanë mbetur borxhe të pashlyera...

Erion Braçe- Mirë, pra borxh i pashlyer.

Ervin Koçi- Kur shkova unë në muajin prill, aty nuk kishte as të dhëna, as një

informacion se sa ishte borxhi real. Ishte në pyetjet në vazhdim dhe nuk doja të hyja...

Erion Braçe - Jo, patjetër! Edhe një herë, unë e kuptoj që ju keni të njëjtin shqetësim

si ne. E kuptoj këtë gjë...

Ervin Koçi - Absolutisht!

Erion Braçe - Puna është se ne kemi vetëm këtë mundësi që shikon ti këtu, të të

pyesim ty dhe të vendosim ty përballë këtij fakti. Kaq kemi ne. Kurse ti ke atribute, që

normalisht t’i ktheje ata në ligjshmëri dhe në përputhje me vendimet që ka marrë vetë

bordi i Autoritetit. Ky është problemi. Ajo që më shqetëson mua është pikërisht ushtrimi i

kompetencave që ju keni përkundrejt këtyre kompanive, për t’i dhënë fund historisë që

mbetet borxhi i pashlyer.

Ervin Koçi – Absolutisht!

Erion Braçe - Absolutisht, por kur se jemi në muajin maj? Jemi në muajin maj të një

viti më pas. Në muajin mars të vitit tjetër ju do të filloni të raportoni përsëri. Kur? Do të

këmbejmë vendosmërinë me njeri-tjetrin? Jo, nuk funksionon më kjo! Nuk ka më këmbim

vendosmërie me njëri- tjetrin.

Ervin Koçi – Zoti kryetar, kemi marrë veprime konkrete dhe për këtë të siguroj që

gjysma e ditës është vetëm me Fondin e Kompensimit, sepse nuk kishte as kontabilet, as

të dhëna në IT. Ishte një katrahurë e vërtetë. Duhej domosdoshmërish që ne të paktën të

qartësoheshim se sa ishte borxhi. Vetëm nga inspektimi që bëmë ne borxhi që ishte i

padeklaruar u rrit. Për këtë bordi mori një vendim në muajin nëntor që e rritëm Fondin e

27

Kompensimit me 250 milionë lekë të rinj dhe në muajin dhjetor morëm vendimin

përfundimtar për ta zeruar për vitin 2018 Fondin e Kompensimit që mos të jetë më kjo

gangrenë e sistemit.

Problemi është që vetë ligji kur është bërë atëherë i ka dhënë shumë kompetenca

byrosë dhe është e çuditshme që byroja drejtohet nga drejtorët e Përgjithshëm të shoqërive.

Meqenëse jemi te ky problem që ka edhe ligji, miratimi i ligjit të ri “Për sigurimin e

detyrueshëm” do të jetë një zgjidhje jo vetëm për këtë çështje, por edhe për çështje të tjera.

Erion Braçe - Edhe një herë, unë besoj se shpreh edhe vullnetin e kolegëve të mi që

këtë pyetje nuk mund ta bëjmë dot më herë tjetër, përndryshe kot që rrimë këtu.

Ervin Koçi - Dakord.

Erion Braçe - Një zgjidhje ka: ose ne këtu, ose ti atje. Nuk ka zgjidhje tjetër, sepse i

ke të gjitha atributet. Edhe me Kodin Civil në momentin që një autoritet refuzon të

zbatojë detyrimin ligjor që ka, kompetenca i kalon në mënyrë të qartë autoriteteve eprore.

Pra, juve. Nëse ata nuk ju njoftojnë juve, bëni detyrën tuaj. Kaq! Vazhdojmë

Ervin Koçi - Pyetja e dytë, AMF-ja administron dhe mbikëqyr sistemin e shitjeve

online të kontratës së sigurimit të detyrueshëm në sektorin e transportit. Si ka vijuar ecuria e

këtij sistemi? A ka shfaqur probleme? Shpeshherë është diskutuar për bllokim të këtij

sistemi, mosofrim të mundësive të shitjeve apo problematika që vijnë ose nga serverat e

Autoritetit apo nga të dhënat e mjeteve motorike të ofruara nga Drejtoria e Shërbimit të

Transportit Rrugor apo nga ajo e Gjendjes Civile. Çfarë hapash janë ndërmarrë për të

zgjidhur këtë problematikë? A është përfshirë numri i shasisë në sistemin online që

verifikon kontratën e sigurimi, sepse dihet që është numri i shasisë është ID-ja e çdo mjeti

motorik.

Erion Braçe – Afrojeni pak mikrofonin!

Ervin Koçi - Autoriteti administron dhe mbikëqyr regjistrin elektronik që nga vitit

2007 kur është ndërtuar dhe është rishikuar në vitin 2014. Duhet thënë që optimizimet e

vazhdueshme që janë bërë kanë sjellë disa përmirësime. Gjatë vitit 2017 kemi vetëm dy

raste që ka pasur bllokim të sistemit, maksimumi për gjysmë dite për arsye zhvillimesh dhe

mirëmbajtje nga ana e Drejtorisë së IT-së të Autoritetit për të përmirësuar hardware-ët e

këtij serveri. E rëndësishme është të themi se edhe në rast se ka pasur probleme me dy

institucionet e përmendura më sipër, sistemi ynë i regjistrit elektronik online të shitjeve

vazhdon, pavarësisht tyre. Gjithsesi, problematika të tilla janë reduktuar ndjeshëm. Është një

sistem i vjetër, i paapdejtuar, i cili ka nevojë për të ndryshuar tërësisht. Për këtë ne kemi

28

zhvilluar disa takime me shoqëritë dhe me shoqatën. Kemi bërë edhe shkresa zyrtare dhe në

muajin mars bëmë një takim me shoqëritë, ku ata kërkuan që ne të jepnim specifikime

teknike për të blerë një sistem të ri, që e ka marrë përsipër ta ndërtojë vetë tregu. E kishim

lënë që në muajin prill ata të vazhdonin me procedurat e blerjes. Në diskutimet e fundit që

kemi pasur janë ende në proces.

Problemi në këtë pikë është se në të gjitha vendet e botës sistemi elektronik i

regjistrit dhe online administrohet nga byroja ose nga shoqata e kompanive, nuk e

administron autoriteti. Ne jemi i vetmi vend që e administrojmë atë. Ne u kemi kërkuar

shoqërive që këtë përgjegjësi që e ka tregu në çdo vend të botës ta marrin përsipër edhe

ata në mënyrë që të përmirësojnë sistemet, sepse ka më shumë mundësi ta apdetojnë ata dhe

të përshtaten me dinamikën e zhvillimit të tregjeve. Edhe për këtë shqetësim jemi marrë

maksimalisht, ka pasur një angazhim dhe një plan masash për të ndryshuar rrënjësisht

situatën në këtë sistem që kemi aktualisht.

Kemi zhvilluar dhe forcuar bashkëpunimin me DPSHTRR-në dhe DPGJC-në, kjo ka

sjellë minimizim të problematikave. Takimet tona me këto institucione kanë qenë edhe në

nivele specialistësh duke dalë dhe me një plan pune.

Në planin afatshkurtër duke qenë se shpeshherë DPSHTRR-ja mund të shkëputet,

shoqëritë kanë marrë përsipër për të krijuar një back-up për ta çuar te DPSHTRR-ja që në

momentin që do të shkëputet të hyjë në funksionim back-up-i, i cili është në proces bashkë

me kompanitë e sigurimit.

Kemi diskutuar me disa autoritete homologe, për të marrë nga ato eksperiencat

më të mira lidhur me këto sisteme, administrimin e tyre dhe mënyrën e raportimit.

Për sa i përket përfshirjes së numrit të shasisë që nga data 1 mars 2018 është përfshirë

si fushë detyruese në sistemin online të shitjeve. Numri i shasisë së automjeteve, bashkë me

targën janë pjesë e kërkimit që nga muaji mars. Kjo ka qenë një kërkesë e shoqërive.

Erion Braçe - Tani, që ta kuptoj unë, çfarë problemi ka me sistemin?

Ervin Koçi - Sistemi është ndërtuar në vitin 2007 dhe nuk është bërë asnjë apdejtim

që nga viti 2007, sepse një apdejtim kushton shumë, nuk mund të përballohet në çdo

moment nga Autoriteti. Ne kemi folur me kompanitë: ose duhet ta përmirësojmë këtë

sistem që kemi, ose të blejmë një sistem të ri. Ramë dakord të blejmë një sistem të ri. Na

kanë kërkuar termat e referencës në mënyrë që të fusnim aty edhe deklarimin e produkteve

vullnetare dhe dëmet që vijnë nga këto të fundit. Jemi në pritje që ata të blejnë sistemin e

ri të...

29

Erion Braçe- Ju po prisni që këtë punë ta bëjnë kompanitë?

Ervin Koçi - Në të gjithë botën....

Erion Braçe – Po, po në të gjithë botën ndodh që byroja të mos raportojë te ju dhe të

mos zbatojë vendimet tuaja? Jo! Byroja përbëhet nga drejtuesit e këtyre kompanive. Ju thoni

se edhe këtë sistem t’ua lëmë në dorë këtyre?

Ervin Koçi - Zoti kryetar, me ligjin e ri, do të ndryshojë tërësisht...

Erion Braçe- Po, patjetër!

Tani, a mund të më thoni pse nuk është bërë asnjëherë apdejtimi i sistemit që nga

vitit 2007 e këtej?

Nuk i keni hyrë fare. Ju keni arritur atje në muajin prill dhe...

Ervin Koçi – Jo, absolutisht, i kam hyrë. Ky është shqetësim. Një apdejtim i saj bën

rreth 300 e ca mijë euro.

Erion Braçe - Sa?

Ervin Koçi- 300 e ca mijë euro.

Erion Braçe - Sa është rezultati financiar i AMF-së për vitin 2017?

Ervin Koçi- Që ka dalë me tepricë? 59 milionë lekë të rinj.

Erion Braçe- Po, për çfarë do t’i përdorni këto?

Ervin Koçi - Disa prej tyre i kishim në proces.

Erion Braçe- Dakord, jam shumë i qartë.

Vazhdoni me pyetjen tjetër.

Burrë – Desha vetëm një moment të flas për këtë çështje, sepse për bordin ka qenë

shqetësim.

Erion Braçe - Po, urdhëroni!

Pajtim Melani - Ne kemi vendosur një dispozitë kalimtare, që do të thotë se në

projektligjin e propozuar Ministrisë së Financave sepse ishte një shqetësim edhe për

bordin qendra e informacionit, do të vazhdojë t’i qëndrojë AMF-së deri në momentin kur

kjo situatë të zgjidhet. Kjo sa për ta sqaruar. Versioni i ligjit është korrigjuar me këtë gjë.

Erion Braçe- Po, kur të vijë projektligji këtu do ta diskutojmë edhe këtë gjë.

Po, urdhëroni!

Ervin Koçi – Pyetja e tretë, ulja e numrit të mjeteve të pasiguruara në qarkullim, e

cila vjen dhe bëhet më problematike, afërsisht rreth 30%, duke ndërthurur bashkëpunimin

institucional me Policinë e Shtetit dhe me DPSHTRR-në, duke krijuar mundësi kryqëzimi të

të dhënave dhe të verifikimit paraprak të të dhënave të mjeteve të pasiguruara dhe ndalimin

30

e qarkullimit të tyre. Çfarë është bërë në platforma dhe bashkëpunimi konkret, që të japin

efektet e duhura dhe jo në marrëveshje formale të pazbatuara?

Numri i mjeteve të pasiguruara vazhdon të jetë i njëjtë, numri i mjeteve të

paidentifikuara, që shkaktojnë dëme vazhdon të jetë i madh.

Ulja e numrit të mjeteve të pasiguruara është në fokus të punës sonë të përditshme.

Për këtë kemi vënë në funksionim marrëveshjen ekzistuese që nuk ka qenë zbatuar më parë

mes Policisë së Shtetit dhe DPSHTRR-së. Gjatë vitit 2017 kemi pasur komunikime të

vazhdueshme me Policinë e Shtetit, si edhe me Ministrinë e Infrastrukturës dhe Energjetikës

për të marrë edhe të dhënat nga kompania që kolaudon makinat. Vlen të theksohet se që

nga muaji shtator i vitit 2017, çdo 2 javë i dërgojmë Policisë së Shtetit në mënyrë periodike

në formatin elektronik informacionin që lidhet me mjetet e transportit, të cilat nuk kanë

sigurinë e detyrueshme të përgjegjësisë ndaj palëve të treta dhe që kanë mbaruar rinovimin e

kontratës për 14 ditë. Kjo ka dhënë rezultatet e saj, sepse për vitin 2017 nëse në Republikën

e Shqipërisë numri i mjeteve të regjistruara ishte 535 mijë, numri i mjeteve që kanë paguar

taksën është 447 mijë dhe numri i kontratave TPL është rreth 431 mijë, që tregon se nga

mjetet e pasiguruara 19,5 % dalin të pasiguruara, ndërsa nga mjetet, të cilat kanë paguar

taksën e qarkullimit është 3,64%. Ne kemi bërë një takim me DPSHTRR-në për të

identifikuar 6 mijë mjetet dhe për t’ia kaluar Policisë së Shtetit. Në muajin qershor kemi një

veprim të përbashkët në kontrolle midis shoqërive të sigurimit, Drejtorisë së Përgjithshme të

Policisë së Shtetit dhe Autoritetit.

Pyetja e katërt ka lidhje me ndarjen e Byrosë Shqiptare të Sigurimit nga Fondi i

Kompensimit duke krijuar dy ente. A është konsideruar nga AMF-ja? A ka pasur studim,

duke konsideruar se sistemi i kartonit jeshil që administrohet nga byroja është një sistem i

veçantë administrimi dhe funksionimi nga sistemi i Fondit te Kompensimit?

Ndërsa sistemi i kartonit jeshil funksionon mbi bazë të marrëveshjeve ndërkombëtare

ku garanton edhe shteti shqiptar, Fondin e Kompensimit është një çështje e brendshme që

lidhet me mjetet e pasiguruara dhe nuk duhet të cenojë imazhin e shtetit shqiptar në arenën

ndërkombëtare. Cili është mendimi i AMF-së për këtë ndarje? Ne jemi dakord me këtë

ndarje. Në projektin e ri “ Për sigurimin e detyrueshëm” është parashikuar duke e ndarë entin

në dy pjesë: në Byronë Shqiptare të Sigurimit që do të trajtojë vetëm kartonin jeshil dhe

formimi i një enti të Fondit të Kompensimit, i cili do merret me administrimin e Fondit të

Kompensimit. Në këtë rast Byroja do të bëhet organi kompetent vetëm për administrimin e

fondit të garancisë së kartonit jeshil, ndërkohë që Fondi i Kompensimit, do të administrojë

31

Fondin e Kompensimin. Do të ketë një ndryshim radikal në strukturën menaxhuese, ku do të

largohet përgjegjësia e drejtorëve të gjithë shoqërisë, ku trupat drejtuese do të vendosen: 3

nga Autoriteti dhe 2 nga shoqatat. Në këtë rast janë bërë edhe disa rregullime të tjera ligjore

në mënyrë që historia e Fondit të Kompensimit, ku përveç përgjegjësive që ka pasur

Autoriteti, por përgjegjësinë më të madhe e ka pasur Byroja të ndryshojë njëherë e mirë. Ne

kemi disa nene, për të përmirësuar tërësisht funksionimin, duke filluar që nga mënyra sesi

do të trajtohet Fondi i Kompensimit, mënyra e pagesës, që është më e rëndësishme në

ndjekjen e të gjitha procedurave ligjore që kanë të bëjnë me paditë e regresit apo me

shoqëritë e tjera që kanë dëmtuar deri tani funksionimin e Byrosë.

Një nder detyrimet e AMF-së në raport me qytetaret është transparenca e të dhënave

të tregut nga AMF-ja. A publikohet qëndrueshmëria financiare e shoqërive të sigurimit apo

edhe e shoqërive të tjera të mbikëqyrura nga AMF-ja? A bëhen publike për konsumatorin

analiza financiare periodike dhe vjetore të shoqërive, aftësia e tyre paguese e të tjera? Nëse

jo, AMF-ja duhet të marrë masat qe t’i japë mundësinë publikut të seleksionojë dhe të

zgjedhë shoqëritë që mendon se plotësojnë kërkesat e tyre për mbulimin e rreziqeve.

Gjatë vitit 2017 nga AMF-ja është treguar një vëmendje e shtuar për sa i përket

transparencës me publikun për të dhënat e tregjeve nën mbikëqyrje, si dhe është monitoruar

në mënyrë të vazhdueshme publikimi i të dhënave dhe raporteve financiare të shoqërive në

faqet e tyre.

Autoritetit publikon periodikisht buletinin statistikor mujor, raportin vjetor të AMF-

së dhe raportin vjetor të mbikëqyrjes.

Ju informojmë se, pas vitit 2005 është hera e parë që në vitin 2017 në raportin vjetor

të mbikëqyrjes për vitin 2016 u publikuan pasqyrat financiare për çdo shoqëri sigurimi, e cila

është e shoqëruar me llogarinë teknike dhe testet e paralajmërimit të hershëm

Për tregjet e tjera që mbikëqyren kanë qenë të publikuara për çdo vit. Buletini mujor i

të dhënave statistikore që ne japim ka shumë informacion mbi ecurinë e primeve, pagesën

e dëmeve për çdo shoqëri, në nivel tregu ashtu edhe sipas shoqërive, duke e ndarë sipas

klasave te sigurimit.

Njëkohësisht vitin e kaluar është hera e parë, pas kërkesës së vazhdueshme nga ana

jonë për zbatimin e detyrime ligjore që të gjitha shoqëritë kanë publikuar në faqet e tyre

pasqyrat financiare të audituara së bashku me opinionin e audituesit, si dhe me informacionin

rreth produkteve dhe kushteve të kontratës.

32

Erion Braçe - Kryetar apo drejtor, pyetja është: a publikohet qëndrueshmëria

financiare e shoqërive të sigurimit apo edhe shoqërive të tjera të mbikëqyrura nga AMF-ja në

faqen e AMF-së?

Ervin Koçi – Në raportin vjetor...

Erion Braçe - Jo në faqen e kompanive.

Ervin Koçi – Në raportin vjetor të mbikëqyrjes, që ne e publikojmë në muajin e

shtatë të vitit pasardhës, publikojmë pasqyrat financiare, publikojmë llogaritë teknike dhe

testet e paralajmërimit të përhershëm dhe këto kanë ndodhur për herë të parë pas viti 2015, se

nuk kanë qenë publikuar më parë. Pas këtij viti, publikohet për herë të parë në vitin 2017.

Erion Braçe – Domethënë, ju i bëni, përfshi edhe analizën financiare të kompanive?

Ervin Koçi – Pasqyrat financiare…

Erion Braçe – Pasqyrat apo analizat?

Ervin Koçi – Pasqyrat financiare.

Analizën financiare ne e bëjmë në bord. Janë shumë të gjata…

Erion Braçe – Po pse nuk bëhen publike analizat financiare për secilën kompani, që

konsumatori se çfarë ndodh me secilën prej kompanive? Se pasqyra financiare, më vjen keq,

por pjesa më e madhe edhe mund të mos kuptojnë asgjë, ka ca tregues të rëndësishëm, të cilat

ju duhet t’ua sugjeroni konsumatorit. Këto janë tregues që dalin nga analiza financiare që ju u

bëni secilës pasqyrë financiare dhe që normalisht e orientoni edhe konsumatorin se çfarë

ndodh me secilën prej këtyre kompanive, me qëllim që të mos ndodhin nesër ajo që ndodh

rëndom, që qytetarët nuk marrin asgjë më pas.

Ervin Koçi – Patjetër. Ne faktikisht, në takimin që bëmë muajin e kaluar, e kemi lënë

që këto t’i paraqesim çdo tremujor. Tani, me sugjerimin që bëni, po e diskutojmë, në mënyrë

që të fusim edhe analizën ose të ketë shumë informacion për publikun.

Erion Braçe – Ky do të jetë sugjerimi i rezolutës së Kuvendit.

Ervin Koçi – Pyetja 6. Raportimet nga shoqëritë e sigurimit dhe shoqëritë të tjera a

janë të thjeshtuara dhe në kuadër të “e-Albania” a bëhen ato online?

Raportimi i shoqërive në Autoritet vjen në rrugë elektronike nëpërmjet platformës

AMF in reg, që është e ngjashme me atë të Bankës së Shqipërisë dhe përmban një seri

pasqyrash statistikore financiare, aktuariale dhe struktura qeverisëse, që përdoren për efekt të

ushtrimit të mbikëqyrjes.

33

Raporti financiar i shoqërive të sigurimeve, përveç sigurinë e tregut të sigurimeve,

nuk mund të jenë të thjeshtuara, pasi kryhen sipas standardeve të caktuar në bazën ligjore të

Autoritetit, por, njëkohësisht, edhe sipas standardeve më të mira ndërkombëtare.

Nga ana tjetër, faqja e internetit të autoritetit në verifikimin në kohë reale të

vlefshmërisë së policave të sigurimit të detyrueshëm motorik nga çdo individ apo edhe nga

Policia e Shtetit ka mundësuar këtë shërbim te platforma eAlbania.

Njëkohësisht, për sa i përket kësaj platforme, e cila kryesisht funksionon në ndihmë

të qytetarëve për të përfituar shërbime lehtësuese, pas marrëveshjes që kemi bërë edhe me

AKSH-in, jemi duke diskutuar që në këtë platformë të fusim procesin e licencimit dhe të

rinovimit të saj të subjektet e interesuara.

Erion Braçe – Shqetësimi ishte që të dhënat për secilën kompani të jenë të

kuptueshme për konsumatorin. Gjendja e tyre të jetë e kuptueshme për konsumatorin, që

duhet të zgjedhë në treg. Mos të shkojë atje ku është polica më e lirë, por të shkojë te

kompania që është më e shëndetshme. Ky është shqetësimi, prandaj pyes.

Normalisht, ju keni qenë këtu kur unë dhe ju kemi marrë raportin e KLSH-së dhe

thjesht në një tabelë me 7 radhë kemi kuptuar gjendjen financiare të secilës prej kompanive.

A ka mundësi që këtë raportim, që KLSH-ja vjen dhe e zbulon nga një kontroll

performance, ju ta bëni standard me qëllim që qytetari të jetë i informuar në mënyrë të qartë

për zgjedhjen e tij?

Ervin Koçi – Pyetja 7. Aktualisht është në fuqi neni 42, pika 9 e ligjit “Për

planifikimin e zhvillimit të territorit” i vitit 2014, që përcakton se njëkohësisht me lidhjen e

kontratës për kalimin e pronësisë së punimeve, ndërtuesi duhet t’i dorëzojë blerësit një policë

sigurimi me afat 10-vjeçar me përfitues blerësin dhe me efekt nga data e përfundimit të

punimeve që mbulon dëmet e ndërtesës, përfshi dëmet ndaj të tretëve që rrjedhin kur për

shkak të tokës ose për defekt të ndërtimit, ndërtimi shembet pjesërisht ose tërësisht ose

paraqet rrezik të dukshëm shembjeje ose defekte të tjera që shfaqen pas lidhjes së kontratës së

kalimit të pronësisë.

Po në zbatim të nenit 47, pika 2 të po këtij ligji, dorëzimi i lejes së ndërtimit

paraprihet nga kryerja dhe dorëzimi i sigurimit të detyrueshëm për mbulimin e përgjegjësisë

civile e profesionale që rrjedhin nga mosrespektimi i legjislacionit dhe dokumenteve të

planifikimit në fuqi.

Përgjegjësitë që janë objekt i sigurimit të detyrueshëm në fushën e ndërtimit, janë

detajuar në rregulloren e zhvillimit.

34

Ligji ka rreth 3 vjet në fuqi, por akoma nuk ka gjetur zbatim.

A ka Autoriteti të dhëna për zbatueshmërinë në praktikë të këtyre detyrimeve? A ka

propozuar Autoriteti mekanizëm ligjor dhe teknik që të sigurojë zbatueshmërinë në praktikë?

A mendon autoriteti se ky lloj sigurimi, përveçse një mbrojte për qytetarët është një mjet

detyrues ligjor për edukimin dhe rritjen e tregut të sigurimeve?

Nisur nga fakti se ky parashikim ligjor ka shtuar listën e produkteve të sigurimit të

detyrueshëm dhe sigurim të detyrueshëm të objekteve, policitë civile dhe profesionale,

ndërtimi për një periudhë 10-vjeçare, Autoriteti i është drejtuar me një shkresë Ministrisë së

Drejtësisë, ku ka dhënë edhe mekanizmin ligjor dhe përgjigja e Ministrisë së Drejtësisë ka

qenë që nuk e vlerëson ndërmarrjen e nismës për ndryshimin e propozuar për të ndryshuar

ligjin “Për regjistrimin e pasurive të paluajtshme”.

Faktikisht, ka qenë një ministër tjetër, tani që është ministrja e re mbase është mirë të

bëjmë më shumë se sa një shkresë zyrtare, të bëjmë një takim për ta zgjidhur përfundimisht

këtë çështje, pasi faktikisht edhe pse ligji ngarkon Këshillin e Ministrave të miratojë Planin e

Përgjithshëm Kombëtar jo më vonë se 20 muaj nga data e hyrjes në fuqi e ligjit dhe pastaj

ministria përgjegjëse do të bëjë aktet nënligjore, në funksion të mbrojtjes së konsumatorëve

dhe zhvillimit të tregut. Besoj se kjo është e domosdoshme të bëhet nga ministria e linjës.

Erion Braçe – Nuk ju kuptova. Ligji në disa nene të tij vendos detyrimin që

kompania që ndërton apo zotëron objektin e ndërtuar para sesa t’ia kalojë blerësit, të bëjë

edhe sigurimin e detyrueshëm për një sërë aktivitetesh, duke mbrojtur konsumatorin që blen

te kjo kompani, shtëpi, garazh, dyqan e të tjera me radhë. Pse nuk zbatohet kjo, se nuk po e

kuptoj?

Ervin Koçi – Nuk zbatohet sepse Ministria e Drejtësisë duhet të bëjë ndryshime në

ligjin “Për regjistrimin e pasurive të paluajtshme”, që në momentin kur një qytetar të shkojë

të bëjë regjistrimin e shtëpisë...

Erion Braçe – Ç’lidhje ka kjo?

Ervin Koçi – Po si mund ta detyrojmë ne?

Erion Braçe – As më intereson fare. Mua më intereson fakti nëse kompanive të

ndërtimit u është vendosur ky detyrim ligjor, që të shkojnë të bëjë sigurimin e objektit që ka

ndërtuar në funksion të mbrojtjes së qytetarit që e blen atë ndërtesë.

Pse nuk zbatohet kjo? Ti po më thua se duhet një instrument, që kur ai të shkojë atje

të regjistrojë pasurinë... Kush? Cili? Unë? Qytetari, që e bleu, të shkojë ta regjistrojë atje?

35

Ervin Koçi - Kryetar, kjo, edhe sipas dispozitave që ka nxjerrë ligji “Për planifikimin

dhe zhvillimin e territorit”...

Erion Braçe – Zoti drejtor, u është dhënë e drejta me këtë ligj kompanive që në

fazën e karabinasë të shkojë të regjistrojnë karabinanë në Zyrën e Regjistrimit të Pasurive.

Pse s’mbahet atje kjo gjë? Pse nuk ndodh kjo gjë, që paskeni shpikur një instrument tjetër ju

që doni t’ia faturoni Ministrisë së Drejtësisë?

Ervin Koçi – Po si mund të detyrojë Autoriteti një firmë ndërtimi?

Erion Braçe – E detyron ligji, more zotëri. Ligji e detyron të bëjë këtë gjë. Pse nuk

ndodh kjo?

Ervin Koçi – Po nuk i monitorojmë ne firmat e ndërtimit...

Erion Braçe – Ju monitoroni tregun e sigurimit. Nga ky ligj ju buron edhe një

produkt tjetër i sigurimit të detyrueshëm, për të cilin duhet të jeni të interesuar, ju dhe

kompanitë vetë. Pse nuk bëhet asnjë hap, apo e ka Ministria e Drejtësisë?

Ervin Koçi – Ne kemi bërë hapin, kryetar. Kompanitë vetë me dëshirë, me vullnet

nuk e bëjnë. Ne nuk kemi asnjë ...

Erion Braçe – Kompanitë me vullnet nuk e bëjnë? Kompanitë që nuk e respektojnë

ligjin...

Ervin Koçi – Po kush mund t’i penalizojë këto kompani? Nuk ka kush t’i penalizojë.

Në këtë pikë ne kërkojmë mbështetje, që t’i japim një zgjidhje, sepse ne si Autoritet

kemi çfarë të bëjmë në këtë pikë.

Lidhur me sigurimin e detyrueshëm të punonjësve në veprimtarinë minerare, VKM-ja

nr. 1109, datë 08.08.2008 parashikon që shuma e siguruar nuk mund të jetë me e ulet se

6,000,000 leke dhe tarifa e primit të sigurimit minimalisht 0,5% e shumës së siguruar.

Në kushtet kur aktualisht kushti i tarifës së sigurimit pothuajse nuk zbatohet- mund të

kërkohet nga AMF që kjo policë dhe për pasojë edhe demet të raportohen online në AMF- si

TPL?

Shoqëritë e sigurimi raportojnë në Autoritet me frekuencë tremujore të gjithë

informacionin e nevojshëm në lidhje me primet dhe me dëmet lidhur me sigurimin e

detyrueshëm të punonjësve në veprimtarinë minerare.

Për sa i përket tarifimit, bazuar në ligjin 52/2014 “Për veprimtarinë e sigurimit dhe

risigurimit”, primi i sigurimit përcaktohet nga vetë shoqëritë e sigurimit dhe mesatarisht tarifa

e aplikuar është në nivelet 5 për mijë nga 0,5 për mijë që e ka VKM-ja.

36

Problemi është që ligji thotë që tregu është i liberalizuar ndërsa VKM-ja vendos një

prim dysheme, 0,5%.

Erion Braçe – Po minatorët a janë të siguruar?

Ervin Koçi – Po pra…

Erion Braçe – Se mua më interesojnë ata, në fakt, nuk më intereson as kompania,

as…

Ervin Koçi - Për vitin 2017, numri i te siguruarave për një periudhe 1- vjeçare

rezulton afërsisht 3500 persona, dhe behet fjale për kontrata të lëshuara ne forme individuale

ose ne grup. Ndërsa për 20% të të siguruarve (minatoreve) periudha e vlefshme e policës

është më pak se 1 vit.

Erion Braçe – E çfarë do të bëni ju për këtë, për të zgjidhur këtë mospërputhje të

VKM-së me ligjin, tregu i liberalizuar me VKM-në që e centralizon?

Ervin Koçi – Ka një gjë, ne provigjionimin e mbajmë me 0,5%, pra zbatojmë VKM-

në dhe në qoftë se VKM-ja ka nxjerrë edhe detyrimin që mund ta marrë minimalisht një

minator, që është 6 milionë lekë të reja, në qoftë se ndodh dëmi, kompania i përgjigjet për 6

milionë lekë të reja. Nuk ka lidhje fare me nivelin e primit.

Erion Braçe – Me çfarë e garantoni ju këtë?

Ervin Koçi – Është i garantuar në kontratën …

Erion Braçe – A keni nxjerrë ndonjë akt për këtë gjë?

Violanda Theodhori – Autoriteti në mbështetje të VKM-së ka miratuar kushtet e

sigurimit në grup të aksidenteve personale të punonjësve të minierave. Janë kushtet e policës,

janë pothuajse 8 faqe. Ka një formular, ka edhe një pyetësor.

Ky ka qenë detyrimi i Autoritetit në bazë të aktit të VKM-së dhe pastaj raportimi.

Kemi bërë takime në atë kohë me ministrinë përkatëse që në kushtet e licencimit të

subjekteve që shfrytëzonin minierat, në kushtet e licencës së tyre të parashikohej edhe kjo

policë sigurimi. Ky ka qenë komunikimi ynë dhe sigurisht raportimi që vjen nga periodikë

nga shoqëritë e sigurimit, ku raportohen të dhënat për sigurimet e llojeve të detyrueshme.

Erion Braçe – Shqetësimi im ka të bëjë me deklarimin online të shitjeve.

Ervin Koçi – Për sa i përket raportimit online, bëjmë me dije se jo vetëm ky produkt,

por edhe të gjithë produktet e tjera vullnetare do të futen në sistemin online dhe kjo është e

parashikuar në investimin e ri që do të bëhet për të futur të gjitha produktet vullnetare dhe

dëmet, që të jenë pjesë e sistemit online.

37

Aktualisht kemi vetëm sigurimin e detyrueshëm të mjeteve motorike dhe projekti

është që të mbyllim edhe të gjitha produktet vullnetare që kanë kartat e sigurimit në

Republikën e Shqipërisë.

Erion Braçe – Kur është ky projekt?

Ervin Koçi – Është projekti për të cilin fola më lart. Kemi vendosur kushtet dhe

kriteret për blerjen e sistemit të ri të shitjeve online, i cili do të financohet nga shoqëritë.

Erion Braçe – Edhe ky nga shoqëritë?

Ervin Koçi – Është e njëjta gjë, kryetar. Është i njëjti investim.

Erion Braçe – Që nga viti 2015, 2016, 2017, AMF-ja ka deklaruar rezultatet

financiare, të ardhura në rritje. E kuptoj se i keni rritur edhe shpenzimet (jo ju, por ajo që

ishte para teje). A ka mundësi që ju t’i përdorni këto para për këto sisteme që garantojnë

mbrojtjen e konsumatorëve që janë në kufijtë e ekzistencës së tyre, përfshirë këta që janë nën

tokë? A do të përdorni paratë tuaja në mënyrë eficiente, pikërisht për këto investime që janë

serioze, apo do të vazhdoni të mendoni se kompanitë do t’ua bëjnë edhe këtë? Se fjala bie,

zyrën nuk ta bëjnë kompanitë, makinën nuk ta bëjnë kompanitë e të tjera me radhë.

Tani, a ka mundësi që këto para t’i përdorni për këtë gjë, për këtë sistem?

Kjo ishte pyetje. Në rezolutë do të jetë patjetër.

Ervin Koçi – Ne mund ta bëjmë atë investim, por ka kosto mirëmbajtjeje shumë të

lartë dhe duke qenë se ne punojmë me këtë sistem, që ka një normë amortizimi, mund të vijë

një kohë, në qoftë se Autoriteti do t’i bëjmë këto, i bie që Autoritetit pas 6-7 vjetësh të dalin

me humbje.

Gjithsesi, është e drejta juaj ta bëni rezolutën dhe ne jemi të detyruar ta zbatojmë.

Pyetja 9. Detyrimet e mbetura pa paguar objekt i Fondit të Kompensimit me datë

ngjarjeje aksidenti 2001-2013 dhe 1 janar 2014, të deklaruara në vendimet e Bordit të AMF-

së ndryshojnë ndjeshëm dhe janë në rritje. Përse ndodh një gjë e tillë?

Nuk raportohen saktë, dalin detyrime të reja të paraportuara më parë dhe mbi të gjitha

përse janë rritur në masë të ndjeshme sidomos në vendimet e viteve 2016-2017?

Sa i takon pasaktësisë ne lidhje me shifrat e raportuara për Fondin e kompensimit dhe

rritjes se vlerës se tyre , kjo ka ndodhur për disa arsye si me poshtë:

Së pari, që në vendimin e vitit 2014, ku shuma e detyrimeve të prapambetura të fondit

të kompensimit, sipas raportimit të BSHS-së, rezultonin në vlerën prej 1,348,126,732 lekë, të

dhënat e paraqitura tregonin kryesisht vlerat e dëmeve në proces trajtimi dhe dëmeve në

proces gjyqësor, duke marrë në konsideratë vlerën e rezervës së llogaritur për këto dëme.

38

Gjithashtu, në vlerën totale të detyrimeve për Fond Kompensimi deri më 31.12.2013,

nuk ishin përfshirë vlerat e dëmeve të ndodhura dhe ende të paraportuara. Në këto kushte

vlera totale e cituar më sipër, në fund të periudhës së parashikuar për shlyerjen totale të

këtyre detyrimeve pritej të ndryshonte.

Së dyti, nga inspektimet e kryera si dhe nga analiza e të dhënave të depozituara në

AMF, ka rezultuar se një pjesë e konsiderueshëm e praktikave kryesisht në proces gjyqësor

nuk kishin vlerë përcaktuar dhe paraqiteshin me vlerë zero. Kjo është një nga shkaqet

kryesore që, me gjithë pagesat e bëra të fondit të kompensimit, detyrimi të jetë i madh. Po

kështu, edhe ndryshimi i statusit të këtyre praktikave ndikon në ndryshimin e vlerës së

detyrimit sipas periudhave përkatëse.

Gjatë vitit 2017 u kryen disa inspektime në BSHS dhe pranë shoqërive të sigurimit,

ku, ndër të tjera, është kërkuar vlerësim i praktikave me vlerë zero. Janë evidentuar rreth 128

raste të dëmeve me vlerë zero.

Vendimet e bordit janë rritur ndjeshëm gjatë vitit 2017, për shkak se ne duhet ta

zerojmë këtë shumë për vitin 2018.

Për sa u përket detyrimeve nga Fondi i Kompensimit për vitet 2015, 2016, 2017 nuk

ka pasur një ngritje, por flas për vitin koherent, por ka pasur një ulje graduale, që është e

vogël, por gjithsesi kjo ka ardhur edhe për shkak të uljes së numrit të aksidenteve dhe uljes së

numrit të makinave të pasiguruara, por gjithsesi ka edhe rritje të caktuara, për shkak se rritet

paga minimale, kur bëhen llogaritjet për një dëm të caktuar, njëkohësisht është inflacioni dhe

indikatorë të tjerë që ndikojnë në rritjen e vlerës. Gjithsesi është një vlerë dhe shpeshherë

vlerat ndryshojnë, për shkak se nëse mbahet shumë nga vendimet e gjykatave, sepse një

gjykatë merr një vendim dhe mund t’u japë të drejtë shoqërive, ndonjëherë mund të ndryshojë

vlerën dhe kjo mund të sjellë që shifrat të jenë gjithmonë dinamike dhe të ndryshueshme

pothuajse çdo muaj.

Erion Braçe – Atëherë, për ta kuptuar, ju thatë që detyrimet e mbetura, objekti i

fundit i kompensimit, kanë qenë 1,85 miliardë.

Sa janë sot?

Ervin Koçi – Sot detyrimet fond kompensimi, që janë të pashlyera, janë të datës

31.12.2017, kanë qenë 1,25 miliardë, nga të cilat 817 milionë lekë të reja, kanë qenë dëme të

papaguara, që janë me vendime gjykate dhe zyra përmbarimore. 422 milionë lekë janë në

procese gjyqësore, pra që janë në shkallë të parë ose në apel dhe 11 janë dëme në proces

trajtimi.

39

Erion Braçe – A mund të me thoni çfarë është shlyer deri tani, se nuk po kuptoj?

Ervin Koçi – E përmenda edhe në raport, mbase nuk u shpreha qartë, 1,3 miliardë

deklarohen në vitin 2014, por realisht shifra ka qenë 3 miliardë, dhe jo 1,3. Për 4 vjet

shoqëritë kanë shlyer 1,8 miliardë.

Erion Braçe – Kush e ka deklaruar këtë 1,3?

Ervin Koçi – Autoriteti në vitin 2014.

Erion Braçe – A mban kush përgjegjësi për këtë, që e ka deklaruar në mënyrë të

pavërtetë?

Ervin Koçi - E kemi në pyetjen tjetër, kryetar.

Erion Braçe – E kuptova. Çfarë do të ndodhë me detyrimin e papaguar?

Ervin Koçi – Kemi marrë vendimin e bordit dhe këtë vit i gjithë detyrimi i fondit të

kompensimit do të bëhet zero, pra nuk do të ketë më fond kompensimi të papaguar më 1 janar

2019.

Erion Braçe – 1 janar 2019 nuk do të ketë fond kompensimi, pra do të jenë të shlyera

të gjitha detyrimet?

Ervin Koçi – Patjetër, zoti kryetar, edhe të provigjonuara përveç se të shlyera, sepse

nuk kanë qenë të provigjonuara.

Erion Braçe – Po, një pjesë janë në gjykatë. Patjetër të provigjonohen, të mbuluara

me provigjone më 1 janar 2019 nuk do të ketë më fond kompensimi.

Ervin Koçi – Jo, nuk do të ketë.


Erion Braçe - Zotëri, a ka mundësi të vazhdojë zotëria, se nuk është për numrin e

pyetjeve?

Pyetja 10.

Pajtim Melani – Lidhur me pyetjen 10 çështja i referohet vendimit të bordit të vitit

2016. Sipas vendimit nr. 158 është caktuar të auditohet Byroja Shqiptare e Sigurimeve me

objekt detyrimi për fond kompensimi. A u krye detyrimi dhe çfarë konkluzionesh arriti?

Bordi i Autoritetit me vendimin nr. 158 të vitit 2016, e ka urdhëruar Byronë e

Sigurimit të procedojë brenda datës 31 tetor 2016, që të përzgjedhë shoqërinë audituese

ndërkombëtare, me qëllim auditimin e veprimtarisë së Byrosë që lidhet me të gjithë detyrimin

e dëmeve, objekt i fondit të kompensimit. Duhet theksuar që ky vendim bordi ka ardhur pas

një insistimi të konsiderueshëm nga ana e bordit, për shkak se nga AMF-ja, në atë kohë, nuk

kishte kapacitete për të inspektuar dhe për të audituar byronë.

40

Byroja, me shkresën përkatëse nr. 7405 të datës 5 dhjetor 2016, ka informuar se

shoqëritë audituese kanë paraqitur kosto të larta dhe me shkresën 7823 ka informuar se kjo

çështje është diskutuar edhe në mbledhjen e Asamblesë së Përgjithshme të Aksionareve të

datës 19 dhjetor. Duke insistuar në këtë kërkesë të zbatimit të vendimit të bordit, kemi thirrur

në hearing, pra seancë dëgjimore të gjithë drejtorët e shoqërive të sigurimit në atë kohë për të

bërë të qartë se për ne ishte shqetësim shumë i madh pjesa e shlyerjes së fondit të

kompensimit. Siç u tha këtu, nëse mund ta perifrazojmë në tri shifra, nga rreth 3 miliardë në

total është paguar 1,8 miliardë. Transhet e konfirmuara në vitin 2014 nga AMF-ja janë në

bashkëpunim me BB-në. Për t’u paguar në tri vitet e pasardhëse ishin 1,2 miliardë, që do të

thotë se është paguar 1.8 miliardë, pra 600 milionë më shumë se sa ishte trashi i miratuar.

Por, besoj se i gjithë ky ishte një proces dinamik, siç e tha edhe zoti Koçi, duke e

kthyer fondin e kompensimit në një shënjestër të lëvizshme, por ama 3 vendimet e bordit të të

tri vjetëve, që unë u referohem, janë realizuar dhe janë shtuar 600 milionë lekë të reja fond

kompensimi shtesë të paguara. Gjithashtu, në fund të vitit të shkuar, bëmë prapë një shtesë

tjetër për t’i detyruar shoqëritë të paguajnë fondin e kompensimit dhe me vendimin e fondit të

kompensimit për vitin 2018, ne shpresojmë shumë që të mbarojë saga e gjithë fondit të

kompensimit. Duhet thënë që pavarësisht se shoqëritë nuk morën një shoqëri audituese, ne

kemi marrë masat përkatëse dhe, për këtë arsye, ne bëmë vetë inspektimin si AMF. Me

ndryshimin e drejtimit u inspektua Byroja dhe doli raporti i inspektimit, është ai raport për të

cilin foli dhe drejtori. Ndërkohë bordi me vendimin nr. 36 të datës 30 mars 2017, ku miraton

shoqërinë audituese të Byrosë për vitin paraardhës, ka kërkuar që të auditojë të gjithë

problematikat e fondit të kompensimit në vit.

Duhet thënë që edhe në këtë rast shoqëria audituese e përzgjedhur nuk i është

përgjigjur në cilësinë e duhur vendimit të bordit dhe, për këtë arsye është bërë inspektimi që

të shihnim me inspektorët tanë, si AMF, situatën e dosjeve. Ky problem vazhdon të jetë dhe

ne përsëri kemi marrë vendimin përkatës nr. 218 të datës 8 dhjetor 2017 ku, për përzgjedhjen

e shoqërisë audituese, Byroja njofton me shkresën e datës 29 mars që ka kontaktuar me zyrën

e auditimit e cila do të përzgjidhet, por ndërkohë po përfundon edhe sistemi elektronik i

dëmeve, objekt i fondit të kompensimit.

Pavarësisht këtij justifikimi, Bordi i Autoritetit me vendimin nr. 86 të datës 7 maj

2018, ka sanksionuar me masa administrative drejtorin e bordit, sipas parashikimeve të ligjit

dhe ka kërkuar nga Byroja përzgjedhjen e shoqërisë audituese në zbatim të vendimit të bordit.

Erion Braçe - Tani, që ta kuptoj, ky auditim është bërë apo jo?

41

Pajtim Melani – Është bërë inspektimi nga ana e AMF-së.

Erion Braçe – Inspektim nga ana juaj? Auditim mbi Byronë nuk është bërë?

Pajtim Melani – Auditimi nuk është bërë dhe ne përsëri i kemi kërkuar shlyerje, se ia

ka audituar pasqyra financiare.

Erion Braçe – Deri tani me thatë që sistemin do t’jua bëjnë kompanitë dhe do t’jua

mirëmbajnë. Edhe këtë të minatorëve e kishit menduar prapë kompanitë. Kur kompanitë nuk

iu përgjigjen me shpenzime dhe i konsiderojnë të shtrenjta shpenzimet e auditimit të një

fondi, që është kthyer në problem jetik për qytetarët e Republikës së Shqipërisë, ju mendoni

vërtet se kompanitë do t’ju përgjigjen për këto gjërat e tjera?

A e kuptoni që nuk jeni për të lutur kompanitë? Ky autoritet nuk është për t’iu lutur

kompanive, por për të garantuar rregullin në këtë treg dhe kjo nuk bëhet me të lutura, nuk

bëhet duke çuar inspektorë dhe duke ua kthyer ata me një telefon mbrapsht. Nuk bëhet

kështu, qoftë në kompani, qoftë në byro. Nuk jeni për këtë punë. Nëse ju duhet fuqi na thoni

t’ju japim fuqi tjetër, se po fyeni veten tuaj dhe të gjithë ne këtu kur u çoni inspektorët dhe ata

jua kthejnë me një telefon. E kuptoni se si jeni katandisur?

Për pyetjet e tjera do të vazhdojmë në mbledhjen tjetër!

Mirupafshim!

MBYLLET MBLEDHJA

Documents

REPUBLIKA E SHQIPËRISË KUVENDI - parlament.al · sporadik dhe i izoluar. Tashmë Ministria e Brendshme, e përfshirë në trafikun e drogës, është kthyer në sistem: ikën një