Sinna 5, May 2, 2015 ni ading

“AMA NGEINA BANGIN”

Sabbath tanna pen A ngeina ci a Luke in agen ciangin bang cinuam

ahihiam?

Sabbath tanna pen ei ngeina zong koici suahsak thei ding ihi hiam?

1. Ei leh ei in mun khatpeuh ah Pasian kibia thei hi. Ahi zongin mun khata neih khop ding hoih hi.

2. Tua bang in tangpi muhna ah Zeisu pen ei hong piangsakpa leh hong tanhkhiapa in teci apang ihihi.

3. Eite in iki kaihkhop ciangin ilungdamhna leh ilunghihmawhna te iki kamkup khawm thei hi.

“A khankhiatna Nazareth khua ah pai in, Ama ngeina bangin Sabbath ni in kikhopna inn ah Laisiangtho sim dingin ading hi.” (Luke 4:16)

SABBATHNI GAMTATZIA “Tua ciangin Galilee gam Capernaum khua ah Amah pai a, Sabbath ni in thu ahilh hi.” (Luke 4:31)

Luke 4:31-36 suanga agen mah bang in, Zeisu in Sabbath ni in thugen in damsakna na’ sem hi. Ama thuhilhna dawiveipa in nawngkaisak a Zeisu in tua dawi hawlkhia hi. Amukhate in Zeisu’ THUNEIHNA lamdang asa uh hi.

Hilh dinga thuneihna. Natna leh dawite’ tunga

thuneihna.

Zeisu in aneihngei thuneihna neiden hi.Na nuntakna hong makaih dingin thuneihna Zeisu napia hiam?

NIPINI’ TOPA(SABBATH)

Tua ciang in Zeisu in, “Mihing’ Tapa in Sabbath’ Nipini’ Topa

ahihi” aci hi.(Luke 6:5 NIV)

Bangci bang in Zeisu in “Nipini’” Topa hithei hiam?

Zeisu in Sabbath’ deihna diktak agenna ah: ‘Nipini in nahoih sem a nuntakna huut ding kilawm hi’ ci hi.

Zeisu in Sabbath palsat a akingawhna

thu koici dawn hiam?

(Luke 6:3-4, 9)

SABBATH NIPINI’ THUPITNA“Tua ciangin Pasian in ni sagihni thupha pia in siansuah hi. A piansak nasepna pan khawl hi.” (Genesis 2:3)

Niipini Sabbath tanna pen Pasian thukham ahihi. (Paik. 20:8-11). Tua in athupi pumpi leh kha lam phatuamnate zong pia hi. Gentehna in:

Pasian kammalte zakna (Luke 4:17)

Khazih sungah khawlngakna (Hebrews 4:1)

Piangsakpa phawkna(Piancil 2:3)

Hotkhiatna ah lawpna (Thuhilhkikna 5:15)

“Pasian in Paradise nangawn ah khawlngak kisam cih mu hi. Amaute’ vai teng pan ni sagih ah ni khat khawl in Pasian nasepnate ngaihsun diak in Ama vangliatna leh hoihna ah lungngaih ding ahihi. Pasian alunggulhna aphawkpha sak ding leh Piangsakpa dikna tungtawna hong luang aneih alamhte’ hanga lungdamh akoh theih nading hunpha akisap lam Topan thei hi.”

E.G.W. (Tuulpite leh Kamsangte, Patriarchs and Prophets, cp. 2, pg. 48)

SABBATH NIPINI KOICI ZAT DING“Tua ciang in Topa in dawnga, ‘Mi kineih khemte aw! Nipini in na gante uh tui dawn sak dingin va sutkhia hilo nahi uh hiam? Hih numei, Abraham tanu, Satan in kum 18 sungtawntung akhihna pan, ‘ngaihsun dih un!’ nipini in sutkhiat huaizaw buang lo ding maw?’ aci hi.” (Luke 13:15-16)

Nipini a sephuai leh sephuailo koici khen

ding?Deihhuai taka Sabbath izat theih zawk nangin

ihih theih bang om?

Nipini in ahoih apha bawl dingin sabbath koici bang in leh banghang in zang ding (Luke 4:31-40; 6:6-11; 13:10-16; 14:1-6)?

“Kal sung tawntung Sabbath nipini ngaihsun in thu-piakna banga zangh dinga iki gin’ ding ahihi. Thu-kham ahih manh hilo in, ih nuntakna vaite khempeuh kha lam tawh aki zopzia ngaihsut ding ahihi. Nipini pen Pasian tawh ikikal a ciaptehna hi cih asangte khempeuh in Amau asiansuah Topa ahihna lak in Ama ukna thugui len ding uh hi. A nisim nuntakna uhah Ama gam thukham bang mang ding uh hi. Nipini’ sian-suahna anuntakpih dinguh ngaihsut pi in nei ding uh hi. Nisim in Khazih ompihna ngah ding uha a paubang-lo Ama zia leh tongg ngah ding uh hi. Ahoih apha sepna bawlnate tungtawn in a khuavak uh mite maiah taang ding hi.”

E.G.W. (Pawlpi tecipanna, Testimonies for the Church, vol. 6, cp. 44, pg. 353)