Sveitarstjórnarkosningar í Grímsnes- og Grafningshreppi

31. maí 2014

Listi óháðra kjósenda

Gerum gott samfélag betra

Stefnuskrá K- listans fyrir kosningar 2014 Stjórnsýsla

- Að sýnd sé ábyrgð og varfærni í fjármálum sveitarfélagsins.

- Að leitað verði allra leiða til að lækka skuldir sveitarfélagsins.

- Að stjórnskipulag sveitarfélagsins verði endurmetið með það að markmiði að auka hagkvæmni.

- Að starfsmenn sveitarfélagsins séu hvattir til og hafi tækifæri á að sækja sér menntun samhliða störfum sínum.

- Að ráðning á sveitarstjóra sé á faglegum forsendum.

- Að aðgangur íbúa og hagsmunaaðila að upplýsingum sé einfaldaður s.s. með föstum viðtalstímum við sveitarstjórn, íbúafundum, nefndarstörfum og öflugri heimasíðu.

Orkumál

- Að gerð verði áætlun til 10 ára er varðar uppbyggingu á heita- og kaldavatnsveitum sveitarfélagsins.

- Að aukin áhersla verði lögð á innmælingar á lögnum sveitarfélagsins.

- Að skoðaðir verði sérstaklega möguleikar á heitavatnsvæðingu í Grafningi.

- Að sá mikli auður sem er í heitu og köldu vatni í sveitarfélaginu nýtist til atvinnu- og tekjuöflunar innan sveitarfélagsins.

Skipulags- og umhverfismál

- Að aðalskipulag sveitarfélagsins verði rækilega kynnt og þannig stuðlað að frekari uppbyggingu.

- Að við endurskoðun á aðalskipulagi sveitarfélagsins verði horft til þróunar íbúðabyggðar, ferðaþjónustu og fjölbreyttrar atvinnustarfssemi.

- Að íbúafundir verði haldnir þannig að sem flestir hafi tækifæri til að hafa áhrif á skipulag sveitarfélagsins.

- Að löngu tímabærar vegabætur verði í Grafningi og að bundið slitlag verði sett á Búrfellsveg.

- Að hreinsunardagur sé annað hvert ár og að sveitarfélagið leggi þá til járn- og timburgám á hvern bæ.

Skólamál

- Að nýtt húsnæði leik- og grunnskóla Kerhólsskóla verði klárað ásamt lóðarframkvæmdum.

- Að elstu bekkir grunnskólans komi “heim” og að sú framkvæmd verði unnin í nánu samstarfi við foreldra, nemendur og kennara.

Stefnuskrá K- listans fyrir kosningar 2014 Landbúnaður

- Að landbúnaður er og verður mikilvægur þáttur í sveitarfélaginu.

- Að skipulagsmál taki mið af mikilvægi landbúnaðar.

- Að minka og refaveiðar verði skipulagðar í samvinnu við þá sem hagsmuna eiga að gæta.

Búsetu- og atvinnumál.

- Að atvinnuuppbygging verði áfram fjölbreytt og að stutt verði við það frumkvöðlastarf sem víða á sér stað um sveitarfélagið.

- Að efla ferðaþjónustu í sveitarfélaginu m.a. með því að stuðla að auknu samstarfi ferðaþjónustuaðila og með stuðning við útgáfu kynningarefnis.

- Að bjóða fjölskyldufólk velkomið í sveitarfélagið með góðum leik- og grunnskóla.

- Gera kröfu á Mílu með að ljósnet/ljósleiðari verði settur upp hjá öllum íbúum/fyrirtækjum í sveitarfélaginu.

Borg

- Að byggt verði dvalarheimili fyrir eldri borgara á Borg.

- Að endurskoðað verði skipulag Borgarsvæðisins m.t.t. iðnaðarsvæðis, hesthúsahverfis, fótboltavallar, tjaldsvæðis sem og uppbyggingar verslunar og atvinnuhúsnæðis.

- Að Borgarsvæðið verði fegrað m.a. með plöntun á trjám, að gangstéttar verði kláraðar og varanlegar hraðahindranir settar upp.

- Að embætti skipulags- og byggingafulltrúa verði staðsett í núverandi skólahúsnæði.

Menning – Nám – Börn – Heldri borgarar

- Að styrkja fjárhagslega unglinga sem stunda framhaldsnám.

- Að bjóða öllum unglingum upp á unglingavinnu.

- Að bjóða áfram upp á fjölbreytt íþrótta- og leikjanámskeið.

- Að áfram verði heldri borgurum boðið til dvalar á Hótel Örk.

- Að efla félagsstarf fyrir heldri borgara.

Frambjóðendur K listans

Guðmundur Ármann PétursssonFramkvæmdastjóri, Sólheimum

Sigrún Jóna JónsdóttirBóndi, Stóra-Hálsi

Jón Örn IngileifssonVerktaki, Svínavatni

Karl ÞorkelssonVerktaki, Borg

Pétur ThomsenLjósmyndari, Sólheimum

Ágúst GunnarssonBóndi, Stærri-Bæ

Hanna Björg ÞrastardóttirMatráður, Ljósafossi

Ólafur Ingi KjartanssonBóndi, Vaðnesi

Jóhannes GuðnasonBifreiðastjóri, Borg

Böðvar PálssonBóndi, Búrfelli

1. 2. 3. 4.

5. 6. 7. 8.

9. 10.Listi óháðra kjósenda

www.facebook.com/klistinn

Forgangsverkefni strax að loknum kosningum- Gerð verði lokatilraun í að selja golfvöllinn við Borg. Ef hann selst ekki á árinu 2014 þá verður haldinn

íbúafundur þar sem kallað verður eftir hugmyndum um notkun á landi golfvallarins.

- Gera kröfu á Mílu að klára strax ljósnet/ljósleiðaravæðingu í sveitarfélaginu.

- Fara í endurskoðun á skipulagi með það að markmiði að hraða uppbyggingu íbúðar- og atvinnuhúsnæðis.

- Klára skólabyggingu strax og lóðarframkvæmdir eins fljótt og hægt er.

- Moldrok frá golfvelli verði strax stoppað!

- Vegamál, nauðsynlegar vegabætur í Grafningi og bundið slitlag á Búrfellsveg.

- Að göngustígar á Borg verði kláraðir strax.

Sveitarfélagið skuldar 1 miljarð, skuldahlutfall er rúmlega 160%. Það þarf að sýna ráðdeild í rekstri og framkvæma af ábyrgð.