Embed Size (px)
Citation preview
Marso 2020
Timeline at Mga Limitasyon Ang Batas sa Mga Karapatan sa Pagboboto sa California
(California Voting Rights Act, CVRA) ay may mahihigpit na timeline at kinakailangan para sa mga pagdinig
Dapat makumpleto ang buong proseso sa loob ng 90 araw
May 4 na pagdinig na dapat maisagawa
Dapat maisagawa ang 2 pagdinig bago ang pagbuo ng draft na mapa
Dapat maipaskil ang (mga) draft na mapa para sa mga komento
Sa ikaapat na pagdinig, maaaring ipagtibay ng Lupon (Board) ang mga bagong hanggahan ng katiwala (trustee)
Ang prosesong pinapasok ng NVUSD ay tinatawag na 'muling pagdidistrito'
Ano ang Muling Pagdidistrito? Sa isang sistema ng halalan na nakabatay sa distrito,
hinahalal ang mga kinatawan mula sa mga distrito (o mga lugar ng katiwala), ng mga botanteng naninirahan sa bawat lugar ng katiwala.
Sa kasalukuyan, ang Lupon ng NVUSD ay hinahalal sa pangkalahatan, bagaman naninirahan ang mga katiwala sa kanilang sariling lugar ng katiwala.
Ang muling pagdidistrito ay ang proseso ng pag-aayos ng mga hanggahan ng mga lugar ng katiwala sa NVUSD.
Nagpatupad ang Distrito ng malinaw na pampublikong proseso para muling iguhit ang mga lugar ng katiwala at bigyan ng kakayahan ang mga residente upang lumahok
Kung maipasa ng Lupon ng Mga Katiwala, ang mga bagong hanggahan ng lugar ng katiwala ay magkakaroon ng bisa kasabay ng halalan sa Nobyembre 2020.
Paano gagana ang prosesong ito? 2 Pampublikong Pagdinig upang kumuha ng input:
Sa Marso 12 (Mga Tanggapan ng Distrito ng Napa) at Marso 26 (American Canyon Middle School), hihingin ng Lupon ng Mga Katiwala mula sa mga residente ng NVUSD ang kanilang input para tumulong sa paghubog ng mga lugar ng katiwala.
Ang input mula sa mga pagdinig at pagpupulong na ito, at ang input na isinumite sa pamamagitan ng sulat o email, ay gagamitin para mabuo ang mga Draft na mapa
Paglabas ng mga Draft na Mapa
Sa Abril 9, ang mga Draft na Plano ng mga bagong Lugar ng Katiwala ay magiging available online at sa iba pang lugar para bigyan ng komento
2 Pampublikong Pagdinig upang kumuha ng feedback
Kukuha ng feedback sa 2 pang pagdinig ng Lupon ng Mga Katiwala sa Abril 23 at Mayo 7; Maaaring gumawa ng mga karagdagang pagsasaayos sa Draft.
Isasapinal ang muling pagdidistrito sa pamamagitan ng pagboto sa mga bagong Lugar ng Katiwala
Ano ang mga pamantayan sa
pagmamapa?Ang Pamantayan sa Muling Pagdidistrito ay nagsisimula sa Batas Pederal:
Magkatumbas na populasyon
Pagsunod sa Batas sa Mga Karapatan sa Pagboboto ng Pederal na Pamahalaan (Federal Voting Rights Act, FVRA)
Kabilang sa Di-Pederal na pinakakaraniwang ginagamit na Tradisyonal na Pamantayan ang:
Pagiging magkaratig (Contiguity)
Pagiging siksik (Compactness)
Paggalang para sa mga Komunidad na may Parehong Interes (Communities of Interest)
Kasama sa ibang pamantayan ang: pagkakaisa, estadong naipagpapatuloy, integridad, pagiging masinsin ng teritoryo at higit pa.
Anong Ideal na Populasyon kada Lugar
ng Katiwala?
Kalkulahin ang ideal na populasyon para sa anumang uri ng distrito:
Kabuuang populasyon ÷ # ng mga distrito/lugar = Ideal na POP
Kabuuang Populasyon ng NVUSD mula sa Senso noong 2010: 115,541
Ideal na populasyon para sa mga Lugar ng Katiwala sa NVUSD?
115,541 ÷ 7 Lugar ng Katiwala = 16,506
Gaano ang pagiging katumbas ng
magkatumbas? Magkakaibang pamantayan para sa magkakaibang
hurisdiksiyon
Sumasailalim ang mga Distrito ng Kongreso sa 'masusing pagsisiyasat'
May higit na pleksibilidad ang mga distrito/lugar ng halalan sa mas mababang antas
Ang mga Lugar ng Katiwala ay dapat na makatuwirangmagkatumbas
Pinapahintulutan ang kaunting paglihis sa itaas at/o ibaba ng ideal na populasyon
Karaniwang hanggang ±5% ang ginagamit para sa pagsunod sa FVRA
Ideal na populasyon 16,506 ± ~825 tao
Pagiging magkaratig (Contiguity)
Isang Pamantayan ayon sa heograpiya
Kahulugan: Ang distritong may katangian ng
pagkakaratig ay iyong kung saan ang lahat ng
bahagi ay magkakakonekta sa isa't isa
sa ibang salita:
Isang distrito kung saan ang isang tao ay
maaaring maglakbay mula sa isang lokasyon
patungo sa anumang iba pang lokasyon nang
hindi lumalagpas sa hanggahan ng distrito
Pagiging siksik (Compactness)
Tumutugon sa heograpiya ng distrito/lugar
Ipinagpapalagay na “magbabantay laban sa lahat ng uri ng pagmamanipula sa hanggahan para paburan ang isang partido o klase (gerrymandering)” “ang pagkakaroon ng lubos na paglihis mula sa pagiging siksik ay maaaring isang palatandaan na may hindi tama” (Karcher v Daggett)
Nagmumula ang mga pinakakaraniwang reklamo sa mga anyo:
Kakaiba o nakakatawa bang tingnan ang isang distrito/lugar?
Mga Komunidad na may Parehong
Interes
Dapat respetuhin ng mga Lugar ng Katiwala ang mga Komunidad na may Parehong Interes hangga't maaari.
Sa pangkalahatan, ang mga Komunidad na may Parehong Interes ay tumutukoy sa magkakaratig na populasyon na nagbabahagian ng mga parehong panlipunan at pang-ekonomiyang interes
Hindi mga distrito ang mga Komunidad na may Parehong Interes: karaniwang mas maliit ang mga iyon at maaari silang gawing saligan sa pagbubuo ng mga distrito
Walang set ng datos na agad na makukuha na nagbibigay ng kahulugan sa mga Komunidad na may Parehong Interes (mga COI)
Sino ang nagpapakahulugan sa isang
Komunidad na may Parehong Interes?
Ikaw mismo!
Hindi nililimitahan ng batas ang mga uri ng interes na maaaring magbuklod sa isang komunidad.
Nasa pagpapasiya ng mga naninirahan o nagtatrabaho sa mga komunidad na tukuyin at itaguyod ang mga interes na nagbubuklod dito.
Hindi kailangang limitado sa kasalukuyang sitwasyon ang mga interes, ngunit maaari ding kasama rito ang mga parehong mithiin.
Magkakaiba ang laki ng mga Komunidad na may Parehong Interes: karamihan ay mas maliit sa mga distrito.
Kakailanganin ng Lupon ang iyong input para ipakahulugan ang mga Komunidad na may Parehong Interes sa NVUSD!
Mga Halimbawa ng Mga
Parehong Interes Mga Pang-ekonomiyang Interes:
Kasalukuyang sitwasyon -- parehong trabaho o mga oportunidad para kumita (o kakulangan nito).
Mga layunin -- pagpapalawak ng mga oportunidad at access, atbp.
Mga panlipunang interes:
Kasalukuyan -- mga paaralan, kultura, wika, transportasyon
Mga layunin -- pagpapabuti ng mga oportunidad sa paglilibang o pampublikong kaligtasan, pagpepreserba ng mga mapagkukunan, atbp.
Karaniwang inaakalang ang mga kapitbahayan ay mga Komunidad na may Parehong Interes
Mga Komunidad na may Parehong Interes ba ang mga kasalukuyang Lugar ng Katiwala?
Paano idokumento ang isang
Komunidad na may Parehong Interes
Mangyaring sagutin ang mga sumusunod na tanong:
Ano ang nagbubuklod sa inyong komunidad?
Balangkasin kung ano ang nagbibigay kahulugan sa COI:
Ano ang inyong misyon o pagkakatulad?
Ipaliwanag kung ano ang naiiba sa labas ng mga hanggahan ng inyong Komunidad na May Parehong Interes
Saan matatagpuan ang inyong komunidad sa NVUSD?
Gumawa ng mapa ng mga hanggahan (gumamit ng Google maps, programa ng GIS/pagmamapa, papel, atbp.) o
Isulat ang mga hanggahan
Bakit ka dapat lumahok?
Para tiyaking alam namin ang tungkol sa iyong Komunidad na may Parehong Interes.
Para bigyan ang iyong komunidad ng boses at tiyaking mayroon itong pantay na access sa politikal na proseso.
Para hikayatin ang mga mamamayan na magrehistro, bumoto, at manatiling nakikibahagi sa politika.
Para tulungang buuin ang plano sa pagdidistrito na nagbibigay sa mga komunidad ng makabuluhang oportunidad na maghalal ng mga kandidatong kumakatawan sa kanilang mga interes sa mga isyung mahalaga sa Napa Valley Unified School District.
Mga Tagubilin para sa Paglahok ng Publiko
Nirerepresenta ng mga may kulay na lugar sa mapang ito ang mga
Lugar ng Senso (Census Tract) sa NVUSD. Kumakatawan ang mga
numero sa dami ng taong nakatira sa bawat Lugar ng Senso. Maaari
mong gamitin ang mapang ito upang ipakita sa Lupon ng Mga Katiwala
kung paano mo gustong iguhit ang mga bagong lugar ng katiwala.
Pagsamahin ang mga numero sa mga Lugar ng Senso upang tukuyin
ang populasyon sa mga lugar ng katiwala na iyong ginawa. Tandaan,
dapat na mayroong humigit-kumulang 16,506 na katao ang bawat
lugar ng katiwala!
Mangyaring gumamit ng pen o marker na may makapal na tinta upang
iguhit kung saan mo nais ilagay ang mga distrito. Pagkatapos, ipadala
ang iyong mapa sa pamamagitan ng email sa [email protected],
ipadala ito sa 2425 Jefferson Street, Napa, CA, 94558, o dalhin ito sa
anumang pulong/pagdinig ng muling pagdidistrito. Mangyaring
isumite ang iyong mapa hanggang Abril 6, 2020 upang maisaalang-
alang para sa draft na mapa!
Opsiyonal na Impormasyon:
Pangalan: ___________________________________
Telepono/Email: _____________________________
Halimbawa:
Ang Aking Komunidad na may Parehong Interes
Ito ang aking kapitbahayan, na may hanggahan sa kalye x, y, a, at z. Lahat kami ay lubos na mahilig sa pag-aalaga ng hardin at pagbabawal ng mga nakakalasong kemikal sa aming komunidad.
Ipadala ang iyong mapa sa
Interaktibong Viewer ng Distrito:
http://nvusd.s3-website-us-east-1.amazonaws.com/
Online na Tool sa Muling Pagdidistrito:https://districtr.org/napa
Interaktibong Viewer ng Distrito:
http://nvusd.s3-website-us-east-1.amazonaws.com/
Paano makibahagi – Paano alamin
ang higit paUpang makilahok sa proseso, mangyaring magpatunay, magsumite ng
nakasulat na testimonya, magpadala ng sumusuportang impormasyon sa NVUSD
Mangyaring magbigay ng impormasyon tungkol sa iyong Komunidad na may Parehong Interes, o mga ibang paksang kailangan malaman ng NVUSD sa lalong madaling panahon.
Ang panghuling takdang petsa para maisaalang-alang ang mga komento para sa mga Draft na mapa ay sa Abril 6, 2020. Maaari kang patuloy na magbigay ng feedback pagkatapos niyon.
• Magsumite ng impormasyon sa pagdinig, sa pamamagitan ng sulat, o ihulog ito sa mga tanggapan ng NVUSD sa 2425 Jefferson St, Napa, CA 94558
• Sa pamamagitan ng email: [email protected]
• Makakuha ng impormasyon online dito: nvusd.org/districting
MARAMING SALAMAT SA IYONG PAKIKILAHOK!
