Embed Size (px)
Citation preview
1
NG KERK SOMERSTRAND
KERSSANGDIENS 2005 LYNETTE VAN WYK
Tema: Die rol van engele tydens Jesus se
geboorte
Datum: 27 November 2005, 1900
Karakters: Jojakim Deon Loots h5832389 0837938364
Maria Natalie Mansfeld w487 2827 0731666394
Josef
Anna Claire
Engel, slegs „n stem, ook die verteller
Saggaria Johann McFarlane h5833674 0845200312
Elisabet Marietjie McFarlane h5833674
Skaapwagter 1
Skaapwagter 2
Simon Jo
Groepie dogters Nikki du Plessis se dogters en vriendinne
Vroue Ma‟s van dogters
Tegniese personeel: Teks Lynette van Wyk
Regie Sura Swanepoel h5833201
Verhoog en dekor
Klank
Beligting
Program Leonette Bothma
DataprojektorRethie van Niekerk
Power point Rethie van Niekerk
Dvd of video Frik Buys w5835157
Verversings
Musiekregie Albert Troskie h5832849
Koor Albert Troskie
Orrelbegeleiding Erna Greyvenstein
Instrumentaliste
Soliste Elsje Nelson
2
Oefentye: Sondagaand 27 November 1800 almal
Saterdagmiddag 26 November 1700 almal, kleed- en
klankrepetisie
Donderdagaand 24 November 1900 volledige kleed- en
klankrepetisie
Woensdagaand 23 November 1900 volledige kleedrepetisie
met koor
Dinsdagaand 22 November 1800 toneel 2,5,6; 4,8; 7
Donderdagaand 17 November 1900 deurloop Woensdagaand 16 November 1900 deurloop sonder Deon
Maandagaand 14 November 1800 tonele 2,5,6; 1,3,4,8; 7
Woensdagaand 9 November 1800 tonele 2,5,6; 4,8,7
Maandagaand 7 November 1800 tonele 1,3,4,8; 7; 2,5,6
Woensdagaand 2 November 1800 tonele 2,5,6;4,8;7
Maandagaand 31 Oktober 1800 tonele 1,3,4,8; 7; 2,5,6
3
Proloog:
Sy koms na hierdie wêreld Gemeente: Sittend Lied 325
Uit oorvloed van genade het Jesus eens verskyn.
Verlossing vul die aarde, die duister moet verdwyn!
Die Here God se dag breek aan – ons leef nou in sy lig.
Ons mag vol hoop weer opstaan; sy glans op ons gesig.
Uit oorvloed van genade sal Jesus wéér verskyn.
Dan kom die nuwe aarde bevry van smart en pyn.
Die Here God se dag breek aan vol heerlikheid en krag –
Sy kinders sal dan opstaan, erkentlik voor sy mag!
Gemeente: Sittend Lied 329
Want so lief het God die wêreld gehad
dat Hy sy eniggebore Seun gestuur het, gegee het,
sodat elkeen wat in Hom glo
nie verlore sal gaan nie, maar die ewige lewe sal hê.
Koor: Lied 331
Want so lief het God die wêreld gehad, die wêreld gehad,
Dat Hy sy enigste Seun, sy enigste Seun, sy enigste Seun gegee het,
Sodat elkeen wat in Hom glo, in Hom glo, nie verlore sal gaan, maar
die ewige lewe, die ewige lewe sal hê.
Sy koms na hierdie Suiderland
Koor: Lied 358 Somerkersfees
Welkom, o stille nag van vrede, onder die Suiderkruis,
Wyl stemme uit die ou verlede oor sterrevelde ruis.
Kersfees kom, Kersfees kom – gee aan God die eer.
Skenk ons „n helder Somerkersfees in hierdie land, o Heer.
Hoor jy hoe sag die klokke beier in eeue-oue taal.
Kyk, selfs die nagtelike swye vertel die ou verhaal.
Kersfees kom, Kersfees kom – gee aan God die eer.
Skenk ons „n helder Somerkersfees in hierdie land, o Heer.
Voel jy ook nou sy warm liede as ons die dag gedenk,
Toe Hy sy Seun aan ons gegee het – ons grootste Kersgeskenk.
Christus kom, Christus kom – gee aan God die eer.
4
Skenk ons „n helder Somerkersfees in hierdie land, o Heer.
Gemeente: Staande Lied 353
Die Heiland is gebore, soos eeue reeds voorspel.
Daar in die stad van Dawid word Hy Immanuel.
Met blye hemelkore wil ons ook juig en sing:
Ons Heiland is gebore – dis Hy wat redding bring!
Die Lig kom na die wêreld in Jesus Christus, Heer.
Uit liefde vir die mensdom daal Hy as dienskneg neer.
So lief het God die wêreld, Hy gee vir ons sy Seun –
só word Hy ons Verlosser, ons Middelaar en Steun.
Wie glo in Jesus Christus, word nou sy eiendom.
Hy gee die reg tot kindskap aan dié wat glo in Hom.
Juis daarom juig ons harte opnuut dié Kersfeestyd:
Ons Heiland is gebore – vertel dit wêreldwyd.
Toneel 1: Josef vra ouers
Maria se pa, ‘n middeljarige man, buk by die drumpel van sy huisie – voorgestel deur
‘n deurkosyn. Hy laat gaan sy hand op en af langs die deurkosyn en mompel.
Jojakim: Hmmm.
Josef verskyn skielik. Verleë.
Jojakim: Josef. Dis „n onverwagte besoek. Het jy iets op die hart?
Josef tree terug en laat sak sy kop.
Jojakim: Jy sluip deesdae hier rond soos iemand wat „n agenda het en nou staan
jy droë bek daar. Is ek so skrikwekkend dat jy nie met my kan praat nie. Ek is tog „n
regverdige man.
Josef: Ummmm.
Maria se voeteval word hoorbaar. Josef se houding verander vinnig. Jojakim sien
die verandering in Josef en snap wat aan die gang is.
Jojakim: O, dis wat aan die gang is. Jy het „n ogie op my dogter.
Josef, stotterend: Mohar.
Jojakim: Mohar? Is ek nou veronderstel om agter te kom dat jy iets met my wil
bespreek, Josef?
5
Josef knik.
Jojakim: Om iets te betaal vir my dogter se hand?
Josef knik weer eens.
Jojakim: Jy slaan my asem weg. Dis baie skielik, die Mohar-storie. So jy het
dus met Maria gepraat sonder dat ek daarvan geweet het.
Josef skud sy kop.
Jojakim: Het julle nog nie gepraat nie?
Josef kry nie ‘n woord uit nie. Hy kyk op en staar in die kosyn vas. Maria staan aan
die binnekant van die deurkosyn.
Maria: Nee, Vader, ons het nog nie gepraat nie.
Maria se pa draai nie na haar nie. Hy bly kyk na Josef. Josef sien hom nie raak nie.
Hy staar na Maria.
Maria: Ons sien mekaar, maar daar was nog nooit tussen ons die nodigheid
om te praat nie.
Jojakim: So dan is dit waarom jy skielik so om my huis rondhang. In die hoop
dat jy my dogter sien? Om my dogter te beloer? Man, jy is feitlik so oud soos ek!
Maria: Vader, Josef is opreg en u weet dit. Hy sal nooit iets halsoorkops doen
nie. Hy was nog nooit lelik met my nie. Rondkarring en beloer? Elke keer as ons
mekaar raakloop, is Pa ook in die omgewing aan‟t spioeneer.
Jojakim: O ja, en daar is die afgelope tyd „n agteraf gepratery en „n gefluister
wat g‟n mens kan uitmaak nie. Ek het tog die vaderlike reg om daaroor uit te vra.
Maria: Vader?
Jojakim: Wat?
Maria: Josef, die seun van Jakob, het my al gevra oor die mohar.
Jojakim: O ja, die mohar.
Maria: Ja, hy wil graag met my trou.
Jojakim frons. Hy maak ernstig keelskoon, trek sy lippe op ‘n dun spleet en kondig
dan aan:
Jojakim: „n Mohar, Josef, word in die ou en geëerde tradisie bereken op
vyfhonderd gram silwer. Is jy bereid om my, as vergoeding vir die verlies van my
dogter, „n volle vyfhonderd gram silwer te betaal?
6
Josef swyg. Hy laat sak sy oë.
Uiteindelik tree Maria vorentoe tot op die drumpel. Sy is hees van ontsteltenis toe sy
praat.
Maria: Elke mens in Nasaret weet dat toe Josef se vrou gesterwe het, hy alles
wat hy besit ter ere van haar bestee het. Dít is geen geheim nie, Vader. Hy het van sy
gereedskap verkoop om plek te verkry in „n gewone grot, „n smal lysie waarin hy haar
kon neerlê. Hy het haar doodskleed in aalwee en mirre laat week, iets wat geweldig
duur is...
Terwyl sy praat, staar Josef met openlike bewondering na haar.
Jojakim: So Josef, is dit jou plan om my dogter aan „n arm man te verbind?
Maria: Vader!
Josef hou sy hand omhoog.
Josef: Dit is waar dat ek arm is, Jojakim. Maar daar is „n ander mohar wat ek
jou kan gee.
Hy draai om en stap by die agterplaas uit.
Jojakim: Waarheen gaan hy nou?
Josef kom gou terug. Oor sy regterskouer hang ‘n baie swaar kis. Hy maak die kissie
voor Jojakim se voete staan, kniel, trek ‘n glansende dissel daaruit en kyk op.
Josef: Sien jy?
Jojakim knipper sy oë en frons. Josef haal verskeie metaalsagies uit. Maria kan nie
langer stilbly nie. Sy giggel.
Maria: Sien Vader nou? Sien u?
Hierna volg nog beitels, else, vyle, klophamers, ‘n kompas, ‘n mooi stukkie kryt, ‘n
reihout en ‘n skaaf. Josef streel oor die laaste stukkie gereedskap, staan op en kyk
reguit na die huisbaas.
Josef: Ek sal vir jou twee ordentlike deurkosyne maak, en „n nuwe latei en „n
deur. Dit is my mohar.
Maria is opgewonde.
Maria: Josef is „n trotse man, Vader.
Sy gryp Jojakim se hand vas en soen dit.
7
Maria: Hy het nog altyd „n aanleg gehad vir timmerwerk.
Jojakim: Wel. Wel, dis alles so „n bietjie skielik. Dit maak „n vader skoon
duiselig. Kan „n man dan nie eers tyd kry om te dink oor die toekoms van sy dogter
en skoonseun en die klein...
Maria: Skoonseun? Het u gesê skoonseun?
Maria klap haar hande en roep uit:
Maria: Kan ons die datum vir die verlowing bepaal, Vader?
‘n Groepie dogters wat rondgesit-staan het, spring op, gryp Maria se hande en dans
saam met haar in die rondte en af van die verhoog af.
Gemeente: Staande terwyl die spelers die verhoog verlaat.
Lied 354, v 1 en 2
O Christus, ons verlange, U het ons heil gebring.
Sal ooit ons jubelsange u lof na waarde sing?
Vervul in welbehae ons harte met u Gees;
Skenk ons in hierdie dae „n ware Christusfees.
U wat as Hemelkoning in heerlikheid regeer,
Maak onder mense woning; daal as „n dienskneg neer –
En herders vind „n Herder oor wie hul dankbaar juig;
En wyses vind dié Wysheid voor wie hul biddend buig.
Toneel 2: Die engel verskyn aan Saggaria
Saggaria is geklee in ‘n wit tuniek, met ‘n gordel van wit linne, geborduur met ‘n
enkele skarlakendraad, om sy middellyf. Hy het ‘n tulband om sy kop. Hy dra ‘n kom
met bloed na die altaar. Instrumente begin speel en die koor- en gemeentemans
(Leviete) sing uit volle bors. Saggaria staan eenkant en wag. ‘n Lampstaander met
sewe arms staan eenkant.
Koor- en gemeentemans: Sittend Lied 334:1
“God is Liefde!”juig ons harte, en bedink wat liefde doen:
Dat Hy ons sy Seun gestuur het om ons sonde te versoen..
Met die uitdoof van die musiek stap Saggaria vorentoe met die bak. ‘n Verblindende
wit lig verskyn op die skerm. Saggaria deins terug.
Die engel: Moenie bevrees wees nie, Saggaria, want jou gebed is verhoor: jou
vrou Elisabet sal geboorte gee aan „n seun, en sy naam sal Johannes wees.”
Saggaria: Gebed? Watter gebed?
8
Hy is angsbevange.
Die engel: Jy sal sowel vreugde as blydskap ken, want hy sal groot wees voor die
Here. Jou seun sal vele in Isael bekeer tot die Here hul God.
Saggaria: My Seun?
Die engel: Hy mag geen wyn drink of enige ander sterk drank nie. Hy sal met die
Heilige Gees vervul wees die oomblik wanneer hy uit sy moeder se baarmoeder te
voorskyn kom. Hy sal voor die Here uit gaan in die krag van Elia, en die harte van
die ouers na hul kinders keer en die ongehoorsames op die regte pad terugbring, om „n
volk vir die Here se koms voor te berei!
Saggaria: Meneer, moet asb nie met my spot nie. Ek is „n ou man. My vrou is
bejaard. Dit kan nie gebeur soos wat u sê nie.
Die engel: Kyk na my.
Saggaria sak verder op sy knieë terug.
Die engel: Kyk! Kyk na my. Ek is Gabriël.
Die ou man neem sy hande voor sy oë weg.
Die engel: Ek wat in die teenwoordigheid van die Almagtige God staan, is gekies
om hierdie goeie nuus aan jou oor te dra. Ou man, omdat jy my woord betwyfel het,
sal jy tot die dag dat hierdie dinge gebeur, doof en stom wees.
Die ligte doof. Saggaria bly verstom sit. Hy staan uiteindelik op, plaas die kom op
die preekstoel en gaan aan die ander kant af. Hy strek sy arms omhoog om die seën
uit te spreek, maar kry nie ‘n woord uit nie. Hulpeloos laat hy sy hande sak en
strompel uit.
Gemeente: Sittend Lied 222
Almal: Loof die Here God en prys sy heil‟ge Naam
Loof die Here God, Hy red my van die dood.
Mans: Loof die Here God en prys sy heil‟ge Naam
Loof die Here God, Hy red my van die dood.
Vroue: Bless the Lord, my soul and bless His holy Name
Bless the Lord my soul, He rescues me from death.
Almal: Loof die Here God en prys sy heil‟ge Naam
Loof die Here God, Hy red my van die dood.
9
Toneel 3: Die verlowing
Josef dra ‘n skoon tuniek van growwe wolstof – mouloos, met ‘n gordel om die
middel, ‘n blou streep van sy regterskouer af tot op die soom. Bo-oor dra hy ‘n jas
met los, blou fraiings op elke hoek. Sy hare is geolie. In sy arms dra hy ‘n gerolde
perkament met groot sorg. By Jojakim is ‘n klompie genooide gaste. Hulle staan aan
elke kant van die voordeur. Maria verskyn aan die binnekant van die deur. Langs
haar staan haar ma met ‘n linneserp tot aan die punt van haar neus. Jojakim en Josef
kyk na mekaar, Jojakim op die drumpel, Josef ‘n entjie terug.
Josef: Ek het na u huis gekom ... sodat u u dogter ... Maria ... aan my kan gee
... om my vrou te wees!
Maria gee ‘n kloklaggie. Anna, haar ma, trek aan haar kleed, maar Maria is
onstuitbaar. Die gaste begin giggel en klap spontaan hande. Baie ernstig stap Josef
deur die gaste tot voor Jojakim. Hy hou die gerolde perkament voor hom uit.
Jojakim neem dit plegtig in ontvangs. Toe stap Josef en gaan staan langs Maria. Sy
hande hang slap langs sy sye. Maria draai na hom toe en raak aan sy skouer en trek
dan ‘n gaasagtige sluier oor haar gesig. Josef is so verleë dat hy sy neus oor en oor
blaas. Terwyl Jojakim na die perkamentrol kyk, verskyn Josef se geslagsregister op
die skerm. Jojakim lees dit voor:
Jojakim: Abraham was die vader van Isak.
Isak was die vader van Jakob.
Jakob was die vader van Juda en sy elf broers.
Juda was die vader van Peres en Serag by Tamar.
Peres was die vader van Gesron.
Gesron was die vader van Ram.
Ram was die vader van Amminadab.
Amminadab was die vader van Nagson.
Nagson was die vader van Salmon.
Salmon was die vader van Boas by Ragab.
Boas was die vader van Obed by Rut.
Obed was die vader van Isai.
Isai was die vader van Dawid – altesame veertien geslagte.
Dawid was die vader van Salomo by Batseba.
Salomo was die vader van Rehabeam..
Rehabeam was die vader van Abia.
Abia die vader van Asa en Asa die vader van Josafat.
Josafat was die vader van Joram, Joram die vader van Ussia en Ussia
die vader van Jotam.
Jotam was die vader van Agas en Agas van Hiskia.
Hiskia was die vader van Manasse en Manasse van Amon, Amon die
vader van Josia.
10
Josia was die vader van Jojagin en sy broers – nog veertien geslagte
vanaf Dawid tot in die Babiloniese ballingskap – die koninklike
geslagsregister.
Jojagin was die vader van Sealtiël, Sealtiël die vader van Serrubabel,
Serrubabel van Abihud en Abihud van Eljakim.
Eljakim was die vader van Asor, Asor van Sadok en Sadok van Agim.
Agim was die vader van Elihud, Elihud van Eleasar en Eleasar van
Mattan.
Mattan was die vader van Jakob en Jakob was die vader van Josef, dit
is ek.
Uit die getuienis hierin versamel
Moet dit aan diegene wat herkoms eerbiedig,
Blyk dat my seun„n seun van Dawid sal wees,
„n seun van Abraham, van goeie en goddelike herkoms.
Jojakim en Josef skud mekaar die hand en die vrouens omhels mekaar. Anna
vee ‘n traan weg. Die geselskap verlaat die verhoog een vir een terwyl die
gemeente/koor sing.
Koor: Lied 323:1
Uit droë hout spruit lewe, spruit „n loot, kom daar groei.
„n Takkie uit ou wortels word „n boom, staan in bloei.
„n Nuwe koning kom, een uit die stam van Isai.
God se Gees rus op Hom.
Lied 321:1 en 2
U het gekom, Immanuel, u volk verlos, u Israel.
Ons was in sonde slawerny – U het gekom, U maak ons vry!
Wees bly en juig, o Israel! God is mét ons: Immanuel!
U Chrisus, spruit van Isai, kom ons u lig en vrede gee!
U was in Betlehem „n kind; die herders het U daar gevind.
Wees bly en juig, o Israel! God is mét ons: Immanuel!
Toneel 4: Maria
Die solis en koor sing terwyl Maria op die verhoog opstap. Sy stap in die rigting van
die skerm.
Solis en koor: Lied 333 (“Magnificat”)
Groot is die Heer, groot is die Heer –
Só sing my siel oor God my Saligmaker.
Groot is die Heer, groot is die Heer –
11
Só juig my gees oor my Verlosser.
Magnificat, magnificat, magnificat anima mea Dominum.
Magnificat, magnificat, magnificat anima mea.
Die verblindende lig verskyn weer op die skerm.
Die engel: Wees gegroet, Maria!
Maria kyk vervaard rond of iemand anders ook die lig sien en hoor, maar besef sy is
heeltemal alleen.
Die engel: Wees gegroet, o Begenadigde! Die Here is met jou!
Maria is verstom. Sy sak neer in ‘n knielende houding en verberg haar gesig.
Die engel: Moenie vrees nie, Maria.
Vir ‘n oomblik kyk sy verbaas op, stomgeslaan dat die engel haar naam genoem het.
Die engel: Maria, jy het guns in die oë van die Here gevind. Kyk, jy sal swanger
word en „n seun in die wêreld bring, en jy sal hom Jesus noem.
Hy sal groot wees; Hy sal die Seun van die Allerhoogste genoem word.
Die Here God sal Hom die troon van sy voorvader Dawid gee en Hy sal vir ewig as
koning oor die nageslag van Jakob heers!
Maria: Swanger word. Hoe is so iets moontlik? Ek is „n jongmeisie. Ek het
nog nooit eens (sy huiwer) by „n man geslaap nie.
Die engel: Die Heilige Gees sal oor jou kom,
En die krag van die Allerhoogste sal die lewe in jou wek.
Daarom sal die kind wat uit jou gebore word, heilig genoem word, die Seun van God.
Gaan stel self vas dat niks vir God onmoontlik is nie. Gaan besoek Elisabet, „n
familielid van jou. Sy is baie oud. Maar kyk, ook sy het in haar ouderdom „n seun
ontvang. Sy wat onvrugbaar was, is nou reeds in haar sesde maand.
Maria, fluisterend: Ek is tot die Here se beskikking. Laat met my gebeur soos wat
u gesê het.
Vir ‘n wyle nog vertoef Maria terwyl sy biddend bly sit. Orrel- of fluitspel begelei die
moment totdat sy stadig opstaan, opkyk in die rigting waarvandaan die engel met
haar gepraat het en dan stadig afbeweeg, haar hand verdwaas oor haar maag. Die
laaste paar treë hardloop sy af.
12
Toneel 5: Maria en Elisabet
Elisabet sit in haar huisie, weer eens voorgestel deur ‘n deurkosyn, maar hierdie keer
op ‘n ander plek op die verhoog. Sy word gewek deur ‘n klop aan haar deur – Maria.
Moeisaam staan sy uit die stoel uit op en beweeg na die deur toe. Toe sy die deur
oopmaak, vedwyn haar moegheid. Sy is sigbaar verbaas en verheug om Maria te
sien.
Elisabet: Maria! Maria, is dit werklik jy? Pouse, daarna vraend. Jy is alleen?
Maria omhels Elisabet waarna Elisabet haar terugstoot en op en af bekyk. Maria se
oë volg Elisabet se liggaam tot by haar swanger maag. Sy praat sag.
Maria: Wees gegroet, Elisabet.
Die kindjie in Elisabet se skoot beweeg. Elisabet gee ‘n gilletjie en gryp na haar
maag.
Elisabet: Maria. Sy trek Maria aan albei skouers die huis binne. Geseënd is jy
onder die vroue, en geseënd is die vrug van jou skoot!
Elisabet omhels haar en gil van vreugde:
Wat „n geskenk is dit nie dat die moeder van my Here my besoek!
Maria, skaam:U weet dus van my?
Elisabet staan terug bedek haar gesig met haar sluier. Sy begin huil.
Elisabet: Ek weet, Maria, ek weet! uiter sy toe sy haarself weer onder bedwang
kry. Ek weet watter kind dit is wat jy dra. Die oomblik toe jy met my gepraat het, het
die baba in my eie skoot van vreugde opgespring en my hart aangeraak, en dit was „n
profesie. O, my lieling, geseënd is jy dat jy geglo het dat die Here se woord vervul
sou word!
Maria help Elisabet om weer terug te sak in haar stoel en neem voor haar stelling in.
Maria: Hy het my vertel dat ek „n kind sou ontvang. Hy het gesê ... dat die
kind ... heilig sou wees: die Seun van God! Hy het gesê dat my babatjie – op hierdie
oomblik neem sy Elisabet sy hande in hare - die Seun van God genoem gaan word.
Vir ‘n rukkie is beide vroue stil. Hulle kyk in stilte na mekaar.
Maria: Dinge is besig om te verander, Elisabet! Ek dink God is besig om die
hele wêreld op sy kop om te keer. Wat dink jy?
Die ouer vrou begin knik, maar Maria gaan voort.
13
Maria: God is besig om die klein mensies uit hul klein bestaantjies te lig,
Elisabet. „n Gewone meisie soos ek ... word deur Hom geseën! As jy weer sien, stoot
Hy die magtiges van hul trone af! Honger mense sal weer kos hê om te eet. En die
rykes sal honger word! Dinge is aan die verander! Ek weet dit! Die wêreld sal môre,
oormôre nie meer dieselfde wees nie! Weet enigiemand anders ook hiervan?
Elisabet neem Maria se hande in hare en hou hulle teenaan haar buik.
Elisabet: Dié baba weet dit, en miskien weet my ou wederhelf ook iets. Sy
glimlag.
Maria: sy staan nou op en stap in die vertrek rond. God staan op vir sy volk, net
soos wat hy vir die Israeliete in Egipte gedoen het. God dink aan sy volk! Hy dink
weer aan die beloftes wat Hy aan ons voorvaders gemaak het, die ewige verbond met
Abraham en Abraham se nageslag. Sy draai weer na Elisabet. O, Elisabet, ek besing
die grootheid van die Here! Ek kan dit nie meer verhelp nie. My gees verbly hom in
God, my Verlosser!
Solis en koor: Lofsang van Maria
“My siel maak groot die Here” (Musiek: S le R Marais)
Tydens die lied sit Maria knielend voor Elisabet – haar kop op Elisabet se skoot, haar
gesig in die rigting van die gehoor. Daarna stap die twee saam af.
Toneel 6: Die lofsang van Saggaria
Gemeente: Sittend Lied 319:1
Lofwaardig is ons God, die Heer – genade toon Hy weer.
Hy gee aan ons, soos lank verwag, die redder van die volk –
Verlossing uit die vyandsmag, en donker onweerswolk.
Saggaria verskyn uit die rigting waar Maria en Elisabet vedwyn het. Halfpad val hy
op sy knieë neer, hef sy hande en gesig op en prys God:
Saggaria: Geseënd is die Here, die God van Israel, want Hy het sy volk in genade
opgesoek en vir hulle verlossing bewerk. „n Sterk Verlosser het Hy vir
ons laat opstaan uit die huis van sy dienaar Dawid – net soos wat Hy
beloof het – sodat ons gered kan word uit die hande van diegene wat
ons haat.
God is besig om sy heilige verbond te huldig en in herinnering te roep!
God kom die eed na wat Hy met vader Abraham gesluit het, om seker
te maak dat ons, wat uit die hande van die vyand gered is, Hom sonder
vrees mag dien, in heiligheid en in geregtigheid al die dae van ons
lewe!
14
Gemeente: Sittend Lied 319:2
Aan sy verbond bly Hy getrou; beloftes sal Hy hou.
Daarom kan ons Hom altyd dien solank ons hier mag leef.
Die vyand sal ons werke sien en almal voor Hom beef.
Saggaria: Jy Johannes, hy tel die seun in sy arms op,
jy kindjie, sal „n profeet van die Allerhoogste genoem word,
Want jy sal voor die Here uitgaan om sy pad gereed te maak,
Om kennis van verlossing aan sy volk te bring, verlossing deur
sondevergifnis,
Danksy die genadige ontferming van ons God.
Soos die môreson sal Hy opgaan,
En uit die hoogte op ons afstraal, om lig te bring aan dié wat in
duisternis
En in die skaduwee van die dood lewe,
En ons voetstappe te rig op die pad van vrede.
Gemeente: Sittend Lied 319:3
Jy, pasgebore priesterspruit, loop as profeet vooruit;
Die Heer se pad moet jy berei dat Hy sy lig kan bring.
Die skadutyd gaan nou verby en vrede sal deurdring.
Hy stap af met die baba terwyl die gemeente sing.
Toneel 7: Josef se ontmoeting met die engel
Josef sit by ‘n tafeltjie en skryf. Hy is peinsend. Op die skerm verskyn die poging tot
‘n brief: My liefste Maria, Hy huiwer, die pen in sy mond. My hart krimp ineen. Hy
sit die pen neer, staan op en stap rondom die tafeltjie. Dan gaan sit hy weer, sy kop
op sy hande. Nooit het ek kon droom dat jy dit aan my sou... Skielik verskyn die
engel, soos vorige kere, in ‘n verblindende lig op die skerm. Josef koes en val voor
die stoel op die vloer neer.
Die engel: Josef, seun van Dawid, jy mag nie bevrees wees om Maria as jou vrou
te neem nie, want die baba wat sy in haar dra, is van die Heilige Gees. Sy sal aan „n
seun geboorte gee, en wanneer dit gebeur, moet jy hom Jesus noem, want hy sal die
volk van hul sondes verlos. God is besig om profesieë te vervul, Josef!
Josef loer versigtig na die engel en koes dan weer. Hy hou sy arms oor sy oë.
Die engel: Want kyk, „n maagd sal bevrug word en „n seun baar, en sy naam sal
Immanuel wees. Immanuel. Immanuel, God met ons.
15
Toe die lig verdoof en die engel verdwyn, staan Josef vinnig op, kyk vervaard rond of
iemand die engel gesien of gehoor het, gryp dan die perkament en gooi dit in ‘n
mandjie. Hy verlaat die verhoog haastig.
‘n Lied oor die skaapwagters volg terwyl die verhoog in gereedhied gebring word.
Gemeente: Sittend Lied 368:1 en 2
Wyl herders by hul kudde wag, spreek daar „n engel indie nag.
Wees bly, wees bly! ...bly, wees bly! Loof die Heer! Loof die Heer!
Lofsing die Heer se grote Naam; lofsing die Heer se grote Naam.
Juig oor die tyding, moenie vrees. God wil vir jul „n herder wees.
Wees bly, wees bly! ... bly, wees bly! Loof die Heer! Loof die Heer!
Lofsing die Herder, sing sy eer; lofsing die Herder, sing sy eer.
Toneel 8: Die skaapwagters en die engele
Verskeie wit hopies lap lê op die verhoog om skape voor te stel. Een skaapwagter
kom sit tussen die skapies om ‘n vuurtjie om sy hande warm te maak.
Koor: Lied 361
Oor skape hou die herders wag in velde oop en wyd,
Toe kom „n engel in die nag – veskyn in heerlikheid.
Ten spyte van hul skrik en vrees, hoor hul sy helder stem:
“Ek bring vir jul die goeie nuus – dis vir Gods volk bestem.”
In Betlehem lê in „n krip die Goddelike Kind.
Die herders, in verwondering, het daar dié Kind gevind.
Met herders en met engele bring ons aan God die eer.
Hy gee ons sy geliefde Seun; laat daal sy vrede neer.
Skielik sien hy ‘n vreemde ster op die skerm verskyn. Hy staan op en kyk met sy hand
oor sy oë en roep dan ernstig.
Skaapwagter 1: Simon!
Nog twee skaapwagters kom tot by die vuurtjie. Hulle kyk in die rigting wat
Skaapwagter 1 aandui. Al die liggies teen die sypanele gaan meteens aan. Die
skaapwagters val vervaard terug. Die skape blêr.
Die engel: Moenie bang wees nie. Nou val die skaapwagters op hulle knieë neer.
Ek bring goeie nuus, nuus van buitengewone vreugde wat vir alle mense bedoel is.
Want vir julle almal is vannag indie stad van Dawid „n Verlosser gebore en dit is
16
Christus die Here! Dit sal vir julle „n teken wees: julle sal „n baba in doeke
toegedraai vind in „n krip...
Gemeente: Staande Lied 367
Ere aan God, ere aan God
in die hoogste, in die hoogste, in die hoogste!
Vrede op aarde, vrede op aarde in die mense „n welbehae.
Ere aan God in die hoogste, ere aan God in die hoogste!
Vrede op aarde, vrede op aarde, vrede op aarde, vrede op aarde,
in die mense, in die mense „n welbehae –
in die mense „n welbehae, „n welbehae.
Ere aan God, ere aan God
in die hoogste, in die hoogste, in die hoogste!
Vrede op aarde, vrede op aarde in die mense „n welbehae.
Amen. Amen
Skaapwagter 1: Simon? Simon, het jy dit ook gesien?
Skaapwagter 2: En het julle gehoor wat die engel vir ons sê?
Simon: Dit was die Here. Dit is God wat hierdie dinge aan ons bekend
wil maak.
Skaapwagter 1: Ons moet gaan. Ons moet gaan kyk waar die koning gebore is.
Simon, kom ons moet dadelik gaan. Terwyl hy nog praat, draai die skaapwagter sy
rug op die ander en begin haastig aanstap. Die ander twee kyk vir mekaar en volg
dan.
Koor: Lied 340
Kom ons loof die Jesuskind, Hy is waarlik Koning.
Ons Verlosser het gekom, maak by ons sy woning.
Vir ons sondes kom Hy sterf; só word ons vergewe.
Nou kan ons Hom loof en prys – Heer so hoog verhewe.
Tussen doeke lê die Kind, in „n krip so need‟rig.
Laat ons al die lof en dank bring aan Hom vir ewig.
Dit is sy geboortedag, daarom sing ons Ere!
Ons sal Hom nou dank en prys – Heer so hoog verhewe!
Wyse manne kom van vér; buig voor Hom die Koning.
Herders bring Hom al die eer; prys Hom in aanbidding.
Eng‟le in die sterrenag jubel bly in kore.
Laat ons saam „n loflied sing: Jesus is gebore.
17
Gemeente: Sittend Lied 348
Stille nag, heilige nag! Jesuskind, lank verwag,
Lig uit Lig, uit die Vader se ryk,
Word uit liefde aan mense gelyk.
Loof die hemelse Kind! Loof die hemelse Kind!
Stille nag, heilige nag! Hemelvors, ons gee ag
Op die lied van die engelekoor.
Herders het dit die eerste gehoor;
Juig die Redder is daar! Juig die Redder is daar!
Terwyl die gemeente sing, verskyn Maria en Josef met die baba en sit hom in die
krip op die verhoog. Die herders kom in wanneer die sang ophou.
Skaapwagter 1 buig by die krippie en raak aan die baba se wang. Hy sug.
Skaapwagter 1: „n Verlosser! Die Messias!
Die ander twee kom versigtig nader.
Simon: Mevrou, jou baba is die mooiste wat ek nog ooit gesien het. So sag
soos die neus van „n lammetjie.
Skaapwagter 2 stamp hom ru in sy sy. Maar Simon praat weer.
Simon: So sag, so sag soos „n wolkstapel in die blou lug.
Koor en gemeente: Sittend Lied 350
In die stad van koning Dawid, in die nederige stal,
In „n krip lê daar „n Kindjie, Koning van die groot heelal.
Jesus Christus, God en Heer, aan U, Koningskind, ons eer.
Hy kom woon hier onder mense; Hy kom red hul van die dood.
Hul wat in Hom glo, Hom aanneem, dié verlos Hy uit hul nood.
Jesus Christus, God en Heer, aan U, Koningskind, ons eer.
Eenmaal sal Hy as die Regter in sy koningsmajesteit
Weer verskyn vanuit die hemel – in volmaakte heerlikheid.
Jesus Christus, God en Heer, aan U, Koningskind, ons eer.
Terwyl die lied gesing word, bedek die skaapwagters hulle gesigte met hulle hande.
Na ‘n rukkie staan hulle een-een op en verlaat die stal.
Liturg: Mag hierdie Messias, ook jou Verlosser wees. Mag jy in hierdie
seisoen kan sê: Waarlik God is Immanuel, ook met my, ook met jou. Wees gegroet,
geliefde.
Koor: Die Koning is hier
18
(Musiek: Pieter van der Westhuizen)
Gemeente: Staande Lied 370
Eng‟le uit die hoogste hemel sing ter ere van „n Kind,
Van „n nuwe tyd wat aanbreek waarin almal vrede vind.
Sing Hosanna! Sing hosanna! Prys Hom, Jesus, Seun van God!
Waar die wagters waak oor sakpe hoor hul engele wat sing.
Oor die velde klink die lofsang aan „n Kind wat vrede bring.
Sing hosanna! Sing hosanna! Prys Hom, Jesus, Seun van God!
Jare later loop daar kinders voor Hom in Jerusalem,
En besing Hom as die Koning juigend met „n blye stem:
Sing hosanna! Sing hosanna! Prys Hom Jesus, Seun van God!
Aan die kruis sterf ons Verlosser en oorwin die sondedood.
Hy is nou vir ewig Koning, Jesus Redder uit ons nood.
Sing hosanna! Sing hosanna! Prys Hom, Jesus, Seun van God.
Die gemeente verdaag vir feesvieringe.
19
Rekwisiete:
„n deurkosyn.
„n baie swaar kis.
metaalsagies
beitels, else, vyle, klophamers, „n kompas, „n mooi stukkie kryt, „n reihout en „n
skaaf.
„n kom met bloed
„n lampstaander met sewe arms
„n gerolde perkament
„n wiegstoel
„n babapop in „n doek toegedraai
„n tafeltjie
stoel
pen en perkamentrol
mandjie
wit hopies lap wat skape voorstel
vuurtjie
liggies
geluid van skape wat blêr
krip
„n wit doek vir baba Jesus
Toneel 1: Josef Jojakim Maria kinders
Toneel 2: Engel Saggaria
Toneel 3: Josef Jojakim Maria Anna en vrouens
Toneel 4: Maria Engel
Toneel 5: Maria Elisabet
Toneel 6: Saggaria
Toneel 7: Josef Engel
Toneel 8: Josef Maria skaapwagters Engel
Josef: 1,3,7,8 Vroue: 3
Jojakim: 1 en 3 Kinders: 1 en 3
Maria: 1,3,4,5 en 8 Saggaria: 2 en 6
Anna: 3 Skaapwagters: 8
20
Engel: 2,4,7,8 Elisabet: 5
Aankondiging vir Sondag 16 Oktober 2005
Kerssangdiens – Sondag 27 November – fokus hierdie jaar op die rol wat die
engel(e) gespeel het voor, tydens en na Jesus se geboorte. Met slegs 6 weke tot ons
beskikking, soek ons dringend na die volgende: praat en nie-praat rolle, borge vir die
beligting, liggies, klank, hulp met die beligting en klank, hulp met kostuums, dekor,
verversings, „n video-opname, verhoogbestuur en rekwisiete. Gebruik jou gawes en
bied jou hulp aan. Sonder die liggaam van Christus kan niks gebeur nie.
Liesl
Kan jy die kerk vir my bespreek vir oefeninge op die volgende dae en sommer dadelik
laat weet as daar botsings is sodat ek dit kan verander, asb man.
Sondagaand 27 November 1800 almal
Saterdagmiddag 26 November 1400 almal, kleed- en
klankrepetisie
Saterdagmiddag 26 November 1530 almal plus koor
Donderdagaand 24 November 1900 volledige kleed- en
klankrepetisie
Woensdagaand 23 November 1900 volledige kleedrepetisie
Dinsdagaand 22 November 1800 toneel 2,5,6; 4,8; 7
Donderdagaand 17 November 1900 deurloop Woensdagaand 16 November 1900 deurloop sonder Deon
Maandagaand 14 November 1800 tonele 2,5,6; 1,3,4,8; 7
Woensdagaand 9 November 1800 tonele 2,5,6; 4,8,7
Maandagaand 7 November 1800 tonele 1,3,4,8; 7; 2,5,6
Woensdagaand 2 November 1800 tonele 2,5,6;4,8;7
Maandagaand 31 Oktober 1800 tonele 1,3,4,8; 7; 2,5,6
Kan ons vir die volgende oefeninge asb ook die dataprojektor
bespreek?
Sondagaand 27 November 1800
Saterdagmiddag 26 November 1400
Donderdagaand 24 November 1900
Woensdagaand 23 November 1900
Dinsdagaand 22 November 1800
Donderdagaand 17 November 1900
21
Woensdagaand 16 November 1900
Dankie Liesl. Ek gaan al die inligting vir die program vir Leonette
deurgee. Sy sal die program tik en versorg. Darem een ding minder
vir jou. Dankie vir jou moeite en geduld.
