1

Pecyn Gwybodaeth Recriwtio

Rheolwr Rhoddion Mawr

Canolfan Mileniwm Cymru

2

Llythyr gan y Rheolwr Gyfarwyddwr

Annwyl Ymgeisydd

Diolch am eich diddordeb mewn ymuno â Chanolfan Mileniwm Cymru.

Fel canolfan gelfyddydau genedlaethol Cymru, ein gweledigaeth yw 'Ysbrydoli ein Cenedl a

Chreu Argraff ar y Byd'. Mae cyflawniadau'r Ganolfan yn ystod ein 12 mlynedd cyntaf wedi

bod yn anhygoel. Rydym wedi croesawu dros 16.5 miliwn o ymwelwyr drwy ein drysau, mae

mwy na 4 miliwn o bobl wedi dod i'r theatr, ac rydym wedi ysbrydoli dros 300,000 o blant a

phobl ifanc drwy ein rhaglen Dysgu Creadigol. Fodd bynnag, nid ydym am laesu dwylo, ac

mae gennym lawer i'w gyflawni o hyd, ac fel sefydliad cymharol newydd, croesawn syniadau

newydd a ffyrdd newydd o feddwl.

Mae hon yn adeg gyffrous yn hanes y Ganolfan. Yn ddiweddar, rydym wedi ailbennu ffocws

rhai timau allweddol er mwyn sicrhau bod gennym y capasiti a'r gallu i wireddu ein

huchelgais ar gyfer y dyfodol, gan arwain at rolau a chyfleoedd newydd. Mae'r Ganolfan

wedi adeiladu seiliau llwyddiannus a chadarn iawn a bydd y rolau hyn yn cynnig cyfle i chi

ddod â'ch syniadau, eich creadigrwydd, eich angerdd, eich gwybodaeth a'ch profiad i'r

Ganolfan. Yn gyfnewid am hynny, bydd yr ymgeisydd llwyddiannus yn rhan o dîm cadarn

mewn lleoliad o'r radd flaenaf, sy'n datblygu'n ‘bwerdy creadigol' go iawn ym mhob ystyr.

Diolch am eich diddordeb a Phob Lwc!

Dymuniadau Gorau

Mathew Milsom

Rheolwr Gyfarwyddwr

3

Beth yw barn pobl eraill amdanom?

"…… Yn syml, dyma un o'r cyfleusterau gorau yn y byd - A'r theatr orau yn y byd a

adeiladwyd yn ystod y 50 mlynedd diwethaf"

Yr Arglwydd Lloyd Webber

"Mae gan y sefydliad diwylliannol hwn rym llew ac mae'n llwyddiant rhyngwladol. Mae'n un

o'r lleoliadau gorau a adeiladwyd ers degawdau"

Valery Gergiev, Cyfarwyddwr Artistig, Theatr y Mariinsky

"Mae'n theatr â graddfa operatig. Mae pob sioe dwi wedi ei llwyfannu yma wedi bod yn

llwyddiant ysgubol.”

Syr Cameron Mackintosh

"Roedd yr adborth a gefais gan gynadleddwyr, cydlynwyr ymweliadau a hyd yn oed ein

cysylltiadau allanol yn wych. Mae pawb yn cytuno bod yr ystafelloedd cyfarfod yn hyfryd, yn

gyfforddus iawn ac o safon uchel iawn. Roedd y cyfleusterau clyweledol a threfn yr

ystafelloedd yn ardderchog – roedd y staff yn hynod o garedig ac yn gymwynasgar. A rhaid i

mi beidio ag anghofio am y bwyd – ym mwyty Ffresh ac a weinir yn y Cyntedd – cawsom

wledd gan y staff arlwyo arbennig.

Dorota Drajewicz, British Council

“…roedd yna awyrgylch carnifal ac, yn union fel y cadnawod, mi roedd e'n gampus.”

The Stage, ar gyfer Dinas yr Annisgwyl Roald Dahl

"Mae'r cynhyrchiad deallus ac unigryw hwn yn cyfuno theatredd a realiti yn berffaith. Y

canlyniad yw sioe fawr, emosiynol iawn sy'n rhoi llawer o foddhad. Un o sioeau gorau

Canolfan y Mileniwm efallai ers iddi gael ei sefydlu 11 mlynedd yn ôl."

Theatr yng Nghymru, ar gyfer Only the Brave

4

Ein Gweledigaeth

Nod Canolfan Mileniwm Cymru yw 'Ysbrydoli ein Cenedl a Chreu Argraff ar y

Byd'

Cyflwyniad

Canolfan Mileniwm Cymru yw Canolfan gelfyddydau genedlaethol Cymru ac mae wedi ei

lleoli yng nghanol Bae Caerdydd. Wedi'i agor gan Ei Mawrhydi y Frenhines yn 2004, mae ein

cartref diwylliant a chreadigrwydd eiconig, sydd wedi'i leoli ar safle 7.5 erw, wedi croesawu

dros 16.5 miliwn o bobl drwy ein drysau – ac rydym yn parhau i fod yn un o'r atyniadau

mwyaf poblogaidd i ymwelwyr yng Nghymru.

Yn gartref i wyth o sefydliadau preswyl eraill rydym yn cydweithio â nhw ac yn eu cefnogi,

ein cenhadaeth yw creu canolbwynt ar gyfer diwylliant, hunaniaeth a thalentau Cymru. Ein

nod yw Ysbrydoli ein Cenedl a Chreu Argraff ar y Byd drwy arddangos amrywiaeth eang o

genres theatraidd, rhaglenni addysg greadigol, gwyliau ac arddangosfeydd sy'n cael effaith

gadarnhaol ac yn cynnig budd hirsefydlog i unigolion, teuluoedd a chymunedau.

Rydym yn ymdrechu i gynnig profiadau cofiadwy a chyfleoedd a all newid bywydau sy'n

datgloi creadigrwydd, p'un ai drwy gyflwyno sioeau cerdd a dramâu o'r radd flaenaf; drwy

greu a chynhyrchu gwaith artistig newydd neu drwy roi cyfle i ddarganfod y celfyddydau a

chymryd rhan ynddynt.

Rydym yn falch o'r gefnogaeth a gawn gan Gyngor Celfyddydau Cymru a Llywodraeth

Cymru, ac rydym yr un mor falch mai dim ond 21% o'n hincwm blynyddol yw'r cymhorthdal

hwn. Caiff y gwaith a wnawn i godi dyheadau pob person ifanc yng Nghymru a chefnogi'r

celfyddydau yng Nghymru ei ariannu i raddau helaeth gan y refeniw a geir o werthu

tocynnau, incwm o ddigwyddiadau codi arian a'n cefnogwyr ffyddlon.

Cyflwyno

Y sioe gerdd fawr gyntaf a lwyfannwyd yn y Ganolfan oedd Miss Saigon ac, ers hynny, rydym

wedi cyflwyno mwy na 500 o deitlau ar ein prif lwyfan ac wedi croesawu dros 4 miliwn o

bobl i'r theatr.

Mae theatr ysblennydd Donald Gordon yn ail gartref i sioeau cerdd mawr y West End sydd

ar daith fel Les Miserables, The Lion King a Wicked; dramâu epig fel War Horse a Far Side of

the Moon gan Robert Lepage a chynyrchiadau dawns hudol fel Edward Scissorhands gan

5

Matthew Bourne, Swan Lake gan Gwmni Bale Brenhinol Birmingham a Theatr Ddawns

Americanaidd Alvin Ailey.

Rydym hefyd wedi croesawu cynyrchiadau o bob cwr o'r byd gan gynnwys Cape Town

Opera, Cerddorfa Mariinsky, cwmnïau opera a bale o Rwsia, Cloudgate Dance o Taiwan a'r

Kodo Drummers o Japan.

Mae Stiwdio Weston yn cynnig cymysgedd eclectig o sioeau theatr, dawns a cherddoriaeth

sefydledig a newydd i gynulleidfaoedd eu mwynhau, yn ogystal â gweithdai, sgyrsiau,

arddangosfeydd a gweithgareddau gŵyl.

Mae'r Ganolfan hefyd yn cyflwyno rhaglen dymhorol o gerddoriaeth fyw, adloniant a

chabaret mewn awyrgylch ymlaciol, ac mae'r arlwy o goctêls creadigol a phrydau blasus yn

ychwanegu at y profiad hwnnw.

Mae'r gofodau hyn yn rhoi llwyfan i'r Ganolfan roi, rhannu a dathlu llais – un o'n prif rolau

fel canolfan ddiwylliannol yn y Brifddinas.

Cynhyrchu

Yn ogystal â chroesawu cynyrchiadau o'r radd flaenaf, mae'r Ganolfan wedi cychwyn ar

daith i gynhyrchu ei gwaith artistig ei hun, gan greu cynyrchiadau sydd 'wedi'u gwneud yng

Nghymru' a fydd yn dangos y gorau o Gymru i'r byd. Yn 2016, roeddem yn falch iawn o

gyflwyno ein cynhyrchiad cyntaf ar y prif lwyfan, sef Only The Brave. Wedi'i leoli yn ystod yr

Ail Ryfel Byd, roedd y sioe hon yn adrodd stori ingol ac ysbrydoledig dau gwpwl a ddygwyd

ynghyd gan y gwrthdaro.

Yn 2017, bydd y Ganolfan yn cynhyrchu ac yn lansio'r cynhyrchiad cyntaf yn y byd o Tiger

Bay the Musical, taith theatraidd gyffrous i dafarndai anniwair a strydoedd cefn hen ardal

Butetown yng Nghaerdydd, a'r gymuned amlethnig ar ddechrau'r 20fed Ganrif.

Rydym hefyd yn parhau i ddatblygu portffolio cryf o gynyrchiadau llai o faint gan gynnwys

Man to Man, Land of our Fathers a The Last Mermaid a chyd-gynyrchiadau fel La Voix

Humaine gydag Opera Cenedlaethol Cymru. Mae llawer o'r cynyrchiadau hyn wedi bod ar

daith o amgylch y DU ac yn cychwyn ar deithiau ymhellach i ffwrdd yn y dyfodol agos.

Yn ein hymgais i ddatblygu ein proffil fel sefydliad sy'n cyflwyno rhaglen amrywiol, ddiddorol

a grymusol, mae'r Ganolfan wedi cynhyrchu gŵyl a gynhelir bob dwy flynedd sy'n dathlu un i

asedau mwyaf Cymru – y llais. Cynhaliwyd 'Gŵyl y Llais' am y tro cyntaf yn 2016, gyda mwy

na 100 o berfformiadau mewn 52 o leoliadau gwahanol ar draws y ddinas. Bydd yr ŵyl

uchelgeisiol hon, a gaiff ei chynnal bob dwy flynedd, yn cynnwys y dalent ryngwladol a lleol

6

orau yn ogystal ag amrywiaeth o gyd-gynyrchiadau a digwyddiadau hygyrch sy'n annog pobl

i gymryd rhan.

Yn 2016, aeth y Ganolfan ati, ar y cyd â National Theatre Wales, i gynhyrchu un o'r

digwyddiadau diwylliannol mwyaf a welwyd yn y ddinas erioed. Llwyfannwyd Dinas yr

Annisgwyl Roald Dahl i nodi canmlwyddiant yr awdur, a aned yng Nghaerdydd, gyda

pherfformiadau a digwyddiadau yn cynnwys dyfodiad annisgwyl Eirinen Wlanog, Cadno

Campus yn cerdded rhaff dynn a phicnic pyjamas enfawr yn y parc.

Cymryd rhan

Nod ein Strategaeth Dysgu a Chyfranogi Creadigol yw meithrin dyhead, hunangred a sgiliau

creadigol ymhlith pobl ifanc ledled Cymru. Byddwn yn cynnig darpariaeth i bob teulu,

plentyn a pherson ifanc, gan ganolbwyntio'n arbennig ar y sawl sydd wedi ymddieithrio neu

sy'n wynebu tlodi ac anfantais.

Y llynedd, gwnaethom weithio gyda thua 70,000 o bobl ifanc drwy amrywiaeth o fentrau,

gweithdai a pherfformiadau. Mae ein prosiectau yn galluogi pobl i ganfod eu llais creadigol,

ac i gefnogi taith gydol oes i'w archwilio. Credwn fod gan bawb lais artistig, p'un a gaiff ei

fynegi drwy ganu, y gair llafar, dawns, y gair ysgrifenedig, y celfyddydau gweledol neu fathau

eraill o gelfyddyd a chrefft. Mae dod o hyd i'r llais hwn yn gwella bywyd ac yn creu cyfleoedd

newydd – gan rymuso pobl i adeiladu dyfodol cryfach.

Rydym yn cynnig gweithgareddau dysgu gydol oes sydd wedi'u gwreiddio mewn profiadau

ymdrwythol sy'n gysylltiedig â sioeau, digwyddiadau a gwyliau mawr a gynhyrchir gan y

Ganolfan ac a ategir gan gynnwys ac adnoddau dysgu digidol arloesol.

Ein Hamcanion

• Bod yn ganolfan o'r radd flaenaf ar gyfer theatr a'r celfyddydau, gan hyrwyddo, creu a chyflwyno'r digwyddiadau rhyngwladol, cenedlaethol a lleol gorau ar draws sbectrwm eang o'r celfyddydau a chynnig profiad o'r radd flaenaf i gwsmeriaid.

• Bod yn ganolfan gynhyrchu a chartref creadigol o safon uchel i sefydliadau preswyl y Ganolfan - Opera Cenedlaethol Cymru, Cerddorfa Genedlaethol Gymreig y BBC, Urdd Gobaith Cymru, Tŷ Cerdd, Llenyddiaeth Cymru, Cwmni Dawns Cenedlaethol Cymru, Cwmni Theatr Hijinx a Touch Trust.

• Bod yn gyrchfan diwylliannol dwyieithog dynamig, gan ddenu ymwelwyr lleol, cenedlaethol a rhyngwladol.

7

• Bod yn weithrediad cynaliadwy sy'n hyfyw yn ariannol.

• Bod yn sefydliad sy'n cyfrannu at hyrwyddo digwyddiadau a chymryd rhan yn y celfyddydau ledled Cymru yn y ddwy iaith.

• Bod yn fan lle y gall pobl o bob oedran, cefndir a phrofiad ddysgu am y celfyddydau a chymryd rhan ynddynt.

Rhagor o wybodaeth am ein Sefydliadau Preswyl

Mae'r Ganolfan hefyd yn gartref parhaol i naw o sefydliadau celfyddydol a diwylliannol

blaenllaw eraill sy'n cydweithio â'i gilydd a'r Ganolfan ar brosiectau.

Llenyddiaeth Cymru – asiantaeth lenyddol Cymru

Cwmni Dawns Cenedlaethol Cymru – cwmni dawns gyfoes sy'n teithio'n helaeth ledled y DU a thramor

Theatr Hijinx – cwmni sy'n arbenigo mewn mynd â theatr o'r radd flaenaf ar daith i gymunedau a phobl sydd ag anableddau dysgu

Touch Trust – sy'n darparu gweithgarwch ym maes y celfyddydau drwy gerddoriaeth a symud i bobl sydd â'r anableddau dwysaf

Tŷ Cerdd – sy'n cynrychioli cerddoriaeth amatur ac ieuenctid yng Nghymru, gyda stiwdio recordio, llyfrgell gerddoriaeth a chanolfan wybodaeth

Urdd Gobaith Cymru – sefydliad ieuenctid cenedlaethol Cymru

Opera Cenedlaethol Cymru – cwmni opera teithiol o'r radd flaenaf sydd â chwmni parhaol o 250 o bobl

8

Cerddorfa Genedlaethol Gymreig y BBC sy'n breswyl yn Neuadd Hoddinott, gyda chyfleusterau recordio o'r radd flaenaf, ers mis Ionawr 2009

Cyngor Celfyddydau Cymru - sydd hefyd wedi'i gydleoli ar y safle

Canllawiau Gwneud Cais

Sut i Wneud Cais

Cyflwynwch curriculum vitae â llythyr eglurhaol / datganiad ategol (2 dudalen ar y mwyaf),

gan sicrhau eich bod yn cynnwys manylion eich pecyn cydnabyddiaeth presennol.

Mae beth yr hoffem i chi ei wneud (Proffil y Rôl) a beth rydym yn chwilio amdano (Manyleb

Person) yn nodi'r cymwyseddau allweddol rydym yn chwilio amdanynt gan yr ymgeisydd

llwyddiannus. Cyn gwneud eich cais, dylech sicrhau y gallwch ddarparu tystiolaeth ddigonol

o brofiad arbenigol a chymhwysedd arwain. Mae'n werth nodi na fydd unrhyw un y tybir na

all wneud hyn ym marn y panel yn mynd ymlaen i gam nesaf y broses recriwtio.

Dylid anfon ceisiadau trwy e-bost at recruitment@richard-newton.co.uk erbyn hanner dydd Dydd Llun 27 Tachwedd 2017. Cofiwch nodi teitl y rôl yr ydych yn ymgeisio amdani yn llinell testun eich e-bost.

Gofynnir i ymgeiswyr gwblhau ffurflen monitro cyfleoedd cyfartal ar-lein, yn gwbl

gyfrinachol, ar https://www.surveymonkey.co.uk/r/MLR8L6V

https://www.surveymonkey.co.uk/r/MLR8L6V

9

Pecyn Cydnabyddiaeth – Rheolwr Rhoddion Mawr

Pecyn Cyflog

£28,000 i £32,000 y flwyddyn

Yn ogystal, mae'r Ganolfan yn cynnig pecyn cyflogaeth hael sy'n cynnwys cyflog cystadleuol,

ynghyd â'r buddion canlynol:

• Gwyliau blynyddol (25 diwrnod y flwyddyn)

• Gostyngiad ar aelodaeth o gampfa

• Talebau gofal plant (aberthu cyflog)

• Tocynnau di-dâl

• Gwersi Cymraeg

• Pecyn adleoli *

• Cynllun pensiwn cystadleuol

• Cyfleodd dysgu a datblygu

• Gostyngiadau ar gyfer bwytai a manwerthwyr ar y safle a rhai gostyngiadau ar gyfer

bwytai a busnesau oddi ar y safle ym Mae Caerdydd

• Parcio ceir wedi'i sybsideiddio

• Rhaglen cymorth i staff am ddim

* Mae'r pecyn adleoli ar gael i bobl sy'n byw 150 milltir y tu allan i Gaerdydd, ac sy'n barod i adleoli o fewn 20 milltir i'r

Ganolfan.

10

Ymholiadau

Os bydd gennych unrhyw ymholiadau ar unrhyw agwedd ar y broses benodi, os bydd angen

rhagor o wybodaeth arnoch, neu os hoffech gael sgwrs anffurfiol, yna mae croeso i chi gysylltu

â:

Richard Newton (Cyfarwyddwr, Richard Newton Consulting), ar 029 2039 7341, neu e-bost:

richard@richard-newton.co.uk;

Neu

Jo Duggan (Rheolwr Pobl a Datblygu Sefydliadol) ar 029 2063 6381, neu ffôn symudol:

07788448017, neu e-bost: jo.duggan@wmc.org.uk;

Byddwn yn parchu cyfrinachedd unrhyw ymholiad neu ddatganiad o ddiddordeb cychwynnol

yn y swydd hon, boed yn ffurfiol neu'n anffurfiol.

Pob Lwc.

11

12

Proffil y Rôl Rheolwr Rhoddion Mawr

Teitl y Rôl : Rheolwr Rhoddion Mawr

Cyfeirnod y

Swydd

Oriau Gwaith: 39 Awr yr Wythnos

Cyflog:

Y Prif Ddiben :

Datblygu a chyflawni incwm codi arian ar gyfer y Ganolfan drwy

godi arian o roddion mawr, gan gynnwys cymynroddion

Cyfrifoldebau

Arbenigol:

(paramedrau

eang / gofynion y

rôl ac nid rhestr

lawn o'r

dyletswyddau /

cyfrifoldebau)

1. Datblygu a chyflawni cynllun 3 blynedd ar gyfer diogelu

incwm o roddion mawr a rhoddion gan unigolion

2. Datblygu a rhoi cynllun ar waith ar gyfer creu incwm o

roddion mawr a chymynroddion yn unol â'r strategaeth

Datblygu cyffredinol - sicrhau y caiff targedau blynyddol

uchelgeisiol eu cyflawni, gyda chynnydd o flwyddyn i

flwyddyn

3. Paratoi strategaeth ar gyfer rhoddion mawr rheolaidd a

phenodol yn ogystal â rhoddion o gymynroddion

4. Monitro, gwella a chynnal cydberthnasau â chefnogwyr

rhoddion mawr

5. Ysgrifennu cynigion creadigol a chymhellol gyda'r gallu i

gyfleu syniadau cymhleth a'n hangen i gael cefnogaeth

6. Arwain rheoli cyllideb ac adrodd ariannol ar gyfer yr holl

waith codi arian o roddion mawr, gan gefnogi'r Pennaeth

Datblygu wrth iddo/iddi reoli'r gyllideb codi arian yn

gyffredinol

7. Annog a meithrin dull gweithredu dynamig ac arloesol i'r

holl waith codi arian o roddion mawr yn y Ganolfan

13

Meysydd

Cyfrifoldeb:

Rhoddion Mawr a Chymynroddion

Rhoddion gan Unigolion

Swyddog Rhoddion gan Unigolion

Swyddog Datblygu Digwyddiadau

8. Goruchwylio a mentora'r Swyddog Datblygu Digwyddiadau

wrth iddo/iddi greu rhaglen ddigwyddiadau drawiadol

Cyfrifoldebau

Arbenigol:

(paramedrau

eang / gofynion y

rôl ac nid rhestr

lawn o'r

dyletswyddau /

cyfrifoldebau)

1. Rheoli'r tîm Rhoddion gan Unigolion yn uniongyrchol

2. Rheoli a datblygu cydberthnasau cryf gyda chefnogwyr

rhoddion mawr presennol a chefnogwyr rhoddion mawr

posibl

3. Arwain ymchwil arloesol ac archwilio i nodi a meithrin

rhagolygon rhoddion mawr

4. Hyrwyddo neges codi arian gryf ar gyfer y Ganolfan yn

fewnol ac yn allanol

5. Manteisio i'r eithaf ar y defnydd o dechnoleg, megis

Tessitura, i adeiladu ar lwyddiant digwyddiadau masnachol

6. Datblygu a meithrin tîm sy'n perfformio'n dda, gan gynnwys

yr amrywiaeth lawn o gyfrifoldebau rheolwr llinell

7. Cynllunio a chydlynu cydweithio ar draws y Ganolfan i

wella gwaith codi arian o roddion mawr

Mesurau

Llwyddiant :

Llwyddo yn erbyn -

Targedau ariannol

Cynnal a datblygu cefnogwyr

Adolygiad o Berfformiad a Datblygiad ac amcanion

blynyddol

Boddhad ac Adborth Staff / Cwsmeriaid

14

Beth Rydym Yn Chwilio Amdano… Rheolwr Rhoddion Mawr

Pan fyddwch yn paratoi eich cais ysgrifenedig, bydd angen i chi roi tystiolaeth ar gyfer y cymwyseddau hanfodol a dymunol canlynol. Wrth i chi ystyried pob un,

defnyddiwch enghraifft o ble rydych wedi gwneud hyn yn flaenorol, naill ai mewn sefyllfa gwaith neu sefyllfa arall.

A. Gwybodaeth a Phrofiad

Cyfeiriwch at sut rydych yn bodloni'r gofynion hanfodol hyn yn eich cais.

B. Sgiliau a Galluoedd

Cyfeiriwch at sut rydych yn bodloni'r gofynion hanfodol hyn yn eich cais.

Rhif Hanfodol Dymunol

1. Sgiliau rhyngbersonol eithriadol, gyda rhwydwaith dosbarth cyntaf, i

adeiladu cydberthnasau cryf a pharhaus gyda chefnogwyr

X

2. Dull o weithio cydweithredol a darbwyllol. Yn ennyn diddordeb, yn

ystyriol ac yn ddiplomyddol wrth weithredu

X

3. Ymdriniaeth systematig tuag at godi arian gyda gweinyddiaeth wych,

sylw i fanylder a sgiliau trefnu

X

4. Sgiliau meddwl strategol gyda'r gallu i nodi cyfleoedd newydd a

chyflwyno gweithgareddau codi arian creadigol ac arloesol

X

Rhif Hanfodol Dymunol

1. Profiad llwyddiannus amlwg o godi arian o Roddion Mawr X

2. Profiad rheoli effeithiol; rhaid bod wedi rheoli timau. Y gallu i ennyn

perfformiad da gan unigolion a thimau

X

3. Yn gyfforddus ac yn llawn cymhelliant wrth weithio tuag at dargedau.

Profiad o weithio i dargedau o dros £500,000 y flwyddyn a

thystiolaeth amlwg o agosáu yn uniongyrchol i gael rhoddion mawr

X

4. Profiad helaeth o godi arian X

5. Profiad o ddatblygu strategaethau Rheoli Cysylltiadau Cwsmeriaid

(CRM) effeithiol ar gyfer ystod eang o roddwyr a rhanddeiliaid, yn

ddelfrydol gan ddefnyddio Tessitura

X

6. Profiad o ymchwilio a nodi cefnogwyr posibl o amrywiaeth o

adnoddau

X

7. Profiad blaenorol o weithio'n agos gydag unigolion gwerth net uchel,

aelodau o'r Bwrdd ac uwch arweinwyr

X

15

5. Cyfathrebwr gwych, yn ysgrifenedig ac ar lafar - gallu cyfathrebu

achos yn frwd gydag unigolion ar lefel Bwrdd

X

6. Y gallu i gyflwyno rhagolygon unigolion newydd i'r Ganolfan X

7. Sgiliau rhifedd rhagorol gan gynnwys y gallu i gasglu a dadansoddi

data, a phennu a monitro cyllidebau

X

8. Sgiliau rheoli busnes gwych; rheoli cyllideb, rheoli prosiectau a rheoli

amser

X

9. Arweinydd tîm cryf gydag arddull gyfathrebu agored, da sy'n

gweithio ar y cyd ac yn sensitif i'r angen i rannu gwybodaeth â

chydweithwyr

X

Gallu datrys problemau a gweithio o dan bwysau ac i derfynau

amser lluosog

X

10. Sgiliau gweinyddol a sgiliau trefnu cadarn gan gynnwys y gallu i

flaenoriaethu a rheoli prosiectau yn effeithiol ac i ymdrin â nifer o

brosiectau ar yr un pryd

X

11. Y gallu i siarad yn Gymraeg er mwyn adeiladu cydberthnasau

dwyieithog cryf gyda chefnogwyr sy'n siarad Cymraeg

X

C. Gwerthoedd

Cyfeiriwch at sut rydych yn bodloni'r gofynion hanfodol hyn yn eich cais.

Rhif Hanfodol Dymunol

1. Profiad o reoli, datblygu ac ysgogi timau a chydweithio â thimau

mewnol a rhanddeiliaid eraill.

X

2. Ymrwymiad i sicrhau y caiff diwylliant a hunaniaeth Cymru eu

gwerthfawrogi a'u datblygu mewn modd creadigol ym mhob agwedd

ar weithgareddau'r Ganolfan

X

3. Dangos gwerthoedd y Ganolfan yn barhaus; gan eu hymgorffori yn

eich cyflawniadau o ddydd i ddydd

X

Ch. Arall

Cyfeiriwch at sut rydych yn bodloni'r gofynion hanfodol hyn yn eich cais.

Rhif Hanfodol Dymunol

1. Ymrwymiad i weithio ym maes y celfyddydau ac yn frwdfrydig dros

wneud

X

2. Y gallu a'r parodrwydd i weithio y tu allan i oriau swyddfa arferol ar

gyfer digwyddiadau, perfformiadau a phan fydd angen

X

16

D. Cymwysterau

Cyfeiriwch at sut rydych yn bodloni'r gofynion hanfodol hyn yn eich cais.

Rhif Hanfodol Dymunol

1. Addysg at lefel gradd neu gymhwyster cyfatebol X

Dd. Y Gymraeg

Mae’r tabl isod yn amlinellu’r sgiliau Iaith Gymraeg sydd eu hangen ar gyfer y rôl

yma, rhowch wybod sut yr ydych chi’n cwrdd â’r gofynion hanfodol hyn yn eich cais

(os yw’n berthnasol).

Rh Hanfodol Dymunol

1. Y gallu i siarad Cymraeg X

2. Y gallu i wrando a deall sgyrsiau yn Gymraeg X

3. Y gallu i ysgrifennu yn Gymraeg X

4. Y gallu i ddarllen deunydd Cymraeg X

Mae'r proffil rôl hwn yn nodi prif ddyletswyddau'r swydd ar y dyddiad y cafodd ei

lunio. Gall y dyletswyddau hyn amrywio o bryd i'w gilydd heb newid cymeriad cyffredinol y swydd na'r cyfrifoldebau sydd ynghlwm wrthi. Mae amrywiadau o'r fath

yn gyffredin ac nid ydynt ynddynt eu hunain yn cyfiawnhau ailystyried gradd y swydd.

Llythyr gan y Rheolwr GyfarwyddwrBeth yw barn pobl eraill amdanom?Ein GweledigaethNod Canolfan Mileniwm Cymru yw 'Ysbrydoli ein Cenedl a Chreu Argraff ar y Byd'CyflwyniadCyflwynoCynhyrchuCymryd rhanEin HamcanionRhagor o wybodaeth am ein Sefydliadau PreswylCanllawiau Gwneud CaisPecyn Cydnabyddiaeth – Rheolwr Rhoddion Mawr

Pecyn CyflogYmholiadau