POLICIA, RENDI, SIGURIA DHE MARRËDHËNIET ME KOMUNITETIN

Projekt i mbështetur nga SACP - Mbështetja Suedeze për MB/PSh për Policimin në Komunitet

POLICIA, RENDI, SIGURIA DHE

MARRËDHËNIET ME KOMUNITETIN

Gjetje dhe rekomandime për politika që përmirësojnë

punën e Policisë së Shtetit Shqiptar në lidhje me

policimin në komunitet - Prill 2014

TIRANE, PRILL 2014 (Draft)

2 Gjetje dhe rekomandime për politika që përmirësojnë punën e Policisë së Shtetit Shqiptar në lidhje me policimin në komunitet - Prill 2014

Ky raport është bazuar në rezultate të vlerësimit dhe perceptimit ndaj

punës së policisë të marra gjatë periudhës mars - prill 2014, nga grupe

të ndryshme të shoqërisë, të cilat ndërveprojnë me policinë në nivele

dhe frekuenca të ndryshme.

Raporti bën gjithashtu një përmbledhje të disa gjetjeve dhe

rekomandimeve bazuar në një inventarizim të disa studimeve cilësore

dhe sasiore të kryera nga organizatat jo-qeveritare gjatë 2013 dhe

mbështetur nga programi SACP - Mbështetja Suedeze për MB/PSh për

Policimin në Komunitet

Raporti merr parasysh dhe komentet e marra nga drafti i parë gjatë

workshopit të organizuar në Tiranë, në 2 maj 2014 me përfaqësues të

MPB, PSH, Ministrive të linjës, përfaqësuesve të institucioneve

ndërkombëtare dhe përfaqësuesve të shoqërisë civile.

.


Përmbajtja

SHKURTIMET ............................................................................................................................................. 5

HYRJE 6

I. PËRMBLEDHJE EKZEKUTIVE ............................................................................................................. 9

Pak histori ................................................................................................................................................. 9

Ambienti mbështetës për reformën ....................................................................................................... 10

Metodologjia e Studimit ......................................................................................................................... 11

Gjetjet ..................................................................................................................................................... 13

PERCEPTIMI ......................................................................................................................................... 14

SIGURIA ............................................................................................................................................... 16

KOMUNIKIMI ....................................................................................................................................... 17

Përmbledhje e rekomandimeve ............................................................................................................. 18

II. METODOLOGJIA ...................................................................................................................................... 22

A) Analiza e dokumenteve dhe raporteve të publikuara ........................................................................ 25

B) Anketimi .............................................................................................................................................. 25

C) Fokus Grupe ........................................................................................................................................ 26

D) Intervista gjysmë të strukturuara ....................................................................................................... 26

III. GJETJET ................................................................................................................................................... 29

A. PERCEPTIMI MBI PUNËN E POLICISË ........................................................................................ 29

A.1. Raporti ICLA-s 2014 - intervista gjysmë të strukturuara me përfaqësues të institucioneve të

ndryshme ............................................................................................................................................ 29

A.2. Studimi mbi Policinë e Shtetit, Fokus-grupe, IDRA 2014 ............................................................. 32

A.3. Anketa e policisë kufitare - IDRA (Mars 2014) ............................................................................. 39

A.4. Anketa për policinë rrugore (Mars 2014) - IDRA ......................................................................... 40

A.5. Anketa mbi kontaktin me Policinë nëpërmjet telefonimit të (129) IDRA Mars 2014 ................. 42

A. 6. Anketa mbi ‘viktimat e krimit’ (Mars 2014) IDRA ...................................................................... 43

A.7. Studimi me Mediat (mendime mbi performancën e Policisë së Shtetit dhe marrëdhëniet me

mediat) - ICLA Mars 2014 .................................................................................................................... 43

A. 8. Studimi mbi Matjen e Sigurisë në Komunitet, ICLA, Nëntor 2013 .............................................. 45

B. SIGURIA ................................................................................................................................................... 46


B.1. Rendi dhe siguria në komunitet ....................................................................................................... 46

B.1.1. Raporti ICLA-s 2014 - intervista gjysmë të strukturuara me përfaqësues të institucioneve të

ndryshme ............................................................................................................................................ 46

B.1.2. Studimi mbi Policinë e Shtetit, Fokus-grupe, IDRA, Mars 2014 ................................................ 48

B.1.4. “Studimi mbi Matjen e Sigurisë në Komunitet”, ICLA, Nëntor 2013 ........................................ 49

B. 1.5. Studimit “Partneritet në Kontekstin e Policimit në Komunitet”, ISPL, shtator 2013 ............... 50

B.2. Siguria në trafik ................................................................................................................................ 51

B.2.1. Gjetje nga Studimi për Policinë Rrugore dhe Takimet e Fokus-Grupeve, IDRA 2014 ............... 52

B.3 Viktimat e krimit .......................................................................................................................... 54

B.4 Viktimat e dhunës ......................................................................................................................... 56

B.4.1. Studimi mbi dhunën në familje dhe policinë e shtetit shqiptar, DATA CENTRUM, Tetor 2012 56

C. SISTEMI ORGANIZATIV DHE PERFORMANCA .......................................................................................... 61

C.1. Sistemi organizativ ........................................................................................................................... 63

C.1.1. Ndërtesat dhe ambientet e policisë ......................................................................................... 63

C.1.2. Pajisjet dhe mjetet e punës ...................................................................................................... 64

C.1.3. Trajtimi ekonomik dhe financiar ............................................................................................... 65

C.1.4. Zbatimi i ligjit ............................................................................................................................. 66

C.1.5. Organizimi dhe Struktura e punonjësve .................................................................................. 68

C.2. Performanca .................................................................................................................................... 70

C.2.1. Profesionalizmi .......................................................................................................................... 70

C.2.2. Shërbimi cilësor dhe i shpejtë ................................................................................................... 71

C.2.3 Arsimi dhe kualifikimet .............................................................................................................. 72

C.2.4. Rezultatet konkrete në punë .................................................................................................... 72

C.2.5. Kultura e Punës, një qasje e re ndaj policimit në komunitet dhe partneriteti me institucionet

publike dhe jo-publike ........................................................................................................................ 73

D. KOMUNIKIMI ME KOMUNITETIN DHE INSTITUCIONET .......................................................................... 80

IV. REKOMANDIME PËR POLITIKA ......................................................................................................... 87

BIBLIOGRAFIA ........................................................................................................................................ 95

FALENDERIME ........................................................................................................................................ 97


SHKURTIMET

BE Bashkimi Evropian

EMP Ekipi i Menaxhimit të Programit

ICLA Instituti për Ndryshim dhe Lidership në Shqipëri

ISPL Instituti për Studime Publike & Ligjore

MPB Ministria e Punëve të Brendshme

OSHC Organizata të Shoqërisë Civile

PSH Policia e Shtetit Shqiptar

QBTL Qendra për Biznes Teknologji dhe Lidership

SACP Mbështetja Suedeze për MB/PSh për Policimin në Komunitet


HYRJE

Ministria e Punëve të Brendshme (MPB) e Republikës së Shqipërisë ka nisur një program

reforme të Policisë së Shtetit Shqiptar (PSH), si pjesë e qëllimit të përgjithshëm të qeverisë për të

arritur statusin e kandidatit në BE.

Qëllimi i programit të reformave është të rrisë efikasitetin e PSH-së, efektivitetin dhe

përputhshmërinë me ligjin dhe praktikat më të mira, duke treguar një interes të konsiderueshëm

organizativ në shqyrtimin e përformancës së PSH-së dhe vlerësimin e fushave të saj të forta dhe

fushave që kanë mundësi të përmirësohen dhe që duhet të përmirësohen.

Vlerësimet e fundit të kryera nga stafi i lartë i Policisë së Shtetit si dhe vlerësimet e tjera të

kryera nga shoqëria civile me mbështetjen e SACP, kanë nxjerrë në pah nevojën për ndryshim si

dhe çështje të mangësive në lidhje me arritjet organizative, organizimin e brendshëm,

menaxhimin e personelit dhe kapaciteteve njerëzore, aftësi të hetimit të krimit si dhe aftësitë për

të përmbushur pritshmërinë e publikut në tërësi.

Për këtë qëllim, Ministria e Brendshme ka kërkuar ndihmën e SACP për të mbështetur këtë

iniciativë nëpërmjet një vlerësimi të jashtëm dhe një procesi hulumtimi me institucionet

kryesore dhe organizatat në vend që kanë përvoja në punën e tyre me Policinë e Shtetit Shqiptar

në nivele të ndryshme.

Rezultati kryesor i këtij vlerësimi të jashtëm do të ishte një përmbledhje mbi performancën e

PSH në lidhje me policimin në komunitet si dhe ofrim i rekomandimeve për politika që do të

ndihmojnë në përmirësimin e programit të reformës policore të MB.

SACP ka mbështetur gjatë vitit 2013 sondazhe dhe studime sasiore, të ndërmarra nga

përfaqësues të shoqërisë civile, mbi tematika të ndryshme në lidhje me policimin në

komunitet ndërsa këtë herë vlerësimi i jashtëm e vë theksin në të dhëna cilësore.

Për t’i ofruar Ministrisë së Punëve të Brendshme informacion të asnjanshëm dhe në kohë (para

artikulimit të reformave) mbi prioritet dhe pikëpamjet që kanë institucionet dhe grupime të

ndryshme qytetarësh mbi punën e PSH-së, SACP zgjodhi ICLA (Institutin për Ndryshim e

Lidership në Shqipëri) dhe IDRA Research & Consulting si institucione të pavarura me

ekspertizë në kryerjen e studimeve në fusha të ndryshme dhe në mënyrë të veçantë në lidhje me

tematikat e policimit në komunitet.

Bazuar në sa më sipër, ekipi i konsulentëve të ICLAs dhe IDRAs të mbështetur nga SACP u

takuan gjatë periudhës Mars - Prill 2014 me institucione të ndryshme qeveritare në nivel qendror

dhe lokal; me organizata ndërkombëtare dhe organizatat e shoqërisë civile që mbështesin

drejtpërdrejt punën dhe performancën e Policisë nëpërmjet ndërhyrjeve të ndryshme; me

institucione, rezultatet dhe puna e të cilëve varen në ndërveprimet me policinë si dhe disa grupe


të popullsisë të përzgjedhura me metodën rastësore si: viktima të krimit, persona që kanë pasur

përvoja me policinë e trafikut rrugor, persona që kanë telefonuar tek 129 për të kërkuar ndihmën

e policisë, personat që kalojnë nëpër pikat e kontrollit kufitar dhe që kanë pasur ndërveprim me

stafin e Policisë së Shtetit gjatë 12 muajve të fundit.

Bazuar në termat e referencës dhe në diskutime të kryera gjatë procesit me Ekipin e Menaxhimit

të Projektit, gjetjet dhe rekomandimet e përfshira në raport janë të bazuara në:

Studime dhe vlerësime ekzistuese të kryera nga partnerë të shoqërisë civile dhe të

mbështetura nga SACP përgjatë 2013-ës,

Takime me institucione publike dhe jo publike,

Hulumtime të dokumenteve strategjikë zyrtarë,

Rezultate të studimeve sasiore të kryera në bazë të metodologjisë së gjetjes së mostrës në

mënyrë rastësore të disa kategorive të tilla të qytetarëve si: viktima të krimit, persona që

kanë pasur përvoja me policinë e trafikut rrugor, persona që kanë telefonuar tek 129 për

të kërkuar ndihmën e policisë, personat që kalojnë nëpër pikat e kontrollit kufitar dhe që

kanë pasur ndërveprim me stafin e Policisë së Shtetit gjatë 12 muajve të fundit (Mars -

Prill 2014)

Kryerjen e dy studimeve cilësore me përfaqësues të institucioneve jo qeveritare

ndërkombëtare dhe kombëtare (intervista gjysmë të strukturuara), me grupe të rrezikuara

dhe informatorë të tjerë kyç dhe të rëndësishëm (fokus grupe) në lidhje me ofrimin e

shërbimeve të policisë dhe pikat e ndërveprimit me qytetarët. (Mars – Prill 2014)

Studimin cilësor me të dhëna të marra nga përfaqësues të mediave (e shkruar dhe

televizive) në lidhje me ofrimin e shërbimeve të policisë dhe pikat e ndërveprimit me

qytetarët e zakonshëm. (Intervista gjysmë të strukturuara; Mars – Prill 2014)

Një përmbledhje e udhëzimeve nga praktikat më të mira ndërkombëtare dhe intervista me

përfaqësues të këtyre institucioneve në Shqipëri

Eksperienca dhe mendimet e vetë ekspertëve

Qëllimi i këtij raporti është të prezantojë perceptimin dhe trendin e përvojave të qytetarëve për

policimin në Shqipëri duke i ofruar Ministrisë së Punëve të Brendshme të dhëna cilësore dhe

sasiore për pikat e forta/të dobëta dhe mundësitë që ka policia në terren për t’u përmirësuar dhe

për t’i shërbyer sa më mirë qytetarëve të vendit.


Gjetjet e këtij studimi nga grupi i ekspertëve, do të përdoren për qëllime advokuese dhe

përmirësuese, si nxitje dhe stimuj për të siguruar një platformë reflektimi mbi situatën dhe për të

kontribuar në rekomandimet për politikat në procesin e vazhdueshëm të reformimit.

Ky studim duhet të shihet si kontribut shtesë në atë çka Ministria e Punëve të Brendshme po

konsultohet dhe me partnerët e tjerë të saj kryesorë si organizata të shoqërisë civile, donatorët,

institucione të ndryshme qeveritare dhe jo-qeveritare, kombëtare dhe ndërkombëtare përgjatë

procesit të reformave.

Për këtë qëllim raporti nuk sjell përsëritje të studimeve apo rekomandimeve ekzistuese, por sjell

një përmbledhje të situatave dhe perceptimeve të ndryshme mbi aspekte të rendit, të sigurisë, të

performancës së policisë për atë çka ato mund të vlejnë për reformimin e politikave dhe duke e

ndihmuar këtë proces reformimi duke parë nga e ardhmja.

Si përfundim, ia vlen të theksojmë se raporti nuk propozon zgjidhje të mirëfillta por sjell

konkluzione dhe rekomandime mbi të cilat mund të ndërmerren studime të tjera më të thella dhe

specifike ose të ngrihen procese konsultative për të ngritur politika dhe strategji koherente mbi

reformimin e policisë së shtetit.

Shpresojmë që t’i jemi përgjigjur thirrjes së Ministrisë për të dhënë pikërisht atë kontribut që

atyre ju nevojitet për reformën e policisë, duke sjellë aspekte të zërave të ndryshëm të shoqërisë

të cilët kujdesen për sigurinë në vend. Ata janë partnerë, bashkë-rrugëtarë në ndryshime,

përfitues dhe kontribues në çështjet e sigurisë së vendit, për një Shqipëri me një zhvillim të

qëndrueshëm, siç janë dhe kërkesat e një vendi dinjitoz në rrugëtimin e tij për t’iu bashkuar

vendeve të tjera anëtare të BE.


I. PËRMBLEDHJE EKZEKUTIVE

Pak histori Në rrugën e transformimit rrënjësor dhe organizativ, Policia Shqiptare gjatë dy dekadave të

fundit i është nënshtruar një procesi të vazhdueshëm ndryshimesh dhe reformash me synim

qasjen e saj me standardet e policimit të vendeve perëndimore. Në këtë kontekst, pas fitores së

pluralizmit në Shqipëri në vitin 1991 e deri në ditët tona janë kryer mbi disa reforma të

rëndësishme në polici.

Me ringritjen dhe riorganizimin e strukturave të policisë pas vitit 1997, u krijuan kushtet për

fillimin e një procesi të ri reformash organizative nëpërmjet hartimit për herë të parë të një

dokumenti strategjik për policinë (2000-2003). Përveç krijimit të infrastrukturës strukturore,

ligjore dhe përmirësimit të efiçensës së strukturave, arritja kryesore e reformës ishte shndërrimi i

policisë nga një strukturë ushtarake në një institucion të administratës shtetërore, në shërbim të

komunitetit. Krijimi i strukturave të policimit në komunitet në të dy nivelet shënoi përafrim me

policimin perëndimor. Kjo qasje e re e policimit filloi të ndikojë në parandalimin e krimit në

komunitet. Analizat tregojnë se edhe kjo reformë nuk mundi të kapërcente disa ngërçe;

megjithëse de juro ishte përcaktuar ndarja e administratës së Policisë nga Ministria (politika), de

facto, nuk ishte bërë një hap i tillë. Politika ka vazhduar të ndikojë në disa emërime dhe gradime

të punonjësve të policisë jashtë kritereve ligjore.

Pas nënshkrimit të Marrëveshjes së Stabilizim Asocimimit në vitin 2006, Policia e Shtetit si

pjesë e detyrimeve të kësaj marrëveshjeje, i’u nënshtrua procesit të ndryshimeve të thella

organizative, strukturore, ligjore dhe teknologjike nëpërmjet implementimit të Strategjisë së

Policisë së Shtetit për vitet 2007-2013. Një nga prioritet kryesore të kësaj strategjie ishte

përmirësimi i cilësisë së shërbimit dhe ndërtimi i besimit në publik, nëpërmjet zbatimit në

shërbim të Policimit në Komunitet si një filozofi, stil menaxhimi dhe strategji organizative.

Adoptimi i filozofisë së re të policimit në komunitet, kërkon fokusimin e policisë tek qytetarët,

promovon zgjidhjen e problemeve në mënyre pro-aktive, ofrimin e ndihmës në rastet emergjente,

trajtimin e viktimave të krimit sipas standardeve ligjore dhe forcimin e partneritetit të ndërsjelltë

me komunitetin.

Drejtoria e Përgjithshme e Policisë së Shtetit përfshin policinë e rendit publik, policinë e hetimit

të krimit, policinë kufitare, policinë e trafikut rrugor, njësitë e forcave speciale dhe të ndërhyrjes

së shpejtë dhe drejtoritë e personelit, logjistikës dhe buxhetit. Janë 12 Drejtori Policie në nivel

qarku, 43 komisariate dhe 8 Drejtori Rajonale të Kufirit dhe Migracionit.


Inspektorët e zonës janë ata që janë të vendosur më afër komunitetit dhe marrin përgjegjësi të

përditshme në terren sipas aktiviteteve të policimit në komunitet. Ata janë lidhja direkte me

kryetarin e bashkisë ose komunës dhe gjithashtu marrin pjesë, kur u kërkohet, në takimet lokale

që organizohen në kuadër të policimit në komunitet.

Në kuadrin e reformave në Policinë e Shtetit është ngritur edhe një grup punë i cili po përgatit

një projekt-ligj në lidhje me parandalimin e sjelljeve dhe veprimeve antishoqërore dhe ruajtjen e

rendit dhe qetësisë publike. Duke gjykuar në kompleks, ky projekt-ligj do të jetë me ndikim edhe

në drejtim të policimit në komunitet, duke i shërbyer komunitetit dhe individit në mënyrë më

cilësore.

Ambienti mbështetës për reformën Për më shumë se 10 vjet, lloje të ndryshme të njësive dhe organizatave ndërkombëtare kanë

ofruar ndihmë në çështjet e sigurisë dhe reformave policore në Shqipëri, veçanërisht për

Ministrinë e Brendshme dhe Policinë e Shtetit. Organizmat ndërkombëtare që kanë ofruar

ndihmën më të madhe janë ICITAP, PAMECA, OSCE dhe SACP.

Që prej vitit 1998, ICITAP ka ofruar ndihmë të vazhdueshme për qeverinë shqiptare, në rritjen e

kapaciteteve për të ofruar shërbime sa më profesionale në përforcimin e ligjit, duke u bazuar në

praktikat politike më të mira që mund të ofrohen prej tyre; respektimin e të drejtave të njeriut dhe

sundimin e ligjit. ICITAP asiston në punën e Ministrisë së Brendshme dhe Policisë së Shtetit.

Asistenca e ofruar përfshin projekte në menaxhimin e kufijve dhe luftën anti-trafik; luftën ndaj

krimit të organizuar; llogaridhënien nga ana e policisë dhe menaxhimin e burimeve njerëzore,

formimin akademik/trajnime si dhe sistem të menaxhimit të informacionit, duke përfshirë TIMS

(Total Integral Management System).

OSCE-Misioni i OSCE në Shqipëri është themeluar pas trazirave civile që ndodhen në vitin

1997, duke rezultuar në kolapsin e shtetit shqiptar. Aktualisht, projektet e OSCE variojnë nga

kontrolli i armëve, luftës kundër trafikut dhe asistencës elektorale; mbrojtja e të drejtave të

njeriut; reforma legjislative, juridike dhe ngritja e kapaciteteve për zyrtarët e angazhuar në luftën

për forcimin e ligjit. Për të forcuar profesionalizmin dhe futjen e standardeve ndërkombëtare,

misioni i pranishëm në vend ka organizuar trajnime për lidership dhe menaxherë për zyrtarët e

policisë, stafin e kontrollit të Ministrisë së Punëve të Brendshme dhe policët kufitarë dhe të

zyrave të imigracionit. Misioni i OSCE ka ndërmarrë inisiativa të policimit në komunitet të cilat

kanë si target dhunën në familje dhe ndihmon në përditësimin e strategjive policore. Gjithashtu,

është punuar për krijimin e Qendrave të Përbashkëta të Shërbimit të Informacionit për zyrtarët

kufitarë.

PAMECA (Konsolidimi i kapaciteteve për forcimin e ligjit ne Shqipëri) - PAMECA IV është një


projekt i Bashkimit Evropian për asistencë teknike, i cili nëpërmjet ekspertizës së tij të dizenjuar

nga shtetet anëtare të BE do të ndihmojë agjencitë shqiptare me rëndësi kyçe në forcimin e ligjit

dhe do të sjellë performancë më të mirë dhe standarde më afër atyre të Bashkimit Evropian për

përfituesit e projektit, veçanërisht për Policinë e Shtetit dhe Zyrën e Prokurorit të Përgjithshëm.

Programi SACP (Mbështetja Suedeze për Policimin në Komunitet) - Objektivi kryesor i

Programit SACP është përmirësimi i aftësisë së Policisë së Shtetit për të ofruar siguri në

përputhje me parimet e ofrimit të shërbimit. Për të arritur ketë qëllim janë krijuar grupe të

përbashkëta pune (PSH dhe SACP) dhe një sërë aktivitetesh të përbashkëta (studime, workshop-

e, trajnime, vizita studimore etj.) të cilat janë zhvilluar ose janë planifikuar për të ardhmen.

Objektivi i dytë kryesor i Programit SACP është rritja e besimit dhe e vullnetit të individëve dhe

komuniteteve për të bashkëvepruar dhe punuar aktivisht me Policinë e Shtetit për të ulur nivelin

e krimeve. Projektet e Skemës se Granteve të Vogla të zbatuara në të gjithë vendin po

kontribuojnë për të krijuar ura bashkëpunimi midis Policisë dhe të rinjve. Më shumë se 50

projekte të Skemës se Granteve të Vogla do të zbatohen gjatë gjithë kohëzgjatjes së Programit.

Metodologjia e Studimit Studimi kombinon dy qasjet tradicionale studimore; qasjen sasiore nëpërmjet anketave të

realizuara nga IDRA dhe qasjen cilësorë nëpërmjet analizës së dokumenteve dhe raporteve

ekzistuese; intervistat e strukturuara të realizuara nga ICLA dhe fokus grupe të realizuara nga

IDRA. Proceset hulumtuese të kryera nga dy institucionet (ICLA & IDRA) që shërbyen si bazë

për gjetjet dhe rekomandimet janë realizuar gjatë muajve Mars - Prill 2014. Gjithashtu studimi

sjell fakte të dhënash të mbledhura nga studime të tjera kryera gjatë vitit 2013-2014 duke qenë se

gjetjet dhe rekomandimet e tyre janë akoma relevante me situatën e performancës së Policisë dhe

perceptimin e qytetarëve dhe nuk janë realizuar studime të tjera më të vona për temat specifike

që këto studime mbulojnë.

Analiza e të gjitha të dhënave ka në qendër objektivat themelore të PSH dhe në veçanti dy prej

tyre: 1. Partneritetin me komunitetin që përfshin ndërveprimin ndërmjet policisë dhe anëtarëve të

komunitetit, siç janë organizatat e komunitetit, anëtarët e komunitetit, viktimat e krimit, njerëzit

me ndërveprime kufitare, komunitete të margjinalizuara dhe të diskriminuara si LGBT, bizneset

etj. 2. Transformimin organizativ-operacional ku referohen ndryshimet e brendshme të

strategjive të menaxhimit të PSH si organizatë, strukturën organizative, vendimet e personelit

duke përfshirë menaxhimin e performancës, kapacitetet e policisë dhe sistemet teknike.

Analiza e këtyre objektivave vendoset në mjedisin strategjik që përfshin zhvillimi i politikave

dhe strategjisë së PSH të bazuara në prioritetet e Strategjisë Kombëtare për Zhvillim dhe

Integrim së bashku me strategjitë respektive të ministrive të linjave ose institucioneve të tjera

qeveritare dhe prioritetet e përcaktuara në planveprimin për pranimin në BE. Në këtë mënyrë

analiza vazhdon me përcaktimin e objektivave kryesore për sukses duke i shoqëruar me


aktivitetet kryesore dhe monitorimin e tyre. Bazuar në këtë proces dhe në analizën e të dhënave

prezantohen gjetjet e studimit dhe hartohen rekomandimet e politikave.

Mbledhja e të dhënave u bazua në këto instrumente kryesore:

Analiza e dokumenteve dhe raporteve të publikuara - Analiza e dokumenteve zyrtare si strategji

dhe plan-veprime në lidhje me Policinë dhe Policimin në komunitet dhe studime të tjera

ndërkombëtare dhe kombëtare që sjellin eksperienca me vlerë të kohëve të fundit të prodhuara

nga shoqëria civile me mbështetjen e SACP.

Anketimi - Anketimet u kryen në Mars 2014 me metodën e përzgjedhjes rastësore të

kampionitmit. Në kuadër të këtij vlerësimi u realizua anketimi me viktima të krimit, anketimi i

personave që kanë pasur përvoja me policinë e trafikut rrugor, anketimi me persona që kanë

telefonuar tek 129 për të kërkuar ndihmën e policisë dhe anketimi me persona që kalojnë nëpër

pikat e kontrollit kufitar.

Fokus Grupe – Gjatë këtij vlerësimi u realizuan shtatë fokus-grupe me 8 pjesëmarrës në secilin

grup; pjesëmarrës me karakteristika të ndryshme sipas moshës, rurale dhe urbane, mësues dhe

prindër, komuniteti Rom/Egjiptian.

Intervista gjysmë të strukturuara - Intervista gjysmë të strukturuara u përdorën si një metodë

cilësore e hulumtimit që kombinon një grup të paracaktuar të pyetjeve të hapura (pyetjet që

nxisin një diskutim të shpejtë) me mundësi për intervistuesit për të eksploruar më tej tema të

veçanta apo përgjigje. 64 përfaqësues të Institucioneve publike dhe jo publike dhe 28

përfaqësues të mediave u takuan me metodologjinë e Intervistave gjysmë të strukturuara duke

shprehur perceptimin e tyre për punën aktuale të PSH-së; çfarë mund të përmirësohet nga ana e

operacionale e PSH-së ashtu dhe në kuadrin e përgjithshëm të politikave në lidhje me çështjet e

Policimit në Komunitet.

Tërësia e pikëpamjeve të dhëna gjatë takimeve; reflektimet mbi studimet e pavarura të kryera

gjatë vitit 2013; rekomandimet e evidentuara nga procesi i inventarizimit të dokumenteve

ekzistuese; gjetjet nga vlerësimet e kryera përgjatë muajve mars–prill 2014 në kategori të

ndryshme të qytetarëve me metoda sasiore dhe bazuar në përzgjedhjet rastësore; gjetjet nga

vlerësimet e kryera përgjatë muajve mars–prill 2014, bazuar në takimet me përfaqësues të

shoqërisë civile, institucioneve publike në nivel lokal/qendror dhe informatorë të tjerë të

rëndësishëm përfshirë organizata donatore dhe ndërkombëtare; fokus grupet si dhe takimet me

përfaqësues të mediave, ofrojnë një kuptim më të mirë të shqetësimeve komplekse të sigurisë së

shqiptarëve si dhe të sfidave që përballet Qeveria dhe PSH në përmirësimin e punës së policisë

në terren si dhe në adresimin në mënyrë efektive të çështjeve të sigurisë së qytetarëve.

Duhet të theksojmë që edhe pse këto perceptime nuk përfaqësojnë gjithë realitetin e gjerë në

vendin tonë dhe nuk kanë një saktësi metodologjike, ato mbeten të rëndësishme për të treguar se


çfarë mendojnë dhe besojnë njerëzit dhe grupet apo institucionet e anketuara në lidhje me

sigurinë dhe besimin e tyre në institucionin e PSH.

Ky studim shërben për të vendosur një pikënisje për një sërë treguesish të opinionit publik në

lidhje me sigurinë dhe performancën e policisë që mund të përdoren për të monitoruar progresin

dhe arritjen e qëllimeve të MPB dhe të Policisë së Shtetit gjatë zbatimit të strategjisë së re dhe

planeve të veprimit në vitet e ardhshme.

Gjetjet Gjatë studimit del se reforma e PSH duhet të marrë parasysh jo vetëm aspekte ristrukturimi

organizativ por dhe ndryshime në qasje dhe në mentalitet.

Në këtë kuadër duhet të shihet Strategjia e re 2014 – 2020 si dhe Plan i Ri i Veprimit. Të dyja sa

më sipër duhet të jenë të bazuara në një proces konsultativ të gjerë brenda strukturave të

Ministrisë dhe Policisë; strukturave të tjera shtetërore që ndërveprojnë me Policinë për

përmirësimin e jetës, qetësisë, rendit dhe sigurisë së qytetarëve dhe me përfaqësues të ndryshëm

të shoqërisë në nivel qendror dhe lokal.

Policia e Shtetit duhet të sjellë jo vetëm të dhëna statistikore në lidhje me krimin por duhet të

marrë në konsideratë ndjenjat dhe perceptimin e popullsisë në lidhje me qetësinë dhe rendin.

Policimi duhet të fokusohet në strategji komunikimi. Duhet të ndërtohet një strategji e tillë që t’i

afrohet kësaj qasjeje të re të policimit në komunitet. Komunikimi strategjik duhet të përfshijë të

qënit prezent në komunitet dhe krijimin e një sistemi transparent për situatën nëpërmjet mirë

informimit të publikut.

Njerëzit kanë të drejtë të jenë të informuar për atë që ndodh. Njerëzit kanë informacion për atë që

ndodh, janë aktorë në atë që ndodh dhe e dinë se çfarë ndodh në komunitetin ku ata jetojnë.

Policia duke qenë më afër komunitetit, më profesionale dhe më komunikuese me të, përcjell

besueshmëri.

Rendi dhe siguria është diçka që shkaktohet edhe perceptohet nga vetë njerëzit. Kur ndodh diçka

në komunitet policia duhet të ndodhet aty fizikisht dhe duhet të ofrojë informacion për atë që

ndodh. Nëpërmjet informimit të komunitetit për atë që ndodh në kohë reale dhe në mënyrë të

saktë policia bëhet më legjitime dhe profesionale në atë që bën dhe po ashtu më e besueshme për

komunitetin.

Vlerësimi ynë synon të evidentojë se në ç’masë filozofia e policimit në komunitet është bërë

pjesë e kulturës së policisë? - A ka ndërtuar policia partneritete të qëndrueshme me komunitetin,

me grupet e interesit dhe të rinjtë? Në ç’masë policia ka zgjidhur problemet e komunitetit?


PERCEPTIMI

Nëpërmjet këtij vlerësimi (me anë të intervistave të drejtpërdrejta, fokus grupeve dhe

anketimeve) janë mbledhur perceptime nga përfaqësues të institucioneve të ndryshme rreth

policimit në komunitet. Në këtë seksion janë sjellë edhe disa gjetje nga studimi i ICLAs i kryer

në Nëntor 2013, në 10 zona pilot, në 5 qytete të Shqipërisë.

Ndjenja e përgjithshme – 56.2% e institucioneve publike janë përgjigjur se kanë marrëdhënie

interaktive më Policinë e Shtetit, 19% kanë marrëdhënie mbështetëse dhe 14.5% kanë

marrëdhënie përfituese. Marrëdhënie të mira dhe ndërvepruese ekzistojnë edhe në mes të

përfaqësuesve të shoqërisë civile dhe Policisë së Shtetit, ku 57% prej tyre shprehen se

bashkëpunimi është zhvilluar dhe është përmirësuar në fusha të ndryshme, në mënyrë të veçantë

në iniciativat e përbashkëta të interesave të komunitetit apo policimit në shkollë.

Marrëdhëniet interaktive të institucioneve publike me Policinë e Shtetit shtrihen në nivel lokal

dhe në nivel kombëtar dhe vihet re një rritje e bashkëpunimit institucional ndërmjet tyre. Disa

prej të anketuarve vlerësojnë si të veçantë bashkëpunimin me inspektorët e policisë në terren për

çështje që lidhen me viktima të dhunës apo krimit.

Të intervistuarit u pyetën sesi ata e vlerësonin rolin dhe performancën e PSH gjatë 4 muajve

të fundit. 46% e institucioneve publike mendojnë se perfomanca e PSH është përmirësuar; 50%

e institucioneve jo publike janë shprehur se situata është përmirësuar krahasuar me të njëjtën

periudhë një vit më parë. Gjithashtu, shumica e pjesëmarrësve në Fokus Grupe besojnë se situata

e rendit dhe e sigurisë në Shqipëri është në përmirësim e sipër. Pjesëmarrësit vlerësojnë faktin se

Policia e Shtetit tashmë po bën detyrën siç duhet.

Në ndarjen e këtyre ndjenjave pozitive në drejtim të performancës pjesëmarrësit në studim

nisen nga perceptime të tilla si: “rendi dhe siguria kanë ndryshuar për mirë dhe është rritur numri

i punonjësve të policisë në patrulla të komunitetit dhe gatishmëria e tyre gjithashtu”.

Krahas këtij perceptimi pozitiv për punën e policisë në muajt e fundit, pjesëmarrësit në studim

identifikojnë disa fusha që kanë nevojë për përmirësim dhe që duhet të merren në

konsideratë nga MPB dhe PSH si psh.: a) rritja e profesionalizmit të PSH për çështjet që

lidhen me sigurinë dhe rregullin publik; b) marrëdhëniet dhe qasjet etike me qytetarët; c)

efikasiteti dhe përgjigja në kohë ndaj ngjarjeve; d) pavarësia politike dhe depolitizimi i

strukturave; e) probleme që lidhen me procesin e rekrutimit; f) kushte më të mira të punës,

pagesës dhe pajisjeve.

Gjithashtu pjesëmarrësit kërkojnë më shumë mbështetje nga qeveria shqiptare dhe MBP për

të mbështetur PSH me më shumë mbështetje institucionale, financiare dhe teknologji të

përditësuar.


Të gjithë të intervistuarit vënë në dukje nevojën për një mentalitet të ndryshëm në qasjen e

Policisë dhe qëndrimin e saj ndaj policimit në komunitet për t'i shërbyer dhe qenë pranë

qytetarëve.

Vlerësohet pozitivisht rritja e numrit të femrave në polici, por kërkohet që ky numër të rritet

dhe të jetë në proporcion me hierarkinë në PSH.

Ndërsa në lidhje me qasjen e PSH ndaj minoriteteve kërkohet akoma më shumë përpjekje

pasi përfaqësues të komunitetit Rom dhe Egjiptian pjesëmarrës në fokus grupe, vazhdojnë të

kenë një ndjesi jo të mirë ndaj punës së policisë, duke u ndier të diskriminuar krahasuar me

komunitetet e tjera.

Shumë e mirë vlerësohet puna e bërë nga PSH në shkolla dhe policia shihet si mjaft aktive në

komunikimin me nxënësit, mësuesit dhe komunitetin lokal afër shkollave, duke u përfshirë në

leksione të përbashkëta, si dhe duke zbatuar fushata për trafikun me pjesëmarrjen e nxënësve.

Në lidhje me pritshmëritë ndaj punës së PSH shumica e pjesëmarrësve beson se ajo duhet të

shtojë përpjekjet për të rritur performancën dhe besimin e publikut. PSH duhet të jetë në

gatishmëri për të ndihmuar qytetarët në çdo rast; të punojë edhe më shumë për të krijuar një

imazh të mirë të forcave të policisë në sytë e publikut; të fokusohet në përmirësimin e trafikut

rrugor; të luftojë krimin e organizuar; të luftojë korrupsionin dhe të bashkëpunojë më tepër me

qytetarët.

Megjithatë, pjesëmarrësit shprehin se ata janë të vetëdijshëm se policisë i duhet më shumë kohë

për të zbatuar reformat e sipërpërmendura.

Ky vlerësim në mënyrë të veçantë tregoi se ekziston një perceptim shumë pozitiv në lidhje me

punën e Policisë Kufitare në tërësi si dhe dimensionet e saj përkatëse: Shpejtësia e veprimeve,

Sjellja e punonjësve, Komunikimi, Paraqitja, Profesionalizmi. Niveli i kënaqësisë të të

intervistuarve me këto dimensione varion në shkallën 85%-89% të cilët janë të kënaqur,

krahasuar me 3%-6% të atyre të pakënaqur. Pritshmëritë për punën e Policisë Kufitare vazhdojnë

të jenë në nivele të larta.

Në lidhje me Policinë Rrugore 62% e të gjithë të anketuarve kanë vlerësuar pozitivisht (mirë

ose shumë mirë) punën që po bën Policia Rrugore në 6 muajt e fundit, ndërsa negativisht (keq

ose shumë keq) e kanë vlerësuar 17% e tyre.

Anketimi i kryer me personat që kanë telefonuar PSH tek 129 tregoi që në përgjithësi të

anketuarit e kanë vlerësuar si të mirë punën e bërë nga Policia e Shtetit në këto 4-6 muajt e fundit

në 60% të rasteve. Ndërkohë, pjesa tjetër e telefonuesve kanë qenë neutral në vlerësimin e tyre

(20%) dhe kanë dhënë një vlerësim negativ (20%).

Anketimi me personat që kanë qenë viktima të krimit tregoi që rreth 70% e atyre që kanë

qenë viktima të krimit në muajt e fundit, janë të kënaqur me "mënyrën se si policia e ka trajtuar


çështjen e tyre", ndërsa 19% janë të pakënaqur. Në lidhje me "informacionin" e dhënë nga

Policia për rastin e tyre, rreth 62% u shprehën të kënaqur, ndërsa 22% janë shprehur të

pakënaqur. Vetëm rreth 8% e viktimave të krimit kanë vlerësuar punën e PSH në përgjithësi si të

keqe ose shumë të keqe, krahasuar me 64% që është vlerësuar si e mirë ose shumë e mirë.

SIGURIA

Siguria në këtë vlerësim përfshin çështje që lidhen me rendin dhe sigurinë në komunitet, sigurinë

në trafikun rrugor, sigurinë në kalimin e kufirit, sigurinë e viktimave të krimit dhe të dhunës në

familje.

Në lidhje me rendin dhe sigurinë në komunitet janë marrë në analizë intervistat e realizuara

nga ICLA, fokus grupet dhe anketimet e organizuara nga IDRA 2013-2014, studimet e

mëparshme në kuadër të SACP dhe materiale dhe dokumente të tjera zyrtare.

Në intervistat e bëra nga ICLA 2014 lidhur me çështje të rendit dhe sigurisë në komunitet

përfaqësues nga institucionet publike dhe jopublike shprehen se rendi dhe siguria kanë ndryshuar

për mirë. Është shtuar numri i policëve në komunitet dhe patrullat e policisë janë të shpeshta dhe

të disponueshme.

25% e Institucioneve publike shprehen mbi nevojën për të rritur profesionalizmin në çështjet

që lidhen me sigurinë, ndërsa 22% e institucioneve publike shprehen se efiçensa dhe reagimi në

kohë janë elemente për t’u përmirësuar në lidhje me mbështetjen që Policia e Shtetit duhet t’i

ofrojë institucioneve. 14.5% e institucioneve publike kërkojnë të bëhet një punë më e mirë në

lidhje me sigurinë dhe parandalimin e krimeve, veçanërisht në institucionet arsimore në vend.

Përfaqësuesit e medias, (43%) shprehen se është përmirësuar roli dhe performanca e policisë në

katër muajt e fundit, (35%) e vlerësojnë si të pandryshuar, ndërsa (22%) e shikojnë atë të

përkeqësuar.

Si argumente të përmirësimit të punës së policisë në muajt e fundit gazetarët e intervistuar

sjellin: më shumë zbulime rastesh, vrull dhe aksione, policia e terrenit ka më shumë vizibilitet

dhe kontakte me qytetarët dhe ka një perfomancë më të lartë të punës së PSH.

Si argumente të një gjendjeje me të njëjtën përformancë ose të përkeqësuar, gazetarët shprehen

se ka më pak proaktivitet të PSH ndaj krimit, ndryshimi politik e ka bërë situatën në vend të

rrëmujshme dhe të vështirë dhe ka më shumë ngjarje kriminale të ndodhura krahasuar me më

parë.

Parandalimi i krimit, sipas 30% të të intervistuarve është po ashtu një fushë që kërkon

përmirësim. Polici nuk është më ai spiuni i dikurshëm, por është dikush që duhet të ketë sa më

shumë informacion për komunitetin sepse kjo ndihmon në parandalimin e krimit. Është e

rëndësishme që shumë raste të mund të parandalohen, (raste të tilla si aksidenteve rrugore dhe të

dhunës në familje).


Edhe shumica e pjesëmarrësve në Fokus Grupet e organizuara (IDRA 2014) besojnë se situata e

rendit dhe sigurisë në Shqipëri është në përmirësim e sipër. Pjesëmarrësit vlerësojnë faktin se

Policia e Shtetit tashmë po bën detyrën siç duhet.

Megjithatë në diskutimet në fokus grupe ka edhe një pjesë të konsiderueshme të pjesëmarrësve,

të cilët janë të shqetësuar për gjendjen aktuale të rendit publik dhe sigurisë në Shqipëri. Ata e

cilësojnë situatën aktuale si të pasigurtë dhe kërcënuese duke thënë se situata aktuale ose është e

njëjtë me atë para disa muajsh ose është përkeqësuar akoma më shumë.

Rendi dhe siguria kanë qenë edhe më parë në fokusin e studimeve të SACP në periudhën 2012-

2013 për punën e PSH. Në këto studime janë analizuar probleme të tilla që shqetësojnë qytetarët

si prishja e rendit publik dhe shqetësime të tjera lidhur me sigurinë dhe rendin në komunitetin e

tyre dhe zonat ku banojnë (ICLA&QBTL 2013). Në këtë vlerësim, 58.6% e popullsisë së

përgjithshme i konsiderojnë këto çështje si një problem serioz për komunitetin e tyre.

Ndërsa në lidhje me deklaratën: "Policia kujdeset për problemet e rendit publik në zonën time të

banimit", 51.5% e popullsisë së përgjithshme bie dakord me këtë deklaratë, ndërsa 48.5% nuk

pajtohet me të.

KOMUNIKIMI

Vlerësimi në lidhje me komunikimin përfshin disa aspekte që lidhen direkt apo indirekt me

performancën e punës së punonjësve të policisë të tilla si: komunikimi që PSH ka me strukturat e

tjera, institucione, organizime komunitare dhe vetë individët për të bashkëpunuar, ndërvepruar

dhe realizuar misionin e saj; shkalla e komunikimit të brendshëm brenda strukturës së PSH dhe

“Imazhi” (perceptimi i komunitetit mbi imazhin) që PSH gëzon në nivel komunitar.

Ky raport për të analizuar dhe vlerësuar çështjet që lidhen me komunikimin ka marrë në

konsideratë anketimet e bëra nga IDRA 2014 dhe intervistat direkte të realizuara nga ICLA,

veçanërisht intervistat e realizuara me gazetarë të medias. Përveç këtyre burimeve janë përdorur

të dhëna të marra edhe nga Raporti për Strategjinë e Komunikimit, COMPORT 2014 dhe

studimet e bëra në kuadër të programit SACP gjatë vitit 2013 nga ICLA&CBTD dhe IDRA.

Komunikimi në këtë kapitull shihet si qasje dhe performancë e Policisë.

Ajo që theksohet në të gjitha intervistat e realizuara është që ndërtimi i marrëdhënieve me

institucionet, qytetarët, grupet e interesit dhe median duhet të bazohet në transparencë

informacioni dhe komunikim të mirë.

Në intervistat direkte u trajtuan shumë pyetje që lidhen me komunikimin me institucionet

partnere, grupet e interesit dhe komunitetin e punonjësve të policisë.

Në takimet e ICLAs (Mars 2014), 14% e përfaqësuesve të shoqërisë civile shprehet se Policia e

Shtetit duhet të tregojë më shumë profesionalizëm në etikën e sjelljes me qytetarët.


Ky raport vlerëson si të rëndësishëm për punën e PSH komunikimin e saj me median. Kjo temë

u trajtua në shumë drejtime në intervistat me gazetarët. Ata shprehen se pothuajse e gjithë

marrëdhënia e tyre me policinë si institucion dhe me punonjësit e policisë ndërtohet mbi

komunikimin i cili shtrihet në dy nivele:

Gazetarët e medias shprehen se përveç marrëdhënieve që ata kanë në niveli institucional me

policinë e shtetit, ekziston dhe një nivel tjetër, ai social dhe personal.

Rreth 40% e gazetarëve të intervistuar kërkojnë që shprehitë komunikuese të punonjësve të

policisë së shtetit të jenë më të mira. Edhe në pyetjen mbi karakteristikat kryesore që do

përkufizonin një polici ideale gazetarët theksin kryesor e vënë mbi cilësitë e komunikimit dhe

besimit, duke nënvizuar komunikimin qytetar. Sipas tyre komunikimi me qytetarët duhet të jetë i

mirë dhe i përhershëm. Qytetari duhet të dijë ku të drejtohet kur ka nevojë dhe inspektori i zonës

duhet të njohë çështjet problematike që ka komuniteti ku ai punon.

Sipas 30% të gazetarëve policia duhet të japë më shumë informacion, të jetë transparente në

marrëdhëniet që krijon, më e hapur, kontaktet me komunitetin t’i ketë më të shpeshta, të

bashkëpunojë me qytetarët dhe duhet të ketë persona më të përgatitur dhe të posaçëm për të

komunikuar me median dhe qytetarët.

Ndërsa gjetjet nga Fokus Grupet, IDRA 2014 mbi çështje që lidhen me komunikimin me

komunitetin zbulojnë që komunikimi polic-qytetar duhet të përmirësohet duke filluar që nga

ndjekja e denoncimeve deri në zgjidhjen e tyre.

Shumica e pjesëmarrësve në këto fokus-grupe besojnë së situata është përmirësuar në lidhje me

komunikimin e oficerëve të policisë me qytetarët. Sipas tyre, momentalisht, shumica e oficerëve

të policisë sillen në mënyrë profesionale kur kontaktojnë me publikun. Policia duhet të jetë një

polici e paanshme dhe sa më pranë qytetarëve, e gatshme për t’u përgjigjur dhe të zbatojë ligjin

me seriozitet.

Raporti i COMPORT 2014 rekomandon krijimin e një strategjie komunikimi që të modelojë një

mënyrë të re komunikimi - të përcjellë nga individët tek grupi i madh social, për të ndërtuar

imazhin e një Policie e cila ka nevojë për bashkëpunimin e komunitetit, që t’i shërbejë më mirë

atij.

Marrëdhënia me qytetarët duhet të mbështetet në komunikimin e rregullt, periodik me

përfaqësuesit e komunitetit dhe duke qenë më afër tyre: kryeplaku, administratorët e ndërtesave,

bordet e shkollave, drejtuesit e institucioneve arsimore, pronarët e bizneseve me rëndësi

specifike dhe aktorë të tjerë në nivelin lokal.

Përmbledhje e rekomandimeve Rekomandimet janë bazuar


në gjetjet e ndryshme që sjell studimi,

në zërat e pjesëmarrësve në studime dhe anketime të ndryshme përfshirë: Data Centrum,

Tetor 2012, Studim mbi Dhunën në Familje dhe Policinë e Shtetit Shqiptar; Strategjia e

Integruar e Komunikimit dhe Plani i Komunikimit për Fushatën Sensibilizuese në pesë

Sektorë të Policisë së Shtetit Shqiptar, COMPORT, Janar 2014; IDRA, Gusht-Shtator

2013, Anketa mbi nivelin e Kënaqësisë me Shërbimet Policore; Mars 2014, Raport-

Anketa mbi “Viktimat e Krimit”, Mars 2014, Raport-Anketa për Policinë Rrugore, Mars

2014, Studim mbi Policinë e Shtetit, Mars 2014 Anketa e Policisë Kufitare, Mars 2014

Anketa mbi Kontaktin me Policinë (129); ICLA, Nëntor 2013, Perceptime mbi Sigurinë,

Rendin dhe Punën e Policisë në Komunitet-Studim mbi Matjen e Sigurisë në Komunitet;

Dhjetor 2013, Raporti Final-Studim mbi Kënaqësinë në Punë të Punonjësve të Policisë,

ISPL Shtator 2013; Studim “Partneritet në Kontekstin e Policimit në Komunitet” dhe

Linja e Këshillimit për Gra dhe Vajza, Shtator 2013, Studim për Viktimat e Krimit të

Dhunës në Familje dhe Sulmeve Seksuale.

në rishikimin e eksperiencave të vendeve të tjera në rajon si Kosova dhe Kroacia

në rishikimin me sy kritik të dokumenteve ekzistuese (strategji dhe plan veprimi)

konkluzionet e vetë studiuesve dhe eksperteve në këtë studim

REKOMANDIMI 1 - Zhvillimi i një strategjie të plotë dhe të mirëfilltë për policimin në

komunitet, e mbështetur nga një plan veprimi konkret që përfshin:

të dhëna bazë për t’u nisur si referencë për ndërhyrjet (baseline),

synime dhe objektiva konkrete dhe të matshme

përgjegjësi konkrete nga institucionet si në nivel qendror ashtu dhe lokal,

afate konkrete kohore

buxhet për të mbështetur veprimet

mjete verifikimi dhe procese monitorimi për të treguar se si do të monitorohen dhe

maten rezultatet

Planet e veprimit në nivel qarku të jenë kapituj të planit të integruar dhe planet e veprimit

të njësive dhe departamenteve të jenë të lidhura respektivisht.

REKOMANDIMI II – Zhvillimi i një strategjie të menaxhimit dhe zbatimit të ndryshimit

mbi reformat në polici, për një polici me qasje të re ku reforma është pjesë natyrale e

përpjekjeve të brendshme të vetë policisë.

PSH duhet të rishikojë sistemin e rekrutimit, performancës, trajnimin dhe kualifikimet, sistemin

e komunikimit dhe sistemet e shpërblimeve të cilat duhet të reflektojnë më së miri policimin e

orientuar në komunitet.

Kjo mund të bëhet me zbatimin e disa hapave konkrete si:


Krijimi i një sistemi komunikimi të brendshëm me të gjitha institucionet dhe njësitë e

policisë për t’i informuar ata mbi procesin; për t’i përfshirë duke diskutuar pjesë të

ndryshme të strategjisë dhe plan veprimit dhe për të marrë mendimet e tyre dhe

eksperienca sidomos të punonjësve në terren.

Duhet kryer një sistem vlerësimi i të gjithë policëve për të matur nivelin e njohurive

dhe formave të të sjellurit sipas filozofisë së policimit në komunitet.

Krijimi i kapaciteteve në polici me qasjen e policimit në komunitet: Kjo mund të

bëhet duke:

futur në kriteret e rekrutimit të punonjësve të rinj aftësitë për policimin në

komunitet

duke ngritur një sistem trajnimi të fokusuar ndaj policit në komunitet

Futja e kritereve të Policimit në komunitet në sistemin e vlerësimit, matjes së

performancës (si në nivel individual ashtu dhe në nivel njësie) dhe në sistemin e

shpërblimeve individuale.

REKOMANDIMI III - Kryerja e një strategjie dhe plan-veprimi për përfshirjen dhe

bashkëveprimin me komunitetin si pjesëmarrës, kontribues dhe përfitues i Policimit në

komunitet.

Për këtë, në plan veprimin duhet të përfshihen masa të tilla si:

Konsultimi me komunitetin që në fazën e ngritjes së strategjisë së re të policimit në

komunitet nëpërmjet strukturave të ndryshme ekzistuese

Socializimi dhe komunikimi i konceptit të policimit në komunitet në nivel lokal/

komunitar.

Policimi në komunitet si një model pune i punonjësve të policisë. Për të patur këtë qasje

nuk mjafton mirësjellja e policit, por nevojitet mbështetje nga strukturat pritëse në

komisariatet e Policisë, të cilat duhet të reflektojnë qytetari dhe standard të lartë shërbimi.

Përmirësimi i Partneritetit me Publikun e Gjerë

REKOMANDIMI IV - Kryerja dhe zbatimi i një sistemi të detajuar (periodik) të matjes së

performancës dhe perceptimeve mbi punën e policisë, nga forume të ndryshme të komuniteti

dhe shoqërisë civile (përfshirë mediat).

Të dhënat duhet të jenë të disagreguara në sa më shumë detaje për të adresuar çështje që vijnë

nga grupime të ndryshme demografike si: gjinia, mosha, rajoni, statusi i arsimit, etnia, etj.

REKOMANDIMI V - Formulimi dhe zbatimi i një strategjie të re komunikimi

Strategjia e re e komunikimit duhet të përfshijë forma të reja të Komunikimit si me komunitetin e

gjerë ashtu dhe me palët e tjera të shoqërisë me anë të një qasjeje të re komunikimi (mediat,


bizneset, shkollat, viktimat e krimit, viktimat e dhunës, komunitetet e ndryshme të prekura nga

çështje të rendit apo sigurisë përfshirë këtu viktimat e gjakmarrjes, komunitetet Rome dhe

Egjiptiane, komunitetin LGBT, drejtuesit e automjeteve etj).

Të përmirësohet imazhi publik i policisë duke përforcuar marrëdhëniet me komunitetin, duke

vënë theksin në aspektet pozitive, gatishmërinë dhe shërbimet që Policia e Shtetit ofron për

komunitetin në përgjithësi dhe për rastet e dhunës në familje në veçanti. Gjithashtu, të

përforcohet profesionalizmi, paanshmëria dhe zbatimi i etikës nga punonjësit e saj.

• Zhvillim i një lidhjeje (link) brenda faqes së internetit të Policisë së Shtetit që të mund të

ofrojë informacion konkret, të detajuar dhe praktik; këshilla mbi dhunën në familje; të prezantojë

rolin e policisë dhe informacione të tjera të nevojshme rreth shërbimeve në dispozicion të

komunitetit. Kjo e fundit, duke pasur në fokus target-grupin e të rinjve, si përdorues kryesor të

internetit gjithashtu edhe si përcjellës shumë të mirë të informacionit.

• Organizim i aktiviteteve brenda ambienteve të komisariateve të policisë, ku komuniteti dhe

përfaqësues të institucioneve e organizatave të ndryshme që punojnë në këtë fushë të

prezantohen me rolin, risitë dhe arritjet e policisë.

REKOMANDIMI VI - Përmirësimi i bashkëpunimit dhe bashkërendimit të punëve

ndërinstitucionale

Në kuadrin e strategjisë së re të policimit në komunitet, potenciali i këtij bashkëpunimi duhet

parë në 2 (dy) linja veprimi:

- të ngacmohet interesi i partnerëve shtetërorë për forma të reja bashkëpunimi me policinë;

- të formalizohet ligjërisht detyrimi i partnerëve shtetërorë për t’u përfshirë aktivisht në proceset

e rëndësishme të planifikimit dhe monitorimit të policimit në komunitet.

Gjithashtu rekomandohet ngritja e një komiteti koordinues për policimin në komunitet, sipas

modelit të krijuar nga Vendimi i Këshillit të Ministrave nr. 334, datë 07.02.2011 “Për

Mekanizmin e Bashkërendimit të Punës për Referimin e Rasteve të Dhunës në Marrëdhëniet

Familjare dhe Mënyrën e Procedimit të tij”.

Një formë tjetër bashkëpunimi mund të konsiderohet dhe organizimi në mënyrë sistematike i

trajnimeve të përbashkëta me punonjës të institucioneve të ndryshme që merren me çështje

ndërinstitucionale të fokusuara tek ndryshimet ligjore, strukturat e reja etj., çka do të sillte edhe

rritje të ndërgjegjësimit për rolin e gjithsecilit, kuptimin e pikëpamjeve dhe shqetësimeve

përkatëse si dhe forcimin e marrëdhënieve ndërinstitucionale.


REKOMANDIMI VII - Për përmirësimin e bashkëpunimit mes policisë dhe partnerëve të

shoqërisë civile

-Policia e Shtetit duhet të jetë aktive në kërkimin dhe zbatimin e formave praktike të

ndërveprimit me OSHC-të;

- Policia e Shtetit duhet të krijojë sisteme si psh. marrëveshje dhe memorandume bashkëpunimi

të lidhura me detyra dhe objektiva konkrete nga secila palë dhe të krijojë sisteme të matjes së

performances dhe raportimit periodik;

- Çdo drejtori e policisë në qark duhet të ndërtojë një databazë të plotë me emrat, adresat dhe

pikat e kontaktit të organizatave jo qeveritare aktive në fusha të tilla si dhuna në familje, të

drejtat e grave, të drejtat e të miturve, trafiqet, gjakmarrja etj. Konsultimi i këtyre subjekteve të

bëhet sipas një kalendari të mirëpërcaktuar vjetor dhe në mënyrë publike;

- Çdo drejtori e policisë në qark duhet të zhvillojë këshillime të thjeshta e periodike me

përfaqësues të biznesit në qark;

-Policia duhet të raportojë periodikisht dhe publikisht për ecurinë në zbatimin e

memorandumeve.

REKOMANDIMI VIII - Për përmirësimin e infrastrukturës dhe kushteve të punës të

policisë

Për arsye së ka dokumente të tjerë strategjik me rekomandime specifike të disponueshme nga

MPB dhe PSH nuk duam të sjellim ndonjë rekomandim specifik në këtë kuadër.

Gjithsesi do të donim që MPB dhe Policia të përfshinte në strategjinë e re dhe plan veprimin për

policimin në komunitet në mënyrë të integruar masat, progresin dhe arritjet në lidhje me

përmirësimin e ambienteve dhe infrastrukturës, pajisjet, trajtimin financiar si dhe masat për

riorganizimin dhe funksionimin e strukturave të PSH.

II. METODOLOGJIA

Ky studim bazohet në të dhëna të mbledhura nëpërmjet një kombinimi të qasjeve kërkimore

sasiore dhe atyre cilësore si dhe rishikimit të dokumenteve dhe studimeve me vlerë për qëllimin

e raportit. Më poshtë jepet një përshkrim i shkurtër për secilën metodologji.

Si bazë për gjetjet dhe rekomandimet janë përdorur proceset hulumtuese të kryera nga dy

institucionet (ICLA & IDRA) gjatë muajve Mars-Prill 2014.

Studimi sjell fakte të dhënash të mbledhura nga studime të tjera kryera gjatë vitit 2013-2014 për

dy arsye a) gjetjet dhe rekomandimet janë akoma relevante për situatën e performancës së


policisë dhe perceptimit të qytetarëve b) nuk ekzistojnë studime të tjera më të vona me tematikat

specifike që këto studime mbulojnë.

Perceptimet e paraqitura në raport na sjellin një “Fotografi” të opinionit të grupeve të anketuara

të cilat janë të vlefshme për periudhën Mars-Prill 2014. Duke qenë se perceptimi është një proces

dinamik dhe mund të ndryshojë nga një moment në tjetrin nga faktorë të brendshëm dhe të

jashtëm, gjetjet e këtij raporti duhet të lexohen në këtë kontekst dhe jo si një vlerësim i mirëfilltë

i performancës së PSH si përfaqësues në nivel kombëtar. Gjithashtu duhet patur parasysh që

anketimet mbi perceptimet sjellin opinione dhe jo fakte bazuar në të dhëna metodike.

Megjithëse këto perceptime nuk përfaqësojnë realitetin e gjerë dhe nuk kanë një saktësi

metodologjike, mbeten të rëndësishme për të treguar se çfarë mendojnë dhe besojnë njerëzit,

grupet dhe institucionet e anketuara në lidhje me sigurinë dhe besimin e tyre në institucionin e

PSH-së.

Gjithashtu ky studim bazë, bën të mundur vendosjen e një pikënisjeje për një sërë treguesish të

opinionit publik në lidhje me sigurinë dhe performancën e policisë, të cilët mund të përdoren për

të monitoruar progresin dhe arritjen e qëllimeve të MPB dhe të Policisë së Shtetit gjatë zbatimit

të strategjisë së re dhe planeve të veprimit në vitet e ardhshme.

Në strukturimin e procesit për gjetjet dhe rekomandimet, ekipi i studimit formuloi një skemë

bazuar në logjikën e mëposhtme:


A. Në qendër, 2 kutitë e blerta i korrespondojnë objektivave themelore të Policisë së Shtetit

A.1. Partneriteti me komunitetin, përfshin ndërveprimin ndërmjet policisë dhe anëtarëve të

komunitetit, siç janë: organizatat e komunitetit; individët anëtarë të komunitetit; viktimat e

krimit; njerëzit me ndërveprime kufitare; komunitete të margjinalizuara si romët dhe egjiptianët;

komunitete të diskriminuara si LGBT, bizneset etj.

A.2. Transformimi organizativ-operacional, i cili i referohet ndryshimeve të brendshme të

strategjive të menaxhimit të PSH si organizatë; strukturës organizative; vendimeve të personelit

duke përfshirë menaxhimin e performancës, kapacitetet e policisë, sistemet teknike, pajisjet dhe

mjetet e tjera për të lehtësuar policimin në komunitet.

B. Në krye të grafikut, kutia me ngjyrë kafe korrespondon me mjedisin strategjik

B.1. Zhvillimi i politikave dhe i strategjisë duhet të konsiderohen në përputhje me:

-Strategjinë për Zhvillimin e Policisë së Shtetit e mbështetur nga MPB.


-Prioritetet e vendosura në Strategjinë Kombëtare për Zhvillim dhe Integrim së bashku me

strategjitë respektive të ministrive të linjave ose institucioneve të tjera qeveritare (psh Ministria e

Shëndetësisë, Ministria e Mirëqenies Sociale (drejtoria e migracionit, drejtoria e shanseve të

barabarta, etj), Zyra e prokurorit, Ministria e Drejtësisë, Zyra e Avokatit të Popullit, Ministria e

Arsimit (drejtoritë arsimore rajonale, apo shkolla) etj

Prioritetet e përcaktuara në plan-veprimin për pranimin në BE (përafrimin me politikat dhe

strategjitë e policisë të BE-së).

B.2. Përmirësimi i Legjislacionit: nevojat e përgjithshme dhe të veçanta që janë identifikuar në

këtë fushë në lidhje me legjislacionin specifik, aktet normative të MPB dhe të PSH si dhe ato që i

përkasin Ministrive të linjës që ndërveprojnë me PSH.

C. Krahu i majtë me ngjyrë bojë qielli paraqet objektivat kryesorë për sukses të PSH.

D. Në krah të djathtë skema lidhet me veprimet dhe llogaridhënien (aktorët dhe përfituesit)

Të tre qarqet përfaqësojnë grupet e interesit, ata të cilët kanë diçka për të thënë dhe të cilët

konsiderohen si përgjegjës në arritjen e objektivave dhe qëllimeve në nivelin më të lartë të

mundshëm të performancës.

Skema e mësipërme na orienton dhe na udhëzon në dhënien e rekomandimeve të politikave

që duhet të kryhen nga PSH dhe MPB të paraqitura në këtë raport, ndërsa gjetjet u

bazuan në informacione të përftuara nga metodat e përshkruara në vijim.

A) Analiza e dokumenteve dhe raporteve të publikuara Procesi i inventarizimit të studimeve të mëparshme përcaktoi kontekstin kundrejt të cilit u

zhvillua vlerësimi. Studimi i dokumenteve në mes të tjerash përfshiu: analizën e studimeve dhe

raporteve të ndryshme të kohëve të fundit të prodhuara nga shoqëria civile me mbështetjen e

SACP; dokumente zyrtarë si strategji dhe plan-veprime në lidhje me Policinë dhe Policimin në

komunitet; dokumente dhe studime të tjera ndërkombëtare që na sjellin eksperienca me vlerë për

rekomandimet; si dhe raporte dhe rekomandime të institucioneve të huaja në Shqipëri dhe

institucioneve vendase që mbështesin PSH-në. Një përmbledhje e këtyre dokumenteve gjendet

në seksionin e Bibliografisë.

B) Anketimi Anketimet u kryen në Mars 2014 me metodën e përzgjedhjes rastësore të kampionit.

Anketimi me viktima të krimit

Janë realizuar 179 intervista në 6 rrethe (Tiranë, Shkodër, Korçë, Fier, Lushnje, Lezhë)

Anketimi i personave që kanë pasur përvoja me policinë e trafikut rrugor


Janë intervistuar 300 drejtues automjetesh në 12 qarqe në zona urbane (qytete), të cilët

kanë drejtuar automjetin 4 herë në javë ose më shpesh në muajin e fundit. Intervistat janë

kryer gjatë muajit Mars 2014. Rreth 78% e të anketuarve përbehen nga drejtues auto-

veturash (jo taksi)

Anketimi me persona që kanë telefonuar tek 129 për të kërkuar ndihmën e policisë

Studimi përbëhet nga 300 intervista (telefonata1) me persona që kanë kontaktuar numrin e

policisë (129) për të trajtuar çështjet e tyre gjatë tremujorit të parë të vitit 2014. Numrat

janë përzgjedhur në mënyrë rastësore në bazë të një metodologjie ku përfshihen të tre

muajt e fillim vitit. Intervistat janë kryer gjatë muajit Mars 2013.

Anketimi me persona që kalojnë nëpër pikat e kontrollit kufitar dhe që kanë pasur

ndërveprim me stafin e Policisë së Shtetit gjatë 12 muajve të fundit. Studimi përbëhet

nga 305 intervista me persona që kanë udhëtuar nëpër pikat kufitare gjatë tremujorit të

parë të vitit 2014. Studimi ka përfshirë shtetas shqiptar dhe të huaj (raporti~2:1). Pikat

kufitare në të cilat janë kryer intervistat janë: Aeroporti Rinas; Porti Detar Durrës;

Kakavijë; Muriqan; Qafë Thanë. Intervistat janë kryer gjatë muajit Mars 2013.

C) Fokus Grupe Gjatë Muajit Mars 2014 u realizuan shtatë fokus-grupe me 8 pjesëmarrës në secilin grup (gjithsej

56 pjesëmarrës) me këto karakteristika:

- Popullatë e përgjithshme; Grup-mosha 18-56 vjeç

- Të rinj; Grup-mosha 18-24 vjeç

- Popullatë e përgjithshme (Kamzë- Bathore); Grup-mosha 18-56 vjeç

- Të rinj (Zona rurale); Grup-mosha 18-24 vjeç

- Mësues/Prindër; Grup-mosha 18-56 vjeç

- Popullsi Rome/Egjiptian; Grup-mosha 18-56 vjeç

- Popullsi zona rurale Tiranë (Popullatë e përgjithshme); Grup-mosha 25-56 vjeç

D) Intervista gjysmë të strukturuara

Intervistat gjysmë të strukturuara u përdorën si një metodë cilësore e hulumtimit që kombinon

një grup të paracaktuar të pyetjeve të hapura (pyetjet që nxisin një diskutim të shpejtë) me

mundësi për intervistuesit për të eksploruar më tej tema të veçanta apo përgjigje.

64 përfaqësues të Institucioneve publike dhe jo publike dhe 28 përfaqësues të mediave u pyetën

përmes metodologjisë së Intervistave gjysmë të strukturuara, për të kuptuar më tepër se si është

perceptimi për punën aktuale të PSH-së, çfarë mund të përmirësohet nga ana e operacionale e

1 Të gjitha telefonatat që janë kryer kanë qenë drejt numrave celuluar pasi në regjistrat e policisë gati të gjithë

numrat ishin celular për arsye se sistemi i telefonave nëpër komisariate nuk regjistronte numra fiks.


PSH-së ashtu dhe në kuadrin e përgjithshëm të politikave në lidhje me çështjet e Policimit në

Komunitet.

Institucionet jo publike përfshijnë përfaqësues të Shoqërisë Civile, OJQ (lokale dhe qendrore),

Donatorë dhe Biznese nga qytete dhe komuna të 10 rretheve (Tiranë, Durrës, Shkodër, Elbasan,

Dibër, Gjirokastër, Fier, Sarandë, Vlorë dhe Korçë). Institucionet publike përfshijnë përfaqësues

të pushtetit lokal dhe qëndror në 10 rrethet e sipërpërmendura të tilla si:

Ministri linje

Drejtori të qarkullimit rrugor

Kryetar komunash

Kryeplak

Drejtori Rajonale Arsimore

Spitale rajonale

Shkolla të mesme

Bashki

Prefektura

Prokurori

Drejtori rajonale spitalore

Drejtori rajonale të shërbimit social

Njësi për mbrojtjen e familjes

Komisioner për të drejtat e njeriut

Zyra e avokatit të popullit

Drejtori e koordinimit dhe zhvillimit në qarqe

Zyra të gjendjes civile

Njësi për të drejtat e fëmijëve

Tërësia e pikëpamjeve të dhëna gjatë takimeve; reflektimet mbi studimet e pavarura të kryera

gjatë vitit 2013; rekomandimet e nxjerra nga procesi i inventarizimit të dokumenteve ekzistuese;

gjetjet nga vlerësimet e kryera përgjatë muajve Mars–Prill 2014 në kategori të ndryshme të

qytetarëve me metoda sasiore dhe bazuar në përzgjedhjet rastësore (viktima të krimit, shoferët,

ata që kërkojnë ndihmën e policisë, personat që kalojnë pikat e kontrollit kufitar); gjetjet nga

vlerësimet e kryera përgjatë muajve Mars-Prill 2014 bazuar në studime cilësore me përfaqësues

të shoqërisë civile, institucioneve publike në nivel lokal/qëndror dhe informatorë të tjerë të

rëndësishëm, përfshirë organizata donatore dhe ndërkombëtare (intervista gjysmë të

strukturuara); fokus grupet me target grupe të ndryshme si dhe takimet me përfaqësues të

mediave (televizive dhe të shkruara), na ofrojnë një kuptim më të mirë të shqetësimeve


komplekse të shqiptarëve si dhe të sfidave që Qeveria dhe PSH përballet në përmirësimin e

punës së policisë në terren si dhe në adresimin në mënyrë efektive të çështjeve të sigurisë të

qytetarëve.


III. GJETJET

A. PERCEPTIMI MBI PUNËN E POLICISË

Rezultate të vlerësimit dhe perceptimit ndaj punës së policisë në terren të marra nga grupe të

ndryshme dhe specifike të cilat ndërveprojnë me policinë në nivele dhe frekuenca të ndryshme.

Policimi në komunitet është një filozofi dhe një strategji organizative që e lejon policinë dhe

komunitetin lokal të punojnë së bashku në gjetjen e mënyrave të reja për të zgjidhur problemet e

rendit dhe qetësisë në komunitet, duke ofruar kontribut në reduktimin e krimeve dhe frikës nga

krimi dhe duke përmirësuar kushtet e jetesës në një komunitet të përbashkët.

Perceptimet e paraqitura më poshtë në raport na sjellin një “Fotografi” të opinionit të grupeve të

anketuara me metodologji të ndryshme të cilat janë të vlefshme për periudhën Mars -Prill 2014.

Perceptimet janë mbledhur me anë të intervistave të drejtpërdrejta me individë të veçantë,

përfaqësues të institucioneve të ndryshme; me anë të fokus grupeve dhe me anë të anketimeve.

Në këtë seksion kemi sjellë dhe disa gjetje nga studimi i ICLAs, i kryer në Nëntor 2013 në 10

zona pilot të 5 qyteteve të Shqipërisë. Duke qenë se perceptimi është një proces dinamik dhe

mund të ndryshojë nga një moment në tjetrin nga faktorë të brendshëm dhe të jashtëm, gjetjet e

këtij raporti duhet të lexohen në këtë kontekst dhe jo si një vlerësim i mirëfilltë i performancës së

policisë së shtetit që është përfaqësues në nivel kombëtar.

A.1. Raporti ICLA-s 2014 - intervista gjysmë të strukturuara me

përfaqësues të institucioneve të ndryshme

Gjatë muajve Mars-Prill 2014 (64 përfaqësues të institucioneve publike dhe jo publike përmes

intervistave gjysmë të strukturuara shprehën perceptimin e tyre në lidhje me ecurinë aktuale të

PSH dhe shprehën mendime mbi atë që mund të përmirësohet në performancën e PSH.

A.1.1. Ndjenja e përgjithshme:

Rreth (56.2%) e institucioneve publike janë përgjigjur se kanë marrëdhënie interaktive me

Policinë e Shtetit, (19%) kanë marrëdhënie mbështetëse dhe (14.5%) kanë marrëdhënie të

përfituese.

Marrëdhëniet interaktive të institucioneve publike me Policinë e Shtetit shtrihen në nivel lokal

dhe kombëtar dhe ka pësuar rritje bashkëpunimi institucional ndërmjet tyre. Disa prej të

anketuarve vlerësuan si një bashkëpunim të veçantë punën me inspektorët e policisë në terren për

çështje që lidhen me viktima të dhunës apo krimit.


Marrëdhënie të mira dhe ndërvepruese ekzistojnë dhe në mes të përfaqësuesve të shoqërisë civile

dhe Policisë së Shtetit; (57%) prej tyre u shprehen se bashkëpunimi është zhvilluar dhe

përmirësuar në fusha të ndryshme, në mënyrë të veçantë në iniciativat e përbashkëta të interesave

të komunitetit apo policimit në shkolla.

A.1.2. Perceptimi mbi Performancën e PSH në 4 muajt e fundit (Janar-Prill 2014)

Të intervistuarit iu përgjigjën pyetjes: “Si e vlerësoni rolin dhe performancën e PSH gjatë 4

muajve të fundit ?”

(46%) e institucioneve publike mendojnë se perfomanca e PSH është përmirësuar.

“Dukshëm më mirë” (Institucion qendror, Tiranë)

“Situata është përmirësuar. Gatishmëria dhe përgjigja nga ana e Policisë ka qenë shumë më e

mirë dhe në një kohë më të shpejtë.” (Institucion qendror, Korçë)

“Puna e katër muajve të fundit është e kënaqshme në krahasim më një vit më parë dhe

shpresojmë që çdo gjë të shkojë edhe më mirë.” (Institucion shëndetësor, Gjirokastër)

(50%) e Institucioneve jo publike janë shprehur se situata është përmirësuar krahasuar me të

njëjtën periudhë një vit më parë.

Ekziston perceptimi se ka një rritje në performancën e PSH; Policia e Shtetit po reagon më shpejt

ndaj rasteve emergjente dhe është më e pranishme në komunitet.

“Perfomanca është në rritje. Vëmë re etikë profesionale ndërmjet personave të policisë me të

cilët kemi bashkëpunuar dhe po bashkëpunojmë.” (Institucion jo publik, Elbasan)

“Policia shpesh është parë si një zbatuese e fortë e ligjit, që ka gjithmonë të drejtë, që nuk duhet

kundërshtuar por siç shihet një vizion i ri po shfaqet. Punonjësi i policisë po shihet më shumë si

një kontribues për qetësinë në komunitet. (Shoqëri civile, Tiranë)

(12.5%) e institucioneve jopublike përgjigjen se situata është e njëjtë ose e përkeqësuar

“Përveç disa proceseve të shpejta në strukturë, nuk vë re ndryshime në sjelljen e policëve në

terren. Nevojitet një ndryshim i fortë në qasje dhe sjellje si nga policët në terren ashtu dhe nga

supervizorët e tyre”. (Përfaqësues, Organizatë Ndërkombëtare)


“Jo të mirë, ka pasur shumë zëvendësime partiake. Stanjacon pune (policia nuk është efektive në

zonat rurale).”(Biznes, Peshkopi)

“Si raport, bashkëpunimi ndërmjet nesh dhe policisë vazhdon po njësoj.” (Biznes, Durrës)

Në mendimet pozitive rreth performancës së PSH, të dy grupimet (Institucione publike dhe jo

publike) nisen nga perceptime të tilla si:

Rendi dhe siguria kanë ndryshuar për mirë

Është rritur numri i punonjësve të policisë në patrulla në komunitet dhe është rritur

gatishmëria e tyre

A.1.3. Fushat për përmirësim

(25%) e institucioneve publike shprehen mbi nevojën për rritjen e profesionalizmit në çështjet që

lidhen me sigurinë.

(7%) e institucioneve jo publike mendojnë se Policia e Shtetit duhet të tregojë më shumë

profesionalizëm në marrëdhëniet me ta.

(14%) e përfaqësuesve të shoqërisë civile shprehen se Policia e Shtetit duhet të tregojnë më

shumë profesionalizëm në qasjet etike me qytetarët.

(22%) e institucioneve publike deklarojnë se efikasiteti dhe përgjigja në kohë janë elemente që

duhen përmirësuar në lidhje me mbështetjen që Policia e Shtetit i siguron atyre si institucione.

(14.5%) e institucioneve publike kërkojnë një punë më të mirë të Policisë së Shtetit për sigurinë

dhe parandalimin e krimit sidomos me institucionet shkollore në vend.

(4%) e institucioneve publike kanë ngritur problemin e zëvendësimit të profesionistëve dhe

individëve me përvojë të gjatë në rradhët e Policisë së Shtetit, me individë të sapoardhur në

shërbimin policor, në bazë të përkatësive të tyre politike me partinë në qeveri.

(30%) e institucioneve publike u shprehën se pavarësia politike kryesisht në procesin e rekrutimit

mbetet një nga fushat më të rëndësishme për përmirësim.


(21.4%) e institucioneve jopublike shohin nevojën për depolitizimin e Policisë së Shtetit, duke

respektuar ligjin në mënyrë të barabartë dhe duke eliminuar korrupsionin.

(7%) e institucioneve jo publike shohin si nevojë për ndryshim përmirësimin e profesionalizmit

lidhur me edukimin e përshtatshëm të policisë dhe formimin profesional të përditësuar.

(22%) e institucioneve jo publike shprehin nevojën për një qasje të ndryshme të Policisë së

Shtetit në policimin në komunitet (të jetë më e pranishme dhe më pranë komunitetit, të

përmirësojnë komunikimin me komunitetin, qytetarët dhe koordinim me OSHC-të në nivele të

ndryshme të komunitetit ose grupe të veçanta dhe në fusha të ndryshme ku ka nevojë.

(6%) e institucioneve publike shprehen se qeveria shqiptare duhet të sigurojë kushte më të mira

të punës dhe pajisjeve (përfshirë rritjen e pagës, pajisje logjistike) të nevojshme për PSH për të

përmbushur detyrat në komunitet.

(7%) e institucioneve jopublike kanë deklaruar se qeveria shqiptare duhet t’i garantojë PSH-së

më shumë mbështetje institucionale, financiare dhe teknologji të përditësuar.

Përfaqësuesit e të dy grupimeve (publike dhe jo publike) vunë në dukje në mënyrë të veçantë

nevojën për një mentalitet të ndryshëm në qasjen e Policisë dhe qëndrimin ndaj policimit në

komunitet për t'i shërbyer dhe qenë pranë qytetarëve.

A.2. Studimi mbi Policinë e Shtetit, Fokus-grupe, IDRA 2014

A.2.1. Ndjesi të përgjithshme:

Shumica e pjesëmarrësve në Fokus Grupe besojnë se situata e rendit dhe sigurisë në Shqipëri

është në përmirësim e sipër. Pjesëmarrësit vlerësojnë faktin se Policia e Shtetit tashmë po bën

detyrën si duhet.

“Pak a shumë jam e mendimit se kemi një përmirësim të dukshëm për sa i përket mbrojtjes dhe

rendit policor në Shqipëri. Unë me sa shoh cdo ditë, kudo që ecën, ka gatishmëri policore në

rrugë dhe në institucione. Kemi probleme që sjellin kriminalitetin në rritje dhe është e nevojshme

që të ketë kaq shumë policë që të jenë të dukshëm dhe të ketë ndikim të kriminelët”(Popullatë e

përgjithshme, Tiranë)


Riorganizimi i brendshëm i Ministrisë së Punëve të Brendshme si dhe i Policisë së Shtetit, shihet

nga pjesëmarrësit si një nga arsyet kryesore për përmirësimin e gjendjes së rendit publik gjatë

muajve të fundit. Disa pjesëmarrës gjithashtu vlerësojnë përfshirjen personale të Ministrit të

Brendshëm në iniciativat më të rëndësishme të ndërmarra nga policia.

“A ka ndonjë person ose instancë që është përgjegjëse për këtë përmirësim? -Organizimi i

Ministrisë së Brendshme (Popullatë e përgjithshme, Tiranë)

“E shoh pozitiv faktin që ministri del në terren dhe bëhet njësh me policët, pasi i sheh gjërat nga

afër, jo si një ministër që mban karrigen e vet dhe thjesht i merr informacionet nga të tjerët.

(Popullatë e përgjithshme, Tiranë)

Pjesëmarrësit nga zonat rurale dhe periferike, shprehin shqetësimin e tyre mbi faktin se patrullat

e policisë shihen shumë rrallë në zonat ku ata jetojnë. Shumica beson se patrullat e policisë

gjenden kryesisht më afër qendrës dhe kanë një prezencë minimale në periferi.

“Zonat rurale janë zero nga siguria. E gjithë policia i ka kthyer sytë nga kryeqyteti.” (Popullatë

e përgjithshme, Rurale)

“Patrulla???? Nuk ka, nuk ekzistojnë. Rrallë ndonjëherë mund të shohim, u bë mbi 12 vjet që

unë rri në Shkozë” (Popullatë e përgjithshme, Rurale)

Shumica e pjesëmarrësve besojnë së situata është përmirësuar në lidhje me komunikimin e

oficerëve të policisë me qytetarët. Sipas tyre, momentalisht, shumica e oficerëve të policisë sillen

në mënyrë profesionale kur kontaktojnë me publikun. Gjithashtu vlerësohet dhe përfshirja e

femrave të cilat kanë një komunikim profesional me qytetarët.

“Diçka që ka ndryshuar është se komunikimi i oficereve të policisë me qytetarët është

përmirësuar.” (Të rinj, Tiranë)

“Kanë një mënyrë vërtet të mirë të komunikimit me qytetarët. Përfshirja e femrave në polici

është gjithashtu pozitive”. (Të rinj, Tiranë)

Përfaqësues të komunitetit Rom dhe Egjiptian, pjesëmarrës në fokus grup, vazhdojnë të kenë

një ndjesi jo të mirë ndaj punës së policisë.

Pjesëmarrësit ndihen të diskriminuar dhe mendojnë se Policia e Shtetit sillet në mënyrë jo të

përshtatshme me pjesëtaret e komuniteteve të ndryshme. Gjithashtu, pjesëmarrësit mendojnë se

policia nuk bën punën e duhur për arsye se nuk ju vjen në ndihmë anëtarëve të komunitetit në

raste nevoje.


” Nuk e di për të tjerët çfarë ka ndodhur, unë flas për veten time. Shtet nuk ka fare sepse po

hedhin valle dhe po tallen me ne. Ndoshta jemi një shtresë pak më e ulët. Jo, çfarë kanë të tjerët

më shumë se ne?”

“Ndodh shpesh që nuk vjen policia? Këto raste mua më kanë ndodhur shpesh. Ndoshta ngaqë

jemi ne një shtrese e diskriminuar dhe nuk i vënë rëndësi”

Rritja e numrit të vjedhjeve është gjithashtu një shqetësim i shprehur nga pjesëmarrësit në

diskutim.

Megjithatë, pjesëmarrësit e shohin situatën e trafikut rrugor në Shqipëri në përmirësim e sipër në

muajt e fundit. Numri i aksidenteve perceptohet si më i ulët nga pjesëmarrësit, kryesisht për

shkak edhe të ndërhyrjeve në sinjalistikë.

” Ka pak ndryshim. Të ndalojnë makinën nëse ke thyer rregullat e qarkullimit dhe të venë gjobat.

Dhe në qofte se e parkon keq ta marrin me karrotrec dhe ta dërgojnë të pikat e bllokimit.”

” Më përpara mungonte sinjalistika por tani është vënë rregull. Sinjalistika ka qenë por ka

filluar të zbatohet me përpikmëri nga shoferet”

A.2.2. Perceptimi

Punësimi i rekrutëve të rinj në Policinë e Shtetit mbështetet nga shumica e pjesëmarrësve në

Fokus Grupe. Ata besojnë se përfshirja e policëve të rinj ka sjellë një përmirësim të

konsiderueshëm të komunikimit midis oficerëve të policisë dhe publikut.

“Ka ndonjë ndryshim në komunikim midis atyre të vjetërve dhe të rinjve? Po ka, të rinjtë janë më

të disiplinuar, sillen mirë dhe flasin më shtruar. Kurse të vjetërit sillen si “ xhandarë”.

(Popullata Rurale)

Gjithashtu, shumica e pjesëmarrësve mendon se numri i femrave në Policinë e Shtetit është rritur

në mënyrë të konsiderueshme. Pothuajse të gjithë pjesëmarrësit në Fokus Grupe, veçanërisht

femrat, mbështesin numrin në rritje të policeve femra në Policinë e Shtetit.

“Është më mirë që kanë punësuar më shumë femra sepse femrat janë më të komunikueshme”(Të

rinj, Rural)

“Unë jam për seksin femër që të punojë në polici sepse si dhe në vendet e huaja jashtë

Shqipërisë shikojmë që puna dhe përkushtimi i femrës është më i madh sesa i mashkullit qoftë

dhe për sa i përket korrupsionit”. (Të rinj, Tiranë)


Puna e bërë nga Policia në shkolla vlerësohet maksimalisht nga shumica e pjesëmarrësve

(veçanërisht nga mësuesit). Policia e Shtetit shihet si mjaft aktive në komunikimin me

komunitetin në shkolla, duke u përfshirë në leksione të përbashkëta, si dhe duke zbatuar fushata

për trafikun me pjesëmarrjen e nxënësve.

- Ne kemi bërë gjithmonë projekte me policinë, me video projektor në shkolla. Kanë ardhur në

përgjithësi femra police, edhe vjet kanë qenë. (Mësues /Prindër, Tiranë)

- Sivjet policia ka ardhur edhe për edukim të qarkullimit rrugor që të udhëzojnë nxënësit sesi të

kalojnë rrugën etj. (Mësues/Prindër, Tiranë)

-Tek shkolla jonë ka ardhur vetë drejtori i policisë. Ishte pozitive se ndodhej aty dhe vetë

komuniteti. Aty kishte prindër nga vetë bordi i shkollës sonë, kishte drejtues të shkollës, mësues

si edhe drejtues të kopshteve. U trajtuan probleme nga më të ndryshmet. (Mësues, Prindër)

Ka një perceptim të një numri të konsiderueshëm të pjesëmarrësve se ndoshta është shumë herët

për të vlerësuar punën e bërë nga forcat e policisë. Ata mendojnë se momentalisht nuk ka

rezultate konkrete në terren, pavarësisht faktit se janë paraqitur shumë ndryshime në policinë e

shtetit. Gjithashtu, pjesëmarrësit mendojnë se numri i patrullave të policisë në qytet është rritur

në mënyrë të konsiderueshme në 3- 4 muajt e fundit.

” Janë shtuar sidomos ketë periudhe edhe ne patrullat e policisë rrugore.” (Të rinj, Tiranë)

” Në patrullim më shumë polica” (Të rinj, Tiranë)

Performanca e policisë së shtetit në lidhje me konfiskimin e drogave të jashtëligjshme, dhe

arrestimin e kriminelëve shihet si e suksesshme. Pjesëmarrësit kryesisht vlerësojnë konfiskimet e

drogave të jashtëligjshme në vend.

“Unë mendoj që janë sekuestruar sasi të mëdha droge” (Të rinj, Tiranë)

Një numër i konsiderueshëm i pjesëmarrësve mendon se forcat e policisë duhet të ulin numrin e

oficerëve me uniform në terren. Ata mendojnë se oficerët civil mund të ishin më të përshtatshëm

për të parandaluar krimet.

“Unë nuk kam problem se më hapin problem mua policët, sepse sa herë që më shohin më hapin

rrugën ngaqë e dinë shumë mirë se kush jam. Por kjo prezencë e tepruar sjell pasiguri. Në

momentin që qytetari shikon kaq shumë prezencë në rrugë, ai ndihet i pasigurt.“ (Popullatë e

përgjithshme, Kamzë, Bathore)


Pjesëmarrësit nuk kanë besim të plotë tek policia. Ata mendojnë se duhet bërë shumë punë për

të rritur besimin e publikut tek policia. Disa nga gjërat pjesëmarrësit shprehen se policia duhet të

fokusohet në mënyrë që të rrisë besimin publik janë: nevoja për më shumë patrulla policie në

lagje; gatishmëria për tu përgjigjur kur qytetarët kërkojë ndihmë nga policia si dhe përmirësimi i

komunikimit midis policëve dhe qytetarëve.

- «A keni besim tek policia?- Jo dhe aq shumë. Po korrupsioni po luftohet por nuk besoj

se është zhdukur dhe përderisa nuk është zhdukur akoma por ka momente që polici korruptohet

atëherë nuk kam se si të ndihem e sigurt. Pra mund të jetë zhdukur ajo pjesa që ata të marrin

lekë në momentin që të kapin duke shkelur semaforin apo rregulla të tjera por kjo s’do të thotë

që kjo gjë është zhdukur tërësisht.»(Popullatë e përgjithshme, Tiranë)

-” E thash edhe më parë që kur i kam rënë atij numri që kanë vënë në dispozicion nuk

më është përgjigjur. Bëhet fjalë për katër muaj më parë. Është ideja që po ti biesh nr të policisë

duhet të të përgjigjen. Besoj që kjo është një arsye pse, pastaj për pjesën tjetër, e thashë që për

policinë rrugore jemi në rregull, kontrolle të shumta bëhen apo vendosja e kamerave, ndërsa

totalisht besim të policia nuk kam.” (Popullatë e përgjithshme, Tiranë)

Përfaqësues të komunitetit Rom dhe Egjiptian

Pjesëmarrësit pohojnë se efektivët e policisë sillen në mënyre jo profesionale kundrejt tyre. Për

këtë arsye, besimi tek Policia e Shtetit për këto komunitet është në nivele minimale.

-“ Nuk kam fare besim tek policia. Unë shkoj të polici sepse unë kërkoj një ndihmë dhe ai

është i detyruar të ma japë ndihmën kur unë e kërkoj.”

-” Policia duhet të japë ndihmën e saj të njerëzit që unë të kem besim të ajo”

Perceptimi i përhapur tek pjesëmarrësit është se policia nuk e zbaton ligjin njësoj për të gjithë

qytetarët.

-“të gjithë qytetarët duhet të trajtohen njëlloj nga policia. Policia di vetëm të na kape ne,

të na fusë brenda, të na keqtrajtoje, por ndihmë nuk na jep”

Pjesëmarrësit në diskutime shprehin shqetësimin e tyre për mbajtje të padrejtë dhe të paligjshme

nëpër komisariate të të afërmve apo të njohurve të tyre nga policia. Ushtrimi i dhunës në

komisariate është gjithashtu një problem i madh për pjesëmarrësit.

-” Nuk shikoj asnjë ndryshim. Nuk kam parë asnjë gjë të mirë. Dhe kur i shkon atje i thua

jam gjyshja e X-it, dhe dua të di gjendjen e këtij fëmije, kur e more, si e more, mua si prind pse


nuk më lajmërove? Ata përgjigjen që bëjnë verifikimet. Dhe i godasin fëmijët. Ushtrojnë dhe

dhunë. Nuk është e drejtë kjo”

Disa pjesëmarrës ankohen për faktin se denoncimet e tyre në komisariate nuk merren parasysh

për shkak të diskriminimit racor.

-” Më kishin vjedhur laptopin dhe shkoj për të bërë denoncimin në polici dhe ata nuk më

përfillen fare”

A.2.3. Pritshmëritë

Për sa i përket iniciativave dhe aksioneve të policisë, pjesëmarrësit në fokus grupe përmendin

mbylljen e kazinove të paligjshme, aksionin për ndërtimet pa leje, fushatën kundër shpërthimeve

me tritol, si dhe aksionin kundër furgonave të paliçensuar. Informacionet rreth këtyre aksioneve

pjesëmarrësit i marrin kryesisht nga media.

Në parim, shumica e pjesëmarrësve mbështesin iniciativat e sipërpërmendura, pavarësisht faktit

se disa prej tyre mendojnë se Policia e Shtetit nuk duhet të ishte përfshirë në mënyrë direkte në

këto aksione. Ky grup mendon se policia e shtetit duhet të kishte shërbyer më tepër si një aktor

mbështetës i institucioneve përgjegjëse respektive.

“ Ishte iniciative shumë e mirë ajo e ndërtimeve pa leje. E mirë, sepse një njëri që ka më

shumë tokë se një tjetër pse duhet të ndërtojë ai në bregdet duke privatizuar edhe vendin?! Dhe

për mendimin tim të vazhdojnë të prishen të gjitha ndërtimet pa leje. (Të rinj, Tiranë)

- Edhe heqja e furgonave ishte gjë e mirë. Standardizoi transportin urban si gjithë bota.

(Të rinj, Tiranë)

-“Aksioni kundër kazinove ishte gjë shumë e mirë. Për mua ti mbylli të gjitha. Ishte punë

shumë e mirë.» (Popullatë Rurale)

Shumica e pjesëmarrësve beson se Policia e Shtetit duhet të fokusojë përpjekjet e saj në këto pika

për të rritur performancën, si dhe besimin e publikut:

Duhet të rris gatishmërinë për të ndihmuar qytetarët në çdo rast;

të krijojë një imazh të mirë të forcave të policisë në sytë e publikut;

të fokusohet në përmirësimin e trafikut; të luftojë krimin e organizuar;

të merret me çështjen e shpërthimeve;


të bashkëpunoj me vende të tjera;

të luftojë korrupsionin dhe të bashkëpunoj më tepër me qytetarët.

Megjithatë, pjesëmarrësit përgjithësisht janë të vetëdijshëm se policisë i duhet më shumë kohë

për të zbatuar reformat e sipërpërmendura.

Pjesëmarrësit në fokus grupe besojnë se policia e shtetit, në 300 ditët e ardhshme duhet të

fokusohet në: rishikimin e të gjitha dosjeve kriminale; garantimin e sigurisë, sidomos për fëmijët

dhe vajzat e reja; intensifikojë luftën kundër drogave të paligjshme; të punojë për zgjidhjen e

çështjeve të pazgjidhura; të ndërhyjë në Lazarat.

Akoma dhe më i rëndësishëm është fakti që pjesëmarrësit presin numrin e vrasjeve dhe

grabitjeve në rrugë të ulet në 6 muajt në vijim për shkak të performancës së policisë së shtetit.

Midis pjesëmarrësve ka nga ata që do të kishin parapëlqyer një qasje tjetër për disa nga aksionet

e ndërmarra nga Policia e Shtetit së fundmi. Si rrjedhojë, ky grup beson se për fushatën kundër

kazinove të paligjshme do të kishte qenë më mirë që qeveria të luftonte bizneset e paligjshme, në

vend që të përfshinte forcat e policisë në mënyrë të drejtpërdrejtë.

Pjesëmarrësit shprehën një lloj skepticizmi në lidhje me reformën e paraqitur nga policia dhe nga

Ministria e Brendshme. Një numër i konsiderueshëm i pjesëmarrësve e mbështesin reformën,

duke shpresuar se do të sjell një performancë më të mirë të Policisë së Shtetit në terren.

Megjithatë, shumica e pjesëmarrësve mendojnë se reforma nuk do të jetë asgjë tjetër, përveç

zëvendësimit të punonjësve të policisë, bazuar në bindje politike.

-” Jo nuk janë bërë reforma mesa di unë. Dua të testohen të gjithë oficerët, shefat e

komisariateve që janë punësuar, sepse janë pushuar të gjithë në Tiranë dhe janë punësuar policë

të rinj.” (Të rinj, Tiranë)

-.” [A mendoni se do të filloj ndonjë reformë për të përmirësuar performancën e policisë

së shtetit?]- Nuk besoj. Në 24 vjet demokraci nuk kam parë ndonjë ndryshim.” (Popullatë e

përgjithshme, Tiranë)

-” Unë them që me ndërrimin e qeverise nuk duhet të ndërrohet dhe personeli për bindje

politike. të qëndrojnë të aftët, ata që e meritojnë të qëndrojnë. Është bërë e zakonshme në

Shqipëri që ndërrohet një qeveri vijnë militantet e saj. Kështu nuk e kuptojmë asnjëherë se kush

është i aftë dhe do ta bëj më mirë punën. (Rural, Tiranë)


A.3. Anketa e policisë kufitare - IDRA (Mars 2014)

Qytetarët që kalojnë kontrollin kufitar në pikat e 6 kufijve të Shqipërisë u pyetën për nivelet e

kënaqësisë me Policinë Kufitare bazuar në përvojën e tyre të kohëve të fundit.

Vlerësimi i punës së policisë kufitare

Fillimisht të anketuarit u pyetën rreth nivelit të kënaqësisë me Policinë Kufitare bazuar në

eksperiencat e tyre në këto pika. Vihet re se ekziston një perceptim shumë pozitiv në lidhje me

vlerësimin e punës së Policisë Kufitare në tërësi si dhe dimensionet e saj përkatëse: Shpejtësia e

veprimeve, Sjellja e punonjësve, Komunikimi, Paraqitja, Profesionalizmi.

Niveli i kënaqësisë të intervistuarve me këto dimensione varion në shkallën 85%-89% të cilët

janë të kënaqur (Shumë të kënaqur dhe të kënaqur). Ndërkohë niveli i të intervistuarve që janë të

pakënaqur (Shumë të pakënaqur dhe të pakënaqur) varion në shkallën 3%-6%.

Jo vetëm që vlerësimi i Policisë Kufitare nga të anketuarit është shumë pozitiv, por gjithashtu

vihet re se nga ana e tyre pritet që puna e Policisë Kufitare të vazhdojë në nivele të larta.

Specifikisht, gati në 61% të rasteve të intervistuarit e vlerësojnë punën e Policisë Kufitare në

nivelin që ata prisnin dhe 35% e vlerësojnë më mirë se ata prisnin. Vetëm 4% e të anketuarve e

cilësojnë punën e Policisë Kufitare si poshtë nivelit të tyre të pritshmërisë.

Të anketuarit u pyetën për vlerësimin e punës aktuale të Policisë Kufitare në krahasim me një vit

më parë si dhe për pritshmërinë e tyre për nivelin punës në muajt e ardhshëm. Në përgjithësi

vlerësimi është pozitiv dhe pritshmëria për të ardhmen është e lartë. Nga të dhënat vihet re se në

59% të rasteve të anketuarit mendojnë se puna e Policisë Kufitare është përmirësuar (përmirësuar

shumë dhe përmirësuar deri diku) krahasuar me 1 vit më parë. Gjithashtu 2 në 3 të intervistuar

(65%) presin që puna e Policisë Kufitare të përmirësohet (përmirësohet shumë dhe përmirësohet

deri diku) më tej në muajt në vazhdim.

Vlerësimi për policinë e shtetit

Përveç pyetjeve për Policinë Kufitare, të anketuarit u pyetën për vlerësimin e tyre rreth Policisë

së Shtetit. Në 70% të rasteve të intervistuarit (ata që kanë jetuar në Shqipëri të paktën 4 muaj në

6 muajt e fundit) e konsiderojnë si të mirë (shumë të mirë dhe të mirë) punën e Policisë së

Shtetit.


Për sa i përket punës së Policisë së Shtetit në krahasim me një vit më parë, 2 në 3 të anketuar

(67%) janë shprehur se ka përmirësim (përmirësuar shumë dhe përmirësuar deri diku).

Gjithashtu ekziston besimi se puna e Policisë së Shtetit do të përmirësohet (përmirësohet shumë

dhe deri diku) në muajt e ardhshëm nga 66% e të intervistuarve.

Të anketuarve u është kërkuar të shprehin besimin e tyre tek Policia e Shtetit në një shkallë nga 1

në 10, ku 1 do të thotë “Aspak besim” dhe 10 do të thotë “Plotësisht besim”. Të intervistuarit që

janë në nivelin e besimit nga 1-4 janë klasifikuar si “Nuk kanë besim”, ndërkohë ata që janë në

nivelin 7-10 janë klasifikuar si “Kanë besim”. Rrjedhimisht, më shumë se gjysma e të anketuarve

(58%) janë shprehur se kanë besim tek Policia e Shtetit, ndërkohë që vetëm (19%) e tyre nuk

kanë besim tek Policia e Shtetit.

A.4. Anketa për policinë rrugore (Mars 2014) - IDRA

Në ketë anketë janë intervistuar 300 drejtues automjetesh në 12 qarqe në zona urbane (qytete), të

cilët kanë drejtuar mjetin 4 herë në javë ose më shpesh në muajin e fundit. Intervistat janë kryer

gjatë muajit Mars 2014. Rreth 78% e të anketuarve përbëhen nga drejtues autoveturash (jo taksi).

Marzhi i gabimit për kampionin është +/-6%, (me interval konfidence 95%).

Policia rrugore

62% e të gjithë të anketuarve kanë vlerësuar pozitivisht (mirë ose shumë mirë) punën që po bën

Policia Rrugore ne 6 muajt e fundit, ndërsa negativisht (keq ose shumë keq) e kanë vlerësuar

17% e tyre. Pjesa tjetër e tyre ka dhëne vlerësim asnjanës.

Duke e krahasuar me 1 vit më pare, 66% e të anketuarve mendojnë se është përmirësuar puna e

Policisë Rrugore, ndërsa vetëm 7% mendojnë se është përkeqësuar. Ka pritshmëri pozitive tek të

anketuarit ne lidhje me punën e Policisë Rrugore në vazhdimësi në muajt në vijim. 64%

mendojnë se do të përmirësohet puna e Policisë Rrugore në muajt e ardhshëm, ndërkohë që

vetëm 5% mendojnë se do të përkeqësohet.

Duke analizuar grupe të ndryshme të të anketuarve, vërehet që edhe ata që kanë marrë gjobë në 6

muajt e fundit kanë dhënë vlerësime pozitive për punën e Policisë Rrugore, ndonëse më të ulta se

të tjerët.

- 54% e drejtuesve të mjeteve që kanë marrë gjobë në 6 muajt e fundit kanë vlerësuar pozitivisht

(mirë) punën që po bën Policia Rrugore, ndërsa 25% e tyre e kanë vlerësuar negativisht (keq).


Ndërkohë që drejtuesit e mjeteve që nuk kanë marrë gjobë në 6 muajt e fundit kanë dhënë

vlerësim pozitiv më të lartë, ku 72% e tyre kanë vlerësuar pozitivisht punën që po bën Policia

Rrugore në 6 muajt e fundit, dhe negativisht 10% e tyre.

Të anketuarit janë pyetur për nivelin e kënaqësisë së tyre për disa karakteristika/dimensione në

lidhje me Policinë Rrugore. Ata kanë dhënë vlerësim pozitiv për karakteristikat ne vijim, të

radhitur sipas dimensionit që ka marrë vlerësim më pozitiv:

- për Shpërndarjen / vendosjen në terren 64% janë shprehur të kënaqur, ndërsa 16% të

pakënaqur,

- për Paraqitjen 62% janë shprehur të kënaqur, ndërsa 18% të pakënaqur,

- për Sjelljen 58% janë shprehur të kënaqur, ndërsa 22% të pakënaqur,

- për Profesionalizmin 50% janë shprehur të kënaqur, ndërsa 24% të pakënaqur.

Në vëmendje duhet të jetë përmirësimi i Profesionalizmit dhe Sjelljes së punonjësve të Policisë

Rrugore.

Edhe drejtuesit e mjeteve të anketuar të cilët janë ndaluar nga policia rrugore në 6 muajt e fundit

janë shprehur të kënaqur ne masën 58% nga ndërveprimi i fundit me punonjësin e Policisë

Rrugore dhe 28% e tyre kanë ngelur të pakënaqur.

Të anketuarit janë pyetur se sa besim kanë tek Policia Rrugore ne një shkalle nga 1 në 10, ku 1

“aspak besim” dhe 10 “plotësisht besim”. 35% kanë shprehur besim duke vlerësuar nga 7 në 10

në shkallën e besimit, 38% kanë dhëne një vlerësim ‘asnjanës’ (5-6) dhe 27% kanë shprehur

mosbesim (1-4).

Ndonëse Policia Rrugore është vlerësuar pozitivisht në ketë ankete, imazhi i saj akoma vuan nga

perceptimi i drejtuesve të mjeteve se trajtimi i tyre nga Policia Rrugore nuk është i njëjtë (nuk

është i barabartë) për të gjithë. Kjo është shprehur nga 61% e të anketuarve.

Policia e shtetit

Përveç të tjerave, drejtuesit e mjeteve të anketuar janë pyetur edhe mbi Policinë e Shtetit.

62% e tyre kanë vlerësuar pozitivisht (mirë ose shumë mirë) punën që po bën Policia e Shtetit në

6 muajt e fundit, ndërsa negativisht (keq ose shumë keq) e kanë vlerësuar 12% e tyre.

66% mendojnë se është përmirësuar puna e Policisë se Shtetit krahasuar me 1 vit me parë, ndërsa

vetëm 6% mendojnë se është përkeqësuar.

Në lidhje me muajt në vijim ka pritshmëri pozitive nga të anketuarit për punën e Policisë së

Shtetit.


67% mendojnë se do të përmirësohet puna e Policisë Rrugore në muajt e ardhshëm, ndërkohë që

vetëm 3% mendojnë se do të përkeqësohet.

Të anketuarit janë pyetur se sa besim kanë tek Policia Shtetit në një shkallë nga 1 në 10, ku 1

“aspak besim” dhe 10 “plotësisht besim”. 40% kanë shprehur besim duke vlerësuar nga 7 në 10

në shkallën e besimit, 34% kanë dhënë një vlerësim ‘asnjanës’ (5-6) dhe 27% kanë shprehur

mosbesim (1-4).

A.5. Anketa mbi kontaktin me Policinë nëpërmjet telefonimit të (129)

IDRA Mars 2014

Vlerësimi për policinë e shtetit

Më tej, në një dimension të veçantë, të anketuarit janë pyetur rreth vlerësimit të tyre për Policinë

e Shtetit (kënaqësia, besimi, krahasimi i punës me 1 vit më parë dhe pritshmëria për të ardhmen)

Në përgjithësi ata që janë përgjigjur e kanë vlerësuar si të mirë (mirë dhe shumë mirë) punën e

bërë nga Policia e Shtetit në këto 4-6 muajt e fundit në 60% të rasteve. Ndërkohë, pjesa tjetër e

telefonuesve kanë qenë neutral në vlerësimin e tyre (20%) dhe kanë dhënë një vlerësim negativ

(20%, keq dhe shumë keq)

Të anketuarve u është kërkuar të shprehin besimin e tyre tek Policia e Shtetit në një shkallë nga 1

në 10, ku 1 do të thotë “Aspak besim” dhe 10 do të thotë “Plotësisht besim”. Më tej, të

intervistuarit që janë në nivelin e besimit nga 1-4 janë kategorizuar si “Nuk kanë besim”,

ndërkohë ata që janë në nivelin 7-10 janë kategorizuar si “Kanë besim”.

Rrjedhimisht, 2 në 3 të anketuar (63%) kanë shprehur se kanë besim tek Policia e Shtetit,

ndërkohë që vetëm 17% e tyre nuk kanë besim tek Policia e Shtetit.

Ekziston një ndjesi pozitive për punën aktuale të Policisë së Shtetit duke e krahasuar me atë të 1

viti më parë si dhe për pritshmërinë në vijimësinë e punës në të ardhmen. Nga të dhënat vihet re

se 2 në 3 të intervistuar (66%) mendojnë se puna e Policisë së Shtetit është përmirësuar

krahasuar më një vit më parë dhe po i njëjti nivel të intervistuarish (67%) mendojnë se puna e

Policisë së Shtetit do të përmirësohet në të ardhmen.

Të pyetur se çfarë do të sugjeronin në mënyrë që Policia e Shtetit të përmirësojë punën e saj, nga

të dhënat vërejmë që aspektet kryesorë që të anketuarit përmendin janë:

kualifikimi/profesionalizmi i punonjësve të policisë (28%) dhe

rritja e gatishmërisë apo prezencës së uniformave blu në komunitet (23%). Të tjera

aspekte të sugjeruara për përmirësim janë


trajtimi i barabartë/zbatimi i ligjit (15%),

vazhdimi i punës me ritmin e nisur (13%),

lufta ndaj kriminalitetit (11%) dhe

ruajtja e qetësisë/sigurisë publike (4%).

A. 6. Anketa mbi ‘viktimat e krimit’ (Mars 2014) IDRA

Personat që janë anketuar në ketë studim kanë denoncuar rastet e tyre në 8 komisariate, nga të

cilat 3 komisariate në Tiranë dhe 5 të tjera në rrethe jashtë Tiranës (Shkodër, Korçë, Fier,

Lushnjë, Lezhë

Rreth 70% e të anketuarve të cilët kanë qenë viktima të krimit në muajt e fundit, janë të kënaqur

me "mënyrën policia e ka trajtuar çështjen e tyre", ndërsa 19% janë të pakënaqur.

Në lidhje me "informacionin" e dhënë nga Policia për rastin e tyre, rreth 62% u shprehën të

kënaqur, ndërsa 22% janë shprehur të pakënaqur. Vetëm rreth 8% e viktimave të krimit kanë

vlerësuar punën e Policisë së Shtetit si i keq ose shumë i keq, ndërsa 64% është vlerësuar si i

mirë ose shumë i mirë. Kur u pyetën për vlerësimin e tyre (në formë të perceptimeve apo

përvojat) me Prokurorisë apo gjykatave, mendimi i të anketuarve është shumë më negativ se sa

për Policinë e Shtetit.

A.7. Studimi me Mediat (mendime mbi performancën e Policisë së

Shtetit dhe marrëdhëniet me mediat) - ICLA Mars 2014

Takime me 28 përfaqësues të mediave (Televizive dhe të shkruara/Me shtrirje kombëtare dhe

lokale) u kryen përgjatë muajit Mars 2014.

(70%) pohojnë se gjatë vitit të fundit Ministria e Brendshme është më e hapur ndaj medias

dhe komunitetit. Shkëmbehet më shumë informacion dhe ka më shumë bashkëveprim.

Reagojnë më shpejt dhe janë më të hapur. Komunikimi është më i mirë. Ka gatishmëri dhe

korrektësi ndaj medias.

Ndërsa disa gazetarë të tjerë u shprehën se ndonjëherë këto marrëdhënie janë preferenciale.

(10%) e tyre u shprehen që së fundmi ka trysni që media të mos jetë gjithnjë e informuar,

duke patur pak kontakte direkte me gazetarët.


Pyetjes “ Si e vlerësoni rolin dhe performancën e PSH-së gjatë 4 muajve të fundit

krahasuar me të njëjtën periudhë një vit më parë? “ i janë përgjigjur:

(43%) e gazetarëve e vlerësojnë të përmirësuar rolin dhe performancën e policisë në katër muajt

e fundit

(35%) prej tyre e vlerësojnë si të pandryshuar

(22%) e shikojnë atë të përkeqësuar

“Është hap pozitiv vendosja e Kodit Etik. Ministri i Brendshëm ka filluar gjithashtu të nxjerrë

urdhra të brendshëm për etikën. Psh: Policët nuk duhet të mbajnë syze, bizhuteri prej floriri,

tatuazhe. Është nxjerr një urdhër i cili i pengon këto sjellje”S.B


sjellin:

Prani më e madhe operative dhe jo fiktive;

Ka fituar përparësi polici e terrenit;

Ka më shumë etikë (rregullore për pamjen e jashtme);

Ka më shumë zbulime rastesh, vrull dhe aksione;

Prezenca e femrave shihet si kriter estetik dhe që ndikon në uljen e tensionit në situata të

vështira;

Ka një perfomancë më të lartë;

Ka më shumë informacion dhe transparencë nga PSH.

Si argumente të një situate të njëjtë ose të përkeqësuar në performancën e PSH gazetarët sjellin:

Periudhë pasigurie për shkak të ndryshimeve që po ndodhin në polici;

Ndryshimet politike i kanë bërë qytetarët më mosbesues ndaj policisë. Janë vendosur

persona të rinj dhe të pa trajnuar. Vihet re një dobësim i forcës goditëse;

Policia duhet të jetë më agresive ndaj krimit dhe më e përkushtuar;

Është një situatë e rrëmujshme dhe e vështirë;

Është rritur numri i ngjarjeve kriminale.


Pyetjes” Nëse imagjinoni një Polici të Shtetit që kryen shërbimet e saj në cilësinë më të

mirë, cilat do të ishin karakteristikat kryesore që do ta përkufizonin këtë cilësi? “ - I janë

përgjigjur:

sjellja e mirë;

komunikimi qytetar;

zbardhja e ngjarjeve në kohë;

parandalimi i krimeve;

kthimi i besimit tek qytetarët

“Karakteristikat e nevojshme për një punonjës policie shembull do të ishin: E para, ta kryejë

detyrën me profesionalizëm dhe pa u ndikuar nga askush. E dyta, të jetë i aftë për detyrën që i

takon.” D.X

A. 8. Studimi mbi Matjen e Sigurisë në Komunitet, ICLA, Nëntor 2013

Një nga qëllimet e këtij studimi ishte të masë nivelin e kënaqësisë së komunitetit ndaj punës së

policisë në 10 zona të përcaktuara në 5 qytete, përkatësisht në Tiranë, Lezhë, Elbasan, Durrës

dhe Vlorë (dy zona të ndryshme për çdo qytet). Gjithsej u realizuan 2000 intervista të vlefshme

me një numër prej 200 intervistash për zonë. Përzgjedhja e personave në këtë anketim u mbështet

në metodën e “anketimit personal në banesë“.

Në lidhje me këtë çështje pjesëmarrësit u pyetën: "Gjatë 12 muajve të fundit a kishin pasur

ndonjëherë ndonjë kontakt me policinë?"

285 persona u përgjigjën që kanë pasur kontakte me policinë (14.3%) dhe nga ky numër 28.1% i

kanë pasur këto kontakte në ambientet e policisë, ndërsa 71.9% i kanë pasur kontaktet jashtë

ambienteve të policisë.

Nga personat që kanë pasur kontakte me policinë na tregon se 39.6% ishin të pakënaqur nga

kontaktet e tyre me policinë (ose 5.7% e gjithsej 2000 të intervistuarve).

36.8% e personave, që kanë pasur kontakte me policinë ishin të kënaqur nga kontaktet e tyre me

policinë, 5.3% e gjithsej 2000 të intervistuarve.


Ne lidhje me pyetjen A jeni dakord me deklaratën: "Policia kujdeset për problemet e rendit

publik në zonën time të banimit" – e matur në katër nivele (Jam shumë dakord, Jam dakord,

Nuk jam dakord dhe Nuk jam fare dakord).

Është interesante të vërehet se 51.5% e popullsisë së përgjithshme bie dakord me këtë deklaratë,

ndërsa 48.5% nuk pajtohet me deklaratën.

Shumica e të intervistuarve që pajtohen me këtë deklaratë janë në Tiranë në të dy zonat, Durrës

në dy zonat dhe zonën 1 në Vlorë të cilët tregojnë që kanë një përqindje më të lartë të besimit në

punën e policisë. Ndërsa Lezha në të dy zonat, zona 2 në Vlorë dhe zona 2 në Elbasan kanë

nivelin më të ulët të besimit në punën e policisë dhe nuk janë dakord me këtë deklaratë.

B. SIGURIA Rezultate të vlerësimit dhe perceptimit për sigurinë në komunitet të marra nga grupe të

ndryshme dhe specifike të cilat ndërveprojnë me policinë në nivele dhe frekuenca të ndryshme.

Në aspektin e sigurisë policimi në komunitet është në të njëjtën kohë një filozofi dhe një strategji

organizative që lejon policinë dhe komunitetin lokal të punojnë së bashku për të zgjidhur

problemet e krimit, reduktimin e frikës nga krimi, dhe të përmirësojë kushtet e jetesës në

komunitet.

Zgjidhja e problemeve që ndesh komuniteti kërkojnë që policia të eksplorojë mënyra të reja dhe

kreative për të adresuar shqetësimet në nivel lokal duke u fokusuar kryesisht të krimi dhe tek

aksidentet rrugore.

Siguria në këtë vlerësim përfshin rendin dhe sigurinë në komunitet, siguria në trafikun rrugor,

siguria në kalimin e kufirit, sigurinë e viktimave të krimit dhe të dhunës në familje.

B.1. Rendi dhe siguria në komunitet

Në lidhje me rendin dhe sigurinë në komunitet janë marrë në analizë intervistat e realizuara nga

ICLA, fokus grupet dhe anketimet e organizuara nga IDRA 2013 dhe 2014, studimet e

mëparshme në kuadër të SACP dhe materiale dhe dokumente të tjera zyrtare.

B.1.1. Raporti ICLA-s 2014 - intervista gjysmë të strukturuara me përfaqësues të

institucioneve të ndryshme

Në intervistat e bëra nga ICLA 2014 lidhur me çështje të rendit dhe sigurisë në komunitet

përfaqësues nga institucionet publike dhe jopublike shprehen se rendi dhe siguria kanë ndryshuar


për mirë. Është shtuar numri i policëve në komunitet dhe patrullat e policisë janë të shpeshta dhe

të disponueshme.

Policia e Shtetit po punon mirë në luftën kundër trafikimit të qenieve njerëzore dhe po reagon në

kohë dhe më efiçensë ndaj rasteve të dhunës në familje.

14.5% e institucioneve publike kërkojnë të bëhet një punë më e mirë në lidhje me Sigurinë dhe

parandalimin e krimeve, veçanërisht në institucionet arsimore në vend.

Përfaqësues të medias2 (43%) shprehen se është përmirësuar roli dhe performanca e policisë në

katër muajt e fundit, përkundrejt (35%) që vlerësojnë si të pandryshuar, ndërsa (22%) e shikojnë

atë të përkeqësuar.


sjellin:

- më shumë zbulime rastesh, vrull dhe aksione,

- ka një përparësi policia e terrenit,

- ka një perfomancë më të lartë

Si argumente të një gjendje të njëjtën në përformance ose përkeqësimit ata sjellin:

- policia duhet të jetë më agresive ndaj krimit dhe e përkushtuar,

- është një situatë e rrëmujshme dhe e vështirë,

- më shumë ngjarje kriminale

2 ICLA Policia dhe marrëdhëniet me mediat, Mars 2014

“Fushat që policia e shtetit i bën shumë mirë është disponibiliteti dhe patrullimi i tyre 24 ore.

(Institucion publik, Vlore)Ka me shumë ndërhyrje në raste të emergjencave civile dhe në

rastet e aksidenteve.” (Institucion publik, Shkodër)

“Parandalimi i kriminalitetit/lidhjeve të padukshme të disa segmenteve të inkriminuara me

krimin dhe zbulueshmëria e rasteve te dhunës janë për tu vlerësuar” (Institucion publik,

Tiranë)

Për përmirësim: Rendi, Policia Rrugore dhe Rendi në shkolla për një “shkollë sa më të

sigurtë”. (Institucion arsimor, Elbasan)


Sipas 30% të intervistuarve një fushë që kërkon përmirësim është parandalimi i krimit. Polici

nuk është ai spiuni i dikurshëm, por është dikush që duhet të ketë sa më shumë informacion për

komunitetin sepse kjo ndihmon në parandalimin e krimit. Është e rëndësishme që shumë raste

mund të parandalohen, (dhe shembulli që ata sjellin janë rastet e aksidenteve rrugore dhe të

dhunës në familje).

B.1.2. Studimi mbi Policinë e Shtetit, Fokus-grupe, IDRA, Mars 2014

Në lidhje me çështjet e rendit dhe sigurisë në komunitet në diskutimet në fokus-grupe

pjesëmarrësit e vlerësojnë pozitivisht përpjekjet e policisë në atë që bën për ruajtjen e rendit dhe

sigurisë në komunitet.

Gjithashtu pjesëmarrësit në fokus-grupe janë treguar edhe shumë kërkues për rolin e policisë në

vend. Ata kërkojnë më shumë vëmendje ndaj qytetarit duke thënë që roli i policisë nuk është

vetëm të ndërhyjë në situata ekstreme, kur ndodhin krime të rënda, por policia ka për detyrë të

ruajë rregullin, dhe të ndihmojë qytetarët kur kanë nevojë për ndihmesa të ndryshme.

Pjesëmarrësit shprehen:

Megjithatë, ka edhe një pjesë të konsiderueshme të pjesëmarrësve, të cilët janë të shqetësuar për

gjendjen aktuale të rendit publik dhe sigurisë në Shqipëri. Ata e cilësojnë situatën si të pasigurt

dhe kërcënuese. Shumica prej tyre mendojnë se situata ose është e njëjta me atë para disa

muajsh, ose është përkeqësuar akoma më shumë.

“Polici nuk duhet të luajë rolin e të keqit, por duhet të jetë dikush tek i cili duhet të kemi

besim. Ai duhet të përmirësojë më tej sigurinë vend, një mënyre që individi të mos ketë frikë të

dalë diku. Dhe dicka tjetër, ata duhet të jenë me bashkëpunues në situata të vecanta “

“Të jenë me pranë problemeve të qytetarëve, të kemi siguri dhe jo të hasim frikë. Të kemi

gadishmërinë e tyre dhe një sjellje të mirë dhe me komunikim dhe jo të ndeshemi me pjesën e

inferioritetit dhe mos interesimit të tyre“.

“E vetmja gjë që kërkoj dhe shpresoj të ndodhë është rritja e vigjilencës dhe sigurisë më të

tepërt në zonat e thella (edhe brenda në lagjet më të thella e të vogla”

“Një zonën ku banoj unë ka shumë të rinj që janë shpërndarës dhe vartës të drogës, dhe

mendoj se një grup i posacëm t’i gjejë dhe t’i dërgojë në spital, ku të mund të kurohen”


Për një numër të konsiderueshëm të pjesëmarrësve, situata e rendi publik dhe siguria në Shqipëri

është e pandryshuar, edhe pas rotacionit politik.

Pjesëmarrësit që janë më tepër të shqetësuar mbi shpërthimet, mendojnë se mungesa e

profesionalizmit dhe përvojës nga rekrutët e rinj është njëra nga arsyet. Një numër i

konsiderueshëm i pjesëmarrësve gjithashtu mendojnë se numri i lartë i shpërthimeve ka një

prapavijë kryesisht politike, për shkak të rotacionit politik pas zgjedhjeve të 2013.

Pavarësisht faktit që pjesëmarrësit besojnë se situata e rendit publik në Shqipëri nuk është e mirë,

disa prej tyre mendojnë se situata nuk është ajo që raportohet në media.

B.1.4. “Studimi mbi Matjen e Sigurisë në Komunitet”, ICLA, Nëntor 2013

Në një studim të realizuar në 2013, “Studimi mbi Matjen e Sigurisë në Komunitet”, ICLA,

Nëntor 2013 vërejmë këto probleme kryesore që lidhen me rendin dhe sigurinë dhe në lidhje me

to: 3

Prishja e rendit publik dhe sherret/përleshjet në rrugë

Edhe këtu mesatarisht 58.6% e popullsisë së përgjithshme e konsiderojnë si një problem dhe

qytetet të cilat e konsiderojnë si problem serioz për komunitetin e tyre janë Elbasani dhe Lezha

në të dy zonat e anketuara.

3 ICLA Studimi mbi Matjen e Sigurisë në Komunitet i kryer me 2000 anketues ne 10 zona (5 Qytete) të Shqipërisë Nëntor 2014

-“....... Mbas lajmeve që ndjekim, është një situatë e rënduar, tritoli është bërë makthi i të

gjithë nënave se fëmija mund të gjendet aksidentalisht në vendin e gabuar në momentin e

gabuar.” (Popullata Rurale, Tiranë)

-“Mbaj mend rastin e shtyllave elektrike ne Fushe-Krujë, shpërthim me barut, i cili u

duk si akt terrorist. Atë ditë kishim tritole pa masë. Është si kundërpërgjigje që shteti dëmtoi

interesat e disa personave të caktuar.” (Të rinj, Tiranë)

- “Edhe i fryjnë një çik këto ngjarjet. Unë kam qenë vetë prezent ne një ngjarje, erdhi dhe

News 24 aty. Ata nxorën lajmin që u vranë me thika kur aty nuk u përdorën fare thikat

aty.“(Mësues/Prindër)


A jeni dakord me deklaratën: "Policia kujdeset për problemet e rendit publik në zonën time të

banimit" – e matur në katër nivele (Jam shumë dakord, Jam dakord, Nuk jam dakord dhe Nuk

jam fare dakord).

Është interesante të vërehet se 51.5% e popullsisë së përgjithshme bie dakord me këtë deklaratë,

ndërsa 48.5% nuk pajtohet me deklaratën. Shumica e të intervistuarve që pajtohen me këtë

deklaratë janë në Tiranë në të dy zonat, Durrës në dy zonat dhe zonën 1 në Vlorë të cilët tregojnë

që kanë një përqindje më të lartë të besimit në punën e policisë. Ndërsa Lezha në të dy zonat,

zona 2 në Vlorë dhe zona 2 në Elbasan kanë nivelin më të ulët të besimit në punën e policisë dhe

nuk janë dakord me këtë deklaratë.

Shqetësimet lidhur me sigurinë dhe rendin në komunitetin e tyre dhe zonat ku banojnë

Në këtë grup pyetjesh, të anketuarit janë pyetur lidhur me shqetësimet që mund të kenë hasur në

lidhje me çështjet e sigurisë gjatë 12 muajve të fundit. Pyetja ishte: Gjatë 12 muajve të fundit,

a jeni ndjerë i shqetësuar se:

- Dikush mund të hyjë me forcë për të vjedhur në banesën tuaj? - 38.15% e të anketuarve e

konsiderojnë si një problem.

- Ju mund të jeni një viktimë e krimit në hapësirat tuaja të banimit të përbashkëta të tilla si

shkallët, ashensori, ose garazhi? - 36.45% e të anketuarve e konsiderojnë këtë si një problem.

- Dikush mund të vjedhë apo të dëmtojë makinën tuaj, biçikletën parkuar pranë zonës tuaj të

banimit? - 41% e të anketuarve e konsiderojnë si një problem.

- Mund të jeni viktimë e dhunës në zonën pranë banesës tuaj? – 37.5% e konsiderojnë si një

problem.

- A keni qenë të shqetësuar për sigurinë e fëmijëve tuaj në zonën tuaj të banimit? - Më shumë se

gjysma e të anketuarve 58.9% janë përgjigjur që janë të shqetësuar për sigurinë e fëmijëve të

tyre në zonat e tyre të banimit.

B. 1.5. Studimit “Partneritet në Kontekstin e Policimit në Komunitet”, ISPL, shtator 2013

Raporti paraqet gjetje interesante në lidhje me perceptimin e publikut mbi punën e policisë dhe

ndërveprimin midis tyre.

Nga numri total i të intervistuarve vetëm OJF-të duket se kanë kërkuar mbështetjen e policisë

gjatë aktiviteteve të tyre (60% e OJF-ve të intervistuara), ndërsa ky nuk është rasti me

komunitetin e biznesit (vetëm 5% mendojnë se do të përfitonin më shumë nga mbështetja e

policisë) dhe me pjesën tjetër të grupeve të përzgjedhura në kampion (vetëm 22% e të gjithë të

anketuarve).


Kur u pyetën rreth një liste të çështjeve dhe problemeve të mundshme:

vjedhja u rendit e para, ndjekur nga ndotja akustike dhe ndotja e mjedisit në përgjithësi (68%),

kultivimi, shitja dhe konsumi i lëndëve narkotike (56%) dhe alkooli (47%), si dhe dëmet fizike

(43%), të evidentuara pranë vendit ku të anketuarit zhvillonin aktivitetin e tyre.

Qytetarët u shprehën se kanë informacion ku mund t’i adresojnë shqetësimet e tyre në lidhje me

çështjet e sipërpërmendura. Pothuaj të gjithë të anketuarit e konsiderojnë të sigurt zonën ku

jetojnë dhe zhvillojnë aktivitetin e tyre.

Në përgjithësi, ka një ndjesi sigurie mes anëtarëve të komunitetit në Tiranë me një përqindje

përgjigjesh 38% (gjithmonë) dhe 41% (në përgjithësi). Kjo ishte e vlefshme edhe në rastet e

qëndrimit deri në orët e vona të natës, e cila gjithashtu mund të jetë rezultat i patrullimit të

policisë në qytet.

Shumica e të anketuarve theksuan se nuk kishin kontaktuar policinë për asistencë (rreth 75%),

edhe pse kishin njohuri se ku duhet të drejtoheshin në rast të një ngjarjeje të pakëndshme. Vetëm

rreth 20% e të dy grup-moshave (të rinjtë dhe pjesa tjetër e të intervistuarve) kanë kontaktuar me

policinë dhe arsyeja ka qenë kryesisht sepse kanë qenë dëshmitarë të rastësishëm në ngjarje. Një

përqindje e lartë e të anketuarve (75%) nuk kanë dhënë përgjigje kur janë pyetur nëse kanë

raportuar ndonjë ngjarje në polici, ndërkohë që vetëm 17% e të intervistuarve kishin bërë një

raportim.

Mungesa e besimit tek policia u deklarua nga një pjesë e konsiderueshme e të anketuarve (rreth

11.6%), si arsyeja për mos-raportimin e një ngjarjeje. Interesant ishte fakti se, në këtë shifër,

grup-moshat e reja shfaqin përqindjen më të lartë me 14.5%, në krahasim me grup-moshat e tjera

të intervistuara me 9.4%. Me tej, 23% e të rinjve raportuan se arsyeja e mos raportimit ishte se

do ta zgjidhnin vetë problemin.

Shumica e të anketuarve (58%) theksuan se nuk e favorizojnë regjistrimin e tyre ose të një

anëtari të familjes në strukturat e policisë së shtetit. Sërish, të rinjtë, të cilët janë grup shumë i

rëndësishëm për partneritetin e policimit në komunitet, duket se janë veçanërisht të pa interesuar

të hyjnë në forcën e policisë (65% e të anketuarve), duke dëshmuar kështu mbi problematikën e

imazhit publik të policisë.

B.2. Siguria në trafik


Edhe siguria në trafik është një nga çështjet që duhet të vazhdojë të merret në konsideratë nga

policia

B.2.1. Gjetje nga Studimi për Policinë Rrugore dhe Takimet e Fokus-Grupeve, IDRA 2014

62% e të gjithë të anketuarve e kanë vlerësuar pozitivisht (mirë ose shumë mirë) punën që po bën

Policia Rrugore në 6 muajt e fundit, ndërsa negativisht (keq ose shumë keq) e kanë vlerësuar

17% e tyre. Pjesa tjetër e tyre ka dhënë një vlerësim asnjanës.

Ka pritshmëri pozitive tek të anketuarit në lidhje me punën e Policisë Rrugore në vazhdimësi në

muajt në vijim. 64% mendojnë se do të përmirësohet puna e Policisë Rrugore në muajt e

ardhshëm, ndërkohe që vetëm 5% mendojnë se do të përkeqësohet.

Duke analizuar grupe të ndryshme të anketuarve, vërehet që edhe ata që kanë marrë gjobë në 6

muajt e fundit kanë dhënë vlerësime pozitive për punën e Policisë Rrugore, ndonëse më të ulëta

se të tjerët.

Të anketuarit janë pyetur për nivelin e kënaqësisë së tyre për disa karakteristika/dimensione në

lidhje me Policinë Rrugore. Ata kanë dhënë vlerësim pozitiv për karakteristikat në vijim, të

radhitur sipas dimensionit që ka marrë vlerësim më pozitiv:

për Shpërndarjen / vendosjen në terren 64% janë shprehur të kënaqur, ndërsa 16% të

pakënaqur,

për Paraqitjen 62% janë shprehur të kënaqur, ndërsa 18% të pakënaqur,

për Sjelljen 58% janë shprehur të kënaqur, ndërsa 22% të pakënaqur,

për Profesionalizmin 50% janë shprehur të kënaqur, ndërsa 24% të pakënaqur.

Në lidhje me përvojat e drejtuesve te mjeteve

61% e drejtuesve të mjeteve të anketuar ka rezultuar se janë ndaluar nga Policia Rrugore

në 6 muajt e fundit (për arsye të ndryshme si psh. kontrolle rutinë, shkelje, etj).

42% e të gjithë anketuarve janë shprehur se kanë marre ‘gjobe’ ne 6 muajt e fundit nga

Policia Rrugore.

54% e drejtuesve të mjeteve që kanë marrë gjobë në 6 muajt e fundit kanë vlerësuar

pozitivisht (mirë) punën që po bën Policia Rrugore, ndërsa 25% e tyre e kanë vlerësuar

negativisht (keq).

Ndërkohë që drejtuesit e mjeteve që nuk kanë marre gjobë në 6 muajt e fundit kanë dhënë

vlerësim pozitiv me të lartë, ku 72% e tyre kanë vlerësuar pozitivisht punën që po bën Policia

Rrugore në 6 muajt e fundit, dhe negativisht 10% e tyre.


Rreth 6% kanë deklaruar se janë përfshirë në ndonjë aksident në 6 muajt e fundit (qoftë si

drejtues mjeti, qoftë si pasagjer).

Sjellja e drejtuesve te mjeteve në qarkullimin rrugor (vetë-vlerësim / perceptim)

Sjellja e drejtuesve të mjeteve në respektim të rregullave të qarkullimit vazhdon të jetë

problematike. të anketuarit janë pyetur për të vetë vlerësuar se sa shpesh ndodh që të

shkelin rregullat e qarkullimit dhe ata kanë dhënë opinionet/perceptimet e tyre se

rregullat e qarkullimit shkelen shpesh.

të folurit në celular në lëvizje apo tejkalim shpejtësie janë shkelje që janë vlerësuar se

ndodhin më shpesh. 82% e të anketuarve mendojnë se drejtuesit e mjeteve flasin shpesh

ne celular dhe 73% e tyre mendojnë se ndodh shpesh që shoferët të tejkalojnë shpejtësinë

e lejuar nga kodi rrugor.

Gjithashtu në mënyrë të konsiderueshme sipas të anketuarve ndodhin edhe kalimi i

‘semaforit të kuq’ dhe/ose tabelës ‘Stop’ pa ndaluar ku 36% mendojnë se ndodh shpesh

apo drejtimi i mjetit nën influencën e alkoolit ku 35% mendojnë se ndodh shpesh.

86% e të anketuarve shprehen se ndodh shpesh që këmbësorët kalojnë rrugën për në

krahun tjetër jashtë vijave të bardha të posaçme apo ecin në rrugë jashtë trotuarit.

Gjithashtu, sipas 70% të anketuarve ndodh shpesh që drejtuesit e mjeteve ‘parkojnë’ në

vende ku nuk lejohet sipas kodit rrugor.

Edhe drejtuesit e mjeteve të anketuar të cilët janë ndaluar nga policia rrugore ne 6 muajt e fundit

janë shprehur të kënaqur në masën 58% nga ndërveprimi i fundit me punonjësin e Policisë

Rrugore dhe 28% e tyre kanë ngelur të pakënaqur.

Ndonëse Policia Rrugore është vlerësuar pozitivisht në ketë anketë, imazhi i saj akoma vuan nga

perceptimi i drejtuesve të mjeteve se trajtimi i tyre nga Policia Rrugore nuk është i njëjtë (nuk

është i barabartë) për të gjithë. Kjo është shprehur nga 61% e të anketuarve.

B.2.2. IDRA Fokus Grupe Mars 2013

Çështje të sigurisë rrugore janë trajtuar edhe në bisedat gjatë Fokus Grupeve të realizuara nga

IDRA gjatë muajit Mars 2014.

.

Në diskutimet direkte gjatë Fokus Grupeve pjesëmarrësit shprehen të shqetësuar për gjendjen e

trafikut në vend. Ata e cilësojnë situatën jo të mirë dhe si një kërcënim për jetët e tyre. Arsyet të

cilat ata tregojnë për këtë situatë të rënduar të sigurisë rrugore janë:

mungesa e infrastrukturës së duhur,

sjellja jo e duhur nga drejtuesit e mjeteve,


si dhe mungesa e kujdesit të duhur nga punonjësit e policisë kanë sjellë një situatë kërcënuese

të trafikut në Shqipëri.

Shqetësimi i tyre lidhet kryesisht me një ndjesi të rritjes së aksidenteve rrugore në Shqipëri.

Megjithatë, një numër i konsiderueshëm i pjesëmarrësve besojnë se situata duhet të përmirësohet

jo vetëm përmes rritjes së numrit të gjobave dhe ndëshkimeve, por edhe duke ndërgjegjësuar

edhe edukuar drejtuesit e mjeteve mbi nevojën e respektimit të rregullave të qarkullimit rrugor.

B.2.3. Studimi mbi matjen e sigurisë në komunitet, ICLA & CBTD, Nëntor 2013

Çështjet e sigurisë rrugore janë trajtuar edhe në Studimin mbi Matjen e Sigurisë në Komunitet,

ICLA, Nëntor 20134) si një çështje që vlerësohet nga të intervistuarit në lidhje me sigurinë

rrugore është: Thyerja e rregullave të trafikut të tilla si mosrespektimi i dritave të trafikut,

mosrespektimi i kalimtarëve, parkim i gabuar, etj.

Mesatarisht 82.1% e të gjithë të anketuarve i konsiderojnë këto si probleme për komunitetin e

tyre. Është e rëndësishme të theksohet në këtë rast përqindja e lartë e shqetësimit për këto çështje

në zona specifike si Lezha ku 100% e të anketuarve i konsiderojnë këto probleme si serioze,

ndjekur nga Vlora me 98.5% të popullsisë në zonën 1 dhe Elbasan 97.5% në zonën 1.

B.3 Viktimat e krimit

Në lidhje me viktimat e krimit ky vlerësim merr në referencë të dhëna nga disa burime. Raportet

e realizuar nga ICLA, 2013 dhe IDRA, 2013 anketimi me telefonuesit në numrin e policisë 129

4 Gjetje nga Studimi mbi Matjen e Sigurisë në Komunitet, ICLA, Nëntor 2013

-“Unë realisht po shikoj një ndryshimi për mirë. Unë kam pasur eksperienca të mira me

policinë......, para 7-8 muajsh nuk isha shumë e kënaqur sepse shikoja një parazitizëm dhe te

policët nuk e gjeja shërbimin. Si qytetar ajo që has më shumë është qarkullimi rrugor dhe aty

duket a kemi rend të mirë policor apo jo. Ishte rrëmujë. Trafik total, kishe frikë të kaloje

semaforin me dritë jeshile. Më parë kur vija vonë ne shtëpi më merrnin prindërit, tani nuk e

bëj më.” (Popullatë e përgjithshme)

- “[Ka më shumë aksidente?] Me ato ç’po shohim, janë më shumë. Sipas lajmeve që

dëgjojmë. Tani mund të ketë dhe shofera që pijnë” (Popullata Rurale, Tiranë)


IDRA, mars 2014 dhe anketimi i bërë me denoncues dhe raportues krimesh në polici (viktimat e

krimit), IDRA mars 2014.

B.3.1. Anketa mbi vlerësimin e policisë nga ata që kanë komunikuar me policinë në numrin

129, IDRA 2014

Vlerësimi për komunikimin me punonjësit e policisë

Gjatë studimit është vënë re se gatishmëria e punonjësve të sallave operative është e lartë. Duhet

theksuar se shumica e telefonatave (85% të rasteve) drejt numrit 129 janë arritur në përpjekjen e

parë të telefonuesit dhe çështjet e tyre janë zgjidhur nga vetë operatorët (92% të rasteve) pa qenë

nevoja për të transferuar telefonatën apo kontaktuar në një moment të dytë.

Të anketuarit u pyetën rreth arsyes për të cilën ata/ato kanë kontaktuar numrin e 129 dhe nga të

dhënat mund të vihet re se afërsisht 1 në 4 telefonata (19%) kanë pasur të bëjnë me konflikte të

llojit të ndryshëm (konflikte personale, konflikte të personave të 3-të, konflikt për prona/subjekte

private etj). Afërsisht 10% të telefonatave për raportime rastesh të prishjes së qetësisë dhe rendit

publik, 10% për konflikte në familje, dhe 10% për vjedhje të ndryshme ndër të tjerash.

Kur janë pyetur për nivelin e kënaqësisë me komunikimin e punonjësit të sallës operative, mund

të vihet re se shumica e të intervistuarve (84%) kanë mbetur të kënaqur (tërësisht të kënaqur dhe

të kënaqur deri diku) nga mënyra e komunikimit të punonjësve të policisë. Vihet re se kënaqësia

me komunikimin e punonjësit është relativisht pak më e lartë në rajonet e policisë se Shqipërisë

së Mesme dhe Jugore në krahasim me ato të Shqipërisë Veriore.

Në lidhje me pritshmërinë e të anketuarve për nivelin e komunikimit të punonjësit të policisë,

Në më shumë se gjysmën e rasteve (56%) telefonata ka rezultuar në nivel të njëjtë

pritshmërie dhe

28% të rasteve komunikimi ka rezultuar më mirë se të intervistuarit e prisnin.

13% prej tyre kanë shprehur se komunikimi ka qenë më keq se ata e prisnin.

Të anketuarit janë pyetur në lidhje me vazhdimësinë e çështjes së tyre. Nga të dhënat vihet re se

në 39% të rasteve çështja është zgjidhur me anë të telefonit dhe në gjysmat e rasteve (50%)

telefonuesi ka informacion rreth çështjes, (28% e tyre ka informacion të plotë dhe 22% e tyre ka

informacion të pjesshëm).

Për sa i përket kënaqësisë me trajtimin që i ka bërë policia çështjes në tërësi, vihet re se 2 në 3

telefonues (67%) kanë mbetur të kënaqur (tërësisht të kënaqur dhe të kënaqur deri diku),


ndërkohë që 26% e tyre kanë mbetur të pakënaqur (të pakënaqur deri diku dhe tërësisht të

pakënaqur) me trajtimin e çështjes që ka bërë policia në tërësi.

B.3.2. Anketa mbi viktimat e krimit, IDRA 2014

Personat që janë anketuar në këtë studim kanë denoncuar rastet e tyre në 8 komisariate, nga të

cilat 3 komisariate në Tiranë dhe 5 të tjera në rrethe jashtë Tiranës. Vetëm 170 personat (95%) që

kanë kontaktuar personalisht policinë janë pyetur më tej rreth marrëdhënies së krijuar me

policinë. 51% kanë shkuar në komisariat, 42% kanë telefonuar 129.

Pyetjes: Sa të kënaqur janë ata me hapat që ndoqi policia për zgjidhjen e çështjes së tyre?

70% prej tyre shprehen të kënaqur dhe disi të kënaqur ndërsa 19 prej tyre janë pak ose aspak të

kënaqur.

76% e viktimave janë disi dhe shumë të kënaqur me mënyrën se si janë sjellë policët

ndërsa

11.2% shprehen pak ose aspak të kënaqur.

62% prej tyre janë të kënaqur në tërësi nga shërbimi i ofruar nga policia ndërsa

25% janë pak ose aspak të kënaqur me shërbimin e ofruar prej tyre.

92% shprehen se janë trajtuar nga policia miqësisht dhe me edukatë.

97% shprehen se u dëgjuan me vëmendje dhe

75% pohojnë se policia e mori çështjen e tyre shumë seriozisht.

B.4 Viktimat e dhunës

B.4.1. Studimi mbi dhunën në familje dhe policinë e shtetit shqiptar, DATA CENTRUM, Tetor

2012

Anketimi u realizua me përfaqësues të komunitetit urban dhe rural të cilëve iu kërkua të shprehin

mendimet e tyre për rolin e policisë në çështjet e dhunës në familje. Çështjet kryesore që ky

studim analizon në lidhje me rendin dhe sigurinë janë:.

Perceptimi i komunitetit mbi rolin e policisë në rastet e dhunës në familje

Shumica e të anketuarve e perceptojnë policinë si autoritet që reagon menjëherë dhe paraqitet në

vendin e ngjarjes së dhunës në familje, arreston dhe merr në pyetje dhunuesin. Pothuajse gjysma

e të anketuarve e shohin policinë në raste të tilla në një rol hetues dhe pyetës.


Komuniteti e sheh policinë si një autoritet që ka më pak rol në dhënien e informacionit mbi

aspektet ligjore/këshilla ligjore, në përgatitjen e një kërkesë-padie që viktima mund të paraqesë

në gjykatë/prokurori apo në paraqitjen së bashku me një staf të specializuar në vendngjarje.

Më tej, diskutimet e thelluara me anëtarë të komunitetit urban dhe rural nxorën në pah se ata

presin nga policia që ta burgosë dhunuesin, si dhe që punonjësit e policisë të jenë të shoqëruar

me një psikolog kur shkojnë në banesën e të dhunuarës/it dhe/ose kur marrin në pyetje viktimën.

Të tjerë presin që policia të ndërmjetësojë dhe të zgjidhë konfliktin familjar pa proceduar me

masat ligjore të parashikuara.

Gjatë intervistave të thelluara me viktimat, shprehën pritshmërinë e tyre më të lartë ndaj policisë,

pritshmëri që tejkalojnë rolin dhe përgjegjësitë e policisë, si p.sh.: strehim të menjëhershëm në

rastet e situatave kritike, ushqime, strehim dhe punësim.

“Zakonisht është inspektori i zonës ai që vjen aty ku ndodh ngjarja, merr të dhëna për atë që

ka ndodhur dhe e ndjek më tej çështjen. Policia mbështet viktimën edhe për të bërë kërkesën

për urdhrin e mbrojtjes. Ata bashkëpunojnë ngushtësisht me prokurorinë dhe gjykatën.”

(Femër, 35-55 vjeçe, Korça urbane)

“Kur u referohet një rast dhune, ata shkojnë menjëherë në vendngjarje, këshillojnë palët

sipas gjendjes, sa e rëndë është dhe, sigurisht, policia merr masat përkatëse..” (Mashkull, 35-

55 vjeç, Vlora urbane)

“Policët i përgjigjen dhunës në familje me dhunë. Ata e marrin me forcë dhunuesin për në

komisariat... dhuna me dhunë..” (Mashkull, 19-24 vjeç, Korça urbane)

“Policët duhet të mbrojnë viktimën, të arrestojnë dhunuesin dhe të mos e lejojnë atë që

abuzojë sërish; ata s’duhet ta nënvlerësojnë rastin dhe thjesht të rrinë e pajtojnë çiftin.”

(Femër, 25-35 vjeçe, Tirana urbane)


Këndvështrimi i viktimave të dhunës në familje

Gjatë këtij studimi, në të dyja fazat sasiore dhe cilësore u intervistuan 733 individë. Prej tyre 23

individë kanë bënë viktima të dhunës në familje që e kishin raportuar / denoncuar rastin në

polici. Përzgjedhja ishte rastësore dhe me miratimin e vetë viktimave.

Në fazën sasiore, të gjithë të anketuarit janë pyetur për përvojën e tyre personale me dhunën në

familje; dhe ata që kanë deklaruar se kanë përjetuar dhunë në familje, janë pyetur më tej nëse e

kanë raportuar këtë incident, ku etj. Këta individë, viktima të dhunës në familje janë midis

moshës 14 e 55 vjeç, dhe 18 nga 23 janë femra. Pjesa më e madhe e tyre kanë përjetuar dhunë të

vazhdueshme për vite dhe në të njëjtën kohë, dhunë të formave të ndryshme. Nga këto 23

viktima: 21 prej tyre deklarojnë se kanë pësuar dhunë fizike, 2 dhunë seksuale, 18 abuzim

emocional dhe 21 abuzim psikologjik.

Në lidhje me marrëdhënien me PSH të anketuarit raportojnë:

Në gjysmën e këtyre rasteve viktimat e kanë raportuar vetë incidentin në polici, kurse në

rastet e tjera ka qenë dikush nga miqtë ose të afërmit (farefisi).

Në gjysmën e rasteve viktimat e kanë raportuar incidentin përmes numrit falas të policisë

(129) dhe brenda së njëjtës ditë kur ka ndodhur incidenti.

Katër nga këto viktima janë paraqitur në gjykatë, tre prej tyre kanë marrë urdhër mbrojtjeje.

Më tej, gjashtë prej tyre kanë marrë mbështetje nga OJF-të (2 prej tyre në strehëza).

Në gjysmën e rasteve këto viktima kanë marrë mbështetje ligjore, sociale dhe psiko-

emocionale dhe në dy raste kanë marrë shërbime mjekësore.

Pjesa më e madhe e këtyre viktimave janë të kënaqura me përgjigjen e shpejtë të policisë për

trajtimin e rastit.

Disa prej tyre janë të kënaqura me sjelljen dhe komunikimin e punonjësve të policisë, të

tjerat jo.

“Punonjësit e policisë ishin shumë të sjellshëm dhe profesionalë. Ata më pritën

ngrohtë dhe më bënë të ndihesha rehat, por pastaj filluan të plotësonin gjithë ato letra;

mua s’më duhen letrat... mua më duhet një vend ku të fus kokën, të kem një punë, të

ndihem e sigurtë, e mbrojtur... Unë kam nevojë për mbështetjen e shtetit, të policisë...”

(Viktimë, femër, Durrës)

“Mua më ndihmoi kjo shoqata sociale, por unë pres nga shteti, pres më

shumë:pres shtëpi, që burri t’më paguajë detyrimin ushqimor për fëmijët etj.” (Viktimë,

femër, Shkodër)

“Policia erdhi shumë shpejt. Ata bëjnë ç’të munden... por ata s’kanë sesi të gjejnë një

vend pune për mua, aq më tepër që gjithë ky popull është pa punë” (Viktimë, femër, Vlorë)


Ka disa arsye që shpjegojnë pakënaqësinë e tyre: policia ka arrestuar dhe lënë “lehtësisht” të

lirë dhunuesin; punonjësit e policisë nuk u kanë dhënë informacione mbi shërbimet e

mundshme ose të drejtat që ka viktima.

Më tej, viktimat shprehen se ato janë mbështetur me shërbime kryesisht nga OJF-të më

shumë sesa nga policia.

Studimi analizon që nga viktimat është e dukshme se pakënaqësia e tyre vjen gjithashtu edhe si

rezultat i pritshmërive të larta që kanë ndaj shërbimeve që policia duhet të ofrojë, të cilat shkojnë

edhe përtej përgjegjësive ligjore të këtij autoriteti, si p.sh.: ofrimi i strehimit, ndërmjetësim për

punësim etj.

B.4.2 Studimi për Viktimat e Krimit të Dhunës në Familje dhe Sulmeve Seksuale,

Linja e Këshillimit për Gra dhe Vajza, Shtator 2013

Çështjet kryesore që analizon ky studim në lidhje me viktimat e dhunës në familje janë:

Ku të drejtohet për ndihmë viktima e dhunës në familje?

Në shumicën e rasteve kur fenomeni i dhunës në familje është raportuar në institucion, Polici ka

qenë i pari, i cili është bërë prezent në vendin e ngjarjes gjithashtu nëpërmjet të cilit është bërë

edhe denoncimi.

Anketa ka dhënë një sërë gjetjesh lidhur me këtë çështje. 72,7% e të anketuarve shprehen se do

t'i ishin drejtuar ligjit, dhe organeve ligjore, nëse do të ndiheshin të kërcënuar nga akte dhunë ose

do t'i kishin pësuar ato.

Policia gëzon besimin pothuajse më të madh se të gjithë operatorët e tjerë te të anketuarit.

30,3% theksojnë se kanë konstatuar policinë që ka ndërhyrë kur është raportuar rasti i

dhunës. Shumë larg nga kjo shifër është numri i të anketuarve që mendojnë se viktimës i

është dhënë ndihmë nga pushteti lokal. Vetëm 2,4% e tyre mendojnë në këtë mënyrë.

Numri i të anketuarve që nuk kanë besim të policia në këto raste është gjithsesi i vogël,

rreth 8,4% e tyre.

Opinioni i të anketuarve është që institucioni më i rëndësishëm në lidhje me dhunën në familje

është:

Policia (38.2% e të anketuarve);

OFJ-të që ofrojnë shërbime për dhunën (23.2% e të anketuarve)

dhe më pas vjen Gjykata (18% e të anketuarve)


kurse 15.4% mendojnë se janë qendrat e kujdesit shëndetësor.

Vetëm 1.1% e të intervistuarve mendojnë se pushteti lokal është institucion i rëndësishëm

në këtë aspekt edhe pse ligji “Për masa ndaj dhunës në marrëdhëniet familjare” i jep këtij

të fundit rolin më të madh e më të rëndësishëm në procesin e raportimit dhe mbështetjes

së një rasti të dhunës në familje.

B.4.3. Studimi mbi matjen e sigurisë në komunitet, ICLA 2013

Ky studim kishte grupin e dytë të pyetjeve të përqendruar në pyetjet nëse gjatë 12 muajve të

fundit të anketuarit kishin qenë personalisht viktimë e krimit dhe dhunës fizike duke iu përgjigjur

pyetjeve që adresonin nëse ata kishin qenë:

Viktimë e dhunës fizike

Viktima e vjedhjes

Viktimë e cënimit të pronës

Viktimë e veprimeve të tjera kriminale

Është e rëndësishme të theksohet se gjatë 12 muajve të fundit, 72 të anketuar u përgjigjën të kenë

qenë viktima të dhunës fizike ose 3.6% e popullsisë së përgjithshme me normat më të larta në

zonën 1 Durrës, Elbasan zona 2, Tirana të dy zonat.

322 të anketuar raportuan se kanë qenë viktimë e vjedhjes / grabitjes (16.1%) nga të cilët 33.2%

e këtyre rasteve ndodhën pranë ose brenda banesës së tyre.

212 të anketuar kanë raportuar që kanë viktima të cënimit të pronës (10.6%) me 55.7% të rasteve

të raportuara të ndodhura në shtëpitë e tyre dhe 15.6% në makinat e tyre apo motorët.

102 anketuar kanë raportuar të ketë qenë viktimë e veprave të tjera kriminale ose 4.4% të totalit

të të anketuarve.

Raportimi tek policia lidhur me krimet dhe dhunimet

87 persona janë përgjigjur se kanë raportuar aktet kriminale në polici, nga të cilët 70 persona

kanë raportuar çdo vepër penale që ata kanë qenë viktima, ndërsa 17 persona kanë raportuar

vetëm një apo disa nga rastet.

Kur kanë raportuar në polici, 58 nga të anketuarit konfirmojnë se policia ka kërkuar një deklaratë

apo një raport me shkrim për të gjitha rastet të cilat ato kanë raportuar; 18 u përgjigjën se policia

ka kërkuar një deklaratë apo një raport me shkrim për një ose disa nga çështjet që ata kanë

raportuar ndërsa 11 konfirmojnë se policia nuk ka kërkuar ndonjë deklaratë ose raport me shkrim

(8 raste kanë qenë në Lezhë).


C. SISTEMI ORGANIZATIV DHE PERFORMANCA Ka shumë studime të cilat sjellin në vëmendje lidhjen midis strukturës organizative dhe

performances. Në këtë kapitull ne kemi sjellë mendimet e qytetarëve dhe institucioneve të

ndryshme në lidhje çfarë ata mendojnë se duhet përmirësuar në sistemin organizativ dhe kjo e

lidhur me performancën e policisë. Disa herë këto mendime janë mbështetur dhe me opinionet e

marra nga vetë punonjësit e policisë në terren të mbledhura nga “Studimi mbi kënaqësinë e

punonjësve të policisë në lidhje me kushtet e punës “ - kryer nga ICLA dhe QBTL dhe

mbështetur nga SACP, dhjetor 2013. Sistemi organizativ dhe performanca janë faktorë të

rëndësishëm jo vetëm për jetën profesionale të vetë punonjësve të policisë (përfshirë lehtësirat në

zbatimin e punës së tyre të përditshme si dhe moralin dhe motivimin e punonjësve), por kanë një

ndikim shumë real tek perceptimi i qytetarëve dhe anëtarëve të komunitetit në lidhje me punën

që kryen dhe shërbimet që ofron policia

Ky kapitull sjell gjetje në lidhje me

C.1. sistemin organizativ të lidhura si me infrastrukturën ashtu dhe me kushtet e punës:

Ambientet dhe infrastrukturën

Pajisjet

Trajtimin financiar

Zbatimin e ligjit

Organizimi dhe Struktura e punonjësve

C.2. Dhe gjetje në lidhje me performancën të lidhura me:

Profesionalizmin

Shërbimin cilësor dhe të shpejtë

Arsimin dhe kualifikimet

Rezultatet konkrete në punë

Kultura e Punës, një qasje e re ndaj policimit në komunitet dhe partneriteti me

institucionet publike dhe jo-publike

Nga takimet e drejtpërdrejta me Institucione publike dhe jo publike (ICLA, Mars 2014)

rekomandohen disa prioritete që ka policia në lidhje me përmirësimin e sistemit organizativ dhe

performancën.


Institucionet publike mendojnë se çështjet më emergjente të cilat duhen ndryshuar në mënyrë

që të përmirësohet puna e Policisë së Shtetit janë:

1- Profesionalizmi (12.5%)

2- Kultura, proaktiviteti, efiçenca në punë (12.5%)

3- Kushtet e Punës së policëve në terren (10%)

4- Arsimimi dhe trajnimi (6%)

5 -Bashkëpunimi institucional dhe transparenca (6%)

’’Të jenë të arsimuar në profilin e vet. Paraqitja fizike e tij (policit) është e rëndësishme.

Komunikimi i kulturuar.’’(Institucion lokal, Korcë)

-’’Duhet ndryshuar koncepti që kanë disa për policinë. Policia duhet të ketë mbështetjen e

komunitetit dhe grupeve të tjera të interesit. Duhet të ketë bashkëpunim të ngushtë me

prokurorinë dhe gjykatën dhe jo ti hedhin fajin njëri-tjetrit.’’ (Institucion publik, Peshkopi)

Institucionet jo publike kanë identifikuar të njëjtat fusha problematike që kanë nevojë për

ndërhyrje urgjente në mënyrë që të përmirësohet me tej puna e Policisë së Shtetit.

1- Profesionalizmi (14%)

2- Bashkëpunimi ndër-institucional dhe transparenca (14%)

3- Kushtet e punës/mirëpajisja (7%)

4- Policimi në komunitet dhe prezenca e më shumë policëve pranë komunitetit (7%)

Perceptimet e përfaqësuesve të medias ne lidhje me strukturën organizative të PSH-së kanë një

trend pozitiv. 43% e gazetarëve e vlerësojnë të përmirësuar rolin dhe performancën e policisë në

katër muajt e fundit.

‘Është pozitiv kod etik. Ministri i Brendshëm ka filluar gjithashtu të nxjerre urdhra të brendshme

për etiken. Psh. policët nuk duhet të mbajnë syze, bizhuteri prej floriri, tatuazhe. Është nxjerr një

urdhër i cili i pengon këto sjellje.’ S.B.

Gjithsesi pyetjes: “ Nëse imagjinoni një Polici të Shtetit që kryen shërbimet e saj në cilësinë më

të mirë, cilat do të ishin karakteristikat kryesore që do ta përkufizonin këtë cilësi?” -

Përfaqësuesit e medias i përgjigjen:

Sjellja e mirë;

komunikimi qytetar;

zbardhja e ngjarjeve në kohë;

parandalimi i krimeve;


kthimi i besimit tek qytetarët

“Karakteristikat e nevojshme për një punonjës policie shembull do të ishin: E para, ta kryejë

detyrën me profesionalizëm dhe pa u ndikuar nga askush. E dyta, të jetë i aftë për detyrën që i

takon.” D.X

Ndërtimi i marrëdhënieve me qytetarët, grupet e interesit dhe median bazuar në

transparencë informacioni dhe komunikim të mirë – Sipas (30%) të gazetarëve policia duhet

të japë më shumë informacion, të jetë më transparente në marrëdhëniet që krijon, të jetë më e

hapur, kontaktet me komunitetin t’i ketë më të shpeshta, të bashkëpunojë me qytetarët dhe duhet

të ketë persona më të përgatitur dhe të posaçëm për të komunikuar me median dhe qytetarët.

(10%) e të intervistuarve shprehen se punonjësit e policisë duhet të kenë aftësi shumë të mira

komunikuese më qytetarët.

Nga të anketuarit (IDRA, Mars 2014 me personat që morën 129 si shërbim policor) të pyetur se

çfarë do të sugjeronin në mënyrë që Policia e Shtetit të përmirësojë punën e saj, të anketuarit

përmendin

kualifikimi/profesionalizmi i punonjësve të policisë (28%) dhe

rritja e gatishmërisë apo prezencës së uniformave blu në komunitet (23%).

trajtimi i barabartë/zbatimi i ligjit (15%),

vazhdimi i punës me ritmin e nisur (13%),

lufta ndaj kriminalitetit (11%) dhe

ruajtja e qetësisë/sigurisë publike (4%).

C.1. Sistemi organizativ

C.1.1. Ndërtesat dhe ambientet e policisë

Në studimin e IDRA, Mars 2013 (mbi punën e Policisë Kufitare) të pyetur rreth vlerësimit të tyre

për ambientet/infrastrukturën e Policisë Kufitare në një shkallë nga 1 në 10, ku 1 do të thotë

“ambiente shumë të këqija” dhe 10 do të thotë “ambiente shumë të mira”, vihet re se vlerësimi

është përgjithësisht pozitiv. Vlerësim të mirë në këtë aspekt ka pasur për pikën kufitare të

Muriqanit, Portit Detar Durrës dhe Aeroporit Rinas. Ndërkohë vlerësim më pak pozitiv ne lidhje

me infrastrukturën ka pasur për pikën kufitare të Kakavijës dhe Qafë Thanës.

Megjithatë studime të tjera kanë nxjerrë në pah një tablo të përzierë për sa i përket gjendjes së

përgjithshme të godinave të PSH-së. Megjithëse mbi 50% e ambienteve të vizituara ishin në


gjendje të pranueshme apo më mirë, 46% u vlerësuan si në gjendje të dobët apo shumë të dobët.

Raporti për Kushtet e Punës të Punonjësve të Policisë në terren, ICITAP, Shkurt 2014

C.1.2. Pajisjet dhe mjetet e punës

Gjendja e automjeteve të policisë

Disa nga Institucionet publike janë shprehur se policia duhet të përmirësojë gjendjen e

automjeteve. Po këtë e gjejmë dhe në shprehjet e përfaqësuesve të ndryshëm të shoqërisë civile

dhe në vlerësimet që kanë kryer disa nga Institucionet ndërkombëtare. P.sh. 70% të njësive

policore të vizituara, automjetet e patrullës (veturat) ishin në gjendje të dobët apo shumë të

dobët; dhe në 82% të rasteve furgonat, fuoristradat dhe automjetet e tjera për transportin e

personelit ishin në gjendje të dobët apo shumë të dobët. Raporti për Kushtet e Punës të

Punonjësve të Policisë në terren, ICITAP, Shkurt 2014

Ne kemi vënë re se disa herë viktimat e dhunës gra ose fëmijë, merren ne automjete me kushte të

tilla sikur janë kriminelë - përfaqësues Ministri Linje, - ICLA studimi me Institucione publike

Mars 2014

Gjetjet në lidhje me teknologjinë e informacionit dhe komunikimin

Institucionet publike shprehen se qeveria shqiptare duhet të sigurojë kushte më të mira të punës

dhe pajisje, këtë e pohojnë dhe përfaqësues të institucioneve jo publike.

-’’Fushë për përmirësim është ajo e mbështetjes me …. mjete lëvizëse,…...’’ (Institucion publik,

Gjirokastër) - ICLA studimi me Institucione publike dhe jo publike Mars 2014

“Nuk mund të ketë polici pa mbështetje teknologjike si për të kryer punën ashtu dhe për të marrë

informacion të saktë”. (Institucion jo publik, Tiranë) - ICLA studimi me Institucione publike

dhe jopublike Mars 2014

Dhe studimi i fundit i ICITAP nxjerr se përdorimi i teknologjisë nga PSH-ja në përgjithësi është

poshtë standardit të pranueshëm. Shumica e komisariateve/stacioneve të vizituara nuk kishin

pajisje teknologjike të mjaftueshëm për të përmbushur nevojat në rritje të dokumentacionit të një

komisariati apo stacioni policor.

Mungesa e teknologjisë si mjet informacioni dhe shërbimi mund të ketë ndikim negativ në

motivimin e personelit dhe efikasitetin e organizatës.


Gjithashtu edhe mediat shprehen se puna e policisë ka nevojë edhe për një logjistikë më të mirë.

10% e gazetarëve përmendin logjistikën si një fushë që duhet përmirësuar me qëllim

parandalimin e krimit dhe zbulimin e ngjarjeve.

“Në rastin kur policia e krimit financiar dhe bllokon një aktivitet që kryen një aktivitet që mund

të jetë i paligjshëm, dhe sidomos në rastet e pastrimit të parave, unë nuk kam parë asnjëherë

punonjës policie që kur shkojnë aty të kenë me vete ndonjë laptop/pajisje elektronike ku të

transferojnë të dhënat financiare. Këto të dhëna mund të zhduken/fshihen apo humbasin deri sa

të vendoset sekuestrimi”. A.H. - ICLA studimi me mediat Mars 2014

Uniformat policore

Uniforma e re e PSH-së shihet si e një standardi të mirë, por punonjësit e patrullës (jo ata të

policisë së qarkullimit rrugor) nuk janë pajisur me xhaketa apo xhupa që të jenë vërtetë rezistentë

ndaj ujit. Në rreth 34% të rasteve uniformat për mot të ftohtë/të lagur ishin në gjendje të dobët

ose shumë të dobët, dhe kjo ndikon në efikasitetin operacional të PSH-së. Raporti për Kushtet e

Punës të Punonjësve të Policisë në terren, ICITAP, Shkurt 2014.

C.1.3. Trajtimi ekonomik dhe financiar

Çështjet e trajtimit më të mirë ekonomik dhe financiar dalin nga disa studime. Psh në takimet e

ICLAs me institucionet publike dhe jo publike (Mars 2014, Institucionet publike shprehen se

qeveria shqiptare duhet të sigurojë kushte më të mira të punës (rritje të pagave të policëve).

-’’Një rrogë më e mirë do të ishte një stimul i madh. (Institucion qëndror, Tiranë)

-’’Fushë për përmirësim është ajo e mbështetjes me paga, ….ligje për mbrojtjen e policisë dhe

familjet e tyre.’’ (Institucion publik, Gjirokastër)

Dhe Institucionet jo publike janë shprehur se qeveria shqiptare duhet të garantojë më shumë

mbështetje institucionale dhe financiare dhe zhvillim teknologjik.

-’’Të ketë motivim dhe mbështetje financiare, mbrojtje ligjore për policinë (siç kemi parë jashtë

shtetit).’’(Institucion jo publik, Peshkopi)

Dhe në Gjetje nga Studimi mbi Kënaqësinë në Punë të Punonjësve të Policisë, ICLA 2013 del se

trajtimi ekonomik dhe financiar është një faktor i rëndësishëm i lidhur me kënaqësinë në punë.

Të dhënat nxjerrin aspekte të rëndësishme të cilat punonjësit e policisë mendojnë se duhet të


ndryshohen nga paketa e punës si niveli i pagës. Një numër i madh i punonjësve shprehen se janë

të pakënaqur me pagën e tyre e cila nuk i lejon për të përmbushur nevojat e familjes.

Pjesëmarrësit në fokus grupe (IDRA 2014) vlerësojnë se inicitiavën më të fundit e policisë për

rritjen e rrogave të punonjësve. Sipas tyre, rrogat e ulëta të Policisë së Shtetit janë një nga arsyet

kryesore për korrupsionin në këtë institucion. Si rrjedhojë, pjesëmarrësit besojnë së rritja e

pagave për punonjësit e policisë, është një instrument i mirë për të luftuar korrupsionin, si dhe

për të rritur performancën në terren.

C.1.4. Zbatimi i ligjit

Studimi i ICLAs (Intervistat me institucionet publike dhe jo publike, mars 2014) sjell disa

nga gjetjet e mëposhtme të lidhura me perceptimet mbi zbatimin e ligjit në Polici, procesin e

depolitizimit dhe korrupsionin.

21.4%) e institucioneve jo publike kanë parë si nevojë për përmirësim depolitizimin e Policisë

së Shtetit, përfshirë zbatimin e drejtë të ligjit, barazinë përpara ligjit dhe zhdukjen e korrupsionit.

-’’Kërkojmë korrektesë në zbatim ligji; respekt dhe mirësjellje me qytetarët; trajtim të barabartë

para ligjit; jo korrupsion. (Shoqëri civile, Tiranë)

-’’Policia nuk duhet të ndikohet politikisht në vendimet që ajo mer. Vendimet duhet të jenë të

drejta dhe policia duhet të ushtrojë veprimtarinë e saj në mënyrë të barabartë për cdo individ.’’

(Shoqëri civile, Durrës)

-’’Detyra e qeverisë në mënyrë që Policia e Shtetit të kryejë një punë efiçente është që të zbatojë

masa të forta ndëshkuese mbi ata punonjës të cilët shkelin detyrën e tyre. (Institucion jo publik,

Durrës)

4%) e institucioneve publike kanë ngritur problemin e zëvendësimit të individëve profesionistë

dhe me përvojë të gjatë në radhët e Policisë së Shtetit, me individë të rinj nga rekrutimet partiake

që realizohen në mënyrë të vazhdueshme

(30%) e institucioneve publike shprehen se Drejtësia në formën e pavarësisë politike dhe

veçanërisht në procesin e rekrutimit mbetet një nga fushat më të rëndësishme për tu përmirësuar.

-’’Të mos rekrutojnë efektivë me figurë të dobët morale. Të zhduket rekrutimi partiak.

(Institucion publik, Peshkopi)


-’’Detyrat që u caktohen policëve të kenë lidhje me punën e tzre dhe jo të dalin nga kornizat e

caktuara.’’ (Institucion publik, Tiranë)

Dhe nga takimet me mediat (ICLA Mars 2014) del se rreth (60%) e gazetarëve shprehin si një

perceptim të tyre se politika ndërhyn në punën e PSH dhe se policia duhet të jetë më e pavarur

në punën e saj. Ata kërkojnë që policia të jetë sa më larg nga ndikimi i politikës duke u shprehur

se PSH duhet të luftojë krimin, të zotërojë dhe përpunojë informacionin kriminal, të zbardhë

ngjarjet dukë qenë përherë në gatishmëri dhe duke ofruar shërbime sipas standarteve dhe me

korrektësi.

Gjithashtu (9%) e gazetarëve kërkojnë që policia të mos veprojë bazuar në lidhje miqësore. Nuk

duhet të kemi më frikë nga policia. Ajo duhet të jetë e paanshme, duhet të edukojë qytetarin dhe

nuk duhet të japë ndëshkime selektive dhe sporadike. “Policia duhet të jetë një shembull për

qytetarët”.

Po kështu (15%) e gazetarëve shprehen që ka ndikime politike dhe në mënyrën sesi policia i

trajton ato media. Duhet marrëdhënia me median të lihet jashtë politikës, edhe pse politika

editoriale e një gazete apo televizioni është në kundërshtim me politikat e qeverisë. Policia duhet

të këtë me median transparencë dhe jo preferenca politike.

Mungesa e ligjeve për të miturit të cilët janë të përfshirë në aktivitete kriminale shihet si një

shqetësim i madh nga disa prej pjesëmarrësve në diskutime. (IDRA Fokus Grupe Mars 2014)

Ata besojnë se policia mund të bëjë shumë pak për të penalizuar dhe ndëshkuar këtë grup, i cili

sjell shpesh probleme në shkolla.

- “Nëse ndodh diçka dhe unë thërras një polic ai thotë: Nuk ka ligj se është për klasën e nënte,

nuk ka ligj për klasën e nënte. Nuk e përjashton dot nxënësin për gabimin qe bën - (Mësues,

Prindër)

Nga Fokus Grupe (IDRA, mars 2014) del se perceptimi i përgjithshëm mes pjesëmarrësve

është që oficerët e policisë nuk e zbatojnë ligjin njësoj për të gjithë. Sipas tyre, oficerët e policisë

kanë tendencën të penalizojnë qytetarët e thjeshtë, dhe jo njerëzit me lidhje, apo ata ne pozicione

te rëndësishme publike.

” ([A mendoni se oficeret e policisë e zbatojnë ligjin njësoj për të gjithë?] Jo. Prandaj njerëzit

nuk e respektojnë policinë, sepse e shohim diferenciminin që bëhet.” (Të rinj, Tiranë)

Nga Fokus Grupe (IDRA 2014) me komunitetin Rom dhe Egjiptian Perceptimi i përhapur tek

pjesëmarrësit është se policia nuk e zbaton ligjin njësoj për të gjithë qytetarët.


-“Të gjithë qytetarët duhet të trajtohen njëlloj nga policia. Policia di vetëm te na kapë ne,

të na fusë brenda, të na keqtrajtoje, por ndihme nuk na jep”

Nga Anketimi i IDRAs me drejtuesit e automjeteve (Mars 2014) del se ndonëse Policia

Rrugore është vlerësuar pozitivisht ne këtë ankete, imazhi i saj akoma vuan nga perceptimi i

drejtuesve të mjeteve se trajtimi i tyre nga Policia Rrugore nuk është i njëjtë (nuk është i

barabartë) për të gjithë. Kjo është shprehur nga 61% e të anketuarve.

C.1.5. Organizimi dhe Struktura e punonjësve

Studimi i ICLAs (Intervistat me institucionet publike dhe jo publike mars 2014) gjen se 4%

e institucioneve publike kanë ngritur problemin e zëvendësimit të individëve profesioniste dhe

me përvoje të gjatë në radhët e Policisë se Shtetit, me individë të rinj nga rekrutimet partiake që

realizohen ne mënyre të vazhdueshme.

30% e institucioneve publike shprehen se Drejtësia ne formën e pavarësisë politike dhe

veçanërisht ne procesin e rekrutimit mbetet një nga fushat më të rëndësishme për tu përmirësuar.

-’’të mos rekrutojnë efektiv me figure të dobët morale. të zhduket rekrutimi partiak. (Institucion

publik, Peshkopi).

-’’Detyrat që u caktohen të jenë sipas punës dhe jo të dalin nga kornizat e caktuara sepse kanë

mbështetje politike.’’ (Institucion publik, Tiranë)

IDRA takime me fokus grupe (mars 2014) sjell vlerësimin mbi riorganizimin e brendshëm të

Ministrisë së Punëve të Brendshme, si dhe i Policisë së Shtetit, që shihet nga pjesëmarrësit si një

nga arsyet kryesore për përmirësimin e gjendjes së rendit publik gjatë muajve të fundit.

Gjithashtu punësimi i rekrutëve të rinj në Policinë e Shtetit mbështetet nga shumica e

pjesëmarrësve në Fokus Grupe. Ata besojnë së përfshirja e policëve të rinj ka sjellë një

përmirësim të konsiderueshëm të komunikimit midis oficerëve të policisë dhe publikut.

-[Ka ndonjë ndryshim ne komunikim midis atyre te vjetërve dhe te rinjve ] Po ka, të rinjtë

janë me te disiplinuar. Sillen mire, flasin me shtruar, sillen mire. Kurse ata te vjetërit sillen

si xhandarë. (Popullata Rurale)

Gjithashtu, shumica e pjesëmarrësve mendon se numri i femrave në Policinë e Shtetit është rritur

në mënyrë të konsiderueshme. Pothuajse të gjithë pjesëmarrësit në Fokus Grupe, veçanërisht


femrat, mbështesin numrin në rritje të policeve femra në Policinë Shtetit. Megjithatë jo të gjithë

duket se janë dakot me vendosjen e kuotave në procesin e rekrutimeve.

-«Është më mirë që kanë punësuar më shumë femra, sepse femrat janë me te

komunikueshme » - (Të rinj, Rural)

-” Nqs një grup femrash, supozojmë 600 dalin më mirë se meshkujt në zgjidhjen e

problemeve nuk ke pse merr të paaftët thjesht se janë meshkuj dhe e anasjella nëse meshkujt janë

më të përgatitur sesa femrat atëherë domosdoshmërish do marrësh meshkujt. Përzgjedhja duhet

bërë nga më të mirët jo nga fakti që këto janë kuotat dhe kaq do marrim dhe kush janë të mirë

do ti lesh përjashta..” (Popullatë e përgjithshme, Tiranë)

Pavarësisht mbështetjes për rritjen e numrit të rekrutëve të rinj, një numër i konsiderueshëm i

pjesëmarrësve shprehin shqetësimet me procesin e zakonshëm të punësimit në Policinë e Shtetit

Shqiptar. Ata mbështesin futjen e konkurrencës së bazuar në meritokraci për punësim në forcat e

policisë, në kundërshtim të punësimit të militantëve partiak. Disa pjesëmarrës mendojnë se

punësimi në forcat e policisë ende bëhet në bazë të bindjeve politike.

“Policët punësohen; për 4 vjet ndërrohet sistemi dhe shkarkohen, punësohen policë të rinj me

ndryshimin e sistemit e keshtu me rradhe dhe specializimi i tyre nuk shkon deri në fund. Ai duhet

të punojë 30 vjet që të specializohet në ketë profesion.” (Të rinj, Tiranë)

“[A mendoni se punonjësit e policsë sillen në mënyrë profesionale] Unë mendoj se jo të gjithë.

Sepse ka disa që nuk kanë bërë fare shkollë dhe me shkollë të mesme është futur polic. Ai nuk e

di fare se c’lidhje ka me policinë. Ai ka punuar në një profesion tjetër por i ka gjetur anën dhe

është futur. (Popullatë e përgjithshme, Tiranë)”

“Policia nuk është profesionale sepse vazhdojnë akoma këto mënyrat e tjera të punësimit, janë

më pak të dukshme por që sigurisht që ka. (Popullatë e përgjithshme, Tiranë

Shumica e pjesëmarrësve besojnë se në përgjithësi, standardet fizike të rekrutimit për oficerët e

policisë nuk respektohen në Shqipëri. Megjithatë, sipas tyre me rekrutimet e fundit të policëve të

rinj situata ka ndryshuar në mënyrë të konsiderueshme.

-” “Nëse krahason paraqitjen fizike me oficerët e rajonit ka shumë ndryshim.” (Popullata

rurale)

- “Në të gjitha vendet e botës është me rregullore që të gjithe policet janë mbi 1.80 m të gjatë,

gjë që ktu të ne nuk duket.” (Të rinj, Rural, Tiranë)

-” Duhet të kenë nje normë peshë dhe gjatësie e jo të shëndoshe.” (Të rinj, Tiranë)


C.2. Performanca

C.2.1. Profesionalizmi

Studimi i ICLAs (Intervistat me institucionet publike dhe jo publike mars 2014) sjell disa

nga gjetjet e mëposhtme të lidhura me perceptimet mbi Profesionalizmin e punonjësve të

policisë.

(25%) e Institucioneve publike shprehen mbi nevojën për të rritur Profesionalitetin në çështjet që

lidhen me sigurinë.

-’’ Parandalimi i kriminalitetit/Lidhjet e padukshme të disa segmenteve të inkriminuara me

krimin/ Zbulueshmëria e rasteve te dhunës‘’ (Institucion publik, Tiranë)

(7%) e institucioneve jo publike mendojnë se duhet treguar më shumë profesionalizëm në

marrëdhënien me ta nga ana e Policisë së Shtetit.

-’’ Bashkëpunim profesional me qytetarët në mënyrë që ata të kenë besim te policia. Duhet të

ulet niveli i korrupsionit.’’ (Institucion jo publik, Durrës)

-’’Rekrutimet në polici të jenë profesionale. Kjo do të sjellë të kuptuarit e rolit të biznesit,

mbështetje ndaj biznesit dhe anasjelltas. (Institucion jo publik, Dibër)

Në takimet me Mediat (ICLA Mars 2014) rezulton se rreth (15%) e të intervistuarve kërkojnë

që policia të ndryshojë përkushtimin dhe profesionalizmin e punonjësve. Të pastrohet figura e

punonjësve të policisë, efektivët abuzivë të largohen dhe të qëndrojnë ata që tregojnë më shumë

profesionalizëm.

“Ata që nuk i zgjidhin dot rastet të mos vazhdojnë më të punojnë”. Nuk duhet të pushohen nga

puna dhe të trasferohen ekspertët, profesionistët apo ekipet drejtuese në policinë e shtetit, nëse

nuk provohet se ata kanë bërë shkelje. Ka drejtues shumë të mirë, të trajnuar nga institucione

ndërkombëtare dhe të mirë kualifikuar. Nuk duhet të kemi zhvendosje të këtij stafi sepse mbi këta

persona është investuar me taksat tona.” B.C

Në takimet me Fokus Grupe (Komuniteti Rom dhe Egjiptian) IDRA Mars 2014- Mungesa e

theksuar e profesionalizmit nga Policia e Shtetit, kryesisht në marrëdhënien me anëtarët e

komuniteteve, është një nga shqetësimet kryesore të pjesëmarrësve në diskutim. Në mjaft raste,

sipas pjesëmarrësve, policia ushtron dhunë të pajustifikuar mbi anëtarët e komunitetit të tyre,

kryesisht gjatë qëndrimit në komisariate. Sipas pjesëmarrësve, punonjësit e policisë së shtetit


ndryshohen shumë shpesh, duke e bërë kështu pothuajse të pamundur ushtrimin e detyrës së tyre

me profesionalizëm.

-” Të përgatitur nuk janë[punonjësit e policisë] dhe të shkolluar të gjithë nuk janë. Sa

parti ndërrohen aq herë ndërrohen dhe ata.”

-” Aq shpesh sa ndërrohen[punonjësit e policisë] as punës nuk ja marrin dorën mirë”

Pjesëmarrësit pohojnë se efektivët e policisë sillen në mënyre jo profesionale kundrejt tyre. Për

këtë arsye, besimi tek Policia e Shtetit për këto komunitete është në nivele minimale.

-“ Nuk kam fare besim tek policia. Unë shkoj te polici sepse unë[ kërkoj një ndihmë dhe

ai është i detyruar të ma japë ndihmën kur unë e kërkoj.”

-” Policia duhet të japë ndihmën e saj te njerëzit që unë te kem besim te ajo”

C.2.2. Shërbimi cilësor dhe i shpejtë

Të anketuarit mendojnë se duhet të përmirësohet puna e Policisë Kufitare. Nga të dhënat vihet re

se Profesionalizmi/Shërbimi cilësor dhe i shpejtë (43%) është në krye (në Kakavijë dhe Muriqan

kryesisht). IDRAs Mars 2013 (studimi mbi punën e Policisë Kufitare)

(22%) e institucioneve publike shprehen se efiçensa dhe reagimi në kohë janë elementë për tu

përmirësuar në lidhje me mbështetjen që Policia e Shtetit duhet t’i ofrojë institucioneve.

-‘’Ka një ri-organizim të policisë në lidhje me praninë e saj në publik, por ka akoma vend për

përmirësim. Duhet të ketë akoma më shumë punonjës që punojnë në terren.’’ (Institucion publik,

Tiranë) - ICLA Mars 2014- Takime me institucione publike dhe jo publike

(14.5%) e institucioneve publike kërkojnë të bëhet një punë më e mirë në lidhje me Sigurinë

dhe parandalimin e krimeve, veçanërisht në institucionet arsimore në vend.

-’’ Për përmirësim: Rendi, Policia Rrugore dhe Rendi në shkolla, për një shkollë sa më të

sigurtë.’’(Institucion arsimor, Elbasan) - ICLA Mars 2014- Takime me institucione publike dhe

jo publike

“Shërbimi ndaj klientit në administratë, përmirësimi i shërbimit, ku personat me probleme për të

zgjidhur të mos lihen në pritje për orë të tëra, eliminimi i çdo mundësie për ryshfete apo

shpërblime personale në administratë për të tejkaluar burokracitë.” - IDRA Mars 2014 Fokus

Grupe


C.2.3 Arsimi dhe kualifikimet

Institucionet jo publike në masën (7%) mendojnë se Profesionalizmi lidhur me formimin

arsimor të policëve dhe trajnimet profesionale, janë çështje kyçe që kërkojnë të përmirësohen.

-’’ Të përmirësohet dhe të rritet niveli shkencor i policisë, pasi kanë nivel të ulët profesional dhe

korruptohen lehtë.’’ (Institucion jo publik, Peshkopi)

-”Shumë të rëndësishme janë trajnimet në cdo fushë, specializimet e vazhdueshme, në mënyrë që

t’u përshtatemi marrëdhënieve me komunitetin dhe ndryshimeve të ardhshme në vend.’’ (Shoqëri

civile, Dibër) ICLA Mars 2014- Takime me institucione publike dhe jo publike

Në takimet me mediat (ICLA Mars 2014) del se (9%) e gazetarëve kërkojnë më shumë trajnim

dhe arsimim të punonjësve të policisë duke u shprehur se ata duhet të jenë më të arsimuar dhe më

të trajnuar në mënyrë që të jenë në gatishmëri të qytetarëve, të luftojnë krimin dhe të qëndrojnë

larg politikës.

C.2.4. Rezultatet konkrete në punë

21.4% e institucioneve jo publike shprehen se PSH duhet të asistojë më shumë me anë të

policimit në komunitet. Kjo mund të realizohet më mirë duke shtuar numrin e policëve në

komunitet por edhe nëpërmjet bashkëpunimit dhe koordinimit në projekte të ndërmarra nga

NGO-të në lidhje me policimin në komunitet.

Pritshmëri më të mëdha dhe të artikuluara më qartë pretendohen ndaj komunitetit rom, ku më

specifikisht përmendet:

-’’Kuadrot duhet të kenë më shumë mirëkuptim me komunitetin. Të kenë informacionin e duhur

nga shoqata dhe anasjelltas. Nevojitet bashkëveprim më i gjerë me komunitetin. (Shoqëri civile,

Elbasan) - ICLA Mars 2014- Takime me institucione publike dhe jo publike

(14.5%) e institucioneve publike kërkojnë të bëhet një punë më e mirë në lidhje me Sigurinë

dhe parandalimin e krimeve, veçanërisht në institucionet arsimore në vend.


-’’ Për përmirësim: Rendi, Policia Rrugore dhe Rendi në shkolla, për një shkollë sa më të

sigurtë.’’(Institucion arsimor, Elbasan) - ICLA Mars 2014- Takime me institucione publike dhe

jo publike

Dhe (30%) e gazetarëve të intervistuar, shprehen se një fushë tjetër që kërkon përmirësim është

parandalimi i krimit. Polici nuk është më ai spiuni i dikurshëm, por është dikush që duhet të ketë

sa më shumë informacion për komunitetin sepse kjo ndihmon në parandalimin e krimit. Është e

rëndësishme që shumë raste të mund të parandalohen. (ICLA takimet me Median Mars 2014)

Nga Anketimi IDRAs (kontaktet me 129), kur janë pyetur për nivelin e kënaqësisë me

komunikimin me punonjësit e sallës operative, mund të vihet re se shumica e të intervistuarve

(84%) kanë mbetur të kënaqur (tërësisht të kënaqur dhe të kënaqur deri diku) nga mënyra e

komunikimit të punonjësve të policisë. Nga të dhënat vihet re se në 39% të rasteve çështja është

zgjidhur me anë të telefonit dhe në gjysmat e rasteve (50%) telefonuesi ka informacion rreth

çështjes, (28% e tyre ka informacion të plotë dhe 22% e tyre ka informacion të pjesshëm).

Përsa i përket kënaqësisë për trajtimin që i ka bërë policia çështjes në tërësi, vihet re se 2 në 3

telefonues (67%) kanë mbetur të kënaqur (tërësisht të kënaqur dhe të kënaqur deri diku),

ndërkohë që 26% e tyre kanë mbetur të pakënaqur (të pakënaqur deri diku dhe tërësisht të

pakënaqur) me trajtimin e çështjes që ka bërë policia në tërësi.

Për sa i përket iniciativave dhe aksioneve të policisë, pjesëmarrësit në fokus grupe (IDRA

Mars 2014) përmendin mbylljen e kazinove të paligjshme, aksionin për ndërtimet pa leje,

fushatën kundër shpërthimeve me tritol, si dhe aksionin kundër furgonave të paliçensuar.

Puna e bërë nga Policia në shkolla vlerësohet maksimalisht nga shumica e pjesëmarrësve

(veçanërisht nga mësuesit). PSH shihet si mjaft aktive në komunikimin me komunitetin në

shkolla, duke u përfshirë në leksione të përbashkëta, si dhe duke zbatuar fushata për trafikun me

pjesëmarrjen e nxënësve.

C.2.5. Kultura e Punës, një qasje e re ndaj policimit në komunitet dhe partneriteti me

institucionet publike dhe jo-publike

Intervistat e bëra me institucionet e ndryshme dhe me median tregojnë që policia në vitet e fundit

po bën ndryshime dhe reforma që lidhen ngushtë me filozofinë e saj si një institucion publik në

ndihmë të qytetarit dhe në mbrojtje të shtetit ligjor. (ICLA Mars 2014 takime me Mediat dhe

Institucionet Publike dhe jo -publike)

Ndryshimet që vërehen lidhen me trajnimin e mëtejshëm të punonjësve për çështje të ndryshme

dhe për ligjet e reja që janë miratuar. Të tilla përmendim ligjin për dhunën në familje dhe ligjin

për mbrojtjen nga diskriminimi. Ajo që kërkohet më tej nga pjesëmarrësit nëpër takime dhe


anketime është të ndryshohet kultura e punës së PSH dhe një sistem kualifikimi dhe trajnimi i

policëve të terrenit që do të sillte një sjellje më proaktivite të tyre në ndërtimin e një partneriteti

më të ngushtë me qytetarët.

Ndërsa nga Fokus Grupet, IDRA 2014 kërkohet që kriteri i komunikimit polic - qytetar duhet të

jetë në nivelet e duhura, duke filluar që nga ndjekja e denoncimeve deri në zgjidhjen e tyre.

Policia duhet të jetë një polici e paanshme dhe sa më pranë qytetareve, e gatshme për t’u

përgjigjur dhe të zbatoje ligjin me seriozitet. Ajo duhet të jetë në gatishmëri të çdo problemi të

qytetareve dhe e shpejtë në detyrën e saj.

Nga takimet e ICLA 2014, në lidhje me marrëdhëniet dhe partneritetin me institucionet

publike dhe jo-publike, Institucionet publike shprehen në masën 52% se kanë marrëdhënie

institucionale korrekte me Policinë e Shtetit. Ata janë përgjigjur se bashkëpunojnë në mënyrë

konstante me PSH, kryesisht për shkëmbime informacioni, ashtu si edhe koordinim të

përgjegjësive për projekte të përbashkëta.

-‘’Marrëdhëniet janë vendosur me një marrëveshje institucionale duke zbatuar planin e

përbashkët për strategjitë ndërministrore: Antitrafik, kundër trafikimit të qënieve njerëzore,

drogës, alkoolit etj. Për çdo kërkesë zyrtare i përgjigjen në afatin dhe më korrektësinë më të

madhe. (Institucion publik, Gjirokastër)

-’’Ka një komunikim dhe marrëdhënie të mirë mes dy institucioneve që është jo vetëm për shkak

të raporteve personale sipas rasteve të hetimit, por dhe për shkak të hierarkisë, rregulloreve,

ligjeve, kushtetutës dhe rolit të policisë gjyqësore në hetim. (Institucion qëndror, Tiranë)

-’’Në kuadër të kujdesit social dhe të mirëprojektimit të sistemit të mbrojtjes shoqërore kemi

marrëdhënie institucionale me të gjithë strukturat përgjegjëse shtetërore në nivel vendor, si edhe

me Policinë e Qarkut-Fier”. (Institucion qëndror, Fier)

Një masë e konsiderueshme e institucioneve pjesëmarrëse janë shprehur mjaft të kënaqur në

lidhje me marrëdhëniet që kanë me Policinë e Shtetit. Rreth 40% e tyre janë përgjigjur se kanë

marrëdhënie shumë të mira me PSH. Ata vlerësojnë praninë e vazhdueshme të policisë në

komunitetin ku jetojnë.

“unë i shikoj punonjësit e policisë në qendër të Tiranës, por atë që është inspektori i zonës

sime unë nuk e njoh. Po ashtu nuk di se ku mund të drejtohem për një problem që kam te

pallati që unë banoj, pa qënë e nevojshme që të thërras 129.” P.S.


-’’ Marrëdhëniet e institucionit në të cilin unë punoj me policinë e shtetit janë marrëdhënie

shumë të mira, janë marrëdhënie konstante. Policia e shtetit është një ndihmese shumë e madhe

për shkollën pasi ushtron kontrolle për armëmbajtje.’’ (Institucion arsimor, Durrës)

-’’Në krahasim me institucionët e tjera Policia e shtetit ka qenë me korrektë dhe më e

përfaqësuar ndër grupet e punës ndërsektoriale të ministrisë tonë.’’ (Institucion qendror,

Tiranë)

-’’Shumë të mira. Marrëdhënie të nivelit të lartë të komunikimit dhe disponibilitetit.’’

(Institucion qendror, Vlorë)

Ndër funksionet e Policisë së Shtetit është edhe bashkërendimi i detyrave të saj me organet e

tjera në nivel të ndryshëm, si edhe bashkëpunimi në projekte të ndryshme të ndërmarra nga

institucione publike dhe jo publike, siç janë strategjitë e përbashkëta për parandalimin e dhunës

në familje etj.

56.2% e institucioneve publike janë përgjigjur se kanë marrëdhënie ndërvepruese me

Policinë e Shtetit,

19% marrëdhënie mbështetëse dhe

14.5% kanë marrëdhënie përfituese.

-’’Duhet ndryshuar koncepti që kanë disa për policinë. Duhet të thithin mbështetjen e komunitetit

e grupeve të tjera të interesit. Bashkëpunim të ngushtë me prokurorinë, gjykatën, jo duke i

hedhur fajin njeri-tjetrit.’’ (Institucion publik, Peshkopi)

Marrëdhëniet ndërvepruese me Policinë e shtetit shtrihen në nivele vendore dhe qendrore, duke

siguruar gjithnjë e më shumë bashkëpunim institucional mes tyre. Disa prej të intervistuarve

kanë vlerësuar punën e inspektorve të zonës si më poshtë:

-’’Inspektori i zonës është polic i cili është shumë korrekt dhe i gatshëm me gjithë kryepleqtë e

fshatrave. Është i intëresuar për fushat e rendit, qëtësisë, problemeve ose konfliktëve sociale, për

dhunën, mban lidhje për cdo problem me nxënësit e shkollave dhe problemeve të dhunës në

familje.’’ (Institucion lokal, Korcë)

-’’ Avokatia ka lidhur marrëveshje mbrojtjeje dhe përfaqsimi, në ketë kuadër është për

bashkëpunim me organet e policisë të cilat janë në vartësi të Ministrisë së Punëve të

Brendshme…’’ (Institucion publik, Durrës)


(6%) e Institucioneve publike mendojnë se një ndër çështjet më emergjente e cila duhet

ndryshuar në mënyrë që të përmirësohet puna e Policisë së Shtetit është: Bashkëpunimi

institucional dhe transparenca.

Marrëdhënie të mira dhe ndërvepruese ekzistojnë midis PSH dhe përfaqësuesve të shoqërisë

civile sipas intervistave të realizuara në kuadër të këtij vlerësimi nga ICLA (Intervistat e

realizuara nga ICLA 2014 për partneritetin mes PSH dhe Institucioneve publike dhe jopublike në

Shqipëri)

(57%) e tyre janë shprehur se bashkëpunimi është zhvilluar në fusha të ndryshme si pjesëmarrje

në workshop-e, në zhvillime të tjera në komunitet etj.

-’’Kemi zhvilluar takime të përbashkëta të organizuara nga UNODC, punonjës të policisë dhe të

organizmave vendas dhe të huaj; PSH ka marrë pjesë në Workshope që kemi zhvilluar në

qendrën tonë; kemi ftuar zyrtare të PSH për të marrë pjesë dhe në aktivitete jashtë vendit...’’

(NGO, Tiranë)

27% e Institucioneve jo publike shprehen së niveli i bashkëpunimit aktualisht përfshin projekte

mbështetëse dhe rekomandime për rezultatet, kontrata bashkëpunimi, mbledhje e takime të

ndryshme ku pjesëmarrës kanë qenë vetë punojes të PSH.

-’’Ne kemi patur një projekt (policimi në komunitet). Kemi bërë disa takime me policinë dhe

komunitetin dhe në shkolla. Kjo gjë ndikoi për mirë në komunitet.’’ (Institucion jo publik,

Durrës)

Megjithatë, 7% e shoqërisë civile janë përgjigjur se nuk kanë ndërmarrë asnjë lloj strategjie

bashkëpunimi me policinë e shtetit.

’’Nuk është marrë asnjë lloj vendimi ose veprimi duke pasur parasysh së inspektori i policisë

duhet të ketë më shumë info rreth komunitetit”. (Shoqëri civile, Elbasan)

Mediat / Gazetarët shprehen se marrëdhëniet mes policisë dhe medias kanë gjithmonë një lloj

kontradikte mes tyre edhe pse për të dy këto institucione qëllimi final është që t’i shërbejnë sa

më mirë publikut. Policia ka qëllimin e saj për të mbrojtur sigurinë, lirinë dhe të drejtat që

qytetarëve i sigurohen me ligj dhe media ka në qëllimin e saj, të qënit mbrojtëse e lirisë së

shprehjes, mendimit dhe komunikimit që janë të drejta themelore të garantuara nga Kushtetuta e

Shqipërisë.

Ka një diferencë shumë të madhe në principet që udhëheqin punën e këtyre dy institucioneve.


Ajo që kërkojnë gazetarët (80% të rasteve), është që policia të ndërveprojë sa më shumë me

përfaqësuesit e medias. Policia është një institucion që duhet të bashkëpunojë gjërësisht me

median.

Marrëdhënien me policinë gazetarët e intervistuar e shikojnë në dy nivele:

Në nivelin institucional mes institucionit të tyre, (gazetë e shkruar apo

elektronike/televizion) dhe për këtë lloj marrëdhënie institucionale janë shprehur të gjithë

gazetarët e intervistuar.

Më shumë sesa gjysma janë shprehur se përveç këtij niveli institucional që ata kanë me

policinë e shtetit, ekziston dhe një nivel tjetër, ai social dhe personal.

Gjatë viteve të tyre të punës, (shumica e gazetarëve kishin një eksperience mbi dhjetë vjeçare në

sektorin e medias), ata kanë ngritur dhe një marrëdhënie sociale me punonjësit e policisë, duke

shtuar se shpeshherë “është kjo marrëdhënie sociale që ndikon pozitivisht në marrëdhëniet që

ata kanë me punonjësit e policisë dhe me policinë e shtetit”.

“Kemi marrëdhënie institucionale, miqësore në komunikimin e përditshëm. Këto marrëdhënie

janë reciproke dhe shumë të mira duke qenë se kemi interesa të ndërsjella. Ne duam të kemi

lajmin dhe policia do që publiku të informohet. Kam 15 vjet që kam marrëdhenie me policinë (5

vjet marrëdhënie jo direkte në terren, por komunikuese) dhe i përkufizoj këto marrëdhënie si

shumë të mira. ” P.S.

“Me policinë kam marrëdhënie të vazhdueshme prej më shumë se 10 vitesh ku unë punoj në

media. Këto marrëdhënie janë miqësore duke qenë se kemi kontakt të drejtpërdrejtë me policinë

në terren, po ashtu edhe institucionale. Raporti mes nesh është një raport plotësimi me njëri-

tjetrin dhe mbështetës”. B.C:

“Me policine e shtetit ne kemi ndertuar marrëdhënie institucionale të shoqërueshme dhe

miqësore. Punojmë prej vitesh në bashkepunim dhe kemi takime të shpeshta. Kjo gjë të bën të

ndihesh pjesëtar dhe i afërt në këto marrëdhënie.” G.Xh.

“Marrëdhënie institucionale, ne informohemi mbi ngjarjet, kemi kontakt të drejtpërdrejtë në

marrëdhëniet e punës dhe kemi një përditësim të informacionit. Ne kemi ndërveprim të

vazhdueshëm profesional dhe personal.”R.B

Ndërsa në lidhje me nivelin e ndërveprimit me policinë, gazetarët shprehen:

98% e tyre i quajnë këto marrëdhënie korrekte, reciproke dhe mbështetëse,

(87%) e shikojnë si një marrëdhënie ndërvepruese, dhe (6%) prej gazetareve shton se

marrëdhënien e tyre me policinë përveçse si një marrëdhënie të përhershme


bashkëpunuese e shohin edhe si përfituese për punën që bëjnë, duke i mbrojtur në punën

e tyre.

“Informacioni që na vjen nga policia e shtetit bëhet nga një person i autorizuar. Policia për

institucionin tonë përveç se informatore shërben dhe si organ mbrojtjeje”. E.X.

Për rolin që media ka në këtë lloj bashkëveprimi me policinë e shtetit, gazetarët sjellin rezultate

të tilla si:

ndërveprimi që ata sjellin në tejçimin e këtij bashkëveprimi,

shkëmbimin e informacionit që ata kanë me punonjësit e policisë gjatë hetimit, duke

ofruar shpesh edhe pamje të vendit të ngjarjes,

ndihmën që media jep në shpërndarjen e lajmërimeve të ndryshme të policisë.

Ndërsa për performancën e policisë në këtë bashkëpunim dhe ndërveprimi me median, gazetarët

shprehen (70%) -në vitin e fundit MB është me e hapur ndaj medias dhe komunitetit, shkëmbehet

më shumë informacion dhe bashkëveprim, reagojnë më shpejt dhe janë më të hapur, komunikimi

është më i mirë, ka gatishmëri dhe korrektësi ndaj medias.

Por, disa gazetarë shprehen se ndonjëherë këto marrëdhënie janë preferenciale dhe 10% janë

përgjigjur se së fundmi ka trysni që media të mos jetë gjithnjë e informuar, duke patur pak

kontakte direkte me gazetarët.

‘Bashkëpunimi që unë pres është një marrëdhënie korrekte dhe jo favorizuese mes mediave. Si

dhe një komunikim normal për gjërat zyrtare. “

“Ndërsa nga Policia pres që të përmirësohet në aspektin e komunikimit me qytetarët (sa më i

kulturuar), rritjen e profesionalizmit mes tyre etj ejt.’F.V.

Në shumicën e rasteve praktikat e punës që ndiqen nga policia janë të një natyre konfidenciale

dhe punonjësit e policisë udhëhiqen nga principi i ruajtjes së sekretit, ndërsa media në punën e

saj udhëhiqet nga zbulimi dhe shpërndarja e informacionit, pra zbulimi dhe transmetimi tek

publiku i fakteve. Gazetari më i mirë është ai që çon i pari lajmin të publiku.

Gazetarët kërkojnë nga Policia që të ofrojnë informacion të saktë dhe në kohë- kjo është e

rëndësishme sepse do të bëjë që media të mos kërkojë burime informacioni të tjera që mund të

jenë edhe të pasakta, apo ndonjëherë edhe kundër policisë. Ata pranojnë se udhëhiqen nga lajmi

dhe do ta shfaqin në institucionin e tyre. Ajo që duhet të bëjë policia sipas të gjithë gazetarëve të

pyetur është të jetë burim zyrtar informacioni në Kohë Reale dhe i Saktë.


Të gjithë gazetarët e intervistuar kërkojnë nga Policia e Shtetit që të jetë më e aksesueshme. Disa

herë vihen re edhe preferenca nga ana e policisë së shtetit (10% e gazetarëve) për

gazeta/televizione. Kjo e dëmton besueshmërinë që ka media ndaj policinë.

Në lidhje me marrëdhëniet e PSH me komunitetin një analizë e situatës jepet edhe nga

Studimi mbi Kënaqësinë në Punë të Punonjësve të Policisë, ICLA &CBTD 2013

Rezultatet na japin një informacion mbi çfarë mendojnë vetë punonjësit e policisë ne lidhje me

marrëdhëniet që ata kanë me klientët e tyre (komunitetin ku ndërveprojnë dhe shërbejnë),

98% e punonjësve mendojnë se kanë marrëdhënie të mira me komunitetin që i shërben,

77% e tyre ndjejnë se komuniteti tregohet dashamirës ndaj tyre kur forcat e policisë

komunikojnë me ta.

53% i bëjnë takimet me qytetarët dhe komunitetin me kërkesën e vetë komunitetit për të

dhënë informacion ose shprehur probleme ndërsa 10% e takimeve bëhen në mënyrë të

rastësishme.

53% ndihen pak të përkrahur nga komuniteti gjatë një ndërhyrjeje në rrugë apo lagje dhe 5%

aspak të përkrahur.

76% Ndihen të mirëpritur në marrëdhëniet që kanë me komunitetin në lagjet e tyre ndërsa

21% e punonjësve të policisë mendojnë se komuniteti i vlerëson vetëm atëherë kur ata kanë

nevojë për ta.

38% e punonjësve mendojnë se arsyet që patrulla nuk ndërhyn kur kalon pranë grupeve me të

rinj "të fortë" që kanë sjellje antisociale është se ekzistojnë pak forca policie ndërsa

34% shprehen se arsyeja është se patrulla e policisë tregohet indiferente pasi ka ndërhyrë dhe

herë të tjera, por këto grupe nuk janë dënuar nga ligji.

Megjithëse në përqindje më të vogël - nuk duhet anashkaluar dhe fakti se rreth 8% punonjësit

e policisë ndihen të pamotivuar për të ndërhyrë dhe për arsye se ka “pasur presion nga lart”

ose se 8% ndiejnë që nuk kanë marrë ndonjë mbështetje nga Komisariati kur kanë ndërhyrë

dhe herë të tjera.

Studimi i ISPL (2013) ”Partneritet në Kontektstin e Policimit në Komunitet ”na sjell gjetje në

lidhje me arrdhëniet që PSH me komunitetin e gjere dhe Shoqërinë civile.

Ndonëse një entitet disi abstrakt, komuniteti i gjerë mbetet përfituesi kryesor i shërbimeve të

policisë për garantimin e rendit dhe sigurisë publike. Studimi mbështet idenë që komuniteti

mbetet thellësisht i interesuar për bashkëpunim të efektshëm me policinë. Ky partneritet dhe

komunikim efikas i shërben po aq edhe policisë sepse e mundëson këtë të fundit të planifikojë, të

orientojë dhe alokojë burimet, dhe të realizojë misionin e saj për rend dhe siguri në komunitet.


Rezultatet e studimit, gjithashtu, konfirmojnë se të dyja palët janë më se të ndërgjegjshme për

përfitimin reciprok të kësaj marrëdhënieje. Gjetjet e studimit për gjendjen reale dhe cilësinë e

ndërveprimit midis komunitetit të gjerë dhe policisë nuk janë shumë optimiste.

Ka një interes dhe gatishmëri të lartë nga ana e qytetarëve për bashkëpunim me policinë (51% e

të anketuarve e pohojnë këtë), por shkalla e përfshirjes së tyre në çështjet e policimit mbetet e

ulët (85% e anëtarëve të publikut të anketuar tregojnë se nuk janë konsultuar në ndonjë farë

mënyre në lidhje me shqetësimet që interesojnë komunitetin e tyre apo informuar për punën e

policisë). Sipas studimit kjo është një çarje serioze që duhet adresuar nga reformat e mëtejshme

në fushën e policimit në komunitet.

Studimi përpiqet që t'i japë një përgjigje këtij hendeku duke shtetit, duke theksuar si një nga

arsyet kryesore mungesën e interlokutorëve të paracaktuar në anën e publikut të gjerë. Studimi

thekson gjithashtu që përveç ekzistencës së linjave reale të komunikimit, si kushte makro për

ekzistencën dhe mirëfunksionimin e partneritetit midis PSH dhe komunitetit të gjerë, duhen

konsideruar edhe cilësia e shërbimit që ofron policia, besimi i publikut tek policia dhe

transparenca në punën e policisë.

D. KOMUNIKIMI ME KOMUNITETIN DHE INSTITUCIONET

Komunikimi në këtë vlerësim përfshin disa aspekte që lidhen direkt apo indirekt me

performancën e punës së punonjësve të policisë:

“Imazhi” (perceptimi i komunitetit mbi imazhin) që PSH gëzon në nivel komunitar;

Shkalla e komunikimit të brendshëm brenda strukturës së PSH për të adresuar çështjet që

lidhen me komunitetin;

Komunikimi që PSH ka me strukturat e tjera, institucione, organizime komunitare dhe

vetë individët për të bashkëpunuar, ndërvepruar dhe realizuar misionin e saj.

Komunikimi në këtë kapitull shihet si qasje dhe performancë e Policisë.

Për sa i takon imazhit të policisë, çdo departament ka bërë hapa të rëndësishëm për të veshur një

sjellje profesionale dhe për t’iu përgjigjur objektivave afatgjatë të punës së Policisë, tashmë të

mbështetura në një përvojë të gjerë.

Kjo përcillet me pamjen e jashtme të punonjësve të policisë, veshjet dhe logjistikën, por shumë

ngushtë lidhet me performancën e punës në çdo njësi, që nga punonjësit e terrenit, deri tek

strukturat e specializuara në çdo departament.


Policia vuan mungesën e besimit nga publiku, edhe pse si strukturë ajo gëzon një konsideratë

pozitive, ajo por vuan - qoftë edhe në mënyrë pasive perceptimin e gjerë negativ (në nivel

kombëtar), që kanë qytetarët ndaj institucioneve, (p.sh. nëse shteti është i korruptuar, i tillë është

çdo lloj institucioni i tij – pavarësisht se çfarë bën ai për të provuar të kundërtën).

Reformat e ndërmarra dhe ndryshimet e fundit e kanë fuqizuar edhe faktorin e dytë që lidhet me

komunikimin e brendshëm të PSH si shumë të rëndësishëm për suksesin e këtij procesi.

Megjithatë ky komunikim duket se vuan një “sëmundje” të vjetër kronike në punën e përditshme

të Policisë.5

Në këtë vlerësim për të analizuar dhe vlerësuar çështjet që lidhen me komunikimin janë marrë në

konsideratë anketimet e bëra nga IDRA 2014 dhe intervistat direkte të realizuara nga ICLA, duke

veçanërisht intervistat e realizuara me gazetarë të medias. Përveç këtyre burimeve janë përdorur

të dhëna të marra edhe nga raporti për strategjinë e komunikimit, COMPORT, 2014 edhe

studimet e bëra në kuadër të programit SACP gjatë 2013 nga ICLA & CBTD dhe IDRA.

Si në intervistat me përfaqësues të medias edhe në grupin e intervistave me institucionet

publike dhe jo-publike (ICLA Mars 2014) u trajtuan shumë pyetje që lidhen me komunikimin

me institucionet partnere, grupet e interesit dhe komunitetin të punonjësve të policisë.

21.4% e institucioneve jo publike shprehen se PSH duhet të asistojë më shumë me anë të

policimit në komunitet. Kjo mund të realizohet më mirë duke shtuar numrin e policëve në

komunitet por edhe nëpërmjet bashkëpunimit dhe koordinimit në projekte të ndërmarra nga

NGO-të në lidhje me policimin në komunitet. Pritshmëri më të mëdha dhe të artikuluara më qartë

pretendohen ndaj komunitetit rom, ku më specifikisht përmendet:

’’Kuadrot duhet të kenë më shumë mirëkuptim me komunitetin. Të kenë Informacionin e duhur

nga shoqata dhe anasjelltas. Të kenë bashkëveprim më të gjerë me komunitetin. (Shoqëri civile,

Elbasan)

Institucionet jo-publike gjithashtu kanë identifikuar komunikimin me komunitetin si një ndër

fushat problematike e cila ka nevojë për ndërhyrje urgjente në mënyrë që të përmirësohet më tej

puna e Policisë së Shtetit. Duhet të vihet theksi të policimi në komunitet dhe të ketë prezencë më

të shumtë të policëve pranë komunitetit (7% e të intervistuarve).

5 Comport, 2014


’’Të ketë komunikim të policisë me qytetarët; të mos e shfrytezojnë autoritetin e tyre për gjëra

personale.’’(Shoqëri civile, Durrës)

14% e përfaqësuesve të shoqërisë civile shprehet se Policia e Shtetit duhet të tregojë më shumë

profesionalizëm në etikën e komunikimit me qytetarët.

’’Komunikimi me njerëzit të jetë më i butë dhe të njihen njëherë me ceshtjen pastaj te veprojnë.’’

(Shoqëri civile, Durrës)

’’Komunikim me publikun duhet të përmirësohet. Ata duhet të trajnohen për parandalimin e

veprave penale në komunitet. Duhet të fuqizohet roli dhe pergjegjësitë e inspektorit të zonës.’’

(Shoqëri civile, Vlorë)

Shumë i rëndësishëm është dhe komunikimi i policisë me median. Kjo temë u trajtua në shumë

drejtime në intervistat me gazetarët. Ata shprehen që pothuajse e gjithë marrëdhënia e tyre me

policinë si institucion dhe me punonjësit e policisë ndërtohet mbi komunikimin.

Gjatë gjithë viteve të tyre të punës, (shumica e gazetarëve kishin një eksperience mbi dhjetë

vitesh në sektorin e medias), ata kanë ngritur dhe një marrëdhënie sociale me punonjësit e

policisë, duke shtuar që shpeshherë “ … është kjo marrëdhënie sociale që ndikon pozitivisht në

marrëdhëniet që ata kanë me punonjësit e policisë dhe me policinë e shtetit”.

“Kemi marrëdhënie institucionale, miqësore në komunikimin e përditshëm. Këto marrëdhënie

janë reciproke dhe shumë të mira duke qenë se kemi interesa të ndërsjella. Ne duam të kemi

lajmin dhe policia do që publiku të informohet. Kam 15 vjet që kam marrëdhënie me policinë (5

vjet marrëdhënie jo direkte në terren, por komunikuese) dhe i përkufizoj këto marrëdhënie si

shumë të mira. ” P.S.

Me policinë kam marrëdhënie të vazhdueshme prej më shumë se 10 vitesh ku unë punoj në

media. Këto marrëdhënie janë miqësore duke qenë se kemi kontakt të drejtpërdrejtë me

policinë në terren, po ashtu edhe institucionale. Raporti mes nesh është një raport plotësimi

me njëri-tjetrin dhe mbështetës. B.C:

Rreth 40% e gazetarëve të intervistuar kërkojnë që shprehitë komunikuese të punonjësve të

policisë së shtetit të jenë më të mira.


Komunikimi është mjaft i rëndësishëm. Komunikimi është celësi i cdo marrëdhënie”. R.B.

“Policia ideale - Komunikimi është gjëja më e rëndësishme. Qytetarët e kanë frikë policinë dhe

nuk e shohin ate si bashkëpunëtor. Ata e shohin figurën e policit më tepër si spiun. Është faji i

policëve sepse nuk tentojnë ta bëjnë qytetarin për vete, nuk komunikojnë si duhet me të”. X.Z.

“Do të ndryshoja komunikimin me qytetarët. Marrëdhëniet me qytetarët nuk janë në nivelet që

kërkohet sidomos me policinë rrugore. Qytetari nuk e shikon si aleate policinë”. J.K.

“Policia duhet të jetë e kulturuar dhe të ketë një komunikim të mirë. Abuzohet me ndalimet e

makinave. Policët në vendin tonë janë të përgatitur, por ju mungon kultura. Ata nuk duhet të

sillen si të fortë, por duhet të përcjellin respekt e kulturë.” P.S.

Edhe në pyetjen mbi karakteristikat kryesore që do përkufizonin një polici ideale gazetarët

theksin kryesor e vënë mbi cilësitë e komunikimin dhe besimit, duke nënvizuar:

Sjelljen e mirë,

Komunikimin qytetar,

Kthimi i besimit tek qytetarët

Sipas tyre komunikimi me qytetarët duhet të jetë i mirë dhe i përhershëm. Qytetari të dijë ku të

drejtohet kur ka nevojë dhe inspektori i zonës të dijë çështjet problematike që ka komuniteti ku ai

punon.

Sipas 30% të gazetarëve policia duhet të japë më shumë informacion, të jetë transparente në

marrëdhëniet që krijon, më e hapur, kontaktet me komunitetin t’i ketë më të shpeshta, të

bashkëpunojë me qytetarët dhe duhet të ketë persona më të përgatitur dhe të posaçëm për të

komunikuar me median dhe qytetarët.

Ajo që theksohet në të gjitha intervistat e realizuara është që ndërtimi i marrëdhënieve me

qytetarët, grupet e interesit dhe median duhet të bazohet ne transparence informacioni dhe

komunikim të mirë.

Dhe në Fokus-grupe, IDRA 2014 shumica e pjesëmarrësve besojnë se situata është përmirësuar

në lidhje me komunikimin e oficerëve të policisë me qytetarët. Sipas tyre, momentalisht,

shumica e oficerëve të policisë sillen në mënyrë profesionale kur kontaktojnë me publikun.

Megjithatë, sipas disa pjesëmarrësve, krahasuar me oficerët e rinj, ata me përvojë sillen në një

mënyrë më profesionale.


- “Diçka që ka ndryshuar është se komunikimi i oficereve të policisë me qytetarët është

përmiresuar.” (Të rinj, Tiranë)

” Kanë një mënyrë vërtet të mirë të komunikimit me qytetarët. Përfshirja e femrave në polici

është gjithashtu pozitive.” (Të rinj, Tiranë)

Megjithatë në lidhje me komunikimin, pjesëmarrësit mendojnë se duhet bërë shumë punë në këtë

drejtim edhe për të rritur aftësitë komunikuese të policisë me komunitetin.

-”Komunikimi nuk është ai që duhet të jetë midis oficerëve të policisë dhe qytetarëve.

Përgjithësisht nuk ka një kod etike dhe sjelljeje.”

Në raportin e COMPORT, 2014 rekomandohet krijimi i një strategjie komunikimi që të

modelojë një mënyrë të re komunikimi – të përcjellë nga individët tek grupi i madh social, - për

të ndërtuar imazhin e një Policie, e cila ka nevoje për bashkëpunimin e komunitetit, që t’i

shërbeje më mirë atij.

Kjo qasje kërkon besim mes palëve dhe besimi ndërtohet ditë pas dite, me një prani të

vazhdueshme të punonjësit të policisë në njësinë e territorit ku banon shtetasi, në kontakte të

drejtpërdrejta njerëzore. Kjo është rëndësia e komunikimit sepse ajo ndërton ura të vendosura në

nivel kapilar mes punonjësit të Policisë dhe njerëzve në njësitë lokale, ndërton një sjellje të

qëndrueshme të opinionit publik në tërësi ndaj “Uniformes Blu” si një e tërë, ku polici është

“ligji, garanti i tij, ndihma”dhe njëkohësisht “njëri prej nesh”- me halle dhe nevoja si çdo njëri,

por në detyrë i paprekshëm.

Studimi thekson që bashkëpunimi me policinë, nuk fillon nga publiku, por nga Policia, nuk duhet

të presim të vijë publiku tek Policia, por të shkojë polici afër publikut për të mësuar prej tij çfarë

e shqetëson, çfarë ka nevojë, çfarë këshillon - kur ndodh ngjarja dihet që do shkojë Policia -

prania merr vlerë jo në kushtet e të pashmangshmes, por në komoditetin e zgjedhjes.

Marrëdhënia me qytetarët mbështetet në komunikimin e rregullt, periodik me përfaqësuesit më

afër tyre: kryeplaku, administratorët e ndërtesave, bordet e shkollave, drejtuesit e institucioneve

arsimore, pronarët e bizneseve me rëndësi specifike dhe aktorë të tjerë në nivelin lokal.

Intervistat e thelluara në këtë studim nënvizojnë që duhet të hartohen produkte konkrete, të tilla

si marrëveshje dhe protokolle bashkëpunimi dhe impakt në publikun e gjerë që falë mediatizimit


mund të shfaqin para komunitetit një polici aktive, të përgjegjshme dhe profesionalisht të denjë.

Intervistat theksojnë që shumë i rëndësishëm në këtë komunikim duhet të jetë partneriteti dhe

komunikimi me biznesin, sipas fushës së interesit.

Policia mund të përdorë përgjegjësitë sociale që realizon kompania duke i efektizuar këta zëra

financiarë në një qasje që prodhon informim dhe sensibilizim të publikut nga njëra anë dhe vlerë

të shtuar për biznesin nga ana tjetër, duke promovuar njëkohshëm rolin aktiv të Policisë përballë

nevojave të publikut.



IV. REKOMANDIME PËR POLITIKA

Rekomandimet janë bazuar:

në gjetjet e ndryshme që sjell studimi;

në zërat e pjesëmarrësve në studime dhe anketime të ndryshme përfshirë Data

Centrum, Tetor 2012, Studim mbi Dhunën në Familje dhe Policinë e Shtetit

Shqiptar; COMPORT, Janar 2014, Strategjia e Integruar e Komunikimit dhe Plani

i Komunikimit për Fushatën Sensibilizuese në pesë Sektorë të Policisë së Shtetit

Shqiptar; IDRA, Gusht-Shtator 2013, Anketa mbi nivelin e Kënaqësisë me

Shërbimet Policore, Mars 2014, Raport-Anketa mbi “Viktimat e Krimit”, Mars

2014, Raport-Anketa për Policinë Rrugore, Mars 2014, Studim mbi Policinë e

Shtetit, Mars 2014 Anketa e Policisë Kufitare, Mars 2014 Anketa mbi Kontaktin

me Policinë (129), ICLA, Nëntor 2013, Perceptime mbi Sigurinë, Rendin dhe

Punën e Policisë në Komunitet-Studim mbi Matjen e Sigurisë në Komunitet,

Dhjetor 2013, Raporti Final-Studim mbi Kënaqësinë në Punë të Punonjësve të

Policisë, ISPL Shtator 2013, Studim “Partneriteti në Kontekstin e Policimit në

Komunitet”dhe Linja e Këshillimit për Gra dhe Vajza, Shtator 2013 Studim për

Viktimat e Krimit të Dhunës në Familje dhe Sulmeve Seksuale.

në rishikimin e eksperiencave të vendeve të tjera në rajon si Kosova dhe Kroacia;

në rishikimin me sy kritik të dokumenteve ekzistuese (strategji dhe plan veprimi)

si dhe

reflektojnë konkluzionet e vetë studiuesve dhe eksperteve në këtë studim.

REKOMANDIMI 1 - Zhvillimi i një strategjie të plotë dhe të mirëfilltë për

policimin në komunitet, e mbështetur nga një plan veprimi konkret që përfshin:

të dhëna bazë si pikënisje për referencë për ndërhyrjet (baseline),

synime dhe objektiva konkrete dhe të matshme,

përgjegjësi konkrete nga institucionet si në nivel qendror ashtu dhe lokal,

afate konkrete kohore dhe

buxheti për të mbështetur veprimet si dhe


mjete verifikimi dhe procese monitorimi për të treguar se si do të monitorohen

dhe maten rezultatet.

Planet e veprimit në nivel qarku të jenë kapituj të planit të integruar dhe planet e

veprimit të njësive dhe departamenteve të jenë të lidhura respektivisht.

Institucionalizimi i reformave dhe ndryshimeve në mënyrë që ato të jenë të qëndrueshme

vazhdon të jetë një sfidë si për qeverinë ashtu dhe për vetë policinë si institucion.

Deri më sot kemi parë një model jo të qëndrueshëm, ku jane zbatuar disa reforma dhe

plane veprime në lidhje me policimin në komunitet, por ato nuk kanë qenë pjesë e një

strategjie të mirëfilltë. Referuar dokumenteve zyrtare të policisë, si planet e veprimit për

policimin në komunitet (2008- 2010, 2010 -2013), si edhe strategjitë vjetore të sigurisë në

qark për policimin në komunitet, konstatohet se ato kanë parashikuar objektiva dhe

aktivitete konkrete për realizimin e kësaj filozofie në shërbimin policor, por ato nuk kanë

qenë asnjëherë pjesë e një strategjie të mirëfillte të Policimit Komunitar si pjesë e

qeverisjes së mirë përfshirë sisteme të mirëfillta matëse, zbatuese, financuese, dhe e

bazuar në të dhëna konkrete verifikimi dhe monitorimi.

REKOMANDIMI 2 - Zhvillimi i një strategjie të menaxhimit dhe zbatimit të

ndryshimit mbi reformat në polici, për një polici me qasje të re ku reforma është

pjesë natyrale e përpjekjeve të brendshme të vetë policisë.

Shumë shpesh, shikohet se edhe kur reformat janë zbatuar dhe vlerësuar si nga sistemi i

brendshëm ashtu dhe nga vlerësues të jashtëm si p.sh. shoqëri civile apo donatorë, dhe

sjellin mësime mbi fusha te caktuara për tu përmirësuar ashtu dhe dëshmi të suksesit,

nuk është e qartë dhe e verifikueshme nëse reformat janë bërë pjesë e qëndrueshme e

vetë institucionit. Institucionalizimi i një reforme policore ndodh kur ajo bëhet pjesë e

rregullt në kryerjen e punës së përditshme të policisë dhe kur të gjitha strukturat si ato

qendrore dhe ato lokale, deri tek polici më i thjeshtë në detyrë, është i përfshirë, i

mirëinformuar dhe demonstron një angazhim të qëndrueshëm për reformën.

Për këtë, PSH duhet që të rishikojë sistemin e rekrutimit, performancën, trajnimin dhe

kualifikimet, sistemin e komunikimit dhe sistemet e shpërblimeve të cilat duhet të

reflektojnë më së miri policimin e orientuar në komunitet.

Kjo mund të realizohet nëpërmjet zbatimit të disa hapave konkrete.


Krijimi i një sistemi komunikimi të brendshëm me të gjitha institucionet dhe

njësitë e policisë për t’i informuar ata mbi procesin, për t’i përfshirë ata në

diskutime mbi pjesë të ndryshme të strategjisë dhe planit të veprimit dhe, për të

marrë mendimet e tyre dhe eksperiencën sidomos të punonjësve në terren.

Duhet kryer një sistem vlerësimi i të gjithë policëve për të matur nivelin e

njohurive dhe formave të të sjellurit sipas filozofisë së policimit në komunitet.

Krijimi i kapaciteteve në polici me qasjen e policimit në komunitet: Kjo mund

të bëhet si duke:

futur në kriteret e rekrutimit të punonjësve të rinj aftësitë për policimin

në komunitet, ashtu edhe

duke ngritur një sistem trajnimi të fokusuar ndaj policimit në komunitet.

Futja e kritereve të Policimit në komunitet në sistemin e vlerësimit, matjes së

performancës (si në nivel individual ashtu dhe njësie) dhe në sistemin e

shpërblimeve individuale.

REKOMANDIMI III - Kryerja e një strategjie dhe planveprimi për përfshirjen dhe

bashkëveprimin e komunitetit si pjesëmarrës, kontribues dhe përfitues i Policimit

në komunitet.

Policimi në komunitet është një nga çështjet me të rëndësishme të vendosura në

prioritetet e Policisë së Shtetit Shqiptar. Dhe për komunitetin në përgjithësi përfshirë

banorët, bizneset, shkollat etj, siguria është një çështje prioritare. Siguria dhe pasiguria

ndikon në mënyra të ndryshme mbi jetën socio-ekonomike të komunitetit, përfshirë

perceptimet mbi sigurinë fizike, mjedise të sigurta të jetesës, si dhe aktivitetet

ekonomike, kulturore apo sociale, etj.

Duke përfaqësuar një nga ofruesit kryesorë të sigurisë, policia duhet të luajë një rol

kryesor në krijimin e kushteve në të cilat komuniteti percepton siguri në ambientin ku

jeton dhe ndërvepron. Gjithsesi ata që preken ose ndikohen më shpesh nga ndjenja e

sigurisë në veprimet dhe sjelljet e tyre kanë pak mundësi për t'u përballur, takuar ose


angazhuar në mënyrë konstruktive me policinë. Kjo mund të rezultojë shumë shpesh në

ndjenja mosbesimi që komuniteti tregon ndaj policisë dhe punës që ajo kryen në

komunitetet ku punonjësit e policisë shërbejnë.

Kur bëhen ndryshime organizative, veçanërisht në drejtim të një filozofie që kërkon

ndërveprimin e komunitetit, përfshirja e komunitetit është një element i nevojshëm që

duhet të merret parasysh në realizimin e këtij procesi.

Për këtë, në planin e veprimit duhet të futen masa të tilla si :

Konsultimi me komunitetin që në fazën e ngritjes së strategjisë së re të

policimit në komunitet nëpërmjet strukturave të ndryshme ekzistuese si

forumet mësues- prindër- nxënës në shkolla, shoqata dhe forume lokale të grave,

të të rinjve, të grupeve të komuniteteve të diskriminuara si Romët, Egjiptianët,

LGBT, forumet e bizneseve, komunitetet fetare, etj. Në këtë aspekt një rol me

rëndësi marrin dhe organizatat e shoqërisë civile, si ato në nivel qendror dhe ato në

nivel lokal. Ndërgjegjësimi i komunitetit dhe përfshirja në atë që ka të bëjë me një

filozofi të re organizative të policimit mund t’i japë mundësinë qytetarëve për të

ofruar të dhëna të vlefshme e nevojshme për ndryshimet e planifikuara.

Socializimi dhe komunikimi i konceptit të policimit në komunitet në nivel

lokal / komunitar. Një strategji e qartë duhet të formulohet për të informuar

publikun mbi konceptin e policimit në komunitet. Është me rëndësi që

informacioni të komunikohet dhe përçohet në mënyrë të thjeshtë dhe të qartë dhe

të jetë i aksesueshëm nga të gjithë qytetarët në komunitetet e tyre.

Policimi në komunitet si një model pune i punonjësve të policisë. Përpara se të

shkojë afër publikut, punonjësi i Policisë duhet të kuptojë se uniforma që mban

është më e rëndësishme se pozicioni që ka – kjo do të thotë se çdo qytetar që i

drejtohet atij duhet të marrë një përgjigje të sjellshme dhe ndihmuese, pavarësisht

nëse ka lidhje me shërbimin konkret që mbulon – brenda aksiomes “çdo punonjës

policie është zëdhënës i saj dhe çdo zyrë policie është POLICIA”;

Kjo kërkon një vetëdije të re të punonjësit dhe të strukturës për të menaxhuar

kontaktin e drejtëpërdrejtë me njerëzit, duke qenë të sjellshëm, të shpejtë në

adresimin e problemeve dhe të thjeshtë në zgjidhje.

Për të patur këtë qasje nuk mjafton mirësjellja e policit; ajo duhet mbështetur nga

strukturat pritëse në komisariatet e Policisë të cilat duhet të reflektojnë qytetari


dhe standard të lartë shërbimi. Këto struktura pritëse janë impakti më i

rëndësishëm i Policisë në publik. Një qytetar ruan në kujtesë shërbimin e mirë, më

shumë sesa problemin që e ka çuar aty. Nëse një qytetar trajtohet me dinjitet në

ambientet e Policisë nga punonjësi i Policisë, ai mbetet pozitiv e mirëkuptues edhe

kur “nuk mbaron punë”.

Përmirësimi i Partneritetit me Publikun e Gjerë.

Krijimi i një strukture përgjegjëse në qendër me këto detyra:

- udhëheqje metodologjike për drejtoritë e qarqeve në hartimin e planeve të

veprimit për policimin në komunitet;

- monitorim i centralizuar i zbatimit të planeve të veprimit nga struktura

përgjegjëse;

- raportim periodik e publik për zbatimin e planit të integruar të veprimit;

- koordinim i veprimeve për zbatimin e dekoncentruar të PIV nga drejtoritë

në qarqe;

- zhvillimi dhe përdorimi i metodave për monitorimin e zbatimit të

aktiviteteve dhe vëzhgimin periodik të perceptimit të publikut për

efikasitetin e ndërveprimit të policisë me komunitetin e gjerë.

- Caktimi i një pike fokale në çdo komisariat për çështjet e policimit në

komunitet;

REKOMANDIMI IV - Kryerja dhe zbatimi i një sistemi të detajuar (periodik) të

matjes së performancës dhe perceptimeve mbi performancën e policisë, nga forume të

ndryshme të komunitetit dhe shoqërisë civile (përfshirë mediat).

Aktualisht, ekzistojnë një sërë studimesh të kryera nga OSHC-të me të cilat PSH mund të

ngrejë një sistem të dhënash bazë, që të përdoren si sistem referimi nga PSH për matjen e

opinionit publik dhe grupimeve të ndryshme shoqërore si dhe perceptimet e tyre në lidhje

performancën e Policisë. Ky sistem i matjes së perceptimeve duhet të mbështetet si nga

PSH ashtu dhe nga aktorë të ndryshëm të OSHC-ve për të sjellë vlerësime të jashtme që

të informojnë MPB dhe PSH mbi masat që duhet të merren për përmirësimin e punës.

Të dhënat duhet të jenë të disagreguara në sa më shumë detaje për të adresuar çështje që

vijnë nga grupime të ndryshme demografike si gjinia, mosha, rajoni, niveli i arsimimit,

etnia, etj


REKOMANDIMI V - Formulimi dhe zbatimi i një strategjie të re komunikimi.

Strategjia e re e komunikimit duhet të përfshijë forma të reja të Komunikimit si me

komunitetin e gjerë ashtu dhe me palët e tjera të shoqërisë me anë të një qasje të re

komunikimi - (Mediat, Bizneset, Shkollat, Viktimat e krimit, Viktimat e dhunës,

Komuniteteve të ndryshme të prekura nga çështje të rendit apo sigurisë por jo vetëm,

viktimat e gjakmarrjes, komunitetet Rome dhe Egjiptiane, komuniteti LGBT, drejtuesit e

automjeteve etj).

Rekomandime të shumta dhe konkrete janë paraqitur në studimet dhe raportet e fundit të

paraqitura si nga Donatorë të ndryshëm (OSCE, ICITAP, PAMECA, SACP) ashtu dhe

nga shoqëria civile. Me poshtë po përmendim disa prej tyre, vetëm për qëllim orientimi.

Me rëndësi ngelet që rekomandimet e këtyre studimeve të mblidhen në një dokument

të integruar dhe të kthehen në një dokument strategjik të zbatueshëm me masa dhe

plane konkrete.

Hartimi dhe miratimi i një manuali për prezantimin në media të policimit në

komunitet. Manuali mund të përfshijë formate dhe metoda komunikimi për

zhvillimin e fushatave ndërgjegjësuese, të fushatave për sigurinë publike, për

sigurinë e trafikut, për informimin e qytetarëve mbi rrugët e ankimimit në polici

etj;

Të përmirësohet imazhi publik i policisë duke përforcuar marrëdhëniet me

komunitetin, duke vënë theksin në aspektet pozitive, gatishmërinë dhe shërbimet

që Policia e Shtetit ofron për komunitetin në përgjithësi dhe për rastet e dhunës në

familje në veçanti, dhe tek profesionalizmi, paanshmëria dhe zbatimi i etikës nga

punonjësit e saj;

Të rritet ndërgjegjësimi për rolin real të policisë dhe efikasitetin e saj aktual

përmes:

• Rritjes së pranisë dhe paraqitjes së aktivitetit të policisë në media (televizione

dhe programe radiofonike, artikuj në gazeta e revista). Në këtë mënyrë do të jepet

saktësisht dhe plotësisht roli i policisë në përgjigje ndaj dhunës në familje, duke

siguruar shpërndarjen e informacionit të drejtë tek audienca. Duke qenë se media


më e ndjekur dhe burimi kryesor i informacionit mbetet televizioni, është e

preferueshme të krijohen marrëveshje me televizionet kombëtare dhe ato lokale

për të krijuar hapësira televizive të herë pas hershme për policinë dhe çështjet e

dhunës në familje.

• Zhvillimit të një lidhjeje (link) brenda faqes së internetit të Policisë së Shtetit që

të ofrojë informacion konkret, të detajuar dhe praktik, këshilla mbi dhunën në

familje, të prezantojë rolin e policisë dhe informacione të tjera të nevojshme rreth

shërbimeve në dispozicion, duke pasur si target grup të rinjtë, si përdoruesit

kryesor të internetit, që janë gjithashtu përcjellës shumë të mirë të informacionit.

• Organizimit të aktiviteteve brenda ambienteve të komisariateve të policisë ku të

ftohet komuniteti dhe përfaqësues të institucioneve e organizatave të ndryshme që

punojnë në këtë fushë në raste ngjarjesh specifike, për të prezantuar rolin, risitë

apo arritjet e policisë.

Për një strategji më të mirë ndërgjegjësimi e komunikimi me viktimat dhe

publikun e gjerë duhet:

të nxitet dalja e spoteve publicitare në mediat audiovizive kundër dhunës në

familje dhe formave të mbrojtjes së viktimës.

Nxitje me informacion dhe subvencione të ndryshme të shfaqjes të filmave

të huaj në kinematë dhe ekranet televizive shqiptare që trajtojnë probleme

të dhunës në familje, trajtimit human të të moshuarve, të të sëmurëve, etj.

Nxitje e bisedave në studio televizive e radiofonike me temë nga

problematika e marrëdhënieve humane në familjen bashkëkohore dhe

solidaritetit familjar.

Rishikimi nga grupe individësh dhe qytetarësh aktivë, specialistë, prindër,

mësues, etj., lidhur me cilësinë dhe përmbajtjen e teksteve të edukimit

qytetar e seksual në shkolla, në të gjitha nivelet e arsimimit, që lidhen me

familjen dhe kundërshtimin e dhunës familjare.

REKOMANDIMI VI - Përmirësimi i bashkëpunimit dhe bashkërendimit të punëve

ndërinstitucionale.

Megjithëse PSH perceptohet të ketë një bashkëveprim dhe koordinim me Institucionet e

ndryshme shtetërore, në kuadrin a policimit në komunitet kërkohet një qasje e re

multidimensionale dhe ndërinstitucionale.


Gjetjet tregojnë se partneriteti ekzistues konsumohet shpesh në formën e ndarjes së

informacionit në grupe teknike ndërinstitucionale, ndihmës së ofruar nga policia për

kryerjen e detyrave ligjore nga partnerët shtetërorë ose në zbatimin e kompetencave të

përbashkëta në fushën e rendit dhe të sigurisë. Në kuadrin e strategjisë së re të policimit

në komunitet, potenciali i këtij bashkëpunimi duhet parë shumë më i madh se kaq. Për të

bërë të mundur shfrytëzimin e plotë të këtij potenciali, rekomandohen 2 (dy) linja

veprimi:

- të nxitet interesi i partnerëve shtetërorë për forma të reja bashkëpunimi me policinë;

- të formalizohet ligjërisht detyrimi i partnerëve shtetërorë për t’u përfshirë aktivisht në

proceset e rëndësishme të planifikimit dhe monitorimit të policimit në komunitet.

Gjithashtu rekomandohet ngritja e një komiteti koordinues për policimin në

komunitet, sipas modelit të krijuar nga Vendimi i Këshillit të Ministrave nr. 334,

datë 07.02.2011 “Për mekanizmin e bashkërendimit të punës për referimin e

rasteve të dhunës në marrëdhëniet familjare dhe mënyrën e procedimit të tij.’’

Një formë tjetër bashkëpunimi mund te konsiderohet dhe organizimi në mënyrë

sistematike i trajnimeve të përbashkëta me punonjës të institucioneve të ndryshme,

që merren me çështje ndërinstitucionale, si psh në rastin e dhunës në familje

(policia, bashkia, gjykata, prokuroria, zyra e përmbarimit, shkollat, qendra

shëndetësore etj.) të fokusuara tek ndryshimet ligjore, strukturat e reja etj., çka do

të sillte edhe rritje të ndërgjegjësimit për rolin e gjithsecilit, kuptimin e

pikëpamjeve dhe shqetësimeve përkatëse, si dhe forcimin e marrëdhënieve

ndërinstitucionale.

Rekomandimi VII - Për përmirësimin e bashkëpunimit mes policisë dhe partnerëve

të shoqërisë civile:

-Policia e Shtetit duhet të jetë aktive në kërkimin dhe zbatimin e formave praktike të

ndërveprimit me OSHC-të;

- Policia e Shtetit duhet të krijojë sisteme të ndryshme si psh marrëveshjet dhe

memorandume bashkëpunimi të lidhura me detyra dhe objektiva konkrete nga secila palë

dhe të krijojë sisteme të matjes së performances dhe raportimit periodik.

- Çdo drejtori e policisë në qark duhet të ndërtojë një databazë të plotë me emrat, adresat

dhe pikat e kontaktit të organizatave jo qeveritare aktive në fusha të tilla si dhuna në


familje, të drejtat e grave, të drejtat e të miturve, trafiqet, gjakmarrja etj. Konsultimi i

këtyre subjekteve të bëhet sipas një kalendari të mirëpërcaktuar vjetor dhe në mënyrë

publike;

- Çdo drejtori e policisë në qark duhet të zhvillojë këshillime të thjeshta e periodike me

përfaqësues të biznesit në qark;

-Policia duhet të raportojë periodikisht dhe publikisht për ecurinë në zbatimin e

memorandumeve.

REKOMANDIMI VIII - Për përmirësimin e kushteve të punës së policisë dhe

infrastrukturës së saj.

Kanë nisur tashmë një sërë veprimesh të mbështetura si nga Qeveria Shqiptare, MBP,

PSH, ashtu dhe donatorë të ndryshëm në lidhje me përmirësimin e kushteve të punës të

policisë dhe infrastrukturës. Duke qenë se, ekzistojnë dokumente të tjerë strategjik me

rekomandime specifike të disponueshme nga MPB dhe PSH nuk duam të sjellim ndonjë

rekomandim specifik në këtë kuadër.

Gjithsesi, siç rezulton dhe nga gjetjet, kushtet e punës dhe infrastruktura janë faktorë të

rëndësishëm jo vetëm për performancën dhe jetën profesionale të vetë punonjësve të

policisë (përfshirë lehtësirat në zbatimin e punës së tyre të përditshme si dhe moralin dhe

motivimin e punonjësve), por kanë një ndikim shumë të prekshëm tek perceptimi i

qytetarëve dhe anëtarëve të komunitetit në lidhje me punën që kryen dhe shërbimet që

ofron policia.

Në këtë kuadër do të rekomandonim që MPB dhe Policia të përfshinte në strategjinë e re

dhe plan veprimin për policimin në komunitet në menyrë të integruar masat, progresin

dhe arritjet në lidhje me përmirësimin e Ambienteve dhe infrastrukturës; Pajisjet,

Trajtimin financiar, si dhe Masat për Riorganizimin dhe Funksionimin e Strukturave të

PSH.

BIBLIOGRAFIA

COMPORT, Janar 2014, Strategjia e Integruar e Komunikimit dhe Plani i Komunikimit për

Fushatën Sensibilizuese në pesë Sektorë të Policisë së Shtetit Shqiptar.


Data Centrum, Tetor 2012, Studim mbi Dhunën në Familje dhe Policinë e Shtetit Shqiptar

IDRA, Gusht-Shtator 2013, Anketa mbi nivelin e Kënaqësisë me Shërbimet Policore.

IDRA, Mars 2014, Raport-Anketa mbi “Viktimat e Krimit”.

IDRA, Mars 2014, Raport-Anketa për Policinë Rrugore.

IDRA, Mars 2014, Studim mbi Policinë e Shtetit.

IDRA (2014), Anketa e Policisë Kufitare.

IDRA (2014), Anketa mbi Kontaktin me Policinë (129)

ICITAP, Shkurt 2014, Raport për Kushtet e Punës të Punonjësve të Policisë në terren.

ICLA, Nëntor 2013, Perceptime mbi Sigurinë, Rendin dhe Punën e Policisë në Komunitet-

Studim mbi Matjen e Sigurisë në Komunitet.

ICLA, Dhjetor 2013, Raporti Final-Studim mbi Kënaqësinë në Punë të Punonjësve të Policisë.

Instituti për Studime Publike dhe Ligjore, Shtator 2013, Studim “Partneritet në Kontekstin e

Policimit në Komunitet”

Kosovo National Strategy and Action Plan for Community Safety 2011-2016.

Kroata Action Strategy on Community Policing

Ligji No. 9749, date 04/06/2007 mbi PSH në Republikën e Shqipërisë

Linja e Këshillimit për Gra dhe Vajza, Shtator 2013, Studim për Viktimat e Krimit të Dhunës në

Familje dhe Sulmeve Seksuale

Plan - Veprimi për sigurinë në komunitet (2011 – 2013), prot nr 100

SEESAC (2006), Philosophy and principles of community-based policing.

Senior Police Adviser to the OSCE Secretary General, OSCE (2008), Good Practices in Building

Police-Public Partnerships.

Strategjia e Policisë së Shtetit 2007-2013.

The National Institute of Justice, US Department of Justice, July 2003, Marketing Community

Policing in the News: A Missed Opportunity?.


FALENDERIME Falenderojmë Ministrinë e Punëve të Brendshme, Programin SACP dhe Drejtorinë e

Përgjithshme të Policisë së Shtetit për besimin që na dhanë për kryerjen e këtij studimi dhe

mbështjetjen e dhënë gjatë të gjitha fazave të procesit.

Falënderojmë përfaqësuesit e intervistuar nga Ministria e Arsimit dhe Sportit, Ministria e

Mirëqënies Sociale dhe Rinisë, Ministria e Trasportit, Ministria e Shëndetësisë, Avokati i

Popullit dhe Komisioneri për Diskriminimin për vëmendjen dhe kohën e përkushtuar gjatë gjithë

intervistave të realizuara.

Në mënyrë të vecantë falënderojmë përfaqësuesit e institucioneve ndërkombëtare që mbështetin

Policinë e Shtetit, ICITAP, PAMECA dhe OSCE për kohën e përkushtuar këtij studimi dhe për

shkëmbimin më grupin e punës te informacioneve dhe raporteve të tyre për Policinë e shtetit

shqiptar.

Gjithashtu falënderojmë të gjitha ata përfaqësues institucioneve publike lokale (Drejtorive

Arsimore Rajonale, Spitale rajonale, Prefekturë, Prokurori, Drejtori rajonale të shërbimit social,

Njësi për mbrojtjen e familjes, Drejtori e koordinimit dhe zhvillimit në qarqe, Zyra të gjendjes

civile, Shkolla të mesme, Bashki, Kryetar komunash, Kryeplak etj.) dhe të shoqërisë civile të

intervistuar në Tiranë, Durrës, Shkodër, Elbasan, Fier, Korçë, Vlorë, Dibër, Gjirokatër dhe

Sarandë për mendimet, vlerësimet dhe sugjerimet e tyre në lidhje me punën e policisë së shtetit.

Me shumë vlerë për këtë studim ishin edhe mendimet dhe vlerësimet e të gjithë gazetarëve të

intervistuar të cilët i falënderojmë për kontributin e tyre shumë të rëndësishëm për këtë studim.

Falënderojmë të gjitha ato institucione lokale të PSH që u përfshinë, duke bashkëpunuar dhe

lehtësuar procesin e mbledhjes së të dhënave:

Drejtoritë Rajonale të Policise Kufitare të Tiranës, Durrësit, Shkodrës, Gjirokastrës, Korcës, si

edhe Policinë Kufitare në Pikat e Kalimit në Aeroportin Ndërkombetar të Tiranës, Portin e

Durrësit, Muriqan, Kakavijë dhe QafëThanë;

Drejtoritë e Policisë dhe Sallat Operative (129) në 12 Qarqet e Policisë;

Komisariatet e Policisë nr. 1, 2, 3 në Tiranë dhe Komisariatet e Policisë të Shkodrës, Lezhës,

Fierit, Lushnjës dhe Korcës.

Ky studim nuk mund të realizohej pa kontributin e veçantë të të gjithë qytetarët që u bënë pjesë e

katër anketimeve gjatë këtij studimi dhe të stafit mbështetës të ICLA dhe IDRA që me shumë

përkushtim mblodhën dhe analizuan të dhënat.

Grupi i punës i realizimit të këtij studimi u përbë nga Eldisa Zhebo, Auron Pasha, Entela

Kaleshi, Enton Çoku, Fajket Agalliu.

Documents

POLICIA, RENDI, SIGURIA DHE MARRËDHËNIET ME KOMUNITETIN