Wisawaltukwate’w aqq Ktikik Ne’sijik Muinaq

Copyright © 2011 Eskasoni School BoardProduced and published by Ta’n L’nuey Etl-mawlukwatmumk (TLE) Mi’kmaw Curriculum Development Centre in Eskasoni, Nova Scotia, Canada, under the authority of the Eskasoni School Board, with support from the Canadian Heritage Aboriginal Languages Initiative and Mi’kmaw Kina’matnewey. All rights reserved. No part of TLE curriculum materials may be reproduced in any form or by any means without the written permission of the Eskasoni School Board.

Wisawaltukwate’w aqq Ktikik Ne’sijik MuinaqWritten by Barbara SylliboyIllustrated by Réjay Gould

3

Na’ to’q wikisnaq nutqwe’kaq muinji’jaq teluisitaq Wisawaltukwate’w. Newte’jkek na’kwek naji-ala’sit kisoqe’k.

4

Nemitoq wenji’kuom, na eliet naji-mte’saqte’ket. Pantepit ka’qn, mu wen eymuk, na skimtuk piskwa’t.

5

Nemiajik ne’sijik eptaqnk waju’ejik peltekewey ke’kupultijik patawti-iktuk. Weji-wtutk peltekewey etek meskilte’wl eptaqn. “Awsami eptek” telimsit.Weji-wtutk peltekewey etek a’qatkilte’wl eptaqn.“Awsami-tkik” telimsit. Weji-wtutk peltekewey etek apje’jite’wl eptaqn. “Ula peltekewey maw-wikk, mu awsami eptenuk aqq mu awsami-tkinuk” telimsit aqq ketmaqsetkek.

6

Eliet a’se’k, na nemitoql ne’siskl kutputi’l. Epa’sit meski’kewey kutputi. “Ula kutputi awsami-msiki’k,” telimsit. Epa’sit a’qatki’kewey kutputi.“Ula kutputi, me’ awsami-msiki’k,” telimsit. Na epa’sit apje’jkewey kutputi. “Ula kutputi tetpaqki’k” telimsit. Na ta’n tujiw ilkopaqjetesink sioqteskikek kutputiek!

7

Klapis Wisawaltukwate’w poqji-ktuksia’t. So’qiet ke’kwe’k naji-kwilk ta’n lisma’sitew. Na nemitoql ne’siskl npo’qnn etekl. Elisma’sit meski’kewey npo’qn na’sik telo’tk awsami-mlke’k. Elisma’sit a’qatki’kewey npo’qn, na’sik telo’tk awsami-pekwateskmumk nekmowey. Elisma’sit apje’jkewey npo’qn, na nekmowey maw-wlismuktmumk,na nepataq.

8

Na Muinaq pejita’jik wikuaq. Ankmayiw kejitu’tij na’tuen kisi-piskwa’t wikuaq. “Na’tuen kisi-wtutk nilu!” teluet Muin.“Na’tuen kisi-wtutk nilu!” teluet Muini’skw.“Na’tuen kisi-wtutk nilu aqq ketmaqsetkek!” teluet Muinji’j.

9

Muinaq elta’jik a’se’k. “Na’tuen kisi-pmkopa’sit nkutputim!” teluet Muin. “Na’tuen kisi-pmkopa’sit nkutputim!” teluet Muini’skw. “Na’tuen kisi-pmkopa’sit nkutputim aqq kaqi-sioqteskikek!” teluet Muinji’j.

10

Na Muinaq so’qita’jik ke’kwe’k.“Na’tuen kis-lisma’sit ntupunk!” teluet Muin. “Na’tuen kis-lisma’sit ntupunk!” teluet Muini’skw.“Na’tuen kis-lisma’sit ntupunk aqq me’ elisink!” kesikawa’toq Muinji’j.

11

Na Wisawaltukwate’w tuktesink. Nemiajik Muinaq kaqamultijik, taklapewo’jultijik, na awnasi menju’naqiet aqq tewa’tukwi’k. Elmitkwi’k wikuaq. Aqq mu app Wiswaltukwate’wo’q eliekaq ta’n wikultilij Muinaq.

Copyright © 2011 Eskasoni School BoardProduced and published by Ta’n L’nuey Etl-mawlukwatmumk (TLE) Mi’kmaw Curriculum Development Cen-tre in Eskasoni, Nova Scotia, Canada, under the authority of the Eskasoni School Board, with support from the Canadian Heritage Aboriginal Languages Initiative and Mi’kmaw Kina’matnewey. All rights reserved. No part of TLE curriculum materials may be reproduced in any form or by any means without the written permission of the Eskasoni School Board.