Mbuno dza ndeme dzine vha tea u dzi ḓivha nga ha vhulwadze ha

Khwanḓa na Mulomo

Mbuno dza ndeme dzine vha tea u dzi ḓivha nga ha vhulwadze ha Khwanḓa na Mulomo

Ri ṱoḓa uri VHONE vha lwe kana vha fhelise Vhulwadze ha Khwanḓa na Mulomo

Vhulwadze ha khwanḓa na mulomo ndi vhulwadze vhune ha langea u ya nga Mulayo wa Malwadze a Zwipuka, wa 1984 (Mulayo wa vhu 35 wa 1984) nahone a u hu na dzilafho ḽa u vhu fholisa kha zwipuka zwa khwanḓa mbili.

Vhaṋe vhazwipuka vha na vhuḓifhinduleli ha mutakalo wa zwipuka zwavho nahone vha nga tshutshiswa nga fhasi ha Mulayo wa Malwadze a Zwipuka, wa 1984 (Mulayo wa vhu 35 wa 1984) na Mulayo wa Tsireledzo ya Vhashumisi, wa 2008 (Mulayo wa vhu 68 wa 1984) arali vha tshi pha ḓaladza FMD.

FMD vhu vhangiwa nga tshitshili, tshine tsha kavha zwipuka zwine zwa vha na khwanḓa mbili, nga maanḓa kholomo, nngu, mbudzi na nguluvhe.

Ndi vhulwadze ha masambi. Ngauralo, arali tshipuka tshithihi kha sambi tsha kavhiwa zwi tea u dzhiiwa uri sambi ḽoṱhe ḽo kavhiwa.

Vhu vhanga mufhiso une wa tevhelwa nga u bva mapone nga maanḓa nga ngomu mulomoni na milenzheni.

Arali vhu sa khou langiwa vhu a phaḓalala nga u ṱavhanya. FMD vhu kwama ikonomi ya shango vhunga vhu tshi kwama vhubindudzi ha dzitshaka . FMD a vhu kavhi vhathu. Arali vha vhona tsumbadwadze dza FMD, vha humbelwa uri vha ḓivhadze rathekiniki wa

Mutakalo wa Zwifuwo, Vhaofisiri vha u thusa kana Mulafhazwifuwo.Mulangi wa mutakalo wa zwipuka a nga ḓivhadza maga a u langa o fhambanaho, kanzhi izwi

zwi katela na u valelwa thungo ha zwipuka, u langa u tshimbila ha zwipuka na zwibveledzwa zwa zwipuka na muhayo.

Ndi vhone fhedzi vhane vha nga tsireledza zwipuka zwavho zwa khwanḓa mbili kha FMD!!!

Arali vha tshi ṱoḓa maṅwe mafhungo, vha humbelwa uri vha kwame mulafhazwifuwo wa muvhuso kana wa phuraivete.

Vha songo ofha u kwama mulafhazwifuwo wa muvhuso/phuraivete /rathekiniki wa mutakalo wa zwifuwo arali vha tshi ṱoḓa maṅwe mafhungo

Malugana na mbudziso dza thekiniki vha kwame: Dairekhithoreithi: Mutakalo wa Zwifuwo

Malugana na Nḓivho na Ṱhuṱhuwedzo vha kwame:Dairekhithoreithi: Zwilinganyo zwa u Ṱunḓa na u Vhambadzela nnḓa Zwiḽiwa

Mutakalo wa ZwifuwoLuṱingo.: +27 12 319 7456Fekisi: +27 12 329 7218E-meili: Epidemiology@daff.gov.zaWebusaithi: www.daff.gov.za

Khethekanyo ya Ṱhuṱuwedzo ya Mutakalo wa ZwifuwoLuṱingo.: +27 12 319 6004/6117/6444E-meili: info.sps@daff.gov.zaWebusaithi: www.daff.gov.za