Kagawaran ng Edukasyon

Filipino 1 Pag-unawa sa Napakinggang Teksto, Kuwento

Pag-uulat sa mga Naobserbahang Pangyayari sa

Paligid

Ikalawang Markahan – Ikawalong Linggo

Jonalyn M. Dungca Manunulat

Emily Kinna B. Caluza Tagaguhit

Juvy T. Cortez Tagasuri

Reynaldo O. Comisario, Rhodora V. Mandap, Melesa L. Calapano Mga Validator

Marissa S. Muldong Tagapangulo-Katiyakan sa Kalidad

Schools Division Office – Muntinlupa City Student Center for Life Skills Bldg., Centennial Ave., Brgy. Tunasan, Muntinlupa City (02) 8805-9935 / (02) 8805-9940

2

Makatutulong ang araling ito upang malaman mo ang mga

mahahalagang elemento ng binasang teksto, alamat o kuwento.

Mababatid mo kung ano ang pamagat ng iyong binasa, sino ang

mga tauhan, saan nangyari ang nasabing kuwento, ano-ano ang

tamang pagkakasunod-sunod ng mga pangyayari sa kuwento,

ano ang damdamin ng tauhan at ano ang mensahe o

magandang-aral ng kuwentong iyong natutuhan pagkatapos

mong magbasa.

Ito rin ay magbibigay sa iyo ng kaalaman para maiulat mo

nang pasalita ang mga mahahalagang pangyayari na iyong

naobserbahan sa paligid, maaaring sa inyong bahay, paaralan,

komunidad o pamayanan at sa mga napapanood mo sa

telebisyon, cellphone at kompyuter.

Pagkatapos mong mapag-aralan ang araling ito, ikaw ay

inaasahang:

1. Nagagamit ang naunang kaalaman o karanasan sa pag-

unawa ng napakinggang alamat/teksto

(Koda: F1PN-IIe-2/F1-IVb-2)

2. Napagsusunod-sunod ang mga pangyayari sa napakinggang

kuwento sa tulong ng mga larawan at pamatnubay na tanong

(Koda: F1PN-IIf-8)

3. Naiuulat nang pasalita ang mga naobserbahang pangyayari

sa paligid (bahay, komunidad, paaralan) at mga napanood

(telebisyon, cellphone, kompyuter)

(Koda: F1PS-IIc-3; F1PS-IIIa-4 F1PS-Iva-4)

3

Panuto: Bilugan ang letra ng wastong sagot.

1.

Tungkol saan ang binasang teksto?

A. Si Lito, ang matalinong doktor

B. Si Karlo, ang masipag na tindero

C. Si Danilo, ang matapang na pulis

D. Si Kardo, ang matulungin na sundalo

2.

Tungkol saan ang binasang teksto?

A. Binyag ni Jun-Jun

B. Kaarawan ni Donna

C. Araw ng Pagtatapos ni Rodel

D. Anibersayo nila tatay at nanay

3.

Tungkol saan ang napanood niya?

A. lindol

B. sunog

C. bagyo

D. pagputok ng bulkan

Matulunging sundalo si Kardo. Siya ay tumutulong sa

pagbibigay ng mga pagkain sa mga tao.

Ika-7 kaarawan ni Donna ngayon. Masasarap ang mga

inihandang pagkain ng kanyang tatay at nanay sa kanya.

Napanood ni Karen sa cellphone ng kanyang Ate Kim ang

balita tungkol sa pagputok ng Bulkang Taal.

4

4.

Ano ang tawag sa sakit?

A. tigdas

B. lagnat

C. bulutong

D. COVID-19

5.

Bakit kaya magkakalayo sa pila

ang mga tao?

A. para mahawa ng ubo

B. para makasingit sa pila

C. para mabigyan ng premyo

D. para maiwasan ang COVID-19

Gawin ang mga sumusunod na panuto.

1. Kulayan ng kulay kahel ang loob ng parisukat.

2. Isulat ang iyong buong pangalan sa loob ng parihaba.

Napanood ni Rico sa telebisyon na mayroong isang uri ng

sakit na dulot ng bagong virus na tinatawag na COVID-19,

kaya dapat ingatan ang kalusugan.

Nakita ni Kuya Vic na magkakalayo o may pagitan ang mga

taong nakapila sa palengke ngayon.

5

3. Kulayan ng kulay dilaw ang tatlong bituin.

4. Gumuhit ng isang bulaklak sa loob ng tatsulok.

5. Gumuhit ng masayang mukha sa loob ng bilog.

Frontliners sina Tatay at Nanay

(Kuwento ni: Jonalyn M. Dungca – Guro sa Itaas Elementary School)

6

“Paalam po, Tatay at Nanay. Mag-iingat po kayo!” sigaw ng

batang si Dora sa papaalis na kotse ng kanyang mga magulang

para pumasok sa trabaho.

Isang pulis ang Tatay Berto ni Dora samantalang ang

kanyang Nanay Rosa naman ay nars.

Madalas na naiiwan si Dora sa pangangalaga ng kanyang

Lola Sisa at ng kanyang Tiya Lorna. Bilang mga frontliner, hindi na

muna umuuwi ng kanilang bahay ang kanyang tatay at nanay

upang makasigurado sila sa kaligtasan ng anak at ng iba pa

nilang kasama sa bahay.

“Lola, may tanong po ako sa inyo,” wika ni Dora. “Ano iyon, Apo?” sagot ng kanyang Lola Sisa. “Bakit po hindi na muna

makauuwi sina Tatay at Nanay rito sa ating bahay?” tanong ni

Dora.

“Dahil iba-iba ang nakakasama nilang mga tao sa trabaho.

Natatakot ang mga magulang mo na baka mahawa sila sa

COVID-19 at mahawaan nila tayo,” paliwanag ni Lola Sisa.

“Apo, di ba naipaliwanag na sa iyo ng tatay at nanay mo

ang panganib na dala ng nasabing virus?” tanong ni Lola Sisa.

“Opo, Lola, natatandaan ko rin pong ipinaliwanag nina

Tatay at Nanay na nakatatakot na sakit daw po ang

“Coronavirus” o COVID-19. Wala pa raw gamot para rito kaya

kailangan po natin ang dobleng pag-iingat. Lagi po silang

nagbibilin sa atin na maghugas palagi ng mga kamay gamit ang

sabon, mag-alcohol, magsuot ng face mask, face shield at

iwasan ang paglabas ng bahay,” wika ni Dora.

“Napanood ko rin po, Lola, sa mga balita sa telebisyon na

maraming tao na din po ang mga nagkakaroon ng sakit na

COVID-19,” sabi pa ni Dora.

“Tama ka, Dora,” sagot ng kanyang Tiya Lorna na nakikinig

din sa usapan nilang maglola.

“Habang lumilipas ang mga araw mas nadaragdagan na rin

ang mga pasyenteng nagkakaroon ng COVID-19. May mga

namamatay at mayroon din naman nakaliligtas sa sakit na ito

basta lamang malakas ang resistensiya ng katawan, iniinom ang

mga niresetang gamot ng doktor at nagdarasal sa Diyos,”

paliwanag ni Tiya Lorna.

Pagkalipas ng tatlong linggo, may natanggap na tawag sa

telepono si Lola Sisa, nagkaroon daw ng COVID-19 ang anak

niyang nars na si Rosa.

7

Iyak ng iyak ang batang si Dora nang malaman niya ang

nangyari sa kanyang nanay habang yakap siya ng kanyang Tiya

Lorna.

“Apo, huwag kang mag-alala, ginagamot naman ng mga

doktor ang iyong nanay at ipagdasal natin ang kanyang

kaligtasan. Hindi siya pababayaan ng Diyos,” paliwanag ni Lola

Sisa habang tumutulo rin ang kanyang mga luha.

“Lola, gusto ko pong makita si Nanay,” pakiusap ni Dora.

“Apo, hindi muna natin siya maaaring puntahan sa ospital

dahil sa panganib na dala ng COVID-19, tatawagan ko muna

ang tatay mo para sabihin ang nangyari,” wika ni Lola Sisa.

Pagkalipas ng halos isang buwan ay gumaling na sa COVID-

19 ang nars na si Rosa. Siya ay sinundo at nailabas na nang ligtas

sa ospital ng kanyang asawang pulis na si Berto at kapatid na si

Lorna.

Laking tuwa ni Dora sa magandang balita ng kanyang lola

at sa pagtupad ng Diyos sa kanyang dasal para sa kaligtasan ng

kanyang mahal na nanay. Masaya siyang nakatanaw sa bintana

ng kanilang bahay at hinihintay ang pagdating ng kanyang tatay

at nanay. Para kay Dora, makabagong bayani ang mga frontliner

niyang magulang dahil patuloy silang nagbibigay ng kanilang

serbisyo at tulong sa mga tao.

Tanong:

1. Ano ang pamagat ng iyong napakinggang kuwento?

________________________________________________________________

2. Sino – sino ang mga tauhan sa kuwento?

________________________________________________________________

3. Ano ang nangyari sa Nanay Rosa ni Dora?

________________________________________________________________

4. Bakit tinawag na frontliners ang mga magulang ni Dora?

________________________________________________________________

5. Paano mo ipakikita ang pasasalamat mo sa frontliners na

patuloy na naglilingkod sa mga tao ngayong panahong

mayroong COVID-19?

________________________________________________________________

8

Panuto: Pagsunud-sunurin ang mga larawan ayon sa

napakinggang kuwento. Lagyan ng bilang 1 – 5 ang patlang.

_____________________ ______________________ ______________________

Sa iyong napakinggang kuwento, mapapansin mo na

ito ay mayroong pamagat, may akda, may lugar kung saan

ito naganap at may mga tauhan. Malalaman mo rin sa

kuwento kung ano ang mga sinabi, ginawa o damdaming

ipinapakita ng mga tauhan na bumubuo rito.

Ang kuwento ay mayroong simula, gitna at wakas. Ito

ay may tamang pagkakasunod-sunod ng mga pangyayari

at magandang-aral na iyong matututuhan.

Mapapansin mo rin na mayroong iba’t ibang

pangyayari sa paligid na iyong naoobserbahan. Ito ay

maaaring sa inyong bahay, komunidad (barangay o

pamayanan) at paaralan, gayundin, may mga napapanood

kang mahahalagang balita o impormasyon sa telebisyon,

cellphone at kompyuter na makatutulong sa iyo upang

magkaroon ka ng sapat na kaalaman tungkol sa mga

nagaganap sa loob at labas ng ating bansa.

Nagpaalam si Dora sa

kanyang tatay at nanay

na nakasakay sa kotse

papuntang trabaho.

Iyak nang iyak si Dora

nang malaman niyang

nagkasakit ng COVID-

19 ang kanyang nanay

habang yakap siya

kanyang Tiya.

Nakatanggap ng

tawag sa telepono si

Lola Sisa na nagka-

COVID-19 ang anak

niyang nars.

9

____________________ _____________________

Masayang nakatanaw

sa bintana si Dora

habang hinihintay ang

pag-uwi ng kanyang

tatay at nanay.

Sinundo na si Nanay

Rosa at nailabas nang

ligtas sa ospital ng

kanyang asawa at

kapatid na si Lorna.

Pakinggan o basahin nang mabuti ang teksto, alamat o

kuwento upang iyong maunawaan kung tungkol saan

ang iyong pinakinggan o binasa.

Malaking tulong ang mga larawan sa pagsasaayos ng

tamang pagkakasunod-sunod ng mga pangyayari sa

isang alamat o kuwento.

Nag-iiwan ng magandang aral ang bawat alamat o

kuwento.

Kaya mong iulat ng pasalita ang mga naobserbahan

mong pangyayari sa iyong paligid (bahay, komunidad,

paaralan) at sa mga napapanood mo sa (telebisyon,

cellphone at kompyuter) dahil ito ay personal mong

nakita o nasaksihan.

Nakatutulong ang paggamit mo ng telebisyon,

cellphone at kompyuter sa pagkalap ng mga

mahahalagang impormasyon. Gamitin mo lamang ang

mga ito sa mabuting pamamaraan upang hindi ka

mapahamak.

10

Panuto: Lagyan ng tsek ( ) ang larawan kung ito ay nagpapakita

ng tamang gawain ngayong panahon na mayroong COVID-19 at

ekis ( X ) kung hindi.

______1. _________ 4.

________ 2. __________ 5.

_________ 3.

Panuto: Bilugan ang letra ng wastong sagot.

1. Ano ang naramdaman ni Dora nang malaman niyang

magaling na sa COVID-19 ang kanyang nanay?

A. masaya B. natakot C. nagulat D. malungkot

11

2. Ano ang bilin ng mga magulang ni Dora sa kanya upang

makaiwas sa sakit na COVID-19?

A. mamasyal sa parke

B. maglaro sa palaruan

C. maghugas ng kamay gamit ang sabon

D. magsepilyo ng ngipin pagkatapos kumain

3. Ano ang tawag, ngayong panahong mayroong COVID-19 sa

ating bansa at sa buong mundo, sa katulad ng mga magulang ni

Dora na isang pulis at nars?

A. artista B. iskolar C. kapitan D. frontliners

4. Sa panahon ngayon na may COVID-19 sa ating bansa at sa

buong mundo, ano ang kailangang isuot ng mga tao kapag

lalabas ng bahay?

A. bota B. jacket C. kapote D. face mask

5. Ano ang palaging sinasabi ng mga doktor at nars sa lahat ng

tao upang makaiwas sa sakit na COVID-19?

A. mamili sa mall

B. maligo sa dagat

C. mag-ehersisyo sa kalsada

D. manatili sa loob ng bahay

12

Susi sa Pagwawasto

Sanggunian

Missouri DHSS Department of Health and Senior Services, Novel

Coronavirus (COVID-19)

https://health.mo.gov/living/healthcondiseases/communicable/n

ovel-coronavirus/pdf/novel-coronavirus-factsheet-tagalog.pdf

RiteMed, Hand hygiene: Tamang Paraan ng Paglilinis ng Kamay

https://www.ritemed.com.ph/articles/hand-hygiene-tamang-

paraan-ng-paglilinis-ng-kamay

Susi ng Pagwawasto:

Unang Pagsubok Pagpapakilala sa Aralin (sagot sa mga tanong)

1. D 1. Frontliners sina Tatay at Nanay

2. B 2. Dora, Tatay Berto, Nanay Rosa, Lola Sisa at Tiya Lorna

3. D 3. nagkaroon ng sakit na COVID-19

4. D 4. dahil bilang isang pulis at nars, sila ay naglilingkod sa mga

tao lalo na ngayon na meron COVID-19

5. D 5. Susundin ko po ang kanilang sinabi na manatili lamang sa

loob ng bahay at ipagdadasal ko sila

Balik-Tanaw

(pagsunod sa panuto)

1.

2. Gawain Pangwakas na Pagsusulit

3. 1. / 1. A

4.

5. 2. x 2. C

3. x 3. D

4. x 4. D

5. / 5. D